Innehållsförteckning för 28-Sep-18 från Landbouweekblad

DA AR is ’n reusegaping tussen hoe die Suid-Afrikaanse Inkomstediens homself sien, en hoe die belastingbetaler die instansie ervaar. Daar is ’n enorme gaping in die SAID se begrip van waar hy tekortskiet in ’n komplekse wêreld van belastingvermyding en belastingontduiking, en sy vermoë om skuiwergate in die wet te identifiseer wat geleenthede vir die uitbuiting van prysverskille in verskillende markte skep. Die metode waarvolgens die SAID die risiko van belastingbetalers bepaal, het ernstig verwronge geraak en moet dringend hersien word. Dit is onaanvaarbaar dat laagbesoldigde werknemers verlof moet neem om by ’n SAID-hulpsentrum uit te kom sodat hulle kan bewys dat hulle nie vir inkomstebelasting geregistreer hoef te wees nie. Die waarnemende kommissaris, mnr. Mark Kingon, erken die SAID se gebreke en is “daartoe verbind om die werkswyse te…

In die artikel “Kudde-ooie kan só stoetooie word” (LBW, 14 September 2018, bl. 42) is die verkeerde kontakadres geplaas. Stuur navrae oor die opgradering van Suid-Afrikaanse Vleismerino’s na e-pos: sammsheep@yebo.co.za. Die minimum aantal basisooie wat benodig word om deel te neem aan die projek, is 150, en nie 300 nie, soos verkeerdelik in die tabel aangedui is. Landbouweekblad korrigeer graag onjuisthede in artikels en nuusberigte. Stuur inligting oor regstellings so gou moontlik ná die publikasiedatum aan Jan Bosman, Landbouweekblad, Posbus 1802, Kaapstad 8000; e-pos: jan.bosman@landbou.com; faks 021 406 2940; tel. 021 406 3181.…

KOMMUNALE wolboere in die Oos-Kaap sal weer toegang kry tot ramme vir die verbetering van hul kuddes nadat die Tesourie ingestem het om weer vanjaar die projek te finansier. Volgens mnr. Leon de Beer, hoofbestuurder van die Nasionale Wolkwekersvereniging (NWKV), kon die direkteur-generaal en ander senior amptenare van die Departement van Landelike Ontwikkeling en Grondhervorming en die Departement van Landbou, Bosbou en Visserye die Tesourie oorreed om in die huidige boekjaar geld te bewillig. “Omdat die tyd ons ingehaal het om met die huidige tender-proses voort te gaan, het die twee departemente die Tesourie oortuig om die projek vir nog minstens een siklus te finansier, aangesien die ramme reeds in 2016 gebore is en so ’n projek nie op kort kennisgewing kortgeknip kan word nie.” Hy sê die NWKV sal…

’N 19-JARIGE boer van Brand-fort, mnr. Johan van Dyk, is vanjaar die wenner van die verhandelingsonderneming BVG se verskansingskompetisie. Die kompetisie is gemik daarop om veral produsente, maar ook ander belangstellendes, vertroud te maak met die gebruik van afgeleide instrumente op die Johannesburgse Sekuriteitebeurs (JSE). Die kompetisie word met die samewerking van BVG, BKB GrainCo, Landbou.com en die JSE aangebied en R45 000 was vanjaar op die spel. Die wenners is op ’n gala-geleentheid by die JSE in Sandton aangekondig. Van Dyk se eerste prys was R25 000. Van Dyk se pa, Hendri, wat die prys namens sy seun ontvang het omdat Johan in Amerika is vir boerdery-ondervinding, sê verskansing speel ’n baie belangrike rol in hul boerdery. Tog is dit iets waaraan die meeste boere die minste tyd bestee.…

HUISHOUDELIKE bestedingsvermoë gaan onder druk bly, die rand gaan swak bly en die rentekoers kan styg. Dít is me. Nicky Weimar, senior ekonoom by Nedbank, se verwagting vir die ekonomie. Sy het op Agri Noordwes se jaarkongres op Lichtenburg gesê die ekonomie krimp omdat beleggers nie belê nie. Pres. Cyril Ramaphosa wil beleggers teruglok, maar al doen die Regering nou ’n klomp goeie dinge, blyk dit ’n baie moeilike taak te wees. Beleidsonsekerheid, die mynbouhandves, onteiening sonder vergoeding, en die bedreiging wat die nasionale gesondheidsversekering vir die private gesondheidsbedryf inhou, is vir beleggers die grootste risiko’s. RISIKO ONSEKER “Die ANC het baie gesê oor wat onteiening sonder vergoeding nié gaan wees nie . . . maar die probleem is hulle het ons nie gesê wat dit gáán wees nie. Totdat…

’N GRONDWETWYSIGING om die onteiening van grond sonder vergoeding toe te laat, het oorweldigende steun gekry in die openbare verhore wat die Parlement se grondwetlike hersieningskomitee landwyd gehou het. Die voorlopige verslag ná dié verhore, wat vanaf Junie tot Augustus gehou is, is by die komitee ter tafel gelê. Skriftelike kommentaar is ook aanvaar. Die komitee het tot einde September om aanbevelings oor die wysiging aan die Parlement te maak. TEN GUNSTE Van die redes wat voorstanders van onteiening sonder vergoeding voorgehou het, is luidens die verslag die volgende: ■ Die Grondwet is ’n struikelblok om grond sonder vergoeding te onteien en daarom moet die Parlement artikel 25 wysig. Veral artikel 25(1), 25(2)(b) en 25(3) word as problematies beskou, want dit beskerm die onwettige eiendomsregte wat onder die koloniale en…

DIE Suid-Afrikaanse landboubedryf is taamlik gesond en veerkragtig met ’n oop, mededingende mark wat doeltreffendheid aandryf en betreklik lae voedselpryse verseker. Tog is daar groot struikelblokke voor die sektor se deur weens beleidsonsekerheid, waterskaarste, arbeidsverhoudinge en -wetgewing, grondhervorming, klimaatsverandering, handelsooreenkomste en volhoubare transformasie. Dr. John Purchase, hoofbestuurder van die landbousakekamer Agbiz, het op die RPO se kongres in Centurion gesê daar is verskeie geleenthede vir die landbou gegewe Suid-Afrika se groeiende bevolking, veranderende neigings in verbruikersbesteding, nuwe markte (wat Afrika en die Ooste insluit), nuwe tegnologie en verhoogde produksie. “Die Suid-Afrikaanse landbousektor is ook besig om sy mededingendheid te verbeter deur nuwe markte te ontgin. Dit geld nie net die rooivleisbedryf nie, maar ook die verwerkingsbedrywe,” het Purchase gesê. Hy het gesê Agbiz het 24 uit 36 kommoditeite geïdentifiseer waarvan…

