Innehållsförteckning för 10-Nov-17 från Landbouweekblad

Boere is nie uniek in die gewelddadige misdaadaanslag wat hulle ervaar nie, maar die aard van dié aanslag is eiesoortig, skryf mnr. Frans Cronjé, uitvoerende hoof van die Suid-Afrikaanse Instituut vir Rasseverhoudinge (IRV). Dieselfde geld mense wat nagskofte werk, sekerheidswagte, Uber-bestuurders en winkelwerkers. Hulle ly almal onder skokkende vlakke van geweld en het almal rede om openbare aandag op dié risiko te vestig. Kritici van die Swart Maandag-protes moet egter waak daarteen om die plaasmoord-krisis in ’n kompetisie oor wie in die samelewing meer of minder kwesbaar is, te verander, want dit is ’n sinnelose en vernietigende oefening. Die gemeenskaplike vrees vir geweldsmisdaad behoort Suid-Afrikaners eerder te verenig. Die IRV het al nie-amptelike onderhoude met senior polisiebeamptes gevoer wat by van die mees skokkende plaasmoordtonele teenwoordig was. Hulle was oortuig…

VIR die eerste keer in 23 jaar is daar syfers oor grondhervorming wat bewys vordering ís gemaak en dat die vrye mark (gewillige koper en gewillige verkoper) werk. Só het mnr. Dan Kriek, voorsitter van Agri SA, verlede week met die amptelike bekendmaking van die gesamentlike grondoudit deur Agri Development Solutions (ADS), Agri SA en Landbouweekblad gesê. “Die syfers bring hoop. Alles is nie so sleg as wat altyd voorgehou word nie. Syfers wat dikwels deur politici uit die lug gegryp word om populistiese stellings maak, is nou as onwaar bewys. “Nou is daar ’n grondslag van waar gewerk kan word in die openbare debat oor grond.” Hy sê die syfers wys ook ’n radikale pad met grondhervorming is onnodig, want die mark werk en die private sektor lewer ’n…

DIE ergste droogte in menseheugenis wat in die drie Kaapprovinsies heers, knaag aan boere se gemoedere. Dit kan daartoe lei dat boere wat nie ’n ander uitweg sien in dié tyd van uitermate stres oor reën wat nie kom nie en rekeninge wat betaal moet word, hul eie lewe neem, sê mnr. Henk van Wyk, voorsitter van Agri Noord-Kaap. Van Wyk het op Agri Namakwaland se onlangse jaarlikse kongres op O’Kiep gesê die georganiseerde landbou onderhandel met die Regering en beraam allerhande ander planne vir boerderye, maar emosionele faktore word feitlik nooit bekyk nie. “Wanneer sulke demoraliserende toestande heers, is dit ’n wêreldwye verskynsel dat meer boere hul eie lewe neem. “Geleerdes sê die oorsaak daarvan is dat boere geneig is om te selfvoorsienend en te onafhanklik te wil wees.…

1 UGANDA | Koffieprojek werp vrugte af Uganda het in die afgelope bemarkingsjaar tot 30 September 18% meer koffie uitgevoer as in die vorige jaar. Dit was danksy nuwe aanplantings wat in produksie gekom het. Die land het 4,2 miljoen sakke van 60 kg elk uitgevoer — die meeste sedert 1996. Die land se inkomste uit koffie het met 40% gestyg vanaf $351 miljoen (R4,91 miljard) tot $490 miljoen (R6,9 miljard). Die Ugandese koffie-ontwikkelingsowerheid (UCDA) het sedert 2012 bykans 317 000 koffiesaailinge aan boere in die 98 koffieproduserende distrikte versprei, maar lae produktiwiteit, onvoorspelbare weer, onvoldoende tegniese steun en lae kunsmisverbruik strem steeds produksie. Die UCDA is tans besig om alle koffieboere te registreer, en ’n nuwe konsepwet oor die koffiebedryf word binnekort in die land se parlement bespreek. Die…

HOEWEL Suid-Afrikaners daagliks met slegte nuus gebombardeer word, is daar ook goeie nuus. Per slot van rekening is sake in die land glad nie so sleg as wat dikwels voorgehou word nie, sê mnr. Dave Mohr, hoofbeleggingstrateeg by Old Mutual. Mohr was een van die hoofsprekers op ’n beleggingskonferensie wat die Alexandria-melkstudiegroep onlangs by Seaview aangebied het. Hy sê dat die goeie reën, die oplewing in die wêreldekonomie, ’n styging in kommoditeitspryse, die verlangsaming in die inflasiekoers en die verbetering van kraglewering goed vir die landbou en verbruikers is. Aan die ander kant is die Regering op soek na meer geld om die staatskas aan te vul en kan hoër belasting met die volgende begroting te wagte wees. Die moontlikheid dat BTW met tot 2 persentasiepunte verhoog kan word, kan…

Suid-Afrika se ekonomiese groei raak agter, terwyl die res van die wêreld besig is om te herstel. Weens beleidsonsekerheid en die vlaag korrupsie wat die land teister, is beleggersvertroue laer as wat dit kan wees. Gevolglik verbeur Suid-Afrika beleggings in produktiewe bates. Dit verswak die land se posisie teenoor wêreldwye mededingers. Volgens die Reserwebank kan die impak daarvan só groot wees dat die land 1 persentasiepunt van sy ekonomiese groei (die groei in die bruto binnelandse produk) daardeur verloor. Uitvoerpryse het sedert 2015 skerp gedaal, maar intussen marginaal begin herstel. Anders as in die geval van katoen (+21%) en sojabone (+5%), is internasionale mielie- (-6%) en koringpryse (-12%) steeds laer as in 2015. Hoewel ’n mens nie toekomstige produksie-inkomste kan grond op vooruitskattings dat die rand gaan verswak nie, speel…

