Innehållsförteckning för Nov/Dec 2018 från Idees

Hier is ons al weer! Aan die stert-ent van nog ’n jaar en besig om die weke af te tel na ons welverdiende blaaskans. Dis weliswaar vanjaar effe korter vir diegene met kinders op skool, wat my laat wonder of iemand in die onderwysdepartement dieselfde inligting as ek onder oë gehad het oor hoe lank en hoe gereeld ons behoort te rus (bladsy 118). Gaan kyk, dit sal jou sommer ook help om totaal sonder skuldgevoel van werk te vergeet en boonop lekker lank te slaap. Maar eers is daar die jaarlikse beplanning vir Kersfees. Ek skryf hierdie brief aan die einde van September, maar alreeds vanoggend in die gim het ek geluister hoe die middeljarige man op die trapmeul langs my vir sy instrukteur vertel van die drama oor…

Groente Aartappels, artisjokke, aspersies, blaarslaai, blomkool, eiervrug, ertjies, groenbone, knoffel, komkommers, mielies, murgpampoentjies, pampoen, patats, pietersielie, preie, radyse, sampioene, skorsies, snybone, soetrissies, spinasie, tamaties, uie, wortels. Vrugte Aarbeie, appelkose, avokado’s, kersies, koejawels, lietsjies, mango’s, nektariens, papajas, perskes, piesangs, pruime, pynappel, rabarber, spanspek, suurlemoene, vye, waatlemoen. Kruie Basilie, dille, grasuie, lourierblaar, marjolein, ment, origanum, roosmaryn, salie, tiemie, vinkel. Blomme Agapante, angeliere, anthuriums, Barbertonse madeliefies, dwergangeliere, flaminklelies, (sekere) fynbos, geelklokkies, gousblomme, hanekam, inkalelies, klokblomme, kreefkloue, krisante, laventel, lisianthus, madeliefies, nieskruid, papierblomme, (sekere) proteas, ridderspore, rose, satynblomme, sewejaartjies, somerasters, sonneblomme, swaardlelies, tjienkerientjees, veronicas.…

VAN MUIS TOT MODES Claris: The Chicest Mouse in Paris is ’n prettige rymstorie oor moed, medelye en ’n modieuse muis uit die pen van die internasionale mode-illustreerder Megan Hess. Dit vertel die storie van ’n oulike muis wat Parys toe gaan om haar modedrome te bewaarheid, maar op ’n dag ’n nare dogtertjie met ’n lelike kat op die drumpel van haar prentjieperfekte woonstel aantref. Sal Claris se wysheid, warmte en styl genoeg wees om haar drome te bewaarheid? Die boek (Hardie Grant Egmont; plaaslik versprei deur Jonathan Ball teen sowat R297) is gewaarborg om modebehepte lesers van alle ouderdomme te vermaak. Kleur mooi in ’n Oogskadupalet is handig – dit is kompak en gee jou ’n keuse van kleurkombinasies. Behalwe as jy net drie van die kleure uit…

Maak: 10 Bereidingstyd: 1 uur 15 minute Baktyd: 50 minute Oondtemperatuur: 140 ºC ♥ 600 g vrugtekoekmengsel♥ 250 g ontpitte dadels, fyngekap♥ 10 ml fyngerasperde lemoenskil♥ 200 g (235 ml) suiker♥ 130 g (140 ml) botter♥ 5 ml koeksoda♥ 240 g (440 ml) koekmeel♥ 3 ml bakpoeier♥ 5 ml gemengde speserye♥ 3 ml fyn kardemom♥ 5 ml fyn kaneel♥ 2 ml sout♥ 2 groot eiers♥ 50 ml brandewyn (opsioneel)♥ versiersuiker, vir oorsif Versiering♥ 500 g marsepein♥ 100 ml gesmelte appelkooskonfyt♥ 500 g wit fondantversiersel♥ klein silwer bolletjies, vir versiering Plaas die vrugtekoekmengsel, dadels, lemoenskil, suiker, botter en 250 ml water in ’n kastrol. Verhit dit tot kookpunt en laat dit dan vir 5 minute prut terwyl jy dit af en toe roer. Voeg die koeksoda by die vuurwarm vrugtemengsel, roer…

