Innehållsförteckning för 1-Jul-16 från Landbouweekblad

Op die Nampo-Oesdag buite Bothaville hou boere jaarliks ernstige gesprekke oor die stand van die Suid-Afrikaanse landbou. Dié gesprekke word “Nasie in Gesprek” genoem en die deelnemers is hoofsaaklik wit Afrikaners. Radikale “darkies” wonder dalk wat het dit met hulle te doen dat boere bymekaarkom op ’n dorpie in die middel van die Vrystaatse mielielande. Maar dit maak nie saak hoe radikaal jy is nie: Jou ontbyt en middagete is geproduseer deur die boere wat elke jaar gesprekke op die Oesdag hou. As daardie boere ophou kos produseer, sal miljoene van ons letterlik van die honger doodgaan. Het jy al ooit gewonder waar kom die tamaties vandaan wat jy in die supermark koop, en wie hulle produseer? Besef jy dat jy sonder die boere nie sal pap hê nie? Swart…

ARTIKELS & RUBRIEKE ■ Presisieboer vernuwe sonder nuutste toerusting ■ Priële, drup kan help met avoproduksie ■ Renosteroorlewing: Oor na wildboere ■ Hoofmanne: SA se omstrede grondbaronne ■ Planne met voerbak, veesuipings GESIN ■ Wa-versiering vertel ’n storie SPESIAAL ■ Landbou in die Oos-Kaap WILD Diemarkvirgoeievlaktewildtoon’nstewigeoplewing,skryfdie wildkennermnr.LoodBester.Koopegteroordeelkundigenlaatgoeie teelmateriaal joulei.Ditisooknieeensaltydnodigomteeldieretekoop nie— kykeersnawatjyselfhet.OpdiefotoisRooies,dieSuid-Afrikaanse kampioenramvanmnr.JulianTheronvanRichmond.…

Baie vrae word in die wildbedryf gevra en almal is op soek na antwoorde, maar daar ís ’n jagmark vir kleurvariante, sê die megawildboer mnr. Piet du Toit. Hy het as genooide spreker op die onlangse veiling van die Bloodline-groep op Bela-Bela gesê daar is tans baie vrae in die wildbedryf. Hy sê die mark is in die afgelope paar weke getoets en vier swart rooibokramme is deur Amerikaanse kliënte gejag teen pryse wat van VS$6 000 (R91 000) tot VS$8 000 (R121 000) gewissel het. CLAYTON FLETCHER skryf: Ek het laas week ’n goue wildebeesbul saam met ’n oorsese kliënt gejag. SEKELBOS skryf: ’n “Joppie” vir Wildbedryf Suid-Afrika: Bepaal die grootte van die mark vir kleurvariante — elke variant afsonderlik en ’n verwagte jagprys. Dan weet almal waarheen ons…

IN wat beskryf word as ’n “geskiedkundige ontmoeting tussen twee groot belanghebbendes in die ekonomie” het Agri SA en die Black Business Council (BBC) onderneem om saam sakegeleenthede vir die land se boere te help skep. Dié eerste ontmoeting in Johannesburg het ook akademici, boere, bankiers en ander belanghebbendes ingesluit. Dit was gemik op markgeleenthede wat kan voortspruit uit die hersiene wet op groei en geleenthede in Afrika (Agoa) – veral vir die ontwikkelende sektor. “ ’n Nasie wat nie homself kan voed nie, is op ’n pad van selfvernietiging,” het mnr. Mohale Ralebitso, uitvoerende hoof van die BBC gesê. Hy glo Agri SA en sy organisasie se doelwitte stem baie ooreen. “Ons wil ook die Regering oortuig om die regte beleid in te stel sodat die meeste mense suksesvol…

WATERKWESSIES staan sentraal in omvattende konsepverslae oor die impak wat die ontginning van skaliegas op die Karoo kan hê. Die verslae, wat die voordelige en nadelige gevolge van skaliegasontginning uiteensit, is nou beskikbaar. Die publiek kan tot 15 Julie daarop kommentaar lewer. Van Suid-Afrika se voorste wetenskaplikes het die verslae opgestel ná ’n strategiese omgewingsassessering wat deur die Wetenskaplike en Nywerheidsnavorsingsraad (WNNR) gekoördineer is. In die verslae spreek kundiges hul kommer uit oor die beperkte waterbronne in die Karoo, die druk daarop en die tekorte wat reeds ondervind word. Hoewel hulle meld dat skaliegasontginning dalk ’n geleentheid bied om waterkwessies beter te verstaan, is daar kommer oor die gebrek aan voldoende laboratoriumgeriewe om water te toets en die hantering van afval van die ontginningsproses. Die uitwerking van skaliegasontginning op waterbronne,…

Die pryse wat hoenderprodusente vir hul produkte kry, styg min, volgens die Suid-Afrikaanse Pluimveeprodusentevereniging se jongste produsenteprysinligting. In Februarie vanjaar het boere gemiddeld R18,33/kg vir braaihoender in die algemeen ontvang, wat 2,2% meer is as ’n jaar gelede. Die prys het verlede jaar met 7,8% gestyg en in sowel 2014 as in 2013 met 10,6%. Vir vars braaihoender het produsente in Februarie vanjaar 16,7% meer per kilogram as ’n jaar gelede gekry en vir bevrore braaihoender 2% minder. Eersgenoemde se gemiddelde prys het in 2015 met 3,5% gestyg en laasgenoemde met 9,8%. Die gemiddelde produsenteprys vir gemengde kitsbevrore stukke was in Februarie vanjaar R16,51/kg — 2,6% laer as ’n jaar gelede. Die gemiddelde prys het verlede jaar met 11,2% gestyg, in 2014 met 10,8% en in 2013 met 3,8%.…

1 ZAMBIË | ‘Tamatie-ebola’ saai verwoesting Die mot Tuta absoluta, ’n verwoestende tamatieplaag wat Nigeriese tamatieboere op hul knieë het, versprei ook nou in Zambië. Ongeveer 15% van dié land se 300 000 tamatiekwekers word reeds deur die mot, wat van Spanje afkomstig is, geraak. Zambië se nasionale boere-unie vrees dat tamatiepryse sal aanhou styg indien die siekte nie bestry word nie. Die plaag het reeds na 15 Afrika-lande versprei, onder meer die Soedan, Ethiopië, Kenia, Mali, Niger en Senegal. Daar is vrese dat dit binne ’n jaar ook na Suid-Afrika kan versprei. Die mot kan ook verwoesting by aartappels, eiervrugte, rissies en tabak saai. –Freshplaza en Financial Mail 2 ZIMBABWE | Minister praat oor skuld met IMF Die Zimbabwiese minister van finansies, mnr. Patrick Chinamasa, reis volgende week na…

SUID-AFRIKANERS word gereeld daaraan herinner dat ons samelewing gekenmerk word deur gewelddadige betogings en dat ons ná 22 jaar van demokrasie steeds ’n betogingsiklus beleef. ’n Groot deel van die bevolking het ondanks die politieke ooreenkoms wat in 1994 bereik is, nie ekonomiese voorspoed ervaar nie. MYLPALE Onlangse navorsing deur die Instituut vir Sekerheidstudies lê klem op die volgende mylpale wat ’n impak op die waarde van die rand en boere se landboukommoditeitspryse mag hê. ■ Die munisipale verkiesings word in Augustus vanjaar gehou. Die eerste gewelddadige betogings het reeds in Tshwane voorgekom. ■ Suid-Afrika kan ’n kredietafgradering aan die einde van vanjaar of in volgende jaar verwag. Dit lyk ál meer onafwendbaar omdat ekonomiese groei laag kan bly. Die rand kan verder verswak. ■ Die uitkoms van die verkiesing…

’N IERSE skaapskeerder het onlangs die Guinness-wêreldrekord vir skaapskeer verbeter toe hy ’n volwasse skaap in 37,9 sekondes geskeer het. Dit is 1,41 sekondes vinniger as die vorige rekord wat in 2010 deur mnr. Hilton Barrett, ’n Australiër, opgestel is. Mnr. Ivan Scott (33) is ’n gesoute skeerder en die huidige Ierse kampioenskeerder, ’n titel wat hy reeds agt keer verower het. Hy het voorheen ook reeds ’n wêreldrekord opgestel. Dit was in 2012 in Nieu-Seeland toe hy 744 lammers in ’n tyd van agt uur geskeer het. Die aanslag op die wêreldrekord het onder toesig van mnr. Glen Pollard, ’n beoordelaar van die Guinness World Records, en mnr. Tom Dunn, die voorsitter van die Ierse Skaapskeervereniging, plaasgevind. Dunn het toegesien dat daar aan die standaarde van die internasionale skeerliggaam…

