Innehållsförteckning för 15 January 2026 från Huisgenoot

1 ‘EN TOE IS DIT LIEFDE’ OP DIE OSEAAN Toni en Liam Ridds het mekaar op ’n passierskip ontmoet. Binne twee dae was hulle verlief, en binne twee weke het hulle geweet hulle gaan trou Ek volg hulle op TikTok en hulle gee vir mekaar om en is gelukkig. Aan dié wat hulle oordeel, wat is fout met julle? In ons binneste is ons almal dieselfde. As jy niks goeds te sê het nie, hou jou negatiewe sienings vir jouself. KIRSTY Julle en julle verhaal is pragtig! Ja, ons jong mense kyk vandag dieper as net die velkleur. Daar is soveel ander aspekte wat baie belangriker is as ’n mens ernstig is om jou verhouding of huwelik te laat slaag. LANDY Ek het my man op 30 September 1971 ontmoet. Op…

TOETS JOU KENNIS 1 Wie is in November 2025 as burgemeester van New York verkies? 2 In watter bekende boek is Atticus Finch ’n karakter? 3 Hoeveel lopies het Laura Wolvaardt in die eindstryd van die Krieketwêreldbeker vir vroue aangeteken? 4 Wat kry jy as jy pommes frites in Frankryk bestel? 5 Die Kasteel de Goede Hoop in Kaapstad het vyf bastions: Leerdam, Katzenellenbogen, Nassau, Buuren en watter een nog? ANTWOORDE 1. Zohran Mamdani 2.To Kill a Mockingbird 3. 101 lopies 4. Aartappeltjips 5. Oranje…

DIS hoogsomer, maar die reënwolke pak laag en donker saam oor die Hoëveld. En tog, wanneer sy die voordeur oopgooi, roep Amor Vittone: “Dis so ’n mooi dag!” Sy sê dit nie net nie, sien jy, sy bedoel dit. “Kom in, julle, kom in,” sê sy. Sy’s vrolik, innemend en gasvry en so op haar gemak soos iemand wat met énigiemand kan gesels. Daar was ’n tyd, nie te lank gelede nie, toe sy gereeld op Huisgenoot se voorblad was. Daar was die voorblaaie in goeie tye – haar opspraakwekkende glansverhouding, haar verlowing, haar troue. Met haar kinders, toe nog klein. Maar daar was ook die voorblaaie in swaar tye – die verbrokkeling van haar huwelik, die lang siekte en dood van haar beroemde eksman, die twis oor sy boedel.…

SY’S gewoond daaraan om daagliks oproepe te kry van ma’s wat haar vra om vermiste-persoon-plasings te deel, families wat leiding nodig het deur die regstelsel, en oorlewendes wat hulp soek. Maar vir Sabrina Walter dra daardie desperate versoeke nou ’n nuwe betekenis – vir die eerste keer het sy staatsteun om hierdie families by te staan. As stigter van Women for Change SA, ’n organisasie wat veldtogte voer teen geslagsgeweld en vrouemoord, het Sabrina vir ontelbare Suid-Afrikaners die eerste plek geword waar hulle kan aanklop wanneer die stelsel hulle in die steek laat. “Om die eerste mens te wees na wie ’n familie uitreik – nog voor die media, nog voor die polisie, nog voor enigiemand weet wat gebeur het – dis ’n ongelooflike verantwoordelikheid,” sê sy. Net ’n paar…

DIE GERAAS VAN ’N SELFOON V My probleem is vriende op pensioen wat heeldag op hul fone is en dink alles wat vir hulle snaaks of interessant is, moet ek ook weet. Ek is 62 jaar oud en baie besig, ek het nie tyd om al die gemors te lees nie. Vir my begin dit regtig voel soos teistering, en dis besig om my gemoed heeltemal te versuur. My foon is op Sondae afgeskakel. Die geraas van oral is net te aanhoudend, en ek voel dat mense nie ander se tyd en keuses respekteer nie. Ek wil weer in beheer wees van wat vir my belangrik is – dis tog ons elkeen se vrye reg of hoe? Watter stappe kan ek neem? Hoe sê ek dat hulle moet ophou om…