Vandag kyk ek na die risiko wat belasting op jou beleggings kan hê. Ons vriend Jan Taks word nie verniet die Ontvanger van Inkomste genoem nie. Met elke stukkie inkomste wat jy verdien, staan hy gereed om te ontvang. Selfs op jou spaargeld waarop jy reeds belasting betaal het, vat hy ’n deel van die groei van daardie geld. Die belastings ter sprake is inkomstebelasting (tot 45%) op die groei wat uit rente en huur verdien word, dividendbelasting (20%) op dividende wat uitbetaal, en kapitaalwinsbelasting (tot 18% en 36% in die geval van trusts) op die wins as jy aandele verkoop. Kapitaalwinsbelasting is nie eintlik ’n afsonderlike belasting nie, want dit is inkomstebelasting op kapitaalwins. Kom ons haal nou die spulletjie uitmekaar en kyk of daar êrens ’n skuilplek is…

D it is belangrik dat die veebedryf sy toekoms in sy eie hande neem. Dié wekroep het onder meer vroeër vanjaar by ’n werksessie oor die veebedryf in Pretoria opgeklink (sien die artikel “Rooivleis: Só lyk die pad vorentoe”, LBW, 12 Mei 2017). ’n Groot afvaardiging van die belangrikste betrokkenes in die waardeketting (waaronder kommersiële boere, die groot voerkrale en die kleinhandel) het koppe bymekaargesit oor hoe eienaarskap geneem kan word. Daar is ook gepraat oor hoe die bedryf homself kan finansier sonder om voortdurend na die Departement van Landbou, Bosbou en Vissery te kyk vir ondersteuning of aalmoese. Van die ouer boere onthou nog met nostalgie die dae toe ’n groot persentasie van hul insette deur die regering gesubsidieer is. Die opvatting bestaan ook onder hierdie boere dat oorsese…

LIGGING Touwsrivier, Wes-Kaap KORTOM ■ Ryp het veroorsaak dat die tafeldruifoes op die Hoogland-boerdery in Touwsrivier heeltemaal vernietig is. ■ Ingevoerde rypwaaiers was te duur en die drie Jordaan-broers, die eienaars van Hoogland, het besluit om hul eie waaiers te bou. ■ Die waaiers is so doeltreffend dat hulle dit nou saam met ’n span kundiges as vennote kommersialiseer as ’n produk van wêreldgehalte. As die nood begin druk, ken Suid-Afrikaners van twee dinge: bid en planne maak. Die drie Jordaan-broers, Danie, Luan en Marius, van De Doorns in die Boland het vyf jaar gelede die plaas Hoogland naby Touwsrivier gekoop. Die plan was om hul tafeldruifbesigheid daar uit te brei. Op Hoogland het hulle geleer planne maak, maar bowenal dat die weer ál minder voorspelbaar word. Boere moet elke…

Vleisbeesboere kan uitsien na beter bestryding van bloubosluise (Rhipicephalus [Boophilus] spp.) en rondewurms by vleisbeeste in Suid-Afrika. Dié opgietmiddel, Avotan® Plus Pour-On (reg.nr. G4216, Wet 36 van 1947), se formulasie bestaan uit ’n kombinasie van fluasuron en abamektien en het ’n na-werkende effek van 42 dae vir die bestryding van bloubosluise. Die unieke kombinasie van abamektien en fluasuron in Avotan® Plus Pour-On maak die produk ’n uitstekende hulpmiddel vir die beesboer wat bloubosluise én rondewurms wil bestry. STREM GROEI Fluasuron behoort tot ’n groep chemiese middels wat bosluisgroeireguleerders genoem word. Hierdie middels veroorsaak nie regstreeks dat bosluise vrek nie, maar meng in met die groei en ontwikkeling van die parasiete. Bosluisgroeireguleerders se werking is hoofsaaklik op die onvolwasse stadiums van die parasiete gemik. As sodanig is dit dus nie geskik…

Gerookte mosselpatee: Verwerk 1 blikkie gerookte mossels (met olie en al), 1 houer (200 g) ongegeurde roomkaas en ’n skeut suurlemoensap tot glad. Geur met sout en peper en verkoel tot benodig. Songedroogdetamatiesmeer: Verwerk 1 pakkie songedroogde tamaties (met olie en vinaigrette) met ’n hand vol gehalveerde kersietamaties en ’n hand vol geskeurde basilieblare tot glad genoeg om te smeer. Geur na smaak met sout, peper en strooisuiker en verkoel tot benodig. Keker-ertjiesmeer: Verwerk 1 blik gedreineerde, afgespoelde keker-ertjies en 15 ml geroosterde sesamsaad met ’n skeut koue water en genoeg olyfolie en suurlemoensap tot ’n smeerbare pasta. Geur met sout en peper en drup nog olyfolie oor (dit verdik as dit staan). Verkoel tot benodig. Roer goed deur voor dit voorgesit word. Wenk: Jy kan die keker-ertjies met 1 blik…

Ons het uit die bloute ’n uitnodiging na ’n goeie vriend se verjaardag gekry – nogal in die stad Keulen in Duitsland! Dit was omtrent ’n geskarrel om vliegtuigkaartjies en visums te kry binne net twee weke, wanneer die partytjie sou plaasvind. Toe ons egter by die Duitse konsulaat in Port Elizabeth kom, vind ons uit ons kan nie via Londen terugvlieg sonder nóg ’n visum nie en daar was nie genoeg tyd om daarom aansoek te doen nie. Ons moed was goed gebreek. Ons het reeds vir alles betaal en nou het dit gelyk asof ons niks gaan hê om daarvoor te wys nie. Dis amper soos om geld op ’n Springbokwedstryd te verwed. Die beste wat ons kon doen, was om ons sorge te verdrink met ’n bottel…

