Innehållsförteckning för 11-Mar-16 från Landbouweekblad

Reusebedrae is al in Afrika aan saadvoorsieningstelsels bestee met die veronderstelling dat dié stelsels nuwe, beter gewaskultivars aan boere sal voorsien. Daar was ’n aanname dat boere ál meer van hul saad deur dié formele kanale sou bekom, maar hulle doen dit nie. In ’n onlangse studie van amper 10 000 saadtransaksies in Kenia, Malawi, Zimbabwe, die Demokratiese Republiek van die Kongo en die Suid-Soedan, is bevind kleinboere koop slegs 2% van hul saad by landbou-handelaars, en 7% by regerings, die Verenigde Nasies of nie-regeringsorganisasies. Negentig persent kom uit informele stelsels. Formele landbouhandelaars voorsien betreklik min gewasse, is in dorpe geleë en bedien boere wat pakke saad van groter as 5 kg kan bekostig. Boere wat ver van dorpe af is, nie mielies wil hê nie, of nie ’n groot…

BESTUUR Saamboerhoefnie’ngesukkelaftegeenie.Alhoemeerboereoorweeg ditomdatskaalekonomieengediversifiseerdespesialiseringditvereis. Praatditnetbehoorlikdeurenwinprofessioneleraadin,sêmnre.Dirk vanPapendorpvandieplaasVoorstekopenArnoenPieterSteenkamp vanOudekraalskopbyHeidelberg. ARTIKELS & RUBRIEKE ■ Saamboer sonder sukkel ■ Kort weitye in, wys navorsing ■ Droogte: Noordwes-boere se wenke vir oorlewing ■ Nuwe geleenthede vir rooivleisbedryf ■ Boereplan: Praktiese hekknip van oorskietmateriaal GESIN ■ Boerekos: Wat eet ons vanaand? SPESIAAL ■ Dieregesondheid…

MNR. HANNES ERASMUS is vir die tweede jaar agtereenvolgens aangewys as die wenner van die Robertson-streek se top-wingerdblokkompetisie. Hy het ’n Australiese opleistelsel vir sy eie toestande aangepas. Die stelsel is ideaal vir gemeganiseerde wingerdbou. Lees die artikel op bl. 38. VERTEL ONS VAN JOU GESIN. Ek is getroud met Celia, en ons het drie kinders. JC boer nou al twee jaar saam met my en is verloof aan Arina Beck. My dogter Ronel is ’n mediese student in haar vyfde jaar, en ons jongste, Janí, is in graad 11 aan Paarl Gimnasium. HET JY STOKPERDJIES? Ja, ek ry 4x4 deur Afrika en jag graag naby Cradock, waar my vrou vandaan kom. Verder hou ek van visvang, braai en kuier. WIE IS JOU GUNSTELINGRUGBYSPAN? Eerstens die Springbokke, dan die Stormers…

DIE wyn- en brandewynbedryf verwelkom vergunnings in die sondetaks op brandewyn en vonkelwyn en meen dit sal veral die brandewynbedryf ’n broodnodige hupstoot gee. Me. Christelle Reade-Jahn, direkteur van die SA Brandewynstigting, sê die differensiële aksynstarief vir potketel- en oesjaar-styl brandewyn beteken die aksynstarief sal oor die volgende tien jaar met ’n differensiaal van 10% teenoor die aksynstarief op spiritualieë verminder. “Dit sal die status van die kategorie verhoog en boonop stukrag aan die uitvoer van brandewyn verleen.” Die brandewynbedryf het tydens die openbare deelname-proses van die onlangse beleidshersiening van alkoholbelasting bydraes in dié verband gelewer. KRIMPENDE VRAAG Suid-Afrika is op ses na die grootste brandewynprodusent, maar die vraag het sedert 2006, toe die belastingkorting op brandewyn afgeskaf is, bly krimp. Jaarlikse verbruik het met sowat 18,5 miljoen liter gedaal…

DIE forum vir belanghebbendes oor Vhembe se minerale hulpbronne (VMRSF) voer tans ’n peperduur oorlog teen die Australiese myngroep Coal of Africa (CoAL) se planne om die Vhembe-distrik in Limpopo vir steenkool om te dolwe. Daar is tans vier verskillende prosesse aan die gang om mynbedrywighede te stuit, sê mnr. Philé van Zyl, voorsitter van die VMRSF. Die eerste daarvan is ’n hersieningsaansoek wat die VMRSF gebring het teen die provinsiale departement van omgewingsake se goedkeuring van ’n verslag oor die impak wat mynverwante infrastruktuur, soos die bou van ’n spoorlyn, die aanlê van pypleidings en behuising vir werkers buite die Makhado-mynterrein op die omgewing sal hê. Van Zyl sê die forum is veral bekommerd oor die kumulatiewe impak van die ses beoogde myne op die hele gebied. CoAL het…

BYNA alle semi-kommersiële boere en alle kommunale boere in Suid-Afrika is weens die droogte bankrot, sê mnr. Aggrey Mahanjana, sekretaris-generaal van Afasa. Mahanjana het gepraat by ’n voorlegging oor die droogte aan die parlementêre portefeuljekomitee vir landbou, bosbou en visserye deur die Rooivleisprodusente-organisasie, die SA Pluimveevereniging en die SA Varkvleisprodusente-organisasie (Savpo). “Ons het ons hele moontlike kudde vir ’n hele jaar verloor. Daarom sal enige reën wat nou kom, ons nie help nie.” Hy het by die komitee gepleit om gehoor te gee aan versoeke vir ’n gesubsidieerde indeksgebaseerde versekeringskema vir die veebedryf in geval van sulke rampe. Hy het ook die Regering bedank vir die droogtehulp tot dusver, maar gesê die Regering het groot diensleweringstekorte en moet in die droogtetyd by die georganiseerde landbou aanklop om hulp. ONVOLDOENDE HULP…

BOERE van Brandvlei het op ’n inligtingsvergadering gehamer op die onsekerheid wat die huidige en toekomstige bedrywighede van die SKA-radioteleskoop vir hulle inhou. Die boere hoef in dié stadium nie grond te verkoop nie, maar verwag dat die “arms” of “korridors” met radioteleskope wat uit die SKA-kern oor hul grond gaan spiraal, hulle gaan benadeel ten opsigte van hul vermoë om met selfoontegnologie by te bly, dalende grondwaardes, roofdierbekamping en veiligheid. Me. Alice Pienaar-Marais, hoofgrondaankoper van die SKA, het op die vergadering gesê hulle gaan probeer om die meeste van die teleskope op die 118 000 ha grond wat hulle moet aankoop, te bou. “Die res lê in die spirale. Ons wil gebruiksreg verkry deur serwitute waar ons ’n teleskoop of infrastruktuur oprig.” Pienaar-Marais het boere se vrese versterk deur…

