Innehållsförteckning för 03-Feb-17 från Landbouweekblad

‘Daar is boere wat nie die nodige beskermingsmaatreëls instel nie en wat ongeërg is oor plaasveiligheid.’ MNR. BOETA DU TOIT, uitvoerende hoofbestuurder van Agri Noordwes, oor plaasaanvalle. Bl. 20 ‘Die vraag oorskry die aanbod ver omdat kuddes weens die langdurige droogte verlede jaar baie verminder is.’ MNR. CHRIS TROSKIE, hoofbestuurder van lewende hawe by CMW, oor stygende speenkalfpryse. Bl. 17 ‘Die wetgewing wat die landbou beperk om water op te gaar, plaas voedselsekerheid onder groot druk.’ ME. JEANNE BOSHOFF, Agri Wes-Kaap-woordvoerder, oor waternood in die provinsie. Bl. 23 ‘Vanjaar behoort hulle op droëland tot 12 ton mielies per hektaar te oes en tot 15 ton per hektaar onder besproeiing.’ MNR. ROBBIE STRYDOM van OVK oor goeie oesvooruitsigte in die Noordoos-Kaap. Bl. 16 ‘Die droogte en klimaat sal in die volgende…

OPTIMALE OESTE MET DIÉ AANBEVELINGS Weens die beperkinge van die konvensionele proefmetode op grond waarvan aanbevelings oor gewasverbouing aan boere gedoen word, kan die aanbevelings misleidend wees, sê dr. Roger Beaufils, landboukundige raadgewer van Pietermaritzburg. Met die Diagnosis and Recommendation Integrated System (DRIS) wat hy ontwikkel het, kan die konvensionele proefmetode se tekortkominge sover moontlik uitgeskakel word, sê Beaufils, en kan hy die juisste moontlike aanbevelinge aan boere doen. Hy sê DRIS is eintlik ’n nuwe, bruikbare dissipline waarvolgens ’n plant en sy fisiologiese werking nie as alleenstaande beskou word nie, maar as deel van ’n geheel wat uit die plant, die grond en die omgewing bestaan. Daar is sowat 40 primêre faktore wat ’n plant se fisiologiese werking (en dus ’n oesopbrengs) beïnvloed en waarmee rekening gehou moet word.…

DIE ANC se planne om plaasgroottes met wetgewing te beperk is verder verfyn in ’n nuwe beleid wat die Departement van Landelike Ontwikkeling en Grondhervorming geformuleer het. Hierin beweeg die Regering weg van ’n “nasionale” sambreel-grondplafon. Landbouweekblad verneem betroubaar dat die kategorieë vir grondplafonne volgens dié nuwe beleid distriksgewys bepaal sal word. ’n Grondkommissie waarvoor die wetsontwerp op die regulering van grondbesit voorsiening sal maak, sal sentraal staan in die bepaling van dié plafonne. Die voorgestelde kommissie sal, wanneer hy tot stand gebring is, mense die geleentheid bied om grond wat nie hul regmatige besitting is nie, terug aan die staat te gee. Dit sal die mag hê om onder meer ’n deklarasie van enige eiendom met ál die verwante dokumente daartoe te vra, amnestie te verleen en/of vervolging te…

MNR. PIETER SPIES (foto) het sy pos as besturende direkteur van GWK vir dié van Tiger Brands se hoof van grane verruil. Hy het die landbouprodusent-beheerde GWK die afgelope drie jaar tot nuwe hoogtes gevoer, veral wat vertikale uitbreiding in die voedselketting betref. Tiger Brands, Suid-Afrika se grootste voedselmaatskappy, het aangekondig Spies sal op 1 Februarie by hulle aansluit. Intussen neem mnr. Pieter Bekker, uitvoerende hoof van GWK, in Spies se plek waar. Mnr. Frank Lawrence, voorsitter van GWK, het intussen benadruk dat hulle vol vertroue is dat die maatskappy oor ’n bekwame span leiers en die regte strukture beskik om onverpoos aan te hou om sy beplande strategieë in werking te stel. “Die besturende direkteure van GWK se drie bedryfseenhede het duidelike rigting. Die raad vertrou dat hulle, soos…

STANDAARDE | Inspeksies kom vir héle voedselketting Die Departement van Landbou, Bosbou en Visserye het drie maatskappye aangewys vir die regulering van alle kossoorte, soos voorgeskryf in die Wet op Landbouprodukstandaarde (Wet 119 van 1990). Luidens ’n verklaring deur die departement omvat dié reëling suiwel- en nagemaakte suiwelprodukte; alle tipes vleis en eiers; en verwerkte voedsel, soos rooibos, heuning, tafelolywe, vrugtesap, vrugte en groente (ingemaak, bevrore en gedroog) en enige ander verwerkte voedsel waarvoor regulasies in die wet voorgeskryf word. Al dié kossoorte sal onderhewig wees aan ’n statutêre heffing en inspeksies, wat gedoen sal word by fabrieke, verwerkingsaanlegte, verspreidingsentrums, hawens en kleinhandelaars. Me. Makenosi Maroo, departementele woorvoerder, sê daar is nog geen amptelike datum waarop die inspeksies en heffings in werking sal tree nie. Die drie maatskappye is Nejahmogul…

 ’N DRINGENDE aansoek teen pres. Jacob Zuma, as hoof van Suid-Afrika se uitvoerende gesag, en drie ander partye word vandeesweek Dinsdag in die Hooggeregshof in Polokwane gebring in ’n desperate poging om te voorkom dat 88 000 lêhenne van honger vrek. ‘As lêhenne is hulle nie geskik vir slag nie. As ons nie hulp kry nie, sal ons hulle waarskynlik moet vergas en vernietig.’ ’n Hoenderonderneming wat die Departement van Landelike Ontwikkeling en Grondhervorming vir swart bemagtiging gekoop het, is een van die slagoffers van verlede jaar se groot styging in voerpryse, die stortvloed ingevoerde hoendervleis en die departement se onvermoë om sy verpligtinge na te kom. Die ander respondente in die saak is mnr. Gugile Nkwinti, Minister van Landelike Ontwikkeling en Grondhervorming, sy department en die LUR vir landbou…

Die media is vol berigte en verklarings deur stedelinge en mielie-verbruikers dat ons op pad is na ’n groot mielie-oes nadat dit vroeg in Januarie in die somersaaigebiede gereën het. Die plantdatums van somergraan was vier tot ses weke later as normaalweg, en daar is dus nog ’n lang trek voordat die graan in die silo’s is. Heelwat risiko’s lê ook voor, soos vroeë ryp en droë periodes op kritieke tye in die westelike produksiegebied. Die eerste voorlopige oppervlakte-skattings word einde vandeesmaand verwag, maar intussen gons die mark met almal wat somme maak! Dié somme dui daarop dat tot 2,6 miljoen ha mielies geplant is, wat teen ’n redelik hoë opbrengs ’n mielieoes van tussen 12 miljoen ton en 13 miljoen ton kan lewer. Vergelyk dit met verlede jaar se…

