Innehållsförteckning för 07-Apr-17 från Landbouweekblad

Die onteiening van grond sonder vergoeding is ’n strewe (aspiration) en nie ANC-beleid nie. Só het mnr. Gugile Nkwinti, die Minister van Landelike Ontwikkeling en Grondhervorming, op ’n mediakonferensie oor die sogenoemde grondplafon-wet gesê. Hierdie standpunt is ’n ooglopende versagting van herhaalde beroepe van die Regering se kant om radikale grondhervorming. Dit is onder meer nadat pres. Jacob Zuma by meer as twee geleenthede aangedui het die Grondwet moet gewysig word om onteiening sonder vergoeding moontlik te maak. Nkwinti het gesê onteiening sonder vergoeding sal waarskynlik net gebeur in gevalle waar die grond onregmatig bekom is of vir misdrywe gebruik is. Hy het egter gesê die beginsel van gewillige koper en gewillige verkoper is nie wet nie. “Wanneer die staat tans ’n behoefte uitspreek om kragtens die Grondwet met toegang…

ARTIKELS & RUBRIEKE ■ Ekstensief vs. intensief: Syfers verras ■ Intensiewe teling, bemarking laat rekords versplinter ■ Sojaboonreste kan weidingstekorte in herfs oorbrug ■ Wyn: Ter wille van oorlewing ■ Nog Elitekoei-finaliste ■ Wisselwerking tussen skape, onkruid onderskat GESIN ■ Lank leef die melktert! WILD Jules of the Karoo se tweejarige springbokram The Judge word met arendsoë dopgehou. In Julie 2016 was sy horinglengte al 17 duim. Die Therons — Julian en sy seun Izak — praat oor die eise wat die intensiewe vlak van bemarking van die wildbedryf nou ook aan telers van vlaktewild stel. Media24 Weeklikse Tydskrifte Hoofbestuurder Minette Ferreira Uitgewer Theuns Venter Administrasie Johan Terblanche Kategoriebestuurder Armand Kasselman Intekenare Elmarie Eygelaar Hoof Media24 Drukmedia Ishmet Davidson Hoof Finansies Media24 Tydskrifte Raj Lalbahadur © Kopiereg: Landbouweekblad. Alle regte…

Die bekende Wes-Kaapse Sussexteler MNR. NOLLIE STOFBERG van Worcester gebruik net die beste teelmateriaal om sy boerdery vertikaal uit te brei. Hy het die afgelope paar jaar ook een van die enkele Sussextelers geword wat poenskopdiere teel. Lees die artikel op bl. 36. VERTEL ONS VAN JOU GESIN. My vrou, Malani, hanteer die administrasie van die boerdery. Ons het drie seuns — Pieter (25), wat pas die graad B.Agric.in landbou-ekonomie aan Universiteit Stellenbosch behaal het en saam boer; David (23), wat ’n meestersgraad in dierevoeding doen; en Nollie jr. (20), wat aktuariële wetenskap studeer. WAAR HOU JULLE GRAAG VAKANSIE? Ons geniet die Krugerwildtuin, die Bosveld en Namibië. IS JY ’N SPORTLIEFHEBBER? Ja, ek geniet dit om krieket te kyk en ondersteun die Cheetahs as dit by rugby kom.…

DIE land se nege grootste markagentskappe, wat saam 80% van die handel op die Johannesburg-en Pretoria-varsproduktemark behartig, word ondersoek deur die Mededingingskommissie vir beweerde kartelbedrywighede. Die kommissie het op 23 en 24 Maart in Gauteng, Durban en Kaapstad klopjagte by die agentskappe uitgevoer. Hulle word daarvan verdink dat hulle ’n kartel gevorm het wat die kleiner, swart agente en opkomende boere uit die mark druk en die prys van vars produkte opjaag. Die kommissie voer ook aan dat die agentskappe saamgesweer het om die kommissie wat hulle van boere vereffen, wederregtelik op 7,5% vasgestel het. Mnr. Deon van Zyl, verkoopsdirekteur van RSA Markagentskap, sê die agente het hul volle samewerking gegee. “Ons het niks om weg te steek nie. Ek meen dit sal duidelik aan die lig kom dat ons…

’N BOER van Swartwater in Limpopo het verlede Maandag in die landdroshof op Lephalale verskyn nadat hy die vorige naweek in hegtenis geneem is vir die onwettige verbouing van dagga. Die boer (54), wat nog nie gevra is om te pleit nie, het glo 2 300 goed versorgde daggaplantjies in tonnels op sy plaas gehad. Lt.kol. Moatse Ngoepe van die polisie in dié provinsie sê dit is moontlik dat die boer die plantjies vir olieproduksie verbou, maar dit is te vroeg in die ondersoek om met sekerheid te sê. Indien wel, sal die hof moet besluit oor die boer se lot. Ngoepe sê die inhegtenisneming is deel van ’n interprovinsiale polisieveldtog teen dwelmhandel en -misbruik wat op Vrydag 24 Maart in Limpopo begin het. Die polisie het glo ondersoek op…

VOERKRALE se syfers lyk deesdae beter danksy hoër karkas- en laer mieliepryse nadat hul somme voorheen moeilik geklop het, sê mnr. Ulrich Müller, tegniese bestuurder van Voermol. Müller het op die Voermolboeredag op Vryburg verduidelik dit is moeilik om met ’n speenkalf wins te maak as die mielieprys hoog is, want in die 120 dae wat ’n speenkalf normaalweg in die voerkraal deurbring, vreet hy sowat 1,2 ton voer. Dit bestaan uit 880 kg mielies, 200 kg konsentraat en 120 kg hooi. Mielies word moeilik met hooi vervang en hooi lewer dus nie juis ’n bydrae nie. Die konsentraat vul die proteïen aan. ’n Voerkraal begin met ’n speenkalf van sowat 220 kg, wat tot op ongeveer 440 kg gevoer word. Baie kalwers word egter eers op die veld uitgegroei,…

DIE kalf- en speenpersentasie van veral kommunale vee is baie laag, en ’n groot sondaar in dié verband is die geslagsiekte trigomoniase, sê mnr. Henk van der Laarse, ’n tegnoloog van die veterinêre laboratorium Vriesit. Hy het op die Voermol-boeredag by Vryburg gesê in sulke kuddes is die kalfpersentasie gemiddeld net 40, maar daarna kom baie vrektes voor, wat die speenpersentasie verlaag. ’n Groot sondaar is trigomoniase, wat lae dragtigheid en ’n swak kalfpersentasie veroorsaak, en boere moet fyn daarna oplet. Mnr. Kenny Crampton, nasionale verkoopsbestuurder van Voermol, het gesê sulke lae lam-en kalfpersentasies laat ’n mens daaroor wonder of veeboerdery nog ekonomies is. Oor die afgelope 14 jaar kon die maatskappy deur sy nasionale bees- en skaapboerkompetisies betroubare inligting op plaasvlak insamel by die sowat 200 deelnemers. Daarmee kon…

