Innehållsförteckning för 17-Aug-18 från Landbouweekblad

KLIMAAT-PADKAART Die Departement van Landbou, Bosbou en Visserye het sy strategiese raamwerk vir klimaatslim-landbou vir kommentaar beskikbaar gestel. Dit sit uiteen hoe die land homself minder kwesbaar vir klimaatsverwante veranderinge kan maak, aanpasbaarheid kan verhoog en hoe om risiko’s wat verband hou met klimaatswisselinge en –veranderinge te benader. Dit stel gewasse voor wat omgewingshulpbronne doeltreffend gebruik, soos om gewasse te plant wat vroeg wasdom bereik, en die selektiewe aanhou van lewende hawe in gebiede waar die reënval afgeneem het. Die plan is beskikbaar by bit.ly/2AR6Jb5. DAMPROJEK OP DREEF Bouwerk aan die Clanwilliamdam se wal is op Maandag 6 Augustus hervat ná ’n vertraging van bykans twee jaar. Die werk sou aanvanklik in September 2016 begin het, maar toe het me. Nomvula Mokonyane, die voormalige Minister van Water en Sanitasie, die…

Boots die natuur na, want dit bly maar die volhoubaarste manier om op die lang duur geld te maak in boerdery. Dít was weer die boodskap op Bewaringslandbou Wes-Kaap se onlangse konferensie. Laat ekologiese dienste vir jou werk. Besnoei só jou koste, terwyl jy produksie uitbou. Die natuur weet immers wat sy wil hê. Hoekom sal ons dan teen haar werk? Dit is soos om laatnag terug te kom van die gholfklub af. Dit is ’n bakleiery wat jy gáán verloor! Soos altyd het klipharde Wes-Australiërs saam gepraat. Hulle is die enigste mense naas Suid-Afrikaners (en Indiërs) wat koring met minder as 400 mm reën per jaar kan verbou. Dit is boere wat verstaan hoe hard die natuur kan wees. Droogtes was nog altyd vir hulle erg, maar nou, met…

Het jy iets op die hart? Skryf gerus aan ons. Die wenbrief ontvang elke week R150 met die komplimente van BKB, asook ’n versamelaarswyn van Beyerskloof. Beyerskloof se Pinotage is ’n ikoniese Suid-Afrikaanse wyn. Die bonuswenbriefprys, ’n Magnumbottel van Beyerskloof se 2016-oes, is deur die eienaar en wynpionier mnr. Beyers Truter geteken. Die droë oesjaar van dié gewilde, klassieke Pinotage het gelei tot ’n goed gestruktureerde, gebalanseerde wyn. Sê jou sê in hoogstens 300 woorde. Stuur dit aan: Die Redakteur, Brieweblad, Landbouweekblad, Posbus 1802, Kaapstad 8000. Of faks dit na 021 406 2940 of gebruik e-pos: lbw@landbou.com. Verskaf jou naam en adres, al wil jy ’n skuilnaam gebruik. Vandeesweek se wenbrief is deur JOHN DÜRR geskryf.…

Soek die 100 jaar-logo in dié uitgawe en SMS die volgende na 33677: Landbou, jou antwoord (die bladsynommer waarop die 100 jaar-logo verskyn), en jou naam, van en tuisdorp. Week 2: SMS jou antwoord van 13-19 Augustus 2018 BEPALINGS EN VOORWAARDES: Die kompetisie duur van 6 Augustus tot 30 September 2018 om middernag. Wenners sal lukraak gekies word. Die trekking van wenners is finaal. Die wenners sal telefonies in kennis gestel word. Ons sal ’n wenner tot drie keer tydens werkure kontak. Indien ons die wenner nie binne drie probeerslae kan bereik nie, sal ’n nuwe wenner getrek word. Personeellede van Media24 en hul gesin mag nie deelneem nie. Media24 aanvaar geen verantwoordelikheid vir skade wat uit deelname aan die kompetisie spruit nie. Die prys is…

GRONDEIENA ARS wat nie die grondwaardeerder-generaal se waardasie op hul grond aanvaar het nie, is in die Regering se visier om te toets of die Grondwet wél toelaat dat grond sonder vergoeding onteien mag word. Die 139 plase wat die ANC geoormerk het om sonder vergoeding te onteien, is grond wat die Departement van Landelike Ontwikkeling en Grondhervorming onder verskeie programme wou aankoop en waar eienaars nie die vergoedingsbedrag wat die grondwaardeerder-generaal vasgestel het, wou aanvaar nie. Volgens die departement is die plase wat vir dié toetslopie geïdentifiseer is, in verskillende dele van Suid-Afrika geleë, en val hulle onder verskeie van die departement se programme, hetsy as deel van restitusie of die aanskaffingstrategie vir die verkryging van grond (Plas). RESTITUSIEPLASE Landbouweekblad het einde 2017 berig dat me. Nomfundo Gobodo, die…

DIE PLAASLIKE eierorganisasie se finansiële gesondheid gaan voortaan deur ’n statutêre heffing op tafeleiers ondersteun word. Mnr. Senzeni Zokwana, Minister van Landbou, Bosbou en Visserye, het die instel van dié nuwe heffing einde Julie in die Staatskoerant afgekondig. Dr. Charlotte Nkuna, voormalige waarnemende uitvoerende hoof van die Suid-Afrikaanse Pluimveevereniging (SAPV), het ’n paar maande gelede in die bedryfspublikasie Pluimveebulletin geskryf die heffing is noodsaaklik vir die voortgesette bestaan van die eierorganisasie. Volgens haar was die organisasie se ledetal bestendig, maar vrywillige ledebydraes het nie vir genoeg inkomste gesorg nie. Luidens die Staatskoerant sal die heffing van R0,015 per dosyn eiers (BTW uitgesluit) dadelik in werking tree en, met jaarlikse verhogings, tot Maart 2022 geldig bly. Verkopers van tafeleiers aan die handel moet dit betaal. Die eierorganisasie sal sowat 70% van…

DAAR is niks fout met die Grondwet nie en dit hoef nie verander te word nie. Ontevredenheid oor grondbesit is eerder die gevolg van die onbevoegdheid van amptenare. Dít was die standpunt van me. Matlhodi Maseko, ’n DA-lid van die Wes-Kaapse wetgewer en boorling van Citrusdal, voor die paneel wat die grondverhoor op Citrusdal gelei het. Die gehoor was vreedsaam totdat mnr. Kulani Tshego, voorsitter van die EFF op Citrusdal, sy steun vir die wysiging van artikel 25 van die Grondwet gegee het. “Wit mense moet weet dat hulle nie die oorspronklike mense in Suid-Afrika was nie,” het hy gesê. Die meeste van die sowat 300 lede van die gehoor het luidrugtig saamgestem. “Almal preek oor voedselsekerheid, die onttrekking van buitelandse beleggings en die verswakking van die rand, maar ons…

Landbouenkosproduksie is die volgende groot geleentheid vir ontwrigting. Dit sal verbruikers, boere, beleggers én innoveerders bevoordeel. Die finansieringsbedryf is een van die bedrywe wat die vatbaarste is vir ontwrigting deur sagteware omdat finansiering uit inligting bestaan – en nie konkrete goedere nie. Die gebruik van slimfone vir aanlyn banksake, beleggingsdienste en kriptovaluta is voorbeelde van tegnologie met die doel om finansiële dienste toegankliker te maak. VOEDSELVRAAG TEEN 2030 RADIKAAL ANDERS Sekere tendense soos verlaagde vleisverbruik, toename in naspeurbaarheid en veranderde verbruikersvoorkeure gaan die vraag na voedselprodukte wesenlik beïnvloed. Verbruikers se vleisinname kan na verwagting met tot 15% daal, wat beteken produsente gaan alternatiewe proteïenbronne produseer. Die vraag na vleis gaan wêreldwyd teen 2030 met 60 miljoen ton daal. Water wat voorheen vir die produksie van lewende hawe en voergewasse toegedeel…

