Innehållsförteckning för 19-Oct-18 från Landbouweekblad

DIE wêreld se voorste klimaatwetenskaplikes het gewaarsku slegs sowat 12 jaar is oor om die gemiddelde aardverwarming tot 1,5 °C te beperk. Die risiko van droogte, vloede, uiterste hitte en armoede vir honderde miljoene mense sal daarna aansienlik styg. Dié bevinding is vervat in die verslag van die Verenigde Nasies se interregeringspaneel oor klimaatsverandering (IPCC) wat op 8 Oktober bekend gestel is ná goedkeuring by ’n finale sitting van ál 195 lidlande in Suid-Korea. Sedert opdrag vir die verslag in 2016 by die Parys-klimaatonderhandelinge gegee is, het die gaping tussen die wetenskap en die politiek vergroot. Pres. Donald Trump van Amerika het onderneem om sy land – die grootste bron van historiese kweekhuisgasvrystellings – aan die Parys-akkoord te onttrek, en dit raak al hoe waarskynliker dat Brasilië dieselfde kan doen.…

In die artikel “Handelsmerke gaan knoop deurhak vir sagtesitrus” (LBW, 14 September 2018, bl. 50) is verkeerdelik na prof. Etienne Rabe, visevoorsitter van Wonderful, die grootste sitrusprodusent in Amerika, verwys as mnr. Etienne Rabe. In die voorbladprikkel “Lesotho se ‘wolkaping’ kan SA R500m. kos” (LBW, 12 Oktober 2018) word verkeerdelik die indruk gewek dat die beperkings op die handel van wol en bokhaar in Lesotho Suid-Afrika R500 miljoen kan kos. Dit verwys in werklikheid na die koste vir Suider-Afrika. Landbouweekblad korrigeer graag onjuisthede in artikels en nuusberigte. Stuur inligting oor regstellings so gou moontlik ná die publikasiedatum en verkieslik skriftelik aan Jan Bosman, Landbouweekblad, Posbus 1802, Kaapstad 8000; e-pos jan.bosman@landbou.com; faks 021 406 2940; tel. 021 406 3183. Verskaf ook u telefoon- of selnommer.…

‘Ons moet dit as bedryf baie versigtig hanteer. Ons is baie bekommerd hieroor.’ BANKE het in ’n paneelbespreking op Agri SA se jaarkongres gemaan teen veralgemenings oor neigings in plaaspryse weens die debat oor onteiening sonder vergoeding. Mnr. Cobus Wells, hoof van Agribesigheid by Absa, het mense gevra om versigtig te wees met opvattings en veralgemenings oor grondwaardes. “Ons moet dit as bedryf baie versigtig hanteer. Ons is baie bekommerd hieroor.” Absa monitor maandeliks wat met transaksies gebeur. “Ons vind in sekere gebiede groei waardes, op sekere plekke beweeg dit sywaarts, en in sekere gebiede sien ons ’n daling, maar nie op só ’n vlak dat ons sê dit raak nou ’n groot probleem en ons wil disinvesteer nie. “Ons sien wel ’n afname. Plase verkoop stadiger in sekere gebiede.…

DIE Landbounavorsingsraad (LNR) is optimisties dat ’n nuwe projek in die katoenbedryf kan help om katoenboere se produktiwiteit en winsgewendheid te verhoog. Volgens prof. Mohammed Jeenah, groephoof van navorsing en innoveringstelsels van die LNR, vind meer as 800 opkomende boere baat by die program, wat met die samewerking van die Departement van Landelike Ontwikkeling en Grondhervorming op die been gebring is. Deelnemers word bygestaan deur onder meer die LNR se kleinboer-ontwikkelingsprojek vir katoenproduksie, wat tegniese steun verskaf. “Tot op hede is 752 boere in die Nkomazi-streek in Mpumalanga gehelp om 1 590 ton katoen te lewer, terwyl 51 boere in die Nokaneng-gebied in Mpumalanga met behulp van die projek 195 ton katoen gelewer het,” sê hy. In Limpopo het 17 katoenboere 304 ton katoen gelewer. Nuwe boere op die Makathinivlakte…

AGRI SA se bestuur het in ’n groot mate die groen lig by sy kongres gekry om voort te gaan met sy holistiese plan vir grondhervorming en landbouontwikkeling wat in 2014 saamgestel is, asook finansieringsplanne wat in die volgende jaar opgestel is. Die klem van die holistiese plan is Agri SA se verbintenis tot planne en voorstelle waardeur die landbousektor ’n leidende rol in volhoubare grondhervorming kan speel, die ontwikkeling van entrepreneurskap en die maatskaplike opheffing van plaaswerkers en -gemeenskappe. Dit moet strook met die Grondwet, die Nasionale Ontwikkelingsplan ondersteun en die diversiteit binne die landbou erken. Van die elemente sluit in ’n spesiale medium vir die uitvoering van die plan, ontwikkelingsfinansiering, vennootskappe, ’n maatskaplike verdrag, steun vir boere in kommunale gebiede en volhoubare grondhervormingsmodelle. Die finansieringplan is op sy…

