Innehållsförteckning för 07-Jul-17 från Landbouweekblad

IS grondhervorming die beste manier om welvaart te skep vir die-gene wat histories verontreg is? Dink aan die wêreld se snelgroeiendste maatskappye, soos Airbnb: Dit is die wêreld se grootste diens wat verblyf verskaf sonder om enige eiendom te besit. Vir Airbnb en baie ander sogenoemde eenhoring-maatskappye wat ongelooflike welvaart vir hul stigters en aandeelhouers geskep het, is dit nie grond of fisieke eiendom wat welvaart skep nie, maar wetenskap en tegnologie. Prof. Alois Mlambo van die Universiteit van Pretoria het op ’n onlangse beraad met die tema “Decolonising Africa” by die Universiteit van die Vrystaat gesê Indië en China – wat albei gekoloniseer was – groei nie vinniger as 5% omdat hulle grond herverdeel het nie; hulle gedy omdat hulle wetenskap en tegnologie omarm het. In die akademiese jaar…

DIE bekende Appletiser-aanleg op Grabouw sal na verwagting sy jaarlikse produksie teen Oktober kan verdubbel ná hy in die koeldrankmaatskappy Coca-Cola Beverages SA se voorsieningsketting geïntegreer is. Buiten die vonkel-vrugtesap, soos Appletiser en Grapetiser, waarvoor Appletiser SA bekend is, gaan dié aanleg nou ook ander Coca-Cola-produkte vervaardig. Dit volg ná ’n samesmelting van die Coca-Cola Company met ’n deel van SABMiller en Gutsche Family Investments in Mei verlede jaar. Die nuwe entiteit heet Coca-Cola Beverages SA (CCBSA). Die Regering het streng voorwaardes aan dié transaksie gekoppel. Minstens 80% van die appels, pere, druiwe en ander vrugte wat in sapkonsentraat gebruik word, moet plaaslik verbou word. Sedert die samesmelting in Mei verlede jaar het Appletiser se kontraktuele verpligting om plaaslike druiwe vir sy Grapetiser-produk te gebruik, van 11% tot 43% gestyg.…

’N BYKOMENDE belasting op grond sal beteken dat boere dubbel vir hul grond belas word, wat uiteindelik voedselsekerheid in gedrang sal bring, meen Agri SA. Hoewel Suid-Afrika reeds drie vorms van welvaartbelasting het, naamlik boedel-, skenkingsen oordragbelasting, ondersoek die Regering bykomende belastingmoontlikhede, siende dat dié belastings net 1% tot die belastingkoffer bydra. Die bykomende belasting wat ondersoek word, is ’n belasting op grond, ’n nasionale belasting op die waarde van ’n eiendom (dit is bo en behalwe erfbelasting) en ’n jaarlikse welvaartbelasting wat op ryk mense gerig is. Mnr. Omri van Zyl, uitvoerende hoof van Agri SA, sê dit is beslis nie nou die tyd om enige belasting in te stel wat ekonomiese groei sal beperk nie. Politieke onstabiliteit, hoë werkloosheid en afgraderings van Suid-Afrika se soewereine skuld tot rommelstatus…

SUID-AFRIK A lyk steeds vir buitelandse beleggers “interessant” ondanks kredietafgraderings, sy tegniese ekonomiese resessie en die kabinetskommeling vroeër vanjaar. Mnr. Lesiba Mothata, hoofekonoom van Investment Solutions, het op die AVI Africapluimveekonferensie gesê buitelanders het ’n beter siening van Suid-Afrika as wat Suid-Afrikaners self het. Om te verstaan hoekom die rand ondanks terugslae nog verbasend sterk is, moet ’n mens onthou dat opbrengs op beleggings in die ontwikkelde wêreld laag tot negatief is. Daarom kyk buitelandse beleggers na staatseffekte en aandelebeleggings in opkomende markte. Vergeleke met Rusland, Brasilië en China lyk Suid-Afrika interessant, het Mothata gesê. Suid-Afrika se goeie fisieke en institusionele infrastruktuur kan nie oornag vernietig word nie. Hy het gesê beleggers beskou sekere lande wat deur graderingsagentskappe afgegradeer is, as “gevalle engele” wat die vermoë het om te reageer…

DAAR is groot potensiaal om wolproduksie met minstens ’n verdere 22,5 miljoen kg te verhoog, sê mnr. Louis de Beer, uitvoerende hoof van Cape Wools SA. Cape Wools het ’n projek begin om Suid-Afrika se produksie uit te brei. Voorlopige syfers toon dat wolproduksie die afgelope seisoen met 5% tot nagenoeg 52,5 miljoen kg gestyg het. “Die plaaslike bedryf het dieselfde infrastruktuur wat hy gehad het toe produksie naby 100 miljoen kg was. Die bedryf kan dus maklik ’n groter skeersel hanteer. Trouens, makelaars het meer wol nodig om hul koste te verlaag, wat vir die wolboer voordelig sal wees, “ sê De Beer. Daar is geen twyfel nie dat die mark meer wol kan hanteer. “Produksie oor die wêreld heen is op ’n historiese laagtepunt. Daarbenewens is die woltekstielpyplyn…

