Innehållsförteckning för 02-Mar-18 från Landbouweekblad

TIER TREK SWAAR Die genoteerde voedselmaatskappy Tiger Brands se omset was weens die pap ekonomie en voortgesette droogte in die Wes-Kaap op ’n jaargrondslag 5% kleiner in die vier maande tot 31 Januarie. Tog het die sterker rand, saam met laer pryse vir grondstowwe, gesorg vir ’n hoër bruto wins. Die maatskappy sê in ’n kennisgewing op die JSE-nuusdiens enige betekenisvolle verbetering in sy resultate sal afhang daarvan of die verbruikersomgewing verbeter. Die hooffokus bly kostebesparing. Die maatskappy sê tensy perke op die gebruik van boorgatwater ingestel word, sal die droogte en watertekorte in die Wes-Kaap nie sy fabrieke daar ontwrig nie. STERKMAN Mnr. Jeremy (Jannie) Michaels het op die 150ste Riversdalskou dié wolbaal van 120 kg in ’n wentyd van 14,57 sekondes oor 40 m gedra. Jeremy woon en…

HOEWEL mnr. Malusi Gigaba, Minister van Finansies, se begroting dalk genoeg gedoen het om die risiko van ’n verdere kredietafgradering af te weer, sal dié verligting waarskynlik van korte duur wees, aangesien daar geen aanduiding is van die ingrypende veranderinge in beleidsrigting wat Suid-Afrika nou nodig het nie, skryf dr. Frans Cronjé van die Instituut vir Rasseverhoudinge. Dit laat die vraag ontstaan of pres. Cyril Ramaphosa sy politieke opmars in ekonomiese hervorming kan omskep. Wat in verlede week se begroting aangebied is, maak nie naastenby ’n oortuigende saak vir ekonomiese groei uit nie. Die huidige groeiprojeksies is nie genoeg om op mediumtermyn werkskepping aan te help nie. Dit bring die risiko vir politieke onstabiliteit en stel ’n horison vir die Ramaphosa-wittebrood. Voorts is die Regering in ’n geheel en al…

ONTEIENING sonder vergoeding sal binne ’n breë en omvattende grondherverdelings- en landbou-ontwikkelingsplan ingebed moet word om te keer dat die onteiening van grond die landbou en die ekonomie op sy knieë dwing. Pres. Cyril Ramaphosa het in die repliek op sy eerste staatsrede in die Parlement verlede week meer lig begin werp op sy denke oor die ANC se omstrede besluit verlede jaar om onteiening sonder vergoeding as partybeleid te aanvaar. Hy het gesê die apartheidsregering se onteiening van grond was een van die oorspronklike bronne van verdeeldheid onder Suid-Afrikaners. “Die onteiening van grond sonder vergoeding word gesien as een van die maatreëls wat ons sal gebruik om die herverdeling van grond aan swart Suid-Afrikaners te versnel.” Maar hy het dit ook duidelik gemaak dat ’n kollektiewe besluit geneem sal…

VERTRAGINGS met die onderverdeling van grond het begunstigdes van die Witzenberg PALS-grondhervormingsprojek (Partners in Agri Land Solutions) reeds twee jaar se oeste ontsê. Die impak van die huidige droogte sou baie kleiner gewees het as permitte vir damme tydig toegestaan was. Dít is van die redes waarom dié projek se bestuur dit nou oorweeg om die Regering voor die Grondwethof te daag. Die bestuur wil betrokke staatsdepartemente op dié manier dwing om hul grondwetlike verpligtinge jeens begunstigde boere na te kom. PALS is ’n private inisiatief wat nie finansieel deur die Regering bygestaan word om grond te koop en oordragte te finansier nie. Dit het in die Witzenbergvallei rondom Ceres ontstaan, maar intussen ook na ander streke uitgebrei. Bykans 50 grondprojekte in die Wes-Kaap kon al aan die gang gewees…

 DROOGTEHULP moet vinniger by begunstigdes uitkom, sê mnr. Harry Prinsloo, voorsitter van die Nasionale Landboubemarkingsraad (NLBR) se droogtekomitee. “Almal weet wat die probleem is en almal weet waar die knelpunte is. Die doelwit is om ons prosesse meer vaartbelyn en prakties te maak sodat hulp vinniger by begunstigdes kan uitkom en dit kostedoeltreffender kan wees.” ‘Almal weet wat die probleem is en almal weet waar die knelpunte is.’ Die komitee het belanghebbendes gevra om voorstelle te maak oor hoe die beleid oor droogte- en ramphulp aangepas kan word. In dié stadium is Agri SA, die African Farmers’ Association of South Africa (Afasa), die landbousakekamer Agbiz en die Buro vir Voedsel- en Landboubeleid (BFAP) gevra om by die komitee se volgende vergadering in Maart dokumente voor te lê. ALMAL GENOOI Prinsloo,…

Amaranthus palmeri (S. Watson) is ’n eenjarige, someronkruidsoort, en een van 75 spesies in die familie Amaranthaceae wat wêreldwyd voorkom. A. palmeri (algemene name: Palmer amaranth; careless weed) is inheems aan die noordelike dele van Mexiko en die suidwestelike dele van Amerika. Oor die afgelope dekade het dit vinnig versprei na ander dele van Amerika deur die vervoer van saad en landboutoerusting, asook landboupraktyke. Weens sy uiters nadelige effek by katoen, mielies en soja word die plant in die deelstate Delaware, Minnesota en Ohio wetlik geklassifiseer as onwettige, skadelike onkruid. Soortgelyke klassifikasie word ook oorweeg in ander state. In 1995 is die plant net in twee suidelike deelstate as die skadelikste onkruid by katoen beskou. Teen 2009 was dit die skadelikste in nege suidelike deelstate by katoen en die tweede…