Die werklikheid het ’n manier om redelikheid, orde en begrip na vore te bring. Sedert die ANC-kongres in Desember waar die grondkwessie op die voorgrond geplaas is, is baie oor die onderwerp gedebatteer en uitsprake gelewer met onvermydelike skade vir die landbou. Landbouweekblad en Agri SA se onlangse grondberaad op Bela-Bela kan as só ’n oomblik van werklikheid gesien word. Dit het gedien as ’n waterskeiding tot orde en rigting in die debat en sal as ’n keerpunt staan om die afbrekende energie wat jare lank op die kommersiële landbou afgelaai is, in ’n byna onomkeerbare hoopvolheid om te skep. Nie alleen vind die landboufamilie ’n gemene deler nie, maar is daar ook nou belangrike brûe tussen die georganiseerde landbou en die Regering gebou. Dit is noodsaaklik om ’n gemeenskaplike,…

Groff het ’n foto van ’n stofstorm in Maart vanjaar by Colby in die Amerikaanse deelstaat Kansas gewys en net sy kop geskud. “Ons kon 50 jaar gelede al ’n man maan toe gestuur het, maar ons kan steeds nie ons grond genoeg vashou dat dit die wegwaai nie. Dit hoef nie so te wees nie. Ons kan dit regstel.” Groff sê boere bewerk soms die grond so baie dat hulle nie die reën wat val, kan “oes” nie. “Hoekom bewerk ons die grond? Om die reën te laat intrek? Ek dink ons het in ’n mate ons eie droogtes geskep.” Hy het eenvoudige eksperimente gebruik om te wys dat dit dikwels die beste grond is wat wegwaai of wegloop. In die winter het hy op ’n plaas wat nie…

As jy redelike bewyse het dat jou bure se blouwildebeeste die oorsaak van veeverliese weens snotsiekte is, moet jy so gou moontlik ’n strafregtelike klag by die naaste polisiekantoor indien. Die meeste polisiekantore ken nie die bepalings van die Wet op Dieregesondheid nie. As die plaaslike polisiekantoor nie ’n klag wil aanvaar nie of die plaaslike staatsaanklaer is onwillig om te vervolg, verwys die klagte na die provinsiale vervolgingsgesag. Hulle kan verwys na die strafregtelike klag van die staat waarin die aangeklaagdes volgens die dagvaarding wat aan hulle beteken is, die volgende sê: Versuim om redelike stappe te doen om die verspreiding van enige dieresiekte te voorkom; Oortreding van artikel 1 1 (1)(a) van die Wet op Dieresiektes (Wet 35 van 1984), gelees saam met artikel 1, 9, 19, 31,…

Die 24-jarige mnr. Marcell Steyn van Bloemfontein kon nie sy tienerdrome van ’n boerdery verwesenlik nie, aangesien sy pa, Elmar, jare gelede hul plaas, Tweefontein, by Ulco in die Noord-Kaap, verkoop en hom in die regsberoep in Kimberley gevestig het. Boerdery- en planmaakbloed vloei egter sterk in sy are. Marcell se Viper-vangnetstelsel volg op die vangnette wat deur mnr. Haydn Krige van De Dam by Steytlerville ontwerp is (sien die artikel “Ligte vangnet goedkoper wildvangopsie”, LBW, 21 Julie 2017). Soos in die geval van Haydn se ligte vangnet-raamwerk skakel Marcell se net-“tent” die gebruik van helikopters uit. “Boere hou nie daarvan om te sukkel nie en kan ook nie meer die hoë koste van die professionele diens van ’n veearts en helikopters bekostig om hul wild te bestuur nie,” sê…

1 Grootkampioenhings (universeel), Aandag Effek. Eienaar: Mnr. Marc Filter, Aandag-stoetery. Van links is mnr. Nkosonathi Nkosi, die vertoner, mnr. Marc Filter met Megan voor hom, en sy vrou, Michelle. 2 Grootkampioenmerrie (tradisioneel) asook kampioenryperd (5 jaar en ouer, tradisioneel, mans), Rooigras Satyn. Eienaar: Mnr. Jan Joubert, Rooigras-stoetery. Vertoner: Mnr. JJ Kemp. 3 Grootkampioenreunperd (tradisioneel), Tokoza Hilux. Eienaar: Me. Skye Augusta. Vertoner: Mnr. Wilfred Gelderblom (links). By hom, van links, is mee. Chantelle Jooste, Skye Augusta en Sally Hurst. 4 Grootkampioen (universeel, enkeltuig), Aandag Binnebaan. Eienaar: Mnr. Marc Filter, Aandagstoetery. Vertoner: Me. Temike Mey. 5 Grootkampioen (driegang, vertoonperd onder vyf jaar), Rooigras Sweet Face. Eienaar: Mnr. Jan Joubert, Rooigras-stoetery. Vertoner: Mnr. Wonder Vundla. 6 Grootkampioen (tradisioneel, vyfgang, onder 6 jaar), Vlampie’s Akasia Karroe. Eienaar: Mnr. Diederik Cloete, Vlampie’s-stoetery. Vertoner: Me. Dedre…

KwaZulu-Natal het twee seisoene vir die bemarking van aartappels – winter en somer – wat onderskeidelik van Augustus tot Januarie en Januarie tot Julie duur. In 2017 se somerseisoen is 2 016 ha aartappels aangeplant, wat in 2018 se seisoen tot 1 962 ha afgeneem het, luidens Aartappels SA se oesskatting op 22 Junie vanjaar. Verlede jaar se winteraanplantings was 981 ha. In 1993 was daar 226 kommersiële aartappelboere in KwaZulu-Natal, maar dié getal het oor die jare heen kwaai gedaal, net soos die nasionale getal. In 2017, sê Aartappels SA, was daar 56 kommersiële aartappelboere in die provinsie oor. Nasionaal het die getal oor dieselfde tydperk van 2 031 tot 532 afgeneem. Soos in ander landbousektore blyk dit dat ouer aartappelboere uittree en dat ’n aantal aartappelboere steeds oorskakel…

Charlotte Botes van die plaas Oskopvlakte naby Laingsburg het sowat vyf jaar gelede haar moue opgerol en ’n arbeidsintensiewe knoffel-onderneming by haar buurman gekoop. Sy boer nie net met knoffel nie, maar verwerk ook ses dae van die week die knoffel tot smullekker produkte wat sy onder die vaandel van Koup Knoffel – House of Garlic verkoop. Hoekom aard knoffel goed in jou omgewing? Water is skaars in die Karoo en ’n mens het ’n baie groot oppervlakte nodig om winsgewend te boer. Knoffelverbouing verg nie baie water nie en ons kan genoeg water met sonkrag na die oppervlak bring om daarmee te boer. Wat is ’n knoffelboer se grootste probleme? Finansiering is ’n struikelblok met ’n produk soos hierdie. Dit kos 10 maande om dit te verbou, verg baie…

