Innehållsförteckning för 19-Jan-18 från Landbouweekblad

TJIP-TREIN. Die aartappelskyfievervaardiger Simba het kort voor Kersfees etlike treintrokke vol aartappels aan Karooboere geskenk vir veevoer. Mnr. Tolie Victor, voorsitter van die landbouvereniging Merweville, sê die aartappels werk baie goed as veevoer en hulle is ongelooflik dankbaar vir die skenking. “Ons is in die laaste loopgraaf met die droogte.” Die skenking is gereël deur mnr. Danie van der Merwe van Simba en me. Elna Visagie van die liefdadigheidsorganisasie Gift of the Givers, terwyl Transnet die vervoer geskenk het. Die trein het op Beaufort-Wes, Fraserburg en Leeu-Gamka vir boere in daardie distrikte stilgehou. Boere van Merweville en Prins Albert het hul aartappels op die Prins Albertwegstasie gaan haal. Dis waar dié foto’s geneem is. FOTO’S:ANDRÉ THERON…

GELD OP ‘BEMAGTIGING’ GEMORS Van die begin af – vir meer as 20 jaar – was daar ingevolge die grondhervormingsplan nog geen deursigtigheid oor wie vir grond in aanmerking kom en wie nie. Dit lyk meer na ’n politieke ding, want aansoekers moet blykbaar die regte kontakte hê – bekend wees en openlik ’n groot Regeringsondersteuner wees. So ’n tipe Broederbond. Die keuringsproses gaan dus nie daaroor om grond regverdig te verdeel aan diegene wat dit die nodigste het nie, soos om goed geskoolde plaaswerkers die geleentheid te gee om hul eie ding te doen. Daar is mense in Suid-Afrika – nie die slim middelklas nie – wat vir eie gewin gereeld moord skree oor grond. In die vorige bedeling het swart mense nie toegang tot grond gehad nie. Ná…

ANC BESLUIT OOR ONTEIENING SONDER VERGOEDING Die nasionale uitvoerende komitee van die ANC is op dié party se kongres in Desember gelas om veranderinge aan artikel 25 van die Grondwet voor te stel sodat onteiening sonder vergoeding moontlik sal wees. WEITZ BOTES skryf: Die ANC-kongres het weer bevestig dat die party geen insig en begrip het om ’n land te regeer nie. Hulle verstaan nie ’n snars van die ekonomie nie, en hoe meer hulle vasgevang word in hul eie mislukkings, hoe meer populisties en radikaal raak hul voorstelle. Hierdie beleidsvoorstel gaan ekonomiese selfmoord vir Suid-Afrika beteken. Die landbou was die enigste bydraer tot ons BBP-groei, maar die ANC-regering sal die gans wat die goue eiers lê, nek omdraai. Onteiening sonder vergoeding het wêreldwyd misluk en dit voorspel rampspoed vir…

DROOGTEVRESE ten spyt hou ’n hardnekkige ruim, opgehoopte voorraad Suid-Afrikaanse mieliepryse steeds in toom. Te midde van berigte dat maar net die helfte tot driekwart van beoogde witmieliehektare klaarblyklik beplant kon word (en dié mielies wat wél geplant is aan algemene droogte- en hittestres ly), lyk dit steeds of die nasionale eindvoorraad teen einde April rondom 4,4 miljoen ton gaan wees. Dit volg op verlede jaar se rekord-oes van 16,7 miljoen ton. Die uitvoertempo bly teleurstellend, in ’n groot mate weens veral voldoende witmielie-oeste in ander Afrikalande wat tradisioneel van Suid-Afrika invoer. Teen 5 Januarie, die 36ste week van die huidige bemarkingsjaar, het Suid-Afrika nog minder as 1,8 miljoen ton van sy mielie-opbrengs uitgevoer. Die verwagte 4,4 miljoen ton wat na die nuwe bemarkingsjaar oorgedra gaan word, is ’n beduidende…

In ’n nuwe veediefstalslenter doen bedrieërs hulle voor as polisiebeamptes en eis beta-ling van veediefstalslagoffers om die “opgespoorde” vee aan hulle terug te besorg. Polisiebeamptes wat met veediefstal gemoeid is, sê in ’n skrywe op sosiale media dat die mense wat dié oproepe maak, gewoonlik sê die vee is naby ’n grenspos, veral by Mahikeng of Swaziland. Die boer word dan versoek om geld oor te betaal, gewoonlik elektronies, om die vee terug te vervoer na waar dit gesteel is. Sodra die geld oorbetaal is, kan die mens nie weer in die hande gekry word vir finale reëlings nie. “Die polisie sal jou nooit geld vra om gesteelde vee aan jou terug te besorg nie. Kontak asseblief die ondersoekbeampte as jy so ’n oproep kry,” maan mnr. Willie Clack, voorsitter…

WAT IS DIE BESTE BESLUIT WAT JY AL GENEEM HET? Om ’n baie streng seleksieprogram te volg. EN DIE BESTE RAAD WAT JY NOG GEKRY HET? My pa, Jan, was my mentor. Hy het my die volgende geleer: Moenie kortpad vat met gehalte nie. Boer met die rasse waarvoor jy lief is, teel hulle soos wat jy hulle wil hê en as jy nie ’n dier goed kan versorg nie, moet jy hom nie aanhou nie. WAT IS DIE GROOTSTE FOUT WAT JY IN JOU BOERDERY GEMAAK HET? Om in die verlede te min van ons eie Van Rooy-ramme te gebruik. WAT IS JOU GROOTSTE DOELSTELLINGS? Om diere te teel wat beter groei en ’n beter kondisie op die veld behou omdat ek ’n oppas-en-kraalstelsel het en my diere beperkte…