Ouderdom is nie ’n siekte nie, dis nie ’n lisensie vir niksdoen nie. Verlede week het ek beloof om verder te skryf oor die gebede van bejaardes sodat die belangrikste deel van die gebed nie dalk in die vergeet-boek sal verdwyn nie. Kom ons herhaal die gebed: “Noudat ek oud en grys is, o God, bid ek dat U my ook nie in die steek sal laat nie, sodat ek ook vir die nageslag van U kragtige optrede en U mag kan vertel . . .” (Ps. 71:18). Die woordjie “sodat” gee die rede waarom God die oue van dae nie moet agterlaat nie. Ten spyte van die baie dinge wat ek nie meer kan doen nie, is daar tog nog iets wat ek aan die nageslag verskuldig is. Ek…

Hoewel die wildbedryf tans in ’n drukgang is, is daar steeds geleenthede wat wink. Wildboere sal egter buite die kassie moet dink oor waarheen hulle die bedryf wil neem, want die dae van vinnig geld maak, is vir eers verby, sê mnr. Hennie Barnard, ’n lid van Summit Wildlife wat verlede maand ’n suksesvolle veiling op Graaff-Reinet aangebied het. Barnard sê te oordeel na die uitstekende opkoms op veilings en wilddae is dit duidelik dat die belangstelling in die bedryf geensins getaan het nie. “Die probleem is egter die uitmergelende droogte in die Noord-, Oos-, Suid- en Wes-Kaap wat boere se kontantvloei onder groot druk geplaas het. Hulle het eenvoudig nie die geld om wild te koop nie.” Volgens hom sit veeboere wat in die laaste dekade na wild gediversifiseer…

GAUTENG PRETORIA DOORNKRAAL (420) 21 ha, aan I. Cilliers, van S. Hager, R950 000. DOORNRANDJE (386) 21 ha, aan Hiroguard (Edms.) Bpk., van W.J. Dowling, R2 500 000. LEEUWKLOOF (285) 21 ha, aan In Principio (Edms.) Bpk., van P.C. van der Westhuizen, R1 200 000. KWAZULU-NATAL BALLITO SPITZ KOP (1398) 142 ha, aan Labourdonnais-trust, van Bon Espoir Estate, R4 500 000. SPITZ KOP (1398) 142 ha, aan Labourdonnais-trust, van H.J.C. Lincoln, R4 500 000. LADYSMITH BRAKFONTEIN (1332) 879 ha en PAAPKUILS FONTEIN (819) 202 ha, aan die nasionale Regering van die Republiek van SA, van Isigella (Edms.) Bpk., R9 457 896. LOUWSBURG MHLATI (69) 215 ha; SUNLAND (72) 86 ha en TAMBOTI RIDGE (81) 329 ha, aan Mabevugemeenskapseiendomsvereniging, van Loophole Trading & Inv 119 (Edms.) Bpk. en Loophole Trading and…

ANGORA ONDERSTEUN DIÉ RAMVEILINGS VIR PUIKRESULTATE AS in ag geneem word dat slegs 10% van alle Angora-stoetramme wat gebore word, op veilings aangebied word, sal dit boere wat genetiese vordering wil maak, loon om veilings te ondersteun, sê mnr. Petrie Maré van OVK. Hy sê die Angora-ramtelersvereniging bied drie soorte veilings aan waartydens boere diere kan koop. Dit is veldramveilings waar ’n groep ramme van deelnemers vir 6 maande lank in dieselfde omgewingstoestande op die veld aangehou word. Na ’n streng keuringsproses, word net sowat 60% van die ramme op die veiling aangebied. Daar is jaarliks drie sulke veilings in die land. ’n Nuutjie is die veilings van groepe versorgde ramme. Dit is soortgelyk aan veldramveilings met die verskil dat die ramme in die eerste drie maande ook pille kry…

€1,60 Suid-Afrikaanse aandeelhouers in SAB, wat ná die samesmelting met Anheuser Busch InBev aandeelhouers in laasgenoemde geword het, ontvang op 20 November ’n dividend van €1,60 per aandeel. Hierdie dividend is egter onderhewig aan Belgiese wetgewing wat van 15% tot 30% van dié dividend terughou, asook Suid-Afrikaanse dividendebelasting van soveel as 20%. — Sens R3 Die kleinhandelsprys van eiers in Suid-Afrika kan in die komende maande met tot R3/dosyn styg weens die groot aantal lêhenne wat as gevolg van hoogs aansteeklike voëlgriep van kant gemaak moes word. Dié koste-impak kan ook verder strek na verbruikersgoedere wat van eiers gemaak is. Die feit dat hoendervleis-invoer uit dele van die Europese Unie opgeskort is weens uitbrekings van voëlgriep dáár, hou plaaslike produsente staande. — Absa AgriTrends 50 000 ’n Geraamde 50 000…

‘Ons moet die mense vryspreek en vergewe sodat ons self verlos kan word van die woede en hartseer.’ DS. PETRUS GROVÉ, ’n boer en buurman van ’n boer wat by Ficksburg vermoor is, oor sy gevoel jeens die aanvallers. Bl. 14 ‘Syfers wat baie keer deur politici uit die lug gegryp word om populistiese stellings maak, is nou as onwaar bewys.’ MNR. DAN KRIEK, voorsitter van Agri SA, oor Landbouweekblad, Agri Development Solutions en Agri SA se grond-oudit. Bl. 15 ‘Baie boere is te ver agter om die reddingsboei te vat.’ MNR. HENK VAN WYK, voorsitter van Agri Noord-Kaap, oor die droogtehulplenings van die Land Bank, wat hy meen nie die beste opsie is om met droogtehulp te volg nie. Bl. 16 ‘Iemand met ’n grondeis op sy grond is…

