Innehållsförteckning för March/April 2022 från Idees

REDAKTEUR Terena le Roux E-POS terena@ideasfactory.co.za ATELJEE & NAALDWERK Dala Watts BEMARKING & GELDSAKE Marweya Smal NAVRAE marweya@ideasfactory.co.za TAALWERKERS Johan van Zyl, Marié Smidt, Natasja Lochner STILERING Hannes Koegelenberg, Dala Watts, Carin Smith FOTO’S Ed O’Riley MEDEWERKERS KOS Louisa Holst, Tani Kirsten HANDWERK & SELFDOEN Carin Smith, Dala Watts Hannes Koegelenberg NAALDWERK Elsbeth Eksteen, Anelle Britz, Elizabeth Fester ARTIKELS Elsa Krüger, Marian van Wyk, Marguerite van Wyk, Jani Augustyn-Goussard REPRODUKSIE Willie Koen SOSIALE MEDIA Carien Eloff UITGEWER & VERKOPE Terena le Roux…

BOTANIES EN BEELDSKOON Soveel mense skeep hulle badkamer af, en tog is dit die een plek waar jy ná ’n harde dag kan ontspan. ’n Fokusmuur is al wat nodig is om die hele vertrek te omtower. As jy kunstig is, kan jy self fyn blommetjies teen die muur verf. Kies rustige skakerings wat by jou dekor pas, soos groen, wit en ’n sagte grys. Of gebruik muurpapier met ’n mooi blommotief. Wat hier wonderlik werk, is die rak van deursigtige perspeks waardeur die agtergrond steeds sigbaar is. Pak ornamente op die rak wat bydra tot die botaniese gevoel. DIE MINI-MAKSI-BEGINSEL (oorkantste bladsy) Nie om dowe neute word gesê ‘less is more’ nie! Dis ’n konsep wat eenvoudig altyd werk, soos in hierdie sithoekie met sy klassieke wit basis. Voeg…

GEVULDE KAASBURGERS Daar wag ’n spesiale verrassing binne hierdie patties wat die kaasburgers ekstra dekadent maak. Ons beveel ’n mengsel van bees- en varkmaalvleis aan vir die lekkerste eindresultaat, maar jy kan die varkvleis ook met bees vervang. Sit bakkies uit met verskillende bolae sodat jou gaste hulle eie trefferkombinasies kan saamstel. Genoeg vir: 6 Bereidingstyd: 40 minute, plus yskastyd Gaarmaaktyd: omtrent 10 minute ♥ 400 g beesmaalvleis♥ 400 g varkmaalvleis♥ 125 ml vars broodkrummels♥ 10 ml paprika♥ 5 ml fyn komyn♥ 4 knoffelhuisies, fyngedruk♥ 15 ml tamatiesous♥ 100 ml roomkaas♥ 10 ml gesnipperde grasuie♥ 25 ml canola-olie♥ 6 gebotterde hamburgerrolletjies, om voor te sit♥ bolae van jou keuse (probeer gebraaide streepspek, fyn avokado, blaarslaai, skywe tamatie, dungesnyde rooi-ui, skyfies agurkie, pikantrissie of piekel-jalapeñorissies, mayonnaise en tamatiesous) 1 Plaas die…

MOEILIKHEIDSGRAAD: gemiddeld TYD: omtrent ’n halfuur per blom JY BENODIG ♥ 90 gsm- gekleurde karton vir die blomblare♥ 90 gsm- gekleurde karton vir die stuifmeeldrade♥ 90 gsm- groen karton vir die kelkblare♥ sosatiestokkies, bedek met groen bloemistekleeflint♥ gomgeweer♥ skerp skêrtjie SO MAAK JY BLOMBLARE 1 Knip ’n sirkel uit die karton. Ons het een van 5 cm in deursnee vir die blomblare gebruik. 2 Vou die sirkel in 16 ewe groot segmente. Maak netjiese, skerp voue. Vou die sirkel weer oop. 3 Vou die sirkel in die helfte en knip die borand van elke segment om ’n uitskulping te vorm. 4 Vou die sirkel oop en knip dit op die voulyne in vyf oneweredige segmente. Gebruik ’n gomgeweer om die punte van die segmente saam te plak om ’n blom…

