Innehållsförteckning för 15 May 2015 från Landbouweekblad

Jare lank al vra die wildboere hulle wil eerder onder die Departement van Landbou val as die Departement van Omgewingsake. Dis ’n heel billike versoek. Wildboerdery is tog immers ’n boerdery. Diere word in kunsmatige toestande geteel en grootgemaak, al is dit vir jag. Buitendien, baie kommersiële boere het lankal ’n wildsvertakking – of hulle nou pens en pootjies in die ding ingeklim het en hul beeste verkoop het of net so ’n paar biltongjagters op die plaas laat skiet. Dinge in die wildbedryf het eers regtig aan die roer gekom met skaars wild, soos swartwitpense en bastergemsbokke – destyds toe almal nog soort van verstaan het die mark se waarde word deur jagters onderskraag. Hetsy trofeejagters of biltongjagters met ’n bietjie geld; daar was altyd iemand wat die diere…

MIELIES HIER, DAAR, ORAL! Die volgende gedig deur P.A.S. Gouws, Aroma, Clocolan, het in die briewekolom verskyn: Mielieprodukte is in ons land Goed bekend – tot in die Strand. Mieliepap en mielierys, Mielieprodukte in elke huis. Mieliekoek en mielietert, Mielies is mos baie werd. Dis mielies agter en mielies voor, Mielies oral waar jy hoor. Mielieblom of mieliemeel, Dis mielies wit en geel. Soet mielieprodukte, warm of koud, En met of sonder ’n knippie sout. Mieliepap of mieliebrood, Mielies maak ons kinders groot. Ook vir skaap of vark of os Bly mielies nog die beste kos. Elke boer sal hom moet roer – Hy moet die land met mielies voer. Mannetjies Roux, opwindende agterspeler, in aksie. Hy is een van vyf landbouers – drie boere en twee tegnici – in…

DIT gaan blykbaar nie nodig wees om veel meer as 750 000 ton mielies in te voer nie. Die produsente-organisasie Graan SA sê in sy jongste vooruitskatting, gegrond op die amptelike oesskatting, dat 753 000 ton geel mielies waarskynlik vanjaar ingevoer sal moet word. Dít kan voedselprysinflasie aanhelp omdat die rand se waarde tans laag is, wat invoer duur maak. Die Nasionale Landboubemarkingsraad (NLBR) se vraagen-aanbodkomitee verwag in sy jongste vooruitskouing net invoer van 550 000 ton (500 000 ton geel mielies en 50 000 ton wit mielies) vir die jaar. Dit is egter moeilik om die twee te vergelyk, want die NLBR se mielie-bemarkingsjaar strek van begin Mei vanjaar tot einde April volgende jaar. En die bemarkingstydperk waarvoor Graan SA sy vooruitskattings doen, is van begin Maart vanjaar tot…

Wat sien jy as jou vernaamste fokuspunt by Agri SA? Van Zyl: Op kort termyn die verhouding met die staat en om te verstaan hoe daardie dinamiek werk. Dan ook Agri SA as ’n handelsmerk en wat dit vir mense beteken. Op langer termyn is voedselsekerheid en transformasie sekerlik die groter kwessies. Van der Rheede: Wat ’n mens in die landelike gebiede moet vra, is wat is die groter droom? Wat wil die plaaswerkers, die plaaseienaar en gemeenskappe sien gebeur. Ons is nog te gefragmenteerd – plaaswerker hierdie kant en plaaseienaar daardie kant. My groot rol sal seker wees om harmonieuse verhoudings te help vestig en mense te help om saam te begin droom oor ideale vir die landbou. Wat sien jy as goeie en slegte punte van Agri SA?…

VERBRUIKERS kan eersdaags met ’n meer geruste hart bevrore hoenderstukke koop. Regulasies om die inspuit van pekelwater te beperk, gaan ingestel word. Die huidige toelaatbare gewigstoename vir heel hoenders is ’n 8%-soutoplossing om die vleis, wat soms taai is wanneer dit gekook word, sagter te maak. Weens swak kontrole en onduidelike beperkings het hoenderporsies in sommige gevalle tot 50% swaarder geweeg. Mnr. Mooketsa Ramasodi, hoofdirekteur vir inspeksie en kwarantyn by die Departement van Landbou, Bosbou en Visserye, sê die finale voorstel is dat heel hoenders ’n maksimum soutoplossing van 10% mag bevat en hoenderporsies ’n maksimum van 15%. Die totale opname van water in die waterverkoeler, wat gebruik word om hoender vir verdere verwerking af te koel, mag nie meer as 7% wees nie en dit moet by die 10%-…

’N Bekende beesbeoordelaar, mnr. Willem Pretorius (72) van Villiers, is op slag dood in ’n motorongeluk naby die dorp. Hy was van die plaas na die dorp onderweg toe die botsing plaasgevind het. Volgens mnr. Marius Barkhuizen, ’n familievriend, was Pretorius saam met sy seun, Tolla, nog betrokke by die boerdery. Barkhuizen en Pretorius sou binnekort naby Bela-Bela gaan jag. Mnr. Martin Seyfferdt, voorsitter van die Interrasbeoordelaarsvereniging van Suid-Afrika, sê Pretorius was een van Suider-Afrika se voorste kenners van vee en ’n bekende in beoordelaarskringe. Hy was vir jare ’n eksaminator vir die vereniging tot hy vier jaar gelede uitgetree het. Mnr. Jan de Jong, ’n mede-interrasbeoordelaar, sê Pretorius het oral in Suid-Afrika, asook in ander lande in Afrika, soos Zambië, beeste beoordeel. Hy laat sy vrou, Marie, seun, Tolla,…

BOERE moenie die fout maak om te dink hulle kan waterbelasting vryspring of water vryer gebruik in die afwesigheid van ’n watergebruikersvereniging (WGV) nie. Met of sonder ’n WGV bly wettige gebruikers verplig om te betaal. As boere nie betalings aan die Departement van Waterwese maak nie, loop hulle die risiko dat hul reg tot watergebruik opgeskort kan word. Só waarsku mnr. Nic Knoetze, uitvoerende hoof van die Suid-Afrikaanse Assosiasie van Watergebruikersverenigings (SAAFWUA). Hy het op ’n waterinligtingsdag van Agri Limpopo in Polokwane verduidelik dat die Waterwet, soos dit nou daar uitsien, onderlinge samewerking tussen boere en ander gebruikers in die gemeenskappe waarbinne hulle boer, noodsaaklik maak. WGV’s is die platform vir dié samewerking. Die Waterwet verdeel gebruikers in twee kategorieë: dié wat ’n reg op water het (huishoudings/menslike gebruik)…