■ Ek verstaan ’n slimfoon is ’n kragtige instrument wat my help om met my vriende kontak te hê, te leer en deel te neem aan die wêreld om my. ■ Ek verstaan daar is verantwoordelikhede wanneer ek ’n slimfoon besit en aanlyn is. ■ Ek verstaan die reëls hier onder word is om my te help om ’n gesonde verhouding met tegnologie te ontwikkel en die voordele te geniet terwyl die risiko’s klein gehou word. ■ Ek verstaan as ek nie die reëls volg nie, kan my foon weggeneem word en ek sal dit weer moet verdien. S Ek verstaan dat my foon gereeld deur my ouers gemonitor sal word, wat insluit my WhatsApp-boodskappe, video’s, foto’s en toepassings. ■ Ek verstaan as enigiets met my foon gebeur terwyl…

STEENBOK 21 DESEMBER – 20 JANUARIE Die planete koek steeds saam in jou teken, maar begin hierdie week stadig na nuwe weivelde toe skuif. Die nuwemaan op die 18de is in jou teken en regeer ook jou liefdeslewe. Dit wys dat jy die leiding kan neem, al voel dit eers gewaagd of buite jou gemaksone. As ’n praktiese Steenbok het jy altyd ’n plan B – dit sal waarskynlik teen die 20ste of 21ste uitgevoer word. Asem in, asem uit. WATERDRAER 21 JAN – 18 FEB Een vir een skuif die planete in jou teken in, met Venus wat op die 17de ’n beurt kry. Jy voel dalk asof jy uit ’n kokon stap. Vat dit rustig, wag ’n oomblik voor jy jou vlerke sprei. Daar is ’n hoofstuk wat…

HY HET ’n groot hart vir kinders en geniet dit as die jonges ná sy vertonings geselsies kom aanknoop en meer wil hoor oor sy musiek. Dis waar Fatman die idee gekry het om ’n kinderliedjie uit te reik, en dis hoekom “Oom Olifant” in 2024 uitgekom het. “Ek het sukses behaal met daai liedjie, want nie net het die kinders van die liedjie gehou nie, maar ook die volwassenes was lief daarvoor om dit by ’n kuiergeleentheid te speel en selfs daarop te dans,” sê hy. “Oom Olifant” het die ore van die base by Universal Music in Duitsland bereik, en toe hulle verlede jaar ’n draai maak in Suid-Afrika by die plaaslike tak van Universal Music, het hulle in gesprek met Fatman getree. “Hulle het my vertel hulle…

DIS SURREALISTIES! Vra enige musiekkenner en dié groep sal op hul lys wees vir kunstenaars wat jy in 2026 moet dophou. Nie net is hulle vir Grammys benoem nie, maar hulle het in 2025 een van die grootste liedjies, “Gabriela”, gehad. Die groep is benoem vir ’n Grammy vir die beste nuwe kunstenaar en beste groep-optrede vir daai einste liedjie. Die lirieke vir “Gabriela” is ook onder die topvyf-liedjies wat verlede jaar wêreldwyd die meeste op Google gesoek is. Nie sleg vir ’n groep wat drie jaar terug gestig is nie. “Dis ’n absolute eer om vir ons eerste Grammy benoem te wees. Ons het grootgeword deur te kyk en te droom van oomblikke soos hierdie en om dit te sien waar word, voel surrealisties,” het die groep laat hoor.…

DALK het jy ook in jou jong dae die handtekeninge van beroemdes versamel. Jy het dalk selfs nog iewers in ’n laai ’n paar papiertjies of foto’s wat deur sangers of sportsterre onderteken is. Jorge Matas steek egter nie sy versameling in ’n laai of iewers in ’n skoendoos weg nie. Hy’t byna 300 sterre se handtekeninge – maar hy het dit alles op sy lyf laat tatoeëer. As jy hom van kop tot tone bekyk, sal jy langs die pad die handtekeninge van die sportsterre Shaquille O’Neal en Floyd Mayweather, die rolprentsterre Will Smith, Leonardo DiCaprio en Michael J. Fox, en musikante soos Iggy Azalea aantref. Jorge (38), wat onder sy bynaam, “Funky”, bekendstaan, sê hy het boonop nie dié handtekeninge iewers elders afgekyk nie. Hy het al 300…

