Innehållsförteckning för 11 Nov 2021 från Kuier

Die jaar staan nou baie vinnig einde se kant toe, maar vir baie van ons is die festive (soos ons Kapenaars die feestyd noem) net nie meer wat dit was nie. Sommige is letterlik in die donker, want Eskom het besluit dis weer tyd vir beurtkrag, terwyl ander mense ’n bietjie hopeloos is weens al die hartseer en terugslae wat hulle die afgelope jaar beleef het. Dis ook die tweede jaar dat ons Kersfees in die skadu van die Covid-19-pandemie gaan vier. Die kenners het gewaarsku dat die virus vir lank met ons gaan wees, maar ek het regtig gehoop dat ons teen hierdie tyd sou begin terugkeer na normaal. En al gaan dinge al baie beter danksy die entstof, is die virus nog nie klaar met ons nie. Só…

WENK GESOEK Hoe raak ’n mens ontslae van muise? TERRY-ANN DAVIS, GQEBERHA ANTWOORD 1. Maak dit vir hulle in die eerste plek moeilik om in jou huis in te kom. As jy ’n potlood in ’n kraak, gat of opening kan steek, kan ’n muis daar inkom. Seël daarom alle openinge. Staalwol werk goed. 2. Gebruik muisvalletjies. Waar daar een muis is, is daar gewoonlik nog, so stel baie. Gebruik ’n kombinasie van die verskillende soorte wat ’n mens kry vir ’n beter kans op sukses. Jy kan enige kos gebruik as aas, maar muise hou baie van sjokolade, peanut butter, spek, oats en droë vrugte. Maak die aas vas met vislyn of tandevlos. Vervang die aas elke twee dae. 3. Sit die valletjies waar jy al die muis of…

GEBED Liewe Heer, vir baie van ons voel dit die jaar raak nou heeltemal te lank. Ons is afgemat en daarom is ons geïrriteerd en ongeduldig met mekaar. Daar is diegene wat liggamlik moeg is en dié wat sielsmoeg is. Dit bring alles soveel droefheid wat ons deur die dae moet saamsleep. Maak sulke laste ligter deur U goedheid en genade. Here, kom gee ons harte en siele rus van al ons bekommernisse, want U is die een na wie ons moet vlug. Ons moenie op ons eie krag staatmaak nie.Verfris ons met U genade, blaas U lewensasem in ons sodat ons U wonders kan geniet en ontspan. Ons loof en prys U dat U ons reeds tot hier gedra het. Help ons om ook mekaar se manier van ontspanning…

“Wanneersy asemgehaal het, kon’n mens die lugwegflappies hoor oop-en toegaan. Dokters het on gelukkig geen behandeling daar-voor gehad nie en ons is huis toe gestuur.”GRETCHEN PLAATJIES Toe Gretchen Plaatjies (27) van George in die Suid-Kaap die eerste keer in haar pasgebore baba se blink bruin ogies kyk, was dit liefde met die eerste oogopslag. Dit was die begin van ’n heel nuwe hoofstuk vir hierdie mammie, maar nie in haar wildste drome sou Gretchen kon dink dat in plaas besoeke aan die parkie en matching outfits, hulle twee die volgende twee jaar meer in die hospitaal as by die huis sou spandeer nie. Avah-Grace (2), Gretchen se enigste kind, is ’n week ná haar geboorte met Laryngomalacia gediagnoseer.Laryngomalacia is ’n toestand wat ontstaan as gevolg van ’n geboortedefek in die…

Jou voete moet jou deur die lewe dra. Wanneer dit jou probleme gee, is die kans goed dat jy met die verkeerde voet uit die bed gaan opstaan. So, as jy pyne en kwale ervaar, moet jy dit nie ignoreer of afmaak as niks nie, veral nie as jy ’n diabeet is nie. En enigeen wat al die mediese program My feet are killing me gekyk het, sal weet ’n mens kan ernstige voetprobleme ontwikkel wat dit selfs moeilik kan maak om te loop. In erger gevalle is amputasie baiekeer hierdie pasiënte se voorland omdat hulle nie vroeër hulp gesoek het nie. Lucas Breedt, ’n voetkundige van Centurion in Pretoria, verduidelik jou voet het ’n baie komplekse struktuur. Daar is 26 bene, 107 ligamente, 19 spiere gerangskik in vier lae…

