Innehållsförteckning för 9-Dec-16 från Landbouweekblad

‘Ons glo nie enige tarief laer as 37% sal werk nie.’ MNR. KEVIN LOVELL, uitvoerende hoof van die Suid-Afrikaanse Pluimveevereniging, oor hoe om die plaaslike bedryf teen ingevoerde hoender uit die EU te beskerm. Bl. 15 ‘Die koring hou ons vas. Ek het ’n idee ons sal dit lank vashou.’ MNR. PIETER GILDENHUYS, Heidelbergse boer, oor die lae koringpryse. Bl. 17 ‘Dit sou beter vir die diere gewees het omdat daar minder hantering sou plaasvind.’ MNR. PAUL STRYDOM, van die Namibiese Vleisraad, oor die nadelige effek wat verpligte inentings op uitvoer-speenkalwers het. Bl. 14 ‘Ek weet nie wat die wet voorskryf nie en het ook nog geen kommunikasie ontvang in dié verband nie.’ MNR. RUDI ENGELKE, Kaapse groenteboer, oor nuwe markstandaarde wat volgende jaar ingestel word. Bl. 24 ‘Mense weet…

MNR. MECKI SCHNEIDER, beesboer van Grootfontein in Namibië, het op die Aldam-vleisbeesskool nuttige riglyne verskaf oor hoe beesboere die uitdagende tye van uitmergelende droogtes en hoë boerderykoste kan oorleef. Lees die artikel op bl. 34. VERTEL ONS VAN JOU GESIN. Ek en Brigitte het twee dogters — Silke, ’n mediese dokter in Windhoek, en Birte, ’n beleggingsontleder by ’n Suid-Afrikaanse beleggingsmaatskappy in Sandton — en ’n seun, Reimo. Hy is ’n megatroniese ingenieur by ’n maatskappy in Stuttgart, Duitsland. Almal is getroud. Silke het twee kinders, Kyra en Lara. WAAR HET JY GESTUDEER? Ek het die grade B.Sc. en M.Sc. in elektriese ingenieurswese aan die Universiteit van Kaapstad verwerf, met die klem op fisika en toegepaste wiskunde. HET JY ’N STOKPERDJIE? As ek tyd het, bestudeer ek die heelal en…

DIE Wes-Kaap het vanjaar besonder goeie graanoeste behaal in ’n produksietyd wat gekenmerk is deur gemiddelde reënval wat goed versprei is tot in September, en ongekende goeie oesweer. Ongelukkig speel die koringprys nie saam nie. Die Desemberkontrak vir koring is sowat R1 000/t laer as in die ooreenstemmende tyd verlede jaar. Daar is boere wat nie kans sien om hul koring teen daardie prys te verkoop nie. Hulle sal eersdaags opbergingskoste moet begin betaal as die prys nie verbeter nie. Met goeie oeste in die buiteland en hoë voorrade het boere boonop min hoop dat die prys noemenswaardig gaan styg. Onsekerheid oor die invoertarief het koringverhandeling boonop bykans tot stilstand gebring, sê mnr. Andries Theron, ondervoorsitter van Graan SA. Die garsoes van meer as 300 000 ton is wel die…

1 ZAMBIË | Hoër tariewe gevra vir mielie-uitvoer Die Zambiese meulenaarsvereniging (MAZ) wil hê dié land se regering moet ’n heffing van 50% op onverwerkte mielies instel. Dit kom nadat mnr. Felix Mutati, Zambië se nuwe minister van finansies, aangekondig het dat mielie-uitvoer nie meer verbied sal word nie, maar dat daar 20% op die uitvoer van onverwerkte mielies gehef sal word. Volgens die Zambiese regering het die uitvoerverbod en prysvasstelling onsekerheid veroorsaak, wat eindelik ’n uitwerking op mielieproduksie gehad het. Mnr. Andrew Chintala, die meulenaarsvereniging se voorsitter, het aan african farming.com gesê ’n hoër heffing sal handelaars aanmoedig om die mielies plaaslik te verwerk sodat die finale produk meer buitelandse valuta kan verdien. Hy het ook gesê daar is tans geen statutêre meganisme wat ’n heffing op mielie-uitvoer kan ondersteun…

‘Dit was ’n besonder slegte jaar vir Afrikaekonomieë weens die drastiese verswakking van hul geldeenhede.’ AFRIKA sal na verwagting volgende jaar sentraal bly tot Suid-Afrikaanse landbou-uitvoer, ten spyte van ’n daling in uitvoer na Afrika-lande. Afrika verteenwoordig sowat 45% van Suid-Afrika se totale landbou-uitvoer. Mnr. Tinashe Kapuya (foto), hoof van internasionale handels- en beleggingsinligting by die landbousakekamer Agbiz, het in ’n aanbieding oor vooruitsigte vir aanstaande jaar gesê landbou-uitvoer as geheel het in vanjaar se eerste halfjaar weens die droogte gedaal. Uitvoer na Afrika was 12% laer. In verlede jaar se eerste halfjaar was die waarde meer as 1,9 miljard Amerikaanse dollar, teenoor sowat 1,7 miljard vanjaar. Hy het gesê dit was veral uitvoer na Afrika-lande met ekonomieë wat op olie gegrond is, wat geraak is. So het landbou-uitvoer na…

’N ONTLEDING deur die Australiese markontledingsmaatskappy Mecardo toon dat die gemiddelde wolprys in Amerikaanse dollar, bereken oor die afgelope vyf jaar, veel hoër as dié van mededingende vesels was. Die beste presteerders was Merino-kaardwol, gevolg deur Merino-kamwol. Katoen is derde, terwyl die kunsvesels (soos poliëster en akriel) naby die onderpunt van die lys is. Die laer olieprys sedert 2014 het die prys van kunsvesels aanmerklik laat daal. Hoewel katoenpryse vergeleke met dié van ander vesels taamlik hoog is, is dit steeds veel laer as die prys van wol. Wol is tans 10,2 keer duurder as katoen. Die vraag is of wol dié hoë vlak sal kan handhaaf en of dit te duur vir die mark kan raak. Mecardo sê ’n belangrike faktor vir wol se goeie vertoning teenoor ander vesels…

