Innehållsförteckning för 05 June 2015 från Landbouweekblad

In Suid-Afrika is daar min sektore wat kan “spog” met hoër vlakke van beleidsonstabiliteit en -onsekerheid as die landbousektor, skryf me. Thabi Nkosi, Agri SA se senior landbouekonoom, in ’n meningstuk in Weekliks. Reeds meer as twee dekades lank is daar dubbelsinnigheid oor elke liewe aspek wat vir die sukses van die bedryf belangrik is. Beleid oor kritieke aangeleenthede, soos grond, arbeid en handel, het nie die vereiste sekerheid vir die bedryf gebring nie en dit het ’n ernstige invloed op beleggings, produksie en werkskepping gehad. Sy sê vandag se ekonomiese klimaat is só broos dat selfs matige beleidsonsekerheid belegging en sakevertroue ’n knou kan gee. En terwyl die sektor in ’n afwaartse beleidspiraal vasgevang is, stel die Regering ambisieuse doelwitte vir die sektor se bydrae tot ekonomiese groei en…

■ Dohne-Merino bied beste van twee wêrelde ■ Palmoliekoek kan in kragvoer vir melkbeeste werk ■ Sojasukses met goeie plantvoeding ■ Geil oes van praktiese planne op Nampo GESIN ■ Boerekos: Maak staat op suurlemoen SPESIAAL ■ Afslaers WERKTUIE VanjaarhetditgewemelvanskottelêeopNampo–interessantén vreemdgegewedieopgangvanminimumbewerking. JanC. Greyling neemdrievandiegrootstes,soosdié6mHorschTigerMT-skeurploegskotteleg, onderoë.GaanhulleaanklankvindinSuid-Afrika?InAmerika hethullereedshulstaalgewys.…

MEI is verby, maar die reën bly weg in die Wes-Kaap. Boere sê as dit begin vandeesmaand nog kom reën, kan die graan wat in die grond is, daarby baat vind, maar die weidingsituasie gaan nie gou verbeter nie. Mnr. Dirk Hanekom, eienaar van die Korenhof-stoetery by Klipdale, het einde Mei gesê hy is nog nie so bekommerd oor die koring nie, maar bestee groot bedrae geld om voer vir sy skape te koop. Boonop het sy ooie almal reeds gelam. Hoewel hy die lammers vanjaar vroeër gespeen het, is daar “baie bekke” op sy plaas. Selfs al reën dit nou, sal die weidings eers teen Augustus weer begin groei. Hanekom sê hy koop al lusern, mielies en voergars in teen sowat R2 600 per ton. As die droogte lank…

DAAR is ’n groot aantal gebruikers van sosiale media wat nie noodwendig kommentaar lewer nie, maar langs dié weg ingelig raak oor kwessies, soos grondhervorming. D i é “ s t i l l e meerderheid” is in die algemeen gematig en optimisties oor die toekoms van Suid-Afrika, sê mnr. Gerdie Landman, melkboer van Kookhuis in die Oos-Kaap. Hy het onlangs op die Facebook-blad Landbou Sosiaal ’n lys van 12 punte geplaas oor wat mnr. Gwede Mantashe, sekretaris-generaal van die ANC, op ’n konferensie oor grondhervorming in Port Elizabeth gesê het. Mantashe het onder meer gesê die landboubedryf moet sy standpunte stel, want politici is wel gevoelig vir kritiek en luister meer as wat boere besef. Hy het ook gesê die rede waarom die Regering nie meer grond aan swart…

’N Aanval op die ministers in die ekonomiese groep oor hul stilswye oor mnr. Gugile Nkwinti, Minister van Landelike Ontwikkeling en Grondhervorming, se voorstelle vir grondplafonne het in die begrotingsdebat van die Departement van Handel en Nywerheid voortgeduur. Me. Dean Macpherson, die DA se skaduminister van handel en nywerheid, het dr. Rob Davies, Minister van Handel en Nywerheid, voor stok gekry oor sy stilswye rakende die voorgestelde grondplafon van 5 000 ha vir kommersiële plase. Sy het uitgewys dat landbouverwerking die grootste deel uitmaak van die verbeteringsprogram vir vervaardigingsmededingendheid (MCEP) wat in 2012 ingestel is. “Sover ek weet, het die minister nie ’n enkele woord gerep oor hoe rampspoedig dit vir die 2,5 miljoen mense sal wees wat in die landbou en sy ondersteuningsbedrywe werk nie.” Volgens haar het Davies…

UITSETTINGS in die Wes-Kaap, Mpumalanga, KwaZulu-Natal en die Vrystaat word met valkoë dopgehou. Die Departement van Landelike Ontwikkeling en Grondhervorming sê uitsettings is steeds ’n groot probleem. Mnr. Gugile Nkwinti, Minister van Landelike Ontwikkeling en Grondhervorming, het verlede jaar senior amptenare op ’n Wes-Kaapse feitesending gestuur ná bewerings van grootskaalse onwettige uitsettings. Die departement sê in die laaste kwartaal van verlede jaar moes hy as bemiddelaar optree om dispute op te los oor vee en begrafnisregte, maar verreweg die meeste sake was oor plaasuitsettings. Dit sluit uitsettings, onwettige uitsettings en dreigemente van uitsettings in. HANGENDE SAKE Sowat 70 van die 274 hangende sake in KwaZulu-Natal, 110 van die 144 sake in die Wes-Kaap en 55 van die 107 sake in Mpumalanga gaan oor plaasuitsettings. Plaasuitsettings blyk ook ’n groot probleem…

ONS het beurtkrag, maar beurtwater kan binne vier tot vyf jaar ook vir Suid-Afrika voorlê as waterhulpbronne en afloopwater nie beter bestuur word nie, het prof. Kobus van der Walt van die Noordwes-universiteit op die konferensie gesê. Groot slagplase gebruik 0,8 kl tot 1,8 kl water per beeseenheid. Kleiner slagplase gebruik sowat 0,3 kl tot 0,6 kl per eenheid. Hy verwag die vraag na water in Suid-Afrika sal teen 2020 die aanbod daarvan oorskry. In Suid-Afrika skep die rooivleis- en slagplaasbedryf volgens 2013 se syfers tot 143 000 ton vastestof-afval en 3,7 miljoen m3 afloopwater, maar die bedryf gebruik 4,6 miljoen m3. “Die Suid-Afrikaanse slagplaasbedryf moet vanuit ’n omgewingsperspektief begin dink. Afvalprodukte kan as ’n energiebron (soos biogas) gebruik word, pleks van om weggespoel te word,” het Van der Walt…

UITVOERSYFERS vir die eerste nege maande van die seisoen (vanaf Julie verlede jaar tot Maart vanjaar) toon dat China sy markaandeel vergroot het en meer wol as verlede seisoen ingevoer het. Hoewel vetwolinvoer met net 14% gestyg het, het die uitvoer van kambol skerp toegeneem. Waar China net 31 890 kg in die vorige seisoen ingevoer het, het die volume dié seisoen tot 174 767 kg toegeneem. Dit is ’n allemintige styging van 448%. Die volume gewaste wol wat soontoe verskeep is, was feitlik onveranderd. As persentasie van die totale waarde van woluitvoer beloop China se aandeel nou 68,6% teenoor 59,7% verlede seisoen. Hoewel die volume wol wat na die Tsjeggiese Republiek verskeep is, met 39% vergeleke met dieselfde tydperk verlede seisoen gedaal het, bly dié land die naasgrootste invoerder…

