Innehållsförteckning för October 2016 från Idees

D it verstom my altyd as mense praat oor papier versus digitaal asof die twee niks met mekaar te doen het nie. En hoe dikwels hulle sommer aanneem omdat jy vir ’n tydskrif werk of verkies om jou inligting uit ‘outydse’ tydskrifte of boeke te kry, jy nie die digitale wêreld verstaan nie. Soveel te meer as jou inhoud so handgemaak is soos ons s’n. As dit lyk asof ek effe sensitief oor die onderwerp is, is dit reg: Dit ís ’n teer punt. Want toe ek vanoggend voor die bord staan en sien hoe dié uitgawe bymekaarkom, besef ek weer presies hoe wonderlik die twee wêrelde mekaar aanvul. Waar sal jy meer inspirerende handwerk sien as op die talle kreatiewe blogs en op Pinterest en Instagram? Om die waarheid…

1 Plaas die hoender in ’n groot kastrol en bedek dit met water. Voeg die ui, lourierblare, peperkorrels, seldery en gekapte wortel by. Sit die deksel op en verhit dit tot kookpunt. Laat die hoender vir ’n uur prut tot die vleis baie sag is en van die bene af begin val. 2 Sprei die repies groente op ’n bakplaat uit terwyl die hoender kook. Drup olyfolie oor en meng dit deur om die groente te bedek. Rooster dit vir 20 minute in die verhitte oond of tot die groente sag is. Haal dit uit die oond en hou dit eenkant. 3 Dreineer die hoender, maar behou die aftreksel. Gooi die aftrekselblokkie by die aftreksel en laat dit sonder die deksel prut tot die helfte weggekook het. Verwyder die hoendervel…

Maak: 8 (of 12 kleiner) kolwyntjies bereidingstyd: 20 minute baktyd: 12-18 minute, afhangend van die grootte oondtemperatuur: 175 ºC Pistasieneut-kolwyntJies • 125 ml (75 g) uitgedopte pistasieneute (jy kan ook amandels gebruik) • 190 ml Huletts white sugar • 190 ml koekmeel • 5 ml bakpoeier • 65 g sagte botter • 2 groot eiers, geskei • 5 ml vanieljegeursel • 85 ml melk glansversiersel • 250 ml Huletts Icing sugar • 2,5 ml vars suurlemoensap • vuurwarm water 1 gooi die neute en ’n derde van die suiker in ’n voedselverwerker en pols dit tot dit baie fyn is. 2 sif die meel en bakpoeier saam in ’n aparte bak. 3 room die botter en orige suiker saam tot dit lig en donsig is – dit sal ’n paar…

kruiSSteeklAp MOEILIKHEIDSGRAAD: uitdagend TYD: omtrent 1 week hekelrANd MOEILIKHEIDSGRAAD: maklik TYD: 2 uur KRUISSTeeKLAP jy beNodig • 47 x 33 cm 23-telling-linnemateriaal • stringborduurgare • bypassende gare So mAAk jy 1 Ontwerp ’n motief deur ’n kruissteekapp te gebruik (sien die stappe hiernaas). 2 Borduur die motief met drie draadjies borduurgare en werk elke kruisstekie oor twee draadjies van die materiaal. 3 Soom die vier rande van die lap met ’n dubbelgevoude soompie van 1,5 cm. 4 Hekel die omranding aan die twee kort sye van die lap (sien hieronder). HEKELRAND jy beNodig • 50 g Elle-hekelgare no. 5 • 1,75 mm-hekelpen AfkortiNgS gls glipsteek her herhaal kb kortbeen ks kettingsteek lb langbeen st(e) steek(steke) So hekel jy 1e ry: Hekel kb 5 mm diep oor rand van materiaal,…