Dr. Dirk Strydom, die bestuurder vir graanekonomie en -bemarking van Graan SA in Pretoria, het die syfers oor die afgelope graanoeste ontleed. Druk op winsgewendheid. Die pryse van die gewasse is om en by waar dit tien jaar gelede was. Dit is ’n wêreldwye neiging weens hoë produksiesyfers. Dit plaas uiters hoë druk op winsgewendheid weens die kosteknyptang, wat steeds bly styg. ’n Gemiddelde oes is dus nie meer genoeg om die boer se koste te dek nie. Nuwe seisoen onder druk. Die groot oes van die vorige seisoen het ’n groot oorlaatvoorraad in die stelsel geplaas, met 3,6 miljoen ton mielies. Uitvoer was ook stadig weens verskeie redes. Die verwagting is tans dat daar weer ’n oorlaatvoorraad van 3,3 miljoen ton mielies gaan wees, wat klaar weer druk op…

PRODUSENT ■ Versamel en laai data, soos oesbesonderhede en koueketting-inisiëring, op. ■ Data oor die boord se ligging, groeitipe, weer, grond en bemestingstowwe word outomaties aangepas. VERWERKER ■ Kry die oesinligting, sorteer volgens gehaltegrade, tellings en kleur. ■ Sny en verpak. ■ Ontleed die verwagte rakleeftyd. ■ Voeg ’n QR-kode by die verpakking. LOGISTIEK ■ Word ingelig oor die produk se herkoms en bestemming. ■ Hersien aanwysings oor hoe die produk gehanteer en gebêre moet word. ■ Voeg sensoriese data by. KLEINHANDELAAR ■ Gebruik masjienleergebaseerde voorspellingsmetodes. ■ Voeg moontlike resepte by die data-rekord. ■ Verskaf ’n toepassing vir die eindverbruiker. WINKEL ■ Het volle deursigtigheid oor afleweringstyd. ■ Hersien die hanteringsriglyne. ■ Kan bestellings, spesiale aanbiedings, ens. aanpas. EINDVERBRUIKER ■ Skandeer die QR-kode met behulp van ’n toepassing. ■ Kry…

Wat begin het as ’n wen-inskrywing vir Nampo se boereplankompetisie het tot ’n omwenteling vir kleinboere in Afrika gelei. Kleinboere in Suid-Afrika se buurlande, soos Lesotho, Botswana en Mosambiek, en selfs tot in Zambië en Ghana, trek nou voordeel uit mnr. Michris Janse van Rensburg se patente wat hy onder die naam Backsaver Farming Equipment vervaardig. Michris het vroeër vanjaar ’n TEDpraatjie aangebied oor die ontstaan van sy boereplanne en waar die saadjie vir kleinboer-oplossings geplant is. Hy is egter effens onverhoeds betrap. “Ek het gedog ek praat op ’n boeredag, en toe ek in Johannesburg aankom, is dit net TV-kameras waar jy kyk. En ek moes 12 minute lank Engels praat . . .” Dié patente bied presisie en spoed, en lei tot hoër opbrengste vir boere wat nie…

Daar is gereeld navrae oor boepenslammers. Teen die tyd dat dié toestand voorkom, is ’n hele paar wurmmiddels al gebruik om die probleem te probeer regstel. Kleiner skaapboere konsentreer uit onkunde ongelukkig só op wurmbekamping dat hulle ’n weerstandige wurmbevolking skep wat hul situasie gaan vererger. Dit word veral by intensiewe skaapproduksiestelsels gesien. Afgesien van wurms en ’n paar besmettingstoestande, vermoed ek boepenslammers is die gevolg van onvoldoende maternale en/of lammervoeding. Is dit so? Indien die boepenstoestand voor speentyd voorkom, is dit meestal omdat die ooie nie lank genoeg en nie ’n voldoende hoeveelheid deurvloeiproteïene voor en ná lamtyd gekry het nie. Die ooie het gevolglik onvoldoende bies- en melkproduksie, wat tot boepenslammers lei. Hoë vlakke van deurvloeiproteïene moet aan ooie gevoer word vanaf ses weke voor lamtyd tot minstens…

Sonbrand is ’n fisiologiese afwyking wat voorkom in die vorm van letsels wat parallel met die are van die mielieblaar loop. Die letsels kan maklik verwar word met grysblaarvlekletsels. Grysblaarvlekletsels is egter meer hoekig en beweeg nie oor die blaarnerwe nie, terwyl sonbrand wél oor die nerwe beweeg. Sonbrand word veroorsaak deur hoë temperature en blaarselle sterf af weens uiterste temperature. Dit kom gewoonlik vroeg in die groeityd voor wanneer die wortels nog nie goed ontwikkel het nie. Die son brand die blare dood en die wortels kan nie vinnig genoeg water aan die plant voorsien nie. By sommige boere kom die simptome in kolle voor weens grondverskille in die lande. Weens die kwaai son en hitte is daar nie genoeg vog in die vlakker grond om in die behoefte…

Die geenbewerkingsklub se konferensie oor bewaringslandbou, wat van 4 tot 6 September by die ATKV Drakensville-oord op Bergville in KwaZulu-Natal aangebied word, sluit ’n werksessie oor dekgewasse in. Dié slypskool gaan klem lê op oplossings en hoe boere met gewasdiversiteit ’n vernuwende en winsgewende strategie vir dekgewasse kan gebruik. Benewens daaglikse lesings en dié werksessie sal praktiese voorbeelde op die plaas ook bekyk kan word. Sprekers van oor Suid-Afrika heen wat bewaringslandbou toe-pas, sal hul kennis en ervaring op die konferensie oordra. Bedryfskenners en konsultante sal ook raad gee. Kenners, soos mnr. Simon Hodgson van AGT Dekgewasse, gaan op die eerste dag praat oor die gebruik van dekgewasse en plante om die biologiese bekamping van insekte en siektes te bevorder. Die benutting van dekgewasse vir méér as net ’n deklaag…

Agri Wes-Kaap se kongres is by Goudini gehou. Sprekers, soos me. Judith February, het afgevaardigdes aangemoedig om leiding te neem en te kyk hoe hulle maatskaplike samehorigheid in hul eie omgewing kan verbeter, terwyl prof. Mike Muller gesê het Suid-Afrika hanteer eintlik die waterkrisis baie beter as vele ander lande wat in dieselfde posisie is. AMELIA GENIS het die foto’s geneem.…

Die Swartland suikerbos (Protea odorata) staan op die rand van uitsterwing, maar daar is pogings om dit te red. Die enigste daarvan in die veld is sewe plante op ’n private eiendom noord van Kaapstad. Die eienaar van die eiendom het ingestem om dit aan die Wêreldnatuurfonds (WWF) SA te verkoop, met die Stad Kaapstad as bestuurder van die perseel. Die eerste stap in die restourasieplan vir die perseel was ’n ekologiese brand in April. Daarna het mnre. Mashudu Nndanduleni van Kirstenbosch Botaniese Tuin en Jacques van der Merwe van die Stad Kaapstad behandelde saad van verskillende bedreigde spesies, wat P. odorata insluit, op die gebrande deel gevestig. Altesame 18 plante van P. odorata is in moederblokke van die versameling vir skaars plante by Kirstenbosch, wat die meeste van die…