Ná bykans 60 jaar sedert ek daardie eerste keer ’n groot geweer gesien en gehoor het, het my liefde vir skietgoed nog nie afgeneem nie. Ek beskou myself glad nie as ’n danige kenner nie, maar ek het met die jare ’n hoeveelheid kennis versamel waarvan ek julle graag wil vertel. Ek sal graag in hierdie rubriek lesers se vrae beantwoord as ’n vraag van algemene belang is en vir almal interessant kan wees. Dit beteken nie dat ek nie jou vraag ook individueel sal beantwoord nie. Stuur die vrae aan Lucille Botha by lbotha@landbou.com. Sy sal dit aan my besorg.…

0,26 °C Die temperatuur in die wêreld kan teen 2100 met 0,26 °C verlaag word as grondbewaringspraktyke, soos dekgewasse, weidingsbestuur en peulgewasse, wêreldwyd toegepas word, en dié praktyke met die drastiese vermindering van koolstof-uitlaatgasse gepaardgaan. Dit is volgens ’n nuwe studie van die Universiteit van Kalifornië, Berkeley. Aanvanklik wou navorsers bepaal of herlewingslandboupraktyke wêreldwye temperature met minstens 0,1 °C kan verminder. — Science Daily R4,7 miljard Suid-Afrika se uitvoer na Rusland het van R4,1 miljard in 2016 gestyg tot meer as R4,7 miljard in 2017. Die belangrikste uitvoerprodukte daarheen is vrugte en neute, mangaanerts, yster- en staalprodukte, drankies, asyn, elektriese masjinerie en toerusting. Die Departement van Handel en Nywerheid lei vandeesweek ’n afvaardiging sakelui na World Food Moscow in Rusland. Die departement hoop dat dit nuwe handelsmoontlikhede vir boere en…

‘Jy is nie sag as jy praat nie, jy is eerder slim.’ MNR. DAN KRIEK, voorsitter van Agri SA, in antwoord op kritiek oor die organisasie se onderhandelinge met die Regering. Bl. 22 ‘Die gemak waarmee ’n sukkelende bedryf opgeoffer kan word, wek ook kommer.’ MNR. JANNIE DE VILLIERS, uitvoerende hoof van Graan SA, oor ’n kwota van 40 000 ton koring wat Brittanje na Suid-Afrika kan uitvoer. Bl. 14 ‘As jy vanjaar dieselfde produksie lewer, is jou inkomste nou minder as ’n jaar gelede.’ DR. KOOS COETZEE, ekonoom by die Melkprodusenteorganisasie, oor die noodsaak vir boere om produksie te verhoog. Bl. 17 ‘Hulle wag nie vir hul saadmaatskappye, hul plaagdodermaatskappye of ander vennote om uit te pluis wat die beste weg vorentoe is nie.’ MNR. HEINZ OELLERMAN, sakebestuurder van…

Agri SA verdedig boere se grond en eiendomsregte in sy gesprekke met die Regering en onderhandel nie daaroor nie. Waaroor daar wél onderhandel word, is planne en finansiële modelle (vir grondhervorming), het mnr. Dan Kriek, voorsitter van Agri SA, op Agri Noordwes se jaarkongres in Lichtenburg gesê. Hy het gesê op sosiale media word Agri SA onder meer “sag en naïef” genoem. “Jy is nie sag as jy praat nie, jy is eerder slim. “Dit beteken nie ons onderhandel en gee iets weg nie, maar ons stel ons besigheidsaak: Wat ons kan doen en waarvoor ons verantwoordelikheid kan aanvaar.” Kriek het gesê sy posisie in die gesprekke is gegrond op die mandaat wat hy van Agri SA-lede het en hy hóú by dié mandaat. CHRIS VAN RENSBURG skryf: Wanneer gaan…

KOOPKRAG VAN LANDBOUPRODUKTE IN BEELD Wanneer landbouproduktepryse in verhouding gelyk is aan dié van alle goedere, val die punt op die 100-lyn in die meegaande skets (wat die koopkrag tot die jaar 1948 aandui). Die ingekleurde dele toon die donker jare vir boere aan, want toe was landbouprodukte betreklik goedkoop, en dié van die goedere wat die boere moes koop, betreklik duur. Die dele wat bo die 100-lyn val, was goeie jare vir boere. Die pryse van hul produkte was toe in verhouding hoër as dié van die goedere wat hulle gekoop het. Boere het maar min goeie jare gehad. Vanaf 1912 was daar slegs enkele “ligte jare”. Slegs vanaf 1923 tot 1929 was ’n aaneenlopende goeie tyd vir boere en weer vanaf 1943. In die Depressiejare het die landbouprodukpryse…

DIE Departement van Landbou, Bosbou en Visserye se onderbesteding van een kwartaal se begroting sou genoeg gewees het om vir die Landbounavorsingsraad (LNR) se nuwe bek-en-klouseergerief te betaal. Dié belangrike projek sloer reeds jare weens geldtekorte. Intussen staar uitvoerverliese van R6,4 miljard Suid-Afrika in die gesig indien ’n uitbreking van beken-klouseer nou sou voorkom, waarsku dr. Shadrack Moephuli, uitvoerende hoof van die LNR. Dit het tydens ’n voorlegging van die Departement van Landbou, Bosbou en Visserye en van sy entiteite aan die Parlement se staande komitee oor toedelings aan die lig gekom dat die departement 19,5% van sy begroting vir die eerste kwartaal van die 2018-’19-boekjaar nie bestee het nie. Dit beloop R442,7 miljoen. Die LNR kort R414 miljoen om sy fabriek vir die vervaardiging van ’n bek-en-klouseerentstof te voltooi.…

GARSBOERE in die Swartland en Overberg het AB InBev, die enigste koper van moutgars in Suid-Afrika, gevra “om sy deure oop te gooi” en met boere te praat. Verskeie belanghebbendes in die bedryf was dit eens op ’n Nasie in Gesprek-paneelbespreking op die eerste Nampo Kaap op Bredasdorp dat beter kommunikasie tussen almal in die garsbedryf tot voordeel van die bedryf sal wees. Mnr. Gert Claassen, Graan SA-verteenwoordiger vir garsboere in die Swartland, sê regstreekse kommunikasie tussen die partye sal in almal se guns tel. Mnr. Jurie Groenewald, ’n boer van Riviersonderend, het met Claassen saamgestem. “Niemand wil voel soos ons nou voel nie. Ons het op ’n goeie plek met SAB geëindig. Ons het reguit met mekaar gepraat tot die rook soms getrek het, maar ons het gepraat, nie…

