Innehållsförteckning för 20-Oct-17 från Landbouweekblad

GESONDHEID! Die poskantoor het onlangs ’n stel van vyf seëls en ’n gedenkkoevert uitgereik om die Suid-Afrikaanse wynbedryf te vereer. Onder die mylpale wat gedenk word, is twee van die land se oudste wyne, Duke of Northumberland (1791) en Grand Constance (1821) — albei van Groot Constantia, en die eerste oesjaar van die uniek Suid-Afrikaanse kultivar, Pinotage. Die seëls kos R45,75 vir ’n stel en ’n gedenkkoevert kos R48,75. Die seëls is by groot poskantore beskikbaar en kan by SA.Stamps@postoffice.co.za bestel word. Nog wynnuus is op bl. 24. WOL POF UIT Die wolprys staan vas op die welkome hoë vlakke wat sedert die begin van die nuwe seisoen heers. Op die jongste veiling het die Cape Wools Merino-markaanwyser met 1,2%, of 219 punte, gestyg en teen R181,78/kg (skoon) gesluit. Op…

Philafrica Food, ’n nuwe filiaal van die landboubeleggingsmaatskappy Afgri, sê hy wil kosverwerking in Afrika suid van die Sahara oor die volgende 18 tot 24 maande transformeer deur beleggings van $50 miljoen (R670 miljoen) tot $100 miljoen (R1,3 miljard). Mnr. Roland Decorvet, uitvoerende hoof van die maatskappy, sê hulle wil oor die volgende 25 jaar ’n groot belanghebbende in die kosmark word ten einde die vasteland te help ontwikkel van bestaanslandbou tot ’n uitvoerder van kos met voedselsekerheid. Philafrica wil nuwe persele oprig en strategiese beleggings maak in minstens 12 lande in dié gebied. In Suid-Afrika bedryf die maatskappy graan- en oliesaadmeulens en vervaardig hy dierevoer. Die maatskappy het die volle steun van Afgri, waarin die Openbare Beleggingskorporasie, Fairfax en Bafepi beduidende beleggings het. Minder as 10% van die landbougrond…

KOMMER OOR ESKOM SE NUWE TARIEFSTELSEL Ontevredenheid heers in landbougeledere omdat Eskom, die nasionale elektrisiteitsverskaffer, se huidige tariefbedeling, wat sedert begin 1986 van krag is, nie vir boere verligting bring nie, maar duurder uitwerk. Só skryf mnre. Nelson Adams, Kaapse verskaffer van son- en windkragtoerusting, en A. du Preez, bestuurder van mediadienste by die SA Landbouunie (SALU, nou Agri SA), in ’n artikel oor Eskom se tariefstelsel vir boere in Landbouweekblad van 23 Oktober 1987. Voor 1986 het die uitbreidingsgeld (vir die aanlê van kraglyne na plase) vir boere dieselfde gebly danksy ’n regeringsubsidie. Die eenheidstarief wat boere vir elektrisiteit betaal, is van tyd tot tyd aangepas om die opwekkoste te dek. Volgens die nuwe tariefbedeling betaal ’n boer nie meer sy of haar spesifieke uitbreidingsgeld nie, maar word alle…

EEN van die grootste huide-en-velle-handelaars in Suid-Afrika het sy deure aan die einde van September gesluit. African Hide Trading (AHT), wat in Potchefstroom gebaseer is, het onder meer ’n natblou-aanleg bedryf en was ook ’n velkoper wat 2 500 tot 3 000 huide en sowat 3 000 tot 4 000 velle per dag verwerk het. Kenners meen geen ander maatskappy in die land het ’n soortgelyke verwerkingskapasiteit nie. Die maatskappy, wat huide en velle deur middel van ’n netwerk insamelaars reg oor Suider-Afrika inkoop, met onder meer die filiaal SM Lurie in Botswana, het die afgelope tyd gesukkel met die hoë koste van huide en velle. Boonop het die motorvoertuigleerlooier Seton SA, ’n voormalige kliënt van ATH se natblou-produksie, opgehou om by die maatskappy te koop. Die Rooivleisprodusente-organisasie sê in…

Agt miljoen grondeise kan ingestel word wanneer die grondeiseproses heropen word, meen mnr. Justice Mnguni, ANC-LP. Hy meen net sowat 2% van die nagenoeg 3,5 miljoen mense wat hul grondregte verloor het met die instelling van die Wet op Naturellegrond (Wet 27 van 1913) het aan die eerste ronde grondeise van 1994 tot 1998 deelgeneem. Aldus die burgerregte-organisasie The Surplus People’s Project is 7,5 miljoen mense van 1960 tot 1983 van hul grond gedwing. Mnguni het vroeër vanjaar ’n private ledevoorstel rakende die wysigingswetsontwerp op die herstel van grondregte by die Parlement ingedien. Besprekings oor dié ledevoorstel het onlangs in die Parlement begin. Mnguni se stap volg nadat die Grondwethof op 28 Julie verlede jaar beslis het die wysigingswetsontwerp op die herstel van grondregte, wat grondeise in 2014 vir vyf…

GRAAN SA het ’n versoek tot die registrateur verantwoordelik vir die registrasie van onder meer gifstowwe (Wet 36 van 1947) gerig vir die noodregistrasie van nuwe middels teen Afrika-bolwurm. Dit volg ná die droogtegeknelde koringboere in die Swartland nou ook deur ’n erge plaag van dié wurm getref is. Volgens mnr. André Kirsten, boer van Philadelphia, het boere by Porterville, Klipheuwel en Darling reeds teen die wurm gespuit, maar hulle sukkel om middels te kry wat die volwasse wurms kan doodmaak, en verder is die oes reeds uiters swak. “Talle boere besluit nog of dit die moeite werd is om verder geld te bestee op iets wat reeds ’n verlies is,” sê hy. “Ons het vanjaar nou al genoeg pak slae gekry om nou nog dít ook te kry.” Hy…

VRESE bestaan dat boere tot dubbel soveel druiwe kon verloor het weens 5 Oktober se swartryp in die Worcester-omgewing as toe dié vernietigende weerverskynsel verlede lente ook hier toegeslaan het. Mnr. Pierre Snyman, wingerdboukundige by VinPro in die Worcester-streek, sê nadat die Aan de Doorns-omgewing verlede jaar sowat 1 500 ton druiwe weens swartryp verloor het, dink hy die skade gaan vanjaar nader aan 2 000 ton tot 3 000 ton wees. “Dit lyk bitter, bitter sleg, veral om die kelder,” sê hy. Benewens Aan de Doorns het wynboere op plekke soos Rawsonville, Worcester, Stettyn en Nuy ook deurgeloop. Dele waar Snyman verlede week met ’n skadebepaling besig was, het heeltemal swart voorgekom. Volgens mnr. mnr. Callie Coetzee, bestuurder en wingerdboukundige van Arbelos-wyne, gebeur swartryp wanneer die lug baie droog…

