Innehållsförteckning för January/February 2020 från Idees

Kontak my by • terena@ideasfactory.co.za • instagram.com/terenaleroux 2020. As ’n visuele persoon verkyk ek my aan die mooi balans van hierdie jaartal-dit lyk net reg. En as dit reg lyk, voel dit vir my ook reg. Dalk is dit nog die nadraai van die Rugbywêreldbeker-euforie, maar ek voel gerééd vir 2020. ’n Gebalanseerde syfer vir ’n jaar van balans. So waar begin ’n mens? Met lysies natuurlik. Kyk, ek was nog altyd lief vir ’n lysie. Of dalk meer vir die aftik van die items op die lysie. Dié dat ek ná ons artikel oor koljoernale amper drie jaar gelede nog nooit weer sonder een was nie. My lewe was nog nooit so mooi agtermekaar nie en vandaar my geloof in lysies om dinge volgens plan te hou. Soos dié…

The doll factory-Elizabeth Macneal (Picador, R306) Dit is die jaar 1850. Terwyl Iris, ’n jong vrou met drome om ’n kunstenaar te word, kyk hoe die perseel van The Great Exhibition in Hyde Park, Londen, opgerig word, ontmoet sy vir Silas, ’n taksidermis. Sy vergeet dié blitsontmoeting byna dadelik, maar vir hom wat eiesoortige mooi goed versamel, is dit ’n lewensveranderende oomblik. Wanneer Iris gevra word om model te speel vir die pre-Rafaelitiese kunstenaar Louis Frost, stem sy in op voorwaarde dat hy haar leer skilder. Só word haar wêreld ’n ál groter plek waar vryheid en kuns koning kraai. Maar vir Silas word sy ’n obsessie wat selfs groter is as sy droom om aan die tentoonstelling deel te neem. ’n Boeiende storie oor drome, passie en deursettingsvermoë wat…

MOEILIKHEIDSGRAAD: maklik as jy ’n jojo-werktuig het TYD: hang van projek af (’n kwilt neem lank, maar ’n kussingoortreksel is gou klaar) JY BENODIG ♥ jojo-maker ♥ materiaal van jou keuse ♥ bypassende masjiengare ♥ naald ♥ karton vir die patroon Meet die deursnee van jou jojo-maker (tel 5 mm by) en knip ’n sirkelpatroon daarvolgens. Trek die patroon op jou materiaal af en knip dit uit. Sit die materiaalsirkel in die jojomaker volgens die vervaardiger se aanwysings en werk voorsteke reg rondom. Verwyder die binneste skyf waarop jou materiaal is en haal die materiaal versigtig van die skyf af. Ryg die materiaal in om ’n klein, plat sirkel te maak en werk die garepunte in. Gaan voort om die sirkels so te maak totdat jy genoeg het vir wat…

VOED JOU SIEL MET GOEIE GEDAGTES Talle mense beskou mindfulness as ’n 21ste-eeuse superkrag. Deur uit of in te zone soos hulle in Engels sê, kan help om stres te verminder, probleemoplossing verbeter, pyn verlig, jou help om woede beter te bestuur en ook slaaploosheid verlig. Kenners stel voor jy sit daagliks 20 minute opsy en beoefen ’n vorm van meditasie-of dit nou formele meditasie of ’n aandagtige stappie in die natuur is, of om bloot stil te sit en slegs op jou asemhaling te fokus. JOU 20 VIR 2020 Gebruik ’n voorstel uit Gretchen Rubin se boek The Happiness Project en stel ’n lys van 20 dinge op wat jy graag in 2020 wil bereik. Dit kan so omvangryk wees soos om Frans onder die knie te kry of…

Ek kon sweer ek ruik roosterbrood wat brand, maar net toe ek kombuis toe wil storm, flits ’n boodskap op my skerm… Dis seker nie nodig om te verduidelik wat hierna gebeur het nie. Dit het seker al met jou ook gebeur. Ons lewe raak al hoe besiger terwyl ons soveel as moontlik in elke oomblik prop. Tegnologie het die grense tussen ons vrye tyd en werk in so ’n mate laat vervaag dat ons deesdae almal die slawe is van multitasking. As jy van die huis af werk, sorteer jy waarskynlik wasgoed terwyl jy jou span se 2020-strategie oor jou foon se luidspreker bespreek. Staan jy in ’n tou, antwoord jy e-posse en onthou dan van ’n rekening wat jy gou betaal voor jy op ‘send’ kan klik. Verskeie…

