Innehållsförteckning för 24-Nov-17 från Landbouweekblad

DIE jongste verslag van die Verenigde Nasies (VN) se omgewingsprogram (UNEP) oor uitlaatgasse toon ’n “katastrofiese” gaping tussen lande se ondernemings om kweekhuisgasvrystelling te verminder en die stappe wat wel gedoen is om aardverwarming te stuit. Suid-Afrika het nie, soos beoog, in Januarie ’n koolstofbelasting ingestel nie. Plaaslike kenners van klimaatsverandering is besorg dat die vertragings kan lei tot twyfel oor die Regering se verbintenis tot die vermindering van kweekhuisgasse. Die wetsontwerp op koolstofbelasting is in November 2015 gepubliseer met ’n toepassingdatum van 1 Januarie. ’n Hersiene wetsontwerp is teen middel vanjaar beloof en mnr. Malusi Gigaba, Minister van Finansies, sê nou dit sal “binnekort” gepubliseer word. Suid-Afrika is lid van die VN se Parys-verdrag oor klimaatsverandering en onderneem kragtens dié ooreenkoms om sy vrystelling van kweekhuisgas teen 2020 met…

SA STAMBOEK en die Landbounavorsingsraad (LNR) was op 16 November besig om ’n finale skikking te probeer bereik, minder as ’n week ná hul mees onlangse hofverskyning – dié keer voor die Appèlhof in Bloemfontein. Dr. Andrew Magadlela, uitvoerende hoof van diereverbetering by die LNR, het aan Landbouweekblad gesê die meeste van die belangrikste geskilpunte is klaarblyklik uitgestryk. Daar word hard aan die opstel van ’n finale ooreenkoms gewerk, het hy gesê. Die Appèlhof het op 9 November argumente aangehoor oor een aspek van hul stryery oor die Intergis, die nasionale databank van stoetvee. Twee swaargewig-regspanne, onder wie drie senior advokate, het voor ’n volbank regters verskyn. Die vraag waaroor die appèlregters nou moet beslis, is of ’n teler en sy genootskap wetlik gedwing mag word om geregistreerde diere se…

DIE gediversifiseerde landboumaatskappy BKB het danksy goeie kommoditeitspryse en ’n uitbreiding van sy bedrywighede pas die beste boekjaar in sy geskiedenis afgesluit. Die waarde van sake gedoen, het in die afgelope boekjaar met 14% tot R9,92 miljard gestyg. Die omset het met 21% verbeter tot R4,23 miljard, en die bedryfswins van R256 miljoen is 52% hoër as ’n jaar gelede. Die wins ná belasting beloop R135 miljoen – wat ook ’n styging van 52% is. Mnr. Chris Louw, voorsitter van BKB se direksie, sê die maatskappy se gediversifiseerde inkomstestrome is die hoofrede vir dié uitsonderlike prestasie. Ofskoon alle afdelings van die maatskappy tot die groep se winsgewendheid bygedra het, was die wol-, lewende hawe- en suikerafdeling die afdelings wat die beste presteer het. Die gewig van die wol wat ontvang…

1 MOSAMBIEK | Bayer skop nes Die multinasionale saad-en-chemikalieë-maatskappy Bayer het onlangs ’n kantoor in die Mosambiekse hoofstad Maputo gevestig, wat volgens dr. Klaus Eckstein, Bayer se hoof- uitvoerende beampte en die uitvoerende hoof van die oeswetenskap-afdeling, veral op die landbou klem wil lê. Benewens verkoopspersoneel vir Bayer Crop Science sal daar ook steunpersoneel in verskillende dele van die land gestasioneer wees. Daar word verwag dat die Mosambiekse ekonomie veel sterker groei gaan toon as verlede jaar. Die eerste kwartaal se groei in die bruto binnelandse produk was meer as dubbel die vorige kwartaal. Die land se landbousektor gaan na verwagting vanjaar met 6,5% groei. — Bayer 2 KENIA | Graan haak vas in Mombasa ’n Bottelnek met graanhantering in die Mombasa-hawe is besig om invoermaatskappye duisende dollar aan oorlêgeld…

DIE toekoms van die wildbedryf lyk tans nog veilig, maar dit is belangrik dat dit op ’n volhoubare manier bestuur word en dat wildboere se boodskap verstaanbaar aan die politici oorgedra word. Dít was die ekoloog mnr. Dave Pepler se boodskap op Wildbedryf SA (WRSA) se Oos-Kaapse Wildboer van die Jaar-prysuitdeling op Jeffreysbaai. Pepler sê dit is onbillik om te verwag dat politici die omgewing moet verstaan soos wat ’n wetenskaplike dit verstaan. Net so sal dit onbillik wees om te verwag dat ’n ekoloog politiek moet verstaan. Volgens hom behoort organisasies, soos WRSA, kundiges op te lei om namens die bedryf op ’n politieke vlak te kan kommunikeer. WAARDE VAN WILD “Daar is geen twyfel dat jag ’n rol speel in volhoubare bewaringspraktyke nie, maar die grootste ekologiese doelwit…

MNR. CHARLES BACK, eienaar van die wyn-en-kaaslandgoed Fairview by die Paarl, is Landbouskrywers SA se 2017 Boer van die Jaar. Hy het Fairview van ’n familieplaas ontwikkel in ’n internasionaal bekende landgoed wat wyn en kaas van wêreldgehalte produseer. Hy word allerweë as ’n pionier in Suid-Afrika se wynbedryf beskou. Onder sy leiding was die Fairview-span die eerste wat wynkultivars, soos Viognier, Tempranillo, Tannat, Sangiovese en Petite Sirah, ingevoer het. Hy het die eerste bokmelkfabriek in Suid-Afrika opgerig. Dit word deesdae as ’n koolstofneutrale instelling bedryf. MNR. WARREN BAM van Tulbagh verbou organiese uitvoertafeldruiwe. Hy is aangewys as die Nuwe Toetreder van die Jaar tot die Kommersiële Landbou. Bam, ’n boorling van Saron, het 13 jaar gelede saam met mnr. Breda van Niekerk begin boer. Sy pa, Herman, het 32…

DIE voorlopige oesskatting vir Suid-Afrika se 2017-makada-mia-oes is 42 000 ton, terwyl die Suid-Afrikaanse Makadamiakwekersvereniging vroeër voorspel het dat die land dalk 54 000 ton makadamias kan oes. “Dit is nou duidelik dat die impak van 2015-’16 se droogte oor meer as een jaar strek,” sê mnr. Alan Sutton, voorsitter van Valley Macadamias in die Sabievallei. “Ons hoop dit raak nie aanstaande jaar se oes ook nie.” Sutton het op die maatskappy se jaareindgeselligheid op Hazy-view gesê dié droogte het boere, soos hyself, laat besef hoe jonk die makadamiabedryf eintlik is. “Dit was ons eerste groot droogte en ons leer nou eers hoe ons bome op sulke toestande reageer en hoeveel tyd hulle nodig het om tot volle produksie te herstel.” Die vooruitskatting vir aanstaande jaar se oes was aanvanklik…

