Innehållsförteckning för 29-Jun-18 från Landbouweekblad

MA SE MOOISTE Dié Brahmankalfie en sy ma loop in die Brahmankudde van mnr. Ting Braithwaite van Bergville in KwaZulu-Natal. Braithwaite neem deel aan die Brahman-beestelersgenootskap se vleisbeesgenomikaprojek, wat drie jaar gelede begin is. Prestasietoetsing is al baie jare lank vir dié familie belangrik. Braithwaite het grootgeword met Brahmane. Sy oupa het een van die eerste Brahmankruisbeeste gekoop toe die ras in Suid-Afrika beskikbaar geword het. Een van die eienskappe wat hy veral hoog op prys stel, is die Brahmankoeie se moedereienskappe, wat duidelik te sien was uit dié koei se agterdog toe Landbouweekblad se joernalis nader staan om dié foto’s te neem. TOT SIENS, CHARLOTTE Dr. Charlotte Nkuna het as waarnemende uitvoerende hoof van die Suid-Afrikaanse Pluimveevereniging (SAPV) bedank om haar by Sanparke aan te sluit. Sy was voorheen…

DIE Gautengse provinsiale regering gaan nie wag totdat die Parlement se grondwetlike hersieningskomitee klaar is met sy ondersoek na ’n moontlike wysiging van artikel 25 van die Grondwet voordat hy begin om grondbesitpatrone in die provinsie aan te pak nie, het mnr. Jacob Mamabolo, Gautengse LUR vir infrastruktuurontwikkeling, verlede week in die provinsiale wetgewer gesê. Hy sê die provinsie sal grond in privaat- en staatsbesit oorweeg vir onteiening sonder vergoeding as deel van grondhervorming in die openbare belang. Mamabolo het aan Business Day gesê die Gautengse regering sal grond in private besit onteien om in die openbare vraag te voorsien. Dit sluit in eiendom, grond en geboue. Openbare belang kan byvoorbeeld wees vir infrastruktuurontwikkeling. Mamabolo is ’n lid van die taakspan wat mnr. David Makhura, Gautengse premier, in Mei aangestel…

ARTIKELS & RUBRIEKE ■ Randy Dowdy: Meet alles, beproef alles en stroop die resultate ■ Boereplan: Deeltydse boer se lekbak hou lek droog ■ Vyfjaarplan om dekgewasse in te sluit ■ Noord-Kaap-kelder wil munt slaan uit goeie rosyntjiemark ■ Europese wyne uit die Klein-Karoo SPESIAAL ■ Landbou in die Oos-Kaap GESIN ■ Droëvrugte in die kospotte GEWASVERBOUING Jou plaas is soos ’n minilaboratorium. Die wêreldrekordhouer vir sojaopbrengs, mnr. Randy Dowdy van Amerika, kon op sy Suid-Afrikaanse besoek die belangrikheid van grondbalans, plantdatum en deurlopende monsterontledings nie genoeg beklemtoon nie. Dit is al hoe jy begryp wat in jou lande gebeur en jou risiko’s kan bestuur.…

Sowat 300 betogers het onlangs Riebeek Cellars op Riebeek-Kasteel geplunder tydens onwettige betogings op die dorp. Mnr. André Engelbrecht, hoofuitvoerende beampte van die kelder, sê die kelder, die poskantoor, die munisipale kantoor en twee drankwinkels is geplunder en beskadig. Hy sê skade aan die kelder beloop “derduisende rande”. ANINE JOUBERT skryf: Hierdie hele besigheid is eintlik net ’n geleentheid om te steel. ELIZE JANSEN VAN RENSBURG skryf: Dit is nou ’n plek wat werk verskaf in die gebied, en dít is wat hulle doen? Onaanvaarbaar! NICKIE BASSON skryf: Nou wonder ’n mens wie agter dit sit. Hoekom doen die Regering niks daaromtrent nie?. SAREL BOTHA skryf: Ek stel meer belang om te sien wie gaan tronk toe en dat hulle vir die skade betaal. FDK FRANCOIS skryf: Hoekom moet daar…

WAT iemand op sosiale media-platforms aanstuur, kan homself en ’n hele bedryf daardeur benadeel. “As jy ’n foto van ’n dooie jakkals neem wat oor ’n draad hang en dit op ’n WhatsAppgroep gaan plaas, is dit daar vir almal om ook aan ander mense te stuur,” het mnr. Paul Lynch van Standard Wool SA op die kongres van die Nasionale Wolkwekersvereniging in Port Elizabeth gesê. Hy sê die verspreiding van sulke materiaal is baie gevaarlik en die uitwerking daarvan kan ’n dramatiese uitwerking op die hele bedryf hê. Een voorbeeld wat hy beklemtoon het, is die effek van die verspreiding van ’n video deur die Mense vir die Etiese Behandeling van Diere (Peta) op die bokhaarbedryf. Mnr. Louis de Beer, bestuurder by Cape Wools, sê die indrukke van stedelike…

VASTE kapitaalbeleggings pleks van ’n geflikflooi met vakbonde is wat die ekonomie nodig het om weer behoorlik aan die gang te kom, sê me. Nicky Weimar, senior ekonoom van Nedbank. Sy het op Mpumalanga Landbou se kongres op Witrivier gesê as besighede nie bereid is om die risiko te loop om in Suid-Afrika te belê nie, sal daar nie werkskepping wees nie en dan sal die ekonomie nie sy groeipotensiaal verwesenlik nie. “Die Regering moet ophou om met vakbonde te praat oor werkskepping. Vakbonde belê nie geld in Suid-Afrika nie, hulle loop nie risiko’s nie. Om groei te bewerkstellig moet jy met besighede praat.” Sy sê die politieke beleidsomgewing in Suid-Afrika skrik beleggers af. Onbetroubare infrastruktuur, hoë arbeidskoste en lae produktiwiteitsvlakke maak dat beleggers eerder in ander ontluikende ekonomieë belê.…

DIE grondkrisis kan opgelos word sonder om die Grondwet te verander, sê die vakverbond Cosatu, die ANC se belangrikste alliansievennoot. Daar moet eerder ’n klousule by die wetsontwerp oor onteiening gevoeg word rakende die omstandighede op grond waarvan vergoeding nie geld nie of wanneer markwaarde betaal moet word. In ’n striemende aanval op die Regering het die vakverbond gesê dit is onvergeeflik dat miljoene Suid-Afrikaners steeds in ellende in informele nedersettings woon. Dit is 105 jaar sedert die Wet op Naturelle-grondbesit op 19 Junie 1913 in werking getree het en plaaswerkers – diegene wat die grond bewerk – het steeds nie verblyfsekerheid nie. Cosatu sê sedert 1994 het die krisis vererger en ten spyte van die Regering se pogings, asook miljarde rande wat reeds bestee is, is die meeste plaasgrond…

