Innehållsförteckning för November 2016 från Idees

Dis amptelik lente, maar die Kaapse weer bly iesegrimmig. Omdat ek nie kan uitkom nie, sit ek nou die dag en kyk na wat alles beskikbaar is in die magdom aanlynwinkels waar ’n mens deesdae kan koop. Te oordeel aan die keuse van produkte en die afgemerkte pryse is die jaareindwinskopieseisoen reeds in volle gang. My oog haak spesifiek vas by die R239-verkoping. Vir man, vrou, huishen of avontuursoeker is daar iets teen dié prys. Persoonlik sou ek ’n afgeronde bedrag soos R250 gekies het - ’n bietjie duurder, maar dit klink net beter en maak die somme lekker maklik. Dit sal interessant wees om te weet hoe daar op dié bedrag besluit is. Dan wonder ’n mens hoe mense met groot gesinne nog kan Kersfees hou. Teen dié winskoop-prys…

In die gang kry jy nou nog die skilderytjie van The Little Red hen Tea Room wat in 1962 geskilder is – 16 jaar voor Frikkie en Wilna Rabe dié eiendom op voëlklip sou koop. vandaar die rooi elemente oral in die huis, wel, dít tesame met Wilna se liefde vir rooi. Daar is die rooigeverfde houtbalke, die rooi branderplank wat saam met die huis gekom het, die kussing met die rooi telefoonmotief, en die teken in die sitkamer wat sê: ‘LIFE SAvINg AppARATUS AT ThE RED hEN TEA ROOm/REDDINgSTOESTEL bY RED hEN TEEkAmER’. Dié was voorheen nader aan die strand, maar nadat die restaurant toegemaak en verkoop is en die reddingstoestel elders blyplek moes kry, het ’n buurman die teken opgetel en vir die nuwe eienaars gebring. En met…

EIERDOSIE-STEL Versier ’n eierkartonnetjie en pak dan allerlei naaldwerkbenodigdhede daarin as ’n spesiale klein geskenk. JY BENODIG eierkartonnetjie witspuitverf geblomde materiaal materiaalgom bymekaarmaakgoedjies (soos houtgaretolletjies met gare of lint, bolletjies wol, ’n borduurskêr, vingerhoed, maatband, knope, kopspelde, en dies meer) SO MAAK JY 1 Spuitverf die hele eierdosie – binne en buite – wit en laat dit droog word. 2 Meet die bokant en die binnekant van die deksel en knip stukkies geblomde materiaal volgens hierdie mates. Ons het die bokantdeel langer geknip om ook oor die voorkant van die deksel te pas. 3 Plak die stukkies materiaal met materiaalgom in posisie vas. 4 Pak die naaldwerkgoed in die boksie en bind ’n stuk lint in ’n strik daarom vas, of maak soos ons en gebruik ’n maatband…

CHARLIE CHAPLIN-SAK Soek ’n Charlie Chaplin-silhoeët op die internet, druk dit uit en sny dit uit om as ’n stensil te gebruik. Spuit gom aan die agterkant van die stensil en plak dit in posisie vas op jou wit papiersak. Gebruik ’n sponsrollertjie en swart handwerkverf vir die verfwerk. Sit ’n bietjie van die verf op ’n vel papier en rol die roller ’n paar keer daarin. Rol dan die roller rofweg heen en weer oor die stensil en die sak sodat die silhoeët duidelik sal uitstaan teen die swart agtergrond. Laat die verf droog word voor jy die stensil aftrek om jou mooi silhoeët te kry. Ons het dit afgerond met ’n strikdas-knopie. SAK MET KANT EN ’N RUIKER Knip ’n strook kant net langer as die breedte van…

GESTEMPELDE CHARLIE CHAPLIN-PAKKIE JY BENODIG bruin karton en/of bruinpapier Charlie Chaplin-prent rubberlinoleum lino-snystel koolpapier en balpuntpen swart handwerkverf en sponsrollertjie handwerkmes en snymat SO MAAK JY 1 Trek jou Charlie Chaplin-prent met koolpapier en ’n balpuntpen op ’n stukkie linoleum na. 2 Gebruik ’n skerp V-punt-stuk en sny al om die nagetrekte buitelyne voordat jy die binneste detail met dieselfde stuk wegkerf. 3 Kerf die agtergrond met ’n groot halfrondstuk weg. Kerf alles weg wat nie deel van die lino-stempel moet wees nie. 4 Knip die oortollige linoleum weg en jy het jou stempel. 5 Druk nou ’n bietjie swart handwerkverf op ’n harde oppervlak soos ’n glasblad uit, rol die sponsrollertjie daarin en rol dit oor die lino-stempel. Druk die stempel op die karton of papier. Herhaal die proses…