Die uiteindelike mikpunt van die departement en die veebedryf is ’n funksionele, nasionale stelsel vir die identifikasie en naspeurbaarheid van vee in Suid-Afrika. Dit word gedoen om die volgende redes: ■ Suid-Afrika is uiters weerloos teen die uitbreking van oorgrens- of hoëimpaksiektes omdat sy buurlande en die gesoneerde gebiede van Suid-Afrika weerloos is teen sulke siektes. ■ Die huidige siektes wat in die land voorkom, en die weerloosheid teen ernstige siektes, soos bek-en-klouseer, bemoeilik plaaslike handel en uitvoer. Dit het die potensiaal om tot verliese van miljarde rande in inkomste te lei. ■ Die beweging van diere kan slegs in beperkte mate beheer word. ■ Veediefstal bly ’n ernstige probleem. ■ Die bestuur en identifikasie van diere in die kommunale en kommersiële sektor is ’n probleem. ■ Dit is problematies…

Koringboere in Suid-Afrika het begin stroop aan die oes wat geraam word op sowat 1,7 miljoen ton, wat kleiner is as verlede jaar se 1,9miljoen ton. In die lig van ’n binnelandse verbruik van sowat 3,2miljoen ton per jaar word geraam dat vanjaar ’n rekord van 1,8 miljoen ton koring ingevoer moet word. As ’n mens oppervlakkig na die gegewens kyk, lyk dit asof koringboere weens die binnelandse tekort redelik goeie pryse behoort te behaal. Daar is ook ’n gebruik onder saaiboere om party jare met strooptyd koring eerder op te berg en te hoop op beter pryse later in die bemarkingsjaar as invoer begin knyp en moontlike tekorte ontstaan. Die dilemma met koring is dat die invoertarief wissel, wat grootliks tot gevolg het dat binnelandse pryse in die afgelope…

Dekgewasse, geenbewerking en die uitskakel van chemiese plaagbestryding kan jou mielieboerdery twee keer so winsgewend as voorheen maak. Só wys ’n studie wat in die Amerikaanse Midde-Weste gedoen is. Me. Claire LaCanne, ’n landbouvoorligter in diens van die Universiteit van Minnesota, het verskeie mielieboerderye oor vier state in die noordelike helfte van dié streek vergelyk. Sy het hulle in twee kategorieë verdeel: Dié wat herlewingspraktyke, soos dekgewasse en geenbewerking, beoefen en chemiese plaagbestryding verminder het; en konvensionele boerderye, wat nie dekgewasse verbou nie en lande vir ’n tydperk laat braak lê, wat lande bewerk en insekte chemies bekamp. Sy definieer herlewingsboerdery as een waarin twee basiese beginsels nagestreef word: Groter biodiversiteit en minder versteuring – met die einddoel om die ekostelsel só te laat funksioneer dat die maksimum produktiwiteit met…

PLAASINLIGTING LIGGING: Vrede, Vrystaat NAAM: Skulpspruit VERTAKKINGS: Somerkontantgewasse op 20% saailande, kommersiële bees- en skaapkudde op 80% suurveld, kontantgewasoesreste en dekgewasse. REËNVAL: 660 mm per jaar KORTOM ■ Dekgewasproewe is as deel van Graan SA se bewaringslandbouprogram drie jaar gelede die eerste keer op mnr. Izak Dreyer se plaas by Vrede geplant. ■ Dit was so ’n groot sukses dat hy dié aanplantings in die daaropvolgende twee jaar uitgebrei het tot 15% van sy totale aanplantings die afgelope seisoen. ■ Hy het vanjaar reeds weer dekgewasse begin plant, en beoog om voortaan aansienlik meer hektare daarvan as ’n integrale deel van sy kontantgewassaaiery te verbou. ■ Sy vleiswins uit dekgewasse wat hy laat bewei het, was die afgelope produksiejaar R4 300/ha. As hy aan boer dink, kom dit vir hom…

KORTOM ■ Die swart Boerboel het ná vier jaar se hofsake weer sy plek in die skouring ingeneem. ■ Swart Boerboele kan teen tot R130 000 verhandel en is veral gesog in Europa. ■ Die kleur maak hulle veral ideaal as waghonde en as afskrikmiddel. Swart Boerboele het hul plek volgestaan op die afgelope nasionale skou van die Suid-Afrikaanse Boerboeltelersgenootskap (SABBS) in Bloemfontein. Die byeenkoms het ’n rekordgetal van 290 inskrywings gelok – bykans honderd meer as ’n jaar gelede. Ná die bohaai en regstryd oor die ras se aanvaarbare kleure en besware deur die Departement van Landbou, Bosbou en Visserye oor die genootskap se grondwet, is die vure geblus en mag swart honde nou met trots as rasegte Boerboele op die skou vertoon word. Belangstelling in swart Boerboele het…

PLAASINLIGTING LIGGING: Clanwilliam, Wes-Kaap NAAM: Twaktuin-boerdery VERTAKKINGS: Perskes, nektariens, sitrus, avokado’s en rooibostee GRONDTIPE: Meestal Hutton van tot 1,5 m diep met gemiddeld 10% klei GEMIDDELDE REËNVAL: 540 mm (afgelope 25 jaar), 430 mm (afgelope 5 jaar), 155 mm (2017) KORTOM ■ Danksy ’n eenvoudige, maar slim plan waarmee ’n bestaande rooibos-gatmaker aangepas is, word elke plantgat behoorlik natgemaak voor die tee geplant word. ■ Die plan het minder as R200 gekos omdat afvalmateriaal gebruik is. ■ Op 3 November, drie maande nadat die plantjies geplant is en daar geen verdere reën uitgesak het nie, was daar steeds ’n 80%-stand in hierdie teeplantasie. ’n T-koppelstuk is op die 500 liter-tenk aangebring om te verseker die water versprei na albei kante van die gatmaker. Die geel, geriffelde pyp is gebruik om…

Kliënte se omstandighede verskil en elkeen se behoeftes is uniek. Gevolglik sal één plan nie almal pas nie. Wat dit boonop ingewikkelder maak, is dat kliënte se kort- en langtermyndoelwitte gereeld hersien moet word. Finansiële beplanning bestaan uit verskillende aspekte wat aan mekaar gekoppel is. Dus is dit moeilik om al die behoeftes van ’n kliënt in ’n enkele ontleding saam te vat. Belasting en aftree- en boedelbeplanning is net enkele van die boustene wat deel vorm van die finansiële beplanning waarvoor ’n spesialis se advies nodig is. FINANSIËLE ONTLEDING Voordat ’n ontleding saamgestel kan word, moet die kliënt eerder te veel as te min inligting verskaf. Sonder voldoende inligting kan die aanbevelings wat gegee word, die kliënt in die verkeerde rigting stuur. Die gevolg is dat doelwitte nie bereik…