MOTTE van die skadelike herfskommandowurm is in Mei in lokvalle in die Overberg gekry. “Die motte wat ons in die lokvalle gekry het, is vir ons ’n vroeë waarskuwing dat hulle die Wes-Kaap bereik het. Tot voor Mei was daar niks nie,” sê mnr. Jan Hendrik Venter, bestuurder van vroeë waarskuwingstelsels vir plantgesondheid by die Departement van Landbou, Bosbou en Visserye. “Volgende jaar gaan deurslaggewend wees, daarom moet ons die situasie dophou.” Die motte is in lokvalle naby lusernlande by Riviersonderend en in koringlande op twee plase by Swellendam gekry. Al sal die wurms vermoedelik nie die koue Kaapse winter oorleef nie, moet boere gereeld deur hul lande stap en dadelik die Departement van Landbou, Bosbou en Visserye in kennis stel as hulle larwes kry wat hulle nie ken nie.…

DIE Rooivleisprodusente-organisasie (RPO) het sy standpunt oor grondhervorming omskryf in ’n voorlegging aan die komitee wat die moontlike wysiging van artikel 25 van die Grondwet hersien. Volgens mnr. Gerhard Schutte, hoofbestuurder van die organisasie, erken die RPO in sy voorlegging dat die patroon van grondbesit en -gebruik in die verlede ongelyk en onregverdig was. Dit het ook tot die huidige ernstige vlakke van armoede en ongelykheid in die algemeen en onder vroue in die besonder bygedra. Hy sê die Suid-Afrikaanse Grondwet (Wet 108 van 1996) vereis van die Regering om redelike wetlike en ander maatreëls binne sy beskikbare bronne aan te wend om toestande te skep wat burgers in staat sal stel om op ’n gelyke grondslag toegang tot grond te hê. “Verder maak die Grondwet daarvoor voorsiening dat geen…

Suid-Afrika se bruto binnelandse produk het verlede jaar op ’n jaargrondslag met 1,3% gegroei. Die verwagting is dat die ekonomie vanjaar met 1,7% kan groei en volgende jaar met 2%. Die ekonomiese groei kan beter wees as Suid-Afrika daarin kan slaag om die begrotingstekort te verminder en sakevertroue te bevorder. Die Regering moet ook beleggersvertroue bevorder en politieke steun behou. Die arbeidsektor is sterk in unies georganiseer en kan ekonomiese aktiwiteite ontwrig. Op maatskaplike vlak word groter eise aan die nasionale begroting gestel en die onenigheid in die regerende party help nie. Dit be-perk die Regering se vermoë om die ekonomie te hervorm en ekonomiese groei te optimaliseer. Suid-Afrika se tekort op die lopende rekening (invoer oorskry uitvoer) is ’n las omdat hierdie tekort gefinansier moet word. As die Federale…

As ’n boer die alternatiewe oorweeg het en oortuig is dat ontsouting van brak boorgatwater die oplossing is, is daar ’n klomp vrae wat beantwoord moet word, sê prof. André Burger van die departement prosesingenieurswese aan die Universiteit Stellenbosch. Verskeie vrae kan help om die vereistes vir ontsoutingstegnologie te verstaan: ■ Waarvoor wil jy die ontsoute water gebruik? Hoe skoon moet die water wees? Hoeveel water het jy nodig en hoe konstant moet dit verskaf word? ■ Kan die bykomende kapitaal- en bedryfskoste geregverdig word, en sal jy steeds jou produkte winsgewend kan verkoop? André sê of die water net vir veesuipings beoog word of vir groot besproeiingsvolumes, gaan ’n reuseverskil maak aan die motivering vir ontsouting. ■ Lewer die boorgat genoeg water? Is dit standhoudend? Hoe diep is die…

As ultrahoëdruk-strookbeweiding (UHDSB) korrek gedoen word, kan dit die meeste skade wat in die verlede aan die ekologie gedoen is, herstel. Terselfdertyd kan die weiding nog baie produktief en ekonomies wees, sê mnr. André Lund reeds in 2006 in ’n brief wat in Landbouweekblad verskyn het, nadat hy begin besef het waartoe UHDSB in staat is. Baie mense dink ultrahoëdruk-strookbeweiding is moeilik, arbeidsintensief en riskant in die Karoo. André sê egter dié wanindruk bestaan omdat mense die verkeerde beginsels volg en nie besef wat die waarde van so ’n stelsel is nie. Dit is nie soos al die ou, uitgediende grondbewaringsplanne en stelsels soos ligte beweiding, ploeg en erosiewerke wat geld kos en niks inbring nie. DIE FOUTE IS: ■ Produksie per dier is vir die meeste veeboere die voorrangsaak,…

■ Die rolblaarvirus kan baie vinnig deur wingerde versprei. Deur dit van die begin af in jong wingerde te bestuur, kan die besmettingskoers laag gehou en beheer uitgeoefen word. ■ Wingerde kan veel ouer raak as die huidige vervangingskoers van 25 jaar, mits rolblaar tot ’n minimum beperk word. Wingerde word deur plantmateriaal besmet of die virus word deur vektore, soos witluise, versprei. ■ ’n Onlangse proef het getoon die rolblaarvirus het ’n nadelige invloed op die gehalte van wyn.…

Amaranthus-soorte (misbredies) kom wydverspreid in Suid-Afrika voor en is bekende onkruide in tuine, boorde en gewaslande. Dit is kosmopolitiese onkruide wat wydverspreid in baie dele van die wêreld so algemeen en in sulke hoë getalle voorkom dat hulle onkruidstatus verwerf het, veral waar hul teenwoordigheid indruis teen menslike aktiwiteite, soos gewasproduksie en tuinmaak. Omdat die misbredies almal eenjarige plante is, is hul groeitempo vinnig en daarom neem hulle groot hoeveelhede voedingselemente en water op. Dit lei tot sterk mededinging om hierdie groeifaktore met gewasplante. MISBREDIESOORTE IN SUID-AFRIKA Vyf misbredies is endemies aan Suid-Afrika, wat beteken hul oorsprong en natuurlike verspreiding val binne die grense van Suid-Afrika: Amaranthus capensis subsp. capensis, subsp. uncinatus; A. dinteri subsp. dinteri, subsp. dinteri var. a (ook in Namibië en Botswana) en subsp. dinteri var. b…

DIEREGESONDHEID FAFFA MALAN VLEISVLIEË IN HUIS Ek het al verskeie kere ’n brommer doodgemaak en wat my telkens opgeval het, is dat ’n magdom lewende larwes gelê word voor die brommer vrek. Die brommer is grys op die rug, met swart strepe van agter na voor oor die rug, en twee rooi ogies. In al die gevalle het ek die brommer binnenshuis aangetref. Die wetenskaplike naam van die brommer is Sarcophaga haemorrhoidalis en sy algemene naam is die rooistert-vleisvlieg. Die vlieg se gashere is diere en soms mense. Die wyfies bring 30 tot 40 beweeglike larwes voort wat op mis, ontbindende karkasse, wonde of selfs vleis geplaas kan word. Die wyfies kan die larwes op vleis laat val terwyl hulle daaroor vlieg. Die larwes het stekels wat in bande om…