MOEILIKHEIDSGRAAD: gemiddeld TYD: 1 dag JY BENODIG ♥ lugdroogklei (wit) ♥ droë blomme ♥ dekoratiewe stempel ♥ ink-draaistempel (pre-inked rotating stamp, beskikbaar by die meeste skryfhoeftewinkels) ♥ koekroller ♥ kleefplastiek ♥ glasvaas Rol die lugdroogklei in ’n lang reghoek uit. Druk die droë blomme op die klei vas en rol weer daaroor Gebruik die dekoratiewe stempel om ’n ontwerp op die klei te stempel terwyl dit nog nat is Bedek die glasvaas met kleefplastiek en drapeer die uitgerolde klei oor en om die glas. Verseël dit netjies aan die agterkant en sny enige oortollige klei af. Gebruik die ink-draaistempel om jou gunsteling-aanhaling op die kleivaas te druk. Laat dit vir omtrent ’n dag staan om kurkdroog te word. Verwyder die glasvaas…

MOEILIKHEIDSGRAAD: gemiddeld TYD: naweek JY BENODIG ♥ borduurpatroon van jou keuse ♥ materiaal van jou keuse ♥ bypassende borduurgare ♥ dun watteersel ♥ kleremakerspen ♥ knoop ♥ lint SO MAAK JY Teken patrone vir die ‘boek’ en sakkies in die verlangde grootte en knip dit uit met ’n 1 cm-soomtoelating. Vou soompies vir die sakkies om en borduur die soompies met voorsteke. Speld die sakkies aan die regte kant van die agterkantdeel van die materiaal vas en stik dit vas. Trek ’n borduurpatroon van jou keuse aan die regte kant van die voorkantdeel af en borduur dit met stamsteek, satynsteek en Franse knopies. Speld die watteersel vas saam met die voor-en agterkantdele, met die regte kante teen mekaar. Stik dit reg rondom vas, maar laat ’n opening om jou boek…

MOEILIKHEIDSGRAAD: al drie stukke is redelik maklik om te maak TYD: naweek JY BENODIG ♥ sagte leer ♥ juweliersvasmaakmiddels (soos hakies, knippies en ogies, by kralewinkels te kry) ♥ gare (soos borduur-, masjienen wasgare) ♥ sterk naald ♥ gomgeweer ♥ gaatjiepons of passer ♥ skerppunttangetjie ♥ handwerkmes en snymat ♥ staalliniaal VIR EKSTRA VERSIERING: ♥ gekleurde steentjies ♥ dun koperdraad ♥ koperring RING MET STEEN 1 Werk op ’n snymat en gebruik ’n handwerkmes en staalliniaal om ’n reep leer van so 1 cm breed te sny wat om jou vinger pas, met so ’n paar millimeter aangesny. 2 Laat die twee punte oorvleuel en pons twee gaatjies dwarsdeur albei lae. 3 Knip ’n lengte dun koperdraad, druk die twee punte van onder af (van die binnekant van die ringvorm)…

SKRYF VIR ONS & WEN! Petra Swart, die skrywer van dié uitgawe se wenbrief, ontvang ’n geurgeskenk vir haar huis van Balance Cape Town. Balance se parfuums vir die huis word gemaak van suiwer ekstrakte wat delikaat deur die lug versprei word en die hele vertrek in ’n aangename geur hul. In die geskenkpak is ’n kamerparfuum, riet-geurverspreiders, ’n gegeurde was-kers en-tablet, botaniese seep en organiese seep. Besoek balancecapetown.com vir meer inligting en om jou eie produkte te bestel. ’N BLINK IDEE VIR MY IDEES Met my kraakvars Idees in die een hand en ’n koppie koffie in die ander hand is ek reg om my ongestoord oor te gee aan ’n wêreld van geniet en bewonder en beplan aan my volgende projek, maar toe besluit ek vir ’n slag…

