Innehållsförteckning för 13-Jul-18 från Landbouweekblad

AK ADEMICI, aktiviste en beleggers bespiegel reeds lank oor die bestaan van ’n “koolstofborrel” – bates in fossielbrandstowwe wat tans oorgewaardeer is omdat die wêreld op medium- en lang termyn die vrystelling van kweekhuisgasse drasties sal moet verminder. Hierdie nuwe studie, wat onlangs in die joernaal Nature Climate Change gepubliseer is, wys dat ’n kwaai daling in die waarde van fossielbrandstowwe hierdie borrel kan laat bars en sê só ’n daling sal waarskynlik voor 2035 plaasvind, gegrond op huidige energiegebruikspatrone. Wat van deurslaggewende belang is, is die bevindings wat te kenne gee dat ’n snelle daling in die vraag na fossielbrandstowwe nie meer afhang van sterker beleid en stappe van regerings oor die wêreld heen nie. Die skrywers se modelle gee te kenne dat die vraag sal daal selfs as…

ARTIKELS & RUBRIEKE ■ Biosekerheid ál wapen teen voëlgriep ■ ‘Kampdrade en veldbestuur my droogteversekering’ — Doug Stern ■ Inheemse beesrasse het goeie karkas- en vleisgehalte ■ Groot planne met Wagyubul van R1,85 miljoen ■ Die werklike koste van koringsiektes ■ Snypunttegnologie ingespan vir veiligheid in Schweizer-Reneke GESIN ■ Boerekos: Karamel LANDELIKE VEILIGHEID ’n Nuwe hommeltuig en radiometriese kamera met gevorderde nagsig-tegnologie ter waarde van R360 000 is die jongste toevoeging tot Schweizer-Reneke se gemeenskap se gekoördineerde poging teen aanvalle en veediefstal. Dit het sekere voordele bo vliegtuie en helikopters.…

HOU OP DREIG MET ‘GEEN BOER, GEEN PAP’ Verskillende menings oor boerdery het duidelik geword tydens die grondwetlike hersieningskomitee se openbare verhoor oor die onteiening van grond sonder vergoeding op Botshabelo buite Bloemfontein. Een van die sprekers het gesê die wekroep van sommige kommersiële boere — “geen boer, geen pap” — is ’n doring in die vlees, en het gevra “hulle moet ophou om ons so te intimideer”. KOOS VENTER skryf: Ek het dit nou sommer gou uitgewerk van Google af: Die mens wat dink jy maak R15 000 000 wins op 200 ha mielies, sit die pot ver mis. Hy is nie eens naby die pappot nie. Die gemiddelde opbrengs van wit mielies is 3 ton tot 5 ton per ha. Die prys van mielies is R2 100 tot…

DIE langverwagte bekendmaking van in- en uitvoerbestellings van graan het onlangs ’n aanvang geneem, en talle bedryfsbelanghebbendes het die groter deursigtigheid op die mark verwelkom. Kragtens die nuwe statutêre maatreël, wat op 18 Mei vanjaar in die Staatskoerant afgekondig is, moet die kontrakte van in-en uitvoerders van mielies agt weke voor die fisieke lewering daarvan aan die mark bekend gemaak word. Dit word sedert 28 Junie op die Suid-Afrikaanse Graaninligtingsdiens (Sagis) bekend gemaak, en sal voortaan elke Donderdag daarop verskyn. “Ons kry veral goeie terugvoering van boere, handelaars en landboumaatskappye wat opgewonde is daaroor om te weet watter uitvoer word beplan, sodat hulle ook beter kan beplan,” sê mnr. Luan van der Walt, ’n ekonoom van Graan SA. Hoewel hierdie tipe inligting op die internasionale mark baie algemeen is en…

D OKUMENTE wat mnr. Malusi Gigaba, voormalige Minister van Finansies, glo versuim het om te onderteken, het na bewering meegebring dat suiker sewe weke lank tariefvry ingevoer is. Die Suid-Afrikaanse suikerbedryf staan op die randjie van ineenstorting. Die droogte het die bedryf erg geknou, terwyl die Regering se “administratiewe fout” veroorsaak het dat suiker op groot skaal in die land gestort is. Suiker is van 28 Julie tot 15 September verlede jaar tariefvry vanaf Brasilië en die Verenigde Arabiese Emirate ingevoer, terwyl die tarief in die res van verlede jaar baie laer was as wat dit moes wees. Die Parlement se portefeuljekomitee vir handel en nywerheid het verlede maand op ’n komiteevergadering op antwoorde van die Suid-Afrikaanse Inkomstediens, die Kommissie vir Internasionale Handelsadministrasie (Itac) en die Departement van Handel en…

Daar is al baie debatte gevoer oor die nodigheid dat die staat sy steun aan die landbou in Suid-Afrika moet vergroot. ’n Mens hoor soms op kongresse nog versoeke dat die staat sekere dinge moet subsidieer. Natuurlik is daar sekere dinge wat ’n regering behoort te doen. Een daarvan is om ’n gesonde beleidsraamwerk daar te stel met duidelike doelwitte en watter aksieplanne gevolg gaan word om dié doelwitte na te streef. Die tweede aspek is dié van ’n ramphulpbystandskema vir die landbou wat nie na willekeur deur staatsamptenare toegeken word nie. Derdens is daar die staatsbegroting wat as deel van die staat se funksies ’n begroting vir die departement van landbou het wat sekere administratiewe en beheerreëlings moet toe-pas. Dit raak aspekte, soos die bekamping van siektes, inspeksies en…