WAT IS DIE BESTE BOERDERYBESLUIT WAT JY AL GENEEM HET? Om na presisieboerdery oor te skakel. WAT IS DIE BESTE RAAD WAT JY OOIT GEKRY HET? Om nie meer hektare na te jaag nie, maar om eerder jou bestaande grond ten volle te benut. WAT IS DIE GROOTSTE FOUT WAT JY IN JOU BOERDERY GEMAAK HET? Om my graan te vroeg te bemark. WIE WAS JOU MENTOR? Boerdery was al van kindsbeen in my bloed en met proewe het ek my eie kennis verbreed. Ek het ook baie geleer by my buurman Anthony Bowker, wat self ’n studie van presisieboerdery gemaak het. WAT IS JOU GROOTSTE BOERDERYUITDAGINGS? Die natuurelemente en graanbemarking. EN DIE GROOTSTE GELEENTHEDE? Om as ’n klein boer by ’n groot instelling soos Platkop Kontrakgroeiers te kon aansluit…

WATTER TEGNOLOGIE IS ONMISBAAR? Rekenaarprogramme om die sterk eienskappe in sekere bloedlyne te identifiseer. Visuele eienskappe is ook van deurslaggewende belang. Ons bestudeer stambome op webwerwe van ander Brahmantelers in Suid-Afrika, Amerika en Australië op soek na teelmateriaal om ons eie bloedlyne te verbeter en kyk ook na data van Brahmantelersgenootskappe. Verder gebruik ons Breedplan se seleksieprogramme wanneer nodig. WAT IS JUL GROOTSTE UITDAGINGS? Om voortdurend as teler te verbeter. EN DIE GROOTSTE GELEENTHEDE? Om die regte teelmateriaal te lewer. WAT IS DIE BESTE BOERDERYBESLUIT WAT JULLE AL GENEEM HET? Om met Brahmane te boer. EN DIE BESTE RAAD ONTVANG? Jy moet ’n passie hê vir die ras waarmee jy boer.…

Ondernemings word toenemend verplig om na swart eienaarskap te kyk om hul punte en vlakke vir swart ekonomiese bemagtiging (SEB) te verbeter. Die SEB-regsraamwerk en -beleid onderskei tussen regstreekse en onregstreekse eienaarskap. Regstreekse eienaarskap is waar swart mense as natuurlike persone aandeelhouers in ’n onderneming is, en onregstreekse aandeelhouding waar ’n ander entiteit, soos ’n maatskappy, koöperasie of trust, die aandeelhouers is en swart mense steeds die eindbegunstigdes is. Onder regstreekse aandeelhouding word ook ’n derde kategorie geïdentifiseer, naamlik passiewe aandeelhouding, dus aandeelhouding in pensioen- en beleggingsfondse, waarvan swart mense dan die meerderheid begunstigdes is. Onder onregstreekse aandeelhouding word voorsiening gemaak vir werknemeren gemeenskapsprogramme om swart mense aandeelhouers in ’n onderneming te maak. In die mynboubedryf moet alle ondernemings wat betrokke is, by die Regering aansoek doen om mynboulisensies. Swart…

Volgens tradisionele kennis word Bulbine frutescens as ’n hoogs doeltreffende middel vir vel- en haarsorg beskou. Die wateragtige ekstrak word reeds lank as ’n strelende, genesende en bevogtende agens in tradisionele medisyne gebruik. “In doeltreffendheidsproewe in Europa is bevind dat B. frutescens velbeskermingseienskappe versterk deur die verlies van water en gliserol uit die onderste laag van die epidermis te beperk,” sê Will. “Dit beteken dat die vel bevogtig word en meer elasties is. Daar is ook onlangs bewys dat B. frutescens die kollageenstelsel van die vel in stand hou, wat dit in staat stel om die verskyning van plooie met 138% te verminder.”…

Vir boere is dit nie te moeilik om aantekeninge by te hou, inligting aan te teken of om dit op ’n rekenaar te bêre nie. Die groot probleem is gewoonlik om deur die jaar sin te maak van die data en dit só te verwerk dat die boer ingeligte besluite kan neem wanneer nodig. Crop Manager, ’n praktiese rekenaar-en-selfoonplatform wat boere ondersteun om die regte besluite op die regte tyd en gepas vir hul eie omgewing te neem, is nou in Suid-Afrika beskikbaar. Die platform is ontwikkel deur mnr. Richard Riddle, eienaar van Data into Profit, ’n Wes-Australiese sagtewaremaatskappy. Richard sê Crop Manager maak dit vir boere moontlik om tydige besluite te neem en nie eers ná die tyd op historiese data te probeer reageer nie. In sy geheel kan…

Jy bedryf jou eie kookskool, ’n pekanneutboerdery, ’n gastehuis, ’n blog en werk boonop aan ’n kookboek. Hoe kom jy by alles uit? Potlood en papier is die beste belegging wat jy kan maak. Sit, skryf neer en beplan. Stel lysies op van wat jy moet doen en prioritiseer dit. Doen alles deeglik sodat die werk nie kleintjies kry nie. Stiltetyd is baie belangrik om innerlike krag te kry, te fokus en seker te maak jy’s op die regte pad. Jy was ’n dosent by verskeie opleidingsinstansies en het studente as sjefs opgelei. Hoekom die sprong na jou eie besigheid? My kollegas by die destydse Tegniese Kollege van Pretoria het gesien wat ek met die studente reggekry het en my gevra om hulle ook te leer. Dis waar alles begin…

Redelikheid en ordentlikheid het nog nooit tweede gekom nie. Ware planteliefhebbers sal waarskynlik saamstem wanneer beweer word dat plante kan praat. Natuurlik nou nie soos mense “praat” verstaan nie, maar dat hulle ’n natuurlike manier het om ’n bepaalde behoefte oor te dra, sal moeilik weerspreek kan word. Hulle praat op ’n stil manier wat meer sigbaar as hoorbaar is. As ’n plant verlep of armoedig voorkom, is dit waarskynlik ’n gebrek aan water of voedsel. Gee vir hulle wat hulle vra en jy sal verbaas wees met hoeveel dankbaarheid hulle reageer. As jy so ’n bietjie verbeelding wil gebruik, kan jy gerus met hulle praat ook. Maria was so ’n planteliefhebber wat ’n paar mense se tuine versorg het. Sy’t gereeld met die plante gepraat en geglo hulle verstaan…

INTERNASIONAAL: Die mielieprys het met 1,2%, of $1,72/t (R23,33/t), tot $142,78/t (R1 936/t) teenoor die vorige week gestyg. Op ’n jaargrondslag is dit 0,9%, of $1,28/t (R17,36/t), laer. Verwagte pryse: Februarie – $145,11/t (R1 968/t), Maart – $147,87/t (R2 005/t), April – $150,54/t (R2 042/t). PLAASLIK: Die Safex-prys van wit mielies het met 4,3%, of R155/t, tot R3 475/t teenoor die vorige week gedaal. Die prys van geel mielies het met 0,6%, of R19/t, tot R3 240/t gedaal. Op ’n jaargrondslag is wit mielies 31,6%, of R1 609/t, laer, terwyl geel mielies 15,7%, of R605/t, laer is. Verwagte witmieliepryse: Februarie – R3 415/t, Maart – R3 308/t, April – R2 862/t, Mei – R2 361/t. Verwagte geelmieliepryse: Februarie – R3 230/t, Maart – R3 140/t, April – R2 798/t. INTERNASIONAAL:…

