Innehållsförteckning för July/August 2021 från Idees

Ons beplan net nooit meer ’n nuwe uitgawe van Idees sonder ’n bakkie Zoo-koekies op die tafel nie. Ek dink dit was Louisa wat daarmee begin het toe dit haar beurt was om gasvrou te wees vir ons tweemaandelikse dinkskrum. Almal was so kinderlik opgewonde daaroor dat dit ’n instelling geraak het. Toe Marguerite se artikel op bladsy 76 oor hoe ons kinderherinneringe ons lewe en kreatiwiteit vorm inkom, het dit dus al die regte snare gestreel met ’n gesonde skoot nostalgie, ’n paar lewenswaarhede en… Zoo-koekies. Maar nie haar óf my eie kinderlekkertes was net in soetgoed te vinde nie. Ek onthou hoe ons midwinter Sondagoggende op die kerkbank ingeryg gesit het, al drie ons dogters met dieselfde styl, maar darem eie kleur geruite poncho aan. Ek wonder nou…

BEES-EN-TAMATIESOP MET GEROOSTERDE KNOFFEL EN MURGBENE Die vleiseters in die familie gaan jou ewig dankbaar wees as jy hierdie heilsame sop voorsit. Die murgbene sorg vir ekstra geur en rykheid asook waardevolle voedingstowwe. Genoeg vir: 4-6 Bereidingstyd: 30 minute Gaarmaaktyd: 2½ uur Oondtemperatuur: 200 °C ♥ 40 ml canola-olie♥ 1 kg beesstowevleis met bene♥ 2 middelslag-uie, fyngekap♥ 2 selderystele, fyngekap♥ 250 ml rooiwyn♥ 1,5 liter tuisgekookte of aangemaakte beesaftreksel♥ 2 blikke (400 g elk) fyngekapte tamaties♥ 3 takkies vars tiemie♥ 15 ml droë gemengde Italiaanse kruie♥ 4-6 middelslag-murgbene♥ 1 klein knoffelbol♥ 25 ml mielieblom, aangemaak met 60 ml water♥ 1 klein bakkie baba-rosatamaties♥ geroosterde kaasbroodjies of baguette, om voor te sit 1 Verhit ’n dun lagie olie in ’n groot kastrol en verbruin ’n paar stukke vleis op ’n slag…

SPEELSTOFIE MOEILIKHEIDSGRAAD: gemiddeld TYD: omtrent ’n halfdag (droogtyd ingesluit) JY BENODIG ♥ ou bedkassie, pote verwyder ♥ balsahout van 10 mm dik ♥ 3 houtdeurknoppe ♥ 5 klein houtblokkies (te kry by skryfbehoeftewinkels soos PNA) ♥ swartbordverf ♥ pienk en rooi handwerkverf ♥ swart skuimbord ♥ houtlym ♥ handwerkmes en snymat ♥ skuurpapier SO MAAK JY 1 Skuur enige splinters van die bedkassie af en vee dit met ’n droë lap af. Draai die kassie op sy sy sodat die deurtjie na bo oopmaak. 2 Verf vier houtblokkies pienk en een rooi. Verf ook die drie deurknoppe en die kassie se handvatsel pienk. 3 Sny met jou handwerkmes ’n strook balsahout volgens die breedte van die kassie en plak dit met houtlym bo aan die agterkant van die kassie vas.…

MOEILIKHEIDSGRAAD: uitdagend TYD: omtrent ’n halfdag GROOTTE 50 cm hoog en 40 cm in deursnee JY BENODIG ♥ 1,6 m x 145 cm stoffeermateriaal (ons het SophiaHelen se stoffeerfluweel gebruik)♥ 400 mm x 400 mm voeringmateriaal♥ 20 mm-spons vir rondom die ottoman♥ 50 mm-spons, 400 mm x 400 mm, vir die sitplek♥ 2 x 16 mm-spaanderbord van 400 mm x 400 mm elk, in sirkels gesaag♥ 8 PAR-dennehoutplanke van 22 mm x 44 mm en 360 mm lank (Jy moet in die hoogte van die ottoman plek maak vir al die lae om altesaam 50 cm te wees.)♥ 3 mm x 360 mm x 1,3 m hardebord♥ houtskroewe, 40 mm lank♥ swaardiens-kramgeweer♥ sneldroog-kouelym♥ gomgeweer♥ potlood en maatband SO MAAK JY 1 Begin by die basis. Om die hele proses makliker…