Laeveld Agrochem se Seil-Safari het die boerderygemeenskap met nuwe idees, produkte en kennis toegerus. Van aanvullings en maklike maaltye tot hulp met belasting en gesondheidsprodukte vir diere is op dié bootreis aan boere bekend gestel. FARMVET FarmVet is ’n trotse Suid-Afrikaanse maatskappy met die oogmerk om boere te help met vernuwende, bekostigbare en doeltreffende dieregesondheidsprodukte. FarmVet bring die kan na die man, en lewer op plase af. Persoonlike diens en gemoedsrus is deel van die Laeveld Agrochem se belofte van ondersteuning die afgelope 28 jaar. Die lys produkte sluit in antibiotika, middels teen inwendige en uitwendige parasiete, asook middels om wonde te behandel. Dit kan by vee en troeteldiere gebruik word. NAVRAE: Webwerf: www.farmvet.co.za; e-pos: info@farmvet.co.za; tel. 012 940 4398, 082 784 5615 (Bertie), 082 905 6580 (Janno). BOEREBRANDSTOF Boerebrandstof,…

Die wegdrywing van fyner druppels tydens die toediening van plaagdoders is een van die grootste bydraende faktore tot verminderde doeltreffenheid. Dié wegdrywing hou verskeie nadele in, onder meer: ■ Verlaagde bedekking van onkruide en gewasse. ■ Verminderde druppelbinnedringing laer af in die gewas. ■ Verhoogde verdamping van fyn druppels. ■ Wegdrywing en moontlike onkruiddoderskade op gewasse buite die teikengebied. Dit het ’n regstreekse gevolg op produksiekoste en oesopbrengs, naamlik deur: ■ Die verlies aan plaagdoder binne die gewasteikengebied en moontlike gewasskade buite die teikengebied. ■ Meer mededinging van onkruide en die swakker bestryding van insekte en swamme. ■ Veelvuldige plaagdodertoedienings, met al die gepaardgaande koste. INTERLOCK Interlock (reg.nr. L10254, Wet 36 van 1947) is ’n unieke, nuwegeslagbyvoegmiddel wat hierdie probleme doeltreffend aanpak en gevolglik die oesopbrengs verbeter. Interlock is splinternuwe…

“Jy moet meer gereeld my spreekkamer ‘besoek’,” het die geneesheer vir sy pasiënt – wat ook my vriend was – gesê en hom huis toe gestuur. Op my vraag hoe dié “meer gereelde” besoeke veronderstel is om plaas te vind, kon hy nie ’n reguit antwoord gee nie. “Tot nou toe was dit maar so af en aan. Eers was dit jaarliks en toe halfjaarliks,” het hy geantwoord. Blykbaar was dit nie genoeg om sy voor- of agteruitgang te bepaal nie. My goedbedoelde raad was dat dit verstandig is om uit te vind wat dit vir sy kalender beteken. Baie hang natuurlik af van die verhouding waarin geneesheer en pasiënt tot mekaar staan. In die dae toe die ou huisdokter ook ’n familievriend was, was dit nie so moeilik om…

Ná drie droë jare lyk dit of die skaarste aan waterblommetjies gebreek gaan word. Mnr. Erik de Milander van die plaas Oude Muur naby Clanwilliam, een van die weinige boere in die Cederbergstreek wat dié gewas kommersieel verbou, sê die seisoen is laat met goeie reën wat eers teen middel Junie geval het. “Die oestyd sal aansienlik verkort wees as gevolg van die laat winter, maar ons hoop darem om ’n klompie waterblommetjies te oes.” Hy hoop om oor ’n maand tot vyf weke te begin oes. Ander waterblommetjiegebiede rondom die Paarl en Wolseley sal waarskynlik al vroeër die mark van dié delikatesse kan voorsien. De Milander kon verlede jaar nie ’n enkele waterblommetjie oes nie. Pryse in supermarkte en groentewinkels het verlede jaar van R60 tot R70 per 500…

Die volgende ontleding van grondverkope in Suid-Afrika is van transaksies vir grond van meer as 10 ha in Mpumalanga, die Noord-Kaap en Noordwes vanaf April verlede jaar tot Maart vanjaar. In Mpumalanga was daar ’n dalende neiging in twee distrikte. Altesame 402 transaksies het 92 936 ha teen R2,409 miljard behels. Daarvan was 97 (24%) ooreenkomste van kleur, wat 30 755 ha (33%) teen R785 miljoen behels het. Die meeste transaksies (32%) was vir grond van minder as 50 ha. In die Noord-Kaap is 305 transaksies in 20 distrikte beklink. Dit het 840 923 ha teen R2,659 miljard behels. Daarvan was 37 transaksies van kleur (12%), wat 162 429 ha (19,3%) teen R510 miljoen (19,2% van die algehele waarde) verteenwoordig. Altesame 71% van die transaksies was vir grond van meer…

Landbou-organisasies, boereverenigings, ens., is welkom om die datums van hul byeenkomste aan ons te stuur vir publikasie in Landboukalender. Die besonderhede moet gestuur word aan lbw@landbou.com BOEREDAE 4 JULIE: Val-boeredag, toerusting en demonstrasies, aangebied deur die Waterval-boerevereniging. Buite Standerton. Hardus, sel 083 230 2721; Frederik, sel 072 160 4824; Elizna, sel 082 455 5636. 14 JULIE: Piketberg se landbouveterane-ploegdag. Aangebied deur die Swartlandse Veteraan-trekker-en-enjinklub. Piketberg. Jaco Taljaard, sel 082 573 5335 25-26 JULIE: MPO Noord-inligtingsdae: Kalfgrootmaak en kuddebestuur- en gesondheid. Wolvenfontein, Lichtenburg. Benita, sel 073 116 8544. 27 JULIE: Mango-dag, aangebied deur die Suid-Afrikaanse Mangokwekersvereniging . Fairview Hotel, Tzaneen. Christa de la Port, tel. 015 307 3677, 015 306 6240. 22 AUGUSTUS: Noord-Vrystaatse SAVM-klub bied ’n “mega-boeredag” en veiling aan met die samewerking van die boerevereniging van die Rooi Skool…

UNIGRO is trots daarop om die voorloper te wees in die voorsiening van pasgemaakte landboufinansiering aan kommersiële boere reg oor Suid-Afrika. As ’n belanghebbende in die landboubedryf verstaan die maatskappy boerderye en hul kliënte se finansiële vereistes. UNIGRO bied ’n mededingende en ekonomiese finansieringstruktuur aan boere met akkurate en doeltreffende dienste wat deursigtig geadministreer word. Hierdie aanbieding is nou uitgebrei om gerieflike toegang te bied tot die aanlyn diens eAccounts, wat ’n intydse transaksionele vermoë en toegang tot relevante rekeninginligting bied. Die eAccounts-platform is veilig, vinnig, gerieflik, maklik om te gebruik en toeganklik vanaf enige plek en op enige toestel. Kliënte kan ook hul aankoopkontrakte monitor. ’n Betalingsadvies is in PDF-formaat beskikbaar. Dié elektroniese platform het tot dusver meer as R8 miljard se kumulatiewe betalings behartig. Dit het ook ’n…