KORTOM ■ Die deelboerderymodel word in plekke soos Amerika toegepas. Dit gee nuwe boere die kans om met minder aanvangskapitaal toe te tree. ■ Konsortium Merino in die Karoo is besig om die deelboerderymodel in die wolskaapbedryf te vestig. Dié model kan na ander bedrywe uitbrei sodra die Regering ophou met sy retoriek oor die nasionalisering van grond. ■ Skaapboerdery se winsgewendheid het toegeneem en die vooruitsigte lyk goed. Die wolskaapbedryf het te midde van ongediertes en diefstal (of dalk juis danksy dit) die afgelope drie tot vier jaar ’n sterk groei in pryse ervaar. Die aanduidings is dat die lamsvleisen wolmark nog vir etlike jare sterk gaan bly en dat dit een van die relatief lonende vertakkings in die landbou is. Die sterk pryse is deels danksy die feit…

Kort op die hakke van Bonsmaras word Beefmasters nou die tweede vleisbeesras in Afrika waarvoor genomiese teelwaardes gepubliseer word. Dr. Bobbie van der Westhuizen, genetikus van SA Stamboek, het op ’n telingsimposium op Parys gesê SA Stamboek is besig met die publikasie van die genomies verrykte teelwaardes vir Beefmasters. Die volgende vleisbeesras wat binne die volgende sewe maande sal volg, is Drakensbergers. Daarna sal die Boran-Nguni-, Charolais-, Hereford- en Tuli-rasse ook aan die beurt kom. “Eers moet ’n verwysingsbevolking vir ’n ras opgebou word wat dit moontlik maak om te wys hoe die dier se genetiese kode korreleer met die prestasie van die dier. Die verwysingsbevolking is ook eie aan ’n spesifieke ras en vir ’n spesifieke land. Die verwysingsbevolking van diere in ’n ander land kan nie net so…

WAT IS JOU SIENING OOR GRONDHERVORMING? Ons oplossing lê in opvoeding, onderwys, opleiding en ’n kultuur van goeie energie. Die georganiseerde landbou en kommersiële boere moet alles doen om dié benadering aan almal oor te dra. Swart ekonomiese bemagtiging sal dan werklike bemagtiging wees. ’n Prestasiebenadering sal grondhervorming volhoubaar kan maak. WATTER ROL SPEEL GRAAN SA IN JOU BOERDERY SE TOEKOMS? Ek glo in die werking van vraag en aanbod op die vrye mark. As ons boere egter op eie houtjie oor- of onderproduseer sonder enige kussing van in- en uitvoer, kan die vrye mark vir ons té aggressief wees, wat kan meebring dat sommige boere die handdoek ingooi. Graan SA se goeie werk met die vestiging van nuwe boere is uiteraard tot voordeel van die landbou en my eie…

In tye van knellende droogte, wat nie alleenlik gewas- en veeproduksie bedreig nie, maar selfs menslike voortbestaan in dorpe en stede, is almal toegespits op waterbesparing. Stedelinge is dalk minder bewus van die voortdurende stryd van gewas- en veeboere om voorsiening te maak vir voldoende water vir vee en gewasse. ’n Mens het water én voedsel nodig vir oorlewing. Veral sekere plante in natuurlike omgewings en op gewaslande is kwistige gebruikers en selfs vermorsers van kosbare waterbronne, hetsy bogrondse water of grondwater. Terloops, die skelnaam vir plante wat met ons aspirasies en aktiwiteite inmeng, veral tot dié mate dat dit finansiële skade berokken, is “onkruid”, maar die skade kan ook onregstreeks van aard wees. Suid-Afrika se nasionale Werk-vir-Waterprojek verrig goeie werk met die bekamping van uitheemse indringerplante wat inheemse plantegroei…

Volgens dr. Johann Kruger, eienaar van Clonemaster’s Laboratory en die ontwikkelaar van BacTech-produkte, skei Rescue, Fungal Go en Bactoviridus metaboliete af wat antibakteriese funksies het. “Die drie produkte bevat vier soorte bakterieë wat almal behoort tot die aktinomisiet-orde, wat normaalweg in termofiele kompostering voorkom. Hierdie bakterieë is vroeër jare saam met kompos in landerye ingewerk, maar dié praktyk vind nie meer plaas nie. “Die bakterieë skei belangrike metaboliete af en is spesifiek geselekteer om anaërobiese bakterieë te vernietig en patogene wortelswamme te onderdruk. Dit speel ’n groot rol in die bekamping van Pythium, Phytophthora en Fusarium, hoewel party Fusarium-spesies weerstandig kan wees teen die werking van hierdie bakteriese metaboliete.” Bactolife bestaan uit vyf verskillende Bacilli-organismes wat gebruik word vir die rehabilitasie van die grond. “Die organismes word meestal voorkomend gebruik,…

Dr. Dave Tapson van die ontwikkelingsinstituut vir landbou-hulpbronne by die Rhodes-universiteit, het in ’n onlangse verslag bevind dat 86% van die huishoudings in die Oos-Kaap in 2015 televisiestelle gehad, 70% radio’s, 98% selfone en 65% yskaste. Op ’n vraag waarom die respondente as lede by die NWKV aangesluit het, het 44% aangedui dat dit hulle toegang tot die formele mark bied; 16% het gesê dit was om die gehalte van hul skeersel te verbeter, terwyl 40% gemeen het dat lidmaatskap van die vereniging hulle beter bedinging bied. Volgens Dave is vee- en woldiefstal, probleemdiere en die gebrek aan eie grond van die belangrikste knelpunte.…

EPISODE 2 Plaaskombuis word Woensdae om 18:30 op Via (kanaal 147 op DStv) uitgesaai. Die reeks word aangebied met die samewerking van Landbouweekblad. Nog voordat die dorp Prince Albert bestaan het, was Dennehof, waar die Steyn-familie al jare lank ’n gastehuis bedryf, ’n plaas. Die oorspronklike plaasopstal is al in 1835 gebou. Lindsay en Ria Steyn het ’n gastehuis in Oos-Londen gehad voordat hulle verlief geraak het op Prince Albert. Dennehof was met hul eerste besoek nie op die mark nie, maar toe hulle later weer ’n draai op Prince Albert maak, was die eienaar reg om te verkoop. Die eiendom is ’n oase in die Karoo, aan die voet van die Swartbergpas. Maar dit is nie net die lushof-tuin en ruim, smaakvolle verblyfopsies wat gaste na Dennehof lok nie.…