‘Om in die tuin te werk is soos meditasie. Dit hou jou nederig: Jy kan niks forseer nie, jy moet net wag. Maar elke keer as jy iets in die grond sit, voel dit soos ’n uiting van hoop vir die toekoms - of dan ten minste vir die volgende paar maande.’ In hierdie aanhaling deur die skrywer en joernalis Julie Myerson besing sy haar liefde vir tuinmaak. Vir ywerige tuiniers is tuinmaak ’n liefdestaak en ’n manier om met die natuur en hulleself in voeling te wees. Daar is die onmiddellike genot van die son wat op jou rug bak terwyl jy met jou vingers in die klam grond woel, maar ook die genoegdoening later wanneer jy kan sien hoe jou handewerk vrugte afwerp in die vorm van pragtige…

SELFDOENBLOMKANTIENS ’n Nuwe gier het die Instagrambevolking aan die gons … of moet ons liewer sê aan die blom? Blomkantiens (of flower bars in Engels) is ’n nuwe selfdoen-tendens wat in Amerika posgevat het en nou na ander lande soos Engeland en Australië oorgewaai het. Dit het glo begin as tafels met blomme by troues waar die gaste hulle eie lapelruikers of klein rangskikkings vir hulle tafel kon maak of bloot blomme kon kies om in hulle hare of knoopsgate te sit. Die blomme word verskaf deur ’n bloemiste wat, buiten die blomme van die bruid se keuse, alles voorsien wat die gaste nodig het om hul eie blomskeppings te maak – van klein potjies en spelde tot versierings soos linte. Gaste kan dan hul blomme huis toe neem as…

WENKE VIR KERSE Laat week nuwe kerse oornag in ’n sterk soutoplossing en droog dit dan goed af. Die kerse sal nie drup wanneer dit brand nie. Week kershouers pas ná gebruik in ’n bak met warm water waarby ’n bietjie asyn gevoeg is. Vee die was met ’n sagte lap af en gooi die water in die tuin uit. Onthou, kerse met ’n paraffienwasbasis drup gewoonlik meer as kerse wat van byewas gemaak is. Sojawas los weer maklik op in water, wat beteken jy kan dit net met ’n klam lap afvee. Kleurmiddels in kerse kan vlekke veroorsaak. SLIM IDEES Maak geskenke en kaartjies mooi deur stroke kant of lint op alkantplakband vas te plak en dit dan op die geskenk of kaartjie te plak. Jy kan ook ’n…

Landwyd 9 Oktober Vier Nasionale Tuindag en al die wonderlike redes waarom tuinmaak so ’n plesier is. Laai die app ‘Gardening with Babylonstoren’ af vir gawe voorstelle – daar is hope inligting, planne én direkte toegang tot tuinkenners. Besoek die webwerf gardenday.co.za of stuur e-pos na info@gardenday.co.za. KwaZulu-Natal 29-30 Oktober Kengai Bonsai Kai hou vanaf 9 vm. sy jaarlikse skou by Laerskool Hillcrest. Daar is demonstrasies, praatjies deur kenners en bome en potte te koop. Toegang: R20. nog inligting: 083 254 1022 of mistymoonbonsai@gmail.com. GEReeLDE MARKTE • Die Family Market Mik op die eerste Saterdag van die maand na Halls Gateway langs die N4 sowat 2 km buite Nelspruit vir stalletjies met kos, organiese leefstylprodukte, kuns, handwerk, klere, antiekware, fotohokkies en veel meer. Die hele gesin sal dit gate uit…

foodiecrush.com Heidi Larsen het haar liefde vir kosmaak gekombineer met haar ou loopbaan as ontwerphoof in die uitgewersbedryf en só ontpop in ’n kosblogger wat ook foto’s neem, stories vertel en tydskrifte en e-kookboeke ontwerp. Sy skep en deel graag resepte en fokus meestal op vars, seisoenale, dikwels gesonde trooskos – met af en toe so ’n bietjie ekstra kaas en botter! Haar indeks is propvol idees oor wat om vir ete te maak – of loer na ander kosbloggers se resepte in haar aanlyn-tydskrif, Foodiecrush. younghouselove.com Sherry en John Petersik klets oor die transformasie van hulle huis en hoe hulle daar leef. Hulle het al ’n magdom selfdoenprojekte agter die blad en drie huise opgeknap terwyl hulle tussendeur kinders grootgemaak, twee boeke geskryf, produkte ontwerp en met ’n paar…