HOE KOM JY MET NUWE IDEES VORENDAG? Ek sit gereeld op ’n Vrydagmiddag ’n halfuur opsy waartydens ek myself professioneel probeer uitdaag. Dis ’n tegniek wat ek in die volstruisbedryf geleer het, want daar het ek met nisprodukte gewerk waarvoor ons verbruikers moes gaan soek. Jy moet heeltyd dink waar is daar nog markte vir jou produk of wat kan jy nog doen met wat jy het. Dis ook belangrik om jouself te stimuleer met dinge buite jou bedryf – dit kan maar off the wall wees. WAT LEES JY? Ek lees tans How Asia Works deur Joe Studwell. Dit kyk na ’n klomp lande wat jare gelede in dieselfde posisie was as waar Suid-Afrika nou is en bespreek dan hoekom sommige, soos Suid-Korea en Taiwan, dit gemaak het en…

Op die wyn-en-vrugteplaas Rouxvale het mnr. Marais Brink al alles van sleepwaentjies, wipwakarre en duursame houtkaste tot rottangskinkborde en sy eie koelkamer self gebou. In die meeste gevalle gebruik hy boonop afvalmateriaal of winskopies wat hy op veilings of ander plase oppik. “As jy bereid is om iets self te doen, kom jy agter hoeveel geld jy kan spaar,” sê Marais. “ ’n Mens kan enigiets maak – jou oë moet net oop wees.” Die Brink-familie boer sedert 1954 in Ashton, toe Marais se pa, Deon, sy eerste 50 morg landbougrond gekoop en wingerde gevestig het. Hulle het met verloop van jare grond gekoop en met appelkose en perskes uitgebrei, maar is tans weer op veral wyn toegespits. Marais se seun, ook Deon, het in 2011 Marais se praktiese boerderybedrywighede…

Mnr. Marais Brink het in die Laerskool Goudmyn, ’n plaasskooltjie by Ashton, die kuns van rottangvleg geleer. Só vleg ’n mens ’n wynkan toe: 1 Sit die rottangstroke in water om hulle klam, sag en buigsaam te maak. Tien minute is genoeg; oornag is beter. Knip die vertikale rottangstroke op die regte lengte af en steek hulle onder vas. Hulle staan aanvanklik skeef, maar word reguit namate ’n mens vleg. As jy met een horisontale rottangstrokie vleg, moet daar ’n ongelyke aantal vertikale rottangstroke wees. As jy met drie vleg — wat netjieser en stewiger is, sê Marais — maak dit nie saak hoeveel vertikale rottangstroke daar is nie. Hoe nader die vertikale stroke aan mekaar is, hoe netjieser is die eindproduk. 2 Begin met die agterste rottangstrook en slaan…

Benewens die voorkoms van die appelkultivar Flash Gala wat bemarking bevoordeel, het dit ook ’n genetiese voordeel. Volgens mnr. Henk Griessel van Tru-Cape is die gestreepte kleure van die meeste Galakultivars geneig om terug te slaan. Daarom is daar party Gala-boorde oor die wêreld heen waarvan tot 30% teruggeslaan het na die gene van die ouers waaruit die Galas oorspronklik geteel is. Die genetiese samestelling van die volrooi Flash Gala is van só ’n aard dat die kleureienskap stabiel is. “Net op hierdie enkele voordelige eienskap van die Flash Gala sal die uitpakkoers van die Flash Gala reeds 30% hoër wees as ’n normale Gala, want daar sal nie appels aan die bome hang wat weens genetiese afwykings nie aan die kleurvereistes voldoen nie. “Nog ’n voordeel is die eenvormige…

DIE VESTIGING VAN WEIDINGS Wat is die beste metode om weidings te vestig? Die meeste aangeplante weidingsoorte is veredelde kultivars van natuurlike grasse. Die aanname is dikwels dat die saad net op die grond uitgegooi kan word en dan sal opkom. Saad is te duur om dit te doen. Jy moet ’n goeie saadbedding voorberei. Hier volg ’n paar redes oor waarom mislukkings voorkom. ■ Los saadbedding. Indien die grond te los is, lei dit gewoonlik tot groot vogverlies. Kompaktering met ’n roller of drukwiel net ná die vestiging is belangrik om die saadbedding ferm te kry en om die saad in noue kontak met die grond te bring. ■ Grondvog. Die ondergrond behoort tydens die vestiging genoeg vog te bevat om goeie ontwikkeling van die kiemplant te verseker. ■…

Van Brakel Stoor se boontjiesop met stampmielies Die Van Brakel Stoor op die R316 tussen Bredasdorp en Caledon is ’n ouwêreldse kontreiwinkel waar jy nog boerekos, soos afval, waterblommetjiebredie en die heerlikste boontjiesop, kan eet. ■ 125 ml stampmielies, oornag geweek ■ 500 g droë, rooi suikerbone, oornag geweek ■ 500 g skaapskenkels, in stukke gesaag ■ 2 uie, gekap ■ Olie, vir braai ■ 1 wortel, fyn gekap ■ 1 tamatie, geskil en fyn gekap ■ 2,5 liter water ■ Sout, swartpeper en vleisspeserye ■ 80 ml fyngekapte, vars pietersielie Dreineer die stampmielies en bone en kook elk afsonderlik in skoon, ongesoute water tot sag. Terwyl die mielies en bone kook, braai die skenkels en uie saam bruin in ’n bietjie olie. Voeg die wortel en tamatie by. Voeg…

Ondanks konserwatiewe verwagtinge vaar Suid-Afrikaanse suurlemoene bo verwagting goed in Europa. Hoë reënval en stakings in Suid-Amerika het daardie oes geknou. Volgens mnr. Snyman Kritzinger, besturende direkteur van Grown 4U (’n produsente-uitvoerder vir die Gamtoos- en die Sondagsriviervallei), was die verwagting vanjaar dat die druk groot sal wees vir die suurlemoenmark in Europa én die Midde-Ooste, Suid-Afrika se twee belangrikste bestemmings vir suurlemoene. Hy sê egter dat die probleme in Suid-Amerika tot Suid-Afrika se voordeel is, veral ten opsigte van Europa, wat tot beter as verwagte pryse gelei het. Die situasie kon egter anders gewees het indien dié lande se oeste goed was. Hy sê hoewel die pryse in die Midde-Ooste swakker is, is die pryse beter as ’n jaar gelede. Volgens die Suider-Afrikaanse Sitruskwekersvereniging se oesskatting sal daar nagenoeg…

