Innehållsförteckning för 22 May 2015 från Landbouweekblad

REUSE-OOREENKOMS China en Rusland het ooreengekom om ’n beleggingsfonds van R24 miljard te skep om gesamentlike landbouprojekte in die twee lande van stapel te stuur, asook ’n vryehandelsgebied tussen die vernaamste landboustreke in die twee lande te vestig. Die ooreenkoms verbreed China se soektog na ’n globale broodmandjie om te voorsien in sy snelgroeiende kosbehoeftes. Die deelname van internasionale beleggers gaan ook vir die fonds gewerf word. Die fonds is tydens ’n besoek van pres. Xi Jinping van China aan Moskou bekend gestel en dit gaan klem lê op basiese landboutegnieke, doeaneprosedure, logistiek en bemarking. – The Wall Street Journal SOJA RED AMASONE Graanboere in Brasilië oes vanjaar 10,4 miljoen ton soja. Dit is 8,6 miljoen ton meer as verlede jaar. Dié astronomiese toename kan toegeskryf word aan beter landboupraktyke,…

Prof. Ferdi Meyer, hoof van die Buro vir Voedsel- en Landboubeleid, noem dit selfs “die brutale feite”. Hy praat van die harde ekonomiese werklikheid waarbinne grondhervorming moet plaasvind, veral nou in die konteks van minister Gugile Nkwinti se onlangse uitsprake oor grondplafonne. Die eerste brutale feit is dat daar een of ander verband op om en by 80% van Suid-Afrikaanse plase is. So, nee, minister Nkwinti, die grond behoort nié aan dié wat dit bewerk nie, soos uitgestippel in die Vryheidsmanifes wat die ideoloë so graag aanhaal, dit behoort eintlik aan Absa. Of enige van die ander handelsbanke wat verbande aan boere uitreik. Dít is ’n harde werklikheid wat natuurlik nie so lekker saamwals met die eenvoudige, ideologiese oplossings wat deesdae gesoek word vir die uitdagende, ingewikkelde probleem van grondhervorming…

MNR. KOBUS MARAIS van Bloemfontein span presisieboerdery in om sy ekstensiewe veeplase by Olifantshoek in die Kalahari te bestuur. Hy sê die verhoogde diereproduksie betaal vir die kapitaaluitleg wat met meer kampe gepaardgaan. Lees die artikel op bl. 30. VERTEL ONS VAN JOU GESIN. Ek en my vrou, Marelize, ’n dosent in publiekreg aan die Universiteit van die Vrystaat, het drie kinders – Jacobus, ’n prokureur, Magdaleen, ’n wiskundige, en Helgard, ’n dokter. WAT HET JY GESTUDEER? Landbou-ekonomie aan die Universiteit Stellenbosch. WAAR HOU JULLE VAKANSIE? Glentana in die Suid-Kaap. MNR. BEN NEL van Barkly-Wes verbou deesdae slegs lusern op hul besproeiingsplaas Lyndale omdat daar ’n bestendige uitvoermark na veral die Midde-Ooste is. Lees die artikel op bl. 38. VERTEL ONS VAN JOU GESIN. Ek en my vrou, Veronica, het…

“DIE meeste van die land se landbougrond sal aan swart boere oorgedra word.” Ná sy begrotingsrede voor die Parlement het mnr. Gugile Nkwinti, Minister van Landelike Ontwikkeling en Grondhervorming, aan joernaliste gesê landbougrond sal herverdeel word totdat dit die demografie van die land weerspieël. Voorheen was die herverdelingsteiken dat 30% van die landbougrond teen 2014 aan swart boere oorgedra moet wees. Sover is minder as 10% landbougrond oorgedra. In reaksie op mnr. Pieter Groenewald, LP van die VF Plus, se stelling vroeër in die Nasionale Vergadering dat die Regering van sy teiken van 30% wegbeweeg het, het Nkwinti gesê dié teiken is heeltemal misverstaan: “Mnr. Groenewald het gemeen dat wanneer 30% van die grond teen 2014 herverdeel is, sal dit die einde wees en wit bevoorregting sal behoue bly.” Om…

DIT is nou al langer as twee maande dat mnr. Gugile Nkwinti, Minister van Landelike Ontwikkeling en Grondhervorming, ’n aanbod van R15 miljard se finansiering vir grondhervorming oor die volgende 15 jaar ignoreer wat Suid-Afrika se landboubesighede, gerugsteun deur die banke, op sy tafel gesit het. Die landbousakekamer Agbiz het die model saam met die Bankvereniging van Suid-Afrika aan Nkwinti voorgelê. Dit behels dat hulle vir die volgende vyf jaar elke jaar R1 miljard se finansiering vir grondhervorming opsy sal sit mits die Regering ook R1 miljard bydra. Dit is “onverstaanbaar” dat die minister nie die geleentheid aan- gryp nie, want dit is so ’n bitter goeie aanbod, het mnr. Schalk Pienaar, Agbiz-voorsitter, in ’n Nasie in Gesprek-paneelbespreking op die Nampo-Oesdag gesê. Hulle het ná twee en ’n half maande…

WAANSINNIG, belaglik en ongrondwetlik. Só reageer Wildbedryf SA (WRSA) op me. Edna Molewa, die Minister van Omgewingsake, se voorgestelde strafmaatreëls vir die oortreding van nuwe regulasies oor bedreigde of beskermde diersoorte (Tops). Molewa het onlangs ’n gewysigde lys van bedreigde of beskermde diersoorte en regulasies kragtens die Nasionale Omgewingsbestuurwet op Biodiversiteit van 2004 vir kommentaar bekend gestel. Daarin word diersoorte, soos blouwildebeeste, rooihartbeeste, blesbokke en Burchell se sebra as beskermde soorte gelys saam met ander skaars soorte, soos die Kaapse bergkwagga en die bontebok. Die WRSA meen diere soos dié hoort nie op die lys nie en die strafmaatreëls wat byvoorbeeld voorgeskryf word vir die verskuiwing van hierdie diersoorte sonder die nodige toestemming en permitte, is onredelik. “Dit is eerstens nie moontlik om diersoorte wat in sulke hoë getalle voorkom…

agenis@landbou.com NUWE voorstelle vir grondplafonne wat mnr. Gugile Nkwinti, die Minister van Landelike Ontwikkeling en Grondhervorming, onlangs aangekondig het, maak nie sin nie. Dit lê die onkunde en gebrek aan syfervaardigheid in dié departement bloot. Só sê prof. Ben Cousins, wat die leerstoel oor armoede-, grond- en landelike studies (Plaas) van die departement van wetenskap en tegnologie en die nasionale navorsingstigting aan die Universiteit van Wes-Kaapland beklee. Aangesien die gedagte van grondplafonne problematies is, is dit dalk waarom die nuwe voorstelle moeilik is om te verstaan, sê hy. As ’n mens in gedagte hou dat ’n kleinskaalse kommersiële boerdery nie groter as 1 000 ha mag wees nie, en ’n mediumskaalse boerdery nie groter as 2 500 ha nie, wat maak ’n mens met ’n plaas van 1 500 ha?…