Die sakeman Bosman Kruger boer die afgelope paar jaar met makadamianeute op sy plaas Wulveskop, tussen Tzaneen en Duiwelskloof. Die vraag na dié neute het die afgelope paar jaar ontplof – veral op die uitvoermarkte. Bosman verskyn ook in die televisieprogram Nisboere wat tans op Via (kanaal 147) uitgesaai word. Vertel ons meer van jou boerdery? Ons is eintlik ’n ou en bekende broodboomkwekery, maar my vrou se oupa het omtrent 50 jaar gelede ’n proefblok makadamianeutbome geplant. Destyds het niemand veel daarvan gedink nie en die bome het half ongesiens groter geword. Hulle het van tyd tot tyd neute verkoop. ’n Paar jaar gelede het die vraag na makadamias regtig groot geword en ons het besef ons sit met ’n gewas wat baie waardevoller is as wat ons gedink…

‘Hene, Kola, sy lyf was eintlik duwweld-dik van die geilgeit.’ Ek kon sien oom Martiens het iets gewigtigs op die hart toe hy uit sy bakkie op die werf klim en het uit ondervinding geweet hy sou ’n drinkdingetjie vra. Ek het die bottel wintermedisyne laat glugglug in sy blikbeker en ná die eerste sluk het hy dadelik hart oopgemaak. “Roere wat nie wil skiet nie, Kola, is ’n verdommenis. ’n Helse ene, sê ek jou.” Só laat oom Martiens gebelgd hoor wyl ons kyk hoe die ylblou rokies bo die vlamme pad soek deur die donkerte, sterre toe. “Ek meen wat se katoolsgeit is dit om nóú, hierie tyd vannie jaar te kom moedswillig raak. Nóú, net mooi lat die somer kom notice gee het.” “Hoe dan so, Oom?”…

WINDHOEK, OTJIWARONGO, GOBABIS, GROOTFONTEIN BOEREPRET OP NAMIBIESE SKOUE Talle landbouskoue is in September en Oktober in Namibië gehou. CHARL VAN ROOYEN was vyf weke lank in dié land en hy het skoue en kongresse bygewoon en boere besoek. SWARTWATER-BOEREVERENIGING EKONOMIEË VAN DIE PLATTELAND BEKYK Die ekonoom mnr. Dawie Roodt het met boere van die boerevereniging Swartwater in Limpopo gesels oor digitale geld, wêreldmarkte, die toestand van die land se ekonomie en die rol van boerderye in plaaslike ekonomieë se groei. Foto’s: VERSKAF ANGUS TELERS VIER HUL 100-JARIGEBESTAAN Die SA Angustelersgenootskap vier vanjaar sy eeufees. Dié genootskap het ook sy honderdste jaarvergadering en ’n prysuitdelingsfunksie op die vooraand van die Agri Expo Livestock op Sandringham buite Stellenbosch gehou. Foto’s: JOHAN COETSEE…

Die mark vir varswatervis – veral kurpers (tilapia) – bly groei in Suid-Afrika. Daar kan nie naastenby in die plaaslike vraag voorsien word nie. Daar word meestal met inheemse bloukurpers geboer. Dit duur sowat agt maande voor die vis sowat 350 gram weeg en markgereed is. Daar is ook boere wat omskakel na nylkurpers, wat 30% vinniger groei en baie gouer markgereed is. Verskeie bekende supermarkgroepe het deesdae kurpers op hul rakke. Omdat geen plaaslike verskaffer die hoeveelheid kan voorsien wat nodig is nie, word vis glo uit China ingevoer. Mnr. Charles Marais, ’n kenner wat tans twee aanlegte buite Pretoria en een by Mookgopong bou, sê die meeste boere verkoop hul vis regstreeks aan swart verbruikers. Daar kan nie naastenby genoeg gelewer word om in dié informele mark se vraag…

Die volgende ontleding van grondverkope in Suid-Afrika is van transaksies in die Oos-Kaap vanaf September verlede jaar tot Augustus vanjaar vir grond wat groter is as 10 ha. In dié tyd is 331 ooreenkomste in 35 distrikte gesluit, wat 184 548 ha teen R1,761 miljard behels het. By 26,5% van die distrikte is dalende prysneigings waargeneem – ’n duidelike weerspieeling van die invloed van die moeilike landboutoestande in dié provinsie. Uit die totale ooreenkomste was 49 transaksies van kleur, 15% van die totaal. Dié soort transaksies sluit in verhandelings tussen individue (42), regeringsaankope van landbougrond (2) en grond verkry vir munisipale gebiede (5). In dié transaksies is 19 113 ha, oftewel 10,4%, ter sprake teen R174 miljoen. Uit die totaal was 89 (27%) transaksies vir grond kleiner as 50 ha,…

SIMMENTALERS DIERE GEKEUR VÓÓR VEILINGS Simmentalers wat vanjaar op veilings onder die hamer gekom het, was van besonder hoë gehalte, sê mnr. Flaf Lauwrens, hoofbestuurder van die Simmentaler-en-Simbra-beestelersgenootskap. Lauwrens sê verpligte keuring geld vir registrasie en diere op aanbod word ook gekeur. Die hoogste prys wat vir ’n bul betaal is, was R300 000 (foto bo), R120 000 vir ’n koei met ’n kalf, R62 000 vir ’n koei en R66 000 vir ’n vers. Die gemiddelde prys vir ’n bul was R42 978 stuk, R29 202 vir ’n koei met kalf, R24 048 vir ’n koei en R20 721 vir ’n vers. “Absolute betroubare inligting in die katalogus, asook teelwaardes by elke dier wat met die rasgemiddelde vergelyk kan word en só help met die kies van diere, het…

430% Daar is ’n verskil van tot 430% in die jaarlikse melkproduksie per koei tussen die wêreld se hoëinkomstelande en lae- en medium-inkomstelande, het dr. Okeyo Mwai, hoofwetenskaplike by die internasionale instituut vir lewendehawenavorsing (Ilri) in Kenia, op die Afrika-suiwelkonferensie (Afda) in Boksburg gesê. Hy sê Afrika se melkbedryf moet doeltreffender en meer klimaatslim word en volhoubare praktyke omhels.— Carien Kruger 900 Agricolleges Africa, die aanlyn leerplatform wat ’n groep boere met die samewerking van die Universiteit Stellenbosch beoog, het reeds meer as 900 aansoeke ontvang. Mnr. Howard Blight, uitvoerende hoof van Agricolleges Africa, sê die kollege is besig om sy kursusse te akkrediteer en sal eersdaags die aansoeke begin evalueer. “Ons hoop om in 2019 die eerste assistant-plaasbestuurders uit ons kollege aan die bedryf voor te stel,” sê hy.…

‘Ek slag my ooie bang.’ MNR. FRANS WIID, Voermol se Skaapboer van die Jaar, oor sy streng uitskotbeleid waarmee hy ’n speenpersentasie van 140 behaal. Bl. 23 ‘Dit was ons eerste groot droogte en ons leer nou eers hoe ons bome op sulke toestande reageer.’ MNR. ALAN SUTTON, voorsitter van Valley Macadamias, oor die invloed van die droogte in 2015-’16, wat steeds gevoel word. Bl. 24 ‘Die diversiteit van die kwekers het toegeneem en daarom word ’n ander struktuur benodig om die diversiteit te verteenwoordig.’ DIE SA SUIKERMEULE-VERENIGING oor die Parlement se ultimatum aan die kwekersvereniging CaneGrowers om groter verteenwoordiging aan swart suikerrietboere te gee. Bl. 15 ‘Die hele seisoen was van die begin af laat, en tans kan ons nie bepaal of dié verskynsel slegs siklies is en of…

