Innehållsförteckning för 10-Feb-17 från Landbouweekblad

VAARWEL AAN DIE VOLVO’S Die hulporganisasie Boere in Nood het einde Januarie afskeid geneem van hul oorblywende twee geborgde vragmotors, Boytjie (links) en Die Lady (regs). Dié twee voertuie en ’n derde een, Boertjie, wat die groep reeds in November aan die borg, Volvo SA, terugbesorg het, het sedert middel Januarie verlede jaar meer as 400 000 km afgelê om voer by amper 1 400 hulpbehoewende boere af te lewer. Die drie bestuurders, mnre. Lawrence Mokele, Gareth Quiens en Gregory Makhudu, was vir die duur van die borgskap bykans heeltyd op die pad. FOTO: BOERE IN NOOD INVOER KNOU RCL RCL Foods verwag sy wesensverdienste per aandeel vir die ses maande tot 31 Desember verlede jaar sal van 37% tot 54% laer wees as die ooreenstemmende tydperk die vorige jaar…

GROTER EENHEID IN LANDBOU NODIG Dit is opvallend dat al hoe meer boere hul vertroue in die georganiseerde landbou begin verloor. Veral een organisasie loop erg deur omdat dit wil voorkom of hy eerder daarop uit is om die Regering ten goede by die boere te verteenwoordig as andersom. Landboukongresse dra ongelukkig ook nie meer die nodige gewig nie. Dit is net retoriek en niksseggende besprekings waaraan die Regering hom in elk geval nie steur nie. Van suksesvolle samesprekings met die Regering om die landbou se volhoubaarheid te verbeter, word geen woord gerep nie. Blykbaar word niks meer vermag nie – presies wat die Regering graag wil hê. Daar is dus bedenkinge oor die georganiseerde landbou in sy huidige vorm. Daar word al hoe meer gedink aan ’n ander tipe…

MNR. KOOS VAN DER RYST van Barkly-Wes is nie net die nasionale voorsitter van die Rooivleisprodusente-organisasie nie. Hy het ook onlangs GWK se Icon-eerbewys as Veeprodusent van die Jaar ontvang. Met sy beesproduksiestelsel kon hy sy vleisproduksie die afgelope dekade bykans verdubbel sonder om nog grond aan te koop. Lees die artikel op bl. 32. VERTEL ONS VAN JOU GESIN. Ek en Hannetjie is nou twee jaar getroud. Tussen ons het ons vier kinders. Willem is ’n sanger en Louis (Worsie) is ’n onderwyser op Jacobsdal. Cindy woon op Hartswater en Juan besit sy eie tuindiens-onderneming op Jan Kempdorp. Ons het ook twee kleinkinders. LEES JY GRAAG? Ek het altyd baie landbouverwante artikels en geskiedenisboeke gelees. Deesdae lees ek op die telefoon en die internet en ek lees die nuus.…

‘Minister Zokwana se stilte oor die kwessie is kommerwekkend.’ DIE herfs-kommandowurm het nou ook Namibië getref. Prof. Johnnie van den Berg, entomoloog van die Noordwes-Universiteit, het kort voor druktyd aan Landbouweekblad gesê hy het pas berigte van ’n groot uitbreking daar ontvang, en die Namibiese koerant R epublikein berig dat kommersiële boere rondom Grootfontein, Tsumeb en Otavi bevestig het dat tot 40% van die lande in hul Mieliedriehoek besmet is. Die land se boere het reeds met regeringshulp insekdoders teen die nuwe indringer begin invoer, terwyl die Namibiese landbouministerie met ’n plaagbestrydingsprogram begin het, berig die koerant. Teen 1 Februarie was daar nog geen amptelike taksonomiese bevestiging van Suid-Afrikaanse owerheid nie.Van den Berg sê egter visueel lyk die wurms presies soos die herfskommandowurm. Hy is lid van ’n groep wetenskaplikes…

GESKREWE ooreenkomste oor verblyfreg tussen ’n plaasbewoner en ’n -eienaar kan ’n briljante manier wees om toekomstige probleme met die bewys van verblyfreg uit te skakel, meen adv. Busisiwe Mkhwebane, Openbare Beskermer (OB). Sy het gereageer op ’n vraag van mnr. Mncedisi Filtane, UDM-LP en lid van die portefeuljekomitee vir landelike ontwikkeling en grondhervorming, tydens ’n bespreking van die wysigingswetsontwerp op die uitbreiding van sekerheid van verblyfreg (Esta). Die wysigings het ten doel om die verblyfreg van plaaswerkers en -bewoners te versterk. Filtane het aan Mkhwebane gesê dat hy geen klousule in die wetsontwerp sien wat voorsiening maak dat ’n verblyfooreenkoms onderteken moet word om verblyfreg te verseker nie. Hy het aangevoer wanneer grond of verblyf ter sprake is, is ondertekende ooreenkomste gewoonlik van toepassing. “Wanneer mense nie geskrewe verblyfooreenkomste…

GROENTEBOERE kry tans swaar weens laer as normale pryse op varsproduktemarkte. Daar is reeds aanduidings dat pryse vanjaar gaan wipplank ry omdat verbruikers ook swaarkry. “Die middelklas het eenvoudig nie meer genoeg geld om groente te koop soos waaraan hulle gewoond was nie,” sê mnr. Carl Gathmann, ’n groenteboer van KwaZulu-Natal. “Ons het drie weke voor Kersfees R32 vir ’n houer (punnet) blomkool gekry. Twee weke later sukkel ons om R12 te kry. Dit kan wees dat daar effens hoër produksie is en dat die aanbod verhoog het, maar nie só drasties nie. As ek met die markagente oor Suid-Afrika heen gesels, is die antwoord dieselfde: Daar is eenvoudig nie koopkrag op die mark nie,” sê hy. Oor die afgelope drie weke het die gemiddelde prys van uie gedaal van…

DIE WÊRELDBANK se R1,3 miljard-toekenning aan Suid-Afrika se Land Bank kan ’n beduidende hupstoot wees vir die land se mikpunt om teen 2030 sowat 11 miljoen nuwe werkgeleenthede (1 miljoen daarvan in die landbou) te skep. Dié welkome langtermynsteun strek oor 25 jaar en verteenwoordig ’n aansienlike verstewiging van die Land Bank se balansstaat as daar in ag geneem word dat sy totale balansstaat verlede jaar sowat R40 miljard beloop het. Mnr. Bennie van Rooy, finansiële hoof, sê benewens die omvang van die toekenning is dit veral welkom omdat dit oor so ’n lang termyn beskikbaar sal wees. Dit stel hulle in staat om plaaslike ontwikkelingsprojekte wat langer neem om staangemaak te word, te finansier. Met kommersiële finansiering is dít nie moontlik nie, want die lening moet oor ’n te…