Wes-Kaao 31 Oktober 2016-29 April 2017 Die Galileo Open Air Theatre word aangebied by die Hillcrest Quarry, Kirstenbosch, die V&A Waterfront en talle ander plekke in die Wes-Kaap. Gaan na thegalileo.co.za vir meer inligting. 2-6 November Vanjaar se Fees-Idees-mark by Simondium’s Country Lodge tussen die Paarl en Franschhoek spog met meer as 100 stalletjies wat klere, modebykomstighede, juweliersware, dekoritems en delikos verkoop. Geniet ’n glasie wyn in die tuin as jy klaar is met jou inkopies. Die mark is van Woensdag tot Saterdag tussen 9 vm. en 5 nm., maar sluit die Sondag reeds om 3 nm. Toegang kos r30 vir volwassenes. Bel 021 874 1046 of volg @vintagewilna op Instagram. 5 November Die Franschhoek Craft Festival vind tussen 11 vm. en 5 nm. plaas by Môreson. Daar is heerlike…

vermilionroots.com Christine Leong se kookstyl is sterk beïnvloed deur haar Oosters-Maleisiese wortels en haar pa, ’n sjef, wat ’n Chinese restaurant in Kuala Lumpur bestuur het. Al woon sy nou in San Francisco en al is sy mal oor die cuisine van ander kulture, keer sy altyd terug na die kos waarmee sy grootgeword het. Talle van haar resepte is Oosters, maar eenvoudig genoeg sodat enigeen dit kan maak. Sy koop graag by markte en fokus op seisoenale plantgebaseerde resepte. sarahhearts.com Sarah Khandjian het haar blog met ’n reeks handgemaakte sakke en skermdruk-bykomstighede begin wat sy by die universiteit, aanlyn en by markte verkoop het om haar inkomste as student aan te vul. Haar daaropvolgende troue was ‘ ’n eenvoudige, handgemaakte bruilof waarvoor ek die papiergoed met die hand gedruk…

Maak: omtrent 60 Bereidingstyd: 30 minute 250gbotter 250 g ontpitte dadels, gekap 250 g droë vrugtekoekmengsel 1 groot eier 125 ml suiker 1 pakkie tenniskoekies, fyngemaak droë klapper, om in te rol 1 Smelt die botter en giet dit oor die dadels en vrugtekoekmengsel. 2 Klits die eier en suiker saam en roer dit by die vrugtemengsel. 3 Voeg die fyngemaakte koekies by en meng dit goed deur. 4 Rol die mengsel in klein bolletjies en rol elke bolletjie dan in klapper. Plaas die bolletjies in klein papierkoppies. Bêre dit in ’n lugdigte houer totdat jy gereed is om dit te verpak. VERPAK DIT MOOI Verpak die vrugtekoek-en-dadelbolletjies net so in hulle papierkoppies in ’n ronde boksie. Versier die deksel met plakboekpapier en bind ’n stuk lint in ’n…

EENVOUDIGE OORTREKSEL JY BENODIG witmateriaal geborduurdeskinkbordlappies bypassende masjiengare SO MAAK JY LET WEL: Alle naattoelatings is 1,5 cm. 1 Begin deur die stoel te meet van die sitplek af oor die bokant van die rugleuning en af tot op die verlangde lengte van die oortreksel. Tel 3 cm by hierdie mate vir soomtoelatings. Meet dan die omtrek van die rugleuning en verdeel dié mate deur twee om die breedte van die oortreksel te bereken. Tel 4 cm by dié mate vir ’n 1 cmspeling en naattoelatings. Gebruik hierdie mates om ’n aaneenlopende paneel vir elke oortreksel te knip. 2 Kap die boonste en onderste rande om en stik ’n 1,5 cm-breë soom aan elke rand. Meet dan die hoogte aan die voorkant van die rugleuning, plus die helfte…