MNR. WYNAND LATEGAN , wynmaker by Lanzerac, meen die distrik Stellenbosch se potensiaal om puik Pinotages op te lewer, groei by die dag. Dié landgoed het in 1959 die eerste gebotteleerde Pinotage in Suid-Afrika gelewer. Lees die artikel op bl. 42. VERTEL ONS VAN JOU GESIN. My vrou, Nelleke, is betrokke by The Office, ’n maatskappy wat mense se private kantore bestuur. Ons het drie kinders, Ella (7), Fila (5) en Barbara (3). HET JY ’N GUNSTELINGWYN? Dit hang af van die tyd van die dag of waar ek my bevind. Ta ns is ek baie erg oor wit versnitte; wyne met ’n goeie mondgevoel. Aan die rooi kant drink ek tans baie Cinsaut en Pinot noir, maar Cabernet Sauvignon en Cabernet-gedrewe versnitte bly ’n gunsteling. WAAR HOU JULLE VA…

SUIDER-AFRIK A kan dié somer steeds ’n swak La Niña-verskynsel verwag. Dit beteken gewoonlik dat die grootste deel van die gebied goeie somerreën kry, sê prof. Willem Landman van die Universiteit van Pretoria. “Daar is genoeg aanduidings vir ’n swak La Niña, en dié tyd van die jaar kan ons taamlik seker wees dit gaan gebeur. Die kans dat dit in ’n sterk La Niña gaan ontwikkel, is bitter skraal.” Landman sê seisoensvoorspellings vir reënval oor Suider-Afrika kan egter nie met soveel vertroue gedoen word soos wat met ’n La Niña of El Niño die geval is nie. Die volgende paar maande – wat November insluit – lyk veral gunstig vir reën oor die westelike en sentrale dele van die land. Die reën in die suidelike dele van die Wes-Kaap…

GROOT kommer heers oor die uitwerking wat verskeie kostestygings op die lewensvatbaarheid van talle aartappelboere kan hê. Dr. André Jooste, uitvoerende hoof van Aartappels SA, sê veral die instelling van die nasionale minimum loon kan ’n uiters ongunstige uitwerking op werkgeleenthede in die bedryf hê, “veral omdat die produksie van aartappels so arbeidsintensief is”. Jooste meen die skerp styging in arbeidskoste kan lei tot meganisasie, wat weer armoede in landelike gemeenskappe sal vererger. “Dit is soos om ’n klippie in die water te gooi – die aanvanklike aksie kring al hoe wyer uit.” Aartappels SA het die uitwerking van al die beoogde kostestygings op ’n gemiddelde plaas in Limpopo, Suid-Afrika se grootste aartappelproduksiegebied, se opbrengs op belegging bepaal. Op die aanname dat die daaglikse loon volgende jaar met 17% moet…

BOERE moet tred hou met die kooppatrone en tegnologieneigings in China, want dít is waar die verbruiker van die toekoms gaan wees, sê die politieke ontleder en futuris mnr. Daniel Silke. Hy het op die onlangse bemarkingsimposium van Subtrop, die sambreelligaam vir subtropiese gewasse, gesê China verteenwoordig reeds 40% van die wêreld se handel in vars groente. Daarby is 31 van sy stede se ekonomie so groot soos dié van sommige lande. Hongkong se ekonomie is byvoorbeeld so groot soos dié van Noorweë en Shenzhen s’n so groot soos dié van Swede. Sjanghai en Nederland se ekonomie is ewe groot en Switserland se ekonomie is gelykstaande aan dié van Beijing. Silke sê boere moet ook die bevolkingsprofiel in ag neem wanneer hulle besluit wat om te verbou. “Verouderende bevolkings, soos…

Die Suid-Afrikaanse landbou se produktiwiteit sal ál meer moet verbeter weens die wêreldwye wedywering om landbouprodukte kostedoeltreffender te produseer. Mnr. Carl-Albrecht Bartmer, voorsitter van die Duitse Landbougenootskap, wat onlangs die reuselandbouskou Agritechnica in Hannover, Duitsland, aangebied het, sê dit is ’n voorvereiste dat ekonomiese sukses in harmonie met skaars hulpbronne en die omgewing moet plaasvind. Die toekomstige winsgewendheid van produksie gaan toenemend ’n faktor van doeltreffende kostebesparings en verhoogde produktiwiteit wees. Moenie op langer termyn op hoër pryse en ’n swak rand alleen reken om mededingend te bly nie. Die eerbewyse wat by die skou toegeken is (sien die K ASSIE ), sê iets van die rigting waarin landboutegnologie ontwikkel. Kyk daarna en besluit of jou toegang tot tegnologie en die gesofistikeerdheid van jou verskaffers in Suid-Afrika voldoende is sodat…

Spesifieke reëlings moet getref word wanneer iemand tuis sterf. Kontak eerstens die oorledene se naaste familie, soos die gade, kinders, ouers, broers en susters. Ontbied die huisdokter wat die tyd van afsterwe kan bepaal en die sterftesertifikaat kan uitreik. Kontak ook die gesin se predikant en ontbied die ambulans of begrafnisondernemer om die lyk te kom haal. Druk die oorledene se oë toe deur jou hand oor albei oë te vryf. Ná afsterwe verslap die spiere en vog verlaat die liggaam. Gebruik ou komberse of plastieksakke om onder die lyk in te skuif. Gooi ’n laken of ’n kombers oor die lyk (en hoof). Ontbied die polisie in die geval van onnatuurlike oorsake. Moenie die toneel versteur nie. In die geval van ’n ongeluk, tuis of elders, mag die liggaam…

PLAASINLIGTING LIGGING: Stellenbosch, Wes-Kaap NAAM: Lanzerac GROOTTE: 150 ha EIENA ARSK AP : Aandeelhouers VERTAKKINGS: Wingerd, hotel met restaurante GRONDTIPE: Sandleem, klei, graniet REËNVAL: 1 000 mm (langtermyngemiddelde). Die afgelope drie jaar het hulle egter net 500 mm gekry. KO RTOM ■ Die Lanzerac-landgoed sit steeds sy noue verbintenis met Pinotage voort. ■ Die klimaat is in Lanzerac se guns, en sowat ’n vyfde van die aanplantings is Pinotage, met ’n stewige opbrengs en min viruslas. ■ Ondanks die geskiedkundige nalatenskap eksperimenteer die wynmaker Wynand Lategan lustig met kultivars, versnitte en tegnieke. Cabernet Sauvignon is dalk die kultivar waaraan wynmense dadelik dink as daar oor die Stellenbosse wynstreek gepraat word, maar wynmakers soos Wynand Lategan van Lanzerac se geloof in Stellenbosch se potensiaal om puik Pinotages op te lewer, groei…