1 ZAMBIË| Inset-gekonkel Die inisiatief vir landbou- en landelike ontwikkeling in Zambië (Zardi), ’n nie-regeringsorganisasie, beweer dat amptenare binne die Zambiese plaasinset-ondersteuningsprogram (FISP) die stelsel misbruik. Die organisasie beweer dat staatsamptenare en koöperasieleiers in sommige streke saamsweer en insette wat veronderstel is om goedkoop aan kleinboere aangebied te word, teen ’n wins aan boere verkoop. Mnr. Gilbert Mpanga, ’n bestuurslid van Zardi, sê staatsamptenare en ander mense wat nie in aanmerking behoort te kom nie, het toegang tot die FISP gekry ten koste van boere wat werklik die hulp nodig het. Die Zambiese reserwebank het onlangs die regering aangeraai om dié program te skrap omdat die koste daarvan die afgelope twee jaar van 1,8 miljard kwacha tot 2,3 miljard kwacha gestyg het. – African Farming 2 NIGERIË | Regering belê…

SUID -AFRIKA het tans geen omvattende bruikbare inligting beskikbaar om die stand van weerstandigheid teen antibiotika by produksiediere te bepaal nie. ’n Moniteringsprogram in dié verband word egter binnekort van stapel gestuur. Só sê prof. Moritz van Vuuren, emeritusprofessor in mikrobiologie verbonde aan die Universiteit van Pretoria. Volgens ’n onlangse nuusbrief van die Rooivleisprodusente-organisasie is daar tans geen sentrale punt in Suid-Afrika waar bevindinge oor weerstandigheid verkry kan word nie. “Dit is tans die gesamentlike verantwoordelikheid van die Departement van Landbou, Bosbou en Visserye (DLBV) en die Departement van Gesondheid. Daar sal ernstig gekonsulteer moet word oor wie die proses behoort te dryf,” lui ’n verslag oor ’n onlangse vergadering van die Nasionale Dieregesondheidsforum in dié nuusbrief. “Dit is ook kommerwekkend dat veeartse en die veebedrywe agtergelaat word. Verskeie vergaderings…

BOERE wat melk aan Clover lewer, sal aandele in Clover se nuwe maatskappy, Dairy Farmers South Africa (DFSA), kan hê. Die maatskappy het in ’n handelsverklaring meer besonderhede oor DFSA gegee. Hy het vroeg in Desember sy planne vir dié herstrukturering bekend gemaak. Sowat 75% van die aandele in DFSA sal op of ná 30 Junie vanjaar aan boere beskikbaar gestel word, na gelang van hoeveel onverwerkte melk hulle in die afgelope drie jaar aan Clover gelewer het. Die oorblywende aandele sal aan Clover behoort. Die DFSA sal sy eie onafhanklike direksie van nege direkteure hê, waarvan twee Clover sal verteenwoordig. Clover sê die rede waarom hy herstruktureer, is omdat hy sy blootstelling aan die sikliese aard van sy laemargesake wil uitskakel – vars melk waarby daar nie waarde toegevoeg…

WAT het landbouprodusente, die bosboubedryf en die vissersbedryf gemeen buiten dat dit vanuit een staatsdepartement bestuur word? Juis dít. Dit is nie algemeen bekend nie, maar daar is ’n paar vissermanne wat ook wyndruiwe pars en ná die parstyd die vispermitte nader trek. OMVANG VAN BEDRYF In 2012 het die visbedryf se jaarlikse omset R5,8 miljard be-loop. Die bedryf neem ongeveer 27 000 mense in diens en 100 000 mense word onregstreeks deur die bedryf bevoordeel wat werksgeleenthede betref. Vis is ’n hoëwaarde-produk. Die visbedryf vang 22 vissoorte langs die kus, op die diepsee of albei, en met verskillende toerusting en metodes. Die TABEL en GRAFIEK gee ’n oorsig van die hoeveelheid van elke vissoort wat gevang word, sowel as van produksie en die waarde na verwerking. Voor 2005 was…

Die een eienskap wat mnr. Koos van der Ryst, wat onlangs GWK se Icon-eerbewys as Veeprodusent van die Jaar ingekatrol het, se boerderyskippie deur die jare op koers gehou het, is sy vermoë om by veranderende omstandighede aan te pas. Toe hy tien jaar gelede besef het sy plaas, Allendale, in die Koopmansfontein-gebied naby Barkly-Wes is te klein om uit te brei en die ekonomie hom nie toegelaat het om nog grond te koop nie, het hy sy koei-kalfstelsel tot niet gemaak. In die plek daarvan het hy ’n kalf-en-voerkraalstelsel begin. Waar hy voorheen 40 000 kg vleis per jaar bemark het, lewer hy nou 75 000 kg vleis per jaar – en dit sonder om ’n enkele hektaar tot sy boerdery toe te voeg. Die afgelope drie jaar se…

Broodkoring soos ons dit vandag ken, is die resultaat van kruising tussen drie grassoorte duisende jare gelede. Daarom het broodkoring drie volledige genome vanweë die drierigting-kruising waarlangs dit ontstaan het, sê mnr. Roean Wessels, planteteler by Sensako. Elkeen van hierdie drie genome is amper twee keer so groot soos ’n enkele menslike genoom en bestaan uit sowat 5 500 miljoen boublokke. Dit is dié kompleksiteit wat koringteling soveel moeiliker en stadiger maak vergeleke met mielies en ander gewasse. Die groot hoeveelheid voorgeskrewe seleksiekriteria waaraan telers moet voldoen voordat ’n nuwe kultivar vir kommersiële verbouing goedgekeur word, bemoeilik sake verder. Roean sê met onlangse tegnologiese ontwikkeling is dit vir telers nou eenvoudiger om gene vir bepaalde eienskappe in te bou. Tot onlangs kon koringtelers in Suid-Afrikaanse programme nog min of geen…

In dié rubriek gaan jy diep moet krap vir iets oor beeste. Vergewe my dié slag. Só het dit die seisoen begin reën – en goeie neerslae het op die Hoëveld begin val. Vir ’n normale seisoen moet die Hoëveld eers reën kry – en sommer ook baie – en dan skuif die reën af na die Vrystaat en daarna weswaarts oor die Kalahari en die Karoo. Met dít in gedagte verdra ons die drie jaar lange droogte met die verwagting dat dit binnekort gaan reën. Só kry ons aanhoudend nuus dat Gauteng en die noordooste van die land goeie, milde reën kry . . . en steeds byt ons vas en is dankbaar vir die 4 mm en 6 mm wat nou en dan ’n kort lafenissie oor die…

Eet dit verkieslik teen kamertemperatuur saam met ’n yskoue bier! Ek onthou ’n paar jaar gelede het mense graag foto’s van die temperatuurlesing op hul voertuig se paneelbord op sosiale media geplaas. ’n Tipe “dis warmer by my as by jou”. . . Dit is nou nie juis ’n prestasie om ’n voertuig in die son te parkeer nie. In die hoogsomer klink skaapskenkel, sop en glase vol Merlot eerder na iets uit ’n ander wêreld, dalk op Mars of Saturnus. Maar wat maak jy as dit 42 °C buite is en jy kan net nie jou lus vir sop blus nie? Jy maak dié japtrap-eenpot-wondergereg. Dit is goedkoop, smaaklik en vinnig. Selfs die skoonmense sal hul woorde – en die sop – sluk. Ek weet, ek weet. Die bestanddele…