“ VERBRUIKERS is nou meer as ooit bewus van die buitengewone Méthode Cap Classiques wat Suid-Afrika kan lewer en hul belangstelling spoor ons aan om verwagtinge elke keer te oorskry.” Só sê me. Elunda Basson, wynmaker van Pongrácz Blanc de Blancs (geen oesjaar), wat met die louere weggestap het as algehele kampioenwyn op die naweek se Veritas-toekennings. Die wyn het altesame 1 676 ander wyne – ’n rekordgetal inskrywings – uitgestof in die stryd om die Vertex-trofee. Dis gemaak van handgeplukte Chardonnay-druiwe en volgens die tradisionele Franse metode toegelaat om 36 maande lank ’n tweede gisting in die bottel te ondergaan. Distell, die huis van Pongrácz, het ook die meeste medaljes by Veritas gewen – onder meer 4 dubbelgoue en 17 goue medaljes. Kort op sy hakke was Spier, met…

‘Ek is nie moedeloos nie. Ek gaan voort om te doen wat ek in die verlede gedoen het en belê geld in my grond.’ BOERE moenie moedeloos word oor stellings op Namibië se afgelope tweede grondberaad nie, maar oor hul eie toekoms besluit en planne beraam oor hoe om hul werkers se lewenstoestande te verbeter. Dít was die boodskap van mnr. Ryno van der Merwe, voorsitter van die Namibiese Landbou-unie (NLU), op die jaarkongres van die Lewendehawe-produsente-organisasie (LPO) in Windhoek. Hy het die grondberaad saam met ’n klein afvaardiging van die NLU bygewoon, waar hulle ’n voorlegging “sonder intimidasie” kon doen. Die vyf dae lange beraad is deur sowat 800 mense, onder wie mnr. Hage Geingob, Namibiese president, en ander senior regeringslui bygewoon. Oudpresidente Sam Nujoma en Hifikepunye Pohamba se…

KORTOM ■ Die finale skatting van vanjaar se mielieoes is sowat 20% minder as verlede jaar se oes, terwyl ’n rekordoes vir sojabone verwag word. ■ Die oordragvoorraad van sojabone groei steeds en boere beoog om produksie verder uit te brei. Die Oesskattingskomitee het die mark einde September vanjaar verras deur sy finale mielie-oesskatting vir die afgelope seisoen met sowat 2% tot 12,93 miljoen ton te verminder. Dit vergelyk swak met die vorige jaar se rekordoes van 16,8 miljoen ton. Daarteenoor neig al hoe meer lande van mielies na sojabone. Die finale oesskatting vir vanjaar se sojaboonoes is 1,55 miljoen ton, ’n rekord vergeleke met die vorige jaar se oes van 1,3 miljoen ton. Die sonneblomoes is vanjaar effens kleiner op sowat 585 605 ton (verlede jaar 874 000 ton).…

Mense wat nie beplan nie, beplan om te misluk. Sonder beplanning is dit onmoontlik om finansiële welvaart te bereik. Finansiële beplanning begin dus met ’n begroting. As jy nie weet wat jou inkomste en uitgawes is en dit balanseer nie, het jy geen beheer oor jou geldsake nie. Tog is dit skrikwekkend hoe min mense werklik ’n begroting het. Elke maand word dit wat in die bankrekening is, opgebruik, en die kredietkaart word gebruik om die tekorte aan te vul. Deur middel van ’n begroting kan ’n mens, huishouding en onderneming baie beter vir die toekoms beplan. Dit maak dit ook makliker om te onderskei tussen wat jy graag wil hê, en wat jy werklik nodig het. ’n Begroting gee jou meer beheer oor jou geld en help jou om…

Die Cloete-familie van die plaas Sanctuary naby Cradock bespaar arbeid, plek, tyd én geld in sy pekanneutkwekery danksy geweefde polipropileenplastiek se vermoë om water en kunsmis deur te laat. Die chemiese bestryding van onkruid is nou iets van die verlede, en die bedryfskoste per boompie het verminder van 30 sent per boom tot slegs 8 sent per boom. Mnr. Erich Cloete (“Pekanneute bring goeie geld vir aftrede”, L BW , 17 Februarie 2017) sê onkruidbestryding by jong saailinge in hul kwekery besorg hom baie hoofbrekens. Hy sê die bestryding van onkruid is noodsaaklik omdat die onkruid met jong saailinge meeding en groei beperk. Cloete het voorheen hoofsaaklik handearbeid gebruik om die onkruid tussen die plantjies uit te skoffel en moes dit drie keer per jaar laat doen, wat baie tyd…