’n Vrystaatse egpaar wat verlede week ’n boer gehelp het om veediewe in die omgewing van Hertzogville te verjaag, is wreed aangerand nadat die booswigte hulle by hul huis ingewag het. Mnr. Jan Makgetla en sy vrou, Mogobo, het mnr. Sarel Bornman kort ná 01:00 op 25 Maart bygestaan nadat hy die afgelope drie maande bykans weekliks onder veediewe deurgeloop het. Hul pogings om die diewe vas te trek was onsuksesvol. Vier verdagtes het die Makgetlas daarna by hul huis ingewag. Jan is met ’n mes gesteek en erg aangerand, terwyl Mogobo se tande uitgeslaan is. Hulle is vir behandeling na ’n plaaslike hospitaal en is sedertdien ontslaan om by die huis te herstel. Dit was die 16de plaasaanval in die Vrystaat vanjaar. Volgens Vrystaat Landbou is plaaswerkers in die…

Die ekonomiese groei van 1,1% wat vir vanjaar in die vooruitsig gestel word, is ’n verbetering op die gemiddelde groeikoers van 0,6% verlede jaar. Dit is egter steeds laag en as rentekoerse verhoog word, kan dit ’n nadelige uitwerking op ekonomiese groei hê. Die verbruiker is steeds onder druk weens hoër belastings en hoë voedselpryse. Ons betaal almal ’n verhoogde brandstofheffing en vleispryse behoort hoog te bly, maar die pryse van styselprodukte, soos mieliemeel, behoort te daal. Die meegaande GRAFIEK wys die waarde van Suid-Afrika se uitvoer het verlede jaar verhoog, terwyl die waarde van invoer in die vierde kwartaal verlaag het. Dit bring mee dat die lopende rekening verbeter en tot ’n toename in die rand se waarde gelei het. Berigte soos dat mnr. Pravin Gordhan, Minister van Finansies,…

Ná die ergste droogte wat tot nog toe in die somerreëngebied aangeteken is, het Suid-Afrika se boere geweet die herstel in die landbou gaan nie maklik wees nie. Daar het egter ’n nuwe newe-effek na vore getree wat min mense in die mark kon voorsien het. Die binnelandse vraag na veevoer het nou dramaties gedaal weens kleiner veegetalle en die groter beskikbaarheid van ruvoer, kuilvoer en ander voerbronne. Dit het verskeie newegevolge deur die hele graan- en dierebedryf. Veeboere, veral beesboere, moes hul kuddes baie verklein weens die droogte. In Februarie verlede jaar het navorsing by die departement van landbou-ekonomie aan die Universiteit van die Vrystaat al getoon dat Suid-Afrika se kommersiële koeikudde met tot sowat 25% gekrimp het. Die droogte het boonop daarna nog voortgeduur. Dit is dus veilig…

Alternatiewe produksiepraktyke word in die GWK-bedieningsgebied beproef om die uitwerking van S clerotinia op die produksie van sojabone te beperk. Dit is een van die projekte wat dié onderneming se landboudiens-afdeling aanpak om die doeltreffendheid van presisiepraktyke te verbeter. Op ’n groen toer in die omgewing van Luckhoff wat deur sowat 80 boere op vyf plase meegemaak is, is onder meer mielieverbouingspraktyke, soos strookbewerking, die vergelyking van rywydtes van 76 cm teenoor dubbelrye in dieselfde toestande en plantdiepte by vroeë aanplantings gedemonstreer. Volgens mnr. Armand van Eck van GWK se suidelike landboudiensstreek dra sojaboonproduksie as wisselbougewas by tot die suksesvolle, siektevrye verbouing van koring in die gebied. Die afgelope paar jaar word die produksie van sojabone egter deur die voorkoms van S clerotinia geknou. In ’n poging om die omgewingstoestande…

Die noordweste is uiters geskik vir geenbewerking met ’n deklaag. Dié afleiding kan gemaak word uit die resultate van twee omvattende internasionale studies oor in watter soort grond en klimaat geenbewerking die grootste kans op sukses het. Dr. André Nel, ’n onafhanklike akkerboukundige, het op die Ottosdal-geenbewerkingklub se jaarlikse bewaringslandboukonferensie na hierdie studies verwys. Vir die eerste studie is die resultate van 61 proewe in Amerika en Kanada ontleed om die invloed van bewerking op mielie- en soja-opbrengste te bepaal. Dit het 687 jaar- en plek-kombinasies verteenwoordig. Die tweede studie, waarvan die resultate onlangs gepubliseer is, is ’n meta-ontleding van 678 geenbewerkingproewe oor 50 gewasse en 63 lande heen. Uit albei kan afgelei word dat die ligging, klimaat en grond van Noordwes besonder goed geskik is vir geenbewerking, sê André.…

Die waarde van ’n josefsbeleid waarvolgens hooi in die vet jare opgeberg word sodat die vee tydens die maer jare genoeg kos het, is weer in elke veeboer se gedagtes nadat die afgelope uitmergelende droogte boere laat noustrop trek en diere in groot dele van die land gevrek het. Ongelukkig is sommige mense se geheue kort. Hulle vergeet van die droogtes en dink net aan vanjaar. Dit is egter juis die tyd om weer te begin hooimaak en opberg – ’n gebruik wat al in die Bybelse tyd ontstaan het. Mnr. Hennie du Toit, vee-en-weidingkundige van die landboubesigheid NWK, het gesê die boer het die keuse om sy hooi van veldgrasse te maak of hy kan voergewasse plant. Wat ook al sy keuse is, die vraag is of almal weet…

Een van my melkbokke het simptome van mastitis getoon. Pseudomonas is geïsoleer uit die melkmonster wat weggestuur is. Kan die bakterie al lank teenwoordig wees en sal dit my kaas beïnvloed? Sal dit pasteurisasie oorleef? Mastitis, of blou-uier by bokke en skape, word algemeen deur die groep bakterieë Pasteurella , Mannheimia, Histophilus en Staphylococcus veroorsaak. Ander bakterieë, soos in dié geval, kan ook by mastitis betrokke wees. Pseudomonas aeruginosa behoort tot ’n groot groep omgewingsbakterieë wat opportunisties kan optree. Opportuniste is bakterieë wat in die omgewing gevind word en slegs besmettings veroorsaak as daar reeds skade aan die betrokke liggaamsdeel is. In die geval van melkbokke kan speenletsels weens dorings, bosluise, melkmasjiene of ruwe hantering tydens die melkproses voorkom. Ooie wat baie melk lewer, kan ook skade ly aan die…

Inhoud Vandeesweek kyk ons na aartappels en tamaties. lingsentrum vir groente in Taiwan het reeds materiaal vir hierdie tamatiekultivars gehad. Die materiaal is in Mali en Tanzanië geteel. Dit maak hierdie kultivars redelik aangepas by ongesofistikeerde landboupraktyke met lae bedryfskoste. “In Afrika word tekorte aan mikrovoedingstowwe, soos vita-mien A en yster, ondervind. Die meeste literatuur oor wanvoeding in Suid-Afrika verwys hoofsaaklik na dié twee mikro- Die Landbounavorsingsraad (LNR) het sowat vier jaar gelede met ’n projek begin om tamatiekultivars met hoër vlakke van betakaroteen te teel om die voedingswaarde van tamaties te verhoog. Mnr. Willem Jansen van Rensburg, plantteler by LNR se afdeling vir groente en sierplante in Pretoria, sê een van die redes waarom hulle met hierdie teelprogram begin het, is om in te pas by die LNR se…