■ Finansiële struktuur bied mededingende rentekoerse en sekuriteit. ■ Wentelkrediet kan op dieselfde manier as ’n oortrokke gerief gebruik word. ■ Indien ’n kliënt besluit om ’n huuraankoopooreenkoms vroeër as die normale termyn af te handel, word dit sonder boetes toegelaat. ■ Vooraf goedkeurings word afgehandel voor die produksiejaar begin. ■ Geen onbenuttingsgeld word gehef nie. ■ Mededingende omdraaitye vir kredietaansoeke. ■ eAccounts-platform met verskeie aanlyn dienste.…

Die gevorderdste tegnologie vir die oes van graan is in die plukkerkoppe en fyngraantafels wat John Deere in die 2018-modeljaar van produksie bekend gestel het. Dit sluit vier nuwe S700-stropermodelle in (S760, S770, S780 en S790) wat aan boere beduidende verbeteringe in slimtegnologie bied. Dit bied ook verbeterde operateursgemak en beter data, saam met die reeks 700C/FC-plukkerkoppe en die 700D-fyngraantafel vir die doeltreffender oes van graan. Die reeks S700-stropers is geskoei op die S600-kombinasiestropers wat in 2012 bekend gestel is, maar dit bevat die nuutste geoutomatiseerde oestegnologie. “Hierdie nuwe S700-stropers is ’n hoogtepunt van verbeterings aan ons vorige model wat oesbedrywighede vir groot en klein sade optimaliseer en outomatiseer,” sê mnr. Kevin Rippel, bemarkingsbestuurder van die oesproduklyn by John Deere. “Ons het die intelligensie van die stropers verbeter deur meer…

304 miljoen ton Die wêreldwye vraag na melk gaan teen 2030 sowat 304 miljoen ton groter wees as vandag namate die wêreldbevolking groei en welvarender word, luidens nuwe navorsing van die International Farm Comparison Network se suiwelafdeling. Vandag staan die wêreldwye produksie op ongeveer 876 miljoen ton. Om in die groter vraag te voorsien sal die wêreldwye melkkudde met 12% groei, wat 417 miljoen meer koeie beteken. Melkplase sal al hoe groter word. – Farming UK 2 mg/kg Die hoogste toelaatbare loodkonsentrasie in ’n kossoort kragtens nuwe regulasies oor metaalinhoud in kossoorte is 2 mg per kilogram, vir voedselgraad-sout. Vir die meeste kossoorte – vleis ingesluit – is die maksimum vlak 0,1 mg, maar vir eetbare afval van beeste, pluimvee en varkvleis is dit 0,5 mg. Die maksimum vlak vir…

‘Die oplossings wat op die tafel kom, is daarop gemik om misdaadgetalle te laat daal, en nie om aandag aan die werklike probleme te gee nie.’ MNR. WILLIE CLACK, misdaadnavorser, oor die styging in landelike misdaad. Bl. 18 ‘Vakbonde belê nie geld in Suid-Afrika nie, hulle loop nie risiko’s nie.’ ME. NICKY WEIMAR, Nedbank-ekonoom, oor die belangrikheid van die sakesektor in ekonomiese groei. Bl. 20 ‘Die kwessie oor grondonteiening sonder vergoeding moet so vinnig moontlik uitgeklaar word, want voor dit nie gebeur nie, sal ekonomiese groei nie herstel nie.’ PROF. JANNIE ROSSOUW, hoof van die skool vir ekonomiese en bestuurswetenskappe aan die Universiteit van Johannesburg. Bl. 20 ‘Dis ons mikpunt dat die primêre produsent meer verdien vir sy produk sodat dit kan deursypel na die werker toe.’ MNR. BEYERS TRUTER,…

GAAN GENOMIKA NIE TE VER NIE? Die briewe van Johann Zietsman (“Probeer natuur reg ‘lees’ ”, L BW , 15 Junie 2018) en dr. Japie van der Westhuizen (“Beesboere móét op die hoogte bly”, L BW , 25 Mei 2018) het betrekking. Sedert ek in die laat 1960’s begin boer het, het die registrerende bedryf (telersgenootskappe, SA Stamboek en die Landbounavorsingsraad) baie verander. Koeikaarte is met rekenaarprogramme vervang en briewe met e-posse. Wat egter kommerwekkend is, is dat die getal aangetekende diere verminder het. Ons het wel mettertyd goeie vordering gemaak met prestasietoetsing deur bulle met ’n beproefde nageslag te gebruik. Maar word teling nie nou te ver gevoer met genomika nie? As dit waar is dat jy ’n dier se kans om goed te presteer, met DNS kan bepaal,…

DIE Hooggeregshof in Grahamstad moet eersdaags besluit of ’n sitrusboerdery van Somerset-Oos mag voortgaan met sy aansoek om waterregte wat hy ten duurste van ’n ander boer bekom het nadat die Departement van Water en Sanitasie intussen sy beleid oor die verhandeling van waterregte verander het. Regskenners met wie Landbouweekblad gepraat het, meen die verandering is eensydig en klaarblyklik terugwerkend. Die BF Joubert-familietrust het op 21 April 2016 ’n kooptransaksie aangegaan met mnr. Johannes Lombard van die plaas Wagenaarsdrift, distrik Somerset-Oos, om waterregte vir 50 hektaar uit die Groot Vis-Tsitsikammarivier-staatswaterskema van Lombard oor te koop teen R110 000 per hektaar. Ingevolge die koopkontrak sou die trust R2,5 miljoen deposito betaal in ruil vir Lombard se afstanddoening van sy waterregte om sodoende die aansoek vir die onttrekking van dieselfde hoeveelheid water…

Pluimveeboere wat verlede jaar deur die H5N8-voël-griepvirus getref is, is ontevrede oor die manier waarop die staat die vergoeding vir hul verliese hanteer. Mnr. Gary Arnold, besturende direkteur vir landbou by Astral Foods, sê die Departement van Landbou, Bosbou en Visserye vergoed boere slegs vir die “voorkomende van kant maak” van hoenders. Dit beteken vergoeding word nie betaal vir siek hoenders of selfs om hoenders wat in kontak was met siek hoenders, van kant te maak nie. Die departement het slegs R40 miljoen vir vergoeding beskikbaar, terwyl die bedryf se totale verliese na raming sowat R1,87 miljard beloop. Slegs een of twee produsente het tot dusver die vergoedingsbedrag aanvaar wat die departement aan hulle aangebied het, terwyl die res dit bevraagteken, sê Arnold. Hy het uit die gehoor by die…

SUID-AFRIKA moet ’n “fiskale afgrond” tot elke prys vermy vir ekonomiese oorlewing, het prof. Jannie Rossouw, hoof van die skool vir ekonomiese en bestuurswetenskappe aan die Universiteit van Johannesburg, op die Rooivleis-abattoirvereniging (RVAV) se onlangse konferensie op die Spier-landgoed buite Stellenbosch gewaarsku. Dit is die punt waar salarisse van staatsamptenare, plus rente van lopende staatskoste, plus maatskaplike toelaes die totale grootte van belasting wat ingesamel word, oorskry. Die huidige punt staan reeds op 70%. Die land is weens verkeerde beleidskeuses en die staatskaping-eskapades van oudpres. Jacob Zuma ver van herstel ná die finansiële krisis in 2008. “Die toekoms van ons kinders is gesteel en ons gaan ’n opdraande stryd hê om dit te herwin.” Hy sê die onstabiliteit van die politieke omgewing, asook die wisselkoers maak dit moeilik om in…

