Innehållsförteckning för 17 July 2015 från Landbouweekblad

Die veiligheid van boere en gemeenskappe aan die Suid-Afrikaanse kant van die grens met Lesotho is moontlik in gedrang. Lesotho ervaar aansienlike politieke onrus, en indien ’n volskaalse burgeroorlog in dié land uitbreek, kan dit katastrofiese gevolge inhou, ook in Suid-Afrika. Volgens mnr. Henk Vermeulen, hoofbestuurder van Vrystaat Landbou, kan die reeds bestaande probleem van veediefstal en siektes in dié gebied vererger, wat Suid-Afrikaanse boere teen die grens nadelig kan raak. Boonop meen die militêre kenner mnr. Helmoed-Römer Heitman dat indien dié konflik oor die grens spoel, dit tot ’n toename in misdaad in dié gebiede kan lei. Dinge kan onuithoubaar raak vir boere en gemeenskappe in dié gebied. Talle haweloses kan ook na Suid-Afrika migreer, wat uiteindelik ’n “vlugtelingkrisis” kan veroorsaak en groot maatskaplike probleme kan skep.…

ARTIKELS & RUBRIEKE ■ Te veel voedingstowwe in SA damme ■ Kanolawenners leer nog ■ Resep vir kommunale boer ■ Afrikaner is reg soos hy is ■ Boereplan: Sonenergie droog selfs in nag neute GESIN ■ Boerekos: Winterpoedings SPESIAAL ■ Wildbedryf, Energie, LandbouWiele GROOTVEE DisdieAfrikaner-beesraswatdieVanderWaltsvanWegdraainaby Thabazimbiuitarmoedegelighet,enPieterglodiébeestegaanhulle ookindietoekomsuitmoeiliketyetrek.Diéuitgesprokeboerglojymoet dieAfrikanerlossooshyisenbeslisnieonthoringnie.Hy’timmerskoeie watop21jaarsoosjongbeestereproduseer…

NUUSBROKKIES ■ ’n Gebrek aan waterboormasjiene beteken gronderosie in die Karoo, het mnr. H. Barnardt van Willowmore op die Middellandse landboukongres gesê. Erosie word grotendeels veroorsaak deur diere wat ver na water moet loop en die veld uittrap. Wanneer militêre boormasjiene beskikbaar gestel word, behoort voorkeur aan die Karoostreke gegee te word. ■ Die vervaardiging van kunsbotter kan ’n gevestigde belang word en ’n wesenlike gevaar vir die suiwelbedryf inhou, het sprekers op die kongres van Noord-Kaaplandse boere aangevoer. In ’n beskrywingspunt is gevra dat die regering die vervaardiging van kunsbotter moet belet of ten minste moet beperk. ■ ’n Plaaswerker is op Boshof ter strafsitting verwys op aanklag van poging tot moord op sy werkgewer, mnr. A.J. Joubert, ’n bekende boer van die distrik. Mnr. Joubert het melk gedrink…

DIE landboumaatskappy Profert ontken hardnekkige gerugte dat hy in finansiële moeilikheid is. Mnr. Anton van Rooyen, besturende direkteur, het by navraag aan Landbouweekblad gesê die gerugte is ongegrond. “Inteendeel, ons kunsmis-afdeling is nog kerngesond.” Hy wys daarop dat die hele kunsmisbedryf ’n swakker as normale jaar beleef het. Die Profert-groep het wél ’n swak finansiële jaar agter die rug, bevestig hy. Hy sê dit is deels daaraan toe te skryf dat die einde van hul amptelike boekjaar van Februarie na Desember verskuif het om konsolidasie met hul nuwe Chinese vennoot, die RiuXing-groep, te vergemaklik. Profert kon dus in wese net oor tien maande se handelsbedrywighede verslag doen. Van Rooyen sê Profert het reeds gunstige oplossings met sy finansiers onderhandel en die vooruitsigte lyk belowend. Die groep is in die proses…

Kate Webster het die foto geneem van die beeskarkasse by die artikel “ ’n Kwessie van klas” (LBW, 19 Junie, bl. 30). Daar is nagelaat om aan haar erkenning te gee. Verkeerde inligting verskyn in die onderskrif by die foto van die grootkampioen-Sussexbul op die Swartlandskou, Moorreesburg (LBW, 6 Maart, bl. 44). Die onderskrif moet lees: Grootkampioen, Mampudi Beef Junction 4de GA11-157. Teler: Mnr. Willie Anderson. Eienaar: Mnr. Nollie Stofberg. Landbouweekblad korrigeer graag onjuisthede in artikels en nuusberigte. Stuur inligting oor regstellings so gou moontlik ná die publikasiedatum en verkieslik skriftelik aan Izak Malherbe, Landbouweekblad, Posbus 1802, Kaapstad 8000; e-pos: malherbe@landbou.com; faks 021 406 2940; tel. 021 406 2297. Verskaf ook u telefoonof selnommer.…

SUID-AFRIKA kan vanjaar die eerste keer in agt jaar weer ’n netto invoerder van mielies wees. Tot 800 000 ton wit mielies sal na verwagting in die komende tien maande by Suid-Afrika instroom om in die plaaslike tekort te voorsien, wat die gevolg is van die afgelope somer se rekord-midsomerdroogte. Die produsente-organisasie Graan SA se jongste vooruitskouing is dat 766 000 ton mielies (50 000 ton wit en 716 000 ton geel) tot einde April volgende jaar ingevoer gaan word. Die Nasionale Landboubemarkingsraad (NLBR) se vraag-en-aanbod-komitee verwag invoer van sowat 600 000 ton (100 000 ton wit en 500 000 ton geel). Graan SA verwag 580 000 ton se heelmielie-uitvoer vir die bemarkingsjaar en die NLBR-komitee 610 000 ton. Suid-Afrika het laas in in 2007/’08 meer mielies ingevoer as wat…

Ek meen dit is vir baie boere baie moeilik om behoorlike aftreebeplanning te doen. Hulle is maar voor ’n soortgelyke probleem waarmee baie sakeeienaars worstel: Die boerdery onderhou my goed, hoekom sal dit nie ook in my oudag nie? Dit is verstaanbaar. Maar dit is verkeerd om so te dink. Al jou (aftree-) eiers is in een mandjie. Wat as jy siek raak – régtig siek? Wat as jou kinders wil boer? Gaan hulle hulself en vir jou aan die lewe moet hou? Ek sê nie boere moet op ’n sekere ouderdom af van hul plase af nie. Wat ek voorstel, is om bates buite jou boerdery op te bou, sodat as jy die dag wil, dan kán jy. Jy gee jouself net ’n verdere opsie en dit is waaroor…

Een keer per jaar kom al die Van der Merwe-gesinslede saam met buitedirekteure en -trustees byeen om hul visie en groeidoelwitte te bespreek. Hulle noem dit die Familieforum. “Ons kry kundiges, soos André Diederichs van Fabasa (Family Business Association of South Africa), om met ons te kom praat sodat ons kan uitvind of ons missie, visie en grondwaardes nog reg is. Ons besluit ook dan waarheen die familie – die hoofaandeelhouers in die besigheid – wil groei. Hulle soek ’n rendement op hul belegging en bepaal dus ook wat ons vorentoe gaan doen,” sê mnr. Carl van der Merwe. Die Familieforum het byvoorbeeld daarop gewys die boerdery is te min in die waardeketting betrokke en het toe velde gaan uitsonder waar hulle betrokke kon raak. Gewoonlik word die besluite geneem…

