Innehållsförteckning för November/December 2019 från Idees

Wanneer laas het jy so na die klankbaan van jou lewe sit en luister dat jy soos ’n wolf vir die maan ween? Nie soseer omdat dit hartseer herinneringe oproep nie, maar bloot omdat dit jou soos ’n tydmasjien deur die fases van jou lewe neem. En sommer net omdat musiek nou maar eenmaal dinge in ’n mens loswoel. Dit was die geval toe ek musiek begin speel het om vir Hannes my lysie van vyf gunstelingliedjies aan te stuur. En dit was nie in die aand as die maan ’n mens se emosies in elk geval so ’n bietjie roer nie. Nee, sommer helder oordag op ’n Vrydagoggend, toe ek in die naam van werk die kans kry om musiek te luister wat ek in jare nie gehoor het…

GROENTE: Aartappels, artisjokke, aspersies, blaarslaai, blomkool, eiervrug, ertjies, groenboontjies, knoffel, komkommer, mielies, murgpampoentjies, pampoen, patats, pietersielie, preie, radyse, sampioene, skorsies, soetrissies, spinasie, tamaties, uie, wortels. Vrugte: Aarbeie, appelkose, avokado’s, kersies, koejawels, lietsjies, mango’s, nektariens, papajas, perskes, piesangs, pruime, pynappel, rabarber, spanspek, suurlemoene, vye, waatlemoen. KRUIE: Basilie, dille, grasuie, lourierblaar, marjolein, ment, origanum, roosmaryn, salie, tiemie, vinkel. BLOMME: Agapante, alliums, amarante, angeliere, anthuriums, Barbertonse madeliefies, celosia, duisendblad, geelklokkies, halskruid (trachelium), hanekamme, inkalelies, kreefkloue, krisante, laventel, lisianthus, madeliefies, Oosterse lelies, oranjebolle, papierblomme, (sekere) protea- en fynbosspesies, ridderspore, rose, satynblomme, seehuls, sewejaartjies, silwerdollars (penny stems), somerasters, sonneblomme, swaardlelies, tjienkerientjees, veronicas.…

@RAWRUSTIC Doha, Katar As strategis en avonturier sien Magda de Lange elke uithoek van die wêreld en vang die kleure van die verskillende landskappe in haar groot liefde, hekelwerk, vas. Besoek haar blad om te sien hoe sy haar wedervaringe in kuns omskep. @FLOWERINTERPRETATIONS Londen, Verenigde Koninkryk Die blomkunstenaar Harriet Parry skep die allermooiste blommerangskikkings geïnspireer deur kunswerke, modefoto’s en rolprente. Met elke interpretasie wat sy optower, demonstreer dié vrou haar kunssinnige siel en fyn oog vir detail. @XENIA_VENTER Paarl, Suid-Afrika Die plaaslike kunstenaar Xenia Venter is bekend vir haar naakstudies in die vorm van houtskooltekeninge. Haar talente eindig nie hier nie: As @kweekstudio doen sy ook die mooiste blomme en dekor vir troues en ander geleenthede.…

Maak: omtrent 20 koekies Bereidingstyd: 1½ uur, plus yskastyd Baktyd: 8-12 minute Oondtemperatuur: 180 ºC KOEKIEDEEG ♥ 115 g (125 ml) sagte botter ♥ 165 g (190 ml) strooisuiker ♥ 1 groot eier, liggies geklits ♥ 5 ml vanielje-ekstrak ♥ 200 g (375 ml) koekmeel ♥ 5 ml bakpoeier ♥ 60 g donkersjokolade, gesmelt en afgekoel ♥ 30 ml kakaopoeier Klits die botter en suiker saam tot romerig. Klits die eier en vanielje by. Voeg die meel, bakpoeier en 1 ml sout stadig by tot die mengsel ’n deeg vorm. Verdeel die deeg in twee en hou die een helfte eenkant. Roer die gesmelte sjokolade by die kakaopoeier. Voeg die sjokolademengsel by die een helfte van die deeg en klits dit ’n paar sekondes tot dit deeglik ingemeng is. Bedek…

Maak: omtrent 25 stukke Bereidingstyd: 45 minute Gaarmaaktyd: omtrent 30 minute HEUNINGKOEK ♥ 100 g (250 ml) gemengde gesoute neute, grofweg gekap ♥ 200 g (235 ml) suiker ♥ 60 ml gouestroop ♥ 10 ml koeksoda ♥ 200 g donker- of melksjokolade, in stukke gebreek VERPAK DIT Koop ’n houtboksie met ’n oopvoudeksel waarin jy die heuningkoek kan verpak. Draai die boksie toe met geskenkpapier van jou keuse, en rond dit met ’n dun fluweellint af. Voer ’n bakplaat uit met bakpapier en spuit dit met kleefwerende kossproei. Sprinkel die neute oor die papier. Gooi die suiker, stroop en 30 ml water in ’n kastrol en verhit dit oor lae hitte. Moenie roer nie. Jy kan enige suikerkristalle wat teen die kant van die kastrol vorm, met ’n klam deegkwas…