DIT is hoogs onwaarskynlik dat glifosaat ’n kankerrisiko vir mens en dier inhou en dit is tyd dat mense besef die bohaai oor die sogenaamde gevare van hierdie aktiewe breëspektrumbestanddeel gegrond is op ’n enkele evaluering van die Wêreldgesondheidsorganisasie (WGO) se Internasionale Agentskap vir Kankernavorsing (IARC). Só sê mnr. Ivo Brants, regulatoriese wetenskapsbestuurder by Monsanto. Brants het op ’n gesamentlike kongres oor gewasse en grond by Bela-Bela gesê ander produkte, soos koffie, word volgens hierdie organisasie op dieselfde vlak as glifosaat geplaas as dit kom by die moontlike risiko vir kanker. “Besluit self hoe bekommerd julle daaroor wil wees,” sê hy. Brants sê die glifosaatmolekule stel sy visier op die EPSPS-ensiem in die chlorofilbevattende strukture van groen, groeiende plante. Dit blokkeer die ensiem en die plant kan dan nie aromatiese…

Die produsenteprysindeks vir suiwelprodukte was verlede November 12,8% hoër as ’n jaar tevore. Dié indeks word deur die Suid-Afrikaanse Melkprosesseerdersorganisasie (Sampro) saamgestel op grond van inligting van Statistieke Suid-Afrika, met 2012 as basisjaar. Die indeks het vanaf Januarie 2012 tot November 2016 met 50,9% gestyg. Vars melk se prysindeks het in dié tyd met 51,8% gestyg en in die twaalf maande tot November verlede jaar met 25,8%. Vergeleke hiermee het alle voedselprodukte se prysindeks in dieselfde tyd met 44,3% gestyg en alle landbouprodukte s’n met 28,9%. Luidens Sampro se jongste verslag oor belangrike markaanduiders, gegrond op syfers van die maatskappy Nielsen, het vars melk se prys in die jaar tot einde verlede September met gemiddeld 16,9% gestyg en langlewemelk s’n met 11,9%. Benewens botter en room se prys, wat onderskeidelik…

GAUTENG CARLETONVILLE DE BEERS KRAAL (94) 314 ha, aan Asam Hatvuah Trading, van Integrated Expert Systems, R5 000 000. WITKOP (475) 42 ha, aan Agnosco Trading & Inv (Edms.) Bpk., van Jan & Charlene Pretorius-trust, R2 600 000. KALBASFONTEIN (365) 65 ha, aan M.B. en M.M. Motswasele, van L.P. en U.D. de Jager, R720 000. NANESCOL (582) 322 ha, aan J Boeg Developments BK, van A.F.FerreiraenA.M.Ferreira, R560 000. PRETORIA KLOPPERSBOS (128) 21 ha, aan Freaxforce,vanTroutStream Props, R683 333. KLOPPERSBOS (128) 21 ha, aan Freaxforce,vanTroutStream Props, R666 666. WELGEDACHT (130) 21 ha, aan J.J. Venter, van A.S. van Heerden, R1 260 000. WELGEDACHT (130) 21 ha, aan J.J. Venter, van A.S. van Heerden,R740000. KWAZULU-NATAL JOZINI LOT H115 (13180) 21 ha, aan Golden Sage Investments (Edms.) Bpk., van Carosa Properties (Edms.) Bpk.,…

’n Omset van R453 300 is op die 15de produksieveiling van Kinko Dormers van mnr. Johan Swart by Swellendam behaal. Die hoogste prys wat op dié “stilveiling” betaal is, was vir ’n ram wat teen R13 000 verkoop is aan mnr. D.S Louwrens, Rustfontein, Bethal. Altesame 146 Dormers is te koop aangebied, waarvan 122 verkoop is. Altesame 56 ramme en 66 ooie is verkoop – 83,5% van die aanbod. Die hoogste prys vir ’n ooi was R9 500 wat deur mnr. Martin van Niekerk van Kleingenot, Piketberg, betaal is. Ramme het gemiddeld R4 473 stuk behaal en ooie gemiddeld R3 072 stuk. Die veiling is deur BKB aangebied.…

2% Plaaslike appel- en peerboere verwag ’n 2%-styging in uitvoer teenoor verlede jaar se seisoen. Dit kom neer op 948 039 meer 12,5 kg- ekwivalente kartonhouers as verlede jaar, oftewel 877 203 meer appels en 70 836 meer pere. Die groei in appelvolumes is hoofsaaklik danksy nuwe aanplantings en jong boor-de wat in produksie gekom het. — Hortgro 37 miljoen Teen die einde van die derde week in Januarie vanjaar is 37 040 972 kartonhouers tafeldruiwe gelewer, en 32 466 217 ton is uitgevoer. Dit is ’n styging van net meer as 1,8 miljoen kartonhouers teenoor verlede jaar. Die Oranjerivierstreek het die grootste bydrae tot die styging gelewer. Lewerings het van 18,5 miljoen kartonhouers tot net meer as 20 miljoen houers gestyg. — SA Tafeldruifbedryf 5 855 Die 5 855…

‘Dit was dalk vir te veel jare te knus?’ MNR. MARCUS CORNARO, EU-ambassadeur in Suid-Afrika, oor die hoë konsentrasie in die plaaslike pluimveemark. Bl. 14 ‘Suid-Afrika is besig om verbruikers groot te maak pleks van produsente van landbouprodukte.’ MNR. TEBOGO MOGASHOA, entrepreneur, ingenieur en voorsitter van die Talis Holdings Group, wat onder meer groot beleggings in die wild- en sagtevrugtebedryf het. Bl. 6 ‘Boere se posisie behoort onveranderd te bly.’ CLOVER, in ’n verklaring oor ’n herstrukturering wat sy aankope van onverwerkte melk onder ’n nuwe maatskappy plaas. Bl. 25 ‘Ons het net 3 mm gehad en al wat dit doen, is om die onkruid te laat groei.’ MNR. EBEN SADIE, wynboer in die droë Paardeberg-gebied, ná ’n verdwaalde reënbui op 26 Januarie. Bl. 24 ‘Dit is iemand wat sy…

In episode 6 op kykNET (DSTV-kanaal 144; eerste uitsending op Woensdag, 8 Februarie) kuier die span op Oudtshoorn in die Klein-Karoo en gesels oor die verskillende produkte wat volstruise lewer, die bedryf se bydrae tot die plaaslike ekonomie en hoe volstruisplase toerisme bevorder. Onderhoude met bedryfsleiers, soos mnre. Piet Kleyn, uitvoerende hoof van die Volstruisbesigheidskamer, en Charl du Plessis, besturende direkteur van Klein Karoo Internasionaal, vertel meer oor die probleme en suksesse van die volstruisbedryf. Twee boere van die omgewing, mnre. Laubscher Coetzee van die plaas Klipheuwel en Joey Potgieter van die plaas Welbedag, vertel ook hoekom hulle so graag met volstruise boer. Chris Burgess, redakteur van Landbouweekblad, bied sy perspektief oor die veelsydigheid van volstruise en die produkte wat die bedryf lewer. Hy gesels ook oor die impak van…