Vir die boere wat hul plase verkoop het, was dit ’n emosionele dag toe hul losgoed en vee tydens die veiling op 22 November op Ida onder die hamer gekom het. Van die plase was sedert 1897 in die families se besit. Mnr. Mike Fitzhenry (69), wat in 1969 begin boer het en die vierde geslag op die plaas was, is dankbaar dat die plaas deur ’n maatskappy gekoop is wat dit selfs beter gaan ontwikkel as wat hy die afgelope bykans 50 jaar kon regkry. Hy gaan as stoetraadgewer aanbly en sy seun, Craig, sal vir die maatskappy werk. Mike sê hoewel hy verskeie jare die plaas geadverteer het, kon hy nêrens ’n geskikte koper kry nie. “Ons werkers is ook tevrede dat ons aanbly.” Craig (33) sê die…

Suiderland Plase ondersteun die grondhervormingsproses en meen dat eienaarskap noodsaaklik vir bemagtiging is. Die onderneming het drie bemagtigingsplase — Zandberg Citrus Estate by Clanwilliam, Mooi Uitsig Boerdery by Buffeljagsrivier en Ferland by Piketberg. Zandberg is ’n maatskappy met gedeelde (50-50) eienaarskap. Die Zandberg-trust se bevoordeeldes is medeeienaars van die plaas wat 251 ha beslaan. Hulle neem deel aan ’n leerderskapsprogram om sake- en entrepreneursvaardighede aan te leer om sodoende te verseker dat hul sukses volhoubaar is. Boerderybedrywighede op Ferland beslaan 54 ha tafeldruiwe en 19 ha sitrus. Dié plaas het ’n gesamentlike onderneming met die Steenebrug-werkerstrust en het aansoek gedoen om boorgate te sink om water vir die sitrusvertakking te kry. Die Steenebrug-werkerstrust sal ’n aandeel van 35% in die onderneming hê en Suiderland Plase sal vir die vestiging van…

Dr. Gerhard Verdoorn, direkteur van die Griffon-gifinligtingsentrum, sê dit is byna onmoontlik om renostervoëls te vestig in dele waar hulle glad nie voorkom nie. In dele waar hulle gesien word, kan boere boomstompe met gate in by die drink- en voerplekke plaas waarin hulle kan broei. Dit is ook maklik om broeikassies van dennehout te maak. Die aanbevole afmetings is sowat 30 cm diep, 15 cm hoog en 15 cm wyd. Maak ’n ronde gat van 50 mm in deursnit sowat twee-derdes van onder aan die voorkant. Plaas die broeikassies in bome by die drink- en voerplekke. “Die renostervoëls bly deur die dag by die beeste terwyl hulle wei. Namiddae wanneer die beeste gaan water drink, ry hulle saam op die beeste. Dan drink die voëls ook water en dan…

KAMPIOENE: NIE-HALTERMAK (WIT) 1 Junior en grootkampioenbul, APS14/31. Eienaars: Mnre. Paul (sel 083 757 7795) en FP (082 932 9034) Stemmett, Elpou-stoetery, Senekal. 2 Senior en grootkampioenkoei, HJW13/174. Eienaar: Mnr. Hennie Jacobs (sel 082 890 9496), HJW-stoetery, Wolmaransstad. 3 Senior en reserwegrootkampioenbul, BOS12/309. Eienaar: Mnr. Burnie Staal (sel 082 463 0358), Bos Blanco-stoetery, Kroonstad. 4 Kampioenverskalf, DON16/ 168. Eienaar: Mnr. Don Emslie (sel 082 375 1968), Zwarthoek Boerdery, Ellisras. KAMPIOENE: NIE-HALTERMAK (ROOI) 5 Senior en grootkampioenbul, JVZ12/347. Eienaar: Jan van Zyl en Gesin (Jan jr., sel 082 944 0500), Kroonvee-stoetery, Vryburg. 6 Senior en grootkampioenkoei, BOS12/126, met haar kalf. Eienaar: Mnr. Burnie Staal, Bos Blanco-stoetery, Kroonstad. 7 Reserwe senior en reserwegrootkampioenbul, HJW13/263. Eienaar: Mnr. Hennie Jacobs, HJW-stoetery, Wolmaransstad. 8 Reserwe senior en reserwegrootkampioenkoei, BOS13/24. Eienaar: Mnr. Burnie Staal, Bos Blanco-stoetery,…

Om te verstaan waarom Wagyu-vleis so gesog is, moet jy eers die rou vleis sien. Die vet tussen die vleis is soos riviere vol smaak. Dis ongelooflik. Die vet smelt teen ’n baie lae temperatuur. Dan lyk dit nes ’n gewone steak op jou bord, maar met ’n heerlike smaakontploffing. As jy nog wonder of jy Wagyu-vleis eet, kan jy maar weet dis beslis nie Wagyu nie. Daarvoor is die smaak te kenmerkend. Die vleis is bekend vir sy uitstekende mar-mering en ’n hoë persentasie onversadigde vette, soos omega 3 en omega 6 – almal baie gesonde vette. In September het ek die voorreg gehad om saam met Adrian Buchanan, my goeie vriend en mede-sjef, kos te maak by die Wagyu & Wine-aand op Parys. Die eerste Wagyu & Wine…