JY BENODIG ♥ 3 lae koek of fopkoek (ons koeklae is 20 cm, 15 cm en 10 cm in deursnee)♥ koekiedeeg♥ harde versiersel♥ botterversiersel♥ jelkoskleursel♥ fondant om die koeke te bedek GE REED SKAP EN TOERUSTING ♥ koekiedrukkers (ster, kartelrandsirkels vir die kranse, bome, klein vierkante en reghoeke)♥ spuitsakke♥ nr. 1-ronde spuitstukke (opsioneel)♥ kartonkoekborde♥ smeermesse of koekstrykers♥ liniaal en skerp mes♥ tappenne (vir regte koeke) LET WEL: As jou koekiekasteel ’n hele tyd gaan staan, kan jy dit gerus oorweeg om eerder fopkoeke van polistireenskuim te gebruik. Jy kan ook vrugtekoeke bak, wat veel langer sal hou. BEREKEN DIE GROOTTE VAN DIE HUISIEKOEKIES OM DIE KANT VAN DIE KOEK Bereken die omtrek van elke koeklaag (ons het koeke van 20 cm, 15 cm en 10 cm in deursnee gebruik) deur…

Skep ’n mixtape op jou rekenaar en laai dit op ’n rekenaarstokkie. Koop ’n klein kartonboksie met ’n oopvoudeksel en voer dit uit met papierfrummels. Kopieer die kasset- en speellysontwerpe hieronder in die verlangde grootte op wit papier en knip dit uit. Plak die kassetontwerp met spuitgom bo-op die boksie se deksel vas. Plak die speellysontwerp aan die binnekant van die deksel vas. Skryf die naam van jou mixtape op die kassetontwerp neer en die name van die liedjies en die musiekkunstenaars op die speellysontwerp. Sit die rekenaarstokkie op die papierfrummels en rond die boksie met ’n lint of koord af.…

Die feesseisoen is ’n tyd vol opwinding, heimwee en kleur! Dis ’n emosiebelaaide tyd, wanneer ’n mens graag ou herinneringe oproep en nuwes skep. Spesiale oomblikke saam met geliefdes word in die feestyd gevier, en met ’n nuwe jaar om die draai is ons wense vir ’n mooi, kleurryke toekoms. KERSBOOM Ons ‘Kersboom’ is ’n vertikale rangskikking vol nostalgie en kleur. Oomblikke van saam lag en huil – alles wat die lewe ‘lewe’ maak. Ons het die deksels van ou Tjhokoverfpotjies mooi geverf, ’n bypassende lint deur elke deksel geryg en ’n foto binne die ringgedeelte geplak om deel van ons Kersboom te word – versierings vol herinneringe. Spesiale oomblikke tussen vriende en familie – almal teen een muur wat verder met plante en Kersliggies versier is. TOEDRAAI-PAPIE Wat kan…

Reinig, skilfer, skrop, verfris, serum, olie, vogroom, sonskerm, gereelde masker? Is jy hondgetrou met hierdie velsorgroetine vir jou gesig, die meeste hiervan twee maal per dag? Maar jou hande is ’n nagedagte? Dink daaraan: Jou gesig en hande is die meeste blootgestel aan die elemente, elke dag, elke seisoen. En jou hande, naas jou nek, verklap eerste jou ouderdom. Nie net dit nie – jou hande is ook die eerste wat mense omtrent jou raaksien, naas jou gesig, en vorm hul indrukke van hoe goed versorg jy is. En jou hande wérk: Dit vat en gee, skuur en skrop, skep en stuur dinge in die regte rigting. As jy kreatief is en mooi goed met jou hande maak, loop hulle éérs deur, met verf, gom, water, seep, naalde, spykers, skroewe,…

Hulle sê die grootste geskenk is om te gee – en hierdie tyd van die jaar word ’n mens om elke hoek en draai daaraan herinner terwyl jy naarstig jou aftiklysie in ‘die seisoen van gee’ probeer kafdraf. Gee… so ’n klein woordjie wat ons tegelykertyd opgewonde en angstig kan maak. Vir die meeste mense is dit ’n skrikwekkende gedagte om sélf vir iemand anders ’n geskenk te maak. Dit is asof ons besluit het dié idee is net bedoel vir kinders en dat die perfekte geskenk baie spoggerig moet lyk en ’n klein fortuin kos. Maar dink daaroor na en jy sal besef ’n tuisgemaakte geskenk is eintlik die duurste en waardevolste geskenk wat jy vir iemand kan gee – deur mooi oor die geskenk na te dink en…

PAPIER-MÂCHÉ-POPPIES Hierdie projek voel so ’n bietjie soos om papierpop te speel. Jy maak net die basiese papier-mâché-popvorm, soek mooi gesiggies op die internet en trek dan papierkleertjies aan. Die detail op die lyfie verf jy met ’n paar strepies en kolletjies. MOEILIKHEIDSGRAAD: maklik (jou hande gaan net taai raak!) TYD: naweek, droogtyd ingesluit JY BENODIG ♥ riffelkarton ♥ koerantpapier ♥ papiergesiggies van jou keuse (soek op die internet) ♥ patroonpapier vir die klere ♥ verf vir die lyfies en ander detail ♥ kuns- en handwerkkwassies ♥ kouelym ♥ handwerkmes en snymat ♥ skerp skêrtjie Teken ’n basiese popvorm op die riffelkarton. Werk op ’n snymat en sny die vorm met jou handwerkmes uit. As jy eers die eerste poppie uitgesny het, kan jy dit as patroon gebruik om al…