’N BLOUBESSIEBOER is deur ’n uitvoermaatskappy uitgevang nadat hy – strydig met die bepalings van sy kontrak – bloubessies in die sluikhandel verkoop het. Ná ’n wenk van ’n bekommerde boer wat aan United Exports OZblu-bessies lewer, het United Exports ’n ondersoek begin. Sodoende het hy die misdrywe van een van sy ander bloubessieboere bevestig, sê mnr. Roger Horak, stigter en internasionele uitvoerende hoof van United Exports. “Om wetenskaplike bewyse te kry, het ons die betrokke bessies verpak en na Amerika gestuur vir ’n DNS-toets. Dit het bevestig dat die skuldige boer die OZ Julietta- (foto regs) en OZ Magnifica-kultivars strydig met die kontrak verkoop het,” sê Horak. United Exports besit die regte om OZblu-bessies wêreldwyd te bemark en hy doen dit met die samewerking van boere met wie kontrakte…

GENETICI by SA Stamboek se telingsimposium op Parys was dit eens dat geen bedryf in die biowetenskappe die toekoms sonder die gebruik van genomika kan aandurf nie. Hulle het gesê die gebruik van genomika verseker progressiewe genetiese vordering, verhoog die seleksiedruk en verkort die generasie-interval in kuddes. Volgens prof. Donagh Berry, wat verbonde is aan die Ierse voedsel- en landbougesag (Teagasc), is die gebruik en ontleding van groot datastelle en presisielandbou onontbeerlik vir vinnige vordering met diereteelt. “Om die doel van diereteelt te verwesenlik, moet vroulike diere dragtig raak om ’n nageslag voort te bring. Telers kan in dié proses goeie teelmateriaal gebruik.” Berry het gesê die gebruik van teelmateriaal het ’n opstapelende en permanente uitwerking op enige kudde. “Die prestasie van jou diere kan jaarliks deur die daaropvolgende geslagte…

AGRI SA verdedig boere se grond en eiendomsregte in sy gesprekke met die Regering en onderhandel nie daaroor nie. Waaroor wél onderhandel word, is planne en finansiële modelle (vir grondhervorming), het mnr. Dan Kriek, voorsitter van Agri SA, op Agri Noordwes se jaarkongres in Lichtenburg gesê. “Niemand in Agri SA of in Suid-Afrika het die reg om oor my grondwetlike regte te onderhandel nie; dit is hoekom ek nie oor u grondwetlike regte onderhandel nie,” het Kriek gesê. Hy het onder applous gesê Agri SA staan die wysiging van artikel 25 van die Grondwet teen. Op sosiale media word Agri SA onder meer “sag en naïef” genoem. “Jy is nie sag as jy praat nie, jy is eerder slim.” Wanneer houdings verhard in Suid-Afrika, is dit volgens hom ’n leier…

Opsies hou ’n kleiner risiko vir produsente in as termynkontrakte en vereis minder kapitaal. Opsies kan in byna enige marktoestand – stygende, dalende of bestendige pryse – gebruik word om doelwitte vir prysrisikobestuur te bereik. Selfs al is die mark se prysrigting onbekend, kan opsies gebruik word om beskerming teen prysrisiko te bied. Produsente se blootstelling aan prysrisiko kan dus met opsies verminder word. ’n Koper van ’n opsie se blootstelling is beperk tot die premie wat betaal word om die opsie te koop. WAT IS ’N OPSIE? ’n Opsie is bloot die reg, dus nie die verpligting nie, om te eniger tyd in ’n bepaalde tydperk termynkontrakte teen ’n voorafbepaalde prys te koop of te verkoop. Die opsieverkoper moet die kommoditeit wat in die kontrak genoem word, teen die…

Dit het onlangs bekend geword dat landbougrondpryse van Desember verlede jaar tot Julie vanjaar met sowat 32% gedaal het (R apport, 9 September 2018). Dit is sekerlik omdat potensiële kopers op die landboumark tans skaars is ná die ANC se beleidsaankondiging dat hy grondonteiening sonder vergoeding voorstaan en moontlik die Grondwet wil verander om die voorwaardes daarvan duideliker te maak. Bogenoemde syfer is die landwye gemiddelde. Daar sal taamlik groot streeksverskille wees, met die prentjie wat in sekere gebiede nóg slegter sal lyk. Tesame met die politieke onsekerheid het die afgelope paar taamlik swak jare in heelwat streke tot die opbou van landbouskuld bygedra en het boere se skuldbetaalvermoë afgeneem. Die kans op ’n rentekoersverhoging in die afsienbare toekoms om die rand te probeer stabiliseer en die meegaande verwagte inflasiestyging…

Vernuwende landboufinansiering is dringend nodig. Dit moet eerder op ’n boer se produksievermoë en sy verhouding met die res van die waardeketting geskoei word, pleks van net die blote waarde van sy grond. Só sê dr. Cobus Oberholster, hoofbestuurder van lewende hawe, eiendomme en afslaerdienste van die landboumaatskappy BKB. Landbouweekblad het by hom en ’n paar bankiers navraag gedoen. Dit gaan oor die kwessie dat saaiboere wat eerder voer-dekgewasse as tradisionele kontantgewasse wil plant om drukbeweiding daarop toe te pas, dit nie regkry om die aankope van die bykomende vee met die vee self as sekuriteit gefinansier te kry nie. Die meeste van die bankiers is dit eens dat dit vir landboufinansiers ál belangriker raak om te kyk hoe vaar die jokkie, pleks daarvan om net ’n boerdery se grondwaarde…

WAT IS DIE BESTE BOERDERYBESLUIT WAT JY TOT DUSVER GENEEM HET? Bosbestryding om die weiveld te verbeter en goeie infrastruktuur, soos kampe, krale, paaie en sonpompe vir beter bestuur. WAT WAS JOU GROOTSTE FOUT IN DIE BOERDERY? Aanvanklik wou ek nie baie geld bestee om doeltreffende infrastruktuur te ontwikkel nie. Die gevolg was oorbeweiding en swak beheer oor die beeste. WAT IS DIE GROOTSTE PROBLEEM MET BOERDERY IN BOTSWANA? Die grootste probleem is bemarking omdat die staatsbeheerde Botswana Meat Commission ’n monopolie op die uitvoer van vars vleis het. Boere mag net stoetvee na buurlande uitvoer en geen slagvee nie. EN DIE GROOTSTE GELEENTHEDE? Grond is goedkoop en beskikbaar. Die regering is stabiel en die boere welwillend. WATTER TEGNOLOGIE IS ONMISBAAR IN BOERDERY IN BOTSWANA? My rekenaar vir die meting…

BOORGATSLOT NUTTIGE SLUITTOESTEL FNUIK DIEWE Nood leer bid of planne beraam. In mnr. Bertus van der Linden van Limpopo se geval het voortdurende probleme met noodwieldiewe gelei tot die ontwerp van ’n sluittoestel wat diewe van dompelpompe uit boorgate met die hande in die hare sal laat. Die boorgatslot bestaan uit ’n stuk boorgatvoering van 150 mm in deursnee wat 200 mm hoog is en op ’n standaard-150 mm-binnemaatflens vasgeweis is. In die kant van die voe-ring is 12 mm-moere ingesweis waarin die boute gedraai word. Dit voorkom dat die toestel verwyder kan word. Binne die voering is ’n flensring met ’n gat waardeur die plastiekpyp van die pomp gaan. Die boute wat in die kant van die 150 mm-voering is, keer dat die flensring uitgetrek word. In die flensring…