Met die vraag na voedsel in die stedelike gebiede wat vinnig groei en ’n landbousektor wat tans hoofsaaklik uit bestaanslandbou en kleinskaalse boerdery bestaan, sal ’n soort landbourevolusie moet plaasvind. Die Suid-Afrikaanse boer bly in sy wese ’n pionier, anders sou Suid-Afrika nie selfvoorsienend gewees het wat basiese voedselproduksie betref nie. Ongelukkig plaas die Regering se vyandigheid teenoor kommersiële boere dit in gedrang, veral in die lig daarvan dat hy geen ondersteuning bied in die nadraai van die ergste droogte in menseheugenis nie. Dit is dan wanneer mense begin gesels en vertel van die potensiaal van die landbou noord van die Limpoporivier waar die klimaat en opbrengste soveel beter is as in Suid-Afrika. Daarby is Suid-Afrikaanse boere glo gesog in sommige ander Afrika-lande. Zambië spog reeds met etlike honderde voormalige…

Tegnologie wat die rypwordingshormoon etileen uit die verpakking van vars produkte kan “verwyder”, kan dien as ’n goeie teenvoeter vir die kort onderbrekings wat soms in die koueketting voorkom en vrugte en groente se rakleeftyd drasties verkort. “Mense eet ál meer sagte vrugte, maar in ’n onlangse studie het 32% mense gesê hulle eet nie al die bessies wat hulle koop nie. Sowat 94% het gesê die bessies het sleg geraak voor die “beste voor”-datum,” het dr. Chris Bishop, hoof van die ná-oes-eenheid aan die universiteitskollege Writtle in Brittanje, tydens die tweede ná-oes-innovasiesimposium op Stellenbosch gesê. “Ek sê altyd ’n verbruiker eet nie vars produkte terwyl hulle in die supermark is nie, daarom eindig die koueketting nie daar nie. “Verbruikers moet eintlik aangemoedig word om geïsoleerde inkopiesakke te gebruik.” Bishop…

Reëls en riglyne vir die verantwoordelike beheer van roofdiere uit die lug met ’n helikopter is deur die roofdierbestuursforum neergelê. Die forum het dié protokol onlangs goedgekeur. Dit vereis dat koördineerders per distrik en per landbouvereniging deur die landbou-unie se strukture aangestel moet word. Een grondeienaar wat die gebied ken, moet ook saamvlieg. Hy moet die projek koördineer en in beheer van die operasie bly. Skuts wat nie ten minste twee jakkalse per uur skiet nie, moet verbied word om verdere bestryding te doen. Net R44-helikopters mag gebruik word. Die skiet van jakkalse vanuit die lug moet verkieslik nie van September tot Desember geskied nie omdat teelpare en die nuwe aanteel in dié tyd naby gate lê, waar hulle vinnig kan ontsnap. Amptenare van die Departement van Landbou, Bosbou en…

Wat begin het as ’n eksperiment om voerbakke van herwonne plastiek te maak, het soveel belangstelling ontlok dat ’n veeboer vandag plaastoerusting, soos water- en kruipvoerbakke, vervaardig. Die lewe het aanvanklik ’n ompad gestap met mnr. Danie Jonker van Lichtenburg, wie se drome om oorsee rugby te speel deur ’n besering gekelder is. Ná werkservaring in die buiteland het hy teruggekom Suid-Afrika toe om by sy pa, wyle mnr. Robert Jonker, se eiendomsonderneming in Lichtenburg te werk. Daar het hy ervaring in bemarking opgedoen. In dié tyd het hy begin om as skeidsregter in plaaslike rugbywedstryde op te tree. Hy het sedertdien al in meer as 300 wedstryde die fluitjie geblaas. Toe die resessie sy kop uitsteek en die verkoop van eiendomme stoom verloor, het Danie begin om met speenkalwers…

GESUKKEL MET BRAK BESPROEIINGSWATER Ek het sowat twee hektaar lusern in die Klein-Karoo tussen Ladismith en Montagu in die Anysberge-omgewing, langs die Touwsrivier. Die besproeiingswater is baie brak en die sanderige grond is ook reeds brak. Ek het al twee keer misluk. Die boonste grondlagie word hard en ek vermoed die nuwe lusern sukkel om deur te breek. Ek besproei elke oggend ongeveer twee uur lank. Soutbos floreer egter en ons moet dit gereeld uithaal. Ek het pas die plaas met wildsheining toegespan en wil lusern plant vir aanvulling. die besproeiing ondoeltreffend en wortelontwikkeling word ondermyn. Dit is ook waarom die grond verhard. Vanuit ’n plantvoedingsoogpunt is die nuus nie beter nie. Die oormatige soute skep ’n osmotiese potensiaal en plante se wortels droog as ’t ware uit. Die ironie…

Hy boer met “alles wat nie geld maak nie”, skerts Jan Ponk van Zyl. Jan en sy vrou, Renske, is baie gemaklik agter die kospotte en het selfs op hul dag spyseniering gedoen. Wanneer hulle vriende nooi vir ete, verkies hulle om te braai. By die Van Zyls sal jy ook nie sommer met ’n leë glas in jou hand staan nie. Daarvoor gaan Fryer’s Cove – die familie se wynkelder op Doringbaai – se Sauvignon blanc en Pinot noir darem net te lekker af saam met alles wat opgedis word. Jan se vullende beesstert-en-koringpot is al bekend by die Van Zyls se vriende. “Die beesstert moet lank en rustig in wyn prut totdat die vleis van die bene loskom, voor jy die sampioene en stampkoring byvoeg. En die laaste…

“Maar so ken ek julle jong mannetjies mos, wil mos alles loop staan en force.” “Kola, ’n 7 mm-Mauser is ’n annerster entjie geweer. Pure pêrreghrie, daai . . .” So laat oom Martiens hoor terwyl hy sy blikbeker só vashou dat ek moet sien dié hol dingetjie is boomskraap. Nou ja, omdat ek ’n geweergeesdriftige is, móés ek hierdie storie hoor. Ek het dus die bottel lawaaiwater sommer lekker laat glug-glug oor die oom se blikbeker, want ek wou hê sy gedagtes oor die 7 mm moes mooi spoorvat. “Ek meen, vat nou maar die Boereoorlog. Jong, daar het ons darem die klomp Kakies lekker opgedons.” Uit oom Martiens se onthou het dit amper geklink asof hy selwers daar was, al was hy toentertyd nog nie eens ’n stoute…