MOEILIKHEIDSGRAAD: gemiddeld TYD: ’n volle dag JY BENODIG HASIE ♥ patroon op bladsy 105♥ 25 x 50 cm bokhaarmateriaal vir die kop, ore, lyf, arms en stert♥ oorskietmateriaal vir die neus en ore♥ bypassende masjiengare♥ bostikselgare in donkerbruin en room♥ poliësterspeelgoedstopsel♥ kopspelde of kwiltmateriaalknippies♥ naald vir handgewerkte pop (dit is langer as gewone naalde)♥ tapisserienaald♥ wateruitwisbare materiaalpen ROK ♥ Cowgirlblues-dubbelbreidraad in Charcoal en Natural♥ 4 mm-breipenne, reguit of sirkel♥ 3,5 mm-hekelpen HOED ♥ Cowgirlblues Aran-breidraad in Forest Green en Orchid♥ 6 mm-breipenne Serp ♥ Cowgirlblues Aran-breidraad in Orchid HARTSAKKIE ♥ rooi katoenbreidraad♥ 3 mm-hekelpen AFKORTINGS BREI aw – aweregs her – herhaal r – regs rdte – rondte(s) st(e) – steek(steke) tes – tesame vermeer – vermeerder vermin – verminder HEKEL gls – glipsteek hlb – halwe langbeen ks –…

MET INK Los ’n bemoedigende boodskap vir jouself aan die binnekant van jou klere en weet dat jy enigiets kan vermag. Ons het met permanente ink en letterstempels die woorde ‘jy is sterk’ op ’n organzalint geskryf en dit met ’n haakspeld aan die kledingstuk vasgespeld. IN KLEI MOEILIKHEIDSGRAAD: gemiddeld TYD: 1 dag (droogtyd ingesluit) Knie ’n stuk lugdroogklei sag en rol dit uit voordat jy met ’n koekiedrukker sirkels daaruit druk. Stempel ’n boodskap op elke kleisirkel en plaas dit in ’n muffinpan om droog te word en klein ‘potjies’ te vorm. Gebruik die potjies om allerlei in te bêre. IN BORDUURSTEKE MOEILIKHEIDSGRAAD: gemiddeld TYD: 30 minute Skryf liggies met potlood ’n boodskap op ’n materiaalitem voordat jy dit netjies met voorsteke werk. Gebruik dieselfde kleur borduurgare as die…

VOORBEREIDING EN BASIESE TEGNIEK ⁕ Maak jouself gemaklik. Sit regop op ’n stoel met ’n kussing ter ondersteuning of lê op die vloer. ⁕ Maak jou oë toe. ⁕ Laat sak jou oë dieper in jou oogkaste, asof jy afkyk. ⁕ Maak seker jy is heeltemal gemaklik in jou posisie. ⁕ Rol of trek jou skouers na agter. ⁕ Raak bewus van: kalmte, balans, gemak, stilte, vrede. As jou gedagtes dwaal, bring dit sagkens terug na: kalmte, balans, gemak, stilte, vrede. ⁕ Raak nou bewus van jou natuurlike asemhalingsritme. Moenie die asem forseer of uitdruk nie, let net op hoe jy asemhaal. ⁕ Plaas jou een hand op jou maag en die ander een op jou borskas. ⁕ Adem in deur jou neus en uit deur jou mond. ⁕ Voel…

SKRYF VIR ONS & WEN! Lalie Kiesling, die skrywer van hierdie uitgawe se wenbrief, ontvang ’n geskenkpak met Sothys Detox Energie Depolluting Youth Cream en Depolluting Essence van R1 640. Die Depolluting Youth Cream is ’n veeldoelige room wat die vel beskerm teen omgewingsbesoedeling. Blootstelling aan besoedeling beskadig die vel mettertyd en versnel sigbare veroudering. Die Depolluting Essence werk as ’n beskermende laag teen dié skadelike uitwerking. Sothys is by uitgesoekte spa’s en salonne beskikbaar. Skakel 021 701 2900 vir meer inligting. WENBRIEF SPLINTERNUWE BLOMKLEED Doelloos loop ek in die huis rond ná my huisskoonmaaksessie. Die winter het nog skaars begin en jy wil al verstik van die stof. Op ons dorp in Mpumalanga is dit ook nie stof nie, maar eerder ’n swart sand wat jou huis binnedring. My…

