Innehållsförteckning för 10/30/2019 från Kuier

10 PLUSH VOUCHERS: Haylen Boer, Kakamas; Lorriane Bosch, Uitenhage; Kenolene Dreyden, Belhar; Chevon Bell Booysen, Somerset-Wes; Lenie van der Westhuizen, Bloemfontein; Florence Cloete, Goodwood; Anna Cloete, Concordia; Lorriane Pretorius, Barrydale; Steven Gerber, Hartenbos; Katrina Maasdorp, Upington. 10 HANNON HAMPERS: Juliet Robert, Knysna; Bonnie Steyn, Roodepoort; Hannelie Visagie, Kaapstad; Elmien Lotter, Strand; Dorathea Heradien, Wolseley; Maria van Wyk, Upington; Cecilia Paige, Goodwood; Gail Rittles, Durban; Charlotte Pretorius, Klerksdorp; Antoinette du Toit, Oakglen. 10 MICROWAVES: Shyrel Duminy, Genadendal; Brenda Hendricks, Mitchells Plain; Marjorie Tobias, Kraaifontein; Hendrik Siebrits, Kimberley; Watsonia Cairincross, PE; Andrea Williams, Bredasdorp; Madelien Engeldoe, Worcester; Jo-Anne Adriaanse, Porterville; Ivanna Williams, McGregor; Valencia Abrahams, Kaapstad. MONTAGU SPRINGS-WEGBREEK: Nadine Rudolf, Kraaifontein 3 BATISTE HAMPERS: Isabel Loggenberg, Pretoria-Wes; Fredericka Ellis, Rustenburg; Richard Devine, Bloemfontein.…

Toe die Afrikaanse sepie 7de Laan byna 19 jaar gelede vir die eerste keer op 4 April 2000 op SABC2 begin wys, was sý daar. En van dag een af het Charmaine Beukes (later Meintjies) almal se harte gesteel. Charmaine, gespeel deur Vinette Ebrahim, was die moederhen van die Laan; die een by wie almal kom afpak het, die een wat in almal se vreugde gedeel het, maar ook die een wat jou streng aangespreek het indien dit nodig was. Haar skouers en hart het altyd plek gehad vir nóg een en nóg een . . . Die sepie het aanvanklik net twee keer ’n week gewys, maar is later vyf dae per week uitgesaai met ’n omnibus op Sondae. In April vanjaar het statistieke van die Broadcast Research Council…

Aanhangers van die kykNET-sepie Suidooster smeek hul geliefde sepiegesinne al lank vir ’n kookboek met hul gunstelinge, en hier is dit nou! Mrs J, Mymoena en Stefan neem die voortou: “Ons deel ons resepte sodat familietradisies, ons kos en feestelikheid kan aangaan. Ons kook uit ons harte met bestanddele soos liefde en joy.” Uitgegee deur Human & Rousseau. Beskikbaar by boekwinkels teen R280. Om in te skryf, SMS KUIER SUIDOOSTER na 42508 voor Vrydag 8 November 2019. Elke SMS kos R1,50. Die wenners word in die uitgawe van 27 November 2019 aangekondig.…

’n Mens vergeet of is nie altyd lus om jou borste te ondersoek vir knoppe nie. Maar Check Know Prevent, ’n liefdadigheidsorganisasie, het ’n handgemaakte bra ontwerp wat jou herinner om gereeld selfondersoeke te doen. Winste sal minderbevoorregte kankerpasiënte ondersteun. Jy kan ook ’n bra “skenk” aan ’n hoërskoolleerder wat nie toegang het tot goeie gesondheidsorg nie. Besoek checkknowprevent.com. Om in te skryf, beantwoord die volgende vraag: Wie het die bra ontwerp? SMS KUIER BRA en jou antwoord na 42508 met jou naam en van voor 8 November 2019. R1,50/SMS. Die wenners sal in die uitgawe van 27 November 2019 aangekondig word.…

Mal oor mans Vraag LIEFDE BOTS MET GELOOF Antie, ek is gay, maar ek is ’n bietjie onseker oor my gevoelens. Ek kan myself nie verhelp as ek ’n nice ou sien wat ek smaak nie. Ek probeer teen my gevoelens stry dat ek gay is, maar ek kan myself net nie help nie. Ek is bevriend met seuns en het seks met een van my vriende gehad, maar die ander weet nie. Wanneer ons saam is, maak ons asof niks gebeur het nie. Hoe maak ek? Ek hou van meisies, maar ek kry nie sekslus met hulle nie. Ek het pas in ’n nuwe geloof gekom wat teen gay verhoudings is, maar hoe deal ek daarmee as my geloof gekant is daarteen? VERWARD Antwoord BESTE VERWARD Wees versigtig om…