Die feit dat die rand-wisselkoers verswak het met die aankondiging in Mei dat die Reserwebank rentekoerse nie gaan verhoog nie, dui op die internasionale mark se siening dat beleggers net geld in Suid-Afrika sal belê as rentekoerse hulle genoeg vergoed vir die ongunstige ekonomiese persepsie oor Suid-Afrika se pad vorentoe. Onthou, as meer geld uit Suid-Afrika vloei as wat die land binnekom, verswak die rand-wisselkoers. Natuurlik raak die risiko’s ál groter. Die algemene persepsie is dat Amerika sy rentekoers voor die einde van vanjaar gaan verhoog. Dit maak dit beslis aantrekliker vir beleggers om hul geld terug te neem na Amerika. Die waarheid is dat Suid-Afrika sowat R200 miljard se buitelandse kapitaal per jaar nodig het om te betaal vir die tekort op die lopende rekening (dit beteken betalings vir…

PLAASINLIGTING LIGGING: Arlington,Vrystaat NAAM: Woodview GROOTTE: 3500ha,waarvan 1500hasaailandeendieres gemengdesoetveld VERTAKKINGS: Wagyu-stoeterymet400 vroulikediere;Angus-stoetery(eenvandieoudstesin dieland)met300vroulikediere,waarvandiemeeste rooiis;kommersiëleMerino-kuddemet900ooie; voerkraal;ontbeningsaanleg;saaierymetmielies, waarvanookkuilvoergemaakword;hawer;enlusern. KORTOM ■ Mnr. Brian Angus het in 1998 die eerste Wagyu-embrio’s na Suid-Afrika ingevoer. ■ Sedertdien het die vraag na hul gesogte Wagyu-vleis só sterk gegroei dat hulle byna nie kan voorbly om te voorsien nie. ■ Die hele gesin is deesdae by die boerdery betrokke. Hulle het pas ’n eie ontbeningsaanleg, wat uiteindelik op die uitvoermark gerig is, op die plaas gebou en in bedryf gestel. ■ Hy glo daar is nog groot groeipotensiaal. Tot R950/kg. Dís hoeveel Kapenaars deesdae bereid is om vir ’n stukkie Wagyu-vleis op te dok, vertel mnr. Brian Angus, bekende veeboer van Arlington in die Oos-Vrystaat. Die R110/kg vir burgerfrikkadelle en R400/kg tot R500/kg vir keursnitte wat hy…

Wagyu-beeste word al honderde jare lank in Japan geteel en is in dié land ’n verklaarde nasionale skat. Baie jare lank mag net die keiser, sy gesin en sy elitesoldate, die Samurai, Wagyuvleis geëet het. Nadat die eerste 250 Wagyu-beeste in die vroeë 1980’s uit Japan uitgevoer is, het die land se regering sulke uitvoer onwettig gemaak. Daardie telers is ook uit hul genootskap van sowat 30 000 telers geskop, vertel mnr. Brian Angus. Hy het sy eerste embrio’s uit Amerika ingevoer. Die Japannese het dié buitengewone ras met uitsonderlike sorg en aandag ontwikkel en eerder op gehalte as die hoeveelheid vleis klem gelê. Hulle het die diere byvoorbeeld met bier gevoer. Japannese Wagyu-vleis, wat ook as Kobe-vleis bekend staan, het die afgelope jare internasionaal in gewildheid toegeneem – onder…

Op baie plase sien jy ’n vierwielmotorfiets op volle vaart waarmee beeste aangekeer word. Ek wens daar kom wetgewing wat dit verbied. ’n Vierwielmotorfiets is ’n waardevolle werktuig om lekke aan te ry of om vinniger as met die voet te beweeg of om op ’n plek uit te kom waar jy moeilik met ’n bakkie kan ry, maar die verkeerde gebruik van dié bruikbare werktuig is ’n onding. Die laespanning-hantering van vee is tot voordeel van mens en dier. Die ou mense het altyd gesê moenie ’n dier bederf nie. Wat hulle eintlik gesê het, is moenie diere verkeerd hanteer nie en maak seker jou geriewe is nie die oorsaak van die bederf nie. Maak seker jou geriewe is sodanig dat jy diere maklik en met min stres kan…

PRYS OP AANVRAAG SKOONMAAK-ENBEROKINGSMIDDEL RAAK ONTSLAE VAN GOGGAS IN JOU GRASDAK Thatch VacSpray is ’n nuwe produk en diens wat grasdakke maklik skoonmaak en berook. Die Departement van Landbou, Bosbou en Visserye het die berokingsmiddel Thatch VacSpray goedgekeur. Dit is die enigste geregistreerde berokingsmiddel vir grasdakke (reg.no. L7765, Wet 36 van 1947). Thatch VacSpray het 12 jaar ondervinding in die beroking van grasdakke. Die maatskappy sê die middel werk die beste as die grasdak eers skoongemaak word voor beroking plaasvind. Die berokingsmiddel is veilig en die proses is stil en skoon. Dit word vinnig aangewend, werk dadelik en hou ses maande lank. Mense hoef hul huise net 40 minute tot 60 minute lank te verlaat. Nadat die dak behandel is, word alle insekte wat daarin gevind is, geïdentifiseer, terwyl die…

“raak jou pa nie gatvol as hulle vir ’n naweek Kaap toe kom en jou ma wil al wat ’n plant is, saam terugpiekel nie?” het kêrelman my een slag gevra. My ouers het ’n naweek op Stellenbosch kom kuier en ons was die gelukkige wenners van allerlei skatte uit Kirstenbosch se kwekery (Pa se aankope, let wel) toe einste ouers besef hulle kan nie elkeen met twee potte malvas op die skoot op die vliegtuig klim nie. Waarskynlik omdat hul skoot reeds vol boeke en wyn was. Een van hulle sou wel iewers ’n skelm malvasteggie afgebreek en versteek het. Hulle sou dan met sulke skuldige gesigte deur die doeane beweeg dat hulle van ernstige misdrywe verdink kon word. Nou reis ons in dieselfde oorvol, onelegante styl. Ry gou…

LIGGING Cradock, Oos-Kaap ■ GROOT SPORT(S): Die Visrivier-kanomarathon vind jaarliks in Oktober plaas en trek duisende besoekers van regoor die wêreld. Watersport op die rivier is egter nie tot Oktober beperk nie, en almal wat van die somerhitte wil ontsnap geniet ’n dag langs die rivier. Diegene wat ’n potjie gholf geniet kan gerus hul gholfstokke inpak. Die Cradock-gholfklub staan bekend as die gholfklub met die beste binnelandse grasbaan in die Oos-Kaap. ■ GESKIEDKUNDIGE SKATKIS: Vir geskiedenis-liefhebbers is daar baie om in die omgewing te sien. In die dorp se begraafplaas is grafte van Britse soldate wat gedurende die Anglo-Boereoorlog in die omgewing gesneuwel het. Ook die graf van Reginald Koettlitz, ’n Poolse ondekkingsreisiger, trek baie aandag. Sanrotstekeninge is ook volop in die kontrei. ■ PANORAMIESE UITSIG: Oukop, ’n uitkykpunt…