Maak: omtrent 50 Bereidingstyd: 1 uur Baktyd: 4 minute (per baksel) Oondtemperatuur: 180 ºC ♥ takbokhoringpatroon♥ asetaatvel♥ handwerkmes en snymatjie KOEKIES♥ 4 groot eierwitte♥ 220 g (250 ml) strooisuiker♥ 135 g (250 ml) koekmeel♥ 75 g gesmelte botter, afgekoel♥ 15 ml room♥ 1 ml vanielje-ekstrak Teken twee takbokhorings in die verlangde grootte op wit papier (of druk ’n patroon uit wat jy op die internet gekry het) en trek dit op ’n vel asetaat na. Sny dit uit met jou handwerkmessie om ’n stensil te kry. Klits die eierwitte en suiker saam tot dit skuimerig is. Voeg die meel, botter, room en vanielje-ekstrak by en verhit dit oor baie lae hitte tot dit net-net gemeng en glad is. Voer ’n bakplaat met bakpapier uit (of gebruik ’n silikoon-bakvel) en plaas…

Kry jou hekelpen en wol en skep ’n Kerstafel met towermooi versierings en ander verrassings Skep die prentjie Ons het die koelwit kleur van sneeu vir ons agtergrond gekies en dit met titsels pienk, groen en blou ingekleur. Swart gee definisie. Bokant die tafel het ons met tou ’n stok uit die plafon gehang waaraan ons ’n mengelmoes van sterre en balle vasgebind het. Die stoele is met oumablokkieoortreksels en die tafel met handgemaakte servetringe en klappers getooi. Om die feestelike prentjie af te rond het ons oral feëliggies gehang en elke kers in die huis aangesteek. TAFELVERSIERINGS Trek jou tafel oor met grafiekpapier wat vergroot en op A1-velle wit papier uitgedruk is. Vou ’n gewone Kersklapper oop en trek die buitelyne na op ons kreatiewe papier op hierdie blaaie.…

SEEKOSK RANS Jy kan dié krans al ’n dag voor die tyd maak en dit as ’n indrukwekkende voorgereg voorsit by jou Kersete. Genoeg vir: 10-12 Bereidingstyd: 1 uur, plus oornag in die yskas ♥ 500 g dun skyfies gerookte salm of salmforel♥ 400 g gerookte pepermakrielfilette♥ 1 blik (212 g) salm, gedreineer♥ 250 g roomkaas♥ 2 sprietuie, gekap♥ gerasperde skil van 1 suurlemoen♥ 30 ml fyngekapte vars dille, plus ekstra takkies vir garnering♥ 250 ml suurroom♥ 1 komkommer♥ 2 stele seldery♥ 8 radyse, in dun skyfies gesny♥ mikrokruie, vir garnering♥ 2 suurlemoene, in wiggies gesny♥ melbaroosterbrood, om voor te sit 1 Spuit ’n tuitpan (22 cm in deursnee) met kleefwerende kossproei. Voer die binnekant van die pan met die skyfies salm of salmforel uit. Sit dit in die yskas…

MOEILIKHEIDSGRAAD: redelik maklik TYD: 2-3 dae JY BENODIG ♥ diagram op bladsy 91♥ Nurturing Fibres Eco-Cotton DK (50 g-bolle): 2 bolle elk in Bessie, Willow en Ruby en 3 bolle in Aqua♥ 3 mm-hekelpen♥ 1 m katoenmateriaal♥ 2 x 45 cm plastiekpypies (deursnee 8 mm) GROOTTE Motief: 12 x 12 cm. Sak: 46 x 47 cm. AFKORTINGS beg – begin dr – draai driesl – drieslagsteek gs – glipsteek h/af – heg af her – herhaal hlb – halflangbeen kb – kortbeen ks – kettingsteek lb – langbeen ls – lus rdte – rondte RK – regte kant VK – verkeerde kant sp – spasie st – steek tes – tesame vlb – vooromlangbeen DRIESLAGSTEEK 1 Slaan draad drie maal oor die pen. 2 Steek die pen in die volgende…