VLEISVERWERKING KRAGTIGE SAAG VIR VLEIS EN BENE Die nuwe Mac Afric-vleissaag het ’n kragtige 750 W-motor en kan gebruik word om bevrore vleis en bene te saag. Die saag is ideaal vir jagters wat karkasse moet bewerk. Die saag het ’n tafelgrootte van 375 mm x 380 mm, die lemgrootte is 1 650 mm x 16 mm x 0,5 mm en die snydiepte is 250 mm. Dit is van duursame materiaal gemaak en maklik om skoon te maak. Die lem kan sonder moeite verander word. Die lemspanning word verander deur ’n knop boop die masjien stywer of losser te draai. PRYS: R6 495. NAVRAE: Adendorff Machinery Mart, webwerf: www.adendorff.co.za, tel. 0861 23 36 36. POMPSTELSELS BESPROEI MAKLIK MET SONKRAG Sonkrag-aangedrewe besproeiingstelsels is nou ’n werklikheid. Die Grundfos RSI is ’n…

Dié kompetisie was een van die eerstes wat teelwaardes na die skouring gebring het. Zoetis, Landbouweekblad en Breedplan se kompetisie vir Jong Bul van die Jaar was 13 jaar gelede een van die eerstes wat teelwaardes na die skouring gebring het. Die doelwit van hierdie kompetisie is om skoue te gebruik om genetiese vordering met ekonomiese belangrike eienskappe te bevorder. Daar is nie altyd ’n hoë korrelasie tussen ’n dier se visuele voorkoms en sy teelwaardes nie. Gevolglik het die Lewendehawe Registrerende Federasie besluit ’n bul wat aan dié klas deelneem, sal om die helfte beoordeel word volgens objektiewe prestasiedata en sy subjektiewe visuele punt. Alle bulle van 12-36 maande oud met beraamde teelwaardes op skoue, kom in aanmerking. Standaardkriteria word gebruik om die teelwaardes (geboortegewig, speengewig, jaaroudgewig, finale gewig,…

Vanjaar se wenners in die Land Bank se Koeigroep van die Jaar-kompetisie word op 18 Oktober tydens die Aldam-veeskool vereer. Volgens Breedplan Suider-Afrika het die Lewendehawe Registrerende Federasie besluit om die verskillende kompetisies te vernuwe. Die Koeigroep van die Jaar is voorheen gekies op grond van die tien beste koeie in elke teler se kudde, gegrond op reproduksie, prestasie en groei of karkasprestasie. Sedert verlede jaar word die wenners uit deelnemende beesrasse op grond van ekonomiese seleksie-indekse gekies, waar van toepassing. Die grootste verandering is dat die hele kudde nou in aanmerking geneem word. Omdat seleksie-indekse gebruik word, het klein en groot kuddes ’n gelyke kans om te presteer in dié kompetisie. WENNERS ■ Mnr. Ferdie Naudé van die plaas Doornpoort by Welkom in die Vrystaat se V5 Branguskoeikudde is…

Verwerping is een van daardie glibberige woorde wat jy kan aantrek sodat dit in verskillende situasies kan pas. As jy nie ’n ding reguit wil sê nie, doen jy dit op ’n genuanseerde manier. Dan kan jy die ongunstige effek versag. Hier is ’n voorbeeld: Mnr. A is ’n ambassadeur wat ons Regering verteenwoordig in ’n land met wie ons ’n voordelige, maar ook delikate, verhouding het. Mnr. A het in ’n oomblik van ongekende dwaasheid ’n ding gedoen wat hom totaal ongeskik gemaak het vir sy pos. Hy kon nie langer aanbly nie. Op die vraag wat met mnr. A gebeur het, volg daar dalk twee verskillende antwoorde. Op die keper beskou, impliseer albei verwerping. ‘Alles het tog sy bepaalde uur, en vir elke saak onder die hemel is…

Mnr. Sydney Hunt (naaslinks), voorsitter van die Brahmanraad, saam met, van links, dr. Linky Makgahlela van die Landbounavorsingsraad (LNR) op Irene, hoofregter Moegoeng Mogoeng en dr. Avhashoni Zwane, ook van die LNR. Mnr. Petrus Maaroganye (regs), ’n Brahmanteler van Sasolburg, en sy vrou, Brenda, saam met hoofregter Moegoeng Mogoeng. Mnr. Llewellyn Labuschagne (links), ’n vorige voorsitter van die Brahmanraad en veteraanteler, en sy vrou, Corrie, was ook op die dinee. Regs is mnr. Sietze Smit, rasdirekteur van die Brahman-beestelersgenootskap.…