Kersballe Brei die balle plat en werk dit dan toe. MOEILIKHEIDSGRAAD: gemiddeld TYD: 1½-2 uur per bal VAARDIGHEDE Vermeerder, verminder, Fair Isle-breiwerk GROOTTE Pas om ’n 60 mm-polistireenbal. SPANNING 15 ste en 18 rye = 5 x 5 cm (dit is belangrik). JY BENODIG ♥ 1 pak van 6 x 10 g Nurturing Fibres Eco-Bamboo Bonbons♥ 1 x 50 g Nurturing Fibres Eco-Bamboo Vanilla (10 g per bal benodig)♥ 2,5 mm-breipenne♥ 2 steekmerkers♥ stopnaald♥ 60 mm-polistireenbal per bal AFKORTINGS aw – aweregs awva – aweregs in die volgende steek, dan aweregs in die agterste lus van dieselfde steek voordat die volgende steek gebrei word (1 steek vermeerder) glM – glip merker (plaas dit oor op die regterbreipen) her – herhaal HK – hoofkleur (Vanilla) K2 – Kleur 2 (Paris) K3…

Amigurumi-takbok Amigurumi is die Japanse kuns vir die brei of hekel van klein, opgestopte speelgoed, meestal poppe of diertjies. MOEILIKHEIDSGRAAD: redelik maklik TYD: ’n paar uur tot ’n dag JY BENODIG ♥ 1 string elk Nurturing Fibres EcoCotton in Fawn en Vanilla♥ ½ string elk Nurturing Fibres EcoCotton in Mint en Karoolands♥ minder as ½ string Nurturing Fibres EcoCotton in Blush♥ 2,25 mm-hekelpen♥ swart borduurgare♥ dik naald♥ poliësterspeelgoedstopsel♥ steekmerker GROOTTE Voltooide lengte: 16 cm. AFKORTINGS gls – glipsteek her – herhaal hlb – halwe langbeen kb – kortbeen kb2tes – kortbeen twee tesame (vermindering) ks – kettingsteek lb – langbeen r – rondte/ry rdte – rondte st(e) – steek(steke) vlg – volgende wr – wonderring LET WEL: Die patroon word meestal in aaneenlopende rdtes gehekel. Moenie gls hekel om die…

MOEILIKHEIDSGRAAD: gemiddeld TYD: 1 uur JY BEN ODIG ♥ realistiese blomillustrasie van jou keuse (hou dit eenvoudig as jy ’n beginner met linosneewerk is) ♥ linoleumvel ♥ linosneemessies ♥ ink en inkkussing ♥ papier (70-80 gsm) ♥ koolpapier ♥ balpuntpen ♥ houtblokkie ♥ gomgeweer Trek die realistiese illustrasie met koolpapier en ’n balpuntpen op die linoleumvel na. Sit die koolpapier, met die koolkant ondertoe, op die linoleum. Sit die illustrasie bo-op sodat dit na bo wys. Trek die illustrasie met die balpuntpen op die linoleum af. Gebruik jou linosneemessies om die lyne op die linoleum uit te kerf. Kerf veiligheidshalwe weg van jou af en werk op ’n glyvaste oppervlak. Die dele wat jy wegsny, is negatiewe areas en gaan dus nie met ink bestryk word nie. Die oorblywende verhewe…

MOEILIKHEIDSGRAAD: gemiddeld TYD: 2-3 dae JY BENODIG MATERIAAL ♥ 400 mm x 300 mm Superwood (16 mm dik)♥ 1 m x 16 mm tappen♥ onderlaag of skuurverseëlaar♥ 1 kannetjie spuitverf (ons het songeel gebruik)♥ houtlym (ultra)♥ houtvuller GEREEDSKAP ♥ draagbare uitsnysaag met ’n fyntandlem♥ rug- of handsaag♥ staan- of handboor♥ 8 mm-, 10 mm- en 16 mmplatboorpunte♥ 200 mm- halfronde en ronde vyl♥ skuurpapier: 100-, 150- en 220-grint♥ klampe SO MAAK JY KROKODILSTAANDER 1 Maak dele 1 tot 5 en volg die tegniese tekeninge vir presiese spesifikasies. 2 Boor die 16 mm-tappengate tot op ’n diepte van 12 mm. 3 Boor elke hoekradius met die 8 mmplatboorpunt en saag dan die krokodilvorm uit met ’n draagbare uitsnysaag. Vyl en skuur die rande netjies. 4 Lym en steek die tappenne in…

