Innehållsförteckning för 19 June 2015 från Landbouweekblad

In pres. Robert Mugabe se tyd is my land verkrag, skryf Wilf Mbanga, die stigter en redakteur van die koerant The Zimbabwean in ’n kommentaarstuk in Beeld. Mbanga, wat in Brittanje woon nadat hy in sy eie land tot vyand van die mense verklaar is, sê die grondhervormingsplan waaroor Mugabe so toegejuig is, het die lewe van meer as 350 000 plaaswerkers en hul gesinne verwoes. Hulle is onteien en sonder ’n dak oor die kop gelaat. Die plase van miljoene Amerikaanse dollar waarop sowat 3 miljoen beeste was, waarvan 287 000 ha onder besproeiing was, waarop 10 000 plaasdamme en 25 000 trekkers was, is als vernietig. Meer as 90% van alle Zimbabwiërs voer ’n sukkelbestaan; 70% met minder as 35 Amerikaanse sent per dag. Mbanga sê as Mugabe…

ARTIKELS & RUBRIEKE ■ Vyf Karoo-Merinoboere span saam ■ Vee: Troef klimaatsverandering ■ Wild: Manipulasie skiet SA reputasie aan flarde ■ Meer tamaties gesoek om pastafabriek in bedryf te hou GESIN ■ Boerekos: Wat eet ons vanaand? SPESIAAL ■ Dierevoeding, Buitelewe KLEINVEE VyfvooraanstaandeMerinoboereindieKaroohetsaamgespanom diegroepPhoenixMerino’s,’ngekonsolideerderamverkoopspan, tevorm.Wellwoodenvierdogterstoeteryedeeldiegrootmaak-en bestuurskoste,maargaanterselfdertydvoortmethuleieboerderybedrywighede.…

Op denkende Suid-Afrikaners het ’n ongekende bedruktheid toegesak oor die pad waarop die land hom bevind. Verskeie kommentators het hulle in die afgelope week of wat oor die naderende afgrond uitgespreek. Van die uitsprake was in reaksie op ’n boek, How Long will South Africa Survive?, van die joernalis R.W. Johnson waarin hy voorspel dat Suid-Afrika aan die vooraand van bankrotskap is en dat die Regering eersdaags geld by die Internasionale Monetêre Fonds sal moet leen om sy skuld te delg of ’n tipe Mugabe-pad sal begin loop. Die geskiedkundige Hermann Giliomee sê in reaksie op die boek eiendomsregte word meer as ooit tevore bedreig en met die staat as die “bewaarder” van landbougrond sal dit die landbou – soos ons dit ken – vernietig. Suid-Afrika raak ál onaantrekliker vir…

GRONDPLAFONNE wat in 1988 in die Filippyne ingestel is, het veroorsaak dat plaasgroottes daar met gemiddeld 34% verminder is. Terselfdertyd het die landbou se produktiwiteit met 17% gedaal. Luidens ’n studie deur die universiteite van York en Toronto is groot, hoogs produktiewe boerderye in kleiner, minder produktiewe eenhede verander. Die grondhervormingsprogram, wat bekend was as die Omvattende Landbou-hervormingsprogram (CARP), was ’n grootskaalse herverdelingsprogram wat ’n plafon op bestaande boerderye geplaas het. Gedeeltes van plase bó die plafon is aan kleinboere en grondloses oorgedra en die verdere oordraagbaarheid van hierdie herverdeelde grond is verbied. Volgens die navorsers mnre. Tasso Adamopoulos en Diego Restuccia is die grondplafonne nie baie sterk afgedwing nie. As dit ten volle afgedwing was, sou dit produktiwiteit in die landbou met tot 34% laat daal het en die…

MNR. KEVIN LOVELL, uitvoerende hoof van die Suid-Afrikaanse Pluimveevereniging (SAPV), het die verloop van die laaste onderhandelinge in Parys, Frankryk, as “goed” beskryf. “Die skade kon groter gewees het,” sê hy oor die 65 000 ton Amerikaanse hoenderstukke aan die been wat per jaar Suid-Afrika in die toekoms sonder teenstortingstariewe sal mag binnekom. Dít nadat Suid-Afrika se vorige aanbod 50 000 ton was en Amerika se vorige eis 110 000 ton. Lovell sê 65 000 ton per jaar is gelykstaande aan 5% van die totale plaaslike hoendervleisproduksie en 9% van plaaslike produksie van stukke aan die been. Hy het op ’n mediakonferensie by die Parlement gesê die toegewing kan die plaaslike bedryf R900 miljoen aan omset kos en 6 500 werkgeleenthede kan in gedrang kom. Desondanks sê Lovell deur die…

WAT IS JUL VISIE? Ons wil ons visie en missie in oorleg met ons werknemers opstel. Ons gaan eers werksessies met al 3 000 ons werkers hou om daaroor te besin. Iets waaraan ons aandag wil gee, is om klein verskaffers te gebruik. WAT IS JUL MARKAANDEEL? Ons verwerk 1,5 miljoen braaihoenders per week. Dit maak ons op twee na die grootste in die land met ’n markaandeel van 8%. WAT IS JUL STANDPUNT OOR PEKELWATER? Die toevoeging daarvan is ’n bedryfswerklikheid. Dit is belangrik om in ag te neem dat dit ’n kostebesparing vir verbruikers meebring en terselfdertyd die sappigheid en geur van die produk bevorder. Die verpakking moet duidelik sê wat die vlak van toevoeging en die bestanddele is. IS INVOERTARIEWE BELANGRIK? Wêreldhandel in hoenderprodukte is ’n gegewe…

BOERE kan nie langer slegs op die Regering se veeartsenydiens staatmaak nie en moet verantwoordelikheid vir siektebestryding in hul eie veekuddes aanvaar, het dr. Trudie Prinsloo (REGS) van Legalvet Services in Kimberley op die kongres gesê. Hulle moet ook bewus wees van die ernstige gevolge wat dit vir alle belanghebbendes inhou. Mense wat weier om saam te werk of aanhou om wetgewing met betrekking tot beheerde en aanmeldbare siektes te ignoreer, behoort vervolg te word. Strawwe ingevolge wetgewing op dieresiektes behoort aangepas te word in die lig van die huidige ernstige toestande. Die grootskaalse uitbreking van sommige siektes kan groot ekonomiese verliese beteken. Sulke siektes sluit onder meer bek-en-klouseer, brandsiekte, bloutong, snotsiekte en slenkdalkoors in, wat nie slegs by die staat aangemeld moet word nie, maar ook by die internasionale…

DIT was dadelik duidelik dat mnr. Senzeni Zokwana, die Minster van Landbou, Bosbou en Visserye, ’n besonder sagte plek vir die Nasionale Wolkwekersvereniging (NWKV) het. Zokwana het verlede week die NWKV se 86ste jaarkongres in die Baai geopen. Hy het uit sy pad gegaan om die transformasie wat reeds deur die vereniging bewerkstellig is, aan te prys en ook onderneem om – waar moontlik – die wolbedryf by te staan. Hy is ná afloop van sy toespraak deur die sowat 200 afgevaardigdes op die kongres toegejuig. Hy sê sedert hy as minister aangestel is, is hy beïndruk deur die wyse waarop die wolbedryf die landelike gebiede in die Oos-Kaap, Vrystaat en KwaZulu-Natal radikaal verander en ekonomies bemagtig het. “Die feit dat die bedryf meer as 35 000 werkers in diens…

