Innehållsförteckning för March/April 2023 från Idees

Ek is omring deur skilders, maar ek self is ’n verwer. Ek was nog altyd lief daarvoor om self my huis te verf, vertrek vir vertrek, stadig maar seker. Só verf ek die onmin en spoke van vorige inwoners uit terwyl ’n uitgewaste ruimte ’n nuwe voorkoms kry. En só maak ek dit my plek. Voordat ek kan oppak en ’n ruskans geniet (ja, ek skryf my briewe so lank voor die tyd al), wag daar ’n reuse-muur in my gang op ’n bietjie liefde. Ek moes ’n deel van die muur vroeër in die jaar laat oorpleister en toe lyk die bouer se verfkleur net nie heeltemal dieselfde as die bestaande kleur nie. Die ou paneelwerk is boonop oorhaastig opgesit en lyk nou net sleg. Die vraag is of…

VOORBEREIDING VAN STOEL Blaas nuwe lewe in ’n ou stoel met ’n bietjie tyd en moeite. MOEILIKHEIDSGRAAD: medium TYD: ’n dag JY BENODIG ♥ ou stoel♥ stoelpoot (ons het ons s’n by Gelmar gekoop)♥ 2 elmboogklampe♥ houtlym♥ houtvuller (ons het wit gebruik)♥ 80-120-grint-skuurpapier♥ warmgeweer (of gebruik suikerseep en ’n stopverfmes of skraper) SO MAAK JY 1 Verwyder die ou afwerking: Begin deur die ou verf of vernis aan die stoel met die warmgeweer of suikerseep en ’n skraper te verwyder. Dit is ’n vervelige taak, maar maak ’n reuse-verskil. Skuur die oppervlak met skuurpapier glad. 2 Skuur die ruwe en stukkende rande met skuurpapier. 3 Sit die poot aan: Sit die stoel op ’n plat oppervlak neer, sodat dit op die drie pote staan, om seker te maak jou vierde…

NUWE ROK VIR ’N OU STOEL Ons het dié pragtige ou stoel opgekikker deur dit losweg met stukke wit linne en kaliko te bedek. MOEILIKHEIDSGRAAD: medium tot moeilik TYD: ’n dag JY BENODIG ♥ materiaal van jou keuse♥ bypassende masjiengare♥ prente, syfers en woorde♥ materiaalverf in die kleure van jou keuse♥ oordragmetode van jou keuse (sien die wenk op bladsy 80)♥ materiaalmerkpen SO MAAK JY 1 Gebruik jou bestaande stoffering as patroon, maar sorg dat jy 2 cm reg rondom vir naattoelatings byreken. Knip die dele wat jy benodig uit die materiaal. 2 Stensil prente, syfers en woorde op die materiaal of gebruik die oordragmetode van jou keuse om dit te doen. 3 Werk die dele met die hand aan die kussing en rugleuning vas. Dié voorkoms is baie ‘make-do-and-mend’,…

Die ingang van my huis voel rustig. Nie soseer omdat ek oor die jare rustiger geword het nie, maar omdat jy met die instap die reuse-Madonna teen die muur sien. So het sy my laat voel toe ek haar ses jaar gelede vir die eerste keer by die Tierlantynkies-mark in Pretoria sien hang het en so voel vele van my gaste wanneer hulle dié werk van Alma Thomas in my huis sien. Sou ek ooit trek, kan ek haar boonop opvou en saamneem. Sommer saam met die klere in my tas. Baie mense besoek La Grace, Alma se winkel in Parys, Vrystaat, om meubels, Europese baadjies en oorskotklere van bekende handelsmerke te koop. Ander is gek oor haar mooi teëls wat jou kombuis- of badkamermure ’n heel ander taal kan…

In 2019 het ’n storie oor sewe jong Chinese vroue soos ’n veldbrand op die internet versprei. Maar, anders as gewoonlik, het dit nie gehandel oor beroemdes of TikTok-dansies of enigiets met internasionale politieke relevansie nie, maar oor die vroue se besluit om saam ’n groot huis te koop en te restoureer met die idee om eendag wanneer hulle aftree, almal saam daar te woon. Kortom: ’n sjarmante, hartroerende storie oor vriendskap. Al lê Zelma Kriek se huis op Calitzdorp in die Karoo meer as 11 000 kilometer van die voorstede van Guangzhou af, is dit eintlik dieselfde soort tuiste. Zelma woon hier saam met haar labrador-retriever, Fifi, en vier katte: Rumi, Fatso, Royal en Ice Cream. Ander gereelde inwoners van die huis is een of meer van Zelma se…