AGRICOLLEGES INTERNATIONAL | Eerste kursus begin Agricolleges International, die webgebaseerde studieplatform wat deur ’n groep boere van Tzaneen op die been gebring is, is gereed om sy eerste studente vir ’n kort kursus te aanvaar. Die studieplatform is spesifiek daargestel vir landbou-opleiding. Die ses weke lange kursus Bekendstelling aan Agribesigheid wat op 12 Maart beskikbaar word, sal hopelik die eerste van verskeie landbouverwante kursusse wees. Kursusse wat die kollege aanvanklik gaan aanbied, dek basiese onderwerpe, soos landboubesigheid, plantproduksie en diereproduksie. Meer gespesialiseerde kursusse sal in die toekoms op spesifieke soorte gewasse en vee klem lê. “Ons hoop om binnekort gereed te wees vir inskrywings vir ons geakkrediteerde Nasionale Sertifikaat in die Landbou (nasionale kwalifikasieraamwerk vlak 4),” sê mnr. Howard Blight, een van die stigterslede van Agricolleges International. E-LEERPLANNE Die webgebaseerde…

SUID -AFRIK A ANSE vetwoluitvoer na China het in die eerste ses maande (Julie tot Desember 2017) van die huidige wolseisoen tot ’n rekordvlak gestyg toe 1,78 miljard kg daarheen verskeep is teenoor 1,35 miljard kg in die ooreenstemmende tydperk in 2016. Dit is ’n toename van bykans 32%. Cape Wools se uitvoersyfers toon dat China (op ’n waardegrondslag bereken) nou nagenoeg 70% van die Suid-Afrikaanse skeersel invoer. Suid-Afrika se vermoë om wol te was en te kam het die afgelope paar jaar verder afgeneem. Dit beteken dat al hoe meer onverwerkte wol uitgevoer word. In 2016-’17 het die volume wol wat gewas is, met 51% gedaal vergeleke met die vorige seisoen. Daar was ook ’n afname van 6% in die vervaardiging van gekamde wol.…

Suid-Afrika het ’n besonder oop benadering ten opsigte van die handel in landbou en voedsel. Gemeet aan internasionale standaarde van regeringsteun aan die landbou maak dit die land een van die kommersiële landboulande ter wêreld wat min staatsteun kry. Terselfdertyd is Suid-Afrika ook baie blootgestel aan internasionale handel. Die in- en uitvoer van landbouprodukte na en van Suid-Afrika is sowat 60% van die bruto waarde van die land se landbouproduksie. Hierdie hoë syfer wys Suid-Afrika is baie blootgestel aan mededinging in die internasionale mark, hetsy via invoer in 2016-’17 van sowat R80 miljard of uitvoer van sowat R83 miljard. Onthou, Suid-Afrika se landbouhulpbronne vergelyk swak met dié van ander groot landbou-uitvoerlande. Suid-Afrika sal toenemend op tegnologie, vernuwing en entrepreneurskap moet staatmaak om mededingend te kan bly. Suid-Afrika se invoertariewe op…

Hoëproteïen-kanolameel kan binnekort nuwe deure vir dié gewas op die wêreldmark oopmaak, meen mnr. Chris Nowlan, bemarkingsbestuurder vir kanolaprodukte by die maatskappy Dow AgroSciences. Suid-Afrikaanse boere, wie se kanola deur die Soill-aanleg in Swellendam tot olie en meel verwerk word, kan ook baat vind. Chris skryf in ’n nuusbrief van die tydskrif Seed World kanola is ’n baie goeie oliegewas. Oesopbrengste het die afgelope tien jaar sterk gegroei sodat dit deesdae ’n hoogs winsgewende kommersiële gewas vir boere om kanolakultivars te ontwikkel wat ’n hoër proteïeninhoud en ’n laer veselinhoud het. Dié saad is nou naby aan kommersiële beskikbaarheid en die meel van hierdie kultivars behoort goed met byvoorbeeld sojameel te vergelyk. Die proteïeninhoud behoort sowat 44% te wees. Dit is soortgelyk aan dié van sojameel en sowat 37% meer…

Die aanvanklike prys wat betaal moet word om biologiese beginsels met ’n boerdery te integreer, is hoër as om nuwe chemiese middels te gebruik, sê mnr. Gottlieb Venter. Namate jy egter die proses leer ken en die dividende van die belegging in die grond jou begin loon, raak dit nie net goedkoper nie, maar ook lonender as die chemiese alternatief. Drie aspekte van die integrasie van biologiese middels is aanvanklik duur en moeilik. Finansieel. Wanneer jy dekgewasse aanplant, moet jy ’n derde van jou landerye onttrek om ’n dekgewas te vestig en in te werk. Dit beteken dat sekere landerye drie tot vier maande lank nie ’n inkomste gaan inbring nie. Anders as chemiese middels is biologiese praktyke ’n moeilike soort boerdery en aanvanklik duur. Hoe langer jy dit egter…

Kola, het jy al met ’n willevark slaags loop raak? Só vra oom Martiens terwyl hy oor sy blikbeker na die vlamme toe korrel. “Willevark, Oom?” vra ek. “Ja, man, daai balielyfvarke metie sterte wat so kiertsregop staan as hulle hardloop. Wat noem julle die goed tog?” “Vlakvarke?” “Ditsem, Kola. Verpesting se kontant-astrante wielneuste darie. Jy sal sweer hulle het notice van ou queen Victoria self gekry lat die hele veld aan hulle behoort.” “Hoe so, Oom?” vra ek. “Jong,” sê oom Martiens, “dié vertel ek jou nou. Sôre eers hier vir ’n knertsie, my beker se boom is droër as ’n boorgat in die Sinai-woestyn.” Ná die eerste slukkie geselswater knyp oom Martiens sy oë bot toe, klap sy tong behaaglik en toe skop sy gesels weer in rat.…