Ricotta-plaatkoekies Ricotta gee aan hierdie plaatkoekies ’n ligte tekstuur en ’n baie lekker geur. Ek het dit voorgesit met vars bessies en ’n paar lepels mascarpone wat ek liggies versoet en toe met kaneel besprinkel het. ■ 250 ml koekmeel ■ 5 ml bakpoeier ■ 20 ml strooisuiker ■ 1 ml sout ■ 180 ml melk ■ 2 ekstragroot eiers ■ 2 ml vanieljegeursel ■ 250 ml ricotta ■ Botter en olie, vir braai Meng die droë bestanddele in ’n mengbak. Klits die melk, eiers, vanieljegeursel en ricotta saam en voeg by die droë bestanddele. Roer liggies tot net-net gemeng. Verhit ’n bietjie botter en olie oor matige hitte in ’n pan. Skep eetlepels vol van die beslag in die pan tot goudbruin aan albei kante en deurgaar. Sit die…

Jenny het die hoofrol in hul klas se skoolkonsert gekry, terwyl haar tweelingbroer, Bennie, die rol van ’n perd vertolk – of eintlik net ’n perd se agterkant! ’n Besoek aan hul ma se neef professor Fungus bly egter baie opwindender as om vir enige toneelstuk te oefen. Die pret begin sommer al by sy voordeur, waar ’n konyn vir jou blaf en ’n robot jou verwelkom. Dié slag gebeur daar egter iets vreesaanjaends as Jenny en Bennie by die proffie gaan kuier. Jenny drink ’n vreemde mengsel en haar hele lyf word pers en skubberig. Haar gesig word harig en sy kry ’n stert. Haar drome van aktrise wees spat aan skerwe, tensy die proffie met ’n teenmiddel vorendag kan kom. Intussen moet Bennie ’n plan maak sodat mense…

INTERNASIONAAL: Die mielieprys het met 1%, of $1,42/t, tot $142,79/t (R1 793/t) teenoor die vorige week gestyg. Op ’n jaargrondslag is dit 1,9%, of $2,80/t (R35,17/t), laer. Verwagte pryse: April – $140,62/t (R1 766/t), Mei – $143,54/t (R1 803/t), Julie – $146,61/t (R1 841/t), September – $149,76/t (R1 881/t). PLAASLIK: Die Safex-prys van wit mielies het met 19,7% tot R1 750/t teenoor die vorige week gedaal. Die prys van geel mielies het met 16% tot R1 852/t gedaal. Op ’n jaargrondslag is die prys van wit mielies 63,6%, of R3 053/t, laer, terwyl die prys van geel mielies 45,3%, of R1 533/t, laer is. Verwagte witmieliepryse: April – R1 809/t, Mei – R1 722/t, Julie – R1 700/t, September – R1 753/t. Verwagte geelmieliepryse: April – R1 858/t, Mei –…

Die vraag na springmielies groei wêreldwyd omdat verbruikers dit as ’n gesonde versnapering beskou. Me. Nadia van der Colff, ’n navorser oor verbruikersgedrag, het op Standard Bank Agribesigheid se jaarlikse inligtingsvergadering op Centurion gesê internasionale springmielieverkope sal na verwagting van 2016 tot 2020 met meer as 40% groei. In Suid-Afrika is dit een van die peuselhappie-kategorieë wat die vinnigste groei toon – veral die springmielies wat met sout geurmiddels gegeur is. Van der Colff het gesê dit is vir verbruikers belangrik hóé die springmielies gegeur is. Daar is ’n neiging om glutenvrye en natuurlike geurmiddels, asook dié met ’n lae soutinhoud, te verkies. Volgens mnr. Wandile Sihlobo, landbou-ekonoom van Agbiz, word Suid-Afrika se springmielies hoofsaaklik in besproeiingsgebiede in die Vrystaat en Noord-Kaap verbou en is die jaarlikse produksie na raming…

Die onderstaande oordragte van plaaseiendomme is deur aktekantore geregistreer (plaasnommer tussen hakies). GAUTENG NIGEL WINTERHOEK (314) 30 ha, aan J.J. Alberts, van H.M. Koortzen en S.J. Koortzen, R850 000. YZERVARKFONTEIN (194) 21 ha, aan K.J. Longman, van M.E. Longman, R570 000. PRETORIA BEYNESPOORT (335) 71 ha, aan J.D. en S.M. Aphane, van TripleMFarms,R2736000. HONINGNESTKRANS (269) 22 ha, aan Sthabiso ka Sbongile no Vikinduku Madondo-trust, van Hydro-Pol Farming, R736 000. MOOIPLAATS (367) 21 ha, aan I.O. Blake en T.Y. Franken, van Fontein Stigting, R600 000. SPRINGBOKVLAKTE (41) 21 ha, aan Van Deventer-familietrust, van C.J.J. Pieterse, R650 000. TYGER VALLEY (334) 21 ha, aan Seashore Business-trust, van P. Tamma, R1 400 000. VLAKPLAATS (354) 23 ha, aan Polkadots Prop 155, van Investec Bank, R800 000. KWAZULU-NATAL PIETERMARITZBURG DARGLE (913) 25 ha, aan…

ANGUS GENOOTSKAP VIER 100 JAAR Die Angus-beestelersgenootskap van Suid-Afrika bied vanjaar ’n veiling van kampioene aan as deel van sy eeufeesvieringe op die Bloemskou in Mei. Altesame 12 diere sal op ’n veiling op die galageleentheid ná die nasionale kampioenskapsbyeenkoms aangebied word. Eienaars van die skou se kampioene of naaswenners sal hul diere op dié veiling kan aanbied. Die gala-aand is ook een van die hoogtepunt van die genootskap se honderjarige feesvieringe. Die reeks veilings wat vanjaar onder genootskap se vaandel aangebied word, begin op 25 Mei op Humansdorp met die swart en rooi beeste van mnr. Andrew Masterson en genooide verkopers. In Junie word drie Wes-Kaapse veilings op Moorreesburg en Ceres aangebied. In Julie vind die Trans-Gariepveiling op Tromps-burg plaas, die Mequatling-veiling by Clocolan en die Prinsvlei-veiling op Bredasdorp.…

1,3% Melkaankope was in Februarie vanjaar 1,3% minder as in Februarie verlede jaar. Vir die eerste twee maande van die jaar was aankope 0,7% laer as in die ooreenstemmende tyd verlede jaar. Albei syfers bring die skrikkeljaar in berekening. Die Melkprodusente-organisasie (MPO) verwag toekomstige melkaankope sal afhang van die nadelige uitwerking van die droogte. — Melkbulletin 18,9% Die gemiddelde produsenteprys vir kitsbevrore hoenderstukke (IQF) het van Oktober tot November verlede jaar met 18,9% — amper ’n vyfde — gestyg. Die gemiddelde prys van R20,08/kg was 17,9% hoër as ’n jaar gelede, lui ’n prysverslag van die Suid-Afrikaanse Pluimveevereniging (SAPV). Dis die nuutste beskikbare inligting wat bekend gestel mag word. — SAPV 6% en 5% Die pluimveeprodusente Astral en RCL se aandeelprys het met onderskeidelik 6% en 5% gestyg. Dit is…