KORTOM ■ Alle oë was op mnr. Pravin Gordhan se begroting om te kyk of dit ’n omkeerstrategie sou hê om nog ’n kredietafgradering vir Suid-Afrika te vermy. ■ Staatsuitgawes word nie besnoei nie en bly vinniger groei as belasting-inkomste. ■ Die hoër inkomste sal afkomstig wees uit hoër belasting, nie besnoeide staatsbesteding nie. Sedert die afdanking van mnr. Nhlanhla Nene as Minister van Finansies verlede Desember het Suid-Afrika se ekonomie groot skade gely weens pres. Jacob Zuma se ondeurdagte optrede. Die rand het vinnig verswak, kapitaal het uit die land gevloei en rentekoerse op die geld- en kapitaalmark het hoër geneig. Die situasie het só versleg dat sakeleiers daarop aangedring het om met die Regering in gesprek te tree. Sedertdien was daar talle vergaderings waarop sakeleiers en mnr. Pravin…

Selfoon-verklikkers is een van die jongste maniere waarop inligtingstegnologie boere help om hul plase te beskerm. Dié toepassings stel ’n gebruiker in staat om met die hulp van Google Maps dadelik te sien as iemand met ’n selfoon jou plaas betree en dit kan die betreder se beweging dophou. Een so ’n produk word deur mnr. Chris Viljoen van die onderneming Jou Veiligheid bemark. Die verklikker kan gestel word om net ’n bepaalde gebied tot 7 500 ha te dek. Dit is vir sowel Android as Apple-toestelle beskikbaar. Die toepassing wys nie die betreder se selnommer nie, maar wel ’n unieke internasionale kode van 15 syfers (sy International Mobile Equipment Identity of IMEI), wat aan alle selfone toegewys word. Dit beteken die toepassing kan ’n bepaalde selfoon se spoor volg…

Mnre. Hannes en J.C. Erasmus is verlede jaar vir die eerste keer toegelaat om aan blokkompetisies deel te neem, en het toe sommer met die louere weggestap as wenners van VinPro en Winetech se topwingerdblokkompetisie in die Robertsonstreek – ’n prestasie wat hulle vanjaar herhaal het. Voorheen het hul oplei- en snoeistelsel nie aan die kriteria vir die blokkompetisie voldoen nie. Vanaf verlede jaar was die kompetisie egter oop vir wingerde wat nie op die tradisionele VSP- of kortdraer-snoeistelsel verbou word nie. Die Erasmusse se Sauvignon blanc, op Ramsey-stokke geënt en volgens die dubbelkordon- meganiese snoeistelsel opgelei, het geseëvier. Volgens Hannes was dit veral die egaligheid en gebalanseerdheid (die verhouding tussen die blaar- en trosmassa) van die blok wat die beoordelaars beïndruk het. Mnr. Hennie Visser, VinPro se wingerdboukundige vir…

TOBIE BEUKES Tobie en Nina Beukes woeker met rosyntjies op hul plaas Onderhoek, net buite Vredendal. Hulle maak pitlose rosyntjies van ’n ongewone druifkultivar, asook Boereklongens – hul weergawe van Boerejongens. Benewens droogdruiwe en inmaaksultanas, verbou hulle ook wyndruiwe en olywe. LIGGING Vredendal, Wes-Kaap Waarom is Datal vir julle ’n goeie rosyntjiekultivar? Dit is destyds ontwikkel as ’n druif met dieselfde muskaatgeure as Hanepoot, maar met minder pitte. Sommige korrels het ’n swak, onderontwikkelde pit en ander het geen pit nie. Die skil is effens sagter as Hanepoot s’n. Waarvoor gebruik julle hierdie rosyne? Ons maak Hanepoot-tipe rosyntjies wat ons van die plaas af bemark as Plaaslekkers. Ons verkoop sowat 6 ton tot 7 ton per jaar van die werf af. Aanvanklik was dit ’n manier om die plaasvroue in…

LIGGING Stanford,Wes-Kaap Waar het die idee ontstaan? Ek wou nog altyd probeer seep maak. Ek het lank daaroor opgelees tot iemand eendag vir my gesê het: “Nou hoekom begin jy nie net nie?” Ek het ’n eerste seep gemaak en toe nooit opgehou nie. Ons eerste produk was handgemaakte seep, gegeur met vlugtige olies. Later het ons ander bad- en lyfprodukte ontwikkel, sowel as ’n reeks handgebreide katoenprodukte. Dit het diversiteit in die besigheid ingebring en was ook op ’n maatskaplike en persoonlike vlak baie verrykend. Hoe het julle die besigheid gefinansier? Deur harde werk. Ek en my man het elkeen ook ’n ander beroep gehad. Alle wins wat ons gemaak het, is in Antjies teruggeploeg. In die begin het ek, my man en my kinders alles self gedoen. Later…

DWARS 1. Chemiese stof P (6) 4. Eien (6) 8. Baie groot (5) 9. Verstandige optrede met oorleg (4) 10. Skatting (8) 13. Oorblyfsel (5) 15. Feestelike binnekoms (5) 18. Tienkantige figuur (8) 19. Broer van Jakob (4) 22. Huigel (5) 23. SuidAmerikaanse volstruis (6) 24. Kragtig (6) AF 1. Tril (7) 2. Skobbejak (5) 3. Oliehoudende vrug (4) 5. Kalkklip (7) 6. Afgunstig (5) 7. Plaaswerktuig (5) 11. Operasolo (4) 12. Vlerkveer (4) 14. Fiskaal (7) 16. RSA provinsie (7) 17. Swartoestervanger (5) 18. Steekwapen (5) 20. Droefheid (5) 21. Borskwaal (4) OPLOSSING DWARS: 1. Fosfor; 4. Herken; 8. Yslik; 9. Takt; 10. Beraming; 13. Relik; 15. Intog; 18. Dekagoon; 19. Esau; 22. Veins; 23. Nandoe; 24. Magtig. AF: 1. Fletter; 2. Skurk; 3. Oyf; 5. Kalsiet; 6. Nydig;…

Vir laaitake, instandhouding en grondverskuiwing is die SDLG 918L die perfekte laaigraaf. Plaaslik word die SDLG-reeks sedert 2012 eksklusief deur Babcock International Group versprei. “Die SDLG-reeks selfaangedrewe vierwiellaaigrawe is ideaal vir die mynbou-, konstruksie-, steengroef- en landboubedryf,” sê mnr. David Vaughan, verkoopsdirekteur van toerusting. Die SDLG 918L is ’n sestonlaaigraaf met ’n standaardemmerkapasiteit van 1 m3, ’n storthoogte van 2 510 mm en uitbreekkrag van 58 kN. Onder die kap is ’n Yuchaidieselenjin met vier silinders wat 58 kW lewer. Met sy betroubare traksie, puik laaigraafvermoë en stewige struktuur, is die SDLG 918L ideaal vir plaaswerk. Die SDLG-reeks van vyf laaigrawe (SDLG 918L, SDLG 938L, SDLG 958L, SDLG 968L en SDLG 978L) het ergonomies ontwerpte kajuite wat die meeste geraas uitdoof. Lugversorging bied gemak aan die operateur. Hierdie swaardiensvoertuie is…