MNR. JACQUES BEUKES WIE IS JOU MENTOR? My pa, Pieter, en my skoonpa, Edwin Claassen. Ek het ook baie by Jaco du Toit, ’n tafeldruifboer wat ook al die Wes-Kaapse Jongboer van die Jaar was, geleer. Ek glo ons in die bedryf moet by mekaar leer en só die bedryf se standaard verhoog. Dit is soos ’n huis wat jy bou: Elke laag stene laat die mure hoër gaan. My filosofie is wat jy saai, sal jy maai, en ek gee enigiets vir enigiemand. Dit sal na my toe terugkom. WAT WIL JY GRAAG VIR JOU KINDERS LEER? Ek wil hulle leer om hard te werk. Al hoe ek dit gaan doen, is deur ’n voorbeeld te stel. Ek het nog nooit gesien dat ’n ou wat hard werk, honger…

Die beste raad wat ’n boer van Lichtenburg aan ander boere wil gee, is dat hulle voorkomend moet optree wanneer dit by siektes en plae by droëbone kom. Doen hulle dit nie, kan dit te laat wees. Mnr. Marnus van Niekerk bedryf ’n gediversifiseerde boerdery op die plaas Rooipoortje in die distrik Lichtenburg in Noordwes. Hy boer met droëbone, mielies, sonneblom, koring, vleisbeeste, skape, melk en wild. Hy het vanjaar ’n besonder goeie oes met droëbone behaal. PLANTTYD Marnus het op 6 Januarie sy droëbone in rye van 90 cm onder besproeiing geplant. Mnr. Ben Dunhin, Pannar Saad se verteenwoordiger in die omgewing, sê droëbone is gevoelig vir dagliglengte en daarom is die planttyd uiters belangrik. Die bone moet in warm grond (verkieslik bo 18°C) geplant word. Dagtemperature van bo…

Voor ’n boer besluit om sy eie speenkalwers op die plaas te voer, moet hy eers weet waar hy hulle gaan bemark. “Boere verbrand hul vingers as hulle nie eers ’n mark soek voor hulle die kalwers begin voer nie. As ’n boer nie ’n mark het wanneer die beeste slaggereed is nie, moet hy hulle langer in die voerkraal hou. Dan vreet hulle ál die wins op en gaan hy ’n verlies maak,” sê mnr. Kobus Dannhauser. Enige boer kán sy beeste self voer as hy aan die volgende aspekte voldoen: ■ Hy moet ’n veilige mark hê sodat hy verseker is van ’n instelling wat sy afgeronde beeste gaan koop. ■ Die boer moet die regte getalle hê, want om toegang tot die mark te kry, moet hy…

■ In teenstelling met sojabone het die opbrengs van mielies, sonneblom, sorghum en grondbone weens die droogte gedaal. By mielies en sonneblom het die laer opbrengste gelei tot ’n styging in die bruto waarde per ton. Dit kon egter nie vir die afname in produksie vergoed nie. By sorghum en grondbone was daar ook, saam met die afname in produksie, ’n daling in die bruto waarde. Dit het, veral by sorghum, ’n daling in die algehele bruto waarde meegebring. ■ Sojabone is die enigste gewas wat ’n toename in opbrengs getoon het. Dit was die gevolg van ’n sterk toename in aanplantings en het die bruto waarde per ton laat afneem. ■ Die droogte het by al vyf somergewasse die opbrengs per hektaar laat afneem. Dit het gelei tot ’n…

LIGGING Nashik,Indië KORTOM ■ Boerderye se grootte wissel van klein lappies grond waarop bestaansboerdery aan die orde van die dag is tot intensiewe boerderye op etlike hektare. ■ Een boerdery melk 1 200 koeie op ’n dag en word as een van die grootste verskaffers van vars melk in Indië beskou. ■ Die voorste wynmakery verbou sy eie druiwe en koop ook druiwe by kontrakprodusente op sowat 700 ha grond aan. Nashik, sowat 180 km noordoos van Moembaai in die deelstaat Maharashtra, het 864 000 ha bewerkbare grond en is ’n landboustreek om mee rekening te hou. Die stad staan as Indië se wynhoofstad bekend en is ook bekend vir die produksie van druiwe, uie en tamaties. Bykans enige ander landbougewas, van suikerriet en mielies tot rissies en gemmer, word…

Elke jaar ry mnr. Bertus Goosen 800 km Nampo toe en terug vanaf sy plaas Matlakeng in die Suidelike distrik van Botswana. Vanjaar het hy vir die 18de keer aan die kompetisie deelgeneem, wat nou al 28 jaar lank aangebied word. Bertus het in vier van die nege afdelings koning gekraai, hy was die naaswenner in twee en het boonop met twee derde plekke gespog. Hy is in Ghanzi in Botswana gebore, het in Suid-Afrika skoolgegaan, maar is terug na sy tuisland toe nadat hy ’n ambag as elektrisiën voltooi het. Tans boer hy heeltyds en is hy ook by die installering van sonkragstelsels betrokke. Die plaas Matlakeng beslaan 580 ha en word deur skape (Dorperkruisings wat Bertus met Ile de France-skape paar) en ’n klompie beeste benut. Hy saai…

ALLES-IN-EEN VEELDOELIGE GEREEDSKAPSTEL VIR SELFDOEN Bosch, ’n bekende gereedskapsvervaardiger, het ’n splinternuwe reeks veeldoelige gereedskapstelle bekend gestel. Die V Line-reeks is beskikbaar in vyf verskillende weergawes, bestaande uit 41 tot 91 gereedskapstukke. Die hoofkomponente bestaan uit handgereedskap, boorpunte vir boorwerk op verskillende soorte materiaal en skroewedraaierpunte vir konvensionele soorte skroewe. Die V Line-gereedskapstel bestaan uit ’n boorpunt-en-skroewedraaierstel van 41 stukke met ’n hoekdrywer. Die titaanboorpunt-en-skroewedraaierstel van 48 stukke word ook met ’n magnetiese stafie toegerus om skroefies uit klein gapings te haal. Die boorpunt-en-skroewedraaierstel van 68 stukke sluit ’n hoekdrywer, magnetiese stafie en ’n knipmes in, terwyl die titaanboorpunt-en-skroewedraaierstel van 83 stukke ook ’n bykomende flitslig en verstelbare moersleutel het. Die boorpunt-en-skroewedraaierstel van 91 stukke het ook ’n bykomende ratskroewedraaier en ’n magnetiese stafie by. Prys: Op aanvraag beskikbaar. Dit…

DRANGE ONDER GOEIE BESTUUR DS. KOBUS VAN DER WESTHUYZEN ’nMens se lewe word grootliks deur drange bepaal. Dis deel van jou samestelling. Jy is wat jy is omdat jy jou drange uitleef. Eenvoudig gestel is drange begeertes wat jou dryf om iets te bereik. Soms kan hierdie begeertes baie intens wees. As dit nie gedissiplineerd en reg bestuur word nie, kan dit jou lei op ’n pad wat droefheid en skade kan bring – vir jouself, maar ook vir ander wat misbruik word om jou drange te bevredig. Honger, om een voorbeeld te noem, kan jou op sy ergste dryf om ander van hul goed of selfs hul lewe te beroof. As die drang jou oorheers, is jy nie meer in beheer daarvan nie. Die seksdrang kan op sy slegste…

LIGGING Port Elizabeth…

Internasionaal: Die prys van mielies het gestyg met 0,6%, of $0,99/t (R15,08/t), tot $168,75/t (R2 570/t). Op ’n jaargrondslag is dit 20,4%, of $28,58/t (R435,34/t), hoër. Verwagte pryse: Julie – $168,10/t (R2 561/t), September – $170,15/t (R2 592/t), Desember – $172,51/t (R2 628/t). Plaaslik: Die Safex-prys vir wit mielies het met 2,5%, of R122/t, tot R4 912/t gestyg. Geel mielies het met 2,4%, of R90/t, tot R3 806/t gestyg. Op ’n jaargrondslag is wit mielies 73,3%, of R2 077/t, duurder, terwyl geel mielies 54,3%, of R1 339/t, hoër is. Verwagte witmieliepryse: Julie – R4 934/t, Desember – R5 007/t, Maart 2017 – R4 680/t. Verwagte geelmieliepryse: Julie – R3 830/t, September – R3 880/t, Desember – R3 927/t, Maart 2017 – R3 810/t. Internasionaal: Die gemiddelde prys van koring het…