Die nuut afgekondigde tarief van R947,20/ton verskil van die berekende tarief/reg op koring van R483,76/ton, soos van toepassing op 23 Junie. Dit is die datum waarop die tarief in die Staatskoerant aangekondig is. Dit dui aan dat daar binnekort ’n verdere aankondiging in die Staatskoerant kan wees om die nuwe koringtarief van R483,76/ton aan te kondig. Die koringtarief het sedert 31 Maart 2016 tot die dag voor die aankondiging van die nuwe tarief R1190,20/ton beloop. Die nuwe tarief van R947,20/ton is dus R243 laer as die vorige tarief van R1 190,20/ton. Die berekende ongepubliseerde tarief van R483,76/ton is R706/ton laer as die vorige tarief. Laasgenoemde kan nog aangekondig word. Die berekende tarief van R483,76/ton in die TABEL is op 23 Junie volgens die nuwe tariefformule bereken. Die gepubliseerde tarief wat…

Minimumbewerking het eintlik by ons uitgewaai, sê mnr. Johan van Huyssteen jr. van die plaas Bloekom, langs Merriespruit buite Virginia, spottend. Dié Vrystaatse Jongboer van 2017 verbou in ’n redelik genadelose gebied mielies. Die Vrystaatse Goudveld het wel diep sandgrond, maar dit verg hoë insetkoste en word dikwels deur ’n midsomerdroogte getref wat ’n mielieboer se inkomstestaat maklik binne een jaar vanaf diep in die swart na diep in die rooi swaai. Met grond wat meestal ’n klei-inhoud van 5% tot 8% het, en net ’n paar lande met sowat 12% klei, is waailande ’n algemene probleem. Johan en sy pa, Johan sr., het al ’n paar jaar gelede agtergekom dit baat nie om net ’n geenbewerkingsplanter te koop nie; die groter kwessie is om jou lande deur die jaar…

Onkruide en onkruiddoders se gevolge, oftewel nagevolge, strek in meer gevalle as wat ons kan of wil glo verder as die seisoen waarin onkruide gegroei en onkruiddoders gebruik is. Die oordraging van onkruidsade in die grond lei tot ’n verhoging in die koste van onkruidbestryding en opbrengsverliese in die daaropvolgende seisoen, en selfs verdere seisoene, terwyl die nawerking van grondgedraagde onkruiddoderreste skade aan gevoelige opvolggewasse kan berokken. DIE ROL VAN GRONDTEMPERATUUR, -VOG EN MIKROÖRGANISMES Hoewel onkruidsaad biologies en onkruiddoders chemies van aard is, beïnvloed verskeie biologiese, chemiese en fisiese faktore die lotsbestemming van sade én onkruiddoders wat in die grond aanwesig is. Die “saadbank” van onkruidsade in die grond is blootgestel aan ongunstige temperature en vog wat óf te hoog óf te laag kan wees vir die behoud van kiemkrag.…

PERDE WIL NIE HOOI VREET Ons het oulandsgras en tef op ons plaas geplant. Verlede jaar se tef het goed verkoop en ons het hooi aan drie perdestalle in die Laeveld voorsien. Vanjaar het dit baie gereën en ons kon eers laat in die land kom om te sny. Ons kon net een laat snysel afkry weens die nat lande. Ons het nou van die drie stalle klagtes gekry dat hul perde koliek kry en nie die gras wil eet nie. Die bale word in ’n droë plek opgeberg en die gras was goed bemes. Ek is raadop en weet nie wat fout is nie. Uit die boer se inligting en uit die laboratoriumresultate kan afleidings gemaak word. Om goeie hooi te maak, moet die gras in die vroeë blomstadium…

Hoewel die Van der Westhuijzen-familie al sedert 1898 op Rozenburg woon en die geskiedenis van hul plaas goed ken, ontbreek inligting oor die indrukwekkende skilderye in die “skildersaal” aan die suidekant van die huis. Oor die meeste aanbouings op die plaas is daar verhale, maar geen rekord van dié muurskilderye nie. Agt groot skilderye beeld Europese tonele uit met berge, kastele, die see, bote en tuine as deurlopende tema. Verskeie reghoekige skilderye hoog teen die muur wissel die langwerpiges af. Elke skildery het sy eie geverfde raam. ’n Leeu pryk bo die eetkamerdeur en ’n arend met ’n sleutel in die snawel bo elke groot skildery. Volgens me. Anna van der Westhuijzen, wie se man Pieter, die derde geslag op die plaas is, bring die skilderye vir die familie se…

Identiteit is daardie moeilik definieerbare woord wat vir jou sê wie jy is, waar jy vandaan kom, wat jou leefinhoud is en waarom jy is wat jy is. ’n Identiteitskrisis ontstaan waneer jy nie meer antwoorde kan gee op die bogenoemde vrae nie; wanneer jy nie meer seker is van jouself nie, jou afkoms nie meer belangrik is nie en jou toekoms nie saak maak. Ja, toegegee, ’n mens kan ook jou identiteit te hoog ophang. Dan verval jy maklik in snobisme. Jy sluit dan mense uit bloot omdat hulle nie is wat jy is nie. Te veel of te min identiteitsbewustheid kan jou lewensgehalte nadelig beïnvloed. “Wees jouself! sê iemand, maar hy kon nie, want hy was Meneer Niemand.” Ek het hierdie gesegde raakgelees en dit som vir my…