DIENSPLIG VIR TOEKOMSTIGE ARTSE Vanjaar se finalejaarstudente sal die eerste groep nuwe veeartse wees wat van ’n jaar lank verpligte gemeenskapsdiens moet doen nadat hulle klaar gestudeer het. Hul dienstyd is volgende jaar. Dr. Moshe Mathonsi, waarnemende direkteur van die direktoraat Veterinêre Higiëne, het aan Landbouweekblad gesê die studente dui hul voorkeure op ’n lys van 15 plekke aan waarheen hulle uitgeplaas wil word. Die direktoraat sal dan al die keuses verwerk en as meer as een student dieselfde eerste voorkeur het, sal hulle met die samewerking van die fakulteit ’n keuse maak. Hy het gesê hy is nog nie seker wanneer die studente ingelig gaan word oor waarheen hulle uitgeplaas gaan word nie, maar dit sal voor die begin van die finalejaar-eksamens wees. Mathonsi het op die jaarkongres van…

Die oom van ’n leser is onlangs oorlede en hulle is nie seker of daar ’n testament was nie. Hoe kan hulle vasstel? En as daar nie een was nie, kan die kinders erf? Die agtergrond is kortliks dat die oom geskei was en daar ’n slegte verhouding was tussen sy nuwe vrou en sy drie kinders, almal volwassenes. Die leser wil weet hoe kan die kinders vasstel of daar ’n testament was en, indien daar een is, hoe kan hulle vasstel wat die inhoud daarvan is. Indien daar nie ’n geldige testament was nie, is die kinders geregtig op ’n erfporsie? Ek meen jou soektog begin by of deur die naaste kantoor van die Meester van die Hoggeregshof. Die Boedelwet (Wet 66 van 1965) plaas ’n plig op die…

Mnr. Roland Miller bestuur al die afgelope 33 jaar hul familieslaghuis, East Griqualand Meats, wat in 1967 deur sy oupagrootjie op Kokstad gestig is. Hoewel die huidige klassifikasiestelsel goed werk, meen hy tóg daar is leemtes. “Kliënte vra gereeld hoe die diere wie se vleis te koop is, gevoer en gehanteer is. Vir party is dit ’n beginselvoorkeur en vir ander ’n smaakvoorkeur. Die klassifikasiestelsel kan in hierdie opsig gewysig word om die voeding- en slaghanteringmetodes van vleis ook te weerspieël. Só sal ’n ‘vryloop’- of ‘geen-groeibevorderaar’-etiket geloofwaardiger wees en waarde tot die vleis toevoeg,” verduidelik Roland. Verbruikers wat Roland al leer ken het, is ook nie skaam om hul misnoeë of ingenomenheid met hom te bespreek nie. “Ons het ’n geval gehad waar ’n boer met sy eie voerkraal…

LIGGING Letsitele/Hoedspruit, Limpopo KORTOM ■ Boere van die Pro-Agri-groep het ’n grondhervormingsvoorstel waarop die Regering gunstig gereageer het. ■ Die plan wil die probleem omseil dat dele van suksesvolle plase bloot afgesny word tot nadeel van die ganse bedryf. ■ As grondhervorming misluk, sal elkeen in die land benadeel word. Die Pro-Agri-groep van boere wat oor die jare as nasionale Boer van die Jaar bekroon is, wil die “landboukoek” in Suid-Afrika laat groei sodat die hele bedryf daarby kan baat vind. Mnr. Charl Senekal van Mkuze, onder meer Boer van die Jaar vir 2000 van Landbouskrywers SA, sê Pro-Agri het ’n werkbare plan aan die RegeringvoorgelêwaaropdieMinistervanLandbou, Bosbou en Visserye gunstig gereageer het. Grondhervorming verskil van provinsie tot provinsie en is grootliks ’n emosioneel belaaide warboel wat nie werklik vorder nie,…

’n Konsortium van vier telers is besig om baanbrekerswerk te doen om een van Suid-Afrika se landrasse – die Boerbok – in Suid-Amerika te vestig. Ingevolge die uitvoerprotokol met Suid-Amerika is ’n aantal embrio’s pas na Argentinië uitgevoer. Die ander Suid-Amerikaanse lande waar die uitvoerprotokol geld, is Brasilië en Paraguay. Die dryfveer agter dié uitvoer is vier Boerboktelers onder leiding van mnr. Conrad Herbst van die Conrad Herbst-Boerbokstoetery by Pretoria. Die embrio’s word onder sy naam uitgevoer. Volgens beplanning sal ’n aantal embrio’s maandeliks na hul teelstasies in Argentinië gestuur word. En as dié groep se planne uitwerk, gaan hulle nie net die gehalte van die Boerbok in Suid-Amerika verbeter nie, maar ook hul plaaslike geriewe, soos ’n in vitro-laboratorium, op hul eie boerderye in Argentinië dupliseer. Conrad het drie…

LIGGING Stellenbosch, Wes-Kaap KORTOM ■ Genetiese én omgewings faktore bepaal koeie se vlak van melkproduksie. ■ Nadat ’n bestuursplan vir reproduksie toegepas is om koeie beset te kry, styg melkproduksie gemiddeld tot ’n hoogtepunt – sonder enige voedingsaanpassings. ■ Die tussenkalfperiode is nie altyd ’n goeie bestuurshulpmiddel nie, want dit gee geen aanduiding van hoeveel koeie in die kudde weer gekalf het nie. Melkboere kom dikwels agter die melkproduksie van koeie in ’n kudde is nie na wens nie. Die melkproduksiepeil van koeie in ’n kudde word deur ’n groot aantal faktore beïnvloed. Dit kan breedweg in genetiese en omgewingsfaktore verdeel word. Die uitwerking van voeding op melkproduksie word maklik waargeneem. Dit daal binne enkele dae wanneer ruvoer van ’n lae gehalte of minder kragvoer gegee word. ’n Verandering in…

Bloed suig is die gewildste vorm van parasitisme by veral insekte. Die grootste bloeddrinkende parasiet is die vampiervlermuis van Suid-Amerika. Word hulle groter, raak dit katastrofaal vir jou slagoffer (dink maar aan Count Dracula), hoewel dit tog moontlik is as een bloeddrinker baie gashere het. Die Masai van Kenia, byvoorbeeld, tap kort-kort ’n bietjie bloed van hul lewende beeste om hulself aan die gang te hou. By die ongewerweldes is die lys van bloedsuiers lank en heel bo-aan is die wurmbloedsuiers in warm, tropiese water. Dié se bekke het ’n driesterlem en suier en hul speeksel bevat ’n verdowingsmiddel en teenstolmiddel, sodat jy niks voel terwyl hulle ’n paar milliliter bloed uit jou tap en weer afval nie. DIE INVAL VAN DIE BOSLUIS By die geleedpotiges is dit veral die…