MNR. KOOS UYS van Bronkhorstspruit en Delmas is die wenner van Pioneer se Weeg-en-Wen-opbrengskompetisie se afdeling vir sojabone onder besproeiing. In hierdie boerdery word sojaboonaanplantings aansienlik uitgebrei omdat dit finansieel die moeite werd is. Lees meer op bl. 44. VERTEL ONS VAN JOU GESIN. Ek en my vrou, Carin, het twee kinders, Koos (22), ’n student in bedryfsingenieurswese, en Carli (19), ’n student in chemiese ingenieurswese, albei aan die Universiteit Stellenbosch. WAT IS VIR JOU DIE LEKKERSTE VAN BOERDERY? Om elke produksiejaar se uitdagings en geleenthede aan te pak, asook die leefstyl wat jou toelaat om tyd met jou gesin deur te bring. Dit is iets wat nie noodwendig moontlik sou wees in ’n ander beroep nie. WAAR HET JY GESTUDEER? Aan die Universiteit van Pretoria, waar ek die graad…

IN die week waarin die “Swart Maandag”-optogte teen plaasmoorde landwyd reaksie én omstredenheid ontlok het, het die moorddadige aanslag op die land se boere en plaaswerkers onverpoos voortgeduur. In die nag ná die optogte van 30 Oktober is mnr. Barry Baars, ’n boer by Ficksburg en buurman van die bekende MD Foundation, in sy huis vermoor. Werkers het hom die volgende dag omstreeks 09:00 in sy slaapkamer aangetref. Hy was een van vier boere wat verlede Dinsdag vermoor is. Daar was ook moorde by Foch-ville in Gauteng, Albertinia in die Wes-Kaap en Griekwastad in die Noord-Kaap. Ds. Petrus Grové, een van Baars se bure en bestuurder van MD se gemeenskapsafdeling, Missio Dei, wat ’n plaasskool, kliniek en hospies bedryf, sê hoewel hulle diep hartseer is oor Baars se dood, glo…

VOORTELING behels navorsing om moontlike verdraagsaamheid teen stresfaktore, soos droogte en hitte, in koringsaad in te bou. Dit is een van die belangrikste projekte van die koringtelingplatform wat op 31 Oktober op Welgevallen, ’n proefplaas van die Universiteit Stellenbosch (US), geopen is. Dit word beskou as ’n besonder doeltreffende manier om teling ’n hupstoot te gee. “Voorteling is moontlik een van die beste maniere om bestaande of nuwe gene en kenmerke in saadtelingsprogramme in te bring,” sê mnr. Willem Botes, planteteler en leier van die US se planteteeltlaboratorium (US-PTL). Die US-PTL versprei sedert 2003 kiemplasma (genetiese materiaal inherent aan ’n spesifieke soort plant) aan Suid-Afrikaanse koringteelprogramme. Navorsers by die US-PTL selekteer kiemplasma wat kenmerke bevat wat koringproduksie kan verbeter. Dit sluit abiotiese kenmerke in, soos droogteverdraagsaamheid en plante se vermoë…

DIE WARE REDES vir die stadige pas van grondhervorming en die krisis waarin die grondhervormingsprogram hom bevind, word reeds jare lank versteek agter die beginsel van ’n gewillige verkoper en ’n gewillige koper. Ek is reeds sedert voor 1994 by grondhervorming betrokke en het al duisende grondeienaars en ook ’n aantal eisergemeenskappe verteenwoordig, en die aanhoudende beskuldigings dat dÍt die struikelblok tot grondhervorming is, is bloot onwaar. Die Grondwet verplig die staat om grondhervorming toe te pas. Die wetlike grondslag vir dié program is gelê met ’n reeks wette, waaronder die belangrikste die Wet op die Herstel van Grondregte (Wet 22 van 1994) en die Wet op Grondhervorming (Huurarbeiders) (Wet 3 van 1996) is. Dié wette bepaal dat mense wie se grond tydens apartheid op rassegronde van hulle weggeneem is,…

VERSKEIE veesiektes kom met die aanvang van die somerreëntyd ál meer voor. Dr. Faffa Malan van die Herkouerveterinêre Vereniging van Suid-Afrika (RuVasa) maan boere om hul kuddes fyn dop te hou en in te ent teen die grootste siektebedreigings. In sy maandverslag vir September sê Malan veral parasietprobleme neem toe saam met die reën. Hy raai boere aan om die vyfpunt-moniteringstelsel te gebruik om diere in ’n kudde vir inwendige parasiete te ondersoek. Van die inwendige parasiete wat in die verskillende provinsies aangemeld is, is veral rondewurms, haarwurms en lintwurms in die loop van September aangemeld. Bosluisgedraagde siektes, soos Afrika- en Asiatiese rooiwater, hartwater en anaplasmose is ook wyd aangemeld. Malan waarsku veral teen Asiatiese rooiwater, wat oral besig is om kop uit te steek. Malan waarsku ook dat vroeë…

Suid-Afrika beleef ’n moeilike tyd, sê mnr. Marco van Niekerk, hoof- uitvoerende beampte van Outdoor Investment Holdings (Edms.) Bpk. “Mense weet nie hoe om op te tree nie. Almal weet egter iets moet gedoen word. Die Swart Maandag-beweging was ’n begin, al was dit net om bewustheid te skep. Ons samelewing, die man op straat, is desperaat.” Marco sê die veldtog het ongelukkig ook gewys hoe verdeeld Suid-Afrikaners is. “Tydens en ná die byeenkomste was dit duidelik hoe selfs ’n protesoptrede teen moord deur faksies en politieke partye misbruik word. Misdaadstatistieke verander elke minuut, na gelang van die gehoor en agenda, en ons moet self probeer uitvind wat die waarheid is.” Die getal boere wat vermoor en gemartel word, het afmetings aangeneem wat selfs Suid-Afrika se verdeelde samelewing om solidariteit…