NA aanleiding van pogings om die Grondwet te verander om onteiening van grond sonder vergoeding toe te laat, behoort daar ook ’n gesprek te wees oor wat gebeur ná die wysiging bekragtig word (indien dit ooit gebeur). Al is daar tans skynbaar meer Suid-Afrikaners wat dié wysiging wil hê as mense wat dit nie wil hê nie, is daar waarskynlik groot meningsverskille oor wat daarna met die onteiende grond gebeur: Wie sal die ontvangers wees, en hoe sal hulle dit ontvang? Nie een van die antwoorde op dié vraag sal eenvoudig wees nie, en aan die einde van die proses kan talle mense steeds uiters gefrustreerd en teleurgesteld gelaat word. Wat is die doel van onteiening? Om die ekonomie te laat groei, om behoorlike restitusie te maak vir die verlede,…

ARTIKELS & RUBRIEKE Bielie van ’n sitruspakhuis Maak jou reg vir klik-en-betaal-mark vir appels en pere Durf aardverwarming aan met kruisteling Boer sit met hande in hare oor flou sonkrag Badkamerskaal weeg nou skape SPESIAAL Landboumaatskappye, Wiele GESIN Die Boerekos-kookboek is hier! WILD Regstellings in die wildmark was nodig en onvermydelik. Tog is daar een uitskieter wat die meeste weerstand kon bied teen die wipplankneigings. Adriaan, ’n 5-jarige springbokteelram van mnr. Julian Theron, is met sy groot lyf en horings van meer as 18 1/4 duim ’n dier wat steeds ’n rekordprys kan behaal.…

Mnr. Nick Serfontein, voorsitter van die Sernick-groep, sê hy is oorweldig deur die reaksie op sy ope brief aan pres. Cyril Ramaphosa. “Ek kry trane in my oë as ek van die boodskappe lees van mense wat op my brief gereageer het.” Hy sê die reaksie wat hy op die brief ontvang het, is 99,9% gunstig. “Ek het die e-posse wat ek gekry het, uitgedruk. Dié stapel is byna 50 cm dik. Die mense skree om hulp.” (Van die kommentare hieronder is vertaal. — Red. ) RYAN NEWBORN skryf: Goed gestel, Nick. Ek dink dis tyd dat ’n formele ondersteuningstrategie vir grondhervorming deur die kommersiële landbou opgestel en uitgevoer word. Dis noodsaaklik dat ondersteuningkanale gekoördineer en op ekonomies lewensvatbare eenhede gerig word. Landboufinansieringsagentskappe moet ook gedwing word…

CLARENS SE KALKOEN-VROU Dit is vroue, nie mans nie, wat aan Bethlehem die naam besorg het van die voorste kalkoenteeltdistrik in die Vrystaat. Daarmee is die Oos-Vrystaat geïdentifiseer as ’n streek wat by uitnemendheid vir die ontwikkeling van die kalkoenteeltbedryf in Suid-Afrika geskik is. Onder die voorste vrouens wat dié bedryf hier op die voorgrond gebring het, is mev. H. van Schalkwyk, ’n vrou met ’n “hand” vir kalkoene. Ná jare lange ondervinding weet sy alles van kalkoene en kalkoenboerdery. In haar pogings om kalkoenteelt te bevorder, het sy al ’n paar keer eiers regstreeks uit die buiteland ingevoer en dit hier laat uitbroei. Sy boer met Amerikaanse breëborskalkoene, ingevoerde Jersey Buffs en die klein Wit Beltsvilles. Sy laat eiers verkieslik onder kalkoenwyfies broei, maar wanneer sy ’n kalkoen eiers…

DIE multinasionale koeldrankvervaardiger Coca-Cola Beverages (CCBSA) het suiker ingevoer terwyl plaaslike suikerboere deur een van die moeilikste tye in die bedryf se bestaan moes spook. Die maatskappy het hierdie er-kenning aan Landbouweekblad gemaak nadat die teenstortingsbeweging FairPlay inligting in dié verband bekom het. CCBSA sê hy het ’n “relatief klein” hoeveelheid suiker ingevoer as deel van sy “kommersiële imperatief” om suiker op “redelike kommersiële terme” te bekom. Die maatskappy wou egter nie sê hoeveel suiker hy ingevoer het nie, en ook nie van waar af nie omdat dit marksensitiewe en vertroulike inligting is. Suiker kon weens ’n administratiewe oorsig in die Ministerie van Finansies vir die sewe weke van 28 Julie tot 15 September verlede jaar tariefvry ingevoer word. Me. Motshidisi Mokwena is CCBSA se hoof van reputasie en regulatoriese…

BOTSWANA bied in sekere opsigte gunstiger saketoestande vir boere as Suid-Afrika. Burgers van dié buurland kan eiendom besit en buitelanders kan, ná die registrasie van ’n sake-onderneming, grond op 50 jaar- of 99 jaar-huurpag bekom. Die land bied só sekerheid oor eiendomsreg, in teenstelling met die onsekerheid oor onteiening sonder vergoeding in Suid-Afrika. Só het mnr. Ray van Rooyen, Afrika-hoof vir die bevordering van landbouverkope by Absa, met die bekendstelling van die bank se lentevooruitskouing vir die landbou gesê. Wanneer sulke huurpagooreenkomste hersien word, word dit gewoonlik hernieu. Die huurpagte is volgens Van Rooyen baie goedkoop en kan gebruik word om produksielenings te kry. Huurpagte behels wel voorgeskrewe tydraamwerke waarbinne ontwikkeling en waardetoevoeging moet plaasvind, anders verval die pag. Boere moet in gedagte hou dat ontwikkelingskoste hoog kan wees. Van…

DIE vooruitsigte vir die beesvleis-, skaapvleis-, wol- en katoenbedryf lyk goed vir vanjaar en aanstaande jaar. Die aanbod van beesvleis is kleiner en die vraag hoog. Só het mnr. Wessel Lemmer, senior landbou-ekonoom van Absa Agribesigheid, op die bekendstelling van die bank se lentevooruitskouing gesê. Boere is besig om hul kuddes te herbou en produksie sal na verwagting die volgende drie jaar laer bly. Beesvleispryse behoort gunstig te bly. Slagsyfers was in die eerste vyf maande van vanjaar 6% laer as verlede jaar en 13% laer as twee jaar gelede. “Namibiese uitvoer van lewende hawe en speenkalwers het tot vorige vlakke herstel en vul die tekort aan speenkalwers in Suid-Afrika aan,” het Lem-mer gesê. Ook in die skaapvleisbedryf is produksie vanweë die heropbou van kuddes kleiner. Produksie sal na verwagting…

WATERGEBRUIK en insekplae het saam die grootste hap van Aartappels SA (ASA) se navorsingsbegroting vir vanjaar in be-slag geneem. Op die organisasie se onlangse navorsingsimposium op Parys het navorsers gesê watergebruik het net meer as 14% van die navorsingsbegroting opgeneem, teenoor 8% verlede jaar. Navorsing oor insekplae het gestyg van 6% in 2017 tot 12% in 2018. Die grootste item op die navorsingsbegroting was die oordrag van kennis, wat 15% van die finansiering benut het. Dr. Fienie Niederwieser, bestuurder van navorsing en ontwikkeling by ASA, sê die feit dat die simposium vanjaar, nes verlede jaar, 208 mense gelok het (al is verlede jaar se simposium op Langebaan aan die Weskus gehou), wys dat bedryfslede die inligting wat daar oorgedra word, belangriker ag as waar die simposium aangebied word. NUWE VRAE…