INTERNASIONAAL: Die Chicagoprys het met 0,4%, of $0,59/t (R8,05/t), tot $138,23/t (R1 885/t) teenoor die vorige week gedaal. Op ‘n jaargrondslag is dit 2,1%, of $2,90/t (R39,54/t), hoër. Verwagte pryse: Okt. – $137, 63/t (R1 877/ t), Des. – $142,91/t (R1 949/t), Mrt. – $146,45/t (R1 997/t), Mei – $149,44/t (R2 038/t). PLAASLIK: Die Safexprys van wit mielies het met 1,3%, of R25/t, tot R1 923/t teenoor die vorige week gestyg. Die prys van geel mielies het met 1,2%, of R24/t, tot R2 038/t gestyg. Op ‘n jaargrondslag is wit mielies 43,8%, of R1 499/t, goedkoper, terwyl geel mielies 32,9%, of R1 000/t, goedkoper is. Verwagte witmieliepryse: Okt. – R1 865/t, Des. – R1 923/t, Mrt. – R1 966/t, Mei – R2 001/t. Verwagte geelmieliepryse: Okt. – R1 980/t, Des.…

Met 552 eenhede was trekkerverkope in September 11% laer teenoor ’n jaar gelede. Verlede September is 623 eenhede verkoop. Die stroperverkope van vier eenhede in September is ook aansienlik minder as die tien eenhede wat verlede September verkoop is. Die lae mielieprys teen die agtergrond van ’n rekordoes vanjaar maak dat boere taamlik versigtig is oor die koop van nuwe toerusting voor die begin van die somerplanttyd. Die verkope van toerusting in die res van die jaar sal grootliks afhang van die verloop van die somerreën, sê die Suid-Afrikaanse Landboumasjinerie-assosiasie (Salma) in sy jongste verslag. Salma verwag dat trekkerverkope vanjaar hoër kan wees as verlede jaar en dat daar selfs meer as 6 000 eenhede verkoop kan word. Tot dusver vanjaar is trekkerverkope 4% hoër as in die ooreenstemmende tydperk…

1% Die uitbreking van hoogs aansteeklike voëlgriep by die hoenderprodusent Sovereign se aanleg by Uitenhage in die Oos-Kaap het gelei tot die verlies van 1% van die maatskappy se algehele produksielyn. Slegs een lêhenhuis is geraak, maar om te keer dat die siekte versprei, is sowat 3 800 hoenders in ’n tweede lêhenhuis van kant gemaak. Sedertdien was daar geen verdere uitbrekings nie. Sien ook bl. 14 en 17. — Sens 59% Nog net 59% van die 3,4 miljoen hektaar grond wat die staat sedert 1996 vir grondeise aangekoop het, is aan nuwe eienaars oorgedra. Die orige 41%, oftewel 1,4 miljoen hektaar, is nog nie oorgedra nie. Die totale waarde van die grond wat die staat vir grondhervorming aangekoop het, is R8,6 miljard, blyk uit ’n antwoord op ’n parlementêre…

‘Die huidige politieke klimaat in Suid-Afrika is redelik chaoties, maar dit is juis in tye van chaos en onsekerheid wat die grootste geleenthede ontwikkel.’ DR. JOHAN VAN ZYL, groep- uitvoerende hoof van African Rainbow Capital, oor dié maatskappy se groot beleggings onlangs in Subtropico en die RSA-groep. Bl. 16 ‘Ons het die skape in klipkrale, onder bosse en by beskutting ingejaag, maar vir party was dit reeds te laat.’ MNR. OUBAAS DU PLESSIS, boer van Zastron, oor die skielike koue en wind wat honderde skape in dié distrik laat vrek het. Bl. 20 ‘Die kampong lê tussen drie jurisdiksies en die saak word tussen die verskillende polisiekantore “aangegee” met geen resultate nie.’ MNR. JAN BOSHOFF, boer van Delmas, oor die vlaag veediefstalle wat verbind word met onwettige mynwerkers in die…

Ondanks die droogte kon MNR. AC VAN WYK die afgelope 15 jaar ’n gemiddelde groeikoers van 26% per jaar in sy boerdery behaal. Dié sewendegeslag-boer van die plaas Warmhoek naby Bultfontein is een van die finaliste in Graan SA se Graanboer van die Jaar-kompetisie. Lees die artikel op bl. 32. VERTEL ONS VAN JOU GESIN. My oupa was AC van Wyk wat van 1974 tot 1979 die Vrystaatse administrateur was. My pa, Coen, en ma, Herculina, woon op ’n buurplaas, en ek en my vrou, Lizelle, en ons kinders, Coenraad (8) en Frané (6), bly op Warmhoek. WAAR HET JY GESTUDEER? Ná matriek aan die Hoërskool Sentraal in Bloemfontein het ek die grade B.Agric. en ’n honneurs in landboubestuur aan die Universiteit van die Vrystaat verwerf. Ek het ook my…

DIE magnaat mnr. Patrice Motsepe se African Rainbow Capital (ARC) het oor die afgelope paar weke groot beleggings in twee van Suid-Afrika se grootste landboubemarkingsmaatskappye gemaak. Dit het verlede week bekend geword dat ARC, Sanlam se swart ekonomiese bemagtigingsvennoot, ’n 25,1%-aandeel in Subtropico bekom het. Dit volg ná dit verlede maand rugbaar geword het dat ARC ’n 40%-aandeel in die RSA-Groep bekom het. ARC het ook verlede November ’n 15%-aandeel in BKB bekom. Volgens dr. Johan van Zyl, groep- uitvoerende hoof van ARC, fokus die maatskappy op besighede wat uitnemende opbrengs op kapitaal kan bewerkstellig. “Dit is opwindend om in maatskappye te belê wat reeds goed in die landbousektor gevestig is. Daar is ’n groot poging om die landbou in Suid-Afrika te transformeer om landbouprodukte verder te bevoordeel. Subtropico beloof…

’N KwaZulu-Natalse boere-vervoermaatskappy wat uit nood gebore is tydens die 2012-’13-suikerseisoen, gaan nou van krag tot krag. Sy vloot vragmotors (foto regs) het sedert die maatskappy se stigting van 15 tot 42 gegroei. Zululand Agricultural Holdings (ZAH) is op 6 April 2013 gestig ná die vervoerkontrakteur wat 50 kommersiële en 2 500 kleinskaalse suikerrietboerderye bedien het, skielik sy bedrywighede in die omgewing gestaak het. ZAH het ’n langtermynhuurooreenkoms met Tongaat-Hulett onderteken vir ’n depot en kantoorspasie in Amatikulu. Volgens mnr. Dave Littley, besturende direkteur van ZAH, is daar in die 2013-’14- en 2014-’15-seisoen, ongeag die erge droogte wat toe in die gebied geheers het, bykans 860 000 ton suikerriet vervoer. “Ons het in 2016 die vervoer van Super Group Melmoth se suikerriet ook oorgeneem en ons hou aan met die…

