Innehållsförteckning för 15-Dec-17 från Landbouweekblad

NABY Humansdorp in die Tsitsikamma het ’n gemeenskap swart boere onlangs kontrakteurs aangestel vir ’n roterende 66 puntmelkskuur vir die suksesvolle suiwelonderneming wat hulle deel met die broers mnre. Johan en Willie du Plessis. Die Wittekleibosch-gemeenskap trek ook voordeel uit die 95 MW Tsitsikammagemeenskapswindplaas wat op hul grond geleë is. Die Du Plessis-broers en die Wittekleibosch-suiweltrust verkoop jaarliks meer as 6 miljoen liter melk. Die grond behoort aan die swart families en die koeie aan die broers. Die doel van die melkskuur-uitbreiding is dat die gemeenskap sy eie kudde en melkery kan hê. Die R32 miljoen vir die skuur en toerusting is deur die Oos-Kaapse regering voorsien, asook deur kommersiële banke en Die Kooperasie op Humansdorp. Die vennootskap tussen die Wittekleibosch-gesinne en die Du Plessis-broers het begin toe die Tsitsikamma-Mfengu…

SEISOEN VAN REKORDS VIR MERINO SA Bitcoins of Merino’s? Te oordeel na die jaar se rekordsyfers het wolskape omtrent net so goed soos dié kriptogeldeenheid gevaar. Hier is van die kommentaar wat lesers op LBW se Facebook-bladsy gelewer het. NICO MAARTENS skryf: Ek het ’n dragtige Merino-ooi. Ek koop iets by die winkel, wys die ooi vir die winkeleienaar en gee hom ’n brief dat ek die lam as skuldvereffening aan hom sal gee. Hy is tevrede. Ek het rekenaar. Ek maak 100111000. Ek koop iets by die winkel Ek wys die winkeleienaar 100111000. Hy skop my onder my bas. PIETER BRINK skryf: Waar is die Dormer- en Dorpermanne wat ons Merinoboere altyd so gas gee? BERNARD BARNARD skryf: Vapour money . . . Die rand en dollar is…

HET Suid-Afrika voldoende biosekerheidsmaatreëls vir ingevoerde produkte? Dít was me. Annette Steyn, DA-skaduminister vir landbou, bosbou en visserye, se reaksie op die aankondiging van dr. Aaron Motsoaledi, Minister van Gesondheid, dat daar vanjaar 557 gevalle van listeriose in die land aangemeld is, waarvan 345 in Gauteng. Daarvan is 60% by pasgebore babas gevind. Daar was teen druktyd reeds 37 sterftes. Volgens die Nasionale Instituut vir Oordraagbare Siektes (NICD) word daar gewoonlik jaarliks 80 gevalle aangemeld. Steyn sê sy raak al hoe meer bekommerd oor die siektes wat die land binnekom en is nie seker of die Departement van Landbou, Bosbou en Visserye die vermoë het om behoorlik produkte te toets wat die land binnekom nie. NUWE PLAE Sy het onlangs ’n parlementêre vraag aan mnr. Senzeni Zokwana, Minister van Landbou,…

MNR . Noppe van Heerden van die plaas Erfdeel in die distrik Tarkastad se skuldigbevinding en vonnisoplegging op klagte van veediefstal is in die Hooggeregshof in Grahamstad tersyde gestel. Landbouweekblad het vroeer berig Van Heerden is op 12 September 2014 in die streekhof skuldig bevind op aanklag dat hy in 2010 en 2011 Boerbokke van R874 000 van mnr. Charl Kruger van Banghoek gesteel het. Die Hooggeregshof in Grahamstad het sy skuldigbevinding en vonnis van tien jaar tronkstraf tersyde gestel. Die hof het bevind dat die skuldigbevinding onreëlmatig was aangesien die getuienis van die getuies weersprekend was en die feit dat Noppe se weergawe oor die gebeure redelik moontlik waar was. Die hof het ook melding gemaak daarvan dat die staat en die verdediging saamgestem het dat die staatsgetuies elkeen…

DIE Regering behoort buitelandse aanlegte van waar Suid-Afrika hoendervleis invoer, eers te besoek en goed te keur, sê die Suid-Afrikaanse Pluimveevereniging (SAPV). Die organisasie het reeds in Januarie dié beroep op die Regering gedoen, maar dit nou herhaal ná bewerings dat werksomstandighede in sommige Brasiliaanse hoenderaanlegte só sleg is dat dit grens aan slawerny. Die bewerings is vervat in ’n verslag van die Amerikaans-gebaseerde instituut vir landbou- en handelsbeleid. Volgens die instituut is “slawerny” endemies in die Brasiliaanse pluimveesektor. “As die verslag korrek is, dui dit op heeltemal onaanvaarbare werkstoestande by geriewe wat reusehoeveelhede hoendervleis aan Suid-Afrika voorsien,” sê dr. Charlotte Nkuna, waarnemende uitvoerende hoof van die SAPV. GEDWONGE ARBEID Brasilië is die wêreld se grootste hoenderprodusent en die hoofbron van ingevoerde hoendervleis in Suid-Afrika. Dit sluit in meganies ontbeende…

Met toenemende onsekerheid oor die eiendomsreg van grond word daar ál meer klem gelê op boerderye se vermoë om skuld te diens. Praat met jou finansiers om jou finansiering reg te struktureer. Die kwessie van landbouskuld en hoeveel skuld ’n plaas kan diens, raak nogal ’n debat – veral in die afwesigheid van enige ramphulpmaatreëls vanaf die staat en die afwesigheid van prys- of opbrengsversekeringsopsies. Die debat oor of dit moontlik is vir ’n jong boer om tot die landbou toe te tree sonder ’n groot bedrag van sy eie kapitaal, is ook iets wat nou al dekades lank duur. Dit gaan egter nie net oor nuwe toetreders nie. Ons het die afgelope jaar gevind dat as boere nie ordentlik vir vererwing en erfopvolging beplan nie, kapitaalwinsbelasting en boedelbelasting veroorsaak…

Nieu-Seelandse winters is deesdae ’n maand korter as wat hulle 80 jaar gelede was. Dit strook met ’n neiging wat wêreldwyd waargeneem word. Amerikaanse navorsers het byvoorbeeld ook al vasgestel dat hul winters korter word, en die eerste ryp van die jaar deesdae meer as ’n maand later voorkom as 100 jaar gelede. Vir boere in alle bedrywe bring dit nuwe probleme, soos die verbreding van die spektrum siektes en plae wat voorkom. Dr. Brett Mullan, hoofklimatoloog van die Nieu-Seelandse navorsingsinstituut vir weer en atmosfeer (NIWA), het die temperatuurstatistieke van die NIWAweerstasies bestudeer. Die data word sedert 1909 aangeteken. Brett het ’n wintersdag gedefinieer as een waarop die gemiddelde temperatuur laer as 9 ºC was. In die tydperk van 1909 tot 1938 was daar gemiddeld honderd dae per jaar met…