@MISSMILLYSA Skukuza, Krugerwildtuin, Mpumalanga Theresa McGill van Miss Milly se liefde vir vintage-blomontwerpe vind uiting in haar pragtige skryfbehoeftereeks, alles in sagte pastelkleure. Volg haar op Instagram, waar sy haar nuutste ontwerpe en inspirasie deel. @FEBE_AND_MISHKA_IN_WONDERLAND Hermanus, Wes-Kaap Die ma-en-dogter-duo Fébé Harris Marais en Mishka pak saam kreatiewe projekte aan-van handwerk tot naaldwerk-en trek graag vintage-klere aan om op Instagram mee te paradeer. @TMUIS Kaapstad Jy sal nie genoeg kan kry van die begaafde plaaslike illustreerder Tyla Mason se kleurryke tong-in-die-kies illustrasies nie. Gaan besoek haar webwerf, tylamason.com, om van haar produkte aan te skaf.…

OORSPRONG Kolkuns het ontstaan onder die inboorlinge van Australië. Die oorspronklike kunswerke het elk ’n storie vertel deur die verskillende gebruik van kleur en die grootte van die kolletjies. Vandag kan jy kolkuns doen deur die patrone van mandalas te volg, of sommer net deur jou eie patrone te maak. JY BENODIG ♥ houtblad waarop jy jou kunswerk gaan maak (jy kan selfs ’n klip gebruik) ♥ sirkelrooster en patroon (daar is baie op die internet-kyk by Dot Art) ♥ akrielverf in swart en die kleure van jou keuse (ons het Dala Craft Paint gebruik) ♥ enige voorwerp wat ’n ronding of ronde kolletjie gaan maak, soos: - potlood met ’n uitveër agteraan - potlood met ’n speld agter by die uitveër ingesteek - agterkante van verskillende groottes kwasse -…

JY BENODIG ♥ 150 g eierwitte (5-6 groot eiers) ♥ 300 g strooisuiker ♥ ’n stewige knypie kremetart ♥ jelkoskleursel ♥ 12 lang stokkielekker-of ‘cake pop’-stokkies TOERUSTING ♥ spuitsak en versierspuite ♥ elektriese handklitser of staanmenger ♥ suikertermometer (opsioneel) Vee ’n groot glasmengbak met asyn of suurlemoensap uit om seker te maak daar is geen vetterige neerslag nie. Plaas die eierwitte, suiker en kremetart in die bak en sit dit oor ’n kastrol met water wat liggies prut (die bodem van die bak moet nie aan die water raak nie). Klits die mengsel stadig tot al die suiker opgelos het en die temperatuur tot bo 50 ºC styg. (Die mengsel moet warm wees, maar jou nie brand as jy dit met jou vinger toets nie.) Vryf die mengsel tussen twee…

As sy nie die mooiste foto’s vir ons en ander tydskrifte stileer nie, doen Nadine Vosloo programme vir The Home Channel op DStv. Voor én ná werk as superkreatiewe bemarkingsbestuurder van Tjhoko Paint is sy ma vir haar twee tienerkinders, Jaco (17) en Kaylee (12), en naweke reis sy kruis en dwars deur die land om verfwerksessies aan te bied. Dan noem ons nie eens die ekspo’s waar sy self die stalletjies en demonstrasies behartig nie. ’n Mens word amper moeg net om te sien hoe besig hierdie vrou is. Ná ’n jaar se samewerking met Nadine met haar onblusbare energie en entoesiasme is dit omtrent tyd dat ons ’n bietjie meer oor haar vertel. OOR TJHOKO Die familiebesigheid, wat 46 jaar gelede as die verfkontrakteurs sake begin doen het,…

Dis mós nou ’n gebalanseerde syfer: 2020! Kom ons hoop dit word ’n metafoor vir hoe ons vanjaar ons lewe en drome gaan aanpak. Soggens spring ek uit die bed, rasend opgewonde en positief oor wat ek alles wil bereik, maar kort nadat ek by die lessenaar gaan sit het, raak ek totaal verlore in die Kreatiewe Wildernis. Wat vang ek aan? Hoe gaan ek al hierdie doelwitte bereik wat my die heeltyd bly ontwyk? Moet ek enigsins probeer? Is my idees hoegenaamd iets werd? Die Kreatiewe Wildernis is nie ’n regte plek in my verstand nie - dit wórd naderhand my hele verstand: ’n wilde boskasie waar ’n trop selftwyfel-monsters woon, maar ook die mooiste inspirasie en krag. Wanneer ek my in hierdie chaos bevind wat my so verskriklik…