D IT is onwaarskynlik dat die Regering sy teiken om 2 miljoen hektaar grond teen einde 2019 aan voorheen benadeelde huishoudings oor te dra, gaan bereik. Dr. Tsakani Ngomane, adjunkdirekteur-generaal vir landelike ontwikkeling en omgewingskwessies in die Presidensie, het aan die Parlement se portefeuljekomitee vir landbou, bosbou en visserye ’n beroerde prentjie geskets oor die vordering van die Regering se landelike transformasieplan. Die vordering teen einde Junie was soos volg: ■ Slegs 812 307 hektaar, of 40,6%, van die beoogde 2 miljoen hektaar grond is verkry. Om die 2019-teiken te behaal, moes dié syfer al op 60% gestaan het. ■ Van die miljoen hektaar wat die Regering teen 2019 aan kleinboere wil oordra, is maar 441 534 hektaar, of 44%, oorgedra, en slegs die helfte van die 200 000 hektaar…

Die koue wat groot dele van die land die afgelope twee weke in sy greep gehad het, het plek-plek groot skade berokken in die hoogliggende dele van die Oos-Kaap en die Suidoos-Vrystaat. Mnr. Oubaas du Plessis, ’n boer van Zastron, sê sy boerdery het meer as 900 skape verloor met die koue weer wat verlede Donderdag (5 Oktober 2017) voorgekom het. Einde September is tradisioneel skeertyd by hulle. “Ons het die skape in klipkrale, onder bosse en by beskutting ingejaag, maar vir party was dit reeds te laat. ’n Skaap kan koue, wind of reën verduur, maar sodra daardie drie saam voorkom, veroorsaak dit probleme,” sê hy. 426 LAMMERS Du Plessis sê hy weet ook van tientalle boere wat lammers weens die koue verloor het. Mnr. Wallis Hardy, ’n boer…

Tot 31% minder diere word uitgevoer of by uitvoer-abattoirs geslag. DIE Lewendehaweprodusente-organisasie (LPO) van Namibië kry die wind van voor in sy stryd om kleinvee-uitvoer te verbeter, sê dié organisasie in sy jaarverslag wat op die LPO-jaarvergadering bekend gemaak is. Volgens die verslag het die bemarking van kleinvee verlede jaar met 31% gedaal teenoor 2015, met ’n afname in die aantal diere wat by die uitvoer-abattoirs geslag word én in die uitvoer van lewende hawe. Die totale bemarking van grootvee het verlede jaar met 30% afgeneem teenoor 2015, deels weens die droogte, maar hoofsaaklik weens die afname in die uitvoer van speenkalwers na Suid-Afrika. Volgens die jaarverslag het die droogte ’n groot invloed op kleinvee-uitvoer gehad, maar des te meer dalk die Namibiese regering se kleinveebemarkingskema, wat hom ten doel…

GROENTEBOERE het deurgeloop in die kwaai haelstorms wat verlede Maandag oor onder meer dele van Gauteng voorgekom het. Boere was teen druktyd nog besig om die skade te bepaal. Mnr. Deon van Zyl, besturende direkteur van RSA Markagente, sê in Gauteng is veral blomkool, broccoli, slaai, beet, spinasie, wortels en kool beskadig. “Dit sal beslis ’n uitwerking op die lewering van dié produkte in die volgende twee tot drie maande hê, wat ’n opwaartse neiging in die prys sal veroorsaak. Intussen gaan boere doen wat hulle gewoonlik doen: Red wat daar te redde is.” Sommige boere sal hul groente moet oorplant. ’n Hael-en-windstorm in die omgewing van Nelspruit het ook op verlede Sondagaand plek-plek kwaai skade aangerig. Mnr. Barry Christie van Subtrop, die sambreelliggaam vir subtropiese gewasse, sê hoewel min…

DIE Stellenbosse wynmaker Spier se 21 Gables Chenin blanc 2015 (gehout) het onlangs die Veritas Vertex-trofee vir die algehele kampioenwyn op dié gesaghebbende wynskou ingepalm. Dit is die eerste keer in dié kompetisie se 26 jaar lange bestaan dat só ’n trofee oorhandig is. Benewens dié groot eer het Spier ook ses dubbele goue en nege goue medaljes ingepalm. Met sewe dubbele goue en agtien goue medaljes is Distell as die beste produsent op die skou aangewys. Spier, Kleine Zalze, KWV en Diemersdal beklee die tweede tot die vyfde plek. Altesaam 1 638 wyne is vanjaar ingeskryf en 71 dubbele goue en 193 goue medaljes is oorhandig. Die meeste inskrywings was in die kategorie vir rooi versnitte, gevolg deur Sauvignon blanc en Shiraz. Vier mense – mnre. Walter Finlayson, Nicky…

Moenie dat ’n gewaande vrees oor vogverlies jou van dekgewasverbouing weerhou nie, sê mnr. Gabe Brown, dekgewas-pionier van die Amerikaanse deelstaat Noord-Dakota. Hy plant ál sy kontantgewasse in afgeweide dekgewasse. Hy sê die afgelope seisoen was die droogste in baie dekades in daardie omgewing. Dit was egter net die tweede jaar in 22 jaar wat hy ’n mielie-oes ingeboet het, maar dit was omdat dit eenvoudig nie gereën het nie. “Volgende jaar gaan ek beslis weer dekgewasse plant.” Net soos in Suid-Afrika is vrese oor die beskikbaarheid van vog vir kontantgewasse waarskynlik die een groot rede waarom saaiboere nie dekgewasse op die proef stel nie. Navorsingsresultate daaroor en die feite oor grond se waterhouvermoë bewys egter die teendeel: Dekgewasse kan inderwaarheid meer grondvog vir ’n daaropvolgende kontantgewas beskikbaar stel. Die…

Voordat ons kan sê of vruggebruik ’n bruikbare instrument in boedelbeplanning is, moet ons eers noem wat ’n vruggebruik is en hoe dit onderskei moet word van ander beperkte regte wat in ’n testament geskep kan word. Vruggebruik gee aan die vruggebruiker die reg op die gebruik van eiendom of bates. Die reg op gebruik is allesomvattend en sluit die reg op opbrengs (vrugte) in. Hoewel die vruggebruiker dus nie die volle eiendomsreg verkry nie, kan hy/sy die eiendom na goeddunke aanwend so lank die vruggebruik bestaan. Die eiendom kan bewoon of verhuur word, maar dit moet in dieselfde toestand as waarin dit ontvang is, oorgegee word wanneer die vruggebruik tot ’n einde kom. Die vruggebruik word onderskei van ’n woonreg deurdat die woonreg alleenlik die reg om ’n eiendom…

