Innehållsförteckning för July/August 2022 från Idees

Die ink was skaars droog op die Italiaanse regering se besluit om hul grense vir Suid-Afrikaanse toeriste oop te maak, toe is my kaartjie bespreek. Ek soek immers al meer as ’n jaar lank aanlyn vir ’n plekkie daar en nou kon ek uiteindelik gaan kyk. Laatmiddag op die Donderdag kom ek by my hotel aan en Vrydagoggend is die agent voor die deur. Tien huise later kom ek stokflou terug in my kamer aan. Die Noorde se bergdorpies is nie vir sissies nie. Die naweek, met die eiendomsmark so toe soos die winkels tussen 12.30 en 3 op enige dag, kom ek op ’n wonderlike kosmark af. Soveel verskillende tamaties! Dis mos hoe dit moet wees. Nie net grotes en kleintjies wat almal wonderbaarlik ses maande in die yskas…

As kind was Ingrid Nuys mal daaroor om plaashuise te teken met hortjies, strooidakke en diere wat in die grasveld wei. ‘As dogtertjie het ek altyd daaroor gedroom om “buite” te leef, iewers landelik, verkieslik in ’n plaashuis met knus hoekies, hortjies wat jy kan toemaak in ysige weer, en ’n paar hoenders en skapies op die werf.’ Dié droom is sewe jaar gelede bewaarheid hier agter die dyk in die dorpie Lekkerkerk in die suide van Holland. Die huis was al vir ’n jaar op die mark teen die tyd dat Ingrid en haar man, Jeroen, daarna gaan kyk het. ‘Alles aan die binnekant was groen – van die plafon tot die bad. Ons het gedink dis lieflik! Die atmosfeer was outentiek met talle oorspronklike elemente wat behoue gebly…

SWARTBEK-BOONTJIESOP MET ROKERIGE HAM Met ’n bak van hierdie dik, voedsame sop kan jy de laaste honger maag in die gesin vul! Genoeg vir: 4-6 Bereidingstyd: 40 minute, plus oornag weektyd Gaarmaaktyd: omtrent 21/2 uur 250 g droë swartbekboontjies 1 ml koeksoda 15 ml olyfolie 1 groot ui, gekap 1 middelslag-wortel, geskil en in blokkies gesny 2 selderystele, in dun skyfies gesny 1 knoffelhuisie, fyngedruk 500 g gerookte varkblad ( 2 liter tuisgekookte of aangemaakte hoender-of groenteaftreksel 1 lourierblaar 15 ml paprika 1 ml gerookte paprika gerasperde skil van 1 suurlemoen, om voor te sit 30 g platblaarpietersielie, fyngekap, om voor te sit 1 Plaas die bone in ’n groot bak en bedek dit met koue water. Roer die koeksoda by en laat dit eenkant staan om oornag te…

Maak: genoeg vir 1 pot sop Bereidingstyd: 15 minute Gaarmaaktyd: 10 minute JY BENODIG ♥ 180 g (330 ml) witbroodmeel ♥ 12 ml bakpoeier ♥ 3 ml fyngekapte vars tiemie ♥ 30 ml fyngekapte vars pietersielie ♥ 3 sprietuie, fyngesny ♥ 30 ml fyngerasperde parmesaankaas ♥ 2 ml sout ♥ 170 ml volroommelk ♥ sop, om voor te sit Sif die meel en bakpoeier saam in ’n bak en roer die kruie, sprietuie, parmesaan en sout by. Roer nou die melk by – die beslag moet dik genoeg wees sodat jy lepels vol daarvan in die sop kan skep. Laat die beslag vir 30 minute staan. Verhit jou sop (of bredie) tot dit liggies prut. Skep versigtig lepels vol van die beslag in die sop en los genoeg plek tussen…