PLAASINLIGTING LIGGING: Middelburg, Mpumalanga NAAM: Hartebeesfontein GROOTTE: 1 700ha aanplantings (1 640 ha op droëland en 60 ha onder besproeiing uit ’n dam) VERTAKKINGS: Mielies, sojabone GEMIDDELDE REËNVAL: 650 mm per jaar KORTOM ■ Grondbewerking en die regte regstellings is die beginpunt vir die wensojaboer op droëland. ■ Mnr. Michael Allen het ’n opbrengs van 4,858 ton/ha in sy wenblok behaal en ’n plaasgemiddelde van 3,7 ton/ha. ■ ’n Vinnige groeier, die Argentynse kultivar Don Mario 5953, bied die voordeel van ’n langer strooptyd. Vir mnr. Michael Allen van die plaas Hartebeesfontein by Middelburg, Mpumalanga, is grondgesondheid sekerlik die grootste oorweging om top-oeste te behaal. Vanjaar se wenner in die afdeling vir sojabone op droëland in die oostelike produksiestreek het net een leuse wanneer dit by prima-opbrengste kom: Voer die…

Ek het sitrusbome waarvan die blare geel word. Organiese kunsmis het min gehelp. Is dit moontlik weens ’n ystertekort in die grond? Is die vergeling van die blare byvoorbeeld op die ou of nuwe blare, of op albei? Is die vergeling egalig oor die blaar versprei? Is daar enige nekrotiese (dooie) dele op die blare? Wat was die samestelling van die organsiese kunsmis en watter elemente is teen watter hoeveelhede toegedien? Is genoeg daarvan toegedien om die probleem op te los? Verskeie faktore kan die geel blare op die sitrusbome veroorsaak, naamlik elementtekorte, die grond se vogstatus, siektes, braktoestande in die grond of water en blare se ouderdom. ELEMENTTEKORTE Tekorte aan stikstof, swael en yster kan algemene vergeling van die hele blaar veroorsaak. Stikstoftekorte toon algemene blaarvergeling van hoofsaaklik ouer…

Familieboerderye is geskenke vir toekomstige geslagte. Dit raak die hart en siel, en gaan dikwels nie net oor tasbare besittings nie, maar ook oor die emosionele sy daarvan. ’n Boerdery is ’n onderneming wat dieselfde struikelblokke as enige ander sakeonderneming moet oorkom. Die belangrikste bate is mense en in ’n familieboerdery is familielede dikwels deel van die kernpersoneel wat die onderneming moet bestuur. ONGEMAKLIKE VRAE Hoe raak dit die familieboerdery as die eienaar sterf of die boerdery nie verder kan bestuur nie weens ’n onvoorsiene gestremdheid nadat hy persoonlik borg gestaan het vir skuld wat namens die boerdery aangegaan is? ’n Gebeurlikheidsplan is nodig ingevolge waarvan die onderneming seker maak genoeg kontant sal beskikbaar wees om die aanspreeklikheid af te los as dit gebeur. Ingevolge die plan neem die besigheid…

Suid-Afrika is die afgelope jare getref deur intense klimaatstoestande, onder meer een van die ergste droogtes in 100 jaar. Die hersteltydperk ná hierdie uiterste natuurverskynsels vind egter teen ’n vinnige tempo plaas. “Min mense sou kon voorspel dat Suid-Afrika vanjaar sy grootste graanoes ooit sou insamel,” sê mnr. Reinhard Kuschke, besturende direkteur van Agri-Seker. “Omdat hierdie toestande alle boerdery-ondernemings raak, het AgriSeker elke benoude tree saam met boere gestap. Ons besef die kontantvloeidruk en ander invloede op welvaart gaan nie oornag verdwyn nie. Daarom het ons saam met Land Bank Versekeringsmaatskappy (Lbic), ons onderskrywer, strategieë in werking gestel wat tot voordeel van produsente is.” VERSEKERING AgriSeker het sy produkte aangepas sodat dit by boere se kontantvloeikurwes aangepas kan word. Die maatskappy het ’n unieke produk geskep waarmee die boer self…

Bluerhino Safaris Wil jy op die Okavango-delta vaar? Of miskien deur Zambië toer na die groot Skeurvallei, verby Kilimandjaro en diere kyk in die Ngorongoro-krater en die Serengeti? Wil jy dalk op die strand van die Malawi-meer slaap? Bluerhino Safaris spesialiseer in aksiebelaaide kampeertoere met gidse. Hulle bied ook pasgemaakte toere om aan jou behoeftes te voldoen. Die onderneming bied kort toere – ’n viernagtoer in lodges in Lesotho – en langer toere – ’n wildebeesmigrasietoer van 32 dae in Tanzanië. Jy bring jou 4x4-voertuig, kos en kampeergoed, en die res word verskaf. ■ Besoek www.bluerhino.co.za vir nog inligting. Van Dyk Toere Om die billikste buitelandse toere vir Suid-Afrikaners aan te bied, sonder om gehalte in te boet, is Van Dyk Toere se visie. Die onderneming organiseer groeptoere na Europa,…

Plaaskombuis word Woensdae om 18:30 op Via (kanaal 147 op DStv) uitgesaai. Die reeks word aangebied met die samewerking van Landbouweekblad. Sy moet gereeld vir buitelandse gaste haar eg Suid-Afrikaanse boerekosresepte aanstuur nadat hulle by haar en Anton by Die Gat tuisgegaan het, sê Susan Schoeman. “Ons mark is meestal buitelanders en hulle geniet die Suid-Afrikaanse en Karookos wat ons voorsit verskriklik baie, veral ons vleis- en groentegeregte.” Die oorspronklike opstal van die Schoemans se gastehuis is 200 jaar oud en al vyf geslagte in Anton se familie. Die eiendom het sy naam gekry omdat dit in ’n duik lê. “Hulle het my oupa destyds al Piet-in-die-gat genoem. Toe ons hier kom woon en die gastehuis op die plaas begin, het ek gesê die naam moet ‘Die Gat’ wees,” sê…

INTERNASIONAAL: Die Chicagoprys het met 0,4%, of $0,60/t (R8,54/t), tot $136,51/t (R1 943/t) teenoor die vorige week gedaal. Op ’n jaargrondslag is dit 0,1%, of $0,06/t (R0,85/t), hoër. Verwagte pryse: Desember – $134,88/t (R1 920/t), Maart – $139,91/t (R1 991/t), Mei – $143,30/t (R2 039/t), Julie – $146,29/t (R2 082/t). PLAASLIK: Die Safexprys van wit mielies het met 0,7%, of R18/t, tot R2 028/t teenoor die vorige week gestyg. Die prys van geel mielies het met 0,9%, of R18/t, tot R2  118/t gestyg. Op ’n jaargrondslag is wit mielies 45,8%, of R1 712/t, laer, terwyl geel mielies 33,9%, of R1  087/t, laer is. Verwagte witmieliepryse: Desember – R2 043/t, Maart – R2 090/t, Mei – R2 139/t, Julie – R2  174/t. Verwagte geelmieliepryse: Desember – R2  140/t, Maart – R2…