MOEILIKHEIDSGRAAD: gemiddeld TYD: 2 uur JY BENODIG ♥ servette ♥ middelslag-aartappels (1 vir elke 2 letters) ♥ alfabet-koekiedrukkers (ons het vintage-koekiedrukkers gebruik, maar die meeste bakwinkels verkoop dit) ♥ materiaalverf ♥ verfkwas ♥ skilmessie ♥ kombuispapier Sny die aartappels middeldeur en druk die koekiedrukkers in die gesnyde kant van elke helfte. Gebruik die messie om die aartappel om die letter weg te sny voordat jy die koekiedrukker verwyder. Onthou, die aartappelletters moet in spieëlbeeld wees! Gebruik kombuispapier om enige oortollige vog uit die aartappel op te suig Gebruik ’n kwas om ’n dun lagie materiaalverf oor die aartappelletter te verf en druk dit dan op die servet af. Onthou om ewe hard op die agterkant van die aartappel te druk wanneer jy die letters op die servet druk…

MOEILIKHEIDSGRAAD: medium TYD: 2-3 dae JY BENODIG ♥ tegniese tekeninge op hierdie blaaie MATERIAAL ♥ hout (in dié geval meranti) - 8 m x 445 mm x 22 mm (dele 1-5) ♥ veiligheidsglas - 820 mm x 440 mm x 8 mm met ’n 7 mm-gat in die middel (deel 7) ♥ 1 m x 8 mm-staalstaaf met skroefdraad (deel 6) ♥ 2 x 8 mm-geelkoper-bolkopmoere (deel 6) ♥ 2 x 8 mm-geelkoper-wasters (deel 6) ♥ 40 mm x 6 mm-geelkoperstaaf met skroefdraad (deel 8) ♥ 1 x 6 mm-geelkoper-bolkopmoer (deel 8) ♥ 1 x 6 mm-geelkoper-waster (deel 8) ♥ snelbindende epoksihegmiddel ♥ verf (ons het Fired Earth-krytverf in Larva gebruik) GEREEDSKAP ♥ staanboor♥ 6 mm-en 8 mm-boorpunte♥ versteksnyer en/of verstekafwerker♥ skuurpapier: 60-, 100-en 150-grint♥ skuurblok♥ klampe♥ grootte 13-moersleutel♥ medium…

WAT IS ’N DANKBAARHEIDS-FLES? Vir ’n maand lank word elke lid van die gesin aangemoedig om daagliks een van die uitgedrukte kaartjies (sien bladsy 122-123) te beantwoord. Jy kan ook skoon kaartjies gebruik - elke gesinslid moet dan self dink watter goeie ding met hulle of iemand anders in die gesin of familie gebeur het. Hulle skryf dit neer op die kaartjie en plaas dit in die fles. Niemand weet wat enige van die ander neerskryf nie en niemand mag ook skelm in die fles loer nie. Aan die einde van die maand, net ná aandete, maak julle beurte om ’n kaartjie uit die fles te trek en hardop voor te lees. Party van die dinge is groter mylpale terwyl ander klein alledaagse gebeure is. Die belangrikste is dat die…