SUID-AFRIKA kan nie na ’n vreedsame toekoms uitsien indien die grond nie teruggegee word aan diegene van wie dit tydens kolonialisme sonder vergoeding afgeneem is nie. Dít was deel van mnr. Mike Mlengana, direkteur-generaal van die Departement van Landbou, Bosbou en Visserye, se boodskap op die tweejaarlikse kongres van die landbousakekamer Agbiz onlangs in Port Elizabeth. Dit was voor hy verlede week vir ’n tweede keer deur mnr. Senzeni Zokwana, die Minister van Landbou, Bosbou en Visserye, geskors is. (Sien bl. 14.) “Wanneer ons tans daaroor debatteer, is almal ontsteld, maar ons moet onthou mense is van hul grond afgedwing deur spesifiek wette daarvoor te skep.” Hy sê die regte koers sal vorentoe ingeslaan moet word. “Soos pres. Cyril Rhamaphosa in sy staatsrede genoem het, ons moenie voedselproduksie vernietig en…

“ DIE droogte in die Wes-Kaap is nog glad nie gebreek nie,” sê mnr. Johan van den Berg, klimatoloog van Santam Landbou. Hoewel die watersituasie in die provinsie begin verbeter, is nog baie reën nodig om die droogte te breek, luidens sy jongste weerverslag. Die reën wat in Mei en Junie vanjaar in die Wes-Kaap geval het, was net betyds vir wintergraanboere om binne die optimale planttyd te plant. Damvlakke het ook verbeter, maar die situasie bly steeds kritiek. Voorlopige reënvalvoorspellings lyk belowend in die res van Junie en in Julie, veral in die weste en suidweste van die provinsie. “Dit lyk of die Suid-Kaap dalk minder reën kan kry in die res van Junie en in Julie,” sê hy. “Daar is ’n groot mate van onsekerheid oor verwagte reënvaltoestande…

NAVORSING, bemarking en kennisoordrag het gehelp om Pinotage die afgelope dekade een van die gewildste rooiwynkultivars in Suid-Afrika te maak. Pinotage is die enigste rooiwynkultivar waarvan die aanplantings die afgelope dekade toegeneem het. Dit staan nou op 6 979 ha. Die verkoopsyfers is selfs indrukwekkender, want sedert die eeuwisseling het plaaslike verkoopsyfers van 3 miljoen liter per jaar gestyg tot meer as 5 miljoen liter per jaar. Uitvoer het sedert 2001 van net meer as 8 miljoen liter gegroei tot bykans 19 miljoen liter. Dit het verlede jaar bykans R500 miljoen tot die plaaslike ekonomie bygedra. “Die Pinotage-mark ontplof. Teen sowat 24 miljoen liter per jaar is dit een van die Suid-Afrikaanse wynbedryf se sprokiesverhale, en dit lyk nie of die goeie tye enigsins binnekort tot ’n einde gaan kom…

Die onderhandelinge tussen Amerika en van sy handelsvennote om bestaande handelsooreenkomste te wysig – soms eensydig deur Amerika met nuwe, hoër invoertariewe – het wêreldmarkte onkant betrap. As pres. Donald Trump voortgaan met die instelling van hoër invoertariewe en China met hoër invoertariewe op veral Amerikaanse landbouprodukte reageer, sal dit die handelspatrone van die wêreld verander. Handel tussen Amerika, die Europese Unie (EU), Suid-Amerika en China oorheers die wêreld se handelspatrone. Trump is besig om veral die leiers van die EU en China te ontstel met sy dreigmente van eensydige handelsoptrede om Amerika te beskerm. Die kommersiële landbou in Suid-Afrika het die afgelope 15 jaar toenemend geïntegreerd geraak met wêreldhandel. Verskeie plaaslike bedrywe se pryse en markmeganismes is ineengevleg met internasionale markte. Dit is ’n resultaat van die deregulering van…

Danksy die vermoë van moderne mieliebasters om by hoër plantestande te presteer, kan boere dit oorweeg om hul plantdigthede op te stoot om die plante se genetiese potensiaal beter te benut, wys ’n internasionale oorsigstudie deur landboukundiges van die Universiteit Stellenbosch. Wêreldwyd het mielie-opbrengste die afgelope twee dekades drasties verhoog, in ’n groot mate danksy die genetiese verbetering van basters. Van 2000 tot 2014 het die mielie-aanplantings in Amerika, China en Brasilië byvoorbeeld met onderskeidelik 13%, 38% en 25% toegeneem, terwyl produksie met onderskeidelik 31%, 49% en 60% gegroei het. Heelwat meer tonne mielies is dus per hektaar op hierdie lande verbou. Só skryf mnr. Stephano Haarhoff, ’n M.Sc.-student aan die US in ’n artikel vir die vaktydskrif Crop Science. Sy studieleier was dr. Pieter Swanepoel. Stephano, ’n boorling van…

Ontsoutingsaanlegte wat noukeurig ontwerp en gebou is, kan jare lank vars water lewer. Dis egter nie goedkoop nie en moet goed bestuur en in stand gehou word, sê prof. André Burger van die departement prosesingenieurswese aan die Universiteit Stellenbosch. Eenvoudig gestel: Water en soute word van mekaar geskei in die ontsoutingsproses, maar die soute verdwyn nie sommer net nie. “Jy eindig altyd met twee strome: Een met skoon water en ’n stroom wat heelwat meer sout bevat as die voerwater.” In werklikheid is die proses veel ingewikkelder en bestaan ’n goed ontwerpte ontsoutingsaanleg uit verskillende komponente met spesifieke funksies. André vergelyk die inligting wat oorweeg moet word voor ’n ontsoutingsaanleg vir boorgatwater opgerig word, asook die bestuur daarvan, met die aankoop en instandhouding van ’n groot, nuwe trekker. “Jy moet…

Die konsentraat wat oorbly nadat water ontsout is, is nie noodwendig nutteloos nie, sê prof. André Burger van die departement prosesingenieurswese aan die Universiteit Stellenbosch. “Wat herwin kan word, hang af van die water se chemiese samestelling. Partykeer bevat water maar min ander soute as natriumchloried. Myne se afvalwater bevat baie yster en sulfate en wanneer die sulfate met kalk reageer, het ’n mens gips, wat aan sement- en baksteenvervaardigers verkoop kan word. Daar is byvoorbeeld ’n paar mynwateraanlegte in die omgewing van Witbank wat baie water herwin en wat gips as neweproduk lewer. Glaubersout is ’n natriumsulfaatsout wat ook tipies uit konsentrate herwin kan word. Dit word rojaal in die vervaardiging van waspoeiers en glas gebruik. Dit maak egter gewoonlik nie finansieel sin om spesifieke soute te herwin nie.”…