MOEILIKHEIDSGRAAD: gemiddeld TYD: 3-4 dae, droogtyd ingesluit JY BENODIG ♥ plastiek- of porseleinbakke van verskillende groottes♥ blompapier van jou keuse♥ koerantpapier♥ modge podge♥ bypassende handwerkverf♥ handwerkkwas♥ kleefplastiek♥ handwerkmes en snymat SO MAAK JY 1 Kies twee (of selfs drie!) plastiek- of porseleinbakke van verskillende groottes wat jy as vorm vir jou lampskerm kan gebruik. Die bakke moet glad wees sonder ’n rand onder, om dit makliker te maak om die papier-mâché-vorm agterna te verwyder. Trek albei bakke met kleefplastiek oor – span dit lekker styf sodat dit glad en sonder voue is. 2 Nou kan jy jou papier-mâchévorm begin bou. Sny of skeur stroke koerantpapier van so 3 cm breed en 10 cm lank en hou dit gereed. Verf een van die stroke met modge podge, plak dit op die…

Moeilikheidsgraad: gemiddeld Tyd: 4 dae of langer as jy nog nooit tapisseriehekelwerk gedoen het nie GROOTT E Om jou grootte te bepaal, meet jou borsmaat. Kies die grootte wat die naaste aan jou mate is. XK – 80 cm K – 84 cm M – 88 cm G – 92 cm JY BENODIG ♥ ColourSpun Cotton Scintilla DK: – 2 x Lemon (7) – 1 x Golden Yellow (18), Tangerine (63), Hot Pink (170), Sea Shell (133), Soft Blossom (190), Peter Pan (362), Sea Glass (331), Salmon (129), Creek Blue (323)♥ 2,20 mm-hekelpen♥ tapisserienaald♥ haakspeld vir die blomborsspeld♥ 4 steekmerkers♥ skerp skêrtjie AFKORTINGS dsl – dubbelslagsteek gls – glipsteek her – herhaal kb – kortbeen ks – kettingsteek lb – langbeen rdte – rondte sm – steekmerker sp(s) – spasie(s)…

• NUWE WINKELS, DEKOR EN HANDWERK dala@ideasfactory.co.za • KOS EN REST AURANTE ideasmagazinefood@gmail.com NEROLI-LUUKSE Die 30ste verjaardag van die ikoniese Franse droë olie NUXE word gevier met Huile Prodigieuse Néroli (R595), die eerste gesertifiseerd organiese produk in die reeks. Die lieflike geur van die botaniese olie is verslawend en streel die sinne met note van neroli (lemoenbloeiselolie), bergamot en lavandien (in die laventelfamilie). Dit bevat ook pruim- en organiese sesamolie vir ’n satynsagte sensasie op die vel. Gebruik dit op jou gesig, lyf en in jou hare. DIE SEISOEN SE OORVLOED Moenie die somerseisoen se sappigste pruime, perskes en nektariens misloop nie. Steenvrugte is ongelooflik veelsydig in die kombuis, propvol voedingstowwe, en op hul lekkerste as dit perfek ryp is. Toets dit deur die vrug liggies te druk. As dit…

EREPLEK Deur die binnekant van ’n kas in jou gunstelingkleur te verf kan jy ’n pragtige agtergrond en ereplek vir gekoesterde versamelitems skep. KREATIEF AAN DIE GANG Verander die ‘dooie’ spasie aan die gang se punt in ’n boekrak deur die muur ’n laag verf te gee en ’n paar vlak rakke in dieselfde kleur te verf. VERF KOPSTUKK E Voeg ’n tikkie sjarme by jou slaapkamer met so ’n bekostigbare geverfde bedkopstuk. Dis veral ’n slim plan as jy graag elke nou en dan jou dekor verander: Verf net die kopstuk toe en tower ’n nuwe een op. ’N OOG VIR ’N MOO I BOO G Verf geboë panele teen ’n groot wit muur om dit ‘op te breek’ en die vertrek meer intiem te laat voel. Dis perfek…