DIAMANTPATROON OP HOUTVLOER Hierdie verg geduld, maar is oor en oor die moeite werd. MOEILIKHEIDSGRAAD: moeilik (jy moet baie akkuraat werk!) TYD: ’n week JY BENODIG ♥ geskikte watergebaseerde grondlaag (ons het Plascon Multi-Surface Primer gebruik)♥ watergebaseerde emaljeverf in die kleure van jou keuse (ons het wit Plascon Velvaglo vir die basiskleur gebruik en ligblou vir die diamantpatroon)♥ verfrollers en verfkwaste♥ maatband, lang liniaal en potlood♥ maskeerband♥ waterpas SO MAAK JY 1 Berei indien nodig eers die vloer voor deur enige ou vernis of verf af te skuur en die vloer deeglik skoon te vee en te was sodat alles mooi skoon en glad is. Laat die vloer heeltemal droog word. 2 Verf nou die vloer met die grondlaag en laat dit weer heeltemal droog word. 3 Maak die vensters…

MOEILIKHEIDSGRAAD: maklik TYD: ’n naweek JY BENODIG ♥ stewige materiaal (ons het buldenim gebruik)♥ materiaalverf in die kleur van jou keuse♥ kunskwas♥ borduurgare in die kleur van jou keuse♥ borduurnaald♥ vetergatringetjies♥ vetergattang SO MAAK JY 1 Ons het die inspirasie vir dié bêresak vir kombuisgereedskap op Pinterest gekry. Knip jou materiaal dubbel die verlangde lengte wat jy jou projek wil hê. Neem ’n paar stukke gereedskap wat jy in die sak wil bêre en sit dit ’n paar sentimeter van die borand af neer om te bepaal hoe diep die sakkies moet wees. Vou die materiaal opwaarts oor die stukke gereedskap en merk die plek waar jy die materiaal gaan afknip vir die boonste gedeelte van die sak. 2 Vou die materiaal oop en knip die boonste gedeelte van die…

PLEK OM TE SIT ’n Mooi kussing op ’n palet gee nuttige ekstra sitplek, of gebruik dit as ’n voetstoeltjie. En ’n los oortreksel kikker ’n afgeleefde bank altyd op. JY BENODIG ♥ klein palet♥ akrielspuitverf♥ 2 vintage-meelblomsakke♥ binnekussing van omtrent 60 x 80 cm SO MAAK JY Spuit die palet in die kleur van jou keuse. Steek die kussing in een meelsak en werk die opening met die hand toe. Trek die synate van die tweede meelsak los en soom dit om. Werk die bo- en onderrande aan mekaar vas met die regte kante teen mekaar om ’n buis te vorm. Trek dit oor die kussing. VIR DIE BANKOORTREKSEL: Neem ’n stuk linne wat groot genoeg is om jou bank te bedek en soom al die rande om. Neem…

Slaap het ’n globale obsessie geword. Slimhorlosies, slaapen meditasie-apps, cannabisolie, verstelbare matrasse, slaappille, borriemelk, selfs robotte wat jou aan die slaap sus - alles word ingespan om te help met slapeloosheid en swak slaappatrone. Ek val vir elke iedere kussingadvertensie wat my en my nek ’n salige nag se slaap belowe. Laas toe ek getel het, het ek ’n skoenlapperkussing, ’n geheueskuim-mosbolletjiekussing, ’n geheueskuim-wurmrol, gekurfde kussings en verekussings van elke vorm en aard gehad. Helaas. Maar miskien moes ek nie my heil gaan soek het by kussings nie. Eerder by my sirkadiese ritmes of siklusse. Dit behels die tydsberekening van ligblootstelling, eerder as bloot die aantal ure wat jy in droomland verwyl. ’n Paar jaar gelede het Idees ’n artikel geplaas oor die belangrikheid van slaap, in die lig daarvan…