DIE voortslepende droogte laat ook sy spore in die varkbedryf. Mnr. Simon Streicher, hoofuitvoerende beampte van die Suid-Afrikaanse Varkvleisprodusente-organisasie (Savpo), sê die styging in mieliepryse dwing varkboere op hul knieë. “Tot 60% van varkvoer bestaan uit mielies en omdat plaaslike mielieboere nie vanjaar hul gewone aanplantings kon doen nie, het pryse skerp gestyg,” sê hy. Die prys van geel mielies het sedert Februarie verlede jaar met bykans 70% toegeneem. “Om dieselfde gehalte en hoeveelheid varkvleis in dié omstandighede te lewer, is ’n uitdaging en ongelukkig gaan die hoeveelheid beskikbare varkvleis vanjaar afneem. Dit gaan ’n uitkringeffek op die vraag-enaanbod-situasie hê, wat beteken dat ’n styging in varkvleispryse onafwendbaar is.” Hy meen selfs al val daar nou goeie reën gaan dit te laat vir verskeie varkboere wees om van die slag…

Hou so ver moontlik jou teeldiere en gebruik objektiewe prestasiedata as jy wel geen ander keuse het nie as om vee te verminder. Dít is dr. Pierre van Rooyen, hoofbestuurder van SA Stamboek, se raad aan droogte-geknelde beesboere. “Dit gáán weer reën en as die droogte eers gebreek is, gaan teelmateriaal bitter skaars en duur wees. Probeer so ver moontlik vasbyt en kuddes behou,” sê hy. Hy het bygevoeg dat dit uiters belangrik is dat boere dié moeilike situasie met absolute verantwoordelikheid bestuur. Hy kan dit nie genoeg benadruk nie dat objektiewe prestasiesyfers nou van die uiterste belang is om te verseker jy hou jou beste teelmateriaal wanneer jy van diere ontslae moet raak. So ’n beoordeling kan nie net op sigwaarde gedoen word nie, maar volgens gemete data. Hy…

14% Die DA sê hy is diep bekommerd oor die landbousektor wat volgens syfers van Statistieke SA verlede week die vierde kwartaal laas jaar met 14% ingekrimp het. Volgens die jongste BBP-syfers het die landbou tussen 2014 en 2015 met 8,4% gekrimp – die grootste afname sedert 1995. Sedert die begin van die droogte was daar 37 000 werksverliese met ’n verdere 36 000 werksverliese in sekondêre bedrywe, soos die voedselbedryf. – DA R8,8MILJARD Barclays loop die gevaar om sowat R8,8 miljard van die sowat R83,6 miljard te verloor wat oor die afgelope tien jaar aan Absa, ’n voorste kleinhandelsbank in Suid-Afrika, bestee is. Barclays het verlede Dinsdag sy planne bevestig om sy 62,3%-aandeel in Absa te verkoop – glo om koste binne die groep te besnoei. Absa se wins…

‘As ons sê dit gaan só sleg in die landbou, gaan niemand meer wil belê nie. Landbou is steeds ’n ongelooflike beleggingsmoontlikheid.’ Mnr. Ernst Janovsky van Absa AgriBesigheid se Sentrum vir Uitnemendheid. Bl. 18 ‘Ek kan nie vandag sê dat ons nooit weer sal grond koop nie. SKA Internasionaal kan na my toe kom en sê koop net nog vir my daardie 20 hektaar.’ Me. Alice Pienaar-Marais, hoof-grondaankoper van die SKA, aan boere. Bl. 26 ‘Boere moet sê watter soort inligting oor die weer hulle nodig het. Ons beskik waarskynlik oor die tegniese vermoë om dit te kan verskaf. Dit is nie meer goed genoeg om net te sê dit gaan ’n droë of nat seisoen wees nie.’ Prof. Willem Landman, hoogleraar in meteorologie aan die Universiteit van Pretoria, op…

WENBRIEF Mense om braaivleisvure is nie noodwendig dom of oningelig as daar lekker en reguit gepraat word oor die ramspoedige afwaartse spiraal waarin Suid-Afrika tans vasgevang is nie. Onbevoegde politici, dom regeringsbesluite en korrupsie staan hoog op die agenda, maar rugby se Heyneke Meyer en Victor Matfield spring dit ook nie vry nie. Suid-Afrika staan bekend as ’n waterarm land. Die land se gemiddelde reënval van 460 mm per jaar vertel nie die regte storie nie. Die reënval verminder drasties van die ooste na die droë weste. As daar geen reën val nie of die reën is te min, raak dit die hele land. As me. Nomvula Mokonyane, Minister van Water en Sanitasie, sê boere gaan nie staatshulp ontvang nie en dat hulle sal moet aanpas om sonder staatshulp klaar…

SUID-AFRIKANERS loop die gevaar om vir die eerste keer die voorreg van toegang tot die wêreld se goedkoopste kos van hoë gehalte te verloor, het mnr. Louw Steytler, Graan SA se uittredende voorsitter, op dié bedryfsorganisasie se jaarkongres gewaarsku. Hy het ’n beroep op die Regering gedoen om droogtegeknelde boere te help met die vestiging van onder meer ’n staatsgesubsidieerde oesversekeringskema, soos dié in Amerika. ’n Mosie van meelewing is op die kongres aanvaar met boere, landelike gemeenskappe en stedelike verbruikers wat onder die verwoestende impak van die droogte deurloop. Steytler het dit een van die grootste rampe in Suid-Afrika se geskiedenis genoem, en gesê hy is oorweldig deur die volwassenheid waarmee die landbougemeenskap dit hanteer. Hy het bygevoeg dat boere, as voedselprodusente, nooit hul posisie in die Suid-Afrikaanse samelewing…

IN droogtetye moet boere verseker dat elke aspek van die plaas so doeltreffend moontlik funksioneer. Daarvan is besproeiingstelsels sekerlik een van die belangrikste. Die Citrus Research International (CRI) het die volgende wenke oor besproeiingstelsels: ■ Besproeiingstelsels behoort gereeld (jaarliks) geëvalueer te word om te verseker dat die verspreidingsuniformiteit (VU) ten minste 85% is. ’n VU van 100% beteken dat elke leweringspunt presies dieselfde hoeveelheid water lewer. Die herstel van verstopte, gebreekte en beskadigde leweringspunte, asook die herposisionering van druplyne en mikrospuite behoort voorrangsake te wees. ■ Gaan gereeld die stelsel deur vir lekkasies by besproeiingspype, krane en lasplekke. Indien afloop plaasvind, moet die rede ondersoek en die probleem opgelos word. ■ Die benattingsoppervlakte van die mikrostelsels moet verklein word om verdamping te beperk. Die bestuur van die oppervlak wat benat…