 GROOT getalle beeste en kleinvee is reeds hierdie somer met erge inwendige parasiete gediagnoseer en vrektes het voorgekom. Sedert wydverspreide reën in groot dele van Suider-Afrika begin val het, word sulke gevalle toenemend by veeartse aangemeld. Boere moet seker maak hulle koop bulle slegs by boere wat behoorlike biosekerheid toepas. Veral haarwurms neem toe by vee en verg boere se nougesette aandag om verdere vrektes te voorkom, volgens die Oktober-verslag van die Herkouerveterinêre Vereniging van Suid-Afrika (Ruvasa). Dr. Faffa Malan, bestuurder van RuVasa, het in dié maand 123 verslae van veeartse ontvang oor veesiektes en parasiete wat voorgekom het. Malan sê kliniese tekens van erge wurmbesmetting is bloedarmoede (uitgeken aan bleek slymvliese), kwakkeel, gewigsverlies en maagwerking. ’n Veearts kan help om die omvang van besmetting deur middel van ’n miseiertelling…

Slakke is dalk die volgende goudmyn vir boere met klein lappe grond. Die produksiekennis tot dusver is egter nog baie beperk. ’n Slakboer van Gauteng sien egter ’n blink toekoms vir dié fynproewerkos. Die mark vir vars slakke is ’n slapende reus wat ontwaak, sê mnr. Stanley Micallef en sy vrou, Heather. Hulle is die enigste kommersiële slakboere in Suid-Afrika. “Daar is nie regtig ’n formele, gevestigde mark vir slakke in Suid-Afrika nie. Oor die jare was daar pogings om slakke uit die natuur te oes, maar dit was onsuksesvol. Die ingevoerde, geblikte slakke is duur en smaak glad nie lekker nie. Restaurante het dus opgehou om hierdie delikatesse op hul spyskaarte te hou en die vraag het verdwyn,” sê Stanley. Die Micallefs het egter oor die afgelope vier jaar…

GAUTENG PRETORIA ZWAVELPOORT (373) 128 ha, aan Zwavelpoort 373-trust, van FSG Shelf 207 (Edms.) Bpk., R11 000 000. KWAZULU-NATAL NEWCASTLE BURGERSHOOP (107) 94 ha en ELANDSPOORT (99) 128 ha, aan Weltevreden-trust, van Lugia Prop., R1 600 000. GREENWICH (8487) 748 ha, aan die munisipaliteit van Newcastle, van Yethu Farming, R4 322 000. LIMPOPO BURGERSFORT SKILDERKRANS (232) 378 ha, aan Drakensig Wildboerdery (Edms.) Bpk., van Brainwave Projects 1811, R5 586 000. DENDRON BRAKSPRUIT (211) 507 ha, aan J.F. Roos, van Brakspruit Plase (Edms.) Bpk., R6 000 000. GOEDEHOOP (1022) 175 ha, aan Stevens Lumber Mills, van Steve Lumber Forestry (Edms.) Bpk., R955 780. MODIMOLLE DOORNKOM (376) 242 ha, aan T.A. van der Merwe, van J.G.M. Benade, R1 400 000. DOORNKOM (376) 242 ha, aan L.S. Maritz, van T.A. van der Merwe,…

CHIANINA RAS NOU OOK NAMIBIESE BURGER Namibiese boere het vanjaar met die Chianinabeesras kennis gemaak. Verskeie beesboere het in vanjaar bulle en koeie van hierdie reuse- Italiaanse ras uit Suid-Afrika ingevoer. Die eerste beeste is deur mnr. Henk van der Merwe van Chadeni, Okahandja, gekoop. Hy het die bul O-la-la Mammut en twee verse van mnr. Cobus Scholtz gekoop. Vyf koeie en drie bulle van mnr. Christiaan de Jager van Badplaas is deur mnre. Kobus en Herman Engelbrecht ingevoer. Aroams Farming, Gobabis, het ’n bul van mnr. Louis de Wet van Louis Trichardt gekoop en me. Jeanette Schoemanhet ’n bul en twee F2-kruisingskoeie by mnr. Willem van Heerden van Roedtan gekoop, asook embrio’s van Olma, die ma van Sasha, die Italiaanse kampioenkoei, by De Jager. De Jager, voorsitter van die…

14 127 poste China het verlede jaar 14 127 werksgeleenthede in Afrika geskep deur sy kapitaalbeleggingsprojekte, al is sy markaandeel vir direkte buitelandse belegging in Afrika maar 3%. China se direkte kapitaalbelegging in Afrika het verlede jaar $2,2 miljard (R32,2 miljard) beloop, teenoor Italië se $7,4 miljard (R103,7 miljard) en die VSA se $6,8 miljard (R95,3 miljard.) – Africa Investment Report R700 miljard Die waarde van landbouprodukte wat deur Afrikalande uitgevoer word, het verlede jaar R700 miljard behaal. Dit verteenwoordig ’n jaarlikse groei van gemiddeld 17% oor die afgelope tien jaar. Die landbou verskaf werk aan nagenoeg 65% van die vasteland se werkende bevolking. Meer as $200 miljard is in 2014 in Afrika belê en daar word verwag dat dié neiging sal voortduur. – Alan Winde R243,8 miljard Die algehele…

ANDERKANT DIE REËNBOOG AFTJOP Sekere dinge is moeilik om te verstaan, soos hoekom die Springbokke so sukkel. Dié probleem verg egter ongelukkig baie meer dinkwerk as net om Toetie te fire. Dit is ’n bietjie soos rooivleispryse. Vat nou maar die skaapvleisprys. Skaapboere kry 65 sent van die verbruiker se rand. Dit is meer as wat melk-, wyn-, bees-, hoender- of koringboere kry. Tog skat die Buro vir Voedsel- en Landboubeleid (BFAP) dat skaapvleispryse met net 5% op mediumtermyn gaan styg. Indien ’n mens die algemene inflasiekoers van meer as 6% in ag neem, lyk die som nie lekker nie. Dit bly egter moeilik om oor die skaapvleisbedryf te veralgemeen, met produksiestelsels wat hemelsbreed van streek tot streek verskil. Lammers op die Wes-Kaapse stoppellande, waar daar ’n mate van intensifikasie…

