Innehållsförteckning för 01-Dec-17 från Landbouweekblad

HELP BOERE SÓ MET VEILIGHEID ’n Mens mag nie begeer nie, maar daar is ’n groot behoefte aan begrip vir en ondersteuning aan ons boerderygemeenskap, veral in sekere geteisterde dele van Suid-Afrika. As mense, en dit sluit alle burgers van die land in, en veral sekere groot private maatskappye en verskaffers aan die landboubedryf, net vir ’n oomblik wil besin, sal hulle verstom staan dat hulle met oogklappe aan gulde geleenthede by hulle laat verbygaan. Kom ons vra vir Cell C, MTN en Vodacom wat hul bydrae tot Suid-Afrika se boerderygemeenskap spesifiek is. Hulle het die vermoë om miljoene rande aan TV-advertensies, sportspanne en ander bedrywighede te bestee. Hul bedryf leen hom uitstekend daartoe om moderne tegnologie te gebruik om kommunikasie aan die landelike en veral boeregemeenskap beskikbaar te stel.…

Sedert mnr. Rino Brochetto in die 1970’s met amandels begin boer het op die afgeleë plaas Addersfontein by Montagu, was dit ’n sty-we leerkurwe. Sy kleinseun, MNR. STEPHAN LE ROUX het nou die nodige kennis en brei behoorlik uit. Hy skep ook geleenthede vir ander boere. Lees die artikel op bl. 42. VERTEL ONS VAN JOU GESIN. My pa, Hans, is ’n mediese dokter wat al in onder meer Kanada en Kirgistan gewerk het. Ek is in Kanada gebore en ons het daar gewoon tot ek drie jaar oud was. Daarna het ons in Kirgistan gebly. My ma, Angela, is die een wat die hele familie bymekaar hou. Sy behartig tans die administratiewe sy en groothandelverkope, maar het ook lank self geboer. Sy hou my beslis op my tone! My…

DIE kommersiële landbou is klaarblyklik een van die hoekstene vir die herlewing van Zimbabwe ná die einde van pres. Robert Mugabe se 37 jaar lange bewind. Dokumente wat vroeër vanjaar deur die nuusagentskap Reuters bekom is, dui daarop dat mnr. Emmerson Mnangagwa, Mugabe se klaarblyklike opvolger, reeds aanvoorwerk gedoen het vir duisende wit boere wat van hul plase verdryf is, om weer in Zimbabwe te kom boer en vergoeding te ontvang. Van dié dokumente beweer Mnangagwa het reeds so vroeg as 2015 met verteenwoordigers van die land se kommersiële landbou-unie (CFU) begin onderhandel. Tussen 1998 en 2008 het Zimbabwe se bruto binnelandse produk omtrent gehalveer ná Mugabe se rampspoedige grondhervormingsprojek, waarin wit boere se plase aan onervare, swart boere oorhandig is. BOERE MAAK PLANNE Zimbabwiese boere het op hul beurt…

MET die bemagtigingsmodel wat hy in die sakewêreld gebruik het, meen adj. pres. Cyril Ramaphosa ’n miljoen werkgeleenthede kan in die landbou geskep word. Hy het op sy 65ste verjaardagviering in Johannesburg gesê met sy inkubasie-sentrum vir klein en mediumgroot ondernemings is 1 237 ondernemings geskep wat werk vir 10 527 mense geskep het. Die ondernemings wat deur die inkubasie-sentrum van die Cyril Ramaphosa-stigting, bekend as Black Umbrellas, begin is, het ’n gesamentlike omset van R2,1 miljard en ’n batewaarde van R950 miljoen. Die koste per pos geskep was R40 000 teenoor die normale R250 000, sê hy. Hy wil ’n soortgelyke inkubasiesentrum vir kleinboere op Badplaas begin en die model dan uitbrei. Hy sê as 100 sulke sentrums begin kan word en hulle behaal dieselfde sukses as die Black…

1 RWANDA | Staat gryp in, kossekerheid verbeter In die Verenigde Nasies se Voedsel- en Landbou-organisasie (VLO) se oorsig oor voedselsekerheid vir vanjaar in Afrika suid van die Sahara loof die VLO die Rwandese regering se ingrypings om voedselsekerheid in dié land te verbeter. ’n Projek met die doel om een koei per gesin daar te stel het dié land se melkproduksie in 16 jaar van 50 000 ton melk tot meer as 710 000 ton laat styg. Sedert 2014 subsidieer die regering ook tot 50% van kleinboere se besproeiing, asook watertoevoer vir veeboere. Een projek in die distrik Bugusuera kombineer stapelvoedesel en uitvoergewasse, en wys grond aan individuele boere toe deur middel van ’n loterystelsel. Die VLO sê die aantal ondervoede mense in Afrika suid van die Sahara het…

BOERE in die suidelike deel van die Wes-Kaap sê die goeie reën van middel November én opvolgreën ’n week later gaan wondere verrig vir hul lusernweiding. Mnr. Arno Steenkamp van Tweekop Boerdery tussen Heidelberg en Swellendam sê dit het middel November 51 mm tot 90 mm op die boerdery se plase gereën. Op 20 November het dit weer 10 mm gereën. “Dit het mooi uitgewerk. Ons koring-, gars- en kanola-oes is in en dit gaan baie goed wees vir die weiding. Die lusern het gebot en groei stadig. Jy kan sien dit was vrek droog, want al die water het ingetrek.” Hy reken sy vee sal die lusern oor twee weke kan begin bewei. Dit sal verligting bring, aangesien hulle tot dusver groot hoeveelhede voer moes aankoop. As hulle oor…

DIE verhoogde vraag na veral vetwol uit die belangrikste verbruikersmarkte word duidelik weerspieël in Cape Wools se uitvoersyfers na die grootste vetwolinvoerders in die eerste vier maande van die seisoen (Julie tot September) vanjaar, vergeleke met die ooreenstemmende tydperk verlede seisoen. Die totale vetwoluitvoer het met 42% gestyg. Die grootste styging was in verskepings na die Tsjeggiese Republiek wat 587 045 kg beloop het – ’n styging van 128% teenoor verlede seisoen. China het 4 096 771 kg, of 29%, meer vetwol ingevoer. Selfs Italië, wat hoofsaaklik verwerkte wol invoer, het sy vetwolinvoer met bykans 59% tot 419 774 kg verhoog. Daar is dié seisoen ook vir die eerste keer vetwol (243 397 kg) na Bulgarye uitgevoer.…