‘Die weerhouding hiervan van die res van die mark is onmededingend en nie in die openbare belang nie.’ GRAAN SA oor die nie-rapportering van graantransaksies en die uitwerking daarvan op die mark. Bl. 14 ‘Ons kan nie sê die wildbedryf is in die moeilikheid omdat ons laer pryse kry vir spesies wat net 12% van die bedryf verteenwoordig nie.’ MNR. LOOD BESTER, oor laer pryse vir kleurvariante. Bl. 15 ‘Ek glo, ná hierdie ondersoek, sal dit baie duidelik aan die lig kom dat ons as markagente ’n skoon rekord het, ongeag die voortdurende klagtes en aantygings teen ons.’ MNR. DEON VAN ZYL, direkteur van RSA Markagentskap, oor ’n kartel-ondersoek teen nege markagente. Bl. 15 ‘Ons werktuigkundige werk nie meer aan plaaswerktuie nie. Hy herstel daagliks die geplunder, diefstal en vernietiging.’…

BRING DIE WATER TERUG KAROO TOE Suid-Afrika is ’n water-arm land, of ons dit nou wil weet of nie, met ’n gemiddelde reënval heelwat laer as die wêreldgemiddelde. Byna die helfte van die land, bestaande uit die Groot-Karoo, Noord-Kaap en omstreke, is feitlik ’n halfwoestyn wat oor byna geen oppervlakwater beskik nie. Alles moet uit die grond onttrek word. (Die absolute absurditeit om hierdie bietjie grondwater nog te wil opgebruik – lees besoedel met hidrobreking – is ’n gesprek vir ’n ander dag.) Dat die Groot-Karoo eens op ’n tyd ’n magtige “waterreservoir” was, word bewys deur die oorvloedige fossiele van onder meer “waterdiere” en “varings”. Die waterryke binneland is toe met die “breuk” in die aardkors deur die Augrabiese skeur droog gedreineer. As oorblyfsel daarvan is die magtige Oranjerivier,…

SWAARKRY LAAT BOER MAMBAS VANG As dit droog is en die vee vrek, maak ’n boer ’n plan om te oorleef. Met mnr. Piet Joubert van die plaas Sutherland naby Waterpoort in die Noord-Transvaalse Bosveld is dit ook die geval — hy het begin slange vang vir ’n inkomste. Hy verkoop die slange aan ’n slangpark. Hul gif word gebruik om ’n middel teen slangbyt te maak. Joubert is nie bang vir slange nie — solank hulle net nie spoeg nie. Hy vang daarom mambas, weliswaar die giftigste en vinnigste slang, maar hulle spoeg ten minste nie. “Gawe ou slangetjies dié,” sê hy. ’n Mens moet fyn spoorsny as jy slange wil vang. Die sleepsel van die reptiel word gevolg tot waar dit in ’n gat of onder ’n klip…

DIE verpligte, tydige bekendmaking van die in- en uitvoer van graan en oliesade sal die soort prysskommelings wat veral die afgelope droogtejaar op die mieliemark gesien is, verlig. Só hoop die produsente-organisasie Graan SA, wat aansoek gedoen het om die wysiging van die statutêre maatreël wat die bekendmaking van in- en uitvoer van mielies en koring reguleer. Die Landboubemarkingsraad (NLBR) ondersoek dit en het betrokkenes genooi om teen 7 April kommentaar te lewer. Dit kom ná ’n lang stryd in bedryfskringe oor die kwessie. Die heersende regulasies vereis net dat van fisieke produkte se in- en uitvoer boek gehou moet word. Daar word vereis dat dié statistieke weekliks aan die SA Graaninligtingsdiens (Sagis) verskaf moet word. Dít sluit nie die aanmelding in van beoogde in- en uitvoer sodra ’n kontrak…

WEEKLIKSE uitbrekings van die gewraakte swam Sclerotinia word tans in veral Noordwes by sojaboon- en sonneblomaanplantings gewaar. Mnr. Marius Boshoff, bemarkingsbestuurder van die oesbeskermingsmaatskappy Villa, sê goeie reënval, tesame met die huidige warm toestande, skep ’n gunstige klimaat daarvoor. “S clerotinia is ’n siekte wat voorkom ná hoë reënval, met gevolglike versuip- en strestoestande. Villa ontvang tans weekliks oproepe van boere wat met dié siekte by hul sojabone en sonneblomme sukkel,” sê hy. Ongelukkig is daar in dié stadium van die produksiejaar min wat boere kan doen, want S clerotinia moet voorkomend bekamp word. “Boere wat in droër gebiede boer, se gewasse loop erger onder die siekte deur omdat daar nie voorkomend gespuit word nie. Teen die tyd dat die siekte se simptome waargeneem word, is dit te laat,” sê…

DIE gemiddelde prys van graad A2-beesvleis wat in die Oos-Kaap geslag is, het tussen die eerste week van Desember en die derde week in Maart vanjaar met 17% gestyg van R33,89/kg tot R44,31/kg. Dit is volgens ’n verslag van dr. Pieter Prinsloo, nasionale ondervoorsitter van die Rooivleisprodusente-organisasie (RPO) aan Agri Oos-Kaap. “Insgelyks het C-grade in dieselfde tyd van R33,89/kg tot R37,18/kg (net minder as 10%) verbeter. In die geval van B- en C-graad het pryse egter van Junie verlede jaar van R27,50/kg tot R36,50/kg in Maart vanjaar gestyg. Dit verteenwoordig ’n verhoging van 32%.” Prinsloo sê met minder diere in die mark en boere wat vee terughou ná die goeie reën, sal die huidige prysvlakke gehandhaaf word. “Die moontlikheid is nie uitgesluit nie dat graad A-beesvleis selfs tot R50/kg kan…

MNR . Edwin Buhr van die familie-groenteboerdery Edwern-Heim buite Kraaifontein in die noordelike voorstede van Kaapstad het tussen 20 Januarie en middel Maart 31 sake by die polisie aangemeld wat verband hou met volgehoue diefstal, vandalisme en onwettige betreding op die plaas. Kort voor Kersfees is mnr. Lourenzo de Bruyn, die plaas se werktuigkundige, ernstig beseer toe diewe wat hy verjaag het terwyl hulle helder oordag groente op die plaas gesteel het, hom met ’n mes en skroewedraaier in sy knieë en bors gesteek het en hom verwoed geslaan en geskop het. De Bruyn ontvang steeds fisioterapie ná die aanval. Oor die jare het die boerdery reeds sowat R10 miljoen aan sekuriteitsmaatreëls bestee, met beperkte sukses. Booswigte intimideer die plaas se sekuriteitswagte en jaag selfs plaaswerkers uit hul huise om…