2 miljoen ton Die hoeveelheid koring wat Suid-Afrika van 1 Oktober 2015 tot einde September verlede jaar ingevoer het, word op 2,067 miljoen ton geraam. Altesame 1,832 miljoen ton koring is in 2014-’15 ingevoer. Graan SA voorspel dat 1,4 miljoen ton koring in 2016-’17 ingevoer sal moet word. Die bedryf wag tans op ’n hersiening van die formule waarvolgens die invoertarief bereken word. – Graan SA $93 miljoen Die Wêreldbank het $93 miljoen (sowat R1,2 miljard) in langtermynsteun aan die Land Bank goedgekeur spesifiek vir opkomende boere. “Die projek sal die Land Bank se pogings steun om bekostigbare kapitaal vir ontluikende boere beskikbaar te stel en hul integrasie in bestaande waardekettings te vergemaklik,” sê mnr. Ivan Velev, die bank se waarnemende SA-direkteur. – Wêreldbank 76% Die invoer van wit mielies…

MNR. PIETER JANSEN VAN VUUREN van die plaas Vlaklaagte, Standerton, het in die produksiejaar 2015-’16 die Wen en Weeg-opbrengskompetisie vir droëlandsojabone in die oostelike produksiegebiede gewen. Sy opbrengs was bykans 4 ton/ha. Lees die artikel op bl. 34. VERTEL ONS VAN JOU GESIN. Ek en my vrou, Mariëtte, het ’n 1-jarige seun, Pieter jr. WAAR HET JY GESTUDEER? Ná matriek het ek die voorreg gehad om vir ’n jaar in Suid-Dakota, Amerika, en omstreke te gaan boer. Daar het ek boerdery-ondervinding opgedoen wat destyds veel beter en meer gevorderd as in Suid-Afrika was. HET JY ’N STOKPERDJIE? Ja, jag en visvang. WAAR HOU JULLE VAKANSIE? Ons ontspan graag op Jeffreysbaai, waar ons familie ’n vakansiehuis het. MNRE. ANDRIES MARX (links) van Vereeniging en FANIE VAN DER MER-WE van Biesiesvlei se…

DIE twyfelagtige tugmaatreëls teen dr. Johan van Rooyen, staatsveearts en senior dosent by die Landbou-Ontwikkelingsinstituut Grootfontein, is ’n “skande”, en Agri Oos-Kaap dring daarop aan dat Agri SA dit bespreek met mnr. Mike Mlengana, die direkteur-generaal van Landbou, Bosbou en Visserye. Só sê mnr. Doug Stern, voorsitter van Agri Oos-Kaap, ná Van Rooyen verlede week op sy eerste dag terug by die werk wéér huis toe gestuur is. Van Rooyen se skorsing en uiteindelike skuldigbevinding op vyf klagtes hou verband met ’n magstryd by Grootfontein tussen twee vakbonde: Die unie vir staatsamptenare (PSA) en Nehawu. Van Rooyen is die plaaslike voorsitter van die PSA, wie se lede ’n groot deel van die akademiese program by Grootfontein behartig. Stern sê dit is in die belang van die landboubedryf om Van Rooyen…

TEN spyte van die droogte en nypende watertekorte lyk die meeste wyndruifwingerde beter as in die vorige produksiejaar. Wynboere kan hulle regmaak om ’n soortgelyke oes as verlede jaar in te samel. Net meer as 1,4 miljoen ton wyndruiwe is verlede jaar geoes. Dis ’n daling van 5% teenoor die vorige jaar, het mnr. Francois Viljoen, hoof van wingerdboukundige dienste by VinPro, op dié organisasie se jaarlikse inligtingsdag in Kaapstad gesê. Die oesskatting is in die eerste week van Januarie gedoen. “Die droogte en klimaat sal in die volgende agt weke die finale sê hê,” het Viljoen gesê. Volgens hom is die groter damme se watervlak sorgwekkend laag. “Boere het darem tot dusver besproeiingswater tot hul beskikking gehad om in die wingerde se behoeftes te voorsien. Baie van die wingerde…

Woede oor Eskom beurtkrag-planne Landboubesighede kan erg geraak word as Eskom voortgaan met kragonderbrekings weens wanbetaling deur sommige munisipaliteite. Mnr. Francois Strydom, besturende direkteur van Senwes, het sy kommer skriftelik aan munisipaliteite oorgedra. Hy sê Senwes is die grootste belastingbetaler en werkverskaffer in die meeste dorpe in hul gebied en die gevolge sal rampspoedig wees. Mnr. Tinus Prinsloo, senior besturende direkteur van Agri-dienste by Afgri, sê kragonderbrekings sal hul eie ondernemings maar ook kliënte, veral besproeiingsboere, nadelig raak. Mnr. Jacob de Villiers, besturende direkteur van Afgri-graanbestuur, sê onderbrekings kan verskeie gevolge inhou, soos dat graan nie gedroog kan word nie. As verskaffers van opbergingsgeriewe nie hul verpligtinge betyds kan nakom nie, kan dit die bedryf se integriteit op lang termyn raak, die kommoditeitemark vir afgeleide instrumente, uitvoer (omdat permitte net…

SUID -AFRIK A het weens uitbrekings van voëlgriep ’n verbod op pluimveeprodukte uit agt lande ingestel. Dié lande is Israel, Nederland, Duitsland, Pole, Hongarye, Frankryk, Denemarke en Brittanje, het me. Makenosi Maroo, woordvoerder van die Departement van Landbou, Bosbou en Visserye, op 23 Januarie gesê. Suid-Afrika het verlede jaar groot hoeveelhede hoenderstukke aan die been uit die Europese Unie (EU) ingevoer. Dié lande op wie se produkte daar nou ’n verbod is, het volgens syfers op die Suid-Afrikaanse Pluimveevereniging se webwerf in die eerste ses maande van verlede jaar soos volg vir die invoer van pluimveeprodukte gesorg: 16,7% uit Nederland, 9,1% uit Brittanje, 2,5% uit Hongarye en 2% uit Denemarke. Net in November het 29% van die ingevoerde pluimveeprodukte uit Nederland gekom, 10,5% uit Brittanje, 4,9% uit Pole en 2,4%…

Nieu-Seeland se skaapgetalle het die afgelope paar dekades kwaai gedaal en staan nou op net meer as 27 miljoen, oftewel minder as ses skape per landsburger. In 1892, toe skaapgetalle op ’n historiese hoogtepunt van meer as 70 miljoen skape was, was die verhouding 22 skape per landsburger. Teen 2006 het skaapgetalle tot 40 miljoen gedaal. Die grootste daling het in die afgelope tien jaar plaasgevind toe getalle met 30% tot 27,6 miljoen skape afgeneem het. Mnr. Rick Powdrel, voorsitter van die vereniging Federated Farmers Meat and Fibre, sê die grootste oorsaak vir dié daling is die oorskakeling na melkproduksie. Die droogte wat verlede jaar in groot gebiede van Nieu-Seeland ervaar is, het tot ’n afname van 5% gelei. Volgens hom is daar boere wat tans net 10% van hul…