Die produksie van eiers het teen middel vanjaar herstel ná die groot daling weens voëlgriep verlede jaar. Die bedryf is daarom ontevrede dat tafeleiers vanjaar ingevoer is. Mnr. Willie Bosoga, voorsitter van die Suid-Afrikaanse Pluimveevereniging (SAPV) se eierraad, sê die bedryf het buitengewone stappe gedoen om die aanbod van eiers te herstel. Dit het ingesluit om lêhenne langer in produksie te hou, bevrugte lêhen-eiers in te voer om plaaslik uit te broei en enige ongekontrakteerde uitvoer van eiers te staak. Die bedryf het tot dusver vanjaar nog net een aangemelde voorval van voëlgriep gehad, van ’n ander stam as die vorige jaar se uitbreking. Desondanks het die eerste skeepsvrag ingevoerde tafeleiers in Junie vanjaar in die land aangekom. “Die invoer van eiers is onnodig,” het Bosoga in ’n verklaring gesê.…

Die laat mielie-oes, boere se kommer oor kontantvloei, probleme met bankfinansiering en politieke onsekerhede is faktore wat besig is om hul tol te eis ten opsigte van landboumasjinerie se verkoopsyfers. Trekkerverkope van 487 eenhede in Augustus is byna 18% minder as die 591 eenhede wat verlede Augustus verkoop is. In die eerste agt maande van die jaar is trekkerverkope tot dusver steeds byna 7% hoër as verkope verlede jaar. Stroperverkope van nege eenhede is drie eenhede minder as die twaalf eenhede wat verlede Augustus verkoop is. Vir die jaar tot dusver is stroperverkope ongeveer 7% laer as verkope verlede jaar. Ongeag die laer verkope is die gevoel binne die landboumasjineriebedryf op kort termyn steeds redelik optimisties, sê mnr. Greg Cad-man, voorsitter van die SA Landboumasjinerie-assosiasie (Salma), in sy maandelikse verslag.…

1,2 Die Noordwes-Universiteit se indeks oor beleidsonsekerheid het in die derde kwartaal met 1,2 persentasiepunte gestyg, van 51 tot 52,2. Die basispunt vir die indeks is 50, met ’n hoër telling wat groter onsekerheid aandui. Die styging is gegrond op die feit dat meer ondernemings aangedui het politiek belemmer die sakesektor in die land en effens meer is oor beleidsonsekerheid in die media berig. Die indeks se hoogste vlak was in die laaste kwartaal van 2015 (55,4%). – NWU-sakeskool 18% Die verkope van 487 trekkers in Augustus is byna 18% minder as die 591 eenhede in die ooreenstemmende tyd verlede jaar. Vir die eerste agt maande van vanjaar is trekkerverkope egter steeds byna 7% hoër as in die ooreenstemmende tyd verlede jaar. Stroperverkope van 9 eenhede is 3 eenhede minder…

‘Jy kan nooit genoeg vir goeie grond betaal nie en nooit te min vir slegte grond nie.’ MNR. COBUS WELLS, hoof van Agribesigheid by Absa, oor die vraag of die gronddebat plaaspryse beïnvloed. Bl. 14 ‘In ’n omgewing waar ’n leuen so vinnig versprei, moet ons optrede onkreukbaar wees wanneer daar na diere omgesien word.’ PROF. GARETH BATH, hoof van die adviesliggaam vir kleinveegesondheid, oor die belangrikheid van dieresorg in die era van sosiale media. Bl. 20 ‘Daar is ongelooflike druk op die president oor wanbalanse in die land. Ons grootste prioriteit lê by wat ons kan doen om hom te ondersteun.’ MNR. RYNO VAN DER MERWE, voorsitter van die Namibiese Landbou-unie, oor die uitkomste van die land se grondkonferensie. Bl. 21 ‘ ’n Vennootskap is altemit nie veel anders…

Het jy iets op die hart? Skryf gerus aan ons. Die wenbrief ontvang elke week R150 met die komplimente van BKB, asook ’n versamelaarswyn van Beyerskloof. Beyerskloof se Pinotage is ’n ikoniese Suid-Afrikaanse wyn. Die bonuswenbriefprys, ’n Magnumbottel van Beyerskloof se 2016-oes, is deur die eienaar en wynpionier mnr. Beyers Truter geteken. Die droë oesjaar van dié gewilde, klassieke Pinotage het gelei tot ’n goed gestruktureerde, gebalanseerde wyn. Sê jou sê in hoogstens 300 woorde. Stuur dit aan: Die Redakteur, Brieweblad, Landbouweekblad, Posbus 1802, Kaapstad 8000. Of faks dit na 021 406 2940 of gebruik e-pos: lbw@landbou.com. Verskaf jou naam en adres, al wil jy ’n skuilnaam gebruik.…