Spesiale verpakking is ononderhandelbaar as jy wil hê mense moet jou unieke, handgemaakte seep dadelik kan raaksien. Die verpakking moet inderwaarheid die storie van jou seep vertel. Dit moet inligting verskaf oor die verskillende bestanddele wat gebruik is om die seep te maak en waarmee dit gegeur is. Verpakking is ook ’n integrale deel van jou handelsnaam. Vintage-geïnspireerde kaartjies sal byvoorbeeld ’n tikkie sjarme voeg by handgemaakte seep en jy kan die bestanddele op die kaartjie lys saam met jou besigheidsnaam, logo en kontakbesonderhede. Hoe jy die seep self verpak, sal natuurlik afhang van hoe die seep lyk. Seep wat bestanddele soos mooi gedroogde blomblare bevat of ’n interessante vorm het, moet in deursigtige papier verpak word sodat mense kan sien hoe dit lyk. Indien deursigtige verpakking nie ’n vereiste…

MOEILIKHEIDSGRAAD: maklik TYD: 12 uur JY BENODIG jeans prente of bedrukte materiaal van jou keuse (sien ons voorbeelde op bladsy 70-71) materiaalseëlaar (soos No Fray of Stop Fray) materiaalgom (opsioneel) of kopspelde borduurgare borduurnaald skerp skêr SO MAAK JY 1 Ons het die prente wat ons op ons jeans wou hê, in die verlangde grootte op materiaal laat druk, maar jy kan ook motiewe wat vir jou mooi is uit materiaal knip. 2 Om seker te maak die rande rafel nie uit nie, wend materiaalseëlaar rondom die uitgeknipte prente of motiewe aan en laat dit oornag droog word. 3 Ons het die uitgeknipte prente met ’n bietjie materiaalgom op die jeans vasgeplak om dit in posisie te hou. Aangesien die materiaal wat ons vir die prente gebruik het, baie dun…

JY BENODIG Drops Karisma van Garnstudio (deel van die breidraadgroep B): 100 (100, 100, 150) g kleur 77, Light Oak 50 (50, 50, 50) g kleur 01, Off-white 50 (50, 50, 50) g kleur 11, Orange 50 (50, 50, 50) g kleur 48, Wine Red 50 (50, 50, 50) g kleur 30, Light Denim Blue 50 (50, 50, 50) g kleur 33, Medium Pink 50 (50, 50, 50) g kleur 47, Forest Green 50 (50, 50, 50) g kleur 50, Sea Green 50 (50, 50, 50) g kleur 52, Dark Mustard Drops-knoplose breipenne grootte 3,5 mm om in ks en pat te brei Drops-knoplose breipenne grootte 3 mm vir rif 3 steekmerkers tapisserienaald GROOTTES 35-37 (38-40, 41-43, 44-46) Voetlengte: omtrent 22 (24, 27, 30) cm Beenlengte ondertoe tot by hak:…

MOEILIKHEIDSGRAAD: maklik TYD: 8 uur per servet JY BENODIG borduurpatroon van jou keuse effekleurige servet of 50 cm materiaal om self een te maak borduurgare borduurnaald borduurring skerp skêrtjie aftrekmetode van jou keuse GROOTTE Die voltooide servet is 48 x 48 cm. SO MAAK JY 1 As jy self die servet maak, knip een van 50 x 50 cm uit jou materiaal en soom dit met ’n 5 mm-dubbelsoompie reg rondom. 2 Ons het die borduurpatroon hierbo met koolpapier en ’n pen op die servet afgetrek. Jy kan enige ander patroon of aftrekmetode van jou keuse gebruik. Span die servet in jou borduurring. 3 Borduur die buitelyn van die takbok met agtersteek en die blomme in die drie steke soos verduidelik in die stappe hier langsaan. Werk alle los garepunte…