VIR ’N JAARLIKSE INTEKENING VAN R433,50 ONTVANG JY AL OM DIE ANDER MAAND JOU GEDRUKTE EKSEMPLAAR VAN IDEES.* TEKEN IN DEUR EEN VAN ONS DIENSVERSKAFFERS: * SKAKEL 087 353 1307 (Maandag tot Vrydag 8 vm. tot 4.30 nm.). * E-POS JOU NAAM EN KONTAKBESONDERHEDE AAN subs@ideasfactory.co.za.** * SMS ‘INTEKEN IDEES’ OF ‘SUBSCRIBE IDEAS’ NA 33153 (R1,50 per SMS).** OF * SKAKEL 087 405 2222 (Maandag tot Vrydag 8 vm. tot 4.30 nm.). * E-POS JOU NAAM EN KONTAKBESONDERHEDE AAN subs@magsathome.co.za.** * SMS ‘IDEES’ OF ‘IDEAS’ NA 47098 (R1,50 per SMS).** AS JY ’N DIGITALE EKSEMPLAAR WIL KOOP OF OP DIE DIGITALE TYDSKRIF WIL INTEKEN, GAAN NA www.magsathomedigital.co.za. KOOP ’N ENKELE DIGITALE EKSEMPLAAR TEEN R60 OF TEKEN OP DIE DIGITALE TYDSKRIF IN VIR R330. VIR NAVRAE STUUR ASSEBLIEF ’N E-POS AAN…

Groot kapsules, groot gif! ’n Moderne kleinsus vir die ikoniese Elizabeth Arden Ceramide Capsules het onlangs haar verskyning op die skoonheidsrakke gemaak. Die Elizabeth Arden Vitamin C Ceramide Capsules Radiance Renewal Serum (R599 vir 30 kapsules) is die derde in hierdie familie van gerieflike, kragtige enkeldosis-serumkapsules. Die droë olieserum bevat vitamien C, wat die vel verhelder, asook seramied, wat die vel se jeugdige gloed in stand hou. Die vitamien C-konsentrasie, 178 keer kragtiger as dié van ’n gewone serum met hierdie bestanddeel, help ook om die velkleur egalig te maak. Dit bly langer stabiel omdat dit in olie vervat is en as antioksidant is dit tops om die vel teen skadelike vrye radikale te beskerm. Die lekkerste is dat die kapsules omtrent geen ruimte opeis in jou kosmetieksakkie wanneer jy…

SO MAAK JY DIE SAK Hekel 2 van enige blokkie (sien bladsy 44-45 vir die aanwysings) wat jy verkies. Vir dié sak is blokkie 1 gebruik. Hekel rdtes 1 tot 8 van blokkie 1 (of al die rdtes van die blokkie wat jy gebruik). Rdtes 9-10: Met regte kant van blokkie na jou toe, beg in die hoek aan regterkant van enige van die twee blokkies. Hekel een ry kb met Blue Red van een kant na die ander 25kb, ks1, draai, 1kb en hekel 23 glaskrale in elke kb van vorige rdte, 1kb aan einde van rdte. Heg af. [= 25 kb + 23 krale] Rdte 11: Met Forest, hekel 25 hlb. Heg af. [= 25 hlb] Rdtes 12-14: Met Aubergine, hekel een ry hlb [= 25 hlb aan…

PIKANTE MAROKKAANSE TAMATIE-EN-COUSCOUSSLAAI Genoeg vir: 4-6Bereidingstyd: 30 minuteGaarmaaktyd: 30 minuteOondtemperatuur: 170 ºC ♥ 4 middelslag-Engelse of pruimtamaties, in kwarte gesny♥ 70 ml olyfolie♥ 15 ml appelasyn♥ 5 ml suiker♥ 2 knoffelhuisies, fyngekap♥ 10 ml Marokkaanse speseryof vryfmengsel♥ 300 g gemengde klein tamaties, middeldeur of in kwarte gesny♥ 250 ml pêrel-couscous (of gebruik gewone couscous)♥ 1-2 vars brandrissies, fyngekap♥ 2 sprietuie, gekap♥ vars koljander, vir garnering 1 Sprei die kwartstukke van die groter tamaties uit op ’n gesmeerde bakplaat. Meng 50 ml van die olyfolie met die appelasyn, suiker, knoffel en Marokkaanse speserye. Drup die helfte van die mengsel oor die tamaties en rooster dit vir 15 minute in die verhitte oond. 2 Haal die bakplaat uit die oond en verhoog die oondtemperatuur tot 200 ºC. Voeg die helfte van die…