‘Sowat 20 000 ton plantmateriaal word jaarliks in Suid-Afrika verhandel.’ KOMMER heers dat die wetsontwerp op inheemse kennisstelsels ’n uitwerking soortgelyk aan apartheidswetgewing kan hê deurdat dit die diefstal, uitbuiting en onteiening van inheemse kennis kan meebring onder die voorwendsel dat dit dié regte wil bevorder en beskerm. Dít was die waarskuwing van verskeie kultuurorganisasies aan die Parlement se portefeuljekomitee vir wetenskap en tegnologie tydens openbare sittings oor die wetgewing. Die Departement van Wetenskap en Tegnologie wil met dié wetgewing die regte vir inheemse kennis ontwikkel omdat bestaande wetgewing oor intellektuele eiendom nie voldoende aandag daaraan gee en dit beskerm nie. Die wetgewing moet spesifiek inheemse kennis beskerm wat kultureel en/of funksioneel van aard is, waaronder mediese, landbou- en wetenskaplike praktyke. ERFENIS Die Traditional and Natural Health Alliance of South…

STANDAARDE VIR PRODUKTE | Geveg kom oor inspeksiedienste Hewige teenkanting bou op oor burokratiese inspeksiedienste wat die Departement van Landbou, Bosbou en Visserye besig is om op die been te bring. Die maatskappy Prokon inspekteer reeds alle vars produkte en ’n organisasie genaamd LEAF moet alle plaaslike en ingevoerde grane en oliesade toets ingevolge die Wet op Landbouprodukstandaarde van 1990. Drie ander maatskappye is aangewys om suiwel, gereguleerde diereprodukte en verwerkte produkte te inspekteer. Talle briewe wat beswaar aanteken, is reeds aan mnr. Billy Makhafola, die uitvoerende beampte vir dié wetgewing, geskryf en ’n dringende vergadering is met mnr. Senzeni Zokwana, die minister, aangevra. Die bedrywe sê hulle is reeds onderhewig aan verskeie inspeksies kragtens gesondheids- en voedselveiligheidsregulasies. Verdere inspeksies beteken onnodige uitgawes, en daar is nie behoorlik met hulle…

MERINO’S | Ramme in aanvraag danksy goeie wolprys Merinoramme het uitstekende pryse behaal op die eerste paar veilings van die jaar. Dit is danksy die hoë wolprys en goeie reën oor ’n groot deel van die produksiegebied. Mnr. Danie Vorster, bestuurder van Merino SA, sê daar heers tans ’n goeie gees tussen wolboere en die manne is klaarblyklik bereid om die hand dieper in die sak te steek vir gehalteramme. “Op die eerste sewe veilings van die jaar was die prysbeweging in ’n opwaartse trajek en, met talle topveilings wat gedurende Februarie gehou word, behoort dié neiging voort te duur.” Op mnr. Tink Strydom van Hartbeesfontein, Barkly-Oos, se veiling het die duurste ram R140 000 behaal. Sy duurste vyf ramme het almal meer as R30 000 stuk behaal en die…

DIE water waarna die Nasionale Ontwikkelingsplan (NOP) verwys ten opsigte van besproeiingslandbou, bestaan nie. Projeksies daaroor in die plan is gegrond op totaal foutiewe inligting. Dít was die reaksie van me. Isa Thompson, direkteur verantwoordelik vir waterbeplanning by die Departement van Water en Sanitasie in die Wes- en Oos-Kaap, op ’n vraag van Landbouweekblad oor die haalbaarheid om grond onder besproeiing met 500 000 ha uit te brei. “Dit is iemand wat sy somme agterop ’n sigaretdosie gemaak het. Die beplanningskommissie het dit vir soetkoek opgeëet,” het sy op ’n gespreksgeleentheid van die SA Akademie vir Wetenskap en Kuns in Pretoria gesê. “Daar is nog ruimte vir besproeiingsontwikkeling waar daar water beskikbaar is, soos by die Mzimvuburivier in die Oos-Kaap waar vrugbare grond is. Die reënval daar is egter hoog…

DIE wildbedryf is versigtig optimisties oor ’n nuwe wetsbepaling wat vereis dat wildsvleis wat vir die handel bestem is, deur ’n gekwalifiseerde, onafhanklike inspekteur nagegaan sal word. Mnr. Piet Neethling, voorsitter van Game SA op Graaff-Reinet, sê die doel van dié nuwe bepaling, ingevolge voorgestelde wysigings van die Wet op die Veiligheid van Vleis (Wet 40 van 2000), is om voedselveiligheid te verseker. Hy verwelkom dié stap. “Wat nou gebeur, is dat wild op plase geskiet, die karkas op ’n bakkie gelaai en by plattelandse slaghuis vir verwerking afgelaai word sonder dat die nodige inspeksies gedoen word. “Ek het al by supermarkte en slaghuise wildsvleis en -wors met ’n twyfelagtige smaak gekoop omdat die inspeksies nie gedoen is nie. Dit gee die hele wildbedryf ’n slegte naam.” Die reëling raak…

Testamente moet uitvoerbaar wees. Indien nie, vererf daardie deel wat nie uitvoerbaar is nie, intestaat. Dit kan vele probleme vir die eksekuteur veroorsaak. Dit is dus belangrik om te weet op watter maniere mense goed kan laat vererf. BOEDELSAMESMELTING Die bewoording in ’n testament is baie belangrik. “Boedelsamesmelting” dui daarop dat twee mense in ’n gesamentlike testament hul bates “saamgooi”. As die eerste een sterf, word hul gesamentlike boedels as een boedel gesien en word dit vererf soos hulle saam besluit en bepaal het in die testament. Enige twee of meer persone kan hul boedels saamsmelt, of hulle getroud is of nie. “Boedelsamesmelting” is waar byvoorbeeld twee persone dit in hul gesamentlike testament pertinent uitspel dat daar samesmelting plaasvind sodra die eerste een sterf en dat die goed vererf na…

Te goed om waar te wees, is die gebruiklike reaksie as mnr. Gideon Oosthuizen van die plaas De Beerskraal by Rysmierbult buite Ventersdorp vertel watter ommekeer hy in die afgelope paar jaar met ultradrukbeweiding op sy plaas bewerkstellig het. Daarom verkies hy om mense te gaan wys, dat hulle met hul eie oë kan sien hoe sy troppe van 500 of meer beeste elk ’n hektaar per dag afwei. Aan die manier waarop hulle wei, is dit duidelik dat dit die diere glad nie pla om in sulke groot, digte troppe te beweeg nie. Kalftyd is geen probleem in die groot troppe nie, sê Gideon. In een trop is byvoorbeeld 530 verse met omtrent 400 kalwers. Dit is opvallend hoe die kalwers in groepe by mekaar hou, en die verse…

Sedert Sensako en Monsanto se paaie in 2008 geskei het, het Sensako, wat hom tot in daardie stadium net op wintergraan soos koring toegespits het, baie tyd en energie belê om sy portefeulje uit te brei. Vandag sluit dit ook hawer, gars, rog en mielies in, en met ’n spesifieke klem op die oliesade sojabone en sonneblomme. Sensako is nou gereed om die kommersiële mark te betree met ’n reeks produkte wat in die afsienbare toekoms verder uitgebrei gaan word, sê dr. Francois Koekemoer, direkteur van navorsing. Spesifieke produkte waaroor hy opgewonde is, is: • SST 8135, ’n besproeiingskoring wat in 2013 vir kommersiële verbouing goedgekeur is. In proewe lewer dit uitsonderlike opbrengste in die warm noordelike én die koeler sentrale gebiede. Francois meen dié kultivar gaan ’n nuwe opbrengsmaatstaf…