’N GROEP Ayrshire- en organiese melkboere het ’n ooreenkoms met Clover bereik dat hul produsentepryse ná Clover se oorname van Nkunzi Milkyway saam met die winkelrakprys sal beweeg. Nkunzi lewer melk aan Woolworths. Mnr. Danie Schutte, een van die groep van agt boere van Gauteng, Mpumalanga en die Vrystaat wat melk aan Nkunzi lewer, beskou dit as ’n deurbraak. “In die afgelope 20 jaar het die deel van die rakprys wat na boere gaan, deurentyd verminder.” Schutte sê die boere oorweeg dit om binnekort aansoek by die Mededingingskommissie te doen dat hulle as ’n groep met Clover en Woolworths kan onderhandel. OORNAME Schutte het die boere die laaste paar maande in onderhandelinge met Clover en in getuienis voor die Mededingingstribunaal verteenwoordig. Nadat die Mededingingskommissie Clover en Nkunzi se aanvanklike aansoek…

Baie lae vlakke glifosaat in grond kan gewasgroei stimuleer. Om egter met dié verskynsel te eksperimenteer, sal ’n gevaarlike speletjie wees, sê ’n bekende onkruidwetenskaplike. Paracelsus, die 16de-eeuse Duits-Switserse geneeskundige wat as die vader van die wetenskap toksikologie beskou word, het gesê die gif is in die dosis. Dit was om te verduidelik dat daar vir enige chemiese middel ’n kritieke hoeveelheid of konsentrasie is waarbo dit van onskadelik in giftig ontaard. Selfs alledaagse stowwe, soos suiker en tafelsout, is bo bepaalde konsentrasies giftig vir mense. Vanselfsprekend is die skade-drempelwaarde van ’n stof met ’n inherent lae giftigheid vir die mens, soos tafelsout, baie hoër as vir ’n stof met inherent hoë giftigheid, soos arseen. Dieselfde geld onkruid- en plaagdoders se uitwerking op plante, insekte en patogene organismes. Om ’n…

Kortliks die kenmerke van ’n nuwe belastingvrye spaarproduk. Jy kan R30 000 per jaar (kom ons noem dit die R30 000-belegging) tot R500 000 algeheel spaar. Die opbrengs op die belegging is belastingvry: Geen inkomstebelasting, geen kapitaalwinsbelasting en geen dividendbelasting nie. Dis belangrik om te onthou dat indien jy meer as die R30 000 per jaar in die produk belê, betaal jy ’n boetebelasting van 40% op alles bó die R30 000. Loop lig vir dié een. Onthou ook dat die premie wat jy spaar, nie belastingaftrekbaar is nie; net die groei in die belegging is. Jy spaar dus met na-belaste geld. Vergelyk dit nou met ’n uittree-annuïteit (UA) waar jy ook belastingvrye groei kry, maar waar die premie self aftrekbaar is tot 15% per jaar van jou inkomste (wat…

LIGGING Suid-Afrikasekoringbesproeiingsgebiede-sien kaarthiernaas.BRON:LNR-KGI KORTOM ■ Die 2014/’15-produksiejaar was puik vir besproeiingskoring, en boere het hoë opbrengste behaal. ■ Gunstige klimaatstoestande regdeur die koringgroeityd het ’n rol gespeel. ■ Daarby was besproeiingskultivars met ’n hoë opbrengspotensiaal en wat by verskillende produksiegebiede aangepas is beskikbaar. Die nuwe aanbevelings vir die 2015-produksiejaar is gefinaliseer. Boere maak al jare lank op die Landbounavorsingsraad (LNR) se jaarlikse nasionale evaluasieprogram vir koringkultivars staat vir die voortgesette verskaffing van onafhanklike, akkurate inligting oor die prestasie van ou én nuwe kultivars. Die 2014/’15-produksiejaar was puik vir besproeiingskoring, en boere het hoë opbrengste behaal. Dit is nie net danksy gunstige klimaatstoestande regdeur die koringgroeityd nie, maar ook danksy die beskikbaarheid van besproeiingskultivars met ’n hoë opbrengspotensiaal wat by verskillende produksiestreke aangepas is. Evaluasieproewe met besproeiingskultivars is in 2014 in…

DIE twee fundamentele faktore wat internasionale mieliepryse voortaan kan bepaal, is die waarde van die Amerikaanse dollar en die weer in die Noordelike Halfrond. Mielie-aanplantings in Amerika vorder uitstekend en in sekere deelstate wes van die Mississippirivier is boere reeds byna klaar geplant. Sodra die weer vir mielieproduksie verswak, kan kortstondige pryslopies daartoe bydra dat die Suid-Afrikaanse invoerpariteitsprysvlakke ondersteuning geniet. Toekomstige pryse vir mielies moet teen die breër agtergrond van die Amerikaanse en die wêreldekonomie gemeet word. Tans is ekonomiese groeikoerse wêreldwyd onder druk. Dit lyk asof dit die vraag na produkte, soos mielies, kan benadeel. Ekonomiese groei in Amerika word byvoorbeeld gemeet aan die hoeveelheid nuwe werkgeleenthede wat geskep word. Dit lyk asof daar minder werksgeleenthede geskep word en dit laat onsekerheid oor ekonomiese groei in Amerika toeneem. ’n…

LIGTE neerslae laat in die groeityd het effense verligting vir vanjaar se droogtegeteisterde sonneblomoes gebring. Die Nasionale Oesskattingkomitee se jongste raming van die oes is 612 400 ton – amper 6% meer as die vorige skatting. Dit word hoofsaaklik aan vroeg Maart se neerslae toegeskryf. Dit is nogtans aansienlik kleiner as die 832 000 ton van verlede jaar, toe net onder die 5 000 ton sonneblomsaad ingevoer moes word. Die Nasionale Landboubemarkingsraad se amptelike raming van die verwagte invoer vir die bemarkingsjaar is 70 000 ton, wat ’n oorskot van net 5 000 ton teen einde Februarie volgende jaar kan laat. Die beginvoorraad op 1 Maart vanjaar was 93 000 ton teenoor die 47 000 ton van die ooreenstemmende tyd verlede jaar. Weens die droogte is vanjaar se verwagte gemiddelde…