24 Oktober-2 November Eunice High in Bloemfontein bied hul jaarlikse Kersmark aan: eunice.co.za. 29 Oktober-1 November Besoek die Delmas-Kersmark in die kerksaal van die Hervormde kerk: ‘Delmas Kersmark’ op Facebook. 29 Oktober-2 November Die Marktfees vind plaas in die Tramways-gebou in Port Elizabeth: ‘Marktfees’ op Facebook. 29 Oktober-10 November Besoek die Cape Gift Market in die Seepunt-burgersentrum: capegiftmarket.com. 30 Oktober-9 November Geskenke te kies en te keur wag by die Crafter’s Fair-Kersmark in Moreleta Park, Pretoria: craftersfair.co.za. 31 Oktober-3 November Die Glenshiel Christmas Fair word in Westcliff gehou: ‘Glenshiel Christmas Fair’ op Facebook. 6-10 November Loer in by die Constantia Gift Fair Shop by die SA Riding for the Disabled Association in Constantia: thegiftfair.co.za. 16 November Die Rust-en-Vrede-galery in Durbanville speel gasheer vir die Spot Ceramics-mark: rust-en-vrede.com. 20 November-1 Desember…

RUS EN SMUL LANGS DIE N2 As jy dié feesseisoen op die N2 ry of dalk oorbly in die Wes-Kaap se Overbergstreek, kan jy gerus inloer by die restaurant op die wyn-en-olyfplaas Gabriëlskloof ’n klipgooi buite Botrivier. Dit is ’n vreedsame asemskepplek en boonop vier die restaurant vanjaar sy tiende verjaardag met ’n spesiale spyskaart vol feesgeregte vir ontbyt of middagete. Die kos en atmosfeer word beskryf as eerlik, heilsaam en ruim. Bel 028 284 9865 om ’n tafel te bespreek of besoek gabrielskloof.co.za vir meer inligting. Vir Kerskousgeskenke moet jy nie die Favourite Things-mark van 14-16 Desember misloop nie. VANGNET VIR JOU VEL Deurbraaknavorsing, gedryf deur hulle Active HydraMesh Technology, is ingespan vir Dermalogica se nuwe Skin Smoothing Cream (50 ml, R829). Dié tegnologie span ’n soort molekulêre ‘vangnet’…

Maak: omtrent 24 Bereidingstyd: 1 uur, plus yskastyd Baktyd: 12-15 minute Oondtemperatuur: 180 ºC BESKUITJIES ♥ 180 g (330 ml) koekmeel ♥ 2 ml paprika ♥ 5 ml droë gemengde kruie ♥ 1 ml rooipeper ♥ 180 g (390 ml) beleë cheddar, fyngerasper ♥ 45 g (100 ml) parmesaan- of pecorinokaas, fyngerasper ♥ 125 g (135 ml) sagte botter ♥ vars kruie (roosmaryn, pietersielie en/of tiemie) VERPAK DIT Koop ’n bruin kartonboksie met ’n asetaatdeksel waarin jy die kaas-en-kruiebeskuitjies kan verpak. Kopieer die etiket op bladsy 50 in die verlangde grootte op wit papier, knip dit uit en plak dit met spuitgom op die deksel vas. Voer die boksie met waspapier uit en pak die beskuitjies daarin. Plaas die meel, paprika, droë kruie, rooipeper en 3 ml sout in ’n…

Maak: 4 Bereidingstyd: 45 minute, plus yskastyd Baktyd: 20 minute Oondtemperatuur: 190 ºC KRANSE ♥ olyfolie ♥ 2 rooi soetrissies, ontpit en in kwarte gesny ♥ 2-3 takkies vars tiemie ♥ 4 knoffelhuisies, fyngekap ♥ 50 ml geroosterde amandels, grofweg gekap ♥ 125 ml fyngerasperde parmesaankaas ♥ 2 velle (400 g) skilferkorsdeeg, ontdooi Drup ’n bietjie olyfolie oor die soetrissiekwarte en pak dit saam met die tiemietakkies op ’n bakplaat. Rooster dit vir 20 minute in die verhitte oond of tot dit sag is en die skil swart blase begin vorm. Haal die soetrissies uit die oond, skep dit dadelik in ’n bak en bedek dit met kleefplastiek sodat dit vir 10 minute kan stoom. Stroop die tiemieblaartjies van die takkies af en plaas dit in ’n voedselverwerker. Trek die…

FEESTELIKE PAKKIES Draai jou geskenke in gewone bruinpapier toe en knoop ’n stuk bakkerskoord of lint om elkeen vas. Maak geskenkkaartjies deur die ontwerpe op hierdie blaaie op wit karton te kopieer en uit te knip. Versier die geskenke verder met papiersterre en washi-kleeflint. SIERLIKE MUUR Raam die aanhaling op die oorkantste bladsy en hang dit teen jou fokusmuur op. Versier die muur verder met die ontwerpe op hierdie blaaie en papiersneeuvlokkies en -sterre.…

SWAY – Dean Martin I GOT YOU (I FEEL GOOD) – James Brown L-O-V-E – Nat King Cole VALERIE – Amy Winehouse EASY LIVING – Andrea Motis en Joan Chamorro SYMPATHIQUE – Pink Martini FLY ME TO THE MOON – Frank Sinatra en Count Basie IT’S NOT UNUSUAL – Tom Jones SHE – Charles Aznavour SODADE – Cesária Évora AMADO MIO – Pink Martini MY BABY JUST CARES FOR ME – Nina Simone AMOR DE LOCA JUVENTUD – Buena Vista Social Club SUMMER WINE – Nancy Sinatra en Lee Hazlewood PETIT PAYS – Cesária Évora COLD LITTLE HEART (RADIO EDIT) – Michael Kiwanuka BEYOND THE SEA – Robbie Williams JUST IN TIME – Tony Bennett MACK THE KNIFE – Louis Armstrong ALL OF ME – Billie Holiday I LOVE PARIS…