Waar pas skaapboerdery by gemengde boerderye in die Suid-Kaap in, watter implikasies hou dit vir boerderye in om skape te voer, en wat bepaal ’n doeltreffende voerstelsel? Dit is vrae wat mnr. André Fourie, landboukundige van Bredasdorp, onlangs op mnr. Artho Saayman se skaapdag op die plaas Platkop by Riversdal beantwoord het. Boerdery is dinamies en boerderyneigings en -praktyke verander voortdurend. Deesdae wonder produsente hoe hulle met vee tot voordeel van hul graanvertakking moet boer. “Twintig jaar gelede was die neiging dat die veevertakkings groter was as die kontantgewasse. Toe het ons gedink dat veeboerdery die risiko verlaag, maar dit was eintlik verkeerde raad wat ’n nadelige impak op die volhoubaarheid van ons stelsels gehad het.” André sê dit beteken nie boere moet hul vee verminder nie. “Hulle moet eerder…

PLAASINLIGTING LIGGING: Bothaville, Vrystaat NAAM: Gerrie (tussen Wesselsbron en Bothaville), Visagieskuil (woonplaas) EIENAARSKAP: Familiemaatskappy saam met sy broers, Janti (Nelspruit) en Stoffel (Paarl) VERTAKKINGS: Mielie- en sojaverbouing op onderskeidelik 3 100 ha en 550 ha (15% van sy aanplanting) en ’n vleisbeesstoetery van 140 teelkoeie (Thuso-Bonsmaras) GRONDTIPE: Hoofsaaklik sandgrond met ’n kleipersentasie van minder as 6 in die bogrond en ’n wisselende watertafel op ’n diepte van 1,5 m. VELDTIPE: Halfsoet grasveld met sowat 800 ha aangeplante smutsvingerveld GEMIDDELDE REËNVAL: 450 mm per jaar KORTOM ■ Bewaringsboerdery speel ’n belangrike rol in grondgesondheid, wat bevorderlik vir gewasse se opbrengs is. ■ ’n Verskeidenheid kultivars met verskillende rypwordtye versprei die werklas gedurende die oestyd. Hy wou wys dat die Wes-Vrystaat ook ’n volwaardige sojaproduksiegebied kan wees, sê mnr. Thabo van Zyl…

Die rampspoedige bosbrande wat die Suid-Kaapse kusstreek op 6 Julie vanjaar getref het, was nie die eerste keer dat só ’n katastrofe die gebied getref het nie. Dit sal helaas ook nie die laaste wees nie, soos die geskiedenis ons leer. Die grootste bosbrand in die geskiedenis in dieselfde gebied het in Februarie 1869 gewoed. Dit was oor ongeveer 500 km – van Swellendam tot by Uitenhage (D. Edwards, 1984. In P.de V. Booysen & N.M. Tainton se Ecological Studies 48, bl. 19-37, Springer-Verlag). Soos die jongste brand in Julie, het die grootste brand in die geskiedenis nie op een plek begin nie. Verskeie kleiner brande het saamgeloop tot ’n situasie wat mense nie kon beheer nie. In 1869 was die yl plaaslike bevolking en gebrek aan ’n gesofistikeerde brandweer…

1 Grootkampioenhings en kampioen (universeel), asook die junior kampioen (universeel, driegang, ruiter onder 19 jaar), Lang-Carel Viceroy. Eienaar: SA Boerperdstoetery Hoefstraal, Vanderbijlpark. Ruiter en vertoner: Erin Robinson. 2 Grootkampioenmerrie en kampioen (universeel, driegang, ryperd), Lang-Carel Wimpers. Eienaar: SA Boerperdstoetery Hoefstraal, Vanderbijlpark. Ruiter: Me. Madelyn Appelgryn. 3 Grootkampioen (tradisioneel, driegang, ryperd, perde jonger as vyf jaar), Vlampie’s Akasia Karroe. Eienaar: SA Boerperdstoetery Vlampie’s, Schweizer-Reneke. Ruiter: Me. Dedre Cloete. 4 Kampioen (enkeltuig), Goudhoek Filistyn. Eienaar: SA Boerperdstoetery Goudhoek, Delmas. Vertoner: Mnr. Danie Zietsman.…

Waarom het bloubessies skielik so gewild geraak? Voorheen was bloubessies veral bekend en gewild in Amerika en Europa, maar het eers onlangs die golf in Suid-Afrika begin ry. Danksy studies wat die gesondheidswaarde van bloubessies bewys en goeie blootstelling in die media het dié vruggies bekender begin raak onder plaaslike verbruikers. Die kleinhandelsprys per kilogram is baie goed, wat dit ’n aantreklike gewas maak om mee te boer. Dit is egter ook ’n arbeidsintensiewe gewas, daarom is die produksiekoste hoog. In watter klimaatstreke kan bloubessies verbou word? Die tradisionele kultivars — soos dié waarmee ons boer — is uit wilde Amerikaanse bloubessies ontwikkel. Die ouer Amerikaanse kultivars groei in koue toestande en dit sneeu selfs in die winter. Ons kultivars wil sowat 600 koue-eenhede per jaar hê. Dit is nie…

Vlytige Geskenke deur Jane Bull. Uitgewer: Struik Kinders. Prys: R180 Met Vlytige Geskenke kan jy sommer twee vlieë met een klap in hul peetjie stuur: Hou jou kinders – wat waarskynlik reeds verveeld is in die vakansie – besig met handgemaakte geskenkies, kaartjies en geskenkhouers wat oor ’n week of wat onder die Kersboom kan pryk. Die kleurryke boek is propvol oulike idees vir kinders tussen ses en nege jaar oud (soos kershouers van soutdeeg, lekkerruik-badkoekies en opwip-kaartjies) wat goedkoop en maklik aanmekaargeslaan kan word. Dis nie net oulike geskenke nie, maar van die projekte, byvoorbeeld die gebottelde gemmerbroodmannetjies of die knopehangers, behoort ook blitsvinnig op die skool se volgende markdag te verkoop. Danksy stap-vir-stap-aanwysings en foto’s kan enigeen sy of haar kreatiewe sy uitleef. Op pad: ’n…

‘Selfrespek is die moeder van alle respek en laasgenoemde is die hoeksteen van beskawing en opvoeding.’ Ek wil jou nooi om saam met my ’n boom te plant. ’n Respekboom, om presies te wees. Die nie ’n moeilike boom om te bekom nie; jy kry ’n steggie by die moederboom, wie se naam selfrespek is. Alle vorms van respek begin immers by selfrespek. ’n Gebrek aan respek vir alles wat die Goeie Gewer aan jou toevertrou het, begin gewoonlik as jy nie selfrespek het nie. Wat presies is selfrespek? Dis ’n gevoel van eiewaarde, die bewussyn dat jy ’n eie plek op die aarde verdien omdat die Skepper dit aan jou toegeken het. Dis ’n manier om jou so aan te bied dat mense rondom jou sal kennis neem van…