Boere in KwaZulu-Natal, gewoonlik Suid-Afrika se natste provinsie, is swaar getref deur die droogte. Provinsiale waterbeperkings van 50% vir die landbou en 15% vir besighede en huishoudings is egter laat in Augustus opgehef vanweë beter watervlakke vir vyf van die provinsie se damme. Heelwat meer reën as verlede jaar het geval. Op 3 September vanjaar was die gesamentlike damvlakke in KwaZulu-Natal 61,8% vergeleke met 51,5% in die ooreenstemmende tydperk verlede jaar. Daar is egter nog ’n risiko wat sluimer. Die moontlikheid van ’n El Niño-weerverskynsel stem die landbousektor onrustig en daar is ’n groot waarskynlikheid dat so ’n stelsel teen Oktober vanjaar kan ontwikkel, sê mnr. Johan van den Berg, klimatoloog by Santam Landbou. “’n El Niño-stelsel word dikwels gekenmerk deur bogemiddelde reënval in die lente en die eerste deel…

Die getal melkboere in Suid-Afrika het van 2009 tot Januarie 2018 met 62% gedaal, maar melkproduksie het gestyg, sê die Melkprodusente-organisasie (MPO). In KwaZulu-Natal het melkproduksie van 1997 tot 2017 met 168% gestyg. Volgens die Departement van Landbou, Bosbou en Visserye loop sowat 20% van die land se beeste in KwaZulu-Natal, maar het die aantal beeste van Augustus 2013 tot Augustus 2017 stelselmatig met sowat 170 000 afgeneem. Hoewel melkbeesboere reg oor Suid-Afrika bedrywig is, is die grootste konsentrasie in die kusgebiede te vinde. Volgens die MPO het die getal melkbeesboere in KwaZulu-Natal van Januarie 2009 tot Januarie 2018 van 373 tot 221 afgeneem. Die getal produsentverspreiders en melkkopers het ook van Januarie 2016 tot Januarie 2018 onderskeidelik van 11 tot 9 en 22 tot 19 gedaal. Dr. Chris van…

Om ’n ideale pa-en-seun-vennootskap te ontwikkel in ’n bedryf waar enige soort vennootskap al vol slaggate is, is nie maklik nie. Daar is egter talle gevalle wat goed werk, anders het die tradisionele familieplaas mos al lankal verdwyn. Of het die tradisie behoue gebly hoofsaaklik omdat seuns, geslag ná geslag, maar net deurdruk onder hul pa’s in ’n moeilike lewensfase wat hulle noodgedwonge moet verduur? Genoeg wetenskaplike inligting is beskikbaar oor hoe om so ’n vennootskap tegnies te struktureer. Daar is egter min raad vir potensiële persoonlikheidsbotsings en ander familieprobleme wat ’n besigheid kan vernietig, ongeag die opleidingsvlak van die betrokke partye. Goeie pa-en-seun-kombinasies – meestal eerder spesiale ooreenkomste as formele vennootskappe – kan emosioneel baie bevredigend wees. Dit geld selfs die kleinkinders wie se lewens ook uiteindelik om die…

Die jongste skatting vir die 2017-’18-produksiejaar dui op ’n Suid-Afrikaanse katoenoes van 192 426 bale vesel, wat 148% meer is as die vorige jaar en 1% meer as die vorige skatting in Augustus. Aanplanting op droëland en onder besproeiing toon ’n toename van onderskeidelik 67% en 171% teenoor die vorige produksiejaar. Dit word hoofsaaklik toegeskryf aan die gunstiger prys van katoen vergeleke met die mededingende gewasse en ’n hernieude belangstelling in katoenproduksie. Wat pryse betref, dui die Internasionale Katoenadvieskomitee (ICAC) se prysprojeksie vir 2018-’19-seisoen (vanaf 1 Augustus 2018) op ’n gemiddelde Cotlook A-indeks (’n aanwyser van internasionale katoenpryse) van 70-113 Amerikaanse sent per pond, met ’n middelpunt van 88 c/lb. Die prysekwivalent vir Suid-Afrika is sowat R29/kg. Die jongste prysvoorspelling toon ’n styging van 1c/lb teenoor verlede maand se voorspelling.…

Syfers van die Sentrale Energiefonds toon dat Suid-Afrika in Oktober ’n groot brandstofprysskok kan verwag met rekordhoë stygings van meer as ’n rand per liter vir petrol én diesel. Mnr. Dawie Maree, hoof van landbou-inligting en bemarking by FNB, sê syfers van die Sentrale Energiefonds het middel September gedui op ’n onderverhaling op diesel van sowat 135c/liter en sowat 110c/liter op petrol. “Dié onderverhaling is die gevolg van ’n styging in internasionale produkpryse en die verswakking van die rand teenoor die dollar. Die wisselkoers het egter die afgelope paar dae beter begin vertoon, wat moontlik die skok kan versag as die rand aanhou versterk. “Suid-Afrika moet egter in die volgende paar maande ’n baie wisselvallige wisselkoers verwag.” Hy sê die Regering se besluit om geen aanpassing in September te maak…

Die volgende ontleding van grondverkope in Suid-Afrika is van transaksies vir grond van meer as 10 ha in Limpopo, Gauteng en KwaZulu-Natal van Augustus verlede jaar tot Julie vanjaar. Die swak ekonomie het ’n beduidende impak, met al hoe meer distrikte waar grondpryse daal. Net vier distrikte in Limpopo toon ’n verbetering in grondpryse. By Lephalale het pryse heelwat gedaal (-15,5%). In dié provinsie was daar 496 ooreenkomste in 12 distrikte. Dit het 159 625 ha teen R3,081 miljard behels. Daarvan was 21% transaksies van kleur. Dié soort transaksies sluit in verhandelings tussen individue, regeringsaankope van landbougrond en grond wat vir stedelike ontwikkeling verkry is. Dit het 18,4% van al die verhandelde hektare in Limpopo behels, teen R850 miljoen (27,6% van die totale waarde). In Gauteng was daar 467 transaksies,…

’n Afrikanerbul is teen R135 000 verkoop op die nasionale Afrikanerbeesveiling wat by die Kroon Boma buite Kroonstad gehou is. Die eienaar, mnr. Martin Ras van Afric Afrikaners, Hoopstad, het die stoetbul aan mnr. Johan en me. Susan Scheepers van Sanmaroux-Afrikaners, Stoffberg, verkoop. Ras was ook die eienaar van die duurste vroulike dier op die veiling, ’n dragtige vers wat vir R60 000 aan mnr. W.J. Boshoff van Boshoff-Afrikaners by Zeerust verkoop is. Die naashoogste prys van R105 000 vir ’n bul is deur mnr. Estienne Cronjé van Deelfontein-Afrikaners, Winburg, aan mnr. David van der Linde van Geelbos-Afrikaner, Standerton, betaal. Dr. Pieter de Kock van Pronk-Afrikaners, Thabazimbi, het ’n bul teen R70 000 aan mnr. Pierre-André Cronjé, Grootkuil-Afrikaners, Theunissen, verkoop. Mnr. Julian Balt van Sanra-Afrikaners, Carletonville, het ’n koei met…