Vriend in gevaar Vraag PRAATOOR SELFMOORD Antie, ek wil weet of dit normaal is as ’n vriend daaroor praat dat hy selfmoord wil pleeg. Hy drink baie en ek is so gespanne hieroor. Help my asseblief. DESPERAAT Antwoord BESTE DESPERAAT Dit is glad nie normaal nie. Wanneer iemand oor selfmoord praat, kan dit ’n uitroep na hulp wees. Die feit dat hy ook so baie drink, kan ’n manier wees om van sy probleme of van wat ook al die rede vir sy selfmoordneigings is, te probeer vergeet. Iets wat hom kan help, is om met iemand te praat. Maar hy moet bereid wees om sy samewerking te gee. Ek weet nie hoe close julle is nie, maar ek dink as daar iemand is wat hom kan oorreed om help…

NR. 171 SMS OM IN TE SKRYF! VRAAG: Wie is die skepper van die reeks Mr. Robot? SKRYF SÓ IN: Vul die Ster-blokraai korrek in, skryf die letters in die kleurblokke neer en gebruik dit om die antwoord op die vraag te ontrafel. SMS jou antwoord, naam, van en plek, asook Ster-blokraainommer na 42508 voor 1 Desember 2021. Elke SMS kos R1,50. Die oplossing verskyn in die uitgawe 6 Januarie 2022. NET MENSE BINNE SA KANDEEL-NEEM.DIE WENNER WAT GEKIES WORD, MOET DIE OORSPRONK-LIKE,VOLTOOIDE STER-BLOK-RAAI EN HUL BESONDERHEDE VERSKAF. DIE SLUITINGSDATUM IS 1 DESEMBER 2021. GEEN WHATSAPP-BOODSKAPPE WORD MEER AS INSKRYWING AANVAAR NIE.…

GROOT WOORDBOU Soek al tagtig woorde op die lys langsaan in die tabel hieronder. Hulle lê horisontaal, vertikaal en diagonaal. NR. 105 Aangenaam Beloning Bereik Beroemde Betekenisvol Bevredig Bewonder Blymoedigheid Broodwinner Bruisend Deugsame Deurdagte Dinamies Drukkie Durf Edel Elegant Fassinerend Floreer Fris Gedagtes Genadig Gloei Hart Helder Idee Instinktiewe Jakkalskos Jonk Kokosmelk Kragtig Kreatiwiteit Kreefkelkie Kudde Meesterlik Merkwaardig Moeiteloos Mooi Motiveer Nagereg Netjies Noodsaaklik Nywerheid Onderskryf Onpartydig Oombliklik Oortyd Penne Perlemoen Produktief Romanties Roomkaas Sappig Skitter Snaaks Sosatie Stowe Suiwer Taai Toevallig Toewyding Towerkuns Troos Trots Uitbundig Uniek Vars Vasbeslote Veelsydig Veerkragtig Verdienste Verfyn Vertroue Voortreflik Vreesloos Vrolik Vurig Waansin Weergalm Welkom OPLOSSING VERSKYN IN DIE UITGAWE VAN 25 NOVEMBER 2021. SOEK VIR DIE SPELETJIENOMMER.…

MÓÉT-KYK! The Witches (M-Net, Sondag 21 November om 20:05) Toe ’n weeskind ’n heks teëkom, vat sy ouma hom na ’n hoteltoe om hom te beskerm. Maar in dieselfde hotel beplan ’n groep hekse om van alle kinders ontslae te raak… SABC 1 DO. 11 NOV. 18:00 Shay’round 20:00 Generations: The Legacy 20:30 Uzalo 21:00 The Ranakas 23:00 Woza Matric VR. 12 NOV. 18:00 Live Amp 18:30 Skeem Saam 20:30 Uzalo 21:00 Wake of Death SA. 13 NOV. 17:30 uShuni Ka Maskandi 18:00 Wedding Chefs 22:00 Too Hot to be Single (H) SO. 14 NOV. 17:30 Khuzani Bo! 18:00 Telkom Monate 20:00 Ikani MA. 15 NOV. 18:00 Orange Couch 18:30 Skeem Saam DI. 16 NOV. 20:30 Uzalo 21:00 Cutting Edge (H) 22:30 The Master WO. 17 NOV. 18:00 The Braai…

Hoe het jy betrokke geraak by Die Hof? “Ek het soos baie ander mense maar deur die oudisie-proses gegaan. Ek is nou nie juis vertroud met die TV-bedryf soos baie ander aanbieders nie, maar my passie vir die gereg en om mense te help, het waarskynlik die oorhand geneem,”vertelSuzie. Watter saak sover was vir jou die interessantste? “Ek geniet nog elke oomblik van hierdie rol! Daar is ’n paar omdat ons heelwat soortgelyke sake hanteer het. Ons het baie familie-onderonsies en dit veroorsaak dat vriende en familie nie die gelde wil terug betaal wat hulle geleen het nie. Ag, dit is vir my altyd lekker as ek die wet aan hulle verduidelik en hulle dan verstaan hulle moet die geld terugbetaal wat hulle geleen het. Die saak waar die vrou…