ROERBRAAI MET SAMPIOENE, BOK CHOI EN NOEDELS Genoeg vir: 4 Bereidingstyd: 30 minute Gaarmaaktyd: 10 minute • 250 g droë s omen-noedels (dun Japannese noedels) • 30 ml sojasous • 30 ml oestersous • 30 ml sojaboonsmeer (opsioneel, te kry by Chinese winkels) • 5 ml mielieblom of tapiokameel • 60 ml grondboon- of sonneblomolie • 4 knoffelhuisies, fyngedruk • 2 selderystele, in skyfies gesny • 200 g groenbone, in die lengte middeldeur gesny • 250 g portabellinisampioene, in skyfies gesny • 200 g bok choi, in drie stukke gesny • 3-4 droë rooi brandrissies, in die lengte middeldeur gesny (opsioneel) • bok choiblommetjies of mikrokruie, vir garnering 1 Kook die noedels vir omtrent 4 minute tot dit net-net sag is. Laat dit dan behoorlik dreineer. 2 Meng die…

JY benoDiG • gewone bruinpapier • mooi etikette • bypassende washi-kleeflint • handwerkmessie en snymat • staalliniaal Gebruik jou handwerkmes, snymat en staalliniaal en sny ’n vierkant uit bruinpapier. Draai die papier in ’n ruitvorm en vou die onderste punt boontoe om ’n driehoek te vorm. Vou nou die hoek regs onder tot in die middel van die sy links bo. Vou die hoek links onder net so, maar in die teenoorgestelde rigting. Vou die voorste laag van die los bopunt vorentoe maar hou die agterste laag ongevou sodat ’n sakkie met ’n regop rug gevorm word. Versier die voorkant van die sakkie met ’n etiket en washi-kleeflint voordat jy klein peuselgoed daarin sit.…

LENTEBLOEISELS Hierdie kreukeltrae geblomde rok is ideaal om in te pak vir ’n naweek weg van die huis. Rok (R799) van Queenspark. Sandale (R599) van Queue Shoes. Halssnoer (R525) van Lulu Belle. KLEUR UIT DIE TUIN Lyk en voel so vars soos ’n lenteblom in ’n T-hemp met botaniese patrone. Dra dit by ’n wit romp of langbroek. Top (R399) van Poetry. Langbroek (R799) van Mango. Ring (R259) van Lulu Belle. SOET PASTEllE Hierdie sagte rok met sy fyn blompatroon is perfek vir ’n koeler dag. Dra dit met ’n paar eenvoudige goue sandale. Rok (R749) van H&M. Sandale (R150) van Woolworths. Halssnoer (R850) van Mr & Mrs. TRIPPE, TRAPPE,TROPE Tropiese woudmotiewe is groot modenuus. Soek vir ’n item in ’n subtieler kleur sodat dit nie te besig is nie.…

MOEILIKHEIDSGRAAD: gemiddeld TYD: 1-2 dae JY BENODIG • dun trui • borduurontwerp hiernaas • DMC-borduurgare in donkergroen (895), pers (554), liggroen (472), ligpienk (761), heldersalmpienk (3801), ligte turkooisblou (598), geel (3855), turkooisgroen (3849) en helderblou (995) • borduurnaald • 50 cm Stitch-N-Tear (wat vir masjienborduurwerk gebruik word) • uitwasbare merkpen SO MAAK JY LET WEL: Pas die borduurpatroon hiernaas aan volgens die ontwerp van jou trui. Slegs ’n gedeelte van die patroon kan ook gebruik word. Die hoeveelheid borduurgare wat benodig word, sal deur jou keuse van kleur en die ontwerp bepaal word. Borduur die kleure soos jy daarvan hou. 1 As jy die ontwerp gaan aanpas, moet jy dit eers met ’n swart pen of viltpen op papier oorteken. 2 Knip nou uit die Stitch-N-Tear stroke vir die truipante…