1 ANGOLA | Bande met die Wes-Kaap Die Wes-Kaapse regering het onlangs ’n afvaardiging onder leiding van me. Helen Zille, premier, en mnr. Alan Winde, provinsiale minister vir ekonomiese geleenthede, na Angola gestuur met die oog op moontlike vennootskappe in die landbousektor. Angola is ’n belangrike handelsvennoot vir die provinsie. In 2013 is meer as R2 miljard se goedere uit die Wes-Kaap na Angola uitgevoer, en verlede jaar het dit met ’n verdere 30% toegeneem. Die besoek het die weg gebaan vir 17 ondernemings om handelsvennootskappe met ondernemings in Angola aan te knoop. Angola is onder meer Suid-Afrika se 13de grootste mark vir wyn. Zille het gesê sy hoop ondernemings in die provinsie kan Angola bystaan met projekte om pad- en infrastruktuurontwikkeling te verbeter. – Engineering News 2 ZIMBABWE |…

Die nuweling-koringkultivars wat vir die eerste keer vir die nasionale kultivarproewe ingeskryf is, is Sensako se SST 0127 en Pannar se PAN 3515. Dié twee is verlede jaar saam met 12 meer bekende kultivars in die sewe substreke van die winterreëngebied geëvalueer. Hierdie proewe is ’n gesamentlike aksie deur die Landbounavorsingsraad (LNR) se Instituut vir Kleingraangewasse (KGI) en die Wes-Kaapse departement van landbou. Die gesamentlike resultate word jaarliks deur die nasionale kultivar-evaluasiewerkgroep goedgekeur. Opbrengste was in verlede jaar se seisoen laer as die vorige seisoen, hoofsaaklik weens droër tydperke in Augustus en September. In die Swartland was die gemiddelde opbrengs 4,03 ton/ha teenoor die 4,77 ton/ha in die 2013-seisoen. In die Rûens is ’n gemiddelde opbrengs van 3,10 ton/ha in die proewe behaal, wat 0,56 ton/ha laer as die gemiddelde…

Die Karoo-weidingseksperiment, ’n ultrahoëdruk-beweidingsprojek op Elandsfontein naby Beaufort-Wes, het ’n verskuifbare kraal nodig gehad vir die weeg en hantering van groot- en kleinvee vir navorsingsdoeleindes. In die uitgawe van 12 Desember 2014 (“Die saak vir hoëdrukbeweiding”) het Landbouweekblad berig oor mnr. André Lund se ultrahoëdruk-beweidingstelsel en hoe hy sy drakrag verdubbel het. Omdat die stelsel soveel kritici en min ondersteuning uit amptelike navorsingskringe het, moes die Lunds op eie stoom voortgaan om die stelsel na te vors. Daar is wel ondersteuners, soos NMR Engineering op Newcastle, wat spesialiseer in die vervaardiging van toerusting vir die voer en hantering van vee. Die onderneming het in 2003 ’n kraal geborg en kosteloos op Elandsfontein af gelewer. Hierdie kraal het die waarde van verskuifbare toerusting in intensiewe veestelsels, soos die ultrahoëdruk-beweidingstelsel, duidelik beklemtoon,…

RAAIGRAS NUWE WEIDINGSTAATMAKER VIR KOEL WEER Klein Karoo Saadbemarking se nuwe eenjarige raaigras heet Big Boss. Dit is vir matige klimaatstreke bedoel en is ’n tetraploïede Westerwold-tipe, dus ’n wintergroeier met breër spruite en blare, ’n hoër vog- en koolhidraat-inhoud, ’n vinniger groeitempo, vroeër volwassenheid en ’n korter lewensduur. Die voorgeskrewe produksietyd vir Suid-Afrika is herfs, winter en lente. Dit is ’n bos-tipe raaigras wat 30 cm tot 91 cm hoog groei. Big Boss se voordele sluit in vinnige vestiging, uitstekende hergroeipotensiaal, kouebestandheid en ’n hoë weidingsproduksie. Die ruproteïen-inhoud wissel van 19% tot 28% en die verteerbaarheid van 55% tot 70%. Die produksiepotensiaal is 7 ton tot 18 ton per ha per jaar. Die gras kan as groen weiding, vir hooi, kuilvoer of as dekgewas gebruik word. Dié raaigras vereis…

plante wat moeg of siek geword het, word uitgehaal en vernietig. Gapings in beddings word met vinnige groeiers, soos radyse of blaarslaai, beplant. Dis ook ’n goeie tyd om bemesting en groenbemesting toe te dien en beddings wat gaan oorlê, met deklae te bedek. Die milde, varsblou herfsdae is perfekte tuinmaakweer. Met al die gewoel en gewerskaf sluit ’n mens die somer simbolies af en stel jou gemoed in vir die winter wat kom, met die wete dat daar vir die koue maande kos in die kas en in die grond is. ’n Spensrak vol gedroogde, gepiekelde en ingelegde somerkos en natuurlik pampoene op die dak. Nou moet ek bely: Vanjaar het daar min van hierdie lys voorskrifte gekom. Ek en kêrelman was die wêreld vol vir vakansie en ander…

Druiwesap, volroommelk en goeie gene. Dís die landbou-en-wynlegende dr. Danie Joubert, wat op 9 April honderd kersies op sy koek kon uitblaas, se geheim vir ’n lang lewe. Sy ma is twee maande ná haar 105de verjaardag oorlede. Danie is die Universiteit Stellenbosch (US) se fakulteit landbouwetenskappe se oudste alumnus en het twee jaar gelede nog ’n alumnigeselligheid op Stellenbosch bygewoon. Hy was loshande die oudste mens in die saal. Danie het sy honderdste verjaardag saam met vriende en familie by sy huis op Rawsonville gevier. Sy gesondheid is goed, maar hy woon die afgelope agt maande in Huis Lafras Moolman, die plaaslike ouetehuis. Dit keer hom egter nie om elke Saterdag ’n wakende oog oor sy tuin en werkmense, wat al 25 jaar saam met hom daar werk, te…

Jy glo nie in spoke nie? Ek ook nie! Maar laat ons erken: Soms gebeur daar ongewone, bonatuurlike dinge, wat ’n mens laat wonder. Koning Belsasar van wie ons in Daniël lees, het dalk ook nie in spoke geglo nie, maar op ’n dag toe sy partytjie ’n bietjie te rof geraak het, het hy ’n mensehand gesien wat teen die muur van die paleis geskrywe het: “Mené, mené, tekél ufarsin” (Dan. 5: 25). Dit was God se bonatuurlike manier om in te gryp en vir Belsasar en sy goddelose vriende te sê: “Halt ’n bietjie! God laat Hom nie bespot nie!” Belsasar moes leer dat die gesag wat hy met sy koningskap ontvang het, nie absoluut is nie, maar ’n gesag afgelei van die gesag van God wat rekenskap…

WENNERS! WENNERS! Oplossing van blokraaisel no. 1332 Die wenner van R250 is: J. Serfontein, Posbus 470, Hoedspruit 1380 WENNERS! WENNERS! Oplossing van blokraaisel no. 1333 Die wenner van R250 is: Hannatjie Theron, Pastoriestraat, Prins Albert 6930 Deur Anina Roux & Samantha McKendrick © xword@xword.co.za Voltooi die rooster sodat elke ry dwars, elke kolom af en elke 3 x 3 kassie die nommers 1 tot 9 bevat. Dis al wat jy moet doen. Geen wiskunde is nodig nie. Die rooster is vol syfers, maar niks hoef bymekaargetel te word nie. Jy los die raaisel met logika en beredenering op.   Lees meer by http://en.wikipedia.org/wik/Sudoku Oplossing Nr. 18 Skakel gerus vir Wilhelm Grutter +27 (83) 457 9372 | E-pos: wg@silobags.com | Web: www.silobags.com Jan Dreyer: Sel. +27 (83) 279 3211…