PATRONE VIR JOU MUUR MOEILIKHEIDSGRAAD: maklik TYD:’n paar uur, na gelang van hoe groot die muur is Versier’n fokusmuur met gekoopte polistireen-plafonteëls. Die teëls kan met ’n handwerkmes gesny word, dus kan jy dit maklik in enige ruimte laat pas. Jy kan dit selfs vir ’n bedkopstuk gebruik. Verf die teëls met verf in die kleur van jou keuse en laat dit droog word voordat jy dit met polistireenkleefmiddel of alkant-monteerplakband teen die muur aanbring. GROEN VAAS: PEP HOME • LIG EN OTTOMAN: MRP HOME • BLOM: ABODE • MAT: HAUZ BY HERTEX POLISTIREEN-PLAFONROOSTEëLS VAN BUILDERS WAREHOUSE. TURKOOIS KRYTVERF: LAUGHING LEE VAN TJHOKO. SLANKE LYNE MOEILIKHEIDSGRAAD: gemiddeld TYD:’n paar uur, na gelang van hoe groot die muur is Hierdie panele van halfronde houtlatte sal ’n vroulike sjarme aan enige vaal…

UIE ● KOMBUISKAS OF SPENS ▴ IN 'N GOEDGEVENTILEERDE HOUER OF MAASSAK ■ 2-3 MAANDE BLAARSLAAI ● YSKAS ▴ ONGEWAS IN 'N LUGDIGTE HOUER OF PLASTIEKSAK ■ 5-7 DAE TAMATIES ● BY KAMERTEMPERATUUR, WEG VAN SONLIG ▴ IN 'N ENKELLAAG, LOS VAN MEKAAR, MET DIE BLARE EN STINGEL NA BO ■ 5-7 DAE GROEN BONE ● YSKAS ▴ IN 'N HOUER OF PLASTIEKSAK ■ 7DAE BEET ● YSKAS ▴ IN 'N LUGDIGTE HOUER, BLARE EN STINGELS VERWYDER ■ 2-3 WEKE SELDERY ● YSKAS ▴ HEEL EN STYFTOEGEDRAAI IN FOELIE ■ 2-3 WEKE ● WAAR? ▴ HOE? ■ HOE LANK? SPINASIE ● YSKAS ▴ IN LAE OP KOMBUISPAPIER, IN 'N LUGDIGTE HOUER ■ 3-5 DAE AARTAPPELS ● KOMBUISKAS OF SPENS ▴ IN 'N KARTONBOKS OF PAPIERSAK ■ 2-3 MAANDE SOETRISSIES ●…

MOEILIKHEIDSGRAAD: gemiddeld tot gevorderd TYD: 2 weke SPESIALE VAARDIGHEDE: Fair Isle-breiwerk GROOTTE Neem die mates van jou stoel en vermeerder of verminder deurgaans die getal steke sodat dit pas. ONS STOEL SE MATES Rugleuning: 40 x 22 cm Sitplek: 43 x 41 cm Pootomtrek: 7,5 cm JY BENODIG ♥ stoel sonder armleunings♥ omtrent 500 g dubbelbreidraad♥ 4,5 mm-breipenne (Vir ons projek het ons 2 drade handtwyngare (fingering yarn) saam gebrei om die verlangde dikte te verkry. Ons het Nurturing Fibres Eco-Lush in die kleure Mist, Charcoal, Cobblestone en Squirrel gebruik.)♥ hoëdigtheidspons van 5 cm dik (gesny om op die sitplek te pas)♥ tapisserienaald♥ kopspelde SPANNING 18 ste x 20 rye = 10 x 10 cm met 4,5 mm-penne AFKORTINGS HK – hoofkleur KK1 – tweede kleur KK2 – derde kleur…

LET WEL: Elke strook of paneel word aan die vorige strook gelas sodat ’n tweekleur-rif gevorm word, wat aan die poncho diepte en interessantheid gee. Die stroke word gelas met die lassoos-jy-brei-metode. Die omgevoude polohals verleen ekstra speelsheid aan die voltooide poncho, en ’n I-koordrand gee ’n netjiese, skoon buitelyn. MOEILIKHEIDSGRAAD: gemiddeld SPESIALE VAARDIGHEDE: geen; slegs basiese breitegnieke word in dié patroon gebruik TYD: 4-6 weke (na gelang van hoeveel tyd jy het) GROOTTE Vry grootte. Die grootte is aanpasbaar deur stroke by te sit of weg te neem. Onthou net, jy moet dan die aantal steke op jou skouernate aanpas wanneer jy die driepen-afheg (three-needle B/O) doen. JY BENODIG ♥ Scheepjes Stone Washed (50 g-bolle):– 5 bolle Po 973 (K1)– 4 bolle Narmada 980 (K2)– 2 bolle Rhine 992…