Drupperlyne wat verstop, is een van die grootste uitgawes vir boere wat drupbesproeiing gebruik. Gewoonlik moet die druppers wat só verstop, weggegooi word. Tegnologie wat ultrasoniese klank inspan, kan die druppers met min moeite skoonmaak en behoue laat bly. Mnr. Leon Lingnau, afgetrede plaasbestuurder en voormalige wynmaker, sê talle Suid-Afrikaanse boere gebruik drupbesproeiing om water en tyd te bespaar. “Drupperlyne laat boere toe om individuele plante regstreeks water te gee, wat vermorsing drasties verminder. Die enigste nadeel daarvan is dat drupperlyne aanpak weens minerale in die water. Die ideaal is dus om drupperlyne ten minste twee maal per jaar deeglik skoon te maak.” In die verlede kon dit nie doeltreffend gedoen geword nie. Die lyne is gewoonlik vervang of met chemikalieë skoongemaak. “Die koste daarvan het dit vir boere op…

IMMUNISERING TEEN SLENKDALKOORS Watter soorte entstowwe is teen slenkdalkoors beskikbaar en hoe word dit aangewend? Volhoubare immunisasie is veral in nat tydperke die enigste doeltreffende manier om slenkdalkoors te voorkom omdat muskiete die siekte oordra. Wanneer die siekte uitbreek op plase waar diere nie ingeënt is nie, moet muskiete as ’n noodmaatreël bestry word. Piretroïede is die beste aktiewe bestanddele teen slenkdalkoors. Gee voorkeur aan middels wat deltametrien bevat. Die behandeling moet drie tot vier weke ná immunisasie volgehou word totdat die diere ’n goeie immuniteit ontwikkel het. LEWENDE ENTSTOF Die Smithburn-entstof wat deur Onderstepoort Biologiese Produkte ontwikkel is, is ’n lewende entstof wat uit muskiete geïsoleer is. Die entstof veroorsaak ’n lae persentasie aborsies en fetusabnormaliteite by dragtige skape wat ingeënt word wanneer hulle 30-60 dae dragtig is. Dit…

Franse sjokolade-sytert Dié maklike yskastert met sy sygladde sjokoladevulsel sal jou gaste laat swymel. Jy kan donker sjokolade en enige krummelkors van jou keuse gebruik. Ek het Oreo’s vir die kors en melksjokolade vir die vulsel gebruik. Kors 1 pakkie (200 g) donker sjokoladekoekies 100 ml gesmelte botter Vulsel 160 g sagte botter 300 ml strooisuiker 2 ml sout 10 ml vanieljegeursel 15 ml brandewyn 2 plakke (80 g elk) goeie sjokolade, gesmelt 3 ekstragroot eiers, teen kamertemperatuur Kakao en sjokoladekrulle, om af te rond Kors: Sit die koekies in ’n voedselverwerker en pols tot krummelrig (of sit die koekies in ’n sterk plastieksak en rol dit fyn met ’n koekroller of wynbottel). Voeg die botter by en meng. Druk die krummelmengsel op die boom en teen die kante van…

Lormar is sinoniem met uithouuitdagings. Dit is immers genoem na die Kismet-stoetery se Arabiermerrie Lorraine, wat 52 jaar gelede ’n uitmergelende uithourit van 127 myl tussen Hanover, De Aar en Richmond gewen het met Piet (Pad) van der Merwe (Piet jr. se pa) op haar rug. Die Lormar-bergfietstoer skop jaarliks op die plaas Fairview af, waar Piet jr. sy bekende Lormar-Arabierperdstoetery bedryf. Nieu-Bethesda is die oornag- en draaipunt voordat almal twee dae later weer by Fairview eindig. Die bergfiets-uithoutoer gaan op sy hoogste punt op 8 209 voet oor Kompasberg en daarna deur ’n wildreservaat vol wildebeeste, springbokke, gemsbokke en sebras. G’n wonder dit is deur die internasionale tydskrif Outside Online as een van die warmste driedag-wedrenne aangewys nie. “Hiér voel Gautengers veilig, daarom is die gesinne meer ontspanne wanneer…

Rooiwyn en rooivleis. Biltong en Pinotage is bo-aan die lys van eg Suid-Afrikaanse produkte. Nou word dié gewilde lekkernye saam gevier tydens die Biltong-en-Pinotage-fees by die L’Avenir-wynlandgoed naby Stellenbosch. Op 22 en 23 April sal feesgangers interessante biltongprodukte van reg oor die land saam met ’n verskeidenheid Pinotagewyne (Rosé, vonkelwyn, dessertwyn en selfs wit Pinotage) kan proe en koop vir saamneem huis toe. Gautengers kan dieselfde doen op 14 en 15 Oktober by die Leriba-hotel in Centurion. Kaartjies kos R200 en sluit ’n glas, biltonghouer en proeblaadjie in. Bespreek by www.plankton.mobi of www.computicket.co.za. NAVRAE: www.cvomarketing.co.za Baardpaartie. Botrivier se wynmakers hou op 22 April ’n partytjie soos geen ander nie. Tydens die sewende Barrels & Beards-fees word die nuwe oesjaar se wyne gevier. Dié opskop en aandete vind plaas by Barton…

DIE skerp daling in die olieprys sedert middel 2014 het groot gevolge ingehou vir Afrika-ekonomieë en maatskappye wat daar beleggings het, sê dr. Martyn Davies, Deloitte Africa se besturende direkteur vir opkomende markte en Afrika. In die Januarie-uitgawe van die Deloitte-publikasie Africa from the Inside skryf hy baie multinasionale maatskappye moet nou aanpas by “die opkomende post-krisis-Afrika-ekonomie”. Die risiko’s wat beleggers vanjaar in berekening moet bring, is: • Voortgesette lae kommoditeitspryse. • ’n Groeiende skuldkrisis. • Vasgevangde kapitaal. • Toenemende regulatoriese risiko’s. • Wisselvallige wisselkoerse. • Die moontlikheid dat banke kan misluk. • Politieke en regeringskokke. • China se omvorming van sy ekonomie. SKULD Baie Afrikalande het te veel staatskuld en die verhouding van skuld tot die bruto binnelandse produk (BBP) op die vasteland groei. Suid-Afrika se skuld-tot-BBP-verhouding staan op…

Mnr. George Bush, voormalige president van Amerika, se opmerking in 1992 dat ontbyt sy beste ete van die dag is omdat die kans skraal is dat broccoli daarby bedien sal word, het ’n staande grap in Amerika geword, sê me. Laetitia Ferreira, eienaar van Loerie Processed Veg in die Gamtoosvallei. “Maar danksy die uitstekende gesondheidseienskappe in veral die stingelgedeelte en ’n opmerking deur mnr. Barack Obama, vorige president van Amerika, dat broccoli sy gunsteling-groentesoort is, tel dit deesdae onder die vyf gewildste groentesoorte in Amerika. Die prys wat boere daar kry, het die afgelope paar jaar met 900% gestyg.” Ferreira sê in Suid-Afrika kry boere sowat R12/kg vir dié groentesoort, maar in winkels kan verbruikers tot R20/kg of meer daarvoor betaal. “Hoewel die gewas maklik is om te verbou, word…

