Innehållsförteckning för 14 April 2022 från Kuier

WENK GESOEK Hoe kry ’n mens roesvlekke uit materiaal? ALINE MEPOMIE, CERES ANTWOORD • Probeer eerstens sout en suurlemoensap. Sprinkel sout op die vlek en druk vars suurlemoensap uit daarop. Los die item in die son om droog te word. As dit donker materiaal is, toets eers hierdie metode op ’n klein area om te sien of die suurlemoensap die materiaal bleik. • Jy kan ook ’n pasta maak met een teelepel kremetart (cream of tartar), een teelepel koeksoda (bicarbonate of soda) en ’n paar druppels hydrogen peroxide. Smeer die pasta aan die vlek en los dit aan vir 30 minute voor jy die item goed uitspoel. • As daar roesvlekke op ’n mat of bank is, skraap eers die vlek met ’n bottermes en stofsuig dan die los deeltjies.…

“Jy is nooit te goed om sleg te word nie en nooit te sleg om goed te word nie.” Só sê Joseph Mouton (57) van Jamestown net buite Stellenbosch in die Boland. Joseph was vir meer as 15 jaar haweloos, maar het 18 jaar gelede besluit om sy lewe te verander. Nie net omdat hy wou nie, maar omdat hy te veel mense seergemaak het in sy proses van selfvernietiging. Vandag is Joseph ’n trotse law enforcement-beampte en hy het ook onlangs gegradueer as kapelaan-offisier. Met ’n Colgate-advertensieglimlag, verklaar hy sonder huiwering:“Dis net die Here. Hy het my kom uithaal daar waar ek gedink het geen uitkomkans was nie. Hy het aan my sy hand gebied toe die druk van die lewe my plat teen die vloer gegooi het. Die…

As klein meisie wou sy altyd ’n verskil maak in die lewens van ander, en vandag het Tamelyn Bock (25) van Nababeep in die Noord-Kaap dié geleentheid nadat sy in 2021 gekroon is as die eerste Miss Wheelchair SA. Dié skoonheidskompetisie is geskep om bewustheid te kweek rondom“beauty without barriers”en poog om mense se persepsie en die beeld van vroue met gestremdhede te verander. In haar oorwinningstoespraak het Tamelyn haar twee gunstelingaanhalings gedeel:“Start unknown and finish unforgettable”(Misty Copeland) en“Be the change you want to see in the world” (Mahatma Gandhi). Tamelyn, wat al die afgelope 18 jaar vasgekluister is aan ’n rolstoel, is gebore met die genetiese toestand spinale spierdistrofie. Dit laat haar beheer oor haar spiere verloor en tas haar bewegingvermoë aan. As kind het sy vinnig moeg geraak…

KRY DIT HIER MRP/mrp.com Woolworths Superbalist Queenspark Foschini PnP Clothing 080 021 2535 0860 022 002 superbalist.com 086 178 3367 0860 576 576 picknpayclothing.co.za Alle pryse is onderhewig aan verandering.…

Die ander dag ry ek verby drie mans en ’n hond. Een van die mans is besig om die hond te slaan. Wat ek sien, noop my om my misnoeë te kenne te gee. Ek skud my kop vervaard.“Stop dit!” skree ek uit my motor. Een van die mans lag my uit met ’n wye oopbeklag! Hóé lyk sy hart? wonder ek. Beslis nie gesond nie. Nou vra ek jou: Waarmee maak jy jou hart vol? Hoe bedoel jy? vra jy sekerlik met ’n frons tussen jou oë. Wel, dit wil my voorkom asof ’n gesonde, sterk hart deesdae ’n onmisbare bestanddeel in die resep vir oorlewing is. Nie soseer op fisiese vlak nie, maar wel deeglik op emosionele, geestelike en morele vlak. Die wyse Salomo maan ons in Spreuke…