VYF WYNPLASE UITGEWYS OOR ARBEIDSFOUTE Ná die omstrede Deense TV-program oor die SA wynbedryf is kennisgewings van arbeidswetoortredings aan vyf wynplase uitgereik. Me. Candice van Reenen, woordvoerder van die Departement van Arbeid, sê hulle doen inspeksies van alle werkplekke, maar ook reaktiewe inspeksies wanneer hulle wenke oor oortredings kry. “Dit is nie toevallig dat ons op hierdie vyf plase reaktiewe inspeksies gedoen het nie,” het sy gesê. MAARTEN KRUGER skryf: Wat maak jy as jy nie geld het om die behuising te herstel nie? Skop jy die werkers uit? Dan oortree jy weer ’n ander wet. Of kan hulle verniet daar aanbly en maak wat hulle wil? Ek is jammer, maar tot ’n trekker wat net op die plaas ry, het nie ’n lisensie nodig nie. Hoekom moet sy bestuurder…

INDIEN Afrika nie self inspring en sy grond op ’n kommersiële grondslag bewerk nie, sal die Chinese of Indiërs dit vir hom kom doen. Dít was mnr. Omri van Zyl, uitvoerende hoof van Agri SA, se waarskuwing aan kongresgangers op die beleggingsindaba vir die landbou in Afrika in Kaapstad. Suid-Afrika is in ’n ideale posisie om die wegspringplek vir Afrika te wees om die “broodmandjie” van die wêreld te word. Om dit te vermag, sal dit egter op ’n praktiese manier gedoen moet word, sê hy. Een manier is om swart boere voor te berei om kommersiële boere te word. “Die meeste Afrika-lande het sedert 1965 onafhanklik geraak. “Ons is nou 50 jaar verder en ons is nog steeds ’n netto invoerder van kos. Die meeste boere in Afrika is…

SLIMFOON-TEGNOLOGIE en sosiale media kan dieselfde vir boerderye doen as wat dit reeds vir kommunikasie, vervoer en ander noodsaaklike dienste gedoen het. Dit was die boodskap van die media-entrepreneur me. Khanyi Dhlomo, uitvoerende hoof van Ndalo Media, op die produsente-organisasie Subtrop se onlangse bemarkingsimposium in Nelspruit. Dhlomo het daarop gewys dat die vervoerdiens Uber byvoorbeeld hand aan hand met sosiale media funksioneer. Sy waarsku dat maatskappye wat nie só met hul kliënte kontak maak nie, nie in die toekoms gaan voortbestaan nie. WEES SOOS UBER Uber verbind met sy slimfoontoepassing mense wat vervoer nodig het, met bestuurders in private motors. Die koste beloop min of meer dieselfde as ’n taxi, maar geen kontant is betrokke nie. Die slimfoon-toep bereken self die koste en dit word outomaties van die kliënt se…

KREDIETGRADERINGS deur agentskappe, soos Moody’s, Fitch en Standard & Poor, is belangrik, want dit gee ’n aanduiding aan beleggers van ’n land se vermoë om sy skuld terug te betaal. Suid-Afrika se kredietgradering is tans net bo sub-beleggingsgraad, met ’n negatiewe vooruitsig. Indien ons in die toekoms afgegradeer word na sub-beleggingsgraad, gaan dit duurder word om geld oorsee te leen. Dit sal moeiliker wees om ons internasionale skuldverpligtinge na te kom en die Internasionale Monetêre Fonds mag dalk ingryp. Landbou-uitvoer lewer ’n belangrike bydrae om buitelandse valuta te verdien met ’n swakker wordende rand. Produsente se aandeel in die oorsese verbruikersrand in lande waar ekonomiese groei sterker is, moet voortdurend vergroot. In die plaaslike mark oorheers bevolkingsgroei die ekonomiese groeikoers, wat beteken die plaaslike verbruiker word al hoe armer. Surplusproduksie…

“Laat die bulle en moeder natuur toe om die belangrike seleksie te doen. Die natuur is slimmer as ons almal saam.” Die mens het onder meer energie en proteïen nodig om te bestaan. Indien die mens dié voedingstowwe net uit plante kon kry, sou daar nie diere op die aarde gewees het nie. Omdat ons dit egter nie kan doen nie, het die Liewe Vader lewende wesens met rumens gemaak om natuurlike weiding van lae gehalte te omskep in ’n wonderlike proteïenbron genaamd rooivleis, ’n produk wat wêreldwyd gesog is. Die grootste deel van die planeet Aarde bestaan uit natuurlike grasvelde of weiding, en dié natuurlike bron van proteïen en energie word veral deur beeste en skape goed benut. Om die rede het bees- en skaapboere ’n voordeel bo hoender-…

WAT IS DIE BESTE BESLUIT WAT JY AL GENEEM HET? Om die Here Jesus my persoonlike Heer en Verlosser te maak en om nooit te bang te wees om te vra as ek iets nie weet nie. WAT IS JOU BESTE RAAD AAN BOERE? Boer met dit waarvoor jy lief is, want dan sal jy ’n sukses daarvan maak. WAT IS JOU GROOTSTE PROBLEME IN BOERDERY? Droogte, indringerplante en onbetroubare arbeid. EN DIE GROOTSTE GELEENTHEDE? Om grond se produktiwiteit te verhoog, vertikaal uit te brei en beleggingsgeleenthede in veral vee en voer raak te sien en te benut. WATTER TEGNOLOGIE IS ONMISBAAR IN JOU BESIGHEID? My selfoon en die internet vir bankdienste, bemarking en kommunikasie.…