Sowat 300 gaste het by The Cradle naby Lanseria in Gauteng opgedaag om die Slow Meat-geleentheid by te woon. Dié geleentheid is deel van die Slow Food-beweging. Die klem is op gesonde, natuurlike kosvoorbereiding sonder moderne produksie-en verwerkingsprosesse. ’n Afrikanerbees wat op natuurlike veld grootgemaak is, is geslag en alle snitte en afval is opgedis. Die uitgesoekte groep sjefs het tien tafels beman wat alles van niertjies, tong en hart tot vleissnitte, soos kruisskyf en beeshaas, bedien het. Gaste het hul gunsteling veldvleisdisse gekies en die beste sjef van die dag was Phil de Villiers van 54 on Bath in Rosebank. Hy sal die Suid-Afrikaanse afvaardiging na die 2016 Salon del Gustokosfees in Italië vergesel as deel van sy prys. Telers van Nguni’s en Afrikaners was ook daar. Mnre. Adrian…

VOOR die Oeskattingskomitee sy vierde skatting bekend gemaak het, het talle organisasies meningsopnames uit die verskillende provinsies saamgestel. Van dié menings het daarop gedui dat die oesskatting onveranderd en tot soveel as nagenoeg 170 000 ton laer sou wees. Die Oesskattingskomitee het egter SuidAfrika se totale mielieoes op 9 840 050 ton geskat – 77 500 ton (0,8%) meer as die derde skatting van 9 762 550 ton. Die produksie van mielies is in die Vrystaat 71 000 ton hoër as die derde skatting. In KwaZuluNatal is die oes effens – met 6 500 ton – tot 488 000 ton aangepas. Die skatting vir die ander provinsies is onveranderd gehou. Boere het sedert begin Maart tot 15 Mei vanjaar reeds 1 102 958 ton mielies gelewer teenoor 1 106 828…

MELKBOKBOERE sal bokke se vermoë om ruvoer in melk om te sit, nóg beter moet gebruik. Dit is omdat droogte en die uitvoer van lusern na die Verenigde Arabiese Emirate ’n groot invloed op die prys en verkrygbaarheid van voer het, sê mnr. Donald Mouton, ’n raadslid van die Suid-Afrikaanse Melkboktelersvereniging. Boere moet bokke selekteer wat in hul omstandighede of met die beskikbare voer sal presteer. Melkbokke se vermoë vir lang laktasie moet ook beter gebruik word. ’n Ooi- of ramlam met die regte gene verkoop op speenouderdom vanaf R800 tot R1 000, ’n bokkie van 6 tot 7 maande, wat reg is om gedek te word, vanaf R2 500 en jaar oud ooie en ramme vanaf R3 500. Die beskikbaarheid van nuwe teelmateriaal bly ’n probleem omdat teelmateriaal net…

Landbou-organisasies, boereverenigings, ens., is welkom om die datums van hul byeenkomste aan ons te stuur vir publikasie in Landboukalender. Die besonderhede moet gestuur word aan: Landbouweekblad, faks: 021 406 2940. E-pos: jeandre.dupreez@landbou.com. ALGEMEEN 4-5 JUNIE: Fine brandy fusion. Konferensiesentrum, Sandton. Danie Pretorius, e-pos: danie@sabrandy.co.za, of info@brandyfusion.co.za. Web: www.brandy fusion.co.za. 6 JUNIE: Suid-Afrikaanse mampoerfees. Willem Prinsloo-landboumuseum. Tel. 012 736 2035/6, e-pos: info@mampoerfees.co.za. Web: www.mampoerfees.co.za. 23 JUNIE: Gautengse jeugskou. Hoërskool Bekker, Magaliesburg. Nelmarie van Staden, e-pos: bon heim.drakensberger@gmail.com. 26-27 JUNIE: Victoria-Wes se wildsfees en duiwevlug. Victoria-Wes-skouterrein. Tel. 072 243 3597, of e-pos: vicweswildsfees@gmail.com. 1-4 JULIE: Mega Petex. Megapark, Bredasdorp. Pikkie Louw, sel 082 566 5880, of e-pos: pikkie@agrimega.co.za. 23-25 JULIE: Studente-ekspo. Greenstone-winkelsentrum, Johannesburg. Web: www.student-expo.com. 31 JULIE-1 AUGUSTUS: !Nabakos-en-wynfees, Upington. Sonja, sel 082 410 7669. Web: www.nabafoodandwine.co.za. 27-30 AUGUSTUS: Kaapse Blommeryk-ekspo. Megapark,…

170 000 l/HA ’n Humus-toename van net 1% beteken grond kan 170 000 liter water per hektaar meer opberg, sê mnr. Graeme Sait van Australië wat pas seminare oor grondgesondheid in Suid-Afrika aangebied het. Hy noem humus, die organiese materiaal in grond, die belangrikste waterbestuurhulpmiddel. Die korrekte balans tussen mineraalelemente word minder belangrik as grond baie organiese materiaal bevat. 25,3% Die nasionale energie-reguleerder, Nersa, moet teen einde Junie besluit of ’n bykomende 12,6% tariefverhoging aan Eskom toegestaan gaan word. Elektrisiteitstariewe is reeds vanjaar met 12,67% verhoog en die bykomende verhoging sal dit vir 2015/’16 op 25,3% te staan bring. Só ’n verhoging sal beteken dat inflasie tot bó die 6%-teiken beweeg en dat rentekoerse verhoog sal word. Die DA het ’n parlementêre debat daaroor gevra. – DA $165 MILJARD China…

‘Ons stem almal saam oor wát gedoen moet word, maar ons moet nog saamstem oor hóé ons daardie dinge moet doen. Ons het ’n bietjie magic nodig.’ Prof. Mohammad Karaan kyk terug na sy werk in die Nasionale Beplanningskommissie. Bl. 19 ‘Hulle soek my grond.’ Mnr. Arno Raath, ’n boer en wildvanger van Hluhluwe, nadat ’n buurgemeenskap 51 stuks wild met pangas en knopkieries op sy plaas doodgekap het. Bl. 14 ‘Praat eerder met ons as om na die howe te gaan.’ Mnr. Senzeni Zokwana, Landbouminister, aan boere by die konferensie van die Rooivleis-abattoirvereniging. Bl. 24 ‘Ons het verwag dat die minister na ons toe sou terugkom met ’n gekonsolideerde voorstel uit die bydraes, maar dit het nie gebeur nie.’ Mnr. Mike Mlengana van Afasa, oor mnr. Gugile Nkwinti se…