98% Van al Suid-Afrika se waterbronne is 98% daarvan reeds vir gebruik toegeken. Dit beteken dat toekomstige geslagte net 2% oor het. Die huidige vraag na water is tans besig om die aanbod te oorskry en navorsers van die die Instituut van Sekerheidstudies voorsien dat die landboubedryf een van die sektore is wat eerste deur die kwynende watervoorsiening getref sal word. – Freshplaza 271 Nadat daar volgens die polisie in die vyf jaar tot April vanjaar net 217 plaasmoorde gepleeg is teenoor die verifieerbare syfer van minstens 316 van TLU SA, het AfriForum ingevolge wetgewing oor die toegang tot inligting ’n formele versoek aan die polisie gerig. Genl. Riah Phiyega, kommissaris van polisie, word versoek om plaasmoordstatistiek van 1990 tot vanjaar te oorhandig en te sê hoe dit ingesamel is.…

■ Brangus, Nguni hou suurgras in toom ■ Kampioen-wolhanteerder stig twee skeerspanne ■ Kostevakansie met soja ■ Somergewasse: Maak sin uit die syfers ■ Nuwe trekkers op Nampo 2015 GESIN ■ Rusland die os se nalatenskap SPESIAAL ■ KwaZulu-Natal, Buitelewe WEIDING ’n Argitek en Oos-Vrystaatse boer hetsy veldse drakrag verbeter deur’n stelsel waarop Brangus-en Ngunibeeste met hul verskillende weidingsgewoontes suurveldsáám benut. Gevolglik is dit selde vir mnr. Christopher Sparks van Harrismith nodigom sy veld te brand.…

VRESE oor beleggersekerheid in die landbou het opnuut opgevlam ná mnr. Gugile Nkwinti, Minister van Landelike Ontwikkeling en Grondhervorming, se aankondiging van ’n grondplafon-model ingevolge waarvan ’n grootskaalse kommersiële plaas net 5 000 ha mag beslaan (sien volledige berig regs onder op hierdie blad). Dié aankondiging kom terwyl ’n ministeriële raadplegingsproses nog oor aangeleenthede, soos beperkings op grondbesit en alternatiewe modelle vir bemagtiging, aan die gang is. Prof. Mohammad Karaan, lid van die beplanningskommissie wat die Nasionale Ontwikkelingsplan (NOP) opgestel het, het boere gemaan en gesê hulle moet onthou dat die Suid-Afrikaanse situasie nie uniek is nie: “Grondhervorming is ’n werklikheid wat saam met ons gaan bly. Die aard en omvang gaan bepaal word deur die politieke sentimente en ekonomiese werklikhede van tye. Só is dit in alle samelewings –…

Die NWK-landbougroep het besluit om sy regstreekse betrokkenheid by saai- en veeboerdery deur sy filiale NWK Boerdery en Kalahari Beef te staak. Hoewel die landbougroep se ander sakebelange in Suid-AfrikaenookinBotswana en Zambië goed presteer, het die swak weerstoestande in Noordwes sy tol geëis. “Ons model was eenvoudig nie volhoubaar nie,” sê mnr. Danie Marais, uitvoerende hoof van NWK. Hy sê NWK het te veel risiko gedra in sy ooreenkoms met boere en het besef dit gaan selfs in goeie landboujare te lank duur om die verliese uit te balanseer wat die maatskappy in droogtejare, soos vanjaar, ervaar het. Alternatiewe finansieringsopsies sal aan kwalifiserende, gekontrakteerde saaiboere gebied word en kontrakte met die betrokke veeboere sal bestuur word op die beste moontlike wyse vir albei partye.…

HOE BELANGRIK IS SUID-AFRIKA SE ROL? Suid-Afrika is ’n jare lange lid en aktiewe deelnemer aan dié internasionale liggaam wat die bymekaarkomplek vir alle belanghebbendes in die wolbedryf is. Op die jaarkongres word beleid geformuleer en belangrike kwessies bespreek, soos die etiese hantering van diere, die beste praktykkodes en wol se koolstofspoor. WAT BETEKEN DIT VIR JOU PERSOONLIK? Dit is die enigste organisasie wat die oorkoepelende belange van die wolbedryf in die wêreld verteenwoordig. Dit is opwindend om daarby betrokke te kan wees, vir Suid-Afrika ’n beter posisie te help beding en te verseker ons bly ’n wêreldspeler. Dit is belangrik om nou jonger mense betrokke te kry sodat hulle kan oorneem en ons betrokkenheid verder uitbou. WAT WAS ’N HOOGTEPUNT IN JOU TWEE JAAR AS TESOURIER? Een hoogtepunt was…

DIE afgelope wyndruiwe-oestyd was miskien een van die vroegstes en droogstes in dekades, en dit val in dieselfde liga as sommige wynmakers se droomoesjare en loopbaanhoogtepunte. “Ek sien soeveel potensiaal in die rooi- en witwyn dat ek nie soggens vroeg genoeg in die kelder kan kom om die wyne se ontwikkeling te ervaar nie,” sê mnr. Charles Hopkins, keldermeester van De Grendel naby Durbanville. Hy vergelyk die 2015-oesjaar met 2007, wat die beste oesjaar was wat hy in sy 30 parstye beleef het. Alle wynstyle – van vonkelwyn tot edellaatoes – sal baat vind by vanjaar se puik druiwe. Volgens mnr. Francois Viljoen, bestuurder van VinPro se konsultasiediens, word die totale oes op 1 502 630 ton beraam, 1%-2% kleiner as verlede jaar se rekordoes. IDEALE TOESTANDE Mnr. David Trafford…

SYNGENTA SÊ NEE VIR MONSANTO Die landboumaatskappy Syngenta sê sy direksie het die aanbod van Monsanto om die maatskappy teen sowat R5 800 per aandeel te koop, eenparig verwerp. Mnr. Michel Demaré, Syngentavoorsitter, sê in die verklaring Syngenta is die wêreldleier in gewasbeskerming en in die derde plek wat saad betref. Volgens hom weerspieël Monsanto se aanbod nie die maatskappy se goeie groeivooruitsigte nie. Hoewel Syngenta se waardasie tans onder druk is, is sy sakevooruitsigte sterk. ESKOM MOET HOES Eskom se nalatigheid kos dié kragverskaffer meer as R18miljoen nadat ’n veldbrand 12700 ha weiveld vernietig het. Die brand het tussen Kroonstad en Steynsrus ontstaan toe ’n boomtak teen ’n oorhoofse kragkabel gewaai en ’n kortsluiting veroorsaak het. Eskom was nalatig deurdat hy nie die populierbome gesnoei het nie. Die 23…