Bosveld Sitrus is die oudste produksiemaatskappy in die Bosveldgroep wat maatskappye, soos Golden Frontier Citrus, Mabete Sitrus, Karino Farms, Richmond Kopano Farming en Waterval Sitrus, insluit om die groep die grootste private sitrusprodusent in Suid- Afrika te maak. Die Bosveld-groep is ’n familiesaak en behoort aan die Milaan Thalwitzer-familietrust. Dit word bestuur deur mnr. Milaan Thalwitzer en sy drie skoonseuns, mnre. Piet Smit, Cornel van der Merwe en Marinus Neethling. Naas sitrus produseer die groep ook avokado’s, piesangs, groente, mango’s, lietsjies, mielies, suiker en beeste. Met 3 730 ha onder sitrusbome produseer die groep jaarliks 5,5 miljoen kartonhouers sitrus vir die uitvoermark. Al die vrugte word in die groep se 11 pakhuise in Hoedspruit, Letsitele, Malelane, Hectorspruit, Burgersfort en Komatipoort verpak.…

Navorsing het gewys dat daar binne sowel as tussen rasse verskille in hitteweerstand tussen individuele diere is. Dit beteken daar kan vir hitteweerstand geteel word, sê dr. Michiel Scholtz van die Landbounavorsingsraad se Instituut vir Diereproduksie. Ook vrugbaarheid en produksiedoeltreffendheid kan met doeltreffende kruisteling tussen gepaste rasse verbeter word. Michiel wys daarop dat tien rasse in SuidAfrika vanaf 1999 tot 2008 hul tussenkalfperiode (TKP) met 10 of meer dae verbeter het. In twee van die plaaslike beesrasse is die gemiddelde TKP al onder 400 dae, vir 14 is dit tussen 400 en 439 dae, vir 12 tussen 440 en 480 dae, en vir 2 meer as 480 dae. Daar is nog heelwat ruimte vir verbetering wat kalfpersentasie betref. Die gemiddelde kalfpersentasie waarvoor prestasieaantekening van plaaslike stoetbeeste gedoen word, is 76,…

Hoewel die wêreld se hektare onder katoen die afgelope dekades bykans stabiel gebly het, het die produksie om verskeie redes aansienlik verhoog. Die wêreldprys van katoen ry betreklik wipplank vanweë die effens verbeterde vraag na die vesel, maar dis die groot voorraadhouding wat weer die prys benadeel. Die Internasionale Katoenadvieskomitee (ICAC) verwag dat die wêreld se katoenaanplanting in 2015/’16 met ongeveer 7% sal afneem, hoofsaaklik weens laer katoenpryse. In Indië, die wêreld se grootste katoenproduserende land, word ’n afname van 2% verwag, terwyl produksie in China met ongeveer 16% in 2015/’16 kan afneem. Die aankondiging van ’n kleiner Chinese subsidie vir vanjaar speel in laasgenoemde afname ’n groot rol. Die ICAC raam dat katoenproduksie in die ander twee groot katoenproduserende lande, Amerika en Pakistan, onderskeidelik met 14% en 11% sal…

■ Die Australiese beesvleisbedryf blyk verenig te wees in sy doel om karkasse met ’n hoë waarde teen ’n lae koste te produseer. ■ Meat Standards Australia was ’n groot katalisator en het seker gemaak dat verbruikers wêreldwyd ’n smaaklike, sappige en sagte beesvleisproduk kry. Dit het gehelp om die afwaartse neiging in rooivleisverbruik onder die binnelandse bevolking om te keer en het baie waarde tot die winsgewendheid van die bedryf toegevoeg. ■ Boere kry baie tegniese steun van hul bedryfsliggame, wat verseker dat wetenskaplik gegronde uitkomste in hul teelkuddes geïmplementeer word. Dit is tot voordeel van die kommersiële en internasionale bedryf. ■ Die groot stoettelers, wat ’n aansienlike hoeveelheid van hul bulle verkoop, vertoon trots hul diere se genetiese neigings op alle promosiemateriaal. Oor die algemeen lyk dit asof…

SWEISTOESTEL SONDER GAS STERK STROOM GEWAARBORG Die nuwe Speedtec 200c plaas doeltreffende sweiswerk in ’n nuwe lig. Die hele toestel weeg net 17,3 kg en kan met enkelfasekrag en ’n kragopwekker gebruik word. Die masjien se polariteit kan ook aangepas word om met geïsoleerde elektriese (fluxed-cored) draad te sweis, wat beteken swaar en duur gasbottels hoef nie oral saamgesleep te word nie. Die masjien het ’n kragtoevoerregstellingsfunksie wat ’n doeltreffende hoëuitset-kragstroom verseker, al wissel die toevoerstroom, soos dikwels die geval is met lang verlengkoorde en kragopwekkers. Dié funksie verseker gehaltesweiswerk en beskerm die masjien teen skade. Die Speedtec 200c stel jou in staat om met MIG, TIG en selfs stokkiesweis noodsaaklike herstelsweiswerk in die veld aan te pak. Die sweismasjien word deur Lincoln Electric in Pole vervaardig en deur SA…

hoe die paar pakkies beeskortrib van die vorige slagdag my ontglip het, weet ek nie, maar ek was baie bly toe ek in die vrieskas grawe en onverwags daarop afkom. Dit was die beste verrassing op ’n vars Saterdagoggend, so net voor al die rugby begin. Daar’s min dinge beter as ’n taaierige, warm ribbetjie om aan weg te lê terwyl jy na ’n goeie game kyk. Ons familie maak ’n okkasie van osslag. Dis sommer ’n groot storie en ons nooi meestal ’n paar families oor om deel van die vleiswerk te wees. Die slag van die bees vind so twee weke vooraf al plaas en dan begin al die oproepe – resepte en idees word uitgeruil dat dit klap om die jaar se beesslag die beste een ooit…

’N MAN VAN ELKOS DS. KOBUS VAN DER WESTHUYZEN Nahum was ’n Elkosiet. Dit beteken hy is waarskynlik in die kleinerige dorpie Elkos, in die suide van Juda, gebore en het daar grootgeword. Dit was dáár waar hy ’n openbaring ontvang het om die ondergang van die Assiriese ryk en die oordeel oor die stad Ninevé aan te kondig. Wie hierdie man was en wat hy eers gedoen het, weet ons nie. Dit was seker nie belangrik nie. Wat wél interessant is, is dat God Sy boodskapper uit hierdie klein dorpie gaan haal en aan hom opdrag gee wat menige sogenaamde groot gees sou laat steier het. Dit was ’n donker tyd in Juda se geskiedenis en die hoofstad, Ninevé, met sy duisende inwoners, was nie sonder rede as die…