AS DIE NUWE GIER VIR BINNENSHUISE PLANTE JOU OOK BeeT HET, IS HIERDIE PAAR PROJEKTE NET VIR JOU. KAKTUS-GESKENK Hierdie is seker een van die maklikste maniere om ’n mooi geskenk te maak. Koop verskillende kleure klippies by ’n kwekery en gooi dit in lae onderin ’n inmaakfles. Plant ’n klein kaktusplant of vetplant in kaktussand binne-in die fles en strooi nog ’n laag klippies as deklaag. Voeg mos by as jy wil, en verf dan ’n mooi blaarkaartjie wat jy saam met die geskenk kan gee (volg ons stappe op bladsy 84). Tuinstoele en -tafel en wit keramiekhuisie van Starke Ayres. VETTIES IN ’N BAKKIE ’n Mens kry deesdae oral die oulikste klein vetplante, soos hierdie klomp wat ons spotgoedkoop by ’n vlooimark gekoop het. Soek sommer terselfdertyd ’n…

As jy vanaand een ding moet neerskryf waaroor jy vandag dankbaar gevoel het, wat sal dit wees? Dalk is dit ’n kompliment van ’n vriendin of die mooi sonsopkoms op pad werk toe. Of miskien het jy onverwags goeie nuus ontvang. Dankbaarheid is ’n gevoel, maar ook ’n ingesteldheid wat jy kan aanleer. En om ’n gewoonte daarvan te maak kan jou lewe verryk, jou verhoudings verbeter en oor die algemeen van jou ’n gelukkiger mens maak, sê sielkundiges. Die Latynse woord gratia beteken ‘grasie’ of ‘dankbaarheid’. Dankbaarheid omvat inderwaarheid albei hierdie betekenisse, want dit is tegelyk ’n waardering vir wat ’n mens het, en ’n doelbewuste keuse om die lewe met grasie te benader. ’n Lewe van dankbaarheid beteken om altyd die goeie raak te sien, sê sielkundiges van…

Jy kan enigiemand in Nottingham Road in die KwaZulu-Natalse Middelland voorkeer en vra hoe om by Gill Hayhoe se winkel en huis uit te kom. ‘Draai net regs as jy by die polisiestasie kom – daardie hele deel behoort aan die Hayhoes.’ En só tref ons haar aan in haar sjarmante winkel wat van hoek tot kant gevul is met haar handelsmerk se lief-like juweliersware, handsakke, luiperdvelbelts en geurige kamersproei. Die klein voortuintjie is prentjieperfek, die winkel ruik soos ’n droom, die musiek is strelend en in haar hoëhakskoene en donsige pienk top lyk Gill inderdaad soos ’n modieuse juweliersware- en handsakontwerper behoort te lyk. ‘Ek het op ’n plaas grootgeword,’ vertel sy. ‘My pa was ’n boer en het grond in hierdie omgewing gehad. Hy het teen die einde…

BLOMME BESKIKBAAR IN OKTOBER: Agapante, angeliere, anthuriums, (sekere) astersoorte, barbertonse madeliefies, (sekere) fynbossoorte, hanekamme, inkalelies, kreefkloue (Heliconia), krisante, Latefolia, laventel, Liatris, Lisianthus, Oosterse lelies, papierblomme, (sekere) proteasoorte, ridderspore, rose, sewejaartjies, swaardlelies, tjienkerientjees, uieblomme, wildepynappelblomme, veronicas, watsonias. GROENTE Aartappels, artisjokke, aspersies, beet, blaarslaai, blomkool, boerbone, broccoli, ertjies, knoffel, komkommer, kool, pampoen, patat, preie, rabarber, radyse, rape, sampioene, seldery, skorsies, spinasiebeet, sprietuie, tamaties, uie, waterblommetjies, witwortels, wortels. VRuGTE Aarbeie, appelkose, kiwivrug, koejawels, lemoene, moerbeie, nartjies, papajas, piesangs, pomelo’s, pynappels, rabarber, suurlemoene. KRuIE Basiliekruid, brandnetels, dille, dragon, grasuie, kappertjies, laventel, lourierblare, marjolein, ment, origanum, pietersielie, roket, roosmaryn, salie, sitroengras, tiemie, vinkel.…