Vir die doeleindes van kapitaalwinsbelasting (KWB) word die dood gesien as ’n geagte vervreemding van die oorledene se bates (sekere bates word egter uitgesluit) wat gelykstaande is aan die markwaarde van die bates by die datum van afsterwe. Vanaf 1 Maart verlede jaar word daar geag dat ’n oorledene al sy bates vervreem/verkoop het (onderhewig aan sekere uitsluitings) teen die markwaarde by datum van dood. Dit het ’n impak op roerende boerderybates en kan ’n verhoogde belastingaanspreeklikheid by die afsterwe van ’n boer veroorsaak. VOOR 1 MAART 2016 Roerende boerderybates (soos lewende hawe en plaaswerktuie) was hoofsaaklik aan KWB onderhewig by die afsterwe van ’n boer (teen ’n maksimum effektiewe belastingkoers van 13,65%). Die kapitaalwins of -verlies is die verskil tussen die markwaarde van die bates by dood en die…

Feitlik elke mens in Suid-Afrika hoop en glo die hemel sal sy sluise oopmaak en die droogte se nek eens en vir altyd breek. Tog is daar ’n groepie mense in die noordweste van Suid-Afrika wat verkies dat die reën liefs nie in Februarie en Maart bestel word nie. Soos in die distrik Upington gesê word: “Hier bid die besproeiings- en veeboere mos teen mekaar.” Dit is sowaar nie die maklikste taak om almal gelukkig te hou nie. Met wydverspreide reën wat verlede jaar van 17 Januarie af ’n week lank in die Benede-Oranjerivier-gebied voorgekom het, het boere gemengde welslae met die afgelope rosyntjie-oes behaal. Gehalte is nadelig beïnvloed deur die reën, wat gelei het tot swakker graderings. Ten spyte daarvan kon boere relatief goeie pryse behaal, met veral ’n…

Die Weeg en Wen-opbrengskompetisie is die afgelope somer die eerste keer onder leiding van die saadmaatskappy DuPont Pioneer in Suid-Afrika aangebied om amptelike opbrengsrekords aan te teken. Die kompetisie word gehou met die samewerking van John Deere, Syngenta, Sanlam, Senter 360, FNB, die Proteïennavorsingstigting en Landbouweekblad. Boere moet ’n blok mielies of sojabone inskryf en dan met oestyd aandui watter deel deur die organiseerders geoes moet word. Presies 2 ha word dan gestroop en die pitte word geweeg om die opbrengs te bepaal. Die kompetisie word vanjaar weer aangebied en boere word aangemoedig om by www.weegenwen.co.za in te skryf. In Amerika, waar ’n soortgelyke kompetisie aangebied word, het die opbrengste reeds aansienlik gestyg. Die wêreldrekord vir sojabone is verlede jaar deur mnr. Randy Dowdy van die deelstaat Georgia tot 11,499…

WAT DIE BESTE BOERDERYBESLUIT WAT JY AL GENEEM HET? Om nie terug te staan wanneer goeie teelmateriaal op die mark kom nie, asook om kreatief te wees ten opsigte van diversifisering. WAT IS DIE GROOTSTE FOUT WAT JY IN JOU BOERDERY GEMAAK HET? Soms sê jou hart vir jou dat sekere projekte móét werk. Jou gut sê egter dat jy op dun ys is. Dan bestee jy tóg waardevolle tyd daaraan, net om later te agter te kom die projek het niemand bevoordeel nie. WIE WAS JOU MENTOR? Mense kom oor jou pad, maar dan is daar ook die lewe, wat jou laat stilstaan en herbesin oor wat werklik belangrik is. WAT STEL DIE GROOTSTE EISE AAN JOU BOERDERY? Om die impak van langdurige droogtes te beperk en voorkomend op…

O or die afgelope 16 jaar het die Buffelsrivier, net buite Laingsburg, sy oewer al drie maal oorstroom en van die Bourbon-Leftleys se plaas tydelik ’n dam gemaak. Dit lyk onwaarskynlik in die droë son hier in die Karoo. “Hier is net ellende. As ons nie vrek van die droogte nie, dan is daar ’n vloed wat ons spilpunte in die bome ophang,” sê mnr. Winston Bourbon-Leftley skertsend onder sy breërandhoed. “Die uiesaad is ’n enorme risiko, maar as dit goed gaan, gaan dit baie goed. Ons word in Amerikaanse dollar betaal omdat die saad uitgevoer word. Op lang termyn lyk die gemiddelde opbrengs goed, maar dit verg goeie beplanning om die kontantvloei te laat klop,” sê Winston, wat saam sy broer, Jacques, op Rondekop net buite Laingsburg boer. DIS…

Groente maak ’n belangrike deel van mense se dieet uit en help dat hulle gesond bly. Daarom is groentemaatskappye voortdurend besig om nuwe, beter, opwindende groentekultivars te teel en bekend te stel. Op Klein Karoo Saadbemarking se jaarlikse boeredag by Brits is ’n groot aantal nuwelinge aan die boere gewys. Dit het die nuwe wit tuinbeet, Avalanche, ingesluit. Dit is geteel vir ’n nismark wat die pakket van gekleurde beet aanvul. Dit is beskikbaar in toonaangewende supermarkte en kosprogramme waar dit verkoop en gebruik word. Die smaak van Avalanche word as “soet op die tong” beskryf, volgens mnr. Koot Jacobs, nasionale verkoopsbestuurder van groentegewasse. Die geel beet is ook ’n bietjie soeter as rooi beet. Die saadmaatskappy het ook ’n volledige reeks gekleurde wortels. Dit bestaan uit ’n wit wortel…

Die oprigtingskoste van die fabriek, wat voldoen aan die Europese Unie se farmaseutiese gehaltestandaarde, het R4 miljoen beloop. Die vestigingskoste van die plantmateriaal is sowat R400 000 per hektaar. Mnr. Will Coetsee, Botanica Natural Products se stigter en uitvoerende direkteur, sê met die regte besproeiing en ’n organiese bemestingsprogram kan hulle sowat 10 000 kg ekstrak (20% opbrengs) per hektaar per jaar lewer. Die prys daarvan is sowat R500/kg in Suid-Afrika en tot R800/kg in Europa. Will sê omdat Botanica Natural Products die eerste en steeds die enigste kommersiële Bulbine-produsent ter wêreld is, moes hulle die mark “gevestig” het, wat die vasstelling van die prys vir die ekstrak insluit.…

Die Crop Manager-platform kan beskryf word as ’n digitale landbou-ekostelsel vir die hele boerderywaardeketting waardeur alle deelnemers vir mekaar waarde kan toevoeg. Die boer is die primêre bron van data, maar ook die eindgebruiker van die data. Mnr. Richard Riddle, ontwikkelaar van die platform, sê ’n verteenwoordiger van ’n saadmaatskappy kan gedetailleerde voorskrifte vir die verbouing van ’n spesifieke kultivar via die platform aan ’n boer verskaf. Op grond van ’n boer se unieke data kan hy ook vir hom die beste kultivar vir sy toestande aanbeveel. Dieselfde geld verteenwoordigers van kunsmismaatskappye, of die finansiële konsultant van die bank wat aan die boer geld leen. “Die ekostelsel is rondom die boer, maar almal kry waarde uit dieselfde inligting. Pleks daarvan om een program vir die boer te bou en ’n…

