Innehållsförteckning för 6/26/2019 från Kuier

FACEBOOK ’n Kelnerin van die Paarl het ’n tip van R20 000 by ’n kliënt gekry. Die rekening was net R379. Die kliënt se vrou het egter die tip terug kom vra en gekry. Sou jy die geld terug gegee het? Ai, die wingerdsap maak baie moeilikheid . . . Die kliënt was seker aangeklam toe hy dit gee. Ek lees in ons Paarl Post dit was in die vroeë môre-ure. My ma het altyd gesê alle nonsens gebeur ná twaalf. ELLISSEN MEYER-MULLER O hel, ek wens ek kon R20 000 kry vir kos en drankies aandra in een dag. Mense werk vir minder as daai ’n maand. Sy kan mos somme maak. Kom dit haar toe? LOUISE FARMER-CLOETE Ek is ’n kelnerin, so ek sou eers seker gemaak het,…

Toe die kykNET-sepie Suidooster in 2015 die lig sien, was dit soos ’n vars briesie op ’n warm somersdag. Vir die eerste keer was daar ’n oorwegend bruin sepie met bruin akteurs wat in die Kaap afspeel. Suidooster was meer as net vermaak, want dit het iets dieper aangespreek . . . Skielik kon mense uit hierdie gemeenskappe hulself of iemand wat hulle ken, in die karakters sien; en die variëteit van Afrikaansdialekte in die sepie het bruin mense laat voel,“as mense op die TV soos ek praat, is hoe ek praat mos oukei. Ek hoef nie skaam te wees of my aksent probeer verander nie . . .” En een karakter wat sentraal was tot die sepie, was die suksesvolle eienaar van Suidooster Eiendomme, gespeel deur Abduraghmaan Adams (49).…

’n Mens weet nie altyd wat om te verwag wanneer jy ’n groot politieke figuur ontmoet nie, maar wanneer jy by Patricia de Lille (68) se kantoor in die parlement aan die hange van Tafelberg in die Kaap instap,, is dit asof jy by jou antie se voorkamer instap, hoewel miskien ’n bietjie deftiger. Patricia verklap sy is ’n gereelde Kuier- intekenaar, voel deel van die Kuier-familie en die eerste bladsy wat sy lees, is Wenke! Veral vakansietye, ontspan sy graag met ou uitgawes van haar gunstelingtydskrif. Dis moeilik om te glo dié fyn vrou kan die wêreld holderstebolder baklei wanneer sy in iets glo. En dat sy, ná elke teleurstelling en terugslag, net sterker en groter terugkom, selfs al is sy al op die ouderdom wanneer die meeste mense…

Almal beleef soms“af”tye en voel hartseer, hopeloos en dat niks die moeite werd is nie. Menswees maak soms seer. Maar kan jy jouself indink om elke dag van jou lewe so wanhopig en verlore te voel? Want dis wat depressie doen en dis ’n donkerte waaroor niemand eintlik wil praat nie. Die statistieke beklemtoon hoe erg die probleem is. Omtrent 460 mense probeer daagliks selfmoord pleeg en 23 is elke dag suksesvol. Dit beteken 8 000 Suid-Afrikaners neem elke jaar hul eie lewe. Volgens Shouqat Mugjenker, bestuurder van die geestesgesondheidportefeulje by Pharma Dynamics, sal een uit elke drie Suid-Afrikaners op een of ander stadium in hul leeftyd ’n geestesversteuring ontwikkel. Shouqat meen selfmoord is aan die toeneem, nie net in Suid-Afrika nie, maar wêreldwyd. Veral onder jong- en oumense. Mans…

STEEL DIE STYL Om hierdie look te laat werk, móét jy ’n denim, cargo-broek, boots en ietsie militêr hê. Bly weg van helder kleure en maak seker jou klere is nie te styf nie. “Kies ’n plain mussie. Dit sal by formele outfits soos vir werk en kerk pas.” LAVERN MAARMAN DIE RUGGED LOOK Denim moet verkieslik donker kleure wees en as dit ’n paar skeure of gate het, nog te beter! ’n Goeie khaki-broek is ’n moethê-item. Jy kry dit deesdae in allerhande style en skakerings. Wanneer dit by T-hemde kom, kies neutrale kleure of speel met check. Rond jou look af met ’n dun of bonkige trui en leer-boots. “As jou jas te swaar en warm is, dra ’n windbreaker.”LAVERN MAARMAN KRY DIT HIER MRP/www.mrp.com 080 021 2535 Old…