GAUTENG CARLETONVILLE HAASKRAAL (460), 28 ha, aan Junior Jack-boerdery, van J.H. van Niekerk, R2 900 000. DERDEPOORT HERMANUSKRAAL (9), 883 ha, aan Tshwane- gemeenskaplike eiendomsvereniging, van P.C. Boshoff-belegging, R14 420 000. KOEDOESLAAGTE (173), 865 ha, aan die Regering van die Republiek van Suid-Afrika, van S.J. Nel, R7 150 000. PRETORIA BOEKENHOUTSKLOOFDRIFT (286), 21 ha, aan C.L. Hulme, van L. Wolter, R1 500 000. KWAZULU-NATAL JOZINI LOT H112 (13756), 21 ha, aan L.M.G. Buthelezi, van E. en J.J. Badenhorst, R260 000. LADYSMITH PAAPKUILS FONTEIN (819), 78 ha, aan E.M. en L.J. van der Merwe, van MSQ-beleggings, R1 600 000. PIETERMARITZBURG PETRUS STROOM (954), 71 ha, aan N.M. Bangay, van Flaming Silver Trading 308, R1 550 000. SHOOTERS HILL (908), 151 ha, aan Super Star Enterprise (Edms.) Bpk., van Proud Heritage Properties…

Die Noord-Kaapse departement van landbou onderhou twee bewaringskuddes van die bedreigde, inheemse Namakwa-Afrikanerskaapras op navorsingsplase by Upington en Carnarvon. Dié geharde skaapras kan in die toekoms van belang wees by veranderde boerderytoestande weens klimaatsverandering. Namakwa-Afrikanerskape het weerstand teen uitwendige parasiete, soos bosluise, toon minder uierprobleme en het ’n goeie reproduksievermoë. Aangesien Namakwa-Afrikaners se vleisopbrengs swakker is as rasse wat al dekades vir groei en vleisproduksie geselekteer is, word die ras nie op groot skaal in boerderye gebruik nie, sê prof. Schalk Cloete van die Wes-Kaapse departement van landbou. “Hulle is maerder, wat voordelig kan wees as dit die oogmerk is om maer en gesonder vleis te lewer, maar hulle het ’n klomp gelokaliseerde vet in die stert waarvoor ’n boer nie noodwendig betaal word nie.” Volgens dr. Gretha Snyman van…

In die somer wei Barras Farming se beeste in die suurveld met ’n P6-lek wat van middel Maart af vir die beeste uitgesit word. Barras Farming het onlangs eers met mielies begin boer en die mieliereste kom baie nuttig te pas in die winter vir weiding vir die beeste. Van middel Mei af word ’n Premix 450-lek saam met die P6 uitgesit tot die einde van die winter, wanneer dan slegs met die P6 voortgegaan word tot aan die einde van die jaar. Chris produseer ook oulandsgras en Paspalum-hooi wat hy in die winter vir die beeste voer. Die oulandsgras en Paspalum dien ook as weiding indien nodig.…

20% China se vrugte-invoervolume was in die eerste kwartaal van vanjaar 20% hoër as in die ooreenstemmende tydperk verlede jaar en die waarde van dié invoer was 49% hoër. Die gemiddelde groothandelprys van perskes op die Xinfadi-mark is tans 3 yuan (R6) per 500 gram, wat ook 20% hoër is as verlede jaar. Dit is weens onverwagse koue weer in blomtyd, wat gelei het tot kleiner hoeveelhede volwasse vrugte. Dié kleiner produksievolumes het weer tot ’n prysstyging gelei. — Freshplaza 10% Melkboere se gemiddelde produsenteprys het van Maart tot Junie met 50c/liter, oftewel 10%, geval, weens voorafgaande sterk groei in produksie, asook Suid-Afrika se status as netto invoerder, sê die Melkprodusente-organisasie in ’n nuwe verslag. Weens die dalende prys het die groei in melkproduksie in Mei vanjaar tot 3,08% afgeneem…

‘Dis fantasties, absoluut fantasties. Ons is tans regtig baie opgewonde en hoop dat nog opvolgreën sal val.’ MNR. ANDRIES THERON, koringboer van Moorreesburg, oor verlede week se goeie reën. Bl. 17 ‘Dit is besig om ooswaarts van George af te versprei selfs tot by Tsitsikamma.’ MNR. BRAAM DU PREEZ, bosboukonsultant, oor die stompkopkewer wat sedert Januarie bome in die Georgeomgewing laat vrek. Bl. 18 ‘Die grond wat ons besit, is vol geleenthede. Omdat dit waarde het, het ek toegang tot bykomende finansiering.’ MNR. JOHAN HOLTZHAUSEN, boer van Lydenburg, by ’n verhoor oor grondonteiening sonder vergoeding. Bl. 22 ‘Die boek sal hopelik tot die debat bydra en sommige van ons wakker skud wat steeds in algehele onkunde oor die erns van die situasie leef.’ DR. JOHAN BURGER, misdaadnavorser by die Instituut…