16% Avokado-verkope in Europa het verlede jaar met 16% toegeneem, het die Wêreld-avokado-organisasie op die onlangse Fruit Logistica in Berlyn aangekondig. Die organisasie het verlede jaar met ’n generiese handelsmerk-inisiatief in nege lande begin wat onder meer Europese kleinhandelgroepe, soos Carrefour, Lidl en Tesco, betrek. Daar is verlede jaar 463 000 ton avokado’s in Europa verkoop teenoor 400 000 ton in 2016. – Fresh Fruit Portal 25% Die waarde van die uitvoer van Suid-Afrikaanse vars produkte na Kanada het verlede jaar met 25% toegeneem tot $112 miljoen (R1,3 miljard). Volgens data van die International Trade Centre het die waarde van vars produkte uit Amerika, Kanada se grootste handelsvennoot, met 1% gedaal tot $2 miljard. Kanada voer 43% van sy vars produkte van Amerika in. Die waardevolste invoerproduk was tafeldruiwe met…

‘Ons sal altyd probeer om te doen wat in die beste belang van ons mense is.’ PRES. CYRIL RAMAPHOSA oor die ANC-planne vir onteiening sonder vergoeding. Bl. 16 ‘Hierdie eiendomsregte ondersteun die hele ekonomie, soos jy weet uit jou eie suksesvolle sakeloopbaan.’ MNR. MMUSI MAIMANE, opposisieleier, oor Ramaphosa en die ANC se planne vir die onteiening van grond sonder vergoeding. Bl. 16 ‘Ons behoort die spoor te kan volg van hoe R200 miljoen op die Vrede-suiwelprojek bestee is,” MNR. WESSEL LEMMER, ekonoom by Absa-Agribesigheid, oor die gebrek aan deursigtigheid oor staatsbesteding. Bl. 14 ‘Ná die verhoging in die minimum loon later vanjaar gaan dit baie moeilik wees om koste af te bestuur.’ MNR. ANDRIES VAN ZYL, senior landbou-ekonoom by VinPro, oor die probleme wat winsgewendheid van dié bedryf bedreig. Bl.…

1. MNRE. EBBI FISCHER en 2. MECKI SCHNEIDER het Afrika se eerste outomatiese toetsstasie wat voeromsettingsdoeltreffendheid meet, op Ebbi se plaas by Hochfeld in Namibië geïnstalleer. Hulle meen dit is die volgende revolusie in veeteling. Lees die artikel op bl. 36. EBBI: VERTEL ONS VAN JOU GESIN. Ek en my vrou, Heide, het drie kinders — Helge, Gesche en Arne — wat saam ’n familieingenieursmaatskappy in Windhoek besit. WAT IS DIE LEKKERSTE DEEL VAN BOERDERY? Om die beeste te sien as hulle rustig in die veld lê en herkou sonder dat hulle oor genoeg voer stres. WAAR HOU JULLE VAKANSIE? Ons het nie ’n spesifieke gunsteling-vakansieplek nie, maar reis af en toe oorsee en gaan op kampeertoere na ander Afrika-lande. HET JY ’N STOKPERDJIE? Ek het nie juis ’n stokperdjie…

DIE wynbedryf is ontevrede met die groot verhoging in aksyns wat in die begrotingsrede aangekondig is. Die verhoging van 8,5% vir wyn en brandewyn (vonkelwyn ingesluit) en 6% vir gefortifiseerde wyn is meer as inflasie. “Dis werklik teleurstellend, juis teen die agtergrond dat die bedryf die belastingteikens, soos ooreengekom in 2014, in die afgelope jaar al bereik en selfs oorskry het,” sê mnr. Rico Basson, besturende direkteur van Vinpro. Die wyn- en brandewynbedryf lewer ’n bydrae van sowat R36,1 miljard tot Suid-Afrika se se bruto binnelandse produk. Basson vra die Regering om die bedryf se strategiese plan te steun wat verbeterde marktoegang, infrastruktuurbelegging en navorsing betref. “Dít, asook finansiële steun vir transformasie, die ontwikkeling van dam- en kanaalinfrastruktuur én die uitskakel van rompslomp ten opsigte van prosesse in dié verband,…

MNR. MMUSI MAIMANE, leier van die DA, het in sy repliek op Ramaphosa se staatsrede gesê dit verg moedige leierskap om druk van jou party te weerstaan om regte in die Grondwet, soos eiendomsreg, ongedaan te maak. “Hierdie eiendomsregte ondersteun die hele ekonomie, soos jy weet uit jou eie suksesvolle sakeloopbaan.” Maimane het gesê hoewel die gevolge van die onteiening van grond ingevolge die Wet op Naturelle-grondbesit van 1913 aangepak moet word, moet dit gedoen word op ’n manier wat die reg respekteer en die regte van huidige en toekomstige grondeienaars beskerm. So behoort opkomende swart boere ware grondeienaarskap te kry en nie net permanente huurders op staatsgrond wees nie. Boere kan ook nie in onsekerheid gehou word of hul grond sonder vergoeding onteien gaan word nie. MNR. JULIUS MALEMA,…

GRAAN SA samel geld in met die oog op hofsake wat kan volg as die staat wel voortgaan met sy planne om plase sonder onteiening by boere af te vat, het mnr. Anton Botha, hoofbestuurslid van Graan SA, op ’n streekvergadering van die organisasie op Nampopark, Bothaville, gesê. Hy sê Graan SA se posisie is dat onteiening sonder vergoeding nié toegelaat kan word nie en ook nie teen vergoeding vir minder as die grond se markwaarde nie. “Graan SA het geld vir hofsake gebêre nadat ons ná die vorige goeie mielie-oes baie heffingsgeld ingesamel het. Ons gaan ook voort om nóg geld vir die moontlike, onvermydelike hofsake te spaar. Agri SA is ook besig met ’n veldtog om geld te bekom, moontlik by wyse van vrywillige bydraes per lid van…