Ons mans ondervind nie net fisiese geweld nie, daar is verbale geweld ook (Geteister deur geweld, 28 Oktober). Ons mans wil baiekeer ordentlik wees en nie jou vrou of saamleefmaat leed aandoen nie. Jy word beledig en steeds is jy die ordentlikheid self. Jy kom uit ’n huishouding waar jy nie ken van om iets leliks aan ’n vrou te sê nie, dan loop jy jou vas teen ’n lewensmaat wat jou verbaal teister. Ek hoop van harte dat Charles Olivier hulp sal kry. God is groter as enige persoon. Daar is hoop op die horison. ANONIEM, WINDHOEK Ek wil graag die Kuier bedank vir die berig oor liggaamsreuke (Vra Dr. Patricia,2 September). Dit is ’n baie moeilike situasie vir ’n vrou om so ’n probleem te hê. Ek het…

Het jy ’n getroue wenk wat jou al menige keer uit die knyp gehelp het? Stuur jou wenk per WhatsApp na 0607840589 met die sleutel woorde KUIER WENK. Jy kan dit ook e-pos na kuier@kuier.co.za met KUIER WENK in die onderwerpveld. Jou wenk kan die Wenk van die Maand-prys wen. November se wenner wen ’n Bio-Oil-ge skenkpak ter waarde van R1 000! Die nuwe Bio-Oil Body Lotion is net die bevogtiger wat jy nodig het om jou droë, asvaal vel weer sysag en glad te laat lyk.…

Verbeel jou dit voel asof ’n duisend rooimiere op jou vel krioel. Dit voel asof jou vel aan die brand is en dit jeuk sonder genade, maar jy mag nie krap nie, want dit sal sake net vererger. Dié tipe marteling is egter ’n daaglikse werklikheid vir meer as 230 miljoen mense wêreldwyd wat sukkel met ekseem en daar is geen geneesmiddel vir hulle nie. Ekseem, ook bekend as atopic dermatitis,is’ntoestand wat veroorsaak dat jou vel droog, rooi en jeukerig word en beskadig jou vel op so ’n wyse dat dit meer sensitief en geneig tot infeksie raak. Mense met ekseem is ook meer geneig om depressie en angs te ontwikkel, wat weer ekseem-rashes trigger. Dis ’n bose, lewenslange kringloop, want die meeste medikasie of hulp wat dokters voorskryf, verskaf…

“en die antie dans,en die antie dans op Waenhuiskrans”–Onbekend die swaarste van Krismis is om in Pick nPay te staan en my ma te sien in die bokse Snacktime die pakke Quality Street en in die ligte,ligte-pastel bloesies vanmoeggewerkteanties my ma is die spook watlangs die strand stap my ma is water sy was eers brood ek dink aan Krismisoggend jare gelede my ma in die kombuis neurie die treurigste happyste song terwyl ek in my bed rondrol en religion haat ek staan stadig op en loop totbyhaar en moan ek kannie wagvir Krismis om verbytewees nie (Uit Hammie,Ronelda se derde digbundel wat in 2016 by Kwela uitgegee is.)…

Ouers krap nou kop oor of hulle hul kinders moet laat inent teen Covid-19 of nie. Dink jy ook nog daaroor of het jy reeds ’n finale besluit geneem? Volgens ons landswet, mag kinders wettiglik toestemming gee vanaf 12-jarige ouderdom. Slegs as die kind as bevoeg gesien word. Dus moet ouers dit bespreek met kinders. As ’n ouer en verpleegster voel ek dat daar nog baie onsekerheid is met navrae. Tot dan, nee. ZENOBIA OCTOBER Baie beslis ja en ja. Ek het my ma en jongste sussie as gevolg van Covid verloor. Ek kyk nou na my suster se seuntjie van 12 (hy het ook Covid gehad). Ek en my dogter het albei Covid gehad. Ek was heel goed omdat ek as gesondheidswerker alreeds ingeënt was. My dogter was…