DIT is baie makliker om ’n besigheid in Amerika of Brittanje winsgewend te bestuur as in die snelveranderende omgewing van ’n ontwikkelende land, soos Suid-Afrika. Selfs om ’n kommoditeitsorganisasie te bestuur, is baie moeiliker. Suid-Afrika ondergaan enorme strukturele veranderinge, politieke veranderinge, ekonomiese veranderinge, maatskaplike veranderinge, om ’n paar te noem. Só het prof. Nick Vink, landbou-ekonoom verbonde aan die Universiteit Stellenbosch, gesê aan die afgevaardigdes van produsente-organisasies wat Agri SA se kommoditeitskonferensie in Somerset-Wes bygewoon het. Volgens hom is mense bereid om die groot impak van verandering in hul eie lewens en werk te aanvaar, maar in baie gevalle nie in die politiek van Suid-Afrika nie. “Ons beland in situasies waar die politiek en die normale besigheid van ’n sektor in konflik beland. Ons het te veel konflik, en met…

SKA Suid-Afrika het voor 2012 die KAT-7 (Karoo Array Telescope) met sewe teleskope opgerig om die land se radioteleskopievermoë te illustreer. Sedertdien is 15 van die 64 MeerKAT-teleskope, die voorloper vir die eerste fase van die SKA, wat in 2017 klaar moet wees, opgerig. By SKA1 gaan 90% van die projek se 197 teleskope in die kerngebied lê, met “net sewe” teleskope in elk van die drie spirale, dog verdigting is nie uitgesluit nie. SKA1 moet tussen 2018 en 2023 voltooi word. Teleskope in die spirale sal eers in 2023 opgerig word, en beplanning vir fase 2 begin in 2022.…

Die Amerikaanse Midde-Weste-vereniging vir die verbetering van appels (MAIA) en die Internasionale Kernvrugalliansie (IPA) het onlangs geskiedenis gemaak toe hulle ’n samewerkingsooreenkoms aangegaan het vir die ontwikkeling van die appelkultivar MAIA1 onder die handelsnaam Ever-Crisp. Wêreldwyd is dit die eerste keer dat dié twee partye saamwerk aan die ontwikkeling van ’n internasionale handelsmerk en kultivar. Die ooreenkoms is op 1 November in Berlyn, Duitsland, beklink en daarvolgens sal die vennootskap tussen dié twee maatskappye die EverCrisp-handelsmerk eksklusief buite Amerika bemark indien die aanvanklike toetse suksesvol is. MAIA1 is die produk van meer as ’n dekade se noukeurige kruisteling tussen die Fuji- en Honeycrisp-kultivar, sê mnr. Bill Dodd, uitvoerende hoof van die MAIA. Dit is spesifiek ontwikkel vir die klimaat en probleme wat boere in die Amerikaanse Midde-Weste in die gesig…

PLAASINLIGTING LIGGING: Robertson,Wes-Kaap NAAM: WansbekenClarenceWold GROOTTE: 200ha(aanplantings) EIENAARSKAP: JCW-boerdery(maatskappy) VERTAKKINGS: Wingerd,perskes,appelkose, lusern GRONDTIPE: Sandleem,kleileem GEMIDDELDE REËNVAL:100mmtot150mm perjaar Die beste ding van die Era-stelsel is dat dit jou tyd gee – tyd om aan jou ander boerderyvertakkings af te staan of selfs om see toe gaan as jy wil. Want hoe minder ’n mens doen, hoe beter vaar die wingerd. Só vertel mnr. Hannes Erasmus van die plase Wansbek en Clarence Wold in die Agterkliphoogte-omgewing naby Robertson. Hy het die Era-stelsel op ’n 14 uur lange vlug tusssen Australië en Suid-Afrika uitgedink. Sedertdien het hy bewys dit is moontlik om ’n wingerd met baie min moeite volledig gemeganiseerd te hanteer en groot oeste af te haal sonder om gehalte in te boet. Daarvan getuig VinPro en Winetech se wingerdblokkompetisie-prys wat hy…

LIGGING Kanoneiland,Noord-Kaap KORTOM ■ As ’n boer agter raak met die nuutste tegnologie, bly sy boerdery ook agter. ■ Risiko’s word verskans deur onder meer oeste in verskillende streke te verbou. ■ Alternatiewe energiebronne word oorweeg om die boerdery minder afhanklik van Eskom-krag te maak. As dit by nuwe ontwikkelings en tegnologie kom, moet ’n boer altyd streef om aan die voorpunt te bly. Só glo mnr. Piet Karsten, besturende direkteur van die Karsten-groep, wat verlede jaar deur Landbouskrywers SA, Absa Agri-Besigheid en Santam Landbou as Nasionale Boer van die Jaar bekroon is. Risiko’s in die megaboerdery van die Karsten-groep, met sy hoofkantoor op Kanoneiland, word onder meer verskans deur die nuutste kultivars te plant, nette oor boorde op te rig, tred te hou met tegnologie en die besigheid oor…

‘Die landbou word steeds nie genoeg as ’n volwaardige besigheid gesien nie. Dit word merendeels uitgebeeld as ’n geromantiseerde leefstyl in ’n mooi omgewing.’ Toe hy hoor sy dogter gaan met ’n voornemende veeboer trou, was prof. Edward Webb ’n bekommerde man. “My skoonseun het in daardie stadium nie grond besit nie, maar hy was vas van plan om met beeste te boer. Uit my eie geskiedenis, waar ek ook ’n plan moes maak om sonder grond met vee te boer, het ek ’n paar sommetjies gaan maak en tot die gevolgtrekking gekom dat dit haalbaar is om met vee te boer, sonder om noodwendig self grond te besit,” vertel hy. Om dít reg te kry, verg ’n kopskuif oor die landbou, goeie finansiële beplanning, sterk vennootskappe en deeglike boerderybestuur.…

PLAASINLIGTING LIGGING: Stella, Noordwes NAAM: Koedoesdamen Groenvlakte EIENAARSKAP: Privaat VERTAKKINGS: Vleisbeesteengrassaad VELDTIPE: Soetveld GEMIDDELDE REËNVAL:450mmperjaar KORTOM ■ Met die nodige kennis van boerdery en vaardigheid is dit moontlik om werktuie volgens eie behoeftes te ontwerp en bou. ■ Daardeur bespaar ’n boer baie geld mits hy die meeste van die onderdele self kan vervaardig. ■ Die gebruik van ou onderdele en stukke staal wat in die werkswinkel rondlê, verlaag die koste verder. As ’n boer meganies aangelê en in staat is om werktuie te visualiseer wat sy boerdery makliker en doeltreffender maak, skakel dit baie uitgawes uit. Mnr. Jan Geldenhuys ( FOTO INLAS ), wat op die plase Koedoesdam en Groenvlakte by Stella in Noordwes met kommersiële Simbra-tipe vleisbeeste boer, is só ’n man. Jan vertel hy verkies om werktuie…

BELÊ IN BYEBOERDERY Me. Karina Gerber het in 2013 haar eerste byekas gekoop en ’n byeboerdery begin. Danksy ’n lening en ’n geskenk van R10 000 elk kon sy nog korwe koop. Benewens mnr. Cholesky Ferreira se hulp om haar te leer om die bye te hanteer en heuning uit te haal, maak sy haarself touwys danksy die internet. Haar onderneming, BeeDelicious Investments, het al só gegroei dat sy onlangs ’n tweedehandse uitwaaimasjien aangeskaf het. Sy het 12 korwe en swerms op die plaas en bestuur ook 17 korwe in die Misgund-omgewing, wat aan twee beleggers behoort. Vennote kan kies of hulle uitbetaal wil word of heuning wil hê. Sy verkoop die heuning aan private kopers of die Kontrei Kombuis op Louterwater en oorweeg dit om haar bye vir bestuiwing…