Vingerlek-lekker ribbetjies Soetsuur, klewerig en smullekker. Die ribbetjies word eers in die oond sag gebak en dan oor kole gebraai tot bros en heeltemal onweerstaanbaar. 2skaapribbetjiesinribstukkies gesny 5 cm vars gemmer, gerasper 2 knoffelhuisies, fyn gerasper 125 ml heuning 125 ml ligte sojasous 60 ml soet rissiesous 45 ml olyfolie 15 ml appelkooskonfyt 5 ml geroosterde komyn 60 ml vars suurlemoensap Seesout en vars gemaalde swartpeper na smaak Pak die ribstukkies in ’n enkellaag in ’n niemetaalbak. Meng alles vir die marinade goed saam en giet oor die vleis. Bedek en laat oornag (of tot twee dae) in die yskas marineer. Draai die ribbetjies nou en dan om om seker te maak dat dit egalig marineer. Haal dit uit die yskas en laat dit kamertemperatuur bereik. Voorverhit die oond…

Ek het by die donnergoggatjie gekniel om goeiedag te sê aan my kinderherinneringe . . . Ek het in die droë bedding van die Gamagararivier afgeklim toe die skemer se grys jas nog styf om die skouers van die oggend gehang het. Toe die Land Cruiser rokerig wegdreun, het ek stil bly staan tot net die veld se stilte my weer omring het. Ek het die windrigting getoets en toe aangestap tot waar die kameeldorings dig op die oewer van die Gamagara saamgedrom het. Daar het ek vasgesteek, my oë soekend onder die bome waar nagskadu’s nog met die nuwe dag probeer wegkruipertjie speel het. Toe ek weer aanstap, het die son skugter uit die ooste begin ontwaak. Flou sonstrale het die rooi sandveld langs die Gamagara lui-lui begin verken.…

Vir nog inligting oor die siektes en toestande besoek www.landbou.com en klik op Indeks van Antwoorde. VEESIEKTES, soos knopvelsiekte, drie-dae-stywesiekte, bloutong, Afrika-perdesiekte en Asiatiese en Afrika-rooiwater, bosluisgalsiekte en sweetsiekte, het in Desember toegeneem weens die goeie reën wat oor groot dele van Suid-Afrika geval het. Dr. Faffa Malan, bestuurder van die Herkouerveterinêre Vereniging van Suid-Afrika (Ru-Vasa), sê in sy Desemberverslag oor veesiektes wat by veeartse aangemeld is dat daar gelukkig nog geen teken van slenkdalkoors en Wesselsbronsiekte is nie. “Talle diere is egter nog nooit ingeënt nie en daar is dus vatbare veekuddes in heelwat gebiede,” sê hy. Veral muskiete neem toe en boere moet gou sorg dat hulle hul vee inent. Hy beklemtoon ook die noodsaaklikheid om vee te merk omdat identifisering en naspeurbaarheid ’n sleutelrol in suksesvolle diereproduksie…

MET die 19 kanolakultivars wat die Wes-Kaapse departement van landbou in die 2016-kultivarevaluasieprogram op verskillende plekke getoets het, is goeie opbrengste behaal. Die proefgemiddeldes vir die Swartland was van 1,84 t/ha by Philadelphia tot 3,7 t/ha by Langgewens. Die tradisionele basterkultivar Diamond het die hoogste opbrengs van 3,12 t/ha in dié groep behaal. Tango (2,86 t/ha), CB Agamax (2,83 t/ha) en Hyola 50 (2,83 t/ha) was kort op Diamond se hakke. Die nuwe Clearfield-kultivars 45Y90 en 44Y91 het die hoogste opbrengs in hul groep opgelewer, onderskeidelik 3,04 t/ha en 2,94 t/ha. Hyola 559 (2,52 t/ha), Hyola 555 (2,51 t/ha) en CB Atomic HT (2,51 t/ha) was die toppresteerders van die triasienverdraagsame kultivars in die proewe. In die Rûens was die proefgemiddelde se opbrengs 2,38 t/ha by Witsand tot 3,28 t/ha…

Die tempo waarteen skeerkoste die afgelope vier jaar toegeneem het, was baie laer as die styging in wolpryse in dieselfde tyd. Die gemiddelde skeerprys in Suid-Afrika van R10,24 tot R11,09 per skaap (dit sluit die koste van ’n stukwerker in) is die laagste ter wêreld. In Argentinië kos dit R26 per skaap en in Australië beloop die skeerkoste R70 tot R90 per skaap. Mnr. Isak Staats van BKB sê die gemiddelde toename in die lootjieprys die afgelope vier jaar was 7% tot 9%. Aangesien die meeste toerusting, soos skêre, kamme en knippers, ingevoer word, is die prys hoofsaaklik deur die wisselkoers beïnvloed en was die jaarlikse styging effens hoër as die inflasiekoers. Staats sê die styging in die prys van lone en talle regulasies oor die vervoer en huisvesting van…

DIE uitwerking van die droogte is opmerklik in die mark vir plase. As ‘n gemiddelde van die afgelope agt maande is 11% minder plase in die Vrystaat aangebied. Grondpryse het by ‘n derde van al die transaksies in die Vrystaat gedaal. Die ontleding van grondverkope in Suid-Afrika in die tabel is van transaksies vir grond van meer as 20 ha in die Vrystaat vanaf Desember 2015 tot November 2016. In dié tyd is 680 ooreenkomste in 42 distrikte gesluit en 297 836 ha is teen R4,204 miljard verkoop. Daarvan was 56 transaksies van kleur, 8,2% van die totaal. Dié soort transaksies sluit in verhandelings tussen individue (34), regeringsaankope (7) en grond verkry vir stedelike ontwikkeling (6). Dit het 16 034 ha (5,4%) teen R803 miljoen, 19,1 % van die totale…

Bulkopers is steeds bereid om in goeie teelmateriaal te belê, al druk die droogte, het die afgelope jaar se Bonsmara-veilings gewys. Goeie bulpryse is op 75 veilings behaal wat verlede jaar onder die vaandel van Bonsmara SA gehou is, sê mnr. Louis Steyl, woordvoerder van dié telersgenootskap. Altesame 2 009 bulle is teen gemiddeld R35 373 stuk verkoop. Dit is in pas met vorige jare se pryse, sê hy. Dit was wel opmerklik dat kopers baie meer selektief was met hul keuse van bulle. Diere van bogemiddelde gehalte was hoog in aanvraag. Vroulike stoetdiere se pryse het gedaal vergeleke met vorige jare, maar hy skryf dit toe aan die ooraanbod weens kuddeverminderings asook ’n tekort aan kopers wat genoeg weiding gehad het. Bonsmara-stoetkoeie met kalwers is teen gemiddeld R14 763…

