Innehållsförteckning för Christmas 2024 från Idees

My grootste geskenk aan myself was my plekkie in Italië. Nie net omdat ek hier kan kom asemskep elke jaar nie, maar ook omdat hier soveel te leer is oor familie en samesyn. Verlede week het die hele dorpie gegons oor die komende festa op die plein. Die apteker se baba word gedoop en die hele dorpie is genooi om die oulike bambino te verwelkom. En was dit nou 'n partytjie! Die lang tafels was reggeskuif, die kos was baie en die wyn het gevloei terwyl hier 'n groepie gesing het en daar nog 'n klompie in 'n ketting om die tafels gedans het. Intussen is die baba in sy karretjie rondgestoot vir almal om hul goeie wense uit te spreek – eers deur sy glimlaggende nonno en toe sy…

PAPIERKLOKKIES JY BENODIG ♥ klokkiepatroon op bladsy 35 ♥ mediumgewig- wit karton ♥ goue klokkies ♥ koord van jou keuse ♥ handwerkgom ♥ handwerkmes en snymat PAPIERENGELTJIES JY BENODIG ♥ papier van jou keuse ♥ houtkrale ♥ koord van jou keuse ♥ alkantkleeflint ♥ gomgeweer ♥ handwerkmes en snymat ♥ staalliniaal PAPIERSWANE Kopieer die swaanpatroon op bladsy hier langsaan in die verlangde grootte op gewone wit rekenaarpapier. Vou 'n A3-vel papier in die lengte in breë konsertinavoue volgens die breedte van jou swaanpatroon. Plak die swaanpatroon met maskeerband op die voorkant van die gevoude papier vas. Sny die swaansilhoeët uit die gevoude papier, maar maak seker dat jy nie die voue aan die kante lossny nie. Vou die papier oop en jy het 'n swaanfamilie.…

idees-klasse Maak: 15 sjokoladekoepels JY BENODIG ♥ 250 g wit baksjokolade, gekap ♥ dubbelkoker (of 'n glasbak oor 'n klein kastrolletjie met pruttende water) ♥ silikoonvorm met 15 × 4 cm-koepels ♥ 2 spuitsakke ♥ koekstrooisels of eetbare bladgoud (beskikbaar by bakwinkels) VULSEL: Klits 50 g botter en 100 g gesifte versiersuiker saam. Voeg 'n druppel pienk koskleursel en 2-3 druppels framboosgeursel by en klits dit tot dit lig en donsig is. Roer 'n skeut suurlemoensap by tot die mengsel glad is. Breek 'n paar Skotse broskoekies in klein stukkies wat jy later gaan byvoeg vir 'n bietjie krakerigheid.…

idees-klasse Kersfees kom, Kersfees kom - Gee aan God die eer. Skenk ons 'n helder Somerkersfees In hierdie land, o Heer. – Koos du Plessis MOEILIKHEIDSGRAAD: uitdagend TYD: 'n dag JY BENODIG ♥ velle goue of geelkoperfoelie (beskikbaar by handwerkwinkels) ♥ stewige goue karton ♥ embosseerstokkie met 'n dun punt ♥ dun en dikker draad ♥ gomgeweer ♥ skerp skêrtjie ♥ handwerkmes en snymat ♥ kerse WENK: Om die krans voller te laat lyk, kan jy ook ekstra blom- en blaarvorms uit goue papier knip. Of gebruik blom- en blaarvorm-ponse as jy het.…

TOBIE DIE TAKBOK MOEILIKHEIDSGRAAD: gemiddeld TYD: 'n halfdag per takbok JY BENODIG ♥ takbokpatroon op bladsy 106 ♥ materiaal ('n stuk van 40 × 30 cm behoort genoeg vir een takbok te wees; vir dikte en tekstuur beveel ons stoffeermateriaal aan, soos Sheldon-fluweel in Ombre vir die buitenste vel en bouclé vir die binnekant van die ore ♥ bypassende borduurgare ♥ wit borduurgare vir die kolle op die bene ♥ katoenkoord (3,5 mm in deursnee) in drie kleure vir die serp en die hangkoord ♥ speelgoedstopsel ♥ 'n 4 mm-kraletjie vir die neus ♥ 2 krale van 2 mm vir die oë ♥ houtkrale vir die hangkoord (opsioneel) ♥ klein goue klokkie (opsioneel) ♥ draad (1,6 mm in deursnee) ♥ veeldoelige gom SO MAAK JY LET WEL: Alle naaldwerk…