’n Nuwe grondtoets, wat ’n vollediger prentjie van biologiese grondgesondheid gee, is nou ook vir Suid-Afrikaanse boere beskikbaar. Dr. Luke Baker (BO) van die Amerikaanse Brookside-laboratorium het dié toets pas op ’n reeks seminare oor grondgesondheid in Suid-Afrika bekend gestel. Die Soil Health Tool (SHT) word as ’n verbetering beskou van die bestaande Solvita-toets, waarmee die biologiese komponent van grondgesondheid tot dusver gemeet is. Dit is die resultaat van jare se navorsing en ontwikkeling en 14 000 proef-ontledings. Die toets neem grondontleding ’n stap verder as net die meet van voedingstowwe en die grond se fisiese eienskappe. Met die SHT-toets word ’n grondmonster se koolstofdioksied-respirasietempo gemeet, asook die mikrobies-aktiewe en water-oplosbare koolstof in die grond. Dié syfers is almal indikatore van ’n grond se biologiese gesondheid, struktuur en vermoë om…

cvanrooy@landbou.com Hy glo nie aan stilsit en ledig wees nie. Daarom het hy sy boerdery soveel uitgebrei dat die jag- en gastebedryf, stoetteling, kommersiële veeboerdery, paneelkloppery en sweiswerke nou alles deel van sy doen en late op die plaas is. Mnr. Marco Seefeldt (34) en sy vrou, Regine (33), boer tussen Seeis en Omitara, oos van Windhoek in Namibië, op die plase Silversand wat hy by sy ouers, Bernd en Rita, huur, en Otjihundu, Regine se erfplaas. Silversand is hul woonplaas. Die grond beslaan saam sowat 13 000 ha. Marco, wat verlede jaar as die Namibiese Landbou-unie en Mutual & Federal se Jongboer van die Jaar bekroon is, is die vierde geslag op Silversand, wat sedert 1945 aan die familie behoort. Hy het in 2000 eers saam met sy pa…

Met die koms van die persoonlike rekenaar en ander inligtingstegnologie het die hoeveelheid data wat daagliks opgeneem word, snel gegroei. Tot onlangs was die gebruik van bestaande statistiese metodes voldoende om hierdie data te sorteer en te vertolk. Binne die “tradisionele” dataverwerkingsmodel is navorsers daarvoor verantwoordelik om data te orden en met behulp van bestaande statistiese metodes en sagteware te ontleed. Binne hierdie proses moet die navorser, byvoorbeeld, die veranderlikes spesifiseer waarvoor ’n verwantskap vanuit sy eie ervaring of die teorie getoets moet word. Internasionale leierboere maak aanspraak daarop dat groot data deesdae noodsaaklik is vir sukses. In LBW van 27 Maart 2015 (“IT is die nuwe landbou-revolusie”, bl. 50), het Marleen Smith berig oor dié snelgroeiende bedryf en hoe dit die landbou gaan beïnvloed. Tans groei die hoeveelheid data…

1 SPARVASMAKER Dit maak heiningdraad blitsig aan die sparre vas. Die sparvasmaker bestaan uit ’n stuk ronde, verharde staal van 20 mm dik en 100 cm lank. Dit het ’n gleuf van sowat 10 mm diep oor die hele lengte. By die kop is daar ’n dwarsgleuf van dieselfde diepte en die koppie is skuins afgesny. Daar is ook ’n gaatjie in. Coenie draai ’n stukkie draad om die spar en gee dan net die eerste draai. Dan skuif hy die gereedskap bo-oor die lyndraad sodat die los draadpunt vasgevang word. Dan draai hy dit al in die rondte tot die draad heeltemal om die lyndraad gedraai is en doen dieselfde met die ander stuk draad. Dit werk net op staaldraad; nie doringdraad nie. “Dis maklik om daarmee tussen die…

lbotha@landbou.com LIGGNG Robertson, Wes-Kaap Hoe het jy begin Cap Classique maak? Ek was bevoorreg, want my eerste wynmakerspos was by Achim von Arnim in Franschhoek. Hy was die eerste spesialis-produsent wat Cap Classique in Suid-Afrika gemaak het. Ek het dus van die eerste dag af in die borrel geland en dis waar die liefde begin het. En jy’t nooit weer opgehou nie? Ek is op die spoor van die perfekte borrel en dis waar die magic, die energie en die geesdrif vandaan kom. Jy moet elke jaar soveel aandag aan detail gee, maar die reis om die volmaakte borrel te vind, hou nooit op nie. Jy kom nooit daar nie Dis nie oor die chemie of die mense nie, maar dis ’n gevoel hier binne. Graham Beck Wyne maak nou…

Dit val swaar op die oor wanneer ’n mens verneem wat die arme Hosea alles moes doen en dit nogal in opdrag van God. ’n Mens kan jou verontwaardiging oor God se ongewone bedieningstrategie kwalik onderdruk. So in die stilte van jou alleenwees met God, kom die vraag onvermydelik by jou op: “Here, hoe kan U so ’n opdrag, gestroop van alle moraliteit en sedebesef, aan Hosea gee – en die man is boonop ’n dominee?” Nee, Hosea bring lewe en hoop . . . Hy moes met ’n prostituut trou en kinders verwek wat snaakse name gekry het, soos “Jisreël,” wat bloedvergieting in herinnering roep; ’n dogter wat hy “Sonder ontferming” moes noem en ’n tweede seun met die naam “Nie-my-volk-nie.” Hierdie vreemde huwelik was bedoel om die afgedwaalde…

NIE alles in Suid-Afrika is sleg nie. Onder die goeie dinge tel die feit dat dit ’n ontwikkelende land in Afrika is, deel is van die BRICS vennootskap is en besonder goeie finansiële markte het wat uitstekend vir sterk groei geposisioneer is, sê mnr. Dawie Roodt, direkteur van die Efficient-groep. Roodt het op ’n byeenkoms van die landbou-organisasie Agri Sondagsrivier op Addo gesê hoewel die land nie meer as die groei-enjin van Afrika beskou kan word nie en sy ekonomiese groei nou agter die res van die lande in Afrika suid van die Sahara is, dit nie beteken dat hy weer sy posisie kan versterk nie. “Al wat die land kort, is goeie en sterk politieke leiers.” Met verwysing na die hoë vlakke waarop aandelebeurse van oor die hele wêreld…