Graanboere wat Rovic se kleingraanskyfplanter gebruik, kan getuig van die werktuig se waardevolle bydrae tot hulle boerderysukses. Een van dié boere wat sy stem voeg by aanhangers van Rovic Leers se dienste en produkte, is mnr. Pieter de Kok van die plaas, Die Vlakte, naby Riversdal in die Suid-Kaap. Pieter het sy kleingraanskyfplanter by SSK Riversdal gekoop en is in die transaksie bygestaan deur mnr. Dupie du Plessis van SSK Riversdal en mnr. Jaco Erasmus van Rovic Leers wat die Rovic 3600 L-skyfplanter op 15 April vanjaar afgelewer het. Die Vlakte is ’n gediversifiseerde plaas waar Pieter met skaap, bees, hawer, gars, koring en kanola boer. Onder sy belangrikste werktuie tel sy ploeg, vlakbewerker beitelploeg, korsbrekers, voermenger, stroper en snyer. Sy nuwe kleingraanskyfplanter word by dié versameling werkesels gevoeg. Die…

Babcock, die Suid-Afrikaanse verspreider van Volvo en SDLG se grondverskui -wingstoerusting, bied ’n verskeidenheid indrukwekkende toerusting en werktuie aan. VOLVO EC300DL Die Volvo EC300DL-wielmasjiengraaf bied ’n uitstekende operateursomgewing met ’n gemaklike sitplek, kontroles wat ideaal geplaas is, ’n uitstekende uitsig en ’n ruim kajuit. “Volvo is trots op die brandstofdoeltreffende masjiene wat hy vervaardig en die D-reeks laaigrawe is ’n perfekte voorbeeld hiervan,” sê mnr. David Vaughan, verkoopsdirekteur van toerusting. “Dié masjiengraaf spog met Volvo se unieke ECO-module, wat sorg vir tot 5 persent van die masjien se totale verbeterde brandstofdoeltreffendheid, slim elektro-hidrouliese beheer vir laer brandstofverbruik en siklustyd, sowel as ’n groter grawe-werkverrigting.” Ander masjiene wat uitgestal is, is die Volvo BL61- en BL71-trekskoplaaigrawe. Vaughan sê die ontwerp van dié masjiene is die resultaat van jare lange navorsing oor…

CONTINENTAL General Tire se reeks bande vir die landbousektor bied ’n bandkeuse vir elke toepassing. Hoewel dié bande reeds vir hul kombinasie van taai duursaamheid en verrigting naam gemaak het, blink hulle ook uit wat kostebesparing en kostedoeltreffendheid betref. TREKKERBANDE Die as van ’n trekker is ’n onontbeerlike aspek van trekkerwerkverrigting. Daarom is spesiale trekkerbande belangrik om die verskillende toestande waaraan trekkers blootgestel word, baas te raak. Agterwielaangedrewe trekkers moet met sterk, swaardiensbande op die vooras toegerus word om noukeurige stuurvermoë, beweeglikheid en uitsonderlike klimvermoë te verseker. Wat vierwielaangedrewe trekkers betref, word bande met ’n traksiegerigte loopvlak op die voor- en agteras aangewend. Dié bande se spesiale loopvlakpatroon sorg vir optimale klouvermoë, ongeag die terrein. Die ontwerp van dié taai bande bied onder meer dubbelversterkte sywande om skade te vermy,…

WES - KAAPSE veeboere kan hul produksie met “groot vrymoedigheid” verhoog om in die groot vraag na skaap- en beesvleis in die provinsie sowel as uitvoermarkte te voorsien. Volgens mnr. John Dürr, voorsitter van die Wes-Kaapse Rooivleisprodusente-organisasie (RPO), het die herinstelling van die land se status as vry van beken-klouseer verlede jaar veral die stoetveebedryf en boere wat betyds hul voetwerk gedoen het, ’n groot hupstoot gegee. Groot hoeveelhede beesvleis word reeds elke maand uitgevoer. “Dit het veral gehelp om die prys van A-graad se beesvleis in die droogtetye op hoër vlakke te hou. Ons glo dit sal binnekort ook met skaapvleis gebeur.” Die Wes-Kaapse slagplase se skaapen lamslagsyfer het sedert 2008 opwaarts gebeur. Dit is tans 22,7%van die nasionale slagsyfer. Dürr sê Wes-Kaapse slagplase se skaap- en lamslagsyfer het…

DIE privaat wildlewebedryf het die afgelope twee dekades uitstekend gegroei. Dié groei word veral toegeskryf aan uitbreidings in twee segmente, naamlik die teling en die verkope van lewende wild. Die teelt en verkope van gewone wildsoorte het veral ’n groot bydrae tot die groei in die verkope van lewende wild gelewer. Indien ’n belegging in die wildbedryf oorweeg word, is dit raadsaam om onderskeid tussen die verskillende segmente van die wildbedryf te tref. Die bedryf kan ingedeel word in jag, wildteelt, toerisme en wildprodukte. Elkeen van dié segmente bied eiesoortige kenmerke en knelpunte aan beleggers in die wildbedryf. Die wildbedryf is uitstekend geposisioneer om in ál die segmente te kan groei. Wildteelt bied veral goeie geleenthede omdat toetrede tot die bedryf relatief maklik is. Die totale omset van die wildbedryf…

UITSTEKENDE WYNE WAG HOEWEL die huidige marktoestande vir die wynbedryf stram is en pryse grotendeels sywaarts beweeg, word uitnemende wyne vanjaar regoor die kultivarspekrum verwag. “Spaar jul geld, hier kom mooi wyne,” sê mnr. Francois Viljoen, bestuurder van VinPro se konsultasiediens. Die oesvooruitskatting vir die 2014/’15-oesjaar is volgens die Suid-Afrikaanse wynbedryf- en inligtingstelsels (Sawis) sowat 1 502 360 ton. Dit is egter 1, 1% kleiner as die rekordoes wat verlede jaar aangeteken is. Wynvoorraadvlakke is ietwat hoër as verlede jaar weens groter oeste die afgelope jare, asook die afname in die uitvoer van wyn in groot maat. Volgens mnr. Charles Whitehead, hoof van sake-inligting by Sawis, sal dit egter weinig impak op plaaslik pryse hê. Volgens mnr. Andries van Zyl, landbou-ekonoom by VinPro, was daar ’n afname in die totale…

Landbou-organisasies, boereverenigings, ens., is welkom om die datums van hul byeenkomste aan ons te stuur vir publikasie in Landboukalender. Die besonderhede moet gestuur word aan: Landbouweekblad, faks: 021 406 2940. E-pos: jeandre.dupreez@landbou.com. ALGEMEEN 23-25 JULIE: Studente-ekspo. Greenstone-winkelsentrum, Johannesburg. Web: www.student-expo.com. 31 JULIE-1 AUGUSTUS: !Nabakos-en-wynfees, Upington. Sonja, sel 082 410 7669. Web: www.nabafoodandwine.co.za. 27-30 AUGUSTUS: Kaapse Blommeryk-ekspo. Megapark, Bredasdorp. Agri Mega. Eunice Joubert, sel 082 808 1114, of e-pos: eunicek@agrimega.co.za. Chris van Rhyn, tel. 021 863 0397, of e-pos: marke ting@capefloralkingdom.co.za. 16-19 SEPTEMBER: Agri-Megaweek. Megapark, Bredasdorp. Pikkie Louw, sel 082 566 5880, of e-pos: pikkie@agrimega.co.za. Reinette Basson, tel. 021 863 0397, of e-pos: reinette@agrimega.co.za. 15-17 OKTOBER: Agri-Expo Livestock 2015, Sandringham, Stellenbosch. Tel. 021 975 4440, of e-pos: admin@agriexpo.co.za. Web: www.livestock.org.za. 28-31 OKTOBER: Agri Cape-week, wyn-, vrugte- en varsprodukteekspo. Kleinplasie, Worcester. Anne-Marie…