SY WAS nog altyd ’n vars bries, ’n ikoon vir vroue wat nie ’n onmoontlike uurglaslyfie het nie. In ’n bedryf waar almal altyd daarna streef om maerder, jonger en fermer te lyk, was Kate Winslet nog altyd heel tevrede om net haarself te wees. Haar tydgenote skarrel dalk agter elke gewigsverliesgier aan, boer by die plastiese chirurge en bestee miljoene om hul bates teen swaartekrag bestand te maak, maar Kate laat die plooie en rondings grasieus toe om die storie van ’n vol, gelukkige lewe te vertel. In ’n nuwe onderhoud vaar dié 50-jarige Oscar-wenner uit teen die “vreesaanjaende” obsessie met selfverbetering wat sy onder ander mense sien. “Dit is vernietigend,” het sy aan die Britse Sunday Times gesê. Soms kyk sy hoe netjies ander aktrises van haar ouderdom…

SMART en stres beïnvloed mense op verskillende maniere, en vir KATE BECKINSALE het dit voortdurende gesondheidsprobleme veroorsaak. Die Britse aktrise se merkbare gewigsverlies oor die afgelope twee jaar was die onderwerp van vele gesprekke – sommige ondersteunend, maar baie daarvan wreed. ’n Emosionele Kate (52) het onlangs op Instagram gepraat oor die afbrekende kommentaar wat oor haar lyf gemaak is nadat sy foto’s van haarself in ’n bikini en onderklere gedeel het. In ’n video vertel sy hoe moeilik 2025 vir haar was, veral ná die verlies van haar ma, Judy Loe (78), wat in Junie aan kanker oorlede is. “Ek het my 31-jarige pa aan ’n massiewe hartaanval sien sterf, en toe het ek my stiefpa sien doodgaan en my ma sien agteruitgaan en doodgaan,” sê Kate. “Dis ’n…

SY’S een van die legendes van Hollywood se Goue Era. Maar sê jy dit vir haar, vra sy: “Wanneer was dít?” Want agter die silwerdoekglans was daar min maanskyn en rose vir die ster van flieks soos The Exorcist, Alice Doesn’t Live Here Anymore en Divine Secrets of the Ya-Ya Sisterhood. Haar lewe was ’n harde leermeester, sou dié Oscar-wenner onthul. Maar dit het haar die mens en aktrise gemaak wat sy is. Ellen, oftewel Edna Rae Gillooly, is op 7 Desember 1932 in Detroit gebore. Haar ouers het geskei toe sy bitter jonk was. Haar pa was afwesig, sê Ellen, en haar ma “ ’n beheervraat en gewelddadig. Daar was hierdie patroon van straf, die gevoel jy’s nie goed genoeg nie.” Op 19 het sy haar pa gaan opspoor,…

SOMS kan ’n wonderwerk heeltemal alledaags lyk. En soms lyk ’n wonderwerk soos ’n meisietjie met ’n bonsende poniestert en ’n wit rokkie wat jou vriendelik kom groet as jy by haar ma kuier. Klein Ivoreè Jackson het onlangs vier jaar oud geword. Sy is gesond en vrolik. Maar die blote feit dat sy tot ’n gewone lewe in staat is, is iets wat baie mense op ’n stadium geglo het nooit sou gebeur nie. Nog voor sy gebore is, het dinge vir haar so donker gelyk dat dokters aan haar ma genoem het sy kan aborsie as ’n opsie oorweeg. Ons het in 2022 oor dié kleinding se ongewone geboorte berig. Haar ma, Kiara (nou 25), was met haar swanger toe sy nuus ontvang van iets so donker dat…