SKEP DIE PRENTJIE Ons het ons muur met Plascon in Rain Puddle (G4-D2-1) geverf en met skakerings van groen en wit gespeel om die prentjie verder in te kleur. Meng moderne elemente met vintagedekoritems om ’n vars, feestelike voorkoms te skep. Rond die muur af deur die roosmarynprent op bladsy 79 te fotokopieer en in ’n eenvoudige raam teen die fokusmuur te hang. ROOSMARYN-KAASBORD Pak takkies roosmaryn in die vorm van ’n krans op ’n ronde houtbord. Pak kaas, soutbeskuitjies, olywe, blokkies bittersjokolade en frambose vir kleur op die bord en rond dit af met ’n bypassende lint. Sit die kaasbord voor met yskoue wyn – die perfekte voorgereg vir jou Kersmaal.…

19 uur en 47 minute. Ek is stomgeslaan. Nee, ek vlieg nie Hongkong toe nie, en dis ook nie die getal ure wat ek wag dat my internetdiensverskaffer my terugbel nie. Volgens my iPhone-skermverslag is dít hoeveel tyd ek die afgelope week op my foon deurgebring het. 19 uur en 47 minute. Ironies, want ek het gedink ek was heelwat minder aanlyn nadat ek die Britse tendensvoorspeller James Wallman se Time and how to spend it gelees het. Nou ja, ek kan darem twee uur aftrek vir die navigasie-apps wat ek gebruik het terwyl ek bestuur het. Maar ek was ’n verbysterende vier uur lank besig op WhatsApp, en gemiddeld 46 keer per dag het ’n kennisgewing op my foonskerm geflits. Wallman kon netsowel sy boek Time and how not…

SKEP DIE PRENTJIE Ons het ou foto’s, roos- en swaanprente en hope lint in heldergeel, skakerings van pienk en tikkies swart gebruik om ’n kontemporêre vintage-voorkoms vir ons feeshuis te skep. KERSBOOM Maak verlede jaar se Kersboom nuut met geel spuitverf. Ons het Rust-Oleum 2X Ultra Cover in Sun Yellow gebruik en ’n bietjie Spraymate Fluorescent Lunar Yellow bygesit vir ekstra-helder skop. PAPIER-BLOMMEKRANS Maak jou eie Kerskrans met papierrose wat op ’n borduurring vasgelym word met ’n gomgeweer. Kry prente van rose in die vintage-styl op die internet, druk dit in kleur uit en knip dit uit. Spuit ’n tweede, groter borduurring heldergeel en hang dit saam met die papierblommekrans op. Rond dit af met linte wat by jou kleurskema pas. GESKENKPAPIER Ou familiefoto’s, vintage- en grafiese silhoeëtprente van rose…

Geskenkboksie MOEILIKHEIDSGRAAD: maklik TYD: naweek JY BENODIG ♥ houtboksie met los deksel♥ borduurpatroon op bladsy 108♥ wit spuitverf♥ wit materiaal♥ wit skuinsband♥ borduurgare in die kleure van jou keuse♥ borduurnaald♥ materiaalgom♥ spuitgom♥ kramgeweer♥ koolpapier SO MAAK JY 1 Verwyder die skarniertjies van die houtboksie en hou dit eers eenkant. Spuit die boksie met wit spuitverf (ons het Rust-Oleum in Satin White gebruik – met dié produk het jy nie ’n onderlaag nodig nie, jy gebruik dit net so). Spuit genoeg lae verf aan sodat die hout heeltemal bedek word. Laat die verf goed droog word. 2 Meet nou jou materiaal volgens die bokant van die boksie – onthou om reg rondom genoeg toe te laat om die materiaal om die deksel se binnekant te vou – en knip dit uit.…

JEL-DRUK OP KERAMIEK Volg die aanwysings vir die gedrukte papier op bladsy 121, maar druk op ’n keramiekbeker en gebruik keramiekverf gemeng met akrielaanvuller (extender). Sodra die prent op die jelplaat oorgedra is, trek die tydskrifbladsy af en rol die beker versigtig oor die plaat om die afbeelding daarop oor te dra. Werk stadig en pas op dat die verf smeer. Bak die beker vir 35 minute teen 170 °C om die verf kleurvas te maak. EENKLEURDRUKWERK MET ’N JELPLAAT Die meeste jeldrukplate wat te koop is, het ’n buigsame en vormbare oppervlak waarop jy verf kan smeer, teksture byvoeg en baie afdrukke mee kan doen. Ons het Gelli Arts-jeldrukplate gebruik wat soos gelatien lyk en voel, maar in werklikheid gemaak is van ’n plastiek wat mineraalolie bevat. Dit is…