Die duurste saad is heel moontlik nie dié waarvoor jy baie betaal nie, maar eerder terughousaad wat uiteindelik tot ’n swakker stand, ’n laer opbrengs en dus ’n kleiner inkomste lei. Dít was die saadmaatskappy Agricol se boodskap op die Swartlandse Kleingraanontwikkelingsgroep se boeredag op die Langgewens-proefplaas by Moorreesburg. “ ’n Baie algemene praktyk onder sekere boere is om saad terug te hou ten einde koste te bespaar. Gesertifiseerde kanolasaad waarborg gehalte – gesonde, kiemkragtige saad met ’n goeie ontkiemingspersentasie en wat vry van onkruid en patogene organismes is.” Agricol sê hoewel boere waarskynlik die ontkieming van teruggehoude saad toets, word die invloed van terughouding dikwels nie in ’n eenvoudige onkiemingstoets weerspieël nie. Die groeikragtigheid en gehalte van dié saad kan weens verskeie faktore aansienlik swakker wees. “Probleme weens wisseling…

WAT IS JOU BESTE BOERDERYBESLUIT? Om te boer en nie ’n ander beroep te kies nie. WAT IS DIE BESTE RAAD WAT JY AL GEKRY HET? Konsentreer op boerdery-aspekte waaraan jy ’n verskil kan maak en moenie jou energie vermors op dinge waaroor jy nie beheer het nie. WAT IS DIE GROOTSTE BOERDERYFOUT WAT JY AL GEMAAK HET? Om nie vroeër meer grond te koop nie. Nou is grond skaars en duur. WIE WAS JOU MENTOR? My pa, ook Koos. Hy het my laat besef as jy wil boer, moet jy naby aan en afhanklik van jou Skepper leef. WAT IS VIR JOU DIE MOEILIKSTE DEEL VAN BOERDERY? Om die regte bemarkingsbesluite sonder emosie te neem en om nie pessimisties te raak oor radikale politieke uitsprake nie. EN DIE GROOTSTE…

OPGAAR PASGEMAAKTE RESERVOIR ’n Kostedoeltreffende reservoir wat in ’n kort tydjie gelewer en opgerig kan word. Só som die verskaffers van die Circa-Flow Zinc-Al-reservoir hul produk op. Gespesialiseerde oprigtingspanne hanteer die oprigtingsproses, waaronder ’n fondament van beton. Die ligte struktuur word vooraf vervaardig. Die struktuur bestaan uit Zinc-Algolfplate met ’n hoë treksterkte, wat strukturele sterkte bied en aan SABS-standaarde voldoen. Die reservoirs word met swaardiens-CPL 1500-voering geïnstalleer om ’n volledige, waterdigte eenheid te vorm. Dié voering maak die reservoir nie net geskik vir die veilige bewaring van water nie, maar ook vir die opberging van vloeibare kunsmis, graan en wei. Die reservoirs se houvermoë wissel van 18 kl tot 330 kl en verskillende dieptes is beskikbaar. Na gelang van die kliënt se behoeftes kan die reservoir ook met ’n dak…

1 Grootkampioenram. Eienaar: Van Pletzen Merino’s (sel 082 301 9061), Sterkfontein, Jamestown. Van links na regs is mnre. Jan van der Walt (BKB), Koos Pansegrouw (aanbieder by die skou), Jannie van Pletzen, Niel van Pletzen en Fenani Ngeniso (hanteerder). 2 Grootkampioenooi. Eienaar: Mnr. Diederik van Pletzen (tel. 051 641 0642), Kranskop, Jamestown. Van links is mnre. Jan van der Walt (BKB), Janco, DJ en Diederik van Pletzen en Lwando Baba (hanteerder). 3 Reserwegrootkampioenram. Eienaars: Mnre. Hansie en Johan Sauer (sel 087 802 8330), Droogfontein, Jamestown. Van links na regs is mnre. Gary Trethewey (BKB), Johan Sauer en Masoyi Kotseli (hanteerder). 4 Grootkampioen-Merino met die beste vag op die skou. Eienaars: Mnre. Hansie en Johan Sauer, Droogfontein, Jamestown. Van links na regs is mnre. Jan van der Walt (BKB), Theunis Coetzer…

Mnr. Jon McLea, direkteur van Agricona, ’n landbou-konsultasiemaatskappy, gaan een van die besprekings op die ekspo lei wat handel oor die vinnige groei in die streek. Hy is onder meer betrokke by die vestiging van 6 000 ha kommersiële katoen in die noorde van Uganda. Jon het met Spintelligent gesels. WAT IS DIE GROOTSTE PROBLEME VIR DIE LANDBOU IN OOS-AFRIKA? Grondbesit en bekostigbare finansiering is die grootste struikelblokke in die uitbreiding en ontwikkeling van die landbousektor. Die huidige rentekoerse plaas groot druk op landboubesigheid. Ons moet nuwe maniere kry om die landbou te finansier en ons moet daaraan gewoond raak om grond as sekuriteit daarvoor te beskou. IS DAAR SUKSESVERHALE? Ek het onlangs werk gedoen vir die Internasionale Fonds vir Landboukundige Ontwikkeling by Uganda Oil Palm se plantasie by Kalangala.…

Malcolm Gooding en sy vrou, Salome, bedryf Gooding’s Grove, olyf-en-gasteplase op Franschhoek en Bonnievale. Hulle produseer tafelolywe en olyfolie. Die egpaar verskyn ook in die televisiereeks Nisboere, wat tans op Via (kanaal 147) uitgesaai word. Hoe groot is jul aanplantings? Ons het sowat 3 000 bome by Bonnie-vale en ’n verdere 500 by Franschhoek. Dis hoofsaaklik die kultivar Mission, maar daar staan ook ’n paar Frantoia-bome en ’n klein bietjie Kalamata-olywe (wat slegs vir tafelolywe gebruik kan word). Wat is jou grootste probleem as olyfboer? Dis die bome se gedrag wanneer hulle sekere jare net besluit om, skynbaar om geen rede nie, nie vrugte te dra nie! Vanjaar lyk dit darem of ons ’n lieflike oes kan verwag. Dis ’n fyn balans; jy moenie te sagkens werk met ’n olyfboom…