GRONDSITTINGS: ANC IS DIE PROBLEEM Uit die afgelope sittings oor grondhervorming in Namakwaland het ’n paar goed duidelik geword. Die eerste is dat baie mense die begrip “grondhervorming” nie so mooi verstaan nie. Daar is geëis dat hul tradisionele grond wat aan hul voorvaders behoort het, aan hulle teruggegee word. My vraag is: Aan wie moet dit teruggegee word? Moet dit aan hulle as ’n gemeenskap teruggegee en in ’n trust bewaar word wat deur hul leier (stamhoof, kaptein of koning) volgens sy gesag en na sy goeddunke beheer word? As dít is wat hulle vra, is dit nog geen grondhervorming nie. Hulle bly pagters op grond waaroor hulle nie werklik beheer het nie en bly uitgelewer aan die giere van iemand anders. Grond moet aan ’n individu gegee word…

VERTEENWO ORDIGERS van Statistieke Suid-Afrika (SSA) gaan kommersiële boere van September vanjaar tot Maart aanstaande jaar nader om aan opnames vir ’n landbousensus deel te neem. Mnr. Risenga Maluleke, statistikus-generaal, het verlede week op ’n bespreking oor die sensus gesê dit word reeds lank beplan en hou dus nie verband met die debat oor die moontlike onteiening van grond sonder vergoeding nie. Suid-Afrika se statistiekdiens het van 1918 tot 1980 byna elke jaar sensusse oor die kommersiële landbou gedoen, waarna dit geleidelik verminder is. Ná 1994 is besluit om dit net elke vyf jaar te doen. Ná die sensusse van 2002 en 2007 moes een in 2012 gevolg het, maar die Departement van Landbou, Bosbou en Visserye het nie geld daarvoor gehad nie. Dit sou toe verlede jaar (2017) gedoen…

D IT is nou amptelik: Die plantplaag wat sedert einde verlede jaar verwoesting onder bome in George en Knysna aan die Tuinroete saai, is die werk van ’n stompkopkewer (Euwallacea nr. fornicates) en sy simbotiese swam (Fusarium euwallacea). ’n Verslag word binnekort in dié verband uitgereik ná ’n ondersoek om die oorsaak van skade aan bome in private tuine en parke te bepaal. Mnr. Braam du Preez, ’n bosboukonsultant, het aan Landbouweekblad gesê daar is vasgestel dat die kewer en die swam beslis verantwoordelik is vir die skade. Kommer is reeds uitgespreek dat dit kan oorspoel na die Suid-Kaap se vrugteboorde en die res van die landbou. Du Preez het in Januarie monsters van die beskadigde bome geneem en dit met kundiges by die instituut vir bosbou- en landboubiotegnologie (FABI)…

DA AR is wêreldwyd ’n ál groter neiging om administrateurs van WhatsApp-groepe daarvoor verantwoordelik te hou as vals nuus of lasterlike materiaal op dié groepe versprei word. Só waarsku me. Emma Sadleir, ’n prokureur en kenner van sosiale media by The Digital Law Company. Ongeag of daar vyf mense op WhatsApp of 5 miljoen mense op ’n Facebook- of Twitter-blad toegang tot spesifieke inhoud kry, “die persoon bly die redakteur van sy of haar eie profiel en kan strafregtelik vervolg word as van die inhoud byvoorbeeld rassisties, lasterlik of vals nuus is. “Dieselfde wetgewing geld vir ’n individu as vir ’n groot media-handelsmerk wat aan sekere wetlike bepalings en regulasies moet voldoen,” sê Sadleir. “Selfs al is jy nie die skepper van die inhoud wat jy op jou blad of…

ORGANISEERDERS van vanjaar se Kirkwood-wildveiling sê die uitslae was beter as verwag, al was hul verwagtinge nie baie optimisties nie. Mnr. Johan Swart, organiseerder van die veiling, sê die omset van vanjaar se fees was R4,6 miljoen, teenoor R7,5 miljoen verlede jaar. Dit was vanjaar die sewentiende keer dat die veiling tesame met die Kirkwood-wildsfees aangebied is. Hy sê die rede vir die afname is hoofsaaklik die laer pryse wat betaal is. Die laer pryse kan toegeskryf word aan die droogte, swak ekonomiese toestande en onsekerheid in die landbou as gevolg van die debat oor onteiening, wat wildsboere versigtiger maak om wild aan te koop. “Die wildveiling was egter net weer ’n bewys dat wild met goeie horinglengtes steeds goed verkoop.” BUFFEL Noemenswaardige kopies was twee koedoebulle, met horinglengtes van…

Die aanwas-eis kom eerste. Jy kan net bates bemaak wat nie onderhewig is aan die aanwas-eis nie. Vandeesweek kyk ek na die gebruik van ’n testamentêre trust om vir ’n langslewende gade voorsiening te maak. En, na aanleiding van ’n leser se vraag, ook die volgende: Kan hy sy bates na ’n testamentêre trust oordra en sodoende vir sy vrou sorg? As hy dit doen, hoe word die aanwas-eis by sy dood bereken? Die grootste probleem waarmee die leser sit, en dit geld omtrent alle boere met wie ek in aanraking kom, is dat die geldwaarde van die plaas meer is as die beskikbare kontant in die boedel. Inteendeel, en dit is die grootste bekommernis, of liewer risiko, wat ek vir boere sien: Die plaas is meer werd as wat…

Die bedreigde, inheemse Namakwa-Afrikanerskaapras het voordele, maar is alle kuddes wat as sulks aangebied word, raseg? Dít was die onderwerp van navorsing deur dr. Lise Sandenbergh, voorheen van die Wes-Kaapse departement van landbou. Namakwa-Afrikanerskape het weerstand teen uitwendige parasiete, soos bosluise, het minder uierprobleme en lewer goeie reproduksie, maar het ’n swakker vleisopbrengs as rasse wat al dekades lank vir groei en vleisproduksie geselekteer is. Die inherente weerstand van Namakwa-Afrikaners teen bosluise is belangrik omdat chemiese bekamping van sulke plae nie volhoubaar is nie. Geharde rasse kan ook van belang wees by veranderde boerderytoestande weens klimaatsverandering. Gegewe die bedreigde status van Namakwa-Afrikaners as ras, is dit belangrik om te weet of die kleiner bewaringskuddes van die ras wat onderhou word, raseg is. Sandenbergh het genomiese metodes gebruik om vas te…