DIE vrugtebedryf was slaggereed vir die verskyning van die uitheemse indringervrugtevlieg Bactrocera invadens in die Wes-Kaap. Verskeie pogings is aan die gang om te keer dat dié verwoestende plaag homself in die provinsie vestig. ’n Enkele manlike indringervrugtevlieg is op 31 Januarie by Grabouw in ’n lokval gevind. Kort daarna, op 6 Februarie, is ’n vroulike indringervrugtevlieg in dieselfde lokval gevind. Albei se identiteit is deur polimerase-kettingreaksie (PCR) bevestig. ’n Derde indringervrugtevlieg is op 14 Februarie sowat 6 km van die eerste opsporingspunt in ’n lokval gevind. Vrugtehandel in die provinsie word tans nie geraak nie. Mnr. Hugh Campbell, hoofbestuurder van Hortgro Science, sê hul gewasbeskermingsprogram het sedert 2005 navorsing gedoen om voorbereid te wees op die moontlike voorkoms van dié vrugtevlieg in die Wes-Kaap. B. invadens, wat groot skade…

HOEWEL wolpryse sedert die rekordvlakke van Desember ietwat teruggesak het, is pryse steeds aanmerklik hoër as verlede seisoen. Cape Wools se Merino-aanwyser het op die veiling van 16 Februarie op R184,96/kg (skoonwol) gesluit, wat 17% hoër is as op die ooreenstemmende veiling verlede seisoen ( GRAFIEK 1 ). Die Australiese aanwyser beweeg ook naby sy hoogste vlak in jare en is 26% hoër as in die ooreenstemmende tyd verlede seisoen ( GRAFIEK 2 ). Markontleders sê pryse word tans aangedryf deur die laer wolaanbod. En hoewel verwerkers oor die huidige prysvlakke kla omdat dit heelwat hoër is as toe hulle verlede jaar vir hul reekse begroot het, is hulle verplig om die huidige pryse te betaal sodat hulle in produksie kan bly gegewe die lae voorraadvlakke in die tekstielketting. Hoewel…

Rosyne se bydrae tot die jaarlikse omset van die Suid-Afrikaanse sagtevrugtebedryf het in 2016 byna 9% of R1,22 miljard beloop. Die totale omset van die sagtevrugtebedryf, wat kernvrugte, steenvrugte, kersies en droëvrugte insluit, het in 2016 R13,63 miljard beloop. Die uitvoer van rosyne maak 44% van die totale sagtevrugteuitvoer uit. Ongeveer 85% van Suid-Afrika se rosyne word na die Europese Unie, Rusland en Noord-Amerika uitgevoer. Die rosyntjieseisoen eindig teen einde April. Produsente berg normaalweg nie hul rosyne tot later as einde April op nie, terwyl uitvoerders rosyne opberg en op ’n maandelikse grondslag deur die jaar uitvoer. Kopers bied pryse vir rosyne aan, maar die prysaanbod kan deur die loop van die leweringseisoen verander. Die 2018-seisoen se laer produksie van rosyne kan, anders as wat algemeen aanvaar word, nie aan…

Bonsmara SA hou op 14 Maart sy Rooi Ras-geleentheid en nasionale vroulikedier-veiling in die Afridome op Parys. Mnr. Louis Steyl, rasadviseur van Bonsmara SA, sê dié dag is die ideale geleentheid waar boere na van die beste kenners in die beesbedryf kan luister. Mnr. Jan de Jong, senior interrasbeoordelaar en senior karkasbeoordelaar, praat onder meer oor moderne neigings in beesteling. Die genootskap se nasionale veiling van vroulike diere word ná dié Rooi Ras-geleentheid aangebied. “Dit is ’n geleentheid vir alle kommersiële en stoetboere om top- vroulike diere in alle produksiestadiums te bekom. Meer as 50 vroulike diere van 23 telers word aangebied. Dit is veral ’n geleentheid vir nuwe toetreders tot die mark om teelmateriaal uit talle topkuddes op een plek te kan koop,” sê Louis. Dié Rooi Ras-geleentheid, wat…

Mnr. Gottlieb Venter verduidelik hoe hy te werk gegaan het om ’n 90%-uitpaksyfer te behaal in grond wat slegs ’n paar jaar gelede vrot van die aalwurms was en slegs ’n 60%-uitpakpersentasie kon oplewer. Grondvoorbereiding. ’n Dekgewas bestaande uit bladramnas, voersorghum en hawer of ’n kombinasie van akkerbone of mielies en rape word fyn gekerf en vlak ingeploeg. Die stappe moet so gou moontlik ná mekaar plaasvind om soveel moontlik plantensieme te behou. Hoe vinniger die inwerkaksie plaasvind, hoe korter is die stikstof-negatiewe periode en hoe groter is die koolstoftoename in grond. Die kalkregstellings word altyd 4% hoër as die ideale basisversadiging van kalsium (Ca) aanbeveel en toegedien. Met die kalktoediening dien Gottlieb 20 liter Mos Woema en 25 kg humate per hektaar toe. Dit word ingewerk en dan natgemaak…

PLAAGBEHEER BIOLOGIESE OPLOSSINGS VIR TUINIERS, BOERE Livingseeds, ’n saadmaatskappy met sy hoofkantoor in Henley-on-Klip in die Vaaldriehoek, verkoop benewens erfenisgroente nou ook goggas wat as natuurlike vyande teen siektes en plae ingespan kan word. Dié nuwe produkte, die resultaat van ’n vennootskap met die maatskappy BioBee, is geskik vir tuiniers en kleinboere. BioBee bedien onder meer vrugte- en groenteboere met oplossings vir biologiese bekamping as deel van ’n geïntegreerde plaagbestrydingsprogram. Vroeër het dit vir huistuiniers en kleinboere, wat nie soos groot kommersiële boere honderde houers van een inseksoort wil bestel nie, nie ekonomies sin gemaak om hierdie insekte aan te skaf nie. Nou kan BioBee en Livingseeds met hul gesamentlike koopkrag dit teen bekostigbare pryse in klein hoeveelhede verskaf, volgens die maatskappy. Bestellings word tot die laaste Maandag van elke…