Die internasionale avokado-organisasie (WAO), ‘n nie-regeringsinstansie wat die bemarking van avokado’s in internasionale markte behartig, sê die Suid-Afrikaanse bedryf met sy sterk kwekersvereniging speel ‘n sleutelrol in die suksesvolle bemarking van avokado’s in veral Europese markte. Die WAO sê verkope van avokado’s in Europa het die afgelope jaar skerp toegeneem. Die Europese Unie se groeisyfers (wat Brittanje s’n insluit) is nou een van die snel groeiendste markte vir dié supervrug. Naas Amerika is die Europese Unie die grootste verbruikersmark van avokado’s. In 2016 het Europeërs meer as 410 miljoen kilogram avokado’s geeet. Die WAO verwag dat dit vanjaar tot 480 miljoen kg gaan styg. Mnr. Xavier Equihua, uitvoerende hoof van die WAO, meen die groei van 18% in een jaar is danksy die WAO se klem op avokado’s se gesondheidsvoordele…

In 18 van 42 distrikte (42,8%) in die Vrystaat het grondpryse laer geneig in die 12 maande tot Augustus vanjaar. In vyf distrikte is nie transaksies aangeteken nie. Die ontleding van grondverkope in die TABEL is vir grond van meer as 10 ha. In dié tyd is 706 ooreenkomste gesluit, wat 316 836 ha teen R3,982 miljard behels het. Daarvan was 65 transaksies van kleur – 9% van die totaal. Dié soort transaksies sluit in verhandelings tussen individue (47), Regeringsaankope (10) en grond wat vir stedelike ontwikkeling verkry is (2). Dit het 27 348 ha (8,6%) teen R354 miljoen – 8,9% van die totale waarde – behels. Van die totaal was 63 transaksies vir grond van minder as 50 ha (9%), met die meeste transaksies (366 of 52%) vir grond…

BOEREDAE 18 NOVEMBER: Ope dag. Rooikoppies-boerdery, Frankfort. Praatjies: Toekoms van rooivleisboerdery, suksesvolle sinchronisasie (skape en beeste), fasevoeding-navorsingsresultate, belastingimplikasie t.o.v. jou vee by afsterwe, praktiese keuring van ramme, ens.; uitstallings en besigtiging van skape en dragtige verse. Dawid Botha, sel 082 371 6761. E-pos: dawid.botha@telkomsa.net 25 NOVEMBER: Vaalwaterboeredag. Bergfietswedren, kindervermaak, skietkompetisie, vee- en eiendomsveiling, kaas-enwynproe, eetkompetisie, kosstalletjies, boeresport, biertent, vlugbal en meer. Eiendomsveiling en vermaak: Natalie du Toit, sel 083 591 0597. Veeveiling en kos: Annie Vermaak, sel 060 974 7482. 17 JANUARIE 2018: Balfourhooidag. Balfour, Mpumalanga. Nuutste toerusting en demonstrasies. Gert, sel 083 455 1587; Carel, sel 083 627 1354; Wouter, sel 083 390 2346. 4 JULIE 2018: Val-boeredag, toerusting en demonstrasies, aangebied deur Waterval-boerevereniging. Buite Standerton. Hardus, sel 083 230 2721; Frederik, sel 072 160 4824; Elizna, sel 082…

HOE VERANDER JY ’N NASIE? Deesdae is bogenoemde ’n toepaslike vraag. Om dit te beantwoord, gaan ek twee ongeskrewe reëls verbreek wat jare lank die maatskaplike samesyn by die Indwe-gholfklub bewaar het. Dit is die plek waar my wyle oupa en ouma albei oor die jare kolhoue geslaan het. Tot en met sy 102de verjaarsdag het my oupa elke Woensdag ’n statige agt putjies gespeel. Om godsdiens en politiek aan te roer, bly gewigtig. Hoe kan ’n mens anders wanneer die staat deur ’n klomp rampokkers gekaap is wat lynreg en doelbewus teen die belange van Suid-Afrikaners optree? Buiten die paar goeie mense wat nog in die staatsdiens en polisie uithou, kan staatshulp nie op kort of selfs mediumtermyn verwag word nie. Al wen adj.pres. Cyril Ramaphosa (seker maar die…

“ALLE koringboere wil graag ’n groter opbrengs kry,” is hoe mnr. Willem Botes, planteteler en leier van die Universiteit Stellenbosch se planteteeltlaboratorium (US-PTL), die rede vir ’n nasionale koringtelingsinisiatief opsom. Die nasionale koringtelingplatform wat in 2014 gestig is om koringkultivars met ’n groter opbrengspotensiaal te teel, is einde Oktober formeel geopen deur me. Naledi Pandor, Minister van Wetenskap en Tegnologie. Sy het op die opening by die universiteit se proefplaas Welgevallen die waarde van samewerking tussen die staat en die private sektor beklemtoon en gesê navorsing en die ontwikkeling van die bio-ekonomie is belangrik om voedselsekerheid te verseker. Die platform betrek kundiges uit die openbare en private sektor en vorm deel van die werksaamhede van die Universiteit Stellenbosch se departement genetika en fakulteit landbouwetenskap. Alle plaaslike telingsprogramme is van meet…