’NKoppie tee op sy tyd is darem ’n lekker ding, maar hoeveel van ons dink jy kan iets sinvol met gebruikte teesakkies doen? Wat nog te sê van geld maak daarmee? Maar Shireen Villet (55), ’n voormalige onderwyser wat in Kaapstad ’n gastehuis bedryf, wys met ’n bietjie kreatiwiteit is enigiets moontliks – selfs met gebruikte teesakkies! Shireen was van kleins af altyd doenig met haar hande, besig om te skep. Deesdae maak sy die allermooiste dekor-items van teesakkies en -blare en iets wat begin het as ’n stokperdjie, is besig om in ’n suksesvolle besigheid, The T-bag, te verander. Dié ma van drie (33, 19 en 17) vertel sy het ongeveer agt jaar gelede soortgelyke teesakkie-items by ’n winkel in die Kaapse Waterfront gesien en gewonder of sy dit…

D it put ’n mens uit om gedurig voor te gee dinge verloop klopdisselboom terwyl jou siel histeries waarsku dat jy oor die afgrond wankel. En dít blyk ook die geval te wees wanneer dit kom by die jeug in ons land. Met die hoë werkloosheidsyfer onder jeugdiges, die euwel van jeugmisdadigers en dwelm- en alkoholverslawing waarin hulle vasgevang is, laat dit ’n mens wonder of dit steeds nodig is om Jeugmaand te vier. Die son van voorspoed sak vinnig oor ons eens prentjiemooi reënboogland. Wanneer begin ons die jeug koester om ons van die moeras van ondergang te red? Hoe durf ons hulle aan die noodlot oorlaat sonder om hul val oor die afgrond te stuit? Ek onthou ’n jong klong – ’n alleenmens, ’n misfit – iemand wat…

Wat is die vreemdste vraag wat iemand jou al gevra het? Mense vra my gereeld of my tweelingsuster dieselfde dag as ek verjaar of hoe oud sy is. YVETTE BOTHA Ek het een keer vraestelle vir ’n leerder gegee om uit te deel. Toe die leerder klaar is, toe wou die leerder weet wie “Memo” is, want “Memo” het alles reg . . . LOUISE JOHANNES Ek het jare terug by Discom gewerk. ’n Man het ingekom en gevra ek moet hom wys op watter rak die “droogtieties” is. Ná ’n lang gesukkel, het ek uiteindelik verstaan dat hy eintlik ’n dummy gesoek het. CLAUDIA HURTER Ná my seun se geboorte:“Hoekom het jy sy naam‘Blake’gegee, is dit omdat hy lig van kleur en uitgebleik lyk?”Ek was op daardie stadium te…

Dis nou amptelik onwettig om jou kind by die huis te tug en Kuier het in die uitgawe van 16 Oktober breedvoerig berig oor die Grondwethof se opspraakwekkende beslissing. Maar nou sit talle ouers met hul hande in die hare, want hoewel hulle nie onwettig wil optree nie, moet hul kinders gedissiplineer word. Oraloor wroeg ouers: Hoe nou gemaak? Wat kan ek doen om my kind te dissiplineer anders as om hom ’n hou te gee? Baie Suid-Afrikaners is duidelik ongelukkig oor die uitspraak, maar sommige voel tog dis die regte ding om in ons gewelddadige land te doen. Kenners is dit ook eens: Lyfstraf kan vrees en angs by kinders skep en dit is juis om dié rede dat daar na alternatiewe maniere gesoek moet word om kinders te…

Niemand wil ooit met ’n kankerdiagnose gekonfronteer word nie. Dié siekte is soos ’n boef wat in die donker skuil en op jou toesak wanneer jy dit die minste verwag. Dit diskrimineer nie en kan enige tyd op enigeen (ongeag ouderdom of ras) toeslaan. Caitlin Demas (22) van Kuilsrivier in die noordelike voorstede van Kaapstad is ook iemand wie se lewe tot stilstand geruk is deur kanker. Toe sy op 15 (toe in graad 10) siek word, het sy nie eens aan kanker gedink nie. Dit het net soos griep gevoel, iets wat sy al telkemale tevore gehad het. Sy was immers ’n tiener – gesond, fiks en besig. Boonop het sy daardie tyd gedink tieners kry mos nie kanker soos ou mense nie. Al wat sy van kanker geweet…

’nRasseherrie tussen ’n Weskusgemeenskap en die Springbokspeler Eben Etzebeth het plek-plek gedreig om die Wêreldbekerrugbytoernooi te ontspoor. Maar dit het ook opnuut die seer ontbloot wat baie mense nog oor apartheid-skeldname dra. Daar hang nou ’n swaard oor Etzebeth se kop. Die nasionale rugbyheld staar nou klagtes van haatspraak en aanranding in die gesig nadat hy glo enkele dae voor die Bokspan se vertrek na Japan in ’n onsmaaklike rusie met inwoners van Langebaan betrokke geraak. In die vroeë oggendure – toe die voorval glo in ’n parkeergebied plaasgevind het – het al die klaers glo reeds ’n paar doppe agter die blad gehad, nes Etzebeth wat saam met ’n groep vriende gekuier het. Wat presies daarna gebeur het, moet nog in ’n hof bewys word, maar een van die…