Benodigdhede 2 blokke vilt (sowat 20 cm x 20 cm) Naaimasjien of naald en garing Liniaalenmateriaalmerker Gomgeweer en gomstokkies Skêr en lint BEPLAN EERS ■ Gebruik die liniaal en materiaalmerker om lyne — 14 cm lank en 2 cm uit mekaar — op die een stuk vilt te trek. MAAK VAS ■ Draai die gemerkte stuk vilt om en stik of plak die lint horisontaal in die middel van die blok. REGUIT STIK ■ Plaas die eerste blok vilt op die ander een. Die kante moet mooi opmekaar pas, met die merke na bo. ■ Stik nou die ondersy en kantsye tot by die middel of die 14 cm-gidslyn sodat die twee lae vilt aanmekaar is. IN ’N RY ■ Stik deur albei lae vilt op die merkerlyne, maar…

Die storie dat sandoorkruipers (Labidura riparia) by jou oor inkruip, na die brein beweeg en daar sy eiertjies lê, het al in antieke tye ontstaan. Die larwes sou dan aan die brein vreet – hoe grusaam! Die diertjies is toe gevang, gedroog en verpoeier om oorpyn en doofheid te behandel. Vandag weet ons gelukkig van beter. Hierdie insek is nie gevaarlik nie. Dit kan nie eens behoorlik byt nie, dit lewe van verrottende plantmateriaal en vang so af en toe ’n klein insekkie. Oorkruipers hou besonder baie van moteiers, miere, hul eiers en larwes en is dus nuttig om die huis rond. Die klein kalant, skaars 3 cm lank, sien kans om ’n besem af te weer. GROOT HOUDING Toegegee, dit lyk nogal gevaarlik. As die diertjie bedreig word, neem…

Mnr. Jannie Neuhoff van die Neuhoff-boerdery in Delmas, Mpumalanga, het in November 1 500 bale oulandsgras ter waarde van sowat R500 000 aan boere in die droogtegeteisterde Wes-Kaap geskenk. ’n Konvooi van 30 vragmotors het die voer op Beaufort-Wes se skouterrein afgelaai waar boere dit kom haal het.…

Goeie produksietoestande en ’n bestendige worteloes wat deurlopend plaaslik beskikbaar is, hou die produsenteprys onder druk, sê mnr. Gert Janse van Rensburg, groenteboer van Brits in Noordwes. Mnr. Rudi Engelke, groenteboer van die Kaapse Vlakte, meen die droogte het ’n uitwerking op die wortelboere in die Kaapse Skiereiland. “Ons het nie genoeg water gehad om die wortels behoorlik deur die hitte van Desember en Januarie te kry nie. Die gehalte is derhawe geknou. Die meeste boere van hier gaan nie veel water vir produksie beskikbaar hê teen einde Maart nie.” Mnr. Rossouw Cillié, groenteboer van Ceres en die Sandveld, sê die tekort aan water in die Kaap behoort nie te veel van ’n invloed op die beskikbare volume en die produsenteprys van geelwortels te hê nie. “Die produksietoestande en waterbeskikbaarheid…

Die bedanking van mnr. Jacob Zuma en die verkiesing van mnr. Cyril Ramaphosa tot nuwe President van Suid-Afrika behoort te lei tot ’n aansienlike meevaller vir motoriste. Mnr. Dawie Maree, hoof van landbou-inligting en bemarking by FNB, sê op 16 Februarie was daar ’n oorverhaling van ongeveer 44c/liter vir diesel en 32-35c/liter op petrol. “Die verstewiging in die plaaslike wisselkoers ná die politieke ontwikkelinge het ’n groot rol gespeel in hierdie oorverhaling. Daarmee saam het die internasionale prys van Brent-ruolie verlaag, wat verdere goeie nuus vir plaaslike brandstofpryse is.” Dit sal die derde opeenvolgende verlaging in brandstofpryse wees. In Januarie het petrolpryse met 29-34c/liter gedaal, terwyl die dieselprys terselfdertyd met 22-26c/ liter gedaal het. In Februarie was die daling 26c/liter vir petrol en vir diesel 30-32c/liter. Maree sê ongelukkig is…

BOSVELDERS RAS EERSTE KEER ONDER HAMER Die eerste veiling van Bosvelderskape het groot belangstelling uitgelok. Me. Rudette Nel, voorsitter van die Limpopo-Pedi-en-Bosvelder-studiegroep, sê die paviljoen by die Bela-Bela-kleinveesentrum waar die veiling op 3 Februarie gehou is, was volgepak. Die veiling is saam met die studiegroep se jaarlikse Pedi-skaapveiling gehou, wat soos vorige jare deur Vleissentraal Bosveld aangebied is. Die Bosvelder is’n veredelde Pedi-skaap. Nel sê kopers het van so ver as die Noord-Kaap en KwaZulu-Natal gekom en daar was ook heelwat nuwe kopers. Die hoogste prys wat vir ’n Bosvelder behaal is, was R16 500 vir die Bosvelderram Boesman van mnr. Theo Hoffman van Loskopdam. Die gemiddelde prys vir Bosvelderramme was R10 705 stuk en vir Bosvelderooie R4 066 stuk. Een van Nel se dragtige Bosvelderooie het die hoogste prys…

TYD VIR MOED SKEP? Elke jaar wil ’n mens in die begrotingsrede meer van die landbou hoor. Vanjaar is dit darem as ’n kernbedryf in die Suid-Afrikaanse ekonomie erken, asof iemand uiteindelik die volle waarde van ons landboubedryf besef het. Miskien was dit die landbou se hulp verlede jaar om die land uit ’n resessie te kry of die felheid van een van die ergste droogtes nóg op sekere plekke. Êrens het die besef ingesink dat ons landbou een van die min goed is wat werklik in Suid-Afrika werk en van wêreldgehalte is. Dalk het dit iets te doen met ons eerste boerepresident in dekades. Die verleiding om te swig voor pres. Cyril Ramaphosa se sjarme van vroegoggend stappies in Kaapstad en gewone mense se selfies saam met hom, is…