ZAMBIË Die oes van talle gewasse in Zambië is onderweg. Die oesvoorspellingsopname van 2015-’16 toon dat ’n MIELIE -oes van 2 873 052 ton verwag word. Dit is 9,73% meer as die 2 618 221 ton wat verlede jaar geoes is. Dit volg ten spyte van die laat begin van die seisoen, asook onreëlmatige reënvalpatrone. ’n Gemiddelde oes van sorghum, manna, grondbone en sojabone word verwag, terwyl die oes van kassawe, rys en boontjies na verwagting laer as gemiddeld sal wees. Die patat-oes sal na verwagting vanjaar aansienlik hoër wees omdat dit geplant is toe die seisoenale reën laat Januarie/begin Februarie geval het. Die UITVOER van mielies wat in 2015-’16 geoes is, is tot September opgeskort. Slegs maatskappye wat in Zambië geregistreer is, sal aan die bemarking mag deelneem. Uitvoerkontrakte…

Landbou-organisasies, boereverenigings, ens., is welkom om die datums van hul byeenkomste aan ons te stuur vir publikasie in Landboukalender. Die besonderhede moet gestuur word aan: Landbouweekblad, e-pos: lbw@landbou.com. BOEREDAE 2 JULIE: Inligtingsdag:Vleisbeeskuddeseleksie. FoxintheHills (tussenParysenPotchefstroom). JeanvanderMerwe,sel082719 7521. E-pos:jean@blackhills.co.za. Web:www.blackhills.co.za. 27 JULIE: Dr.JasperCoetzee: Nuwebeginselsinpresisie-skaapboerdery. Noord-VrystaatSAVM, RooiSkool, Kroonstad.NelinePienaar, sel0824404492. E-pos: Bennieneline@eleo.co.za.Ofsel 0832792375,sel 082 440 4492. 29-30 JULIE: AgriWorks-landbou-ekspo, Trimpark, Potchefstroom. CADEK-media, tel. 021 854 4700. Web: www.agriworks.co.za. E-pos: info@cadek.co.za. KURSUSSE 1-2 JULIE: Snuffel vir wildesampioene by Delheim, Stellenbosch. Voorafbespreking, geen groepsbesprekings. Tel. 021 888 4607; sel 079 735 3257. E-pos: restaurant@delheim.com. 4-6 JULIE: KI, skape en bokke, Krugersdorp. Di Rothman, sel 082 772 1208, Andy, sel 082 770 0480, Lilly, sel 078 546 7985. Web: www.rltsafrica.com. 4-8 JULIE: Byeboerdery-winterskool. NGK Bergsig, Durbanville. Robert Post, tel. 021 971 1022. E-pos: crpost@telkomsa.net. 7-8 JULIE: Fynproewer-sampioenverbouing,…

6,1% Verbruikersprysinflasie (VPI) was in Mei 6,1% — 0,1% laer as April, maar steeds 0,1% hoër as die Suid-Afrikaanse Reserwebank se teikensyfer van 6%. Daar is voorspel dat die VPI so hoog soos 6,4% sou wees in Mei. Die bank skryf die hoër inflasiekoers toe aan die droogte en die swakker rand. Kosprysinflasie het onverwags verlangsaam van 11,1% in April tot 10,5% in Mei. – Fin24 R177 mjd Suid-Afrika kan sowat R177 miljard tot sy BBP toevoeg en nagenoeg ’n miljoen werksgeleenthede teen 2033 skep as hy beter gebruik maak van die skeepsroetes verby sy kus. Suid-Afrika is geleë op een van die besigste internasionale seeroetes. Luidens ’n verslag van die Departement Omgewingsake is daar reusegroeipotensiaal vir Suid-Afrika in dié bedryf. – Bizcommunity 1,4% Die kos-en-drankbedryf se inkomste het in…

‘Die huidige droogte is ’n voorsmaak van wat in die toekoms voorlê en almal sal vinnig moet leer om aan te pas.’ Die Wêreldnatuurfonds (WWF SA), in sy nuutste verslag oor water. Bl. 20 ‘Elke jaar teel ons kleiner beeste – binnekort steek ek sommer een in my sak.’ MNR. OTTO STEINHOFEL, beesteler van Malgas oor sy miniatuur-Dexters. Bl. 22 Mosambiek moes, soos ander Afrika-lande aan die Indiese Oseaan, die voordele van hoë groei in bruto binnelandse produk ervaar het.’ DR. MARTYN DAVIES, Deloitte en Touche se besturende direkteur vir opkomende markte. Bl. 22 ‘Die regering weier om die omvang van die probleem te erken en niks word gedoen om dit reg te stel nie. As suiweringswerke korrek gewerk het, kon dit 5 miljard liter veilige water daagliks gelewer het.’…

Posbus 1802, Kaapstad 8000; e-pos: lbw@landbou.com OPENBAAR AANDEEL IN WAARDEKETTING WENBRIEF Volgens alle aanduidings is die melkprodusent op sy knieë en daar sal nou daadwerklik opgetree moet word om te oorleef. Miskien is dit reeds te laat. Die eerste vraag wat beantwoord moet word, is: Waarom het die verskaffers van produksiemiddele die reg om hul produkte se prys opwaarts aan te pas, maar ons as produsente het nie die reg om dit deur te gee na die melkkoper nie? Is dit regverdige besigheid, om nie eens te praat van volhoubaar nie? Wat is die antwoord? ’n Eie onderneming? Dit lyk ook nie na die antwoord nie, want Sentraal-Suid Koöpersie, wat aan sy lede behoort, besit die meerderheidsaandeel in die kanolaverwerker Soill, maar kanola-oliekoek se prys word nou verhoog sonder om…

DIE voorgestelde regulasies oor koolstof-kwytskeldings (carbon offsets), wat ondernemings sal help om hul koolstofbelasting te verminder, is pas vir openbare kommentaar beskikbaar gestel. Die landbou- en bosboubedryf is sedert 1 Januarie 2015 vir vyf jaar van die betaling van koolstofbelasting uitgesluit. Die nuwe voorgestelde regulasies wil ook die vermindering van kweekhuisgasvrystellings aanmoedig in sektore of bedrywighede wat nie regstreeks deur die koolstofbelasting geraak word nie. Dit sluit die landbou-, bosbou- en openbare vervoersektor in. Die Tesourie het reeds in November verlede jaar voorgestelde wetgewing oor koolstofbelasting gepubliseer. Hierdie wetgewing maak voorsiening daarvoor dat ondernemings hul koolstofbelasting kan verminder deur koolstof-kwytskeldings aan te wend tot ’n maksimum van 5% of 10% van hul totale kweekhuisgasvrystellings. STANDAARDE Ondernemings kan koolstofbelasting-kwytskeldings verdien deur buite hul belasbare bedrywighede te belê in stappe wat meetbare…

BOERE in die Vrystaat en Noordwes wat bekommerd is oor moontlike grondwaterbesoedeling wat op grootskaalse eksplorasie-aansoeke deur energiemaatskappye kan volg, moet hulself behoorlik onderrig oor hierdie prosesse en hoe dit gereguleer word. Só sê mnr. Fanie de Lange, grondwaterkenner verbonde aan die Universiteit van die Vrystaat se instituut vir grondwaterstudies. Elke boer moet seker maak dat hy betyds ingelig is sodat hy, as dit nodig sou wees, die amptelike prosesse kan benut wat reeds daar is om omgewingskade te verhoed. “Raak betrokke en maak seker jy weet wat die regte vrae is om te vra as ’n maatskappy wel op jou plaas wil prospekteer,” sê De Lange. Twee energiemaatskappye het die afgelope tyd aansoek gedoen om eksplorasieregte vir aardgas oor meer as 1,3 miljoen ha landbougrond by Bultfontein, Wesselsbron, Welkom,…