15% Volgens die Internasionale Fonds vir Landbou-ontwikkeling kan permakultuur ’n organiese en holistiese alternatief vir die tradisionele manier van tuinmaak wees om die 15% van die wêreld se bevolking wat ondervoed is, van voedselonsekerheid te red. Boere in Malawi wat reeds van permakultuur gebruik maak, het in die algemeen beter voedselsekerheid, groter verskeidenheid in hul dieet en hoër opbrengste. 1 488 241 HA Die Departement van Landelike Ontwikkeling en Grondhervorming sê hy het in die afgelope vyf jaar sowat 1 488 241 ha landbougrond danksy die Regering se program vir grondherverdeling verkry. Dit verteenwoordig 1 467 plase. Daaruit het net meer as 20 000 begunstigdes voordeel getrek. Van hierdie begunstigdes is 8 297 vroue‚ 6 149 jeugdiges en 49 mense met gestremdhede. – Timeslive R850 000 Die uitgerekte soektog na…

‘As verkopers op Kirkwood enige pryse uit desperaatheid aanvaar het, dan was daar rede tot kommer.’ Mnr. Louis van der Watt, entrepreneur en wildboer, oor lae pryse op die Kirkwoordwildsfees se veiling. Bl. 15. ‘Ek kan nie met ’n skoon gewete daaroor stilbly nie.’ Regter Siraj Desai in sy uitspraak in die plaaswerkerskuld-saak oor “waarskynlik tienduisende” loonbeslagleggingsbevele wat onwettig is. Bl. 17. ‘Omdat die mark nie aan onrealistiese verwagtinge voldoen nie, beteken dit nie dat dit ineenstort nie.’ Mnr. Lood Bester, wild-entrepreneur, oor laer pryse vir kleurvariantbokke op veilings. Bl. 15. ‘Dit is ’n oorwinning vir die armes. Ek glo dit gaan baie geld in hul hande en in die ekonomie terugplaas.’ Me. Wendy Appelbaum, wynplaaseienaar, oor haar oorwinning in die hooggeregshof teen roekelose mikroleners en staatsdepartemente. Bl. 16. ‘Die…

’N SOJABOER se saadrekening kan tot byna ’n kwart van sy veranderlike koste beloop as hy geen terughou-saad van die vorige seisoen gebruik nie, wys berekeninge deur ekonome van Graan SA. Landbouweekblad het by die produsente-organisasie navraag gedoen oor sojasaadkoste nadat boere gekla het dat dié pryse vir hulle buitensporig hoog raak. Mnr. Willem Engelbrecht, voorsitter van die Suid-Afrikaanse Nasionale Saadorganisasie (Sansor), wys daarop dat die ontwikkeling van nuwe saad gekortwiek word omdat boere te veel saad op hul plase terughou. Mnr. Corné Louw, ’n ekonoom van Graan SA, bevestig dat die koste van sojasaad amper die duurste van al die algemene kommersiële saaigewasse se saadkoste kan wees, veral as ’n boer al sy saad koop en geen saad gebruik wat hy van die vorige jaar teruggehou het nie. Louw…

1 ZIMBABWE | Droogte kan 99% van vee uitwis Boere van die provinsie Noord-Matebeleland in Zimbabwe gaan onder ’n ernstige droogte gebuk en staan moontlik die kans om sowat 600 000 beeste te verloor. Volgens die Zimbabwiese dagblad, The Chronicle het dié land se departement van lewende hawe boere in die gebied gewaarsku om hulle op die ergste voor te berei. Die departement meen 99% van die provinsie se vee mag moontlik vrek. Dit is nie die eerste keer dat dié streek deur ’n ernstige droogte getref word nie. In 2013 het die Verenigde Nasies ingegryp om meer as ’n halfmiljoen stuks vee in die provinsie Suid-Matebeleland te red ná ’n droogte veegetalle tot ontstellend lae vlakke laat afneem het. Die gebiede wat die swaarste getref is, is Hwange, Binga…

Wees versigtig vir kunsmisprodukte wat vinnig en goedkoop vermeng is deur elementêre swael by die mengsels te voeg, waarsku dr. Koos Bornman, hoofbestuurder van strategiese landboudienste by Omnia. Hy het op ’n Omnia-boeredag by Secunda benadruk dat plante net sulfate as swaelbron uit die grond kan benut. Elementêre swael moet dus eers tot sulfaat geoksideer word voor dit vir plantopname beskikbaar is. “Die byt wat heel moontlik die seerste maak, is die gebruik van ondoeltreffende swaelbronne in plantvoeding,” het Koos gesê. Die toediening van elementêre swaelprodukte kan tot swaeltekorte lei, wat uiteindelik die opbrengs en gewasgehalte benadeel. Hy het verduidelik daar is ’n neiging in die kunsmisbedryf om hoë konsentrate, soos ureum en diammoniumfosfaat (DAP), te vervaardig, hoofsaaklik as gevolg van ekonomiese en vervoervoordele. “Hierdie soort materiale word dan nader…

Om die oudste familiebesigheid in Suid-Afrika te wees, is nie ’n ligte prestasie nie. Veral nie as dit een is wat sulke groot spore in die Suid-Afrikaanse landbou en letterkunde getrap het nie. Mnr. Carl van der Merwe is die tiende geslag op Boplaas, wat in 1743 tot stand gekom het. Hy is die twaafde geslag in Suid-Afrika. “Die eerste Van der Merwe was ’n busskieter (wag) by die Kasteel en die tweede geslag het by De Hoop in Franschhoek as vryburgers vir Jan van Riebeeck geboer. Hoe die derde geslag, Izaak Wilhelmus, besluit het om juis hierheen te kom, weet ons nie, maar Boplaas is as weidingplaas aan hom toegeken. Hy het later ook met koring geboer.” Die plaas het toe bekend gestaan as Modderasvallei, maar het later Moerasvlei…

Die Bosveld Sitrus-groep steur hulle nie te veel aan opruiende politieke uitlatings oor grond en grondhervorming nie. Mnr. Piet Smit, besturende direkteur van Bosveld Sitrus, dien in verskeie forums waar hy met kabinetslede en regeringslui te doene kry. “Die Regering weet hoe belangrik voedselsekerheid is en ken die waarde van die kommersiële landbou.” Hy sê ’n mens moet versigtig wees om nie emosioneel of moedeloos te raak oor politici se stemwerwery nie. Hy sien ’n gebrek aan finansiering van die Regering se kant af, asook die feit dat titelaktes nie aan begunstigdes van hervormingstransaksies oorgedra word nie, as die twee grootste struikelblokke om daadwerklike en suksesvolle grondhervorming te laat slaag. Piet sê daar is in die omgewing van Letsitele verskeie grondhervormingsprojekte wat misluk het. Dit was nie omdat die begunstigdes…