VISMASALA MYMOENA SE TRADISIONELE FAMILIERESEP  Lewer 6 porsies BESTANDDELE 1 kg stewige witvis, in mootjies gesny Suurlemoensap 25 ml olie 20 ml gestampte koljandersaad 15 ml gestampte komynsaad ’n Stewige knippie swartpeper 5 ml borrie 10 ml sout of na smaak 1 – 2 groen brandrissie 3 – 5knoffelhuisies 1 gerasperde ui Sap van 2 suurlemoene 2 fyngerasperde tamaties 50 ml olie vir vlakbraai METODE Verwyder die vis se vel, sny in skywe, smeer suurlemoensap oor en hou eenkant terwyl jy die vismasala maak. Gooi die olie, koljander, komyn, peper, borrie en sout in ’n bakkie en meng goed. Stamp die rissie en knoffel in ’n vysel, voeg dit by die speseryolie en meng goed. Meng die ui, suurlemoensap en tamaties daarby in. (Alles kan ook saam in ’n voedselverwerker…

ROOMKARAMELTERT Lewer 1 groot tert Dis die ideale tert om op te dollie met sjokolade van jou keuse. SAMANTHA LIEDEMAN BESTANDDELE 200 g spysverteringskoekies 4 eetlepels botter, gesmelt 1 botteltjie Orley Whip (room) 1 blikkie caramel treat 2 pakkies Rolo-sjokolade, opgesny ¾ koppie Cream Caramels, in stukkies gesny METODE Rol die koekies fyn in ’n sakkie en meng met die botter. Druk die krummels vas in ’n tertbord en verkoel vir ten minste 20 minute. Klop die Orley Whip in ’n mengbak tot styf. Voeg die caramel treat by en klop deur tot net-net gemeng. Vou die opgesnyde lekkers (hou ¼ koppie lekkers vir versiering) daarby in en vul die tertkors daarmee. Verkoel vir ’n paar ure tot gestol. Versier met die ¼ koppie opgesnyde lekkers en karamel.…

Met een uit elke 27 vroue in Suid-Afrika wat met borskanker gediagnoseer word, is die kanse baie goed dat jy iemand ken wat al dié siekte gehad het. Selfs die Kuier-kantoor is nie onaangeraak gelaat nie . .. In 2017 is Selina Petersen (47), een van Kuier se uitlegkunstenaars, tot haar skok met borskanker gediagnoseer. “Ek het jaarliks vir ’n mammogram gegaan so ek was stomgeslaan toe die radiografis met ’n bekommerde uitdrukking sê ek het twee knoppe in die een bors en een in die ander, wat baie lyk soos kanker,” onthou sy. Die dokter het onmiddellik ’n biopsie gedoen. “Die week wat ek gewag het vir die uitslae het ek net op my bank gesit en my bekommer. Daar is geen geskiedenis van kanker in my familie nie,…

Ruik, proe niks Vraag NIKS HELP NIE Ek kan niks ruik nie en ek kan ook nie reg proe nie. Ek gebruik al vir maande lank pille vir allergie en neussproei, maar daar is geen verbetering nie. Dit stel ’n mens in die verleentheid as jy niks kan ruik nie. Het jy dalk raad? BOTTOE Antwoord BESTE BOTTOE Die meeste van ons aanvaar ons reuksin as vanselfsprekend. Die mediese term vir reukverlies is anosmia. Daar is mense wat met anosmia gebore word en van hulle sê hulle was onder die indruk net volwassenes het reuksin en dat hulle s’n later sal ontwikkel. Wanneer jy nie kan ruik nie, proe kos verskillend of het dit geen smaak nie. Baie mense met anosmia verloor belangstelling in kos, wantt omtrent 80% van die…

D it is alweer amper somer en ten spyte van goeie voornemens om vanjaar beter na jouself om te sien, het jy weereens voor te veel versoekings in die winter geswig. Nou sit jy met die bultjies en rolletjies en stywe klere as bewyse van winteroordaad. Ons liggaamsbeeld is baie belangrik omdat dit ons gemoed beïnvloed. Die Engelse spreekwoord lui “your health is your wealth” en hoewel ’n gesonde liggaam nie rykdom gaan verseker nie, is ons gesondheid netso belangrik soos enige ander lewensarea en moet ons hier ook na balans streef. Ons liggaam, gemoedstoestand en geestelike wese is ’n holistiese eenheid en as daar fout met die een is, is die gevaar daar dat ongesondheid in een deel van ons menswees kan oorloop na ’n ander en ’n nadelige…

’n Mens het ’n sterk hart nodig om al die uitdagings van die lewe aan te durf! Vertel ons jou storie oor daai keer toe jy ’n sterk hart nodig gehad het en jy kan R1 000 wen! E-pos jou rubriek (800 woorde) en ’n foto van jouself (300 dpi) vir ‘Wat die hart van vol is’ na kuier@kuier.co.za met die woord RUBRIEK in die onderwerplyn of stuur dit met gewone pos na Wat die hart van vol is, Kuier, Posbus 1802, Kaapstad 8001. As ons jou hart-storie publiseer, wen jy R1 000!…