Droë kopvel Vraag KIND SE VEL PLA ERG Dokter, kan jy my asseblief raad gee. Ek het ’n baba van drie maande oud en ek sukkel met sy kopvelletjie. Dit is baie droog en dit lyk asof dit ’n skilferkors is. Ek weet nie meer wat om te doen nie. Ek het al klapperolie ook probeer. RAADOP Antwoord BESTE RAADOP Wiegdop is olierige of korsige en skubbeagtige kolle bo-op die baba se kopvel. Dit kan wit of geel skubbe wees wat nie maklik is om te verwyder nie. Soortgelyke skubbe kan ook op die ore, ooglede, neus en in die lies gevind word. Die skilferkors staan bekend as wiegdop of cradle cap in Engels. Dit kom voor in pasgebore babas wat nog in die wieg (cradle of cot) is, so…

Suid-Afrika se komediante kan met die bestes in die wêreld meeding en met Trevor Noah as ons grootste uitvoerproduk, is dit bewys dat hierdie bedryf maar nog net opgewarm het. Daar is hope talent in die land wat reeds besig is om op hul manier die kollig te steel. Kuier het met vier van die land se opkomende komediante gaan gesels om te hoor wat dié grapjasse se neusvoue laat kreukel. Hulle het dit egter nie lag-lag tot op die verhoog gemaak nie. Dié vier is dit eens: om in dié bedryf te oorleef, moet jou liefde om mense te laat lag, harde werk en passie jou dryfkrag wees. REZAH FORBES Die“new kid on the comedy block” van Schaapkraal in Kaapstad het mense aan die praat. Ons het Rezah…

kykNET&kie is ’n verskeidenheidskanaal met outentieke kykgenot vir die hele gesin en eksklusiewe inhoud wat nog nooit vantevore gesien is nie. Maak My Famous, 27 Junie om 21:00 Dit is tyd vir die finaliste om te wys hulle kan kers vashou met meer gevestigde kunstenaars. Emo groepeer die top-ses met bekendes en die gehoor moet weer een finalis huis toe stuur. Arendsvlei, 1 Julie om 20:00 Ronel is geskok as Beatrice haar vertel vir wie Sam date. Lee-Roy en Debra het ’n heart to heart. Lionel probeer ’n goeie pa wees en Beatrice is bekommerd oor haar en Sam se verhouding. Suidooster, 3 Julie om 18:30 Tyron doen speurwerk oor Wade se geheime afsprake en Michelle maak ’n fout by die apteek. Suidooster Eiendomme is in die moeilikheid.…

Daar word dikwels vertel van gebroke harte en die oorsake wat daarmee gepaard gaan. Dié soort terugslae kan niks anders as verdriet bring nie. En ja, glo my jy kan van ’n gebroke hart sterf. Ons almal onthou daardie lekker warm gevoel wat jou eerste liefde gee. Maar met die verplettering daarvan word jou jong hart meteens gebreek. Dan is daar die man wat tydens sy middeljare skielik besluit om groener weivelde te soek en ’n vrouehart is in twee. Wat van die vrou wat een oggend wakker word met die gedagte dat haar jare lange getroue man te vervelig geword het na haar sin Z en opnuut is ’n man se hart in twee. Maar dis tog goed wat ’n mens kan verwag . . . Maar wie sou…

Portia Joel (Lee-Ann): “Ek en Abdu het van dag een af gekliek. My beste scenes was nog altyd saam met Abdu. Hy het altyd my werk gerespekteer, ek het sy werk gerespekteer en dis hoekom ons so lekker oor die weg kon gekom het. Hy het my altyd remind as ek ’n af dag het of ek het nie my beste gedoen nie dat dit nie die einde van die wêreld is nie en dat ek myself die next dag kan redeem. Ek bewonder ook dat hy almal dieselfde behandel en ’n gesprek met enigeen kan aanknoop.” Denise Newman (Bridgette):“Hy is so ’n ope mens. Jy kan enigiets met hom bespreek. Ek mis sy vroegoggendstappie in die gang wanneer hy sê, ‘morning, Bridge, is jy reg vir my?’ Hy los…