Die volgende ontleding van grondverkope in Suid-Afrika is van transaksies vir grond van meer as 20 ha in die Noord-Kaap, Mpumalanga en KwaZulu-Natal vanaf Desember 2015 tot November verlede jaar. Gunstige prysneigings is in dié provinsies waargeneem, hoewel pryse in sommige distrikte gedaal het. Altesame 251 transaksies is in die NOORD-KAAP gesluit. Dit het 531 628 ha teen R1,914 miljard behels. Sowat 68% van die transaksies was vir grond van meer as 300 ha. Die droogte se impak is duidelik, met prysdalings in 38% van die distrikte – vyf daarvan in die Karoo. In MPUMALANGA is 144 235 ha teen R2,997 miljard verhandel. Daarvan was 19% ooreenkomste van kleur teen R663 miljoen. Sowat ’n derde van ál die transaksies was vir grond van minder as 50 ha, hoewel dit lyk…

Daar is nog ’n goeie vraag na Persieskape in Suid-Afrika, al is daar nie baie boere wat dié ras as ’n volwaardige afdeling van hul veeboerderye hanteer nie. Die vraag is veral vir slagdoeleindes in die winter, wanneer jagters die vetsterte vir die stop van droëwors gebruik, terwyl gelooide velle gesog is. ’n Woordvoerder van die Persie-skaaptelersgenootskap sê sommige mense hou die Persie ook as ’n stokperdjie aan. Die genootskap het nietemin sowat 45 lede, wat hoofsaaklik in die Noord-, Oosen Wes-Kaap geleë is. Die genootskap hou sy volgende nasionale kampioenskap einde Maart op Beaufort-Wes. ’n Groot aantal telers sal na verwagting deelneem. Volgens ’n feiteblad van die Departement van Landbou op Grootfontein besit lede van die genootskap ongeveer 20 000 Persieskape, waarvan 90% swartkop-Persies, 6% skilder-Persies en 4% rooikop-Persies…

ALGEMEEN 22 FEBRUARIE: Monsanto-inligtingsdag. Fouriesburg. Magda du Toit. E-pos: magda.du.toit@monsanto.com. 28-30 APRIL: Suid-Afrikaanse Kaasfees. Sandringham, Stellenbosch. Agri-Expo. E-pos: admin@agriexpo.co.za; web: www.cheesefestival.co.za; tel 021 975 4440. KURSUSSE 13-14 FEBRUARIE: Veeversorging. George. Di Rothman. Web: www.rltsafrica.com; sel 082 772 1208. 13-15 FEBRUARIE: Kettingsaagoperateur. Protea-opleidingsentrum, mobiele kursusse. Isaac Schoeman, E-pos: protea@kingsley.co.za; tel. 021 836 8025, sel 082 670 1636. 14-16 FEBRUARIE: Die vervaardiging van kaas. LNR, Irene. Annetjie Loubser. E-pos: aloubser@arc.agric.za; tel. 012 672 9153. 15-16 FEBRUARIE: Voedingsbestuur. George. Di Rothman, Web: www.rltsafrica.com; sel 082 772 1208. 16 FEBRUARIE: Breedplan-teelwaardes: Word ’n vyfster-aantekenaar. Bloemfontein. Jeanine Labuschagne, sel 081 844 4853. 18-19 FEBRUARIE: Gesondheid en veiligheid by hortologie. Protea-opleidingsentrum, mobiele kursusse. Isaac Schoeman, E-pos: protea@kingsley.co.za; tel. 021 836 8025, sel 082 670 1636. 22-23 FEBRUARIE: Inleidende kursus in veld- en weidingsbestuur. LNR,…

’n Mens hoop dat een van die ergste droogtes in menseheugenis sal lei tot ’n verbetering in die ellendige vlak van verslag doen oor waterverbruik deur maatskappye wat op die JSE genoteer is. Tans voorsien net ’n derde van dié maatskappye aandeelhouers van besonderhede oor hul waterverbruik, ten spyte van ernstige waterbeperkings wat landwyd óf ingestel is óf oorweeg word. Mnr. Michael Rea, wat ’n gedetailleerde ontleding doen van genoteerde maatskappye se inligting oor omgewings-, maatskaplike en bestuursaangeleenthede, sê die min inligting is kommerwekkend, veral in die lig van hoe deurslaggewend die aangeleentheid is. Volgens Rea se jongste Integrated Reporting and Assurance Services (IRAS) het net 108 uit 311 maatskappye oor hul watergebruik verslag gedoen en net 36 het gemeld dat hulle teikens het om hul verbruik te verminder. Die…

Die landbou kan die grootste bydrae tot werkskepping in Suid-Afrika lewer, maar hoekom is dit nie tans die geval nie? Dié bedryf het ’n groot potensiaal om op ’n baie groot skaal werksgeleenthede vir halfgeskoolde mense te skep. Die impak van die landbou word veral gesien in die landelike gebiede wat die meeste deur werkloosheid en ongelykheid geraak word. Wêreldwyd versterk hierdie sektor die politici, want hulle staan sentraal tot die vrymaking van behoeftige en verarmde mense in landelike gemeenskappe. Reg oor die wêreld het ons al politici gesien wat munt geslaan het uit die argelose aard van landelike gemeenskappe. Hulle daag op met geskenke en boodskappe van hoop as teenvoeter vir swaarkry en beloftes van ’n beter lewe vir almal wat bereid is om hul verkiesingsmanifes te ondersteun. Die…

DONKIEVLEIS DALK BINNEKORT NA CHINA? Noordwes se regering wil binnekort met ’n projek begin om donkievleis uit dié provinsie na China uit te voer. Mnr. Boeta du Toit, hoofbestuurder van Agri Noordwes, het gesê heelwat vrae heers oor die uitvoer van donkievleis voor die projek as volhoubaar beskou kan word. “Ons is nie seker die projek se hoofdoel is die verskaffing van donkievleis as sulks nie. Daar word reeds ’n groot aantal donkies onwettig in die provinsie geslag, waarvan die velle na China uitgevoer word. Dit laat reeds vrae oor die wettigheid van die projek ontstaan,” het hy gesê. MAARTEN KRUGER skryf: Boerdery is ’n besigheid. Die boer boer om geld te maak. As hy nie geld maak nie, kan hy nie oorleef nie. Om na die Regering toe te…