MOEILIKHEIDSGRAAD: maklik TYD: 24 uur (droogtyd ingesluit) JY BENODIG ♥ lugdroogklei ♥ swart watergebaseerde ink of verf ♥ koekroller of tappen ♥ velle asetaat ♥ maskeerband ♥ blik ♥ ’n stuk moeselienmateriaal Verdeel die lugdroogklei in twee ewe groot stukke. Werk op ’n vel asetaat en voeg ’n paar druppels ink of verf by die een helfte van die klei. Knie die ink of verf in die klei in. Wanneer jy tevrede is met die kleur, kan jy dié stuk klei asook die ongekleurde stuk klei in dun slangetjies rol. Draai die twee slangetjies om mekaar om een vlegsel te vorm. Plaas die gevlegte klei op ’n stuk moeselienmateriaal en vou die materiaal bo-oor die klei. Gebruik die koekroller of tappen om die klei plat te rol en sodoende die…

Mooi lap was nog altyd my swak punt, en ek het vir seker te veel om net naaldwerk mee te doen! Om ’n meubelstuk met ’n stukkie lap te découpage bly vir my ’n heerlike manier om van twee gekoesterde items in jou huis een iets moois en nuuts te maak. Ek is ook dol oor die tekstuur wat lap aan meubels gee. Hier gebruik ek ’n ou skoolstoel wat al hoe lank op ons stoep staan en wag vir aandag en ’n stukkie blommelap uit my SophiaHelen-versameling. WENK: Jy kan die mooiste lap kry deur by dekorwinkels vir ou monsterboeke te vra. JY BENODIG ♥ meubelstuk wat jy kan verf ♥ waterbasisverf in die kleur van jou keuse ♥ découpage-medium (ek gebruik Annie Sloan se Image Medium) ♥ handwerkkwaste…

Agtiende-eeuse boeke waarvan die hoeke al verweer is, ander wat uit die vroeë negentiende eeu dateer met spoggerige goue letters op harde buiteblaaie – dís van haar kosbaarste besittings. Dit is immers van die waardevolle materiaal waaruit Lynette Jacobs van Somerset-Wes haar kreatiewe joernale skep. Sy wis nog altyd hoe om YouTube te gebruik sou sy ’n gloeilampie wou vervang. Maar in Desember 2017 het ’n nuwe wêreld vir haar oopgegaan toe haar twee spruite, Marco en Arno (nou onderskeidelik 20 en 16), vir haar wys dat dié einste kanaal ’n skatkis van kennis huisves oor enigiets, ook oor kunsvlyt. Lynette se nuwe papier-reis het begin. Aanvanklik was Jaco, haar man, nie te ingenome dat sy die eetkamertafel annekseer met papier, skêr, gom en kunsmessie nie. Hy wou soos gewoonlik…

VIR ’N JAARLIKSE INTEKENING VAN R433,50 ONTVANG JY AL OM DIE ANDER MAAND JOU GEDRUKTE EKSEMPLAAR VAN IDEES.* JY KAN OP EEN VAN DIE VOLGENDE MANIERE INTEKEN: * SKAKEL 087 353 1291 (MAANDAG TOT VRYDAG 8 VM. TOT 4.30 NM.). * E-POS JOU NAAM EN KONTAKBESONDERHEDE AAN IDEES@ONTHEDOT.CO.ZA.** * WHATSAPP JOU BESONDERHEDE NA 087 353 1292. OF TEKEN JAARLIKS OP DIE DIGITALE TYDSKRIF IN TEEN SLEGS R360 OF KOOP ’N ENKELE DIGITALE EKSEMPLAAR TEEN R65: * GAAN NA MAGSCART BY WWW.CATALYZMO.CO.ZA. VIR NAVRAE OOR JOU INTEKENING STUUR ’N E-POS AAN DIE MAGSCART-SPAN BY SUBS@CATALYZMO.CO.ZA OF SKAKEL +27 21 045 1401. * GAAN NA ZINIO BY WWW.ZINIO.COM/ZA/IDEAS VIR JOU DIGITALE INTEKENING. OF * LAAI DIE IDEES-APP AF EN KOOP ONS DIGITALE EKSEMPLARE OP DIE TOESTEL VAN JOU KEUSE (SIEN HIER OORKANT).…