MOEILIKHEIDSGRAAD: gemiddeld TYD: halfuur, plus droogtyd JY BENODIG ♥ afvalpapier ♥ raam vir papiermaak ♥ fynbos of gedroogde blomme ♥ ’n stuk linnemateriaal Begin deur die afvalpapier in klein stukkies te knip. Maak ’n pulp van die papier en ’n bietjie water in ’n voedselverwerker. Jy het omtrent 125 ml water vir 250 ml papier nodig. Voeg omtrent 125 ml fyngesnyde fynbos of gedroogde blomme by die papierpulp. Plaas die pulp-en-fynbosmengsel in ’n bad water wat groot genoeg is vir die papiermaakraam. Jy het omtrent 500 ml water vir 250 ml pulp nodig. Doop die papiermaakraam in die papierpulpbad, dompel die raam heeltemal onder die water en lig dit stadig op. Laat rus die raam op die rande van die bad totdat die meeste van die water gedreineer het. Sit…

My meisiekind karring graag aan my om my hare ‘interessanter’ te kleur. Sy dink ek sal mooi lyk met ligblou of turkoois in my hare. Ek dink die grys wat nou oraloor kop uitsteek, sal eers moet oorneem totdat my hare heeltemal wit is, miskien sal ek dit dan kleur. Dit laat my dink aan toe ek tien geword het. Ek het as verjaardagpresent by my ouers ’n tapisserielap gekry. ’n Jong meisie met bloedrooi hare, pienk lippe en ’n heldergroen bloes was geverf oor die lap, blokkie, gaatjie, blokkie, gaatjie. Ek moes met ’n stomp borduurnaald stukkies wol een vir een deur die gekleurde gaatjies ryg, dan knoop aan die agterkant, terugryg en uiteindelik afknip aan die voorkant. Totdat al die stukkies wol saam ’n sagte tosselrige afbeelding van…

creativecalendarideas@gmail.com November WES-KAAP 29 Oktober-3 November Kamers/Makers vind plaas op die wynplaas Blaauwklippen buite Stellenbosch. Geniet plaaslike ontwerp en handwerk, kuns, musiek, kos en wyn: kamersvol.com. 9-10 November Die Leisure Isle Festival word ten bate van liefdadigheid op Knysna gehou: leisureislefestival.co.za. 15-17 November Die Greyton Artwalk word by verskeie venues op Greyton gehou: Stuur e-pos na greytonartwalk@gmail.com of bel 082 495 4019 vir meer inligting. 24 November Die jaarlikse Cape Town Toy Run-motorfietstog word ten bate van liefdadigheid aangebied: toyrun.co.za. VRYSTAAT 21-23 November Die pragtige Oos-Vrystaatse dorpie Ficksburg skud sy blare reg vir die jaarlikse Kersiefees: cherryfestival.co.za. KWAZULU-NATAL 2 November Innistraat, die straatfees wat jaarliks in Springfieldstraat op Winterton gehou word, is dié kuierplek vir markstalletjies, boetiekbier, kontreikos, kuns, musiek en kultuur: Bel 084 567 8802 of 082 548 9910…

The secrets we kept – Lara Prescott (Random House UK, R290) 1956. ’n Gevierde Russiese skrywer skryf ’n boek, Doctor Zhivago, met die potensiaal om die Sowjetunie te verdeel. Die Sowjette, bang dat die boek hulle mag kan ondermyn, verban dit. Maar in die res van die wêreld sorg dit vir ’n sensasie. Die CIA wil die boek gebruik om die Koue Oorlog in hulle guns te swaai. Hul agente? Twee tiksters – die sjarmante, ervare Sally, en die talentvolle groentjie Irina. Die twee vroue word die taak van ’n leeftyd opgelê: om Doctor Zhivago, kom wat wil, terug in Rusland in te smokkel. Dit sal allermins maklik wees. Daar is mense wat sal sterf vir die boek en agente wat nie sal huiwer om enigeen in hulle pad dood…

Maak: 6 klein flesse Bereidingstyd: 30 minute Gaarmaaktyd: omtrent 40 minute KONFYT ♥ 3-4 middelslag-Granny Smith-appels ♥ 500 ml bevrore bosbessies ♥ 635 g (750 ml) suiker ♥ 15 ml appelasyn ♥ gerasperde skil en sap van 1 groot suurlemoen ♥ 5 ml fyngerasperde vars gemmer ♥ 2-3 jalapeñorissies, pitte verwyder en gekap Skil al die appels en verwyder die klokhuise. Sny die appels in klein, ewe groot blokkies. Jy het 675 ml appelblokkies nodig. Plaas die appelblokkies, bosbessies, suiker, asyn en 125 ml water in ’n groot kastrol. Verhit dit oor hoë hitte tot kookpunt. Gebruik ’n gaatjieslepel om enige skuim af te skep wat op die oppervlak vorm. Laat dit vir 5-10 minute prut tot die bosbessies begin bars. Verlaag die hitte tot medium en voeg die suurlemoenskil…