Die plan om strenger regulasies in te stel op die invoer van rooivleis van buurlande het Namibiese rooivleisboere onkant betrap. Mnr. Mecki Schneider, voorsitter van die Namibiese Lewendehaweprodusente-organisasie, sê die ministeriële samesprekings tussen Suid-Afrika en Namibie, asook die direktorate van dieregesondheid en belanghebbendes van beide lande, in Maart het aangedui invoer van speenkalwers en slagvee na Suid-Afrika sal gladweg verloop. “Ons was dus redelik verbaas ná die aankondiging dat die nuwe, strenger regulasies op 1 Julie in werking sal tree.” Die Namibiese owerheid gaan sy kant van die saak aan die Wêreldhandelsorganisasie stel op sy sitting in Julie. Dié regulasies vereis dat kuddes tuberkulose- en brucellosevry moet wees, het spesifieke vereistes oor die inentings IPV en IBR, en vereis dat alle diere 72 uur voordat hy gelaai word, ontwurm word…

MERINOWOL het die afgelope seisoen weer ander tipes wol ver uitgestof wat pryse betref. Die gemiddelde skoonwolprys vir die seisoen vir Merinowol het op R134,12/kg te staan gekom, teenoor R113,58/kg vir ander wol. Die gemiddelde vetwolprys vir Merinowol was R85,70/kg teenoor R61,73/kg vir ander wol. Te oordeel na die aanbiedings op die wolveilings lyk dit asof kruisteling steeds toeneem. Volgens syfers wat deur Cape Wools bekend gemaak is, het die aantal bale nie-Merinowol wat aangebied is, met 5% gestyg vergeleke met verlede seisoen. Die aantal bale Merinowol het egter met 3% gedaal. HIERDIEBLADISDEURCAPEWOOLSGEBORG. BERIGTE IS DEUR CAPE WOOLS GESKRYF EN VERSKAF. RIG NAVRAE AAN LOUIS DE BEER BY TEL. 041 484 4301. E-POS: capewool@capewools.co.za. WWEBWERF: www.capewools.co.za.…

Internasionale sprekers op vorige konferensies van BLWK het Kaapse boere geïnspireer, geprys en soms uitgedaag. ■ Mnr. Rolf Derpsch, bewaringslandboukenner van Paraguay, het gesê net as elke beginsel behoorlik toegepas word, kan alle voordele van die stelsel verkry word. Grondbedekking is die belangrikste faktor. “Daar moet ten minste 30% grondbedekking wees nadat jy geplant het. Net dan is jy met bewaringslandbou besig. “Baie boere het vir my gesê hulle kan nie genoeg materiaal produseer nie. My indruk is dat hulle daarmee gaan sukkel solank skape op die stoppellande wei. Om net ’n paar skape vir net ’n paar dae op die stoppellande te hou, is ook nie ideaal nie. OM ’N VERSKIL TE MAAK, MOET JY DIE SKAPE HEELTEMAL VAN DIE LANDE AF HOU. ” ■ Mnr. Barry Fisher, ’n…

Die onderneming wat met giftoediening op indringerbosse eksperimenteer, se eerste toets met ’n konsep-toediener was ’n groot sukses. Die Haevic-span het die konsep-toediener op ’n hommeltuig geïnstalleer, oor ’n lusernland gevlieg en die akkuraatheid met klein hoeveelhede kunsmis getoets. ’n Groter toediener gaan nou gebou word sodat hulle 5 kg gif per vlug kan vervoer. Hulle gaan nou ook die toediener op hul groot vastevlerk-vliegtuig toets sodat groot gebiede gedek kan word, sê hulle in hul nuusbrief. Nog ’n plan is om hul navorsing na druiweboere in die Wes-Kaap uit te brei, waar hulle slakke met lugtoedienings wil bestry. Dr. Gerhard Coetzee, besturende direkteur van Haevic, ’n hommeltuig-operateur van Noordwes, het dié navorsing aangevoor. Sy versoek aan Landbou.com om ’n paar boere op te spoor om met die navorsing te…

Mnr. Jacques Beukes ontwikkel tans saam met mnr. Stefan Steffens van AgriConsult Africa, wat Jacques as Jongboer van die Jaar benoem het, ’n selfoontoepassing (app) waarmee tafeldruifprodusente inligting ter bevordering van die bedryf kan uitruil. “Data raak al belangriker en ons wil ’n app bou om rekordhouding aan te teken.” Dit sluit produksiemiddele en praktyke in. “Jy kan byvoorbeeld produktiwiteit op jou eie plaas meet, en jouself ook teen ander boere meet. Jy het toegang tot ander se resultate, en jy kan kyk wat ’n spesifieke persoon gedoen het om ’n sekere opbrengs met ’n sekere kultivar te behaal.” sê Jacques. “Die markte sal ook kan aanmeld om byvoorbeeld te sien hoe Modderdriftboerdery se waterdoeltreffendheid lyk.” Die app sal ook as ’n tipe forum dien waar tafeldruifboere kennis kan uitruil.…

PLAASINLIGTING LIGGING: Parys, Vrystaat NAAM: Goedgedacht GROOTTE: 11 100ha EIENAARSKAP: Familieboerdery VERTAKKINGS: ’nVoerkraal,kommersiële Simmentaler-tipebeesteenSimmentaler-en Droughtmaster-stoeterye VELDTIPE: Soetveld GEMIDDELDE REËNVAL:720mm perjaar KORTOM ■ Produksie van rooivleis pleks van mielies het in hierdie boerdery ’n meer stabiele opsie geword. ■ Die afronding van speenkalwers in hul eie voerkraal kan baie winsgewend wees as ’n boer se bestuur van die beste gehalte is. ■ Tydige bemarking van afgeronde voerkraalbeeste is noodsaaklik, anders vreet die beeste die boer se wins op. Hoekom hou ’n voormalige Graanboer van die Jaar op om mielies te verbou en lewer dan slegs rooivleis? “Suiwer omdat dit vir my minder risiko’s inhou,” sê mnr. Kobus Dannhauser van Parys in die Vrystaat. Hy boer suksesvol met Simmentalers en kruisrasbeeste nadat hy lank ’n groot mielieboer was. Hy boer reeds 35…

Die Dohne-Merino-skaaptelersgenootskap het vanjaar op 16 Mei sy 50ste verjaardag gevier. Die oorsprong van dié ras, wat al in Australië, Suid-Amerika, die Falkland-eilande en Nieu-Seeland gevestig is, kan tot 1939 teruggevoer word. Dit was toe dat J.J.J. (Koot) Kotzé, wat destyds as hoof van die Dohne-proefplaas naby Stutterheim aangestel is, begin het om die droom van sy voorganger, dr. James Stark, te verwesenlik: Om ’n wolskaap te teel wat op Oos-Kaapse suurveld sou aard. Die geskiedenis van die Dohne-Merinoras, wat reeds internasionaal ’n goeie reputasie verwerf het, is opgeteken in ’n boek wat die geleentheid herdenk. The Birth of a Breed: The Dohne Merino Story vertel die merkwaardige verhaal van die begin – die vestiging van die Dohne-navorsingstasie in 1937 – af. In die lig van klimaatsverandering en die onvoorspelbare…

Julle het ’n familietrust gestig, die magtigingsbrief van die Meester van die Hooggeregshof is uitgereik en nou mag die trustees met die trust handel. Julle het ’n afskrif van die trustakte (die oorspronklike is by die Meester), of ’n gewaarmerkte afskrif en die oorspronklike magtigingsbrief. Nou moet die trust in werking gestel word. Die familietrust is gewoonlik ’n diskresionêre trust. Dit beteken die trustees mag volgens hul diskresie voordele aan die begunstigdes toedeel tydens die duur van die trust en ook wanneer die trust beëindig word. Hoeveel, wanneer en watter begunstigde bevoordeel word, is gewoonlik in die hande van die trustees, volgens hul diskresie. Jou hoofdoel is om al jou sentimentele bates (soos motors, meubels, toebehore en aandele/belange van jou onderneming) in jou familietrust te kry, na gelang van jou…