Ná ’n B.Com.-graad in vervoerekonomie aan die Universiteit van Johannesburg en ’n honneursgraad in logistiek aan Maties het mnr. Charl du Plessis sy loopbaan begin as logistieke bestuurder by Anglo American Farms. Daarna het tien jaar by Capespan gevolg, onder meer in België, waar hy vrugteverkryging behartig het en verhoudings met groot Europese kleinhandelaars moes bestuur. In 2011 het hy die leisels oorgeneem by Klein Karoo Internasionaal se volstruisleerafdeling. In 2015 het hy uitvoerende hoof van die maatskappy geraak.…

WAT WAS JOU BESTE BESLUIT TOT NOG TOE? Om gehaltetyd aan menseverhoudinge te bestee. WIE IS JOU MENTORS? My ouers, by wie ek lewensvaardighede leer om verskillende situasies so goed moontlik te kan hanteer. WAT IS DIE BESTE RAAD WAT JY AL GEKRY HET? Definieer sukses vir jouself, aangesien almal se omstandighede verskil. WAT IS DIE GROOTSTE BOERDERYFOUT WAT JY GEMAAK HET? Aanvanklik het ek te min tyd in my kantoor deurgebring. WAT IS JOU GROOTSTE PROBLEEM? Om tyd te maak vir myself om te ontspan. WATTER TEGNOLOGIE IS ONMISBAAR? Die reminder-funksie op my selfoon en Excel op my rekenaar.…

Skryf jou Boereplan in vir Landbouweekblad se Boereplanrubriek, en wen dié Israeliese produk, ’n inlyn, chemikalieëvrye veeldoelige katalitiese omsetter, ontwerp om die nadelige uitwerking van harde water uit te skakel en sensitiewe werktuie te beskerm. Die beste Boereplan wat in die uitgawes van 1 Junie tot 31 Augustus verskyn, wen dié prys ter waarde van R10 000. DIE PTH WORD ONDER MEER VIR DIE VOLGENDE DOELEINDES GEBRUIK • Voorkoming van kalksteen-aanpaksels en roes. • Verwydering van reeds gevormde kalk- en roesneerslae en aanpaksels. • Bekamping van yster- en mangaan-neerslae. • Vermindering van oksidasieprosesse met gepaardgaande neerslae. • Vermindering van gasinhoud van water. • Verbetering van onder meer brak, chloor en swael smaak. • Verhoging van grondinfiltrasie-vermoë. • Verbetering van saadontkieming. • Verbeterde plantegroei en verhoogde produksie. • Voorkoming van verbrakking van grond. • Verbeterde benutting van swembad-chemikalieë.…

Plase is veel meer as net pragtige mielielande en mooi sonsondergange neffens jou veekudde in die veld. Om te boer, behels lang dae, baie stowwerige kilometers in die bakkie, seer spiere en vuil hande. Om te boer, kan wonderlike vennootskappe en taai toerusting maak of breek. Boere benodig dus die beste toerusting om hul taak selfs op die moeilikste dae te kan verrig. Hiervoor is die Firestone-landboureeks of Farm Hard-reeks steeds die beste keuse. Die regte band kan ’n groot invloed hê op staantyd tydens oes- en planttyd en gevolglik ook op die boer se eindresultaat. “Ons navorsing toon dat boere nie aan bande dink tensy daar ’n probleem is nie,” sê mnr. Tony Orlando, voorsitter van Firestone Agriculture (Bridgestone Americas Tyre Operations). “Boere is te besig om besluite te…

Genoeg lê in die oop arms van ons Hemelse Vader. Ek het al ’n paar keer probeer skryf oor wanneer genoeg nou eintlik genoeg is. Dat ek dit nogmaals aandurf, bewys dat ek nog nie tevrede is met my vorige pogings nie. “Genoeg” bly dus ’n ontwykende begeerte. Maar dan ontstaan die vraag: Waarom bly dié kwessie so ’n onvoltooide onderwerp? Die antwoord is eenvoudig: Dis omdat die onversadigbare versugting na méér en nog méér een van die oersondes is. Die sonde van hebsug sien moeilik die stoptekens wat “genoeg” aandui. Wie luuksheid gesmaak het, word verslaaf daaraan. Dis soos dwelmmiddels, wat soek na méér. Wie mag bekom het, wil meer mag hê; wie sy skure volgemaak het, bou nóg skure. Die pot vol goud aan die einde van die…

Ondanks die droogte wat steeds in die grootste deel van die vyeproduksiegebied in die Wes-Kaap geheers het, is boere optimisties oor die afgelope seisoen. Volgens mnr. Willem van der Merwe van die Dasklip-boerdery naby Porterville, was die afgelope seisoen ’n probleem weens die droogte, maar is hy steeds optimisties danksy goeie opbrengste en goeie uitvoerpryse. Hy sê dit wil egter voorkom asof Porterville in die toekoms gunstig vir produksie kan wees vanweë die warm, droë klimaat, hoewel die bome steeds water nodig het. Hy voer die meeste van sy vye uit, met die kultivar Ronde de Bordeaux, wat hoofsaaklik vir die Nederlandse mark bestem is, en die kultivar Bourjassotte Noire (Evita/Parisian) wat vir die Ooste en Brittanje be-stem is. Volgens mnr. Jan Eksteen van die Uitkijk-boerdery naby die Paarl, het…