Alle suksesvolle verhoudings en vennootskappe word op wedersydse vertroue gebou. Dit is die gom wat alles bymekaar hou. Gegewe hoe belangrik dit is, is dit ironies hoe maklik vertroue geskend kan word, en hoe moeilik dit is om ná ’n terugslag te herbou. Om te voorkom dat vertroue geskend kan word, is dit altyd ’n goeie plan om uit die staanspoor saam te stem oor ’n paar basiese beginsels en wat aanvaarbaar is en wat nie. Op die onlangse Bela-Bela-grondberaad was dit interessant om te sien hoe ’n klomp boere, wat almal verstaan wat dit verg om geld te maak in ’n uiters moeilike bedryf, dadelik by mekaar aanklank gevind het. Hulle besef instinktief watter besonderse prestasie dit is wanneer die wilde vrye mark sodanig getem kan word dat nuwe…

Het jy iets op die hart? Skryf gerus aan ons. Die wenbrief ontvang elke week R150 met die komplimente van BKB, asook ’n versamelaarswyn van Beyerskloof. Beyerskloof se Pinotage is ’n ikoniese Suid-Afrikaanse wyn. Die bonuswenbriefprys, ’n Magnumbottel van Beyerskloof se 2016-oes, is deur die eienaar en wynpionier mnr. Beyers Truter geteken. Die droë oesjaar van dié gewilde, klassieke Pinotage het gelei tot ’n goed gestruktureerde, gebalanseerde wyn. Sê jou sê in hoogstens 300 woorde. Stuur dit aan: Die Redakteur, Brieweblad, Landbouweekblad, Posbus 1802, Kaapstad 8000. Of faks dit na 021 406 2940 of gebruik e-pos: lbw@landbou.com. Verskaf jou naam en adres, al wil jy ’n skuilnaam gebruik.…

MNR. COBUS VAN ZYL boer op Prairie naby Lady-brand. Al is hulle meer bekend vir hul veevertakking, is dié Oos-Vrystaatse familieboerdery as ’n finalis in Graan SA se Graanboer van Jaarkompetisie aangewys. Hulle streef voortdurend na vernuwing. Lees die artikel op bl. 42. VERTEL ONS VAN JOU GESIN. My ouers, Theo en Gerda, het een dogter, Elsa-Marie, en twee seuns. My oudste broer, Theo (42 jaar), is met Paulette getroud. Hule dogter, Danelle, is in graad 8. Die twee seuns is Theo (graad 3) en John. Ek en my vrou, Chantelle, het ’n seuntjie, FJ (3 jaar), en klein Abigail (8 maande). WAAR HET JY GESTUDEER? Ek het ná matriek op Ficksburg plaas toe gekom. HET JY ’N STOKPERDJIE? Tans is dit my passie om te boer. Ek is letterlik…

ONDANKS al die onsekerhede in die landbou het die Land Bank pas R1,5 miljard se effekte uitgereik. “Dit is ondanks die moeilike eksterne omgewing, wat gekenmerk word deur onsekerheid oor die Regering se grondhervormingsbeleid, asook die landbousektor se ongunstige groei in die tweede kwartaal,” sê die bank in ’n verklaring. Die bank se veiling op 17 September is gehou met die doelwit om R1 miljard tot R1,5 miljard se effekte uit te reik. Dit het plaasgevind sowat ’n maand nadat die bank stewige finansiële resultate bekend gemaak het. Meer as R2,1 miljard se aanbiedinge is op die veiling gemaak, wat almal binne die bank se verwagte rentekosteraamwerk geval het. Dit beteken die genoteerde skuldfinansiering kon teen beter koerse as ses maande gelede verkry word. Die bank sê die R1,5 miljard…

AFGRI wil hom met sy nuwe beoogde bankbedrywighede sterk daarop toespits om produkte aan die voedsel- en landbousektor te bied. Die groep bied reeds finansiële en versekeringsdienste aan boere, maar wil dit met die koop van die Suid-Afrikaanse Bank van Athene (SABA) uitbrei om ’n wye reeks bankdienste te bied. Mnr. Chris Venter, uitvoerende hoof van Afgri Group Holdings (AGH), het op ’n nuuskonferensie in Johannesburg gesê die Nederlandse Rabobank is ’n goeie model vir hoe ’n bank hom op die voedsel- en landbousektor kan toespits. Hy het bekend gemaak dat Gro-Capital Holdings, ’n maatskappy in die Afgri-groep en die nuwe eienaar van SABA, nou alle regulatoriese hekkies vir sy verkryging van SABA oorgesteek het. GroCapital Holdings se aandeelhouers is AGH, Fairfax Africa Holdings Corporation (’n beleggingshouermaatskappy wat op die…

DIE Grondeisehof se besluit om die uitsettingsbevel van Akkerland Boerdery in Limpopo tersyde te stel in ’n omstrede onteieningspoging is slegte nuus vir planne om ’n reusagtige Chinese “nywerheidstad” in dié provinsie te vestig. Me. Maite Nkoana-Mashabane, die Minister van Landelike Ontwikkeling en Grondhervorming, het kort voor Paasnaweek vanjaar ’n onteieningsbevel op die boerdery laat beteken en die boere sewe dae gegee om die plase te ontruim. Die grond vorm deel van ’n grondeis deur die Musekwa-gemeenskap en haar departement sou dan op 4 April die grond oorneem. Nkoana-Mashabane het aangevoer die grond is onteien nadat die staat en Akkerland nie oor die vergoedingsbedrag kon ooreenkom nie. Die twee plase, Lukin en Salaita, van mnre. Johan Steenkamp en Arnold Cloete se Akkerland Boerdery, speel ’n sleutelrol in die sukses van…

ÁL meer veeboere gebruik reproduktiewe tegnologie, want hulle besef toenemend hulle moet groter waarde toevoeg. Hierdie tegnieke help hulle om ’n groter nageslag van ’n beter genetiese gehalte te teel. Dié tegnologie staan vanjaar sentraal in die program van die tiende Aldam-veeskool, wat van 17-19 Oktober by die Allemanskraal-vakansieoord tussen Ventersburg en Winburg plaasvind. Reproduksie en sy twee komponente, naamlik nuwe reproduksietegnologie (embrio’s, selverdeling en geslagbepaling van semen) en die produksiefasette wat met reproduksie gepaardgaan, word in fyn besonderhede op die Veeskool bespreek. Dr. Michael Bradfield, direkteur van Breedplan Suider-Afrika, sê drie van Suid-Afrika se voorste kenners op hierdie gebied is genooi om boere wat die Veeskool bywoon, te onderrig sodat hulle meer waarde tot hul boerderye kan toevoeg. Hulle is dr. Fanie Steyn, besturende direkteur vir embriospoelings en laparoskopieprogramme…