Verskeie lesers het navraag gedoen oor die moontlike afname in swartvlerkkorhaan-getalle en verklarings daarvoor probeer soek. Hierdie voëls het voorheen algemeen in die Kaapse provinsies voorgekom, maar vandag word hulle selde gesien. Die status van die swartvlerkkorhaan (Afrotis afra) word amptelik as kwesbaar beskryf. Die mannetjie het ’n swart nek en kop met ’n kenmerkende wit kol op die wang. Die lyf en vlerke is geband in bruin en swart. Die wyfie is ietwat kleiner en slegs haar pens is swart. Sy is dus beter gekamoefleer en dit verklaar waarskynlik waarom die mannetjie baie meer gereeld gesien word. Hulle vreet hoofsaaklik plantmateriaal, insekte en klein reptiele. Die nes word gewoonlik onder ’n bos versteek om dit teen roofdiere te probeer beskerm. VERSKILLENDE SPESIES Dit is belangrik dat die swartvlerkkorhaan van…

As jy God wil ken, moet jy allereers verstaan dat God alleen geken kan word vir sover as wat Hy Homself bekend maak. Dis ook goed om te weet dat Sy bekendmaking ten nouste verband hou met Sy goddelike eienskappe. Van daardie eienskappe is sommige uniek en alleen aan God verbind. Dink byvoorbeeld aan Sy Almagtigheid. Net God alleen is almagtig. Maar God het ook mededeelbare eienskappe waarvan liefde een is. God se liefde deel Hy aan ons uit en ons is bevoorreg om dit in ontvangs te neem en dit weer met ander te deel. Die besef van die unieke eienskappe van God verdwerg ’n mens sodat jy moet voel soos ’n druppeltjie water in die groot oseaan. Of soos ’n sandkorrel in die woestyn. As dit jou nie…

Ou vrugteboorde wat nog van die vorige paar jaar se droogte moet herstel, is een van die redes waaraan die Oos-Vrystaat se swak kersie-oes toegeskryf kan word. Mnr. Tommie Wille van die plaas Aletta se grootste probleem is ou boorde van sowat 30 jaar wat nou met nuwe en staatmakerkultivars vervang moet word. Volgens hom duur dit sowat drie jaar vir bome om van die droogte se nasleep te herstel. Die staatmakers is die kultivars Bing en Giant Heidelfinger wat aangevul word met nuwe selfbestuiwende kultivars wat twee weke voor Bing ryp word en twee weke ná Bing om die oestyd vanaf middel Oktober tot middel Desember te versprei. Ander probleme waarmee boere, soos Wille, te doen het, is ’n tekort aan besproeiingswater op die plase met gronddamme waarvan die…

Die volgende ontleding van grondverkope in Suid-Afrika is van transaksies vir grond van meer as 10 ha in Limpopo, Gauteng en KwaZulu-Natal vanaf Oktober 2016 tot September verlede jaar. Agt distrikte in Limpopo toon dalende grondprysneigings. In dié provinsie was daar 493 ooreenkomste in 13 distrikte. Dit het 185 293 ha teen R2,523 miljard behels. Daarvan was 18,3% transaksies van kleur. Dié soort transaksies sluit in verhandelings tussen individue, regeringsaankope van landbougrond en grond wat vir stedelike ontwikkeling verkry is. Dit het 19,3% van al die verhandelde hektare in Limpopo teen R477 miljoen (18,9% van die totale waarde) behels. In Gauteng was daar 477 transaksies wat 49 335 ha teen R3,852 miljard behels het. Daarvan was 113 (24%) ooreenkomste van kleur. Sowat 62% van die transaksies was vir grond van…

BOEREDAE 4 JULIE: Val-boeredag, toerusting en demonstrasies, aangebied deur Waterval-boerevereniging. Buite Standerton. Hardus, sel 083 230 2721; Frederik, sel 072 160 4824; Elizna, sel 082 455 5636. EKSPO’S EN ANDER 22 JANUARIE: Die internasionale Wagyu- bedryf en vooruitskouing vir Namibië; praatjie: Die genomika-era. Windhoek. E-pos: admin@wagyu-sa.co.za; web: www.wagyu.org.za 13 FEBRUARIE: Nasionale Wolkwekersvereniging se jaarlikse algemene vergadering. Victoria-Wes-gholfklub. Lillian Maree, sel 082 572 1961 ; Gawie van Wyk, sel 083 270 3161. 13 FEBRUARIE: Wagyu SA se raadsvergadering. Bloemfontein.E-pos: admin@wagyu-sa.co.za; Web: www.wagyu.org.za KURSUSSE 23-25 JANUARIE: Driedaagse kursus in bewaringsboerdery: Groentetuine, kruie, kompos, dekgewasse, voed jou familie. Foundations for Farming – Gateway to Africa, Beulahpark, Gauteng. Neill Jackson. E-pos: neill@foundations forfarming.org; sel 082 407 6774. 24 JANUARIE: Winsgewende Boerbokboerdery. Potchefstroom. Johan Steyn, sel 072 594 4626. Web: www.boerbokke.co.za 26 JANUARIE: SA Wagyu:…