Hoewel sommige wynmakers glad nie rolblaar kan verdra nie, meen ander weer hulle kan heel skaflike wyn maak met druiwe uit wingerde wat met rolblaar besmet is. Maar wat is die ware toedrag van sake? Volgens me. Lucinda Heyns, koördineerder van tegnologie-oordrag by Winetech en die instituut vir wingerd-en-wynwetenskappe aan die Universiteit Stellenbosch, het ’n onlangse proef getoon dat rolblaar wel wyn se sensoriese, chemiese en gehalteeienskappe benadeel. Vir die studie het hulle vier blokke wingerd gekies — ’n blok Chardonnay, ’n blok Merlot en twee blokke Cabernet Sauvignon. Daarna het hulle stokke op grond van voorkoms gaan klassifiseer as gesond of siek en dit toe met Elisa-toetse bevestig. Lucinda sê by die rooi kultivars was daar ’n sterk verband tussen wat hulle in die wingerd gesien het en wat…

Nuwe lewe is vanjaar in ’n Nampo-instelling geblaas toe La ndbouweekblad, Omnia en Graan SA kragte saamgesnoer het om die ikoniese Boerepatent-kompetisie tot nuwe hoogtes te voer. La ndbouweekblad se weeklikse Boereplan-artikel sal voortaan as redaksionele aanloop dien vir die jaarlikse Boereplan-uitstalling op Nampo. Lees deur die jaar in La ndbouwe ekblad oor die nuutste boereplanne uit die platteland, waarvan baie volgende jaar op die Nampo-Oesdagterrein te sien sal wees. ”Ons is baie opgewonde oor ons nuwe verbintenis,” sê Chris Burgess, La ndbouweekblad se redakteur. “Die Boereplan-kompetisie is ’n wonderlike instelling op Nampo. Dit is ’n besonderse eer om deur die jaar die kompetisie onder die aandag van ons boere te hou. Om heeltyd planne te maak, is immers wat boere uniek maak.” Oudergewoonte word elke maand ’n wenner in…

Mertech is ’n betroubare handelsmerk vir die herwinning van onderseekabels en staaldraad. Mertech Cable and Wire word bestuur deur Mertech Marine (Edms.) Bpk. Dié maatskappy het in 2004 tot stand gekom danksy die vernuwende gees en entrepreneurstalent van twee broers met diep wortels in die Suid-Afrikanse boerderygemeenskap. Vandag is Mertech Marine ’n wêreldleier op die gebied van die herwinning van ongebruikte, ondersese telekommunikasiekabels. Die staal wat uit die telekommunikasiekabel herwin word, is gereed vir die aanwending in onder meer die landbou. Gevolglik is Mertech se draad omgewingsvriendeliker. Vir boere wat graag “groener” wil boer, is hierdie herwonne draad dus deel van die oplossing. Net omdat dit herwonne staaldraad is, beteken dit nie die produkte is van lae gehalte nie. Inteendeel, die herwonne telekommunikasiekabels lewer juis staalkabels en staaldraad van hoë…

Tunabobotie ■ 30 ml olyfolie ■ 2 uie, fyn gekap ■ 2 knoffelhuisies, fyn gedruk ■ 15 ml kerriepoeier ■ 10 ml appelkooskonfyt ■ 2 snye dag oue brood, korsies verwyder ■ 100 ml melk ■ 2 blikkies (170 g elk) tuna in water, gedreineer ■ Sout en vars gemaalde swartpeper na smaak Bolaag ■ 2 eiers ■ 125 ml melk ■ Sout en peper ■ Lourierblare Voorverhit die oond tot 180 °C. Verhit die olie in ’n pan en braai die uie daarin tot sag en soet. Voeg die knoffel en kerriepoeier by en braai tot die knoffel gaar is. Voeg die appelkooskonfyt by en roer deur. Braai vir ’n paar sekondes en verwyder van die hitte. Krummel die brood grof en laat week dit in die melk tot…

Verskillende lande het verskillende sienings oor die besit van vuurwapens. In Japan word deesdae goeie vuurwapens vervaardig, maar dit is een van die lande waar private vuurwapenbesit bykans nie bestaan nie. ’n Land soos Rusland, waar ’n mens baie streng wetgewing kon verwag, het min of meer dieselfde stelsel as in Suid-Afrika. ’n Mens moet sekere opleiding kry en jou misdaadrekord word nagegaan. Daarna kan jy, as jy 18 jaar oud is, ’n lisensie vir jag, sport of selfverdediging kry wat elke vyf jaar hernu moet word. In Brittanje word toegang tot wapens baie streng deur wetgewing beheer. Privaat persone kan gewere en haelgewere vir jag en sportskiet besit, maar die lisensiëring daarvan is onderworpe aan streng beheer. Dis bykans onmoontlik om ’n handwapen te mag besit. Nieu-Seeland is baie…

Die omvang van die gemors in Suid-Afrika vang ’n mens van tyd tot tyd. Verlede naweek was my broer in die situasie dat hy nie Sondagaand op die plaas kon kom van Oos-Londen af nie. Dordrecht se hoofstraat is met brandende bande versper en voertuie met klippe bestook. Dieselfde het by Lady Frere gebeur. Sy enigste opsie was om die aardige ompad oor Jamestown te ry. Waaroor het dit gegaan? Niemand weet nie. Dit kan deel wees van die ANC se provinsiale magstryd of die EFF wat amok maak of gewone mense wat genoeg gehad het van sukkel. Wie weet? Dié oproerigheid het nie eens die nuus gehaal nie. My broer was nie té ontsteld nie, want dit is maar hoe dit op die afgeleë platteland gaan. Later in die…

WATERBRONNE, VOERBANK ONDERSOEK Twee sake van nasionale belang — die nasionalisering van waterbronne en die daarstelling van ’n voerbank vir veeboere — is onlangs op twee afsonderlike boerebyeenkomste bespreek. Op die 16de jaarlikse kongres van die Suidwestelike Distrikte se landbou-unie op Riversdal het mnr. W.G. Schaap in sy voorsittersrede gesê voorsiening sal gemaak moet word vir water-bewaring. Dit is van die grootste belang vir die uitbreiding van die landbou en nywerhede. Die kongres het besluit dat hy “die departement van besproeiing ondersteun in enige skema wat sal sorg dat elke druppel water aangewend sal word tot nut van die land” en hy vra die departement “om in sy streekbeplanning ten eerste te sorg vir genoeg watervoorrade vir die reeds gevestigde gebiede”. Op die sitting van die voerbankkomitee in Bloemfontein is…

MINDER as twee maande ná mnr. Mike Mlengana ingevolge ’n hofbevel in sy pos as direkteur-generaal (DG) van Landbou, Bosbou en Visserye herstel is, is hy wéér van sy magte gestroop. Dié jongste verwikkeling kom ná Mlengana me. Siphokazi Ndudane, adjunkdirekteur-generaal van Visserye, voorkomend geskors het na aanleiding van bewerings van wanbestuur. Met Mlengana se skorsing is Ndudane s’n opgehef. Dit kom ondanks die hofbeslissing in April, ná Mlengana se eerste skorsing, dat mnr. Senzeni Zokwana, Minister van Landbou, Bosbou en Visserye, nie by magte is om só ’n stap te doen nie. Net die President kan. Mlengana het aan Landbouweekblad gesê hy sal aanhou om korrupsie te beveg, maak nie saak uit watter oord dit kom nie. “Ek doen dit uit vrye wil en uit liefde vir die boere.…