DIE Australiese wolbeurs gaan vroeg volgende jaar ’n elektroniese baalopspoorstoestel begin toets. Vir die proeflopie sal 150 000 wolbale in Wes-Australië met mikroskyfies toegerus word sodat die beweging daarvan gemonitor kan word. Volgens mnr. Mark Greaves, bestuurshoof van die beurs, is die doel om die doeltreffendheid in die verskillende stadia van die wolhanteringsketting te verbeter. Elke baal sal ’n groot identifikasie-etiket en ’n opsporingsnommer kry sodat die baal se beweging deur middel van radiofrekwensie gevolg kan word. “Dié nuwe e-baaltegnologie bied ook die geleentheid om die wolbedryf onder die nuwe geslag wolboere te bevorder,” sê Greaves. HIERDIE BLAD IS DEUR CAPE WOOLS GEBORG. BERIGTE IS DEUR CAPE WOOLS GESKRYF EN VERSKAF. RIG NAVRAE AAN LOUIS DE BEER BY TEL. 041 484 4301. E-POS: capewool@capewools.co.za. WEBWERF: www.capewools.co.za.…

Die dood is meestal ’n groot skok en ontwrigtend en onaangenaam vir die mense wat agterbly. Ná die begrafnis of gedenkdiens, wanneer almal huis toe is en die lewe moet voortgaan, begin die probleme. Afgesien van ’n mens se emosionele toestand en die alleenheid wat jou tref, moet verskeie sake aandag kry, veral wanneer ’n gade of lewensmaat gesterf het. ■ Kontant is nodig vir onmiddellike uitgawes en om aan te gaan met daaglikse sake. Die eksekuteur kan kontant voorskiet as hy seker is die boedel het genoeg kontant. Gades behoort egter lank voor die tyd ’n eie bankrekening te kry om geld daarin te hou vir tye soos dié. ’n Eksekuteur moet eers sy aanstellingsbrief van die Meester van die Hooggeregshof kry en dit kan lank duur. ■ Die…

KORTOM ■ Boere van Kamieskroon is oorbluf oor 615 ton mielies wat hulle van ’n boeregesin van Hoopstad ontvang het. ■ Die mielies verskaf waardevolle kragvoer in mengsels en help om voerrekenin te verlaag. ■ Die Kamieskroon-boerevereniging het sowat die helfte van die mielies aan ander boereverenigings in Namakwaland geskenk. Die hele ding is ’n wonderwerk, sê mnr. Tertius Archer, boer en veteraan van die georganiseerde landbou in Namakwaland. “Ek is totaal oorbluf. Ons gelowiges het eers gebid vir reën, toe vir ’n wonderwerk. Wat ek in gedagte gehad het, was reën en vol damme en riviere, maar toe kom die Here met ’n beter plan. “Dié plan was om Sulene (sy skoondogter) te gebruik om by Willem en Jacques van Zyl uit te kom. Daardie mense het 18 vragte…

WAT IS DIE BESTE BOERDERYRAAD WAT JY AL GEKRY HET? My pa het altyd gesê: “Kontantvloei is koning.” Dis van die beste raad wat enigiemand jou kan gee. ’n Boer kan nie net meer op gevoel boer nie; ’n mens moet meet om te weet. Ek hersien elke twee maande ons begroting om seker te maak ons bly op koers. My pa het ons geleer om met kontant te werk. Ek meen egter as jy wil uitbrei, moet jy nie net jou eie kapitaal gebruik nie. Boere in Suid-Afrika leef voortdurend met ’n swaard oor hul kop (oor eiendomsreg); jy moet dit in ag neem en soms eerder vreemde kapitaal gebruik om jouself te verskans. WATTER ROL SPEEL JOU PA EN OUPA IN JOU LEWE? Ek en my pa (Hans)…

Aalwurms is nie die enigste patogene organismes op die plaas Fraaiuitzicht wat biologies bestry word nie. Pythium is ook ’n probleem. Om dit die stryd aan te sê, gebruik mnr. Attie Grobler, produksiebestuurder, DP104 van Biotechnica, ’n Europese maatskappy. Dit is ’n biologiese produk wat 17 verskillende bakterieë en drie verskillende swamme bevat. Omdat Pythium die wortelsaad reeds met ontkieming begin aanval, dien Attie die DP104 met planttyd toe met behulp van ’n pasgemaakte toediener wat mnr. Toks Liebenberg, mede-eienaar van Greenpak, op hul planter geprakseer het. Vyf dae ná hy geplant het, dien hy DP104 die tweede keer toe en ’n week later ’n derde keer. Indien hy sien die druk is hoog, sal hy selfs ’n vierde toediening drie tot vier weke ná planttyd oorweeg. Sodra die wortelplante…

1 Junior kampioenmerrie, asook grootkampioen (siertuig), Colchester Leila. Eienaars: Mnr. H.F. en mev. C.A. Botha (sel 083 327 7451), Colchester-stal, Colchester. Vertoner: Mnr. Carlos Tutton. 2 Junior kampioenhings, asook junior kampioen (driegang), Indiana Professor. Eienaar: Me. Jetta du Preez (sel 082 224 4149), Grahamstad. Vertoner: Mnr. Reagan Makwena. 3 Senior kampioenmerrie, asook kampioenryperd (driegang), Indiana Ntombazane. Eienaars: Marais-familie (sel 082 552 2309), Kookhuis. Vertoner: Mnr. J.P. Marais. 4 Kampioen-kinderryperd (driegang), asook kampioenkinderruiter (driegang), Indiana Foxy. Eienaar: Me. Maretha Jamneck (sel 082 447 9239), Swellendam. Vertoner: Jana Jamneck. 5 Kampioen-kinderryperd (vyfgang), asook grootkampioen (vyfgang), Pampoen. Eienaar: Mnr. Tommie Ferreira (sel 082 732 1414), Port Elizabeth. Vertoner: Steven Ferreira.…

Plaaskombuis word Woensdae om 18:30 op Via (kanaal 147 op DStv) uitgesaai. Die reeks word aangebied met die samewerking van Landbouweekblad. Op Grundheim se witblits-reeks se etikette pronk ’n parmantige bulterriër, want die inhoud van die bottel het net so ’n sterk byt soos daardie terriër! Op Dys en Elana Grundling se plaas word witblits nog op die tradisionele manier met hout gestook. Hulle is die sesde geslag witblitsstokers en wynmakers op Grundheim. Met name soos Windpomp, Brandslang en Danie se Withond, gaan jy nie maklik verby ’n bottel Grundheim-witblits loop nie! Benewens witblits word daar ook wyn, muskadel, port, likeur en potketelbrandewyn op Grundheim gemaak. Dys, wat ook die wynmaker op Grundheim is, kan nie sonder sy gesoute stoker, Jan Goliath, werk nie. Nes sy pa en oupa voor…