WENBRIEF ’N OUMA-GENOT OM TE BEWAAR Ek koop baie graag Idees en vertel waarom: Ek is amper 72 jaar oud en in 2011 gediagnoseer met borskanker fase 3. Ná 10 jaar se behandelings en ondersoeke elke ses maande het die kanker weer in Oktober 2020 sy pad gevind en nes kom maak in my kop en nek. Ongelukkig is dit hierdie keer fase 4 en terminaal. Ek is geskok! Ek is kwaad! Ek is in sak en as! Ek huil en ek bid en ek bly bid. My kinders, familie, vriende, kerkmense, almal bid en ek raak rustig. Ek sit saam met my dogter Sonja en luister na die onkoloog en die pad wat ek tussen 2011 en 2013 geloop het, gaan ons weer saam aandurf. En so begin chemoterapie…

SPYS EN WYN Bring die beste in jou winterkos na vore met die jongste uitsoekwyne van Stellenbosch Hills. Die 2021 Chenin Blanc (R63) en 2018 Merlot (R94) het albei ’n sterk geurprofiel wat dit die ideale pasmaat maak vir kos. Die vrugtige karakter en vars surigheid van die chenin blanc sal dadelik help om die rykheid van ’n heilsame sop of oondskottel te neutraliseer. Die bekroonde volronde merlot spog met geure van bessies en ryp pruime met sweempies eikehoutspeserye en kruienaeltjies. Probeer dit saam met sampioensop of rooivleisgeregte. Die wyne is aanlyn te koop by stellenbosch-hills.co.za of by goeie wynhandelaars landwyd. POËTIESE SAMEWERKING Die Sera Holland-en-Poetry-produkreeks het ontstaan as ’n uitvloeisel van die fynbosgeïnspireerde blombakke wat Sera verlede jaar ontwerp het. Die oorspronklike reeks het bestaan uit bakke wat met…

Maak: 4 Bereidingstyd: 20 minute, plus rystyd Baktyd: 20 minute Oondtemperatuur: 200 ºC JY BENODIG ♥ 680 g (1 250 ml) witbroodmeel ♥ 15 ml sout ♥ 7 g kitsgis ♥ 430 ml koue water ♥ dik sop, om voor te sit Sif die meel en sout in ’n groot bak en roer die kitsgis by. Maak ’n holte in die middel van die meel en voeg die water by. Roer die meel geleidelik by die vloeistof in. Wanneer alles ingemeng is, kan jy die deeg uitkeer op ’n oppervlak wat liggies met meel bestrooi is. Knie dit vir omtrent 10 minute tot dit glad en elasties is, vorm dit in ’n bol en plaas dit in ’n gesmeerde groot bak. Bedek die bak met ’n klam teedoek en laat…

Jou seep is gemaak en verpak, en jy is gereed om dit te verkoop. Nou vir die volgende groot vraag: Hoeveel moet jy vra vir jou unieke, handgemaakte skepping? Baie mense kyk eenvoudig na soortgelyke sepe se pryse en vra ’n bietjie minder om klante te lok, of ’n bietjie meer om die produk meer luuks te laat lyk. Ongelukkig is dit nie die beste benadering nie. Te veel klein besighede het al só gevou omdat hulle eenvoudig nie geld maak nie. As jy jou besigheid volhoubaar wil bedryf, moet jy seker maak dat jou prys reg is. Om die prys te bepaal, moet jy in ag neem hoeveel dit kos om die seep te maak en te verpak, hoeveel om vir jouself te betaal vir jou tyd asook hoeveel…