JY BENODIG ♥ tegniese tekeninge op hierdie blaaie MATERIAAL ♥ hout (in dié geval SA-dennehout)– 3 000 mm x 93 mm x 22 mm (dele 1-8)♥ laaghout– 150 mm x 93 mm x 4 mm dik (deel 10)♥ koperloodgieterspyp (deel 9)– 484 mm x 28 mm-deursnee♥ houtskroewe (versink)– 30 x 4 mm x 60 mm– 10 x 4 mm x 40 mm♥ 2 x selfsnyskroewe van 3,5 x 19 mm♥ LED-strooklig IP67 (1 m); kode: HV60W-W3528-1M-WW; tipe: 3528♥ 2 x 15-amp-strookverbinders♥ 1 x lampkoord met skakelaar en 15 amp-3-tandprop♥ houtlym (ultra)♥ wit waterbasis-emaljeverf♥ houtvuller (wit)♥ aanslagwerende sproei vir koper (opsioneel)♥ kontakgom GEREEDSKAP ♥ handboor♥ 1,5 mm-, 2,5 mm-, 3 mm-en 6 mmboorpunte♥ plat boorpunt van 28 mm♥ versteksnyer en/of verstekafwerker♥ ystersaag♥ gleuf-en sterskroewedraaiers♥ skuurpapier: 100-, 150-en 800-grint♥ houtklampe♥ 30 mm-verfkwas♥…

MOEILIKHEIDSGRAAD: maklik TYD: halfdag JY BENODIG ♥ ronde, ongeraamde spieël met ’n hakie aan die agterkant (ons het ons s’n by MRP Home gekoop) ♥ blom-en blaarpatrone op bladsy 108 ♥ 1 rol handwerkmetaal ♥ bosseleerpen ♥ bolpuntpen ♥ draadknippertjie ♥ kartonsirkel, omtrent 2-3 cm kleiner as die spieël se rand ♥ spuitverf (ons het Krylon Color Master in die kleur Rose Gold gebruik) ♥ spuitgom ♥ houtlym ♥ wondergom Maak ’n dubbellaag-handwerkmetaal deur twee lae met spuitgom op mekaar te plak. Laat dit behoorlik droog word. Knip rofweg ’n paar blomme en blare uit papier wat jy as patrone kan gebruik – los ’n bietjie ruimte om die buitelyne. Gebruik nou jou bolpuntpen om die vorms op die dubbellaagmetaal na te trek. Gebruik elke vorm ’n paar keer –…

Wat gebeur as ’n stylvolle vrou uit die vrugte-uitvoerbedryf gaan koffie drink? Sy koop die restaurant, natuurlik! Dalk nou nie almal nie, maar dit is presies wat Wilma Basson gedoen het toe sy in 2005 haar eerste restaurant gekoop het. ’n Week later, met geen ondervinding nie, leer die barista haar op haar eerste dag om cappuccino te maak. Maar omdat sy haar oortuiging dat ’n mens nooit te oud is om te leer nie met ’n groot passie kombineer, floreer haar Chocolat-bistro nou al dertien jaar lank. En dis waarom ons wou hoor waarom dit vir haar werk terwyl soveel ander mense sukkel. ‘Ek het Chocolat in 2005 in die hartjie van Durbanville begin. Die eerste tien jaar was ons op dieselfde perseel en net bedags oop. Maar danksy…

26 OKTOBER-3 NOVEMBER Moenie Eunice High School in Bloemfontein se jaarlikse Kersmark misloop nie: eunice.co.za. 30 OKTOBER-2 NOVEMBER Maak ’n draai by die Delmas-Kersmark, wat in die saal van die Hervormde kerk in Sarel Cilliersstraat gehou word: Soek ‘Delmas Kersmark’ op Facebook. 31 OKTOBER-1 NOVEMBER Die Christmas Country Fair vind plaas by Collisheen Estate in Ballito: thechristmasfairfund.co.za. 31 OKTOBER-10 NOVEMBER Doen jou Kersinkopies by die Crafter’s Fair-Kersmark in Moreleta Park, Pretoria: craftersfair.co.za. ELKE SATERDAG IN NOVEMBER & DESEMBER Die Irene Village-Kersmark word by The Big Red Barn in Olifantsfontein, Midrand, aangebied: irenemarket.co.za. 7-11 NOVEMBER Die Constantia Gift Fair word by die SA Riding for the Disabled Association in Constantia gehou: thegiftfair.co.za. 10, 24, 25 NOVEMBER & 1 DESEMBER Loer in by The Little Field Mouse Market in die Randridge Mall,…