Gluhwein ■ 1 bottel (750 ml) droë rooiwyn ■ 2 kaneelstokke ■ 1 lemoen, in dun skywe gesny ■ Dun skil van 1 suurlemoen ■ 3 heel kruienaeltjies ■ 100 ml strooisuiker ■ 2 heel steranyssade Gooi die rooiwyn in ’n kastrol en voeg die kaneelstokke, lemoen, suurlemoenskil, kruienaeltjies, strooisuiker en steranyssade by. Verhit tot kookpunt en prut liggies vir 3 minute. Gooi in hittebestande glase en sit dadelik voor. Lewer 750 ml. Sjokoladefudgeblokkies ■ 200 g sjokoladesplinterkoekies, grof gekrummel ■ 200 g Tennisbeskuitjies, grof gekrummel ■ 1 ekstragroot eier ■ 45 ml brandewyn ■ 5 ml vanieljegeursel ■ 250 g botter of margarien ■ 30 ml kakao ■ 500 g versiersuiker, gesif Meng die growwe koekieen beskuitjiekrummels in ’n mengbak. Klits die eier, brandewyn en vanieljegeursel saam in ’n…

Die intrige is deels gegrond op gebeure by die destydse KWV. Projek Spark was die kodenaam vir ’n program om derduisende bottels nagemaakte sjampanje in Amerika en Europa te verkoop. Was dit moeilik om die inligting uit amptelike en nie-amptelike bronne te kry? Die KWV se destydse sondes is goed deur Media24 se koerante geboekstaaf en een nie-amptelike bron het heerlike bykomende inligting verskaf. Dit was dus nie moeilik nie. Dis suiwer vernuf hoe die leser se verwagtinge verskuif namate die intrige ontwikkel. Ontwikkel die boek terwyl jy skryf of het jy ’n redelik vaste plan voor jy begin skryf? Laat ek my vriend Mike Nicol se wonderlike beeld gebruik, want dit werk vir my ook: Om ’n boek te skryf, is soos om in die nag per motor te…

LIGGING Vryburg…

’N VERHOUDING wat onder meer begin is met die skenking van kunsmis, is verstewig deur ’n belegging in die kennisuitbreiding van landboustudente aan die Universiteit Stellenbosch. Die internasionale maatskappy Yara, wat spesialiseer in plantvoedingsprodukte en -dienste, gaan drie nagraadse beurse aan studente in die landboufakulteit beskikbaar stel . Die beurse sal studies in akker- bou en tuinbou ondersteun. ’n Derde beurs sal aan ’n student uit ’n Afrikaland (buiten Suid-Afrika) gegee word óf gebruik word om ’n projek by die US na te vors. Yara skenk reeds plantvoedingsprodukte wat op die universiteit se proefplaas Welgevallen op Stellenbosch gebruik word. “Ons brei nou dié verhouding uit deur ook in jong mense se lewens te belê en hulle te help floreer op akademiese gebied,” het mnr. Ig Ferreira, bestuurder van Yara Cape,…

DIE grootste fout wat talle speenkalfprodusente maak, is ’n swak keuse van bulle. Só het mnr. Nick Serfontein van Edenville en stigter van die Sernickgroep (wat onder meer ’n voerkraal bedryf), op die kongres in Kimberley gesê. Hy wou by afgevaardigdes weet of hulle die regte bulle koop om die speenkalwers te produseer waarna die voerkra le soek. “Die meeste bulle wat vandag aangebied word, beskik oor teelwaardes, maar sommige stoettelers teel net kosmeties mooi diere,” het hy gesê. Hy sê daar is voerkrale wat ’n premie betaal vir dié diere wat in die betrokke toestande gedy en dat produsente vir ’n pryspremie moet onderhandel. Volgens Serfontein speel die slagplaas ’n groot rol ten opsigte van die higiëne en die behoud van die koueketting om konsekwentheid van puik rooivleis te…

DIE SA Varkvleisprodusente-organisasie (Savpo) sê die mentorskapprojekte waarmee hy sedert 2006 besig is, begin suksesverhale oplewer. “Ons programme is daarop gemik om nuwe toetreders tot die bedryf te help om winsgewende, volhoubare boerderye te skep wat weer op hul beurt werkskeppingsgeleenthede en armoedeverligting teweeg sal bring, terwyl dit ook voedselsekerheid sal bevorder,” sê mnr Simon Streicher, hoof- uitvoerende beampte van Savpo. Die doel van die mentorskapprogramme, wat deur Savpo se ontwikkelingsafdeling bestuur word, is om ontwikkelende boere toe te rus met die nodige kennis en sakevaardighede om suksesvol onafhanklik te kan boer. Streicher sê Savpo meen die deelname van die ontwikkelende boere binne die hoofstroom van die ekonomie sal die voorgenome doelwit van ’n miljoen nuwe werksgeleenthede teen 2030, soos vervat in die Nasionale Ontwikkelingsplan, onderskraag. ’n Ervare span veeartse…

NEIGINGS SIMBRA BEESRAS STAAN STERK Die Simbra-beestelersgenootskap het ’n goeie jaar beleef – ten spyte van verwagtinge dat Simbraveilings landwyd sou daal weens die droogte en die verwagte swak vraag na teelmateriaal, sê mnr. Flaf Lauwrens, hoofbestuurder van die Simmentaler-Simbratelersgenootskap. “Ons was bekommerd oor die veilings omdat ’n moeilike tyd voorspel is, maar daar was nie minder veilings nie. Ek dink boere is in die algemeen heel in hul skik.” Die gemiddelde prys vir ’n bul die afgelope ses maande was ongeveer R25 000 tot R30 000. “Dit is nie te sleg vir bulle wat aan kommersiële kuddes verkoop is nie. Die hoër as verwagte speenkalfprys maak dit vir kommersiële boere moontlik om steeds bulle te koop. Die aantal bulle wat in die twaalf maande tot nou op 27 veilings…

JULIE ELLISRAS 8-11, Beesskou en Bosveldfees. Juanita Swanevelder, sel 073 174 8378, of e-pos: edlu@lantic.net. LUTZVILLE 30 Julie-1 Augustus, Lutzville-skou. (Streek: Dorper en Wit Dorper), Benede-Olifantsrivier-perdekampioenskap. Perde, 083 398 0899. Kraampies, 083 620 2294. E-pos: jeanette afox@gmail.com. POTCHEFSTROOM 31 Julie-1 Augustus, AgriWorks-landbou-ekspo. Trimpark, Potchefstroom. Tel. 021 854 4700, web: www.agriworks.co.za, e-pos: info@cadek.co.za. AUGUSTUS GEORGE 27-29, Outeniqua-skou. Saalperd-klubskou, Kaapse Boerperd, SA Boerperd en algemeen, André, sel 072 510 0099. Melkbeeste, Nico, sel 083 635 9907. Vleisbeeste, Tinnie, sel 083 367 8596. Angus-veiling, Leon, sel 082 335 3094. Jeugskou, Jurie, sel 082 333 6646. Skape, Pieter, sel 082 825 3890. Pluimvee, Willie, sel 072 905 5858. Huisvlyt, kraampies, Susan/Dennis, sel 082 881 3305. Web: www.georgelandbouskou.com. Gert Pretorius, sel 082 784 9572, of tel. 044 873 4165. SEPTEMBER MIDDELBURG 4-6, Hartland-landbouskou. Middelburg, Mpumalanga.…

R193 MILJARD Die private sektor se belegging in die opwekking van hernubare krag staan nou op R193 miljard nadat me. Tina Joemat-Pettersson, Minister van Energie, pas nog 13 projekte vir wind- en son-energie aangekondig het. Suid-Afrika se projekte vir hernubare energie groei die vinnigste ter wêreld. Altesame 92 projekte is al goedgekeur met die potensiaal om 6 327 MW tot die netwerk toe te voeg. – Business Day 23% Suid-Afrika is onder die topvyf lande ter wêreld in die onwettige handel in sigarette. Die Tabakinstituut van Suider-Afrika (TISA) raam dat tot 23% (meer as 5 miljard sigarette) van die land se totale verbruik van sigarette verlede jaar onwettig was. Sedert 2010 het die staat sowat R24 miljard aan belastinginkomste daardeur verloor. Wêreldwyd word 330 tot 660 miljard sigarette jaarliks in…