13% Die 13% van Suid-Afrika se grond wat onder die voormalige tuislande val, moet aan die bewoners oorgedra word, het die ANC op sy 54ste beleidskonferensie besluit. Mnr. Obed Bapela, Adjunkminister van Samewerkende Regering en Tradisionele Sake, het aangedui gemeenskappe sal die een of ander vorm van titelakte kry – óf volle eienaarskap óf huurpag. – Joylene van Wyk R6 per ton Die nuutste wetsontwerp op koolstofbelasting stel dié belasting op R120 per ton koolstofdioksied, maar weens toegewings sal dié belasting effektief ’n minimum van R6/t en ’n maksimum van R48/t beloop. Onder die aanvanklike wetgewing sou koolstofbelasting teen 2020 reeds R193/t beloop het, maar onder die gewysigde wetgewing sal dit R120/t in 2020 beloop. – City Press 25% Die 25% belasting wat die Zimbabwiese regering hef op ingevoerde appels…

Die Suid-Afrikaanse Inkomstediens (SAID) voer tans samesprekings met van die wêreld se voorste tegnologiemaatskappye om hom in staat te stel om die verhandeling van kriptogeldeenhede doeltreffender te monitor. Hoewel belangstelling in kripto-geldeenhede, soos bitcoin, beduidend styg, probeer reguleerders oor die wêreld heen nog planne beraam oor hoe om dit te benader. Die SAID is vir inkomste uit kripto-geldeenhede noodgedwonge aangewese op verhandelaars se eie verklaring van winste en kan dit nie vergelyk met inligting van finansiële instellings, soos banke, wat verplig word om inligting oor hul kliënte se beleggings aan die SAID te verskaf vir verifikasiedoeleindes nie. Dr. Randall Carolissen, die SAID se groephoof vir navorsing, sê die instelling voer tans samesprekings met maatskappye wat soortgelyke werk vir Kanada en Brittanje se regerings doen, en hoop om dieselfde tegnologie as…

DIE NATUUR SELEKTEER VOLMAAK Al die aanpassingsverskynsels van diere in hul natuurlike omgewings word in oorweging geneem by die teel en seleksie van beeste wat in bepaalde streke aangepas moet wees, skryf prof. J.C. Bonsma, hoof van die departement veekunde aan die Universiteit van Pretoria, in ’n artikel. “Vir ons in die Republiek is die aanpasbaarheid van diere by warm en warm en bedompige klimaatstreke van die uiterste belang. Diere wat aangepas is by ’n warm klimaat, soos wat in die Krugerwildtuin voorkom, moet ’n groot veloppervlakte per gewigseenheid hê. Die ledemate is gewoonlik lank en dun en die ore dikwels betreklik groot.” Die rooibok, koedoe en selfs die eland voldoen aan hierdie vereistes. Die gedagte dat die eland Suid-Afrika se vleisvoorraad kan help aanvul, is egter blote wensdenkery, skryf…

PL ANTT YD het vir talle boere in die westelike somersaaigebied gekom en gegaan sonder dat veel mielies geplant kon word. Om sake te vererger, het ’n hittegolf die jong aanplantings wat wel vroeër gedoen kon word, kwaai geknou. Almal wag nou op betekenisvolle reën om ten minste ’n behoorlike sonneblomoes te plant voor die klimaatrisiko ook vir dié gewas te groot raak. Die grootste deel van Suid-Afrika se witmielie- en sonneblomsaad-oeste kom gewoonlik uit die westelike somersaaigebied. Me. Petru Fourie, ekonoom van Graan SA, sê dit lyk of net sowat 70% van die beplande mielie-hektare in Noordwes geplant kon word, en nog net sowat 40% van die beoogde sonneblomaanplantings. In die oostelike dele van dié provinsie (rondom Koster, Boons en Potchefstroom) lyk sake beter: Daar is ’n beraamde 90%…

BOERE doen hul bes om kernkuddes in stand te hou en produktiwiteit te behou, maar daar is ook groot kommer oor die vooruitsigte vir veldherstel wanneer dit weer gereën het. Mnr. Johan Viljoen van die plaas Orangeputs by Williston, wat sy veld met groot sorg bewei, maar onlangs sy laaste skape verkoop het, sê in die afwesigheid van “ ’n bietjie reën wat selfs net kan help om lewe in die veld te behou”, wonder hy oor die moontlikheid vir die herstel van uitgetrapte veld as dit goed reën. “Iemand sê nou die dag al reën dit goed, gaan die nadraai van wat reeds gebeur het, ons in elk geval later in die jaar vang. “Ons hoofreëntyd is Februarie tot Maart. Tot begin April wys die weerwebwerf AccuWeather vir ons…

SK A ARS ’n jaar ná die Suider-Afrikaanse Graannetwerk (Sagnet) gestig is, is hy reeds goed op dreef om graanhandel binne die streek te bevorder en beleid te standaardiseer. Die doelstellings van dié organisasie sonder winsbejag is om die produksie, opberging en handel in graan te bespoedig en handelsversperrings uit die weg te ruim. Tans is Zambië, Zimbabwe, Suid-Afrika, Swaziland, Tanzanië, Malawi, Mosambiek en Namibië lede. Volgens me. Mariana Purnell, hoofbestuurder van Agbiz Grain, is die mikpunt om die liggaam na die res van die Suider-Afrikaanse Ontwikkelingsgemeenskap (SAOG) uit te brei. Daar sal na verwagting uiteindelik sowat 15 lede uit die private sektor van die verskillende lande wees. “Lede kan organisasies, individue en private maatskappye wees wat boere, verwerkers, handelaars of diensverskaffers verteenwoordig,” sê Purnell. “Sagnet wil graanboere en -hanteerders…