KORTOM ■ ’n Jong boer van Kamieskroon maak raakvatplanne om plaaswerk te vergemaklik. ■ Sy patente help boere om pale teen spesifieke hoeke te plant en swaar voorwerpe veilig te vervoer. As jy wil boer, moet jy ’n raakvatplan kan maak,” glo mnr. Altus Beukes van die plaas Sorsors buite Kamieskroon in die Noord-Kaap. Hy het ’n paar patente ontwikkel om plaaswerk en die vervoer van swaar goed makliker te maak en met so min werkers moontlik klaar te kom. Altus het hom ná skool as ’n dieselwerkhet tuigkundige gekwalifiseer, maar lank in die vervoerbedryf gewerk. Hy is nou drie jaar heeltyds op die familieplaas, wat hy sedertdien omgeswaai het van ’n skaapplaas na ’n besproeiingsplaas. Dié proses verg slim planne en patente. Hy en sy vrou, Christine, hou skape…

Heelskenkelpasteie Dié individuele pasteie is ’n vleiseter se droom. Gebruik agterkwartskenkels vir groter porsies en kleiner voorkwartskenkels vir middelslagpasteie. Dis ’n lang resep, maar die proses is regtig maklik. Skenkels ■ 4 heel springbokskenkels ■ Sout en varsgemaalde swartpeper ■ Olie, vir braai ■ 8 wonderpeperkorrels ■ 15 ml heel swartpeperkorrels ■ 20 ml gemaalde koljander ■ 125 ml soet sjerrie ■ 125 ml rooiwyn ■ 45 ml balsamiese asyn ■ 375 ml vleisaftreksel Sous ■ 2 uie, gekap ■ 30 ml olie ■ 125 g spekvleis, fyn gesnipper ■ 3 knoffelhuisies, fyn gekap ■ 30 ml koekmeel ■ 625 ml kookvloeistof uit die skenkelbak (sien metode) ■ Sout, varsgemaalde swartpeper en ’n paar druppels heuning na smaak Kors ■ 125 ml melk ■ 125 ml olie ■ 1 eier…

vanoggend vroeg, toe die koue sonstrale oor die witgerypte pluime van die boesmangras streel, trek die bakkies op ons werf in en die jagters kom gejas en gehandskoen agter wit asemwolkies deur die voordeur. Elkeen se koms word deur die stampstamp van swaar veldstewels op die deurmatjie aangekondig. Kort voor lank is die kombuis vol kakie-en-denimmanne wat ’n hoopvolle kringetjie om die gasstofie met die ketel maak. In hul gedagtes is hulle reeds in die veld met ’n vuurtjie om die yswind opdraand te gee. Hulle warm op met ou jagstories, spekuleer oor die meriete van verskillende teleskope, haal mekaar uit oor wie laat geslaap het en wie verlede jaar watter maklike skoot verbrou het en wie die meeste hekke vandag moet oopmaak, slyp tussendeur nog ’n mes en pak…

Deur Anina Roux & Samantha McKendrick © xword@xword.co.za Geborg deur: Voltooi die rooster sodat elke ry dwars, elke kolom af en elke 3 x 3 kassie die nommers 1 tot 9 bevat. Dis al wat jy moet doen. Geen wiskunde is nodig nie. Die rooster is vol syfers, maar niks hoef bymekaargetel te word nie. Jy los die raaisel met logika en beredenering op. Lees meer by http://en.wikipedia.org/wik/Sudoku Oplossing Nr. 27 Skakel gerus vir Wilhelm Grutter +27 (83) 457 9372 | E-pos: wg@silobags.com | Web: www.silobags.com Jan Dreyer: Sel. +27 (83) 279 3211…

Die Landini Landforce-ontwerp is nuut, met skerp lyne en ’n robuuste voorkoms, maar tog met dieselfde tradisionele gevoel eie aan die Landini-familie. Die Landini Landforce is in ’n platformkonfigurasie beskikbaar en pas gerieflik in tussen die bestaande platformmodelle, in ’n segment waar Argo tot dusver net ’n kajuitmodel gehad het. Dit behoort die verbruiker ’n goedkoper keuse te bied in die klas 80-88 kW. Die Landini Landforce is ontwerp vir taai toestande en bied ’n wye keuse van aanwending-gebruike. TWEE MODELLE Daar is twee modelle in die Landini Landforce-reeks: Die Landforce 115 (82 kW) en die Landforce 125 (88 kW) teen ’n aangeslane 2 200 rpm. Die Landforce-reeks is toegerus met ’n betroubare 4-silinder Beta Power-TIER 3-enjin, met direkte brandstofinspuiting. Wringkrag teen 1 250 r/min. lewer kragtige uitsette van 510…

VB AGRI Ná vyf jaar is VB Agri vol y wer oor die toekoms van YTO in Suid- en Suider Afrika. Trouens, VB Agri en YTO is druk besig om ’n nuwe sakeperseel op te rig om die verspreiding van nuwe trekkers en onderdele te verbeter. Die groei wat VB Agri en YTO oor die afgelope vyf jaar ervaar het, het druk op die infrastruktuur van die onderneming geplaas. Met die groeiteikens wat YTO gestel het, is daar begrip vir die infrastruktuur wat benodig word om die mark te bedien. Die nuwe perseel behoort teen middel volgende jaar in volle werking te tree en is ’n teken van die YTO-fabriek se toewyding tot die Suid-Afrikaanse boer. Die uitbreiding in Suid-Afrika gaan gepaard met verskeie produkontwikkelings in die reeks YTO-trekkers. Die…

ZAMBIË Dié land se departement van landbou het sy MIELIEPRODUKSIE vir 2014/’15 op 2,6 miljoen ton beraam. Weens die droogte in die suide is die raming 10% laer as die vyfjaargemiddelde van 2,86 miljoen ton. Volgens die Zambiese Boere-unie (ZNFU) het boere ook gesukkel om betyds kunsmis in die hande te kry, wat tot die afname bygedra het. Ten spyte van die laer produksie verwag Zambië steeds ’n oorskot van 876 768 ton wat uitgevoer kan word. Zambië het ’n geleentheid om mielies na Zimbabwe uit te voer weens die erge droogte in Zimbabwe die afgelope seisoen. Dit kan laer oordragvoorrade en hoër mieliepryse volgende seisoen vir Zambië beteken. Intussen het die JSE Bpk. die lisensie verkry om ’n handelsplatform vir mielies, koring en sojabone in Zambië te vestig. Die…

SUID-AFRIKANER GAAN MERINO’S IN AUSTRALIË BEOORDEEL DIE Omnia-groep se inkomste het met 3,5% gestyg danksy stewige prestasie in sy landbou-afdeling. Die vraag na kunsmis was ook stewig al was dit ’n moeilike seisoen, sê die groep oor sy resultate vir die jaar tot 31 Maart. Dié genoteerde maatskappy se inkomste van R16 835 miljoen vir dié tydperk was ’n rekordbedrag. Die landbou-afdeling se inkomste het met 9,1% tot R7 287 miljoen gestyg, selfs al het die droogte tot ’n afname van 1,3% in die totale mielie-aanplanting in Suid-Afrika gelei. Omnia se landbou-afdeling kon daarin slaag om sy algehele verkope met 6% op te stoot. Plaaslike verkope het met 2% gestyg en internasionale verkope met 4%. Die inkomste van die handelsen grootmaatafdeling het met 46% (of R331 miljoen) gestyg. Die styging…