VARKIE-SAKKIE Dié oulike palmtassie sal elke klein meisie se oë behoorlik laat blink. JY BENODIG patroon op bladsy 65 beursie- of handsakknip van jou keuse oorskietmateriaal in drie verskillende ontwerpe aanstryk-tussenvoering glasogies ’n klein bietjie poliësterstopsel vir die snoet teenstellende borduurgare SO MAAK JY LET WEL Alle naattoelatings is 1 cm. 1 Pas die bokant van die patroon op bladsy 65 aan as jou knip anders lyk as die een wat ons gebruik het. 2 Knip in die verlangde grootte twee dele van die lyfiepatroon uit die materiaal wat die buitekant van die lyfie gaan wees en twee dele uit teenstellende materiaal vir die voering. Knip ook twee dele uit die tussenvoering. 3 Stryk die tussenvoering vas aan die materiaaldele vir die buitekant. Sit die twee dele op mekaar met…

KRABBEL-DAGBOEK Kikker ’n doodgewone notaboek op met ’n paar krabbels op die omslag en kleur party in met gekleurde merkpenne. JY BENODIG A5-grootte notaboek met ’n onversierde voorblad (ons het ons s’n by Deckle Edge gekoop) potlood, swart dunpuntpen en gekleurde merkpenne SO MAAK JY Gebruik ’n potlood om die ontwerp van jou keuse op die voorblad van die boek te teken. Gaan die lyne na met die swart dunpuntpen. Wag tot die ink droog is en kleur dan party dele van die prent in. VERPAK DIT MOOI Draai die versierde notaboek plus ’n onversierde een saam met ’n stel inkleurpotlode of gekleurde merkpenne toe sodat die ontvanger self die tweede joernaal kan versier. PORTRETJOERNAAL Maak ’n skets van die ontvanger op ’n hardebandboek en prakseer ’n naametiket uit leer…

NAAMFLES Spuitverf ’n gewone fles en die deksel wit en laat dit droog word. Spuit nog twee of drie lae sodat die fles spierwit is. Tik die naam van die ontvanger van die geskenk op jou rekenaar in ’n mooi lettertipe – spasieer die letters sodat dit in ’n strook om die fles sal pas – en druk dit op wit papier uit. Knip dit uit en plak dit om die wit fles vas. Rond die geskenk af met ’n strik. FLES MET OORGROOT BLOM Gebruik drie kleure karton om dié fles te versier. Knip ’n sirkel die grootte van die deksel uit die kleur wat jy die blom wil maak. Knip ses groot blomblare uit en plak dit net binne die rand van die sirkel met die blare wat…

As jou besigheid enigsins soos ons s’n is, is die Kerstyd waarskynlik een van jou woeligste en winsgewendste tye van die jaar. Soos ons het jy waarskynlik maande gelede reeds met jou beplanning vir die feestyd begin en ekstra voorrade en materiaal bestel. Maar al het jy hóé deeglik beplan, pak ’n ligte paniek ’n mens beet wanneer jy dink aan die magdom dinge wat jy nog oor die volgende paar weke moet doen om slaggereed te wees vir die toeloop van mense. Die einde van die jaar is ook uitdagend wat familieen sosiale verpligtinge betref en dit voel naderhand of al wat jaareindfunksie, skoolkonsert en partytjie is in die laaste maand of drie ingedruk word voordat almal spore maak om die somervakansie te geniet. Dit maak ook nie saak…

Die popkunstenaar en kurator Alex Hamilton en sy vrou, Zelda, se kunsgalery in ’n systraat van Woodstock, Kaapstad, is ’n wonderlike plek propvol verrassingselemente. Inspirerend, maar sonder pretensie. Aan die een kant is die skoon, wit galery waar die kunswerke uitgestal word. Aan die ander kant is die ateljee waar Alex werk asook die ‘museum’ waar hulle boeke, ornamente en vintageskatte oor baie jare en reise heen staanplek gevind het. Teen die een muur is Alex se versameling muurvase volgens kleur gerangskik, en op ’n tafel pronk die mooiste porselein- en glasswane, nog iets wat met hierdie selferkende kompulsiewe versamelaar ‘praat’. ‘Ek glo goed kom met ’n doel oor jou pad. Elke voorwerp, boek en prent vertel iets van die geskiedenis, ’n era of iemand se persoonlike reis.’ Alex se…

Marie du Plooy, die skrywer van dié maand se wenbrief, ontvang ’n geskenkpak van Symbols on Silk ter waarde van R1 500. Symbols on Silk se hangertjies en armbande is die ideale geskenke vir enige okkasie. Hul produkreeks bevat verskeie sterlingsilwer-gelukbringertjies op sydraad wat met ’n inspirerende boodskap verpak word. Gaan na symbolsonsilk.co.za vir meer inligting.…