DIE Suid-Afrikaanse veebedrywe sal hulle moniterings en naspeuringstelsels moet regruk indien hulle in die toekoms handelsvennote, soos die Europese Unie (EU), wil behou. Dit is die waarskuwing van dr. Pieter Vervoort, voorsitter van die nasionale dieregesondheidsforum ná vrese dat die EU Suid-Afrika se status as vry van bek-en-klouseer kan ophef. Tans blyk die vrese nog net bespiegeling te wees, meen mnr. Gerhard Schutte, hoofbestuurder van die RPO. Hy sê die veebedryf is wel bekommerd oor die situasie en dit word op vergaderings van die forum bespreek. “Dit is uiters noodsaaklik dat die regte prosedures en reëls in werking gestel word om hierdie kwessie eens en vir altyd op te los. Ons weet die impak op die veebedryf gaan baie groot wees, met verliese wat teen R6 miljard tot R8 miljard…

’N VOORGESTELDE wysiging aan die generiese of algemene swartbemagtigingskode vir die ontwikkeling van ondernemings en verskaffers kan landboukoöperasies aanmoedig om waarborge aan opkomende ondernemings te bied. Die wysiging is op 15 Junie saam met verskeie ander in die Staatskoerant afgekondig, met 60 dae tyd virkommentaar. Mnr. Melcus Nel(regs),kenner van swart ekonomiese bemagtiging (SEB) en direkteur van die Signagroep, sê tans kan ’n onderneming3%vandiewaarde van ’n waarborg gebruik om punte vir die ontwikkeling van ondernemings en verskaffers te verdien. Die voorstel is dat dit tot 50% verhoog moet word, wat volgens Nel ’n groot aansporing vir ondernemings, soos koöperasies, kan wees. BELONING Daar word verder voorgestel dat ondernemings met SEB-punte beloon word indien hulle nie net hul eie verskaffers ontwikkel nie, maar op ’n voortgesette manier ook ander ondernemings. “Tans kan…

ONTEIENING | Dié grond moet kosproduksie en -sekerheid bevorder Die Regering is vasbelote om die onteiening van grond sonder vergoeding op só ’n wyse toe te pas dat dit voedselproduksie en -sekerheid sal bevorder en nie benadeel nie, het mnr. Sfiso Buthelezi, Adjunkminster van Landbou, Bosbou en Visserye, op ’n konferensie van die Rooivleis-abattoirvereniging (RVAV) op die Spier-landgoed buite Stellenbosch gesê. Hoewel dit ’n hoogs emosionele kwessie is, moet dit voortgaan, en daar kan nie foute gemaak word nie. Die ongelykheid van die apartheidsverlede moet ongedaan gemaak word. Ongelykheid, en die groeiende aard daarvan, is ook deur die graderingsorganisasies aangedui as ’n probleem wat in Suid-Afrika voortbestaan. Hy sê dit is belangrik om kennis te neem dat die RVAV nou saamwerk met die Departement van Landbou, Bosbou en Visserye op…

‘Daar is 20 000 plase op die mark en hulle is nou al teen ’n diskonto te koop.’ AGRI SA werk hard om omstandighede en skemas te skep deur middel waarvan boere hul boerderye teen die risiko van onteiening kan beveilig. Die geslag boere wat vandag in Suid-Afrika boer, moet egter besef die mandaat vir grondhervorming gaan nie verdwyn nie, het mnr. Pierre Vercueil, ondervoorsitter van Agri SA, op Mpumalanga Landbou se kongres in Witrivier gewaarsku. “Die kwessie van ongelyke grondbesit wat verskeie kommissies en komitees van die staat oor honderde jare nie kon regkry nie, is nou op ons pad. Die vind van ’n oplossing vir die probleem is nou genoeg kere uitgestel. Ons moet nou hierdie ding takel.” Hy waarsku dat aanhoudende groei die enigste manier is waarop…

WATTER rol kan vuur in die herstel en bestuur van renosterveld speel? Hoe kan die ekologie van renosterveld herstel word? Watter impak het bewaringsboerdery op gronderosie? Kenners beantwoord dié belangrike vrae tydens ’n velddag in die renosterveld op die plaas Klipfontein van mnr. MG Lötter tussen Caledon en Villiersdorp. Die Overberg-renosterveldbewaringstrust, wat die projek om waterlope te herstel, bestuur, bied die velddag saam met Landbouweekblad aan. Die WWF-SA Nedbank Green Trust finansier die projek. Die velddag op Donderdag 12 Julie begin om 09:00 vir 09:30 en word om 13:00 afgesluit met middagete. Onderwerpe en sprekers is: ■ Vuur as ’n ekologiese instrument in die bestuur van renosterveld – mnr. Keir Lynch, bestuurder van die Overberg-renosterveldbewaringstrust se projek om waterlope te herstel. ■ Herstelekologie – dr. Odette Curtis, direkteur van die…

Boedelbelasting is ’n soort belasting betaalbaar deur elke mens wat doodgaan en wat normaalweg by afsterwe in Suid-Afrika gewoon het, of iemand wat nie normaalweg in Suid-Afrika gewoon het nie, maar by afsterwe bates in Suid-Afrika besit het. Waar iemand normaalweg in Suid-Afrika gewoon het, sal sy/haar wêreldwye bates deel vorm van sy/haar boedel onderhewig aan ooreenkomste oor dubbele belasting wat Suid-Afrika aangegaan het met die land waar die bate geleë is. (Iemand woon normaalweg in Suid-Afrika as hy/sy Suid-Afrika as sy tuiste beskou en dit die land is waarheen die mens sal terugkeer.) As die bate in Suid-Afrika geleë is, sal dit gewoonlik onderhewig aan boedelbelasting in Suid-Afrika wees. Boedelbelasting is voor 1 Maart 2018 gehef teen 20% van die waarde waarmee iemand se netto boedel R3,5 miljoen oorskry.…

’n Riglyn gee bloot ’n aanduiding van die bemesting wat kan werk op ’n bepaalde land, sê dr. Pieter Haumann, uitvoerende hoof van die Misstofvereniging van Suid-Afrika (Fertasa). “Alle saaiboere in Suid-Afrika weet deesdae wat op hul lande aan die gang is en kan nie maklik mislei word nie. Die boer of die landboukundige sal beslis nie blindelings die riglyne aanhou toepas as dit nie werk nie, of wanneer toestande wissel nie.” Pieter sê Fertasa se handleiding kan ’n goeie aanduiding gee vir ’n boer wat ’n gewas wil verbou op ’n land ten opsigte waarvan geen vorige inligting oor die bemesting bestaan nie. Die grond moet steeds bekyk en ontleed word, en inligting vanaf aangrensende lande, asook enige ander toepaslike inligting oor gewasproduksie in daardie gebied, moet ingewin word.…