DIE SA Pluimveevereniging (SAPV) gaan ’n nuwe era binne nadat hy ’n grondwet goedgekeur het wat kommersiële en opkomende boere in sy strukture sal verenig. Die nuwe strukture sal in werking tree nadat die grondwet deur die SuidAfrikaanse Inkomstediens goedgekeur is. Waar opkomende boere in die verlede ’n afsonderlike organisasie binne die SAPV gehad het, sal hulle nou deel wees van een van twee bene binne die organisasie wat op grond van produk verdeel sal word. Mnr. Robin Barnsley is die voorsitter van die nuwe nasionale eierorganisasie, mnr. Roelof Viljoen is die ondervoorsitter en dr. Naudé Rossouw is die uitvoerende lid. Mnr. Marthinus Stander is verkies tot voorsitter van die nuwe braaihoenderorganisasie, mnr. Aziz Sulliman tot ondervoorsitter en mnr. Jaco Viljoen tot uitvoerende lid. Stander is ook verkies tot voorsitter…

MEER WIT KONINGIN PROTEA IN SA BEMARK Europeërs se dunner beursies het tot ’n kleiner vraag na blomme in Europa gelei, ingesluit wit koninginproteas (Ice Queen), ‘n kleurvariant van die Protea barbigera oftewel baardsuikerkan. Volgens mnr. Nicky Esterhuyse, ’n proteaboer van Porterville in die Wes-Kaap, word dié proteas daarom al meer in Suid-Afrika bemark. “Daar is byvoorbeeld tussen Mei en Desember weekliks wit koninginproteas op die Multiflora-blomveiling in Johannesburg beskikbaar.” Blomme wat uitgevoer word, gaan na Nederland, en van daar na onder meer Brittanje, Duitsland, Rusland, Italië en Frankryk. Die onderneming Willowgreen Farms, waarvan Esterhuyse ‘n direkteur is, het in die laat 1970’s begin om Protea magnifica, ook genoem Protea barbigera, aan te plant. “Ons het 15 jaar gelede begin om in die saailinglande te selekteer vir spesiale eienskappe, soos…

VEILING VA N DIE WEEK VILJOENSKROON / SA VLEISMERINO / R90 000 Mnr. Jan van Biljon (naasregs) van die plaas Niekerksrust, Viljoenskroon, se 49ste produksieveiling het vanjaar weer gesorg vir vele hoogtepunte. Die duurste SA Vleismerinoram (nr. 2081 JVB) is teen ’n allemintige R90 000 aan mnr. Willie van der Linde van Bethlehem verkoop. Boonop is altesame 58 ramme teen gemiddeld R10 310 stuk verkoop. Van Biljon is een van die bekendste telers van SA Vleismerino’s in die land. By hom is, van links, mnre. Bertus van Biljon, Wimpie du Plessis van Vleissentraal en Jaco Jonker, bestuurder van die stoetery. Vleissentraal Bloemfontein het die veiling aangebied en die afslaer was mnr. Allan Sinclair. CALEDON / SA VLEISMERINO / R11 000 Op die 20ste jaarlikse rampromosieveiling op Caledon is dié SA…

Zuko Mayoli was ’n uitsonderlike werker. Hy was pligsgetrou en verantwoordelik – ’n staatmaker. Die boer vir wie hy gewerk het, het groot planne vir hom en sy jong gesin gehad. Onlangs moes hy en sy vrou, Pamela, Queenstown toe reis vir inkopies. Net buite die dorp, op die skerp draai voor ons plaashek, jaag twee polisiemanne op pad terug dorp toe met ’n vangwa trompop in die motor vas waarin hulle gereis het. Pamela en vier ander insittendes, ook een van die polisiemanne, is op slag dood. Zuko is met ’n gebreekte rug hospitaal toe, waar hy later die aand beswyk het. Of die polisiemanne aangeklam was, soos wyd bespiegel word, kan nie meer vasgestel word nie. Van geregtigheid is hier min sprake. Zuko se dogtertjie, Xolani, word nou…

MNR. CARL VAN DER MERWE van die Koue-Bokkeveld buite Ceres is die Wes-Kaapse Jongboer van die Jaar. Hy boer met appels, pere en perskes. ’n Rekenaarbestuursprogram wat deur hom ontwikkel is, help dié familieboerdery om die vinger op die pols te hou. Lees die artikel op bl. 30. VERTEL ONS VAN JOU GESIN. Ek is getroud met Jomari en ons eersteling, Frans, is verlede Februarie gebore. Hy is na sy oupa, Frans Jacobus, genoem. Jomari het juweliersontwerp by Maties gestudeer en het nou ’n klein ateljee by ons huis van waar sy juwele ontwerp. HET JY STOKPERDJIES? Ek stel baie belang in musiek en het my sangtalent by my ma, Hannelie, geërf. Ek het al ’n CD, Een uit ’n miljoen, gemaak en onlangs vir my ’n musiekateljee by my…

Lesers wonder dalk hoekom Landbouweekblad nuusdekking gee aan die Stellenbosse entrepreneur, me. Wendy Appelbaum, se kruistog teen staatsinstellings en mikroleners by wie duisende plaaswerkers in die skuld is. Appelbaum en ander aansoekers het pas hul saak in die hooggeregshof gewen (sien bl. 16). Plaaswerkers moet tog self verantwoordelikheid aanvaar? Dié probleem het egter ’n ingrypende invloed op die maatskaplike samehang van plattelandse gemeenskappe en ’n stabiele boerdery-omgewing. In die 15 gevalle wat voor die hof gebring is, het die mikroleners en skuldinvorderaars op ’n skokkend oneerlike wyse opgetree om werklike arm mense uit te buit. Ongeletterde mense het so te sê hul eie vonnise onderteken, onder die indruk dat hulle net ’n brief onderteken wat erken dat hulle ’n agent gespreek het. Hul skuld is herhaaldelik aanverkoop tot die rente…

DIE sybokhaarbedryf het wesenlike veranderinge in sy bedieningstrukture aangekondig. Dit sluit onder meer die verkleining van die direksie van Sybokhaar Suid-Afrika (SSA), ’n uitbreiding van verteenwoordiging in die Sybokhaartrust en die sentralisering van sy personeel in. Mnr. Deon Saayman, hoofbestuurder van die SSA, sê die veranderinge volg ná maande se ondersoek na en samesprekings oor hoe om beter dienslewering aan die bedryf te verseker en duplisering van werksaamhede uit te skakel. Die SSA-direksie is van 10 tot 4 lede verminder van wie 3 nie-uitvoerende direkteure sal wees. Die lede in die trust word van die huidige 8 tot 12 trustees vermeerder om dit meer inklusief te maak en ook voorheen be nadeeldes, verwerkers en die makelaars van sybokhaar in te sluit. Die personeel wat die trust, die SSA, Sybokhaarkwekersvereniging (SASKV)…

KORTOM ■ Een van die sterkste El Niño-verskynsels in dekades kan vanjaar voorkom. ■ El Niño raak alle boere, maar die uitwerking daarvan is nie dieselfde in alle produksie- en reënvalstreke nie. ■ ’n El Niño-jaar is nie noodwendig ’n swak landboujaar nie, maar dit sal wys wees om risiko’s te vermy. In die jongste week of twee praat Amerikaanse en Australiese ontleders van landboumarkte wêreldwyd daaroor dat die El Niño-aanwyser ernstig versterk. In Amerika en Australië is redelik baie navorsing gedoen oor die El Niño-verskynsel en die uitwerking daarvan op weerpatrone – en natuurlik landboumarkte. In die volgende maande kan een van die sterkste El Niño-verskynsels in dekades voorkom met ’n hoë waarskynlikheid van onstabiele weer in die volgende ses maande. Dit gaan deurwerk na die markpryse van landbouprodukte…