KOMMENTAAR OP STAATSREDE Talle lesers het op ons Facebookblad kommentaar gelewer nadat die nuutverkose President, mnr. Cyril Ramaphosa, op 16 Februarie sy eerste staatsrede gelewer het. Hy het onder meer die belangrikheid van die landbousektor beklemtoon en gesê hy is ernstig daaroor om grondhervorming te laat werk, insluitend deur onteiening sonder vergoeding. ELIZE JANSEN VAN RENSBURG skryf: Die President is ’n sakeman. Ek dink nie hy sal toelaat dat ’n produktiewe plaas wat ’n bydrae tot die land se ekonomie lewer, net gevat word nie. Daar sal na plase gekyk word wat onproduktief lê en nie bewerk word nie en wat van een geslag na die volgende oorgedra word. MAGDA MYBURGH skryf: Mense loop steeds met oogklappe rond. Niks gaan beter word nie. ETIENNE ADALBERT ERNST skryf: Vuisslaanreaksies is niks…

DIE Regering se hoë verwagtinge dat die landbou sal voortgaan om ekonomiese groei te ontsluit, het opnuut in mnr. Malusi Gigaba, Minister van Finansies, se 2018-begroting deurgeskemer. Bedryfskenners is egter nie oortuig dat die geld wat daaraan toegewys is, voldoende is nie (sien die berig hier onder). Die begroting van die Departement van Landbou, Bosbou en Visserye is vir die boekjaar 2018-’19 net meer as R7 miljard. Gigaba het aangekondig dat om die toegang van Suid-Afrikaanse landbouprodukte tot die wêreldwye mark te versterk, die departement ’n bykomende R40 miljoen op die mediumtermyn begroot het om infrastruktuur op te gradeer en om laboratoriums (by die Landbounavorsingsraad) toe te rus. “Dit sal die vertroue aan sy wêreldhandelsvennote gee dat Suid-Afrikaanse landbouprodukte voldoen aan internasionaal erkende standaarde vir menslike veiligheid, wat ons vermoë…

DIE Departement van Landelike Ontwikkeling en Grondhervorming gaan meer as R331 miljoen van sy restitusiebegroting aan konsultante bestee om uitstaande restitusie-eise vinniger af te handel. Mnr. Malusi Gigaba, Minister van Finansies, het in sy begrotingsrede aangedui dat restitusie steeds ’n groot voorrangsaak vir die Regering is en dat die betrokke departement groter aandag daaraan wil gee. Die departement se begroting vir die boekjaar 2018-’19 is R10,4 miljard en vir die daaropvolgende twee jare onderskeidelik R11 miljard en R11,7 miljard. Die departement wil in die mediumtermyn-bestedingsraamwerk (MTBR) sy navorsingsproses vaartbelyn maak deur konsultante aan te stel om die uitstaande 2 851 eise en eisers te verifieer en grondwaarderings te doen. In die MTBR is R10,8 miljard (32,3% van die departement se totale begroting vir die drie boekjare) begroot om eise af…

TE midde van ’n knellende droogte en die ernstige verval van waterinfrastruktuur het die Tesourie R126 miljard in die mediumtermyn-bestedingsraamwerk (die volgende vyf jaar) bewillig vir die opgradering en instandhouding van waterinfrastruktuur en be-leggings in waterdienste. Daarvan gaan altesaam R91,6 miljard vir waterinfrastruktuur gebruik word en R34 miljard vir waterdienste, grootliks via munisipale toelae. Skaars ’n week nadat die droogte in die Wes-Kaap, die Oos-Kaap (waaronder die Nelson Mandelabaai-metro) en die Noord-Kaap tot ’n nasionale ramp verklaar is, het mnr. Malusi Gigaba, Minister van Finansies, soos pres. Cyril Ramaphosa, in sy begrotingsrede ’n beroep gedoen op Suid-Afrikaners om water te bespaar. “Suid-Afrika is ’n waterskaars land en daar is ’n groot vraag na water- en sanitasiedienste om in die behoefte van die ekonomie en die groeiende bevolking te voorsien. “Daarom…

KENNERS wag op bevestiging dat Amerika se verwoestendste onkruidsoort by katoen, mielies en sojabone op 9 Februarie in katoenlande in die distrik Douglas opgespoor is. Die gevreesde Amaranthus palmeri is voorlopig op sy voorkoms geïdentifiseer. Monsters van die plantmateriaal is vir DNS-ontleding gestuur na die Suid-Afrikaanse Onkruiddoderweerstandinisiatief (SAHRI) by die Universiteit van Pretoria. Die uitslag word binne ongeveer ’n maand verwag. “Hierdie plant het die natuurlike vermoë om ’n ernstige – dalk dié skadelikste – onkruid in alle dele van Suid-Afrika se somerreëngebied te word,” sê dr. Charlie Reinhardt, projekleier by die SAHRI, dekaan van die Villa Academy en ’n buitengewone professor in onkruidwetenskap aan die universiteite van Pretoria en Stellenbosch. “Dit het groot ontwrigting van landboupraktyke in Amerika meegebring weens die vinnige verspreiding daarvan oor groot dele van daardie…

1 MALAWI| Kommer oor staat se mieliehandelaar Die nie-regeringsorganisasie Centre for Social Concern doen ’n beroep op die Malawiese regering om volle beheer van die mieliemark oor te neem. Die groep sê hy is bekommerd oor die uitwerking van spekulasie op mieliemarkte te midde van klimaatsverandering en kortsigtige beplanning daarvoor. Die groep stel voor dat die regering verseker daar is genoeg mieliereserwes vir drie tot vyf jaar voordat mielie-uitvoer hervat word. Verder wil die groep hê die regering moet realistiese minimum pryse vir kleinboere vasstel en seker maak dié pryse word gehandhaaf, ten einde die boere se volhoubaarheid te verseker. Hulle vra ook dat ander soorte gewasse met groter winsmarges, soos peulgewasse, vir uitvoer geoormerk word. — Maravi Post 2 ZIMBABWE | Nuwe plan om grond uit te deel Die…