1 RWANDA| Agoa-voordele weg oor tekstielbeskerming Mnr. Donald Trump, die president van Amerika, het Rwanda se handelsvoordele vir tekstiel kragtens die wet op groei en geleenthede in Afrika (Agoa) teruggetrek nadat die land die invoer van gebruikte klere en skoene uit Amerika verbied het om sy eie tekstielbedryf te beskerm. Die maatreël raak nie Rwanda se ander voordele kragtens Agoa nie. Rwanda het in 2016 invoertariewe op gebruikte klere ingestel. Die plan was om saam met sy vennote in die Oos-Afrika-gemeenskap (EAC), Kenia, Tanzanië en Uganda, uiteindelik sulke produkte heeltemal uit te faseer. Laasgenoemde het egter van die plan afgesien ná dreigemente van Amerika dat sy Agoa-voordele hersien sou word. — All Africa 2 TUNISIË| Afrika se oudste visplaas kry Doebaise baas Sokotra Capital, ’n Doebaise beleggingsmaatskappy, wat spesialiseer in…

DIE Suid-Afrikaanse bloubessiebedryf beskik oor die potensiaal om met die wêreld se groot produserende lande te kan meeding, maar dan moet die wisselvallige gehalte van die bedryf se bessies uit die weg geruim word. Só sê mnr. Roger Horak, hoofbestuurder en medestigter van OZblu Blueberries en besturende direkteur van United Exports. Hy was een van die sprekers tydens ’n geleentheid wat deur OZBlu op die Nyami Berries-plaas naby Mooinooi in Noordwes gehou is. Horak het gewaarsku dat die meeste van die bloubessiekultivars wat in Suid-Afrika aangeplant word, uitgediende kultivars is wat nie goed op seevervoer reageer nie. “Suid-Afrikaanse boere in die bloubessiesbedryf het ’n aantal struikelblokke, hoewel dit ’n baie winsgewende bedryf is.” Hy het verwys na bessies wat nie deurlopend die verlangde smaak, grootte, blos of fermheid het nie.…

POLITICI verkondig graag dat grondhervorming in Suid-Afrika nie in ’n “tweede Zimbabwe” sal ontaard nie. Dit beteken egter nie dat boere die ooreenkomste tussen die verloop van grondhervorming in die twee lande moet miskyk nie, het dr. Theo de Jager, voorsitter van die Wêreldboere-organisasie, op Agri Wes-Kaap se kongres op Goudini gesê. Hy sê in Suid-Afrika en Zimbabwe het vergoeding vir grond ’n kwessie geword toe die geld vir grondhervorming begin opraak het. In albei lande het die grondhervormingsprogram gou verwyderd geraak van landbou-ontwikkeling. “Dit is bestuur as afsonderlike entiteite, selfs deur verskillende departemente.” Volgens hom kan ’n mens ook vra wat die polisie gaan doen in die geval van onwettige grondbesettings. “Die georganiseerde landbou moet reëlings met die polisie tref oor hoe onwettige optredes rondom grond gehanteer gaan word.”…

Wanneer ’n mens toeristeoorde- en besienswaardighede in ’n ander land besoek, moet jy versigtig wees om nie daar té vinnig menings oor die betrokke land te vorm nie. Maar ná ’n onlangse besoek aan Amerika het ek tog ’n paar insigte gekry oor Amerika, Suid-Afrika en beleggings in die algemeen. Baie van die nuusberigte wat ons deesdae oor Amerika sien, handel oor die omstredenheid rakende pres. Donald Trump. Dit kan maklik die indruk wek dat Amerika deurmekaar is en rigting verloor het. Die werklikheid is egter iets heeltemal anders. Nie alleen sien ons min van die gunstige mediadekking oor Trump nie, ons sien ook nie wat werklik op grondvlak aangaan nie. Ons het in nege verskillende dorpe en stede gebly, van New York en Washington D.C. tot die veel kleiner…

Verlede jaar het goeie reën in die somersaaigebiede geval en byna elke produk het ’n rekordoes opgelewer. Vanjaar het die reën later gekom en was dit ook minder as verlede jaar. Hoe het dit die prentjie verander? Met oestyd byna afgehandel gee die jongste oesskatting die inligting. Daar is vanjaar altesaam 135 690 ha minder somergewasse aangeplant as verlede jaar. Die grootste afname in aanplantings is by mielies, naamlik 309 750 ha. Die afname in witmielie-aanplantings beloop 375 000 ha, terwyl geelmielie-aanplantings met 65 250 ha toegeneem het. Sonneblomaanplantings het met 34 250 ha afgeneem en sorghum met 13 550 ha. Baie van die grond wat nie weer met mielies, sonneblomme of sorghum be-plant is nie, is nou onder bone, veral sojabone. Aanplantings van sojabone het met 213 250 ha…

Hoewel mense oor die wêreld heen meer vars groente en vrugte eet, het verbruikspatrone ’n nuwe gedaante aangeneem. Mense eet op ’n drafstap (on-the-go), bestel hul kos en kruideniersware van selfoontoepassings af en wil álles weet oor dít wat op hul borde beland. Die wêreld van vrugte- en groentehandel is lankal nie meer op ’n boer se voorstoep nie, maar dit is ’n wêreldwye mark wat ál meer logistieke soepelheid gaan verg. Deur die loop van die jaar het die bestuurskonsultante Oliver Wyman ’n verslag bekend gestel waarin hulle die ontwrigting ontleed wat na verwagting in die varsproduktebedryf gaan plaasvind. Daarin voorspel hulle dat mense danksy bevolkingsgroei en voedsamer koskeuses oor die wêreld heen meer vars groente en vrugte gaan eet. Boere en uitvoerders moet hulle egter gereed maak vir…

Ek was onlangs betrokke by ’n bedrywige, interessante gesprek oor wat die beste maatstaf is vir winsgewendheid in ’n vleisbeesonderneming. As hierdie norm vleisbeesboere oor weidingstoestande of selfs vastelande heen kan help om hul doeltreffendheid met mekaar te kan vergelyk, kan ons 100% daarin slaag om die doel te bereik. Wanneer graanboere oor graanproduksie praat, verwys hulle na ton per hektaar. Die eerste vraag is altyd of dit op droëland of onder besproeiing verbou word. Op droëland is 10 ton dalk iets besonders, maar onder besproeiing is dit swak. In albei gevalle is hierdie net die een kant van die munt. Die belangriker vraag is wat die koste was om daardie tonnemaat te lewer. Jy kan immers net wins uitbrei of op ’n heerlike vakansie gaan . . . Dit…

Boere kon redelik vroeg plant in die ooste van die somerreënstreek, soos in Mpumalanga, maar hulle het ’n moeilike en droë Januarie gehad, sê mnr. Luan van der Walt, ’n ekonoom van Graan SA. “Hulle het hoë hitte-eenhede en min water gehad. In die weste van die somerreënstreek, soos in Noordwes en die Vrystaat, was die aanplantings baie laat. Hoewel die boere gesukkel het om geplant te kry, het die seisoen op die ou end nogal goed afgeloop. Van die boere is egter nog besig om te stroop omdat die mielies sukkel om af te droog.” Gegewe hoe die seisoen begin het, meen Van der Walt dit is ’n goeie seisoen wat produksie betref, veral ten opsigte van die beraamde oes van 13,2 miljoen ton wat deur die Oesskattingskomitee geskat…