Daar is gedurig ’ n soeke na maklike metodes om beter uiergesondheid in ’n melkbeeskudde te verseker. Sulke metodes word voortdurend ondersoek en verbeter. Dit is daarop gemik om beter uiergesondheid te verseker en vroeë waarskuwings raak te sien vóórdat skade aan die uier of dier aangerig word. Uiergesondheidsprobleme en die verbandhoudende daling in produksie en sekondêre gesondheidsprobleme, knou ook die finansiële gesondheid van die boer. KOSTEDOELTREFFEND Die Logix-melkdierprestasietoetsskema is so ’n geleentheid om op ’n kostedoeltreffende wyse die uiergesondheid te monitor en selfs te verbeter. Hierdie en ander inligting wat vyfweekliks ingesamel word, kan ook gebruik word om die rumen en algemene gesondheid van die diere te monitor. In dieselfde asem kan hierdie verwerkte inligting gebruik word om geneties meerderwaardige diere vir uier- en algemene gesondheid binne die kudde…

Mutual & Federal Agri, ’n leier in die sektor vir landbouversekering, sal die Nampo-Oesdag gebruik om sy kundigheid aan boere oor te dra sodat hulle hul ondernemings selfs nóg beter kan verstaan. Só kan die maatskappy ander ondernemings help om hul landbourisiko’s doeltreffender te bestuur. Die uiteindelike doel hiermee is om die vaardigheidsvlakke van die bedryf uit te brei en om Mutual & Federal in staat te stel om in die regte produkvernuwings te belê wat in die ontwikkelende behoeftes van die maatskappy se groeiende kliëntebasis sal voorsien. “As deel van die Old Mutualgroep, wat die voorste geïntegreerde finansiëledienstemaatskappy op die vasteland van Afrika wil wees, is ons verbind tot die verdieping van ons kundigheid in die landboubedryf om daartoe te help bydra dat die bedryf sal bly groei,” sê…

Die CF75-verwarmer verbrand natuurlike gas of propaan. Dit ontwikkel ’n beheerde lugvloei van warm lug wat heelwat doeltreffender die lug in ’n sekere gebied verwarm. Dit is ideaal vir verwarming op hoender- of varkplase. Die CF75 kan op die vloer geplaas word of dit kan met kettings van die plafon af gehang word. Die verwarming hoef ook nie net in ’n vertrek te wees nie. Die verwarmer is só ontwerp dat dit buite geplaas kan word en steeds ’n sekere gebied doeltreffend warm maak. Die verwarmer kan aan ’n eksterne afstandbeheerde termostaat gekoppel word wat maak dat die temperatuur sonder moeite van ’n ander plek beheer kan word. Die pyp waarin die gas vloei, kan tot 3 m lank wees en is geisoleerd om beskerming te bied indien kanalisering toegepas…

DIE produksie van koring het die afgelope paar jaar in so ’n mate gedaal dat Suid-Afrika meer koring invoer as wat hy plaaslik produseer. Suid-Afrika voer nagenoeg die helfte van sy behoefte aan koring uit ander wêrelddele in. Suid-Afrika is dus blootgestel aan verskeie risiko’s wat die aanbod van koring vanuit ander wêrelddele kan beïnvloed. Dit is belangrik dat Suid-Afrika sy selfvoorsienendheid in koring verhoog. Die jongste voorneme om te plant toon dat koringboere die nuwe aanplantings vir 2015/’16 met 1% wil verhoog. Dit is nie genoeg om Suid-Afrika se selfvoorsienendheid te verbeter nie, maar ten minste word die daling in produksie gestuit. Die huidige daling in wêreldkoringpryse benadeel die bedryf se pogings om die verdere dalings in produksie te stuit. Die huidige tariefbeskerming sal nie noodwendig ’n hoër koringprys…

DIE wortelboere landwyd het, wat die gesondheid van hul aanplantings betref, die afgelope somer by die droogte baat gevind. Ondanks die hoër produksie en ’n “sagter aanvraag” meen mnr. Vito Rugani van Rugani Carrots egter dat die wortelmark vanjaar in ’n ondergemiddelde jaar in ’n vierjaarsiklus is. “Die hoër prys is normaal vir dié tyd van die jaar. Dit is ’n moeilike tyd om wortels te produseer. Die aanbod is laag en die prys dus hoër. Ek skat die gemiddelde prys is tans sowat R4/kg, hoewel die topwortelhandelsmerke tot R6/kg behaal. Dit is egter R2/kg tot R4/kg laer as in die ooreenstemmende tyd verlede jaar. Wortelpryse volg ’n vierjaarsiklus waar een jaar bogemiddelde pryse oplewer, gevolg deur twee gemiddelde jare en dan ’n ondergemiddelde jaar,” verduidelik Rugani. Volgens mnr. Rossouw…

GAUTENG CARLETONVILLE BRONKHORSTFONTEIN (329), 11 ha, aan Nuzahamufamilietrust, van C.O. Dowson, R300 000. KOEDOESFONTEIN (478), 64 ha, aan Johan & Hannetjie Ferreira-familietrust, van J.J. Ferreira, R637 740. NIGEL PLAAS 682, 36 ha, aan Gauteng Provinsiale Regering, van Kiron-ontwikkeling (Edms.) Bpk., R6 498 000. PALMIETFONTEIN (141), 128 ha, aan Cosmopolitan Projects Johannesburg (Edms.) Bpk. en Cosmopolitan Projects Tshwane (Edms.) Bpk., van Stone Arch-ontwikkelingsmaatskappy (Edms.) Bpk., R22 800 000. ZANDFONTEIN (481), 160 ha, aan Hansie Jordaan-boerderytrust, van Bay Vaal Prop. (Edms.) Bpk., R1 750 000. KWAZULU-NATAL HELPMEKAAR KARLSRUHE (17207), 95 ha, aan Bannatyne’s (Edms.) Bpk., van M.T. Gardner, R3 000 000. KOKSTAD LOT 43 DRONK VLEI (9572), 234 ha; en MUNDI (5205), 17 ha; aan A Cut Above Contracting BK, van Shigeo-eiendomme & akkommodasie BK, R2 500 000. NEWCASTLE INVARY (2967), 551…

DIE xenofobiese aanvalle van die afgelope tyd het ’n uitkring-effek gehad op die SA Boerbok-wêreldskouveiling wat in Bloemfontein gehou word. Me. Michelle Kruger, rasdirekteur van die genootskap, het aan Landbouweekblad gesê dat talle buitelanders wat reeds plek bespreek het om die wêreldskou by te woon, hul besoek afgestel het weens kommer oor hul veiligheid. “Ek het verskeie e-posse en oproepe gehad, veral van mense uit Dubai, wat gesê hulle sien nie meer kans om na die land te kom nie.” Volgens Kruger is daar ongekende belangstelling vir die uitvoer van lewende Boerbokke na Argentinië en Dubai. Sowat 100 gekeurde Boerbokke word elke ses weke per lugvrag na die buiteland gestuur. Vroeër die jaar was ’n SA Boerbokskou in Dubai gehou, waar die diere deur mnr. Kobus Lötter, die ondervoorsitter van…