‘Dit beperk die impak tot op ’n vlak waar ons dit kan bestuur.’ Mnr. Ben Vorster van Laeveld Sitrus in Letsitele oor die Tzaneen-munisipaliteit se tegemoetkoming van boere met beurtkrag. Bl. 18 ‘Die skade kon groter gewees het.’ Mnr. Kevin Lovell, uitvoerende hoof van die Suid-Afrikaanse Pluimveevereniging (SAPV), oor die ooreenkoms met die Amerikaanse pluimveebedryf. Bl. 16. ‘Die reën het net-net betyds gekom sodat ons dalk nog ’n goeie jaar kan hê.’ Mnr. Leon Groenewald van die Rietkuil-boerdery by Riviersonderend, oor die onlangse goeie reën in die Wes-Kaap. Bl. 17 ‘Elke dag ontvang ek nege voorgeslagte se ervaring en kennis.’ Mnr. Carl van der Merwe, die Wes-Kaap se Jongboer van die Jaar en tiende generasie wat boer op die Boplaas-landgoed by Ceres . Bl. 91 ‘Die groeifase vir produktepryse is…

DAAR is ’n sêding wat lui dat die beste dokter in die wêreld ’n veearts is. Drie Suid-Afrikaanse veeartse het op die 83ste jaarvergadering van die Wêreldorganisasie vir Dieregesondheid (OIE) in Parys, Frankryk, gepresteer. Dr. Mike Modisane, hoofdirekteur van diereproduksie en -gesondheid by die Departement van Landbou, is deur die afgevaardigdes van die 180 lidlande van die OIE vir ’n termyn van drie jaar tot voorsitter van die OIE se Vergadering van Afgevaardigdes verkies. Hy is die eerste Suid-Afrikaner wat dié eer te beurt val. Hy was voorheen die ondervoorsitter. Dr. Gideon Brückner, ’n boorling van Cradock in die Oos-Kaap, is vir ’n derde agtereenvolgende termyn van drie jaar onbestrede herkies tot voorsitter van die OIE se Wetenskaplike Kommissie vir Dieregesondheid. Brückner het in 2009 uitgetree as adjunkdirekteur-generaal van die…

TERWYL Suid-Afrika verlede jaar R23 miljard minder vir sy steenkooluitvoer verdien het as in vorige jare, het die landbousektor vir die afgelope twee jaar elke jaar ’n handelsoorskot van R50 miljard getoon. Só het die ekonoom mnr. Roelof Botha op die onlangse Mpumalanga Landbou se kongres in Hazyview gesê. Boere in Mpumalanga vra al jare lank dat die staat ’n beter balans tussen die mynbou en die landbou vind om die verlies van vrugbare landbougrond deur oopgroefmyne te beperk. Botha skryf die landbou se vertoning toe aan ekonomiese groei in Afrika suid van die Sahara en besighede, soos Shoprite, wat ál meer handelstakke in ander Afrikalande vestig en voedselprodukte uit Suid-Afrika daar verkoop. Botha sê Suid-Afrikaanse maatskappye sal in die toekoms meer as die helfte van hul omset buite Suid-Afrika…

HOEWEL hy al 30 jaar aan die wolbedryf verbonde is, was dit die eerste keer dat hy R108/kg betaal het vir die swakste deel van ’n boer se skeersel, het mnr. Paul Lynch, voorsitter die Suid-Afrikaanse Wol- en Bokhaarkopersvereniging (Sawamba), op die NWKV-kongres gesê. Volgens Lynch word die plaaslike wolmark gedryf deur die verswakking van die rand en kan pryse teen die volgende veiling verder styg. Hy sê China se verwerkingsvoorraad is tans baie laag. “Party maatskappye het ook wol vooruit gekoop en nooit verwag dat die mark teen die einde van die seisoen so skerp sou styg nie. Daar is veral ’n tekort aan lang wol, wat paniek-aankope veroorsaak het.” Lynch, wat pas uit China teruggekeer het, meen die goeie wolpryse sal voortduur. Die feit dat Adidas ’n deurbraak…

’n Wydverspreide stamboek-aantekening en die insameling van molekulêre data is dringend nodig in die snelgroeiende wildbedryf om inteling te voorkom. Só sê prof. Norman Maiwashe (foto, inlas bo), hoof van die Landbounavorsingsraad se Instituut vir Diereproduksie, in die 2015-telersjoernaal van die wildaantekeningdiens Wildlife Stud Services. Norman sê inteling is reeds ’n werklikheid in baie wildbevolkings. Bewyse is skaars, maar dit kan wees dat inteling in party bevolkings al kritieke vlakke bereik het. Ingryping is dus nodig wat sal verseker dat die nadelige gevolge daarvan bestuur of verlig word. Norman verwys na ’n vroeëre studie waarin die verband ondersoek is tussen inteling en leeus in ’n klein, toegespande reservaat se vatbaarheid vir tuberkulose. Die vatbaarheid van die ingeteelde, plaaslike leeubevolking is vergelyk met dié van ’n leeubevolking in dieselfde reservaat, wat…

KORTOM ■ Die rooivleisklassifikasiestelsel bring baie ontevredenheid onder veral boere wat vleis van die veld af wil bemark. ■ Die prysverskil tussen A-klas en ABklas en B-klas, hoewel dit nie deur die klassifikasiestelsel voorgeskryf word nie, bevorder eerder die bemarking van speenkalwers deur voerkrale as die veldvleis-model. ■ Die bemarking van die eetgehalte van rooivleis, pleks van slegs die ouderdom en vetlaag van karkasse, kan hierdie probleem hanteer. Ná 25 jaar se vooruitgang in genetiese en voedingstegnologie en veranderinge in die voorkeure van verbruikers is die klassifikasiestelsel vir rooivleis steeds onveranderd. In hierdie tyd is die graderingstelsel, wat reeds in die 1950’s ontwikkel is, geskrap sonder om vervang te word. Die enigste stelsel waarmee een stuk rooivleis van ’n ander in Suid-Afrika onderskei kan word, is dus met dié klassifikasiestelsel.…

Mnr. Dave Ford, uitvoerende hoof van die SA Voerkraalvereniging, sê vir hom is dit ’n eenvoudige proses. “Ek het 15 jaar gelede ’n slagter gevind wat ek vertrou en ons het oor die jare ’n verhouding opgebou. Hy weet ek koop slegs A-klasvleis van ’n spesifieke verskaffer. Dit is soos om tandarts toe te gaan. Ek gaan nie deur die geelbladsye en soek na die naaste tandarts nie; ek het oor die jare heen al my tandarts leer ken en ek vertrou hom. Vir my is die konsekwente gehalte van die uiterste belang en ek gaan dit nie kry deur elke week na ’n ander slagter te gaan en vleis van hordes verskillende verskaffers te koop nie.” Vleis koop is vir mnr. Gerhard Schutte, uitvoerende hoof van die Rooivleisprodusente-organisasie, ’n…