MOEILIKHEIDSGRAAD: redelik uitdagend TYD: 2 uur, plus droogtyd Jy benodig • gompasta (beskikbaar by bakwinkels) • blomblaarpoeier in die kleure van jou keuse en ’n sagte verfkwas • pen met eetbare ink of donker jelkoskleursel • groot blomblaar- of blomdrukker • bol-vormstuk en skuimmatjie • koekroller • bloemistedraad • bloemistekleeflint • stukke plastiekvel of plastiekkoeverte • kombuispapier • mielieblom rol die gompasta 2 mm dik uit op ’n oppervlak wat met mielieblom bestrooi is. Moenie dit te dun uitrol nie, anders sal jy nie die draad daardeur gesteek kry nie. druk individuele blomblare uit, of gebruik ’n blomdrukker en skei dan die blomblare. sit die blomblare tussen twee velle plastiek of in plastiekkoeverte en hou dit bedek met ’n klam teedoek. Ons het vyf blomblare vir elke blom gemaak. sny…

Talle nuwe geure vir die somerseisoen put inspirasie uit hul oorsprong of tradisie – ontwerpersgeure soos dié van Michael Kors, Yves saint Laurent en oscar de la Renta het die nostalgie van hulle eerste skeppings laat weerklank vind in hul jongste parfuumgeure, wat die DNS dra van hul voorlopers en voortbou op die herinneringe wat hulle oproep. Splinternuwe, moderne geure is geskep vir die sogenaamde celebrity-parfuums, wat opwindende nuwe geurervarings bied. 1 MICHAEL KORS CORAL EDP (100 ml, R1 340) Dit is ’n beperkte weergawe van ’n tintelende, sprankelende lente- en somergeur met verfrissende, sterk sitruselemente wat spreek van salige, sondeurdrenkte dae. KategoRie: blom/vrug toPNote: pienk pomelo, suurlemoen, mandaryn, pienkpeper, swartbessie HaRt: tuberoos, wat kenmerkend is van die oorspronklike Michael Kors-parfuum, jasmyntee, lemoenbloeisel, framboos Basis: sandelhout, sederhout, muskus 2 JO…

1. PLANTPORTRETTE Neem foto’s van plante in jou tuin wat jy in jou joernaal kan plak – vir die mooi én om nuttige inligting by te skryf. Jy kan dit ook op klein koevertjies plak wat jy as saadpakkies gebruik. wenk Neem Instagramfoto’s en laat dit in Polaroidstyl druk deur Nifty250 (nifty250.co.za). 2. SAADPAKKIES Plak klein bruin koevertjies met sade in jou joernaal en skryf die naam van die plant en die datum waarop jy die sade geplant het daarby. Maak ’n skets van die plant voor op die koevert. Maak jou eie koeverte met die koevertpatroon in ons webwinkel, ideasmarket.co.za. 3. TUINTABEL Hou’n tabel met basiese inligting oor die plante in jou tuin. Teken die plantnaam aan, waar en wanneer jy dit geplant het, en of dit son- of…

GESTENSILDE LAP Sonverf en ’n stensil sorg hier vir die patroon. Jy benodig • wit linne- of katoenmateriaal • stensil (of gebruik ’n doilie) • sonverf in die kleur van jou keuse So maak Jy 1 Maak die stuk materiaal nat met water en verf dit oraloor met die sonverf. Verf na willekeur sodat daar ligter en donkerder dele is wat ineenvloei. 2 Sit die stensil op die lap neer en sit dit in die son om droog te word. Hoe langer dit in die son bly, hoe duideliker sal die stensilmotief wees. LAP MET GRAFIESE PATROON Die patroon word met inkstrepe gevorm. Volg ons stappe op bladsy 78. GEBLOMDE LAP Hier het ons afgewyk van die gewone shibori-blou. Die blompatroon word eenvoudig uit inkkolle gevorm. Jy benodig • wit…