’n Nuwe ondersoek na twee ensieme kan tot die ontwikkeling van ’n splinternuwe indeks van biologiese grondgesondheid lei. Dr. Marshall Douglas McDaniel van die Staatsuniversiteit van Iowa is een van vyf wetenskaplikes wat toekennings van die nuwe nie-regeringsorganisasie Soil Health Institute (SHI) ontvang het om verskillende studies oor grondgesondheid te doen. Die $40 000 wat aan die navorsers toegeken is, kom van ’n anonieme skenker. Marshall sal na twee ensieme kyk wat grootliks deur mikro-organismes in die grond geproduseer word, maar ook deur plante. ß-glukosidase is ’n ensiem wat glukosemolekules van die suiker sellobiose stroop. Dít is ’n deurslaggewende stap in die mineralisering van organiese materiaal in die grond. Fe nol-oksidase, die tweede ensiem, oksideer lignien. Plante en mikroorganismes produseer dit om lignien en humus af te breek, en in…

Elke keer as hy ’n besoek aan die voormalige tuislande bring, staan hy verstom oor die primitiewe toestande waarin kommunale wolboere daarin slaag om ’n waardevolle bydrae tot die Suid-Afrikaanse skeersel te lewer, sê mnr. Guillau du Toit (56), die nasionale voorsitter van die Nasionale Wolkwekersvereniging (NWKV). “Die feit dat meer as 1 000 mense die kongres op Dutywa op hul eie koste bygewoon het, is ’n bewys hoe mense smag na kennis. In teenstelling met kommersiële boere wat dikwels lang debatte oor beuselagtighede sal voer, is die gevoel hier een van dankbaarheid teenoor ’n organisasie wat ’n verskil aan hul lewe gemaak het.” Guillau, wat vanjaar vir die derde keer ’n persoonlike skenking van 200 Bybels aan die gemeenskap gemaak het, sê hy vind dit baie bevredigend om ’n…

AANLYNGIDS LU SERN VIR DIE SOMER Die saadmaatskappy Barenbrug het onlangs ’n aanlyngids in Afrikaans oor lusernverbouing op sy webwerf bekend gestel. Die gids gee nuttige wenke vir die vestiging van lusern, inligting oor die maatskappy se lusernkultivars wat in die winter aktief is, en terugvoering van boere wat die kultivars gebruik. Ander nuttige inligting in die gids, wat gratis van Barenbrug se webwerf afgelaai kan word, is ’n tabel wat boere help om die regte kultivar te kies, inligting oor die belangrikheid van inokulering en die benutting van die lusernkultivars as weiding of hooigewasse. PRYS : Gratis. NAVRAE: Barenbrug, webwerf: www.barenbrug.co.za, tel. 021 979 1303. WERKTUIG PLANT EN KRY KLAAR Die Kaapse plantervervaardiger Equalizer se 18000 VX-tandplanter is deel van sy VX-planterreeks, wat hoofsaaklik op Australië gemik is omdat…

Vetkoekburgers met kaas en knoffelbottersampioene Dié vleislose burgers is so vullend en lekker, selfs stoere vleiseters sal hul lippe aflek. As jy nie van die smaak van camembert hou nie, vervang dit met cheddar of gouda. Die deegresep vir die vetkoek lewer 10-12 groot vetkoeke. Ek gebruik gewoonlik die helfte van die deeg vir ses vetkoeke en bak ’n broodjie of broodrolletjies van die res van die deeg. Vetkoek ■ 1 kg koekmeel ■ 5 ml sout ■ 1 pakkie (10 g) kitsgis ■ 600 ml warm water ■ 60 ml olyfolie ■ Olie, vir diepbraai Burgers ■ 12 groot bruin sampioene ■ 30 ml botter ■ 2 knoffelhuisies, fyn gekap ■ Sout en vars gemaalde swartpeper ■ 100 ml uiemarmelade of gekaramelliseerde uie ■ Groot hand vol roketblare ■…

‘n Groot voorraad, op die wêreldmark én plaaslik, demp nie die winsgewendheid van sojaboonverbouing nie. Dit is grootliks omdat daar steeds ’n groeiende internasionale vraag na dié oliesaadgewas is. Die plaaslike sojaboonprys het wel sedert die begin van vanjaar vanaf ’n hoogtepunt van sowat R6 600 per ton gedaal, maar beweeg sedert April grootliks sywaarts. Die heersende kontantmarkprys is sowat R4 700 per ton. Sojabone is ’n welkome alternatief vir saaiboere wat nie hul weg oopsien om met die swak prys mielies te plant nie. Vanweë die grootste mielie-oes in Suid-Afrika se geskiedenis en uitvoer wat tot dusver nog nie juis tot die redding gekom het nie, word voorspel dat die plaaslike mielieprys nie gou gaan herstel nie. Markkenners beveel aan dat somersaaiboere dit eerder moet oorweeg om hul mielie-aanplanting…

GAUTENG PRETORIA ONVERWACHT (509) 50 ha, aan Irhalane Construction, van Tierfontein Handelsmaatskappy (Edms.) Bpk., R1 085 000. VLAKPLAATS (354) 64 ha, aan R. Mostegel, van Fast Pace Trade & Invest 57 (Edms.) Bpk., R3 363 000. WITFONTEIN (521) 128 ha, aan Steller Inv, van A., J.J. en J.C. Booysen, R2 100 000. KWAZULU-NATAL HARDING GAYTON(7834)205ha;LOT1 ALFRED FOREST (3537) 25 ha, aan The Jon Mackenzie-familietrust, van Harding Treated Timbers, R34 500 000. UTRECHT DE JAGERSDRIFT NORTH (418) 320 ha, aan T.S. Mthombeni, van M.M. Masondo, R1 850 000. LIMPOPO ALLDAYS MS (207) 420 ha, aan Leake Boerdery (Edms.) Bpk., van Frank Hislop-trust, R2 850 000. BURGERSFORT YORK (188) 167 ha, aan Chestnut Hill Inv 16 (Edms.) Bpk., van Wild Stud (Edms.) Bpk., R4 500 000. LEPHALALE MARULASFONTEIN (634) 222 ha, aan…