As herkoms die jongste heilige graal in die koswêreld is, kan jy Roushanna Gray se Veld and Sea-klaskamer seker ’n tempel aan dié beweging noem. Die woord veld roep immers dadelik prentjies van wilde, ongerepte plantegroei op – dit is veral waar in die geval van Kaappunt, die suidelikste punt van Kaap die Goeie Hoop, waar Roushanna en haar gesin woon. Dit is ’n beskermde reservaatgebied wat deel vorm van die Tafelberg Nasionale Park en een van die mees biodiverse planteryke ter wêreld huisves. Die landskap, wat gekenmerk word deur ’n ruwe, verrader like kuslyn, is oortrek met ’n tapyt van inheemse fynbos wat hulle storie moet ken in die sterk stormwinde wat gereeld woed. Hier is jy waarlik uitgelewer aan die elemente. Dis ’n uitdagende omgewing – of jy…

JY BENODIG ♥ 12 kolwyntjies (resep hieronder) ♥ botterversiersel (resep hieronder) ♥ groen en geel jelkoskleursel ♥ 2 spuitsakke ♥ nr. 14- of 16 mm- groot ronde spuitstuk ♥ nr. 103-blomblaarspuitstuk ♥ klein ronde spuitstuk KOLWYNTJIES Klits 125 g botter en 170 g strooisuiker saam. Voeg 2 groot eiers by en klits dit goed ná elke byvoeging. Klits 5 ml vanieljegeursel by. Sif 270 g koekmeel en 10 ml bakpoeier saam. Voeg ’n derde van die meel by die nat mengsel en vou dit in. Vou dan om die beurt 250 ml melk en die orige meel in twee dele in. Verdeel die beslag tussen die 12 holtes van ’n kolwyntjiepan (of gebruik papierkoppies soos ons). Bak dit vir 12-15 minute teen 190 ºC of tot dit goudbruin bo-op is…

Moeilikheidsgraad: maklik Tyd: ’n paar uur JY BENODIG ♥ patroon op die oorkantste bladsy♥ materiaal (jy kan teenstellende materiaal of dieselfde vir die binne- en buitekant gebruik)♥ bypassende masjiengare♥ kleremakerspen SO MAAK JY 1 Trek die patroon in die verlangde grootte op die materiaal af en knip dit uit (twee panele per materiaalkeuse – vier altesaam). Sit twee ooreenstemmende patroondele op mekaar met die regte kante teen mekaar en speld die nate aan die bokant van die handvatsels vas. 2 Merk die sykante van waar jy moet werk en merk ook die naattoelating aan die ‘buitekant’ van die sak se handvatsels (dit sal jou help wanneer jy dit later moet invou). 3 Werk die nate aan die bokant toe en werk die ‘onderste’ deel van die sak toe van die…

Herfs. ’n Seisoen van verandering. Van beweging, waarin jy halfpad tussen somer en winter die vreugde van transformasie ervaar met blare wat verkleur, grond toe val en deel word van die aarde. Herfs herinner ons aan die vloeibaarheid van die natuur en help ons fokus op die skoonheid van verandering. Hoe kan ons hierdie vervlietende tyd vasvang op maniere wat ons lewe verryk? Ek is ewig geboei deur dié seisoen van kleur. Dis asof Moeder Aarde stadig uitasem voordat die stilte van die winter aanbreek – ’n ruskans wat jy geen ander tyd van die jaar kry nie. Dit laat ook ’n ou instink in my ontwaak om stadiger te beweeg en om die laaste oorvloedige herfsoomblikke te geniet voor die koue toeslaan. Herfs gryp my verbeelding aan met die…

1 GENETIKA: 90 IS DIE NUWE 40 Die spirituele ghoeroe Deepak Chopra sê: Ons DNS is net ’n bloudruk, dit bepaal nie ons lot nie. Jy kan jou gene blameer vir slegs 5% van wat met jou liggaam gebeur, en navorsing openbaar ál meer hoe gene aan- en afgeskakel kan word vir jou beste gesondheid en voorkoms. Genetika is belangrik, maar jy het self beheer oor die ander 95% – jou leefstyl kan gene wat jou verouder of siek maak, troef. Dit is ’n kwessie van keuse. Dinge so eenvoudig soos hoe goed jy slaap, hoeveel jy beweeg en wat jy eet het alles ’n enorme impak op die manier waarop jou gene hulleself gedra. Die Australiese naturopaat Barbara O’Neill verklaar: Gene laai die geweer, maar leefstyl trek die sneller.…