Iets waarna die boere sal uitsien, is ’n praktiese sessie deur dr. Phillip Strydom, navorsingspanbestuurder in vleiskunde van die Landbounavorsingsraad se Diereproduksieinstituut, en sy kollegas oor vleisgehalte en hoe om tussen verskillende soorte vleis te onderskei. Hulle sal ook ’n amptelike, geakkrediteerde Vleisbeespaneelproesessie aanbied en daarna sal die boere “eksamen” skryf om as ’n SuidAfrikaanse Vleisbeesskool Vleismeester te probeer kwalifiseer. Dit val saam met ’n besoek aan Sparta se ontbeningsaanleg op Kroonstad. Die Vleisbeesskool se borge is Pick n Pay (platinum), Molatek, Unistel, Zoetis, BKB, Sparta (goud), die RPO, Taltec, Ruddskaal, Land Bank en SA Grainfed Beef (silwer). Die geaffilieerde borge is Nerpo en die Universiteit van die Vrystaat, terwyl goeie samewerking ook van die Landbounavorsingsraad verkry word.…

100 000 Dit is die aantal huishoudings wat van hernubare krag voorsien kan word vanaf Jeffreysbaai se windplaas wat oor 3 700 ha uitgesprei is. Die windlaaiers kan saam sowat 460 000 megawatt-uur (MWh) se krag per jaar voorsien. Suid-Afrika het nou al 79 hernubare kragaanlegte wat werk of in aanbou is. Dit verteenwoordig ’n opwekkingsvermoë van 5 243 MW en private beleggings van R169 miljard. – City Press 2,25 M. TON Argentinië se suikerproduksie vir die 2015/’16-produksiejaar word op 2,25 miljoen ton geraam. Vanweë goeie reën in Februarie en Maart in die produksiegebied word die grootste hoeveelheid suikerriet nóg verwag. Nogtans word die bedryf geknou deur ’n lae wêreldprys vir suiker en stygende produksiekoste. Sowat 400 000 ton suiker sal waarskynlik teen ’n verlies uitgevoer moet word. – Sugar…

ARTIKELS & RUBRIEKE ■ Presisieboerdery vir beste weiding ■ Koring onder besproeiing behaal goeie opbrengs ■ Dié jong boer doen iets van alles ■ Boereplan: Boer bou eie toerusting en boer sonder werkers GESIN ■ Boerekos: Koekies en beskuit SPESIAAL ■ LandbouWiele TEGNOLOGIE Groot data in die landbou kom toenemend in die kollig. Werktuie beweeg nou op dié terrein, en versamelde data word on middellik in’n databasis gelaai sodat dit dadelik in besluitneming gebruik kan word. Lees volgende week waar jy kan begin as jy voel jy tas in die donker tegnologieveld rond.…

MNR. ANDRÉ LUND, afgetrede boer van Beaufort-Wes wat ultrahoëdrukbeweiding op sy plaas Elandsfontein toepas. In Desember het LBW berig oor sy boerderystelsel, en op bl. 54 wys hy twee boereplanne, onder meer ‘n verskuifbare kraal-en-drukgang. VERTEL ONS VAN JOU GESIN. Ek en Martie is in 1962 getroud en ons het 50 jaar lank geboer. Ons het vier seuns: Pieter-Hendrik, wat sy eie onderneming besit; Alwyn-Louis, wat vir ‘n paletmaatskappy in Nelspruit werk; Gustaaf, wat op Elandsfontein boer; en André, ‘n versekeringsmakelaar. Al vier is getroud en ons het 12 kleinkinders. WAT HET JY GESTUDEER? Ek het kursusse op Grootfontein gevolg, maar die plaas was my klaskamer en die onderwerp veeboerdery en die veld. WAT HET DIE SAADJIE GEPLANT VIR ULTRAHOËDRUKBEWEIDING? John Acocks het in 1976 my plaas besoek en ek…

DIE Regering se steunprogramme vir swart boere blyk nie die gewenste impak te hê om van hulle suksesvolle boere met beter lewenstoestande te maak nie. Dít was die boodskap by ’n werksessie van die Parlement se portefeuljekomitee oor landbou, bosbou en visserye. Die Presidensie se departement vir beplanning, monitering en evaluering het ’n ondersoek met die samewerking van die Departement van Landbou, Bosbou en Visserye gedoen om te bepaal of die Regering se kredietskema vir swart boere (Mafisa) en sy omvattende steunprogram vir die landbou (Casp) hul doelstellings bereik. Dit het aan die lig gekom dat Mafisa voorlopig gestaak is om te bepaal waarheen die geld gegaan het. Landbouweekblad het einde verlede jaar berig die Tesourie het R136 miljoen by Mafisa teruggevat om te keer dat dit “roekeloos bestee” word…

NUWE SENIOR EKONOOM Me. Thabi Nkosi (naasregs op die foto) is die nuwe senior ekonoom by Agri SA in die plek van mnr. Dawie Maree, wat nou hoof van FNB se landbou-inligting en -bemarking is. WAAR KOM JOU BELANGSTELLING IN DIE LANDBOU VANDAAN? Eerstens kom dit uit die erkenning van die potensiaal wat die landbou het om armoede te verlig en geleenthede aan arm gemeenskappe te bied. Tweedens is dit belangrik om te onthou dat die landbou nie by die plaashek eindig nie; ons oorlewing word daardeur bepaal. Daarom het ek nog altyd ’n natuurlike belangstelling in die landbou gehad. HOEKOM HET JY AGRI SA GEKIES? Agri SA het ’n uitstekende reputasie en ’n werksmag wat gerespekteer word. Ek glo die organisasie is in die ideale posisie om gunstige veranderings…

BRUCELLOSE is ’n nasionale ramp, het die bekende veearts dr. Faffa Malan op SA Stamboek se Elite-teeltsimposium in Bloemfontein gesê. “Dit is ons almal se probleem.” Malan behartig onder meer die maandelikse siekteverslag van die Herkouer-veeartsenykundige Vereniging van Suid-Afrika (RuVASA). Volgens die jongste verslag is brucellose die voorafgaande maand in kuddes in ten minste ses provinsies opgespoor: Mpumalanga, Gauteng, Noordwes, die Vrystaat, KwaZulu-Natal en die Wes-Kaap. Malan benadruk dat sulke gevalle maandeliks gedokumenteer gaan word solank as wat elke enkele beesboer in die land nie ’n poging aanwend om dié siekte, ook bekend as besmetlike misgeboorte, te bestry en uit te roei nie. Hy wys daarop dat brucellose vinnig versprei as koeie toegelaat word om besmetlike nageboortes te vreet. Vlieë kan dit ook van plaas tot plaas oordra. Dit is…