AARTAPPELS: 2018 GAAN JOU TOETS Indien die weer volgende jaar gunstig is, wag daar nóg ’n goeie produksiejaar op aartappelboere. Dít is die mening van mnr. Nico Wagner van die Wilnick-boerdery in Mpumalanga en vanjaar se Aartappelboer van die Jaar. “Die afgelope jaar is gekenmerk deur hoë volumes en die gemiddelde prys wat deurlopend onder druk was. Dit is juis die hoë volume wat veroorsaak het dat die prys vanjaar gemiddeld 30% laer was as in 2016. “Indien die komende jaar weer gunstig is, soos die afgelope jaar in die meeste produksiestreke, gaan die prys steeds onder druk bly. Dit sal boere noop om oordeelkundig geld te bestee ten einde volhoubaarheid te verseker. Boere sal tegnologie uitstekend moet aanwend om die beste besluite op die regte tye te neem. ’n…

PRYSE DAAL IN ÁL MEER DISTRIKTE In 19 van 42 distrikte (45,2%) in die Vrystaat het grondpryse laer geneig in die 12 maande tot September vanjaar. In vyf distrikte is geen transaksies aangeteken nie. Die ontleding van grondverkope in die TABEL is vir grond van meer as 10 ha. In dié tyd is 682 ooreenkomste gesluit, wat 306 888 ha teen R3,806 miljard behels het. Daarvan was 68 transaksies van kleur – 9,2% van die totaal. Dié soort transaksies sluit in verhandelings tussen individue (52), regeringsaankope (9) en grond wat vir stedelike ontwikkeling verkry is (2). Dit het 27 689 ha (9%) teen R349 miljoen – 9,2% van die totale waarde – behels. Van die totaal was 64 transaksies vir grond van minder as 50 ha (9%), met die meeste…

R75 miljoen Die Departement van Landelike Ontwikkeling en Grondhervorming het, teen die advies van raadgewers wat die transaksie moes evalueer, R75 miljoen betaal vir Sun International se Fish River Sun-oord. Die oord is die afgelope 15 jaar onderhewig aan ’n reusegrondeis van 85 plase wat 43 700 hektaar beslaan. Een van die eerste dinge wat die departement gedoen het nadat hy die bestuur oorgeneem het, was om die oord tesluit. —Saturday Dispatch 12 jaar Dit duur nagenoeg 12 jaar, en kos sowat R16 miljoen, om ’n nuwe koringkultivar mark toe te bring, sê dr. Andries Koekemoer, navorsingsdirekteur by die saadteler Sensako. ’n Eindpunttantieme wat verlede jaar ingestel is, het gedurende die eerste seisoen meer as R50 miljoen ingesamel vir nuwe kultivarontwikkeling. Die aantal koringboere het van 2000 tot 2015 gedaal…

MNR. THABO VAN ZYL van Wesselsbron wou deur sy deelname aan DuPont Pioneer se Weeg-en-Wen-kompetisie die klem op sojaproduksie in die Wes-Vrystaat plaas, maar toe wen hy “per ongeluk” met sy mielieperseel én behaal ’n tweede plek met sy soja-opbrengs. Lees die artikel op bl. 42. VERTEL ONS VAN JOU GESIN. Ek en my vrou, Ninette, het twee kinders — Jana (11) en Henno (6). WIE IS JOU MENTOR? My pa, WH, wat nou saam met my ma, Anita, op Wesselsbron afgetree is, het my van kleins af van die vaatjiebegrip geleer en dat jou swak punt, soos die kortste plank, die beperkende faktor in jou boerdery is. Dit beteken ook dat alle aspekte van jou boerdery moet reg loop om suksesvol te wees. Pa het my ook van integriteit…

 DIE landbou het in 2017 ’n leeue-aandeel daarin gehad om te verseker dat die land ’n positiewe handelsbalans handhaaf. Dié sektor sal na verwagting in 2018 met uitvoer blý presteer. ‘Ons is in ’n benadeelde posisie, wat ons produkte relatief duur maak.’ Mnr. Sifiso Ntombela, hoof van internasionale handel en be-legging by die landbousakekamer Agbiz, het op sy organisasie se vooruitskouing vir 2018 gesê die primêre en sekondêre landbou het vanjaar vanaf Januarie tot Oktober R123,82 miljard op buitelandse markte verdien. Dié sektor het ’n positiewe handelsbalans van R38,6 miljard gehad. Gegewe die positiewe nasionale handelsbalans van R4,56 miljard, is dit duidelik hoe belangrik die rol van die landbou was, het Ntombela gesê. Vanjaar se uitvoerprestasie is veral deur vrugte, graan, melkprodukte en suiker aangedryf. “Dit is noodsaaklik om ’n…

 MNR. VUSI SHONGWE, Mpumalanga se LUR vir Landbou, Landelike Ontwikkeling, Gronden Omgewingsake, het besluit om ’n koalisie van agt gemeenskapsorganisasies se appèl teen sy omgewingsgoedkeuring vir ’n steenkoolmyn in die Wakkerstroom-omgewing te ignoreer. ‘Atha-Africa waarborg net R5,75 miljoen vir sluitingskoste aan die einde van die myn se leeftyd van 15 jaar.’ Shongwe se departement het aan die Indiese maatskappy Atha-Africa Ventures omgewingstoestemming verleen om in ’n bewaringsgebied te myn. Dit is ten spyte van spesialisverslae wat waarsku dat die myn die vleilande sal laat opdroog en dat suur mynwater die opvangsgebied waarskynlik sal besoedel. Die gebied is ook ’n strategiese waterbron vir die Wakkerstroom-omgewing. Die koalisie bestaan uit Earth-life Africa, die Myn en Omgewingreg-gemeenskapsnetwerk van Suid-Afrika, die Trust vir Bedreigde Dierelewe, die Federasie vir ’n Volhoubare Omgewing, GroundWork, die Vereniging…

BITCOINS of Merino’s? Te oordeel na die afgelope jaar se rekordsyfers het wolskape omtrent net so goed soos die kriptogeldeenheid gevaar. Mnr. Danie Vorster, bestuurder van Merino SA, sê vanjaar se seisoen was een van die bestes in die geskiedenis van die Merino-telersgenootskap. ’n Suid-Afrikaanse rekord is verbeter toe ’n Merinoram vanjaar teen R255 000 van die hand gesit is. Die gemiddelde prys van R9 580 vir ramme wat op die amptelike veilings verkoop is, was 25,1% hoër as verlede jaar. Die omset van R41,94 miljoen is ook 27,2% beter as die vorige jaar. Gemiddeld 64 ramme is per veiling verkoop, wat die veiling se omset op bykans R617 000 per veiling te staan gebring het. Wolpryse was dié seisoen gemiddeld 21,5% beter as in die eerste ses maande verlede…