INTERNASIONAAL: Die Chicagoprys het met $2,85/t (R40,90/t), tot $133,66/t (R1 918/t) teenoor die vorige week gedaal. Op ’n jaargrondslag is dit $0,12/t (R1,72/t), laer. Verwagte pryse: Des. – $135,03/t (R1 938/t), Mrt. – $139,52/t (R2 002/t), Mei – $142,91/t (R2 051/t), Jul. – $145,90/t (R2 094/t). PLAASLIK: Die Safexprys van wit mielies het met 2,6%, of R53/t, tot R1 975/t teenoor die vorige week gedaal. Die prys van geel mielies het met 1,4%, of R29/t, tot R2 089/t teenoor die vorige week gedaal. Op ’n jaargrondslag is wit mielies 51,1%, of R2 065/t, goedkoper, terwyl geel mielies 36,5%, of R1 199/t, goedkoper is. Verwagte witmieliepryse: Des. – R1 988/t, Mrt. – R2 041/t, Mei – R2 095/t, Jul. – R2 129/t. Verwagte geelmieliepryse: Des. – R2 105/t, Mrt. – R2…

‘n Onaangename vroeë Kersverrassing wag begin Desember op verbruikers: Brandstofpryse gaan vir die vyfde maand agtereenvolgens styg. Mnr. Dawie Maree, hoof van landbou-inligting en -bemarking by FNB, sê teen middel November was die onderverhaling op petrol en diesel onderskeidelik 74c per liter en 62c per liter. Die styging in die internasionale produkpryse, gekoppel aan die prys van ruolie, sowel as die verswakking van die rand was verantwoordelik vir hierdie onderverhaling. “Volgens die syfers van die Sentrale Energiefonds was die onderverhaling op die produkpryskomponent 32c per liter tot 45c per liter. Die verswakking in die wisselkoers was verantwoordelik vir ’n onderverhaling van gemiddeld 29c per liter. Die skerp styging in brandstofpryse is nie goeie nuus vir graanboere wat midde-in planttyd is nie. “Op die medium- en lang termyn gaan die kosteknyptang…

63% Internasionale kunsmispryse het sedert Julie skerp begin styg. Die prys van ammoniak het van Oktober 2016 tot Oktober 2017 met 63% gestyg, terwyl ureum (46) oor dieselfde tyd 30% duurder geword het. In Suid-Afrika was prysstygings minder skerp, maar steeds groot. Van November 2016 tot November 2017 het die prys van KAN met 14% gestyg, ureum met 18% en KCl met 6,3%. MAP se prys het met 3,3% gedaal. – Graan SA 2x Suid-Afrika se vrystelling van die kweekhuisgas koolstofdioksied is dubbel die wêreldgemiddelde, volgens die 2017 Global Carbon Budget. Wêreldwyd het die vrystelling van koolstofdioksied verlede jaar met minder as 1% gestyg. Dr. Pedro Monteiro, die WNNR se hoofoseanograaf en ’n medeskrywer van dié verslag, meen die land moet nuwe ekonomiese geleenthede benut wat spruit uit stappe om…

‘Hier is letterlik ouens wat soggens by sy huis uitstap en niks het om te doen nie.’ MNR. JOEY POTGIETER, volstruisboer en voorsitter van Agri Klein-Karoo, oor die gekombineerde uitwerking van droogte en voëlgriep in dié gebied op sommige volstruisboere. Bl. 25 ‘In Amerika neem die staat oor as jou hoenders positief vir voëlgriep getoets word. Hulle maak al die hoenders dood en gee jou jou tjek.’ MNR. CHRIS SCHUTTE, uitvoerende hoof van die pluimveeprodusent Astral, oor hoe ander regerings voëlgriep hanteer. Bl. 17 ‘Die polisie het die stelery nie dadelik in die kiem gesmoor nie. Kort voor lank het die situasie handuit geruk.’ MNR. WILLEM VAN JAARS-VELD, uitvoerende hoof van Agri Limpopo, oor mangodiefstal in die Tzaneen-omgewing.Bl. 18 ‘Ordentlike boere raak nie opruiend nie.’ MNR. CHARL SENEKAL, suikerboer, oor…

ERGE KOUE EIS MEER AS 2 000 SKAPE IN DIE SUID-VRYSTAAT Meer as 2 000 stuks skaap het in die Suid-Vrystaat, asook elders in die sentrale binneland, gevrek weens die ongewoon koue weer wat Suid-Afrika voorverlede week getref het. Hier is van die kommentaar wat op LBW se Facebook-bladsy ontvang is. SUSSIE POSTHUMUS LE GRAN-GE skryf: Dit is vreeslik. Die Vader se hand is oor alles, maar ’n mens kan nie help om te wonder hoekom so iets moet gebeur nie. FLIP BOOYSEN skryf: Maar boere doen ook niks as hulle ’n weerwaarskuwing kry nie. Laat die diere maar vrek op die land en kla later. MAUDENE VAN DER LINDE antwoord: Waar gee jy skuiling aan duisende geskeerde skape as die koue met ysreën en wind opkom? Julle weet duidelik…

DIE reën wat einde November in die Wes-Kaap geval het, gaan boere bevoordeel in die volgende graanseisoen omdat hulle die vog kan bewaar en onkruid bekamp voor die gewasse se opkoms. Mnr. Janneman Fourie van die plaas Mierkraal tussen Caledon en Riviersonderend het middel November 20-50 mm reën op sy grond gehad, opgevolg deur 10 mm. Hy is nog nie klaar geoes nie, maar sê die reën is baie meer werd as moontlike skade. Fourie het vanjaar tussen April en Oktober net 170 mm reën gekry ‒ sowat die helfte van die vorige vyf jaar se gemiddeld 250 mm. “Vir die hoeveelheid reën wat ons gekry het, is die oes wat ons afhaal, eintlik uitstekend. Die koring is nie so goed nie, maar die gars het wragtig goed gevaar en…

DIE Swart Maandag-protes in Oktober het reeds ’n merk gemaak en “ordentlike boere raak nie opruiend nie”. Só sê mnr. Charl Senekal, suikerboer en direkteur van Agri SA, oor minstens twee verdere betogings wat met die skryf hiervan teen plaasmoorde en -aanvalle beoog is. “Ons het ons kaarte pragtig gespeel met die Swart Maandag-optogte, maar selfs dít het onbedoelde gevolge gehad.” Hy meen die volgende stap ten opsigte van veiligheid is vir boere om hulself te organiseer en hulle op paraatheid en veiligheid toe te spits. Hy moedig boere ook aan om inligting oor moontlike bedreigings aan hul medeboere oor te dra – beide binne gemeenskappe en oor provinsiale grense, om landelike veiligheid te bevorder. STAAT SE ROL “Die mag om hierdie situasie te verander, lê by die staat,” sê…