■ Mielieplante rol hul blare toe as beskerming teen vogverlies weens transpirasie. ■ Wanneer blare in die oggend reeds toegerol is en plante grys of silwer vertoon, kan die droogtestres só erg wees dat baardverskyning vertraag kan word of dat plantweefsels kan afsterf. ■ Hitte en droogtestremming veroorsaak die meeste skade op lande waarvan die grond verdig is, grond wat met water versadig was aan die begin van die seisoen, en lande waar die wortels van plante meganies of deur insekte beskadig is.…

Onlangse studies het dit duidelik gemaak dat alle seewier en seewierprodukte nie dieselfde is nie. Seewier wat verskillend verwerk word, kan eindprodukte met biologiese en fisiologiese verskille tot gevolg hê. Seewierekstrakte word té algemeen deur vervaardigers en gebruikers saam gegroepeer sonder om die geografiese oorsprong, die seewiersoort en die verwerkingsproses in ag te neem. Gevolglik is alle seewierprodukte nie identies of ewe doeltreffend nie en dit kan nie dieselfde toegedien word nie. Navorsers aan die Universiteit Stellenbosch het die verskille tussen Kelpak® en soortgelyke produkte ondersoek. Gebruik jou foon om via die QR-kode die navorsing te lees of tik die skakel https:/ /link.springer.com/article/10.1007/s10811-015-0644-z op jou internetlaaier in. Nuwe, wetenskaplike bewyse is gevind met beter verduidelikings hoe Kelpak® in landboutoedienings funksioneer. Die tradisionele verduideliking was dat seewierprodukte natuurlike planthormone, soos ouksiene…

Oondgeroosterde wors-en-aartappels Lekker vir ontbyt saam met eiers en gebraaide tamatie of as ligte middagete voorgesit met ’n verskeidenheid slaai, soos romerige koolslaai, groenslaai en piekels. ■ 600 g boerewors, in klein stukkies gesny ■ chorizo, in dun skyfies gesny ■ 1 kg baba-aartappels, gehalveer en halfgaar gekook ■ 60 ml olyfolie ■ 5 ml paprika ■ 3 knoffelhuisies, geskil en gehalveer ■ 2 ml droë brandrissievlokkies ■ Sout en vars gemaalde swartpeper na smaak ■ Paar takkies vars roosmaryn en tiemie ■ 1 suurlemoen Voorverhit die oond tot 200 °C en sit die rou boerewors, stukkies chorizo en halfgaar aartappels in ’n groot oondbak. Meng die olie, paprika, knoffel en brandrissievlokkies goed saam en giet oor die wors en aartappels in die oondbak. Meng deur met jou hande en…

BOEKEKUIER MET MAYA FOWLER Patagonië deur Maya Fowler. Uitgewer: Umuzi. Prys: R220. Tertius de Klerk vang iets onnosels aan en moet vlug uit die universiteitsdorp waar hy ’n geskiedenisdosent is — veral om van sy vrou, Alta, weg te kom. Nes sy oupagrootjie Basjan destyds, kies Tertius koers na die dorre Patagonië in Argentinië, maar hou nie rekening daarmee dat Alta haar nie so maklik gaan laat koudsit nie. Die situasie kan anders wees, maar nes die moedige en swanger Salome destyds vir Basjan in Patagonië gaan soek het, loop Tertius en Alta dekades later byna dieselfde pad. Die skrywer Maya Fowler vertel waarom die groepie Suid-Afrikaanse boere wat hulle in Patagonië gevestig het, haar nog altyd gefassineer het. WANNEER HET JY DIE EERSTE KEER GEHOOR VAN DIE SUID-AFRIKANERS…

MIDDELSLAG- boere is, en moet, die gom wees om landelike gemeenskappe aanmekaar te hou, sê dr. Theo de Japer, voorsitter van die Wêreldboere-vereniging (WFO). Hulle is ook die gom tussen klein- en groot boere. Hy het op Farmer’s Weekly se AgriBesigheid Afrika-konferensie op Kempton Park gesê armoede is die grootste bedreiging vir middelslag ondernemings. Hulle moet welvaart skep om te kan voortbestaan, maar middelslagboere word ook die kwaaiste geknou deur die kosteknyptang. Hy sê daar is egter niks wat in Afrika vinniger welvaart kan skep as die landbou nie. Hy sê daar is baie definisies vir klein-, middelslag- en groot boere, maar die AgriBEE-siening is dat kleinboere ’n omset van minder as R10 miljoen per jaar het, middelslag-boerderye tussen R10 miljoen en R50 miljoen, en vir groot boere is dit…

Die swakker rand en China se strewe om sy erge lugbesoedeling hok te slaan, gaan vanjaar tot ’n skerp verhoging in die prys van landbouchemiese middels lei, waarsku mnr. Corné Louw, senior ekonoom by Graan SA. Louw sê die aktiewe bestanddele van byna alle onkruiddoders moet ingevoer word en dat die meeste van dié bestanddele in China vervaardig word waar nuwe wetgewing aanlegte se toelaatbare besoedelingsvlakke vir die laaste agt maande erg ingeperk het. “Talle van die aanlegte het toegemaak en omdat daar nou minder aktiewe bestanddele in die mark beskikbaar is, het pryse baie gestyg.” Dit het ’n regstreekse impak op landbouchemiese produkte. Die prys van glifosaat, die aktiewe bestanddeel van Roundup, het byvoorbeeld met 40% gestyg en die prys van atrasien (’n inhibeerder van fotosintese) met 43% teenoor…

GAUTENG CARLETONVILLE KAALFONTEIN (529), 77 ha, aan D.S. en K.L. Moela, van J.J. Janse van Rensburg, R880 000. PLAAS 435, 45 ha, aan OMV Gypsum Potchefstroom (Edms.) Bpk., van Oranje Mynbou & Vervoer (Edms.) Bpk., R10 232 262. WILGEBOOM (458), 43 ha, aan Barbosa Trading (Edms.) Bpk., van L.P. Pretorius, R2 100 000. NIGEL LANGZEEKOEGAT (323), 497 ha, aan Iyay’phandela Farming, van H.S. Moore, R7 500 000. PRETORIA BOEKENHOUTSKLOOFDRIFT (286), 23 ha, aan HA Motsepe-familietrust, van F.R. Janse van Rensburg, R1 350 000. BOEKENHOUTSKLOOFDRIFT (286) 26 ha, aan C.L. Hulme, van Juka Breeders-trust, R1 650 000. KLIPFONTEIN (498), 44 ha, aan C.F. Slabber, van A.V.T. en J. Geyer, R1 000 000. KNOPJESLAAGTE (385), 23 ha, aan 121 Knoppieslaagte Prop (Edms.) Bpk., van Henjac-trust, R8 250 000. LEEUWDRAAI (211), 45 ha,…