INTERNASIONAAL: Die mielieprys op die Chicago-graanbeurs het met 2,3%, of $3,40/t, tot $146,48/t teenoor die vorige week gedaal. Op ’n jaargrondslag is dit 8,6%, of $13,77/t, laer. Verwagte pryse: Julie –$141,73/ t (R1 841/t), September – $144,72/t (R1 880/t), Desember – $148,58/t (R1 930/t), Maart –$152,51/t (R1 981/t). PLAASLIK: Die Safexprys van wit mielies het met 2,3% tot R1 703/t teenoor die vorige week gedaal. Die prys van geel mielies het met 1,8% tot R1 830/t gedaal. Op ’n jaargrondslag is die prys van wit mielies 63,5%, of R2 967/t, laer, terwyl die prys van geel mielies 47,9%, of R1 685/t, laer is. Verwagte witmieliepryse: Jul. – R1 713/t, Sept. – R1 775/t, Des. – R1 829/t, Mrt. – R1 883/t. Verwagte geelmieliepryse: Jul. – R1 845/t, Sept. – R1…

Die volgende ontleding van grondverkope in Suid-Afrika is van transaksies in die Oos-Kaap vir die twaalf maande tot April vanjaar vir grond wat groter as 10 ha is. In dié tyd is 344 ooreenkomste in 34 distrikte gesluit, wat 203 564 ha teen R2,102 miljard behels het. In 15 (44,1%) van die distrikte is dalende prysneigings waargeneem – ’n duidelike weerspieëling van die invloed van die moeilike landboutoestande in dié provinsie. Uit die totale ooreenkomste was 48 transaksies van kleur, 14% van die totaal. Dié soort transaksies sluit in verhandelings tussen individue (36), regeringsaankope van landbougrond (4) en grond verkry vir munisipale gebiede (8). In dié transaksies is 28 425 ha, oftewel 15,5%, ter sprake teen R327 miljoen. Uit die totaal was 84 (24%) transaksies vir grond kleiner as 50…

BOEREDAE 22 JULIE: Swartland-ploegdag, aangebied deur die Wes-Kaapse Veteraantrekker-en-enjinklub. Môreson. Hennie Richter, e-pos: sekr.wk@telkomsa.net 9 AUGUSTUS: Gauteng-suiweldag. Belnori-boetiekkaasmakery, Bapsfontein (Gauteng). Sprekers sluit in Benita Bekker van Bloemfontein, Kobus Mulder van Kaapstad, Leon Kruger van die LNR Irene, dr. Brylene Chitsunge en dr. Chris van Dijk. Daar sal ook praktiese hoefsny- en onthoorningdemonstrasies wees. Verskaffers van onder meer dierevoer, dieremedisyne, benodigdhede vir kaasmakery en sonkragverhitting sal stalletjies hê. Besprekings noodsaaklik. E-pos: Belnori220@gmail.com; tel. 082 377 5698. 11-12 AUGUSTUS: Wes-Kaapse Veteraantrekker-en-enjinklub se ekspo. Villiersdorp. Hennie Richter, e-pos: sekr.wk@telkomsa.net 17-19 AUGUSTUS: Sentraal Boerbok-veiling en -ekspo. Afridome, Parys. Caroll-Ann Mienie, sel 079 477 4416; e-pos: admin@afridome.co.za. 23 AUGUSTUS: Noord-Vrystaat SAVM se “MEGA Boere”-inligtingsdag en veiling. Kroon-Boma, Kroonstad. Sprekers: Hendrik van Pletzen (Genetiese vooruitgang danksy gehalteramme en die ekonomie), dr. Faffa Malan (Johne se siekte,…

60 + 10 Dit is onwaarskynlik dat enige van die 60 poste vir “geskooldes” en 10 bestuursposte wat beplan word vir die bou en bedryf van ’n steenkoolmyn in die kwesbare Mabola-vleiland in Mpumalanga uit die plaaslike gemeenskap sal kom. Dít is volgens die aansoek van die mynmaatskappy Atha Africa, ’n filiaal van ’n Indiese maatskappy. Bewaringsgroepe bring tans ’n hofaansoek teen dié plan. — Sentrum vir Omgewingsreg 8,7% Die vooruitskouing vir die kommersiële sojaboon-oes is met 8,7% verhoog van die vorige oesskatting, van 1,23 miljoen ton tot 1,34 miljoen ton, wat op 573 950 ha geplant is. Saaiboere in die somergraangebiede het vanjaar 12% meer hektare met soja beplant as verlede jaar. Die mielie-oesskatting is onveranderd gelaat op 15,631 miljoen ton op 1,643 miljoen hektaar. — Oesskattingskomitee R299,99/kg ’n…

‘Boere koop dan twee of drie bokse antibiotika en spuit hul diere elke maand in. Dit kan nie so aangaan nie.’ MNR. CAS BREEDT, voorsitter van die Noordwesdieregesondheidsforum, oor die groeiende hartwaterkrisis in dié provinsie. Bl. 15 ‘Ek vermoed met die donderweer wat ons in April gekry het, het die kanolasaad ontkiem en daarna doodgegaan.’ MNR. ANDRÉ KARSTEN, ’n graanboer van Darling, oor die swak ontkieming van kanola in die Swartland. Bl. 16 ‘Die reën sal weer kom en daarmee saam sukses.’ MNR. ANDRIES GREEFF, voorsitter van die Suid-Afrikaanse Sybokhaarkwekersvereniging (SASKV), oor die afgelope moeilike produksieseisoen. Bl. 21 ‘ ’n Mens kan wilde voëls nie keer om te vlieg nie.’ MNR. KEVIN LOVELL, uitvoerende hoof van die SA Pluimveevereniging, oor die uitbreking van hoogs aansteeklike voëlgriep in Suid-Afrika. Bl. 14…