‘Ons dink nie (die Regering) verstaan mooi dat as jy nie vergoeding kry nie, moet jy beskerm word.’ AS voëlgriep jou (in Suid-Afrika) tref, is jy op jouself aangewese, terwyl hoenderboere in onder meer Amerika en die Europese Unie (EU) baie hulp van hul regerings kry, sê mnr. Chris Schutte, uitvoerende hoof van Astral Foods, Suid-Afrika se grootste pluimveeprodusent. Astral was die eerste produsent wat vanjaar deur die hoogs aansteeklike H5N8-voëlgriepvi-rus getref is. “In Amerika neem die staat oor as jou hoenders positief vir voëlgriep getoets word. Hulle maak al die hoenders dood en gee jou jou tjek. In Suid-Afrika het die Regering geen bronne om van enige hulp te wees nie. Daar is beloftes van vergoeding, maar ons het nog niks verder gehoor nie.” Schutte het in ’n onderhoud…

DIE Suid-Afrikaanse suiwelbedryf is internasionaal mededingend, maar kan moeilik meeding met produkte uit lande waar die staat produsente ondersteun. Dié onmededingende praktyke in ander lande veroorsaak dat die plaaslike bedryf se produkte onmededingend word, sê mnr. Melt Loubser, voorsitter van die Suid-Afrikaanse Melkprosesseerdersorganisasie (Sampro). Loubser het op die 13de Afrika-suiwelkonferensie en -tentoonstelling (Afda) in Johannesburg gesê plaaslike markte werk goed, en in teenstelling met groot skommelinge op die internasionale mark is vraag en aanbod hier in ’n groot mate in balans. Weens die invoer van goedkoop langlewemelk uit Pole word langlewemelk in Suid-Afrika ’n produk wat onderhewig is aan baie skommelinge – veel meer as ander produkte. Hy sê die prys van Pole se langlewemelk is beduidend laer as dié in die res van die wêreld. “Produkte waarby daar aan…

DIE bestaande rooibosplantasies lyk nie te sleg nie, al het alle produksiegebiede net sowat 30% van hul gemiddelde langtermynreënval gekry, sê mnr. Martin Bergh, besturende direkteur van Rooibos Beperk. “Clanwilliam se gemiddelde reënval oor die afgelope 100 jaar is 208 mm, en ons het tot dusver vanjaar net minder as 60 mm gekry. Die hele bedryf lyk min of meer so.” Dis nog te vroeg om oor oesverwagtinge te praat, sê Bergh. “ ’n Rooibosplant groei van die lente af tot sy water opraak, dan raak hy dormant. Die bosse groei nou, maar pleks van groei tot middel of einde Januarie, gaan hulle seker binnekort ophou groei. Die plante gaan teen oestyd baie korter wees; ons weet nie hoeveel korter nie. Mnr. Johan Brand, tegniese bestuurder van Rooibos Beperk, is…

DIE Australiese vleisbedryf het ’n veldtog van stapel gestuur om skaapvleis onder die Japannese te bevorder. Meat and Livestock Australia (MLA) meen die Aussies sal die Japannese kan leer om ’n smaak vir lamskotelette te ontwikkel. Die organisasie het al in 2014 ’n span van 15 vooraanstaande Japannese sjefs gewerf om as “lambassadeurs” op te tree. Die lambassadeurs het Australië sedertdien ’n paar keer besoek om meer oor die produksieprosesse van skaapvleis te leer en skaapvleisdisse van Australië se topsjefs op die proef te stel. Mnr. Andrew Cox, streeksbestuurder van MLA in Japan, sê die meeste Japannese se blootstelling aan skaapvleis was tot skaapblad beperk. Die sterk geur wat dit tydens die gaarmaakproses afgee, sit hulle egter af, sê hy.…

Namibië is ’n netto invoerland van mielies en produsente moet daarteen waak om soos Suid-Afrika surplusse te produseer. Die Suid-Afrikaanse rand en die Namibiese dollar verhandel teen dieselfde vlakke. Faktore wat die rand beïnvloed, het dus ’n merkbare impak op die Namibiese ekonomie en kommoditeitspryse. ’n Voorbeeld is hoe die Namibiese mielieprys, anders as in Suid-Afrika, jaarliks in ’n gereguleerde mark bepaal word. Wit mielies, koring, brood-manna (wat in Namibië mahangu genoem word), groente en vrugte is beheerde kommoditeite en produkte in Namibië. Die Namibiese regering is nie net op voedselsekuriteit toegespits nie, maar wil ook nie produsente aan die wisselvalligheid van internasionale pryse blootstel nie. MIELIEPRYS Die mielieprys in Namibië se gereguleerde kommoditeitsmark word afgelei van die vryemarkprys vir wit mielies in Suid-Afrika. Die gemiddelde witmielieprys vir Julie word…

Die grootste kwessie vir boere is om as dit goed gaan, planne te beraam en praktyke in werking te stel om die moeilike tye te oorleef, dog met die wisselvallige reën wat hulle die afgelope paar jaar kry, voel dit of die droogte hulle bekruip, sê mnr. Joseph Steyn van die plaas Rietfontein by Prins Albert. “Ons het mos in Augustus verlede jaar daardie lekker reën gehad, toe’s die wêreld mooi. Toe het ons gedink die droogte is verby en ons gaan ’n normale somer hê. Toe kom reën dit nie in Maart nie en ook nie in die winter nie. Ons het begin November eers weer reën gekry. “Dis asof jy planne beraam vir die seisoen, dan kom die reën nie. Jy kan nou terugkyk en sê ek moes…

Soos die meeste goeie stories het die storie van die skenking ’n lang aanloop, vertel me. Sulene Archer, ’n boervrou en entrepreneur wie se teetuin op die Kamiesberg en kontakte in die mieliewêreld haar gehelp het om haar gemeenskap te help. Volgens mnr. Willie Zastron, provinsiale hoof by Absa Besigheidsbank, reël hulle die afgelope vier jaar ’n taai bergfietsrit in Namakwaland vir hul voorste boerekliënte wat dikwels nie ’n kans kry om die volle Cape Epic-fietstoer te ry nie. Op die “Namakwa Epic” kry hulle ’n kans om ’n “mini-Cape Epic” te ry en op Namakwalandse gasvryheid getrakteer te word. Vir Absa Besigheidsbank is dit ’n geleentheid om met groot kliënte te skakel, terwyl kliënte oor landbousake kan gesels. Op die laaste aand hou hulle ’n wynveiling waarvan hulle die…

Daar word na grond verwys as die oppervlak van die planeet Aarde se lewende (biologies aktiewe) “vel” en ’n lewegewende natuurlike hulpbron. As sulks is dit heel waarskynlik ’n land se grootste bate. Namate die wêreldbevolking toeneem en voedselproduksie moet verhoog, is grondgesondheid en -produktiwiteit deurslaggewend. Grondgesondheid is die vermoë van die grond om as ’n lewende ekologiese stelsel te werk. Dit kom eerstens daarop neer dat plant en dier onderhou word deur die beskikbaarheid van onderskeidelik voedingstowwe en voedsel te verseker en in te stand hou. Tweedens dien grond as die grootste natuurlike filter op aarde. Deur fisieke en chemiese prosesse filtreer dit onsuiwerhede uit water. Derdens dien grond as ’n buffer wat voedingstof- en pH-verandering by wyse van absorpsie en selektiewe vrylating verhoed. Vierdens verbeter gesonde grond grondoppervlakintegriteit…