KUNSMIS | Waarskuwing aan ‘oneerlike’ kunsmismaatskappye Kunsmismaatskappye wat voortgaan om produkte te verkoop wat nie aan die standaarde vir gehalte voldoen nie, se name sal bekend gemaak word, het mnr. Luan van der Walt, landbouekonoom van Graan SA (GSA), op ’n streekvergadering van dié organisasie op Bothaville gesê. Om seker te maak die produkte wat boere koop, voldoen aan die nodige vereistes, monitor die GSA saam met die Departement van Landbou, Bosbou en Visserye, die Misstofvereniging van Suider-Afrika (Fertasa) en die Sasol-landboutrust onder meer kunsmis. In die jongste tyd is 134 monsters van 24 maatskappye getoets (37 in die winterreënstreek en 97 in die somersaaigebied), waarvan 26 monsters (19%) ’n tekort aan ’n element of ’n mikro-element gehad het. Een van die nege kalkbronne wat gemonitor is, het ook nie…

VENESIË se gondeliers gaan vir die eerste keer in dekades weer wol dra nadat die Australiese bemarkingsliggaam Australian Wool Innovation (AWI), die Wolmerk-maatskappy (TWC) en Emilio Ceccato, die amptelike klereverskaffer van die gondeliersvereniging, saamgewerk het om nuwe woluitrustings aan die gondeliers te voorsien. Gondels word reeds sedert 1 200 v.C. gebruik om mense deur die kanale van dié beroemde Italiaanse stad te vervoer en is vandag een van die grootste toeriste-aantreklikhede. Daar is 433 geregistreerde gondeliers. Die kwota vir gondelierslisensies is vasgepen en lisensies kan net van pa na seun of dogter oorgedra word. Die lisensie kan slegs verkoop word as daar geen nasaat is nie. Die plan om die gondeliers te gebruik om wol te bevorder, het twee jaar gelede ontstaan toe mnr. Stuart McCullough, uitvoerende hoof van die…

Boere wat buite gemeenskap van goedere en met toepassing van die aanwasbedeling getroud is, moet bewus wees van die potensiële slaggate en gevolge van aanwas-eise. Die Wet op Huweliksgoedere (Wet 88 van 1984) bepaal dat die aanwasbedeling outomaties van toepassing is op alle huwelike wat buite gemeenskap van goedere aangegaan is ná 1 November 1984, tensy die aanwasbedeling uitdruklik uitgesluit is in die huweliksvoorwaardes. AGTERGROND By die ontbinding van ’n huwelik onderworpe aan die aanwasbedeling, hetsy weens egskeiding of dood, verkry die gade wie se boedel die kleinste aanwas/groei toon ’n vordering teen die ander gade of sy/haar boedel, vir ’n bedrag gelyk aan die helfte van die verskil tussen die aanwas/groei van die gades se onderskeie boedels. ’n Erflating of skenking wat ’n gade tydens die bestaan van sy…

PROF. NORMAN MAIWASHE, hoof van die Landbounavorsingsraad se Instituut vir Diereproduksie by Irene, sê: Beskikbare grond vir beesboerdery neem af en die vraag na voedsel styg. Die oplossing is groter produksie per eenheid van die hulpbronne (meer kilogram beesvleis per hektaar) en ’n kleiner impak op die omgewing per kilogram beesvleis geproduseer (minder voer per kilogram beesvleis geproduseer). Sommige beeste is goeie vleisproduserende, biologiese fabrieke, maar ander is nie. Die verskil tussen goeie en swak voerdoeltreffendheid is nie net fenotipies nie, maar ook geneties (die genetiese samestelling van die dier). Doeltreffende beeste kan aan die hand van hul netto voerinname (NVI) gemeet word, wat ook residuele voerinname (RVI) genoem word. Voerinname kan verminder word sonder om ’n bees se grootte en groei te benadeel. Dié eienskap is oorerflik. Seleksie kan…

Die voortbestaan van die Suid-Afrikaanse bevolking is in vele opsigte afhanklik van die voortgesette optimale funksionering van die grondekostelsel. As sodanig impliseer gesonde grond inderdaad ’n gesonde lewe vir die mensdom. Die bedreigings vir grondbiodiversiteit is veelvuldig. Afsonderlik of gesamentlik verminder hierdie bedreigings grondbiodiversiteit en daardeur ekostelseldienste. Landskapaftakeling en verwoestyning ontstaan as gevolg van ’n kombinasie van prosesse wat deur die mens aan die gang gesit word. Onverantwoordelike mensgedrewe grondgebruik lei tot ’n afname in die waarde van die biofisiese omgewing en ’n verlies aan bogrondse en ondergrondse biologiese diversiteit. Uitheemse indringerspesies is een van die belangrikste redes vir biodiversiteitverlies. Hul teenwoordigheid ontstaan as gevolg van die swak toepassing van kwarantynmaatrëels by toegangspunte (seehawens en lughawens) tot ’n land en hul uiteenlopende nadelige impakte het langdurige ekologiese en ekonomiese implikasies.…

Deur biologiese middels teen aalwurms en ander siekteveroorsakende grondorganismes in te span, kon mnr. Gottlieb Venter, groenteboer en -uitvoerder van Bothaville, ’n uitpaksyfer van 90% vir sy wortelboerdery behaal én ’n uitvoerkontrak verseker. Gottlieb, ’n mikrobioloog wat sy pa se mielieplaas, Doornhoek, geërf het, het geen moeite ontsien om van die vyfjaarproses om van ’n chemiese boerdery na ’n biologiese boerdery om te skakel, ’n sukses te maak nie. Hy het besluit om met groente te boer om winsgewendheid te verseker. “Ons het ’n paar jaar gelede die groente-uitvoerder Yukon International as vennoot gekry om uitvoerkontrakte vir babawortels, preie en vinkel te verseker. Yukon beloof sy kliënte vars, gesonde groente en verbied die gebruik van chemiese middels.” Dit het Gottlieb met geen keuse gelaat as om alternatiewe te soek vir…