Die Bosveld-groep in Limpopo, verlede jaar se Boer van die Jaar, is die grootste private sitrusprodusent in Suid-Afrika. Meer as 30 lede van Landbouskrywers SA het die groep onlangs saam met ander belangstellendes en betrokkenes besoek. Meer as 3 600 ha is onder verskillende sitrussoorte en -kultivars op verskillende plase, wat tussen Komatipoort in die ooste en Letsitele in die weste geleë is. Gemiddeld word tot 5,5 miljoen kartonhouers sitrus per jaar uitgevoer. Benewens sitrus produseer die groep ook mango’s, piesangs, advokado’s, lietsjies en suikerriet. Mnr. Milaan Thalwitzer is die voorsitter van die direksie van dié familieonderneming en mnr. Piet Smit, ’n skoonseun, die uitvoerende hoof. Ander familielede is ook deel van die bestuur. Die boerdery-onderneming het meer as 1 300 mense in diens, terwyl 3 500 tydelike werkers tydens…

Die standaarde van die Suid-Afrikaanse Roofdiervereniging (SARV), die vaslegging van genetiese data van wilde leeus en leeus in private besit, gaan in die toekoms ’n deurslaggewende rol speel om aan ernstige probleme in die leeubedryf aandag te gee. Prof. Pieter Potgieter, voorsitter van SARV, sê die Suid-Afrikaanse leeubedryf ervaar groot plaaslike en internasionale teenkanting wat daartoe kan lei dat die bedryf tot niet kan gaan. ’n Sprekende voorbeeld is Australië se onlangse verbod op die invoer van leeutrofeë. SARV het gevolglik strategiese doelwitte, wat die gebruik van etiese bestuurstelsels, jagmetodes en gevorderde telingstegnologie insluit, as teenvoeters gestel om die volhoubaarheid van die bedryf te verseker. ETIESE STANDAARDE “Diegene wat in die toekoms leeus wil aanhou of met hulle wil teel, sal aan die provinsiale regulasies én die bedryf se eie…

PLAASINLIGTING LIGGING: Bothaville, Vrystaat…

DWARS 1. Met verbasing aankyk (6) 4. Pak slae (6) 8. Europese wildsbok (5) 9. Die sing (4) 10. Baie sterk lig (8) 1 3. Element U (5) 15. Alleen (5) 18. Wisteria (8) 19. Probeer (4) 22. Net (5) 23. Kaapse musiekgroep (6) 24. Diersoort van Poolstreek (6) AF 1. Op gevaar wys (7) 2. Naamwoord (5) 3. Verordening (4) 5. Plotseling (7) 6. Vry van werk (5) 7. Pette (7) 1 1. Herken (4) 12. Moestas 14. Tropiese vrug (7) 16. Soort grondboor (7) 17. Bedsprei (7) 18. Vere laag aan voëls se bene (5) 20. Varkie (5) 21. Godin van natuurkrag (3) OPLOSSING DWARS: 1. Wonder; 4. Ransel; 8. Ibeks; 9. Sang; 10. Spreilig; 1 3. Uraan; 15. Enkel; 18. Bloureën; 19. Poog; 22. Slegs; 23. Klopse;…

Teen die hange van die Paarlberg in Suider-Paarl lê die gasteplaas Picardi waar besoekers snuisterye kan koop, weglê aan watertandgeregte, ’n perderit geniet of ’n geselligheid kan hou. Dit is op die einste plaas waar Charlotte en Herold Louw mekaar ontmoet het toe Charlotte saam met haar gesin, die Van Heerdens van Cradock, by die gasteplaas Picardi tuisgegaan het. Die gasteplaas word sedert 1985 deur Herold se ma, Lana, bedryf. Ná hul troue het Herold en Charlotte op hul Karooplaas, De Put (4 800 ha), met Dorpers geboer, maar vier jaar gelede het die egpaar terug getrek Paarl toe en die grond by Herold se pa, Louis, gehuur. Charlotte het haar op die plaasstal toegespits. “Ek is seker ’n entrepreneur in murg en been. As 10-jarige het ek my gunsteling-pop…

Anders as die hoofkarakter in Deon Meyer se jongste misdaadroman wat te hoog gevlieg en wie se jeugdige, ambisieuse vlerke verbrand het, het Suid-Afrika se onbetwiste meesterspeurskrywer hom weer tot in ’n onbetwiste kategorie ingeskryf. Meyer se werk verskyn immers nie om dowe neute in 20 tale nie. Hy vervleg ’n paar storielyne behendig: Soos die een van die internetghoeroe Ernst Richter, wat met die webwerf alibi.co.za ’n beroering in die land veroorsaak het deur te bewys dat vuurvaste bewysstukke vervals kan word sodat skelm verhoudings seepglad kan verloop. Aan die ander kant is daar die jong wynboer Francois du Toit se uitgerekte biegsessie by ’n advokaat, waarin sy betrokkenheid by Ernst se lewe broksgewys blootgelê word. ’n Groot deel van laasgenoemde storielyn is gegrond op ’n dekades oue wynskandaal…

LEKKERKRY OOR ANDER SE SWAARKRY DS. KOBUS VAN DER WESTHUYZEN Daar is ’n gesegde waaraan ons mekaar gerus meer dikwels moet herinner: “Moenie aan ander doen wat jy nie aan jouself gedoen wil hê nie.” Wie modder gooi se hande bly self nie skoon nie. “Niksdoen” is ook nie altyd ’n goeie keuse nie. Dit vrywaar jou nie van ’n moontlike aanklag nie. Christus het dit immers self gesê (Matt. 25:40). Om jouself op ’n skynbaar neutrale wyse net maar te verlustig in iemand se leed, maak jou reeds skuldig – miskien nie volgens die wette van die staat nie, maar beslis volgens die wet van God. Die kort profesie van Obadja raak juis hierdie saak aan. Dit begin met ’n striemende aanval op Edom. Hy was verlangs familie van…

LIGGING Dordrecht…

MNR. CARL VAN DER MERWE (27) van die landgoed Boplaas by Ceres is die Wes-Kaap se Jongboer van die Jaar. “Jong boere wat ten spyte van die vele uitdagings steeds kans sien om te boer, moet die sektor en al sy fasette laat voortbestaan,” het hy op die prysoorhandiging gesê. Van der Merwe boer met kernvrugte op Boplaas in die Koue-Bokkeveld. Boplaas is die oudste gesinsonderneming in Suid-Afrika en is die afgelope 272 jaar in die familie Van der Merwe se besit. Volgens Carl, die tiende generasie wat op die plaas boer, is hy gelukkig om sewe jaar saam met sy pa, Fanie, te kan boer. “Ek leer nog elke dag iets nuuts by hom en hy gee my goeie blootstelling. Elke dag ontvang ek nege voorgeslagte se ervaring en…

SUID-AFRIKA se besluitnemers sal daadwerklik ’n standpunt rondom die welsyn van die landboubedryf moet inneem, sê mnr. James Faber, voorsitter van die NoordKaapse Rooivleisprodusenteorganisasie (RPO). Faber het in sy voorsittersrede op die provinsie se kongres dit benadruk dat die rooivleisbedryf sekerheid nodig het waarsonder “broodnodige belegging” nie sal kan plaasvind nie. “ ’n Klimaat moet geskep word waarbinne ons produksie kan verhoog, volhoubaar produseer en werkgeleenthede skep,” sê Faber. “Die primêre landbou is een van die bepaalde bedrywe waar werk geskep moet word.” Hy het die rooivleisbedryf gemaan om meer produktief te raak om die uitwerking van die kosteknyptang te versag. “Die produsenteprys van rooivleis gaan onder druk bly weens die verbruiker se bestedingsvermoë wat versleg en toenemende inflasiedruk.” ■ Faber is vir nog ’n termyn in dié hoedanigheid herkies,…