In die winter gebruik mnr. Attie Grobler slegs biologiese produkte op die plaas Fraaiuitzicht se wortelaanplantings om die aalwurmprobleem in die grond die hoof te bied. Vier weke voor planttyd, wat gewoonlik van April tot Mei is, dien Attie 20 liter Mos-Nema per hektaar toe. “Ons voeg 15 kg fulviensuur per ha en 30 kg humiensuur per ha daarby. Die resep word met planttyd herhaal en dan weer vier weke daarna. Hoe vroeër ons hierdie middels in die grond kan kry, hoe beter. “Die middels word hoofsaaklik deur spuite toegedien, hoewel spilpunttoediening ook gedoen kan word. Dit is egter minder akkuraat. Die probleem is dat die produkte dikwels UV-gevoelig is en dus vroegaand toegedien moet word en dan ingewas moet word voor die son opkom,” sê Attie. Mos-Nema is ’n…

Ek boer in KwaZulu-Natal tussen Newcastle en Ladysmith met skape en op dele van my plaas is daar “gousiekte”, soos my pa en oupa dit genoem het. Wat kan ek doen? Gousiekte is ’n siekte van beeste, bokke en skape en word gekenmerk deur akute hartversaking sonder enige tekens vooraf. Siektetekens tree in ná vier tot agt weke (latente periode) na die inname van sekere plante van die Rubiaceae-plantfamilie. Dié siekte word beskou as die vierde of vyfde algemeenste plantvergiftiging by beeste en kleinvee in Suid-Afrika. SIEKTETEKENS Die tekens is al in 1908 soos volg beskryf: Diere wat besig is om te rus of wat rustig wei, sal skielik een of twee keer in die rondte draai, blêr of in die lug spring en dood neerval. As hulle dalk gewei…

Sjokoladevrugtekoek met stroop Hierdie besonderse Kerskoek hoef net vir 2 weke rypgemaak te word. Dis ’n klam, ryk vrugtekoek met die lekkerste sjokoladegeur en deurdrenk van brandewynstroop. Dit is nét die ding om laatmiddag saam met goeie koffie voor te sit. Beslag   250 g sagte botter   250 ml klam bruinsuiker   6 groot eiers   560 ml koekmeel   180 ml kakao   7 ml koeksoda   3 ml sout   5 ml fyn kaneel   1,5 kg vrugtekoekmengsel   90 ml brandewyn ■ Stroop   80 ml water   125 ml…

‘Dis soos klavierspeel: Jy oefen tot jy elke noot ken, dan vergeet jy wat jy geleer het, maak jou oë toe en speel.’ “Kom ons begin met lot nommer een! ’n Kwaliteit Vleismerinoram, menere. Kyk net daai lekker kop aan hom. Dis ’n ram met ’n mooi, manlike bouvorm, menere. Kyk daai rug! Right, wie sê tienduisend?” Só begin Toyota se Jong Afslaerskompetisie. Deelnemers moet dieselfde ram opveil en word beoordeel volgens hul bedryfskennis, houding (selfvertroue, oogkontak en lyftaal) en praattegniek. “Jy moet vloeiend, ritmies en duidelik praat,” sê die beoordelaar mnr. Appie Maritz, ’n afslaer van BKB. “Ons kyk ook hoe jy die dier voorstel, die gehoor se aandag hou en mense betrokke kry. “Die jong manne is natuurlik ’n bietjie op hul senuwees. Ek verseker jou, ek kan…

Die Arabella-gholfbaan naby Kleinmond word beskou as een van die golfbaanargitek Peter Matkovich se meesterstukke. Fynproewers beskryf dit as ’n klassieke, goed gebalanseerde, vloeiende uitleg. Die baan het in 1999 geopen en het reeds in 2010 die vierde plek beklee op die Golf Digest se lys vir topbane – in daardie stadium was dit dus die Kaap se beste. Hermanus se walvisse is net 20 km weg en daar is ’n aantal wynlandgoedere in die Hemel-en-Aarde-vallei. Arabella is geleë aan die R44 tussen Kleinmond en Hermanus. Arabella het vir ’n aantal jare die Nelson Mandela-uitnodigingstoernooi aangebied, waarvan Gary Player en Madiba die gas-here was. Dié liefdadigheidsgeleentheid het beroepspelers, vermaakkunstenaars en sakemanne gelok om die spel te geniet in ’n tipe tuinparty-atmosfeer. Die hotel op die landgoed het ook al verskeie…

SEDERT die demokratisering van Suid-Afrika was daar ’n uittog van kundigheid. Talle landbou-wetenskaplikes wat vir die staat gewerk het, het hulle óf tot die private sektor gewend óf geëmigreer. In die proses het institusionele geheue en kennis verlore geraak, sê dr. Jean Rust, tesourier van die Oos-Kaapse tak van Suid-Afrikaanse Vereniging vir Veekunde (SAVVV). Hy was ook die hooforganiseerder van die vereniging se goue jubileumkongres wat onlangs in Port Elizabeth gehou is. Die kongres is deur meer as 370 afgevaardigdes bygewoon en deur toonaangewende wetenskaplikes van Afrika en Amerika toegespreek. Rust het aan Landbouweekblad gesê hoewel daar met reg sedert 1994 meer aandag aan die ontwikkelende landbou gegee word, is dit jammer dat die kollig nie meer so skerp op die kommersiële landbou val nie. “Laasgenoemde is deesdae uiters gesofistikeerd…

Die Suid-Afrikaanse Tafeldruifbedryf (SATI) het sy eerste oesskatting vir die produksiejaar 2017-’18 bekend gemaak en voorspel dat die totale oes 58,9 miljoen tot 63 miljoen kartonhouers (4,5 kg elk) behoort te wees. Indien die hoogste skatting in die kol is, sal dit ’n afname van 6,7% teenoor 2016-’17 se verpakte oes van 67,57 miljoen kartonhouers wees. Indien die laer vooruitskatting reg is, sal dit egter minstens 2,5 miljoen kartonhouers meer wees as die gemiddelde in die afgelope vyf jaar. Volgens die SATI het die jaar normaal begin en die noordelike provinsies en die Oranjerivierstreek is nie deur die droogte in die Wes-Kaap geraak nie. Die drie produksiegebiede in die Wes-Kaap is wel deur die droogte geraak, maar nie so erg as wat aanvanklik verwag is nie. “Hierdie kleiner invloed word…