Die regtervoet skuifel sukkel-sukkel vorentoe, dan lig hy die loopraam, sit dit hoorbaar hard neer. Sleep die linkervoet nader. Lig weer die raam effentjies op, skuif dit vorentoe. Die regtervoet wankel… Só skuifel-skuifel die oom, hoed op die kop, die lang gang van die woonstelblok af tot by hul motor in die kelderverdieping. Eers word die deur aan die bestuurderskant oopgesluit. Nee, hy klim nie agter die stuurwiel in nie, maar laat die deur wawyd oop. Die loopraam word opgevou en ingeskuif op die agtersitplek. Die motor dien dan as stut totdat hy uiteindelik op die passasiersitplek plaas neem. Die tannie volg vlugvoetig, haar handwerksakkie met breiwerk in die een hand. Dis ’n daaglikse ritueel. Hulle ry ’n entjie en geniet die sonnetjie. Die tannie sal brei. Met hul terugkeer…

DEEL JOU NUUS! NUWE WINKELS & HANDWERK: Dala Watts (dwatts@media24.com) KOS: Louisa Holst (ideasmagazinefood@gmail.com) DEKOR & MODE: Carin Smith (carin.smith@media24.com) Hier kom die somer Boschendal se Chardonnay-Pinot Noir is ’n fabelagtige wynkeuse vir enige someronthaal. Dié droë bloospienkwyn is delikaat en ’n goeie pasmaat vir ’n groot verskeidenheid geregte – van sushi, slaaie en seekos tot vars, vrugtige nageregte. • Landwyd beskikbaar teen sowat R100 per bottel. Soetlief   ’n Boks luukse sjokolade is altyd ’n welkome geskenk, en Lindt het ’n wonderbaarlike verskeidenheid om van te kies, soos die Lindor Gold Cube vir R64,95 of die Swiss Luxury Selection vir R134,95. Jy kan dinge selfs ’n stappie verder voer en ’n sjokoladeverslaafde geliefde bederf met ’n sjokoladeklas onder leiding van Lindt se Master Chocolatiers. • Bespreek nou by chocolatestudio.co.za…

MOEILIKHEIDSGRAAD: gemiddeld TYD: 2 uur, plus droogtyd JY BENODIG reseptevirdieklapperkoekiesen harde versiersel op die oorkantste bladsy roomysvorm-koekiedrukker nr. 1-versierspuite versier-koppelstukke (couplers, opsioneel) spuitsakke pienk en bruin jelkoskleursel reënboog-koeksprinkels Volg die resep op die oorkantste bladsy om die klapperkoekiedeeg te maak. Rol die deeg uit tot dit 3 mm dik is en gebruik dan die koekiedrukker om roomysvorm koekies uit te sny. Gebruik ’n mes om die ‘roomyspoele’ uit te sny. Sny die bokant van die roomyse af. Party kan reguit wees en ander teen ’n hoek. Bak die koekies en maak die harde versiersel volgens die resepte. Hou ’n bietjie van die harde versiersel eenkant en verdeel die res in drie dele. Kleur die een deel pienk, nog ’n deel bruin, en hou die derde deel wit. Verdun…

VERANDER JOU LUIM MET VLUGTIGE OLIE • Laventel laat jou ontspan en beter slaap. • Roos sal jou opvrolik. • Ilang-ilang verlig spanning. • Sitroengras gee energie. • Jasmyn verlig angstigheid. • Roosmaryn gee jou eiewaarde ’n hupstoot. • Sitrus streel ’n seer hart. • Peperment laat moegheid wyk. KAMERSPROEI SO MAAK JY Meng 1-2 koppies water met 20-30 druppels vlugtige olie van jou keuse (jy kan self besluit hoe lig of sterk jy die geur wil hê). Gebruik ’n tregter en gooi die mengsel in klein spuitbotteltjies. Jy kan ou parfuumbottels gebruik of nuwes aanskaf – ons het ons s’n by Bonpak (bonpak.co.za) gekoop. VERPAK DIT Versier die bottels kamersproei deur die naam van die geur met ’n wit permanente merkpen op die bottels te skryf. Maak jou eie…