 BEL ANGHEBBENDES in die landbou het Asuf, die eenheidsforum vir die landbousektor, gevra om ’n subkomitee op die been te bring om misdaadbestryding tussen boeregemeenskappe, diensverskaffers en ander belanghebbendes te koördineer. ‘Boere en plaaswerkers moet saam met die polisie en hul bure werk.’ Die versoek spruit uit ’n vergadering van ’n groep bekommerde belanghebbendes vroeër in Pretoria oor hoe om landelike veiligheid te verbeter. Mnr. Japie Grobler is die voorsitter van Asuf, wat bestaan uit Agri SA, die African Farmers’ Union of South Africa (Afasa), die National African Farmers’ Union (Nafu) en TLU SA. Grobler het gesê Asuf beoog om mettertyd met die Minister van Polisie en kabinetslede te vergader. “Die publiek sal terugvoer kry oor die vergaderings en die aksies wat daarop gaan volg.” BEHOEFTE Grobler het gevra alle…

DIE ooreenkoms wat ’n vastelandwye vryehandelsgebied in Afrika (CFTA) sal vestig, asook die gepaardgaande protokol oor handel in dienste, sal na verwagting in Maart 2018 gereed wees. Die Suid-Afrikaanse Departement van Handel en Nywerheid sê egter in ’n verklaring nog werk moet voor dan aan sommige van die voorlopige bewoording gedoen word. Wanneer die dokumente gereed is, moet die Afrika-unie (AU) se staatshoofde die protokol onderteken. Onderhandelinge oor die protokol vir handel in goedere, asook sy aanhangsels, sal daarna afgehandel word. Dr. Rob Davies, Suid-Afrika se Minister van Handel en Nywerheid, was onlangs in Niger waar hy die vierde AU-vergadering van handelsministers bygewoon het. Dit is deur pres. Mahamadou Issoufou van Niger geopen. Issoufou is ’n kampvegter vir die CFTA. Die ministersvergadering is voorafgegaan deur die agtste CFTA-onderhandelingsforum en die…

’N Moratorium moet op die inwerkingtreding van die nasionale minimum loon geplaas word tot Suid-Afrika se ekonomiese situasie verbeter, meen die Konfederasie van Werkgewers van Suid-Afrika (Cofesa). Die wetsontwerp op die nasionale minimum loon, wat ’n minimum loon van R20 per uur of R3 500 per maand daarstel, is reeds by die Nasionale Vergadering ingedien. Die wetgewing sal na verwagting vanaf 1 Mei 2018 van krag wees. Die nuwe wetgewing kan die loonrekening vir plaaswerkers in die 2018-’19-belasting-jaar met 16,32% laat styg. Cofesa meen die loon hou nie rekening met faktore soos die droogte, die invoer van goedkoop hoenderprodukte en voëlgriep nie. Die werksverliese weens dié faktore is nog nie alles verreken nie. ’n Geraamde 80 000 werksgeleenthede is in gedrang. In die Wes-Kaap alleen het die droogte reeds meer…

KORT nadat die Regering verlede week aangekondig het dat honderde gevalle van listeriose reeds in Gauteng voorgekom het, het gerugte ontstaan dat rooivleis ’n vektor kan wees vir die oordrag van dié siekte, wat deur die bakterie Listeria monocytogenes veroorsaak word. Dr. Faffa Malan, bekende veearts, sê egter dat Listeria vernietig word deur die gaarmaak van vleis en dat vleis baie selde die bron van listeriose by mense is. “Goeie higiënepraktyke, soos om rou vleis te skei van ander kosse wat rou geëet gaan word, is natuurlik belangrik,” sê hy. “Listeria monocytogenes kom wydverspreid in die natuur voor en is al geïsoleer uit ’n wye verskeidenheid gesonde en siek die-re en voëls, asook uit grond, water, riool, modder en kuilvoer. Dit kan ook op groente en vrugte voorkom.” Malan sê…

BY die Verenigde Nasies se strukture in Rome is trofeejag ferm in die visier van diereregtegroepe, die groen agenda en bewaringsbewustes. Die boodskap is dat die mensdom verby die punt beweeg het waar trofeejag binne die raamwerk van aanvaarbare norme geduld kan word. Dié drukgroepe meen die beskawing het ontwikkel tot op ’n punt van wasdom waar trofeejag, soos ook die vroeë 1800’s met slawerny die geval was, wêreldwyd met wortel en tak uitgeroei moet word. Hulle werf baie simpatie met die manier waarop hulle die saak aanroer en hul boodskap versprei met moderne kommunikasietegnieke, veral op sosiale media. Die klein teenreaksie wat veral deur die Europese federasie van verenigings vir jag en bewaring (FACE) aangevoor is, is nog nie naastenby vir dié aanslag opgewasse nie. Die saak ten gunste…

Ek kyk vandeesweek na vruggebruike en veral die onvoorsiene gevolge van vruggebruike. ’n Vruggebruik oor eiendom is ’n gewilde manier om byvoorbeeld vir ’n langslewende gade voorsiening te maak. Om verskeie redes is dit ongelukkig egter selde die beste metode en boonop lei dit dikwels tot onnodige familietwis. Kom ons kyk net eers na wat ’n vruggebruik is en hoekom mense ’n vruggebruik oor bates sal skep. Vir die doel van hierdie rubriek bepaal ek my by vruggebruike wat deur ’n testament geskep is. ’n Vruggebruik kan ook in die lewe geskep word en dit kan vir ’n bepaalde tyd of lewenslank geld. Die eenvoudigste verduideliking vir ’n vruggebruik is sekerlik dié van die boom en die vrugte. Die een verkry die boom, en die ander die vrugte aan die…

Die plaas Skimmelberg buite Clanwilliam lewer 50-60 ton organiese boegoe per jaar vanaf sowat 15 ha onder drupbesproeiing (foto bo en inlas). Hulle onttrek boegoe-olie met stoom-distillasie, en oes en droog die blare op die plaas om tee mee te maak, sê me. Ria Slabbert. Skimmelberg verskaf boegoe aan Cape Kingdom Neutraceuticals, wat in die ontwikkeling en vervaardiging van boegoeprodukte vir die plaaslike en uitvoermark spesialiseer. Dié maatskappy het pas sy winsdeling-ooreenkoms met die San- en Khoi-raad hernieu. Die ooreenkoms bepaal dat 4% van Cape Kingdom se netto wins tweejaarliks in die Bioprospektering-trustfonds oorbetaal word, wat kragtens die Wet op Biodiversiteit deur die Departement van Omgewingsake bestuur word. Die departement verdeel hierdie geld tussen die twee tradisionele rade van die San en Khoi, wat as primêre kennisdraers van die medisinale…