WIE IS IN BEHEER? Wie is werklik in beheer in Suid-Afrika? Dit is ’n vraag wat al hoe meer na vore kom. Die herrie oor grondplafonne is ’n sprekende voorbeeld. Aan die een kant staan mnr. Gugile Nkwinti onwrikbaar by sy standpunt dat grondplafonne noodsaaklik vir billike grondherverdeling is. Aan die ander kant sê landbouminister Senzeni Zokwana geen mandaat aan ’n minister behoort van so ’n aard te wees dat dit onsekerheid in die landbou skep nie. En dan kom daar die derde stem van mnr. Gwede Mantashe wat sê die Regering se beleidsvoorstelle is nie in beton gegiet as boere met beter, werkbare voorstelle vorendag kom nie. Dié chaotiese situasie is waarskynlik die gevolg van gebrekkige koördinasie binne die Regering. Daar word al van 2005 af oor grondplafonne gepraat,…

DIE vrekte van 27 beeste van die Mbletshe-gemeenskap buite Hluhluwe was die laaste strooi vir ’n gefrustreerde gemeenskap. “Die gemeenskap het reeds in 1998 grondeise vir die plase om die gemeenskap ingedien, maar steeds het daar niks van gekom nie,” sê mnr. Peter-John Hassard, voorsitter van die landbouvereniging Hluhluwe. Na bewering het die beeste aan ureumvergiftiging gevrek op mnr. Arno Raath se plaas, wat aan die gemeenskap grens. Twee dae later het die gemeenskap die plaas binnegeval en 51 stuks wild met pangas en knopkieries doodgeslaan. Volgens Hassard was die vrekte van die beeste slegs die kapstok waaraan dié gemeenskap hul woede en frustrasie oor grondeise kon hang. “Meer as tien jaar gelede reeds het ons kommersiële boere met die Departement van Grondsake gaan onderhandel en drie verskillende sakemodelle aan…

AL is die deur nog nie finaal toe vir gesprekke oor grondplafonne nie, wil dit voorkom of die onderskeie partye nie hul standpunte daaroor gaan verander nie en of die kwessie uiteindelik in die Grondwethof sal draai. ’n Geslote vergadering in Pretoria deur mnr. Gugile Nwkinti, Minister van Landelike Ontwikkeling en Grondhervorming, om die landbousektor se kwellinge oor uitlatings in sy begrotingsrede te bespreek, het grootliks op ’n dooie punt uitgeloop. Nkwinti het volgehou plafonne is noodsaaklik vir billike grondherverdeling in Suid-Afrika en het aangedui dat hy bereid is om die kwessie in die Grondwethof te laat toets. Agri SA, Afasa, Agbiz en Graan SA was dit eens dat die voorgestelde plafonne van 1 000 ha vir kleinskaalse kommersiële plase, 2 500 ha vir mediumgroot plase en 5 000 ha…

WAT WAS NUUT EN HOOGTEPUNTE? Daar is eintlik te veel om te noem. Nuwe toevoegings, soos die saadplotte, tentehotel en die trekker-en-waentjie-vervoerstelsel, was doeltreffend. Die afslaerskompetisie was nuut en baie geslaag. Ondanks tandekryprobleme het ’n nuwe elektroniese toegangskaartjiestelsel op die ou einde goed gewerk. ’n Grondslag is ook vanjaar gelê met die Nampo-rekenaartoepassing wat skou-inligting aan uitstallers en besoekers beskikbaar gestel het. HET DIE DROOGTE ’N DEMPER GEPLAAS? Die getal besoekers was amper dieselfde as verlede jaar. Om volhoubaar te kan boer, moet boere tred hou met die nuutste tegnologie. Daar was meer kommervrae en knelpunte rondom grondhervorming as droogte. Tog kwel albei kwessies boere. VOLGENDE JAAR IS DIE 50STE OESDAG. WAT KAN ONS VERWAG? Ons wil altyd verbeter op wat reeds daar is. Die vervoerstelsel en die Nampo-rekenaartoep sal…

1 MOSAMBIEK | Kritiek op landbouplan Die Mosambiekse regering oorweeg ’n plan om 240 000 ha vrugbare landbougrond aan beleggers te verhuur. Dit sal veroorsaak dat 100 000 plaaslike inwoners verskuif moet word, sê aktiviste en akademici oor ’n gelekte dokument oor dié plan. Hulle sê volgens die plan vir die ontwikkeling van die Lurioriviervallei in die noordooste van die land word beoog om met katoen, mielies, suikerriet en vee te boer, asook om etanol te vervaardig. Mnr. Clemente Ntauazi, navorser vir ’n opposisiegroep, sê 500 000 mense sal nadelig geraak word. Die projek sal na raming $4,2 miljard (R50 miljard) kos – ’n bedrag wat Mosambiek nie sonder beleggers van buite kan bekostig nie, sê Ntauazi. Die landbouprojek volg op nóg ander buitelandse projekte wat volgens ondersteuners werksgeleenthede en…

Wolpryse het die hoogte in geskiet ná ’n oplewing in die vraag uit veral China. Gevolglik het Cape Wools se Merinoaanwyser teen middel Mei tot sy hoogste vlak nóg gestyg en op R132,02/kg (skoonwol) gesluit ( GRAFIEK 1 ). Dit is ’n styging van 18,3% teenoor die openingsveiling en 13,4% hoër as op die ooreenstemmende veiling verlede seisoen. Die styging op die plaaslike mark is in ooreenstemming met die Australiese mark waar die aanwyser nou op sy hoogste vlak in drie jaar staan ( GRAFIEK 2 ). ’n Oplewing in China se binnelandse vraag na wol het verder stukrag aan die mark verleen. Die hernieude belangstelling volg nadat dié land se sentrale bank besluit het om meer krediet beskikbaar te stel. Die verkryging van krediet is ’n voortdurende probleem vir…

’n Elektriese ingenieur van Pretoria het ’n toestel ontwerp wat veel goedkoper as ’n elektriese heining is en alarm maak sodra daar tot 800 m weg met ’n heining gepeuter word. Mnr. Ernst Pretorius se Draadsitter is ook met ’n termometer toegerus wat teen veldbrande waarsku. Met die hulp van die Draadsitter kan ’n betreder blitsig aangekeer word voor hy skade aanrig omdat dit presies wys waar hy deur of oor ’n draad is. Ernst sê hy het twee jaar gelede die plan gekry nadat hy ’n boerevriend op sy plaas besoek het. Die Draadsitter werk met batterye wat tot drie jaar lank hou. Een sensor behoort sowat R6 600 te kos, en as sensors 200 m uit mekaar op heiningpale geïnstalleer word, sal dit byna R330 000 kos om…

nLeser vra wat haar te doen staan nadat die eksekuteur in haar pa se boedel sedert 2011 “nog niks” gedoen het nie. Sy is in die testament as eksekuteur benoem en het toe ’n rekenmeester genader wat die aanstelling as eksekuteur aanvaar het. Hy was die goedkoopste met ’n tarief van 1%. Sy wil nou van hom ontslae raak en die boedel vir ’n prokureur gee, maar ál die prokureurs werk teen ’n tarief van 3,5%, en sy meen dit is te duur. Ek wil nie onsimpatiek klink nie, maar hier lê jou probleem: Koop goedkoop, en jy gaan goedkoop diens kry. Dit gaan my verstand te bowe dat mense hul bates wat oor ’n lewe lank opgebou is, aan die goedkoopste diensverskaffer toevertrou of ’n familielid as eksekuteur aanstel…