@DEMIVANTONDER.ART Kaapstad Die onderwyser en kunstenaar Demi van Tonder se kunswerke is treffend in hulle eenvoud. Met swart ink op wit papier skep sy lyntekeninge vergesel van woorde om haar gedagtes en gevoelens uit te beeld. @CLAUDETTE_HASENJAGER Bloemfontein Die kreatiewe siel Claudette Hasenjager het ’n groot liefde vir kuns en handwerk. As skepper van The Creative Flourish eksperimenteer sy met ’n verskeidenheid materiale en gemengde media om die mooiste joernale en kunswerke te skep. @BOY_KNITS_WORLD SYDNEY, Australië In plaas van pen en papier gebruik Jake Henzler sy breipenne en wol om die geboue vas te vang wat hy op sy reise ontdek. Die blokkies word dan in stedelike landskappe aanmekaargewerk om sy besonderse komberse en serpe te vorm.…

VIR ’N JAARLIKSE INTEKENING VAN R433,50 ONTVANG JY AL OM DIE ANDER MAAND JOU GEDRUKTE EKSEMPLAAR VAN IDEES.* JY KAN OP EEN VAN DIE VOLGENDE MANIERE INTEKEN: * SKAKEL 087 353 1291 (Maandag tot Vrydag 8 vm. tot 4.30 nm.). * E-POS JOU NAAM EN KONTAKBESONDERHEDE AAN idees@onthedot.co.za.** * WHATSAPP JOU BESONDERHEDE NA 087 353 1292. OF TEKEN JAARLIKS OP DIE DIGITALE TYDSKRIF IN TEEN SLEGS R360 OF KOOP ’N ENKELE DIGITALE EKSEMPLAAR TEEN R65: * GAAN NA MAGSCART BY www.catalyzmo.co.za. VIR NAVRAE OOR JOU INTEKENING STUUR ’N E-POS AAN DIE MAGSCART-SPAN BY subs@catalyzmo.co.za OF SKAKEL +27 21 045 1401. * GAAN NA ZINIO BY www.zinio.com/za/Ideas vir jou digitale intekening. OF * LAAI DIE IDEES-APP AF EN KOOP ONS DIGITALE EKSEMPLARE OP DIE TOESTEL VAN JOU KEUSE (sien hier oorkant).…

BROSKOEKIEKOEK Hierdie lieflike koek is perfek vir enige okkasie en beskik oor alles waaroor ’n soettand maar kan droom: ’n ryk, botterige geur, soet versiersel, vrugte met ’n lekker surigheid, en ’n wonderlike kombinasie van romerige en krakerige teksture. AMANDELKOEKIES ♥ 150 g botter♥ 150 g strooisuiker♥ 1 groot eier♥ 5 ml amandel- of vanielje-ekstrak (of 10 ml vanieljegeursel)♥ 150 g koekmeel♥ 250 g amandelmeel♥ 5 ml bakpoeier ROOMKAASVERSIERSEL ♥ 50 g sagte botter♥ 150 g volvetroomkaas♥ 400 g gesifte versiersuiker, plus ekstra vir oorsif♥ jelkoskleursel VIR VERSIERING ♥ klein meringues, vars frambose, eetbare blomme en bladgoud 1 Teken of ontwerp op die rekenaar ’n A4-grootte syfer van jou keuse. Sny dit uit die papier om as patroon te gebruik. (Maak seker die syfer se bene is nie te dun…