Maak: 3 geursakkies en 1 bottel Bereidingstyd: 45 minute, plus trektyd Gaarmaaktyd: 1 uur Oondtemperatuur: 80 ºC AROMATIESE SITRUSGEURSAKKIES ♥ 1 elk lemoen, suurlemoen en lemmetjie of pomelo, gewas ♥ 2-3 takkies vars roosmaryn en tiemie ♥ 2 kaneelstokke of 15 ml kaneelstukkies ♥ 5 ml vinkelsaad ♥ 10 kardemompeule ♥ 5 steranyssade ROOS-EN-LEMMETJIE-JENEWER ♥ ’n hand vol droë roosknoppies ♥ ’n hand vol vars frambose (opsioneel) ♥ 1 lemmetjie, gewas en in dun skyfies gesny ♥ 5 ml pienk peperkorrels, gekneus ♥ 1 bottel jenewer Jenewerdrankies is hoogmode en dis kinderspeletjies om ’n bottel doodgewone jenewer met jou eie unieke geure op te kikker. Verras jou gaste met ’n spesiale skemerkelkie of bederf hulle met ’n bottel gegeurde jenewer as geskenk. Jy kan ook spesiale geursakkies maak waarmee die…

Lank, lank gelede, in die tagtigs, was daar mixtapes. Dit was in die tyd van footless tights, diskoteke, Jane Fonda se oefenvideo’s wat die frase ‘feel the burn’ gewild gemaak het, skouerkussings en Amerikaanse sepies soos Dallas en Dynasty. Dít was my jongmens-tyd. En tot vandag toe klingel die musiek waarop ons op huispartytjies gedans of op road trips na geluister het, in my kop. Soms was dit ‘liefdesbetuigings in klank’ wat romantiese kêrels vir meisies (of andersom) gemaak het. Mixtapes – die destydse speellyste op musiekkassette – is nou weer met ons. In die treffer-TV-reeks The Handmaid’s Tale, wat op die Kanadees Margaret Atwood se gelyknamige boek gegrond is, duik ’n boks daarvan in die kelder op, met nostalgiese herinneringe aan die toe romantiese man wat dit vir sy…

Roosmaryan floreer in 'n sterk vrov se tuin. Oorkantste bladsy VARS TOEGEDRAAI Draai jou pakkies in stukkies afvallap toe en rond dit af met ’n lint en takkie roosmaryn. PLEKAANWYSER-KRANSIE Sit so ’n kransie op elke gas se bord om hulle plek aan tafel aan te dui. Buig ’n stukkie draad in ’n ringvorm en gebruik ’n gomgeweer om takkies roosmaryn al om die draadring vas te plak. Bind ’n naamkaartjie met ’n stukkie lint daaraan vas. GEGEURDE OLIE Die perfekte geskenk vir enige kosliefhebber. Vul ’n mooi glasbottel met olyfolie en sit ’n takkie of twee roosmaryn daarin. Maak ’n kaartjie met ’n stukkie tou daaraan vas. ROOSMARYN-STER Versier jou Kersboom of fokusmuur met hierdie sterre. Gebruik ’n gomgeweer om 12 roomysstokkies in die vorm van ’n ster aan…

Te veel tyd voor ’n skerm is nie net ’n leë ervaring nie; dis boonop sleg vir jou gesondheid. In Wallman se woorde: ‘Om in te skakel, moet jy afskakel.’ Sy raad is om selfone en die foto’s wat ons daarmee neem soos alkohol te benader: ‘Matigheid voor oë, en ’n bietjie op ’n slag pleks van misbruik.’ Hy gee hierdie raad om die tegnologielokval te vermy: Skakel jou foon snags heeltemal af, en laat dit slaap sodat jy kan slaap. Maak jou slaapkamer ’n foonvrye sone. As jy jou foon ook as wekker gebruik, kry ’n ander wekker. Aktiveer die vliegtuigfunksie, of skakel jou foon op ’n sekere tyd ná werk af. Skakel alle kennisgewings af sodat jou foon nie jou aandag aflei nie. Kies vaste tye wat jy…

MOEILIKHEIDSGRAAD: moeilik TYD: omtrent ’n halfdag, droogtyd ingesluit JY BENODIG ♥ giethars ♥ verharder (katalisator) ♥ kleurpigment (in die kleur van jou keuse) ♥ silikonsjokoladevorms ♥ plastiekhouer ♥ maatkoppie ♥ houtlepel ♥ dun draad of kettinkies om die versierings mee vas te maak ♥ gomgeweer AFMETINGSWENK: Die verhouding van die katalisator tot die hars is 1-2% verharder tot die totale volume van die hars wat gebruik word. Byvoorbeeld, vier druppels verharder sal 1% wees van 30 ml hars. Meet die verlangde hoeveelheid giethars in ’n maatkoppie af en gooi dit in ’n plastiekhouer. Voeg die regte hoeveelheid verharder by die giethars. Roer die mengsel met ’n houtlepel tot die kleur van die hars verander. Voeg dieselfde hoeveelheid kleurpigment as verharder by jou mengsel en meng dit weer goed. Giet die…

