Innehållsförteckning för 7/10/2019 från Kuier

FACEBOOK Die musieklegende, Taliep Petersen, se kinders, Jawaahier en Ashur Petersen, is so talentvol en trap in hul pa se voetspore. Wat sal jy altyd van Taliep onthou? Hy was ’n mense-mens. JULIANA VAN WYK Julle is pragtige kinders, net soos jul pap-pie. Ek was ’n groot Taliep fan en was mal daaroor om hom op die verhoog te sien met sy warm persoonlikheid. SANDY STONE Ek het nooit sy shows gemis nie. Ek het baie soet herinneringe aan Taliep in theatre room 10 in die Baxter. PENNY JACOBS Sy uitmuntende talent en dat hy gewys het hoe ons coloureds celebrate. Die jaarlikse tweede Nuwejaar-vieringe op die Kaapstadparade. ASHELITA SINDEN Sy liefde en die musiek lewe vir altyd. Gone, but not forgotten. MAUD DU PLESSIS Ek love Ashur. En ek…

As daar een persoon is waarsonder ’n goeie TV-stuk nie kan doen nie, is dit ’n goeie villain. Dink maar aan Sami in Days of our Lives, Sheila in The Bold and the Beautiful, Cherel in Isidingo en Gita in 7de Laan destyds, om maar net ’n paar te noem. Hierdie karakters het keer op keer kykers verkeerd opgevryf, maar niemand was gereed vir Arendsvlei se Wendy Newman nie . . . Nee kyk, hierdie vrou is in ’n TV-feeksklas van haar eie. Sy manipuleer, kom weg met moord en haar konkelry kry nooit einde nie – en dan doen sy dit nog in stilettoes en met ’n bietjie klas ook! Sy laat jou bloed behoorlik kook, maar van Maandag tot Woensdag om 20:00 sit jy maar weer voor die…

“Moenie te veel op’nslag probeer braai nie–dis moeilik om te hanteeren die koekies sal beginstoom in plaas van braai.”KAREN HART LAMSPILAF Genoeg vir 4 BESTANDDELE 2 eetlepels botter 1 eetlepel olie 1 groot ui, gehalveer en in dun skyfies gesny 400 g beenlose lamsblokkiesvleis, effens kleiner gesny 1 eetlepel fyn komyn 1 eetlepel fyn koljander 1 teelepel fyn kardemom 1 teelepel fyn kaneel ¼ teelepel rissievlokkies 1 koppie basmati-rys 1 koppie rosyne Sout en varsgemaalde swartpeper na smaak 1½ koppies hoenderaftreksel ’n Handvol koljanderblare, gekap METODE Verhit die botter en olie in ’n swaarboompan en braai die ui daarin tot sag en deurskynend. Voeg die vleis by en verbruin. Voeg die komyn, koljander, kardemom, kaneel en rissievlokkies by en meng goed. Voeg die rys en rosyne by en meng goed…

Ou los haar Vraag HARTSEER & VERLIEF Antie, ek en my kind se pa gaan nie meer uit nie, maar ek bly nog in sy ouers se huis. Ons is 19 en hy maak eers volgende jaar skool klaar. Ek het by my vriendin gaan kuier en toe ek terugkom, sê hy vir my hy het ’n ander meisie. Ek was baie hartseer, maar het dit nie gewys nie. Nou skielik sê hy hy en die meisie gaan nie uit nie. Ek wil aanbeweeg met my lewe, maar ek is nog lief vir hom. Wat moet ek doen? GEBROKE Antwoord BESTE GEBROKE Jy en jou vriend is nog so jonk om in so ’n ernstige verhouding betrokke te wees. Julle moet nog albei baie groei en uitvind wat julle uit…