DIE produksie van rooivleis is in die kollig op die jaarlikse kongres van Noordwes se Rooivleisprodusente-organisasie (RPO) wat op 26 en 27 Mei op Vryburg gehou word. Die tema is Vooruitstrewende Rooivleisproduksie in die Praktyk. Rooivleisprodusente sal toegerus word met die nuutste inligting en kennis wat hulle in staat sal stel om meer volhoubaar en mededingend te produseer. Van die sprekers is mnre. Lardus van Zyl, voorsitter van die Rooivleisprodusente-organisasie, oor invoer- en handelsreëlings, prof. HO de Waal van die Universiteit van die Vrystaat oor die omvang, impak en bestuur van roofdiere, dr. Hinner Koster, veevoedingkundige van Pretoria, oor die regte voedingspraktyke vir vleisbeeste om optimale prestasie op weidings te handhaaf, mnr. Willem Lombard van die Universiteit van Vrystaat oor ’n produksieplan wat ’n rekenaarmodel vir osboerdery en speenkalfproduksie behels,…

DIT lyk asof die brand by die land se grootste verwerkingsaanleg van sybokhaar op Uitenhage steeds die sybokhaarmark benadeel. Volgens mnr. Pierre van der Vyver, bestuurder van CMW se bokhaarafdeling, is gemengde welslae op die vyfde veiling van die somerseisoen behaal. “Die redes is die finansiële onsekerheid in Europa, die swakker euro en die tekort aan verwerkingsgeriewe ná die brand by Gubb @Inggs.” Van der Vyver sê hoewel die gemiddelde prys van kleinbokkiehaar teenoor die vorige veiling verbeter het, was daar afwaartse druk op die prys van die beter en duurder tipes kleinbokkiehaar. Dit was ook die geval met jongbokhaar. Daar was egter ’n baie goeie vraag na grootbokhaar. Die hoogste prys was R520,50/kg wat betaal is vir ’n baal Pure Cape-haar van 25 mikron uit CMW se saamverpakkingsafdeling. Volgens…

DIE internasionale vraag na en die pryse van Suid-Afrikaanse ekstrasuiwerolie het die afgelope oestyd skerp gestyg vanweë die plaaslike olyfolie se goeie reputasie regoor die wêreld. Die grootmaat-olieprys het van sowat R25 per liter twee jaar gelede tot R45 per liter vanjaar gestyg. “Suid-Afrikaanse olyfboere het vanjaar sowat 1,8 miljoen liter olie geproduseer. Daar word altesame 300 miljoen liter olyfolie in die wêreld geproduseer. Die land is dus ’n klein speler, maar hy staan vir niemand terug nie,” sê mnr. Barry Anderson, hoofbestuurder van Gabriëlskloof naby Botrivier. Hy sê plaaslike olie vaar uitstekend in kompetisies in New York en geniet internasionale aansien. Swak oeste in Italië (weens klimaatredes) en ’n siekte wat olyfbome in Griekeland aanval en tot groot verliese lei, maak Suid-Afrikaanse olie aantreklik vir kopers. “Ons kry baie…

Die onderstaande oordragte van plaaseiendomme is deur aktekantore geregistreer (plaasnommer tussen hakies). Plase wat uitsonderlik hoë pryse behaal het, is in geel gemerk. GAUTENG CARLETONVILLE ROODEPOORT (237), 299 ha, aan 24 Sturdee (Edms.) Bpk., van Living Africa-ontwikkeling (Edms.) Bpk., R113 202 000. NIGEL PAARDEFONTEIN (526), 629 ha, aan Goudveld-boerdery (Edms.) Bpk., van D.J.J. Strydom, R9 262 500. KWAZULU-NATAL JOZINI MKUZI-WES (14403), 788 ha, aan P.M.B. Office Solutions (Edms.) Bpk., van Zebra Hills, wildreservaat (Edms.) Bpk., R22 800 000. PIETERMARITZBURG PLAAS 907, 24 ha, aan Keystone Park BK, van B.P.L.F.L.P.A.P. de La, R26 827 324. UNDERBERG EVERSLEY NO 3 (18112), 487 ha, aan Zorbi-eiendomme (Edms.) Bpk., van Eversley-plaastrust, R17 790 000. LIMPOPO NYLSTROOM SCHIKFONTEIN (115), 811 ha, aan Gorgeous Prop. (Edms.) Bpk., van Contrau Projects BK, R14 877 000. SOEKMEKAAR LEYDSDORP…

Landbou-organisasies, boereverenigings, ens., is welkom om die datums van hul byeenkomste aan ons te stuur vir publikasie in Landboukalender. Die besonderhede moet gestuur word aan: Landbouweekblad, faks: 021 406 2940. E-pos: jeandre.dupreez@landbou.com. ALGEMEEN 20–31 MEI: TLU SA se inligtingstoer na Georgië vir beleggingsgeleenthede. Bennie van Zyl, sel 082 466 4470, of epos: bennievz@gmail.com. 29-30 MEI: NamakwaWeskusekspo. Vredendalsportterrein. Pikkie Louw, sel 082 566 5880, of epos: pikkie@agrimega.co.za. 30-31 MEI: Delheim se wilde sampioensoektogte. Delheimwynlandgoed, Stellenbosch. Johan du Toit, tel. 021 888 4600, of epos: info@delheim.com. 4-5 JUNIE: Fine brandy fusion. Konferensiesentrum, Sandton. Danie Pretorius, epos: danie@sabrandy.co.za, of info@brandyfusion.co.za. Web: www.brandyfusion.co.za. 6 JUNIE: SuidAfrikaanse mampoerfees. Willem Prinsloolandboumuseum. Tel. 012 736 2035/6, epos: info@mampoerfees.co.za. Web: www.mampoerfees.co.za. 26-27 JUNIE: VictoriaWes se wildsfees en duiwevlug. VictoriaWesskouterrein. Tel. 072 243 3597, of epos: vicweswildsfees@gmail.com. 1-4 JULIE:…

Minister Gugile Nkwinti se onlangse begrotingsvoorstelle in die Parlement was inderdaad verstommend, soos wat Agri SA tereg in sy kommentaar daarop opgemerk het. Die ganse konsultasieproses – wat hyself met landbou-organisasies bepaal het – is heeltemal geïgnoreer. Op die grondberaad in Maart het hy die pad vorentoe só uitgespel: Die eenheidsforum binne die landbou (Asuf) moet sy voorstelle oor hervormingsmodelle voor einde Maart indien sodat alle beleidsvoorstelle saamgevat kan word vir ’n finale byeenkoms waartydens besluite geneem kan word. Die datum 24 April is genoem. Hy het die grondberaad as ’n “kleedrepetisie” bestempel om te sien hoe ver almal se planne gevorder is vóór dié vergadering. Die mikpunt was dringende grondhervorming en transformasie sonder om voedselsekerheid in gedrang te bring. Op nog ’n grondberaad in Maart het mnr. Gwede Mantashe,…