WIE IS DIE STAATMAKERS IN JOU BOERDERY? Die werkspanne word bygestaan deur Karel Kirsten wat vir die saaiery verantwoordelik is en Cois Delport wat na die Bonsmarastoetery omsien. Nadia Davids help in die kantoor. WAT IS DIE BESTE RAAD WAT JY AL GEKRY HET? Konsentreer op die basiese beginsels van graanverbouing en kry dit eers reg om jou bestaande grond ten volle te benut. WAT IS DIE BESTE BESLUIT WAT JY AL GENEEM HET? Om myself met kundiges te omring sodat ek die beste besluite kan neem ter wille van groei in die boerdery. WATTER TEGNOLOGIE IS ONMISBAAR IN JOU BOERDERY? Ek vereenselwig my graag met die werk wat Syngenta doen om chemiese middels te ontwikkel wat onontbeerlik is in gewasverbouing. Wat meganika betref, is presisieboerdery met wisselende toediening nie…

DIEREVOEDING KRUIPVOEDING VIR KALWERS Ek wil graag self kruipvoer vir my kalwers meng. Wat is die moets en moenies en hoe groot moet die hokke en kripspasie wees? Die strategiese gebruik van kruipvoer kan kalfgroei betekenisvol verbeter. Min geverifieerde praktykresultate oor kruipvoer vir kalwers is egter beskikbaar. Mnr. Hendrik van Pletzen, tegniese bestuurder by Voermol, het daarom kruipvoedingsproewe met kalwers van eerstekalfkoeie in beheerde toestande by mnr. Carl Durow van Clocolan in die Oos-Vrystaat gedoen. Die gemiddelde daaglikse gewigstoename (GDT) van die kontrolekalwers wat geen kruipvoer ontvang het nie, was 0,658 kg, teenoor die 0,974 kg van die kalwers wat kruipvoer gekry het. Die kruipvoer het dus die kalwers se gemiddelde groei met 48% verhoog. Die speengewig van die kontrolekalwers (geen kruipvoer) was 210 kg, teenoor die 263,5 kg van…

SAALPERD 1 Grootkampioen (parkperd), Wild Orchard. Eienaar: Deugas Loock-stoetery (sel 082 784 1098), Uniondale. Vertoner: Mnr. Stephan Loock. 2 Kampioen (vyfgang), Deu Valley’s World Majestify. Eienaar: Deugas Loock-stoetery, Uniondale. Vertoner: Mnr. Janus Loock. TREKPERD 3 Grootkampioen (enkeltuig), Diablo. Eienaar en vertoner: Mnr. Martin Kemp (sel 072 735 5656), Okonjima-stal, Malmesbury. OPE 4 Grootkampioen (driegang), Goukou Eskobar. Eienaar en vertoner: Me. Fiona Brodie (sel 082 375 6582), Brodie-stal, Wildernis.…

Plaaskombuis word Woensdae om 18:30 op Via (kanaal 147 op DStv) uitgesaai. Die reeks word aangebied met die samewerking van Landbouweekblad. A an die voet van die Swartberge, ’n klipgooi buite Oudtshoorn, lê Latana – die tuiste van Dean en Petra Lategan en Latana-kaas. Toe die Lategans, wat vanjaar 42 jaar getroud is, in 2011 afgetree en getrek het na die plaas waar Dean gebore is en grootgeword het, was hul plan om iets kleins te begin om hulle besig te hou. Hulle het ’n kaasmaakkursus bygewoon en in 2012 hul eerste kaas, Latana Boerenkaas, gemaak. Hulle het klein begin met ’n kaaskamer van 3 m x 4 meter, maar hul belangstelling het vinnig gegroei namate plaaslike ondernemings by hulle begin kaas koop het. Kort voor lank was Latana-kaas nie…

LIGGING Moorreesburg, Wes-Kaap 1 Senior kampioenhings, Great Ideas. Eienaar: Wood Earls-stal (sel 083 448 2194), Kaapstad. Vertoner: Mnr. Faizel Brenner. 2 Senior kampioenmerrie, Derora Twilight. Eienaar: Mnr. Anwar van Boom (sel 082 512 9693), AVB-stal, Kaapstad. Vertoner: Mnr. Fazel Naidoo. 3 Grootkampioen (enkeltuig), Shani Commander. Eienaars: Mnr. Danie en mev. Alta Alberts (sel 076 351 7196), Maroccostal, Kaapstad. Vertoner: Mnr. Abdullah Davids. 4 Grootkampioen (siertuig), Derora Twilight. Eienaar: Mnr. Anwar van Boom, AVB-stal, Kaapstad. Vertoner: Mnr. Fazel Naidoo. 5 Grootkampioene (dubbeltuig), Dumatsu Lona en Samurai Joey. Eienaar en vertoner: Mnr. Adiel Ryklief (sel 076 333 9750), Samurai-stalle, Kaapstad. 6 Kampioen (enkeltuig, 2 jaar oud), Dirk Great Expectations. Eienaar en vertoner, mnr. Waleed Dirk (sel 082 556 9673), Dirk Broers-stal, Philippi. 7 Junior kampioen (enkeltuig, 3 jaar oud), Dirk Queen of…

LIMOUSIN 5 Senior en grootkampioenbul, DL13/128. Eienaars: Mnr. John (sel 083 454 3095) en mev. Tracey Devonport, Devlan-stoetery, Houghton. Hanteerder: Mnr. Leon du Toit. 6 Senior en grootkampioenkoei, DL12/125. Eienaars: Mnr. John en mev. Tracey Devonport, Devlanstoetery, Houghton. Hanteerder: Mnr. Petrus Mofokeng. PINZ2 YL 7 Senior en grootkampioenbul, Durand SL13/15. Eienaar: Mnr. Eugene Cilliers (sel 082 333 7559), Lucroy-stoetery, Fochville. Hanteerder: Mnr. Johannes Monah. 8 Junior kampioenbul, 2Pac EGC15/12. Eienaar: Mnr. Eugene Cilliers, Lucroy-stoetery, Fochville. Hanteerder: Mnr. Johannes Monah. KALAHARI RED 9 Senior en grootkampioenram, Champion. Eienaar: Kgosi Nyalala Molefe Pilane (Bakgatla Ba Kgafela-stam; navrae: mnr. Jan Hepburn, sel 073 451 7707), Pilanesberg-stoetery, Dwarsberg. Jan vertoon die bok. 10 Senior en grootkampioenooi, Lore. Eienaar: Kgosi Nyalala Molefe Pilane (Bakgatla Ba Kgafela-stam), Pilanesbergstoetery, Dwarsberg. Hanteerder: Mnr. Donald Modise. BOERBOK 11 Senior…

SIGOREIBOERE SPOG MET GOEIE PRODUK Sigoreiboere in die Oos-Kaap behaal tans goeie oeste en kry sigorei van hoë gehalte, sê mnr. Loddie Greyling van Sigorei Suid-Afrika op Alexandria. Dit volg op 20 maande van ondergemiddelde reën toe hulle in 2016 net 65% van hul gemiddelde reënval van 596 mm op lang termyn gekry het. Nou oes boere tot 20 t/ha op droëland en 50 t/ha onder besproeiing in die huidige produksiejaar wat in Oktober begin het en tot Mei duur. Die gehalte is so goed dat die meeste boere reeds in November sigorei met ’n suikergehalte van 26% geoes het. Hoewel hulle ’n algehele oesmikpunt van 22 000 ton het, skat Greyling die huidige oes sal 16 000 ton tot 16 500 ton wees. Boere word R1 800 per ton…