KOPDOKTER Dit was Henry Ford, die gevierde stigter van die Ford Motor Company en die ontwikkelaar van massaproduksie met sy moderne monteerbane, wat dit baie goed opgesom het: “Of jy dink jy kan en of jy dink jy kan nie, jy sal in albei gevalle reg wees.” Want baie van dit wat ons terughou, is nie gegrond op wat ons dink die werklikheid is nie, maar eerder in ons kop. Dit is seker in ’n mate wat die Springbokke onlangs op Nuweland bewys het. Met ’n span wat nie veel verskil het van die een wat daardie liederlike loesing in Albany moes verduur nie, het hulle weer ’n mate van eer in die Groen-en-goud herstel. Of hulle dit gedoen het deur te glo dat hulle die All Blacks werklik die…

DIE hoogs aansteeklike H5N8-voëlgriepvirus het reeds tot 20% van die land se lêhenne uitgewis en slegs die Noord-Kaap is tot nog toe gespaar. Meer as 4,2 miljoen hoenders is al uitgeslag of het weens die virus gevrek, is bekend gemaak toe die Departement van Landbou, Bosbou en Visserye sy 2016-’17-jaarverslag aan die Parlement se portefeuljekomitee vir landbou, bosbou en visserye voorgelê het. Die eerste uitbreking is op 22 Junie vanjaar in Mpumalanga aangemeld en teen druktyd is 80 gevalle al aangemeld. Van die bedryf se kant is daar pleidooie vir inenting om te keer dat lêhenne heeltemal uitgewis word, asook om toe te laat dat bevrugte eiers ingevoer word. Me. Annette Steyn, die DA se skaduminister van landbou, sê inenting kan meebring dat die siekte endemies in die land word,…

DIE doel van Agri SA se herstrukturering is om sy dienslewering meer vaartbelyn te maak, vinniger te kan aanpas by veranderende omstandighede en doeltreffender op beleidsveranderinge te reageer. Mnr. Johannes Möller, voorsitter van Agri SA, het op laasgenoemde se jaarlikse kongres buite Pretoria gesê die organisasie se droogtehulpverlening getuig daarvan dat hy meer oplossinggedrewe word in sy benadering tot hulpverlening. Soortgelyke inisiatiewe is onder meer ’n risikobestuur-lessenaar wat gedeeltelik deur Senwes gefinansier word en reeds bekend gestel is, ’n rampfonds en landbouversekeringstelsel, finansieringsmodelle vir opkomende boere en grondhervorming en die byhou van akkurate en bygewerkte data oor transformasie. Möller sê die herstrukturering sluit in ’n kleiner direksie van 14 lede teenoor die vorige sowat 68. Die provinsiale, bedryfs- en korporatiewe kamers voorsien die direksie van leiding, terwyl die sentra van…

KOMMER bestaan dat die landbou-arbeidsmark nie soos gewoonlik in die derde kwartaal met 5-10% sal groei nie. “Volgens historiese inligting is daar altyd ’n afname in die eerste twee kwartale, maar in die derde kwartaal sien jy die werkmark met 5-10% groei,” sê mnr. Wandile Sihlobo, ekonoom van die landbousakekamer Agbiz. “Daardie terugsprong kan dalk nie hierdie jaar gebeur nie,” sê hy. Onsekerheid oor die uitkoms van die ANC-konferensie en -leierskapsverkiesing in Desember en die droogte in die Wes-Kaap kan albei tot werksverliese bydra. “Die Wes-Kaap lewer 22% van die landbousektor se bruto binnelandse produk, maar die toekoms lyk nie te goed nie, wat baie kommerwekkend is,” sê hy. Die droogte in die Wes-Kaap sal waarskynlik in die bruto binnelandse produk van 2018 weerspieël word.…

DIE pluimveeprodusent Sovereign Foods is aan ’n spesiale doelwit-onderneming genaamd Bidco verkoop en gaan na verwagting later vanjaar gedenoteer word. Sovereign se aandeelhouers wat op ’n spesiale vergadering hieroor gestem het, het eenparig besluit om Bidco se aanbod om al Sovereign se aandele te koop, te aanvaar. Bidco word deur die onderneming Capitalworks beheer, sê Sovereign in ’n verklaring. Bidco se aanbod van R12 per aandeel, oftewel altesame R907 miljoen, was ’n derde meer as die mislukte aanbod van die pluimveeprodusent Country Bird Holdings, wat verlede jaar R9 per aandeel aangebied het. Aandeelhouers wat byna 90% van aandele verteenwoordig, het die spesiale algemene vergadering op 9 Oktober bygewoon of was daar verteenwoordig. Mnr. Chris Coombes, uitvoerende hoof van Sovereign Foods, het gesê hy is bly oor die stemuitslag omdat dit…

DIE landbougemeenskap het nog sowat twee maande oor om ANC-kongresgangers te oortuig dat die onteiening van grond sonder vergoeding rampspoedig vir Suid-Afrika sal wees. Dié stap, waarvoor ’n paar ANC-leiers reeds hul steun uitgespreek het, kan lei tot die verlies van R160 miljard se bankdeposito’s wat as lenings aan die landbou toegestaan word. Die landbou-sakekamer Agbiz het op ’n werksessie in die Wes-Kaap benadruk hoe belangrik dit is dat beleidsvormers besef dat voedselproduksie grootliks van verbandfinansiering afhanklik is. Die werksessie het gehandel oor probleme waarvoor die landbou te staan kom ten opsigte van beleid en wetgewing. Die totale landbouskuld be-loop ongeveer R160 miljard, waarvan die meeste verseker is deur verbande op grond. Indien die grond sonder vergoeding gevat word, sal boere nie hul skuld kan betaal nie en die banke…

1  ZAMBIË | Kinderplaaswerkers wek kommer Die Internasionale Arbeidsorganisasie (IAO) raam dat 92% van alle kinderarbeiders in Zambië in die landbousektor werksaam is. Me. Chabala Mukatimui, Zambiese koördineerder by die IAO, sê kinders is veral by gewasverbouing, lewendehaweboerdery en visboerdery betrokke, waar hulle lang ure in onveilige toestande werk. Wêreldwyd het die IAO se Global Estimates of Child Labour 2012-2016 bevind sewe uit tien van die wêreld se 151,6 miljoen kinderarbeiders (kinders van 5-17 jaar) werk in die landbou, en verreweg die meeste (19,6%) is in Afrika. — African Farming 2  KENIA | Staat haal uit vir kossekerheid Mnr. Uhuru Kenyatta, die Keniaanse president, het onlangs aangekondig die regering gaan mielies ter waarde van Sh6 miljard (R780 miljoen) by boere koop ingevolge ’n strategiesekosreserweprojek en ook die prys van kunsmis…