FEBRUARIE HEIDELBERG (WK) 9-11, Heidelberg (WK)- landbouskou. Perde-, beeste- en skaapkampioenskap, algemene program. Hannelie de Lange. E-pos: hdelange@ssk.co.za; tel. 028 514 8710, sel 082 393 2056. WILLOWMORE 9-10, Willowmore-skou. Boerbok, Angorabok, Merino, Dorper, jeugskou, biertuin, uitstallings, skoudans. Kobus Lötter, tel. 044 956 1009, sel 082 432 2393. VICTORIA-WES 9-11, Victoria-Wes-skou. Sel 082 940 8231. Stalletjies: Alicia. E-pos: vicwesland bou@gmail.com; sel 079 469 6443. RIVERSDAL 15-18, Riversdal-skou. Betsie van Noordwyk. E-pos: skou@riversdaler.co.za; tel. 028 713 1215; sel 072 015 9671. WILLISTON 23-25, Williston-skou. Manne-oggend, damesoggend, perde, bokke, Boerbokke, Dorpers, jeugskou, kindervermaak, skoudans en vele meer. Belinda Els. E-pos: willistonskou3@gmail.com; tel. 053 391 3005, sel 082 613 3137. Stalletjie-besprekings: Erika, 079 549 7724. TARKASTAD 24-25, Tarkastad-skou. Saalen Boerperde, jeugskou, skeerkompetisie, klein- en grootvee, stalletjies. Corli Botha, Koekedoor-wenner, en die Broers as gaskunstenaars. Leon…

Die Brexit-stem in Brittanje en die verkiesing van mnr. Donald Trump tot die nuwe president van Amerika – twee onverwagse, maar impakvolle stuiptrekkings – gaan groot veranderinge teweegbring. Sommige van dié veranderings moet gevrees word, maar ander moet verwelkom word. Trump is ’n simptoom van iets veel groters en meer fundamenteels wat in die wêreld gebeur. Só ook die Britte agter Brexit. Die kiesers se stemme dryf nie verandering nie – hulle klou vas aan ’n verlede wat vir ewig verby is. Die wêreld is in die betreklik vroeë stadium van ’n amper onvermydelike oorgang na ’n nuwe 21ste-eeuse beskawing met drie kenmerke: Dit sal geheel en al op digitale tegnologieë met slimmer en meer intergekonnekteerde rekenaars gebaseer wees, dit sal op ’n internasionale skaal bedryf word en dit sal…

Om ’n boer in Suid-Afrika te wees, is, om die minste te sê, ’n moeilike taak. Ons almal ken die probleme en onsekerhede van ons tyd. Landbouweekblad berig weekliks daaroor. Ek word dikwels gevra of daar steeds ’n toekoms vir ons in die landbousektor is. Dit is kommerwekkend dat dit toenemend jonger mense is wat dié vraag vra. Om te keer dat die ongunstige faktore ons verswelg, is perspektief nodig. Ek probeer altyd om ’n eerlike en realistiese antwoord te gee. Ek is vas oortuig dat daar hoop is en dat die sektor ’n blink toekoms het. Die droogte van 2015-’16 het die sikliese risiko’s van die landbou weer duidelik na vore gebring. Ná goeie reën in die somerreëngebiede haal Suid-Afrikaanse boere tans vir die eerste keer in twee jaar…

WYNBOERE SUUR, SOEK BETER PRYSE “Ek is gatvol om te hoor ek moet kostedoeltreffend wees!” Met dié opmerking het mnr. Bowen Botha, hoof- uitvoerende bestuurder van die Robertson-wynmakery, luide applous ontlok onder sowat 700 wynbedryfbelanghebbendes wat VinPro se inligtingsdag in Kaapstad bygewoon het. CLAUDE MÖLLER skryf: Vir wie is u gatvol, mnr. Gatvol? Verhoog jou kamstige lae prys as jy dan so dapper van gatvolgeit is. Laat ons sien wat jy maak as die mark vir jóú gatvol word omdat jy oënskynlik nie standerd 6 se vraag en aanbod verstaan nie. LOURENS MAASS skryf: Claude, ek dink nie jy het ’n idee wat in die wynbedryf aangaan nie. Die feit is, as die prys wat ons as produsente kry, nie opgaan nie, kan ons nie langer voortgaan om wynboere te…

SEDERT die Suid-Afrikaanse mieliemark in Desember vir sekere Amerikaanse geneties gemodifiseerde (GM) mielies oopgestel is, is 60 751 ton wit mielies reeds ingevoer. Dit word algemeen aanvaar dat die kommoditeitsklaring vir sekere Amerikaanse stapelgeenkombinasies die invoer van wit mielies van daar af nou nuwe stukrag gee. Mnr. Wandile Sihlobo, hoof van ekonomiese en landbousake-inligting by die landbousakekamer Agbiz, waarsku egter dat dit nie maklik is om met sekerheid te sê of die invoer GM of konvensionele mielies is nie. “Dit is inligting waaroor net die verkoper, koper en owerhede beskik.” Die goedkeuring is slegs vir invoer as voedsel, voer en vir verwerking. Van die 641 235 ton wit mielies wat sedert die begin van die bemarkingsjaar in Mei ingevoer is, het 580 484 ton uit Mexiko gekom. Tans is sowat…

DIE wydverspreide reën wat sedert begin Januarie in die Noordoos-Kaap uitgesak het, kan een van die grootste mielie-oeste in meer as drie jaar daar tot gevolg hê. Die goeie opbrengs wat in ander dele van die land verwag word, is ook goeie nuus vir verbruikers. Mnr. Robbie Strydom, bestuurder van OVK op Elliot, sê neerslae van 50 mm tot 150 mm in Januarie het die vooruitsigte op ’n rekordoes aansienlik verbeter. “Met verlede jaar se droogte het boere gemiddeld 2,5 ton minder mielies per hektaar gestroop. Vanjaar behoort hulle op droëland 9 ton tot 12 ton mielies per hektaar te oes en tot 15 ton/ha onder besproeiing.” Minimumbewerkingspraktyke om vog te bewaar, die wetenskaplike toediening van bemesting en nuwe mieliekultivars is ook faktore wat tot die hoër opbrengste bydra. Strydom…

DIE wetsontwerp op die bewaring en ontwikkeling van landbougrond word allerweë as ’n gunstige teken beskou van die Regering se pogings om landbougrond te beskerm en voedselsekerheid te verseker. Die wetsontwerp op die regulering van grondbesit wil egter die besit van landbougrond beperk. Me. Bomikazi Molapo, woordvoerder van die Minister van Landbou, Bosbou en Visserye, sê die wetsontwerp oor die bewaring en ontwikkeling van landbougrond moet vanjaar by die Parlement ingedien word. Dit raak al hoe dringender om toe te sien dat dié grond optimaal vir voedselproduksie aangewend word namate landbougrond al hoe meer vir ander ontwikkelings, soos mynbou en behuising, aangewend word. Veranderende omgewingstoestande eis ook sy pond vleis. Van Suid-Afrika se 122 miljoen ha grond het net sowat 13% hoë landboupotensiaal. Mnr. Theo Boshoff, regsbeampte by Agri SA,…