PLASTIEKPYPE MET TREKKER ‘GEPLANT’ Só lyk die apparaat waarmee mnr. Brian Fitzhenry, bekende Karooboer van Mount Stewart in Oos-Kaapland, plastiekpype “plant”. Die ploeg skeur die grond voor oop en die pyp met die kromming lê die plastiekpyp sagkens neer teen ’n tempo van ongeveer agt minute per 500 voet (152,5 meter). Die koms van plastiekpype het ’n omwenteling in Suid-Afrika se uitgestrekte veestreke tot gevolg gehad. ’n Boer behoort vandag minstens een suiping in elke kamp op sy plaas aan te bring. Fitzhenry het byvoorbeeld reeds ongeveer 40 myl (64,4 km) daarvan gelê. Die jongste voorbeeld van sy plastiekpypnetwerk is te sien op die plaas Boschfontein in die distrik Steytlerville, waar 7 000 morg (6 000 ha) in meer as 70 kampe verdeel is, elkeen met ’n suiping wat outomaties…

SUID -AFRIK A se boere wil hoor dat pres. Cyril Ramaphosa self die erns van plaasmoorde erken en hom daaroor uitspreek. Dít was die duidelike boodskap van mnr. Dan Kriek aan die President in sy voorsittersrede op Agri SA se kongres in Pretoria. “Die President is self ’n boer en een van ons. Ek het geen twyfel dat hy ten volle bewus is van die erns van misdaad op plase nie. Hy moet die leiding neem en hom daaroor uitspreek.” Kriek het in sy boodskap aan Ramaphosa ook gevra om toe te sien dat daar ’n doeltreffende vervolgingsgesag is om misdaad te help bekamp. Hy moet ook die Minister van Polisie verantwoordbaar hou vir die rol wat hy in die bestryding van misdaad moet speel. Hy het gesê droogte, plaasmoorde…

HOE vinnig of stadig toestande in die Stille Oseaan oor die volgende paar weke ontwikkel, gaan die verskil bepaal tussen ’n normale of droë somer in Suider-Afrika se somersaaigebiede. Volgens mnr. Johan van den Berg, klimatoloog by Santam Landbou, dui verskeie weermodelle aan die El Niño-ontwikkeling wat na verwagting vinnig sou geskied, is steeds in ’n neutrale fase. “As die stelsel later in die somerreëntyd begin ontwikkel, kan dit ’n uiters ongunstige uitwerking op reënval hê. As die stelsel naby aan neutraal gaan bly, kan dit meer normale toestande tot gevolg hê.” Die nuutste voorspelling dui op neutrale toestande, of ’n swak El Niño-stelsel. Van den Berg meen ’n El Niñostelsel kan steeds ontwikkel omdat water in die Stille Oseaan die afgelope paar weke tot op ’n diepte van 200…

MNR. Tito Mboweni, voormalige president van die Reserwebank, se aanstelling as die nuwe Minister van Finansies is in landbougeledere gunstig ontvang. Pres. Cyril Ramaphosa het sy aanstelling Woensdag aangekondig nadat mnr. Nhlanhla Nene bedank het weens sy vergaderings met die Gupta-familie. Mnr. Wandile Sihlobo, ekonoom by die landbousakekamer Agbiz, sê Mboweni is standvastig, het goeie ervaring in die maak van ekonomiese beleid en bring ’n magdom kennis en ervaring wat stabiliteit, fokus en die waardigheid van die Nasionale Tesourie sal verseker. Mnr. Omri van Zyl, uitvoerende direkteur van Agri SA, het namens die organisasie Mboweni se aanstelling verwelkom. “Hy is ’n avokadoboer in Limpopo wat die landbou verstaan. Hy was ook nou ’n tyd lank in die private sektor betrokke en het ’n goeie begrip van wat nodig is om…

1 TANZANIË| Hoë tariewe tref suiwelbedryf Ingevolge nuwe regulasies wat op 1 Oktober in werking getree het, is suiwelinvoertariewe in Tanzanië nou 13 maal hoër as vantevore. Melkverwerkers moet nou Sh2 000 (R12,89) per kilogram betaal pleks van Sh150 (97c) voorheen. “Dit is nie bloot regulasies nie, dis ’n totale verbod. Ons produkte sal weens dié hoë pryse nie meer marktoegang kan verkry nie,” sê mnr. Kariras Alando, Tanzaniese direkteur van die Suid-Afrikaanse Woodland Dairy, wat die handelsmerk First Choice daar versprei. Sommige bedryfslede oorweeg om uit die land te onttrek omdat hul ondernemings met die nuwe tariewe nie meer haalbaar is nie. Plaaslike verwerkers het die vermoë om 700 000 liter melk per dag te verwerk, maar gebruik tans net 40% van hul vermoë. – The Citizen 2 ANGOLA…