DIE Assosiasie vir Vleisinvoerders en -uitvoerders (Amie) vra dat die Regering ’n heffing van R500 per houer ingevoerde hoendervleis instel. Die inkomste uit só ’n heffing sal in 2018-’19 na raming R7 miljoen wees, luidens ’n verklaring deur die Nasionale Landboubemarkingsraad (NLBR). Die geld moet volgens die organisasie gebruik word vir: ■ Die ontwikkeling en behoud van markte, insluitend uitvoerbemarking van Suid-Afrikaanse hoender. ■ Skakeling, insluitend verbruikersopvoeding. ■ Transformasie in die bedryf. ■ Navorsing en ontwikkeling. ■ Gehaltebeheer en verbruikersgerusstelling, en administrasie. Die Wet op die Bemarking van Landbouprodukte bepaal dat ’n statutêre heffing nie meer as 5% van die gerealiseerde prys van ’n spesifieke produk by die eerste verkoopspunt mag beloop nie. Amie het bereken ingevolge gemiddelde pryse die afgelope drie jaar, sou ’n heffing van R500 toe tussen…

BRAUNVIEH SA sê hy is steeds die enigste wettige registrasie-agentskap vir dié beesras, ná gerugte van ’n alternatiewe Braunviehgenootskap, én ’n alternatiewe registrasieproses vir dié ras, die ronde begin doen het. Daar was ook bewerings dat dié proses skriftelik deur die Registrateur van Diereverbetering goedgekeur is. Die genootskap sê in ’n verklaring hy kon ondanks verskeie versoeke geen bevestiging van dié bewerings kry nie. “So ’n werkswyse is in ieder geval strydig met die Wet op Diereverbetering (Wet 62 van 1998), wat bepaal dat daar net een telersgenootskap en een registrasie-owerheid per ras mag bestaan. Die wet bepaal ook dat net ’n geregistreerde registrasie-owerheid diere mag registreer en stambome uitreik. “SA Stamboek is ook al registrasie-owerheid waarby Braunvieh-stoettelers hul diere kan registreer. Geen ander instansie mag enige Braunvieh-dier wettig registreer…

Een van Suid-Afrika se wynpioniers, mnr. Michael Hans (Spatz) Sperling (87) van Delheim, is op 8 Oktober ná ’n lang siekte oorlede. Sedert sy aankoms in Suid-Afrika in 1951, met 10 pond in sy sak, aan boord van die Winchester Castle het hy baanbrekerswerk in die plaaslike wynbedryf gedoen. Hy het onder meer in 1971 saam met mnre. Frans Malan van Simonsig en Niel Joubert van Spier die Stellenbosch-wynroete gestig — die eerste wynroete in die land. Delheim was ook die eerste plaas wat ’n nuusbrief uitgestuur en kaasborde vir middagete begin bedien het. Saam met Malan en mnr. Sydney Back van Backsberg het Sperling die Cape Estate Wine Producers gestig, wat deurslaggewend was om wetgewing oor wynlandgoedere te verander. Dit het gelei tot die ontstaan van die Wyn van…

Die Wêreld- Ekonomiese Forum het onlangs die stelling gemaak dat die wêreld binne tien jaar ’n tekort aan voldoende kilojoules (dus genoeg voedsel) kan hê en nie eers teen 2050 soos verwag is nie. In Suid-Afrika kan beleidsonsekerheid, swak ekonomiese groei en ’n toename in regeringskuld tot ’n kredietafgradering lei. Dit sal voedselsekuriteit regstreeks benadeel omdat ’n swakker rand kan lei tot ’n toename in rentekoerse en hoër invoerkoste. Inflasie sal toeneem en die verbruiker sal armer word. Die begrotingstoespraak op 25 Oktober is ’n geleentheid waartydens beleggers se vertroue in die toekoms van die land verbeter kan word. Die landbou het gehelp om die resessie te breek en daarom moet ’n mens aandag gee aan hoe die landbou se uitsette geoptimaliseer kan word. PROVINSIALE BEGROTINGS Uit die TABEL is…

Sommige mense meen die amptelike jagtyd is net in die winter om voorsiening te maak vir die mens se jag- en vleislus. Eintlik is jagtye daar om wild wat tegnies aan niemand behoort nie, oordeelkundig te laat jag. Om ’n balans te handhaaf tussen die behoeftes van die dier en die mens, is dit seker nodig om ’n mate van beheer uit te oefen. Die jagproklamasie is dus meer as net ’n afkondiging van ’n tyd vir jag. Omdat wild buite omheinde gebiede aan niemand behoort nie, beheer die staat dus die jag van daardie diere deur elke jaar ’n jagproklamasie uit te reik. Sekere beskermde spesies het geen jagtyd nie en mag dus nie sonder ’n permit gejag word nie. Voorbeelde in die Oos-Kaap is die klipspringer en die…

In 2014 het Rhizoctonia meer as 20% van die aartappeloes op Bottervlei, net buite Vanrhynsdorp, verwoes. Vir mnr. Maritz Hanekom, die plaasbestuurder, was dit ’n bekommernis. “Ons het nie ’n chemiese middel gehad wat vir ons die versekering kon gee dat ons gronde skoon is nie. Ons het reeds al ons moere met Mancozeb (reg.nr. L7381), ’n swamdoder, behandel, maar dit was net doeltreffend in die beginstadium van die seisoen. Rhizoctonia floreer in die boonste 5 cm van die grond, waar daar meer hitte is. “As die moer dus begin uitloop, vreet die Rhozictonia die stingels pikswart nog voordat dit uitgekom het. Later in die seisoen begin die swamme ook die knolle aanval. Ons het al ’n aartappel hier uitgehaal wat soos ’n truffel lyk.” Maritz sê hulle het die…

DIERERANTSOENE MAAK SÓ VOORSIENING VIR DROOGTES Wat kan ons uit die huidige droogte leer oor diere se rantsoene wat ons slimmer en meer voorbereid kan maak vir die volgende een wat kom? Die natuurverskynsel van droogte kom siklies en gereeld in Suid-Afrika voor. Ons verwag dit dus. Gevolglik kan ons daarvoor beplan om seker te maak die nadelige gevolge is so min as moontlik. Die onderstaande opmerkings is op tipiese seisoenale en eenjarige droogtes van toepassing — daar waar ons kan sorg dat ons nie onverhoeds betrap word nie. Soms duur droogtes langer en kan ons nie doeltreffend daarvoor voorberei nie. Kortpaaie of wondermiddels bestaan nie. Diere het daagliks ’n minimum hoeveelheid verteerbare energie nodig om te oorleef en addisionele energie om te kan groei en voortplant. Óf bykomende voer…