Dit is maklik om besig te wees. Ons almal is – by die werk, met die kinders, dalk ’n stokperdjie? Dis nie ’n kuns om besig te wees nie. Wat wel ’n kuns is, is om ontspanning daagliks deel van jou lewe te maak. Dít is wat ek moes leer… Een Vrydagaand ná werk lê ek poegaai op die bed en staar na die dak. Dit was ’n rowwe week met baie vergaderings, lang ure en hoë druk. Terwyl ek my kinders opgewonde hoor roep dat die fliek gaan begin vir ons weeklikse movie night, dink ek by myself dat ek nie eens die eerste 10 minute van die fliek sal maak nie… Iets moes verander. Vir my om ’n goeie mamma vir my kinders te wees en ’n vrou…

Die pragtige Jodi Jantjies (21) van Mitchells Plain op die Kaapse Vlakte,bekoor luisteraars van regoor die wêreld met haar engelsang. Sy was ook onlangs op die gewilde TVprogram Koortjies met Jonathan Rubain op kykNET&kie. Min mense weet egter dat Jodi eintlik al van kleins af sukkel met ’n verskriklike spraakprobleem. Sy hakkel vreeslik erg, al het sy tevergeefs al verskeie goed probeer om ’n einde te bring aan haar probleem. Die wonderwerk is, wanneer Jodi sing, verdwyn haar hakkel! Haar liedjie“Lied van my hart”vat haar storie perfek saam. ’n Gedeelte daaruit lui: “Die woorde oor my lippe kom sukkelsukkel deur. Die geluid van die spotters so duidelik in my oor. Die storie wat ek vertel dis nie maklik nie ek sweer. Maar die storie is my werklikheid; ek vertel dit…

CAT-EYE GESIGVORM: Vierkantig, driehoekig en ovaalvormig Dié brilstyl kom keer op keer terug en vanjaar se update daarvan is smaller lense. Dít is sodat die brilstyl kan inpas by die res van die 90’s se style wat weer in die mode is. RETRO GESIGVORM: Rond en hartvormig Die retrostyl is hier om te bly en dit is ook in sonbrille te sien. Update jou sonbril met ’n ronde retroraam met elemente soos diamanté of ’n helder kleur. As jy dit ’n stapel wil maak, kies dit in bruin of swart. REGHOEK GESIGVORM: Rond of ovaalvormig Die reghoekraamstyl is groot vanjaar. Ons sien sonbrille wat helder rame het in elke kleur onder die son. As jy nie ’n plain kleur wil hê nie, kies iets met ’n print of ’n patroon.…

Impotensie Vraag SUKKEL MET EREKSIES Ek is 63 met suikersiekte, hoë bloeddruk en hoë cholesterol. Ek sukkel met ereksies vandat ek ’n breuk (hernia) ontwikkel het. Die operasie word elke keer uitgestel as gevolg van Covid-19. Is daar nie goeie produkte wat my kan help nie? PAP Antwoord BESTE PAP Meer inligting word benodig, maar oor die algemeen is impotensie (die onvermoë om ’n ereksie te kry of te behou) die gevolg van siektes wat tot verminderde bloedvloei na die penis lei of senuwees na penis aangetas het. Die belangrikste is om te verseker dat die bloeddruk, suikersiekte en cholesterol goed onder beheer gehou word deur gesonde eetgewoontes en voorgeskrewe medikasie daagliks te gebruik. Die dokter kan ook sekere kroniese medikasie aanpas wat die ereksieprobleem kan vererger. Verloor gewig veral…

• Reik uit. Kerk-of ander groepe in jou gemeenskap kan jou help as jy eensaam voel. Of praat met ’n vriend of familielid oor jou gevoelens, selfs al is dit deur middel van ’n WhatsApp of video chat. • Bied aan om ander mense in jou gemeenskap te help. Gaan gee op Kersdag ’n ete of nagereg af by iemand wat jy weet finansieel of emosioneel sukkel. • Wees realisties. Jou vakansietyd hoef nie perfek te wees nie. Vind nuwe maniere om fees te vier. As familie nie bymekaar kan kom nie, kommunikeer via video call en deel foto’s en video’s aanlyn. • Vergeet vir eers van al jul verskille. Die kanse is goed dat ander familielede dieselfde depressie en stres as jy oor die feesseisoen ervaar. • Pleks van…