GESTIKTE DROOMVANGERS JY BENODIG borduurringe oorskietstukkies kant, broderie anglaise, bont en effekleur materiaal bypassende masjiengare No. 5-hekelgare of gemerceriseerde borduurgare borduurnaald met ’n groot oog vere knope DROOMVANGER IN EEN MATERIAAL   1 Knip ’n sirkel kantmateriaal wat groot genoeg is om in die borduurring te pas wanneer dit in die ring vasgeskroef is. 2 Span die materiaalsirkel in die borduurring en skroef dit vas. Werk met die hekelgare en netjiese klein reguit stekies twee vertikale rye op die materiaalsirkel. Gebruik die kantpatroon om te bepaal hoe die ry gewerk moet word en probeer om nie die rye ewe lank te maak nie. Werk ’n knoop aan die punt van elke ry vas. 3 Voltooi die droomvanger deur lengtes hekelgare aan die onderrand van die materiaalsirkel te heg en…

CHARLIE CHAPLIN-BOKS Soek ’n mooi foto van Charlie Chaplin op die internet en druk dit in die verlangde grootte uit. Koop swart-en-wit gestreepte plakboek- of geskenkpapier óf ontwerp jou eie en druk dit uit op gewone rekenaarpapier. Trek die deksel van ’n wit kartonboks oor met die gestreepte papier. (Dit is die beste om spuitgom te gebruik vir die plakwerk, want dit gee die gladste afwerking.) Sny jou prentjie uit en plak dit in die middel van die deksel vas. Werk die rand af met lint of washi-kleeflint. PLAKKER-BLIKKIE ’n Blikkie is reeds mooi op sy eie, maar druk jou kreatiewe stempel daarop af deur rond te speel met prente, foto’s en plakkers wat pas by die geskenk. Die blikkie kan agterna gebruik word om allerlei klein items in te…

GESKENKE VIR DIE TAFEL Ek wil vanjaar ’n paar vriendinne vir ’n Kersete nooi en wil voorstel dat ons aan tafel klein geskenkies uitruil. Hoe benader ek dit? A Geskenke wat aan tafel uitgeruil word, kan baie help om die ys te breek, veral as die gaste nie mekaar goed ken nie. Volgens die geheime Kersvader- oftewel secret Santa-tradisie kry elkeen in die groep vooraf op ’n lukraak grondslag die naam van ’n persoon vir wie hulle dan ’n geskenk moet koop. Die geskenke word anoniem gegee. HIER IS ’N PAAR IDEES OOR HOE OM GESKENKE UIT TE RUIL: 1 KIES NAME. Tradisioneel word al die name vooraf in ’n hoed geplaas en kry elkeen ’n beurt om ’n naam te trek. As dit onprakties is, kan jy altyd namens…

HEERLIKE HEKELNAWEEK Hoe kan ek in woorde sê hoe ek die bederf op die hekelnaweek van 26-28 Augustus op Cullinan geniet het! Dit was die eerste keer dat ek saam met ’n vriendin vir so ’n naweek bespreek het, en ek het nie geweet wat wag nie. Ons is bederf, het nuwe vriendinne gemaak, baie geleer, die lekkerste kos by JanHarmsgat geëet en die wonderlike mense van IDEES ontmoet. Die kersie op die koek was die wildsrit. Al wat ek daaroor mag sê is dat wat op daai groot trok gebeur het, op daai trok bly! Ek het so heerlik gesels en gelag dat my maag én my kakebeen later seer was! Ek sal dit nooit vergeet nie en hoop om in die toekoms weer so ’n spesiale geleentheid met…

TEKEN DEURMYSUBS WINSKOPIE IN OP ONSDIGITALEUITGAWE, EN ONTVANG 30% AFSLAG +’N DIGITALE WEERGAWE VAN TROU-IDEES VAN R85 GRATIS! Vir ’n jaarlikse intekening van R476,70 ontvang jy elke maand jou Idees in gedrukte formaat. TEKEN SÓ DIGITAAL IN: 1 Gaan na WWW.MYSUBS.CO.ZA en sluit aan OF meld aan as jy reeds aangesluit het. 2 Gaan na die blad van die item wat jy wil koop en kies dit. 3 Klik op die ‘Add to Cart’- knoppie en dan op die ‘Checkout’- knoppie. 4 Tik op dié blad jou adres in en klik dan op die ‘Pay Now’- knoppie. 5 Kies hoe jy wil betaal en jou bestelling sal bevestig word. 6 Laai die app vir MySubs+ van jou app-winkel af en meld met jou MySubs-besonderhede aan om jou tydskrif op jou…