VIR ’N JAARLIKSE INTEKENING VAN R484,50 ONTVANG JY AL OM DIE ANDER MAAND JOU GEDRUKTE EKSEMPLAAR VAN IDEES.* JY KAN OP EEN VAN DIE VOLGENDE MANIERE INTEKEN: * SKAKEL 087 353 1291 (Maandag tot Vrydag 8 vm. tot 4.30 nm.). * E-POS JOU NAAM EN KONTAKBESONDERHEDE AAN idees@onthedot.co.za (OF AAN ideas@onthedot.co.za VIR DIE ENGELSE UITGAWE).** * WHATSAPP JOU BESONDERHEDE NA 087 353 1292. OF TEKEN JAARLIKS OP DIE DIGITALE TYDSKRIF IN TEEN SLEGS R420 OF KOOP ’N ENKELE DIGITALE EKSEMPLAAR TEEN R75: * GAAN NA ZINIO BY www.zinio.com/za/Ideas vir jou digitale intekening. OF * LAAI DIE IDEES-APP AF EN KOOP ONS DIGITALE EKSEMPLARE OP DIE TOESTEL VAN JOU KEUSE (sien hier oorkant). BEPALINGS EN VOORWAARDES * Jou intekengeld is vooruitbetaalbaar. • Die aanbod geld slegs tot 16 Februarie 2023 en is…

In haar 1950’s-geïnspireerde voorskootjie en aanglipskoene lyk die flambojante, suksesvolle Australiese modeontwerper Alannah Hill die ene glansryke voorstedelike huisvrou met ’n verskeidenheid vars tuisgebak wat pas uit die oond gekom het en ’n vuurtjie wat knetter in die kaggel. Maar moenie dat dié suikerlagie jou ’n rat voor die oë draai nie, want Alannah speel sommer net huis-huis. In die stil boomomsoomde straat in Melbourne voel haar kleurryke, vroulike tuiste soos ’n surrealistiese filmstel uit die jare vyftig eerder as ’n voorstedelike woning. Hier woon sy saam met haar jong seun, en kom ‘speel’ sy en ‘bak koek’ ná ’n besige dag by die werk. ‘Regte kos’ kom blykbaar van elders … Wat die kaggelvuur betref: Kompleet nes ’n ouwêreldse romantiese heldin het Alannah ’n ritueel ontwikkel waar sy saans…

MOEILIKHEIDSGRAAD: redelik maklik TYD: halfdag JY BENODIG ♥ 1 x 750 mm-lengte voorafvervaardigde houtpoot (ons s’n is van Gelmar)♥ 3 000 mm-lengte dennehout van 20 mm x 150 mm♥ 20 mm- en 50 mm-houtlaaiknoppe met skroewe♥ 40 mm-paneelspykertjies♥ 2 x 30 mm-spieëlhake met muurskroewe (om aan die muur of oppervlak vas te sit)♥ meubelskarnier ♥ 100-grint-skuurpapier♥ houtlym♥ vernis (of beits of verf)♥ uitsnysaag of sirkelsaag skroewedraaier of boor en hamer SO MAAK JY 1 Ons het die idee vir die flaminktafeltjie op Pinterest raakgeloop en moes net ons eie weergawe probeer. Om te begin, saag die lang lengte hout in die volgende dele: 2 x 400 mm en 2 x 150 mm vir die groter horisontale kassie; 2 x 300 mm en 2 x 150 mm vir die vertikale kassie;…

MOEILIKHEIDSGRAAD: gemiddeld TYD: ’n naweek JY BENODIG ♥ stensil van jou keuse ♥ geskikte watergebaseerde grondlaag (ons het Plascon Multi-Surface Primer gebruik) ♥ krytverf in drie kleure van jou keuse (sien die kleurnota hieronder) ♥ breë en dunner verfkwaste ♥ stensilkwas (of net ’n breër kwas) ♥ sponse ♥ maskeerband ♥ fyn skuurpapier ♥ geskikte teëlseëlaar (ons het Woodoc 45 vir teëls en sement gebruik) Maak seker die teëls is skoon en droog en verf dit dan met die grondlaag, wat sal verseker dat die bolaagverf beter klou en nie sal afdop nie. Laat dit heeltemal droog word. KLEURNOTA: Vir die basiskleur van die teëls het ons Tjhoko in Da’vid gebruik, die donkerder Simply Siphiwe vir die omranding, en Pebble Light vir die stensilkleur. Neem nou ’n dunner kwas, so 2…