1 NIKS IS REGTIG VERNIET NIE Baie smaakmakers dink verkeerdelik aan gratis produkte as “geskenke”, sê die Bloemfonteinse regsfirma Mayet & Associates. Als wat jy in ruil vir sosialemedia-inhoud ontvang, word deur die SAID as belasbare inkomste beskou, en jy word volgens die markwaarde aangeslaan. Dus moet jy alle inkomste verklaar – hetsy kontant, produkte, dienste, reise of ervarings. Tipiese belasbare inkomstebronne vir smaakmakers is kontant wat betaal word vir handelsmerkvennootskappe, optredes of geborgde plasings of resensies. Onthou: Selfs al stuur die verskaffer ’n geskenk eers nadat jy hul produkte aanlyn bemark het, kan dit as belasbare inkomste beskou word. 2 JY MOET DALK AS ’N VOORLOPI GE BELASTING BETALER REGISTREER Voorlopige belastingbetalers verdien hul inkomste uit verskeie bronne dwarsdeur die jaar. Hulle betaal dan gewoonlik twee keer per jaar belasting vooruit.…

ERIK se ma sê sy het dit in die teeblare gesien. Hy kry ’n pos op Richmond en sommer sy trouvrou ook, en haar naam is dieselfde as hare. Maar een ding wat sy nie kon sien nie, was Wally Wessels. Die mees gehate man op Richmond, die skoolhoof. Berug, geslepe, gewetenloos. “Dis my way or the highway,” sê hy altyd, smalend. Uitdagend. En vir de jonge heer Erik Lourens sien hy geen plek in sy toekoms nie, al het hy belowe as Erik die aardrykskundepos aanvaar, sal hy “hier regkom en settle”. Erik ervaar onmiddellik ’n ongemaklikheid toe hy by die koshuis aankom. Wessels se vrou kyk skuldig weg toe haar man die aantreklike jong man welkom heet. Die skoolhoof is kort en geset met ’n dik swartraambril. Sy…

AS DAAR een ruimte in die medialandskap is wat tans karig onderbenut word, is dit die wêreld van Afrikaanse kinderprogramme. Destyds toe my kinders klein was, moes ek hard werk om kykstof in Afrikaans op te spoor. Ek was gelukkig genoeg om êrens in 2004 ’n uitverkoping by die SAUK-winkel in Auckland Park raak te loop, en daar het ek video’s gekoop van HAAS DAS, OSCAR & KNERSUS, WIELIE WALIE, INTERSTER en DOFFEL, BABBEL & BEKKIE. ’n Mens kon ook later die DVD-stelle by Leserskring koop van LIEWE HEKSIE en die Afrikaanse vertalings van HEIDI en NILS HOLGERSON. Maar ander gewilde vertaalde programme soos DAWIE DIE KABOUTER, MOEMIN, LUCKY LUKE en GROENIE DIE DRAAK kon ek nêrens behalwe grepe aanlyn kry nie. Ja, die kinders het wel soms eerder CBeebies…

FOTOBLOKRAAI NO 2377 KOMPETISIEVRAAG Watter soort gebou is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. WEN ’N BOEK VAN HUMAN & ROUSSEAU Hierdie week wen een leser die Suid-Afrikaanse leefstylgids vir diabetes deur Vickie de Beer, Kath Megaw en prof. David Segal (H&R, R399). Dié leefstylgids is ’n onontbeerlike hulpmiddel vir enigiemand met tipe 1-of tipe 2-diabetes. Sukkel jy met insulienweerstandigheid, metaboliese sindroom of prediabetes? Slaan diabetes betyds hok met die leefstylwenke en maklike resepte in hierdie boek. Vir die ouers van jong diabeetlyers is die boek ’n lewensredder, propvol wenke oor voedselallergieë en porsiegroottes. Daar is ook omskakelingstabelle en raad oor kampeer-en skooluitstappies, eetgoed vir partytjies, insulien (dosisse, terapie, inspuitings) en vele meer. Dié boek is ’n…