INGEVOERDE Europese hoendervleis is nié die rede vir die Suid-Afrikaanse hoenderbedryf se krisis en werkverliese nie, sê mnr. Marcus Cornaro (foto), ambassadeur van die Europese Unie (EU) in Suid-Afrika. Hy het op ’n media-inligtingsessie gesê voerkoste in Suid-Afrika het weens twee jaar van droogte met tot 50% gestyg. “Vir ’n bedryf, soos pluimvee, waar voerkoste 75% van totale produksiekoste is, was dit ongetwyfeld ’n ramp.” Ander faktore wat volgens hom die bedryf strem, is elektrisiteitspryse, belegging in toerusting om pekelwater by hoender te voeg en verbruikers se pryssensitiwiteit. Volgens Cornaro erken Suid-Afrikaanse owerhede self dat die bedryf se krisis ingewikkeld is en deur veelvuldige kwessies veroorsaak word. Hoendervleisinvoer uit Europa het die laaste paar jaar gestyg, maar hy sê ingevoerde Europese stukke aan die been verteenwoordig slegs sowat 14% van…

HENNEP, ’n familielid van dagga, kan produktief in Suid-Afrika verbou word, sê die Landbounavorsingsraad (LNR). Die LNR doen reeds langer as 20 jaar navorsing oor die moontlikheid om dié plant te verbou om sy basvesel te gebruik vir medisyne en tekstiele. Dr. Shadrack Moephuli, uitvoerende hoof van die LNR, sê verskeie kultivars van die plant is ingevoer om te toets hoe gepas hulle vir veselproduksie is. Drie het goed geaard in plaaslike toestande – Kompolti, Novasadska en Futura-77. Kompolti het die beste gevaar. Omdat daar geen geregistreerde hennepkultivars in Suid-Afrika is nie, was die doel om een vir veselproduksie te ontwikkel wat dieselfde of beter as die ingevoerde plante sal vaar, sê Moephuli. Twee nywerheidslyne, SA Hemp1 en SA Hemp2, albei geskik vir veselproduksie, is deur die LNR ontwikkel. Die…

TOT 55 mm is op wynplase rondom Stellenbosch aangeteken ná donderbuie op 27 Januarie omstreeks vieruur die oggend. In die Aan de Doorns-omgewing naby Worcester het tot 20 mm reën geval. Verskeie plase het toe reeds begin pars, maar mnr. Nico Grobler, keldermeester van Eikendal naby Stellenbosch, sê hy is nie besorg oor siektes, soos vrot, wat ná die reën kan voorkom nie. Daar was genoeg wind om die druiwe af te droog. Wynboere in die droër Swart-land- en Paardeberg-omgewing was egter nie almal so gelukkig nie. Rondom Paardeberg het die hemelsluise toe gebly. “Ons het net foto’s van al die reën van ons vriende op Stellenbosch gekry,” vertel mnr. Eben Sadie van The Sadie Family Wines. “Ons het net 3 mm gehad en al wat dit doen, is om…

Aanduidings is dat die groot droogte van die laaste drie jaar besig is om te wyk, met redelik wydverspreide reënbuie wat oor die meeste dele van die somerreëngebied voorgekom het. My vermoede is dat statistieke sal bevestig dat 2015 en verlede jaar die droogste reënvaljare is wat tot nog toe aangeteken is. Afgesien van die oesverliese in die somersaaigebied en die feit dat Suid-Afrika op groot skaal graan moes invoer, moes die meerderheid veeboere in die sentrale en westelike dele van die land noodwendig hul veekuddes uitslag weens weidingtekorte en duur voer. Die winterreëngebied het effe ondernormale reënval gehad in verlede jaar se winter, maar redelike tot goeie oeste is behaal. Die dilemma is dat hierdie gebied die winter ingaan met baie lae damvlakke. Die risiko is dat die inwoners…

Beweiders en hul weidings het deur evolusie oor eeue heen ’n verhouding met wedersydse voordele vir mekaar ontwikkel. Met navorsing is byvoorbeeld bewys dat weidende diere se spoeg hergroei in plante stimuleer deur die beweging van koolhidrate in die plant te bewerkstellig. Herlewingsbeweiding vorm deel van ’n groeiende beweging waarin boerderybeginsels toegepas word wat grondgesondheid en daarmee saam landbouproduksiepotensiaal laat herleef. Dit behels praktyke in gewasverbouing en weidingbestuur wat die organiese koolstof en mikrobes se aktiwiteit in grond verhoog. Die uiteindelike mikpunt is dat die betrokke stuk landbougrond eerder ’n netto bergplek vir kweekhuisgasse as ’n netto vrysteller van hierdie gasse word, sê die oud-Zimbabwiër prof. Richard Teague (foto), weidingspesialis van die Texas A&M-universiteit in Amerika. Richard, ’n voorstander van beplande drukwisselweiding vir grondherstel, sê vergelykende proewe het gewys dat…

Slenkdalkoors is ’n erge (akute), insekgedraagde (muskiete) virussiekte van skape, bokke en beeste (hoefdiere). Slenkdalkoors hou ook ’n groot gesondheidsgevaar vir die mens in. Die naam “slenkdalkoors” kom van die Slenkdalgebied in Kenia waar die siekte die eerste keer beskryf is. Die volgende diere is vatbaar vir slenkdalkoors: • Uiters vatbaar (70-100% vrektes) – lammers, bokkies, hondjies, katjies, muise en wolmuise. • Hoogs vatbaar (20-70% vrektes) – skape en kalwers. • Vatbaar (minder as 10% vrektes) – beeste, bokke, buffels (Afrika en Asiatiese) en mense. • Weerstandig (nie sigbare besmetting nie) – kamele, perde, varke, honde, katte, ape, bobbejane, hase en marmotte. • Nie vatbaar nie – voëls, reptiele en amfibieë. HOE DIERE BESMET WORD Aanvanklik word die diere besmet wanneer hulle gebyt word deur muskiete wat die virus dra.…

WITGOUD. By die N9-R61-kruising by Aberdeen, in die wêreld se voorste bokhaarproduserende streek, verkoop me. Hannelie van der Westhuizen Cape Mohair-produkte by haar Kamdebo-padstal (tel. 049 846 0539). Hulle bedien ligte etes en het ’n kinderspeelterrein en tuisgemaakte produkte. VLYGTIGE VINGERS. Op 50 m is die NG kerk se toring sover bekend die hoogste kerktoring in Suid-Afrika. Langs die kerk staan ’n olyfboom wat groei van ’n steggie wat uit die Tuin van Getsemane kom. Die 20 unieke Bybeltoneel-muurpanele in die kerksaal is deur lidmate gemaak. Kontak die mens aan diens – die diensrooster is op die deur. EET EN RUS. As jy die bedrywighede in die straat wil gadeslaan terwyl jy jou maaltyd geniet, kies ’n sitplek op die Blue Door Café & B&B (tel. 049 846 0205) se…

Die konfyt het die allermooiste helderpers kleur. Hoekom is nastergal so besonders? Dis ’n wilde struik wat net in die Hoëveld van Mpumalanga, dele van KwaZulu-Natal en die Vrystaat groei. Dit het as ’n onkruid in ons mielielande gegroei. Die pers bessies is baie klein en as dit ryp is, kan dit net met die hand gepluk word. Daarom is dit baie arbeidsintensief. Die konfyt het die allermooiste helderpers kleur en smaak heerlik op brood, skons, kaaskoek of oor jogurt en roomys. Waar het jy geleer om die konfyt te kook? Ek het in 1976 as dorpsmeisie met my man, Kobus, getrou. Ons het by my skoonma in die huis gebly en een voordeel was dat ek allerhande vaardighede by haar kon aanleer, soos om nastergalkonfyt te kook. Destyds was…