ZUMA: GEEN TITELAKTES NOU VIR SWART BOERE Die tyd is nie nou reg vir swart boere om titelaktes te kry nie, het pres. Jacob Zuma in die Nasionale Vergadering gesê. SEKELBOS skryf: Ons moet besef die Regering/ANC sit met ’n groot dilemma. Zebediela is ’n voorbeeld daarvan. Gee vir ’n gemeenskap grond en ’n jare lange twis breek uit, want almal wil die baas van die plaas wees. Gee dit vir ’n individu en die kans is meer as 90% dat hy gaan misluk, want hy het nie die kennis, ondervinding, kapitaal en ondersteuning van die staat nie. Gemeenskappe hou ook nie daarvan dat ’n enkeling bevoordeel word nie en kom in opstand. Nou hou die Regering die grond in sy hande en hoop ’n feëtjie sal eendag al bogenoemde…

DIT is belaglik dat dit langer as drie maande duur om ’n veeartsenykundige middel te registreer as al die dokumente ter stawing van die produk in orde is, sê dr. Pieter Vervoort, voorsitter van die Nasionale Dieregesondheidsforum (NAHF). Tog kon die forum ondanks gereelde vergaderings met Onderstepoort Biologiese Produkte (OBP) en die Landbounavorsingsraad se instituut vir veeartsenykunde nog nie vasstel of die registrasieproses die rede is vir die vertraagde kommersialisering van die OBP se hartwater-entstof nie. Die forum het ’n komitee op die been gebring om die produksie van die entstof te bespoedig. Hy beoog om studente van die Universiteit van Pretoria te be-trek om daarmee te help. BOKHAAR Vervoort het gewaarsku dat hart-water in ’n groot probleem ontaard – veral in dele van die land waar dit nooit voorheen…

’N TARIEF van R947,21 per ton op ingevoerde koring is op 23 Junie afgekondig. Dit is ’n verlaging van R242,98/t teenoor die vorige tarief van R1 190,19/t. Die aankondiging volg op ’n hersiening van die manier waarop die tarief bereken is, soos deur die Minister van Finansies in April 2016 aangevra. Volgens Perspektief, Graan SA se weeklikse nuusbrief, moes dié organisasie weer met ’n regsproses begin om die koringtarief af te dwing. Die veranderlike formule bly van toepassing, maar twee van die veranderlikes, die verwysingsprys en wisselkoers, is aangepas. Die verwysingsprys is verlaag van $294/t tot $279/t. Om voorsiening te maak vir die uitwerking van inflasie of ongunstige wisselkoersskommelinge gaan die Kommissie vir Internasionale Handelsadministrasie (Itac) voortaan die reële effektiewe wisselkoersindeks gebruik, soos dit deur die Suid-Afrikaanse Reserwebank bekend gemaak…

Mnr. Wouter Heyns van die plaas Uplands by Cradock is vanjaar se wenner in die suidelike streek in die 20 ton-klub-mieliekompetisie van Cradock Saadverspreiders. Sy opbrengs van 23,05 t/ha is net effens minder as die nasionale rekord van 23,92 t/ha wat verlede jaar deur mnr. Erich Cloete van die plaas Sanctuary in dieselfde distrik opgestel is. Die naaswenner is mnr. Zirk Scheepers (foto links) van die plaas Wonderkop, Cradock, wat 22,98 t/ha geoes het. Scheepers was drie jaar gelede die algehele wenner met ’n opbrengs van 22,5 t/ha. Mnr. Dirk Visser (middel), eienaar van Cradock Saadverspreiders, het by die oorhandiging van die pryse op 24 Junie gesê sedert die kompetisie vier jaar gelede ingestel is, het dit ’n groot bydrae gelewer om beter opbrengste te behaal. “Boere wat daaraan deelneem,…

DIE termynkontrakte vir Merinowol wat deur die JSE Bpk. se mark vir afgeleide kommoditeite bekend gestel is, kan help om wolboere teen pryswisselings te beskerm, sê mnr. Louis de Beer, uitvoerende hoof van Cape Wools SA. De Beer sê die Merinokontrak is nie ’n instrument van Safex (South African Futures Exchange) nie. Die prys waarteen ’n wolkontrak afgelos sal word, sal op Cape Wools se Merino-aanwyser gegrond word. Dié aanwyser weerspieel bewegings in die wolprys en word bereken deur ’n geweegde gemiddelde prys te bepaal van ’n gespesifiseerde hoeveelheid en tipes wol (wolmandjie) wat op ’n spesifieke wolveiling verkoop word, wat dan met dié van ’n vorige veiling vergelyk word. Vier verskansingsmaande is vir notering beskikbaar, naamlik Maart, Junie, September en Desember. Die grootte van ’n kontrak is 1 000…

Indien jy een ding uit jou huis kon red in geval van ’n brand, wat sal dit wees? Baie van ons het al dié vraag gevra. Vir die inwoners van Knysna en omstreke was dit egter nie eens ’n opsie nie, want die brande het net te vinnig gekom. Met almal langs die Tuinroete wat nou hul lewens moet herbou, gaan ons harte uit na die naasbestaandes van dié wat hul lewe verloor het en ons is saam stomgeslaan met dié wat alles verloor het. Met miljarde rande se skade, moet ons vra of ons iets uit dié tragedie kan leer. Niks is so verwoestend soos ’n natuurramp nie, en niks gebeur so vinnig nie. Ooggetuies vertel hoe die vuur binne sekondes oor paaie en selfs oor die monding van…