ROOIVLEISPRO DUSENTE moet hul verantwoordelikheid vir voortgesette inentingsprogramme deurlopend deurvoer, het dr. Pieter Vervoort (FOTO), voorsitter van die nasionale dieregesondheidsforum, op die kongres gesê. Volgens hom word so min as 17% van alle beesverse in die land jaarliks teen brucellose ingeënt. Hy sê boere moet met die staat, hul plaaslike veeartse en hul medeboere saamwerk ter beskerming van die land se nasionale kudde en biosekuriteit. Vervoort het op ’n besprekingspunt oor entstowwe gesê produsente soek dikwels ’n “kitsoplossing” en beplan nie hul inentingsprogramme vooruit nie. “Bestel entstof vroegtydig by betroubare verskaffers,” het hy gesê. Vervoort het toegegee dat swak entstof soms versprei word, maar dit is nie algemene praktyk nie. “Produsente moet ook sorg dra dat die regte toedieningsprosedure van entstof gevolg word. Indien probleme met die toediening en benutting…

DIE prys van kalwers het hier en daar effens gestyg. Veilingspryse van Kroonstad was nie beskikbaar nie. Pryse word verskaf deur CMW/OVK (Kroonstad), BKB (Gouda) en GWK (Kimberley). Internasionaal: Die gemiddelde prys van mielies het met 0,1%, oftewel $0,16/t gestyg (R1,98/t), tot $140,54/t (R1 736/t). Op ’n jaargrondslag is dit 22,2%, oftewel $40,11/t (R495,36/t), laer. Verwagte pryse: Julie – $142,59/t (R1 761/t), September – $145,27/t (R1 794/t), Desember – $149,28/t (R1 844/t), Maart – $153,54/t (R1 896/t). Plaaslik: Die Safex-prys vir wit mielies het met 0,3%, oftewel R7/t, gestyg tot R2 727/t. Geel mielies het met 2,2%, oftewel R53/t, gestyg tot R2 430/t. Op ’n jaargrondslag is dit 49,4%, oftewel R902/t, hoër vir wit mielies, terwyl geel mielies 25,5%, oftewel R494/t, hoër is as in die ooreenstemmender tyd verlede jaar.…

ALGEMEEN 23 JUNIE: Gautengse jeugskou. Hoërskool Bekker, Magaliesburg. Nelmarie van Staden, e-pos: bon heim.drakensberger@gmail.com. 26-27 JUNIE: Victoria-Wes se wildsfees en duiwevlug. Victoria-Wes-skouterrein. Tel. 072 243 3597, of e-pos: vicweswildsfees@gmail.com. 1-4 JULIE: Mega Petex. Megapark, Bredasdorp. Pikkie Louw, sel 082 566 5880, of e-pos: pikkie@agri mega.co.za. 23-25 JULIE: Studente-ekspo. Greenstone-winkelsentrum, Johannesburg. Web: www.student-expo.com. 31 JULIE-1 AUGUSTUS: !Nabakos-en-wynfees, Upington. Sonja, sel 082 410 7669. Web: www.nabafoodandwine.co.za. 27-30 AUGUSTUS: Kaapse Blommeryk-ekspo. Megapark, Bredasdorp. Agri Mega. Eunice Joubert, sel 082 808 1114, of e-pos: eunicek@agrimega.co.za. Chris van Rhyn, tel. 021 863 0397, of e-pos: marke ting@capefloralkingdom.co.za. 16-19 SEPTEMBER: Agri-Megaweek. Megapark, Bredasdorp. Pikkie Louw, sel 082 566 5880, of e-pos: pikkie@agrimega.co.za. Reinette Basson, tel. 021 863 0397, of e-pos: reinette@agrimega.co.za. 15-17 OKTOBER: Agri-Expo Livestock 2015, Sandringham, Stellenbosch. Tel. 021 975 4440, of e-pos: admin@agriexpo.co.za. Web:…

Vanjaar was ’n moeilike jaar om ’n Suid-Afrikaanse rugby-ondersteuner te wees. Soos dinge nou staan, is die Stormers sekerlik die enigste plaaslike span wat nog ’n kans staan om die Super 15 se uitkloprondtes te haal. Ten minste was daar darem die Lions wat sonder enige groot name ’n paar rugbyreuse afgeslag het en heel aanskoulike rugby gespeel het. Hul kanniedood-houding het ’n mens darem weer die idee gegee dat daar tog iets spesiaals in ons rugby steek. Dis die gebrek aan daardie iets spesiaals – noem dit maar uitnemendheid – wat jou soms ’n bietjie onderkry in hierdie land van ons. Dis nie dat ons nie weet wat die probleme is, maar dis asof ons nie kan help om eerder om hulle te trippel as om net in te…

AUSTRALIË kan nie kers vashou by Suid-Afrika met melkproduksiestelsels en winsgewendheid nie. Só meen mnr. Basil Doonan, ’n onafhanklike melkplaaskonsultant van Tasmanië. Hy was een van die sprekers op die negende SA Large Herds-konferensie wat onlangs in Port Elizabeth aangebied is. Meer as 400 boere en bedryfsleiers het hierdie internasionale tweejaarlikse konferensie bygewoon. Doonan het die vergelyking tussen die twee lande se melkboere getref op grond van doeltreffende voerproduksie en voeromsetting; kuddegesondheid, reproduksie en koeivoeding; besigheidsbestuur (netto waarde en groei); arbeid en produktiwiteit. Die konferensie is vir die eerste keer in 1998 in Suid-Afrika aangebied met die oogmerk om tegniese en praktiese inligting aan melkboere te gee. “Sowat 15 jaar gelede was Suid-Afrikaanse melkboere nie mededingend in die wêreldkonteks nie. Hulle het produksiestelsels bedryf wat nie die natuurlike voordele van…

GROEPE Vrystaatse boere het die laaste ruk as deel van hul plaaslike veiligheidsnetwerke op ’n hele paar plekke ’n slag teen misdaad help slaan. By Verkykerskop, naby Harrismith, het ’n groep van omtrent 20 boere waarskynlik ’n plaaswerker se lewe gered toe hulle twee verdagtes vasgetrap het, terwyl hulle by haar huis probeer inkom het. Me. Alani Janeke, woordvoerder van Vrystaat Landbou (VL), sê mnr. Kobus Kriek, ondervoorsitter van die landbouvereniging Verkykerskop, se huishulp het hom op Dinsdag 2 Junie histeries gebel terwyl hy en medeboere by die dorp se skaapkrale byeengekom het. Sy het gesê aanvallers probeer by haar huis inkom en wil haar doodmaak. Sy het glo ’n paar dae vantevore ’n oproep ontvang met die waarskuwing dat iemand haar wil doodmaak weens ’n geskil tussen werkers. Die…