As jy dalk gedink het Mnr. Suid-Afrika is sinoniem met ’n windbol wat net spiere wil bult, kan jy nie verder van die waarheid wees nie. Verál nie wanneer dit by Mnr. Suid-Afrika 2019 kom nie. Platter op die aarde en nederiger as Heinrich Gabler (28) sal jy moeilik kry. Wanneer hy oor sy lewe begin praat, kom jy gou agter dat hy vir hierdie kompetisie ingeskryf het doodeenvoudig omdat hy glo dat sy lewensverhaal as inspirasie vir andere sal dien. En hoe dan ook nou anders, kan jy nie help om te dink nie wanneer jy hoor dat hy deur sy alkoholispa mishandel is, in ’n kinderhuis geplaas is nadat sy ma vroeg oorlede is en tóg bo dit alles uitgestyg het. Die Gabler-gesin het so arm grootgeword dat…

As daar een Protea-ondersteuner is wat nie met ’n bitter smaak in die mond sit nie, sal ek verbaas wees. Die Proteas het weereens die land by ’n wêreldbekertoernooi teleurgestel. Moet ons verras wees? Ek dink nie só nie. Al die tekens van ’n moontlike inploffing was alreeds ’n jaar voor die toernooi in Engeland en Wallis sigbaar. Die voormalige kaptein en een van die wêreld se beste kolwers, AB de Villiers, het besluit hy wil nie meer vir sy land speel nie, die ervare bouler Morné Morkel het ook in 2018 besluit om sy internasionale loopbaan vaarwel te roep en dít het die Proteas met ’n leemte gelaat. Senior spelers soos Hashim Amla en JP Duminy het ook die laaste 12 maande met hul vorm gesukkel. Voeg hierby dat…

Daar word gereken dat Suid-Afrikaners meer as 5 biljoen liter alkohol per jaar gebruik. Hierdie getalle het ’n groot invloed, nie net op die geassosieerde siektes nie, maar ook op ons mense se finansiële en sosiale situasies. Dronkenskap is verantwoordelik vir ’n hoë aantal voorvalle wat wissel van diefstal, molestering en verkragting tot moord. So ook onder meer padongelukke, onverantwoordelike seks, fetale alkoholsindroom en kindermishandeling. Alkoholisme onder die jeug is ’n groot bekommernis aangesien ten minste die helfte van Suid-Afrika se bevolking jong mense onder die ouderdom van 35 jaar is. Navorsing toon alkoholmisbruik is algemeen onder ons jong mense en word erger hoe ouer hulle word. Redes vir die misbruik van alkohol onder die jeug is onder meer groepsdruk en die begeerte om in te pas, slegte huislike omstandighede,…

’n Mens het ’n sterk hart nodig om al die uitdagings van die lewe aan te durf! Vertel ons jou storie oor daai keer toe jy ’n sterk hart nodig gehad het en jy kan R1 000 wen! E-pos jou rubriek (800 woorde) en ’n foto van jouself (300 dpi) vir ‘Wat die hart van vol is’ na kuier@kuier.co.za met die woord RUBRIEK in die onderwerplyn of stuur dit met gewone pos na Wat die hart van vol is, Kuier, Posbus 1802, Kaapstad 8001. As ons jou hart-storie publiseer, wen jy R1 000!…

Lena Johnson (63) van Worcester in die Boland is Avian Park se eie Moeder Theresa. Dié antie verskaf twee keer per week getrou aan behoeftige kinders kos en dis haar droom om vir die kinders ’n veilige hawe te skep waarin hulle kan groei en nie slagoffers word van mishandeling, gangsterism en dwelmmisbruik nie. Dit was egter dieselfde omstandighede waaruit sy die kinders wou red wat haar amper haar eie lewe gekos het. Lena is in April vanjaar in haar eie voortuin drie keer raakgeskiet toe sy in bendes se kruisvuur beland het. Maar hoewel sy amper haar lewe verloor het, is sy weer aan die kook en meen dit sal baie meer as net ’n paar koeëls neem om te keer dat die potte aanhou prut. Lena vertel sy…