My hart huil saam met die gesinne wat hierdeur (Gru-moorde ruk stil dorpie, 17 Maart) geraak is, veral die moeder en ouma. Haar hart is sekerlik gebreek. Wie kan jy vertrou? Niemand, niemand, niemand. A. SMITH Annemique en Almique (Gru-moorde ruk stil dorpie, 17 Maart). Ek het my pa op die ouderdom van 25 verloor. Ek is nou 35 en dis nooit maklik nie. Ek het steeds baie vrae en pyn. Mag God hierdie ouers wat hul dogter en kleinkind so wreed verloor het, versterk. Aan haar man en seun, en broer ek bid vir julle almal. God slaap nie. Mag jul rose sag rus. NADINE SABOR “Derek Hendriks (Wat die hart van vol is, 31 Maart), jy’s 100% korrek! Ek het al my “fair share” gehad van dié soort…

Die gebeure van Paasnaweek het oor die jare ’n baie uitdagende besprekingspunt onder teoloë en Christene geword en selfs tot meningsverskille met ander gelowe gelei. Vir baie Christene bly dit egter steeds ’n jaarlikse instelling om die dood en opstanding van Christus Jesus oor die Paasnaweek te vier. Dit is hoe ek dit ook verstaan. Ek het oor die jare ondersoek ingestel en navorsing oor die onderwerp gedoen – op soek na antwoorde. My siening en veral my preke oor hierdie tydperk kan dalk kontroversieel wees, maar ek het nog altyd geglo en glo steeds dat slegs die waarheid ons sal vry maak. Tradisie en kultuur klink mooi in die volksmond, maar kan soms ons siening ten opsigte van die waarheid verwronge maak en die werklikheid word dus moedswillig geïgnoreer.…

Met sy sagte bruin oë en fluweelstem inspireer die Kapenaar Jonathan Rubain (37) kykers op kykNET&kie met sy gewilde gospelmusiekprogram, Koortjies met Jonathan Rubain, wat fokus op geloof, sang en geestelikheid. Min mense weet egter van die seer wat vlak agter sy glimlag lê en dat hy, soos dieres van ons, ook maar net mens is. “Ek is absoluut net ’n mens,”sê hy. Vir Jonathan was die grootste struggle van die afgelope paar jaar sy egskeiding.“Kyk, ek het al die jare in ’n geestelike huis grootgeword Jy word geleer om te bid oor alles en nie regtig te praat oor wat jou pla nie,” sê hy.“Dis amper asof daar verwag word dat jy op jou eie moet deal.” EGSKEIDING KNAK HOM Netso was dit drie jaar gelede met sy egske…

Meesdae is mense mos lief om te sê“life begins at 40”en dis presies wat Tessa Sauls (51) bewys het deur haar matriek op die ouderdom van 43 te skryf en dit boonop met vier onderskeidings te slaag. En vandag, net ’n paar jaar later, het sy nie net matriek agter haar naam nie, maar ook ’n regsgraad. Met die intrapslag toon Tessa haar lewenslustigheid. Sy lag maklik en sê sommer prontuit sy is nie bang om kanse te vat nie. En al het sy eers haar matrieksertifikaat op 43-jarige ouderdom gekry, is sy die toonbeeld van wat kan gebeur wanneer jy in jouself en in die krag van jou drome glo. ’n Mens is immers nooit te oud om te leer nie! VERLAAT SKOOL Tessa van Eldorado Park in Johannesburg,…

WERK KOLLAGEENPRODUKTE? Oral waar jy kyk, is daar kollageenprodukte wat jy kan inneem. Daar word beweer dat dié produkte jou plooie verminder, velelastisiteit verbeter en bloedvloei na jou vel kan bevorder. Maar wat is kollageen nou eintlik? Kollageen is ’n proteïen wat natuurlik in ons liggame gemaak word en is ’n belangrike deel van jou velstruktuur. Dit is onder meer verantwoordelik vir die elastisiteit van jou vel. Soos jy ouer word, breek bestaande kollageen af en dit is moeiliker vir jou liggaam om meer te maak. En dís wanneer mense begin kollageenprodukte inneem. Die groot vraag is of dit regtig werk. Sommiges hou voet by stuk dat die produkte wat hulle inneem beslis ’n verskil maak, maar ander dink nie só nie. Kenners meen daar moet nog studies gedoen word…