’N DEURBRAAK is op hande met ’n nuwe entstof teen hartwater by groot- en kleinvee. Registrasie en produksie kan dalk binne drie jaar plaasvind. Prof. Abdalla Latif, programbestuurder van parasiete, vektore en vektorgedraagde siektes by die Landbounavorsingsraad se Onderstepoort Veterinêre Instituut in Pretoria, het aan Landbouweekblad gesê dit sal ’n baie groot deurbraak vir Suid-Afrika wees as die entstof daardie stadium bereik. Hartwater is waarskynlik die grootste ekonomies belangrike veesiekte in die land en kos die veebedryf jaarliks sowat R400 miljoen. Dit word deur bont- en hartwaterbosluise oorgedra. Hy het gesê die entstof waaraan hulle werk, is die mees belowende een sover. Dit is reeds landwyd op 15 plekke getoets en die resultate is baie belowend met beskerming van tot 100%. “Ons samel tans data in vir registrasie as entstof,…

NAGENOEG 190 nuwe veeartse is die mikpunt van die Universiteit van Pretoria se fakulteit veeartsenykunde by Onderstepoort, het prof. Pete Irons, hoof van die departement produksiedierstudies en veterinêre programdirekteur, gesê. Sowat 130 nuwe veeartse voltooi jaarliks hul studie. Hierdie getal word nou met die aanmoediging vanuit regeringskringe verhoog om uiteindelik 190 veeartse per jaar op te lewer. Dit is die meeste studente wat hulle met die huidige geriewe kan hanteer. Die moontlikheid is nie uitgesluit dat ’n tweede veeartsenykundige fakulteit vorentoe die lig sal sien nie. Net sowat 30% van die studente is tans mans. Gemiddeld 50,4% van die studente spesialiseer in klein en skaars diere, 21,6% in plattelandse dienste en wild, 9,6% in perde, 8,8% in intensiewe dierproduksie, 5,6% in openbare gesondheid en staatsveterinêre medisyne en 4% in veeartsenykundige…

1 EGIPTE | Vryehandelsgebied bekend gestel ‘n Drieledige vryehandelsgebied, die Tripartite Free Trade Area (TFTA), is verlede week in Sharm el-Shaik, Egipte, op ’n beraad vir staatshoofde bekend gestel. Mnr. Rob Davies, Minister van Handel en Nywerheid, en mnr. Llewellyn Landers, Adjunkminister van Internasionale Betrekkinge en Samewerking, het die geleentheid bygewoon. Die vryehandelsgebied, wat 26 lande raak, volg ná vier jaar se onderhandelinge tussen die Suider-Afrikaanse Ontwikkelingsgemeenskap (SAOG), die Gemeenskapsmark vir Oos- en Suidelike Afrika (Comesa) en die Oos-Afrika-gemeenskap (EAC). Volgens die Departement van Handel en Nywerheid het die 26 lande ’n gesamentlike bevolking van 625 miljoen mense en ’n totale bruto binnelandse produk (BBP) van $1,6 biljoen. Davies sê die stigting van die TFTA word gevolg deur die begin van onderhandelings vir die stigting van ’n kontinentale vryehandelsgebied (CFTA).…

Die Wêreld Ekonomiese Forum (WEF) het vroeg in Junie sy Afrikaberaad in Kaapstad gehou om die vordering in ekonomiese groei op die vasteland onder die loep te neem. Die kollig is laat val op die faktore wat mededingendheid bepaal, en ontledings is gedoen oor ekonomiese groeivooruitsigte en waaraan aandag gegee moet word. In die ontledings en gesprekke is die klem geplaas op drie fokusgebiede, naamlik produktiwiteit in die landbou, die dienstesektor en hoe Afrika deel kan word van die wêreldwye aanbodkettings. Die aanbodkettings word toenemend gesien as die sleutel vir boere en bedrywe om toegang tot markte te kry. Dit beteken egter dat produkte aan wêreldstandaarde moet voldoen, wat navorsing, tegnologie, kundigheid en natuurlik goeie infrastruktuur impliseer. Die oogmerk is om bestaansboere te laat ontwikkel in kommersiële boere, want kommersiële…

Landbouweekblad het ’n lendeskyf by vier supermarkte in Pietermaritzburg gekoop. Ons het ook die onderskeie slagters hul mening gevra oor die klassifikasiestelsel en ’n moontlike graderingstelsel om hul klante in te lig. By Woolworths was daar nie ’n slagter in sig nie, maar deur slegs na die verpakking te kyk, kon ons reeds baie inligting oor die stuk vleis bekom. Die vleis is vir 28 dae verouder en op die etiket is voorbereidingsaanwysings vir optimale eetgenot aangebring. Omdat die ander drie supermarkte waar ons was, nie vryloop-vleis aanbied nie, het ons vir die eenselwigheid van die proef besluit om ook Woolworths se nie-vryloop-lendeskyf te koop. By Pick n Pay het ’n slaghuisbestuurder gesê slegs A1-vleis van ’n plaaslike voerkraal, AAA-meats, word gebruik. Aankope word elke twee tot drie dae gedoen…

Meat Standards Australia (MSA) is ’n eetgehalteprojek wat deur Meat and Livestock Australia Limited (MLA) ontwikkel is. Die MLA bestaan uit sowat 47 500 veeboere met belange in die onderneming. Die meeste van die MLA se finansiering kom van transaksieheffings op die verkope van lewende hawe. Die Australiese regering dra net soveel by as wat die MLA uit die transaksieheffings in navorsing en ontwikkeling belê. Die MSA-graderingstandaarde is reeds 15 jaar gelede ontwikkel deur 100 000 verbruikers aan 700 000 bees- en skaapvleismonsters te laat proe en dit dan te beoordeel. Die stelsel beoog om vir die verbruiker die raaiwerk uit die koop en gaarmaak van rooivleis uit die weg te ruim. Die stelsel oudit en akkrediteer alle belanghebbendes in die rooivleiswaardeketting en koppel hul handelsmerk aan alle produkte wat…

LIGGING Bloemfontein,Vrystaat KORTOM ■ Vier telers doen baanbrekerswerk om die Boerbok in Suid-Amerika te vestig. ■ Die grootste beperking op die uitvoer van lewende vleisbokke en embrio’s is die verbod wat geld ná die bek-enklou-status. ■ Daar is ’n tekort aan voldoende getalle kommersiële telers wat ’n konstante vleisproduksie kan handhaaf. Die wêreldskou van die Suid-Afrikaanse Boerboktelersvereniging (SABTV) in Bloemfontein het vanjaar uit sy nate gebars. Sedert die instelling daarvan in 1960 was dit een van die grootste skoue. In een klas, vir ramlammers van 55 kg tot 75 kg, is 83 inskrywings beoordeel. Altesame 1 082 vleisbokke – 790 Boerbokke en 292 Kalahari Reds – van 47 vertoners is ingeskryf. Gewoonlik wissel dié syfer tussen 1 050 en 1 100. Die onlangse xenofobiese aanvalle het egter ook ’n impak…

Die Nasionale Dieretuin van Suid-Afrika in Pretoria het ’n interdissiplinêre span wetenskaplikes wat waardevolle navorsing oor leeus doen. Dié dieretuin is ook deur die Suid-Afrikaanse Roofdiervereniging gevra om een van die diensverskaffers vir sy lede te wees. Hierdie wetenskaplikes bepaal onder meer wat die invloed van aanhouding op die genetiese aanpasbaarheid, die gesondheidstatus en die invloed van siektes en patogene organismes op leeus is. Teling, veral wat betref sperm- en vroulike voortplantingseienskappe, kry spesifieke aandag. Die dieretuin het ’n volledige databasis van algemene, genetiese en reproduksiegesondheid en biomateriaal vir verdere navorsing opgebou. Dié gegewens word op Wildlife Stud Services (WS2), die wildaantekeningsdiens, se databasis geplaas om in bestuursplanne vir die teel van leeus te gebruik. ’n Belangrike aspek van die navorsing is die bepaling van die semengehalte, wat geëvalueer word…