Waatlemoen-en-garnaalslaai Dié vars, ligte slaai is somerkos op sy beste! Slaai 15 ml gerasperde gemmer 15 ml fyngekapte knoffel 15 ml fyngekapte brandrissie 80 ml olyfolie 20 garnale, skoongemaak Halwe waatlemoen 5-6 sprietuie, oorlangs gesny 125 ml geroosterde grondboontjies, gekap 125 ml gekapte koljanderblare Hand vol kruisementblare Slaaisous 60 ml olyfolie 10 ml sojasous 15 ml soet rissiesous die sap van 1 lemmetjie Roer die gemmer, knoffel, brandrissie en olyfolie deur die garnale en laat marineer vir 1 uur. Verhit ’n pan oor hoë hitte en braai die garnale in die marinade-olie tot helderpienk en ferm. Sny die waatlemoen in happiegroot skywe en rangskik dit op ’n bord. Stapel die garnale bo-op en strooi die sprietuie, grondboontjies en koljander- en kruisementblare oor. Meng alles vir die slaaisous saam en geur…

Dankbaarheid het ’n tweelingsuster, wie se naam Diensbaarheid is. Die beste manier om dankie te sê, is om dankie te doen. Toe iemand gevra is hoe dit gaan ná ’n lang en ernstige siektebed, het hy openhartig geantwoord: “Uitstekend, dankie. Ek kan nie onthou wanneer ek laas so goed gevoel het nie. Vanoggend nog, nadat ek wakker geword het, het ek eers op my knieë gegaan en vir die Here gesê: Goeiemôre, Here, en wat kan ek vandag vir U doen?” As só ’n gebed in opregtheid gebid word, is dit ’n getuienis dat iets groots in jou lewe verander het. Die ék en mý behoeftes het plek gemaak vir Ú Here en Ú saak. Kom ons wees eerlik en erken dat die meeste gebede ’n soort inkopielys bevat van…

Mnre. Andrew Jordaan en Seuns van Spekboomberg, Cradock, is as OVK/CMW se grootste verkoper van vee en topkliënt aangewys. Van links is mnr. Lops Steyn van OVK/CMW op Cradock, me. Sanria en mnr. Andrew Jordaan en mnr. Chris Troskie, hoof van OVK/CMW se veebemarkingsafdeling. Die lede van OVK/CMW se swartbemagtigingsmaatskappy Sinethemba Mafama wat die meeste wol gelewer en die hoogste prys gekry het, is ook vereer. Van links is me. Olivia Sigide, ondervoorsitter van Sinethemba Mafama, saam met mnre. Monrik Mcingeli, Goodman Ginyigazi en me. Cynthia Nombeko, almal lede van Sinethemba Mafama. Van links is mnre. Pierre van der Vyver, bestuurder van OVK/CMW se bokhaarafdeling, Billy Colborne (beste gemiddelde prys vir kleinbokkiehaar) van Willowmore, Prieur du Plessis (beste gemiddelde prys vir jongbokhaar) van Somerset-Oos, Gerry Pienaar (beste prys vir grootbokhaar)…

Dit is nodig om uit verskeie hoeke na die minimum loon te kyk, volgens mnr. Mike Schüssler, ekonoom by Economists.co.za. ’n Bietjie internasionale perspektief help veral. Die R3 500 wat onlangs aangekondig is, is relatief hoog. Volgens inligting daaroor van die Organisasie vir Ekonomiese Samewerking en Ontwikkeling (OESO) is Suid-Afrika se minimumloonverhouding vergeleke met die tipiese loon die derde hoogste uit 41 lande waarvoor hy data het. Die voorgestelde minimum loon behels 92,5% van die mediaan heeltydse loon. Ontwikkelde lande se minimumloon is 51% van die mediaanloon. Slegs vyf uit 21 ontwikkelende lande het ’n minimum loon wat meer as 80% van die mediaanloon is. Net twee (Indonesië en die Filippyne) het ’n hoër minimum-tot-mediaanverhouding as Suid-Afrika. Die gemiddelde minimum loon in ontwikkelende lande is net meer as 63% van…

Mnr. Tromp van Diggelen, wat beskou word as Suid-Afrika se grootste beoefenaar van die gesondheidskultuur. Hy maak in ’n advertensie in LBW van 8 Desember 1926 daarop aanspraak dat hy met sy wetenskaplike metodes 11 000 Suid-Afrikaners genees het van siektes, soos indigestie en kataar by bejaardes, hardlywigheid, senuweekwale, chroniese nierkwale, asma en rumatiek. MCGREGOR SE SWEEPSTOKBEDRYF Die kweek van bamboes vir die maak van sweepstokke is die vernaamste bedryf by McGregor, ’n dorpie naby die Bolandse dorp Robertson en aan die noordelike voet van die Sonderendberge. Op McGregor en sommige omliggende plase is pragtige sweepstokplantasies. Een boer het in die jaar 1925 uit sy sweepstokke alleen sowat £1 500 verdien. Met oestyd sny die kwekers die stokke af en droog dit ’n maand of twee in die son. As…

DIE uitgerekte staking by die botteleringsaanleg Robertson Winery is verby danksy ’n skikkingsooreenkoms wat vir drie jaar geld. Luidens die ooreenkoms, wat op 23 November bereik is, sal alle werknemers ’n verhoging van 8% of R400 – watter een ook al die grootste is – ontvang. Die vakunie Commercial, Stevedoring, Agricultural and Allied Workers’ Union (CSAAWU) het die werkers verteenwoordig. Mnr. Anton Cilliers, die maatskappy se besturende direkteur, sê die nuwe koste van indiensneming is R4 263,56 per maand. ’n Verhoging van die verbruikersprysindeks (VPI) plus 1,5% word volgende jaar toegestaan, en die VPI plus 1% in 2018. Sake verloop sedert Maandag 28 November weer soos gewoonlik, sê me. Reinette Jordaan, menslikehulpbronbestuurder. “Ons het net vier weke oor tot Kersfees, so hierdie is ons besigste tyd van die jaar.” NUWE…