Oud word is beslis nie vir sissies is nie … Dis brille en pille, skete, pyne en joints wat kraak vir sommige, terwyl ander nog soos Jennifer Lopez in haar 50’s deur die lewe dans. Zelma Fairbairn (47), ’n verkoopsvrou van Macassar buite Kaapstad, vertel sy kry deesdae so ’n brandpyn in haar bene.“Ook geswelde voete ná ’n lang dag, en oooe, die rug en knieë … Ek moet maar mooi sit en opstaan deesdae. Glue is min so alles skuif rond ná 40,”lag sy.“My ore luister ook nie meer so goed nie, maar dit pas my soms. Elke dag bring ’n bietjie komedie wanneer jy ouer word, want jy dink mos jy is steeds daai 20-jarige wat alles vinnig en flink kan doen.” Sy vertel ook van haar stryd…

Vra haar maar gerus oor invisible mense. Want Robyn Poole maak seker dat jy vroue wat invisible was, sien en eenvoudig nie kan miskyk nie. Ná 14 jaar is dié voormalige SABC 3-kontinuïteitsaanbieder van Johannesburg, wat die laaste paar jaar agter die skerms as ’n grimeerkunstenaar werk, weer terug op TV. Hierdie keer is sy Hannon Bothma se mede-aanbieder in die nuutste seisoen van die makeoverprogram Glam Guru op kykNET. Die baie private Robyn, wat die laaste paar jaar die grimering van Ontbytsake doen (’n ander program op kykNET), help nou in Glam Guru met allerhande grimeerwenke. Dis nadat sy van 2000 tot 2002 (tot toe haar kinders gebore is) vir ’n rukkie ’n aanbieder van Vertoonvenster was. Nou omtower Robyn vroue met die regte grimering en gepaste skoonheidstegnieke dat…

Afstand Apostels April Asyn Beker Beproef Broodjie Bybel Christelik Christus Dissipels Doringkroon Eiers Evangelie Fees Gebed Geloof Genade Gesin Godsdienstig Golgota Grafsteen Grot Hase Heiligdom Hemel Herodes Houtkruis Ingehok Jakobus Jerusalem Jesus Jode Johannes Josef Kerk Kerkdiens Kerrievis Kniel Krans Kruisdood Kruisiging Lammetjie Langnaweek Liggaam Linne Lydensweg Lyding Mandjie Maria Moeder Offer Oortuiging Opstanding Paasbolletjies Paassondag Parade Passiespel Pilatus Pontius Rosyne Rouproses Seun Sjokolade Skelms Sonop Spykers Sterf Tabernakel Thomas Tradisie Uittog Vastyd Veilig Verlange Verlies Versier Wense Wynbeker Wysheid OPLOSSING VERSKYN IN DIE UITGAWE VAN 28 APRIL 2022. SOEK VIR DIE SPELETJIENOMMER.…

WEN R350 KONTANT! ? VRAAG: Wie het Pierre van Pletzen in 7 de Laan gespeel? (Sybynaam) SKRYF SÓ IN: Vul die Fotoblokraai korrek in, skryf die letters in die kleurblokke neer en gebruik dit om die antwoord te ontrafel. SMS jou antwoord, naam, van en plek, asook Fotoblokraainommer na 42508 voor 4 Mei 2022. Elke SMS kos R1,50. Die oplossing verskyn in die uitgawe van 26 Mei 2022. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONK-LIKE, VOLTOOIDE FOTOBLOKRAAI EN HUL BESONDERHEDE VERSKAF. DIE SLUITINGSDATUM IS 4 MEI 2022. GEEN WHATSAPP-BOODSKAPPE WORD MEER AS INSKRYWING AANVAAR NIE. SMS OM IN TE SKRYF!…