DOORTJIE SE SAGOPOEDING Genoeg vir 6 BESTANDDELE 4 koppies melk 1 koppie sago ¾ koppie + 6 eetlepels suiker ’n Knippie sout 2 eetlepels botter 4 eiers, geskei 1 teelepel vanilla essence 2 eetlepels fyn appelkooskonfyt METODE Kook die melk, sago, ¾ koppie suiker en sout in ’n kastrol oor matige tot lae hitte totdat die sago deurskynend is. Laat dit effens afkoel en roer die botter by. Klits die eiergele effens en voeg dit en die vanilla essence by die sago. Skep die sagomengsel in ’n gesmeerde, oondvaste bak en stip met die appelkooskonfyt. Klits die eierwitte styf terwyl jy die 6 eetlepels suiker geleidelik byvoeg en goed klits ná elke byvoeging. Bedek die sago heeltemal in die bak met die geklitste eier. Bak vir ongeveer 25 – 30…

Die een ding waaroor ’n mens nie graag wil oor praat nie, is daai lastige nommer twee wat die meeste vroue soms ontwyk. Dis nou nie juis ’n om-die-etenstafel tipe gesprek nie. Maar vir sommige is dít ’n daaglikse struggle. Óf dit nou te hard, te sag, te seer, te winderig, te gereeld óf selfs te ongereeld is, is jou liggaam se manier om te sê iets skort. Die goeie nuus is jy hoef nie so te ly nie. Daar is ’n hele paar goed wat jy kan doen om jou maag gelukkig te hou. Kuier-joernalis Tarren-Lee Habelgaarn (28) van Kuilsrivier buite Kaapstad is onlangs platgeslaan deur ’n maagaandoening wat haar in die hospitaal laat beland het.“Vir vier weke het ek geen geluk gehad op die toilet nie. Twee of…

Diep in haar binneste het die TV- en radio-aanbieder Lyntjie Jaars (39) altyd geweet die dag sou aanbreek dat sy haar talent nie net met die mense van Namakwaland sou kon deel nie, maar die hele land. Onlangs is ’n droom bewaarheid toe Heindrich Wyngaard, die aanbieder van KLOP!op kykNET&kie (DStv-kanaal 145), haar as korrespondent van dié gewilde geselsprogram bekendgestel het. En nou het sy die kans van ’n leeftyd om nie net self in die kollig te wees nie, maar haar eie mense se stories te vertel. Namakwalanders ken Lyntjie al byna ’n dekade lank as omroeper by NFM. Weeksdae om 16:00 skuif sy agter die mikrofoon in vir die middagprogram,“Hama Khaya”, en Dinsdae help sy mense op hul lewenspad met die“Hope Solutions”-radioprogram. Lyntjie het juis vroeër vanjaar ’n…

ANTWOORD Om jou wenkbroue te pluk, hoef nie pynlik of duur te wees nie. Hier is hulp: • Pluk jou wenkbroue met ’n tweezer nadat jy gestort het. Die warm water help om die follikels oop te maak, wat die hare maklik laat uittrek. • Kry só die perfekte vorm: Gebruik ’n bruin oogpotlood as gids om jou te help om die begin, einde en boog van jou wenkbroue te vind. Die begin van jou wenkbrou moet wees waar jou neusgat begin. Hou die potlood vertikaal teen die brug van jou neus en bo-op jou neusgat om die punt te vind. Om jou boog te vind, plaas die potlood op die punt van jou neus en wys dit na jou pupil. Dít is waar jou natuurlike boog veronderstel is om…