MINISTERS en staatsamptenare se teenstrydige uitsprake oor die landbou en grondhervorming moet gesien word in die lig van die Suid-Afrikaanse Regering se uitdaging om die maatskaplike behoefte aan restitusie en werkskepping te balanseer met die noodsaaklikheid van ekonomiese groei en voedselsekerheid. Só het mnr. Hans van der Merwe op Agri Noordwes se onlangse jongboerkonferensie op Lichtenburg gesê. “Ons moet kyk hoe ander lande dieselfde uitdagings aanpak. In baie lande is die rol van landbougrond in werkskepping en as ’n heenkome vir landelike armes belangriker as dié sektor se ekonomiese bydrae.” Suid-Afrika se kommersiële landbousektor volg dieselfde neigings as landbousektore in ander eerstewêreldlande waar konsolidasie van boerderye die norm is en daar al hoe meer op dié grond geproduseer word. “Ons produseer nou net soveel mielies as wat ons in die…

OPGEWONDENHEID is besig om op te bou in aanloop tot die Royalskou se karkaskompetisie wat vir ’n tweede jaar deur Landbouweekblad geborg word. Meer as 120 karkasse is reeds vir die kompetisie ingeskryf. Verlede jaar het die skou die eerste karkaskompetisie aangebied. Nie net bees- en lamskarkasse kon ingeskryf word nie, maar ook varkkarkasse. “Die Royal se karkaskompetisie hou nou die nasionale rekord vir die hoogste prys per kilogram vir ál drie diersoorte. Verlede jaar is die wen-varkkarkas, wat volgens Samic- (die Suid-Afrikaanse Vleisbedryfsmaatskappy) standaarde beoordeel is, vir R78/kg opgeveil,” sê mnr. Terry Strachan, uitvoerende hoof van die Royal-landbougenootskap. “In 2013 is die rekordprys van R110/kg vir ’n beeskarkas tydens hierdie kompetisie behaal, en in 2007 is ’n ongehoorde prys van R3 000/kg vir ’n lamkarkas betaal. Dit is onwaarskynlik…

Die jongste oesskatting van somergraan en plantvoorneme vir wintergraan toon onteenseglik dat Suid Afrika in 2015/’16 ’n netto invoerder van basiese graan en oliesade gaan wees. Daarby voer Suid-Afrika op groot skaal vleis in. Die jongste oesskatting, wat oesgroottes redelik akkuraat bevestig, dui daarop dat Suid-Afrika heelwat geel mielies sal moet invoer. Die eerste twee skeepsvragte geel mielies is skynbaar reeds in Kaapstad afgelaai. Suid-Afrika gaan ook teen die eerste kwartaal volgende jaar ’n tekort aan wit mielies – of minstens ’n besonder knap voorraadposisie – ervaar. Daarmee saam toon die eerste plantvoorneme vir koring van sowat 481 000 hektaar (feitlik dieselfde as verlede jaar) dat saaiboere nie beoog om koringaanplantings uit te brei nie ondanks die invoertarief van sowat R461/ton. Die plaaslike prys op die termynmark is rondom R3…

Op grond van die bevindings kan die volgende voorspellings vir die bedryf gemaak word: ■ Die bruto omset van die verkope van lewende wild kan die R2 miljard-kerf oorsteek. ■ Die getal diere verhandel kan rondom die 35 000-kerf stabiliseer. ■ Meer studiegroepe in meer provinsies sal die lig sien soos wildboere die waarde sien van samewerking en om van mekaar te leer. ■ Die getalle van skaarser wildsoorte sal toeneem tot voordeel van die Suid-Afrikaanse biodiversiteit. ■ Die gemiddelde nominale pryse van die meeste wildsoorte sal toeneem met skaarser diersoorte se gemiddelde reële pryse wat sal aanhou stabiliseer. ■ Die pryse van algemener wildsoorte sal aanhou styg, wat ’n beduidende impak op mediumtermyn op die jagbedryf kan hê – hierdie segment sal ook stygende wildverkope realiseer. ■ Wat genotipe…

TRADISIONELE MELKTERT Vir regte melktert met skilferkorsdeeg is daar ongelukkig nie kortpaaie nie. Jy kan jou deeg in die winkel koop, ja. Maar dan kan jy ook battery-eiers en margarien vir die pap gebruik. Dis volroommelk, werfeiers se gele en regte botter wat melktertpap maak wat dit moet wees. Hierdie tert, stap vir stap op die tradisionele manier gemaak, proe soos mélktert . . . Skilferkorsdeeg ■ 4 x 250 ml koekmeel ■ 2 ml sout ■ 125 g koue botter ■ 2 eiers, geskei (gebruik werfhoenders s’n – free range in die winkels) ■ 250 ml yswater . ■ 15 ml suurlemoensap ■ 500 g koue botter, ekstra Melktertpap ■ 1 liter vars volroommelk ■ 2 stukke pypkaneel ■ 125 ml suiker ■ 90 ml koekmeel ■ 30 ml…

Dit was koud, nat en donker toe ons anderkant die groot water in die vreemde neerstryk. In Suid-Afrika lag die somerson Desembermaande reeds vroemôre breed, maar in Duitsland loer die eerste sonstrale eers teen nege-uur skamerig oor die horison. Ons was ’n span geweerskrywers van regoor die wêreld wat teleskope sou toets en in die digte Duitse woude jag maak op vreemde wildsoorte (vreemd vir my, altans): Moeflonskape, reebokke, rooiherte, wildevarke en ook Europese vosse. Op die skietbaan is ek ’n moderne Mauser in die hand gestop, toegerus met ’n Zeiss-teleskoop. Die kaliber was .308 Win en die ammunisie was van RWS, gelaai met 165 gr-koeëls. Op die teiken het die koeëlgate mooi gebondel – ek was reg vir die jag. Ons is vroeg die volgende oggend met busse na…

Die Valley Macadamias Groep verwerk, verpak en verskaf rou, heel neute en neute in hul doppe. Die groep bestaan uit Sabie Valley Macadamias, Alkmaar Valley Macadamias en Levubu Valley Macadamias. Mnr. Alan Sutton is die voorsitter van die Valley Macadamia Groep. Hy het die maatskappy in 2004 gestig nadat hy besef het daar is ’n behoefte aan ’n neutverwerker wat deursigtige betalingsmetodes gebruik wat nie ’n jaar neem om af te handel nie. In die afgelope dekade het die maatskappy vinnig gegroei en planne vir verdere uitbreiding is reeds beraam. Die hoofaanleg is op Kiepersol in Mpumalanga en spog met volledige aanlegte vir die sorteer, droog en verpakking van die heel neut in sy dop, sowel as die kraak van neute (uit die dop). ’n Satelliettak wat ingerig is vir…