BOEREDAE 18 AUGUSTUS: Inligtingsdag vir die stoetteler. Tema: Toekoms van genomiese ontleding en seleksie van teelmateriaal. Amanzi-wildreservaat, sel 082 828 1984 21 AUGUSTUS: Simm-beesboerdag. Koeikuddegesondheid, uitsoek van bulle en hoe om meer vir jou speenkalf te kry. Aangebied deur die Prosimm-studiegroep op die plaas Schoemansfontein, Hartbeesfontein. Johan Styger, sel 082 460 8443, e-pos: johan@btbsimmentaler.co.za 22 AUGUSTUS: Predasie-inligtingsdag, aangebied deur Cape Nature en die NWKV. Augsburgplaas, Clanwilliam. Jannie Fourie, sel 083 564 1105, e-pos: jannie@nwga.co.za 24 AUGUSTUS: Agterpakhuislandbouvereniging se veld- en implementedag, met die samewerking van Trekkers en Meer. Augsburg-plaas, Clanwilliam. Tobie Nortjé, sel 082 927 5093; Mark Botha sel 082 738 5677. 11-13 OKTOBER: Agri-Expo Livestock: Plaasfees oor drie dae. Tentoonstelling van die SA vee- en suiwelbedryf, asook Die Groot Plaasproe – van bok tot bier! Sandringham, Stellenbosch. Web: www.livestock.org.za…

37 Suid-Afrika beklee die 37ste plek uit 125 lande in die internasionale eiendomsreg-indeks vir 2018. Verlede jaar was Suid-Afrika 27ste op dié lys en eerste in Afrika. Vanjaar is Suid-Afrika tweede op die vasteland ná Rwanda. Suid-Afrika het die grootste daling van al die lande op die indeks ondergaan in die syfer waarvolgens die indeks eiendomsekerheid meet. Amerika het van die eerste plek na tweede teruggesak. Finland beklee nou die eerste plek. – Vryemarkstigting 2,8% Die inflasiekoers was einde Junie 2,8% in die OESO-lande, vergeleke met 2,6% in Mei. Dié styging was hoofsaaklik te wyte aan energie- en kospryse. Energieprys-inflasie was 10,4%, teenoor 9,1% in Mei, en kosprys-inflasie het gestyg van 1,4% in Mei tot 1,8% in Junie. As kos- en energiepryse nie bygereken word nie, was die groep lande…

‘Ons kan nie kwaad met kwaad vergeld nie.’ AARTSBISKOP MATOSI MUSINGATE, voorsitter van die Lethabong Raad van Kerke, oor die onwenslikheid van grondonteiening sonder vergoeding. Bl. 24 ‘In die huidige omstandighede staan daar eintlik ’n wonderwerk op die land.’ MNR. JACOBUS HUMAN, boer by Heidelberg, oor die skraps reën wat dié seisoen geval het. Bl. 18 ‘Die sterk globale verskuiwing in verbruikersvraag na natuurlike vesels sal groei in die bedryf ondersteun.’ MNR. WESSEL LEMMER, Absa landbou-ekonoom, oor die vooruitsigte vir die katoenbedryf. Bl. 17 ‘ ’n Enkele bul kan hoogstens 30 tot 40 koeie per dektyd dek, terwyl derduisende koeie met behulp van (kunsmatige inseminasie) dragtig gemaak kan word.’ MNR. KOBUS BESTER, voorsitter van die Lewendehawe Registrerende Federasie (LRF), oor die behoefte aan meer gevorderde veereproduksietegnieke in Suid-Afrika. Bl. 21…

Die Bultfonteinse saaiboer MNR. MICHRIS JANSE VAN RENSBURG is eintlik meer bekend as “patenteboer”. Hy het ’n pampoenplanter aangepas vir vernuftige veelryplant, wat veral arbeidsdoeltreffend is. Lees die artikel op bl. 50. VERTEL ONS VAN JOU GESIN. Ek en my vrou, Karlien, het drie kinders: Daniela (17), Annemé (15) en Jedri (11). WAAR EN WAT HET JY GESWOT? Ek is ’n oud-Kovsie met die graad B.Com. (Bemarking). WAT MAAK JOU OPGEWONDE OOR BOERDERY? Die vooruitsig van ’n nuwe oes en net die voorreg om te kan boer, maak my opgewonde. Daar is vir my min dinge so mooi soos gesonde, jong mielies in ’n reguit ry. Dalk is net my vrou ’n bietjie mooier . . . WAT IS JOU STOKPERDJIES? My tydverdryf om goed te ontwerp, het my werk…

DIERESIEKTES is ’n groot bedreiging vir Suid-Afrika se rooivleisbedryf en die hordes mense en diere wat daagliks die land se grense oorsteek, is ’n groot bron van kommer. Bek-en-klouseer is verreweg die grootste risiko, sê mnr. Koos van der Ryst, nasionale voorsitter van die Rooivleisprodusenteorganisasie (RPO). Hy het op die RPO se kongres in Limpopo gewaarsku dit kan Suid-Afrika omtrent R6 miljard kos as die land sy bek-en-klouseervrye status verloor. Mnr. Gerhard Schutte, hoofbestuurder van die RPO, het gesê Suid-Afrika se bek-en-klouseervrye sone word reeds nie deur die Europese Unie (EU) erken nie, want die prosedures wat deur die EU vereis word, bestaan nie. “Dit is ’n klein, tegniese verstelling wat gemaak moet word ten opsigte van die diere se oorplaatjies en die elektroniese datastelsel, maar ons as boere sal…

MNR. RIAAN STRYDOM (foto) van die Bokmakierie-boerderytrust van Joubertina is as die Oos-Kaapse Jongboer van die Jaar vir 2018 aangewys. Dié aankondiging is op Agri Oos-Kaap se kongres gemaak. Strydom boer saam met sy broer, Mario, in die Langkloof met appels, pere, hoenders en varke. Volgens Strydom kan hy sy sukses daaraan toeskryf dat hy in die hele waardeketting betrokke is. “Ons is by die hele vleiswaardeketting betrokke. Ons boer, slag, verwerk, bemark en versprei.” Hy sê omdat hy sy eie slagplaas, slaghuis en vragmotors bestuur, kan hy sy koste verminder en sy wins verhoog. Sedert Strydom ongeveer 16 jaar gelede op die familie se vrugteplaas begin boer het, het hy die appel- en peerproduksie op die plaas met 300% laat toeneem op ’n kleiner aangeplante gebied. Die hoenderafdeling het…

DIE vooruitsigte op reën vir die droë westelike deel van die Oos-Kaap vir die res van die jaar lyk maar skraal. Mnr. Hugh van Niekerk, Oos-Kaapse streeksbestuurder van die Suid-Afrikaanse Weerdiens, sê die droogtetoestande in sekere streke in die provinsie sal vir die volgende paar maande voortduur. Die droogte kan van September af oor die Nelson Mandelabaai-streek vererger. Daarby word warm dagtemperature vir die res van die jaar – veral van September af – voorspel, wat verdamping gaan verhoog. Volgens die seisoenale vooruitskatting van Augustus tot Desember vir die Oos-Kaap, kan ’n El Niño-stelsel van die lente af oor die provinsie voorkom. “Hoewel dit nog te vroeg is om die moontlike impak te voorspel, gaan die verskynsel gewoonlik gepaard met droër en warmer toestande in die somerreëngebiede,” sê hy. Verlede…