(diana@ideasfactory.co.za) Fiksie Aankoms en vertrek – Pat Stamatélos (Umuzi, R230) Bailey keer sewe maande nadat haar ouers wreed vermoor is, terug uit Engeland, waar sy al ses jaar woon, na Suid-Afrika. Sy was op wittebrood toe haar ouers dood is en haar opvlieënde broer, Zak, verwyt haar dat sy nie vir die begrafnis teruggekom het nie. By die huis vind sy dat Temperance steeds daar woon en soos altyd getrou na die huis omsien terwyl sy ’n las van haar eie het om te dra. Bailey en haar kinderliefde, Adam, het ook onopgeloste kwessies. En dan is daar die groot vraag: Hoekom het haar pa daardie onheilsnag geweier om die kluis oop te maak? Stamatélos se nuwe boek sal haar lesers nie teleurstel nie. Sy het ’n kenmerkende styl waarmee…

Kersfees bly nou maar eenmaal ’n tyd om ’n welverdiende blaaskans saam met familie en vriende te neem. Druk vanjaar jou persoonlike stempel op die Kersversierings af deur in die natuur te gaan rondsnuffel vir flora en fynbos wat jy in geurige kranse, klein ruikertjies of treffende kunswerke kan verander wat gewaarborg is om die tonge te laat klap. Voeg hierby tikkies metaalblink (bly weg van ’n totale spieëlblink aanslag!) en probeer om ’n toevlugsoord vir die sintuie te skep met sagte oorgooidekens, geurige kerse en organiese teksture in dieselfde ligte kleurpalet wat jou gaste welkom én vreedsaam sal laat voel. LAAT DAAR LIG WEES • Maak ’n Kerskrans met buigsame wingerd-, wilger-of silwerberklote wat jy met ’n snoeiskêr in lengtes sny. Raak ontslae van die sytakkies en bind dit…

Maak: omtrent 60 Bereidingstyd: 45 minute, plus droog-en stoltyd Baktyd: 1 uur Oondtemperatuur: 110 ºC ♥ 4 groot eierwitte♥ 2 ml kremetart♥ 200 g (230 ml) strooisuiker♥ 200 g donkersjokolade, gekap♥ 100 g pistasieneute, uitgedop en fyngekap (of gebruik ander neute van jou keuse)♥ kakaopoeier, vir oorsif (opsioneel) Klits die eierwitte tot dit sagte punte vorm. Voeg die kremetart en ’n knippie sout by en klits dit styf. Voeg die suiker by, net ’n bietjie op ’n slag, en klits dit goed ná elke byvoeging. Hou aan met klits tot die mengsel dik en blink is. Skep die mengsel in ’n spuitsak met ’n groot ronde spuitstuk. Voer twee bakplate met bakpapier uit. Hou die spuitstuk 1,5 cm bo die bakpapier, druk die sak liggies om ’n sirkel van 3…

Maak: omtrent 30-40 Bereidingstyd: 75 minute, plus afkoeltyd Baktyd: 8-10 minute Oondtemperatuur: 170 ºC KOEKIEDEEG Klits 200 g sagte botter en 200 g witsuiker saam. Voeg 15 ml vanieljegeursel en ’n groot eier by en klits dit goed. Meng 420 g meel en 5 ml bakpoeier in ’n aparte bak, voeg dit by die bottermengsel en meng dit liggies deur om ’n ferm deeg te vorm. Rol die deeg in sarsies uit tussen twee stukke kleefplastiek – dit moet omtrent 5 mm dik wees. Sit dit dan vir minstens 2 uur in die yskas. HARDE VERSIERSEL Klits 2 groot eierwitte en 1 ml kremetart liggies saam. Voeg 600 g gesifte versiersuiker by en klits dit tot alles netnet gemeng en die versiersel styf en wit is. Verdun die versiersel deur…

MOEILIKHEIDSGRAAD: maklik TYD: halfuur per pompom JY BENODIG♥ Elle Family Knit Classic Chunky in wit en twee teenstellende kleure♥ tapisserienaald♥ harde karton en skêr Knip twee kartonsirkels met ’n deursnee van 7 cm uit. Knip elke sirkel in ’n ringvorm deur ’n gat met ’n deursnee van 3 cm in die middel uit te sny. Sit die twee kartonringe op mekaar en begin die wit breidraad in egalige lae om die buiterand draai. Gaan voort om die twee kartonringe toe te draai, tot die helfte van die gat in die middel met breidraad gevul is. Draai dan een van die teenstellende kleur breidrade 15 keer om die ring om ’n strook van omtrent 2 cm breed te vorm. Draai nog vyf stroke gekleurde breidraad om soos die eerste een om…