Moet die Here dan eers iets wegneem om ons die les van dankbaarheid te leer? Die afstomping van gevoel is ’n algemene neiging onder die meeste mense. Ervaar of doen iets op ’n gereelde grondslag, en die kans is goed dat jy dit later half meganies gaan doen. Jy dink nie meer daaraan voor of nadat jy dit gedoen het nie. Dit is maar gewoon soos dit moet wees. Maar is dit werklik so vanselfsprekend? Het jy al daaraan gedink dat dit ook anders kan wees? ’n Bekende voorbeeld hiervan is die daaglikse goedheid van die Here wat ons so dikwels onnadenkend geniet. Wie dink elke oggend wanneer hy of sy wakker word daaraan om eers dankie te sê vir byvoorbeeld die wonderlike gawe van die lewe, dat ek vry…

Die landbou in Afrika moet daadwerklik bevorder word, sê mnr. Lwazi Bam, uitvoerende hoof van Deloitte Africa. Hy het tydens die vooruitskouing gesê Afrika se potensiaal is onbetwis. Daar is onontginde hulpbronne, baie bewerkbare grond, ‘n jong bevolking en ‘n groeiende middelklas. “Ekonomieë wat ‘n mate van diversifikasie het, het die laaste paar jaar goed bly vaar.” In die meeste ekonomieë in Afrika is daar planne om weg te breek van ‘n oorafhanklikheid van hulpbronne, maar die uitvoering van dié planne blyk nie goed te wees nie. Die uitvoer van kommoditeite het in werklikheid toegeneem.…

LIMPOPO se provinsiale departement van minerale hulpbronne het ’n ernstige fout begaan in sy goedkeuring van Sylvania Platinum se planne om die ou Grass Valley-chroommyn naby Mokopane te heropen. Só sê mnr. Thinus Oosthuizen, ’n ervare omgewingskonsultant van die maatskappy AEMS Consulting Trust. Sylvania wil die ou Grass Valley-myn se mynhope opnuut bewerk en daar ook uit ’n oop groef en ondergronds myn. Dié maatskappy was een van die eerste maatskappye in die omgewing wat by die provinsiale departement van minerale hulpbronne aansoek gedoen het om omgewingsgoedkeuring ten opsigte van nuwe wetgewing. Voorheen is sulke aansoeke aan die nasionale Departement van Omgewingsake en Toerisme gerig. Oosthuizen het Sylvania se aansoek en omgewingsimpakstudie namens die Nyl-Aksiegroep bestudeer. Hy het ’n verslag ter ondersteuning van dié groep boere en belanghebbendes se appèl…

INTERNASIONAAL: Hoewel die mielieprys in dollarwaarde met 1%, of $1,47/t(R19,73/t), tot $144,25/t (R1 936/t) teenoor die vorige week gestyg het, het dit in randwaarde dieselfde gebly. Op ’n jaargrondslag is dit 0,6%, of $0,91/t (R12,22/t), laer. Verwagte pryse: Maart – $141,73/t (R1 903/t), April – $144,48/t (R1 939/t), Mei – $147,08/t (R1 974/t). PLAASLIK: Die Safex-prys van wit mielies het met 14,7%, tot R2 932/t teenoor die vorige week gedaal. Die prys van geel mielies het met 9,6% tot R2 892/t teenoor die vorige week gedaal. Op ’n jaargrondslag is wit mielies se prys 40,7%, of R2 032/t, laer, terwyl geel mielies 23,4%, of R894/t, laer is as in die ooreenstemmende tyd verlede jaar. Verwagte witmieliepryse: Maart – R2 932/t, April – R2 680/t, Mei – R2 255/t. Geel mielies:…

Is Afrika se mense arm omdat hulle arm is aan grond, of is Afrika se grond arm omdat sy mense arm is, het mnr. Adam Mostert, uittredende uitvoerende hoof van die Suid-Afrikaanse kunsmisvereniging (Fertasa), op ’n kongres oor gewasse en grond gevra. Sy opvolger, mnr. Pieter Haumann, sê die impak wat kunsmis op opbrengste het, maak kunsmis beslis bekostigbaar, maar die probleem is dat talle boere, veral bestaansboere in Afrika, nie vooraf geld het om kunsmis te koop nie. Mostert het gesê boere koop dikwels dit wat hulle kan bekostig en dat dit nie noodwendig op deeglike grondontledings gegrond is nie. “Daar word dus dikwels kunsmis toegedien, maar die verkeerde kunsmis word gebruik wat nie die wanbalanse in die grond regstel nie.” Mnr. Corné Louw, ’n senior ekonoom by Graan…

Die goeie vraag na aanteelvee op veilings en die beperkte aanbod van speenkalwers is die vernaamste dryfveer van die hoë pryse op veilings in die sentrale binneland. Die verwagte daling in die mielieprys op die kort tot mediumtermyn vanweë die gunstige oesverwagtinge en die herstel van die weiveld ná betreklik goeie reën, is nóg redes waarom hoë pryse vir speenkalwers sal voortduur. Mnr. Sarel Cilliers, bestuurder van GWK se noordelike veilings, sê die goeie neerslae in dele van die land het die vraag na aanteelvee ’n aansienlike hupstoot gegee. Verse en koeie met kalwers is tans skaars en duurder. Die grootste deel van die Vrystaat en Noord-Kaap het eers teen die laaste deel van Desember verlede jaar reënneerslae ontvang. Veeboere wat nog bemarkbare diere het, hou hul vee terug danksy…

FEBRUARIE HEIDELBERG (WK) 9-11, Heidelberg (WK)- landbouskou. Perde-, bees- en skaapkampioenskap, algemene program. Hannelie de Lange. E-pos: hdelange@ssk.co.za; tel. 028 514 8710, sel 082 393 2056. WILLOWMORE 9-10, Willowmore-skou. Boerbok, Angorabok, Merino, Dorper, jeugskou, biertuin, uitstallings, skoudans. Kobus Lötter, tel. 044 956 1009, sel 082 432 2393. VICTORIA-WES 9-11, Victoria-Wes-skou. Sel 082 940 8231. Stalletjies: Alicia. E-pos: vicwesland bou@gmail.com; sel 079 469 6443. RIVERSDAL 15-18, Riversdal-skou. Betsie van Noordwyk. E-pos: skou@riversdaler.co.za; tel. 028 713 1215; sel 072 015 9671. 15-18, SA Boerperdstreekskampioenskap. Petro Grové, sel 082 551 3221. Web: www.saboer perd.com WILLISTON 23-25, Williston-skou. Manne-oggend, damesoggend, perde, bokke, Boerbokke, Dorpers, jeugskou, kindervermaak, skoudans en vele meer. Belinda Els. E-pos: willistonskou3@gmail.com; tel. 053 391 3005, sel 082 613 3137. Stalletjie-besprekings: Erika, 079 549 7724. TARKASTAD 24-25, Tarkastad-skou. Saalen Boerperde, jeugskou, skeerkompetisie, klein- en…