GAUTENG CARLETONVILLE KOPJESKRAAL(517)34ha,aan M.deKookerenM.E.deKooker, vanZ.Z.Khumalo,R1200000. DERDEPOORT DONALD(37)521ha,aan F.G.Joubert,vanBushbreeze (Edms.)Bpk.,R5000000. NIGEL FINAALSPAN(114)42ha,aan JoziHousing(Edms.)Bpk.,van EastRandPropMinesBpk., R18000000. HOUTPOORT(392)45ha, aanCornerstoneChristianFamilyChurch,vanP.Weerheim, R3965000. IR(128)35ha,aanAlstonville Inv(Edms.)Bpk.,vanAbsaProp Development(Edms.)Bpk., R7500000. WITFONTEIN(16)364ha,aan WitfonteinX16Boerdery,van Saron-trust,R2050000. PRETORIA HARTEBEESTFONTEIN(484) 21ha,aanA.A.P.Cilliers,van H.A.vandenBergenJ.H.P.van denBerg,R1250000. KLIPDRIFT(80)21ha,aanVirideset(Edms.)Bpk.,vanCHBarnard(Edms.)Bpk.,R780000. KLIPFONTEIN(498)22ha,aan L.BoshoffenP.J.Boshoff,van H.E.Coetzee,R400000. RIETVLEI(518)66ha,aanRhenosterfonteinWildLifeConservationTrust,vanMorskop-trust, R2500000. SCHIETPOORT(507)43ha, aanSchietpoortBoerdery (Edms.)Bpk.,vanZ.B.Lubbe, R850000. KWAZULU-NATAL BALLITO WELVERDIENT (2632) 104 ha, aan Qwabe Nkanini-gemeenskapseiendomsvereniging, van Wasam Inv, R3 000 000. HELPMEKAAR NOTGEDOG B (11648) 43 ha, aan Oh331 Eiendomme Edms. Bpk., van J.F. de Beer, R300 000. LADYSMITH SCHULPAD KLOOF (8645) 220 ha en WELGEDACHT (3349) 123 ha, aan International Trade and Commodities 2395 (Edms.) Bpk, van Viking Pony Properties 21 (Edms.) Bpk., R2 109 000. PIETERMARITZBURG HARDINGS DALE (882) 31 ha, aan Mount Verde (Edms.) Bpk., van Dawnwood Properties (Edms.) Bpk., R1 744 200. LINTON (1837) 297 ha, aan Craig Neven Farm (Edms.) Bpk., van…

BOEREDAE 17 JANUARIE: Balfourhooidag. Balfour, Mpumalanga. Nuutste toerusting en demonstrasies. Gert, sel 083 455 1587; Carel, sel 083 627 1354; Wouter, sel 083 390 2346. 17 MAART: Onderstepoort-boeredag. Lizemari de Klerk, e-pos: lizemari.ter@gmail.com; sel 072 380 0846. 4 JULIE: Val-boeredag, toerusting en demonstrasies, aangebied deur Waterval-boerevereniging. Buite Standerton. Hardus, sel 083 230 2721; Frederik, sel 072 160 4824; Elizna, sel 082 455 5636. EKSPO’S EN ANDER 18 JANUARIE: VinPro-inligtingsdag. KIKS, Kaapstad. Web: sales.vinpro.co.za; e-pos: info@vinpro.co.za; tel. 021 276 0429. 22 JANUARIE: Die internasionale Wagyu- bedryf en vooruitskouing vir Namibië; praatjie: die genomika-era. Windhoek. E-pos: admin@wagyu-sa.co.za; web: www.wagyu.org.za 13 FEBRUARIE: Nasionale Wolkwekersvereniging se jaarlikse algemene vergadering. Victoria-Wes-gholfklub. Lillian Maree, sel 082 572 1961 ; Gawie van Wyk, sel 083 270 3161. 13 FEBRUARIE: Wagyu SA se raadsvergadering. Bloemfontein.E-pos: admin@wagyu-sa.co.za; Web: www.wagyu.org.za…

‘Ongelukkig lyk die toestande vir reën in dié dele nie belowend in die volgende week of twee nie.’ MNR. JOHAN VAN DEN BERG, klimatoloog by Santam Landbou, oor reënvooruitsigte in die sentrale en westelike somersaaigebiede. BL. 14 ‘Voor die wild- en jagbedryf op internasionale vlak nie hul saak as geheel verkoop gekry het nie, sal dit maar broekskeur gaan om beleidmakers oor ’n wyer front te oortuig.’ DR. THEO DE JAGER, voorsitter van die Wêreldboereorganisasie, oor die futlose manier waarop die trofeejag-bedryf vir homself voorbrand maak. BL. 24 ‘As die verslag korrek is, dui dit op heeltemal onaanvaarbare werkstoestande by geriewe wat reusehoeveelhede hoendervleis aan Suid-Afrika voorsien.’ DR. CHARLOTTE NKUNA, waarnemende uitvoerende hoof van die Suid-Afrikaanse Pluimveevereniging, oor bewerings van uiters swak arbeidstoestande in Brasiliaanse pluimvee-aanlegte. Bl. 21 ‘Hulle dink…

VERMAG DIE ONMOONTLIKE Dit reën sag en bemoedigend buite, hier waar ek laatnag sit en werk in Landbouweekblad se Pretoria-kantoor. Hoe ver wes dit reën, sal ek eers môreoggend op my boere-WhatsApp-groepe sien, maar die gunstige voorspellings maak ’n mens darem hoopvol dat die planters daar ook binnekort sal begin loop. Hoopvol, soos die nuus van Statistieke SA dat die landbou homself weer bewys het as die onmisbare nasionale bate wat hy is, met verstommende groei van 44,2% in die derde kwartaal van die jaar. Dit is die grootste kwartaallikse groei sedert 1996 en die derde kwartaal van dubbelsyfergroei vanjaar. Ons boere het weer behoorlik uitgehaal en gewys. Maar belangriker is dat dit ’n prestasie is wat 0,9 persentasiepunte tot Suid-Afrika se bruto binnelandse produk (BBP) bygevoeg het, iets wat…

OUDSTE WINGERDSTOK IN SA In die agterplaas van ’n onderneming in Breestraat, Kaapstad, staan die oudste bekende wingerdstok in die land, en dalk selfs ook in die Suidelike Halfrond, skryf mnr. G.J. van der Vyver, wat na die stok omsien, in ’n artikel. Die stok is volgens kundiges 170 jaar oud en is heel moontlik in 1777 geplant net ná die voltooiing van die gebou. Niemand weet vir seker watter soort druiwe dit is nie. Die stok groei nog weelderig, het ’n stam van sowat 6 duim (15 cm) dik en beslaan ’n oppervlakte van sowat 45 x 8 voet (13,7 x 2,4 meter). Dit is baie gesond en belowe om vanjaar ’n rekordoes te lewer. Dit is merkwaardig as in ag geneem word dat dit geen water of misstof…