 WYSIGINGS aan die Wet op die Uitbreiding van Sekerheid van Verblyfreg (Esta, Wet 62 van 1997) kan eiendomsreg inkort en bevat vaaghede waaroor duidelikheid gekry moet word, waarsku die landbousakekamer Agbiz in ’n voorlegging aan die Parlement. Agbiz is ook bekommerd oor die uitwerking wat dié maatreëls op die landbousektor se finansiële welsyn kan hê. ‘Landbouskuld is nou naby aan R160 miljard, en primêr versekureer deur grond.’ Die Parlement se betrokke portefeuljekomitee oorweeg tans kommentaar op wysigings aan dié wet wat die regte van grondbewoners verder reguleer. Dr. John Purchase, hoof- uitvoerende beampte van Agbiz, sê in die voorlegging die koste-implikasies van die wet vir die bedryf is reusagtig. “Daar kan nadelige finansiële implikasies wees by die herverkoop van eiendomme as grondeienaars nie kan waarborg dat die voornemende kopers be-sit…

DIE Suid-Afrikaanse Regering wil Angola nader om grond beskikbaar te stel waarop Suid-Afrikaanse boere stapelgrane kan verbou om gewastekorte in tye van droogte teen te werk, sê mnr. Senzeni Zokwana, die Minister van Landbou, Bosbou en Visserye. Hy was ’n spreker op die beleggingsindaba vir die landbou in Afrika in Kaapstad, waar bedryfskenners hul kennis oorgedra het oor hoe om beleggings na die kontinent te lok. Die landbou absorbeer nie net 65% van die werkers op die kontinent nie, maar Afrika suid van die Sahara beskik oor 60% van die bewerkbare landbougrond in die wêreld. Zokwana het ná sy toespraak in ’n onderhoud gesê ’n vergadering moet met Angola gereël word. Hulle sal moet kyk na die opstel van ’n memorandum van verstandhouding sodat Suid-Afrikaanse boere daar produkte, soos rys,…

DIE bemarkingstandaarde wat die maatskappy Prokon vanaf 1 April volgende jaar namens die Regering by alle varsproduktemarkte moet toepas, is met am-per 30 jaar verouder. Die bedryf krap tans kop oor hoe om dié struikelblok te oorkom, veral by produkte waarvoor daar nie ’n bedryfsliggaam is nie. Mnr. Derek Donkin, uitvoerende hoof van die produsenteliggaam Subtrop, het ná afloop van ’n vergadering oor die regulasies met Prokon en regeringsverteenwoordigers gesê dit is vir Subtrop ’n knelpunt dat die amptelike standaarde nie relevant is nie. “Hierdie regulasies is jare gelede opgestel, maar nooit toegepas nie en het verouder. ’n Lietsjie of ’n mango van vandag lyk en smaak anders as 26 jaar gelede. Ons sal voor 1 April die standaarde saam met die departement hersien en dit aanpas om by vandag…

Jou testament is ’n dokument wat bepaal wat met jou goed gebeur wanneer jy sterf. ’n Mens sterf “testaat”, dus met ’n testament wat jy laat opstel en onderteken het, of “intestaat”, dus sonder ’n testament. Sommige mense het ’n testament opgestel terwyl hulle gelewe het, terwyl ander nog nie eens daaraan gedink nie. Nog ander wil nie oor die dood praat nie – totdat dit hulle onverwags betrap en geen beplanning gedoen is nie. Sommige mense se testamente is ook in die jare toet opgestel toe hulle pas getroud is. Baie weet nie eens waar hul testament is nie. “Ons dink dit is by die bank.” Daar is ook mense wat dink “ ’n testament” het net iets met die Bybel te make, die Ou en Nuwe Testament. Die…

SUID-AFRIKAANSE woluitvoer in die eerste drie maande van die seisoen (Julie tot September vanjaar) na van die belangrikste invoerlande toon ’n merkbare daling vergeleke met die ooreenstemmende tyd verlede seisoen. Die grootste daling was in die uitvoer na die Tsjeggiese Republiek – die naasgrootste vetwolinvoerder. Verskepings daarheen het met 74% gedaal (van 996 189 kg tot 257 089 kg). China het ook minder wol ingevoer. Vetwolinvoer het met 6% gedaal, terwyl 54% minder gewaste wol soontoe uitgevoer is. Die invoer na Indië, die ander belangrike vetwolinvoerder, het met 65% gedaal, terwyl vetwoluitvoer na Egipte met bykans 67% afgeneem het. Meer wol is egter na ander invoerlande verskeep. Italië, wat hoofsaaklik halfverwerkte wol invoer, het sy invoer verhoog. Die volume gewaste wol wat daarheen verskeep is, het met bykans 25% gestyg,…

BBTV kom in die floëem van die piesangplant voor, verduidelik dr. Elize Jooste van die Landbounavorsingsraad. Daar is ook ander gasheerplante wat deur die virus besmet kan word, soos gemmer, ornamentele piesangs, taro en Strelitzia-spesies. Besmette piesangplante se krone sal misvormde blare hê, en hoewel besmette plante nie dikwels vrugte dra nie, sal die vrugte misvorm wees indien daar enigsins vrugte is. Die virus kan tot twee weke in die plantluis virulent bly. Wanneer die luis op piesangplante voed, kan die virus binne 15 minute van die luis na die plant oorgedra word. Die virus versprei daarna deur die hele plant, en die suiers wat op hierdie plante ontwikkel en die volgende seisoen se oes moet lewer, sal ook besmet wees en dus niks werd wees nie. Die virus is…

In die bergagtige en hooggeleë Koue-Bokkeveld-omgewing is wyndruiwe soos die vaal stiefsuster van die hoërwaardeboorde appels, pere, nektariens en kersies. Die enkele blokke Chardonnay, Pinot noir en Sauvignon blanc wat wel daar groei, het egter die wynbedryf behoorlik aan die gons. Gemeet aan hul bloedsusters in ander wingerdbougebiede het dit ’n betowerende skoonheid. “Party wingerdboukundiges, soos Stephan Joubert (groep-wingerdboukundige vir DGB-wyne), beskou die Koue-Bokkeveld as die beste wynstreek in die land. Hy vergelyk dit met Boergondië in Frankryk,” sê mnr. Charles Hopkins, keldermeester by De Grendel naby Kaapstad. Die eerbewyse wat De Grendel se Op die Berg-wyne (’n Chardonnay en ’n Pinot Noir) die afgelope tyd ingepalm het, is ’n bewys daarvan. Charles koop die druiwe op die plaas Dennekruin in die Witzenbergvallei. Dit behoort aan mnr. Pieter Graaff van…