MOEILIKHEIDSGRAAD: gevorderd TYD: 10-12 uur JY BENODIG jas-of baadjiepatroon van jou keuse (dié een is spesiaal deur die Meraki Sewing Studio ontwerp) 1,5 m elk van so 4-6 verskillende kleure materiaal 2 kleure masjiengare, een vir gewone binnenate en een vir kontrasstiksels 2,75 m voering 1 m aanstryktussenvoering 1 paar skouerkussings 5 knope of ’n mooi ooppuntritssluiter handwerknaald BELANGRIK: Let daarop dat jy net een pant van elke kleur knip, dus moet jy sorg dat die toepaslike regte kant na bo wys. Jou patroondele moet dus ’n linker-en regterkant hê wat na bo wys. SO MAAK JY 1 Pak eers jou materiale uit in die uitleg wat vir jou mooi lyk. Kyk na balans en kontras tussen lig en donker, asook teksture. Besluit op een kleur as jou fokus. Pas…

JY BENODIG ♥ 1 x 100 g-bol dik breidraad (chunky) ♥ 5,5 mm-breipenne ♥ kabelpen ♥ tapisserienaald GROOTTE Die vierkant met kabels is 21 x 21 cm. AFKORTINGS ♥ r – regs ♥ aw – aweregs ♥ her – herhaal ♥ st(e) – steek(steke) KABELPATROON Volg die ʻSo brei jy’-aanwysings regs onder. Wanneer jy by ry 5 kom, volg dié stap-vir-stap-foto’s om die kabelpatroon te brei. LET WEL: Die kabelpatroon word elke 8 rye herhaal. Aw4, glip 3 ste op die kabelpen en hou dan die kabelpen agter die werk. R 3 ste van die linkerbreipen. R 3 ste van die kabelpen. Her stappe 2-4 twee keer om nog twee kabels te brei en gaan dan met die ʻSo brei jy’-aanwysings voort. SO BREI JY Stel 40 ste op met…

JY BENODIG ♥ materiaal van jou keuse ♥ voering ♥ bypassende kleur ritssluiter ♥ bypassende kleur masjiengare ♥ naaimasjien ♥ kopspelde ♥ 10 cm lint SO KNIP JY Bepaal hoe groot jou penne-of grimeersakkie moet wees en tel naattoelatings van 1 cm aan al vier sye by. Die lengte van die sy waar die ritssluiter moet wees, sal die lengte van die ritssluiter bepaal. Knip twee dele uit die materiaal en twee dele uit die voering. Sit een stuk van die materiaal neer met die regte kant na bo. Besluit aan watter kant jy die ritssluiteropening wil hê en sit die ritssluiter so neer met die regte kant na onder op die rand van die materiaal. Sit ’n stuk voering bo-op met die regte kant na onder. Maak seker al…

JY BENODIG ♥ koek in lae gesny ♥ koekbord ♥ botterversiersel (resep hieronder) ♥ swart jelkoskleursel ♥ jelkoskleursel in die kleure van jou keuse vir die blomme ♥ versierspatel (off-set spatula) ♥ skraper (opsioneel) ♥ Dresden-versierpen ♥ klein blomblaarspuitstuk ♥ nr. 5-of nr. 6-ronde spuitstuk ♥ klein oop sterspuitstuk ♥ klein toe sterspuitstuk ♥ groot ronde en sterspuitstukke om as gids te gebruik ♥ klein spuitsak vir elke kleur versiersel ♥ eetbare bladgoud en/of lekkergoed om verder te versier (opsioneel) BOTTERVERSIERSEL Klits 200 g sagte botter of bakmargarien tot dit romerig is. Voeg 600 g gesifte versiersuiker in twee of drie sarsies by en klits dit goed ná elke byvoeging. Klits ’n paar druppels kookwater by indien die versiersel te dik is. (Dit moet sag en smeerbaar wees, maar oppas…