LIGGING Kirkwood,Oos-Kaap Die Kirkwood-gholfklub se negentiende putjie met sy groot perdeskoenkroeg getuig van ’n tyd toe die spel ’n groot rol in dié sitrusdistrik se sportlewe gespeel het. Die baan is nog daar, en eienaardig genoeg in ’n beter toestand en meer speelbaar as in daardie dae. Die ledetal het egter drasties gekrimp, deels vanweë die aantrekkingskrag van die nabygeleë nuwe bane langs die kus. Maar nie almal is dol oor so ’n moderne baan nie. Dis duur en dikwels oorvol. Rustiger, negeputjie-, plattelandse bane met alternatiewe bowwe (soos Kirkwood) het dus nog altyd aanhangers, al is die setperke nie altyd perfek nie. Kirkwood se baan is 6 220 m lank — dus nie kort nie. Daar is minstens vier syfer 4-putjies van sowat 400 m en ’n syfer 5…

New Holland het in 2006 sy Clean Energy Leader-konsep gevestig om volhoubare boerderypraktyke te ondersteun. Die konsep bestaan uit die doelgerigte strewe na die gebruik van alternatiewe brandstof en die verlaging van uitlaatgasse as deel van volhoubare boerderypraktyke. New Holland se Clean Energy Leader-strategie steun hierop: Alternatiewe energie – Biodiesel, waterstof en metaangas; om energieonafhanklik te wees. Volhoubare boerderypraktyk – Verlaging van koolstofspoor; vervaardiging van toerusting vir bewaringsboerdery. Verhoogde produktiwiteit – Vlak 4-emissietegnologie; vervaardiging van PLMpresisieboerderystelsels; vernuwende meganisasie. Toegewyde maatskappy – Vervaardiging van herwinningstelsels wat nie net verbruik nie. NAVRAE: Webwerf: www.thecleanenergyleader.com…

Een van die neigings wat in die Suid-Afrikaanse landboubedryf gesien word, is die neiging na nouer rywydtes. Dit gaan meestal gepaard met wyer bewerking en beter tegnologie, wat nuwer, groter planters met hoër akkuraatheid en minder staantyd vereis. Vir rywydtes van 52,5 cm en smaller stel Monosem Suid-Afrika vanjaar sy nuwe Quattromodelreeks bekend. Die Quattro-model se raamkonstruksie en die reusekunsmis en saadhouers van die planter is nuut ontwerp. Hulle maak ook staat op die bekende Monosem-karretjies en die Fertisystem-kunsmisuitdraaiers. Rywydtes van 91,4 cm tot 45 cm is moontlik. WYE KONFIGURASIES Planterkonfigurasies tot 36 rye word bereik sonder ’n swaar raamwerk wat vorentoe of boontoe moet opvou vir vervoer. Wye konfigurasies bestaan uit twee of drie modules van ses, agt, tien of twaalf rye wat permanent aanmekaar gehaak bly en dwars…

LIGGING DeDoorns,Ceres, Somerset-Wes…

Internasionaal: Die prys van mielies het met 0,2%, oftewel $0,24/t (R3,74/t), gedaal tot $142,50/t (R2 220/t). Op ’n jaargrondslag is dit 4,6%, oftewel $6,85/t (R106,72/t), laer. Verwagte pryse: Maart – $140,31/t (R3 564/t), Mei – $141,96/t (R2 212/t), Julie – $143,93/t (R2 242/t), September – $146,06/t (R2 276/t). Plaaslik: Die Safex-prys vir wit mielies het met 1,5%, oftewel R76/t, gestyg tot R4 985/t. Die prys van geel mielies het met 2,6%, oftewel R86/t, gedaal tot R3 406/t. Op ’n jaargrondslag is dit 88,1%, oftewel R2 335/t, hoër vir wit mielies, terwyl geel mielies 41,6%, oftewel R1 001/t, hoër is as in die ooreenstemmende tyd verlede jaar. Internasionaal: Die gemiddelde prys van koring het met 2,3%, oftewel $3,95/t (R61,54/t), gedaal tot $165,77/t (R2 583/t). Op ’n jaargrondslag is dit 10,6%, oftewel…

GAUTENG PRETORIA OOG VAN BOEKENHOUTSKLOOF OF TWEEFONTEIN (288), 13 ha, aan Kameeldrift Fresh Meats (Edms.) Bpk., van Kameeldrift-voere (Edms.) Bpk., R23 855 956. KWAZULU-NATAL PIETERMARITZBURG LOT 13A (1401), 40 ha; en WATERVAL (987), 137 ha; aan R.L. Koch, van M.M. Seele, R10 500 000. SCOTTSDALE (17471), 495 ha, aan Departement Landelike Ontwikkeling en Grondhervorming, van Ushukela-meul (Edms.) Bpk., R25 286 000. LIMPOPO DENDRON RONDEBOSCH (287), 228 ha, aan Ash Prop. & Inv.-trust, van K.P. van Wyk, R6 500 000. THABAZIMBI HAAKDOORNFONTEIN (532), 104 ha; en KHEKHELETSA (679), 699 ha; aan Sublime Breeders BK, van Freek-Carla-trust, R17 500 000. VARKENSKUIL (39), 1 249 ha, aan Varkenskuil-wildsplaas (Edms.) Bpk., van Hendrik van der Merwe de Wet-trust, R12 480 000. WOLMARANSSTAD SYFERGAT (12), 131 ha, aan M.J.Ernst-trust,vanP.F.Ernst, R3 468 993. MPUMALANGA BETHAL VERBLYDEN(387),361ha,aan…

SKAPE MARK ‘STORT NIE INEEN’ WEENS DROOGTE Dieeersteskaapveilingsvandie jaarduidatdaarnie’nalgeheleineenstortingindiemarkvir stoetdiereisnie–niesoosvroeerweensdieuitwerkingvandie voortslependedroogteendie verslegtendeekonomiegevrees isnie. Dr.CobusOberholster,hoofbestuurdervanBKBsevee-afdeling, sêvandiebydraendefaktore watdierampryseondersteun,is diebetreklikhoëprysvlakkevan wolwatdeurdieswakrandaangehelpword.“ Goeiewolpryse,met dieMerino-aanwyserhoëras150 (metdieskryfhiervan),isookeen vandiedrywersopveilingswat BKBbehartig,”sêhy. “SelfsdieprysevanMeatmasters,’ nvleisras,op’nonlangse Karoo-veilingwasboverwagting goed.” Reëninsekerestrekehetdie gemoederevanboereverbeter. Dievooruitsigteviraanbiedinge vangrootgetalleveilingsooiewat gevoermoetword,lykniesogoed nie,maardaarissteeds’nlewendigevraagnarammevangehalte. ‘nAanbevelingaanstoetboere watproduksieveilingshou,isom niehulveilingsweensdiedroogte aftestelnie,maartenminstedie aanbodteverlaag.Hullebehoort hulbeoogdeveilingskedulete volganderskanhullesukkelom hulmarktebehou.…