Daar is op enige tydstip minstens 180 diere in die voerkraal op Woodview, hoofsaaklik osse wat gewoonlik 12 maande lank gevoer word. Die voerkraal se vermoë kan veral in die winter, wanneer die natuurlike weiding min raak, tot 300 diere verhoog word. “Soos die diere uitgeslag word, word hulle deur jonger diere vervang. Hulle word só gevoer dat hul gemiddelde daaglikse gewigstoename 1 kg is. Hulle moenie té vinnig groei nie om die spinnerak-agtige verspreiding van vet in die vleis te optimaliseer,” sê Brian. “Dit is hoekom die vleis so duur is. Maar die vetmaakproses verleen ’n besonderse smaak aan die Wagyu-vleis.” Die diere kry ’n spesiale rantsoen met heelwat ruvoer in om te keer dat hulle te vinnig groei. Net 3% van die jaarlikse aanwas van bulkalwers word as…

Ná pres. Jacob Zuma se laaste staatsrede en onlangse uitsprake oor die grondplafonne in Suid-Afrika is die plaaslike politieke klimaat weer onstuimig. Ná ’n onlangse kuier in Suid-Afrika in Maart, waartydens ek boere gaan besoek het wat almal met dieselfde kwessies worstel, kon ek die onderliggende onsekerheid by almal agterkom. Almal bespiegel oor die ANC se volgende stap en wat die boere se volgende stap moet wees om by te bly met die besluite wat die politieke leiers neem. Wat is die beste strategiese besluit vir jou boerdery-onderneming? Gaan jy nog grond bykoop, waarde toevoeg op jou huidige grond, of konsolideer en kyk wat gebeur? Vele boere vra natuurlik die vraag of hulle alles moet verkoop en hul tasse pak vir Australië, Nieu-Seeland of Kanada. Ná bykans vier jaar in…

“In Suid-Afrika is dit ’n relatief nuwe praktyk om tamatieplante te ent. Ons ent reeds ’n paar miljoen saailinge per jaar op beter onderstamme en die mark daarvoor groei sterk,” verduidelik me. Eloise Maartens, nasionale verkoopsbestuurder van Hishtil-kwekery. “Die geënte gewasse word in strukture (onder nette of in kweekhuise) geplant. Daarom is die moontlikhede vir rotasie beperk en grondsiektes vermeerder in die areas. In sekere toestande kan onderstamme die siektes die hoof bied.” Die kwekery ent ook soetrissies, komkommers en waatlemoene op kommersiële skaal en eksperimenteer met spanspekke en papajas. Waatlemoen is die enigste geënte gewas wat op oop landerye verbou word. “Vir ’n boer is die belangrikste kenmerk van enige onderstok sy vermoë om spesifieke grondgedraagde siektes te weerstaan. Onderstokke het ook ander voordele, soos beter groeikrag, groter oeste…

michael.burgess80@gmail.com PLAASINLIGTING LIGGING: Zastron, Vrystaat Die slagveld by Kwaggafontein, ook bekend as Elandskloof, is ’n beskeie plek: Hier is geen monument en geen grafte nie. Net hier en daar ’n paar bosse en klippe in die veld waar soveel bloed gedurende die Anglo-Boereoorlog van 1899-1902 gevloei het. My gids, die plaaslike geskiedkundige Thabo Kruger, het baie ure lank die gebeure rondom die omstrede botsing nagevors – hy het selfs die terrein met metaalverklikkers gefynkam op soek na artefakte. Onder sy vondste tel ’n Britse militêre kruis wat hy nege jaar gelede gevind het. “Jinne, maar ek het hoog gespring!” sê hy oor die oomblik toe die toestel aan die skree gaan bo die kruis van Driver J. Hagan, een van die niksvermoedende Britse soldate wat daardie nag van 20 September…

GRABOUW VRUGTEMENSE HERDENK VESTIGING VAN DIE EERSTE APPELBOOM IN SA Die eerste appelbome aan die Kaap is volgens Jan van Riebeeck se dagjoernaal op 17 April 1652 gevestig. Om dié historiese geleentheid te herdenk, is ’n saffraanappelboom op 17 April vanjaar op die geskiedkundige Oak Valleylandgoed by Grabouw geplant. Die steggie van dié boompie kom van ’n saffraanboom wat vandag nog in die Kompanjiestuin in die middestad van Kaapstad staan. Dit is een van die bome wat Jan van Riebeeck geplant het. Talle oorspronklike appelkultivars wat in die vorige drie eeue gewilde kultivars in SuidAfrika was, maar lank nie meer geplant word nie, is op die Oak Valleylandgoed gevestig. Hier plant me. Stephanie Botha, nasionale appelenpeerkoper van Freshmark, die boompie, terwyl mnr. Roelf Pienaar, besturende direkteur van TruCape, haar help.…

Volgens die QSrangstelsel tel die US onder die wêreld se eliteinstellings in 10 van 36 vakke. Dié gesaghebbende, jaarlikse ranglys is ’n nuttige riglyn vir voornemende studente wêreldwyd oor watter universiteite die gesogste en invloedrykste instellings in hul gekose studieveld is. Instellings word gemeet aan hul akademiese reputasie, hoe hoog hulle deur werkgewers geag word en hul navorsingsimpak. Volgens prof. Danie Brink, waarnemende dekaan van die fakulteit landbouwetenskappe, is die resultate ’n aanduiding van die gehalte en toegepaste aard van navorsing wat in die fakulteit gedoen word. Hy het personeel, medewerkers en nagraadse studente bedank vir hul bydrae om Stellenbosch aan die voorpunt van landbounavorsing te plaas. “Ons wil toenemend ’n rol in die landbou in Suid-Afrika en in Afrika speel. Deur ons navorsing en opleiding wil ons bydra tot…

DIE prys van kalwers het nie veel verander nie, maar daar is ’n ooraanbod. Die prys van Ben Cgraad het gestyg. Pryse word verskaf deur CMW/OVK (Kroonstad), BKB (Gouda) en GWK (Kimberley). Internasionaal: Die gemiddelde prys van mielies het met 1,7%, oftewel $2,35/t (R27,89/t), gestyg tot $143,33/t (R1 701/t). Op ’n jaargrondslag is dit 23,7%, oftewel $44,46/t (R527,74/t), laer. Verwagte pryse: Julie – $142,28/t (R1 689/t), September – $144,95/t (R1 721/t), Desember – $149,21/t (R1 771/t), Maart – $153,30/t (R1 820/t). Plaaslik: Die Safex-prys vir wit mielies het met 1,7%, oftewel R48/t, gestyg tot R2 834/t. Geel mielies het met 2,1%, oftewel R50/t, gestyg tot R2 440/t. Op ’n jaargrondslag is dit 47,1%, oftewel R908/t, hoër vir wit mielies, terwyl geel mielies 21%, oftewel R424/t, hoër is as in die…