HET JY GEWEET? ■ Indië se hoeveelheid bewerkbare grond (159,7 miljoen hektaar) is die meeste ter wêreld ná Amerika. ■ Indië is die wêreld se grootste uitvoerder van rooivleis, en in 2015 het die land 2,4 miljoen ton rooivleis uitgevoer. Waterbuffels word hierby ingereken. Die naasgrootste uitvoerder van rooivleis is Brasilië (2 miljoen ton), gevolg deur Australië (1,5 miljoen ton). ■ Die land produseer ook die meeste melk ter wêreld, en die pluimveebedryf is sedert 2011 snelgroeiend. ■ Indië is die wêreld se topprodusent van sowat 30 gewasse, insluitend suurlemoene, sonneblomsaad, gemmer, piesangs, sorghum en kekerertjies, en landbouprodukte, soos buffel- en bokmelk. ■ Wat uitvoer betref, is Indië die sewende grootste uitvoerder van landbouprodukte ter wêreld en die sesde grootste netto-uitvoerder. Die grootste deel van die uitvoer is na ontwikkelende…

Die Simon-saadbeddingmaker maak in die boonste laag grond ’n baie fyn saadbedding en in die onderste lae word dit growwer vir optimale ontkieming. Dit help vir egalige rypwording om die oes se gehalte te verbeter. Die werktuig word uit Frankryk ingevoer en kos R399 000. Navrae: Southtrade, tel. 021 981 6044. Lemken se Rubin 12-skotteleg kan teen dieselfde 20 cm-diepte as ’n saadbeddingvoorbereidingswerktuig werk. Dit is dus geskik vir die opsny van stoppellande, en primêre grondbewerking, selfs in swaar grondtoestande. Twee rye konkawe, getande skywe met ’n omtrek van 736 mm meng en verkrummel die grond. Die Rubin 12 (5 m) kos R1 083 000. Navrae: Mnr. Blackie Swart, sel 082 404 9651. Die KAT Vibrotill van KAT Implemente, Bloemfontein, berei ’n saadbedding van 12 m breed voor vir die…

Semel-en-hawermoutsaadbeskuit Hierdie ontbytbeskuit met sy neuterige smaak is heerlik veselryk. Onthou dat neute en sade natuurlike olie bevat wat mettertyd galsterig word. Bêre die beskuit in ’n lugdigte houer vir nie langer as ’n maand nie. ■ 8 x 250 ml (ongeveer 1 kg) koekmeel ■ 60 ml bakpoeier ■ 10 ml sout ■ 500 ml ligbruinsuiker ■ 250 ml pampoenpitte ■ 250 ml sonneblomsaad ■ 250 ml sesamsaad ■ 250 ml klapper ■ 250 ml hawermout ■ 500 ml dieetsemels ■ 1,25 liter melk ■ 100 ml suurlemoensap of asyn ■ 4 eiers, geklits ■ 500 g botter of margarien Voorverhit die oond tot 180 °C en smeer 2 oondbakke (of 4 groot broodpanne) met olie. Sit die meel, bakpoeier, sout, suiker, pampoenpitte, sonneblomsaad, sesamsaad, klapper, hawermout en semels…

DWARS 5. Los draad van weefstof (5) 7. Predikant (7) 8. Speelruimte (5) 9. Nie beny nie (3) 10. Sneeusport (3) 11. Mimiek (5) 12. Afwykend (13) 15. Kloaka (5) 16. Sowat 40 gelling (3) 18. Gehele wolbedekking van skaap (3) 20. Kromswaard (5) 22. Mieliemeelgereg (7) 23. Netvormige weefsel (5) AF 1. Vers (5) 2. Liefhê (5) 3. Katagtige roofdier (5) 4. Soort vaarlandswilger (13) 5. Manlike bok (3) 6. Vervaardiger van sportmotors (7) 13. Modderrig (7) 14. Sidder (3) 17. Bakleiery (5) 19. Mielies, koring, ens. (5) 21. Strikke (3) OPLOSSING AF: 1. Gedig; 2. Bemin; 3. Links; 4. Kierieklapper; 5. Ram; 6. Ferrari; 13. Troebel; 14. Ril; 17. Melée; 19. Graan; 21. Lae. DWARS: 5. Rafel; 7. Dominee; 8. Marge; 9. Gun; 10. Ski; 11. Naaap; 12.…

LIGGING Port Elizabeth…

VRAAG BIED GELEENTHEDE SUID-AFRIKAANSE produsente van fynproewer-sampioene kan nie voorbly om in die plaaslike vraag te voorsien nie. “Tonne fynproewer-sampioene word weekliks ingevoer om die gaping te probeer vul,” sê dr. Adriaan Smit, besturende direkteur van The South African Gourmet Mushroom Academy. Die vraag na dié sampioene, wat nou sowat 6% van die sampioenmark in Suid-Afrika verteenwoordig, groei oral. Meer as 100 verskillende soorte fynproewersampioene word wêreldwyd verbou en ses, ingesluit verskeie oestersampioenspesies en die shiitake-sampioen, in Suid-Afrika. By knopiesampioene word strooi tydens verbouing met mis bemes, maar vir fynproewer-sampioene word slegs goedkoop plantafval, soos rooibos- en heuningbosteeafval, mielie- en suikerrietstronke en reste, gebruik. Sekere soorte kan op klein skaal, teen kamertemperatuur en met ’n beperkte begroting verbou word. Smit sê groot winkelgroepe vereis kontrakte met deurlopende lewering. Dit is…

DIEvolgendeontledingvan grondverkopeinSuid-Afrika handeloordiegrondtransaksiesgroteras20hain NoordwesendieNoord-Kaap virApril2015totMaart2016. InNoordweswasdaar altesame698transaksiesin 12distrikteen264189hais teenR4,681miljardverhandel. Daarvanwas99(14,2%) transaksiesvankleurteen R616miljoen(13,2%)van diewaarde.Tiendáárvanwas aankopedeurdieRegering, tweevirdorpsontwikkeling en85privateaankope.Ses vandiedistriktetoondalende prysneigingsenis’nduidelikeinvloedvandieernstige droogtetoestandewatindié provinsieheers. IndieNoord-Kaap is 300transaksiesin22 distriktegesluit.Intotaal word608876haverhandel teenR1,881miljard.Uitdié verkopewas33transaksies vankleur(11%),wat55332 ha(9,1%)verteenwoordig teenR327,1miljoen(17,7%) vandietotalewaarde.Tien daarvanwasregeringstransaksiesvirdieverkrygingvan landbougrond.Diemeeste transaksies(66%)wasvir grondgroteras300ha. Statistiek vir ál die provinsies is op Landbou.com beskikbaar, asook meer besonderhede, soos wie die transakies aangegaan het. Klik op Plaasverkope.…

ARABIERPERDE TELERS AL HOE MINDER, UITVOER STYG TENspytevan’nskerpafname indieaantalstoettelersvanArabierperde, neemdiemarkvirdie uitvoervandiédiereskerptoe. “DieplaaslikeArabierperdtelers kannievoorblyomtevoorsienin dievraagnaperdewatuitgevoer wordnie,”sêmnr.WesleyHayes, voorsittervandieArabierperdtelersgenootskap. Hysêdieaantalgeregistreerde telersindiegenootskaphetdrastiesafgeneem.“ Netindieafgelopepaarmaandehetonssowat 100ledeverloornamatereguleringvanregeringskantditalhoe moeilikergemaakhetom’nperd teregistreer,”sêhy. Wayessênet700Arabierperdtelersistansledeteenoordie aanvanklike1000.Registrasies vanperdehetmet75%gedaal. “’nPerdhoefniegeregistreer teweesomaanuithourittedeel teneemnie.Gevolglikhettallestoettelersbesluitomeerder diekommersiëleroetetevolgen hulperdeuittevoer,”sêhy.Die kommersiëlemarkgroeisteeds namateperde-uithourittesegewildheidinveraldieMidde-Ooste toeneem. “Diesportsoortistans,wat perdegetallebetref,diegrootsteruitersportsoortterwêreld. Pryseisgoed,maaronssal’n antwoordmoetvindvirdieoorregulering, andersgaanonsop’n krisisafstuur,”sêhy.…