Ons het hierdie idee op Pinterest raakgeloop en móés dit net deel. Kunstenaars en ander kreatiewes gebruik dit op die mooiste maniere, en dis so ’n lekker projek om jou mee besig te hou as jy ’n ledige uurtjie het. Fotokopieer die patroon hier oorkant in kleur en in die verlangde grootte op papier en plak dit op ’n stuk harde wit karton vas. Sny nou ’n deel van die klere met jou handwerkmes uit om ’n ‘fotostensil’ te maak – ons het die rompgedeelte uitgesny. Bêre die stensil in jou handsak en as jy volgende keer op ’n mooi plek kom, haal dit uit en neem ’n foto deur die stensil. Dit kan enigiets wees wat ’n mooi patroon sal vorm, soos ’n bos blomme, interessante blare of selfs…

Moeilikheidsgraad: gemiddeld Tyd: 23 uur GROOTT E Dié ontwerp is omtrent 10 x 10 cm. JY BENODIG ♥ kledingstuk of beddegoed wat jy wil versier♥ borduurontwerp hieronder♥ aftrekmetode van jou keuse♥ borduurgare in die kleure van jou keuse ♥ borduurnaald♥ borduurring♥ skerp skêrtjie SO BORDUUR JY 1 As aftrekmetode het ons koolpapier en ’n pen gebruik om die borduurontwerp op die materiaal van die kledingstuk of beddegoed af te trek. Span jou materiaal met die afgetrekte ontwerp in die borduurring. 2 Gebruik agtersteek en borduur al met die buitelyn van jou blom langs met twee draadjies gare in die donkerste skakering wat jy vir jou blom wil gebruik. Doen dieselfde met die blare. 3 Om die ombree-effek te verkry van die verskillende skakerings wat in die volgende een vloei wanneer…

Roos-en-laventel, lemoenbloeiselolie-en-kokosneut, sitroengras, jasmyn en galambotter … lees die boksies seep wat Abigail (11) en Hannah (8) Ziman in netjiese rye pak. Mens wil jou oë toemaak en die lieflike geure indrink in die stilte van die Karoo-plaas 40 km van Laingsburg, waar die Ziman-gesin geurige seep onder die handelsmerk Savon stadig met die hand maak. Maar dan bars daar ’n behoorlike kakofonie los wat selfs die werfkatte uit hulle sonkol laat spaander. Die gedruis kom van die skuur, waar hulle ma, Martinette, saam met hul ouer sibbe Jesse en Rachel pomelo-en-jasmynseep maak. Die atmosfeer dra swaar aan die soort dringendheid waar elke sekonde tel. Die 16-jarige Jesse is die ene konsentrasie waar hy die mengsel van skaap- of beesvet en bytsoda met ’n lang verfmengpunt in ’n yslike blou…

As selferkende sentimentele Clutter Queen sal ek sukkel om van die goeters op my koffietafel ontslae te raak. So baie van die ornamente in my huis is geskenke wat vriende vir my gemaak het. Baie kosbaar vir my – maar dit gaan vir seker nie reuse-bedrae op ’n Sotheby’s-veiling haal nie. Dis geskenke van spesiale mense. Mense met wie ek al ’n pad gestap het. En hopelik nog ’n hele paar roetes gaan aflê. Ek betrag die ‘vondste’ voor my op die tafel. ’n Blinkrooi potjie wink. Dis die handewerk van my ‘Boegoe-vriendin’, soos ek haar noem. Sy stuur ’n mens nooit huis toe sonder ’n paar takkies boegoe uit haar tuin nie. Dís Laura. Sy is ook ’n knap pottebakker. Die einste Laura, wat neffens my in die Libertaskoor…

WENBRIEF DIE LEWE IS STEEDS ’N LIED Ek het die November/Desember 2021- uitgawe van Idees gekoop, maar in die warboel van huis regtrek en voorberei vir Kerstyd het ek nooit tyd gehad om eens een bladsy te lees nie. Nadat die laaste familielid eergister terug binneland toe vertrek het, kon ek dit uiteindelik doen. Soos gewoonlik het ek by die redakteursbrief begin en ’n hele knop in my keel gekry. Wat ’n absolute jaar (of twee) van verskrikking lê agter ons almal! Ek het self in Junie 2021 Covid gekry, netjies verpak in lang-Covid. Ek, wat altyd positief is en met ’n lied in my hart wakker word, het in ’n stadium in September byna gevoel of ek ’n einde wou maak aan my ellende. Só ’n lewe kon/wou ek…