1 ALGERIË| Meeste kos nou plaaslik Volgens die Algeriese regering voorsien die landbousektor daar nou meer as 70% van die nodige jaarlikse binnelandse stapelvoedselbehoeftes. In sy jaaroorsig vir 2017 sê mnr. Belkacem Chadi, die land se sekretaris-generaal van die landbouministerie, die fokus moet nou verskuif na die uitwissing van agterstande in sommige stapelkosse. Hy wil ook hê daar moet minder landbouprodukte ingevoer word en terselfdertyd uitvoer laat styg. Hy sê danksy produksiesurplusse het die land reeds ’n internasionale teenwoordigheid ten opsigte van dadels, olyfolie, groente en vrugte. Hy skryf die vordering toe aan hervormings oor die afgelope 20 jaar, wat onder meer gelei het tot ’n toename van 298% in graanproduksie. — African Farming 2 KONGO| Melkkenner word eerste Matie-doktor Dr. Bilungi Useni is die eerste Kongolese burger wat ’n…

TIEN jaar ná ons eerste Landbouweekblad-toer na Argentinië besoek ons weer hierdie besonderse landbouland van 27 Mei tot 5 Junie 2018. Ons nooi ons lesers om saam met prof. Johan Willemse na Argentinië te reis en asado-braaivleis en heerlike Argentynse Malbec-rooiwyn te geniet terwyl ons deur hierdie land reis, wat al deur vele boere as ’n landbouparadys beskryf is! Die land is nou in ’n besonderse geseënde tydperk met ’n regering wat die landbou daadwerklik steun ná jare van ’n populistiese beleid sonder enige rigting of plan. Dit is ’n unieke ervaring om te sien watter geleenthede en waarskuwings daar is vir Suid-Afrika se boere, wat ook nou ’n tydperk van verandering binnegaan. Ten spyte van al sy probleme, lewer Argentinië genoeg voedsel vir 400 miljoen mense, hoewel die land…

Vandeesweek kyk ons na die gebruik om by wyse van ’n testament te bepaal hoe daar ná dood met trustbates gehandel moet word. Die vraag is nie óf dit gedoen kan word nie; die vraag is of dit wys is om dit te doen. Ek meen dit is ’n onding. Enigiemand wat so iets vir sy kliënt probeer reël, is dalk nie besig om in die kliënt se beste belange op te tree nie. Natuurlik kán jy dit doen. Jy kan omtrent enigiets doen. ’n Trust is in wese niks anders nie as ’n kontrak en jy kan min of meer ’n kontrak opstel soos jy wil. ’n Trustakte is egter nie sommer so ’n kontrak nie – dit is ’n kontrak tussen jou en die trustees waarin jy (i)…

Mnr. Martin Taljaard, ’n makadamiaboerder ybestuurder van Mpumalanga, het twee jaar gelede besluit daar moet ’n beter manier wees om boordgesondheid te bestuur as om eenvoudigstandaardbemestings-en-blaarvoedingsprogramme te volg. ’n Artikel in Landbouweekblad (“Hommeltuig-tegnologie wat jou sak pas”, LBW, 11 Desember 2015) oor die maatskappy Aerobotics het sy verbeelding aangegryp en hy het met die ontwikkelaars van die Aerobotics-sagteware in verbinding getree. Hulle het vir hom sagteware geskryf wat help om die foto’s wat hy met sy vastevlerkhommeltuig neem, te interpreteer wat betref boomgesondheid. Deur sigbare beeldmateriaal met naby-infrarooibeeldmateriaal te kombineer om die genormaliseerdeverskil-plantegroei-indeks (NDVI, normalized difference vegetation index) te bepaal, het Aerobotics tegnologie wat voorheen ten duurste met satelliete of vliegtuie bekom moes word, bekostigbaar plaaslik ontwikkel. Deesdae boer Martin nie meer met makadamias nie. Hy is heeltyds besig om…

WAT IS DIE BESTE BOERDERYBESLUIT WAT JY AL GENEEM HET? Om natuurlike hulpbronne so ver moontlik te benut. EN DIE BESTE RAAD WAT JY AL GEKRY HET? Boer in harmonie met die natuur. Ek het dit by ’n paar mense geleer. WAT IS DIE GROOTSTE BOERDERYFOUT WAT JY NOG GEMAAK HET? Die oorbenutting van natuurlike hulpbronne. WIE WAS JOU MENTOR? Ek het deur waarneming baie by ander beesboere en kenners geleer; onder andere by Johan Basson, Pieter Bosch, prof. Herman Venter, Manie Eloff en Friedel Lüdemann. WAT IS JOU GROOTSTE PROBLEME? Om in die huidige finansiële toestande winsgewend te wees. EN DIE GROOTSTE GELEENTHEDE? Die toekomstige vraag na goeie beesvleis van gehalte. WAT IS ONMISBAAR IN JOU BOERDERY? Die benutting van natuurlike hulpbronne en holistiese bestuur.…

SNELVUUR KRY BRAAIVLEIS VINNIG OP DIE KOLE Wanneer jy in die veld is en vinnig ’n braaivleisvuur aan die gang moet kry, kan ’n vuuraansteker met die naam Die Braai Prop tot jou redding kom. Dit bereik binne 10 sekondes sy maksimum hitte en bly dan daarna vir tot 20 minute brand. ’n Mens kan dus binne 10 sekondes ’n sak houtskool daarop uitgooi sonder dat die vuur sal doodgaan. Die produk word uit die sisalplant se stam gesny. Dit word natuurlik in die natuur saamgepers en dan met ’n boor uitgehaal en geskuur. Daarna word dit in ’n vloeistof met ’n paraffienbasis gedoop. As ’n aansteker uit die sakkie gehaal en in die son gelos word, sal die vloeistof verdamp en die aansteker uitdroog sodat dit weer na sy…