‘Ek verseker julle: Ons het die departement se steun, al voel dit nie altyd so nie.’ HY het die Departement van Omgewingsake se verbintenis tot die volhoubare benutting van natuurlewe as hulpbron en die opheffing van gemeenskappe as bemoedigend ervaar, het mnr. Wiaan van der Linde op die kongres van Wilbedryf SA (WRSA) op Polokwane in sy laaste toespraak as voorsitter gesê. Hy het besluit om weens gesondheidsredes uit te tree, en het in sy openingstoespraak vertel hoe hy ná ’n ongeluk verlede jaar van voor af moes leer lees deur eers legkaarte te bou wat op sesjariges gerig is. “Om vandag hier te wees, is meer as ’n eer – dis ’n wonderwerk,” het hy gesê en bygevoeg dat sy persoonlike omstandighede, saam met die droogte, verlede jaar een…

Ek weet al jare lank nie hoeveel ek verdien nie. Eintlik weet ek glad nie wat in my bankrekening aangaan nie. Trouens, ek het nie eens die wagwoord vir my bankrekening nie. Dit is seker al 15 jaar sedert my vrou, ’n boekhouer, ons daaglikse finansies oorgeneem het. Jy kan my vra presies wat my beleggings werd is en selfs waarin dit belê is, maar moenie my vra wat die limiet op my kredietkaart is nie. Ek weet nie wat ons korttermynversekering of lewenspolisse kos nie. Eintlik weet ek glad nie hoeveel dit elke maand kos om ons huishouding aan die gang te hou nie, behalwe dat dit meer is as wat ek verdien. Is dit veilig om in sulke onkunde te werk? Maak geen fout nie, dit is baie…

Nuwe plaaslike appelkultivars wat baie minder koue-eenhede nodig het en die plaaslike produksietyd vir vars appels sal verleng, is onlangs deur die Landbounavorsingsraad (LNR) bekend gestel. Dit is ideaal vir warmer streke en bied ook klimaatsverandering die hoof. Volgens dr. Mogamat Khashief Soeker, fase 2-evalueerder van kernvrugte by die LNR, het appelbome in die Elgin-gebied sowat 600 Infruitec-koue-eenhede per jaar nodig. Die nuwe kultivars kan egter met net meer as 300 koue-eenhede uit dormansie ontwaak. Hierdie kultivars word nou deur planttelersregte beskerm. Die appels heet Afri Blush, Afri Star, Afri Glo, Afri Coral en Afri Rose. “Suid-Afrika is eenvoudig nie so koud soos Europa nie en hierdie appelkultivars is van die eerstes wat vir plaaslike toestande aangepas is,” sê Mogamat. Hulle is ook met die oog op klimaatsverandering ontwikkel. Dr.…

Hoe het die droogte Senwes geraak? Dalk moet ek net eers ons onderneming in perspektief stel. As ons generies van die landbou praat, dink baie mense net aan boerdery. Ons is glad nie boere nie. Ons besit geen grond nie en sal nooit boer nie. Maar as ’n landbou-onderneming is ’n groot deel van ons klantegrondslag boere. Aan die ander kant is daar net soveel wat nié boere is nie. Ons staan in die middel en verskaf ’n klomp produksiemiddele, toerusting en finansiering aan die boer sodat hy kan boer. As hy klaar geoes het, bewerkstellig ons weer marktoegang deur die hele logistieke ketting tot by die verwerkers. Die verdere voedselketting is dus ook klante van ons, en alles wat in die hele ketting gebeur, raak ons. Die droogte was…

Benewens die Ottosdal-klub se uitgebreide dekgewas- en wisselbouproewe, toets die klub ook al die afgelope twee jaar die opbrengste van plaaslike rywydtes en plantestande teenoor Argentynse praktyke. Die Argentyne plant in die algemeen baie nouer rye en teen ’n hoër plantestand. Die proefresultate het tot dusver onder meer die volgende uitgewys: ■ Wat stand betref, sê dr. André Nel, ’n onafhanklike akkerboukundige, dit wys die optimale mielieplantestand in bewaringslandbou is hoër as 30 000 plante per hektaar. ■ Plantestand het wel nie so ’n noemenswaardige invloed op die opbrengste van sonneblomme, sojabone en sorghum gehad nie. ■ In sonneblomproewe op vier lande het die opbrengs van die 0,5 m-rye die opbrengs van 0,91 m-rye met gemiddeld 130 kg per hektaar oortref. ■ In ’n sojaboon- en ’n sorghum-proef het 0,76…

Iets van ’n buffel bekoor die mens al jare lank en dit is moeilik om in woorde vas te lê. ’n Skot wat ek in 1985 in Zimbabwe ontmoet het, beskryf dit dalk die beste. “The ultimate in life is drinking single malt Scotch whisky out of cut glass and watching buffalo on the banks of the Zambezi River.” Die buffel se voortbestaan in Afrika was in die verlede onderhewig aan siektes. Teen die einde van die agttiende eeu was dit runderpes, later nagana (die Trypanosoma-bloedparasiet wat daartoe aanleiding gegee het dat groot hoeveelhede wild geskiet moes word om vektorvrye sones te skep; 1920-1965), bek-en-klouseer in die middel 1900’s en tuberkulose in die 1990’s. Runderpes het die afgelope 1 500 jaar sporadies in verskillende dele van Europa voorgekom en het…

Die landbou kan die nasionale ekonomiese groei in Zambië aandryf, sê mnr. Rob Munro, direkteur van strategie by Musika, ’n Zambiese maatskappy sonder winsoogmerk wat werk om beleggings uit die private sektor in die kleinboermark aan te wakker. Musika is ’n kernvennoot van Agritech Ekspo Zambië. Spintelligent, organiseerder van dié ekspo, het hom uitgevra. Watter landboubedrywe in Zambië is die belowendste? In die produksie en verwerking van peulgewasse is betekenisvolle geleenthede vir groei. Zambië sien ook moontlikhede vir gewasse, soos soja, grondboontjies en swartbekbone, wanneer goeie bemarkingsgeleenthede beskikbaar raak. Die beesvleissektor onderpresteer steeds erg, veral in die kleinboersektor waar kommersieel gerigte produksie van beeste aansienlik tot plaasinkomste kan bydra. Dit kan ook ’n goeie buffer voorsien teen oesmislukking weens droogte, soos in die afgelope twee landbouseisoene gebeur het. Die beesvleissektor…

In Suid-Afrika word hoofsaaklik buitelandse aartappelkultivars verbou. Dié kultivars sal dalk nie goed aangepas wees vir aardverwarming nie, sê mnr. Flip Steyn, ’n aartappelteler by die Landbounavorsingsraad (LNR). Dit gaan nie net oor die omgewingstoestande wat verander nie, maar ook die patogene en mikro-organismes wat by die omgewing aanpas. Die LNR teel nuwe kultivars om aan te pas by veranderende toestande. Hy het reeds kultivars wat hitteverdraagsaam is. “Verlede jaar het ons twee kultivars, PT1301 en PT1302, beskikbaar gestel. Die teelprogram is deurlopend en ek glo ons sal in die volgende paar jaar kultivars beskikbaar stel waarop ons elke keer sal verbeter.” Die neiging in Suid-Afrika is om aartappels aan te plant wat binne 90-100 dae geoes kan word. Die voordeel van dié kultivars is dat hul knolinisiasie en knolvulling…