Die Valley-spilpuntstelsel is wêreldbekend vir sy uitstekende gehalte en duursaamheid. Valley Irrigation verskaf spilpunte aan Afrika-lande suid van die Sahara. Hoewel Suid-Afrika verreweg die grootste mark is, word plaaslik vervaardigde spilpunte ook aan Zimbabwe, Zambië, Mosambiek, Swaziland, Malawi, Kenia, Tanzanië en Mauritius gelewer. Mnr. Gideon Human, ’n boer van Van Reenen, boer onder meer met graan, soja en mielies. Hy het ook vee op die plaas. Gideon het gesê hy weet al jare van Valley Irrigation se goeie reputasie en daarom was dit sy eerste keuse toe hy vyf jaar gelede na besproeiing oorgeskakel het. “Valley het ’n verskeidenheid pakkette wat hy kan aanbied na gelang van die boer se behoefte. Ons gebruik die pakket wat 12 mm per 24 uur toedien en heel standaard toegerus is. Van die lande…

DIE brand wat op 5 April die grootste deel van die sybokhaaraanleg van die Stucken-kopershuis op Uitenhage in puin gelê het, het ’n beduidende invloed op die daaropvolgende bokhaarveiling in Port Elizabeth gehad. Die prys van kleinbokkiehaar het op CMW se veiling met 9,8% getuimel tot R276,85/kg. Die prys van jongbokhaar het met 3,1% teruggesak en dié van grootbokhaar met 1,7%. CMW se markaanwyser het met 4,5% gedaal tot R194,08/kg. Volgens CMW word 90% van die wêreld se sybokhaarproduksie halfverwerk in Suid-Afrika. Dit bring mee dat die res van die kopershuise wat bokhaar koop, in ’n tou sal moet staan om dit by Samil, die enigste ander verwerker, te laat verwerk. “Dit beteken dat ’n deel van hul aankope nie aan kliënte gelewer kan word nie, maar eers in voorraad…

’N REKORDOES vir rosyne word vanjaar verwag. “Hoewel vanjaar se oes nog nie klaar gelewer is nie, is dit volgens alle aanduidings ’n rekordoes van meer as 60 000 ton,” sê mnr. Dappie Smit, hoofbestuurder van Droëvrugte Tegniese Dienste. Die besonder hoë volumes rosyne van die afgelope oestyd bied die geleentheid om deurlopend aan markte te kan voorsien. “Turkye, wat ’n groot produsent van rosyne is, het glo onlangs erge rypskade gehad, waarvan die omvang nog bepaal moet word . Dit behoort ’n gunstige invloed op die vraag na rosyne uit Suid-Afrika te hê en kan veroorsaak dat pryse nie so maklik afgedwing word nie,” sê Smit. “Maar, soos verwag kan word met ’n oes wat soveel toeneem, is die gehalte effens swakker as dié van die vorige oestyd. Dit…

ALGEMEEN 20–31 MEI: TLU SA se inligtingstoer na Georgië vir beleggingsgeleenthede. Bennie van Zyl, sel 082 466 4470, of epos: bennievz@gmail.com. 29-30 MEI: NamakwaWeskusekspo. Vredendalsportterrein. Pikkie Louw, sel 082 566 5880, of epos: pikkie@agrimega.co.za. 30-31 MEI: Delheim se wilde sampioensoektogte. Delheimwynlandgoed, Stellenbosch. Johan du Toit, tel. 021 888 4600, of epos: info@delheim.com. 4-5 JUNIE: Fine brandy fusion. Konferensiesentrum, Sandton. Danie Pretorius, epos: danie@sabrandy.co.za, of info@brandyfusion.co.za. Web: www.brandy fusion.co.za. 6 JUNIE: SuidAfrikaanse mampoerfees. Willem Prinsloolandboumuseum. Tel. 012 736 2035/6, epos: info@mampoerfees.co.za. Web: www.mampoerfees.co.za. 1-4 JULIE: Mega Petex. Megapark, Bredasdorp. Pikkie Louw, sel 082 566 5880, of epos: pikkie@agrimega.co.za. 23-25 JULIE: Studenteekspo. Greenstonewinkelsentrum, Johannesburg. Web: www.studentexpo.com. 31 JULIE-1 AUGUSTUS: !Nabakosenwynfees, Upington. Sonja, sel 082 410 7669. Web: www.nabafoodandwine.co.za. 27-30 AUGUSTUS: Kaapse Blommerykekspo. Megapark, Bredasdorp. Agri Mega. Eunice Joubert, sel 082 808 1114,…

WENFOTO STUUR JOU BESTE FOTO IN EN WEN Vir die volgende drie weke wen die leser wat die wenfoto instuur, só ’n opvoubare braai ter waarde van R650. WENBRIEF ROOFDIERE SOOS WINKELDIEWE Oor die debakel rakende Woolworths se “roofdiervriendelike” vleisproduksie, die volgende: Veediefstal en roofdiere veroorsaak ’n verlies aan inkomste vir boere weens die verlies van die produk wat hulle produseer. Kan winkeldiefstal nie in dieselfde lig gesien word nie? Volgens Business Report beloop winkeldiefstal by die vyf groot varsproduk-en-kruideniersgroepe, naamlik Pick n Pay, Woolworths, Shoprite, Spar en Massmart, R2 miljard tot R3 miljard per jaar. Dit is ten spyte van verskeie maatreëls wat hulle daarstel om dit te bekamp. Gaan hulle wegdoen met ál hul maatreëls (geslotekring-televisie, sekuriteitsetikette aan hul klere, ens.) wat geld om diefstal van hul goedere…

Die vereistes waaraan bestuurslede binne landbou-organisasies, soos Agri SA, moet voldoen, is legio. Dit is te verstane dat maande lank na ’n geskikte kanditaat gesoek is om die nuwe uitvoerende direkteur te word. Soos mnr. Johannes Möller, voorsitter van Agri SA, tereg sê, is landbou-aspekte, soos die koste van besigheid en winsgewendheid, ongelukkig nie al wat in Suid-Afrika tel nie. Wat buite die plaashek gebeur, is net so deurslaggewend. Boere het onlangs self aangedui ander sake soos arbeid, grondhervorming, marktoegang en veiligheid, is bedreigings. Hulle sê ’n organisasie soos Agri SAmoet dit hanteer. Daarom was dit geregverdig om die poel van kundigheid en vaardigheid verder uit te brei met die skep van ’n pos vir ’n tweede adjunk- uitvoerende direkteur wat hom spesifiek op ontwikkelings- en maatskaplike kwessies kan toespits.…

BYNA die helfte van die 22 plaasaanvalle in Limpopo vanjaar het in die Waterberg-omgewing voorgekom. Me. Monique de Sousa in die Bela-Bela-omgewing het haar vingers gebreek soos sy geveg het. ’n Veertigjarige vrou van Lephalale moes skaars twee weke nadat sy verkrag is, haar aanvaller by die polisiekantoor uitken. Vyf gewapende mans het ’n bejaarde egpaar in die Dorset-omgewing aangeval. Mnr. Carel Badenhorst (63) se liggaam is in ’n pakhuis op Doelgerig naby Modimolle gevind. Mnr. Ian van Druten van Olifantsbeen naby Vaalwater is in die gesig geskiet. Mnr. Helgard Botha van Modimolle het ternouernood ontkom toe sy aanvaller se haelgeweer nie afgegaan het nie. Dr. George Meyer en ’n vriendin is naby Vaalwater aangeval met ’n stok vol spykers. ’n Bejaarde, swart egpaar is op 29 April naby Bela-Bela…