Die volgende ontleding van grondverkope in Suid-Afrika is van transaksies vir grond van meer as 10 ha in Limpopo, Gauteng en KwaZulu-Natal vanaf September verlede jaar tot Augustus vanjaar. Nege distrikte in Limpopo toon dalende grondprysneigings. In dié provinsie was daar 507 ooreenkomste in 13 distrikte. Dit het 189 269 ha teen R2,622 miljard behels. Daarvan was 19,5% transaksies van kleur. Dié soort transaksies sluit in verhandelings tussen individue, Regeringsaankope van landbougrond en grond wat vir stedelike ontwikkeling verkry is. Dit het 20,1% van al die verhandelde hektare in Limpopo teen R532 miljoen (19,9% van die totale waarde) behels. In Gauteng was daar 494 transaksies wat 50 308 ha teen R5,795 miljard behels het. Daarvan was 113 (23%) ooreenkomste van kleur. Sowat 63% van die transaksies was vir grond van…

’n Dragtige Wagyu-koei is teen die hoogste prys van R62 000 op die 21ste produksieveiling van die stoetery VJ Angus naby Cathcart verkoop. Die koei, nr. CP120038, is aan mnr. A.K. Peer van Kaapstad verkoop. Altesame 17 dragtige koeie is teen gemiddeld R36 560 stuk verkoop. Twee rooi Angusbulle (nrs. CP157923 en CP157974) is teen die hoogste prys van R52 000 stuk verkoop. Nr. CP157923 is aan mnr. Quentin de Bruyn van Ladybrand verkoop, terwyl nr. CP157974 aan mnr. L. Scheepers van die Upsal-boerder, Cradock, verkoop is. Bulle het gemiddeld R33 710 stuk behaal. Sheard Afslaers het die veiling op die plaas Glenfinla aangebied en die afslaer was mnr. Brandon Leer.…

BOEREDAE 17 JANUARIE 2018: Balfourhooidag. Balfour, Mpumalanga. Nuutste toerusting en demonstrasies. Gert, sel 083 455 1587; Carel, sel 083 627 1354; Wouter, sel 083 390 2346. 4 JULIE: Val-boeredag, toerusting en demonstrasies, aangebied deur Waterval-boerevereniging. Buite Standerton. Hardus, sel 083 230 2721; Frederik, sel 072 160 4824; Elizna, sel 082 455 5636. EKSPO’S EN ANDER 2 DESEMBER: Swartland-veteraantrekker-en-enjinklub se oesdag saam met Koringbedryfmuseum. Moorreesburg. Hennie Richter, e-pos: sekr.wk@telkomsa.net 18 JANUARIE: VinPro-inligtingsdag. KIKS, Kaapstad. Web: sales.vinpro.co.za; e-pos: info@vinpro.co.za; tel. 021 276 0429. 13 FEBRUARIE: Nasionale Wolkwekersvereniging se jaarlikse algemene vergadering. Victoria-Wes-gholfklub. Lillian Maree, sel 082 572 1961 ; Gawie Van Wyk, sel 083 270 3161. 13 FEBRUARIE: Wagyu SA se raadsvergadering. Bloemfontein. E-pos: admin@wagyu-sa.co.za; Web: www.wagyu.org.za KONFERENSIES 3-6 DESEMBER: Internasionale konferensie oor globale voedselsekerheid. Kaapstad. Web: www.glo balfoodsecurityconference.com KURSUSSE 27-29 NOVEMBER:…

VIER huise en ’n voertuig is verlede week aan die brand gesteek op Vlakfontein naby Groblersdal in Limpopo en twee vermeende veediewe is deur die polisie gered nadat inwoners in opstand gekom het weens ’n vlaag veediefstalle in die omgewing. Mnr. Jantjie Mahlangu, die dorp se hoofman, het gesê dorpenaars is steeds kwaad, want veediefstal is reeds jare lank ’n probleem. Hul woede het oorgekook toe ’n paneelwa in die gebied opgemerk is met van die plaaslike mense se bokke aan boord. ’n Groep mense het toe saamgespan en die eiendomme begin afbrand van die mense wat hulle vermoed agter die diefstalle sit. Die groep het twee verdagtes vasgetrek wat later deur die polisie bevry is. Een inwoner, wat gevra het om anoniem te bly, het gesê hy is kwaad…

REËLS Soos die oorwinning teen Frankryk, al was dit net met een punt, is dit darem iets. Ten minste is Robert Mugabe, Zimbabwe se voormalige president, nou vort. Die ou wat hom gaan vervang, mnr. Emmerson Mnangagwa, klink egter nie juis belowend nie. Hy was immers Zimbabwe se onderleier en het bitter min gedoen om sy land se skokkende verval en die uittog van sy mense te stuit. Soos die oorwinning in Parys, sal ons Mnangagwa egter aanvaar, want minstens is hy nie Mugabe of ’n loesing van 38-3 teen die Iere nie. Daar is dus ’n bietjie hoop dat dit ietwat beter sal gaan as voorheen. Mnangagwa het immers ook gesê die kommersiële landbou staan sentraal tot sy beoogde regrukplan vir Zimbabwe. Die rede waarom Mugabe so ’n swak…

13 000 SAKKE GRAAN, BONE MET EEN TREKKER GEWEN Mnr. Lotie Lemmer, boer van die plaas Jagersfontein by Zeerust, het vanjaar 9 700 sakke ongedopte grondbone, 2 100 sakke mielies en 1 250 sakke sorghum op 300 morg (257 ha) gewen — en hy het dit alles met net een trekker reggekry. Met die trekker het hy sy lande geploeg, beplant en bewerk, die graan gedors en dit weggery na die koöperasieskuur op sy plaas. Hy het agt werkers — twee wat die trekker dag en nag bestuur, twee vir die planter, twee om kunsmis en saad aan te ry en twee wat melk en die diere versorg. Lemmer is ’n opgeleide werktuigkundige wat voorheen in die landboumasjineriebedryf in Noord-Rhodesië (Zambië) betrokke was. Hy ploeg sy lande met ’n skaarploeg…

DIE Parlement se besluit dat alle statutêre suikerheffings aan die suikerrietprodusentevereniging Canegrowers weerhou word tot eenheid in die bedryf bewerkstellig is, gaan volgens dié organisasie die mees kwesbare suikerrietprodusente, naamlik die kleinboere, die seerste maak. Dit is Canegrowers se reaksie op die Parlement se portefeuljekomitee vir handel en nywerheid se onlangse opdrag dat die SA Suikervereniging (Sasa) se grondwet teen einde November gewysig moet word om die SA Farmers Development Association (Safda) amptelik as ’n suikerrietkwekersvereniging te erken. Mnr. Rex Talmage, ondervoorsitter van Canegrowers, sê die vereniging werk al twee jaar lank om sodanige eenheid te bewerkstellig. “Dit bly Canegrowers se bedoeling om die enigheid in die bedryf te beskerm. “Ons meen dat om die boere in twee groeperings te deel, nie volhoubaar is nie weens die monopolistiese aard van…