ALGEMEEN 16 MAART: Bonsmara-genootskap SA se Rooi Geleentheid. Afridome, Parys. Tel. 051 448 6084; e-pos: marketing@bonsmara.co.za. 18-19 MAART: Plaaskultuurfees, demonstrasies van antieke landboutoerusting, bees- en skaapstoetery-uitstalling. Clocolan. Valencia, sel 082 775 1675, e-pos: vpieterse@vodamail.co.za. 30 APRIL: Warmbad Bosveldfees: “Leef groen en wees veilig”. Groen boerepatentkompetisie en uitstalling van elektriese motors. Marius Bacon, sel 083 297 6135, e-pos: nhk@telkomsa.com, web: http://hkw.co.za/bosveldfees. 30 APRIL-2 MEI: Agri-Expo Kaasfees, Sandringham, Porchia Adams, tel. 021 975 4440, sel 082 441 2510. Agri-Expo, tel. 021 975 4440; e-pos: admin@agriexpo.co.za; Yolandi de Wet, sel 082 772 7519. Web: www.cheesefestival.co.za. BOEREDAE 8 MAART: MPO Wes-Kaap. George, Tramonto. Chanelle Steenekamp; sel 076 774 1284; faks 086 607 4800; e-pos: chanelle@mpo.co.za. 9 MAART: MPO Wes-Kaap. Swellendam, Chris-Elle. Chanelle Steenekamp; sel 076 774 1284; faks 086 607 4800; e-pos: chanelle@mpo.co.za. 10…

“Dis nie persoonlik nie, dis net besigheid,” is hoe sakemense ’n ding probeer goed praat ná hulle iemand doelbewus ingeloop het. Maar dit is natuurlik altyd persoonlik. Iemand word altyd geraak. Ek het onwillekeurig aan dié uitdrukking gedink toe finansiële instellings joernaliste begin maan om nie die impak van die droogte te oorspeel nie. Ja, die geskatte mielie-oes mag 30% kleiner wees en die prys 60% op, en, ja, dit het in sekere dele redelik gereën. Dis ook waar dat die ouens wat deur die winter kan kom, heel moontlik die voordeel van goeie pryse sal geniet. En ja, ’n mens verstaan dat dit die storie is wat vertel moet word om die landbou ’n aantreklike beleggingsopsie te hou. Maar dit is ver van die hele waarheid. Want daar word…

AFRISAKE REG OM WET TE TAKEL AfriSake, die Afrikaanse sake-organisasie vir burgerregte, sê die Onteieningswet, een van Suid-Afrika se gevaarlikste wette, is ’n stap nader daaraan om gepromulgeer te word nadat dit deur die Nasionale Vergadering goedgekeur is. AfriSake wil die wet in die Grondwethof betwis. SEKELBOS skryf: Julle het my steun 100%! POFADDER skryf: Julle het my steun ook, maar as ek na die saak oor die Wet op Minerale kyk wat Agri SA verloor het, weet ek nie wat die uitkoms gaan wees nie. SAAIBOER skryf: Agri SA en Graan SA is deur ons boere hierteen gewaarsku, maar “die Grondwet sal ons beskerm”, was hul antwoord. “Vertrou ons; kyk na ons track record.” Julle is bra stil ná die aankondiging. Indien grond gevat word, sal julle tot verantwoording…

DIE deure is stadig maar seker aan regeringskant vir die landbou aan die oopgaan namate al hoe meer gesaghebbers die erns van die rampdroogte begin besef. Dít was ’n deurlopende boodskap op Graan SA se jaarkongres. Mnr. Hamish McBain, afgetrede uitvoerende direkteur van Tiger Brands, het gesê die deur is nog nie wawyd oop nie, maar wel op ’n skrefie. Mnre. Jannie de Villiers en Louw Steytler, onderskeidelik uitvoerende hoof en uittredende voorsitter van Graan SA, het die situasie bevestig. Ook mnr. Omri van Zyl, uitvoerende hoof van Agri SA, het gesê daar is aan regeringskant ’n toenemende besef van die waarde van voedselproduksie. “Die deure is besig om oop te gaan. Ons uitdaging vir die toekoms is om sterker en dieper verhoudings met die openbare en private sektor te…

BOERE IN NOOD (BIN) Hoekom het julle betrokke geraak? Ons het deur die droogtegeteisterde dele in die Vrystaat gery en diere langs die pad gesien vrek weens wanvoeding. Ons het besef hier is moeilikheid en wou iets op grondvlak doen om boere in nood te help. Ons wil ook hulpaksies verder neem en ook begin bydra tot berading en biddae vir reën. Wat benodig julle die meeste? Voer en die vervoer daarvan. Daar is gelukkig reeds maatskappye wat vragmotors beskikbaar gestel het. Toekomstige hulp? BIN sal in die toekoms hulp verleen tydens enige ramp, soos brande, vloede en ook in die winter. Almal moet dus volhou met ondersteuning. Indien moontlik, sal geld belê word om dadelik beskikbaar te wees vir toekomstige rampe. Grootste hindernis? Dit is uiters moeilik om genoeg…

WEENS die hoë waarde van landbougrond sal die verhoging in eiendomsbelastings – soos kapitaalwinsbelasting (KWB) en hereregte – kommersiële boere sleg tref, sê kenners oor die Regering se begrotingsaankondigings daaroor. Mnr. Johan Pienaar, adjunk- uitvoerende direkteur van Agri SA, wys daarop dat die insluitingskoers van individue vir kapitaalwins vanaf 33,3% styg tot 40%, wat uit eie reg ’n groot sprong is. “Dit beteken die Regering begin die skroewe verder aandraai op rykdom en uiteraard gaan plaasverhandeling ook daardeur geraak word.” Verdere veranderinge is: ■ Die maksimum effektiewe belastingkoers vir individue by KWB styg van 13,7% tot 16,4%, en vir maatskappye van 18,6% tot 22,4%. ■ Die jaarlikse bedrag waarvandaan KWB gehef word vir individue styg van R30 000 tot R40 000. ■ Vir trusts styg die effektiewe koers van 27,3%…

ZIMBABWE/Ernstige kragtekort dreig Die suidelike hidro-elektriese kragsentrale by die Karibadam, wat al vir meer as 60 jaar goedkoop en betroubare krag aan Zimbabwe en Zambië verskaf, sal dalk binnekort afgeskakel moet word. Volgens mnr. Kenneth Maswera, bestuurder van die kragsentrale, sal daar nog net vir die volgende vyf maande krag gelewer kan word as die damvlak bly daal. Die dam was ontwerp om krag op te wek op ’n watervlak van 475,5 meter tot 488,5 meter bo seevlak. Twee weke gelede was die watervlak op 477,15 meter. Waar gewoonlik 750 MW opgewek kan word, het dit nou al afgeneem tot net 285 MW, en kragonderbrekings kom al gereeld voor. Maswera sê met die reëntyd wat in die opvangsgebied aangebreek het, kan die damvlak dalk bietjie styg, maar dit kan tot…