Aspoestertjie kom uit die baie Grimm storie genaamd Aschenputtel. In Duits beteken dit “asdwaas”. Die broers kry dit by Moeder Gans in Frans, waar dit Cendrillion was. Letterlik maar net “as”-meisie. Daar is skaars ’n taal op aarde wat nog nie dié feëverhaal oorvertel het asof dit aan hulle behoort nie. En die storie self duik al op, in effens ander feetjiemooi gedaantes, in antieke Egipte. Daar’s altyd ’n arme, effens patetiese hoofkarakter. Sy’s altyd gehoorsaam en nederig. ’n Deus ex machina, ek bedoel towenaar of heks, sit altyd handjie by. Sy smyt iets weg. Tipies. Dan word sy ontmasker en beloon. ’n Cinderella-storie gaan oor iemand wat onsigbaar is, wat eers oorgesien word, maar dan kry sy erkenning en ’n vegetariese makeover en haar ware kleure skyn deur. Meestal…

Waar en wanneer was jy op jou gelukkigste? Elke keer wanneer ek saam met my vrou en kinders met vakansie gaan. Wie is of was die liefde van jou lewe? My vrou, Karen. Wat is die waardevolste les wat jou geliefde jou al geleer het? Om te vergewe en te vergeet. Wat sou jy anders doen as jy jou lewe kon oorhê? Ek sou verder studeer en harder gewerk het toe ek jonger was. Toe ek jonk was, het ek nie verstaan hoe belangrik dit is om hard te werk nie. Wie sou jy die graagste vir ete wou nooi en wat sou jy vir ete maak? Nelson Mandela. Ek sou ’n wildsvleisvoorgereg, salmhoofgereg en roomysnagereg voorsit. Ons sou die hele aand soet witwyn drink, dit was sy voorkeur. Wat kan…

DIT het al so baie gebeur dat die wêreld byna ophou luister het. Daar gaan byna nie ’n dag verby dat Donald Trump nie iemand dreig of ’n apokaliptiese waarskuwing uitreik nie – maar dikwels kom daar min van. Toe die Amerikaanse president dus in Desember aankondig Venezuela se pres. Nicolás Maduro se “dae is getel”, het mense dit nie te ernstig opgeneem nie. Selfs Maduro het nie gelyk asof hy daaroor wakker lê nie. Maar terwyl die despoot met die snor by ’n Kersboom-seremonie op die verhoog met ’n sombrero op die kop saam met ondersteuners gedans het, het ’n vloot Amerikaanse oorlogskepe stilletjies langs die kus van Venezuela aangekom. Op 3 Januarie het Trump die groen lig gegee en het vliegtuie van die skepe af opgestyg. Terwyl bomme…

PERSIESE MANGO-CHIABAKKIES GENOEG VIR 4-6 MENSE / BEREIDING: 20 MIN. Chiasaad is superklein maar ook supergesond. Dis nie net ’n volledige proteïen nie, dit bevat ook goeie omega-3-vetsure en oplosbare vesel wat uitswel sodra dit meng met vloeistof. Dis vullend en een van daardie wondersade wat jy gerus op ’n daaglikse basis kan deelmaak van jou etes. Heerlik saam met mango. ◗ 1 L (4 k) natuurlike volroomjogurt (lactolite, indien verkies)◗ 125 ml (½ k) rooswaterstroop◗ 125 ml (½ k) chiasaadjies◗ 3 mango’s, geskil◗ sesamsaadjies en heuning (opsioneel) vir afronding 1 Meng die jogurt, rooswaterstroop en chiasaadjies. Skep in 4-6 bakkies en laat staan (selfs oornag) tot die saadjies goed uitgeswel is. 2 Sny helfte van die mango’s in blokkies en verpulp die res. 3 Skep ’n smeersel van die…