Hoe het jou onderneming ontstaan? Ek het destyds met bokramlammers geboer. Ons het ’n ooitjie gekry en die kudde só begin bou. In Oktober 2010 het ek die ooitjies begin melk en kaas gemaak. Ek melk op ons plaas Jonkersfontein in ’n ou melkstal. My man, Chris, het vir my ’n loopvlak gebou en ek het twee kloustukkies waarmee ek vier ooie op ’n slag kan melk. Chris het ’n melkery (beeste) op ons ander plaas, Kruysrivier. Wat is jou boerderyfilosofie? My bokke wei op die veld en vreet onder meer baie taaibos – vandaar die kaasonderneming se naam. Ons boer so natuurlik moontlik. Die bokke is gesonder omdat hulle natuurlike weiding vreet en geen hormoonaanvullings kry nie. Watter soort bokke melk jy en hoe groot is jou kudde? Ons…

‘Wees tevrede met wat julle het. God self het gesê: “Ek sal jou nooit verlaat en jou nooit in die steek laat nie.” ’ Die Paralimpiese Spele wat elke vier jaar aangebied word sodat sportlui met gestremdhede teen mekaar kan meeding, het my al dikwels ’n klomp kykgenot verskaf danksy die tegnologie wat deur televisie benut word. Die speelgenot wat hulle uit hul deelname put, is die belangrikste rede vir my kykgenot. Met die onlangse Spele was dit weer so. Een van die sportsoorte wat ek geniet het, is ’n soort aangepaste netbal. Spelers sonder bene beweeg op hul sitvlak op ’n gladde oppervlak deur hulself op hul arms en hande van een posisie na ’n ander te verskuif. Intussen gooi hulle ’n ronde bal oor en weer totdat ’n…

Benodigdhede ■ Ballon ■ Skêr ■ Koerantpapier ■ 1 koppie meel ■ 1 koppie water ■ Akriliese verf en verfkwas ■ Viltpenne, lint of skitterpenne STYSELPAP ■ Blaas die ballon styf op en bind toe sodat die lug nie kan ontsnap nie. ■ Meng die water en die meel saam tot ’n glad-de en klontvrye styselpap vorm. ■ Skeur die koerantpapier eers in stroke en dan in blokke. PLAK MET PAP ■ Smeer klein dele van die ballon met die styselpap (dit word vinnig droog). ■ Plak blokke papier op die nat styselpap tot die hele ballon bedek is. Laat dit droog word. ■ Plak nog vier lae en laat dit droog word ná elke laag. ■ Maak seker die papier sit oral goed vas en is glad gestryk. ■…

Tafeldruifboere sien uit na ’n buitengewone oes. Die vyf produksiestreke in Suid-Afrika sal almal rekordoeste vir 2016-’17 aanteken. Die vorige rekordoes van 59 miljoen kartonhouers van 4,5 kg elk, wat in 2014-’15 behaal is, is reeds begin Maart (week 9 van 2017) verbygesteek, luidens statistieke van die Suid-Afrikaanse Tafeldruifprodusentevereniging (Sati). Volgens mnr. Clayton Swart, kommunikasiebestuurder van Sati, word ’n oes van meer as 65 miljoen kartonhouers van 4,5 kg elk vir die huidige seisoen verwag. “Dit was hoofsaaklik danksy ’n gunstige klimaat, veral in die oestyd, wat dié goeie oes teweeg gebring het. Nie al die tafeldruiwe is al geoes nie. Ons sal daarom eers teen middel April, wanneer die laaste druiwe in die Hexriviervallei geoes word, kan bevestig of boere wel die kerf van 65 miljoen kartonhouers behaal het.”…

Die vrugtebedryf is beslis in ’n groeifase as die vraag na onderstamme ’n barometer van die bedryf is. Volgens mnr. Nikko Maree, verteenwoordiger vir die Stargrow-kwekery se kernvrug-afdeling, is daar ’n groot vraag na sitrus-, kern- en steenvrug-onderstamme. “Ek dink ek praat namens alle kwekerye as ek sê boere moet betyds bestellings plaas as hulle jong boompies vir nuwe aanplantings wil hê. Die gehalte van die onderstamme deur die hele bedryf lyk goed en daar is opwindende nuwe kultivars wat in die bedryf en hier by Stargrow getoets word. “Kernvrugte met ’n rooi vlees is veral ’n gewilde produk. “Daar is tans ’n paar belowende kultivars in hierdie lyn wat geëvalueer word – ook kultivars wat groter weerstand teen siektes bied,” sê Maree. Mnr. Johan Joubert van Citrus Research International…

Die volgende ontleding van grondverkope in Suid-Afrika is van transaksies vir grond wat groter as 10 ha is in die Wes-Kaap vanaf Februarie verlede jaar tot Januarie vanjaar. Altesame 502 ooreenkomste is in 27 distrikte gesluit wat 259 184 ha teen R4,934 miljard behels het. In 12 van die distrikte is dalende prysneigings waargeneem, waarvan slegs twee in die Karoo, met sommige in die wynland en westelike deel van die provinsie. Grondpryse styg dus meestal in dié provinsie. Daarvan was 20 transaksies van kleur, 4% van die totaal. Dié soort transaksie sluit in verhandelings tussen individue (12), regeringsaankope van landbougrond (3) en grond wat vir stedelike ontwikkeling verkry is (3). Dié proses het 13 762 ha (5,3% van die totaal) teen R234 miljoen (4,7% van die totale waarde) behels. Uit…

ALGEMEEN 28-30 APRIL: Suid-Afrikaanse Kaasfees. Sandringham, Stellenbosch. Agri-Expo. E-pos: admin@agriexpo.co.za; web: www.cheese festival.co.za; tel. 021 975 4440. 16-18 MEI: Energy Revolution Africa. Tegnologie-werksessies, uitstallings, verskaffers van hernubare energie. Web: www.african-utility-week.com/era BOEREDAE 6 APRIL: Boeredag by die Meesterakkerbouer van die Jaar, Ebbi Fischer, plaas Okawatuta, Hochfeld, Namibië. Rina Hough. E-pos: rina@agrinamibia.com.na; tel. 00264 61 23 7838. 11 MEI: Voermol-boeredag by die nasionale Skaapboer van die Jaar, Julian Southey. Manor Holme, Middelburg (Oos-Kaap). Shelley Cornish. E-pos: shelley.cornish@tongaat.com, tel. 032 439 5854. 17-18 MEI: Winterskool: Hoe begin ek oor ná ’n droogte? Nasionale Weidingsforum. Boereverenigingsaal, Helmeringhausen. Lizelle Murray. E-pos: murrayzel@gmail.com; tel. 00264 63 283 309. 23 AUGUSTUS: Noord-Vrystaat SAVM se “MEGA Boere”-inligtingsdag en veiling. Kroon-Boma, Kroonstad. Neline Pienaar. E-pos: Bennieneline@eleo.co.za; sel 082 440 4492. Met die samewerking van die boerevereniging van die Afrikaanse…