Warren Ellis is die nuutste lid wat hom by die gerespekteerde liga van Kaapse wynmakers aangesluit het. ’n Wynmaker kan net op uitnodiging deel raak van die gilde. Uitnodigings word gerig aan wynmakers wat vir minstens vyf jaar uitsonderlike wyne maak en daarmee volhou. Die Kaapse Wynmakersgilde is in 1982 gestig en bestaan uit 50 van die land se mees gerespekteerde wynmakers. Hul visie is om die stand van die Suid-Afrikaanse wynbedryf te verhoog deur hul volhoubare toewyding tot transformasie en die maak van wêreldklas-wyne. Warren is sedert 2011 wynmaker by Neil Ellis Wines. Hy het die graad M.Sc.Agric. in wingerd- en wynkunde aan die Universiteit Stellenbosch verwerf. Warren is bekend vir wyne wat werklik ’n weerspieëling van hul terroir is en het al geskitter in Veritas (dubbelgoud vir Neil…

Tegnologiese vooruitgang in die plaaslike groentesaadbedryf, met kultivars wat beter siekteweerstand bied en produkte van hoër gehalte lewer, is van die vooruitsigte waarna plaaslike groenteboere kan uitsien. Mnr. Louis Stoffberg, verkoopsbestuurder van groente by Monsanto, sê veral tamatie-, uie- en soetrissieboere kan uitsien na gevorderde kultivarlyne wat hulle in staat sal stel om hoër opbrengste te behaal. “Geen geneties gemodifiseerde kultivars word in die groentebedryf toegelaat nie, maar die tegnologie om groentesaad te teel, ontwikkel teen ’n verbysterende pas. Dit plaas groenteboere net in ’n baie beter posisie,” sê Stoffberg. Hoewel die huidige seisoen se droogte wel ’n rol gespeel het in die gehalte en opbrengste van plaaslike groenteboere, meen Stoffberg vooruitsigte vir die bedryf is nog baie gunstig. “Daar was die afgelope ruk wel baie hoë temperature in van…

‘Dit is soos om ’n naald in ’n hooimied te soek, terwyl niemand weet waar die hooimied is nie.’ DR. AARON MOTSOALEDI, Minister van Gesondheid, oor die soektog na die oorsaak van die dodelike listerioseuitbreking. Bl. 14 ‘Ek meen selfs die ANC is nie oortuig dat hierdie beleid die antwoord is nie.’ MNR. PHILÉ VAN ZYL, direkteur van die groenteprodusent ZZ2, oor die ANC se besluit om die onteiening van grond sonder vergoeding te ondersoek. Bl. 16 ‘Daar is soveel Suid-Afrikaners wat help, dat ’n mens te bang is om al die name te noem, want netnou slaan jy iemand oor.’ MNR. DOUGLAS STERN, voorsitter van Agri Oos-Kaap, oor die wye oorde waaruit dié provinsie se boere droogtehulp ontvang. Bl. 17 ‘Nou moes ek my werk los en ’n groot…

WAT IS DIE PROBLEEM? Vroeg vanjaar staan ek by ’n jong(erige) boer op Barkly-Oos in die Oos-Kaap teen wie ek as ’n skoolseun rugby gespeel het. Ons staan langs sy nuwe spilpuntland waar hy aartappelmoere begin plant het. Dit is ’n baie mooi en netjiese uitbreiding. Dit dui op die hoopvolheid van vooruitgang en is ’n tonikum teen die lawaai in Suid-Afrika, wat soms ook aan dié boer knaag. Wanneer daardie verlammende twyfel vastrapplek begin kry, vertel hy, dink hy altyd aan iets wat hy tussen sy oupa se papiere raakgelees het, naamlik van ’n klomp soldate wat tydens die Eerste Wêreldoorlog geïsoleerd en omsingel was. Die kaptein sê toe almal moet hul sake in orde kry, want hulle gaan dit nie oorleef nie. Sommige ouens rook, ander kyk na…

Die deel van Grootfontein in Namibië waar MNR. NEELS COETZEE met skape en bokke boer, is eintlik nie vir kleinvee geskik nie. Hy het egter ’n stelsel ontwikkel wat hom sukses laat behaal. Lees meer daaroor op bl. 36. VERTEL ONS VAN JOU GESIN. MNR. JAN MULLER van die plaas Hoogeveld by Maasstroom in Limpopo bespaar baie geld op bosluismiddels sedert hy renostervoëltjies begin beskerm het sodat hulle die bosluise van sy beeste kan afpik. Lees die artikel op bl. 50. VERTEL ONS VAN Ek en my vrou, Aneldi, het ’n seun, Nelis (3). Ek het ook JOU GESIN. Ek en my vrou, Bettie, het nog ’n seun, AJ. HET JY ’N STOKPERDJIE? Ek is baie lief vir Saalperde. WAAR HOU JULLE VAKANSIE? Sommer hier op die plaas, op Malmesbury…