dekor ‘Alles is so effens afgeleef - hier kort ‘n oor, daar 'n tjip. Soos wat oor tyd ook maar met ons liggame gebeur.' Dis nog vroegerig in die jaar toe ek die boodskap op my foon kry: Waarmee het jy jou kopstuk verlede jaar geverf? En daarmee bedoel Pieter die lap-kopstuk waarmee ek die vorige jaar op Instagram gespog het. Dis ook nie lank nie, toe begin ek hul handewerk sien. Jan wat nie nog sukkel met my laag-vir-laag-metode nie, hy lê die emaljeverf sommer lekker dik aan op die bank in die kombuisarea. Die ou ottomans word meer stelselmatig ligter, maar ek besluit dadelik – hierdie nuwe wit huis moet ons in Idees wys en verkieslik oor Kerstyd. Hulle stem in en die foto's hou aan kom, op…

handwerk idees-klasse STILLEWE Volg ons monodrukstappe op bladsy 44 en druk 'n verskeidenheid klein blare in swart en wit op verskillende papiere om 'n stillewe op 'n notabord te skep. MONODRUKWERK JY BENODIG ♥ vars plantmateriaal soos blare en blomme ♥ pleksiglas-plaat ♥ kleurroller ♥ linodruk-ink in wit, swart en blou (bv. Gerstaecker Aqua-Linol of Schmincke Aqua by The Deckle Edge) ♥ verskeie soorte papier (waterverfpapier, drukkerspapier, karton, geskenkpapier of toebroodjiepapier – toets dit net) KUNSWERKE Gebruik pleks van portretrame 'n hanger met knippe om jou selfgedrukte kunswerke aan op te hang. MUUR-TABLO Wanneer jou werk vir Kersfees klaar is, maak iets moois vir die huis deur 'n verskeidenheid plantmateriaal op verskillende papiere te druk – soos swart op wit teksblaaie en wit op swart tekenpapier, gekombineer met vierkante swart-en-wit geruite…

naaldwerk NEUTKRAKER In die agtiende eeu is die neutkraker as gelukbringer oor die Kerstyd beskou. Geen wonder nie dat dit steeds 'n geliefkoosde deel van ons Kersversierings is. Ons kan almal baat by 'n bietjie meer geluk! MOEILIKHEIDSGRAAD: gemiddeld TYD: 'n dag GROOTTE Die poppie is 23 cm lank. JY BENODIG ♥ neutkrakerpatroon op bladsy 104 ♥ materiaal vir die lyf ♥ klein stukkies materiaal vir die klere ♥ voorgare (roving) vir die hare ♥ stukkies lint vir die hoed en jas ♥ 'n stukkie sagte tulle vir die kraag ♥ swart kant of materiaal vir die skoene ♥ blink gare vir die strikke op die skoene ♥ bypassende masjiengare ♥ swart en ligkleurige borduurgare vir die gesig ♥ koord om aan die hoed vas te werk om die poppie…

naaldwerk MOEILIKHEIDSGRAAD: maklik TYD: so 2 uur per kabouter JY BENODIG ♥ macramé-koord (ons het 3 mm- en 5 mm-deursnee gebruik) ♥ houtkrale vir die neus (ons het 10 mm-deursnee gebruik) ♥ katoenkoord vir die strik ♥ verviltingsnaald of staalkam om die baard uit te kam ♥ maatband en skêr ♥ leë toiletrolle NOTAS Hierdie projek is ideaal vir jou oorskietmacramé-koord. Jy hoef dan net houtkrale by te kry. Die aantal drade wat vir die projek gebruik word, sal wissel na gelang van die dikte van jou koord. Ons het ons kabouters van 3-draad-koord van 3 mm-en 5 mm-dikte gemaak. As jy koord van 'n ander dikte gebruik, kan jou aantal drade verskil. SO MAAK JY BAARD 1 Knip 14 stukke as jy 5 mm-koord gebruik en 28 stukke as…

idees-klasse MOEILIKHEIDSGRAAD: gemiddeld tot meer uitdagend TYD: halfdag (droogtyd uitgesluit) JY BENODIG ♥ lugdroogklei ♥ keëlvorms ♥ embosseerstempels ♥ 2 plastiekvelle om die klei uit te rol ♥ rolstok ♥ kleefplastiek ♥ skerp mes ♥ lang dun kerse Kerse van Denga Candles (dengacandles.co.za). WENK: Wag tot die klei heeltemal droog is voordat jy die kerse insteek en aan die brand steek. Die hitte van die kers kan die klei bros maak, so dis 'n goeie idee om die boompies eers te vernis. Ons het ons boompies ook stewiger gemaak deur uit afvalstukke klei ronde staanders wat onderin die keëls pas, te maak en die kerse in die staanders te druk terwyl die klei nog klam was.…