28 Oktober 2021 se oplossing GROOT WOORDBOU NR. 104 BLOKRAAI NR. 306 Dwars:1.Fort,5.Metode,12.Aferese,13.Note,14.Resensente,16.Meisie,17.Puris,20.Alt,21.Senit, 22.Anu,23.Steeks,25.Tru,27.Ag,28.Eden,31.Ria,33.Isa,37.Uur,38.Duet,39.Nero,40.Tikkie, 44.Egret,45.Etlike,46.Iep,47.No.,48.Teaters,49.Keas. Af: 1.Farmaseute,2.Of,3.Resiteer,4.Tresse,5.Menie,6.Essensie,7.Tee,8.Onnut,9.Dot,10.Ete, 11.Hebsug,15.Eelt,17.Pit,18.RAU,19.Ina,24.Kruike,26.Ringe,29.Duite,30.ND,32.Ateïs,34.Serpe, 35.Arena,36.Foto’s, 41.Kla,42.Kit,43.Eer. VRAAG: Werktuig om die afgelegde loopafstand te meet. WENNER: BLOKRAAI NR. 306 Isaac Daniels, Humansdorp FOTOBLOKRAAI Nr. 247 VRAAG: Watter rol speel Wayne van Rooyen in Fiela se Kind? (Sy naam) WENNER: FOTOBLOKRAAI NR. 247 Alet Truter, Mokopane BYBEL-BLOKRAAI NR. 220 VRAAG: Bybelfiguur wie se kinders besonder groot is. WENNER: BYBEL-BLOKRAAI NR. 220 Willemien Granger, Port Nolloth 30 September 2021 se oplossings STER-BLOKRAAI NR. 168 VRAAG: Wie vertolk die rol van Saul Goodman in Breaking Bad? WENNER: STER-BLOKRAAI NR. 168 Marie Minnie, Mbombela…

SMS OM IN TE SKRYF! WEN R350 KONTANT! ? VRAAG:In Jiva! vertolk sy die rol van Zinhle.(Haarvan) SKRYF SÓ IN: Vul die Fotoblokraai korrek in, skryf die letters in die kleurblokke neer en gebruik dit om die antwoord te ontrafel. SMS jou antwoord, naam, van en plek, asook Fotoblokraainommer na 42508 voor 1 Desember 2021. Elke SMS kos R1,50. Die oplossing verskyn in die uitgawe van 6 Januarie 2022. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE,VOLTOOIDE FOTOBLOK-RAAI EN HUL BESONDERHEDE VERSKAF. DIE SLUITINGSDATUM IS 1 DESEMBER 2021. GEEN WHATSAPP-BOODSKAPPE WORD MEER AS INSKRYWING AANVAAR NIE.…

Hou jy van ander mense se drama? Moet dan beslis nie Die Hof op kykNET&kie misloop nie! Daar is familielede wat baklei oor geld, skurke wat ander mense inloop en selfs twee boere wat baklei oor ’n bul se testikels! Om ’n prokureur aan te stel, is ’n duur affêre en om iemand hof toe te sleep, kan jou meer geld uit die sak jaag as die aanvanklike waarde van die bedrag wat jy glo jou toekom. Dit is presies die rede waarom Suid-Afrika ’n hof vir klein eise het. Die Hof as TV-program is egter onafhanklik van die ware hof vir klein eise, maar aanvaar dieselfde tipe sake en funksioneer volgens dieselfde beginsels. Al die sake en betrokke mense is eg, al is die hofsaal ’n televisiestel en al…

SMS OM IN TE SKRYF! WEN R350 KONTANT! ? VRAAG: Wie is Isebel se man in die Bybel? SKRYF SÓ IN: Vul die Bybel-blokraai korrek in, skryf die letters in die kleurblokke neer en gebruik dit om die antwoord te ontrafel. SMS jou antwoord, naam, van en plek, asook Bybelblokraainommer na 42508 voor 1 Desember 2021. Elke SMS kos R1,50. Die oplossing verskyn in die uitgawe van 6 Januarie 2022. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OOR-SPRONKLIKE,VOLTOOIDE BYBEL-BLOKRAAI EN HUL BESONDERHEDE VERSKAF. DIE SLUITINGSDATUM IS 1 DESEMBER 2021. GEEN WHATSAPP-BOODSKAPPE WORD MEER AS INSKRYWING AANVAAR NIE.…

Daar is dae wanneer ’n mens voel dat jy genoeg gehad het. Jy voel om die vadoek op die tafel neer te gooi of die kos halfgaar te los en met jou slippers straataf te loop. Jy voel om ’n taxi te vat of jou kar, as jy gelukkig is, en te ry tot daar waar niemand jou kan bereik nie. Dít is die dae wanneer jy voel dat niemand jou waardeer nie, wanneer jy onsigbaar geword het tussen die daaglikse sleur van skoonmaak, etes voorberei en hard werk om ’n salaris te verdien. Jy red en hou almal gelukkig, maar niemand uiter ’n dankie of woorde van waardering nie. Al wat jy kry, is klagtes of stilte. Volgens die Bybel is ’n deugsame vrou fluks en hardwerkend, sy is…