TEN minste een bank het aangedui dathydieRegeringvoordieGrondwethof kan sleep as mnr. Gugile Nkwinti, Minister van Landelike Ontwikkeling en Grondhervorming, sy 50/50-grondherverdelingprogram deurvoer. Mnr. Jannie de Villiers (FOTO), uitvoerende direkteur van Graan SA, het op die Nampo-Oesdag gesê dít het uit hul samesprekings met banke Woensdag op die Oesdagplaas geblyk. Hy sê die meeste plaasgrond in Suid-Afrika is verpand. Die syfer wat hulle vanaf banke gekry het, is meer as 60%. Landbouweekblad verneem egter van ’n ander ekonoom dat dit nader aan 90% is. Dit sluit dus die grootste deel in van die grond wat Nkwinti in sy 50/50-plan in die oog het. As grond met ’n bankverband op sonderbillikevergoedingvirherverdeling onteien word, kan die bank dit in die Grondwethof betwis. De Villiers is bekommerd dat honderdesulkesakegrootregskoste sal meebring, terwyl regeringsgeld eerder…

TEENKANTING teen die grondplafon-voorstel het oorgespoel na die begrotingsdebat van die Departement van Landbou, Bosbou en Visserye. Dit was toe die DA mnr. Senzeni Zokwana, die minister, daarop gewys het dat hy “die beskermer van voedselsekerheid én die groter landbousektor is, maar boere net vra om kalm te bly”. Mnr. Pieter Groenewald, die VF Plus se woordvoerder vir landbou, het Zokwana en sy eweknie, mnr. Gugile Nkwinti, Minister van Landelike Ontwikkeling en Grondhervorming, beskuldig dat hulle “good cop, bad cop” met die boere speel. Nkwinti stel grondplafonne voor en Zokwana troos die boere. Nkwinti het onlangs aangekondig dat die plafon vir grootskaalse kommersiële plase 5 000 hektaar moet wees. Me. Annette Steyn, die DA se skaduminister vir landbou, het gesê dit is duidelik die ANC wil hê grondhervorming moet misluk.…

1 ZIMBABWE | Vergoeding vir wit boere Zimbabwe se regering het aangekondig dat hy vanjaar huur gaan begin invorder by begunstigdes van grondhervorming sodat die geld gebruik kan word om wit boere, wie se grond afgeneem is, te vergoed. Dit is deur die kommersiële landbou-unie (CFU) verwelkom. Mnr. Hendrik Olivier, direkteur, het gesê enige poging van die regering om met boere om ’n tafel te sit, word verwelkom en kan boere se vertroue ’n hupstoot gee. Die poging om huur by die nuwe boere in te vorder is blykbaar daarop gemik om internasionale vertroue in Zimbabwe te help herstel en broodnodige buitelandse beleggings aan te moedig. Mnr. Douglas Mombeshora, die minister vir grond- en landelike hervorming, het dit in die staatsbeheerde Herald aangekondig. Die besluit is glo twee weke gelede…

’N Plaaslike sakeman van Emalahleni (Witbank), mnr. Kobus Pieters, het sy prokureurs opdrag gegee om ’n brief op die Emalahleni Plaaslike Munisipaliteit en Eskom te beteken. Dit kom nadat Eskom gedreig het om munisipaliteite wat agterstallig is met hul betalings, se krag af te sny. Witbank Abattoir (Edms.) Bpk. slag daagliks sowat 1 000 beeste. Pieters sê onvoldoende elektrisiteit en water sal die abattoir verhinder om doeltreffend te funksioneer: “Die eerste drie uur nadat die diere geslag is, is van kritieke belang wat die verkoeling van die karkasse betref. As ons ’n kragonderbreking in dié tydperk ondervind, kan dit gebeur dat ons ’n hele dag se karkasse verloor, wat tot groot finansiële verliese vir die besigheid kan lei.” Die brief wys die munisipaliteit daarop dat verskeie ander munisipaliteite wat agterstallig…

PINOTAGEPRODUSENTE moet meer aandag in die wingerd gee en bietjie halt roep met eikehout as hulle werklik wêreldklas-wyne wil maak wat die potensiaal in veral die Asiatiese wynmark kan ontgin, volgens me. Lisa Perrotti-Brown (LINKS), die wynmeester en hoofredakteur van Robert Parkers’ Wine Advocate en eRobertParker. Sy het tydens die terugvoersessie van die Ou Mutual-trofee-wynskou ’n paar goed gemikte houe na dié eg Suid-Afrikaanse kultivar ingekry. As deel van die wynskou se beoordelaarspaneel het sy op die eerste dag altesaam 65 Pinotages geproe. “Daar is ’n paar baie opwindende wyne, maar ongelukkig nie baie nie. Die bedryf moet lank en indringend gaan kyk na die produksieproses. “Die grootste probleem is in die wingerd. Gaan kyk veral na die opbrengste, die rypheidsgraad en die datum waarop jy oes. Pinotage groei maklik,…

Dit is weer tyd vir landbou-unies om gereed te maak vir hul jaarvergaderings en om agendas op te stel. Natuurlik is daar diegene wat skepties staan oor die georganiseerde landbou. Daaronder tel selfs van die megaboere wat ’n eksklusiewe groepering gevorm het om met politici te praat. In Suid-Afrika word beleid gevorm deur belangegroepe wat hul eie agenda voorstoot. Daarom is van die ANC-gesinde vakbonde seker van die groot beïnvloeders van beleid in Suid-Afrika. Hulle dien net hul eie belange en werk nie vir ’n breër beleid wat ekonomiese welvaart bevorder nie. Selfs internasionale organisasies meen dit is die enkele swakpunt in Suid-Afrika se ekonomiese vordering, naamlik die vakbonde wat deel van die ANC-alliansie uitmaak, asook Luthuli-huis wat opdragte aan die Kabinet gee. Op landboukongresse stem ministers toe tot voorstelle…

WAT IS DIE BESTE BOERDERYBESLUIT WAT JY AL GENEEM HET? Om die weidingkundiges drs. Louis du Pisani, Herman Fouché en Mias van der Westhuizen as raadgewers te gebruik. WIE WAS JOU MENTOR? Ek het nie ’n spesifieke mentor nie. Ek leer graag by suksesvolle boere en lees baie. WAT IS JOU GROOTSTE UITDAGINGS IN DIE BOERDERY? Suksesvolle veeboerdery is afhanklik van ’n kort- en langtermynvisie wat deurlopende verandering in ag moet neem. Respek en liefde vir die natuur is onontbeerlik. Die uitdaging is om in balans met die natuur te boer. WATTER TEGNOLOGIE IS ONMISBAAR IN JOU BOERDERY? Daar is waardevolle navorsing oor weiveldbestuur in die ekstensiewe dele van Suider-Afrika beskikbaar. Die wisselwerking tussen die veld en diere met al die veranderlikes wat daarmee gepaardgaan, is ’n dinamiese studieveld waarvan…