DIE regerende party het op sy 54ste kongres in Johannesburg sy nasionale uitvoerende komitee gelas om veranderings aan artikel 25 van die Grondwet, wat eiendomsreg waarborg, te ondersoek. Dit sal onteiening sonder vergoeding moontlik maak. Van Zyl meen dié resolusie weerspieël die aspirasies van ’n populistiese groep in die ANC, maar dat al die party se lede nie noodwendig daarmee saamstem nie. “Ek dink selfs die ANC is nie oortuig dat hierdie beleid die antwoord is nie.” Van Zyl sê hy steur hom nie aan politici se populistiese uitsprake nie. ’n Mens moet onthou die ANC het verskeie uitdagings in sy eie geledere, waar hy gehoor moet gee aan versoeke wat voortspruit uit sy lede se uiteenlopende aspirasies. Hy meen as regerende party kan die ANC nie nou bekostig om…

WOORDE kan die uitmergelende droogte in die weste van dié provinsie nie beskryf nie, sê mnr. Douglas Stern, voorsitter van Agri Oos-Kaap. Hy sê boere in onder meer Graaff-Reinet, Jansenville, Grootrivier, die Gamtoosvallei, Steytlerville, Willowmore, Baviaanskloof en Rietbron gaan nou hul vierde droogtejaar in. “Daar is nie weiding oor nie. Hul kuddes is al drasties verklein. “Die produktiewe vee wat oorgebly het, moet gevoer word. Gevolglik het baie boere se kontantvloei opgedroog. Sommiges kan nie meer die vervoerkoste van geskenkte voer betaal nie.” In die Gamtoosvallei is die Kougadam se vlak kritiek laag. Ofskoon reën en sneeu laat verlede jaar verligting in die distrikte Queenstown en Grahamstad gebring het, het die reën sedertdien weggebly. By Queenstown is daar nog weiding, maar watergebrek is die grootste probleem, sê me. Kate Webster,…

Verlede jaar se rekordmielieoes en volgehoue lae mieliepryse benadruk hoe belangrik verskansing is vir die volhoubaarheid van saaiboerderye. As die idee van verskansing en afgeleide instrumente op die JSE jou kop laat draai, is deelname aan BVG se jaarlikse verskansingskompetisie die ideale geleentheid om meer te leer oor hoe jy risiko in jou boerdery kan bestuur. Die kompetisie, wat vanjaar vir die vierde keer aangebied word, se oogmerk is om deelnemers meer vertroud te maak met verskillende verskansingstrategieë. Die kompetisie duur van 22 Januarie tot 27 April. SÓ WERK DIT Deelnemers moet die hoogste moontlike inkomste verkry deur termynkontrakte en opsies te verhandel en voorseisoenkontrakte te gebruik. Alle deelnemers moet 5 000 ton wit mielies (WMAZ) van ’n Klerksdorpse boer bemark. Die vervoerdifferensiaal is vasgestel op R270/ton en die kontrak…

Mnr. Edwin Smit (foto), ’n portefeuljebestuurder by BVG Financial Solutions, sê daar is twee bekende kripto-geldeenheidbeurse in Suid-Afrika waar geld in bitcoin belê kan word, naamlik Luno (https://www.luno.com/) en Ice 3X (https://ice3x.com). Groter oorsese beurse sluit in Coinbase, Gemini en Kraken. “Die meeste van dié beurse vereis Fica-dokumentasie van beleggers namate hulle na hoër vlakke van verifikasie beweeg. Hoewel dit moeite is, is dit tog goed dat dié beurse aan die relevante wetgewing probeer voldoen,” sê hy. Smit sê daar is nooit rede om geld in ’n derde party se rekening in te betaal om in dié tipe geldeenhede te verhandel nie. Daar moet slegs op die beurse verhandel word. “Diensverskaffers wat namens beleggers geld wil bestuur, moet in elk geval by ’n liggaam, soos die Raad op Finansiële Dienste…

In die Staatskoerant van 8 Desember verlede jaar is die jongste kodes vir swart ekonomiese bemagtiging (SEB) wat op die landbou van toepassing is, afgekondig. Ek dink dit is ’n onverbloemde manier waarop die ANC die herverdeling van landboubesighede wil doen deur die kodes afdwingbaar te maak as jy aan enige staatsonderneming produkte wil verkoop. Die probleem is as jy aan ’n meule graan lewer en dié meule wil sy produkte aan ’n ander onderneming lewer, gaan die verskaffer met die hoogste SEB-voldoeningstelling eerder die kontrak kry. As dít gebeur, sal die meule sy produkte makliker aan staats- en semi-staatsondernemings kan verkoop. Natuurlik kan jy besluit om net met besighede te werk wat nie produkte aan die staat verskaf nie. Die risiko is egter dat jou kans om jou produkte…

Hulle meen die bemagtigingsmodel wat hulle gebruik, strook met die verwagtinge van die Nasionale Ontwikkelingsplan en dat “werkerstrust-tipe” inisiatiewe ’n model vir bemagtigingsinisiatiewe kan wees ten opsigte van ekonomiese lewensvatbaarheid en vaardigheidsontwikkeling. Só sê mnr. Pieter Rabe, menslikehulpbronnebestuurder van Suiderland Plase. Volgens hom is die vereistes vir sukses soos volg: ■ Die finansieringsmodel moet reg gestruktureer word sodat daar nie onnodige ekstra druk vroeg in die projekfase op die begunstigdes geplaas word nie. ■ Daar moenie onrealistiese korttermynverwagtinge by begunstigdes geskep word nie. Sodanige projekte moet as medium- tot lang termyn gesien word. ■ Die sukses van sulke projekte hang nou saam met ’n mentor met ’n onbaatsugtige ekonomiese belang in die projek. Op die duur hoop hulle om ’n stadium te bereik waar die werkers onafhanklik boer, maar is…