Die droogte, asook die invoer van goedkoop hoendervleis, het ’n groot rol in die daling in voerverkope gespeel. Nasionale voerproduksie in die boekjaar 2016-’17 was 5,1% laer as in die vorige jaar, luidens ’n verslag op die webwerf van die Vereniging van Veevoervervaardigers (Afma). Mnr. Loutjie Dunn, voorsitter van Afma, sê in sy voorsittersverslag, wat vroeg in September op sy organisasie se jaarvergadering bekend gestel is, dat Afma-lede soortgelyke dalende neigings ervaar het. Dit is in teenstelling met goeie groei in die meeste van die vorige verslagdoeningstydperke. In die boekjaar 2015-’16 het lede van Afma se verkope met 2,9% gegroei, teenoor ’n netto afname in verkope van 6,2% in die jongste tydperk. In die jongste boekjaar het hul verkope van pluimveevoer met 6% gedaal, terwyl die verkope van voer vir…

BOEREDAE 25 NOVEMBER: Vaalwaterboeredag. Bergfietswedren, kindervermaak, skietkompetisie, vee- en eiendomsveiling, kaas-enwynproe, eetkompetisie, kosstalletjies, boeresport, biertent, vlugbal en meer. Eiendomsveiling en vermaak: Natalie du Toit, sel 083 591 0597. Veeveiling en kos: Annie Vermaak, sel 060 974 7482. 17 JANUARIE 2018: Balfourhooidag. Balfour, Mpumalanga. Nuutste toerusting en demonstrasies. Gert, sel 083 455 1587; Carel, sel 083 627 1354; Wouter, sel 083 390 2346. 4 JULIE 2018: Val-boeredag, toerusting en demonstrasies, aangebied deur Waterval-boerevereniging. Buite Standerton. Hardus, sel 083 230 2721; Frederik, sel 072 160 4824; Elizna, sel 082 455 5636. EKSPO’S EN ANDER 2 DESEMBER: Swartland-veteraantrekker-en-enjinklub se oesdag saam met Koringbedryfmuseum. Moorreesburg. Hennie Richter, e-pos: sekr.wk@telkomsa.net 18 JANUARIE 2018: VinPro-inligtingsdag. KIKS, Kaapstad. Web: sales.vinpro.co.za; e-pos: info@vinpro.co.za; tel. 021 276 0429. 13 FEBRUARIE 2018: Nasionale Wolkwekersvereniging se jaarlikse algemene vergadering. Victoria-Wes-gholfklub. Lillian…

GEHALTE Dok Danie Craven het vas geglo daar behoort minstens een polisieman en ’n Jood in elke Springbokspan te wees om geluk op die veld te bring. Dit lyk of hy ’n punt beetgehad het, want was dit dan nie Joel Stransky wat in 1995 daardie skepskop oor die pale gekry en só die Wêreldbeker-rugbytoernooi aan ’n jong demokrasie besorg het wat desperaat was op ’n bietjie hoop nie? Tydens nou die dag se rekordloesing teen die Iere was daar immers geen Jood of polisieman in sig nie! Ek het weer aan dok Craven gedink toe die nuus rugbaar geword het dat Michael Sachs (wat vir my taamlik Joods klink) uit protes as die Tesourie se begrotingshoof bedank het. Dit was ná pres. Jacob Zuma se opdrag dat staatsbegrotings deur…

PRIMÊRE LANDBOU SAL MINIMUM LOON ERGSTE VOEL In die boekjaar 2018-’19 sal die minimum loon vir plaaswerkers met ’n yslike 16,32% styg. Dit volg nadat die Kabinet ’n nasionale minimum loon van R20 per uur of R3 500 per maand vir Suid-Afrika goedgekeur het (Landbou.com, 7 November). Hier is van die kommentaar wat op LBW se Facebook-blad ontvang is (sommige daarvan is verkort). RICHARD KORVER skryf: So, wat is ’n plaaswerker se dagloon nou? Belangriker, sal jy vir daardie bedrag plaaswerk doen? Die gemiddelde plaaswerker begin voor sonop werk, werk heeldag in die son en maak dikwels teen sononder klaar. Fisieke werk, nie agter ’n lessenaar nie. Die boer vertrou hom met sy boerdery, sy stoetbul, sy trekker, sy stroper, sy lewe . . . maar betaal peanuts. Die vraag…

DIE volgehoue vlaag misdadige aanvalle op boere en hul werkers veroorsaak ernstige skade en onsekerheid in die landbousektor, sê mnr. Senzeni Zokwana, Minister van Landbou, Bosbou en Visserye. Zokwana is een van menige invloedrykes wat saamstem dat iets daadwerkliks aan die situasie gedoen moet word en dat die Swart Maandag-optogte wat plaasgevind het, “nie gesien moet word as boere wat probeer om die Regering aan te val nie”. Hy wil graag hê staatsdepartemente en landbou-organisasies moet saamwerk om die wrede plaasaanvalle gesamentlik die hoof te bied. BERAAD IN 2018 In hierdie gees onderneem Zokwana nou om vroeg volgende jaar ’n beraad oor geweld teen landelike gemeenskappe te hou, waarvan die relevante belanghebbendes, soos plaasgemeenskappe en ministers van verskeie portefeuljes, deel sal wees. Mnr. Fikile Mbalula, Minister van Polisie, het dit…

‘Jy moet weet waar toon jy ’n wins en waar is daar ’n verlies. Jy moet ook weet wat die impak is as jy verskillende gewasse plant.’ PRO DUKSIEKOSTE gaan vanjaar ’n deurslaggewende rol speel in die Suid-Afrikaanse mieliebedryf, sê mnr. AC van Wyk, Graan SA se Graanboer van die Jaar. “Die belangrikste element vir ’n boer om in gedagte te hou, is sy insetkoste voor hy begin plant. Hy moet weet hoeveel dit kos om ’n hektaar mielies in sy omgewing aan te plant. Hy moet in die voorseisoen bereken wat die uitgawes en moontlike inkomste met ’n beter of swakker oes gaan wees. Daarna kan hy besluit oor hoër of laer risiko’s,” sê hy. Die verhouding tussen opbrengs en prys speel ook ’n groot rol. In die westelike…

SUID -AFRIK A se ekonomie het na raming tot dusver minstens R3 miljard se skade weens die hoogs aansteeklike H5N8-voëlgriepvirus gely. Tog is min ondernemings blykbaar daarteen verseker. Só sê mnr. Pierre du Preez, verhoudingsbestuurder by Afgri se Unigro Financial Services, wat sedert Augustus ’n produk van Lloyds of London in Brittanje bemark wat dekking teen voëlgriep insluit. Hy sê wêreldwyd is daar ’n paar versekeraars wat dekking teen voëlgriep bied, maar die meeste is huiwerig vir dekking buite Europa en Amerika weens regerings se trae reaksie met uitbrekings. “In die Europese Unie en Amerika word gevalle onmiddellik aangemeld en plase onder kwarantyn geplaas, wat die verspreiding in sy spore stuit. Staatsvergoeding bied ’n vangnet wat die boere beskerm en aanmoedig om gevalle vroegtydig aan te meld. “In Suid-Afrika kyk…