Met ’n nuwe babaseuntjie, groeiende musiekloopbaan, liefdevolle verhouding en ’n werk waarvoor hy lief is, het die Expresso-aanbieder en sanger Katlego Maboe (33) talle redes om soggens met ’n lied in sy hart op te staan. Sedert hy as aanbieder op Expresso begin het, het hy al die geleentheid gekry om verskeie avonture te beleef, maar die mees opwindende avontuur van sy lewe sover het amper presies ’n jaar gelede begin met die geboorte van sy seun, Phoenix. Katlego beskryf die dag toe sy seun gebore is op 26 Junie 2018 as onwerklik en sê dit het gevoel soos ’n droom, want ná nege maande van wonder hoe dié klein mensie gaan lyk, klink en voel, kon hy dit nie glo toe hy vir die eerste keer sy seun in…

KRY HULP AS JOU GELIEFDE • Geselsies of grappies oor selfmoord maak. • Voorberei vir hul dood. • Té krities op hulself is. • Veranderings in hul persoonlikheid het. • Belangstelling in hul voorkoms en higiëne verloor. • Riskante gedrag vertoon. • Oormatige gevoelens van skuld, selfblaam of mislukking het. • Gedigte, boodskappe, opstelle en posts op sosiale media skryf. WAT OM TE DOEN IN ’N KRISIS • Vat die persoon dadelik na ’n hospitaal of kliniek. • Moet hulle nie alleen los totdat hy of sy hulp gekry het nie. Verwyder alle medikasie, skeermesse, skêre of wapens. • Bel SADAG of jou plaaslike noodgevalnommers soos die polisie of ’n ambulans. VOEL JY AF? Daar is altyd hulp beskikbaar. Moenie moed opgee nie. Kontak SADAG by 011 262 6396, 0800 567 567 of besoek www.sadag.co.za.Jy kan ook Pharma Dynamics se gratis…

Clicks ClubCard Vir elke R5 wat jy spandeer, kry jy 1 punt. Dis gelyk aan 10c in jou sak.Vir ’n R5 voucher moet jy R250 spandeer. Swipe ook jou kaart by Clicks se vennoot-winkels en by Shell-garage. Pick n Pay Smart Shopper Card Een punt kos R2 en is 1c werd. Om R5 terug te kry, moet jy R1 000 spandeer. Jou punte verval ná 12 maande. Gebruik jou punte vir byvoorbeeld Spur vouchers. Dis-Chem Loyalty Benefit Card Vir elke R1 wat jy spandeer, kry jy 1 punt. Dis 1c werd. Om R5 terug te kry, moet jy R500 spandeer. Jy kan ook punte verdien as jy jou kar vol maak by Total-garages.…

As jy nie geld het vir ’n kopstuk nie, gebruik sommer pallets wat jy verf. Dis goedkoop en lyk modern! ELLEANOR FELIX, HUMANSDORP Elleanor wen essence-produkte ter waarde van R1 000. Beskikbaar by: Dis-Chem, Clicks, Takealot, Zando, Foschini en uitgesoekte Jet-winklels. essence-tip ’n Grimeersponsie is die beste manier om jou grimering aan te wend. En om dit selfs beter te maak, maak jou sponsie klam. Pro-beer essence Make-up & Baking Sponge.…

Al is Abduraghmaan Adams nie meer in Suidooster as Ian October nie, belowe die mense agter die skerms Ruiterbosch gaan steeds die fiktiewe plek wees waar jy wíl wees omdat Ian se vrou, Bridgette, dinge gaan warm hou. Wilmer het vir Kuier ’n eksklusiewe voorskou gegee oor wat wag. “’The age of Bridgette October’ breek aan in Suidooster soos sy beheer neem van al Ian se sakebelange en ’n nuwe besem probeer mos skoon vee. Maar Bridgette loop haar gou vas teen die een struikelblok ná die ander soos sy probeer sin maak van haar man se sake-koninkryk. Is die hele Suidooster Eiendomme dalk net ’n‘house of cards?’Soos Bridgette dinge ontrafel, is daar ’n hele paar onaangename verrassings,, terwyl daar ook teenstand is van veral die slinkse Tim. Hy ondermyn…

HOENDER EN GROENTE Genoeg vir 4 BESTANDDELE Hoender en groente 2 eetlepels olyfolie 1 – 2 eetlepels hoenderspeserye 4 hoenderborsies (met vel en been) 4 – 6 koppies groente van jou keuse (Ek gebruik butternut, mushrooms, uie, wortels, baby marrows, broccoli en blomkool.), opgesny 1 hoenderaftrekselblokkie 1½ koppies kookwater Sous 2 eetlepels olyfolie 1 eetlepel suurlemoensap ’n Knippie sout en peper 3 – 4 groot basilieblare (basil) METODE Hoender en groente: Meng die olyfolie en hoenderspeserye. Vryf die hoenderborsies daarmee. Braai die hoender met die velkant na onder tot bruin oor die kole of gasbraai. Meng en verdeel die groente tussen vier foeliebakkies. Pak ’n hoenderborsie in elke bakkie. Meng die kookwater en hoenderaftreksel en verdeel dit tussen die bakkies. Bedek met dit met foelie en plaas op die rooster…