Die vier goue sterretjies teen Arlene Wehr (50) se hempkraag getuig van jare se harde werk en vasbyt in ’n omgewing wat lank net vir mans beskore was. Sy het op 1 Junie vanjaar ingeval as bedryfshoof van Distrik Wes, een van die vier distrikte waarin die Stad Kaapstad se brand- en reddingsdiens verdeel word – vandaar die vier sterretjies. En dié senior bestuurspos is maar net een van verskeie eerstes wat sy sedert haar aanstelling in 1996 as vroulike brandbestryder agter haar naam kon skryf. In Arlene se nuwe hoedanigheid val nie minder as agt brandweerstasies en twee afdelingsbevelvoerders onder haar nie. Dis ’n reusegebied watt grotendeels deur see omring word en mett die Tafelbaaise hawe, Tafelberg, die informele nedersettings Imizamo Yethu en Langa, die industriële gebiede in Soutrivier,…

Hare breek af Vraag SKAAM OOR HARE Ek soek raad vir hare wat afbreek. My hare is in ’n toestand en ek voel baie ongemaklik wanneer ek saam met my vriende loop. Is daar pille wat ek kan gebruik? HULPELOOS Antwoord BESTE HULPELOOS Baie mense het ’n intense verhouding met hul hare en ’n slegte haredag kan jou hele gemoed opmors. Daar is baie oorsake van jou hare wat afbreek en dis nie so ’n maklik soos om ’n pil te drink om dit beter te maak nie. Maak só: 1. DIEET: Die oumense sê altyd: jy is wat jy eet, en dis waar, veral as dit by jou hare- en vel-gesondheid kom. Sekere vitamiene en minerale is noodsaaklik vir jou hare om gesond te wees. Vitamiene A is nodig…

Dis Maandagoggend. Jy sit by jou lessenaar met ’n warm koppie koffie en beplan die res van jou week. Agter jou hoor jy ’n geritsel van papiere en jou hart klop skielik vinniger. Jou maag trek saam en jy hou jou asem op. Jou senior kollega maak sy keel agter jou skoon en jou gemoed sak in jou skoene, want jy weet hy is van plan om óf iets gemeen, óf iets totaal en al onvanpas te sê. Klink dié scenario bekend? Indien ja, word jy deur ’n werkplekboelie getreiter en ongelukkig is hierdie tipe kollegas meer algemeen as wat ’n mens sou dink. Joubert & Genote, ontwikkeling en menslike hulpbronne-praktisyns van Kaapstad, het verlede jaar intensiewe navorsing gedoen rondom boeliegedrag in die werkplek. Phyline du Toit van dié organisasie…

kykNET is ’n topgehalte-kanaal wat kykers boei met 100% plaaslik-vervaardigde inhoud vir almal met ’n waardering vir Afrikaans. Lui maar op, Belinda Maandag 8 Julie om 20:00 Skakel in vir kykNET se splinternuwe komedie, Lui maar op, Belinda. Die wel en weë van Belinda, Annetjie, Frans, Ian en Maggie in dié bittersoet komedie speel in George af, waar die noodlot hulle saam gebring het by ’n algemene handelaar. Alles Malan, Dinsdag 9 Julie om 20:00 kykNET se nuutste drama, Alles Malan, volg die dag-tot-dag lewens van ’n moderne, prettige Afrikaanse familie in en om die Paarl, soos hulle veg om hul gesin deur suksesse en teleurstellings bymekaar te hou. Met Albert Maritz, Elsabé Daneel en Ivan Zimmerman. Maak my Famous, regstreekse uitsending van die finaal op Donderdag 11 Julie om…

’nArme wat in sy regskapenheid wandel, is beter as ’n verkeerde van lippe en daarby ’n dwaas (Spreuke 19:1). Om waardes en integriteit te hê, is belangrik, want dit hou ’n mens op die regte pad. En as ek na ons gemeenskap vandag kyk, raak my hart seer om te sien hoe ons jong mense hul waardes en integriteit verloor. Ons jeug staar baie uitdagings in die gesig en ongesonde verhoudings is een daarvan. Dis asof hulle links en regs in verhoudings tree sonder om aan hul waardes en drome te dink. Hulle het visieloos begin word – almal wil in ’n verhouding wees asof hulle daarvoor betaal word. Wat het geword van die man of vrou van jou drome vir wie jy bereid is om voor te wag, al…