■ Ontsouting lyk na ’n maklike manier om brak water en seewater in vars water te omskep, maar ’n kundige waarsku doeltreffende ontsouting is duur en stel groot vereistes aan ontwerp en bestuur. ■ Ontsouting is nie noodwendig die beste plan vir alle besproeiingsbehoeftes nie. ■ Enigiemand wat ’n ontsoutingsaanleg wil oprig, moet onder meer weet waarvoor die ontsoute water gebruik gaan word, of jy dit kan bekostig, watter vereistes die water se chemiese samestelling aan die proses en toerusting stel, en of jy die aanleg deeglik kan versien en onderhou.…

Klimaatsverandering weens aardverwarming veroorsaak dat sekere risiko’s verhoog. Het die “seisoene” al aangeskuif of nie? Dit het ’n groot invloed op die keuse van kultivar en plantdatum by koring. Vir koringverbouing onder besproeiing het Pannar ’n uitstekende pakket. Die eerste prys is altyd om ’n pakket van verskillende kultivars aan te plant. Die Pannar-pakket is volledig wat die verskillende groeilengtes van koring onder besproeiing betref. Die huidige pakket sluit in PAN 3497, PAN 3471 en PAN 3400. Boere kan ook uitsien na twee belowende kultivars wat op pad is en die pakket sal versterk. PLANTDATUM Kultivars vir verskillende optimale plant-datums is beskikbaar. Die plantdatums is van so ’n aard dat die risiko vir koue- en rypskade op die ou end beperk word. Dit gesê, met die natuur het ons nou…

■ Nagraadse landboustudente kon onlangs hul perspektiewe oor graan- en melkboerdery verbreed met ’n besoek aan die multinasionale Argentynse megaboerdery Adecoagro. ■ Die boerdery melk 7 000 koeie per dag en het ’n kudde van 18 000 koeie. ■ Koring, mielies en soja word in ’n bewaringsboerderystelsel op 24 000 ha verbou, terwyl weidings en voer vir die melkery op 10 000 ha verbou word. ■ Die besigheid het bioverteerders wat die miswater in gas omskakel – genoeg energie om ’n dorp met 3 000 inwoners van energie te voorsien.…

Kaptein, span die seile! Sowat 1 700 gaste, onder wie plaaslike en internasionale spesialiste op verskeie landbouverwante vakgebiede, verteenwoordigers van landboumaatskappye en -organisasies, asook boere en hul gesinne het op 9 April in Durban se hawe aangemeld om na die Portugese Eiland en Pomene in Mosambiek te vaar. Vermaak en ontspanning vir die hele gesin was op die spyskaart. ’n Besoek aan die Portugese Eiland aan die Mosambiekse kus op dag twee het geleentheid gebied vir almal om litte los te maak, die warm Indiese Oseaan te geniet en lekker saam te kuier. Dié ondervinding het die opgewondenheid aan ’n besoek aan Pomene op dag drie laat opvlam, maar, soos op vaste grond, het die weer die laaste sê gehad en kon dié uitstappie weens reën en stormagtige seetoestande nie…

’n Paar jaar gelede het JD van Deventer van die plaas Vredehoek naby Montagu die kans gehad om rissieplantjies te koop by iemand wat nie wou voortgaan met dié boerdery nie. Sedertdien het JD se brandrissieboerdery ’n volwaardige vertakking geword wat uitstekend pas by die res van sy boerdery, naamlik ’n vrugteboomkwekery, pruime en uitvoerappelkose. Watter tipes rissies verbou jy? Ek plant hoofsaaklik jalapeño-rissies, maar het ook ’n bietjie habanero’s, wat ek aanplant vir iemand wat souse daarvan maak. Hoe groot is jou rissieboerdery? Ek het vanjaar sowat 2 ha rissies geplant. Dis ongeveer 80000 plantjies. As elke plant sowat 1 kg rissies oplewer, kom dit neer op 40 ton rissies wat ons per hektaar oes – ’n mooi rissie weeg maar sowat 50 g. Dit is dus baie vrugte…

Kaapse boere het vanjaar minder kanola aangeplant vanweë die droogte en die tekort aan saad van sekere kultivars. Verlede jaar is 71 996 ha beplant en vanjaar ’n geskatte 69 046 ha. Kanolastande lyk goed in die Swartland wat tot dusver gereeld reën kry. Kanola wat vroeg April in die Suid-Kaap geplant is, lyk ook goed, sê mnr. Kellie Becker, besturende direkteur van die kanolaverwerker Southern Oil Limited (Soill). “Waar boere in droë grond geplant het, moes die kanola staatmaak op somervog om op te kom. Dit en die laat winterreën veroorsaak dat die stand plek-plek onegalig en deurmekaar is.” Middel Junie se reën sal ’n groot verskil aan die opbrengs maak. Kanola het ’n onbepaalde groeiwyse en bepaal nie soos koring sy opbrengspotensiaal vroeg in die groeityd nie. “Verlede…

GAUTENG CARLETONVILLE BRAKFONTEIN (476), 83 ha, aanVanNiekerkBroersVervoer (Edms.) Bpk., van A.I. van Niekerk, R1 938 000. WILDFONTEIN (52), 293 ha, aan Jimmy Henning Beleggings (Edms.) Bpk., van C.M. en J.P. Strydom, R10 000 000. ZWARTKRANS(172),24ha, aan J.P.C.N. en S.E. Bezuidenhout, van L.V.R. Newcombe, R2 100 000. NIGEL ALEWYNSPOORT (145), 49 ha, aan Zeenat Prop Inv, van J.H.S. de Klerk, R2 650 000. KWAZULU-NATAL NEWCASTLE MOORFIELD EAST (9194), 73 ha, aan Jamigen (Edms.) Bpk., van Royal Anthem Inv 138 (Edms.) Bpk., R700 000. PIETERMARITZBURG BARKSTON ASH (15533), 198 ha, aan P.M. en R.B. Thomas, van Glenrock Farm, R2 000 000. KHAYALAMIESTATE(14941), 54ha,aanLT&LFarming (Edms.) Bpk., van Pepworth Farm-trust, R10 535 000. MAKAYANE(13733),110ha, aan The Greg Hull-familietrust, van A.J. en F.J. Buchan, R4 000 000. RATHMINES (1945), 549 ha en KILDARE (13155), 108…

Die vraag na die Van Rooy as een van die oudste Suid-Afrikaans ontwikkelde skaaprasse blyk duidelik in die betreklik hoë veilingpryse wat die afgelope tyd in die Noord-Kaap behaal is. Me. Adri Stadler van die Van Rooy-skaaptelersvereniging met sy huidige ledetal van 30 sê die gewildheid van die ras vir die gebruik van rasegte teling, maar ook vir kruisteling, neem daagliks toe. Dié ras het sy ontstaan aan senator Johannes Cornelius van Rooy van die plaas Koppieskraal, Bethulie, te danke toe hy in 1906 blinkhaar-Afrikanerramme by Rambouillet-ooie begin gebruik het. Die idee was om geharde en vrugbare diere met ’n goeie vleisbouvorm vir slagdoeleindes te teel. Later is ’n poenskop-Wensleydale-ram bygevoeg om die die-re se bouvorm te verbeter. Die veilingsneigings van die afgelope nege maande is soos volg: Nasionale veiling…