Vilt-geskenk-kaartjies Die internet is jou beste maatjie hier. Tik net ‘Christmas animal templates’ en ‘bauble templates’ in en jy sal letterlik honderde patrone te kies en te keur kry. Jy kan ook ons patrone op bladsye 108- 109 gebruik. MOEILIKHEIDSGRAAD: maklik TYD: ’n dag of wat vir ‘n hele paar kaartjies JY BENODIG ♥ Kersdiertjiepatrone van jou keuse♥ Kersbalpatrone vir die agterkant van die kaartjies♥ vilt in die kleure van jou keuse♥ borduurgare in die kleure van jou keuse♥ borduurnaald♥ materiaalgom♥ skerp skêrtjie SO MAAK JY 1 Druk die Kersdiertjie- en Kersbalpatrone van jou keuse in die verlangde grootte op papier uit en knip dit uit. NO TA: Moenie die kaartjies te groot maak nie, anders raak dit lomp. Ons grootste een is so 11 cm hoog. Maak ook seker…

Handsak MOEILIKHEIDSGRAAD: gemiddeld TYD: naweek GROOTTE Slegs een grootte. Breedte van halfsirkel: 15,5 cm. Volle lengte van sak: 18 cm. JY BENODIG ♥ 2 bolle Nurturing Fibres Eco-Fusion in Aqua♥ 3,5 mm-hekelpen♥ tapisserienaald♥ 15,5 cm halfmaan-handsakknip♥ voeringmateriaal (opsioneel)♥ 5 mm-lint, omtrent 80 cm lank AFKORTINGS beg – begin gls – glipsteek her – herhaal kb – kortbeen ks – kettingsteek lb – langbeen rdte(s) – rondte(s) RK – regte kant sp – spasie st(e) – steek(steke) VK – verkeerde kant vlg – volgende LET WEL: Hekel 3 ks aan die beg van lbrdtes. Dit tel as ’n st. Hekel 1 ks aan die beg van kb-rdtes. Dit tel nie as ’n st nie. STEEKAA NWYSINGS Beg-springmieliest (gebruik aan die beg van rye): Ks 3, hekel 3 lb by die onderkant…

MOEILIKHEIDSGRAAD: gemiddeld TYD: halfuur JY BEN ODIG ♥ jeldrukplate ♥ dik akrielverf in die kleure van jou keuse ♥ harde rubberroller (brayer) ♥ glanstydskrifprente ♥ gewone papier in die kleure van jou keuse Verwyder die beskermende velle van albei kante van die jelplaat en sit die plaat op ’n plat oppervlak neer. Sit ’n bietjie akrielverf op die jelplaat en versprei dit egalig met die roller. Jy wil ’n dun lagie verf op die plaat hê. Werk vinnig, aangesien die verf kan begin droog word. Eksperimenteer met die hoeveelheid verf wat reg is vir jou. Sit ’n tydskrifbladsy op die plaat met die prent na onder. Maak die papier met jou hand en die roller glad om alle lugblasies te verwyder. Jy dra nou die prent op die plaat oor.…

MOEILIKHEIDSGRAAD: redelik moeilik TYD: 5-6 dae JY BENODIG MATERIAAL ♥ tegniese tekeninge – uitskuifaansig en bedradingsdiagram op hierdie blaaie* ♥ hout (in dié geval SA-dennehout) – 400 x 115 x 12 mm (dele 1 en 4) – 400 x 95 x 12 mm (dele 2 en 3) – 300 x 95 x 12 mm (dele 5 en 6) – 1 200 x 70 x 12 mm (dele 7 en 8) – 1 200 x 22 x 12 mm (dele 9 en 10) – 3 000 x 45 x 45 mm (dele 18 x 4) ♥ lameldennehout – 1 000 x 330 x 22 mm (dele 11 en 12) – 700 x 311 x 22 mm (dele 13 en 14) – 370 x 310 x 22 mm (deel 15) – 371…

* VIR ’N JAA RLIKSE INTEKENING VAN R433,50 ONTVANG JY AL OM DIE ANDER MAAND JOU GEDRUKTE EKSEMPLAAR VAN IDEES.* * TEKEN OP ENIGE VAN DIÉ MANIERE IN: • SKAKEL 087 353 1307 (MAANDAGTOT VRYDAG 8 VM. TOT 4.30 N M.). • STUUR JOU NAAM EN KONT AKBESONDER HEDE PER E-POS AAN SUBS@IDEASFACTORY.CO.ZA.** • SMS ‘INTEKEN IDEES ’ NA 33153. (SMS ’E KOS R1,50 ELK.)** * AS JY ’N DIGITALE EKSEMPLAAR WIL KOOP OF OP DIE DIGITALETYDSKRIF WIL INTEKEN, GAAN NA WWW.MAGSATHOMEDIGITAL.CO.ZA. KOOP ’N ENKELE DIGITALE EKSEMPLAAR TEENR 60 OF TEKEN OP DIE DIGITALE TYDSKRIF IN VIR R330. VIR NAVRAE STUUR ASSEBLIEF ’N E-POS AAN DIGITALSUPPORT@MAGSATHOME.CO.ZA OF SKAKEL 087 405 2222. ONS IS OOK OP ZINIO (za.zinio.com) BEPALINGS EN VOORWAARDES * Jou intekengeld is vooruitbetaalbaar. • Die aanbod geld slegs…