KRY DIE REGTE VERFAFWERKING Net soos ’n mens nie ’n toebroodjie met ’n opskeplepel smeer of lasagne met ’n bottermes opskep nie, so het elke verftaak ook sy eie verfgereedskap om die proses te vergemaklik en die regte afwerking te verkry. • Die belangrikste is om goeie verfkwaste te kies, sê Nadine Vosloo, bemarkingsbestuurder van Tjhoko Paint. Niks is so frustrerend soos om met ’n projek weg te spring en kort-kort kwashare wat uitval uit nat verf te probeer verwyder nie. Kyk ook of die kwas, hetsy groot of klein, se hare dun en sag is, want dit verseker ’n egaliger verfafwerking. • Die grootte van die projek bepaal die grootte van die kwas. Vir ’n kleiner projek – soos daardie fotoraampie wat jy al so lank wil verf –…

JY BENODIG ♥ blare van jou keuse ♥ handwerkverf in die kleure van jou keuse ♥ sponskwas ♥ papier Gaan pluk ’n verskeidenheid blare uit jou tuin – dis lekker om te eksperimenteer met die verskillende vorms – maar maak seker die are aan die agterkant staan mooi uit. Gebruik jou sponskwas en verf ’n dun lagie verf in die kleur van jou keuse agterop die blaar aan. Sit die blaar met die geverfde kant na onder op jou papier neer. Sit ’n tweede vel papier bo-op neer en vryf met jou hand daaroor. Verwyder die boonste papier en trek die blaar versigtig af om die gestempelde blaar te sien.…

VIR DIE POTE MOEILIKHEIDSGRAAD: uitdagend TYD: 2 uur JY BENODIG 4 voorafvervaardigde pote (ons het ons s’n by Gelmar gekoop) 2 houtlatte ( indie lengte van jou boekrak gesny 2 houtlatte, in die breedte van jou rak gesny 8 skroewe (dubbel die breedte van die rak se basis, of selfs ’n bietjie langer) kramgeweer boor SO MAAK JY 1 Die meeste ysterwarewinkels sal die hout vooraf sny volgens die mates wat jy verskaf. Vra hulle om die punte te verstek (mitre) en gidsgaatjies te boor waardeur jou skroewe kan gaan. (’n Verstekvoeg is ’n voeg wat gevorm word deur die twee dele wat saamgevoeg moet word, teen ’n 45º-hoek te sny sodat dit saam ’n perfekte 90º-hoek vorm.) 2 Pak die houtlatte in ’n reghoek op ’n plat oppervlak. Maak…

Maak: 1 brood Bereidingstyd: 40 minute, plus rystyd Baktyd: omtrent 45 minute Oondtemperatuur: 180 ºC JY BENODIG ♥ 1 hoeveelheid brooddeeg (gebruik dieselfde resep as vir die broodbakke op bladsy 45) ♥ 30 ml gesmelte botter, om oor te verf ♥ soutvlokkies, om oor te sprinkel Vulsel ♥ 80 g (85 ml) sagte botter ♥ 30 ml fyngekapte vars pietersielie ♥ 1-2 jalapeñorissies, pitte verwyder en fyngekap ♥ 3 knoffelhuisies, fyngedruk ♥ 2 ml sout ♥ 50 g fyngerasperde parmesaankaas ♥ 50 g fyngerasperde wit cheddarkaas VULSEL Meng die botter, pietersielie, rissie, knoffel en sout goed saam. Maak die brooddeeg aan en laat dit rys tot dit in volume verdubbel het. Knie dit af en verdeel dit in 12 ewe groot stukke. Rol elkeen in ’n bol en rol dan elke…

Selfs al het jy ’n goeie idee oor wat jy wil verkoop, kan dit steeds baie oorweldigend wees om jou eie onderneming te begin. Om sake te vergemaklik lys ons die vier hoofkategorieë wat jou sal help om dinge behoorlik en reg aan te pak sodat jy by ’n punt kan kom waar jy dit regtig ernstig kan oorweeg om ’n onderneming te begin. 1. Besluit wat jy gaan verkoop. 2. Besluit op ’n naam en sakestruktuur. 3. Stel ’n sakeplan op. 4. Registreer jou onderneming as ’n regsentiteit. 1. HOE BESLUIT EK WAT EK GAAN VERKOOP? As jy reeds ’n klein onderneming in jou vrye tyd bedryf, moet jy besluit of jy gaan voortgaan om dieselfde goed te verkoop, of gaan jy dalk nuwe produkte of dienste byvoeg? Andersins…