AGRI SA het appèl aangeteken teen omgewingsmagtigings aan die petrochemiese maatskappy Rhino Oil and Gas vir uitgebreide eksplorasie vir olie en gas. Dié magtigings, wat mnr. Mosebenzi Zwane, Minister van Minerale Hulpbronne, op 2 Oktober toegestaan het, beteken nie Rhino mag nou met eksplorasie begin nie, maar is ’n voorvereiste vir die toestaan van uiteindelike eksplorasieregte. Só sê mnr. Janse Rabie, hoof van natuurlike hulpbronne by Agri SA. Rhino se beoogde eksplorasie strek oor altesaam 2,4 miljoen hektaar in die Vrystaat, Noordwes, KwaZulu-Natal en die Oos-Kaap. Die omgewingsmagtigings is ingevolge die Wet op Nasionale Omgewingsbestuur deur Zwane uitgereik, maar die appèlle daarteen moet vir beslissing na me. Edna Molewa, Minister van Omgewingsake, gaan, sê Rabie. Haar beslissing behoort teen vroeg volgende jaar bekend gemaak te word. As die appèlle nie…

DIE TOENEMENDE plaaslike en internasionale vraag na diereprodukte en geleenthede om diereprodukte uit te voer, het talle lande en veebedrywe aangemoedig om in die ontwikkeling van naspeurbaarheidstelsels te belê. Suid-Afrika het nie agterweë gebly nie. Die Departement van Landbou, Bosbou en Visserye het onlangs ’n konsepdokument bekend gemaak ingevolge waarvan vee geïdentifiseer en nagespeur kan word. Die dokument staan as LITS SA bekend. HOEKSTEEN Volgens mnr. Gerhard Schutte, hoof- uitvoerende beampte van die Rooivleisprodusente-organisasie, is die naspeurbaarheid van diere die grondslag van sanitêre beheerstelsels in die produksie van voedsel wat van diere afkomstig is. “Dit dien as skakel tussen dieregesondheid, openbare gesondheid, voedselveiligheid en die gehalte van voedsel.” ’n Stelsel vir die identifikasie en naspeur van vee sal volgens Schutte help om die probleme ten opsigte van dieresiekte-aangeleenthede op te…

Hier volg ’n paar vernuwende produkte en dienste wat eerbewyse op die Agritechnicalandbouskou ingepalm het. ■ ’n Stroperstelsel wat die instel van die dromspoed, konkaafgaping, dorsaktiwiteit en graangehalte optimaliseer. ■ Toerusting wat stronke tydens die oes van kuilvoermielies vernietig om die oorwintering van stronkboorderpapies te voorkom. ■ ’n Stelsel wat onervare operateurs bystaan om die werkstempo en brandstofdoeltreffendheid van trekkers en werktuie te verhoog. ■ Kostebesparende, onbemande, wielaangedrewe planterbakrobotte (40 kg elk) wat saam groter, kragtiger trekkers en planters vervang. ■ ’n Nuwe kamerastelsel wat outomaties die trekkergrondspoed en kragaftakkerspoed ooreenkomstig die grondsoort beheer om ’n egalige saadbed voor te berei. ■ Monitors wat die toedieningstempo van elke spuitstuk ooreenkomstig die grondspoed onder die spuitstuk beheer. Só word die chemiese middels akkurater toegedien. ■ Verhoogde stereoskopiese meganiese onkruidbestrydingstempo in rygewasse…

Swartskurf kan groot verliese meebring, maar met hierdie sewe stappe help prof. Jacquie van der Waals van die Universiteit van Pretoria jou om hierdie swam te klop. Rhizoctonia is ’n swam wat soos teer aan ’n veer klou. Dit kan regdeur die seisoen, selfs ná oestyd, jou aartappels besmet en groot skade aanrig. Hier is Jacquie, medeprofessor in patologie aan die departement grond- en plantkunde en stigter van UP se aartappelpatologie-program, se raad om skade te verminder: PLANTTYD ■ Maak seker jy plant so vlak as moontlik in warm, droë, goed gedreineerde grond. Dit verseker vinnige opkoms en verminder dus die kans op stolon- en stamkanker. Sodra die plant begin fotosintetiseer, het dit baie meer natuurlike weerstandigheid teen aanvalle van Rhizoctonia solani, wat stolon- en stamkanker kan veroorsaak. ■ Saad-…

WIE IS JOU MENTORS? Daar is ’n paar ouens na wie ek opkyk. Francois Naudé het my al baie gehelp met Pinotage, ek klop by Jan Boland Coetzee aan as ek raad soek oor die wynbedryf en ek het baie agting vir Neil Ellis, wat mooi wyne maak. Gelukkig ruil wynmakers maklik hul kennis uit! WATTER PLANNE BERAAM JULLE OM DIE DROOGTE DIE HOOF TE BIED? Ons gemiddelde reënval op lang termyn is 1 000 mm, maar die afgelope drie jaar het ons net sowat 500 mm gekry. Ons het drie damme op die plaas waarin ons water opgaar. Ons gebruik ons water waar ons dit die nodigste het, daarom het ons min dekgewasse gesaai en besproei ons die jong stokke eerste. Gelukkig is die ouer wingerde se wortelstelsels baie…

COWBOY-LOGIKA ‘Die geheim daarvan om voor te kom, is om te begin.’ Hoewel dit lekker is om bulle te verkoop, lê die hart van enige beesboerdery in die doeltreffendheid van die fabriek op die plaas, naamlik die koeikudde. Al verkoop jy tans duur bulle, gaan dit nie lank aanhou nie tensy jy sorg dat dit deur ’n merkwaardige koeikudde ondersteun word. Daar is al baie gesê daaroor, maar dit bly ’n onomstootlike feit: Die allerbelangrikste vereiste van enige koeikudde is vrugbaarheid. Daar kan geen kompromis gemaak word oor vrugbaarheid nie. Jare gelede het ’n TV-advertensie van ’n elektroniese maatskappy verwys na die strewe na “zero defect”. Dit geld ook die vrugbaarheid in enige vleisbeeskudde. Dit bly verbasend dat boere bulle koop van moeders met lang tussenkalfperiodes (TKP van 550 dae…

1 Senior en grootkampioenreun, asook Boerboel van die Jaar, MES Askam. Eienaar: Me. Karin Pieterse (sel 061 807 7326), MES-Boerboele, Brits. Op die foto is, van links, mnre. Harry Strauss (Wuma), Werner Enslin, Piet Pieterse, me. Karin Pieterse, mnre. Marnus Enslin en Hendrik Schoeman (Wuma). 2 Senior en grootkampioenteef, Elevation Zia. Eienaars: Mnr. William en me. Natasha Fourie (sel 082 302 0577), Laika-Boerboele, Mosselbaai. 3 Junior en reserwegrootkampioenreun, Arnold 1. Eienaar en vertoner: Me. Karin Pieterse, MES-Boerboele, Brits. 4 Junior en reserwegrootkampioenteef, Zukandi Lizzy. Eienaar: Mnr. Kenny van der Merwe (sel 082 457 6130), Elevation-Boerboele, Oudtshoorn. Vertoner: Mnr. Adré Steenkamp. 5 Sub- junior kampioenreun, CDH Bullet. Eienaar: Mnr. Christopher Havenga (sel 082 821 1527), CDH-Boerboele, Petrusville. Vertoner: Mnr. Wian Havenga. 6 Sub- junior kampioenteef, Klein Sandfontein Rory. Eienaars: Me. Beverli…