JOERNAALOMSLAG Gebruik ’n klophamer en bosseleerstempels vir leer om ’n motiveringsaanhaling op die omslag van jou joernaal te bosseleer. Trek met ’n potlood en liniaal fyn gidslyntjies voor jy met die bosseleerwerk begin en onthou om op ’n plat, stewige oppervlak te werk. ONDERBORD Gebruik plakboek-letterstempels om ’n aanhaling op ’n onderbord te stempel. Beskerm die letterwerk met ’n laag kleurlose, watergebaseerde seëlaar (ons het Decorators Varnish van Harlequin Paints gebruik).…

KLEIN ATELJEE Ons het ’n paar herwinde skoolsluitkaste vernuwe om handwerkgoed in te pak en ’n houtrak bo-op gesit vir ekstra bêreplek. Mandjies, ’n vintage-gereedskapkis en ’n krat verskaf ook slim en mooi pakplek ORGANISEER DIT FOTO OP OPENINGSBLADSY: Gebruik ’n jashaak (kry soortgelykes by H&M) in die lengte om jou tou, lint en skêr aan te hang. Rolle tou is ’n oorspronklike alternatief vir vase vir ’n droë rangskikking. Stortgordyn-en slagterhake is baie nuttig vir die inrig van jou ateljeeruimte. Gebruik die metaalsluitkas ook as kennisgewingbord. Wees op die uitkyk vir vlak bokse soos dié een van H&M om potlode in te bêre. Muurverf: Dulux Moon Waves 4 (50BB 54/079) Sluitkasverf: Dekro Paints Truck and Tractor-kitsdroogemalje in Avo Green en Allegro Houtbok: Buco…

Kantblokkies Dié kantbreiwerkblokkies kan op baie maniere gebruik word, aangesien dit in die breedte en in die lengte herhaal kan word. Varieer die dikte van jou breidraad en-penne en jy kan kant brei om by feitlik enigiets te pas waaraan jy dit wil heg. Basiese steke en vermeerderings en verminderings word vir kantbreiwerk gebruik. Dit word aangedui met simbole in ’n diagram of afkortings in die geskrewe aanwysings. Daar is ’n paar kunsies sowel as afrondingstegnieke om die stuk kantbreiwerk te voltooi. AFKORTINGS EN STEEKNOTAS aw - aweregs g/gl - glip r - regs RK - regte kant st(e) - steek(steke) tes - tesame VK - verkeerde kant VERMINDER STEKE ggr - glip, glip, regs: Glip 1 steek na die regterpen regs manier, glip nog ’n steek na die regterpen…

‘Vul jou papier met die asemteue van jou hart.’William Wordsworth NATUURSKETSE Baie mense vind ’n wandeling in die natuur kalmerend en dis vir hulle ’n vorm van meditasie. Nooi die natuur - en daardie kalmerende gevoel - na jou joernaal deur ’n tekening te maak van iets moois wat jy langs jou wandelpad opgetel het. Hierdie tekenjoernaal is ook ’n manier om op die hoogte te bly van jou daaglikse roetine. DEKORATIEWE HOLLANDSE DEUR ’n Hollandse deur is letterlik ’n bladsy of bladsye in jou joernaal wat weggesny is om die bladsy daaronder te onthul. Dié blaaie is gewoonlik in die helfte of gedeeltelik weggesny om ekstra ruimte te skep waar jy kan skryf. Jy kan ook gedeeltes van dubbelblaaie wegsny om ’n hele seksie, soos ’n nuwe maand, te…

Op pad na die Kouga mag daar altyd lig brand in julle huismag die paddas julle onthoumag julle appels aljaar soeter worden julle druiweprieel groenermag julle vriende wyn saambringvir die kuiermag die huis wat julle betrek, deurtrek blyvan die geur van sederhout en malvablaremag die walle van julle slote nie te gouinkalwe en instort niesodat die water nog helderderdaarin kan vloeimag die sterre en die berge en die stilteoor julle en julle gesin bly waaknou en môre en elke môre se aanden elkeen van daardie dae se nag Uit Breyten Breytenbach se outobiografie ’n Seisoen in die paradys (1976, Perskor) dankbaar b.nw. en bw. 1 Met ’n gevoel van erkentlikheid: Dankbaar wees in alle dinge. 2 Wat voldoening gee; lonend: ’n Dankbare vrugteboom. (HAT) Oor ’n diep dankbaarheid So aan…