Vra enige familie-onderneming wat hul geheim is om geslag ná geslag te bly voortbestaan, en êrens sal ’n streng beleid oor wanneer en op watter voorwaardes familie by die onderneming aansluit, ter sprake kom. Boplaas 1743 is die oudste familie-onderneming in Suid-Afrika en die Van der Merwe-familie boer al tien geslagte lank hier. Die elfde geslag is ook ’n jaar gelede gebore. Dit is eintlik net genade, sê mnr. Carl van der Merwe, maar hul beleid wat op drie bene rus, help ook. Vrywillige betrokkenheid. Niemand word gedwing om by die boerdery of in die landbou betrokke te raak nie, maar as jy wil, moet jy eers minstens drie jaar op ’n ander plek werk en jou geskiktheid vir die pos deur ervaring of opleiding kan bewys. Markverwante salarisse en…

Die voorsate van die Moleteleeisersgemeenskap het volgens hul gemeenskapskomitee se voorsitter, mnr. Ezekiel Nkosi, tussen die Olifants- en die Klaserierivier in Limpopo gebly. Dit is hierdie grond wat die groep van 18 000 mense ingevolge die Wet op die Herstel van Grondregte geёis het. Dit het betrekking op 73 000 ha. Daarvan, sê Ezekiel, is nog net ongeveer 7 200 ha aan die gemeenskap oorgedra. Hulle is nie ’n homogene stam nie, maar ’n gemeenskap wat bestaan uit Pedi’s, Shangaans en Swazi’s onder die leiding van hul hoofman, mnr. A.L. Chiloane. Hulle gebruik 60 ha van die grond wat aan hulle oorgedra is vir verblyf, waarop die eisersvereniging se bestuur erwe aan gemeenskapslede toeken om huise op te bou. “Dit is mooi huise wat daar gebou word wat aan duidelike…

Hoёr temperature en laer, wisselvalliger reёnval gaan in die toekoms vereis dat beeskuddes oor groot dele van Suider-Afrika by dié klimaatsverandering aanpas. Gemiddelde temperatuurstygings, wat van 0,5 °C aan die kus tot 3 °C in die ooste van Namibiё tot die weste van Botswana wissel, word voorspel. Klimaatsverandering behoort ook meer hittegolwe en droёr weer na dié streek te bring, behalwe in die sentrale dele en Oos-Kaap, wat volgens die vooruitskoumodelle natter kan word. Die verwagte afname in die reёnval oor die oostelike dele van Limpopo en Mpumalanga, die Suidwes-Kaap en die Kaapse suidkus is betekenisvol: Meer as 40 mm per jaar. Voorts word ook verwag dat die reёnval ál wisselvalliger gaan word. Veeboere sal hulle moet inrig deur onder meer diere te teel wat vir hoёr temperature aangepas is,…

Mnr. Hennie Bruwer, hoofbestuurder van Katoen SA, sê sedert die 1960’s het die land se jaarlikse katoenproduksie geleidelik toegeneem tot ’n hoogtepunt van bykans 400 000 bale katoenvesel van 200 kg elk in 1989/’90. Volgens Katoen SA se vyfde skatting vir die produksiejaar 2014/’15 staan die totale oes van Suid-Afrika en Swaziland op 99 644 bale vesel, ’n styging van 107% teenoor die vorige seisoen en 1% meer as die skatting vir die vorige maand. Na raming sal die plaaslik verboude katoenpluksel 96 044 bale vesel oplewer, 120% meer as die vorige seisoen. Die verwagte Swazilandse produksie van 3 600 bale, wat deur dié land se meule gepluis word, word by die Suid-Afrikaanse totaal ingereken.…

Ek ontken vir geen oomblik dat toestande in Suider-Afrika baie anders as in Australië is nie. Dit geld veral wat ons markte betref, en die uitdaging om aan die vereistes van boere en verbruikers uit voorheen benadeelde agtergronde te voldoen. Die produksie-omgewings is egter min of meer dieselfde. Die noordwestelike deel van Australië het byvoorbeeld die laaste drie jaar min of geen reën gehad nie. Beesgetalle landwyd het gedaal van sowat 30 miljoen tot 27 miljoen en ’n paar ernstige probleme is dié bedryf se voorland. Wat my dadelik opgeval het, was dat die verskillende sektore regdeur die waardeketting – van die kommersiële boere en stoetboere tot die voerkraalbedryf en die kleinhandel – nou saamwerk aan die gemeenskaplike doel om waarde tot vleis as ’n produk, en dus waarde aan…

LIGGING Prins Albert, Wes-Kaap ALBERT SWART Die historiese plaas Rietfontein lê in die Grootriviervallei naby die Wes-Kaapse dorpie Prins Albert. Die plantegroei en topografie maak dit enige jagter se droom – of hy nou met ’n boog of geweer aanlê. Boonop word jou vleis in die moderne slaghuis op die plaas verwerk en ’n kudde Damara-skape sorg vir ’n ekstra vetjie vir wildwors of plat frikadelle. Die bestuurder en beroepsjagter Albert Swart vertel van die plaas van 16 000 ha waarop 16 soorte wild loop. Vertel meer van die plaas. Rietfontein bestaan uit vier plase en hier is ’n ryk geskiedenis met fossiele en grafte van Britse soldate wat nog te siene is. Ons boer ekstensief met wild, het ’n Boran-stoetery met 120 diere en ’n troppie Damara-ooie en Persie-ramme…

Ek het die ou blouwildebeesbul van ver af gesien waar hy aan die ander kant van ’n waterloop in ’n groenbrand wei. Met die .375 oor my skouer het ek my uitkykpos op die bult verlaat en ’n plan gemaak om die bul te probeer uitoorlê. Ek het versigtig begin bekruip en eens deur die lopie met sy skraal watertjie en steil walle het ek oor die verste wal geloer. Die bul het sowat 150 m weg rustig gewei. Ek moes nader gaan omdat my geweer ’n oop visier het. Halfpad tussen ons was ’n effense walletjie wat ’n bietjie dekking kon bied. Met die geweer dwars oor my skoot het ek plat op my boude begin aanskuifel en elke keer gestop as die bul sy kop optel. Die afstand…

DWARS 1. Straatvrou (6) 4. Geneeskragtige plant (6) 8. Enig (5) 9. Titel (4) 10. Rosekrans (8) 1 3. Donkie (5) 15. Intiem (5) 18. Fase in hartsiklus (8) 19. Weerklank (4) 22. Kooi (5) 23. In die toekoms (6) 24. Waarneembaar (6) AF 1. Gousblom (7) 2. Basterkoedoe (5) 3. Verpligting (4) 5. Seevis (7) 6. Houer met hingsel vir vloeistowwe (5) 7. Verbeeldingryke insig (7) 1 1. Kolom (4) 12. Kleinood (4) 14. Wapenskild (7) 16. Grillig (7) 17. Ongesond bleek (5) 18. Anysgeurige kruieplant (5) 20. Gevangehou vir losprys (5) 21. Sneeutuig (4) OPLOSSING DWARS: 1. Gentoe; 4. Boegoe; 8. Uniek; 9. Naam; 10. Bidsnoer; 1 3. Asbek; 15. Innig; 18. Diastole; 19. Eggo; 22. Katel; 23. Eendag; 24. Kenlik. AF: 1. Gazania; 2. Njala; 3. Onus;…