Die granaatblaarrolmyt (Aceria granati) kan baie skade aan jong granaatbome aanrig. Die Landbounavorsingsraad (LNR) se Instituut vir Plantbeskerming het onlangs die voorkoms van die myt op jong, kommersiële granaataanplantings op ’n plaas in die Hardap-besproeiingskema buite Mariëntal, Namibië, bevestig. Die simptome was wydverspreid in die aanplantings. Die myt is ’n bekende plaag op granate (Punica granatum). Dit is al sedert die 1890’s in die Middellandse See-streek bekend, en kom waarskynlik, nes granate, oorspronklik van Persië (die hedendaagse Iran) af. Dit kom vandag oral voor waar granate verbou word — ook wydverspreid in Suid-Afrika. Dié myte is baie gasheerspesifiek en een soort kom gewoonlik net op een plantsoort voor. Die myte op granate sal dus nie op ’n ander plant oorleef of simptome veroorsaak nie, en moes Suid-Afrika saam met granaatmateriaal…

Só lyk Taltec se nuwe spuitdipstelsel vir beeste. Die tenk van 650 liter waarin die spuitstof is, is deel van die onderstel en kan as ’n eenheid van veepos tot veepos verskuif word. Die tenk hou genoeg dipstof om 100-120 beeste te dip. Elke bees wat deur die dipstelsel beweeg, word deur 25 spuitkoppe van onder, bo en die kante bespuit. ’n Elektriese pomp handhaaf ’n hoë vloeitempo om die dipproses doeltreffend te maak. PRYS: R39 900. NAVRAE: Teltec, Brits, tel. 012 250 2188. Altech SA, wat die Ierse Keenan-werktuie versprei, het sy InTouch-stelsel bekend gestel. Daarvolgens kan Altech se voedingkundiges die rantsoensamestelling van Keenan-voerkarre monitor en vir die boer aanbevelings maak. Saam met die aankoop van sy voermengerreeks bied Altech ’n jaar lank gratis toegang tot dié stelsel en…

BRANDSIEKTE BY HONDE My foksterriër van een jaar oud het brandsiekte vandat hy gebore is. By die veearts het hy inspuitings gekry en ’n salf en dipmiddel wat ek een keer per maand gebruik. Die brandsiekte kom egter altyd weer terug. Kan so ’n hondjie met brandsiekte genees word? Brandsiekte in honde word veroorsaak deur ’n myt met die naam van Demodex. Die myt word onder ’n mikroskoop gediagnoseer nadat velskraapsels gemaak is en lyk soos ’n klein krokodil. Die probleem word gereeld in honde jonger as ses maande gediagnoseer en kan baie moeilik wees om te behandel. Die myte veroorsaak die verlies van hare in klein kolletjies en die hondjies krap gereeld. ’n Hond kan al die hare op sy lyf verloor weens die mytinfeksie. Die behandeling vir die…

Gerolde hoenderpastei Ons is gewoond aan hoenderpastei met vlokkige skilferkorsdeeg of botterige broskorsdeeg. Maar filodeeg pas net so goed daarby en sorg vir ’n lekker afwisseling op die tradisionele manier van hoenderpastei maak. Hoendervulsel ■ 2 groot, heel hoenders ■ 5 ml growwe sout ■ 5 ml swartpeperkorrels ■ Paar lourierblare ■ 5 takkies vars pietersielie ■ 5 takkies vars tiemie ■ 250 ml sjerrie ■ 60 ml sojasous ■ Water ■ 125 g (halwe pak) spekvleis, baie fyn gesnipper ■ 60 g botter ■ 45 ml koekmeel ■ 250 ml melk ■ 250 ml hoenderaftreksel (sien metode) ■ 10 velle filodeeg ■ 100 g botter, gesmelt Sit die hoenders in ’n groot kastrol saam met die sout, peper en lourierblare. Bind die pietersielie en tiemie met tou vas en…

Die Roelands se plaashuis is gevul met alles wat vir Marian mooi is. Teen die mure is daar amper nie meer oop spasies vir hangplek nie. Een van Marian se passies is reis en elke keer as sy iewers heen gaan, bring sy “ ’n veer vir haar nes” terug. “My huis is my hawe. Hier voel ek gelukkig en veilig, en ek hou van ’n vol huis. Alles in my huis het vir my betekenis. Dit laat my geborge voel,” vertel sy. SW se passie is sy plaas en boerdery. “Marian sê altyd vir my ek het nie nodig om met vakansie te gaan nie, want dis vir my die heel lekkerste net hier op die plaas. Ek wil net boer!” Saam maak dié twee ’n gedugte span. Vriende…

Benodigdhede ■ Leë blikke met deksels ■ Skêr of matsnyer/nutsmes ■ Staalliniaal en maatband ■ Plastiekstrooitjies ■ Gom en naamplakkers ■ Veters ■ Geskenkpapier en kleefplastiek ■ Ogiedrukker/pons WENNERWENK! • Lamineer eers die speletjie se reëlgids en hou dit ook in die blik. Jy kan ook die blik se deksel versier deur een van die inhoudstukke daarop vas te plak (gebruik liewer net legkaartstukke sonder maats hiervoor). • Kleiner blikke werk goed vir dobbelstene of kaarte. 1. LEGKAARTBLIK ■ Meet die omtrek van die blik. ■ Meet en sny die geskenkpapier en die kleefplastiek na grootte en plak dit om die blik. ■ Merk die buitekant met ’n naamplakker en bêre jou legkaartstukke in die blik. 2. INRYGSTELLETJIE ■ Volg eers dieselfde stappe as met die legkaartblik. ■ Pons gaatjies…