JY BENODIG ♥ staanmenger of elektriese handklitser ♥ suikertermometer (opsioneel, maar meer akkuraat) ♥ 2 spuitsakke ♥ 2 groot ronde versierspuite ♥ 1-2 bakplate, uitgevoer met bak- of waspapier en dan met kleefwerende kossproei gespuit MALVALEKKER-PAASEIERS Maak: omtrent 12 Bereidingstyd: 1 uur, plus droogtyd ♥ 20 ml gelatienpoeier ♥ 300 g strooisuiker (hou 100 g daarvan eenkant) ♥ 2 groot eierwitte teen kamertemperatuur ♥ geel koskleursel ♥ geursel van jou keuse (opsioneel en te kry by bakwinkels; ons het fudge-geur gebruik) ♥ 300 g goeie baksjokolade ♥ versierings soos gekapte neute, koeksprinkels en gesmelte gekleurde sjokolade Sprinkel die gelatien oor 30 ml water en sit dit eenkant. Verhit 200 g van die strooisuiker en 100 ml water saam in ’n klein kastrolletjie. Roer dit tot die suiker opgelos het en…

MOEILIKHEIDSGRAAD: maklik TYD: 27-30 uur JY BENODIG ♥ 6 x 50 g-bolle Elle Cottons-4-draad in die kleur Natural♥ 3,25 mm-hekelpen♥ ’n naald om die draadpunte in te werk♥ 4 steekmerkers♥ bypassende materiaal vir die onderste gedeelte van die gordyn VOLTOOIDE GROOTTE 120 x 53 cm (grootte kan verskil vanweë eie spanning, ’n ander breidraad of hekelpendikte). Die grootte kan maklik aangepas word met minder of meer rye blokke. AFKORTINGS do - draad oor driesl - drieslagsteek (do 3 keer) dsl - dubbelslagsteek (do 2 keer) gls - glipsteek hlb - halwe langbeen hoek-sp - hoekspasie kb - kortbeen ks - kettingsteek ks-sp - kettingsteekspasie lb - langbeen (do 1 keer) lb3-tes* - langbeen 3 tesame st(e) - steek(steke) vlg - volgende WR - wonderring SPESIALE STEKE * Eerste lb3-tes van…

Ek is danksy ’n nuwe TikTok-gier, ‘cash stuffing’, nou met groot geesdrif op die smal en reguit finansiële paadjie. Genees van my onverantwoordelike bankkaart-glipaanvalle. Op my lessenaar pryk ’n oulike nuwe begrotingsjoernaal wat ek danksy Pinterest saamgeflans het. Voor in is ’n begroting wat hopelik nou in graniet gegiet is. Daarin is state vir elke week van die jaar wat ek getrou sal moet balanseer. Natuurlik ook skoon bladsye vir doedels, mind maps, planne en projekte. Als gefokus op my finansies. Agterin die joernaal is daar ’n reeks plastiekkoeverte geliasseer. Op elkeen staan die naam van my verskillende uitgawes van die maand: kruideniersware, petrol, skryfbehoeftes, koffiewinkels, bederfgoed, klere, haarsny, apteek, geskenke, Kersfonds, vliegfonds, noodfonds, beleggingsaanvullings. Elke maand, ná my noodsaaklike aftrekkings soos mediese fonds en versekering, onttrek ek die oorblywende…

DIE AFFAIR Ek moet bieg, sommer hier, sommer nou: Ek het ’n affair. ’n Affair vol passie en frustrasie. Vol idilliese hoogtepunte en platslaan-laagtes, laag op laag gepeper met mengelmoes-oomblikke. Impromptu en halsoorkop rigtingveranderings, oor stopstrate en somtyds, net somtyds, in ’n doodloopstraat … Dit kos my geld en tyd, verg soms trane, en ander tye verdrink ek in euforie en soms ly Manlief daaronder, arme ding. Maar ek is vasgevang en lééf vir die kopskuifoomblikke, die epifaniese ontwaking en die kristalhelder fokus. Vir die malsheid en die speelsheid en die bedwelmende reëlloosheid daarvan! Ja, ek het ’n affair met kleur, met granaatrooi en blouselblou, met lentegroen en skaampienk, met maagdewit en duisterswart, met duifgrys en lilapers. Kleur verf my dag, met verf, materiaal, wol, idees, kuns, die natuur en…