JUNIE PARYS 27 Junie–2 Julie, (Nasionaal: SA Boerperd) Afridome, Parys. Petro Grové, sel 082 551 3221; Caroll-Ann Mienie, sel 079 477 4416. Web: www.afridome.co.za. JULIE PARYS 6, Beefmaster, Caroll-Ann Mienie, sel 079 477 4416, Afridome-skouterrein. Web: www.afridome.co.za. 15-17, Boran. Caroll-Ann Mienie, sel 079 477 4416, Afridome-skouterrein, web: www.afridome.co.za. LUTZVILLE 28-30, Skaapkampioenskap; Benede-Olifantsrivierperdekampioenskap. Perde, 083 398 0899. Kraampies, 083 620 2294. E-pos: jeanetteafox@gmail.com. AUGUSTUS PRETORIA 5–9, (Streek, Gauteng: SA Boerperd). Petro Grové, sel 082 551 3221. BREDASDORP 20-21, Megapark-binnenshuise plesier, Ryperdskou. Mariska Marais, sel 072 535 8158. E-pos: megaeques traincentre@gmail.com. PRETORIA 24-28, Jakarandaskou, Pretoria. Beeste: Pinzgauer, PinZ2yl, Dexter, Simmentaler, Brahman, Afrikaner, Limousin, Braunvieh; perde: Arabier, Walliese Ponie, Miniatuurperd, Nooitgedachter, Fries, Appaloosa; pluimvee, sierduif; konyn, haas; Boerboel. Hester Ingamells, sel 082 691 3019, tel. 012 327 0371. SEPTEMBER MIDDELBURG 2-4, Hartland-landbouskou, Pienaardam,…

AFGRI het ’n vennootskap met GeoAgro, wat tegnologie-oplossings met ’n uniekekombinasievansagtewarehulpmiddels, data-GEO-verwerking en werktuigbystand bied. Dit verseker die winsgewende gebruik van tegnologie vir presisieboerdery. Presisieboerdery is gegrond op die beginsel van voortdurende verbetering in elke aspek van ’n boerdery. Die doelwit is om die hele stelsel se waarde te verhoog. Sodra ’n boer presisieboerdery toepas, kan hy beter keuses uitoefen oor die soort gewas wat hy verbou, en opbrengsverhogings. ’n Mens moet die presisiewaardeketting goed kies, gegrond op puik tegnologie, doeltreffende ontwerp en doelgerigte toepassing. Leidinggewende maatskappye wat hulle op insette toespits, beskou die waardeketting as: ■ Grondklassifikasie en chemiese ontledings; ■ Produktiwiteitskaarte vanuit die NDVIbeelde van satelliettegnologie; ■ Laboratorium-ontledings; ■ Kundige aanbevelings, en dan vroegtydige regstelling en sinvolle bemestingsprogramme; ■ Inseisoense monitering; en ■ Die lewering van NDVI-kaarte met…

Dit was darem bitter mooi om weer te sien hoe ’n Springbokvleuel sommer reg booor die laaste teenstander voor die doellyn hardloop, soos ’n wafferse Jonah Lomu destyds oor Michael Catt in die 1995 Wêreldbeker of Ray Mordt se drie drieë in 1981 se meelbomtoets. Dié keer was dit Ruan Combrinck wat sy eerste toetsdrie gedruk het — die eerste van vier drieë in ’n epiese terugvegpoging deur ’n span wat nog teen halftyd deur die moerige Ellispark-skare uitgejou is vir hul getjommel. Nee wat, ek aanvaar daai oorwinning met dankbaarheid, ondanks die skandes voor halftyd. Die Maandag daarna gee ’n boerepel my nog verdere perspektief nadat ek gekla het oor Elton Jantjies wat so sukkel om sy strafskoppe uit te skop. “Nee, magtag, man, moenie so krities wees teenoor…

Sedert MNR. JACQUES BEUKES, Wes-Kaapse Jongboer van die Jaar, tien jaar gelede by die familie-onderneming naby De Doorns begin werk het, het die Modderdrift-boerdery se omset met 920% gegroei en die tafeldruifproduksie meer as verdubbel. Lees die artikel op bl. 32. VERTEL ONS VAN JOU GESIN. Ek is getroud met Heleen, wat met die finansies in die boerdery se kantoor help. Ons het twee dogtertjies, Liela (4) en Charlé (2). Ek boer saam met my broer, Eugene. My pa, Pieter, is ’n direkteur van die onderneming. HET JY STOKPERDJIES? Ek het in Desember begin bergfiets ry en onlangs die Sani2C-bergfietsmarathon, wat oor drie dae en 267 km strek, voltooi. Weet jy watter goeie idees kry ’n mens terwyl jy fiets ry? Ek hou ook van vlieg en het ál my…

DIE verwoestende uitwerking wat die droogte op Suid-Afrikaanse kuddegetalle gehad het, blyk duidelik uit ’n studie oor koei- en ooigetalle deur die Universiteit van die Vrystaat se eenheid vir vee-ekonomie. Luidens die studie, wat deur die Rooivleisprodusente-organisasie (RPO) gefinansier is, het koeigetalle sedert 2013 met 15% gedaal en ooigetalle met 16%. In al die provinsies waarvoor die navorsers data bekom het, is die veebedryf nou veel slegter daaraan toe as in 2013 – die basisjaar vir die studie (sien bygaande tabelle). Die data wys duidelik hoe die droogte ’n belowende groeifase in kuddes kortgeknip het. Die navorsers sê egter die provinsiale gemiddeldes weerspieël nie die volle impak op van die gebiede wat die swaarste getref is nie. “Die studie is onderneem sodat boere en institusionele belanghebbendes bewus sal wees van…

VERWERKING | Blikkiesvrugte toon goeie wins Die Inmaakvrugte-Produsentevereniging (IPV) vaar goed danksy verlede jaar se goeie oeste, goeie pryse vir vrugte en ’n produsenteheffing van 1%. Mnr. Anthony Dicey, voorsitter van die IPV, het op die vereniging se jaarvergadering op Worcester gesê die wisselkoers speel ’n beduidende rol in die bedryf se welstand. “Enkele jare gelede het ons die sterk rand as rede voorgehou vir die moeilike situasie waarin die bedryf hom destyds bevind het,” het hy gesê. Die vereniging wil navorsingsprojekte uitbrei om mededingendheid te verbeter. Die LNR doen waardevolle navorsing en ontwikkeling vir fase 1-teelmateriaal. “Daar word voorsiening gemaak dat fase 2- en 3-evaluasie uitgekontrakteer word na private instansies.” Die evaluasie van die onderstamme van appelkose en perskes word privaat gedoen, terwyl die Universiteit Stellenbosch (US) sekere navorsingsprojekte…

DIE hoeveelheid hoendervleis wat ingevoer word, verteenwoordig meer as 9% van die tekort op Suid-Afrika se handelsbalans. “Hoenderinvoer dra dus by tot die swak rand,” het mnr. Kevin Lovell, uitvoerende hoof van die Suid-Afrikaanse Pluimveevereniging (SAPV), op ’n mediakonferensie by die jaarlikse AVI Africa-pluimveekonferensie in Kempton Park gesê. Die randwaarde van die hoendervleis wat van Januarie tot April vanjaar ingevoer is, het 9,1% van die totale tekort verteenwoordig, en verlede jaar se invoer 9,6%. Lovell sê dit wys hoe wyd die nadelige gevolge van hoendervleisinvoer is. Verder raak dit nie net die pluimveebedryf nie, maar ook verwante bedrywe, soos mielies en sojabone wat in voer gebruik word. Volgens Lovell trek verbruikers boonop nie voordeel uit die invoer nie omdat die produk as ’n nisproduk verkoop word teen ’n hoër prys…

DIT is in die hele landbousektor se belang om erns te maak met waterbesparing, aangesien nagenoeg 60% van Suid-Afrika se water vir besproeiingslandbou gebruik word. Dr. Marlene van der Merwe-Botha (foto), waterwetenskaplike van Water Group Holdings en self ’n boer, maan boere en die sektor om selfregulering en beste praktyke toe te pas ten einde persepsies van boere as watervermorsers te voorkom. Wat lê vir boere voor wat die beskikbaarheid van water betref? Die Regering beoog om die meting van water vir besproeiing te verskerp en waterlisensies gaan strenger gereguleer word. Die bestuur van wateropvangsgebiede gaan ook verskerp word en boere moet sorg dat hulle verteenwoordig is op die besproeiingsen bestuursinstansies. En waterpryse? Dit word algemeen aanvaar dat water in Suid-Afrika te goedkoop is en dat pryse sal styg. Die…