ENERGIE ’n Nuwe Sweeds vervaardigde batteryreeks vir kettingsae, grassnyers, blasers en ander kleiner toerusting is deur Husqvarna van Pietermaritzburg vertoon. Dit is vandag ’n neiging wêreldwyd om allerlei sulke toerusting met batterye aan te dryf pleks van met petrol omdat dit baie meer omgewingsvriendelik is en feitlik geruisloos funksioneer. Die kommersiële kettingsaag (foto), wat R13 680 kos, kan van 30 minute tot 50 minute werk met een battery, wat sowat 50 minute nodig het om te laai. NAVRAE: Mnr. Charles Anderson, sel 082 373 1957. Greensun Solar Solutions van Kaapstad se unieke dunfilm-sonpanele word veel minder deur kwaai hitte of skadutoestande geraak as gewone sonpanele. Selfs in totaal bewolkte toestande funksioneer dit 100%. Dit absorbeer ook hittepartikels oor heelwat langer tye per dag as nor-male sonpanele. Dit word met behulp…

MO-FLO ENTSTOF, MOLIBDEEN KÁN SAAM Sojaboon-entstowwe en molibdeen kan wel saam gebruik word, mits “bepalings en voorwaardes” geld, sê die chemiese groep AgChem Africa. Hulle het die afgelope seisoen proewe gedoen om te bepaal wat die antwoord is op die gelaaide vraag of molibdeen saam met sojaboon-entstowwe gebruik kan word. Die proewe het gewys die kombinasie van entstof en molibdeen het ’n regstreekse invloed op die hoeveelheid doeltreffende nodules wat gevorm word. Dit is egter net waar tot op die punt waar die molibdeen-dosis oorskry word en dit die entstof se werking begin benadeel. Om hierdie rede het AgChem Mo-Flo (B3523, Wet 36 van 1947) ’n saadbehandeling vir die voorkoming en regstelling van molibdeen-tekorte ontwikkel. Mo-Flo is gemik op die potensiële vorming van meer doeltreffende nodules wanneer molibdeen saam met…

“Kuier” is die woord wat ons Suid-Afrikaners se benadering tot saamwees verwoord. ’n Kuier is ’n uitnodiging om rondom lang tafels, ronde tafels, op stoepe en voor kaggels, op komberse, op grasperke of sandduine, onder koeltebome of sambrele gesellig te verkeer. Dit is die belofte wat Vickie de Beer, bekroonde kosskrywer en kosredakteur van die tydskrif Rooi Rose, se nuwe kookboek inhou. In Kuierkos vier sy die lekkerte van saamwees en saameet met ons hartsmense. Met afdelings vir Moedersdag, Sondagmiddagete, ’n fyntee vir ouma, piekniek met pelle en ’n sop-en-brood-opskop (om maar ’n paar te noem) gee sy hope idees en smullekker resepte vir vele luilekker, uitgerekte kuiers. Kuierkos word uitgegee deur Human & Rousseau.…

Hoekom het jy besluit om ’n bakonderneming op die been te bring? Ek het op Koës in Namibië grootgeword en was op my dag ’n maatskaplike werker. Dit gaan vir my oor wat jy met mense kan doen. Mercia Maarman het vir my kom werk en ek het eendag vir haar ’n resep gegee om soetkoekies te bak. Dit het perfek uitgekom. Ek het besef daar is ’n geleentheid vir haar. Ons het begin koekies bak en dit as geskenke weggegee. Later het ons by skole pannekoeke, koeke en kleinkoekies gebak en verkoop. Iemand het ’n padstalletjie naby ons oopgemaak en ons het daar begin koekies afgee. Ek het ’n mark besoek en daarna vir Mercia gesê ek glo ons kan dit probeer. Ons het koekies op die Worcester-kersmark begin…

Die GPS-kaarte van die maatskappy Tracks4Africa (T4A) op Stellenbosch is ’n produk waarop Suid-Afrikaners met reg trots kan wees, maar waarvan min mense weet. Die rede is dat dit gespesialiseerd is en ’n mens dit eers werklik diep in die boendoes nodig het waar Garmin se kaarte of Google Maps nie veel gaan help nie. Min of meer in 1999 het GPS-toestelle so klein en gebruiksvriendelik geraak dat gewone reisigers dit kon koop en in hul motors gebruik. Dit was voorheen beperk tot militêre of seevaartnavigasie. Daar was egter geen GPS-kaart van Suid-Afrika beskikbaar vir Suider-Afrika nie. Jy kon basies net daarmee vasstel waar jy was – met koördinate – en ’n sogenoemde broodkrummelroete opneem terwyl jy ry, met roetepunte (waypoints). Jy kon hierdie roetes op ’n rekenaar aflaai en…

Mnr. Julian Southey (middel), Skaapboer van die Jaar van Middelburg (Oos-Kaap) en sy vrou, Trish. By hulle, van links, dr. Cobus Oberholster (BKB), mnre. Philip Strydom (uitvoerende hoof van Voermol), Chris Burgess (Landbouweekblad), Leon de Klerk (Voermol) en Isak Staats (BKB). FOTO’S:JOHANNORVAL Mnr. Heinrich Bruwer van Vryburg (vierde van links), Beesboer van die Jaar, en sy vrou, Clara (middel). Saam met hulle, van links, is mnr. Gawie Coetzer (Voermol), mnr. Bokkie en me. Amanda Bruwer (Heinrich se ouers), mnre. Philip Strydom (uitvoerende hoof van Voermol), Chris Burgess(Landbouweekblad),DawieMaree(ENB)enMarkBarlow (Voermol). Dr. Liesel Foster van Zastron was ’n finalis in die beeskategorie. Van links is mnre. Kenny Crampton en Peter Dormehl (albei van Voermol), Koos van der Ryst (RPO), Liesel en haar man, Roland, en mnre. Dawie Maree(ENB)enCharlvanRooyen(Landbouweekblad). Nog ’n finalis in die…