Twee nuwe koolkultivars is in die afgelope twee jaar deur die saadmaatskappy Hygrotech bekend gestel. Dié kultivars bied talle moontlikhede vanweë hul weerstand teen swartvrot. Hulle lewer groot koppe van tot 5,5 kg, sê mnr. Hugo Burger, tegniese bestuurder van dié maatskappy vir die Wes-, Oos- en Noord-Kaap, asook Namibië. Die kultivars Karabo en Livia bied albei goeie weerstand teen swartvrot, waarskynlik die belangrikste siekte wat koolplante teister. Karabo lewer koppe van gemiddeld 4,5 kg tot 5,5 kg. Die koppe van Livia weeg 4 kg tot 5 kg – groottes wat gewild onder verbruikers is. Karabo kan die hele jaar geplant word, terwyl Livia in die winter, herfs en lente floreer wanneer dit koeler is. Nuwe kultivars word voortdurend geëvalueer, maar ou staatmakerkultivars, soos Star3301, Gran-slam, Megaton en Empowa, word…

EIEDOEL? Dat dit nodig was vir Graan SA om ’n regs-proses van stapel te stuur om die nuwe koringtarief af te dwing, vertel al klaar ’n storie. Die storie van ’n land wat verdeeld staan oor sleutelkwessies, soos die waarde van die landbou en in dié geval die hoogs mededingende koringbedryf van die Wes-Kaap, die provinsie waar die meeste van Suid-Afrika se koring verbou word. ’n Bedryf wat eintlik vereer behoort te word vir sy vermoë om waarde te skep in dikwels onmoontlike toestande. (Die Swartland, afgesien van Wes-Australië en dele in Indië, is die enigste plek ter wêreld waar koring verbou word met ’n gemiddelde reënval van minder as 450 mm per jaar). Hier word regte waarde geskep — nie net vir boere, meulenaars, plaaswerkers en die breë platteland…

BOERE moet nóóit dink hul biosekerheidstelsel is goed genoeg nie, sê mnr. Kevin Lovell, uitvoerende hoof van die SA Pluimveevereniging en lid van ’n internasionale groep van voëlgriepkenners, ná die gevreesde H5N8-voëlgriep op ’n eierplaas en braaihoender-teelplaas uitgebreek het ( KASSIE ). “Daar is altyd iets wat jy kan verbeter. ’n Mens kan wilde voëls nie keer om te vlieg nie. Al wat jy kan doen, is om die kanse vir besmetting van jou hoenders te minimaliseer.” Die Departement van Landbou, Bosbou en Visserye het wilde voëls bestempel as “reservoirs” van voëlgriepvirusse wat gewoonlik die siektes in hul asemhalingstelsel en dermkanaal dra. Die siekte word tussen voëls oorgedra deur regstreekse kontak van siek voëls se asemhalingstelsel en ontlasting. Verder word dit ook oorgedra deur besmette water, voer en besmette voorwerpe,…

Graan SA se nuusbrief berig dat goeie vordering gemaak word met die omkeerstrategie vir die koringbedryf. Gewaarborgde graadkontrakte is goedgekeur en gaan op die JSE-platform beskikbaar wees. Die kontrakte sal geldig wees vir drie maande se handel dryf en vir een maand uitlaai. Die R100-graaddiskonto op ingevoerde koring val weg. Prysverskille tussen verskillende koringgrade is aangepas. Die JSE gaan voortaan internasionale metodiek, waarvolgens 20 Amerikaanse sent per skepel afgetrek word vir elke 1% verskil in proteïeninhoud, gebruik. Dit beteken teen ’n wisselkoers van R13,40 per Amerikaanse dollar is dit R99/t, wat naby aan ’n verskil van 2% is. Graan SA sê in sy nuusbrief hy beskou dit as ’n groot vordering vir die omkeerstrategie en gunstig vir koringboere. Die wisselkoers wat in werking tree, sal ’n sewe-week-gemiddelde voor 15 September…

1 TANZANIË| Afrika steun Monsanto, Bayer se troue Met Tanzanië se besluit verlede week om die samesmelting van die saadmaatskappy Monsanto en die Duitse chemikaliemaatskappy Bayer goed te keur, het alle Afrikalande wat ’n belang by die beoogde oorname het, tot die proses ingestem. Mnr. Kobus Steenekamp, besturende direkteur van Monsanto Suid-Afrika, sê lande wat betrokke was, sluit in Suid-Afrika, Kenia en Tanzanië. “Die proses is nou baie goed op dreef en die mikpunt is steeds om die transaksie teen die einde van die jaar te beklink.” Van die voorwaardes vir die oorname is dat ontwikkelingsprojekte, soos dié saam met Graan SA, moet voortgaan binne die nuwe maatskappy, wat waarskynlik as Bayer Crop Science bekend sal staan. — Nico van Burick 2 ZAMBIË | Waterkrisis vir veeboere Zambië se Suidelike…