Die akteur Jarrid Geduld (32) is al ’n bekende gesig op die kassie. Ons ken hom as die booswig Bompie in kykNET&kie se Arendsvlei en hy het ook baie lof gekry vir sy rol as die dwelmverslaafde Abie in die aangrypende fliek Ellen: Die Ellen Pakkies Storie. Nou gaan ons hom sien as Theo Abrams Indemnity! Indemnity, ’n Suid-Afrikaanse rillermystery-aksiefliek wat deur Gambit Films vervaardig is, het sover nog net uitstekende resensies ontvang en het al by internasionale filmfeeste gewys. En soos gewoonlik stel Jarrid nie teleur nie. Hy vat kykers op ’n tog van selfontdekking waar sensitiewe kwessies aangespreek word. Hy vertel trots dis vir hom ’n groot mylpaal om deel te wees van ’n groot projek soos Indemnity veral omdat hy self ál sy stunts uitgevoer het.“Ek wil…

Die wêreld is in chaos gedompel en mense trek swaar sedert die aanvang van die pandemie, nogtans is daar mense wat selfsugtig voortploeter. Maar as jy met antie Isabel Bailey (58) van Grabouw in die Wes-Kaap gesels, besef jy dis daar is wel nog mense soos sy wie se ubuntu-gees in hul gemeenskap floreer. As jy vir antie Isabel vra waar haar medemenslikheid vandaan kom, laat sy jou mooi verstaan dis nie iets wat sy moes aanleer nie; inteendeel, dis één van haar vele ingebore eienskappe. Maar om beter te verstaan hoe sy haar roeping gevolg het om mense en selfs diere te serve, vat sy jou terug na waar dit alles begin het. “My ouers was baie streng. Hulle het ook baie omgegee vir ander mense. Ek onthou in…

GEBED Here, help ons om ons gedagtes en lewens te hervestig op die ware betekenis van Paasfees. Herinner ons om ’n pit stop te maak en ons harte opnuut ontvanklik te maak teenoor die Woord van die Here. Laat ons U opoffering van U seun opnuut waardeer, want Jesus het vir óns sondes gesterf. God het Sý seun vir ons opgeoffer omdat Hy ons liefhet. Hierdie opoffering gee ons ook nuwe hoop vir die lewe. Ons is verlossing gebied en daarvoor sal ons altyd dankbaar wees. Ons loof en prys U goedheid. Die graf is inderdaad leeg. Jesus het opgevaar na die hemel en daar is ewige lewe vir almal wat na U kom. Maak ons harte heel en maak ons harte skoon sodat ons vir ons naastes ’n seëning…

Wanneer jy klein is, is die lewe veronderstel om vol lag en lekkerte te wees. Die lewe moet dan ’n avontuur vol nuwe ontdekkings wees. Jy is nie veronderstel om te wonder waar jou mamma is, of om te sukkel met siekte en seer nie. Dit is dus amper ondenkbaar waardeur ’n klein vegtertjie van Atlantis buite Kaapstad, Gracelyn Green (amper 2), reeds moes gaan, veral as jy haar pragtige glimlag en vrolike persoonlikheid beleef. Nie net het Gracey, soos sy geliefd bekend staan, haar ma, oumagrootjie, oom en later oupa in ’n verwoestende brand verloor nie, maar sy is skaars twee maande ná die brand gediagnoseer met jeugdige miëlomonositiese leukemie. Dis ’n seldsame soort kanker en sy veg tans vir haar lewe. Haar enigste kans op oorlewing is ’n…

OONDGEROOSTERDE LAMBSBLAD MET CHICKPEAS Genoeg vir 6 BESTANDDELE 1 teelepel sout1 eetlepel peper1 teelepel paprika1 teelepel sumac (opsionnel)1 teelepel roosmaryn, gekup1 heel lamsblad2 x 400g-blikkies kekerertjies (chickpeas)2 rooiu, gekap½ koppie groen soetrissie, gesny1 x 410g-blikkie gekapte tamaties5 knoffeltoontjies, gekab ’n Ruim skeut olyfolie1 koppie hoenderaftreksel METODE Meng die sout, peper, paprika, sumac en roosmaryn. Vryf die vleis met die spesserymengsel. Dreineer die chichpeas en gooi dit in ’n gesmeerde oondskottel. Voeg die uie, soetrissie, tamaties en knoffel by en meng liggies deur. Meng die olyfolie en aftreksel en giet dit oor die groente. Sit die lamsblad bo-op bedek dit met bakpapier en foelie en goed. Bak die vleis by 180°C vir omtrent 2 uur, haal die foil af en rooster 10 minute by 200°C. WENK: Vir ’n goedkoper variasie van…