Ons het al drie ons plastiekbome ’n nuwe kleur gegee met spuitverf wat spesifiek vir plastiek gemaak is. Ons het Rust-Oleum vir ons projekte gebruik, maar daar is verskeie ander handelsmerke te kry. Voordat jy die kleur van jou keuse aanspuit, moet jy die boom eers met twee lae liggrys spuitverf bedek. Dit vorm ’n basis vir die nuwe kleur (en sal ook help dat jy nie so baie kleurverf hoef te gebruik nie). Onthou om ’n masker en handskoene te dra en in ’n goed geventileerde vertrek te werk. BLOMMEFANTASIE MOEILIKHEIDSGRAAD: gemiddeld TYD: 2 uur BOOM Ons het besluit om kuns-en papierblomme met diep, ryk kleure vir hierdie boom te gebruik. Die boom is eers met mat swart spuitverf bedek en toe versier met die blomme. Gebruik blomme met…

Hekel hierdie nostalgiese patrone en sorg dat jou rokke mooi op hulle hangers bly. MOEILIKHEIDSGRAAD: maklik TYD: 3-4 uur GROOTTE Pas op volwasse-grootte houthangers. JY BENODIG ♥ houthangers♥ 1 x bol (125 m/50 g) Nurturing Fibres Eco-Cotton in Seashell♥ 1 x bol (125 m/50 g) Nurturing Fibres Eco-Bamboo in Fawn♥ 3,5 mm-hekelpen♥ tapisserienaald AFKORTINGS gls – glipsteek her – herhaal kb – kortbeen ks – kettingsteek st(e) – steek(steke) vlg – volgende SPESIALE STEEK Sterspyker: Dié steek word gemaak deur in steke van die vorige ry te hekel. Waar die patroon na ‘vorige steek’ verwys, tel terug van die huidige steek van die ry waarmee jy besig is. Waar die patroon verwys na ‘steke weg’, hekel vorentoe (na links) van die huidige steek van die ry waarmee jy besig is.…

Blou lug, geel son, die kleure van seewater, damwater, blomme, vrugte – al hierdie dinge is vir my die fees van November en Desember wat ons in Suid-Afrika het. Hier aan die suidpunt van die ongetemde kontinent het ons die voorreg om ’n somer-Kersfees te vier, en saam met dit al die vreugde van son en oop hemele en ruimte om ons. Ons bring dus in hierdie sesde verf-omtowering hulde aan die nuwe, sonnige, feestelike seisoen in ons huise. Dié keer werk ek met die kleure wat my herinner aan Kersfees in Afrika: blou en geel, met ’n tikkie rooi en wit. Ons somer-Kersfeesmuur pronk met vele vakansie-DIY-projekte waarmee jy met verf vinnig en goedkoop ’n feestelike atmosfeer in jou huis kan skep. 1. STENSIL ’N MUUR. Stensilwerk is ’n…

Hier werk jy met verskillende mediums, maar kies kleure wat by mekaar pas sodat dit nie te bont raak nie. Ons het al ons hangertjies met ’n palet van rooi, grys, swart, roomkleur en wit gemaak. MOEILIKHEIDSGRAAD: al die projekte is baie maklik TYD: ’n dag om ’n hele paar stukke te maak OVAAL HANGERTJIE Volg dieselfde stappe as by die kruishangertjie hiernaas, maar sny die klei in ’n ovaal vorm. Druk agt gaatjies om die rand van die onderste helfte van die kleivorm, groot genoeg sodat ’n borduurnaald daardeur kan gaan. Bak die kleivorm soos hiernaas en laat dit afkoel. Vou ’n riempie in die helfte, vou dit om die kleivorm en werk dit met komberssteek vas. KRUISHANGERTJIE JY BENODIG ♥ polimeerklei ♥ dun leerriempie ♥ masjiengare en naald…