TEEN die huidige prysvlakke in voerkrale ly veeboere ’n verlies van sowat R300 tot R400 per speenkalf, maar met presisieboerderytegnieke kan dié situasie dramaties verbeter sodat ’n boer ’n wins van tot R700 per speenkalf in sy sak kan steek. Volgens prof. Johan Willemse, landbou-ekonoom aan die Universiteit van die Vrystaat en Landbouweekblad-rubriekskrywer, moet rooivleisboere by die Australiërs gaan kers opsteek oor hoe om ten opsigte van gehalte en handelsmerke, pleks van prys, mee te ding. Hy het op die Rooivleisabattoirvereniging (RVAV) se konferensie op Stellenbosch gesê die vleisbedryf moet die spelreëls verander, want hulle kan nie meer besigheid doen soos in die verlede nie. “Die wêreld verander, en die verbruiker gaan nie betaal vir vleis van laer gehalte nie. Hulle is onder druk en invoer is boonop op ons.…

MIELIES | SA rekord van 23,92 t/ha Mnr. Erich Cloete van die plaas Sanctuary in die distrik Cradock se verstommende opbrengs van 23,92 t/ha mielie per hektaar is vermoedelik ’n Suid-Afrikaanse rekord. Dit is 1,42 t/ha meer as wat mnr. Zirk Scheepers van Wonderkop, Cradock, verlede jaar behaal het om Cradock Saadverspreiders se 20 ton-mielieklubkompetisie te wen. Die kompetisie het vanjaar 22 inskrywings gelok en die wenners is verlede naweek op Cradock bekend gemaak. Mnr. Isak van der Merwe van Kransfontein, Colesberg, is die Noordelike streek se naaswenner (21,76 t/ha) en mnr. André Marais van Roodewal die Suidelike streek s’n (20,51 t/ha). Scheepers het vanjaar 20,46 t/ha geoes. Mnr. Dirkie Visser, besturende direkteur van Cradock Saadverspreiders, onder wie se leiding die kompetisie drie jaar gelede ingestel is, sê hoewel El…

’N AUSTRALIESE veekundige het skaapboere gewaarsku teen die teel van groter skape. Dit is omdat die diere, veral dubbeldoelskape, besig is om só groot en swaar te word dat dit moeilik is om hulle te hanteer. Mnr. Phil Graham van die departement van landbou van Nieu-Suid-Wallis het gesê dekades se seleksie vir swaarder skape het skape begin oplewer wat nou te moeilik is om te skeer. Volgens hom het die gewig van volwasse ooie, Merino’s en kruisrasse vanaf 1990 tot 2010 met 15 kg toegeneem. Hy sê skeerkontrakteurs is deesdae huiwerig om veral kruisrasskape te skeer omdat dit die skeerders se risiko vir beserings, veral van die gewrigte, soos die knieë, verhoog. “Skaapboerdery verg dat skape baie hanteer moet word. As boere nie nou begin besin oor seleksie en die…

Kongresse speel ’n belangrike rol. Dit is nie tot die landbou beperk nie: Nie-landboubedrywe en professionele organisasies se lede kom ook byeen om te debatteer oor die stand van sake in hul beroep of bedryf. Sulke byeenkomste neem verskillende vorms aan. Lede kom veral byeen om hul bestuur te verkies. Die bestuur moet tussen kongresse namens hulle optree, met owerhede skakel en hul sake-omgewing vriendeliker maak. Op kongresse moet daar oor die stand van sake gedebatteer word. Dit raak ook ál belangriker om maniere te vind waarop ’n mens self jou besigheid en beroep kan bevorder. Natuurlik is die nadele van kongresse al telkemale beleef: Dit is enersyds ’n platform vir ego’s en andersyds ’n klaagmuur-byeenkoms, met een ná die ander klagte oor hoe sleg dit gaan en versoeke dat…

Nie alle Suid-Afrikaanse lemoensappe op die rak is ewe gesond nie. Nie net die verwerkproses nie, maar ook die verbouingstreek en kultivar bepaal die voedingswaarde van ’n sap. Só het dr. Cindy Hunlun bevind. Sy is ’n voedselwetenskaplike wat pas met dié navorsing haar doktorsgraad aan die Universiteit Stellenbosch behaal het. Dit is die eerste ondersoek in sy soort oor die inhoud en gesondheidswaarde van Suid-Afrikaanse lemoensap. Cindy sê heelwat werk word in die landbou gedoen oor die verbouing en verpakking van plaaslike sitrus, maar plaaslike navorsing oor die gesondheidswaarde is minimaal. Sy het die chemiese en fenoliese inhoud ondersoek van Navel, Mandaryn en Valencia, die drie lemoenkultivars waarmee op groot skaal in Suid-Afrika geboer word. Sy het elkeen se antioksidantvlakke ook bepaal. Haar lemoensapmonsters is oor drie seisoene in…

Die huidige droogte het almal – boere, kopers en verbruikers – diep bekommerd oor die voedselsituasie vir mens en dier. Die seisoen is egter nog nie voltooi nie en die werklike omvang van die probleem kan nog nie met absolute sekerheid bepaal word nie. Die erns van hierdie probleem word egter vergroot deur die feit dat die vorige seisoen reeds besonder droog met ondernormale opbrengste was. Dit kan gesien word daarin dat die algehele bruto waarde van landbouproduksie laas jaar met slegs 4% toegeneem het teenoor die vorige jaar vergeleke met ’n gemiddelde groei van 10% in die voorafgaande vyf jaar. Die bruto waarde het laas jaar R226,7 miljard beloop teenoor R217,8 miljard in die vorige jaar. Die bruto waarde van tuinbouprodukte het met sowat 8% gestyg en dié van…

Met die regte bestuur kan ’n boerdery in ’n hoërisikogebied nét in jou guns tel. Twintig jaar gelede het mnr. Neil Fyvie van die distrik Harrismith 20 ha Royal Gala-, Fuji- en Braeburn-appelbome op die familieplaas Deveron buite Harrismith in die Oos-Vrystaat in die grond gesteek. Vandag beslaan Neil se appelboorde minder as 1,5% van die boerdery se grondoppervlakte in ’n hoërisiko-boerderygebied, maar dit dra 50% tot die omset by. Hy was een van die eerste Oos-Vrystaatse boere wat in dié tyd kommersiële appelboerdery aangepak het. Dit het gevolg op studies in die vroeë 1990’s deur twee landboukundiges by die voormalige Sentraal-Oos Koöperasie. Hulle het bevind toestande is betreklik gunstig vir appels mits dit intensief en op klein skaal gedoen word. Een van die prikkels wat tot die ondersoek aanleiding…

Dit is nie juis raadsaam vir ’n Suid-Afrikaner om in Indië te probeer motor bestuur nie. Hierdie land met sy 1,2 miljard mense maak grootskaals van motorfietse en taxi’s gebruik, wat skynbaar hul eie verkeersreëls het. Nogtans het ek tydens my besoek van tien dae net een ongeluk gesien, gelukkig nie noodlottig nie. Die mense weet dus hoe om te bestuur. Dis nie ongewoon om vier mense op een motorfiets te sien nie; dikwels die pa, die ma en hul twee kinders. As hulle drie kinders het, koop hulle ’n driewielvoertuigie, aangedryf deur ’n motorfietsenjin. Dan sit Ma en die kinders agter en Pa bestuur; almal onder ’n afdakkie met oop kante. Charl van Rooyen, assistent-redakteur van Landbouweekblad, het ’n video van die verkeer gemaak wat jou hare sal laat…

Mag diere wat negatief toets vir brucellose uit ’n kudde geneem word wat positief daarvoor getoets het? Die brucelloseskema laat toe dat diere wat negatief getoets het (uit kuddes wat positief getoets het) en wat geïsoleer is en twee keer negatief getoets het, vervoer mag word. Dit is egter ’n hoërisikopraktyk omdat die isolasie dikwels nie reg gedoen is nie. Die lang inkubasietyd van brucellose mag daartoe lei dat dié diere later wel positief toets. Dit kan later nodig wees om dié praktyk aan te pas as die huidige brucellosebeleid hersien word. Die brucelloseskema vir beeste R.2483 van Desember 1988 lui onder meer: (3) Outoriteit soos na verwys in onderafdeling (2) sal toegestaan word slegs by: (a) die toelating van ’n brucellosevry bees of ’n bees wat negatief getoets het…