GROOTSTE GUNSTELING Vandat ek my oog op 'n Idees-tydskrif gesit het, was dit my heel gunsteling. Die eerste Idees wat ek myne kon noem, was die Maart/April 2018-verjaardaguitgawe, met 'n báie pienk voorblad. Ons was op vakansie in Knysna, maar ek is eintlik van Kaapstad. Ek was net ses jaar oud, en al kon ek reeds lees, het ek al wat 'n pienk prentjie is uitgeknip om ander idees te vervolmaak. Nou is dit al meer as ses jaar later, en ek kyk as 'n twaalfjarige na al die idees wat ek die afgelope jare probeer herskep het, toe ek gister my kamer sorteer. So vind ek halfgeskryfde stories en toneelstukke, prente en verbasend baie A4-bladsye met moontlike tydskrifidees op. Ongelukkig word mens nie minder besig soos jou skoolloopbaan sy…

kos & onthaal VOORGEREGTE PIEKELSALMBORD MET DILLE-PLAATKOEKIES Dis regtig maklik om self 'n stuk salm te pekel. Dit is 'n indrukwekkende voorgereg en 'n mens kom nogal ver met min. As jou tyd knap is, kan jy klaar gravlax of gerookte salm koop. Genoeg vir: 6-8 Bereidingstyd: 45 minute, plus pekeltyd Gaarmaaktyd: omtrent 30 minute ♥ 125 g (100 ml) growwe seesout ♥ 125 g (150 ml) witsuiker ♥ 5 ml fyngerasperde suurlemoenskil ♥ 125 ml vars dille, grofweg gekap ♥ 500 g baie vars salm, grate verwyder, maar behou die vel ♥ piekel-rooiuiskyfies, komkommerskyfies, kappertjiesaad, roketblare of ertjierankies en suurlemoenwiggies, om voor te sit DILLE-PLAATKOEKIES ♥ 220 g (400 ml) koekmeel ♥ 10 ml strooisuiker ♥ 15 ml bakpoeier ♥ 3 groot eiers ♥ 400 ml melk ♥ 90 ml gesmelte…

KERSBOOMVERSIERINGS Maak jou eie ornamente om op jou boom te hang deur nuwe lewe in verlede jaar se Kersballe te blaas en goue aluminiumfoelie met embosseerpatrone (sien die stappe hieronder) te versier. OPGEKIKKERDE KERSBALLE: Gebruik jou gomgeweer om lint wat met kunspêrels versier is, om ou Kersballe vas te plak en spuitverf dit goud (ons het Rust-Oleum Specialty Metallic Spray gebruik). GEËMBOSSEERDE METAALVERSIERINGS MOEILIKHEIDSGRAAD: redelik uitdagend TYD: 'n paar uur per versiering JY BENODIG ♥ illustrasie van jou keuse ♥ 'n vel goue aluminiumfoelie (beskikbaar by handwerkwinkels) ♥ embosseerstokkie met 'n dun punt ♥ skerp skêrtjie WENK: Daar is 'n verskeidenheid van metaalvelle wat jy kan gebruik. Vir dié projek is dit beter om 'n sagter soort te gebruik aangesien dit die embosseerwerk sal vergemaklik. KUL: Dis maklik om die…

naaldwerk MOEILIKHEIDSGRAAD: gemiddeld TYD: 'n dag of twee JY BENODIG ♥ muispatroon op bladsy 103 ♥ vilt of materiaal vir die lyf ♥ materiaal vir die kleertjies ♥ 'n stukkie pienk vilt vir die binneoortjies ♥ bypassende masjiengare ♥ rooi en swart borduurgare ♥ speelgoedstopsel ♥ gomgeweer SO MAAK JY 1 Knip die muispatroon op bladsy 103 in die verlangde grootte uit vilt of materiaal en stik die kop en lyf met die regte kante teen mekaar aan mekaar vas. Hou die onderkant oop waar die bene ingaan. Dop die lyf na die regte kant om. 2 Stik die bene en arms afsonderlik toe, maar laat die bokante oop. Dop dit versigtig om (gebruik 'n haartangetjie as jy sukkel), stop dit op en werk die bokante toe of stik dit toe. 3…