SKRYF VIR ONS & WEN! Die skrywer van ons wenbrief, Leandri Smit, ontvang ’n Natural Splendor-borduurstel van Kelly Fletcher. Dit bevat 12 vars, moderne borduurprojekte met alles wat jy nodig het om aan die gang te kom. Besoek kellyfletcher.co.za vir meer inligting. Wenbrief Óns koffiewinkel Dis met diepe dankbaarheid dat ek skryf. Ons het einde 2017 ’n koffiewinkel by die Hoërskool Overberg op Caledon begin. Geld was min en ons moes kopkrap oor dekor wat so goedkoop as moontlik is, maar ook prakties. Met inspirasie en wenke van Idees kon ons dit doen. Altiora Inc is weekdae van agt tot vyf oop vir leerders en onderwysers, maar ook die publiek. In die snoepie langsaan se kombuis berei ons bestellings voor en maak snoepgoed vir pouses. Die koffiewinkel word saans en…

November WES-KAAP 27-28 Oktober, 3-4 November Besoek 15 skouspelagtige tuine en koop plante by die jaarlikse Elgin Open Gardens: elginopengardens.co.za. 30 Oktober-4 November Kamers/Makers – ’n fees van ontwerp, handwerk, kuns, musiek, kos en wyn – vind plaas op Blaauwklippen, Stellenbosch: kamersvol.com. 3 November The Colour Splash Festival word op Rawsonville tussen die Paarl en Worcester gehou. Kaartjies: quicket.co.za. 3 November Trek iets pienks aan en geniet vonkelwyn en kos by die Paul René Party by Wonderfontein op Robertson. Kaartjies: webtickets.co.za. 3-4 November The Leisure Isle Festival ten bate van liefdadigheid word op Knysna gehou: leisureislefestival.co.za. 16-18 November Die Greyton Artwalk word by verskeie plekke op Greyton aangebied: greytonartwalk@gmail.com of 082 495 4019. 18 November Die Cape Town Toy Run-motorfietsrit samel geld vir liefdadigheid in: toyrun.co.za. 23-25 November Werksessies en…

@INGTHINGS Amsterdam, Nederland Ingrid van Willenswaard is ’n liefhebber en beoefenaar van hekel-, brei-en inkleurwerk. Op haar prentjiemooi Instagram-blad deel sy haar kreatiewe wêreld in vrolike pastelkleure. @THEKATETIN Kaapstad, Suid-Afrika Kry ’n glimps van Katelyn Allegra se passie vir soetgebak, koek, lekkers, sjokolade en poeding op haar Instagram-blad. Met haar mooie foto’s verlei sy elke soettand in en om die Kaap. @MARENTHE Den Haag, Nederland Marenthe Otten kombineer haar liefde vir kleurvolle karakters en blomme in haar speelse illustrasies. Haar Instagramblad is pure inspirasie, prentjie vir prentjie.…

KLAPPERSNEEUBOLLETJIES Maak: omtrent 50 Bereidingstyd: 1 uur, plus stoltyd ♥ 230 g (440 ml) versiersuiker, gesif♥ 1 ml kremetart♥ 1 blik (397 g) kondensmelk♥ 270 g (865 ml) fyn droë klapper♥ 200 g witsjokolade, gekap♥ 80 g (250 ml) mediumgrowwe of growwe droë klapper, vir versiering Sif die versiersuiker en kremetart saam. Voeg die kondensmelk by en roer dit tot dit glad is. Voeg die helfte van die fyn klapper by en meng dit goed deur. Voeg die ander helfte van die fyn klapper by en roer dit behoorlik deur tot die mengsel mooi saamkom. Laat dit vir 30 minute eenkant rus. Rol die mengsel in klein bolletjies en pak dit op ’n gesmeerde bakplaat wat met bakpapier uitgevoer is. Smelt die sjokolade in ’n glasbak oor ’n kastrol met…

Maak: 12 (of 24 hapgrootte) Bereidingstyd: 45 minute, plus yskastyd Baktyd: 15-20 minute Oondtemperatuur: 170 ºC ROLLETJIES♥ 140 g (260 ml) koekmeel♥ 25 g (60 ml) fyn amandels♥ 100 g (110 ml) koue botter♥ 30 ml versiersuiker♥ 25 ml mielieblom♥ 2 ml vanielje-ekstrak♥ 100 g roomkaas♥ 1 groot eiergeel Vulsel♥ 50 g (60 ml) suiker♥ 25 g (60 ml) fyn amandels♥ 5 ml fyn kaneel♥ 50 g (55 ml) botter, gesmelt♥ 80 ml heuning, verhit♥ 30 ml kaneelsuiker, vir oorsprinkel ROLLETJIES: Plaas die meel, amandels, botter, versiersuiker, mielieblom, ’n knippie sout en die vanielje-ekstrak in ’n voedselverwerker. Pols die mengsel tot dit soos growwe broodkrummels lyk. Voeg die roomkaas en eiergeel by en pols dit weer tot die mengsel saamkom en ’n deeg vorm. Haal die deeg uit die voedselverwerker,…