Goeie oeste en genoeg weiding is onmoontlik sonder gesonde grond. Bemesting is ’n belangrike faktor vir die moderne boer wat staatmaak op ’n hoër inkomste per hektaar vir ekonomiese volhoubaarheid. Die Misstofvereniging van Suider-Afrika (Fertasa) lê klem daarop om ’n betroubare platform te skep wat die verantwoordelike en volhoubare gebruik van misstowwe bevorder. Fertasa-lede en verteenwoordigers van landbou-ondernemings en plase kan op 27 Julie in Pretoria by Fertasa se simposium oor grondvrugbaarheid en plantvoeding inskakel. Die simposium word by die WNNR- Internasionale Konferensiesentrum gehou. Die praktiese toepassing van die jongste bemestingsriglyne word onder meer bespreek. Plaaslike en internasionale kenners van misstowwe, landbouchemikalieë en grondbewerking tel onder die sprekers. Registrasie begin om 09:00 en mnr. Adam Mostert, uitvoerende hoof van Fertasa, open die verrigtinge om 10:00. Die verrigtinge sluit om 16:30…

Die name van Boplaas se naburige plase, soos Wagendrift, Remhoogte, Sneeuw-Kop, Houdenbek, Leeuwenkuil en Weltevrede, asook bergspitse in die omgewing – Tierberg, Spitskop, Tafelberg, Schurweberg, Bokberg en Sneeukop – vertel onomwonde die verhaal van wilde diere, natuur-elemente, steil berghange en ander struikelblokke wat die voorvaders moes trotseer om hul boerdery hier te vestig. Hoewel die eerste geslagte ’n bestaansboerdery gevoer het as vee- en koringboere, het die klem sowat 100 jaar gelede verskuif na vrugte – deesdae ’n groot inkomstebron. Boplaas besit een van die min plaaswerwe in Suid-Afrika wat in sy geheel tot ’n nasionale gedenkwaardigheid verklaar is. Dit is ook die geboorteplek van twee bekende skrywers, Boerneef en Carl Boplaas. Die oorspronklike hoof- en bakhuis, die watermeul om koring te maal, die seephuis en waenhuis is tussen 1760…

Lamvrektes het in Mei wyd in Suid-Afrika voorgekom. In die meeste gevalle was dit weens die gevaarlike bakterie Escherichia coli (E. coli) wat onder die kleinvee gemaai het, luidens die Mei-verslag van die Herkouerveterinêre Vereniging van Suid-Afrika (Ruvasa). Dr. Faffa Malan, bestuurder van Ruvasa, sê Mei was warmer as gewoonlik. Laat reën het heelwat besmetting met inwendige en uitwendige parasiete veroorsaak. E. coli is ’n algemene bakterie wat oral aangetref word en uit duisende stamme bestaan. Dit kom in diere se ingewande, water en veral kraalmis voor. Net enkele van die stamme maak die diere siek. Antibiotika laat die bakterie vrek, maar weens die verkeerde gebruik van antibiotika het die meeste stamme reeds weerstand opgebou. In sulke gevalle is dit beter om die diere in te ent om vrektes te…

PERSKES TOON GESONDE GROEI HOEWEL die intense hitte die afgelope seisoen die vruggrootte van perskes benadeel het, was die eetgehalte en houvermoë uitstekend, sê me. Mariette Kotze van Hortgro in Kaapstad. Sy sê sowat twee derdes van die oes (wat nektarien, taaipiten dessertperskes insluit) is vir die plaaslike inmaakbedryf bestem, terwyl 22% as vars vrugte bemark word en 5% uitgevoer word. Uitvoervolumes vir 2015’ 16 het 2,2 miljoen kartonhouers van 2,5 kg elk beloop. Dit is ’n toename van 11% teenoor 2014’ 15. Daar was die afgelope vyf seisoene ’n konstante groei in uitvoervolumes. Die grootste uitvoermarkte vir perskes was die MiddeOoste (41%), gevolg deur Brittanje (40%) en lande in Europa (13%). Ofskoon net 33% van die perskeboorde in die Ceresen Bergrivierstreek aangetref word, het dié twee gebiede onderskeidelik 36%…

HOEWEL trekkerverkope vir die jaar steeds swakker vertoon as verlede jaar, is daar in Mei vanjaar 20 trekkers meer verkoop as in Mei verlede jaar. Die verkope van 422 trekkers in Mei verteenwoordig dus ’n verbetering van 5%. Die 26 stropers wat vanjaar verkoop is, is aansienlik hoër as die 19 wat verlede Mei verkoop is. In die eerste vyf maande van die jaar is stroperverkope ongeveer 16% laer as verkope verlede jaar en trekkerverkope steeds 8% laer. Mnr. Wynn Dedwith, voorsitter van die SA Landboumasjinerie-assosiasie (Salma), sê boere wat ’n maand gelede nog onseker was oor die obrengste van die gewasse wat op die lande staan, kan nou met meer gemoedsrus besluite neem. Gewasse in die ooste toon veral goeie opbrengste. Dedwith sê goeie obrengste saam met die uitstekende…

GAUTENG CARLETONVILLE LEEUWPOORT (356) 43 ha, aan H.G. Theunissen en N.H. Theunissen, van M.L. de Kock, R475 000. NIGEL RIETFONTEIN (566) 155 ha, aan A.E. Meyer, van E.S. Nieuwoudt, R1 515 000. PRETORIA HAAKDOORNLAAGTE (277) 13 ha, aan J.P. Bezuidenhout en S. Bezuidenhout, van Townshend Forssman BK, R2 500 000. KWAZULU-NATAL BALLITO WESTWOOD (18530) 109 ha, aan Winchmore Farming Proprietary Limited, van N.A. Slevin, R4 830 000. PIETERMARITZBURG HILTON (12304) 24 ha, aan G.C. Kippen, van Society of the Priests of the Sacred Heart, R2 800 000. LIMPOPO DENDRON MARTON (231) 242 ha, aan P. & S. Mavhungu-familietrust, van J.S. Grobler en R.H.P. Grobler, R1 000 000. SOEKMEKAAR SEDAN (356) 290 ha, aan Hardekool-trust, van S.M. Pohl (Edms.) Bpk., R4 000 000. USUTU MR (76) 1 113 ha, aan Ian…

RUDI, MP, SKRYF: Manie, ek is ’n ongetroude man, steenmaker, 45 jaar oud, 1,54 m, 68,5 kg, met bruin hare. Die vrou wat ek verlang, moet Afrikaanssprekend wees, 25 tot 37, en nie rook nie. Sy moet hou van lekker kos en nagereg maak, uiteet, dans, musiek, reis, vliegtuie, braai, DVD’s kyk, en kuier. Sy moet ’n warm persoonlikheid hê en vriendelik en gaaf wees. Ongetroude, aantreklike vroue is welkom om van hulle te laat hoor. PENNIE, GP: 71-jarige man, afgetrede chemiese ingenieur, nog nooit getroud, 1,83 m, 104 kg, met blou oë en grys hare. Hou van fliek, rugby kyk, reis, lekker eet, TV kyk, dans, tennis en musiek. Verlang mooi vroue, 55 tot 66, wat nie oorgewig is nie, met goeie humorsin en hou van katte. BLOM, MP:…

Die wêreld draai om tegnologie en gevolglik gebeur alle groot finansiële transaksies deur die druk van ’n knoppie. Finansiëledienstemaatskappye behoort dus die beste elektroniese platforms vir kliënte beskikbaar te hê. AFGRI staan reg om op die Valboeredag oor sy eAccountsplatform te gesels en hoe dit jou onderneming kan help. Unigro, AFGRI se finansiële arm, was in 2015 een van die eerste landbouondernemings wat die eAccountsaanbod begin gebruik het. “Met eAccounts kon kliënte aanvanklik sake doen tussen hul Unigrorekeninge. Dit was maklik omdat kliënte geld tussen rekeninge kon oorplaas en ontvangers kon betaal – alles in ’n veilige aanlynomgewing,” sê mnr. Johann Barnard, hoofbedryfsbeampte by Unigro Finansiële Dienste. Johann sê hulle het verbeterings aangebring en AFGRIkliënte kan nou, vanuit ’n graanbestuursoogpunt, fakture en state sien en ontvang en gedetailleerde verslae aanvra…