STANDARD BANK Die verwagte mielieoes van 9,76 miljoen ton volgens die jongste vooruitskatting, word steeds as taamlik konserwatief beskou,” sê mnr. M.C. Loock, senior bestuurder van landbou by Standard Bank. “Sowat een miljoen ton wit mielies word in elk geval gewoonlik vir veevoer gebruik. As ons dus soveel wit mielies verloor, verminder dit nie die hoeveelheid wat vir menslike gebruik beskikbaar is nie – selfs al reken ons die normale groei van 1,5% in aanvraag by. MINDER UITVOER “Ons het ook verlede seisoen ’n baie goeie wit- en geelmielie-oes gehad. Dit gee ons ’n gemaklike oortrokke voorraad van 33% vir die bemarkingsjaar 2014/’15. Weens die droogte word daar uit voervoorraad van 25% voorspel, maar ’n vermindering van 8% is nog nie rede om paniekerig te raak nie.” Dit is heel…

EXCELSIOR BELANGHEBBENDES LEER MEER OOR ANGUS-BEESRAS Molatek se boeredag is op mnr. Philip en me. Vicky Barnard se plaas by Excelsior gehou. Die Barnards is aangewys as Molatek se Kommersiële Beesboer van 2014. KIMBERLEY NOORD-KAAPSE VLEISBOERE BEKYK MARK, VERBRUIKERS SE BEHOEFTES Die Rooivleisprodusente-organisasie (RPO) in die Noord-Kaap het op sy kongres in Kimberley gekyk na die bedryf se plasing binne die mark met verwysing na die verbruiker se behoeftes.…

BOERE wat suikerriet op droëland aan die KwaZulu-Natalse Noordkus en in die Middelland verbou, beleef ’n moeilike seisoen. Tog is daar nie veel rede tot kommer vir dié suikerrietboere nie. Volgens mnr. Ernst Janovsky, hoofbestuurder van Absa Agribesigheid, plaas die verlaagde produksie, wat op sommige plekke skaars die helfte van ’n normale oes is, baie stremming op meule en boere. Illovo Suiker se suidelikste meul, Umzimkulu-meule, gaan nie vanjaar sy deure oopmaak nie. Tongaat Hulett wil boonop talle hektare suikerriet uit produksie haal en vir residensiële en industriële ontwikkeling oormerk. Na bewering kan Tongaat R2,5 miljoen tot R35 miljoen per hektaar uit ontwikkeling in KwaZulu-Natal verdien. Janovsky sê Tongaat het ’n ontwikkelingsmaatskappy in Suid-Afrika geword en in ander Afrikalande belê om suikerproduksie te verseker. “ ’n Mens moet dus nie…

KAAPSTAD VARSPRODUKTEHANDELAAR BREI VERDER UIT LAINGSBURG WES-KAAPSE ROOIVLEISPRODUSENTE KIES BESTUUR, KRY PRYSE HAZYVIEW MPUMALANGA KIES BESTE JONG BOER NAPIER OVERBERGSE LEDE EVALUEER OOIE…

DIE veilingspryse het nie veel verander teenoor die vorige week nie. Kalwerpryse is effens goedkoper. Pryse word verskaf deur CMW/OVK (Kroonstad), BKB (Gouda) en GWK (Kimberley). Internasionaal: Die gemiddelde prys van mielies het met 10,5%, oftewel $15,1 1/t (R185,07/t) gestyg tot $158,69/t (R1 944/t). Op ’n jaargrondslag is dit 4,9%, oftewel $8,13/t (R99,58/t), laer. Verwagte pryse: Augustus – $162,43/t (R1 989/t), September – $165,50/t (R2 027/t), Desember – $168,89/t (R2 069/t), Maart – $172,59/t (R2 114/t). Plaaslik: Die Safex-prys van wit mielies het met 0,2%, oftewel R6/t, gedaal tot R3 080/t. Geel mielies het met 3,6%, oftewel R95/t gestyg tot R2 725/t. Op ’n jaargrondslag is dit 74,9%, oftewel R1 319/t, hoër vir wit mielies, terwyl geel mielies 48%, oftewel R884/t, hoër is as in die ooreenstemmende tyd verlede jaar.…

DIE vraag na Boerbokke wêreldwyd het verkope van teelooie én ramme op ’n jaargrondslag laat styg. Tog het die gemiddelde pryse grootliks onveranderd gebly. Volgens me. Marizelle Kruger van die Boerboktelersgenootskap is sowat 100 ramme tot dusver vanjaar op verskillende veilings verkoop. Die syfer is hoër as dieselfde tyd verlede jaar, en kan toegeskryf word aan belangstelling vanuit die Verenigde Arabiese Emirate en Botswana. Die gemiddelde pryse was sowat R8 000 stuk, wat volgens Kruger min of meer dieselfde is as verlede jaar se pryse. Bungy, die duurste ram sover, is op die BobaasBoerbokveiling deur mnr. Lukas Burger van Griekwastad aan mnr. Conrad Herbst van Pretoria vir R160 000 verkoop. Sowat 400 ooie is al vanjaar verkoop – ook meer as verlede jaar. ’n Groot aantal van die ooie is…

JULIE LUTZVILLE 30 Julie-1 Augustus, Lutzville-skou. (Streek: Dorper en Wit Dorper), Benede-Olifantsrivier-perdekampioenskap. Perde, 083 398 0899. Kraampies, 083 620 2294. E-pos: jeanette afox@gmail.com. POTCHEFSTROOM 31 Julie-1 Augustus, AgriWorks-landbou-ekspo. Trimpark, Potchefstroom. Tel. 021 854 4700, web: www.agriworks.co.za, e-pos: info@cadek.co.za. AUGUSTUS PETRUSBURG 6-8, Petrusburg-skou. (Streek: Vrystaat, Saalperd), Linn Hertzog, sel 084 556 0998, of Chanene Voster, sel 082 805 0057. E-pos: vrystaatsaalperd@gmail.com. LETABA 6-8, Letaba-skou, Tzaneen-skouterrein. Naomi Roux, tel. 015 307 2725, of e-pos: Epos: info@letabashow.co.za. Web: www.letabashow. co.za. PRETORIA 26-29, Jakaranda-landbouskou, Pretoria. Beeste: Simmentaler, Brahman, Dexter, Limousin en Hugenoot. Perde: Arabier, deelsgeteelde Arabier, Walliese Ponie, Miniatuurperde, Nooitgedachter en Appaloosa. Lewendehawenavrae, Hester Ingamells, sel 082 691 3019. Jeugskou. Veilings: Boerbok, inheemse Veldbok, Meatmaster. Pluimvee, sierduiwe en hase. Wildkonferensie en -werksessies. LNR-kompetisies, Ben Greyling, sel 079 874 6875. Slagoskompetisie, Philip Lee, sel 082…