DIE volgende episode van die jongste Nasie in Gesprek-televisiereeks op kykNET (DSTVkanaal 144), gee kykers die kans om die melkbedryf beter te leer ken. Die Nasie in Gesprek-kameraspan besoek die platteland en wys verbruikers ook hoe die landbou tot gemeenskappe bydra. Kenners gesels dan verder oor belangrike ekonomiese, politieke en bedryfskwessies wat die landbou raak. Ateljeegaste en gesprekspanele gee verdere insig oor die probleme wat voedsel- en veselproduksie beïnvloed en hoe dit die verbruiker se sak raak. In episode 5 op kykNET (eerste uitsending op Woensdag, 1Februarie) kuier die span in een van die mooiste en belangrikste melkproduksiestreke in Suid-Afrika. Melkboere in die Oesterbaai-omgewing naby Humansdorp in die Oos-Kaap vertel meer oor die struikelblokke in die melkbedryf en vooruitgang met SEB-projekte, soos dié by Rheebokrand. Mnr. Conrad Dreyer gesels meer…

Die Internasionale Woltekstielorganisasie (IWTO) sê dit is ’n wanopvatting dat wol allergiese reaksies veroorsaak. Dit kom ná onlangse berigte oor American Airlines se vlugpersoneel wat kla dat die wol in hul uniforms hulle affekteer. Die IWTO sê in ’n verklaring dat bewerings van allergiese reaksie gemaak is ondanks die feit dat die uniforms meer poliëster as wol bevat en toetse tekens van chemikalieë in die materiaal gevind het. Volgens die IWTO het navorsing bewys dat alle vesels, nie net wol nie, ’n krapperige sensasie op die vel kan hê en ’n irritasie kan veroorsaak as die punte van die vesel grof genoeg is. Dit is egter net ’n irritasie en nie ’n allergie nie. Die rede is dat fyn vesels buig wanneer dit met die vel in aanraking kom, terwyl…

DIE PRYS van speenkalwers vir produsente het belowende stygings begin toon sedert goeie reën oor groot gedeeltes van die vleisbeesproduksiegebiede uitgesak het. Verskeie faktore ondersteun die hoër pryse (sien GRAFIEK 1 ). Die goeie, wydverspreide reën gedurende Januarie lei daartoe dat weidings begin herstel. Boere meen dat daar genoeg kos vir hul kuddes sal wees. Dit bring mee dat speenkalfprodusente ’n kuddeboufase betree om teelkuddes ná die 2016-droogte te begin herbou. Boere koop hoofsaaklik vroulike diere aan. Gedurende die speentyd in Maart, April en Mei is pryse gewoonlik seisoenaal laer vanweë ’n groter aanbod (sien GRAFIEK 2 ). Na verwagting gaan boere met voerkrale meeding om speenkalwers vir voerkrale af te rond. Die kalwers sal eers gedurende Augustus beskikbaar wees vir die mark in Desember. Speenkalfprodusente koop bul- en…

Op die plaas Vlaklaagte by Holmdene, naby Standerton, wentel álles om grondgehalte. Oesreste word soos goud bewaar en in die grond ingewerk, bewaringsboerdery bepaal elke besluit én dit verseker dat mnr. Pieter Jansen van Vuuren opbrengste van selfs meer as 5 ton sojabone per hektaar behaal. Pieter boer saam met sy vrou, Mariëtte, met sojabone, mielies en droëbone. Hy plant elke jaar 450 ha elk sojabone en mielies in ’n wisselboustelsel en verbou ook 100 ha suikerbone vir ekstra kontantvloei. Hy ploeg nie meer nie, maar pas verminderde bewerking toe met ’n diep tandbewerking van 350 mm, wat sy gemiddelde gronddiepte is. ’n Deel van sy beleid is om nié sy oesreste te bewei nie. Dus probeer hy om die maksimum hoeveelheid oesreste terug in die grond te plaas. “Dit…

Nie alle uiesaad wat in Suid-Afrika gelewer word, word plaaslik vir uieproduksie aangeplant nie. Inteendeel, ’n baie klein deel daarvan is vir plaaslike gebruik. Die verskillende kultivars se saad word op verskillende plekke in die wêreld verbou. Suid-Afrika voer saad uit oor die wêreld heen en voer ook sekere kultivars van veral Australië en Nieu-Seeland in. Suid-Afrika lewer jaarliks ongeveer 463,5 ton uiesaad op 990 ha. Daarvan word 10,5 ton in Suid-Afrika verkoop en die res, meer as 450 ton, word uitgevoer. Die saad wat in Suid-Afrika gelewer en weer geplant word, is alles oopbestuifde kultivars. Van die saad wat uitgevoer word, is ongeveer 240,5 ton oopbestuifde kultivars en 212,5 ton is F1 -lyne. Volgens mnr. Kobus Smit, ’n uiplantkweker van die Middeltuin-boerdery in Clanwilliam, kan uiesaad van…

Ek het Will Coetsee die eerste keer in 2012 per ongeluk ontmoet. Dit was donker en ek was heeltemal verdwaal op ’n afgesonderde bosveldpad tussen Swartwater en Alldays toe ek ’n groot gemeenskapsaal omring deur bakkies aan my linkerkant opgemerk het. Ek het ingedraai, geparkeer en was verheug om die vrolike stem van die sanger Pieter Koen uit die saal te hoor opklink. Dit was Valentynsdag en die boerderygemeenskap van Koedoesrand het duidelik besluit om ’n opskop te hou. Ek is genooi om by die partytjie aan te sluit en het later die Coetsee-broers Wilhelm (Will) en Christiaan (Chris) – albei in die dertig – ontmoet en met hulle gesels. Aangesien ek sonder verblyf was, het hulle my genooi om die nag te slaap in die Mogalakwena River Lodge op…

WINDMETER MEET WINDSPOED MET SLIMFOON Savuti Wapens & Ammunisie aan die Oos-Rand het onlangs die agente geword vir die Vaavud Sleipnir-windmeters wat deur middel van ’n slimfoon werk. Dié windmeter werk op ’n baie maklike manier. Jy koop bloot die waaiertjie of windvlerkie wat ook as die antenna dien en dit word aan die selfoon gekoppel. Dan moet jy die gratis Vaavud-windmetertoepassing op jou foon aflaai (dit is beskikbaar op Google Play). Volg daarna bloot die aanwysings en, siedaar, jou slimfoon sal die windspoed lees as die toepassing aangeskakel is en die antenna met die windvlerkie aan jou foon gekoppel is. Benewens die windspoed, dui die toe-passing ook die windrigting aan. Dit dui ook jou posisie aan deur middel van ’n landkaart. Jy kan kies of die lesing in kilometer…

BOERDERY MET LAMMERS OF OOIE IN ’N VOERKRAAL? Sal dit winsgewend wees om ooie (Dorpers) aan te hou in ’n voerkraal om lammers te lewer? Of sal dit winsgewender wees om lammers aan te koop en af te rond? Ek kan ’n redelike hoeveelheid mielies lewer en lusern teen billike pryse aankoop, en dus my eie voer redelik goedkoop meng. Die antwoord op dié vraag is nie eenvoudig nie en daar is verskeie aspekte om in ag te neem. OOIE As ooie die hele tyd in ’n voerkraal aangehou moet word, moet ’n paar belangrike aspekte onthou word. Om hierdie praktyk winsgewend te bedryf, moet die ooie in ’n versnelde lamstelsel minstens elke agt maande lam. Een van die belangrikste faktore wat die sukses van versnelde lamstelsels bepaal, is die…