Carl en Naomi Grobler van Paddastoelboer kweek eksotiese shiitake-sampioene in spesiale, ingevoerde houtstompe. Hulle verskyn ook in die TV-reeks Nisboere wat op Via (kanaal 147) uitgesaai word. Wat maak dié sampioene so besonders? Shiitake-sampioene het ’n unieke smaak. Dit is die lekkerste sampioen wat daar is. Dis ook uniek omdat dit op houtstompe groei (dit kom oorspronklik uit Japan) en daar nog nie ’n ander manier gekry is om dit te kweek nie. Shiitake-sampioene het ook ’n baie langer raklewe as ander sampioene — dit hou twee weke of selfs langer en vries ook baie goed. Hoe het jul boerdery ontstaan? Ons was verlede jaar in China vir ’n tradisionele Chinese troue. Die bruidegom het ons na ’n groot sampioenboerdery geneem en dit was baie prikkelend. Die stompe word in…

NEEM DIE NAALD OP Hello, Hekel deur Cornel Strydom, Elsbeth Eksteen en Anisa Fielding. Uitgewer: Human & Rousseau. Prys: R310 Sommer op die voorblad word dit duidelik dat hekel haar koekerige beeld afgeskud het. Dit is nie meer ’n aktiwiteit vir die ouetehuis se stoep nie, maar selfs celebs, soos Madonna en Meryl Streep, het glo al die hekelnaald opgeneem. In Hallo, Hekel, wys die drie vriendinne Cornel Strydom, Elsbeth Eksteen en Anisa Fielding hoe om meer as 60 hekelpatrone vir jou huis, speelgoed, geskenke en klerekas aan te pak. Die boek is opgedeel in vier afdelings – kontemporêr, kunstig, romanties en boheems – sodat jy volgens jou styl ’n projek kan aanpak. Elke patroon word toegelig met pragtige foto’s wat hekel se moderne kant wys. Alles wat…

God hou nie van ’n langafstandverhouding nie. Elke keer wanneer ek iemand bystaan in sy of haar ellende, wonder ek: Waarom het dit met hom of haar gebeur, en nie met mý nie? Moet ek aanneem dat ek dalk ’n beter persoon is? Die blote gedagte skree egter in my binneste: “Nee, nee, dit kan tog nie so wees nie.” Watter logika is daar aan sulke gedagtes? Elke keer loop ’n mens jou vas in God se andersheid. Ons mense werk met be-grippe soos redelikheid en onredelikheid, maar vir God is daar ook iets soos bowe-redelikheid. God beweeg in ’n wêreld waar ons nog nooit was nie en om sy weë te wil inpas in ons beperkende grense, wil net nie altyd werk nie. Sy weë is immers nie ons…

Die informele mark is ’n belangrike deel van die mark vir krulkool (ka le). Mnr. Clifford du To it, wat met onder meer krulkool naby Skeerpoort in Noordwes boer, sê die produk het nie ’n lang rakleeftyd nie. Smouse verkies om dit op plase te gaan koop omdat hulle reken dit is varser. Die vraag na krulkool word onder meer deur die prys van kool beïnvloed, sê Du To it. Laerinkomstegroepe beskou krulkool en kool as bekostigbare groente. As kool goedkoop is, sal hulle eerder kool as krulkool koop. Die prys van krulkool op die informele mark is verwant aan die formele markprys, met vervoer na die formele mark, asook kommissie, wat afgetrek word. Du To it sê die gemiddelde prys is sowat R6 per bossie, wat sowat 2 kg…

Die volgende ontleding van grondverkope in Suid-Afrika is van transaksies in die Oos-Kaap vanaf Augustus verlede jaar tot Julie vanjaar vir grond wat groter as 10 ha is. In dié tyd is 337 ooreenkomste in 34 distrikte gesluit, wat 198 999 ha teen R1,966 miljard behels het. By 47% van die distrikte is dalende prysneigings waargeneem – ’n duidelike weerspieëling van die invloed van die moeilike landboutoestande in dié provinsie. Uit die totale ooreenkomste was 43 transaksies van kleur, 13% van die totaal. Dié soort transaksies sluit in verhandelings tussen individue (36), regeringsaankope van landbougrond (3) en grond verkry vir munisipale gebiede (4). In dié transaksies is 17 834 ha, oftewel 8,9%, ter sprake teen R192 miljoen. Uit die totaal was 85 (25%) transaksies vir grond kleiner as 50 ha,…

BEEFMASTER ‘REGTE BULLE SIT GELD IN DIE SAK’ Die sowat 1 500 geregistreerde Beefmasterbulle wat op die am-per 50 veilings van dié genootskap se afgelope veilingseisoen verkoop is, is teen ’n gawe gemiddelde prys van R40 000 stuk van die hand gesit. Die duurste bul (van die Staalbroers by Kroonstad se Bos Blanco-stoetery) het R320 000 op die genootskap se nasionale veiling behaal. Die duurste koei is teen R160 000 op Bos Blanco se produksieveiling verkoop. Mnr. Connie van Vuuren, voorsitter van die genootskap, sê bulle én vroulike diere van dié ras is tans groot in aanvraag. Hy skryf dit daaraan toe dat SA Stamboek se jongste prestasie-aantekeningdata weer gewys het Beefmasters lewer die derde ligste geboortegewig (gemiddeld 33,8 kg) van alle rasse en op een na die swaarste speenkalwers…

BOEREDAE 20-21 OKTOBER: Hamlet-kunsen-kultuurfees en Agridag. Prince Alfred Hamlet. Nica du Toit. E-pos: marketing@hkkf.co.za 3-4 NOVEMBER: GWK se Oewerfees. Soon le Roux-jeugkamp, Prieska. Frikkie, e-pos: oewerfees@gmail.com; sel 082 808 5349. 18 NOVEMBER: Opedag. Rooikoppies-boerdery, Frankfort. Praatjies: Toekoms van rooivleisboerdery, suksesvolle sinchronisasie (skape en beeste), fasevoeding-navorsingsresultate, belastingimplikasie t.o.v. jou vee by afsterwe, praktiese keuring van ramme, ens.; uitstallings en besigtiging van skape en dragtige verse. Dawid Botha, sel 082 371 6761. E-pos: dawid.botha@telkomsa.net 25 NOVEMBER: Vaalwaterboeredag. Bergfietswedren, kindervermaak, skietkompetisie, vee- en eiendomsveiling, kaas-enwynproe, eetkompetisie, kosstalletjies, boeresport, biertent, vlugbal en meer. Eiendomsveiling en vermaak: Natalie du Toit, sel 083 591 0597. Veeveiling en kos: Annie Vermaak, sel 060 974 7482. 3 OKTOBER: Suidwes se Jongboertjie-dag (vir 10- tot 18-jariges). Wolmaransstad-skouterrein. Deon Badenhorst, sel 082 881 7461. EKSPO’S EN ANDER 19-21 OKTOBER: Vaalharts…