Die Suid-Afrikaanse Vereniging vir Dieregesondheid (SAAHA) verskaf nuttige wenke en riglyne vir die omgewingsvriendelike bekamping van uitwendige parasiete en die beskerming van renostervoëls op hul webwerf www.saaha.co.za. Klik op die kassie Oxpecker Charts. Dit bevat ’n volledige lys van die middels wat nie skadelik vir die voëls is nie, maatskappye wat dit bemark, aktiewe bestanddele, die soort parasiete wat dit bekamp, die diere waarvoor dit geskik is en aanbevole dosisse. Van die middels is: Acatack Pour On (Novartis, reg.nr. G2422, Wet 36 van 1947); Amigard (Zoetis, reg.nr. G3512); Clout (Afrivet, reg.nr. G1447); Delete (MSD, reg. nr. G2815); Ivomec Gold (Merial, reg.nr. G3080); Bayticol (Bayer AH, reg.nr. G0489) en Amidip Max (Virbac, reg.nr. G3767). Die lys is saamgestel deur dr. Gerhard Verdoorn, direkteur van die Griffongifinligtingsentrum. Hy sê die belangrikste riglyn…

Varklendetjops Ene Graham het hierdie resep vir Jan gestuur. Hy gebruik Oosterse geure vir sy varklendemarinade. Moenie bekommerd wees oor die donker kleur op die vleis nie, dit is maar net die marinade wat die vleis donker laat voorkom. 6varklendetjops 125 ml sojasous 125 ml olyfolie 25 ml Dijon-mosterd 4 knoffelhuisies, gekneus en fyn gekap 30 ml gerasperde, vars gemmer 25 ml bruinsuiker 3 ml brandrissievlokkies Fyngerasperde skil van 1 suurlemoen Gooi die sojasous, olyfolie, mosterd, knoffel, gemmer, bruinsuiker, brandrissievlokies en suurlemoenskil saam en meng deeglik. Sit die lendetjops in die marinade in ’n verseëlde houer (marineerbak of herseëlbare plastieksak), skud of wikkel dit rond om seker te maak die vleis is oral met marinade bedek en marineer in die yskas vir minstens 24 uur (of tot 3 dae).…

Vroeë aanduidings vir die plaaslike katoenoes in die nuwe produksietyd dui op ’n oes van 200 000 bale tot 250 000 bale vesel. Dit kan bykans drie keer groter as die huidige oes van 79 034 bale wees. Die huidige oes verteenwoordig reeds ’n styging van 54% teenoor die vorige seisoen. Volgens Katoen SA se jongste markverslag dui die finale skat-ting vir 2016-’17 op 77 599 bale van plaaslike katoen en ’n verdere 1 435 bale wat in Swaziland gelewer en deur die Swaziland-pluismeule gepluis sal word. Wat die internasionale situasie betref, verwag die Internasionale Katoenadvieskomitee (ICAC) dat produksie in al die groot katoenproduserende lande in 2017-’18 sal styg weens beter prysverwagtinge vergeleke met mededingende gewasse. Die grootste persentasie stygings word in Amerika en Pakistan verwag, waar albei se katoenoeste…

GAUTENG CARLETONVILLE GROOTFONTEIN (466) 406 ha, aan Junior Jack Boerdery (Edms.) Bpk., van Omaheketrust, R6 500 000. OUDEDORP (376) 42 ha, aan Broad Brush Inv 50 (Edms.) Bpk., van J.L.R. Marais, R3 900 000. WILGEBOOM (458) 31 ha, aan Barbosa Trading (Edms.) Bpk., van Flower-trust, R2 100 000. KWAZULU-NATAL LADYSMITH LINDEQUES LAAGER (1039) 612 ha, aan P. Mostert, van M. Koster Inv, R44 678 000. PIETERMARITZBURG KAR KLOOF (1866) 25 ha, aan Barmi Promotions, van Esteem Property Renovators & Developers, R2 622 000. THULANI (18705) 476 ha, aan The Business Zone 2360, van R.W. Martinaglia, R16 000 000. LIMPOPO BURGERSFORT OHRIGSTAD (443) 91 ha, aan Marloti Boerdery (Edms.) Bpk., van 21 On Scott Street Inv No 37, R700 000. MODIMOLLE ANTJESLOOP (266) 1 121 ha, aan Somerhoek Boerdery, van Purekrans-trust,…

Terwyl die vraag na buffelbulle met breë, harde horingbasisse op die trofeemark die vraag na buffels aanwakker en sorg dat buffels steeds goeie pryse op wildveilings behaal, het die bekende wildafslaer mnr. Brandon Leer vroeër voorspel dat vanjaar ’n taai jaar vir die wildbedryf kan wees. Hoewel diere met goeie teelmateriaal en -eienskappe nog stewige pryse sal verdien, voorspel Leer dat meer boere sal moet aanvaar dat hulle diere teen laer pryse op die jagmark gaan verhandel. Hierdie neiging word reeds in die eerste veilings van die jaar weerspieël. Vleissentraal begin sy wildseisoen op 3 Februarie by Bloemfontein met die veiling van Goldfields Hunting Safari’s. Altesame 60 jagpakkette, wat biltong-, pa-en-seun-, korporatiewe, trofee- en voëljagtogte insluit, sal onder die hamer kom. Wildswinkel bied op 17 Februarie die Pymat-veiling van Valley…