DIE sprekers wat jaarliks op die Vleisbeesskool by Aldam optree, is van die beste wetenskaplikes ter wêreld. Dit blyk duidelik uit hul internasionale prestasies. Dr. Mike Goddard, dieregenetikus aan die Universiteit van Melbourne in Australië en een van die vorige sprekers, word internasionaal as ’n voorste kenner van teelmateriaal beskou. Hy is onlangs tot die geledere van die gesogte Royal Society toegelaat – ’n gesaghebbende vereniging wat sy deure slegs vir die voorste wetenskaplikes en deskundiges oopmaak. “Die sprekers op die Vleisbeesskool tel altyd onder die mees uitsonderlike wetenskaplikes en toegepaste bedryfsleiers wat bestaan,” sê dr. Michael Bradfield, hoof van Breedplan SA. Vanjaar is die internasionale sprekers dr. Bob Weaber van die Universiteit van Colorado in Amerika en mnr. Christian Duff, ’n veeproduksiekenner van Australië. Bradfield sê al drie oorsese…

DIE toekoms van kleurvariante gaan oor die volgende twee dekades al hoe meer van jagters afhang. Die veilingsmark vir kleurvariante gaan ’n versadigingspunt bereik, waarna eers trofeejagters en daarna biltongjagters die bedryf se grootste teikenmark gaan word. Só meen drie rolspelers in die wildbedryf – mnre. Louis van der Watt, wildteler en uitvoerende hoof van die Atterbury-eiendomsgroep, Jaques Kriek, bemarkingsbestuurder van die private wildreservaat Mattanu, en Richard York, ’n skaarswildteler – in die Trophy Breeders se wildseminaar op die Huntex-skou. ‘TEEL GEHALTE’ Oor kleurvariante het Kriek spesifiek verwys na die geleentheid wat vir die telers van kleurvariant-spesies bestaan om die diere deur trofeejagters te laat jag: “Daar is reeds ’n hele aantal kleurvariante in Suid-Afrika vir trofeejag aangebied. In 1999 het Mattanu swart rooibokramme aan Amerikaanse jagters aangebied teen R60…

DIE Kabinet het uiteindelik sy goedkeuring gegee dat die protokol oor die onwettige handel in tabakprodukte ter tafel gelê kan word. Suid-Afrika het reeds in Junie 2003 ’n ondertekenaar van die Wêreldgesondheidsorganisasie (WHO) se konvensie oor tabakbeheer geword en dit in April 2005 bekragtig. Volgens die Tabakinstituut van Suider-Afrika (Tisa) het die onwettige handel in sigarette verlede jaar soveel as 23% van die Suid-Afrikaanse mark uitgemaak. Die Regering verloor jaarliks miljarde rande in belasting weens die onwettige handel in tabakprodukte. In 2011 was dit R4,8 miljard, in 2012 was dit R5,6 miljard, in 2013 R5 miljard, verlede jaar R3,5 miljard en teen Februarie vanjaar R602 miljoen. Mnr. Jeff Radebe, Minister in die Presidensie, het gesê die protokol sal lande help om wêreldwyd op te tree teen die onwettige handel in…

Ons het die afgelope paar jaar groot vooruitgang in die mediese wetenskap gesien. In hierdie rubriek het ek al baie daaroor gepraat dat lewensverwagtings in Suid-Afrika drasties toeneem. Trouens, navorsing dui daarop dat lewensverwagting tans met tot vyf uur per dag toeneem. Dit het natuurlik ’n groot impak op die hoeveelheid kapitaal wat benodig word ná aftrede en ons sal dit nog baie bespreek omdat swak aftreebeplanning die groot finansiële krisis van die toekoms gaan wees. Maar dit is nie die enigste impak van die vooruitgang in mediese wetenskap nie. Medikasie en mediese praktisyns sal jou nou tot diep in jou honderd kan lewend hou, maar dit sal nie goedkoop wees nie. Organe, soos lewers en harte, wat in laborotoriums gekweek word om beskikbaar te wees wanneer die oorspronklike een…

VOEDING FLUITJIESRIETE AS VEEVOER Op my kleinhoewe is ’n nie-standhoudende rivier wat die eiendom so te sê in twee dele verdeel. Daar is baie riete langs die rivier. Gevolglik kan ek nie altyd die skape sien nie en word hulle gesteel. Kan ek die riete afsny en vir veevoer gebruik as ek dit maal? Ek beoog om ook ’n paar beeste in te bring. Rivierriete – ek neem aan dit is fluitjiesriet – kan as ruvoer vir dierevoeding gebruik word. Vir diere om dit goed te benut, moet die droë fluitjiesriet gemaal en met Voermol Melassemeel gemeng word om die smaaklikheid daarvan te verhoog. Meng 40 kg Melassemeel met 200 kg gemaalde fluitjiesriet. Fluitjiesriet kan ook ingekuil word. Volg die normale praktyke om kuilvoer van goeie gehalte te maak. Mnr.…

die somer is verby en jy kan nie meer soggens sonder ’n warm baadjie uit die huis gaan nie. Dit raak nou tyd vir warm kos en allerhande winterpoedings. Ryspoeding is maklik om te maak en glad nie duur nie. Hierdie een laat my altyd terugdink aan my sorgvrye dae op Zanzibar (die dae toe ek nog vir ’n baas en ’n salaris gewerk het, net jammer die dollar was nie so sterk soos nou nie.) Die klapper, speserye en tropiese vrugtegeure gee die poeding ’n buitengewone geur. Eet dit met toe oë en ’n oop verbeelding en tjoef-tjaf voel jy of jy onder palmbome op ’n poeierwit strand lê, met jou voete in ligblou water! RYSPOEDING ■ 125 ml risottorys ■ 1 blikkie (400 ml) klapperroom ■ Halwe kaneelstokkie…

DieOos-KaapsedorpieBathurst het ’n ryk landbou-geskiedenis – dis immers in die hart van die gebied waar die Britse Setlaars van 1820 hulle gaan vestig het. In 1970 het ’n paar mense besef daar is baie waardevolle landbouwerktuie en toerusting wat hand aan hand gaan met dié erfenis en wat bewaar moet word. Hulle het met net 30 stukke die Bathurst-landboumuseum op die been gebring. Die versameling het intussen tot bykans 1 500 stukke gegroei, wat alles aan die museum geskenk is. Heelwat daarvan is skaars en seldsaam en sluit in ossewaens, perdekarre, landbouwerktuie, trekkers, stoomenjins, veeartseny-toerusting en huishoudelike toestelle. Landbouweekblad het gaan inloer by die museum en ’n paar van die interessante voorwerpe afgeneem. BRON: http://www.bathurst.co.za/bathurst/museum/ LIGGING Bathurst, Oos-Kaap…