Te oordeel na die goeie vraag en buitengewoon hoë pryse wat boere bereid is om vir topwolskaapooie te betaal, wil dit voorkom of boere hulle nie te veel aan die uiteenlopende en verwarrende politieke uitsprake in die land steur nie. Mnr. J.J. van der Watt, bemarkingsbestuurder van BKB op Cradock, meen die betreklik goeie klimaatstoestande en goeie wolpryse het ook ’n groot rol gespeel dat meer ramme en ooie op die veeveilings in sy bedieningsgebied aangebied is. Sy bedieningingsgebied dek die Karoo en Suid-Vrystaat vanaf Januarie tot einde Mei. Op die sowat 30 veilings wat hy aangebied het, is 3 313 ramme en 23 159 ooie verkoop. Hy sê ofskoon die pryse in die meeste gevalle baie dieselfde as verlede jaar was, was daar beslis ’n beter vraag. “Op sommige…

JULIE LUTZVILLE 30 Julie-1 Augustus, Lutzville-skou. (Streek: Dorper en Wit Dorper), Benede-Olifantsrivier-perdekampioenskap. Perde, 083 398 0899. Kraampies, 083 620 2294. E-pos: jeanette afox@gmail.com. POTCHEFSTROOM 31 Julie-1 Augustus, AgriWorks-landbou-ekspo. Trimpark, Potchefstroom. Tel. 021 854 4700, web: www.agriworks.co.za, epos: info@cadek.co.za. AUGUSTUS GEORGE 27-29, Outeniqua-skou. Saalperd-klubskou, Kaapse Boerperd, SA Boerperd en algemeen, André, sel 072 510 0099. Melkbeeste, Nico, sel 083 635 9907. Vleisbeeste, Tinnie, sel 083 367 8596. Angus-veiling, Leon, sel 082 335 3094. Jeugskou, Jurie, sel 082 333 6646. Skape, Pieter, sel 082 825 3890. Pluimvee, Willie, sel 072 905 5858. Huisvlyt, kraampies, Susan/Dennis, sel 082 881 3305. Web: www.georgelandbouskou.com. Gert Pretorius, sel 082 784 9572, of tel. 044 873 4165. SEPTEMBER MIDDELBURG 4-6, Hartland-landbouskou. Middelburg, Mpumalanga. Catrien Muller, sel 079 882 5207, of e-pos: accom3@pienaardamresort.co.za. MOORREESBURG 9-12, Swartland-skou. Ian Koch,…

Daar’s mos party goed wat ’n mens eenvoudig nie met familie kan bespreek nie, soos daardie harde eerlikhede waaroor jy al vir jare wil kop skoonmaak. Dis gewoonlik ook die rede hoekom ooglopend sterk familieboerderye ten gronde gaan wanneer die familie aan die stry raak. Wanneer emosies eers op loop gaan, kan dit bykans onmoontlik raak om die eenvoudigste probleme te pak. Die ironie is dat dit gewoonlik júis ’n familie se lang geskiedenis saam is wat dinge ingewikkeld kan maak. In Suid-Afrika het ons ’n geskiedenis van 363 jaar saam. En dit was meestal ’n onstuimige familie-omgewing. Om deesdae eerlik met mekaar te praat, is moeiliker as ooit. Vir ’n familieboerdery is die enigste oplossing gewoonlik om ’n derde party, ’n bemiddelaar, te betrek om perspektief te bring. Dit…

MNR. WERNER NEL van Brits in Noordwes het ’n hamermeul vir bitter min geld gebou het. Daarmee kan hy in ’n japtrap genoeg voer vir sy klein wildboerdery maal. Lees die artikel op bl. 56. VERTEL ONS VAN JOU GESIN. Ek en Helen het vier seuns, Werner, Herman, Walter en Raynard. Al vier is getroud. Hulle het almal hul eie huise op ons kleinhoewe waar ons as een groot gesin saam bly. WAAR HET JY GESTUDEER? Ek het kursusse en indiensopleiding by Krygkor en die Universiteit van Pretoria deurloop, waar ek voor my aftrede as bouprojekbestuurder gewerk het. HET JY ’N STOKPERDJIE? My wildboerdery met bosbokke is my tydverdryf. WAAR HOU JULLE VAKANSIE? Ons ontspan gewoonlik op ’n druiweplaas in die Kaap en soms op Struisbaai. MNR. BRIAN ANGUS en…

DIE landbousektor se bydrae tot die land se bruto binnelandse produk (BBP) het op ’n kwartaalgrondslag gekrimp, maar op ’n jaargrondslag het dit gegroei, volgens Statistieke SA. Die bydrae tot die BBP vergeleke met die laaste kwartaal van verlede jaar was 16,6% minder, maar vergeleke met die eerste kwartaal van verlede jaar was dit 6,2% meer. Vir dr. Koos Coetzee, hoofekonoom van die Melkprodusente-organisasie, lyk die syfer van 6,2% nader aan korrek. “Ek dink nie die landbou het in die eerste kwartaal van vanjaar sleg gedoen nie.” Hy sê die daling moet gesien word in die lig van die sektor se goeie prestasie verlede jaar, veral in die laaste twee kwartale, en nie weens die droogte of laer mielie-oesverwagting nie. Mnr. Ernst Janovsky, hoof van Absa Agribesigheid, dink wel die…

TERWYL die mielies na die mark begin stroom het, raak dit duidelik dat die meeste somergraanen oliesadeboere vanjaar met onder- tot ver ondergemiddelde opbrengste tevrede moet wees. Graan SA berig dat opbrengste in Mpumalanga sowat 25% onder die langtermyn-gemiddelde is. Uit KwaZulu-Natal word ook berigte van opbrengste ver onder die gemiddelde ontvang. En in die Vrystaat en Noordwes verwag die meeste boere dieselfde, sê me. Petru Fourie, ekonoom van Graan SA. Ook in die buurlande Zambië en Zimbabwe het die uitgerekte droogte in die graanvullingstadium die mielie-oeste hard getref. Zambië se verwagte oes is net 2,6 miljoen ton, wat 21% laer as in die vorige jaar is, en Zimbabwe sal na verwagting 700 000 ton mielies moet invoer weens ’n swak plaaslike oes, sê mnr. Wandihle Sihlobo, Fourie se kollega.…

SUID-AFRIKANERS wat nie die sperdatum vir kommentaar op die wysigingswetsontwerp op onteiening gehaal het nie, gaan drie ekstra weke daarvoor kry. Me. Akhona Busakwe, sekretaris van die Parlement se portefeuljekomitee vir openbare werke, sê die verlenging sal op 7 Junie geadverteer word. Die nuwe sperdatum is 30 Junie. Gedurende die vorige kommentaartydperk wat op 6 Mei geëindig het, is 28 betoë ontvang, 9 van individue en 19 van organisasies. Die meeste besware gaan oor die uitwerking wat die wetgewing op die ekonomie en die landbou sal hê. Verskeie besware is geopper dat die beginsel van ’n gewillige koper en ’n gewillige verkoper dalk uitgelaat sal word en dat markwaarde nie meer die enigste oorweging sal wees wanneer vergoeding aangebied word nie. Daar is ook kommer omdat die Minister van Openbare…