Die volgende ontleding van grondverkope in Suid-Afrika is van transaksies in die Oos-Kaap vir die 12 maande tot Maart vir grond van meer as 10 ha. In dié tyd is dalende grondpryse in talle distrikte (40%) aangeteken – ’n duidelike teken van die moeilike boerderytoestande. In dié tydperk is 361 ooreenkomste in 35 distrikte gesluit. Altesame 255 285 ha is teen R2,191 miljard verhandel. Daarvan was 55 transaksies van kleur – 15% van die totaal. Dit behels 20 565 ha, oftewel 8,1% van die totaal, teen R280 miljoen. Twee van die transaksies was vir landboudoeleindes en 43 tussen individue. Altesame nege transaksies val buite die landbou. Uit die totaal was 93 (26%) van die transaksies vir grond van minder as 50 ha met die meeste (181, oftewel 50%) vir grond…

Landbou-organisasies, boereverenigings, ens., is welkom om die datums van hul byeenkomste aan ons te stuur vir publikasie in Landboukalender. Die besonderhede moet gestuur word aan lbw@landbou.com BOEREDAE 14 JULIE: Piketberg se landbouveterane-ploegdag. Aangebied deur die Swartlandse Veteraan-trekker-en-enjinklub. Piketberg. Jaco Taljaard, sel 082 573 5335. 25-26 JULIE: MPO Noord-inligtingsdae: Kalfgrootmaak en kuddebestuur- en gesondheid. Wolvenfontein, Lichtenburg. Benita, sel 073 116 8544. 27 JULIE: Mango-dag, aangebied deur die Suid-Afrikaanse Mangokwekersvereniging . Fairview Hotel, Tzaneen. Christa de la Port, tel. 015 307 3677, 015 306 6240. 15 AUGUSTUS: Armoedsvlakteboeredag vir vleisbeesboere, LNR-bultoetssentrum, Vryburg. Melville Ferreira, sel 084 506 0068; e-pos: Ferreiram@arc.agric.za 18 AUGUSTUS: Inligtingsdag vir die stoetteler. Tema: Toekoms van genomiese ontleding en seleksie van teelmateriaal. Amanzi-wildreservaat, sel 082 828 1984 22 AUGUSTUS: Noord-Vrystaatse SAVM-klub bied ’n “mega-boeredag” en veiling aan met die…

Buiten dat dit boekdele spreek oor die soort land wat Suid-Afrika is, maak dit eenvoudig nie sin nie dat die verkeersdepartement al om 15:30 gesluit is, terwyl almal anders nog werk. Moet dit nie juis vir mense maklik wees om hul lisensies te kry nie? Ons betaal immers ruim vir hierdie diens. Vir wat ons kry, is Suid-Afrikaners seker een van die mees swaarbelaste bevolkings ter wêreld. Jy begin eers in Mei jou eie geld verdien, want tot dan gaan alles na die staat! Buiten maatskaplike toelaes is staatdienssalarisse Suid-Afrika se grootste uitgawe. Hoekom staan ek dus om 15:30 voor die geslote deure van ’n staatsdepartement? Dit laat ’n mens aan die grondverhore dink. Baie tyd, geld en energie word afgestaan om te hoor hoe gewone mense voel oor die…

BEWARINGSBOERDERY VERGOED MILDELIK Plaasbeplanning en die daarstelling van ’n gesonde bewaringsboerdery het mnr. Basie de Jongh, skaap-en-saaiboer van die plaas Rustig by Graafwater aan die Kaapse Weskus, oor baie jare ’n groot klomp geld en heelwat moedhou gekos. Vandag word hy egter ruimskoots daarvoor vergoed. Die mate waartoe hy winderosie en veldagteruitgang hokgeslaan, sy Merinoskape se gehalte en kondisie verbeter, sy wolskeersel verhoog en sy veld se drakrag opgeskuif het, is van die voordele wat hy geniet. De Jongh het aanvanklik saam met sy pa en broer geboer. Hul plaas van 6 000 morg (5 140 ha) het net 750 tot 800 skape gedra. In 1952 het De Jongh op sy deel van die plaas begin boer. Dié deel van 2 900 morg (2 480 ha) het uit sewe kampe…

SUID -AFRIK A se makadamiabedryf is moontlik in die spervuur van die handelsoorlog tussen Amerika en China vasgevang, berig Green Farms Nut Co. Die maatskappy het na aanleiding van navrae van sy boere inligting oor die Chinese mark bekend gemaak. Die maatskappy verwys na ’n nuusberig van CNBC oor die handelsoorlog tussen dié twee handelsreuse, met die regering van China wat glo gesê het hy is nie bang om terug te baklei nie. Me. Annelle Whyte van Green Farms Nut Co. berig dat makadamias grootliks deur “grys kanale” na China uitgevoer word. Dit word gebruik om China se hoë invoerbelasting te vermy. Vanweë die voortgesette handels- en tariefregtelike konflik tussen Amerika en China het die Chinese owerhede ál dié kanale onderdruk. Gevolglik het Chinese invoerders wat veral vandiékanalegebruik maak, hul…

DIE nuwe boek Kill the Boer lewer ’n belangrike bydrae tot die debat oor plaasmoorde en -aanvalle, sê ’n kenner van misdaad. Dit is veral die geval in dié tyd dat plaasmoorde en -aanvalle klaarblyklik ’n ongemaklike, netelige en politieke onderwerp vir bespreking geword het. Só het dr. Johan Burger, ’n oudpolisieman en konsultant vir die Instituut vir Sekerheidstudies (ISS), gesê met die mediabekendstelling van die boek van mnr. Ernst Roets, adjunk- uitvoerende hoof van AfriForum. “Die boek sal hopelik tot die debat bydra en sommige van ons wakker skud wat steeds in algehele onkunde oor die erns van die situasie leef,” het Burger gesê. Dit is vir hom irrelevant of ’n mens met al die standpunte en bevindinge in die boek saamstem. Wat belangrik is, is dat die boek…