GESKENKBOKSE MOEILIKHEIDSGRAAD: maklik TYD: ’n paar uur Pleks daarvan om geskenkbokse met geskenkpapier toe te draai kan jy dit met verf, merkpenne en allerlei optelgoed versier. Hier is ’n klompie idees om jou te inspireer. SNY DIE BOKS SE DEKSEL sodat dit ’n raam vorm. Kopieer ’n prent van jou keuse op karton sodat dit mooi binne die raam pas. Gebruik dan gom om die prent aan die binnekant van die deksel in plek vas te plak. VERF DIE DEKSEL VAN DIE BOKS – óf die hele deksel óf los ’n raam rondom – en wag totdat die verf droog is. Bind dan ’n mooi lint om die boks en maak ’n vrolike oorgroot strik om die geskenk af te rond. TEKEN ’N KRANS op die boks se deksel en…

MOEILIKHEIDSGRAAD: maklik TYD: ‘n dag vir die hele string JY BENODIG ♥ hekelgare (ons het Vinnis Nikkim gebruik)♥ hekelpen (ons het een grootte kleiner gebruik as op die etiket om die gare)♥ tapisserienaald AFKORTINGS dies – dieselfde gs – glipsteek ks – kettingsteek lb – langbeen st(e) – steek(steke) vlg – volgende SO HEKEL JY LET WEL: Die huisie word van die dakpunt ondertoe gehekel. Laat ’n lang genoeg draadpunt aan die begin sodat jy jou huisie agterna aan die tou kan vaswerk. Die 3 ks aan die begin tel as ’n st. Ry 1: 4 ks, 2 lb in 4e ks van pen, draai [= 3 ste]. Ry 2: 3 ks (tel as 1e lb in al die rye), 1 lb in dies st, 1 lb in vlg st,…

ROSE EN NOSTALGIE Draai jou geskenke toe in ou boekpapier of stukkies afvallap en knoop ’n stuk ruwe tou om die geskenk vas. Vir die geskenkkaartjie kan jy eenvoudig een van ons ontwerpe op die oorkantste bladsy op wit karton kopieer en uitknip. GRAFIESE STYL Draai jou geskenke toe in gewone bruinpapier en knoop ’n stuk kombuistou om die geskenk vas. Vir die geskenkkaartjies kan jy ons ontwerpe op die oorkantste bladsy op wit karton kopieer en uitknip. Versier die geskenk verder met gekleurde washi-kleeflint. RETRO-INSPIRASIE Draai jou geskenke toe in kleremakersgrafiekpapier en knoop ’n stuk bakkerstou om die geskenk vas. Vir die geskenkkaartjies kan jy ons ontwerpe op die oorkantste bladsy op wit karton kopieer en uitknip. BLOMMOOI Draai jou geskenke toe in ’n ou landmeterskaart (jy kan dit…

SO BED RUK JY MA TERIAA L Gebruik ’n instraaldrukker om die Kersbalprente op die oorkantste bladsy op ’n vel aanstryk-oordrukpapier (iron-on transfer paper) vir ligkleurige materiaal te kopieer. Knip die prente uit en stryk dit op ’n stuk wit katoenmateriaal vas volgens die aanwysings van die vervaardiger. JY BENODIG ♥ katoenmateriaal bedruk met Kersbalprente (sien metode links onder)♥ ekstra katoenmateriaal vir die agterkant♥ bypassende masjiengare♥ poliësterspeelgoedstopsel♥ koord♥ blinkers en glinsterkrale♥ materiaalpen SO MAAK JY 1 Sit die stuk bedrukte materiaal en die stuk onbedrukte materiaal regte kante teen mekaar op mekaar en trek die buitelyn van die Kersbal na met jou materiaalpen. 2 Vou ’n stuk koord in ’n lus en plaas dit tussen die twee lae materiaal, sodat die punte van die koord gelyk is met die rafelrand…