Boere wat gars op droëland geplant het, het vanjaar ’n rekordoes van meer as 300 300 ton gelewer. Mnr. Gerhard Greeff, landboubestuurder van die Afrika-streek by SAB Maltings (SABM), sê dit is die grootste oes sedert 1995 toe 298 000 ton geoes is. Hy sê ten spyte daarvan dat die reënval vanjaar 100 mm minder as die gemiddelde op lang termyn was, was die verspreiding van die reën reg en het boere uitstekende weer met oestyd gehad. Opbrengste was ook bogemiddeld. Afgesien daarvan dat die oes so groot was, is die grootste deel van die oes as moutgehalte gegradeer. Hoewel SABM op Caledon aanvanklik van voorneme was om vanjaar 249 600 ton in te neem, het hy in die oestyd die hoeveelheid met ’n verdere 28 800 ton verhoog. Dié…

Die gebrekkige voorsiening van plaagbestrydingsprodukte deur Onderstepoort Biologiese Produkte (OBP) het in ’n mate ’n gaping in die mark vir opportuniste gelaat om ongeregistreerde, ongetoetste en ondoeltreffende produkte teen lae pryse te verkoop. Dr. Gerhard Verdoorn, direkteur van die Griffon-gifinligtingsentrum en konsultant van die SA Vereniging vir Dieregesondheid (SAAHA), sê dié produkte kan erge skade aan veeboere en die bedryf aanrig. “Die middels is sonder twyfel ondoeltreffend en geen bewys bestaan dat dit reg werk nie. Boere is geneig om sulke kwakmedisyne te koop omdat dit goedkoper as geregistreerde middels is. Hul kuddes word dan aan siektes blootgestel. Aanmeldbare siektes, soos slenkdalkoors, brucellose, Afrika-perdesiekte en nog vele ander, asook gevaarlike siektes, soos bloutong en knopvelsiekte, kan epidemies raak as boere die siektes met ongeregistreerde entstowwe probeer bestuur.” Daar is ’n…

Die volgende ontleding van grondverkope in Suid-Afrika is van transaksies vir grond van meer as 20 ha in die Vrystaat vanaf Oktober verlede jaar tot September vanjaar. In dié tyd is 688 ooreenkomste in 42 distrikte beklink wat 316 2471 ha teen R4,022 miljard behels het. Die grondprys in 47,8% van die distrikte toon ’n dalende neiging. Altesame 60 transaksies (9%) was van kleur. Dié soort transaksies sluit in verhandelings tussen individue (45), regeringsaankope van landbougrond en grond verkry vir stedelike ontwikkeling (8). Daar was 18 389 ha (5,8%) ter sprake wat teen R836 miljoen (20,8% van die totale waarde) verkoop is. Altesame 51 transaksies (7%) was vir grond van minder as 50 ha. Die meeste transaksies (343 of 50%) was vir grond van meer as 300 ha. — JOHANN…

Landbou-organisasies, boereverenigings, ens., is welkom om die datums van hul byeenkomste aan ons te stuur vir publikasie in Landboukalender. Die besonderhede moet gestuur word aan lbw@landbou.com. ALGEMEEN 20 JANUARIE: Veldramveiling. Jansenville. Angora-stoettelersvereniging. E-pos: samga@angoras.co.za. 26 JANUARIE: Veldramveiling. Graaff-Reinet. Angora-stoettelersvereniging. E-pos: samga@angoras.co.za. KURSUSSE 5-6 JANUARIE: Fynproewersampioenverbouing, klein skaal. Kaapstad. (Ook via rekenaargesteunde onderrig.)** 5 JANUARIE-3 MAART: Opleidingsakademie: Vee. George.* 9-10 JANUARIE: Fynproewersampioenverbouing, entrepreneursvlak. Kaapstad.** 12-17 JANUARIE: Kommersiële fynproewer-sampioenverbouing. Kaapstad. (Ook via rekenaargesteunde onderrig.) ** 16-18 JANUARIE: Kettingsaagoperateur. Mobiele kursus.*** 16-18 JANUARIE: Trekkeroperateur. Mobiele kursus.*** 16-18 JANUARIE: Kunsmatige inseminasie: Beeste. George.* 18-20 JANUARIE: Toesighouding. Mobiele kursus.*** 19 JANUARIE: Dragtigheidswaarneming: Beeste. George.* 19 JANUARIE: Spuitpompoperateur. Mobiele kursus.*** 20 JANUARIE: Veilige hantering van chemiese middels. Mobiele kursus.*** 20 JANUARIE: Kalfgrootmaak. George. * 23-25 JANUARIE: Kunsmatige inseminasie (beeste). Krugersdorp.* 23-25 JANUARIE: Kettingsaagoperateur. Mobiele kursus.***…

FEBRUARIE WILLOWMORE 9-10, Willowmore-skou. Boerbok, Angorabok, Merino, Dorper, jeugskou, biertuin, uitstallings, skoudans. Kobus Lötter, tel. 044 956 1009, sel 082 432 2393. HEIDELBERG (WK) 9-11, Heidelberg-skou. Hannelie de Lange, tel. 028 514 8710, sel 082 393 2056. E-pos: hdelange@ssk.co.za. VICTORIA-WES 9-11, Victoria-Wes-skou. Sel 082 940 8231. Stalletjies: Alicia, sel 083 518 2231. E-pos: vicweslandbou@  gmail.com. RIVERSDAL 15-18, Riversdal-skou. Betsie van Noordwyk, tel. 028 713 1215, sel 072 015 9671. E-pos: skou@riversdaler.co.za. WILLISTON 23-25, Williston-skou. Belinda Els, tel. 053 391 3005, sel 082 613 3137. E-pos: willistonskou3@gmail.com. MAART SWELLENDAM 2-4, Swellendam-skou en damesoggend. Miriam Bas-son, sel 082 788 6544. CARNARVON 3-4, Carnarvon-skou. Annemarie Mostert, tel. 053 382 3515, sel 083 321 3862. E-pos: carnarvonskou@gmail.com. HERTZOGVILLE 16-18, Hertzogville-landboufees (70ste herdenkingsfees). Perde: Saalperd, Friesperd: Sarel Bornman, sel 072 268 3919. Beeste: Angus, Brangus,…