Bruin word nie gewoonlik as weelderig gesien nie – daardie eer kom juweelkleure soos purper, robyn en koningsblou toe. Kleure wat oor die eeue heen as luuks beskou is omdat die pigmente skaars en duur is. Daarteenoor is bruin oral te bespeur… wanneer ons soggens die huis verlaat en saans tuiskom. Dit is in die knus intimiteit en huislikheid van ’n tafel vol kos, ’n krakende houtvloer en deure wat ons veilig omvou. Bruin is alledaags, vir almal. Dis in stofpaaie en landerye, die skil van ’n pampoen, jou gunstelingleerhandsak en jou koppie rooibostee. Dis in sjokolade. Kyk ons die helende krag van bruin mis omdat dit die kleur is van ons bestaan? Misken ons die rykste kleur van almal omdat ons dit as vanselfsprekend aanvaar? Soos asem. Iets aan…

Haar droomhuis in Oost-Souburg, Zeeland, was eens ’n plaashuis, vertel Annette: ʻEk het geweet daar woon lankal nie meer mense nie en het gesien hoe die plek jaar ná jaar agteruitgaan. Toe die vensters later met planke toegespyker word, het ons die munisipaliteit gekontak en gevra of ons dit kan koop. Dit was nie moontlik nie, maar ons wou nie bes gee nie. Op die ou end is die huis aan ’n eiendomsontwikkelaar verkoop en ons kon dit toe weer van die ontwikkelaar koop.ʼ Teen daardie tyd was die huis ’n totale bouval.ʻAan die binnekant was niks oor nie. Ons moes van voor af bou. Slegs die buitemure het bly staan, en ons het toe besluit om ’n houtraamhuis binne-in te bou. NATUURLIKE MATERIALE Om die huis leefbaar te kry…

GARE Hou al jou rolletjies borduur-en masjiengare netjies bymekaar en maklik binne bereik op kort tappenne wat in ’n houtblok gemonteer is. SKÊRE Span groter rolletjies tou of koord in om jou skêre in te bêre of aan te haak en hou dit by jou lintstasie sodat alles gerieflik binne bereik is. LINT EN KOORD Skep met ’n tappen wat aan ’n muur vasgemaak is, ’n klein ‘stasie’ waar jy rolletjies lint en koord kan hang. Hou jou skêre en maatband byderhand, gereed vir meet en knip. ‘WELKOM HIER’-DEURMAT Herinner jouself met die intrapslag wat jy hier maak deur met PVA-verf ’n aanhaling op ’n deurmat te stensil. Die letters sal mettertyd verdof, dan kan jy dit net weer verf. GEREEDSKAPSHOUER Skep in ’n nis in die muur bêreplek vir…

NARTJIEKOEKE MET VANIELJESTROOP Genoeg vir: 6 Bereidingstyd: 15 minute Baktyd: 20-25 minute Oondtemperatuur: 170 °C ♥ 2 nartjies, geskil en horisontaal in skywe gesny ♥ 150 g botter♥ 150 g strooisuiker, plus ekstra vir oorsprinkel♥ 2 groot eiers♥ 50 g koekmeel♥ 50 g fyn polenta♥ 100 g amandelmeel♥ 80 ml melk♥ sap en fyngerasperde skil van 2 groot nartjies (clementines of mandaryne werk goed)♥ dubbelroomjogurt of crème fraîche, om voor te sit (opsioneel) STROOP ♥ 100 g strooisuiker♥ 100 ml water♥ 2 ml vanielje-ekstrak (of 3 ml vanieljegeursel) 1 Gebruik kleefwerende kossproei om ’n muffinpan met 6 ekstragroot holtes te spuit. Sprinkel ’n bietjie strooisuiker onderin elke holte en plaas ’n skyfie nartjie op die suiker. 2 Klits die botter en strooisuiker saam tot dit lig en donsig is. Voeg…

SKINKBORD-KERSHOUER MOEILIKHEIDSGRAAD: maklik TYD: halfdag (droogtyd ingesluit) JY BENODIG ♥ vintage-skinkbord♥ spuitverf in die kleur van jou keuse♥ koper-elmboogkoppelstuk waarin ’n kers sal pas (kyk by die loodgietersafdeling van jou ysterwarewinkel)♥ wasser♥ ekstrasterk veeldoelige lym (ons het UHU se produk gebruik) SO MAAK JY 1 Was die skinkbord deeglik en maak seker dis heeltemal droog voordat jy begin. 2 Meet en merk waar jy die koper-elmbogie wil aanbring. Lym dan die wasser aan die onderpunt van die elmbogie vas – hou dit so ’n paar minute vas om seker te maak dit kleef goed – voordat jy dit op sy plek op die skinkbord vaslym. Hou dit weer vir so ’n paar minute en laat dit dan vir minstens 2 uur staan om heeltemal droog te word. 3 Spuitverf die…