Die landbou is die sektor in Suid-Afrika wat ondanks die land se probleme uitstekende groei in bruto produksiewaarde toon. Die landbou vaar baie goed gemeet teenoor die land se ekonomiese groei. Boere wat risiko’s loop, insette aankoop en produksie vir plaaslike verbruik en uitvoer lewer, het ’n groot aandeel hierin. Suid-Afrika se boere word egter minder en hul gemiddelde ouderdom is buitengewoon hoog. Prof. Thomas Stanley, ’n Amerikaanse ekonoom en professor, het bevind miljoenêrs se inkomste bereik ’n hoogtepunt wanneer hulle 44 tot 54 jaar oud is. Die netto waarde van hul bates bereik ’n hoogtepunt wanneer hulle 55 tot 64 jaar oud is. Die besluit om ’n boerdery te bedryf om eendag ’n miljoenêr te word, is nie ’n kitsresep tot sukses en rykdom nie. Jy is egter op…

“Dit is juis in droë jare dat ons sien watter kultivars en stelsels beter in produksie vaar. As daar water is, is dinge baie gelyk, maar wanneer gewasse begin swaarkry, wys hulle gou vir jou ’n paar dinge uit.” Só het dr. Johann Strauss, wetenskaplike vir volhoubare gewasverbouingstelsels en bewaringslandbou in die direktoraat plantwetenskap in die Wes-Kaapse departement van landbou, gesê ná afloop van die 17de wintergraan-inligtingsdag wat laatwinter gehou is. Dit is met die samewerking van Joubert Boerdery, Sentraal-Suid Koöperasie (SSK) en die departement op die plaas Uitkyk op die Riversdalvlakte aangebied. Ondanks die droogte is die dag goed deur 270 kleingraanboere en belangstellendes ondersteun en verskeie belanghebbendes, van saad- tot gifmaatskappye, het die geleentheid gekry om die boere by die besoekpunte toe te spreek. Ander sprekers was prof.…

PLAASINLIGTING LIGGING: Hofmeyr, Oos-Kaap NAAM: Wilken-boerdery, Juriesbaken GROOTTE: 2 650 ha (waarvan 900 ha vir besproeiing gebruik word), 250 ha huurgrond vir besproeiing, drie veeplase van altesaam 4 100 ha VERTAKKINGS: Mielies, aartappels, lusern, pampoene, uie en 600 Bonsmaras VELDTIPE: Karoo REËNVAL: 250 mm per jaar KORTOM ■ Dié Graanboer van die Jaar-finalis meet wins eerder in rand per kubieke meter water as wins per hektaar. ■ Die Wilkens gebruik minimumbewerking en beeste om grondgesondheid te bevorder. ■ Hulle beskou werkverskaffing aan die gemeenskap as hul plig. As jy ’n Noord-Kapenaar in die Oos-Kaapse Karoo verplant, word grense verskuif. Mnr. Louis Wilken het eenvoudig gewasse waaraan hy in ’n totaal ander streek gewoond was, met slim watergebruik en grondbewaringspraktyke laat werk op sy plaas Juriesbaken naby Hofmeyr. Dié besproeiingspionier bereken…

PLAASINLIGTING LIGGING: Portland, Oregon, Amerika EIENAARSKAP: Sowat 70 kleinboere VERTAKKINGS: Groente, vrugte, suiwel, vleis, verwerkte produkte, landboutoerisme KORTOM ■ Die doeltreffende bestuur van landboutoerismeroetes (farm loops) om Portland, Oregon, het stadsmense uit die supermarkte na klein, sukkelende familieplase gebring en ’n nuwe toekoms vir hierdie boerderye geskep. ■ Die samehorigheid van die boerelede is ’n sleutel tot die sukses van die roetes. ■ Die roetes skep die geleentheid vir die lede om ’n hegte band te vorm en mekaar as mentors en raadgewers te gebruik. ■ Goeie familiebande en ’n gesonde gemeenskap is die uitvloeisel van hierdie landboutoerismeroetes. In Amerika het ’n groep kleinboere hul klein familieplase van ondergang gered deur die verbruiker uit die supermark na die plaas te lok. In ’n tyd waarin gerief egter hoog op die…

Voorheen het dit hom ses uur gekos om 1 200 ooie te weeg. Deesdae handel hy dié taak binne drie uur af met net die helfte van die werkers wat vroeër daarvoor nodig was. Só sê mnr. Kobus Horne van die plaas Pienaarsrivier buite Riversdal in die Suid-Kaap. Hy het onlangs ’n nuwe outomatiese vyfrigting-sorteerskaal met krale in die vorm van ’n wawiel daaromheen op Pienaarsrivier geïnstalleer. Verskillende groepe skape word met outomatiese swaaihekke vanaf die skaal na die onderskeie krale afgekeer. Elke dier het ’n elektroniese oorplaatjie wat outomaties deur die skaalrekenaar gelees word, waarna die dier se besonderhede op die rekenaarstelsel aangeteken word. Dié plaatjie vorm die kern van die presisiestelsel. Dit kan volkome naspeurbaarheid verseker omdat enige inligting oor ’n dier daarop vasgelê kan word. Dit sluit…