OMNIA verwag ’n bestendige tot positiewe vraag na kunsmis in die komende jaar. “Boere sal voedingstowwe in die grond moet aanvul ná die hoër opbrengs die afgelope jaar,” sê mnr. Rod Humphris, Omnia se uittredende besturende direkteur en nuwe voorsitter. Die maatskappy se inkomste het in die jaar tot einde Maart met 3% tot R16,3 miljard gedaal en sy bedryfswins was R1,04 miljard, 6% laer as in die vorige boekjaar. Die inkomste in die landbouafdeling het swak gebly, maar in die internasionale deel was daar uitstekende groei. Die landbou-afdeling se inkomste het met 1% tot R8,159 miljard gedaal. Totale verkope het met 10% gestyg. In Suid-Afrika het verkope met 2,5% gestyg, terwyl spesialiteitsmisstowwe plaaslik en internasionaal rekordverkope beleef het.…

’N AUSTRALIESE skaapboer is onlangs ’n stywe boete opgelê nadat hy skuldig gepleit het op nege aanklagte van dieremishandeling, waaronder drie met verswarende omstandighede. Benewens ’n boete van A$4 000 en die hofkoste, het die hof hom ook beveel om ’n onafhanklike veearts of gekwalifiseerde konsultant te kontrakteer om sy diere elke drie maande vir die volgende 18 maande te inspekteer en ’n verslag aan die departement van landbou van die staat Victoria voor te lê. Die boer is aangekla nadat inspekteurs in Julie 2015 een van sy plase besoek het ná klagtes van dieremishandeling. Talle dooie speenlammers, ooie en lammers is aangetref, terwyl ’n hele paar skape in so ’n verswakte toestand was dat hulle van kant gemaak moes word. ’n Tweede klag is in April verlede jaar ontvang…

Die aankondiging dat die Mededingingskommissie besluit het om op ’n aantal voerkrale toe te slaan, is vir my nogal snaaks. ’n Mens hoor beesboere gereeld mor dat die speenkalfpryse deur die voerkrale gekoördineer en gemanipuleer word, en dat die kopers van speenkalwers met mekaar gesels by veilings en saam tee drink. Dit kan na my beskeie mening nie as samespanning gesien word nie. Dit is egter ’n basiese som wat in die bedryf gemaak word om te bepaal hoeveel ’n voerkraal vir ’n speenkalf kan betaal, gegewe die voerkoste, voeromsettingsverhouding en die verkoopprys van klas A-karkasse. Hierdie berekening geld ook mielieboere wat speenkalwers wil koop en self voer. Die groot dryfkragte in die som is: Waarteen kan ek oor 90 dae of 120 dae (na gelang van die voertydperk waarop…

BKB word vir meer as 80 jaar nóú geassosieer met wol, bokhaar, veeverhandeling en winkels landwyd, maar deesdae verhandel dié maatskappy, met sy hoofkantoor in Port Elizabeth, ook graan, suiker, rosyne en eiendom én finansier die landbou. Mnr. Wolf Edmayr, ’n geoktrooieerde rekenmeester van professie en Vrystaatse naweekboer uit oortuiging, was einde Maart reeds 13 jaar aan die stuur van sake by BKB. Dié selferkende “ewige optimis” glo sy agtergrond as rekenmeester en die dissipline en struktuur wat dié beroep vereis, help hom en sy span om ’n noukeurige ogie oor die maatskappy se finansies te hou en te verseker dat dit in ’n gestruktureerde omgewing met dissipline vooruitgaan. BKB is ’n gerekende landboubesigheid en gereeld in die nuus danksy vernuwende sakemodelle en -uitbreidings. Hoe sou jy BKB beskryf? BKB…

VEEHANTERING MULTI-KANTELWA VIR NUTSAANWENDING Agri Shalom bied ’n hidrouliese kantelwa vir algemene plaaswerk. Die wa kan sy vrag na drie kante toe uitlaai. Dit verg trekkrag van minstens 60 kW. Die laairuim van 3,5 m x 2,2 m x 0,58 m kan ’n vrag van 5 ton dra, wat tot 8 ton verhoog kan word as opsionele vaste kantpanele van 0,58 m aangebring word. Dit kan dan klein hoeveelhede graan vervoer. Met bykomende kuilvoerkante kan die vragruim tot 1,8 m vergroot word, wat dan 14 m3 kuilvoer kan hou. Die vloerpanele is 4 mm dik, die valkante 3 mm en die as het ’n deursnee van 70 mm. PRYS: R83 220. NAVRAE: Webwerf: www.agrishalom.co.za; Jan-Abraham Strauss: e-pos: strauss@agrishalom.co.za; sel 082 636 1785. ALLES-IN-EEN BRAAI ENIGE TYD, ENIGE PLEK Hierdie praktiese,…

Hoekom boer julle met so ’n verskeidenheid beesrasse? Ons het die rasse al minder gemaak, maar ons glo steeds daarin om meer as een ras te gebruik. Hulle vul mekaar aan. Die Brahmanstoetery is ons hoofvertakking, maar ons surplusverse gaan na Herefordbulle om vir ons ’n kommer siële Brafordkudde te teel. Ons gebruik ook Charolaisbulle vir terminale kruisings. Die hele idee is om soveel moontlik basterkrag saam met die rasegte rasse te gebruik sodat ons die maksimum kilogramme kan lewer. Waarom is jou omgewing geskik vir beesboerdery? Dis ’n gesonde wêreld. In die Vrystaat en op die Hoëveld kan die boere meer kilogramme per hektaar dra, maar hulle het struikelblokke, soos hartwater en rooiwater, wat ons nie het nie. Ons het net ’n bietjie galsiekte. In ander gebiede moet boere…