’N WYSIGING aan artikel 25 van die Grondwet om onteiening sonder vergoeding ’n werklikheid te maak, sal ’n meerderheid van 75% vereis, want artikel 1 van die Grondwet sal ook verander moet word, en dit vereis 75%, sê prof. Robert Vivian van Universiteit van die Witwatersrand se Skool vir Ekonomie en Sakewetenskappe. Vivian het in ’n aanbieding by die Vryemarkstigting in Johannesburg verduidelik daar is drie kwessies wat in ag geneem moet word: ■ Eerstens moet bepaal word of onteiening sonder vergoeding die oppergesag van die reg sal skend, ook of dit basiese menseregte sal skend en of dit rassisties sal wees. ■ Tweedens moet gekyk word wat die impak van só ’n verandering op die Grondwet sal wees. ■ Derdens moet besin word of ’n verandering aan artikel 25…

SUID -AFRIK A ANSE olyfolies het ander lande in die Suidelike Halfrond ore aangesit en ál die medaljes in die internasionale Sol D’Oro-kompetisie (Suidelike Halfrond) opgeraap. Die De Rustica-landgoed buite De Rust het die Giulio Bertrand-eerbewys ontvang as die topprodusent in die kompetisie. “Die blootstelling wat dit vir die wenners aan internasionale markte gee, sal hulle help om handelsmerke te bou,” het mnr. Nick Wilkinson, voorsitter van SA Olive, op ’n mediakonferensie by Wesgro se kantoor in Kaapstad gesê. Volgens me. Barbara Blasevich, direksielid van Veronafiere, wat Sol D’Oro reël, is die doel van die kompetisie om die gehalte van kommersiële olyfolie te verbeter. “Met verloop van tyd het die kompetisie se blootstelling gegroei en dit word nou deur internasionale kopers erken as ’n merk van gehalte.” NOORD EN SUID…

BOERE moet hul eie lot bepaal as dit by veediefstal kom, aangesien dit ’n groot mite is dat die polisie in staat is om dié misdaad te voorkom, het mnr. Willie Clack, voorsitter van die nasionale veediefstalvoorkomingsforum, op die Rooivleisprodusente-organisasie (RPO) se kongres naby Pretoria gesê. Volgens hom is veeboere in Suid-Afrika geneig om die rol van die slagoffer in te neem in reaksie op die voorkoms van veediefstal, maar dit is dalk tyd dat hulle hul houding verander. Hy sê die landbou lewer ’n uiters belangrike bydrae tot die ekonomies-maatskaplike welsyn van Suid-Afrikaners. “Daarom is dit belangrik dat die nodige strukture in werking gestel en oordeelkundig gebruik moet word om die landbousektor in die algemeen en rooivleisprodusente in besonder te beskerm.” Die landbou word dikwels verbind met ’n idilliese…

Voldoende voorsiening moet getref word vir die onderhoud van die boer se gade as die boer dalk eerste sterf. Dit is ’n ongemaklike onderwerp om oor te praat, maar dit is noodsaaklik. In baie gevalle is dit die boer se wens om sy plaasgrond en boerderybates aan sy kinders te bemaak. Oor die algemeen word kinders deel van die familieboerdery lank voor die boer se afsterwe. Namate die kinders se betrokkenheid by die plaas toeneem, neem die boervrou se aktiewe betrokkenheid gewoonlik af. Gevolglik kan of wil sy dan nie oorneem wanneer die boer sterf nie. Die natuurlike gevolge is dat die oorlede boer se gade dan afhanklik word van haar kinders (wat die boerdery oorgeneem het en heel waarskynlik dan heeltyds op die plaas woon) vir ’n heenkome en…

WIE IS JOU MENTOR? Ek probeer sover moontlik alles self doen, aangaande die bestuur en bedrywighede van die plaas. Al my boerderyondervinding is eerstehands op die plaas opgedoen, te danke aan my pa, Theo sr., wat sy kennis daagliks aan my oordra en waarvoor ek baie dankbaar is. WANNEER HET JY BEGIN BOER? Ek het van jongs af saam met my pa gewerk, en op die hoërskool elke geleentheid benut om eerder plaas toe gaan. Ek het amptelik in 2001 begin boer. WAT IS JOU TOEKOMSVISIE VIR BOERDERY IN SUID-AFRIKA? Ons moet net die huidige onsekerheid in die landbou trotseer en daagliks tot die beste van ons vermoëns aanhou doen wat ons doen. Die produksie van landbougewasse is ’n absolute noodsaaklikheid vir die ekonomie en terwyl die vraag na voedsel…

Hy noem sy werktuig die AIE (Alles-in-een) omdat dit verskillende take kan uitvoer, sê mnr. Paul van der Merwe van die plaas Roodewal by Bothaville. “Dit het begin toe ek genader is deur ’n landboukundige wat met behulp van grondprofielgate navorsing oor die diepte van grondversuring, chemiese verdigting en kalktoediening gedoen het. Hy wou hê ek moes ’n manier kry om kalk met ’n tandwerktuig dieper in die ondergrond te kry.” Die goedkoopste metode om kalk, gips, kunsmis of organiese produkte toe te dien, is deur dit met ’n presisiestrooier oor die land uit te strooi. Dan lê dit egter bo-op die grond en moet op ’n manier in die ondergrond geplaas word. Die resultaat van baie werk was die AIE wat presies dít doen. VLERKSKARE VERMENG Van der Merwe…

HOE GEMAAK MET ’N VERLORE TESTAMENT? My oupa is al 10 jaar oorlede en sy boedel is steeds nie afgehandel nie. Ek het onlangs uitgevind een eiendom wat op my ouma se naam was (sy is 26 jaar gelede oorlede), is nie ná haar dood op sy naam gesit nie. Hul dogter, my ma, verhuur aan my ’n deel van die eiendom in haar eie hoedanigheid. My vraag is: Wat is wettig of onwettig en hoe kan ek ’n afskrif van my ouma se testament kry? Ek het een by die Hooggeregshof aangevra, maar dit het verdwyn. Daar was altyd ’n bakleiery tussen my ouma en oupa dat haar kinders niks van haar eiendom sal kry nie en dat dit tussen die kleinkinders verdeel moet word. Nou is my ouma…