DIE verstewiging van die rand met sowat 4% teenoor die vorige bokhaarveiling het meegebring dat Sybokhaar SA se markaanwyser op die laaste veiling van die winterseisoen onveranderd op R233,94/kg gesluit het. Feitlik die hele aanbod van 90 249 kg is van die hand gesit. Die hoogste prys van R345/kg is betaal vir ’n baal kleinbokkiehaar van Wienand Farming op Somerset-Oos. Die prys van kleinbokkiehaar het met 3% tot R295,50/kg gedaal, terwyl die prys van sterk grootbokhaar met 1% tot R234,30/kg verbeter het. Die prys van jongbokhaar en fyn grootbokhaar was onveranderd op onderskeidelik R260,61/kg en R248,59/kg. Die mark het die seisoen 24% hoër afgesluit vergeleke met die openingsveiling en pryse wat sowat 12% beter was as op die ooreenstemmende veiling ’n jaar gelede. Die omset op die jongste veiling was…

IN dieselfde maand waarin hy Sonnendal Dairies in die Wes-Kaap gekoop het, het Libstar Operations in November ook ’n beherende aandeel in Khoisan Tea Import and Export, ’n verwerkings-, verpakkings- en uitvoermaatskappy naby Clanwilliam, bekom. Khoisan voer die afgelope 20 jaar tee na hoofsaaklik Duitsland uit. Die transaksie kom te midde van groot druk op die rooibosbedryf weens die droogte in die Wes-Kaap. Hoewel die verdienste per kilogram tans styg, is volumes laag en die totale plaashekverdienste dus onder druk. Groot prysstygings die afgelope drie jaar het ook die vraag uit die buiteland nadelig geraak. “Libstar het uitstekende netwerke – plaaslik én internasionaal – in die groot- en kleinhandelsektor en kan dus nuwe geleenthede vir Khoisan bewerkstellig,” sê me. Maristha Slabbert, woordvoerder van Khoisan. “As pryse konstant, redelik en mededingend…

1 KENIA|Lokvalle vir kommandowurms Die Keniaanse regering het begin om lokvalle aan boere te versprei om hulle te help met die bestryding van die verwoestende Suid-Amerikaanse herfskommandowurm. Dit volg nadat sommige mielieboere uit radeloosheid die wurms met die hand van hul mielieplante begin verwyder het. Mnr. Willy Bett, Kenia se landbousekretaris, sê die lokvalle is deel van ’n landwye plan teen die plaag. Hy sê die regering weet waar daar probleme is en sal die lokvalle dienooreenkomstig versprei. – Hivisasaa 2 GHANA| Nasionale bank verwelkom Die Ghanese vereniging vir landbouen landelike joernaliste sê hy steun die regering se plan om ’n nasionale ontwikkelingsbank in die lewe te roep wat spesifiek beleggings in die landbou en vervaardiging sal aanmoedig. Die groep verwelkom ook planne van die regering om landbou-infrastruktuur te verbeter…

Die veearts dr. Faffa Malan sê die vorms van listeriose wat met ontsteking van die breinvlies en brein gepaardgaan, kom meestal by herkouers voor. Die verloop van die siekte is gewoonlik twee tot drie dae by bokke, skape en kalwers en een tot twee weke by volwasse beeste. Aangetaste diere se koors styg eers, waarna dit na normaal en ondernormaal val. Diere is depressief, loop in sirkels, het swak koördinasie en hou die kop skuins. Unilaterale verlamming van die gesigsenuwee, wat vertoon as die verslapping van die lippe, ore en ooglede, kom voor. Die spiere van die kake en farinks raak verlam sodat diere nie behoorlik kan kou en sluk nie. Kos en slym hang by die bek uit. Uiteindelik tree algehele verlamming in en die dier vrek. Ander simptome…

D die landboumaatskappy TWK wil ’n verskil maak vir sy produsente en kliënte deur goeie diens en die beskikbaarheid van gehalteprodukte en marktoegang. TWK het gevolglik drie jaar gelede met ’n unieke lojaliteitskema begin. Dit bestaan uit twee afdelings – ’n aandeletoekenning en ’n kontanttoekenning. Alle bona fide-boere wat wesenlike sake met TWK doen, kom daarvoor in aanmerking. Die toekenning realiseer ook nie eers oor tien jaar of met aftrede nie, maar is jaarliks dadelik beskikbaar. TWK het die afgelope drie jaar deur middel van die lojaliteitskema meer as R50 miljoen aan produsente gegee. Dié bedrag neem in waarde toe namate die maatskappy se aandeelprys styg. Die vingerafdruk van die boer is ingegraveer in TWK se DNS. TWK sal daarom voortgaan om sy besigheid uit te bou tot voordeel van…

Mnr. Jay Fuhrer, grondgesondheidspesialis van die Amerikaanse departement van landbou, onthou hoe hy destyds somer ná somer met die bou van grasbane vir die afloop van water op plase verwyl het. “Ons het al daardie erosie gehad, en ons het ’n veilige afloop probeer bewerkstellig vir water wat van die lande af gestroom het, maar die vraag het bly staan: Hoekom loop die water van die lande af?” Só vertel Jay in ’n artikel in die aanlyn omgewingstydskrif ensia.com oor die geboorte van ’n grondgesondheidbeweging in die Amerikaanse deelstaat Noord-Dakota wat die afgelope drie dekades oor die res van dié land en uiteindelik internasionaal tot ’n revolusie aangegroei het – onder voorligters én boere. Jay onthou ’n vergadering wat hy en sy kollegas in die vroeë jare 1990’s in hul…

WAT IS DIE BESTE RAAD WAT JY AL GEKRY HET? Owen Church, ’n beeskonsultant van Hilton, het my geleer van die belangrikheid van ’n goeie, eenvormige koeikudde. Ek het dit in my teeldoelwit vervat. Jy kan nie bulle verkoop as jy nie ’n goeie koeikudde het nie. Dan kry jy erfdwang. By wyle dr. Herman Venter, eens van die departement veekunde aan die Universiteit van Pretoria, het ek geleer wat ’n funksionele, doeltreffende dier is, naamlik ’n koei wat elke jaar ’n swaar kalf speen. Hy het baie klem op groei gelê, wat op aanpasbaarheid dui. As ’n bees nie groei nie, is hy nie aangepas nie. NOEM EEN VAN JOU GOEIE BOERDERYBESLUITE. Ek paar elke dektyd ál my versies; dus méér verse as wat ek nodig het om koeie…