Om vandag in Suid-Afrika te oorleef, moet jy baie dinge kleinkry. Ons het byvoorbeeld ’n President wat blykbaar bereid is om die land oor die afgrond te trek vir sy eie gewin, terwyl yslike probleme waarmee ons te kampe het, soos plaasmoorde, min of geen aandag kry. Volgens die TLU SA se statistieke het plaasaanvalle in die afgelope dekade met 350% toegeneem. In Januarie en Februarie is 26 mense op plase vermoor, teenoor 71 mense in die hele verlede jaar. Dr. Johan Burger van die Instituut vir Sekerheidstudies sê sowat 97 boere van alle rassegroepe, uitgedruk per 100 000 van die bevolking, is in die boekjaar 2015-’16 vermoor, teenoor 52 polisielede per 100 000 en 34 van alle Suid-Afrikaners per 100 000. Dit is dus twee keer so gevaarlik om…

LANDBOUGROND IN SA: 34,5% IN SWART BESIT Swart eienaars besit tans 34,5% van die bewerkbare landbougrond in Suid-Afrika, terwyl wit kommersiële boere 65,5% bewerk. Dié inligting kom uit ’n omvattende oudit oor grondeienaarskap in Suid-Afrika. Mnr. Johann Bornman, ’n ekonoom en voorsitter van Agri Development Solutions (ADS), doen dié oudit met die samewerking van Landbou.com en Landbouweekblad. LOUIS MEINTJES skryf: Die TLU SA beskik oor grondbesitdata wat deur die Ontwikkelingsbank vir die staat ingesamel is. Dit is soos dit in 2001 was. Daarvolgens was 20,2 % van die grond in swart besit, 44,08% in wit besit, 1,03% in Indiërbesit, 9,37% in Kleurlingbesit en 25,33% in staatsbesit. Dit beteken van die totale grond in Suid-Afrika was 56% in anderskleuriges se besit. Tel dit wat sedert 2001 verhandel het by, en die…

‘Mense sal hul eie bates skep as hulle net op die veld kan speel.’ MENSE wat destyds van elders na Suid-Afrika gemigreer het, moet tot die land se voordeel gebruik word, veral om grondhervorming en transformasie te laat slaag, pleks van om ’n politieke speelbal te raak. Só sê prof. Mohammad Karaan, dekaan van die fakulteit landbouwetenskappe aan die Universiteit Stellenbosch. Hy sê Amerikaners (en Suid-Afrikaners ook) moenie vergeet dat Amerika nié deur inheemse Amerikaners “wonderlik” gemaak is nie, maar deur die slimste mense wat uit die res van die wêreld soontoe getrek het. “Dieselfde geld by ons. Mense wat hierheen geïmmigreer het uit die Noordelike Halfrond, die Ooste en so aan, het die tipe energie gebring wat plaaslike mense aangesteek het om internasionale mededingers te word.” RYKDOM Volgens hom…

1 ZIMBABWE| Grootkop ‘vind baat’ by staatsprojek Prof. Jonathan Moyo, Zimbabwe se minister van tersiêre onderwys, wetenskap en tegnologie is een van die grootste kritici van Zimbabwe se omstrede sentraalbeheerde landbouprojek (CAP). Tog blyk hy egter groot geld uit dié projek te maak. ’n Zimbabwiese koerant berig Moyo het meer as die helfte van sy plaas, Elephant Trust, in Mazowe met mielies beplant met produksiemiddele van CAP. Moyo en sy vrou het blykbaar tydens die planttyd diesel, mieliesaad, kunsmis en onkruiddoder van depots in Concession, Mazowe, Bindura en Harare gekry. Intussen het hy op sosiale media fel kritiek teen die projek uitgespreek. Daar is berig Moyo se plaas het van die beste mielie-oeste in sentraal-Mashonaland, maar dis nie bekend presies hoeveel geld hy uit die projek gekry het nie. Volgens…

DIE WRSA moet sy sake in orde kry en dringend strategieë instel om wildboerdery se stempel op die landbou- en biodiversiteitsekonomie af te druk. So sê mnr. Norman Adami, (foto), voorsitter van bedryfsontwikkeling by die WRSA, wat op die organisasie se kongres ’n tienpuntplan uiteengesit het om die bedryf te laat herleef. Onder dié punte is markontwikkeling omdat die wildbedryf nie eenvoudig prysnemers is wat net op vraag en aanbod van ’n kommoditeit konsentreer nie. “Ons moet ook daarop konsentreer om die vraag te ontwikkel, terwyl ons die verskaffingskant se produktiwiteit bestuur.” Hy sê die bedryf moet dus vroegtydig optree om saam met die Regering markgeleenthede aan te gryp en groei te stimuleer. RENOSTERHORING Die organisasie werk ook hard daaraan om die handel in renosterhoring gewettig te kry. “Hoewel nie…

Om vandag naam te maak in ’n uiters mededingende stoeterybedryf durf ’n teler nie anders as om daarna te streef om net die beste teelmateriaal te teel én te bekom nie. “Daarmee saam gaan fyn bestuur, soos prestasietoetsing en uitstekende bloedlyne, hand aan hand,” sê mnr. Nollie Stofberg van Swartwalle naby Worcester. Tot enkele jare gelede was Platdrif, die Sussexstoetery, wat hy en sy seun Pieter bedryf, nie ver buite die grens van die Wes-Kaap bekend nie. Vandag is hul diere landwyd én in Namibië gesog. “Omdat landbougrond in die Wes-Kaap beperk en duur is, is ons genoodsaak om hektare te maksimaliseer deur vertikaal pleks van horisontaal uit te brei. Ons kan 75 top-Sussexteeldiere op ons beskikbare grond aanhou. Ons hou by die getal, maar verbeter geneties deur die kudde…

Hoekom juis Dorpers na Rusland? Rusland het baie skaaprasse oorweeg en ook ander lande besoek voordat hulle Suid-Afrika genader het. Ná al die navorsing was daar vir hulle geen ander opsie as die Dorperras nie. Hoewel Dorpers al in meer as 50 ander lande reg oor die wêreld voorkom, het ons steeds die beste teelmateriaal en natuurlik die getalle ook. Die belangrikste aspek vir Rusland was dat die Dorper-skaaptelersgenootskap alle diere sal inspekteer en goedkeur. Word lewende skape van enige ras reeds uit Suid-Afrika verskeep? Ons voer van tyd tot tyd lewende diere uit, maar gebruik net lugvervoer en soms padvervoer na naburige Afrika-lande. Hoewel lugvervoer duur is, is dit baie vinniger en minder stresvol. ’n Vlug van Suid-Afrika na Rusland duur slegs 14 uur met ’n Boeing 777 met…