KwaZulu-Natal beslaan net meer as 9 miljoen hektaar, waarvan sowat 6,5 miljoen hektaar vir landbouproduksie aangewend word. Daarvan is amper 3,5 miljoen hektaar kommersiële boerderye. Altesaam 82% van die provinsie se landbougrond is geskik vir ekstensiewe veeproduksie, met 18% bewerkbare grond. Die provinsie se klimaat wissel van subtropies aan die kus tot droër en kouer in die binneland weens sy komplekse en wisselende topografie, wat dit geskik maak vir ’n wye verskeidenheid boerderybedrywighede. Die sektor is toegespits op gewasproduksie, veral mielies en suikerriet, die produksie van ’n verskeidenheid subtropiese vrugte, bosbou en veeteelt, waaronder vleis- en melkbeeste, vleis- en wolskape, bokke, varke en pluimvee.…

Frikkadel-enkaasburger Jy hoef nie frikkadelle net altyd met rys of kapokaartappel voor te sit nie. Hierdie lekker souserige tamatiefrikkadelle maak fantastiese burgers! ■ 500 g beesmaalvleis ■ 90 ml songedroogde tamatiepesto ■ 5 ml sout ■ Vars gemaalde swartpeper na smaak ■ 5 ml fyn komyn ■ Olie, vir braai ■ 500 ml tuisgemaakte tamatiesmoor ■ 8 groot snye mozzarella-of emmentalerkaas ■ Groot hand vol slaaiblare ■ 8 broodrolletjies, met botter gesmeer Meng die maalvleis met 60 ml van die pesto, sout, peper en komyn. Vorm 8 ewe groot frikkadelle. Verhit ’n bietjie olie in ’n pan en braai die frikkadelle stadig daarin tot goudbruin. Meng die tamatiesmoor met die res van die pesto, giet dit oor die frikkadelle, en verhit oor lae hitte tot die sous liggies prut. Prut…

Elkeen van my trofeë is in die loop van ’n gewone biltongjag geskiet, maar aan elkeen heg ek ’n besondere herinnering en daarom hang hulle daar teen die muur. Dit was eintlik verkeerd om dit nie te laat opteken nie, omdat die oorspronklike idee van veral Roland Ward nooit was wat dit ongelukkig mettertyd geword het nie. Deesdae is dit iets om oor te spog, terwyl die oorspronklike doel was om jagters te help bepaal in watter land en gebied die beste trofeë van ’n betrokke wildsoort voorkom. Daarom kan ’n mens selfs besondere horings wat jy in die veld opgetel het, laat aanteken. Dit was juis hierdie “spog”-faktor wat my laat besluit het om nie my stelle horings te laat opteken nie. As dit klink of ek dalk teen…

Vandag se gesprek volg eintlik op ’n vorige week se rubriek, wat gehandel het oor die gebed van ’n bejaarde (Ps. 71: 9 en 18). Kom ek nooi jou om te luister na ’n aangrypende gebed van ’n jong man. Gaan lees die verhaal in 1 Kon. 3. Die almagtige God verskyn aan ’n jong, aangewese koning Salomo, met ’n mededeling wat hom stellig duiselig van opgewondenheid moes laat voel het: “Begeer wat Ek jou moet gee” (1 Kon. 3:5). Stel jou voor so iets gebeur met jou! Lucas Maree, die sanger, sou dalk, soos in sy bekende liedjie, sê: “Ek sou kon doen met ’n miljoen!” Hoe lank Salomo daaroor gedink het, word nie gesê nie, maar uiteindelik is sy bede tot God om ’n voorbeeld te wees vir…

Die droogte in die Wes-Kaapse persimmonproduksiegebiede het veroorsaak dat die oes vanjaar 50% kleiner as verlede jaar was. Persimmonboere het hul boor-de gelos, minder geoes of deur noukeurige waterbestuur min of meer dieselfde hoeveelheid geoes, sê mnr. Justus Siebrits, bemarkings- en logistieke beampte by die maatskappy Franschhoek Marketing. “Dit was ’n moeilike jaar vir persimmons.” Hulle het gedink die vrugte gaan baie klein wees, maar dit was toe nie die geval nie. Met die klein volume was hul kopers in Brittanje en Duitsland genoodsaak om kleiner bestellings te plaas. Alle persimmons wat in Suid-Afrika verbou word, is van die kultivar Triumph. Dit word onder die Sharon Fruit-handelsmerk verkoop. Die eerste boord van 1 ha van die gewilde en vroeë Spaanse kultivar Rojo Brillante is plaaslik geplant. Dit behoort oor twee…

GAUTENG CARLETONVILLE GOLDEN VALLEY (621), 22 ha, aan G. van der Walt en J. van der Walt, van Nisaline (Edms.) Bpk., R950 000. KAALPLAATS (577), 318 ha, aan die nasionale Regering van die Republiek van Suid-Afrika, van Scanza Prop, R21 500 000. RIETSPRUIT (535), 117 ha, aan M.D. Kgomo en N.B. Kgomo, van N.D. Rabothata, R4 428 000. WELGEVONDEN (66), 653 ha, aan Receive-More Inv No 35 (Edms.) Bpk., van P&M Visser-trust, R4 700 000. KWAZULU-NATAL PIETERMARITZBURG BLESBERG A (3032), 228 ha, aan Magma Holdings (Edms.) Bpk., van P&C Smit-familietrust, R3 900 000. DOORN KOP (983), 41 ha, aan Hampson-trust, van J.L. en T.L. Hampson, R1 300 000. HANNAHDALE (1363), 48 ha; MATCHWOOD VLEY (12668), 82 ha en WELGELUK (1344), 215 ha, aan Bracken Timbers (Edms.) Bpk., van UCL Company,…

BOEREDAE 11 OKTOBER: Melkbokinligtingsdag. (Gratis.) Agri-Expo Livestock, Sandringham, Stellenbosch. Breyton Milford, tel. 021 975 4440, web: www.livestock.org.za, e-pos: admin@agriexpo.co.za 12 OKTOBER: Vleisbeesinligtingsdag. (Gratis.) Agri-Expo Livestock, Sandringham, Stellenbosch. Breyton Milford, tel. 021 975 4440, web: www.livestock.org.za, e-pos: admin@agriexpo.co.za 25 OKTOBER: Lusern-inligtingsdag, aangebied deur Pendoringboerdery en die Nasionale Luserntrust. Brits. Christo, sel 076 526 2732. EKSPO’S EN ANDER 29-30 SEPTEMBER: Tafelbergerfgoedversamelaars se veteraneekspo. Delvera, Stellenbosch. Uitstallings van veteraantrekkers, enjins, motors en militêre toerusting. Land Rover se 70ste verjaardagviering. Mariëtte, sel 082 670 7637. 30 SEPTEMBER: Groote Postmarkie, Darling. E-pos: info@iloveyzer.co.za; tel. 022 451 2202. 13 OKTOBER: Droogtehulpfees op Migdol, Noordwes, ten bate van die voortslepende droogte in die Kaap. Deure open 09:00. Veiling om 11:00, waarop vee-/jagpakette opgeveil word. Twaalf kunstenaars, onder meer Fatman, Appel, Adam Tas, Jan Rhaap, Amoré en die…