AANDEELHOUERS in die Rhodes-groep gaan ’n dividend van 31,1 sent per aandeel kry ná die maatskappy se goeie finansiële resultate ondanks die impak van die droogte en ’n sterker rand. Die groep se omset het met 10,8% gestyg tot R4,6 miljard. Die omset uit bedrywighede in Afrika suid van die Sahara het met 21,4% gestyg, maar dié uit sy internasionale afdeling was weens die sterker rand 18,1% laer as in die vorige boekjaar. Die verkope van vars kos het met 30,1% gegroei en die groei in die verkope van pasteie en ander voorbereide kos het voortgeduur. Die omset uit langleweprodukte het met 15,9% gestyg. In Afrika suid van die Sahara (Suid-Afrika uitgesluit) het verkope met 46,8% gestyg danksy ’n robuuste vraag na blikkiesvleis en vrugtesap. VRUGTE Die maatskappy sê in…

TERWYL daar in Suid-Afrika nie ’n maand verbygaan waarin beeste weens snotsiekte vrek nie, het die Moredun-navorsingsinstituut in Skotland etlike jare gelede reeds ’n entstof teen snotsiekte ontwikkel. In laboratoriumtoetse was dit heeltemal doeltreffend in die voorkoming van snotsiekte. Die oorspronklike virus wat Moredun geïsoleer en verswak het, het uit Oos-Afrika gekom. Dr. Peter Oberem van die dieregesondheidsmaatskappy Afrivet, het twee jaar gelede op ’n vergadering van die Rooivleisprodusente-organisasie gesê sy maatskappy gaan aansoek doen om die geskiktheid van dié entstof in Suid-Afrika te toets. Dit is met die doel om dit in te voer. Latere navorsing het gewys die virus uit Oos-Afrika en die plaaslike virus se DNS stem só nou ooreen dat die entstof sonder enige aanpassing plaaslik gebruik kan word. In die afgelope twee jaar is die…

’N JONG skaaphondjie het sy Britse eienaars stom gelaat toe hy ’n troppie van nege skape ewe behendig deur die agterdeur by die huis in gejaag het. Volgens me. Rosalyn Edwards was sy in die kombuis besig toe sy skielik snaakse geluide hoor. Toe sy omdraai, sien sy die ewe verbaasde skape agter haar staan met hul sewe maande oue skaaphondjie Rocky stertswaaiend agter sy troppie. Edwards sê Rocky het die skape huis toe gebring toe hy sien dat die hek van die kampie waarin hulle was, oopstaan. “Dit was in daardie stadium baie snaaks, maar dit was nie meer ’n grap toe ons agterna die gemors moes skoonmaak nie. Die hele huis was vol mis en modder,” het Edwards gesê.…

KORTOM ■ Weens politieke onsekerheid is die kans goed dat Suid-Afrika in die volgende jaar of twee ekonomies gaan sukkel. ■ ’n Swakker rand, hoër rentekoerse en ’n tekort aan kapitaal kan verwag word. ■ Daar is egter altyd geleenthede om wins te maak in tye van verandering en onsekerheid. Gryp dit aan. Suid-Afrikaners weet teen dié tyd dat pres. Jacob Zuma vasbeslote is om korrupsie en diefstal te beskerm en uiteindelik homself, sy familie en meelopers uit die tronk te hou en stemme te koop. In die proses bestuur hy die ekonomie in die afgrond in, ongeag die ekonomiese gevolge en die gevolge vir arm en werklose mense in die volgende paar jaar. Die pogings raak ál meer verbete namate die ANC-kongres (16-20 Desember) nader kom. Verwag dus ’n…

Die droogte is soos ’n langtermyntrauma wat nie verbygaan nie, sê me. Helene Smit, trauma-berader van Prins Albert, wat vroeër vanjaar oor die uitwerking van die droogte op boere se gemoedere op die dorp se landbouskou gepraat het. “Anders as die trauma wat in ander gevalle ervaar word, kom boere tydens droogtes nie by die planmaakstadium uit nie omdat die droogte voortduur en hulle in die omgewing bly,” sê mnr. Joseph Steyn van die plaas Rietfontein, Prins Albert, wat die sessie op die skou gereël het. Mnr. Carl Opperman, uitvoerende hoof van Agri Wes-Kaap, sê party veeboere sukkel al drie, vier jaar om genoeg voer vir hul kuddes in die hande te kry, want die reën kom net nie meer wanneer dit moet nie. “In hierdie situasie was die medemenslikheid…

‘Amandels het ’n lang internasionale geskiedenis. Dis nie soos Bitcoins, wat ’n nuwe, onbekende verskynsel, is nie.’ PLAASINLIGTING LIGGING: Montagu, Wes-Kaap NAAM: Addersfontein VERTAKKINGS: Amandels, Dorpers, Angusbeeste GRONDTIPES: Sanderige leem GEMIDDELDE REËNVAL: 100-150 mm per jaar KORTOM ■ ’n Groot uitbreidingsgeleentheid bestaan vir voornemende amandelboere aangesien Suid-Afrika 3 000 ton amandels per jaar invoer. Die plaaslike vraag groei met 7-9% per jaar. ■ ’n Boer van Montagu skep in vennootskap met ’n groenteboer geleenthede vir ander boere om dié winsgewende gewas te verbou en te verwerk. ■ Amandels word beskou as die Aspoestertjie van die steenvrugwêreld, maar dit het ’n lang, gevestigde geskiedenis en is minstens drie keer winsgewender as wingerd. Die gesonde stand van sake in die wêreldwye amandelbedryf – vir boere én verbruikers – is wat mnr. Stephan…

PLAASINLIGTING LIGGING: Bothaville, Vrystaat NAAM: Fraaiuitzicht (deel van Greenpak-verpakkers) VERTAKKINGS: Wortels, pampoengewasse, aangeplante weiding (as dekgewasse), Senepol-stoetery GEMIDDELDE REËNVAL: 450 mm per jaar GRONDTIPE: Meestal Avalon, met 4%-25% klei KORTOM ■ Gure weer het ’n wortelboer van Bothaville gedwing om biologiese produkte te gebruik om aalwurms te bestry. ■ Die resultate was só goed dat hy sy winteraanplantings sedertdien net met biologiese produkte beskerm. ■ Proewe word nou gedoen om te sien of die biologiese produkte ook in die somer doeltreffend gebruik kan word. Aalwurm is vir enige wortelboer ’n nagmerrie en nog meer so as jy jaar ná jaar wortels op dieselfde landery moet plant om die syfers te laat klop. Volgens mnr. Toks Liebenberg van Greenpak-verpakkers is dít die situasie op hul plaas, Fraaiuitzicht, naby Bothaville in die…