NAGENOEG 700 werknemers van die melkverwerker Parmalat word sedert 27 Junie die maatskappy se persele in die Wes-Kaap, Oos-Kaap en KwaZulu-Natal belet nadat die vakbond Food and Allied Workers Union (Fawu) met ’n beskermde staking begin het. Volgens mnr. Thabo Moselane, nasionale sektororganiseerder en -onderhandelaar van Fawu, is sowat 700 werkers by die staking betrokke. Werkers in Gauteng neem nie aan die staking deel nie. Mnr. Chris Vermeulen, Parmalat se uitvoerende direkteur vir menslike hulpbronne, sê in ’n verklaring die uitsluiting sal voortduur tot die staking amptelik verby is. Die dooiepunt tussen die maatskappy en die vakbond handel oor Fawu- geaffilieerde werkers se eis vir hoër lone en nóg een vir ’n billiker bepaling van werkers se jaarlikse en maandelikse aansporingsvergoeding. Parmalat bied ’n verhoging van 7,3% aan. Fawu het…

KOSIE VAN ZYL Saaiboer en stigter van Agri Dwala, ’n visioenêre bemagtigingsprojek in die Overberg. LEONA DAVIDS Direkteur van Agri Dwala. WALTER BIGGS Dié melkboer van Alexandria het suksesvolle swart ekonomiese bemagtiging op ’n familieplaas bewerkstellig. TSHILIDZE MATSHIDZULA Danksy Walter Biggs se mentorskap is hy as die Oos-Kaap se Jongboer van die Jaar aangewys. DRIES WIESE Die kinders van dié leidende Dorperboer van Loxton se plaaswerkers is vandag leierboere ná opleiding by landbouskole en kolleges. ETIENNE VAN WYK Die seun van ’n plaaswerker en vandag ’n leierboer danksy Dries Wiese se mentorskap. JEFF EVERY Uitvoerende hoof van Amadlelo Agri, wat suksesvolle melkerye op kommunale grond opgerig het vir van Suid-Afrika se grootste melkboere. MAZIBUKO JARA Hy is van die Alliance of Land and Agrarian Reform Movement, wat vernuwende projekte van…

Daar word jaarliks sowat 200 ha wynwingerd in die Oranjerivierstreek uitgehaal. Is dit ’n neiging wat julle bekommer? Hoe lyk die toekoms van die Noord-Kaap se wynbedryf? As jy ’n omgewing het waar jy konstant deurset (hektare) verloor, is die maklike redenasie dikwels “kyk, die boere moet net nog meer plant”. Maar die boere is in ’n makro-omgewing wat deur vraag en aanbod bepaal word. Inherent is dit maar die probleem van die wynbedryf; daar is die meeste van die tyd ’n ooraanbod en ’n gebrek aan genoeg vraag – internasionaal en in Suid-Afrika. Histories was ons inisiatief om nog produksie te stimuleer om die ding reg te stel en meer deurset te kry. My uitkyk is egter dat die onderneming hom moet belyn met hoeveel wingerd daar is wat…

Pannar se verkoopsverteenwoordiger in Welkom, mnr. Le Roux (Botter) Breytenbach, is mnr. André Bezuidenhout se regterhand as dit by kultivarkeuses kom. “Dit is nou die vierde jaar dat ek op groot skaal met sojabone eksperimenteer. Ek kan bevestig dit het wél ’n plek by ons, veral as die bemestingsprogram korrek toegepas word en die reën reg val,” sê Bezuidenhout. Nog ’n konsultant, mnr. Bennie de Klerk van Multi Green, kuier saam op die plaas. Hy werk nou saam met Bezuidenhout en Breytenbach en behartig die bemestingsprogram. “Ons kan nie sonder ons konsultante en agente boer nie,” sê Bezuidenhout. “Ek plant al langer as 30 jaar proewe met koring en ander gewasse om kultivars se aanpassing en prestasie in hierdie omgewing te bepaal. Dit is belangrik om proewe te plant om…

HOE BEWAAR JULLE DIE VREDE TUSSEN MEKAAR? Daar bestaan nie iets soos ’n rooskleurige, konflikvrye familieboerdery nie. Ons het geen resep nie — ons probeer mekaar respekteer en sorg dat ons goeie en slegte eienskappe mekaar aanvul. Ons het lankal reeds besef dat ons saam sterker is as op ons eie. Kommunikasie en regverdigheid onder mekaar bly baie belangrik. Bewaar die vrede sover moontlik. WAT WAS JUL BESTE BESLUIT? Om ’n kans te waag en te diversifiseer. Dit was ook ’n goeie besluit om kundiges van die PSG-groep by ons besigheid in te sluit wat ons kon bystaan met finansiële besluite en leiding. WAT IS DIE BESTE RAAD WAT JULLE NÓG GEKRY HET? My pa het altyd gesê — “maak tyd om in jou bakkie te klim en na ander…

As jy in die 1960’s en vroeë 1970’s op ’n Saterdagaand niks gehad het om te doen nie, is jy na Ashton se drive-in toe om John Wayne, Debbie Reynolds en Doris Day te sien, sê mnr. Marais Brink. “Daar was plek vir sowat 200 karre. Jy kon nie bespreek nie, so as daar iets besonders speel, het jy ’n piekniekmandjie gepak en al halfvyf gery om daar te wag.” Toe Suid-Afrika egter televisie kry, het die inryteaters een-een toegemaak — ook Ashton s’n. Marais het ’n geleentheid gesien en die inryteater se drie aandeelhouers ’n kis brandewyn elk aangebied in ruil vir die skerm, ’n reusestaalstruktuur wat maklik 12 m hoog was. “Hulle sê toe nee, dankie – hulle wil eerder elkeen R100 hê. “Ons hou toe by die…