SA SUSSEX-KAMPIOENE 1 Senior en grootkampioenbul, Huntersvlei Kimberly 12de JRE 13 156. Eienaars: Mnre. Nollie en Pieter Stoffberg (sel 082 834 5979), Platdrift-stoetery, Worcester. Hanteerder: Mnr. Felix Titus. 2 Senior en grootkampioenkoei, Huntersvlei Verity 74ste JRE 10 09. Eienaars: Mnre. Nollie en Pieter Stoffberg, Platdrift-stoetery, Worcester. Hanteerder: Mnr. Felix Titus. 3 Junior kampioenbul, Huntersvlei Sparkle 1ste JRE 16 04. Eienaar: Rhys Evans-groep (sel 086 178 7739), Huntersvlei-stoetery, Viljoenskroon. Hanteerder: Mnr. Patrick Mokebe. 4 Fase D-kampioenbul, Pothou Jors 7de. Eienaars: Mnr. George en me. Daleen Potgieter (sel 083 629 1187), Pothou-stoetery, Vredefort. Hanteerder: Mnr. George Steenbok. SA BRAUNVIEH-KAMPIOENE 5 Senior, groot- en opperste kampioenbul, Witbek Salute BS 15 0011. Eienaars: Mnr. Hans en me. Molly Bester (sel 083 469 1258), Witbek-stoetery, Vrede. 6 Senior en opperste kampioenkoei, Braun Kristalle Marta. Eienaars:…

Vanjaar se eerbewys by die Aldam-veeskool aan Pick n Pay/Rudd se nuwe toetreder tot die kommersiële bedryf wat die meeste vordering getoon het, gaan aan die Khanyile-familie. Dié suksesverhaal begin in Johannesburg waar ’n lid van die Khanyile-familie bevriend geraak het met ’n buurman wat van Amersfoort in Mpumalanga afkomstig was. Die Khanyilefamilie het altyd gehunker na hul plattelandse wortels aan die voet van die Lebomboberge in die noorde van KwaZulu-Natal. Die nuwe vriendskap het daartoe gelei dat die Khanyiles in 2000 die familiegrond by die bure gekoop het. Die plaas is herdoop tot Vulindlela, wat “Maak die pad oop” of “Paving the way” beteken. Só is die maatskappy Afrikan Farms gebore. In 2003 is nog ’n plaas in die distrik gekoop en herdoop tot eZwelihle Farm. Tussen 2007 en…

Geleentheid en risiko is dieselfde ding, maar hulle is aan teenoorgestelde kante van die munt. Só het mnr. Francois Strydom, uitvoerende hoof van Senwes en ook die huidige Agbiz-voorsitter, by Senwes se Toekomsfokusdag by Nampopark gesê. Hy het die verrigtinge begin met ’n treffende bespreking van sommige van die belangrikste kwessies wat die landboubedryf raak. “Suid-Afrika behoort aan almal van ons, nie net die ouens in die Parlement nie. Ons moet almal ’n verskil maak. Deur ons stories te vertel, gee ons ons perspektiewe.” Die belangrikheid van persoonlike ontwikkeling in die landbousektor was die tema van Senwes se 15de jaarlikse Toekomsfokusdag, waar boere hul menings kon gee en aan aktuele besprekings kon deelneem. Strydom het gesê boere moet teen mistroostigheid waak. “As jy voor die tyd swaarmoedig is, sal jy…

Twee wingerdblokke met ongewone name het ’n vrugtige, wildgegiste Chen-in Blanc opgelewer wat ’n gunsteling op jou somertafel gaan wees, veral saam met kos met ’n geur uit Suidoos-Asië. Die druiwe vir Delheim se Wild Ferment Chenin Blanc 2017 kom uit die plaas se Bobbejaan- en Ou Jong Steen-blokke. Eersgenoemde blok is 15 jaar oud en genoem na die bobbejane wat vroeër daar gaan smul het. Ou Jong Steen is 30 jaar oud, en sommige rye is ’n jaar voor die ander geplant. Die druiwe is teen verskillende rypheidsvlakke gepluk. Een blok se vrugte is heeltros gepars, terwyl die ander eers ontstingel is. Die sap het met inheemse gissoorte, wat natuurlik in Delheim se kelder en wingerd voorkom, gegis. Dit dra alles by tot die diep, vrugtige geure van die…

Die Savpo-raad wat op die jaarvergadering aangewys is. Van links is mnre. Charl Braak, Myles van Deventer, Stephen Butt (ondervoorsitter), Stefan Guizot, Johan van der Walt (voorsitter), Dave Osborne, Johann Kotzé (hoofbeampte), James Jenkinson (uittredende voorsitter), Lungelu Bhengu en Peter Mockfort. Verskeie sprekers van oorsee was op die kongres. Hier is mnr. Arno van Brandenburg (regs), lewendehawebestuurder van die Hollandse maatskappy Nedap, saam met mnr. Stephan Heyl van Dalein Plaasbou, Pretoria, ’n onderneming wat in varkhuisvesting spesialiseer.…