VIR veeboerdery is vrugbaarheid die grondslag vir winsgewendheid en op dié gebied kan Suid-Afrika se veebedryf ongekend verbeter mits reproduksietegnieke moderniseer. Dít is waarop vanjaar se Veeskool, wat van 17 tot 19 Oktober naby Ventersburg gehou word, klem sal lê. “Suider-Afrika is so te sê op ’n ekstensiewe eiland geleë wat vleisproduksie betref,” sê mnr. Kobus Bester, voorsitter van die Lewendehawe Registrerende Federasie (LRF), wat die geleentheid met die samewerking van Breedplan en Landbouweekblad aanbied. “Kunsmatige inseminasie (KI) is tot ons beskikking om meerderwaardige diere te teel, maar relatief min boere gebruik dit; seker minder as 1%. ’n Enkele bul kan hoogstens 30 tot 40 koeie per dektyd dek, terwyl derduisende koeie met behulp van KI dragtig gemaak kan word.” Die oogmerk is om boere as ’t ware wakker te…

AGRI Oos-Kaap gaan saam met Die Kooperasie op Humansdorp ’n provinsiale transformasiekantoor begin. Die kantoor sal organisasies, landbouverenigings en ondernemings in die Oos-Kaap die geleentheid bied om betrokke te raak by mislukte grondhervormingsprojekte van die staat. Dit sal ook boere bystaan wat samewerkingsooreenkomste met hul werkers wil aanpak. Mnr. Doug Stern, voorsitter van Agri Oos-Kaap, het dié aankondiging op sy organisasie se kongres gemaak. Hy sê politieke leiers het tot dusver nie private entiteite se vordering met grond-transformasie erken nie. Voorts meen hy dit is uiters belangrik om suksesvolle swart boere te vestig indien boere ernstig is oor stabiliteit in die sektor.…

In die laaste week van Julie was die Brics-lande (Brasilië, Rusland, Indië, China en Suid-Afrika) se beraad in Durban en Johannesburg groot nuus. Die betrokke presidente van dié lande en hul afvaardigings het omvattende samesprekings gevoer. Die feit dat China miljarde rande aan Suid-Afrika se bankrot staatsondernemings gaan leen, asook ander beleggings wat aangekondig is, het gemengde reaksie uitgelok. Baie mense was daarteen gekant, maar die feit bly: Suid-Afrika se staatskas is leeg, staatsondernemings is bankrot en het ernstige likiditeitsprobleme, wat hul voortbestaan as lopende ondernemings in die gedrang bring. In Suid-Afrika se binneland is daar ook ernstige weerstand aan die opbou teen verhoogde belastings (BTW, brandstof, tolgeld en moontlike kwaai elektrisiteitstariefverhogings). Dit is nie so erg as die Suid-Afrikaanse Lugdiens nie meer bedryf word nie. Daar is genoeg ander…

Vrese oor die verdigting van saailande wat bewei word, is dikwels oordrewe, sê dr. Sjoerd Willem Duiker, navorsingsvoorligter van die Amerikaanse deelstaat Pennsilvanië se Penn-staatsuniversiteit. Navorsing het gewys dat dit geen wesenlike probleem is as die grond nie te nat is nie, as daar lewende wortels in die grond is, of as kontantgewas-oesreste ’n digte deklaag vorm en die organiese materiaalinhoud in die bolaag hoog is. Navorsing in die deelstaat Georgia het gewys waar dekgewasse vir 47 dae deur koeikalf-pare bewei is of onbewei gelos is, was daar geen verdigting of grondagteruitgang op die lande wat wel bewei is nie. Proewe in Pennsilvanië het wel verdigting van die grondoppervlak gewys onmiddellik nadat die dekgewasse bewei is, maar die verdigting is gou vanself opgehef indien die kamp vir 20 dae of…

■ Mielie-aanplantings daal met 12% en die mielie-oes met 21%. Nogtans sal daar meer as genoeg voorraad vir plaaslike verbruik wees. ■ Sonneblomaanplantings daal met 5% en die oes met 9%. Daar kan ’n geringe tekort wees ten opsigte van plaaslike behoeftes. ■ Sojaboonaanplantings het aansienlik toegeneem met 37% en die verwagte oes styg met 18%. Daar sal meer as genoeg wees vir plaaslike verbruik. ■ Sorghum toon die grootste afname. Aanplantings het met 32% afgeneem en die verwagte oes is 45% kleiner. Die oes is ongeveer die helfte van plaaslike verbruik. ■ Droëbone toon ook ’n toename in aanplantings (18%), maar die oes is effens kleiner as verlede jaar. Verbruik is egter amper dubbel die huidige produksie. ■ Grondboonaanplantings is feitlik dieselfde as verlede seisoen, maar die verwagte oes…

■ Staak die najaag van syfers en benut die natuur om vir vrugbaarheid te selekteer, glo mnr. Claude Cloete. ■ Danksy ’n groter lammeroes kan hy makliker vir wol en vrugbaarheid selekteer. Die meerlingsyfer het sedert 2015 (250 tweelinge per jaar) opgeskiet tot gemiddeld 448 meerlinge uit 800 ooie. ■ Hy gebruik die kundigheid van Konsortium-Merino om te klas en te selekteer, maar sy wolproduksiesyfer hou hy so natuurlik moontlik om nie met ekstra voer geld in die water te gooi nie.…

Die geenbewerkingsklub se konferensie is ’n hoogtepunt op die Suid-Afrikaanse landboukalender.Die klub bring elke jaar kundige sprekersenwerktuie,watgeskik isvirdieminimumgrondversteuring, en boere byeen. Produsente in KwaZulu-Natal het besef hul gevestigde graanproduksiepraktyke van intense grondbewerking is nie volhoubaar nie. Weens grondbewerking het erosie in sommige seisoene tot onaanvaarbare grondverliese gelei. Die bewaring van grondvog en die herstel van biomassa, organismes en mikrobes in die grond is mikpunte van dié groep boere. Die geenbewerkingsklub is juis gestig om geenbewerking as ’n volhoubare oplossing te ondersoek. Die aanvanklike doelwitte is elke seisoen ondersoek en ’n werkbare toepassing van praktyke vir bewaringsbewerking is oor die jare verfyn, waaronder die gebruik van dekgewasse saam met ’n veekomponent. Die bevindinge is eindelik op ’n konferensie onderling en aan ander boere oorgedra. Met verskeie boere landwyd wat by die…

1 Beste manlike Chinchilla Giganta-konyn. Eienaars: Me. Yolande en mnr. Gerald Buhr (tel. 039 679 9106; sel 073 278 6125), Paddock. 2 Beste manlike Frosted Pearlkonyn. Eienaar: Me. Judy Stuart (sel 083 555 0082), Curry’s Post. 3 Beste manlike Cinnamonkonyn. Eienaar: Me. Zinhle Vezi (navrae: Me. Judy Stuart), Curry’s Post. 4 Beste vroulike Belgiese haas. Eienaar: Me. Heather Heron (tel. 031 464 3823; sel 062 911 8074), Escombe. 5 Beste vroulike Hollandse konyn. Eienaar: Makhaya Rabbit Farm (sel 060 469 0084), Cato Ridge. 6 Beste volwasse vroulike Smoked Pearl-konyn. Eienaar: Me. Penny Arnold (sel 083 301 4606), Siza Valley-konyne, Richmond. 7 Beste manlike Silver Fox-konyn. Eienaar: Me. Linda Baney (sel 076 097 9379), Hammarsdale. 8 Reserwekampioen volwasse manlike Satynkonyn. Eienaar: Me. Heather Heron, Escombe.…