VEILIGHEID NUTTIGE TOESTEL VIR SELFVERDEDIGING ’n Unieke veiligheidstoestel wat in Suid-Afrika deur StratTech ontwikkel is, is nou beskikbaar. Die iProTech-veiligheidstoestel is so groot soos ’n selfoon en word geaktiveer deur slegs ’n mens se hand toe te maak tydens ’n aanval. Terwyl ’n aanvaller met ’n pepersproeikonsentraat buite aksie gestel word, word hy ook met ’n unieke DNS-merkvloeistof getref saam met ’n ultravioletstof wat die DNS-kode maklik laat uitstaan en herkenbaar maak. ’n Spesifieke geur word ook vrygestel wat deur opgeleide snuffelhonde gevolg kan word. Saam met die straalbespuiting word data na ’n beheerkamer gestuur, waaronder ’n foto van die aanvaller, die GPS-posisie van die toestel en die tyd en datum van die aanval. ’n Boodskap word ook na die naaste nooddienste gestuur en ’n harde sirene word geaktiveer om…

GWK Eiendomme bied die veiling aan in opdrag van mnre. Harry en Henry Roberts wat hulle saaiboerdery staak. Die vier eenhede van die plaas wat te koop is, kan gesamentlik of afsonderlik gekoop word en bied goeie potensiaal vir enige koper. “Die familie boer al jare lank op Clanfield. Die plaas is met verloop van jare opgebou tot wat dit vandag is en bied geleentheid aan ’n koper om goed opgeboude watertafellande te bekom,” sê mnr. Braam Hendriks, ’n agent van GWK Eiendomme in dié omgewing. “Die plaas is in die distrik Hoopstad, wat ’n gesogte omgewing is. Om grond in dié omgewing te koop, sou tot onlangs toe nog sowat R80 000 per hektaar gekos het. Die afgelope ruk is dit egter moontlik om goedkoper grond in hierdie omgewing…

Kerriepatatsop ■ 10 ml olie ■ 10 ml botter ■ 2 uie, fyn gekap ■ 15 ml matige kerriepoeier ■ 1 liter hoenderaftreksel ■ 3 groot patats, geskil en in blokkies gesny ■ 1 blik (410 g) klapperroom ■ Sout en vars gemaalde swartpeper na smaak ■ Klein bietjie vars room, om af te rond Verhit die olie en botter in ’n groot kastrol en braai die uie daarin tot sag. Voeg die kerriepoeier by en braai vir een minuut. Voeg die hoenderaftreksel en patats by en verhit tot kookpunt. Prut vir sowat 30 minute of tot die patats sag is. Verpulp die sop (’n staafmenger werk goed) en roer die klapperroom by. Verhit die sop tot kookpunt en geur na smaak met sout en peper. Skep op en rond…

INTERNASIONAAL: Die Chicagoprys het met 1,4%, of $1,94/t (R26,59/t), tot $138,37/t (R1 896/t) teenoor die vorige week gedaal. Op ’n jaargrondslag is dit 2,1%, of $2,93/t (R40,16/t), laer. Verwagte pryse: Julie – $138,26/t (R1 895/t), September – $141,88/t (R1 945/t), Desember – $146,45/t (R2 007/t), Maart 2019 – $150,23/t (R2 059/t). PLAASLIK: Die Safexprys van wit mielies het met 1,6%, of R33/t, teenoor die vorige week gedaal. Die prys van geel mielies het met 0,6%, of R13/t, teenoor die vorige week gedaal. Op ’n jaargrondslag is wit mielies 20,4%, of R349/t, hoër, terwyl geel mielies 17,7%, of R325/t, hoër is. Verwagte witmieliepryse: Jul. – R2 087/t, Sept. – R2 121/t, Des. – R2 200/t, Mrt. 2019 – R2 243/t. Verwagte geelmieliepryse: Jul. – R2 199/t, Sept. – R2 228/t, Des.…

Voorgestelde wysigings aan elektrisiteitswetgewing kan boere uiteindelik help om hul koolstofspoor kleiner te maak en op elektrisiteitskoste te bespaar. Dr. Requier Wait, hoof van ekonomie en handel by Agri SA, sê die voorstelle wat op 8 Junie vir kommentaar in die Staatskoerant afgekondig is, bied meer duidelikheid oor vrystelling van lisensiëring en die registrasie van mense wat self krag opwek. Daar is reeds boere wat in hernieubare energie-aanlegte, soos sonkragaanlegte, belê het in afwagting op regulasies daaroor. “Sodra al die regulasies afgehandel is en ’n boer ’n registrasiesertifikaat kan verkry, sal so ’n opwekkingsaanleg aan die kragnetwerk gekoppel kan word.” Dan kan ’n boer krag aan die netwerk lewer wat van sy toekomstige gebruik afgetrek kan word, mits hy ’n ooreenkoms met die kragverskaffer het. Wait sê die onlangse kennisgewing…

VILJOENSKROON CHAROLAIS / R330 000 Twee Suid-Afrikaanse rekordpryse is op die veiling van mnr. Hansie Müller se Charolais-stoetery Eslau op die plaas Wawielpark, Viljoenskroon, behaal. Mnr. Thys Benson van die MEB-boerdery, Riversdal, het albei rekordpryse (R330 000 vir ’n stoetbul, foto bo, en R250 000 vir ’n dragtige stoetkoei met kalf, foto onder) betaal. Stoetbulle het gemiddeld R89 850 stuk behaal en dragtige stoetkoeie met kalwers gemiddeld R69 312. André Kock & Seun het die veiling aangebied en mnr. Theuns Visser was die afslaer. By die duurste koei met kalf is, van links, me. Elaine en mnr. Thys Benson, Müller, Johannes de Beer van André Kock en Seun en Theuns Visser. PARYS / DRAKENSBERGER R75 000 ’n Omset van R2 148 750 is op die nasionale Drakensberger-veiling op Parys behaal.…