Jy benodig • varingblaar • waterverf • groot, sagte waterverfkwas • waterverfpapier • spuitgom • sneesdoekies So maak Jy 1 Kies ’n jong, sterk varingblaar wat nie sal kraak of breek wanneer jy daaroor verf nie. Spuit gom aan die agterkant van die blaar en plak dit bo-op ’n vel waterverfpapier. Sit ’n skoon vel gewone papier bo-oor en vryf daaroor om seker te maak die blaar sit stewig. Verwyder die boonste laag papier versigtig. 2 Kies jou kleure verf – ons het net drie gebruik – en druk dit uit op ’n piering. Doop jou kwas in water, verdun die verf en begin oor die blaar verf. Gebruik minder water en meer verf om die rand van die blaar sodat die detail mooi sal uitstaan, en ‘was’ dan die…

Vir groot besighede in die vervaardigingsektor is die ontwikkeling van nuwe produkte ’n baie ernstige saak wat kapitaalbesteding en veranderinge in produksieprosesse behels, maar innovasie is ononderhandelbaar as ’n maatskappy wil groei. In kleiner artisan- en kreatiewe besighede is die risiko’s verbonde aan produkontwikkeling weliswaar nie so groot nie, minder kompleks en heelwat meer buigsaam, maar dis net so belangrik om die onderneming te laat floreer. Ons het onlangs ter voorbereiding vir die nuwe seisoen ons jaarlikse produkoorsig in die bakkery gedoen. Dis nooit maklik nie. Ek versamel altyd honderde lekker idees wat ons kan navors en probeer, maar dan skiet my man gewoonlik die een ná die ander af. My frustrasievlakke skiet die hoogte in en ek begin glo ons het die simpelste bakkery ter wêreld wat vir altyd…

SOOS SKOONHEIDSROETINE Ek wonder of ander lesers ook so fanaties opgewonde raak soos ek wanneer ek my Idees (van agter af vorentoe!) begin deurblaai. Danksy julle is die dae van kopkrap oor wat om vir die kerkbasaar te maak lankal verby. My kleinseun het my geleer: ‘As Ouma eers begin vissies en broodjies uitdeel, sal daar nog oorbly ook!’ En sowaar, nadat ek my bokse vol winterbreiwerk na instansies vir behoewende kinders gestuur het, was daar genoeg oor sodat ek vir die basaars ook kon gee. Hierdie gee›geesdrif is ’n ware seën as die gogga jou eers gebyt het. Terwyl ander se bloeddruk styg oor vandalisme en ’n krieket›ses wat êrens geslaan word, sit ek met ’n hart en kop vol geesdrif en brei, hekel en borduur. Dankie, Idees, ons…

BTEKEN OP MYSUBS OP ONS DIGITALE WeeRGAWE IN EN KRY 30% AFSLAG + ’N EKSEMPLAAR VAN ONS Partytjie-Idees vir kinders TER WAARDE VAN R75 HeeLTEMAL GRATIS! BVir ’n maandelikse debietorder van R39,73 kry jy elke maand jou Ideesin gedrukte formaat. TEKEN SÓ DIGITAAL IN: 1 Gaan na www.mysubs.co.za en sluit aan OF meld aan as jy reeds aangesluit het. 2 Gaan na die blad van die item wat jy wil koop en kies dit. 3 Klik op die ‘Add to Cart’- knoppie en dan op die ‘Checkout’- knoppie. 4 Tik op dié blad jou adres in en klik dan op die ‘Pay Now’- knoppie. 5 Kies hoe jy wil betaal en jou bestelling sal bevestig word. 6 Laai die app vir MySubs+ van jou app-winkel af en meld met jou…