VEELDOELIG VOEDING ÉN STIMULANT VIR PLANTE X-Press Functional (reg.nr. B3761, Wet 36 van 1947) is ’n nuwe multidimensionele blaarvoeding en biostimulant van die maatskappy MBFI. Dit bevat stikstof (N), swael (S), sink (Zn), mangaan (Mn), boor (B) en molibdeen (Mo) met biostimulante. Die produk is spesifiek geformuleer met die oog op die interverwantskappe tussen die onderskeie elemente. Daar is byvoorbeeld ’n noue wisselwerking tussen stikstof en swael, wat ’n rol speel in die vorming van fotosintese-produkte, soos suikers, oftewel energie in die plant. Sink is belangrik om die energie oor te dra. Boor speel ook ’n rol in die oordrag van suikers, nie net na die wortels van die plant in die vegetatiewe stadiums nie, maar ook na die vrugte in die reproduktiewe stadiums. Die ensiem wat nitrate afbreek sodat…

1 Kampioen (ope, enkeltuig), Tolla. Eienaar en vertoner: Mnr. Eduard Mostert (sel 084 401 6177), Hananja-stoetery, Springbok. 2 Kampioen (ope, draf en stap), Kiki. Eienaar: Me. Rika Prins (sel 083 398 0899), Twee Palmsstal, Vredendal. Vertoner: Me. Melanie Agenbagh. 3 Kampioen (ope, dubbeltuig vir vroue), Rinda en Zita. Eienaar: Mnr. Martin Eksteen (sel 082 566 1297), Rosinbergstoetery, Caledon. Vertoner: Me. Bettie Uys. 4 Kampioen (ope, driegang, kinderruiter onder 18 jaar), Patat Violet. Eienaar en afrigter: Mnr. Stephan Basson (sel 076 473 7536), Malmesbury. Vertoner: Rola Moshonas. 5 Kampioen (ope, siertuig vir vroue), Estelle. Eienaar: Twee Palms-stal (sel 083 628 5247), Vredendal. Vertoner: Me. Randi Smit. 6 Kampioene (ope, dubbeltuig), Millie en Anda. Eienaar: Boeta Smit & Seuns (tel. 027 217 1360), Enkelvlei-stoetery, Lutzville. Vertoner: Mnr. Samuel Smit. 7 Kampioen (ope,…

Hoenderburger met avokado en parmaham Hierdie hoenderburger het alles op wat lekker is – tuisgemaakte knoffelmayonnaise (aioli), bros krummelhoender met ’n rissiebyt, romerige avokado en gerookte varkvleis. Jy gaan ver soek vir ’n lekkerder burger! Tuisgemaakte konffelmayonnaise (aioli) 2 groot eiergele 15 ml Dijonmosterd 30 ml witwynasyn Skeut worcestersous 500 ml kanola- of sonneblomolie Sout en vars gemaalde swartpeper 1 suurlemoen 6 heel knoffelhuisies, gebak tot sag Krummelhoender 4 hoenderborsies, oopgevlek en effens platter gekap Gegeurde meel (geur met sout, peper, tiemie en hoenderspeserye van jou keuse) 2 eiers, geklits 180 ml vars broodkrummels 80 ml fyngerasperde parmesaankaas Olie, vir braai Burgers 4 groot broodrolletjies Ongeveer 90 ml aioli (resep hierbo) Groot hand vol gemengde slaaiblare 40 ml soet rissiesous 2 ryp avokado’s, in skyfies gesny Sout, vars gemaalde swartpeper…

OPPERSTE KAMPIOENE 1 Die wenner van die goue beker as die opperste kampioenbees was ’n Simbra, Kamab Kookaburra DM11/395. Eienaar: Metzger-familie (mnr. Diethelm Metzger, sel 00264 81 128 9017), Kamab-stoetery, Seeis. Hanteerder: Mnr. Thomas Nghikumwa. Die bul was ook die elite- en opperste kampioenbul. 2 Reserwe opperste kampioenbul, ’n Brahman, Jaros GPC12/20. Eienaars: Mnr. Ebson (sel 081 142 4002) en mev. Mary Uanguta, Nguma-stoetery, Gobabis. Hanteerder: Mnr. Brown Tjaronda. 3 Elite-koei, ’n Simmentaler, Walsim Belinda WAL08/4. Eienaars: Mnre. Bertus (sel 00264 81 127 0300) en Dewald Walters, Walsim-stoetery, Witvlei. Hanteerder: Mnr. Thomas Apolonasius. 4 Opperste kampioenkoei (dubbeldoel), ’n Simmentaler, Ibenstein Petra MK14/62. Eienaar: Mnr. René Krafft (naaslinks, sel 00264 81 149 2535), Ibensteinstoetery, Dordabis. Hanteerders: Juro en Nora Krafft. Links staan mnr. Christo van Wyk (Agra). 5 Opperste kampioenbul (vleis):…

KOUEKETTING: GEBRUIK BESTAANDE TEGNOLOGIE BETER Daar is oorgenoeg tegnologie teen billike pryse beskikbaar om seker te maak dat die volledigheid van ’n koueketting deurlopend verseker word. Wanneer daar dus oor die koueketting gedink word, is dit nie noodwendig nuwe tegnologie wat ’n wesenlike verskil kan maak nie, maar die doeltreffende aanwending van bestaande tegnologie. Só sê mnr. Chris Ferrandi, direkteur van Sensitech in Somerset-Wes. “Die Suid-Afrikaanse vrugtebedryf vaar reeds baie goed, maar daar is altyd ruimte vir verbetering. Die monitering van die temperatuur van die vrugte is steeds sporadies in die bedryf. Daar is te min gevalle waar die vrugte se temperatuur gemonitor word vandat dit gepak is. Dikwels word dit vir die eerste keer deurlopend gemonitor wanneer die vrugte in die verskepingshouer gelaai word. “Indien die temperatuur deurgaans vanaf…

RAS MAAK SY BUIGING Veredelde Pedi-skape, bekend as Bosvelder-skape, gaan vir die eerste keer in Februarie onder die hamer kom. Teen druktyd is 70 Bosvelder-ooie en 13 Bosvelder-ramme vir die veiling op 3 Februarie 2018 in Bela-Bela ingeskryf. Dié diere word saam met die Limpopo-Pediskaap-studiegroep se jaarlikse veiling aangebied. “Dit het die afgelope agt jaar duidelik geword dat daar onder telers van die studiegroep ’n behoefte is om ’n veredelde Pedi te teel met ál die eienskappe waarvan ons so baie hou,” sê me. Rudette Nel, voorsitter van die Limpopo-Pedi-en-Bosvelder-studiegroep. Die eienskappe sluit in gehardheid, tropinstink, goeie moedereienskappe en langlewendheid. Danksy infusie en uiters streng seleksie het die Bosvelder ’n swaarder karkas wat vroeër bemarkbaar is. Die Bosvelder is nie by SA Stamboek geregistreer nie, maar word onder beskerming van…