Bygelowe oor perde is volop. Mense sit dalk nie meer hoefysters teen hul voordeur op om hekse weg te hou nie, maar hulle wens jou steeds sterkte toe as jy ’n vosmerrie met vier lang, wit sokkies opsaal – ’n perd van só ’n kleur kan net ’n wildewragtig wees. En, onthou, as ’n perd se kroontjie laer as sy oë sit, is hy dom, maar ’n perd met kroontjie bo sy oë gaan jou vinnig uitoorlê. As twee kroontjies saamsmelt, moet jy maar wegbly – daai perd sal jou in die eerste kol koeniebosse afsmyt. Gelukkig moet jy ook sewe keer afval voordat jy ’n goeie ruiter is. Ryskoolperde kom in verskillende modelle. Daar is die koeëlronde ponie wat lyk of hy drie suikerklontjies weg van diabetes is, die…

LAAT dit ’n les wees vir veeboere dat daar minder dieresiektes vanjaar op plase sou wees indien méér boere hul vee pligsgetrou ingeënt het. Dit geld veral siektes wat deur insekte en bosluise oorgedra word. Dr. Faffa Malan, bestuurder van die Herkouerveterinêrevereniging van Suid-Afrika (RuVASA), sê in sy Mei-verslag oor veesiektes die siektes wat deur inenting voorkom kan word voor die somerreën begin, is knopvelsiekte, drie-dae-stywesiekte, bloutong, Afrika- en Asiatiese rooiwater en Afrikaperdesiekte. “Entstowwe is goedkoop vergeleke met die behandeling van siek diere en vrektes wat voorkom. Dit is nou reeds tyd om ’n inentingsprogram saam met ’n veearts in te stel sodat dit betyds vir volgende reëntyd kan wees,” gee hy raad. Weens die baie somerreën is talle uitbrekings van slenkdalkoors vanjaar verwag, maar gelukkig is veeboere dié ellende…

’n Verslag deur die Amerikaanse departement van landbou dui daarop dat die wêreldwye produksie van amandels vir 2016’-17 ooreenstem met die voorspelling in Oktober verlede jaar van 1,2 miljoen ton uitgedopte amandels. Die internasionale uitvoer van dié neute sal na verwagting 727 000 ton beloop (10 000 ton meer as wat aanvanklik bereken is), terwyl die totale invoer daarvan ook gestyg het tot 670 000 ton – op van die beraamde 658 000 ton. Omdat verbruiksyfers vanjaar waarskynlik hoër sal wees, kan die oordragvoorraad van amandels sowat 20 000 ton laer wees teen 234 000 ton. Amerika is die wêreld se grootste uitvoerder van amandels. Dié land sal na verwagting sowat 635 000 ton amandels vanjaar uitvoer, veral namate daar ’n sterker vraag na die neute in China ontstaan. China…

GAUTENG CARLETONVILLE OUDEDORP (376) 69 ha, aan A. Smit, van B.C. Flett, R1 890 000. VLAKFONTEIN (546) 181 ha, aan munisipaliteit Emfuleni, van Yakani Brickveld, R1 268 237. KWAZULU-NATAL JOZINI CLOETE (13350) 48 ha, aan Operation Vulindlela, van O.W. Smith, R2 174 098. LOUWSBURG GOUDHOEK (148) 352 ha, aan N.T. Ngubane, van Pretoriusfamielietrust-trustees, R2 000 000. PIETERMARITZBURG BEAUMONT (1957) 122 ha en FORT ISLAND (1958) 124 ha, aan Masibuyele Emakhayagemeenskapstrust, van M.A. Hampson, R8 500 000. DUNBARESTATE(1478)20ha, aan C.W. Dorkin, van Lawrieburn Farm, R1 250 000. EASTEND (12426) 65 ha aan Silver Plate Investments Proprietary Limited, van P.J. Johnston, R4 000 000. FELSTEAD BURY (1951) 123 ha, aan Masibuyele Emakhaya-gemeenskapstrust, van Thunder RidgeFarming,R750000. LIMPOPO ALLDAYS CARNETHY (113) 718 ha, aan A.S. Grobler en J.H.B. Grobler, van J.H. van Tonder, R1…

Volgens verkope op veilings groei belangstelling in Limousins. “Limousins wen veld in Suider-Afrika,” sê mnr. AJ du Toit van La Rhone, Tulbagh, een van Suid-Afrika se voorste Limousintelers. Dit is omdat Limousin-kruisrasdiere uitstekend vaar in voerkrale. Groot sukses word ook behaal in groeitoetse, wat lei tot ’n toename in die gebruik van Limousinbulle in kruisteelprogramme. “Die ras is ook gevestig in Namibië en Botswana, met heelwat belangstelling tans uit Zimbabwe en Zambië,” sê Du Toit. Die Suid-Afrikaanse rekordprys van R540 000 is betaal vir ’n bul van La Rhone, terwyl die rekordprys R405 000 is vir ’n Limousinkoei van Henbase Limousins van Morgenson. Die rekordprys vir ’n vers is R150 000 van La Rhone. “Kopers sien ook die waarde van goeie kommersiële diere. Ons het jong, dinamiese telers wat moderne…