* Besoek ingoodcompany. co.za/downloads om al die patrone gratis af te laai. Afrikaanse weergawes is ook beskikbaar. NOORDPOOLPOS Druk ons seëlpatrone uit en plak dit op jou tas – só sal almal weet dié pakkie kom al die pad van die Noordpool af en is van Kersvader self. PRAGTIGE PAPIER Maak jou eie Kersklappers met ons mooi papier wat jy kan uitdruk – van geruit tot Kersblare en streepsuiker. Dié papier is ook perfek om papierkettings, plekmatjies en servetringe te maak of klein geskenke in toe te draai. KERSVADER SE BORD Jy hoef nie bang te wees om Kersvader se snoepgoed vir Oukersaand reg te sit nie. Die sjokoladesplinterkoekies, langlewemelk en marsepeinwortels kan alles vooraf verpak word. Rond die bord af met ons etikette wat jy kan uitdruk. MODERNE KERSKOUSE…

JY BENODIG ♥ polimeerklei (afhangend van watter hangertjie jy maak) ♥ ’n stukkie oorskietlap ♥ wasgare in drie verskillende kleure ♥ borduurnaald ♥ gomgeweer ♥ kleeflint ♥ harde karton ♥ handwerkmes ♥ liniaal en potlood Sny ’n kartonreghoek, effens groter as wat jy die weefdeel van jou hangertjie wil hê. Neem jou liniaal en potlood en trek ooreenstemmende strepies aan die bo-en onderrand van die kartonreghoek, so 2-3 mm uitmekaar. Sny op elke potloodstrepie ’n kepie van 3 mm diep in die karton in – dit is waar jy die gare gaan span vir jou weefwerk. Neem jou wasgare in die eerste kleur (swart in ons geval) en plak die punt aan die agterkant van die kartonreghoek vas met kleeflint. Draai die kartonreghoek weer om en ryg die wasgare deur…

Kyk jy op Instagram na mooi partytjies en troues, is die kans goed dat jy Baiegoeters se naam êrens tussen die hash tags gaan vind. Want die afgelope ses jaar reeds is Anelma le Roux se besigheid een van die gewildste aanklopplekke vir Wes-Kaapse geleenthede – veral as jy verkieslik aan net een deur wil klop. ‘Ek het einde 2012 agtergekom in die trou-en geleentheidsbedryf is daar ’n groot vraag na meubels, ligte en dies meer wat teen ’n bekostigbare prys gehuur kan word,’ vertel Anelma. ‘In daardie stadium het ek reeds met troues gewerk en besluit om die bietjie spaargeld wat ek het, alles te gebruik om ’n paar meubelstukke te laat maak. Ek het hierdie meubels en alles wat ek in my huis gehad het, begin verhuur en…

AS JY DIE TYDSKRIF AANLYN WIL KOOP OF INSKRYF DAAROP, GAAN NA ZINIO BY ZINIO.COM/ZA/IDEES-M4189 (VIR IDEES), ÓF ZINIO.COM/ZA/IDEAS-M6923 (VIR DIE ENGELSE UITGAWE, IDEAS). MYSUBS.CO.ZA IS VANAF 31 OKTOBER 2018 ONGELUKKIG NIE MEER BESKIKBAAR AS PLATFORM VIR ONS DIGITALE TYDSKRIFTE NIE. MYSUBS-INTEKENARE KAN HUL NAVRAE RIG AAN SUPPORT@MYSUBS.CO.ZA OF 087 741 3177. * VIR ’N JAA RLIKSE INTEKENING VAN R408 ONTVANG JY AL OM DIE ANDER MAAND JOU GEDRUKTE EKSEMPLAAR VAN IDEES.* TEKEN SÓ IN: • SKAKEL 087 740 1025 VIR IDEES (MAANDAE TOT VRYDAE, 8 VM. TOT 4.30 NM.), ÓF SKAKEL 087 740 1027 VIR IDEAS. • STUUR JOU NAAM & KONTAKBESO NDERHEDE PER E-POS AAN SUBS@IDEASFACTORY.CO.ZA.** • SMS ‘INTEKEN ID EES’ NA 33153. SMS ’E KOS R1 ELK.** BEPALINGS EN VOORWAARDES * Dié aanbod geld net tot 16…