KINDERS SE SPINNEKOPPE VAN SUIDER-AFRIKA DEUR RUDI STEENKAMP Struik Nature, R159* “Welkom by die wonderlike wêreld van spinnekoppe” nooi die ondertitel van dié “grillerige” boek jou. (Dis net grillerig as jy nie hou van bladsye en bladsye vol kleurfoto’s van gediertetjies met harige pote en uitpeuloë nie.) As jy wonder waar spinnekoppe woon, wat hulle eet en hoe goed hulle kan sien, is dié boek propvol interessanthede vir jou. Die skrywer Rudi Steenkamp is voorsitter van die Spinnekopklub van Suider-Afrika. Hy is ook ’n makrofotograaf en het daarom die meeste van die wonderlike foto’s self geneem. Hy deel hulle op onder dié hofies: plant-, webof grondbewoners, gevaarlikes, woestyn-of waterspinnekoppe, gepantserdes, jagters en bobaas-vermommers. Op die foto hierbo is die grootste webbewoner ter wêreld: Komac se goue wawielwebspinnekop. Sy liggaamslengte (sonder…

IN YOUR DREAMS Wat ’n heerlike fliek om saam met jou gesin te kyk. Dié tekenprent gaan oor ’n jong meisie, Stevie, wat saam met haar kleinboet, Elliot, ’n boek ontdek oor die Sandman. Hy kan glo jou drome waar maak. Hoewel Stevie, wat van haar gelukkigste oomblikke in drome beleef, eers skepties is, blyk dit waar te wees dat die Sandman wel bestaan. Met haar musikant-pa wat sukkel om ’n bestaan te maak en haar ma wat moontlik ’n nuwe pos in ’n ander dorp wil aanvaar, is Stevie bang dat haar ouers gaan skei. Haar grootste wens is om hulle gesin gelukkig bymekaar te hou, al beteken dit sy en Elliot moet die nagmerries trotseer voor hulle die Sandman kan bereik. Maar soos met enige droom is…

DIE EEN OF DIE ANDER In hierdie ou lewe kry ’n mens basies net twee soorte mense. Dié saam met wie jy graag ’n drankie geniet, en dié wat jou na drank dryf. Wollie, Pretoria TYDMORS Kan jy dit glo? Ek is so pas afgedank by die horlosiefabriek. En dit nogal ná al daardie ekstra ure wat ek ingesit het. Johanna Rademeyer SKAAKMAT Twee mense is op hul eerste afspraak en dit verloop glad nie goed nie. Toe sy weer van die badkamer af terugkom, sê hy: “Ek moet ongelukkig dadelik ry, ek het pas ’n oproep gekry oor my tannie wat onverwags oorlede is.” “Ai,” sê sy. “Jammer oor jou slegte nuus, maar gelukkig beteken dit mý tannie sal nou langer lewe.” Louise Noeth KOPSKOONMAAK Ek lees nou die…

1 Leer of sinteties? Wanneer jy skoolskoene koop, dink in terme van prys per dra: hoe meer hulle die skoen gaan dra, hoe meer waarde moet jy kry. Toughees en Student Prince is goeie keuses vir ouers omdat hulle kwaliteit-leer-en sintetiese opsies bied. Leerskoene is geneig om langer te hou, neem die vorm van jou kind se voete aan, en hanteer slytasie beter – fantasties vir ouer kinders wat dit langer moet dra. Sintetiese skoene, aan die ander kant, is meer bekostigbaar en liggewig, perfek vir jonger kinders wat steeds vinnig groei. 2 Prioritiseer ’n behoorlike pas Slegpassende skoene kan tot langtermyn-voetprobleme lei. Maak seker daar is genoeg plek vir klein toontjies om te wriemel, en dat die hak nie gly nie. Skoene wat nou pas, maar geen ruimte vir groei laat…

OP DRIE jaar, sewe maande en 20 dae oud het Indië se Sarwagya Singh Kushwaha die jongste mens geword wat ’n amptelike gradering vir skaak kon kry. Om ’n gradering van die Internasionale Skaakfederasie te kry moet ’n mens ’n speler klop wat reeds ’n gradering het. Die gradering is ’n aanduiding van ’n speler se sterk punte in die sport wat gebaseer is op prestasies. Sy gradering is 1 572. Sarwagya is in ’n kleuterskool in Madhya Pradesh en het begin skaak speel toe hy twee en ’n half jaar oud was. Net ná sy derde verjaardag het hy sy eerste professionele afrigtingsessie gehad, en nou is hy deel van die sport se geskiedenis. Sarwagya se ouers sê hy stel glad nie belang in televisie kyk of met selfone…