Lamsnekkerrie met botterbone 45mlolie 8 stukke lamsnek (elk ongeveer 2 cm dik) Sout en vars gemaalde swartpeper 2 uie, grof gesny 10 ml sterk kerriepoeier 5 ml elk komyn, koljander, kaneel en brandrissievlokkies 100 ml sjerrie of ander soetwyn 750 ml flou vleisaftreksel 2 blikke (410 g elk) botterbone varskoljandervirgarnering Verhit die olie en gebruik ’n kombuisskêr om kepies rondom die stukke lamsnek te knip (dit keer dat die lamsnek omkrul wanneer jy dit braai). Geur die vleis met sout en peper en braai dit in lotte in die olie tot bruin. Skep uit en hou eenkant. Braai die uie, kerriepoeier en speserye saam tot die uie halfsag is. Voeg die sjerrie by en verhit, terwyl jy roer, om al die speserye van die kastrol se bodem los…

My eerste ontmoeting met ’n Boerbok was om en by 55 jaar gelede op oom Giel Theron se Kalahari-plaas. Ek onthou my rokkie met die mooi pienk valletjiesonderrok. Ná ’n paar dae op die plaas is die onderrok gewas en op die draad gehang. Die Boerbokke het ook gedink dis mooi – en lekker. Hulle het dit summier opgevreet. My tweede kennismaking met Boerbokke was by my man, Chris, se familie, ook op ’n plaas. Die bokke het hoog in die pruimboom geklim om net die beste pruime te pluk. Daarna het hulle atletiek geoefen deur van agter af oor Chris se eerste en geliefde blou Ford Anglia (beter bekend as die Blou Pyl) te hardloop. Dit was nie nodig om die polisie in te roep om die oorsprong van…

Gelukkig het ek ’n paar stewige stewels aan en met ’n verbete onderstebofietsry-aksie hou ek sy trappende pote gedeeltelik van my lyf af. Ons het die Donderdag klaar gejag en die paar rooibokkarkasse het in die koelkamer gewag. Ons jagtershut was aan die kant van ’n ou land en taamlik naby aan die Matlabasrivier. Willem, Sarel en ek het besluit om die sandbedding van die Matlabas te gaan bekyk. Die jong soetdorings het geil en dig teen mekaar gestaan met hul oordadige en skerp, wit dorings, maar ons het vorentoe gebeur. Ons het die skoon spoelsand van die rivier bekyk en gewonder hoeveel stoorreënwater in hierdie bedding is. Ons wou gaan braai en ek het voorgestel ons loop sommer skuins oor die ou land na die hut toe en vermy…

LANDBOUGIMNASIUM AUGSBURG Jannick Nieuwoudt van Clanwilliam het uitgeblink in biologie en landbouwetenskap en studeer vanjaar B.Sc. Agronomie aan die Universiteit Stellenbosch. Landbouweekblad wou by hom weet wat hy ná sy studie wil doen. Hy is nog nie seker nie, maar sê: “Daar is soveel ongelooflike geleenthede in die landbousektor wat net lê en wag op mense wat vol dryfkrag is.” Sy ouers boer met organiese sitrus en mango’s. Jannick se ma is Duits en hy sê: “Al is ek half Duits, is ek ’n volbloed-Afrikaner in my hart!” HOËR LANDBOUSKOOL BOLAND, PAARL Jean-Jacques Janse van Rensburg het 86% in die nasionale senior sertifikaateksamen vir landbouwetenskap behaal. Hy woon op Robertson en gaan siviele ingenieurswese aan die Universiteit Stellenbosch studeer. Hy wil in ’n rigting studeer wat met water verband hou,…

Die plaaslike alpakkabedryf het die afgelope tien jaar gegroei van ’n handjie vol telers met enkele diere tot ’n volwaardige boerderyvertakking bestaande uit sowat 50 telers, produsente en verwerkers van alpakkaprodukte. Me. Alison Notley, voorsitter van die Alpakkatelersvereniging van SA, sê die meeste alpakkaboerderye is in die Wes-Kaap, maar daar is ook groot alpakkakuddes in die Vrystaat, KwaZulu-Natal en Gauteng.” Sy sê belangstelling in alpakkas neem al hoe meer toe met meer telers wat by die vereniging aansluit. “Hoewel die veselverwerking-afdeling van alpakkaproduksie nie in almal se kraal pas nie, word alpakkas ook aangewend as wagte vir skaapkuddes en as troeteldiere. Daar is selfs ’n boer van Oudtshoorn wat hulle gebruik om sy springbokkudde op te pas.” Notley waarsku egter dat alpakkas ’n nismark is en dat die aanvanklike insetkoste…

GAUTENG CARLETONVILLE ELANDSVLEI (249) 51 ha, aan die Regering van Suid-Afrika, van G.J.M. en J.P. van der Merwe, R2 090 000. NIGEL WITFONTEIN (16) 216 ha, aan JR 209 Inv., van Lason Inv. 15 (Edms.) Bpk., R19 000 000. PRETORIA DOORNKRAAL (420) 21 ha, aan C.A. Kleinhans, van N.A.en P.P. Meyer, R1 650 000. KLIPDRIFT (121) 22 ha, aan C. Fourie, van M. Fourie, R710 000. KLIPDRIFT (121) 25 ha, aan C. Fourie, van M. Fourie, R1 400 000. ROOIPOORT (555) 287 ha, aan GHB Farms, van Devondale De Klerk Boerdery, R13 452 000. KWAZULU-NATAL BALLITO LOT 36A (2618) 40 ha, aan J. Reddy, van East van Eden Trading 199, R900 000. VLAK SPRUIT (1178) 45 ha, aan Winchmore Farming, van Triphil Inv., R3 360 750. JOZINI LOT H 109…

ALGEMEEN 28-30 APRIL: Suid-Afrikaanse Kaasfees. Sandringham, Stellenbosch. Agri-Expo. E-pos: admin@agriexpo.co.za; web: www.cheesefestival.co.za; tel 021 975 4440. KURSUSSE 6 FEBRUARIE: Spuitpompoperateur. Protea-opleidingsentrum, mobiele kursusse. Isaac Schoeman. E-pos: protea@kingsley.co.za; tel. 021 836 8025, sel 082 670 1636. 6-9 FEBRUARIE: Kunsmatige inseminasie (varke) en semenopvangerskursus. George. Di Rothman. Web: www.rlts africa.com; sel 082 772 1208. 6–10 FEBRUARIE: Inleidende kursus in hoenderproduksie. LNR, Irene. Annetjie Loubser. E-pos: aloubser@arc.agric.za; tel. 012 672 9153. 7 FEBRUARIE: Veilige hantering van chemiese middels. Protea-opleidingsentrum, mobiele kursusse. Isaac Schoeman. E-pos: protea@kingsley.co.za; tel. 021 836 8025, sel 082 670 1636. 7-9 FEBRUARIE: Driedaagse kursus in bewaringslandbou. Foundations for Farming – Gateway to Africa, Beulah-park, Gauteng. Neill Jackson. E-pos: neill@foundationsforfarming.org; tel. 082 407 6774. 13-14 FEBRUARIE: Veeversorging. George. Di Rothman. Web: www.rltsafrica.com; sel 082 772 1208. 13-15 FEBRUARIE: Kettingsaagoperateur. Protea-opleidingsentrum,…