DIE Regering behoort sy gebeurlikheidsreserwes eerder te gebruik om burgers te help wat weens natuurrampe verliese ly as om te pro-beer om sy eie tekorte daarmee te probeer regdokter. Só sê mnr. Wessel Lemmer, senior landbou-ekonoom van Absa, in reaksie op mnr. Malusi Gigaba, Minister van Finansies, se mediumtermynbegrotingsrede. “Dit is jammer dat die land se gebeurlikheidsreserwes gebruik word om indirek die groeiende begrotingstekort aan te vul, pleks daarvan om aan dringende probleme, soos die bekamping van werksverliese weens natuurlike rampe aandag te gee. Dit strek van die droogte in die Wes-Kaap, en voëlgriep, tot steun aan die gemarginaliseerde bevolking wat deur die rampe geraak word.” Lemmer het sy kommer uitgespreek dat die verwagte styging in staatskuld tot 61% van die bruto binnelandse produk teen 2022 Suid-Afrika se risiko vir…

KUNSMIS | Skikking in prysvasstellingsaak oorweeg ’n Skikkingsooreenkoms wat met ’n klag oor beweerde prysvasstelling teen Omnia Fertilizers, AECI, Foskor en Sasol South Africa verband hou, is aan die Mededingingstribunaal voorgelê. Die tribunaal het egter meer dokumente aangevra wat hy wil bestudeer voor hy die voorgestelde skikking oorweeg, sê hy in ’n verklaring. Die Mededingingskommissie het op 9 Julie 2012 ’n klag van beweerde prysvasstelling teen die vier ondernemings gelê. Dit het verband gehou met ’n prysformule wat die maatskappye sou gebruik wanneer hulle ammoniak aan mekaar verkoop en nie oor ’n koopprys kon ooreenkom nie. Die tribunaal sê ’n ondersoek het getoon die maatskappye het ’n kostebesparingsvoordeel geniet deur hul ammoniakvoorraad gesamentlik by RAMM op te berg – die enigste opbergingsgerief in sy soort in Richardsbaai. Kragtens ’n ooreenkoms…

Die Mediumtermynbegrotingsraamwerk (MTBR) wat op 25 Oktober deur mnr. Malusi Gigaba, Minister van Finansies, in die Parlement voorgehou is, toon ’n verdere verswakking in die kernaanwysers van staatsfinansies en sal volgens my tot verdere kredietafgraderings lei. Waarskynlik die grootste skok is dat staatskuld in die volgende paar jaar verder gaan toeneem tot meer as 60% van die bruto binnelandse produk (BBP), nadat mnr. Pravin Gordhan, die voormalige Minister van Finansies, belowe het dat staatskuld teen sowat 50% van die BBP gaan stabiliseer. Die rand het sommer begin verswak terwyl Gigaba nog met sy toespraak in die Parlement besig was. Dit is ’n aanduiding dat vertroue in die ekonomie ’n verdere nekslag toegedien is. Beleggers gaan eerder hul geld uit Suid-Afrika neem as om in dié omstandighede te belê. Gigaba het…

Wetenskaplikes van die Amerikaanse ruimteagentskap Nasa en die internasionale aartappelsentrum (CIP) het vier aartappelkultivars geïdentifiseer wat só gehard is dat dit heel moontlik selfs op Mars sal kan groei. Die webwerf SciDevNet berig dat die span altesaam 65 kultivars ondersoek het om te kyk of hulle in grond so brak soos dié van die Rooi Planeet kan groei. Een daarvan is Tacna, wat in 1993 in Peru ontwikkel is. Die kultivar is kort daarna na China uitgevoer, waar dit sy staal op droëland en brak grond só goed getoon het dat dit in 2006 daar as Jishangshu 8 herdoop is en sedertdien wyd verbou word. Dit is ook na Oezbekistan, met sy hoë temperature en watertekorte, uitgevoer. Daar heet dit nou Pskom. Die tweede kultivar wat as potensiëel geskik vir…

Die onderstaande oesbeskermingsprodukte (met die registrasienommer ingevolge Wet 36 van 1974 en die naam van die vervaardiger tussen hakies) is gebruik op die land van 20 ha waaruit mnr. Koos Uys se wenblok van 2 ha gestroop is: ■ Saadbehandeling — Apron (reg.nr. L6837; Syngenta), Celest (reg.nr. L6353; Syngenta), Elite Gold (reg.nr. L8925; MBFi). ■ Plantmengsel — Metagan Gold (reg.nr. L5748; Syngenta), Zeona (reg.nr. L9842; Villa Crop Protection), KarateZeon (reg. nr. L9023; Syngenta), Supergrow (reg.nr. B4674; Metson World), Liquimax DS (reg. nr. K6182; Metson World). ■ Opvolgbespuiting — Roundup Powermax (reg.nr. L7769; Monsanto), Sojamax (reg. nr. B3949; Metson World), Amistar Xstra (reg.nr. L8567; Syngenta), ImprovR (reg.nr. B4962; Metson World). ■ Peulvorming — Marinure MoB (reg.nr. B4349; Metson World), Synthex (reg.nr. B4968; Metson World).…

Hoe raak beeste in ’n kudde met die hondsdolheidvirus besmet? Beeste raak besmet wanneer ’n hondsdolbesmette dier (honde en jakkalse is die belangrikste draers) een van die kuddediere byt. ’n Verandering in normale gedrag en disoriëntasie is tipiese, vroeë siektetekens van hondsdolheid. Pleks daarvan om dus — soos normaalweg — groot diere in ’n kudde te vermy, sal hondsdol honde en jakkalse nie bang wees om tussen die diere in die kudde te loop nie. Beeste is van nature nuuskierig en sal die diere nader wat vreemd reageer. Die dol dier sal die nuuskierige koei dikwels aanval omdat hondsdol diere gewoonlik aanval as hulle gestimuleer word. As dit gebeur, breek paniek in die kudde uit en sprei hulle uit, wat keer dat baie ander beeste gebyt word. Dit is vreemd…