LIGGING Citrusdal, Wes-Kaap KORTOM ■ ’n Voeraanleg wat die verskaffing van steriele insekte aan die sitrusbedryf ’n hupstoot kan gee, veroorsaak dat die bedryf vinniger en arbeidsdoeltreffender van dié wapen teen valskodlingmot voorsien kan word. ■ ’n Goedkoper ekstrusieproses word nou gebruik om voer vir die steriele insekte te vervaardig. ■ Tot 600 kg rantsoen per uur kan vervaardig word. Die sukses van die steriele insektegniek (SIT) het pas nuwe momentum gekry deur ’n voeraanleg wat motte vinniger en op die lange duur ook potensieel goedkoper aan die bedryf kan lewer. Sedert die SIT in 2007 in die Wes-Kaapse sitrusbedryf in gebruik geneem is, het die aantal boorde waar dié motte vrygelaat word van 1 500 ha tot 18 000 ha uitgebrei. “Dit word nou in die Wes-, Oos- en…

Nelson de la Querra het in die byebedryf grootgeword. Vandag bedryf hy en sy vrou, Lynette, die Klapmutskop-byeboerdery naby Stellenbosch. Hulle is ook eienaars van Qbee, wat aan verskeie winkels heuning verskaf. Sy broers is ook deel van die familie-onderneming en produseer heuning op Hopefield en Oudtshoorn. Is dit waar dat daar meer as 22 verskillende tipes heuning in die Wes-Kaap is? Ek ken ’n oom wat graag sê daar is meer geure en smake in heuning as in die wyn in die Boland. Die geure hang af van die plant en die nektar. Bloekomheuning is baie gewild, maar met dié dat soveel bloekombome deesdae uit rivierlope verwyder word en niks in die plek daarvan geplant word nie, word bye se habitat geraak. Lemoenheuning is net so lekker, hoewel dit…

Geloof en verantwoordelikheid Iemand vra my onlangs of daar ’n grens tussen geloof en verantwoordelikheid is. Dié vraag is so oud soos die berge, maar gesprekke daaroor het nog glad nie eenvormigheid bereik nie. Die een denkskool meen geloof in God en in Sy doen en late behoort die alleenreg te hê op besluite en die uitvoering daarvan. “Glo net,” word rustig en laat alles aan die Here oor. ’n Tipiese voorbeeld is dié van ’n student wat selfs ’n Bybelteks aangehaal het om sy argument krag te gee. Hy kón (of wóú) bloot nie ’n vroegoggendklas bywoon nie. Hy’t hom beroep op koning Salomo se wysheid in sy pelgrimslied: “Tevergeefs dat julle vroeg opstaan en laat gaan slaap om met moeite ’n bestaan te maak. Vir dié wat Hy…

AGRI EXPO LIVESTOCK SUIWELBEDRYF ONDER EEN DAK Kundiges van oor die hele wêreld het agter die mikrofoon ingeskuif op die DMC-konferensie tydens Agri Expo Livestock op Sandringham naby Stellenbosch. Die klem het op reproduksie in melkbeeskuddes geval. Melkboere, veeartse en voedingskundiges was in die gehoor. LUCILLE BOTHA het die foto’s geneem. TOEKOMSFOKUS BOEREDAG BEKYK BETER SAMEWERKING Senwes se 14de Toekomsfokusboeredag is met die samewerking van die jongboerkomitees van Agri Noordwes en Vrystaat Landbou op Nampopark buite Bothaville aangebied. ’n Nasie in Gesprekpaneelbespreking oor beter samewerking binne landelike gemeenskappe was deel daarvan. Foto’s: MARLEEN SMITH LNR BESTE MELKBOER IS VAN DARLING Vanjaar se Nasionale Meestersuiwelboer van die Jaar is op Agri-Expo Livestock op Sandringham buite Stellenbosch aangewys. Foto’s: JOHAN COETSEE…

Hoewel daar tans nie groot belangstelling in melkskape in die kommersiële landbou is nie, bestaan uitstekende moontlikhede vir mense wat uit stede trek en selfonderhoudend wil leef. “Belangstelling groei veral in die Wes-Kaap,” sê me. Elmarie van Aswegen van Smithfield, een van die eerste erkende Awassi-melkskaapboere in Suid-Afrika. ’n Melkskaaptelersgenootskap kan in die toekoms gestig word. Wes-Kaapse melkskaapboere het die meeste van hul skape by haar gekry. Oorspronklik is Oos-Friesmelkskape ingevoer en met Dorpers, Afrino’s, Landskape en Ronderib-Afrikaners gekruisteel. “Ek het in 2012 drie Awassiramme uit Australië ingevoer en met my melkskape met Oos-Friesteelmateriaal gekruisteel. Ek is tans een geslag weg daarvan om rasegte Awassiskape te teel.” “Melkskape is baie maklik hanteerbaar en kan as driedoelig gesien word – melk, wol én vleis. Hul wol is egter nie sterkwol nie…

GAUTENG CARLETONVILLE DOORNFONTEIN (522) 23 ha en RIETFONTEIN (519) 171 ha, aan J.C. Keyser, van Western Areas Bpk., R1 700 000. ELANDSFONTEIN (146) 37 ha, aan Forte Demolition Services, van R.L. Smit, R1 000 000.IQ (730) 1 225 ha, aan Bracell Celliers-familietrust, van Senyetzi-trust, R14 700 000. RIETKUIL (554) 361 ha, aan Grootgeluk-familietrust, van L.B. Lamprecht en O.A. Lamprecht, R6 000 000. DERDEPOORT HOLLAND (237) 805 ha, aan Christia Potgieter Boerdery (Edms.) Bpk., van H.D. Booysen, R5 250 000. NIGEL ALEWYNSPOORT (145) 45 ha, aan P.A.F.T.M.H. Lusito, van Rosewood, R7 250 000. BLINKPOORT (396) 642 ha, aan Comet Landbou (Edms.) Bpk., van John Steyn-trust, R14 000 000. BLINKPOORT (396) 99 ha, aan Korsmans Famous Ice Cream Factory, van W.J. du Plessis, R1 500 000. PRETORIA BOEKENHOUTSKLOOFDRIFT (286) 21 ha, aan…

ROMAGNOLA RAS AL HOE GEWILDER Die vraag na Romagnolas is só groot dat stoettelers van dié ras omtrent nie kan voorbly om daarin te voorsien nie. Dragtige verse verkoop teen tot R50 000 stuk, sê mnr. Willem Wagener, voorsitter van die genootskap, van die plaas Toorberg by Graaff-Reinet. Hy sê Zambiese telers voer elke jaar 20 Romagnolaverse uit Suid-Afrika in. Die afgelope drie jaar is 60 van dié diere na Zambië geneem. Teeldiere is ook na Namibië, Botswana en Uganda uitgevoer, hetsy vir kruis- of stoetteling. Aangesien die vraag deurlopend hoog bly, bly pryse ook hoog. Geregistreerde bulle word vir tot soveel as R110 000 verkoop en kommersiële bulle teen R30 000 en meer. Sowat 20 telers is verbonde aan die genootskap. Wagener sê hulle vergader elke drie tot vier…