SUID-AFRIKA kan nie meer weens die hoendervleiskwessie uit die hernuwing van die Amerikaanse wet op groei en geleenthede in Afrika (Agoa) gelaat word nie, maar die swaard van hersiening hang oor die land se kop. Alle Afrika-lande se deelname kan hersien word in die tien jaar dat die wet geldig is, maar vir Suid-Afrika spesifiek word ’n hersiening binne 30 dae ná die inwerkingtreding van die wet beoog. Die twee lande se hoenderbedrywe kon mekaar nog nie naasteby vind oor die grootte van ’n kwota hoenderstukke aan die been wat Amerika sonder teenstortingstariewe na Suid-Afrika kan uitvoer nie. “Die lande het wel gevorder om mekaar se kwessies beter te verstaan. Die twee regerings het nou besluit om by die onderhandelings betrokke te raak om die gaping te probeer oorbrug,” sê…

SA SLUIT NIÉ NAMIBIË-GRENS Suid-Afrika gaan nie die grens met Namibië toemaak vir vee nie, maar dwing bloot internasionale regulasies oor die bestryding van dieresiektes af. Mnr. Lardus van Zyl (bo), voorsitter van die Rooivleisprodusenteorganisasie, sê Suid-Afrika het ook nie strenger maatreëls vir grensbeheer as wat nodig is nie. Die Internasionale Organisasie vir Dieregesondheid stel vereistes vir die bestryding van sekere siektes, soos brucellose, bek-en-klouseer en tuberkulose. “Suid-Afrika kan dit nie bekostig om daardie reëls te verontagsaam nie,” sê hy. Hy sê die invoer van vars vleis word nie verbied nie, maar dit moet aan handels- en fitosanitêre vereistes voldoen en as produk van Namibië gemerk word. Hy sê dit is die staat se verantwoordelikheid om die nasionale veekudde teen die binnekoms van siektes te beskerm. Hy sê hy kan…

DIE Minister van Landbou, mnr. Senzeni Zokwana, het die rooivleisbedryf verseker geen van sy departement se aksies is daarop gemik om ondernemings “te straf nie”, maar waar rooivleisboere-en verwerkers “ongemaklik” voel, moet hulle daaroor praat en oplossings vind. Hy het groter samewerking tussen die Regering en die rooivleisbedryf bepleit sodat markgeleenthede in die buiteland benut kan word. Die howe gaan nooit vir julle ’n oplossing gee wat julle waardig is nie, maar julle kan dalk die langtermynvennootskap met die departement verloor.’ “Praat eerder met ons daaroor as om na die howe toe te gaan. Die howe gaan nooit vir julle ’n oplossing gee wat julle waardig is nie, maar julle kan dalk die langtermyn-vennootskap met die departement verloor,” het Zokwana op die Rooivleis-Abattoirvereniging (RVAV) se jaarlikse konferensie op Somerset-Wes gesê.…

NIEU-SEELAND se skaapkudde is tans op sy laagste vlak in 73 jaar. Waar dié land in 1982 nog met 22 skape vir elke inwoner gespog het, is daar vandag net ses skape per inwoner. Statistieke toon dat skaapgetalle van ’n hoogtepunt van 70,3 miljoen in 1982 tot 29,8 miljoen in Junie verlede jaar gedaal het. Dit is die eerste keer sedert 1943 dat daar minder as 30 miljoen skape in die land is. Volgens mnr. Neil Kelly, bestuurder van landboustatistieke, kan die daling in skaapge talle grootliks toegeskryf word aan die oorskakeling na melkboerdery. Daar was die afgelope dekade ’n groot toename in melkproduksie, veral op die Suideiland waar die grootste persentasie melkbeeste voorkom. Intussen is daar heelwat belangstelling in die produksie van skaapmelk. Die regering is ten gunste van…

Tot ’n derde van die wêreld se vars produkte, graan en diereprodukte beland in die vullisdrom weens verkeerde praktyke ná oestyd, maar voedselprodusente bestee steeds net 5% van hul koste aan na-oespraktyke. “Ons belê 95% van ons koste in produksiemiddele, soos saad, kunsmis en plaagbestryding, om kos te produseer, maar net 5% aan bewaring ná oestyd. ’n Onlangse studie toon vir elke dollar (sowat R12) wat jy aan na-oestegnologie bestee, kry jy $14 (sowat R170) se waarde op jou belegging,” sê mnr. Charles Wilson van die Wêreldvoedselbewaringsentrum in Amerika. Hy was een van die hoofsprekers op die onlangse Agritech-konferensie in Tel Aviv. Die tema was na-oespraktyke en tegnologie. Volgens mnr. Yair Shamir, Israel se minister van landbou en landelike ontwikkeling, kan dit voedselsekerheid help bevorder. Na verwagting sal daar teen…

LIGGING NAAM: 1.Durbanville, 2.Piketberg, 3.Hopefield, 4.Caledon, 5.Bredasdorp 6.Elim KORTOM ■ ’n Reeks weidingsmengsels waarin die saad reeds met entstof, swamen insekdoder behandel is, is nou beskikbaar. ■ Die mengsels bevat medics- en klawersaad wat vir spesifieke gebiede in die Swartland of Overberg geskik is. ■ Die mengsel kan in droë grond gesaai en vanaf twee maande ná saai bewei word. Dis nou maklik om peulgewasweidings in die winterreengebiede van die Wes-Kaap te vestig ’n mengsel van verskillende medics- en klawerkultivars, pasgemaak vir die streek, bekend gestel is. Die groot gerief is dat die verkorrelde saad klaar behandel is met swamdoder, insekdoder en die regte entstof, sê me. Farida Martin, produkontwikkelingsbestuurder by Agricol in Brackenfell. “Ons probeer dit so maklik moontlik vir boere maak. Alles wat nodig is, is op die…

LIGGING 1.Ashdon 2.Ashkelon, Israel. Rahahim Ezra is ’n tamatie-spesialis. Só sê me. Shelly Ganz terwyl ons deur rye kweekhuise van poli-etileen of skadunet stap. Binne rank die tamatieplante meters hoog en die oes hang gesond en geil, selfs al breek die einde van die tien maande lange seisoen binne enkele weke aan. Shelly is die nasionale voorligtingsbeampte vir tamaties en groente by Israel se departement van landbou en landelike ontwikkeling en sy ken die kweekhuise soos die palm van haar hand. Die Hebreeus-sprekende Rahahim Ezra boer in kweekhuise wat sowat 3 ha beslaan in die moshav Beit Ezra, tussen Ashdon en Ashkelon aan die suidkus van Israel. ’n Moshav is ’n landbounedersetting waar elke gesin ekonomies onafhanklik is. Voorheen was tot 90% van die mense in die moshav boere, maar…