WAT IS DIE BESTE RAAD WAT JY AL GEKRY HET? Om met beeste te boer omdat dit ’n winsgewende inkomstebron is. WIE WAS JOU MENTOR? Die boer Sigi von Lüttwitz van Wilhelmstal het my baie oor beeste geleer en my pa, Berndt, het my oor wild touwys gemaak. WAT IS JOU GROOTSTE GELEENTHEDE IN BOERDERY? ’n Boer moet sy hulpbronne ten volle benut en verskillende inkomstebronne skep; in my geval uit die beeste, wild, beeste, skape en bokke. Ek kan ook hout gebruik om houtskool te maak. Jou planne moet nooit opraak nie. WATTER TEGNOLOGIE IS ONMISBAAR IN JOU BOERDERY? Die rekenaar en internet vir die bemarking van ons vee en wild, selfone om reëlings vir my boerdery te tref en GPS om nuwe lande op te meet.…

cvanrooy@landbou.com Waar ’n wil is, is ’n weg. Dít was van die begin af mnr. Coenie Strydom van Klerksdorp se lewensbeskouing toe hy begin boer het deur nie werktuie te koop nie, maar dit self te ontwerp en bou. Hy boer op die plaas Syferfontein in die distrik Klerksdorp, omtrent halfpad tussen Klerksdorp en Wolmaransstad. Die omgewing word deur goeie weiding gekenmerk, deurspek met doringbome. “Ek het al 34 grassoorte raakgesien, maar daar is sekerlik nog meer. Dis baie goeie beeswêreld,” voeg Coenie by. Hy boer met kruisraskoeie; Charolais-bulle by Simmentaler-koeie. Hy was eers ’n tegnikus by Telkom op Leeudoringstad. Hy is as elektroniese tegnikus opgelei en was verantwoordelik vir die instandhouding van outomatiese sentrales en was later ’n telefoontegnikus. Boerdery was egter in sy bloed, want hy het op…

Deur Anina Roux & Samantha McKendrick © xword@xword.co.za Geborg deur: Voltooi die rooster sodat elke ry dwars, elke kolom af en elke 3 x 3 kassie die nommers 1 tot 9 bevat. Dis al wat jy moet doen. Geen wiskunde is nodig nie. Die rooster is vol syfers, maar niks hoef bymekaargetel te word nie. Jy los die raaisel met logika en beredenering op. Lees meer by http://en.wikipedia.org/wik/Sudoku Oplossing Nr. 19 Skakel gerus vir Wilhelm Grutter +27 (83) 457 9372 | E-pos: wg@silobags.com | Web: www.silobags.com Jan Dreyer: Sel. +27 (83) 279 3211 BLOKKIESRAAISEL DWARS 1. Verskillend (6) 4. Bariumsulfaat (6) 8. Skuins dak op pale teen ’n muur (5) 9. Snerpende (4) 10. 10 gram (8) 1 3. Samegestelde meganiese werktuig (5) 15. Houtblaasinstrument (5) 18. Druifsoort (8) 19.…

ONS GEWILDSTE GEBAKRESEPTE 3 MENG-EN-BAKBESKUIT My ma het ’n handgeskrewe resepteboek vol resepte wat sy oor die jare by vriendinne gekry het. Hy val al half uitmekaar van baie gebruik, maar die meeste van die gebak waarmee ek grootgeword het, kom uit daardie boek, so ook hierdie lekker maklike beskuitresep. ■ 1,75 kg bruismeel ■ 750 g botter of margarien, gesmelt ■ 2 eiers, geklits ■ 20 ml bakpoeier ■ 500 ml karringmelk ■ 7 ml sout ■ 250 ml suiker ■ 175 g semelontbytvlokkies met rosyne ■ 60 ml sonneblomsaad ■ 60 ml papawersaad Voorverhit die oond tot 180 °C. Smeer ’n oondbak met botter of olie. Voeg al die bestanddele, buiten die ontbytvlokkies en sade, saam in ’n groot mengbak en meng deur tot net gemeng. (As die…

Alles het begin omdat mev. Elsabe du Plessis van die plaas Uitkyk naby Wellington aan die voet van die Drakensteinberge verveeld was nadat haar kinders die skoolbanke verlaat het. Sy het parstyd betowerd na die mooi, klein korreltjies van die Pinotage-druif staan en kyk toe die lus vir konfytkook haar beetgepak het. En toe sy eers begin, was daar geen keer aan haar nie en haar winsgewende onderneming, Elsabe’s, is daaruit gebore. Niel, haar man van die afgelope 45 jaar, is die derde geslag op Uitkyk. Hulle kweek wingerdstokkies en maak wyn op die plaas, vandaar die leuse “From the vine to the wine”. Dis Niel se wyn- en wingerdkennis wat Elsabe, oorspronklik van Upington, aangespoor het om by die plaas betrokke te raak. Sy’t aanvanklik die wingerdkwekery bemark, die…

Die Bolero Maxitruck Plus is die jongste toevoeging tot Mahindra Suid-Afrika se gewilde reeks bakkies. Dit is ’n taai enkelkajuit-bakkie met ’n ekstragroot laaibak en lae loop- en instandhoudingskoste . . . en dit alles teen ’n besonder bekostigbare prys. Mahindra het die asafstand van die Maxitruck Plus van 3 014 mm in die gewone Bolero tot 3 150 mm verleng, wat beteken ’n groter laaibak van 2 500 mm x 1 540 mm x 295 mm, oftewel 1,13 m3 pas daarop. Die loonvrag is 1 150 kg. Krag kom van Mahindra se bewese MSDICR-viersilinderturbodieselenjin van 2,5 liter met direkte inspuiting wat 46 kW en ’n gesonde 195 N.m wringkrag van net 1 400 r/min. af ontwikkel. Die enjin is gekoppel aan ’n vyfganghandratkas. Gemiddelde dieselverbruik, sê Mahindra, is net…

ELSENBURG KANOLAKOMPETISIE KAN BOERE HELP MET OPBRENGS ISANDO BESTE SLAGHUISE IN SA AANGEWYS…

NET 1 763 melkboere produseer vandag soveel melk as wat 12 500 in 1991 geproduseer het. Mnr. Phillip Swart van die Melkprodusente-organisasie (MPO) skryf dié afname in produsente en toename in produktiwiteit toe aan die industrialisasie van die melkbedryf sedert regulering einde 1991 afgeskaf is. Hy het op die MPO se suiwel ekspo op Lichtenburg gesê hoewel die melkprys in dieselfde tydperk teen gemiddeld 8% per jaar gegroei het, die wêreldmark al hoe mededingender raak. Hy waarsku dat boere nie met hul broeke op hul knieë gevang moet word nie. Hy sê veranderende eetpatrone van verbruikers in Suid-Afrika en die res van Afrika beteken dat daar markte oopgaan. “Ons moet vir Tim Noakes daarvoor dankie sê, maar julle moet wakker wees en die geleenthede benut. Moenie huil as Nieu-Seeland daardie…