1 In watter halfrond kom die meeste pikkewyne voor? 2 Teen watter land gaan Bafana Bafana die openingswedstryd van die 2026 Wêreldbeker speel? 3 Wie is die Griekse godin van oorwinning, wat ook die naam is van ’n klere-en skoenehandelsmerk? 4 ’n Sfinks het die kop van ’n mens en die lyf van watter dier? 5 Watter kitskosrestaurant verkoop die meeste hamburgers wêreldwyd? ANSWER 1 Die Suidelike Halfrond 2 Mexiko 3 Nike 4 Leeu 5 McDonald’s BRONNE SCIENCE.NASA.GOV, EN.WIKIPEDIA.ORG, BRITANNICA.COM, KIDS.BRITANNICA.COM, NEWSFORKIDS.NET, WEB.UB.EDU, THE-GUARDIAN.COM, EDITION.CNN.COM, STUFF.CO.NZ, ETYMONLINE.COM, BBC.COM, ABER.AC.UK, SMITHSONIANMAG.COM, NINEPLANETS.ORG, DOGONEWS.COM…

HET jy geweet die deursneemens  neem daagliks ongeveer 35 000 besluite? Ons besef dit dalk nie, maar baie van hierdie keuses vorm ons lewe. Sommige besluite voel klein – soos om te kies wat om aan te trek, wat om te eet, of hoe om ’n middag deur te bring. Ander voel groter, soos om te besluit watter skool om by te woon of om vir iets duur te spaar. Wanneer ons mooi kyk, kom baie van hierdie besluite neer op twee eenvoudige maar kragtige idees: behoeftes en begeertes. Soms is wat ons nodig het en wat ons wil hê dieselfde, wat die besluit maklik maak. Maar dikwels verskil hulle, en dis wanneer dit belangrik word om te leer hoe om ons behoeftes en begeertes te balanseer. Die vaardigheid om…

‘TENNIS is my eerste en grootste liefde. Ek slaap, eet, lewe tennis. Op daai baan weet niemand van my daaglikse struwelinge of uitdagings nie. Tennis is die plek waar ek sommer net Zarina kan wees. Soms spot my tennisfamilie dat my naam Zarina soos Serena Williams klink. Ek het tennis begin speel toe ek maar net sewe jaar oud was. ’n Familievriend het Vrydagmiddae en Saterdagoggende groeplesse aangebied. Dis waar ek begin speel het. En natuurlik was ek daardie tyd mal oor Steffi Graf. Sy was my held. Eintlik is sy steeds my held. Ek het ook ander gunstelingspelers oor die jare begin kry. Andy Roddick, Dominic Thiem en Carlos Alcaraz. Ek moet net sê ek is mal oor hoe Carlos Alcaraz tennis speel. Dis ’n kuns om hom te…

ONS eet eers met ons oë, lui ’n ou gesegde – en die lekkernye op hierdie heerlike foto’s is regtig ’n fees vir die sintuie. Kleurvolle trifle, sysagte poedings, glase spanspek-cremesoda, ’n hemelhoë hamburger, blink kase, watertand-sushi, worsies waarin jy jou tande wil insink. Dit alles en nog meer in ’n uitstalling wat gewaarborg is om jou mond te laat water en jou maag te laat grom. Maar helaas, hoe lekker die kos ook al lyk, niks daarvan is eg nie. Elke gereg is van was, PVC en silikoon gemaak en gaan meer daaroor om ’n lus vir kuns te bevredig as ’n honger vir kos. Die geregte vorm deel van ’n uitstalling met die gepaste naam Looks Delicious!, wat onlangs by Japan House Los Angeles, ’n kultuursentrum in die…