Herfssop Vullend, geurig, romerig en troostend – dié herfssop sal die koudste winterlyf kan warm maak. ■ 6 stukke spekvleis, fyn gesnipper ■ 30 ml olie ■ 2 stele seldery, fyn gesnipper ■ 2 groot wortels, geskraap en gesnipper ■ 1 ui, grof gekap ■ 5 ml kaneel ■ 3 ml neutmuskaat ■ 2 groot patats, geskil en in blokkies gesny ■ 2 groen appels, geskil, ontkern en in blokkies gesny ■ 1 klein botterskorsie, geskil, ontpit en in blokkies gesny ■ 1,75 liter hoender- of groenteaftreksel ■ Sout en vars gemaalde swartpeper na smaak ■ Paar lepels suurroom, om deur te roer ■ Fyngekapte tiemieblaartjies, om mee af te rond Braai die stukkies spekvleis in ’n bietjie olie tot gaar. Voeg die seldery, wortels, ui en speserye by en…

LIGGING Botrivier,Wes-Kaap Gabriëlskloof se hoofbestuurder, mnr. Barry Anderson, verduidelik hoekom ekstra suiwer olyfolie so wonderlik is. Vertel ons meer van die boerdery? Mnr. Bernhard Heyns het die plaas Avontuur (160 ha) in 2000 gekoop en dit toe herdoop na Gabriëlskloof, vernoem na die oorspronklike eienaar. Ons het wingerd op 70 ha en olywe op 19 ha. Sowat 50 ha is opsy gesit as natuurreservaat. Ons het drie olyfkultivars, Frantoio, Leccino, Coratino, en twee kruiskultivars, FS17 en CV 177, aangeplant. Ons oes 100 ton olywe en het verlede jaar 11 000 liter olie gemaak. Hoekom aard olywe so goed hier? Olyfbome floreer in ’n Mediterreense klimaat. Die olyfolie uit Botrivier vaar puik op kompetisies omdat hier min reën val. Dit is danksy die Bokkeveld-skaliegrond, die klimaat en die noukeurige produksieproses. Hoe…

geen mens is ’n eiland nie en ’n plant ook nie. Ná elke kosbare kuiernaweek met goeie vriende wat ’n inspuiting van gees, vars idees en samesyn na ons afgeleë plaaswerf bring, mymer ek vanmôre oor hoe noodsaaklik hierdie interaksie met diverse karakters vir my lewensgeluk is. Ons moderne mense bou ons grensdrade en mure ál hoër en stewiger om vreemdes (en selfs ongenooide of ontydige vriende) buite te hou. Hierdie individualistiese, begrensde manier van leef word weerspieël in ons boerderypraktyke (en in ons groentetuine op kleiner skaal). Reuseplase met uitgestrekte monokultuurwoestyne waaruit elke ongenooide vrywilligerplant en -insek tot elke prys uitgeroei moet word. Natuurlik is daar redes agter dié praktyke – skaalekonomie, die kosteknyptang, die mark, noem maar op. Ek probeer nie op tone trap nie en het groot…

DIE Royalskou se karkaskompetisie en veiling, wat gesamentlik deur Landbouweekblad, BKB en die Rooivleisprodusente-organisasie geborg word, het wéér vir ’n rekordprys en groot verrassings gesorg. Die beste beeskarkas op die skou is teen R150/kg opgeveil en daarmee is die vorige rekord van R110/kg verbeter. Die Bovelder-kruiskarkas wat deur Morgenthal Reds van Dundee geteel en deur die Universiteit van KwaZulu-Natal gevoer is, is deur die restaurant Oysterbox in Umhlanga Rocks, Durban, gekoop. Die beste skaapkarkas (’n Ile de France van me. Regina Harmse, Ermelo) is deur Willowton Meats van Durban teen R1 100/kg gekoop. Die beste groep van drie karkasse was drie Dorpers wat deur mnr. Gert Lotter van Hofmeyr geteel is. Die drie karkasse het ’n gemiddelde telling van 95,5 behaal. ’n Kompetisie vir die beste varkkarkasse is vanjaar die…

DIE NoordKaapse kleinveeprodusente g aan die rooivleisbedryf versoek dat tweetandlammers (AB) by die Aklassifikasie ingesluit word. Dié boere meen hulle word deur die ABklassifikasie benadeel. Weens ongerymdhede en ’n behoefte vir betreklik relatief jong slagdiere van goeie vleis wat pas gewissel het, is in 1999 besluit om die ABklas in te stel vir diere met 1 tot 2 tande. Mnr. H.G. Human van Agri Prieska sê dié insluiting sal die onreëlmatighede met die ABklassifikasie van kleinvee en die vasstelling van die produsenteprys verhoed. Volgens Human is die verskil in die produsenteprys tussen ongewisselde klas Alammers en tweetandlammers in klas AB sowat R12/kg. Dit beteken sowat R264 per tweetandlam van 22 kg en sowat R264 000 per trop van 1 000 lammers. Hy sê in ander gebiede buite die NoordKaap kan…

DIE vooruitsig vir die uitvoer van sagtesitrus en suurlemoene lyk belowend – ongeag swakker plaaslike ekonomiese vooruitsigte. ’n Vergelyking tussen die oppervlaktes aangeplant vir vanjaar teenoor verlede jaar toon dat die aanplantings onder sagtesitrus met 21% en vir suurlemoene met 13% toegeneem het. Volgens die SA Sitruskwekersvereniging verbou Suid-Afrika 25 564 ha (40%) Valencia-soort lemoene, 15 640 ha (24%) Nawel-soort lemoene, 8 798 ha (14%) pomelo’s, 7 722 ha (12%) sagtesitrus en 6 696 ha (10%) suurlemoene. Die toename in die oppervlakte onder sagtesitrus volg die hoër buitelandse vraag na sagtesitrus. Die uitvoer van suurlemoene het ook vanjaar teenoor die vorige twee jaar skerp toegeneem. Die voorlopige syfer toon dat die aantal verskeepte kartonhouers vir week 21 ’n toename toon van 3% vir sagtesitrus en 15% vir suurlemoene. Argentynse suurlemoenproduksie…

DIE prys van kool op die belangrikste varsproduktemarkte het die laaste weke gedaal nadat dit in April sowat R4 500/t behaal het. Dit was teen einde Mei nogtans 12% hoër as ’n jaar gelede, sê die bankgroep FNB in sy jongste AgriWeeklyverslag. Dié stewiger prysvlakke is desondanks groter volumes die laaste tyd op die mark. Teen einde Mei was is 1 357 ton weekliks gelewer, 8% meer as in die ooreenstemmende week ’n jaar gelede. FNB verwag dat die prys op kort termyn ietwat kan daal. Absa se voorspellers meen ook die prys mag op kort termyn sywaarts of laer beweeg weens hoër volumes wat in pas is met die gebruiklike seisoenale neiging. Die verwagte goeie verbruik mag wel pryse ondersteun, sê dié bank in sy jongste Agri Trendsverslag. Op…