PROF. Ben Cousins eien sy organisasie nie maklike oorwinnings toe as hy oor die suksesse van Plaas (die instituut vir armoede-, grond- en landelike studies), ’n organisasie wat hy 20 jaar gelede gestig het, praat nie. Tog het hy en sy kollegas kritieke landelike en armoedestudies as ’n volwaardige navorsingsgebied in Suid-Afrika gevestig en gehelp om die openbare debat te verander deur hul navorsing met opleiding en beleidsimplikasies te koppel. Hulle het nie grond- en landelike beleid soveel beïnvloed as wat hy gehoop het nie. Die dankbaarheid van nie-regeringsorganisasies en bewegings wat hulle vir mense se regte beywer, is egter ’n teenwig vir Cousins se beskeidenheid oor Plaas se prestasies. Vir grondlose mense wat gehoop het om gou hul grond in ’n demokratiese Suid-Afrika terug te kry, het Cousins en…

DIE prys van kalwers is basies dieselfde as die vorige week. Daar is ’n groot vraag na B- en C-graad vleis. Pryse word verskaf deur CMW/OVK (Kroonstad), BKB (Gouda) en GWK (Kimberley). Internasionaal: Die gemiddelde prys van mielies het met 0,3%, oftewel $0,41/t (R4,92/t), gedaal tot $141,99/t (R1 704/t). Op ’n jaargrondslag is dit 28,6%, oftewel $56,88/t (R682,56/t), laer. Verwagte pryse: Julie – $142,59/t (R1 711/t), September – $144,72/t (R1 737/t), Desember – $148,81/t (R1 786/t), Maart – $152,99/t (R1 836/t). Plaaslik: Die Safex-prys vir wit mielies het met 4,3%, oftewel R110/t, gestyg tot R2 680/t. Geel mielies het met 2,2%, oftewel R52/t, gestyg tot R2 373/t. Op ’n jaargrondslag is dit 26,1%, oftewel R554/t, hoër vir wit mielies, terwyl geel mielies 10,1%, oftewel R218/t, hoër is as in die…

“Voerpryse het gestabiliseer en behoort nie na die einde van die jaar noemenswaardig te styg nie – veral as gesonde prysbestuur toegepas en prysvlakke vir grondstowwe tot einde vanjaar vasgemaak word.” So sê mnr. Heiko Köster, veekundige en veevoerkonsultant vir verskeie voerfabrieke, maatskappye en die Amerikaanse graanraad. Hy beveel prysbestuur sterk aan omdat die pryse van grondstowwe nou redelik laag is en dit moet gebruik word om marges te beskerm. “Die wisselvalligheid van die wisselkoers en internasionale produkpryse sal vorentoe die grootste invloed op voerpryse hê.” Mielies het verlede jaar rekordpryse van tot R3 600/t gehaal, maar toe weens ’n rekordoes tot onder R1 600/t gedaal. Köster sê die prys van mielies het nou rondom R2 400/t gestabiliseer. Suid-Afrika sal sowat 580 000 ton moet invoer, maar hy sê die…

SA Holstein, die Holsteinmelkbeestelersgenootskap, het op vanjaar se Bloem Skou in Bloemfontein ’n nuwe veilingformaat op die proef gestel wat selfs die genootskap se beste verwagtinge oortref het. “Ons het besluit om ’n ope veiling te hou,” sê mnr. Herman Duvenage, die rasdirekteur. Die veiling is tydens ’n dinee gehou, waar gaste op vyf telers se kuddes kon bie. ’n Inligtingspakket van elke teler se kudde is voorgelê. Die suksesvolle bieër kon enige vers uit die kudde waarop gebie is, kies. “Dit het baie goed gewerk. Ons wou graag iets anders as vorige jare doen en hierdie veilingsmodel het groot byval by kopers en verkopers gevind,” sê Duvenage. Die hoeveelheid telers wat toegelaat is om hul kudde op die veiling beskikbaar te stel, was tot vyf beperk, aangesien dit ’n…

MEI DORDRECHT 28, TLU SAveldskaapskou. Avondzon. SA Vleismerinoen slaglamkompetisie. Vleismerino, Kosie Slabbert, sel 079 366 8524. Vleismerino, C.G. Rossouw, sel 087 160 0616. Merino, Kosie Slabbert, sel 079 366 8524. Slaglam, Steyn Smit, sel 082 444 2595. JULIE LUTZVILLE 30 Julie1 Augustus, Lutzvilleskou. (Streek: Dorper en Wit Dorper), BenedeOlifantsrivierperdekampioenskap. Perde, 083 398 0899. Kraampies, 083 620 2294. Epos: jeanetteafox@gmail.com. POTCHEFSTROOM 311 Augustus, AgriWorkslandbouekspo. Trimpark, Potchefstroom. CADEK Media, tel. 021 854 4700, web: www.agriworks.co.za, epos: info@cadek.co.za. AUGUSTUS GEORGE 2729, Outeniquaskou. Saalperdklubskou, Kaapse Boerperd, SA Boerperd en algemeen, André, sel 072 510 0099. Melkbeeste, Nico, sel 083 635 9907. Vleisbeeste, Tinnie, sel 083 367 8596. Angusveiling, Leon, sel 082 335 3094. Jeugskou, Jurie, sel 082 333 6646. Skape, Pieter, sel 082 825 3890. Pluimvee, Willie, sel 072 905 5858. Huisvlyt, kraampies, Susan/Dennis,…

GRAMMADOELAS, W.KP, SKRYF: Manie, volgens die dom Suid-Afrikaanse mans kan ’n mens op 72 nie meer dans, swem óf tennis speel nie en ook nie meer romanties wees nie. Ek is ’n 72-jarige vrou, weduwee, het blonde hare, bruin oë, 1,67 m lank en het ’n matige gewig. Ek is aantreklik, lag graag en doen al die bogenoemde dinge met oorgawe. Alle mans, 60 en ouer, kan skryf. Ek het net twee vereistes: My maat moet ten minste 1,8 m lank wees en asb. geen lang baard het wat op sy bors hang nie. Ek gril my bewusteloos. Nou wil ek amper soos Gammat sê: “Traai my.” LOSLAPPIE, N.KP: 35-jarige man, was nog nooit getroud nie, selfonderhoudend, 1,72 m, 74 kg, het groen oë en bruin hare. NGK . Hou…