DIE Nasionale Oesskattingskomitee het in sy jongste maandelikse raming sy skatting van vanjaar se komende mielie-oes met 2,5% tot net onder 7,26 miljoen ton verlaag. Die sonneblom-oesskatting is met 10,5% tot 687 150 ton verhoog en die verwagte sojaboon-oes is met 5,7% tot 724 600 ton verlaag. Talle ontleders het ’n groter verlaging van veral die mielie-skatting verwag. Mnr. Johann Strauss, ’n ontleder by die firma BVG, sê dié tweede somergewas-skatting was ’n antiklimaks omdat markdeelnemers in die algemeen groter veranderings verwag het – in hektare én opbrengste. Die geskatte hektare wit en geel mielies is onderskeidelik 1% en 2% minder as met Januarie se vervroegde skatting en die opbrengsskatting is met net 1% verminder. Die beraamde totale hektare mielies staan nou op 1,97 miljoen – 27% minder as verlede…

DIE heersende droogte is een van die grootste probleme vir die Suid-Afrikaanse ekonomie, aldus me. Maria Ramos, hoof van Barclays Africa. Die skraal mielie-oes val saam met moontlike afgraderings in die land se krediet-of beleggingstatus. Mnr. Pravin Gordhan, Minister van Finansies, is vol vertroue dat sy begrotingsvoorstelle met die samewerking van die private sektor suksesvol in ’n kwessie van ses maande toegepas kan word. Ek verkies om dit te glo, maar die minderheid voel dieselfde as ek. BESITREG Die vraag is of kredietgraderingsagentskappe ook die rits konsepwette wat in die vooruitsig is, in aanmerking neem. Van die voorstelle in die konsepwetgewing kan besitreg verwater. Sonder die behoorlike beskerming van besitreg kan beleggings en lenings moeilik geregverdig word. Demokratiese gemeenskappe voer daarom voortdurend ’n stryd om inmenging in die vrye mark…

Ons kyk vandeesweek na die uitbetalings van uittree-annuïteite en lewende annuïteite by dood, asook ’n nuwe wetswysiging met betrekking tot boedelbelasting op aftreevoordele. ’n Uittree-annuïteit is die produk waarin jy spaar vir aftrede. ’n Lewende annuïteit is die produk wat jy met die geld koop wat jy in die uittree-annuïteit gespaar het. Die geld wat jy in ’n uittree-annuïteit spaar, is aftrekbaar vir belasting – tot 27,5% van jou belasbare inkomste of verdienste tot ’n maksimum van R350 000 per jaar (dit geld vanaf 1 Maart vanjaar). Die groei (opbrengs) in die uittree-annuïteit is belastingvry. In ’n lewende annuïteit is daar ook beleggingsgroei en dit is eweneens vry van belasting. Die inkomste wat jy uit die lewende annuïteit trek, is belasbaar as inkomste. Dít is in breë trekke die groot…

Die vertikale lootposisioneringopleistelsel (VLP) was jare lank bykans die enigste opleistelsel op Suid-Afrikaanse wynplase. Soos boere meer klem op hul wyndoelwitte en pryspunte begin lê het, het ander opleistelsels op die toneel begin verskyn, soos die oop stelsels (enkel- en dubbelkordonne), ongevoude stelsels (Smart-Dyson, Scott-Henry, lys en balletrok) en gedeelde stelsels (U- of lierstelsel). Die keuse van ’n prieelstelsel word beïnvloed deur die grondtipe, die klimaat en die plantwydte: VLP. Die lote word opwaarts opgelei in ’n vertikale, dun “gordyn” met die vrugtesone aan die onderkant. Die opleistelsel kan uit vier tot ses kordrondrade bestaan. Dis gerieflik vir meganisasie, maar uitdagend in geil toestande. Aangesien die lote en blare opgebondel word, kan gasuitruiling, deurlugting en beligting benadeel word, wat kan lei tot onvrugbaarheid. Oop stelsel — dubbele kordon. Dis veral…

Mnr. Piet en wyle mev. Babsie Karsten het die familiebesigheid in 1968 op Kanoneiland, wes van Upington langs die Oranjerivier, begin. Daardie jare was daar min infrastruktuur en hulpbronne. Met die reusegroei van die besigheid was Piet genoodsaak om ’n kraglyn te bou en te finansier sonder ’n bydrae van die kragvoorsiener Eskom. Nadat die werk afgehandel is, het die kraglyn egter Eskom se eiendom geword. Die boere in die area moes ook self hul telekommunikasie verbeter deur torings uit hul eie sak op te rig. Die grondpad na die plaas Raap en Skraap tussen Kakamas en Pofadder waar Piet tafeldruiwe en dadels verbou, was ook in ’n swak toestand. Terwyl mnr. Thabo Mbeki die Staatspresident en mnr. Derek Hanekom die Minister van Landbou was, is ’n vergadering in die…

SELFVERDEDIGING PEPERSPROEI KLEEF AAN BOOSDOENER Vanaf R1 150 Laat indringers in jou huis les opsê met Sabre Red Home Defensepepersproei. Dit is te kry in ’n houer wat omtrent so groot soos ’n kleinerige brandblusser is, saam met 384 ml ekstrasterk pepersproei. Aangesien jy ook ’n klamp kry waarmee jy die houer teen ’n muur kan vassit, is dit ’n goeie selfverdedigingswapen om op een of twee strategiese plekke in jou huis te sit. Die houer het ’n veiligheidspen, nes ’n brandblusser. Met die druk van die sneller kan jy ’n straal pepersproei oor ’n afstand van ongeveer tien meter skiet. Die sproei is nie ’n vog nie, maar ’n gel wat aan die aanvaller kleef. Die wind kan dit ook nie terugwaai nie. Die produk het ’n raklewe van…

Ouma se bobotie Hierdie tradisionele bobotie se geur is onverbeterlik. Sit dit voor met geelrys-en-rosyne, perskeblatjang en ’n tamatie-en-uieslaai. ■ 2 dik snye bruinbrood, korsies afgesny ■ 125 ml melk ■ 45 ml olie ■ 1 ui, fyn gekap ■ 1 groot wortel, fyn gerasper ■ 30 ml matige kerriepoeier ■ 1 kg beesmaalvleis ■ 10 ml borrie ■ 30 ml appelkooskonfyt ■ 60 ml heel amandels, gerooster en fyn gekap ■ 60 ml pitlose rosyne ■ 30 ml vars suurlemoensap ■ Sout en vars gemaalde swartpeper Bolaag ■ 180 ml melk ■ 3 eiers, geklits ■ Lourierblare Voorverhit die oond tot 180 °C. Week die brood in die melk. Verhit die olie in ’n kastrol en braai die ui, wortel en die helfte van die kerriepoeier daarin oor lae…

in die versengende hitte en erge droogte wat ons tans beleef, is die boere pessimisties, verslae en depressief. My man, ook ’n boer, het besluit om ’n muur te bou. Jip! Die hele agterwerf toe. Die sieldodende bruin wat moeder natuur ons vanjaar gee, wil hy nie sien nie. Ek het in stilte (soos elke boer se vrou in moeilike omstandighede maar doen) die bouery aanskou. En toe ek my oë uitvee, was daar voëlhokke sover as wat hierdie muur strek. Kort voor lank was ek in die motor langs my man op pad Bloemfontein toe om inwoners vir hierdie hokke te gaan koop. By die voëlboerdery waar ons aanklop, sien ek net voëltjies. Sesduisend voëltjies, wat herinner aan Durban se mark. Kleure en klanke en ’n gekwetter van geveerde…