Suid-Afrika is dalk nie ’n swaargewig ten opsigte van die volume melk wat gelewer word nie, maar die land se boere word onder die bestes ter wêreld gereken. Daarteenoor is Duitsland die grootste melkproduserende land in die Europese Unie, maar die Duitsers sukkel die afgelope paar jaar met winsgewendheid op plaasvlak. Me. Sibylle Möcklinghoff-Wicke, ’n landboukundige van die melkinnovasiespan in Hes-sen, Duitsland, reël jaarliks ’n buitelandse besoek vir melkboere in haar bedieningsgebied. “In Duits het ons ’n uitdrukking wat lui: ‘Kyk verby die rand van jou bord.’ Dit beteken eenvoudig dat jy jouself ook aan ander idees en ervarings moet blootstel,” sê sy. “Vir melkboere is nuwe idees veral belangrik om markkragte, regulasies en bedryfskoste die hoof te bied. Ons boere het die afgelope ruk met lae melkpryse gesukkel. Met…

Vispatee Jy kan hierdie patee met enige gaar vis maak, maar snoek, geelstert en forel werk fantasties. ■ 250 g gaar of gerookte vis, vel en grate verwyder ■ Sap van ’n halwe suurlemoen ■ Sout en vars gemaalde swartpeper na smaak ■ 1 x 200 g-houer ongegeurde roomkaas ■ 15 ml tamatiesous ■ 30 ml mayonnaise ■ 2 gerasperde agurkies ■ 1 middelslag-wortel, geskraap en fyn gerasper ■ 250 ml room ■ Olyfolie, vars suurlemoen en kappertjiebessies, om voor te sit Vlok die vis fyn en verwerk dit baie vinnig saam met die suurlemoensap, sout, peper, roomkaas, tamatiesous, mayonnaise, gerasperde agurkies en gerasperde wortel in ’n voedselverwerker tot net goed gemeng (nie té fyn nie). Klop die room styf en vou by die patee in. Skep in ’n geskikte…

Plaaskombuis word Woensdae om 18:30 op Via (kanaal 147 op DStv) uitgesaai. Die reeks word aangebied met die samewerking van Landbouweekblad. Toe Sonja in 1999 op ’n stukkie gehuurde grond buite Oudtshoorn met melkbokke begin boer het, sou sy nooit kon raai dat sy ’n bekende naam in kaaskringe gaan word nie. Met bloedsweet, trane en harde werk het sy haar bokmelkbesigheid ontwikkel tot Tantinki, ’n suksesvolle handelsmerk. Die besigheid het sy naam gekry van haar kleinste melkbokkie, wat haar kinders Tinktinkie gedoop het omdat sy so klein en fyn was. Een van die plaaswerkers, oom Jan, het die naam verkeerd uitgespreek en so is Tantinki gebore. Toe haar kaasmakery goed op dreef was, het Sonja begin eksperimenteer met buitengewone bokmelkprodukte, soos karamel en fudge, en spoedig het sy agtergekom…

Grasveld-habitatte in Suid-Afrika is onder kwaai druk. Na raming is tot 30% van dié bioom permanent verander of vernietig. Dit word hoofsaaklik veroorsaak deur die landbou, bosbouplantasies, verstedeliking en mynbou. Oorblywende natuurlike grasvelde is gefragmenteer en onder kwaai druk weens ander belangrike ekonomiese aktiwiteite. Modelle oor klimaatsverandering voorspel dat tot 50% van die oorblywende grasveldhabitatte in die toekoms onder druk kan kom. Die grasuil (Tyto capensis) ervaar druk weens getransformeerde grasvelde. Vir kos maak die uil veral staat op knaagdiere (veral vleirotte) en is dus die boer se vriend. Naas die Wes-Kaap, waar grasuile onder groot druk is weens min grasvelde, is daar ’n merkwaardige ooreenkoms tussen die verspreiding van grasuile en vleirotte. VOORKOMS EN HABITAT Op die oog af kan die grasuil met die vleiuil verwar word omdat albei…

INTERNASIONAAL: Die Chicagoprys het met $0,10/t tot $137,76/t (R1 923/t) teenoor die vorige week gedaal. Op ‘n jaargrondslag is dit 0,7%, of $0,91/t, laer. Verwagte pryse: Des. – $137,40/t (R1 918/t), Mrt. – $142,75/t (R1 993/t), Mei – $146,45/t (R2 045/t), Jul. – $149,21/t (R2 083/t). PLAASLIK: Die Safexprys van wit mielies het met 2,1%, of R41/t, tot R1 980/t teenoor die vorige week gestyg. Die prys van geel mielies het met 2,6%, of R53/t, tot R2 081/t teenoor die vorige week gestyg. Op ‘n jaargrondslag is die prys van wit mielies 48,6%, of R1 874/t, laer, terwyl geel mielies 36,2%, of R1 179/t, goedkoper is. Verwagte witmieliepryse: Des. – R2 007/t, Mrt. – R2 051/t, Mei – R2 086/t, Jul. – R2 135/t. Verwagte geelmieliepryse: Des. – R2 111/t,…

As daar een ding is waaroor veselprodusente deesdae min kla, is dit skeerkoste. As produksiemiddel beloop dit net ‘n breukdeel van die prys wat hulle tans vir wol- en bokhaar kry, sê mnr. Graham Frost, nasionale bestuurder van OVK se skeerdiensafdeling. Frost sê die alles-in-eenkoste van OVK om ‘n skaap of bok te skeer, beloop net sowat R11/kop. Die maatskappy skeer jaarliks sowat 3,8 miljoen skape en sybokke van Ermelo tot Moorreesburg. Dit verteenwoordig sowat 25% van die nasionale kudde. Die helfte van die sowat 900 skeerders in die maatskappy se diens is uit Lesotho afkomstig. Die res is Suid-Afrikaanse burgers. Hoewel OVK sy skeerkoste die seisoen met net sowat 6% aangepas het, het die prys van skeertoerusting wat hoofsaaklik uit die buiteland ingevoer word, weens die daling van die…