PARASIETBEKAMPING BESTRY PARASIETE MET EEN BEHANDELING Attila (reg.nr. G4197, Wet 36 van 1947) is ’n nuwe antiparasitiese opgietmiddel wat uitwendige sowel as inwendige parasiete by beeste bestry. Dit bevat ’n unieke kombinasie van twee aktiewe bestanddele, naamlik fiproniel en abamektien, en bied totale bosluisbekamping, asook breëspektrum-rondewurmbekamping. Fiproniel is ’n splinternuwe aktiewe bestanddeel wat geregistreer is vir bosluisbekamping by beeste in Suid-Afrika. Attila het ’n geregistreerde nawerkende aksie en is getoets en geregistreer vir gebruik teen peritroïed-weerstandige bloubosluise en multigasheerbosluise, soos rooipootbosluis, bontbosluis, bontpootbosluis en bruinoorbosluis. Wat inwendige parasiete betref, is Attila geregistreer vir die bestryding van rondewurms, insluitende haarwurm, bruinmaagwurm, haakwurm, maagbankrotwurm, knoppieswurm en beesbankrotwurm. Attila is ’n gereed-om-te-gebruik-opgietmiddel. Dit word in twee strepe aangewend – aan albei kante van die werwelkanaal van die kopkroon tot die stertwortel. Die aanbevole…

AFGRI Landboudienste werk nouer saam met boere, nie net deur opleiding van opkomende boere nie, maar ook deur adviesforumgroepe om kwessies te bespreek. Mnr. Tinus Prinsloo, hoof uitvoerende beampte, is verantwoordelik vir alle landbou-afdelings binne AFGRI Holdings wat van April af in sy portefeulje val. Dit sluit die afdelings binne die groep in wat regstreeks met die boer te doen het, naamlik: ■ AFGRI Graanbestuur; ■ AFGRI Meganisasie; ■ UNIGRO Finansiële dienste; ■ Harvest Time Investment; en ■ Hinterland. Tinus sê hulle streef by AFGRI na deurlopende vooruitgang, ontwikkeling, vernuwing en om hul visie vir voedselsekerheid in Suid-Afrika en die res van Afrika uit te leef. AFGRI het reeds 94 jaar ondervinding en het ’n omvattende kennis van die landbou. “Dit is meer as net ons werk – dit is…

Monotec, wat MONOSEM-planters vir toestande vir Suid-Afrika vervaardig en versprei, het sy eerste Twin-Row-planter vir geenbewerking gebou (vir mnr. Leon Röhrs, eienaar van Drakensberg-landboudienste in KwaZulu-Natal). Monotec se planters vaar baie goed met Twin-Row- en geenbewerkingplantmetodes danksy robuuste raamkonstruksie en MONOSEM se gepatenteerde vakuumsaadmeter. Leon het van einde November verlede jaar tot begin Januarie sojabone en mielies op 250 ha versprei oor ses plase geplant. Die grond het gewissel van nat tot droog en klipperig. Die planter het vier pare MONOSEM Twin-Row-eenhede wat pitte in ’n 21 cm-breë steierpatroon plaas, en agt kouter-entandeenhede vir kunsmisplasing. MONOSEM se wegbreektand het optimale grondbinnedringing verseker en kunsmis is op die ideale diepte geplaas. Die Twin-Row-eenheid het verseker dat optimale grondkontak bereik word en opkoms byna 100% eweredig is. Weens lae damvlakke in die…

Tegnologie kan ’n groot rol speel in die suksesvolle hantering van probleme en risiko’s in die landboubedryf. Toerusting, soos trekkers en geïntegreerde presisieplanters en -stropers met bypassende programme, verbeter jaarliks. Datawetenskap raak ál belangriker, want nuwe tegnologie maak die insameling van nog data moontlik. Na verwagting gaan die gebruik, toepassing en hou van landbou- en produksiedata die bedryf in sy geheel verander. Monsanto is op hoogte van nuwe neigings. In sy produkontwikkeling soek hy na oplossings om boere te help om hul probleme beter en makliker te bestuur. Die maatskappy is verbind tot die ontwikkeling van ’n reeks geintegreerde oplossings om boere te ondersteun. Sy navorsing lê klem op die verbetering van boere se produktiwiteit, ongeag die grootte van hul onderneming en die manier waarop hulle verkies om voedsel te…

Deesdae raak dit al hoe belangriker om te weet waar jou kos vandaan kom om ’n ingeligte besluit in die supermark te neem. Gelukkig ken ek ons melkverskaffers – Milkshake en Daisy – sommer baie goed. Ek het die afgelope week ’n baie ou Italiaanse kaasresep probeer naboots waarin ’n vyeboom se sap pleks van rennien, wat gewoonlik van ’n jong dier se maag onttrek word, gebruik word om kaas te maak. My outydse resep het ’n paar keer ’n mislukking opgelewer, en teen die tyd toe ek vertroue in die resep verloor het, was Daisy en Milkshake al flou gemelk. Hulle wou ook niks meer van die bitter vyekaas weet nie. Kortweg, die resep werk nie en die eindproduk is regtig verskriklik bitter. Ek keer toe maar terug na…

Vir nog inligting oor die siektes en toestande besoek www.landbou.com en klik op Indeks van Antwoorde. DIERESIEKTES , soos knopvelsiekte, drie-dae-stywesiekte, bloutong, Afrika- en Asiatiese rooiwater, hartwater en galsiekte, wat nou op groot skaal uitbreek, kan vermy word mits boere hul vee voorkomend ingeënt het. Hierdie siektes neem skerp toe in gebiede wat goeie reën gekry het, sê dr. Faffa Malan, bestuurder van die Herkouerveterinêre Vereniging van Suid-Afrika (Ruvasa), in sy Februarieverslag oor veesiektes. Daar is goeie entstowwe vir die meeste siektes verkrygbaar en boere behoort nou reeds planne te beraam om hul vee betyds voor volgende somer in te ent. Anders as wat sommige boere glo, doen nie net skape bloutong op nie, maar ook beeste en inheemse wild, hoewel hulle nie simptome toon nie. Hulle speel ’n rol…

APRIL SENEKAL 6-8, Senekal-skou. Perdeskou (alle perderasse en beginnerruiters welkom), beeste, skape, hoenders, kindervermaak, skaapskeerdemonstrasie, uitstallings van ou werktuie en karre en vele meer. Stalletjies en bemarking: Marcel de Kock, sel 083 980 7232; Leigh-Ann van Rensburg, sel 082 854 4546. Voorsitter: Piet Coetzer, sel 073 852 7420. ERMELO 10-12, Hoëveld: SA Boerperd-streekskampioenskap. Ermelo. Petro Grové, sel 082 551 3221. Web: www.saboerperd.com CLANWILLIAM 20-22, Clanwilliam-ekspo. SA Vlaamperd-streekskou. Perde: Heinie Nieuwoudt, heinie.nieuwoudt@sfp advice.co.za, sel 073 969 2272. Kleinvee: Damara, Dorper, Boerbok, SA Vleismerino: Joubert van der Merwe, hjvdm@mylan.co.za, sel 027 482 2833. Stalletjies: Jevon Kotze, kotzejevon@gmail.com, sel 071 752 1255. Sekretaris en vermaak: Renier Zeelie, clanwilliamexpo@gmail.com; web: www.clan williamskou.webs.com; sel 084 452 3012. LICHTENBURG 26-29, Eeufeesskou. Beeste: Simmentaler (nasionaal), Brahman en Limousin (streek) en ander rasse. Kleinvee: verskeie rasse. Derick. E-pos: derick@xourel.co.za; sel…