MOEILIKHEIDSGRAAD: gemiddeld TYD: ’n week GROOTTE Die voltooide sjaal is 165 x 55 cm. JY BENODIG Nurturing Fibres Eco-Fusion (125 m/50 g): 1 bol elk Sweet Pea, Sahara en Old Gold 2 bolle elk Persian, Mulberry en Ruby Pink 4 bolle elk Gigi en Vanilla 4,5 mm-hekelpen skerp skêrtjie tapisserienaald GEBLOKTE SPANNING 15 kb x 18 rye = 10 x 10 cm AFKORTINGS gls – glipsteek her – herhaal hlb – halwe langbeen kb – kortbeen ks – kettingsteek kssp – kettingspasie lb – langbeen st(e) – steek(steke) vlg – volgende SO HEKEL JY Hekel 250 ks met ’n 4,5 mm-pen en Sweet Pea. Ry 1: Steek pen in die 2e ks van pen en hekel 1kb, *slaan vlg ks oor, 3lb in vlg ks, slaan vlg ks oor, 1…

JY BENODIG teedoek hekelgare in die kleur van jou keuse (ons het Nurturing Fibers Cotton in pienk gebruik) 4 mm-hekelpen (of die dikte wat jou hekelgare aandui) stopnaald AFKORTINGS do – draad oor gls – glipsteek kb – kortbeen ks – kettingsteek sp – spasie st(e) – steek(steke) vlg – volgende BOBBELPATROON 1 kb, ks 2, (do, trek deur x 4), do, trek deur al die lusse, ks 1. Werk met jou hekelgare netjiese kombersst regoor aan die onder-en borand van jou teedoek (probeer om die ste na aan mekaar en dieselfde lengte te werk). Met die regte kant na voor, hekel kb in elke kombersst tot die einde, heg af. Weer met die regte kant na voor, begin in jou eerste kb-sp, ks 3 (dit is slegs vir die…

JY BENODIG ♥ item wat jy wil versier, soos ’n houtraam ♥ bladgoud ♥ watergebaseerde bladgoudgom (soos Mont Marte se Water-based Gilding Adhesive) ♥ kwassie om die gom mee aan te verf ♥ skoon, sagte kwas om oor die bladgoud te vee ♥ skerp skêrtjie ♥ haartangetjie Maak seker die item wat jy wil versier, is skoon en stofvry. Versier een deel op ’n slag, sodat die bladgoudgom tussenin droog kan word en jy minder morsig werk. Doop jou kwas in die gom, wend dit oor die eerste deel aan en laat dit so 15 minute staan sodat die gom taai kan word. WENK: Werk op ’n blad wat jy agterna maklik sal kan skoonwas en probeer om nie gom daarop te mors nie, want die stukkies bladgoud sal daaraan…

Vernuwe en verminder. Dit is al heeljaar een van die temas in my lewe. Een wat my juis nou, in die hart van die winter wanneer die natuur regmaak vir vernuwing, uitdaag tot aksie. Dis die weelderigste weelde wat die seisoen reg voor ons deur kom lê: Die herinnering dat alles in ons lewe ’n siklus het en ’n ritme volg van volmaak en leegmaak – van nuutmaak – en dat dit gesond is, nódig is. Ook ’n bewuswording dat nuutheid gebore kan word uit dít wat reeds daar is. In hierdie gedagtegang loop ek my ouma raak, ’n plaasvrou van die Kalahari wat uit enigiets iets nuuts kon skep. Wat beteken dit om te vernuwe of iets nuut te maak? Dis ’n verfrissing van oudhede, iets so eenvoudig soos…