DIEREVOEDING HANNES DREYER BOERBOKKE, BEESTE EN WEIDING Watter mate van mededinging om weiding is daar tussen Boerbokke en beeste? Ons omgewing het baie struike en bome. Hoe kwesbaar is Boerbokke, veral lammers, vir jakkalse? Is dit nodig om hul snags op kraal te hou? Die Boerbok is ’n blaar(struik)-en-grasvreter, terwyl die bees hoofsaaklik ’n grasvreter is. Die Boerboek se dieet sal waarskynlik bestaan uit die helfte blare en die helfte gras. Dit is dus so dat daar mededinging tussen bokke en beeste kan ontstaan, maar algemeen gesproke vul die twee mekaar goed aan. Mededinging sal net werklik ’n rol speel in droogtetoestande, dit wil sê wanneer voer skaars begin word. Die bok is, soos die skaap, in staat om veld baie korter te bewei as beeste. Wanneer daar ’n tekort…

Klapper-enkarringmelkbeskuit Karringmelkbeskuit is altyd gewild, maar vir my is dit dubbeld so lekker as daar klapper bykom. Die geur wat jou huis vul terwyl die beskuit bak en uitdroog, sal maak dat jy dit elke week wil bak. 1kgbruismeel 5 ml sout 310 ml suiker 625 ml klapper 500 g botter, gesmelt 500 ml karringmelk 2 groot eiers 10 ml vanieljegeursel Voorverhit die oond tot 180 °C en smeer ’n oondpan of twee met olie of botter en voer uit met bakpapier. Smeer weer. Meng die droë bestanddele in ’n mengbak. Klits die botter, karringmelk, eiers en vanieljegeursel saam. Voeg die bottermengsel by die droë bestanddele en meng goed. Skep die beslag in pan(ne). Bak vir 50-55 minute tot gaar. Keer die beskuit ná 10 minute uit op ’n…

Lente is vir my die opwindendste tyd van die jaar wanneer die lande vir aanplantings vir die nuwe seisoen voorberei word. Lente beteken nuwe lewe en geleenthede en is ’n nuwe begin. Die Here Jesus vertel vir ons ’n storie (gelykenis) in Lukas 8:5 van ’n saaier wat uitgegaan het om die saad te saai, wat my en jou verteenwoordig. Sommige van die sade het eenkant geval en die voëls het dit opgepik. ’n Deel het op die klippe beland waar dit ontkiem en gou verwelk het omdat die son warm was en die vog min. Nog ’n deel het tussen die dorings (onkruide) geval waar dit opgekom en deur die onkruide verdring is. Sommige sade het in die goeie grond beland waar dit opgekom en honderdvoudig geproduseer het. Ek…

Hy is nog optimisties oor Suid-Afrika se papajabedryf mits daar uitvoergeleenthede geskep word vir puik vrugte en veral as daar protokolle ontwikkel word om dit per skeepsvrag te vervoer, sê mnr. Willem Schmidt, besturende direkteur van Neofresh by Malelane. Neofresh is een van Suid-Afrika se grootste kwekers van papajas. Volgens Schmidt is kultivarontwikkeling van deurslaggewende belang. “Ons het ’n klomp geld bestee om kultivars van hoë gehalte te ontwikkel en aan supermarkte te lewer. Daar is nog ’n mark en ’n premie op papajas van hoë gehalte, wat vinnig afgekoel, reg rypgemaak en waarvan die raklewe gewaarborg kan word.” Hy sê ander vrugte word aan die munisipale mark voorsien en daar is die vraag baie keer onder druk. “Pryse kan wissel van R4 000 tot R8 000 per ton. As…

Die volgende ontleding van grondverkope in Suid-Afrika is van transaksies vir grond van meer as 10 ha in die Wes-Kaap van Desember 2016 tot November 2017. Altesame 636 ooreenkomste is in 27 distrikte gesluit, wat 306 099 ha teen R5,061 miljard behels het. In 11 (40,7%) van die distrikte word dalende prysneigings waargeneem, hoofsaaklik in die Bo-land en die Karoo. Daar was 45 transaksies van kleur – 7% van die totaal. Dié soort transaksies sluit in verhandelings tussen individue (31), regeringsaankope van landbougrond (3) en grond wat vir stedelike ontwikkeling verkry is (2). Dié proses het 16 758 ha (5,5% van die totaal) teen R351 miljoen (7% van die totale waarde) behels. Uit die totaal was 218 (34%) transaksies vir grond van minder as 50 ha en 192 (30%) vir…

Landbou-organisasies, boereverenigings, ens., is welkom om die datums van hul byeenkomste aan ons te stuur vir publikasie in Landboukalender. Die besonderhede moet gestuur word aan lbw@landbou.com BOEREDAE 2-3 MAART: Clocolan-plaaskultuurfees. Johann Dreyer. E-pos: ojtdreyer@gmail.com 15 MAART: Ficksburg-landbouvereniging. Pesisieboerdery en proewe, boeredag. Hammonia. Tema: Die nuutste ontwikkeling in grondbiologie en grondvrugbaarheid in gewasverbouing. Theunis Pretorius. E-pos: theunis@mfoundation.co.za; sel 083 451 0613. 17 MAART: Onderstepoortboeredag. Lizemari de Klerk.E-pos: lizemari.ter@gmail.com; sel 072 380 0846. 22 MAART: Grondgesondheidsdag: Laat die natuur vir jou geld maak. Morgensrust, Joostenbergvlakte. Hoofspreker: Jay Fuhrer. Weiding: Johan Zietsman. Bewaringsboer: Lourens van Eeden. ZZ2: Hendrik Pohl. Bewaringslandbou: Dr. Johann Strauss. E-pos: DRick etts@Landbou.com; tel. 021 406 2385. EKSPO’S EN ANDER 1 MAART: Agbiz-inligtingsessie. Leriba Lodge, Clubview, Centurion. E-pos: natalie@agbiz.co.za; tel. 012 807 6686 . 2-11 MAART: Agri-Expo se landboureeks: Proe…