Ons het nog nooit ’n wonderwerk in Suider-Afrika so nodig gehad soos nou nie. Ons het ’n wonderwerk in die weerpatroon nodig, maar Jesus is die heerser oor die wind en die maker van reën. Ons moet dus as nasie bid en Hom vra om vir ons reën te stuur. Hy sê duidelik in Jeremia 33:3: “Roep My aan, Ek sal jou antwoord . . .” As ons die Evangelie volgens Johannes 6:2 lees, is dit baie duidelik: “ ’n Groot klomp mense het agter Hom aangekom omdat hulle die wondertekens gesien het wat Hy aan die siekes gedoen het.” ‘Ek het met my eie oë gesien hoe Hy mielies in droë grond laat groei.’ Daarom moet ons in Hom op ’n wonderwerk glo. Johannes 6 vertel hoe die Here…

Suid-Afrika bied vanjaar die Branguswêreldkongres aan. Dit word van Maandag 9 Mei tot Donderdag 12 Mei by die Hotel Black Mountain naby Thaba Nchu en op omliggende plase gehou. Besoekers van oor die wêreld heen kan ook deelneem aan ’n vooraftoer na die Krugerwildtuin voordat kundiges in die bedryf op die kongres aan die woord kom. Uitstappies na teelkuddes en praktiese demonstrasies is deel van die kongresprogram. Tydens tegniese voorleggings sal kongresgangers van die beste Brangusbeeste in die land sien. Die kongres word voorafgegaan deur die Brangus Fakkeltoer van Hoop. Van 18 Maart tot 10 Mei sal Brangustelers, opkomende boere, studente, kommersiële boere en hul personeel landwyd inligting en opleiding oor beesteling kry. Die toer word oor 53 dae gehou om die ras se 53 jaar in Suid-Afrika te vier.…

General Tire se reeks bande vir die landbousektor bied ’n bandkeuse vir elke toepassing. Hoewel dié bande reeds vir hul kombinasie van taai duursaamheid en verrigting naam gemaak het, blink hulle ook uit wat kostebesparing en kostedoeltreffendheid betref. TREKKERBANDE Die as van ’n trekker is ’n onontbeerlike aspek van trekkerwerkverrigting. Daarom is spesiale trekkerbande belangrik om die verskillende toestande waaraan trekkers blootgestel word, baas te raak. Agterwielaangedrewe trekkers moet met sterk, swaardiensbande op die vooras toegerus word om noukeurige stuurvermoë, beweeglikheid en uitsonderlike klimvermoë te verseker. Wat vierwielaangedrewe trekkers betref, word bande met ’n traksiegerigte loopvlak op die voor- en agteras aangewend. Dié bande se spesiale loopvlakpatroon sorg vir optimale klouvermoë, ongeag die terrein. Die ontwerp van dié taai bande bied onder meer dubbelversterkte sywande om skade te vermy, terwyl…

LIGGING Victoria-Wes…

’n REEKS aantreklike markfaktore het die afgelope tyd die uitbreiding van dadelaanplantings aan die Benede-Oranjerivier, veral aan die Namibiese kant, aangemoedig. Die boerdery ZZ2 vestig saam met Namibiese vennote 190 ha op die plaas Haakiesdoorn naby Karasburg. Die onderneming heet Karas Date Farming. Die plaas het egter die potensiaal om dadelbome op 1 500 ha te huisves, sê mnr. B.J. van Zyl, ’n direkteur van ZZ2. Hulle hoop om teen 2022 volle produksie te haal. Van Zyl sê vier faktore het hulle dadels tot hul reeks produkte laat toevoeg: Omdat daar ’n goeie uitvoermark is, is dit ’n randverskanser; dit is gesog danksy sy spesiale gesondheidsvoordele; die hulpbronne waar dadels verbou kan word, is beperk; en laastens is die mark redelik ondervoorsien. Hy sê produksietoestande was vanjaar beter as verlede…

CERES-GEBIED RAAK GEWILD VIR LEEFSTYLPLASE Ál meer kopers van leefstylplase begin grond in die omgewing van Ceres oorweeg, sê ’n eiendomsagent van dié streek. Benewens Ceres self is van die ander dorpe in die gebied – Tulbagh, Wolseley, Op-die-Berg en Prince Alfred Hamlet – ook gewild. Me. Nelia Retief, Seeff se agent vir die Tulbagh-Witzenberg-gebied, sê in die algemeen kos leefstylplase daar van R3 miljoen tot R6 miljoen. Pryse vir leefstylplase word nie per hektaar bereken nie, maar op grond van bepaalde eienskappe, sê Retief. Sy bemark, byvoorbeeld, ’n leefstylplaas van 4,2 ha in die omgewing van Prince Alfred Hamlet naby Ceres vir R4,7 miljoen en ’n stuk grond van 1 200 ha in die Tankwa-Karoo aan die voet van die Swartruggensberge teen R6 miljoen. “ ’n Leefstylkoper soek onder…

MAART HERTZOGVILLE 10-12, Hertzogvillelandboufees. Saalperd, Friesperd, Sarel Bornman, sel 072 268 3919; Angus, Brangus, Dexter, Brahman, R.C. Malherbe, sel 084 851 8262; Dorper, Vleismerino, Suffolk, Boerbok, Japie van Bergen, sel 082 803 2498; kraampies, vermaak, braai- en trekkerhanteringsvernufkompetisie; Rudi, sel 083 453 5220; Na-Mari, sel 082 344 9130. BEAUFORT-WES 15-19, Beaufort-Wes-landbouskou. (Nasionaal: Hackney, Walliese Ponie, Dorper.) Merino Classic, Persie Top 20, slaglammers. Skou vir opkomende boere. Elsje Nigrini, tel. 023 414 4905, sel 082 777 1315, e-pos: beaufortwes@sskfd.co.za. PARYS 22-26, Friesperde, Afridomeskouterrein. Parys. Caroll-Ann Mienie, sel 079 477 4416, www.afridome.co.za. 28 Maart–2 April, Arabierperd, Afridome-skouterrein. Caroll-Ann Mienie, sel 079 477 4416; web: www.afri.dome.co.za. ERMELO 30 Maart–2 April, (Streek: SA Boerperd, Mpumalanga). Petro Grové, sel 082 551 3221. SENEKAL 30 Maart-2 April, Senekallandbougenootskap, perdeskou. SA Boerperd, Fries, SA Hackney, Hackney-ponie.…