Mnr. Andries Wiese is van 1 September af die hoof van Hollard Insure, Hollard se afdeling vir korttermynversekering, se nuwe Agri-span. Hy is verantwoordelik vir al die produkte vir landbouversekering. Wiese wil Hollard, Suid-Afrika se grootste onafhanklike versekeringsmaatskappy en naasgrootste korttermynversekeraar, uitbou tot die land se voorkeur-landbouversekeraar. GEESDRIF EN LEIERSKAP Wiese het 27 jaar ondervinding in die versekeringsbedryf en is veral bekend om sy geesdrif en leierskap in die landbousektor oor die afgelope sewe jaar. Hy het voorheen vir Santam en daarna meer as twee dekades vir Mutual & Federal gewerk. “Die belangrikheid van die landboubedryf kan gesien word in die uitwerking wat dit op die ekonomie en gemeenskappe het,” sê hy en verwys na die onlangse nuus dat die sterk groei in die landboubedryf op ’n kwartaalgrondslag tot groei…

UNIGRO Finansiële Dienste, ’n filiaal van AFGRI Landboudienste, bied vindingryke finansiële oplossings aan boere in toenemend moeilike omstandighede. Dít kan baie vir boere beteken in die lig van veranderende weerpatrone en verskeie droogtegeteisterde gebiede in Suid Afrika. “In 2013 het UNIGRO Finansiële Dienste die behoefte geidentifiseer om sy kliëntediens te verbeter deur elektroniese prosesse te optimaliseer,” sê mnr. Johann Barnard, hoofbedryfsbeampte van UNIGRO Finansiële Dienste. “Die projek, met die samewerking van die maatskappy Synthesis, het in Februarie 2014 tot stand gekom en die eerste, basiese elektroniese platform is in Maart 2015 aan kliënte bekend gestel.” INLIGTING AANLYN Die platform het intussen tot ’n kragtige, dinamiese digitale kanaal ontwikkel wat kliënte bemagtig om hul ondernemings, finansies en beplanning op een veilige en gebruikersvriendelike platform te bestuur. Die platform, eAccounts, word deurgaans…

Koeskoes-engroenteslaai met pesto-slaaisous Die kombinasie van sagte, oondgeroosterde groente en vars tuingroente saam met kekerertjies is vullend genoeg om as ete te geniet, maar dit is net so lekker saam met geroosterde hoender, lamsvleis of beesvleis. Koeskoesslaai ■ 250 ml koeskoes ■ 250 ml kokende hoenderaftreksel ■ 15 ml olyfolie, plus ekstra ■ Sout en vars gemaalde swartpeper na smaak ■ Halwe klein botterskorsie, met skil en al in dun wiggies gesny ■ 1 blik (410 g) kekerertjies, gedreineer en afgespoel ■ 5 ml komyn ■ Bossie vars aspersies, in stukke gesny en liggies gestoom ■ 250 ml vars groen-ertjies ■ 100 g ontpitte groen olywe Slaaisous ■ 80 ml karringmelk ■ 100 ml natuurlike jogurt ■ 100 ml basiliepesto ■ 30 ml fyngerasperde parmesaankaas ■ 15 ml wit asyn…

“Hulle sê ‘jô!’ ” vertel Isabella de Waal (12) van Stellenbosch oor mense se reaksie wanneer hulle hoor sý is die wynmaker van Mount Sutherland Nebbiolo 2014, ’n wyn wat volgens mnr. James Suckling, ’n kenner van Italiaanse wynkultivars, 90 punte uit 100 verdien. Dié tenger, langbeen blondekop is die jongste van mnr. Daniël en me. Ingrid de Waal se drie dogters. Die gesin boer op die plaas Canettevallei. Daniël besit ook Super Single Vineyards, wat onder meer wyn maak van druiwe wat naby Sutherland in die Karoo – 1 500 m bo seevlak – groei. “Ons het sowat twee rye Nebbiolo daar geplant om te eksperimenteer,” vertel hy. Dit was juis vir dié Sutherland-druiwe wat Daniël tydens 2014 se parstyd gewag het toe Isabella in die kelder kom inloer.…

As ons ons boerdery volgens God se beginsels bestuur, sal Hy met elke tree vir ons leiding gee. In Spreuke 14:12 staan: “Daar is ’n lewenswyse wat vir ’n mens reg kan lyk, maar die uiteinde daarvan is die dood.” Die dae van “boer maak ’n plan” is verby. Ons kan nie net ’n kans waag nie, want ons het nie meer die ruimte om foute te maak nie. Ons moet dinge van die begin af reg doen, want ’n swak besluit laat ’n boer vinnig ondergaan. Ons het die Woord van God tot ons beskikking en ons moet dit gebruik. As ons as boere sukses wil behaal, moet ons Goddelike raad vra. Ons sal van God hoor as ons tyd in gebed deurbring, die Woord van God lees en…

Altesame 17,4  miljoen ekwivalente kartonhouers pere is tot dusver vanjaar vir die uitvoermark goedgekeur. Dit is sowat 2% minder as in die vorige produksiejaar. Volgens Hortgro het die uitvoervolume van Forelle-pere egter met 8% teenoor verlede jaar gestyg. Die toename word hoof saaklik toegeskryf aan jong boorde wat in drag gekom het. Die grootste daling in uitvoer was ten opsigte van Abate Fetel en Vermont Beauty wat met onderskeidelik 14% en 13% teenoor die vorige produksiejaar afgeneem het. Volgens die 2016-boomsensus is daar tans 12 279  ha peerboorde in Suid-Afrika. Peerboomaanplantings het sedert 2007 met 7% toegeneem. Die belangrikste produksiegebiede is Ceres (waaronder Wolseley en Tulbagh) met 49%, gevolg deur Elgin (waaronder Grabouw, Villiersdorp en Vyeboom) met 21% en die Langkloof (15%). Hortgro sê die ouderdomsverspreiding van peerbome is baie gesond,…

GAUTENG PRETORIA KLIPPAN (21) 21 ha, aan Be First Project 109 (Edms.) Bpk., van E.E.C. Jacobs en S. Jacobs, R700 000. KWAZULU-NATAL BALLITO DEJAGERSKRAAL(874) 325 ha, aan The Fig Tree Ridge-trust, van Fairview Greystock Estates, R14 000 000. PIETERMARITZBURG BLESBERG B (2863) 90 ha en BUFFELS BOSCH (944) 40 ha, aan Endebeni Forest (Edms.) Bpk., van Rosewood Investments (Edms.) Bpk., R9 375 000. DRIE FONTEINEN (854) 421 ha, aan Trewirgie Timber (Edms.) Bpk., van Mondi Limited, R3 662 000. WINTERHOEK (986) 83 ha, aan die nasionale Regering van die Republiek van Suid-Afrika, van L.J. Nel, R510 000. UTRECHT KNOOPAAN (71) 35 ha, aan W.O. Hinze, van C.K. Hinze, R405 840. LIMPOPO BURGERSFORT GOEDGEDACHT (553) 269 ha en KRUGERSPOST (550) 633 ha, aan Canyon Springs Inv 129 (Edms.) Bpk., van A.E.…