CP en Gerda Kriek van die Taaibosch-varkboerdery is albei ingenieurs wat sowat vyf jaar gelede varkboere geraak het. In 2016 was CP Gauteng se Jongboer van die Jaar. Hy sê hul doelwit is om een van die beste verskaffers van hoëgehalte-varkvleis in die land te wees. Terselfdertyd wil hulle verantwoordelik met die omgewing omgaan en teruggee aan hul gemeenskap. Wat maak jou opgewonde oor die varkbedryf? Varkvleis is ’n proteïenbron wat nog onderontwikkel is in Suid-Afrika, maar verbruik groei. Wêreldwyd is varkvleis van die gewildste vleissoorte. Verder is dit lekker om met slim en skoon diere te werk. Hoe vergelyk varkvleis met ander vleissoorte wat betref die prys en gehalte? Varkvleis is tans heelwat goedkoper as bees- en skaapvleis, maar dit ding goed met hoendervleis mee. Ek meen natuurlik varkvleis…

Die hond wat ophou blaf deur Jo Nel. Uitgewer: Penguin Random House. Prys: R250. Wanneer Izak Hugo, ’n tandarts van Port Elizabeth, sy vriend se verwurgde poedel in sy bakkie ontdek en besef daar is ’n paar uur waarvan hy niks kan onthou nie, begin hy sy greep op die werklikheid verloor. Boon-op vermoed ’n bende hy het een van hul jong lede vermoor. Izak vlug Transkei toe saam met ’n goeie vriend, maar dis daar waar sake ernstig begin ontspoor in dié sielkundige riller met ’n onvoorspelbare ontknoping. Truitjie roer my nie deur Schalk Bezuidenhout. Uitgewer: Queillerie. Prys: R220. Een van Suid-Afrika se gunsteling-komediante, Schalk Bezuidenhout, en sy “kreatiewe klankbord”, Erns Grundling, skryf saam-saam oor hul wedervaringe op feeste, klein dorpies, agter die verhoog en natuurlik Schalk…

Nou een Sondag, ná ek my eie dominee se preek misgeloop het, kon ek darem na ’n boodskap oor die lug luister. Dit was ’n goeie, praktiese boodskap oor die wedloop van die lewe. Die luisteraars kon opnuut luister na wat dit beteken rakende besluitneming, oefening, volharding en doelgerigtheid. By al die gepaste dinge wat die prediker gesê het, was daar tog ietsie wat teenspraak verdien, as ek my dit mag veroorloof. Hy het die stelling gemaak dat die wed-loop waaraan ons deelneem, nie op die oorwinning afstuur nie, maar wel uit die oorwinning geskied. ’n Mens sou hiermee hartlik kan saamstaan, mits dit so verstaan word dat die terme “uit” en “op” nie teenoor mekaar staan nie, maar mekaar aanvul. Ons hard-loop inderdaad vir die oorlewing wat Christus klaar…

Woolworths het mnr. Graeme Sait, bewaringslandboukundige van Australië, die derde keer na Suid-Afrika gebring om boere wat aan dié kleinhandelgroep produkte lewer, in te lig oor die waarde van herlewingslandbou. Volgens mnr. Kobus Pienaar van Woolworths se Farming for the Futureprojek is die doel van die werksessie om die saad te saai wat nuwe denkwyses oor volhoubare produksiemetodes sal meebring.…

DIE landbou word deesdae grootliks met die produksie van voedsel vereenselwig, maar die bedryf produseer veel meer as net kos, sê prof. Louise Fresco, voorsitter van die Universiteit van Wageningen in Nederland se uitvoerende raad. Sy was ’n spreker op die Internasionale Federasie van Landboujoernaliste (IFLJ) se kongres in Nederland. “Uiteraard moet die landbou oor die jare heen homself verbeter. Dit is ’n selfonderhoudende entiteit wat ook homself kritiseer, net soos die wetenskap.” Sy meen wel dat die landboubedryf meer doen as net kos produseer. “ ’n Paar jaar gelede het farmaseutiese produkte, materiale en vele ander produkte ook uit die landbou gekom. Maar deesdae word net kos met die landbou vereenselwig. Die toekoms van die landbou strek egter baie wyer as kos.” Fresco meen dat die landbouvoedselketting op ’n…

Met peer-oestyd iets van die verlede is dit duidelik die droogte eis sy tol ten opsigte van ’n ligter oes en kleiner vrugte. Volgens mnr. Jacques du Preez, bestuurder van handel en markte by Hortgro, het die boorde wat die afgelope vyf jaar geplant is en jaarliks groter oeste dra, die werklike uitwerking van die droogte verbloem in die totale volume wat die bedryf geproduseer het. Hortgro skat sowat 16,3 miljoen kartonhouers pere gaan uitgevoer word teenoor verlede jaar se 17,47 miljoen houers. “Ons verwag die totale produksie vir 2018 gaan 10-12% laer wees en die uitvoervolume 8-10%.” Hy sê al was die vrugte kleiner, was die kleur vanjaar beter. Sowat 50% van die pere wat hier gekweek word, is verlede jaar na Europa (37%), die Midde-Ooste (18%), Rusland en…

Daar was nie ’n wolveiling in die week van 3 Augustus nie. Die volgende veiling is op 15 Augustus. AMT gee al langer as 17 jaar tydige en noukeurige markinligting oor die meeste kommoditeite aan kliënte wat daarop ingeteken het. Die inligting op hierdie bladsye oor graan en oliesade is deur Pieter van Wyk verskaf, terwyl Pieter Cornelius die inligting oor vee en Johnny van der Merwe dié oor groente verskaf het. Bel dr. Johnny van der Merwe by sel 073 140 2698, stuur ’n e-pos na johnny@amtrends.co.za of besoek die webwerf by www.agrimark.co.za vir nog inligting.…

Die volgende ontleding van grondverkope in Suid-Afrika is van transaksies in die Oos-Kaap vir die 12 maande tot April vanjaar vir grond van meer as 10 ha. In dié tyd is dalende grondpryse in byna die helfte van die distrikte (45,8%) aangeteken – ’n duidelike teken van die moeilike boerderytoestande in dié provinsie. In dié tydperk is 364 ooreenkomste in 35 distrikte gesluit. Altesame 258 166 ha is teen R2,231 miljard verhandel. Daarvan was 15% transaksies van kleur. Dit behels 21 948 ha, oftewel 8,5% van die totaal, teen R269 miljoen. Twee van die transaksies was staatsaankope vir grond wat vir landboudoeleindes bekom is en 45 tussen individue. Altesame agt transaksies val buite die landbou. Uit die totaal was 96 (26%) van die transaksies vir grond van minder as 50…

SUSSEX BUL BEHAAL R150 000 Die gesogte Sussex-teelmateriaal van Huntersvlei Sussex van die Rhys Evansgroep het vanjaar vir een van die suksesvolste veilings in dié stoetery se geskiedenis gesorg, sê mnr. Enrico Cronjé, kuddebestuurder. Huntersvlei Sussex van Viljoenskroon se 48ste produksieveiling is oudergewoonte saam met Pothou Sussex aangebied. Die topprys van R150 000 is vir die bul JRE 150077 deur mnr. Mark Whittle van Swartberg betaal. Ander toppryse wat vir bulle behaal is, sluit in R110 000 vir JRE 150094 wat deur mnr. Stephen Foster van Ganzi, Botswana, betaal is, R90 000 vir JRE 160151 (Fleetwood Farms van Atlasville) en R85 000 vir JRE 150083 (mnr. Don McHardy van Everton). Bulle (drie jaar oud) is teen gemiddeld R57 000 verkoop, bulle (twee jaar oud) het gemiddeld R44 000 behaal, koeie…