MOEILIKHEIDSGRAAD: gemiddeld TYD: ’n paar dae JY BENODIG ♥ 5-6 bolle Papatya-lintbreidraad in liggrys♥ oorskietstukkie teenstellende of donkerder breidraad vir die versiering om die opening voor♥ 5-6 mm-hekelpen – belê in ’n hekelpen met ’n sagte greep, want jou hande kan nogal deurloop wanneer jy die katnessie hekel♥ tapisserienaald GROOTTE Die katnessie is in twee groottes, klein en medium, en kan verder aangepas word indien verkies. SPANNING Die spanning moet baie styf wees sodat die nessie sy vorm sal behou, gebruik dus ’n dunner pen, indien nodig. AFKORTINGS beg – begin gls – glipsteek her – herhaal kb – kortbeen ks – kettingsteek rdte – rondte st(e) – steek(steke) vermeer – vermeerder vermin – verminder vlg – volgende SO MAAK JY BODEM VAN MANDJIE Begin met die bodem van die…

MOEILIKHEIDSGRAAD: maklik TYD: 9-10 uur JY BENODIG ♥ aandsakkie♥ speld vir ’n borsspeld♥ kewerpatroon op bladsy 115♥ ligkleurige materiaal om op te borduur♥ borduurring♥ borduurgare♥ borduurnaald♥ koolpapier en balpuntpen♥ Anti-Fray♥ materiaalverf♥ karton♥ spuitgom♥ gomgeweer of kitslym SO BORDUUR JY 1 Ons het die kewerpatroon op bladsy 115 met koolpapier en ’n balpuntpen op ons materiaal afgetrek vir die fyn details, maar jy kan enige aftrekmetode van jou keuse gebruik. Ander metodes is ’n wateroplosbare aftrekpen of ligkas. 2 Span jou materiaal in die borduurring. Begin deur al die gekleurde dele van die kewer met enige steek van jou keuse op te vul – kyk gerus na die basiese steekgids op bladsy 114. Ons het hoofsaaklik satynsteek gebruik met hier en daar ’n Franse knopie vir die klein kolletjies. Nadat al…

@KLARA.V.W Johannesburg, Suid-Afrika Kuns-en dekorliefhebbers sal hope inspirasie op Klara van Wyngaarden se Instagramblad vind. Dié plaaslike stilis en kunsdirekteur deel graag foto’s van haar skeppings, ontwerpe en eksperimentele dekor. @GOLSA.GOLCHINI Milaan, Italië Gaan loer na die kunstenaar Golsa Golchini se Instagramblad. Met agtergronde soos riffelkarton en ornate, kleurryk geverfde rame, haar kenmerkend breë kwashale en dik aangeplakte verf werp haar werk ’n unieke blik op alledaagse tonele. @WILLEMIEN_DE_VILLIERS Kaapstad, Suid-Afrika Ons kan nie genoeg kry van die kunstenaar Willemien de Villiers se werk nie. Met naald en gare, simbole en metafore vertel sy visuele stories op stukke onafgewerkte lap – oor vroue, hul liggaam en hul komplekse verhouding met huis en haard.…

VIR ’N JAARLIKSE INTEKENING VAN R433,50 ONTVANG JY AL OM DIE ANDER MAAND JOU GEDRUKTE EKSEMPLAAR VAN IDEES. JY KAN OP EEN VAN DIE VOLGENDE MANIERE INTEKEN: * SKAKEL 087 353 1291 (MAANDAG TOT VRYDAG 8 VM. TOT 4.30 NM.). * E-POS JOU NAAM EN KONTAKBESONDERHEDE AAN IDEES@ONTHEDOT.CO.ZA.** * WHATSAPP JOU BESONDERHEDE NA 087 353 1292. OF TEKEN JAARLIKS OP DIE DIGITALE TYDSKRIF IN TEEN SLEGS R360 OF KOOP ’N ENKELE DIGITALE EKSEMPLAAR TEEN R65: * GAAN NA MAGSCART BY WWW.CATALYZMO.CO.ZA. * GAAN NA ZINIO BY WWW.ZINIO.COM/ZA/IDEAS VIR JOU DIGITALE INTEKENING. LAAI DIE IDEES-APP AF EN KOOP ONS DIGITALE EKSEMPLARE OP DIE TOESTEL VAN JOU KEUSE (SIEN HIER OORKANT). OF LAAI DIE IDEES-APP AF EN KOOP ONS DIGITALE EKSEMPLARE OP DIE TOESTEL VAN JOU KEUSE (SIEN HIER OORKANT). BEPALINGS EN…