Die Hishtil-kwekery het in 2007 sy deure in Suid-Afrika in Mooketsi geopen. Die tweede kwekery is verlede jaar in Riebeek-Wes gevestig. Die kwekery se belangrikste taak is om groentesaailinge vir die landbou te produseer en is die enigste kwekery in Suid-Afrika wat geënte saailinge op ’n kommersiële skaal verskaf. Laas jaar het die Mooketsi-kwekery meer as 120 miljoen saailinge geproduseer, wat aan sowat 300 boere in Suid-Afrika, Namibië, Botswana en Mosambiek verkoop is. “Ons geënte saailinge is baie gewild en die vraag groei bestendig elke jaar. Ons dink dit het te doen met hoër siektedruk in die grond en die hoë koste om nuwe landerye te maak. Om saailinge te ent is baie ekonomieser,” sê me. Eloise Maartens, verkoopsbestuurder. Die saailinge in Mooketsi word in kweekhuise op sowat 3 ha…

RESEPTE GETOETS EN FOTO’S GESTILEER DEUR: Arina du Plessis aduplessis@landbou.com KOSFOTO’S: Myburgh du Plessis KATEGORIE 1: Groot koeke WENNER: Rina van der Merwe van Amersfoort, Mpumalanga. WENRESEP: Sjokoladefudgekoek Dié vrolike pensioentrekker van Amersfoort is permanent in haar kombuis doenig. As elke nuwe baksel reg is vir eet, laai Rina die lekkernye in haar pienk bromponie, Sofia, se mandjie en dan ry hulle Amersfoort plat en deel oral tuisgebak uit. Rina is ook lid van die Vroue-Landbou-unie. Om te bak is haar gunstelingtydverdryf. Sjokoladefudgekoek Beslag ■ 250 g sagte botter ■ 60 ml kakao ■ 250 ml water ■ 125 ml karringmelk ■ 2 ekstragroot eiers ■ 5 ml koeksoda ■ 5 ml vanieljegeursel ■ 500 ml ligbruinsuiker ■ 500 ml koekmeel ■ 2 ml sout Ganachevulsel ■ 2 plakke (200…

Die Du Toitskloofwynkelder, een van die wêreld se grootste Fairtrade-kelders, en DGB Wyne is die vennote in die projek om kinders van die Du Toitskloof-vallei te bereik. Hulle finansier die Mercedes Benz Axor-vragmotor met ’n wa van 15 meter waarin 5 000 splinternuwe boeke en tien rekenaars pryk. Me. Helen Zille, Wes-Kaapse premier, het op die bekendstelling gesê leerders sukkel om deur die skolestelsel te kom. “Die uitvalsyfer is ongelooflik hoog omdat kinders in die grondslagfase nie leer lees, skryf en somme doen nie. Die biblioteek op wiele is een van die ingrypings wat werklik ’n verskil gaan maak,” het sy gesê. Volgens Zille is dit moontlik om enige plek in stede internettoegang te bewerkstellig, maar die landelike omgewing en plaasskooltjies suig aan die agterspeen. “Ons besef nie hoe baie…

PIESANGVOLUMES wat vanjaar effens laer is vergeleke met die ooreenstemmende tyd verlede jaar, het ’n gunstige reaksie op markte vir piesangboere gehad. Mnr. Kobus Lourens, voorsitter van die Piesangkwekersvereniging van Suid-Afrika, sê produsentepryse was die afgelope paar maande goed. “Volumes vir lewering aan varsproduktemarkte is 10% tot 15% laer as in die ooreenstemmende tyd verlede jaar. Daar is reeds aanduidings dat die volumes stadigaan toeneem, wat weer druk op die prys gaan uitoefen. “Of die goeie prysinterval net die stilte voor die storm is voor ’n groot volume piesangs, soos verlede jaar, aan die mark gelewer gaan word, kan ek nie in dié stadium sê nie,” sê hy. Die piesangbedryf het veral in die derde en vierde kwartaal van verlede jaar onder druk verkeer nadat groot volumes piesangs vanuit Suid-Afrika…

GAUTENG CARLETONVILLE WITKOP (475), 236 ha, aan Octo Trading 102 BK, van M.J. Pietersen, R4 560 000. PRETORIA ZWAVELPOORT (373), 14 ha, aan A. en C. Freyer, van M.S. le Grange, R2 300 000. KWAZULU-NATAL BALLITO LOT 3 (2006), 11 ha, aan Riviera Park-beleggings BK, van G.enK.Govender, R1550000. PIETERMARITZBURG UMHLATEEN (1006), 555 ha, aan Umhlateen (Edms.) Bpk., van G.A. Bowles, R3 000 000. LIMPOPO NYLSTROOM RIETGAT (8), 371 ha, Defacto Inv. 221 (Edms.) Bpk., van Ruben Bros. Machine Co. (Edms.) Bpk., R7 500 000. THABAZIMBI PLAAS 223, 403 ha, aan Casmar Trading BK, van Casfanboerdery BK, R7 400 000. SCHILDPADDOP (432), 1 005 ha, aan F.J. Furstenburg, van Freek-Carla-trust, R9 000 000. USUTU BELLEVUE (298), 655 ha, aan Unitrade 493 (Edms.) Bpk., van Sandobel 114 (Edms.) Bpk., R6 000 000.…

Die vraag na Simmentalerteelmateriaal uit onder meer die geledere van die voerkrale het die Simmentaler-bedryf die afgelope tyd ’n hupstoot gegee. “Daar is ’n beduidende toename in die vraag na manlike en vroulike teelmateriaal vir die Simmentalers,” sê mnr. Flaf Lauwrens, hoofbestuurder van die Simmentaler-Simbrabeestelersgenootskap van Suider-Afrika. Volgens hom is dit die vraag na kalwers met ’n groeipotensiaal soos die Simmentaler wat voerkrale aanspoor om selfs ’n premie te betaal vir Simmentalerkalwers en Simmentalerkruiskalwers. Selfs kruisverse is gewild, aangesien hulle gemelk kan word en oor hul vrugbaarheidseienskappe. Die Simmentaler is een van die gewildste rasse in enige kruisteelprogram vanweë sy besonderse groeivermoë, baie melk, vrugbaarheid en rustige geaardheid, sê Lauwrens. In melkkuddes word die Simmentaler in kruisteling gebruik omdat die melk in ’n groot mate behoue bly en die vleiswaarde…

DEE, O.KP, SKRYF: Manie, ek is op soek na ’n eerlike, opregte man. Ek hou nie van mense wat voorgee wat hulle nie is nie. Ek soek nie noodwendig na ’n man wat my sal bederf of romantiese afsprake wil maak nie. Mans wat plat op die aarde is, is so na my smaak. Ek sal hom ook nie noodwendig bederf nie. By my is dit ’n kwessie van wat jy sien, is wat jy kry. Ek is ’n reguit mens en sê maklik wat ek dink. Ek is 53, kliëntediens, geskei, 1,5 m, 54 kg, het blou oë en bruin hare. Ek behoort tot die NGK. Ek hou van lees en brei. Mans wat aan my vereistes voldoen, is welkom om te skryf. ASHOOP, W.KP, SKRYF: Manie, op my…