LIGGING Moorreesburg, Wes-Kaap Bootpret: Vir buitelugliefhebbers bied Moorreesburg talle vermaak. Diegene wat watersport geniet, moet aanklop by Club Elani, ’n vakansieoord by die Misverstanddam. Geniet ’n bootrit op die rivierskip, My Lady. Die My Lady hou gereeld stil sodat gaste in die water kan afkoel. ’n Paar binnebande kan ook aan die kante van die boot vasgemaak word waarop die gaste met ’n drankie kan uitspan, terwyl die boot stadig voortvaar. Web: www.clubelani.co.za. Met dapper en stapper: Vir dié wat die gebied te voet wil verken, is die halfuur lange staptog na die kanon bo-op die Neulfonteinkoppie ’n moet. Die kanon is een van ’n reeks kanonne wat gebruik is in die dae van die Verenigde Oos-Indiese Kompanjie om boere in die Swartland te laat weet daar is skepe in…

Toe MB Plant SA (MBPSA) in 2013 die verspreider van New Holland geword het, was sy eerste stappe om vir ’n paar maande moeite te doen om sy ou klante weer te leer ken en gerus te stel dat na hulle omgesien word. Gevolglik het klante se vertroue in die maatskappy versterk en is hy oorval met navrae oor sy masjinerie. Hy het ook fluks begin om masjinerie te verkoop en kwotasies aan ’n ontvanklike mark te lewer. “Deur bewustheid te skep en ’n soliede grondslag te vestig saam met ’n haalbare besigheidstrategie, word klante die geleentheid gebied om ’n goeie produk te kry saam met persoonlike diens. Gevolglik word standvastige verhoudings geskep,” sê mnr. Danie Gerber, uitvoerende hoof van MBPSA. MBPSA se hoofkantoor is langs die R21-snelweg in die…

DIE prys van kalwers het gedaal en dié neiging kan in die komende week voortduur. Slagveepryse styg en vet C-graad is baie skaars. Pryse word verskaf deur CMW/OVK (Kroonstad), BKB (Gouda) en GWK (Kimberley). Internasionaal: Die gemiddelde prys van mielies het met 3,5%, oftewel $5,11/t (R60,49/t), gedaal tot $142,41/t (R1 686/t). Op ’n jaargrondslag is dit 28,6%, oftewel $57,06/t (R375,40/t), laer. Verwagte pryse: Mei – $139,99/t (R1 657/t), Julie – $140,94/t (R1 688/t), September – $143,46/t (R1 698/t), Desember – $147,39/t (R1 745/t). Plaaslik: Die Safex-prys vir wit mielies het met 0,3%, oftewel R9/t, gedaal tot R2 570/t. Geel mielies het met 2,6%, oftewel R61/t, gedaal tot R2 321/t. Op ’n jaargrondslag is dit 20,9%, oftewel R444/t, hoër vir wit mielies, terwyl geel mielies 7,7%, oftewel R166/t, hoër is as…

Trekkerverkope vir Maart het aansienlik teruggesak teenoor dié van verlede jaar. Met slegs 498 eenhede teenoor die 573 eenhede wat in Maart verlede jaar verkoop is, het verkoopsyfers met 13%teruggesak. Met die mielieproduksie wat volgens die Oesskattingskomitee se nuutste skatting ongeveer 30%laer is as dié van verlede jaar, is daar in Maart slegs 20 stropers verkoop teenoor verlede jaar se 67 eenhede. Vir die jaar tot dusver is stroperverkope 43%laer as dié van verlede jaar. Trekkerverkope het tot op datum met 8% verlangsaam. Mnr. Wynn Dedwith, voorsitter van die SuidAfrikaanse Landboumasjinerie Assosiasie (Salma), skryf die swak verkope toe aan uiters wisselvallige droogtetoestande wat die somergewasgebiede beïnvloed. Hy sê sekere boere het uitstekende gewasse, terwyl ander gewasse besonder swak is. Die ware opbrengs en gehalte sal eers duidelik wees nadat boere…

MEI DORDRECHT 28, TLU SAVeldskaapskou. Avondzon. SA Vleismerinoen slaglamkompetisie. Vleismerino, Kosie Slabbert, sel 079 366 8524. Vleismerino, C.G. Rossouw, sel 087 160 0616. Merino, Kosie Slabbert, sel 079 366 8524. Slaglam, Steyn Smit, sel 082 444 2595. JULIE LUTZVILLE 30 Julie1 Augustus, Lutzvilleskou. (Streek: Dorper en Wit Dorper), BenedeOlifantsrivierperdekampioenskap. Perde, 083 398 0899. Kraampies, 083 620 2294. Epos: jeanetteafox@gmail.com. POTCHEFSTROOM 311 Augustus, AgriWorkslandbouekspo. Trimpark, Potchefstroom. CADEK Media, tel. 021 854 4700, web: www.agriworks.co.za, epos: info@cadek.co.za. AUGUSTUS GEORGE 2729, Outeniquaskou. Saalperdklubskou, Kaapse Boerperd, SA Boerperd en algemeen, André, sel 072 510 0099. Melkbeeste, Nico, sel 083 635 9907. Vleisbeeste, Tinnie, sel 083 367 8596. Angusveiling, Leon, sel 082 335 3094. Jeugskou, Jurie, sel 082 333 6646. Skape, Pieter, sel 082 825 3890. Pluimvee, Willie, sel 072 905 5858. Huisvlyt, kraampies, Susan/Dennis,…

Besprekings vir die jaarlikse Vleisbeesskool wat van 14 tot 16 Oktober deur Breedplan en Landbouweekblad onder die beskerming van die Lewendehawe Registrerende Federasie by Aldam tussen Winburg en Ventersburg in die Vrystaat gehou word, het geopen en belangstellendes kan in hierdie bylae (inskryfvorm op bl. 2) of op Landbou.com en Breedplan se webwerf, www.breedplan. co.za, bespreek. Dit kos R6 700 om al drie dae by te woon, wat lesings, ’n uitstappie na Sparta in Welkom, verblyf en alle etes insluit. Mense wat net een dag wil bywoon, betaal R2 800 (verblyf ingesluit) of R2 300 (sonder verblyf). Die program is stampvol lesings deur plaaslike en internasionale kundiges. (Die program is op bl. 2.) Prof. Mohammad Karaan, dekaan van die fakulteit landbouwetenskappe aan die Universiteit Stellenbosch, sal beslis ’n groot trekpleister…

Die groei van beeste in ’n voerkraal is nie noodwendig winsgewende groei nie. Daarvoor moet die voerdoeltreffendheid gemeet word. Me. Alison Sunstrum, mede- uitvoerende hoof van GrowSafe Systems in Kanada, wat stelsels ontwerp en vervaardig om voerinname te meet, het op die vorige Vleisbeesskool by Aldam vertel hoe ver hulle reeds op hierdie gebied gevorder het. Hul voerstelsels bevat weegapparaat (weegselle) wat die beeste elke halfsekonde weeg wanneer hulle gaan vreet. Daar is individuele vreethokkies sodat elke bees afsonderlik geweeg word. Die hoeveelheid voer wat hy vreet, word ook bepaal, asook hoe gereeld hy gaan vreet. Die wegings is uiters akkuraat; tot die naaste 10 gram. Selfs al staan ’n bees nie met sy volle gewig in die voerstasie nie, bereken die rekenaar sy gewig baie akkuraat. Waterinname word ook…