“Dis snaaks hoe jy amper kan sien hoe die lig, die lewe iemand se oëverlaat.”ZIA TRENKIC Sy het die liefde van haar lewe op skool al ontmoet en toe hulle tien jaar later trou, was dit ’n droom wat waar geword het. Maar skaars ’n maand nadat hulle die ja-woord gesê het, net twee dae nadat hulle teruggekom het van hul wittebrood, moes Zia Trenkic (nou 33) van Kensington in Johannesburg, toekyk hoe haar man, Jay Kirkpatrick (27), in haar arms sterf. Zia en Jay het mekaar ontmoet toe hulle albei nog op skool was. Hoewel dit liefde met die eerste oogopslag was, was die tweetjies verstandig genoeg om te wag totdat hulle oud genoeg was voordat hulle uiteindelik in Desember 2011 die knoop deurgehaak het. Zia was toe reeds…

Wen4  SORBET MAN HAMPERS TER WAARDE R1 000 ELK! Bederf jou pa, nie net Vadersdag nie, maar elke ander dag met behandelings van Sorbet Man. Sorbet Man-salonne is perfek vir elke sessie van pamperlang vir die man aan die gang! Mans van alle ouderdomme kan ’n draai kom maak vir die beste behandelings – van ’n nuwe haarstyl tot ’n warm handdoek-skeerervaring. Sorbet Man het ook sy eie reeks pamperlangprodukte vir by die huis landwyd by alle Sorbet Man-winkels beskikbaar. Om in te skryf, SMS KUIER SORBET na 42508 voor Vrydag 5 Julie 2019. Elke SMS kos R1,50. Die wenners word in die uitgawe van 7 Augustus 2019 aangekondig. Wen 1  MAKITA IMPAK›BOORSTEL TER WAARDE VAN R3 999! Die Makita-boor en opsionele bykomstighede is die perfekte stel om byderhand te…

Daar is baie min dinge waarin ek ’n weersin het of waaroor ek hoogheilig is. Een van dié dinge is my persoonlike spasie. Moet my nie verkeerd verstaan nie, ek hou van mense rondom my. Dit is wanneer my persoonlike spasie met ’n klankie binnegedring word, wat ek ongemaklik raak. Moenie maak asof jy nie weet waarvan ek praat as ek van ’n klankie praat nie. Ja, dis daardie onwelkome, onverwagse reukie wat jy van ander mense kry. ’n Poep kan ’n mens nog verskoon, want ons almal weet watter enorme druk dit op die ingewande kan uitoefen. Soms is daar ook die poepe wat so skielik uitspring. Dit gebeur soms as jy te lekker lag of sommer net buk. Vra my ek weet. By geleentheid het ek op ’n…

Die stories wat ons lees, die mense met wie ons die meeste tyd spandeer, die aktiwiteite waaraan ons tyd bestee en die TV-programme waarna ons kyk, het ’n groot impak op ons denk- en doenpatrone. Tussen die ouderdomme van een tot sewe is ons programmeringsjare. As ons dan kyk na die kinderstories waarmee ons grootgeword het, wanneer jou brein ’n spons is, sal ons verstaan hoe ons so geprogrammeerd geraak het om ’n stiefma, stiefsusters en stiefbroers in ’n negatiewe lig te sien. In stories soos byvoorbeeld Aspoestertjie en Sneeuwitjie word die stiefma’s en -susters as mense met nydige bybedoelings uitgebeeld wat niks goedheid in hul hart het vir die kinders van die ander ouer nie. Dit is asof hulle jou anders behandel omdat jy nie bloed is nie. Die…

’n Mens het ’n sterk hart nodig om al die uitdagings van die lewe aan te durf! Vertel ons jou storie oor daai keer toe jy ’n sterk hart nodig gehad het en jy kan R1 000 wen! E-pos jou rubriek (800 woorde) en ’n foto van jouself (300 dpi) vir ‘Wat die hart van vol is’ na kuier@kuier.co.za met die woord RUBRIEK in die onderwerplyn of stuur dit met gewone pos na Wat die hart van vol is, Kuier, Posbus 1802, Kaapstad 8001. As ons jou hart-storie publiseer, wen jy R1 000!…