WAT IS SUIKER? Suiker is ’n soet stof met baie funksies in kos. Dit word byvoorbeeld as geurmiddel, preserveermiddel, jelvormer, stabiliseerder en kleursel gebruik. Suiker in gesonde hoeveelhede gee jou energie wat baie belangrik is vir die werking van jou liggaam. Maar te veel suiker is glad nie goed nie Om gekorrelde suiker te maak, kan dit onttrek word uit suikerriet en suikerbeet. Suikerriet word meestal in Brasilië, Indië en China gegroei. Die produksie van suikerbeet kom meestal voor in Nederland, Frankryk en Duitsland. In Suid-Afrika is daar suikerrietplantasies in KwaZulu-Natal en Mpumalanga. IS ALLE SUIKER DIESELFDE? Suiker kom natuurlik voor in die meeste kosse – dit word natuurlike suiker genoem. Jy kry natuurlike suiker in groente, vrugte, peulgewasse en styselkosse. Hierdie kosse gee jou liggaam saam met die suiker…

Rug jeuk erg Vraag WAT KAN GEBRUIK WORD? Dokter, my rug jeuk heeldag nie, maar sodra dit aand word, jeuk dit verskriklik. Wat buiten Allergex kan ek gebruik? KRAPPER Antwoord BESTE KRAPPER Dis uiteraard baie frustrerend en kan slaap negatief beïnvloed en ’n kettingreaksie tot gevolg hê. Die mediese term vir die toestand is nocturnal pruritus (nagtelike jeuk) en is nogal baie algemeen. Die oorsake is nie heeltemal duidelik nie, maar daar is wel ’n paar faktore wat kan bydra tot die jeukerigheid. Eerstens stel jou liggaam snags meer hitte vry wat die bloedvloei na jou vel verhoog en die probleem vererger. Snags verloor jou vel ook water, dit laat jou vel droog en kan ’n gejeuk veroorsaak. Inflammasie kan veral saans ’n rol speel wanneer die steroïedproduksie in jou…

Die meeste van ons het al lelik ons humeur tydens ’n stryery verloor. Niemand is te goed om sleg te word nie, het die oues van dae altyd gesê En ja baie gesê. ja, van ons sit nie noodwendig ons beste voetjie voor die dag wanneer ons“goed”die hel in is nie. Woede is mos ’n ander ding en partykeer vlieg die woorde ook sommerso saam met die borde en panne. Ander kere heers daar vir dae lank ’n onuithoudbare stilte en soms, net soms, word sake darem ook uitgepraat. Almal het maar hul eie manier van argumenteer. Maar hoe stry jy? Is jy ’n ontploffer? Is jy die een wat sommer laat loop met die beskuldigings? Of is jy daai mens wie se stilstuipe jou lewensmaat tot raserny dryf-Of dalk…

PASMAATS Pas twee dele (1 – 20) op ’n slag bymekaar om 10 eiers te vorm. WAT PAS NIE? Watter stukke (1 – 9) is nie deel van A nie? SOEK DIE VERSKILLE Daar is 10 verskille tussen die twee prente. Soek en omkring dit. SOEK EN PAS Watter twee prentjies (1 – 8) lyk dieselfde? SPELETJIES pasmaats 1 – 13 2 – 9 3 – 11 4 – 20 5 – 18 6 – 17 7 – 14 8 – 15 10 – 16 12 – 19 soek die verskille wat pas nie? 1, 2, 5, 9…

31 Maart 2022 se oplossings GROOT WOORDBOU NR. 114 Wenner(s) vir 17 Maart 2022 CLOVER HAMPER: Valery van Heerden, Kranshoek blokraai nr. 316 Dwars:1.Talk;5.Goedere;12.Oraal;13.Nietig;14.Wig;15.Aide;16.Kop;17.Egipte;18.Nosem;21.Noen;25.Rare;27.Na;28.Afsê;29.Swaers;30.Aflê;32.Per;33.Eien;34.Rei;35.Tor;37.Trems;39.RSM;41.Oeral;44.BK;45.Pa;47.Oorle;48.Bely;49.Gladde;50.Caen. Af:1.Towenaar;2.Arig;3.Lagies;4.Kaap;5.Glit;6.Onderwêreld;7.Eienaar;8.Dekoreer;9.Etos;10.RIP; 11.Ega;19.Ensemble;20.Maanskyn;22.Offer;23.Neet;24.Esp;26.Erie;31.Lisol;36.Oord;37.Tree; 38.Spa;40.Moa;42.ABC;43.Lea;46.Ag. VRAAG: Wat word ’n gesnyde bokram genoem? wenner: Blokraai NR. 316 HesterWessels, Vaal Reefs FOTOBLOKRAAI NR. 257 VRAAG: Wie is die aanbieder van Wie word ’n miljoenêr? (Sy van) WENNER: FOTOBLOKRAAI NR. 257 Hester Sadowitz, Kriel BYBEL-BLOKRAAI NR. 230 VRAAG: Nebukadnesar was ’n. WENNER: BYBEL-BLOKRAAI NR. 230 Queenie Koopman, Komani 3 Maart 2022 se oplossings STER-BLOKRAAI NR. 178 VRAAG: Wie vertolk die rol van Mitch in The Tuxedo? WENNER: STER-BLOKRAAI NR. 178 Loma van Dyk, Humansdorp…

MÓÉT-KYK! Chaos of Walking MÓÉT-KYK! Chaos of Walking (M-NET, Sondag 17 April om 21:05) Daar is net mans op die planeet waar Todd (Tom Holland) bly. Toe Viola (Daisy Ridley) per ongeluk daar land en be14 april – 27 april dreig word, belowe hy omhaar ten alle koste te beskerm. KYKNET DSTV-KANAAL 144 kykNET is ’n topgehalte-kanaal wat kykers boei met 100% plaaslikvervaardigde inhoud vir almal met ’n waardering vir Afrikaans. Projek Dina, 19 April om 20:00 ’n Vermiste tiener word êrens gesien waar sy as sekswerker ingespan word. Die taakspan ontvang ’n wenk oor die sindikaat. Ronel is in twee geskeur wanneer sy besef wie ingebel het om die wenk te gee. Suidooster, 20 April om 18:30 Mymoena begin moed opgee dat hul lewens ooit weer dieselfde gaan wees.…

WEN R350 KONTANT! ? VRAAG: Kerkraadslid vir armversorging of barmhartigheidsdiens. SKRYF SÓ IN: Vul die Bybel-blokraai korrek in, skryf die letters in die kleurblokke neer en gebruik dit om die antwoord te ontrafel. SMS jou antwoord, naam, van en plek, asook Bybel-blokraainommer na 42508 voor 4 Mei 2022. Elke SMS kos R1,50. Die oplossing verskyn in die uitgawe van 26 Mei 2022. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONK-LIKE, VOLTOOIDE BYBEL-BLOKRAAI EN HUL BESONDERHEDE VERSKAF. DIE SLUITINGSDATUM IS 4 MEI 2022. GEEN WHATSAPP-BOODSKAPPE WORD MEER AS INSKRYWING AANVAAR NIE. SMS OM IN TE SKRYF!…

Ek het in ’n huis grootgeword wat glad nie tradisievas is nie en waar baie min dinge, insluitend verjaardae en groot feestye (soos Paasfees en Kersfees), op ’n spesifieke of tradisionele manier gevier word. Alles omtrent hierdie groot en belangrike“feeste”vir Christene het ek in die destydse Bybel-periode op skool geleer. Ek het ook die Paasfees-flieks wat destyds op TV gespeel het, baie interessant en leersaam gevind. Die grootste les van Paasfees is dat God vir Jesus, sy enigste gebore seun, vir die mensdom opgeoffer het sodat ons vergifnis kan kry vir ons sondes en kan lewe. En die hoogtepunt van hierdie deel van die Paasfeesstorie is Jesus se opstanding uit die dood. Dis hoe my kinderbrein dit geprosesseer het en hoe ek Paasfees in sy eenvoudigste vorm verstaan. Dit is…