Tans verdien gemmerboere tot R30/kg vir goeie gemmer, maar mnr. Joachim Prinsloo van die Sunreap-boerdery naby Nelspruit meen dié situasie kan vinnig verander. “Die ganse verbruik van gemmer in Suid-Afrika is ongeveer 15 ton per week. Die goeie prys van R30/kg kan gou onder druk kom omdat gem-mer uit Asië teen R15/kg ingevoer kan word. Die gemmerbedryf is geskoei op gesonde verhoudinge op lang termyn en inligting in die bedryf word deeglik oorgedra. Wanneer ’n opportunis, wat dikwels nie goed ingelig is nie en slegs op die huidige prys besluite neem, skielik ’n klomp gemmer lewer, het dit ’n wesenlike invloed op die produkprys.” Volgens mnr. Kobus Pieters wat met gemmer en makadamias op die Big 5 Macadamia-boerdery naby Sabie in Mpumalanga boer, brei groter gemmerboere, ongeag die wisselvalligheid van…

GAUTENG CARLETONVILLE EIGENDOM (266), 22 ha, aan R.A. Manoko, van C.N. Fourie en P. Fourie, R1 600 000. EIKENHOF (323), 67 ha, aan Lanodex Trade & Inv 3 (Edms.) Bpk., van J.C. Brink, R.M. Lombaard, C.J. Lombard, M.S. Lombard en F.E.E. Papendorf, R18 000 000. ELANDSFONTEIN (561), 157 ha, aan C.J. en R.K. Coetzee, van Marlene Retief Beleggings (Edms.) Bpk., R3 140 000. ELANDSFONTEIN (561), 290 ha, aan J.H.J. Coetzee, van Berni Vermaas Beleggings (Edms.) Bpk., R5 510 000. WITFONTEIN (262), 76 ha, aan K2017217250 SA (Edms.) Bpk., van Callies (Edms.) Bpk., R28 000 000. ZEEKOEFONTEIN (573), 188 ha, aan Modans Inv, van A.M. Fourie, R3 800 000. NIGEL MODDERFONTEIN (76), 41 ha, aan Sphandile Trading Enterprise (Edms.) Bpk., van Phidias Georgios Louca-familietrust, R2 100 000. SPAARWATER(171),73ha,aan New Ca–da Developments,…

Die volgende ontleding van grondverkope in Suid-Afrika is van transaksies vir grond van meer as 10 ha in die Wes-Kaap vanaf Augustus verlede jaar tot Julie vanjaar. In 59,3% van die distrikte is dalende prysneigings waargeneem, hoofsaaklik in die Boland, aan die Weskus, in die Karoo en die Suid-Kaap. Dit is die streke wat die swaarste kry weens die droogte. Die grootste daling was by Tulbagh (-16,5%) en die grootste styging by Ceres (20%). Altesame 558 ooreenkomste is in 27 distrikte gesluit, wat 276 255 ha teen R4,435 miljard behels het. Daar was 41 transaksies van kleur – 7% van die totaal. Dié soort transaksies sluit in verhandelings tussen individue (32), regeringsaankope van landbougrond (4) en grond wat vir stedelike ontwikkeling verkry is (1). Dié proses het 11 969 ha…

NASIONALE VEILING REKORDPRYS VAN R235 000 VIR DORMERRAM Coenie, ’n Dormerram van mnre. Tjaart en Steyn Steenekamp se stoetery Twee Broers, Barkly-Oos, is op die nasionale Dormerveiling in Bloemfontein teen ’n rekordprys van R235 000 aan mnr. Schalk Lourens van Bethal verkoop. Mnr. Jan van der Walt van BKB het ná die veiling op Facebook gesê ’n mens kan waarskynlik ’n klip aan die Steenekamp-broers gee en hulle sal dit vinnig in ’n stoetklip verander. Altesame 41 Dormerramme is teen gemiddeld R25 962 verkoop, 54 ooie het gemiddeld R11 092 behaal en vier ooie met lammers is teen gemiddeld R14 000 verkoop. BKB Louwid het die veiling aangebied. LICHTENBURG / SIMBRA / R130 000 Voorste Simbratelers van Noordwes het puik diere op hul jaarlikse produksieveiling op Lichtenburg aangebied. Die duurste…

Die derde Summit-wildveiling op Graaff-Reinet het nie net ’n omset van R12 076 725 opgelewer nie, maar ook R540 000 ingesamel vir finansiële hulp aan drie plaaslike liefdadigheidsorganisasies. Die organisasies is ’n leesskool op Klipplaat, ’n sorgsentrum op Jansenville en die Oos-Kaapse tak van die Groen Skerpioene wat hom op renosterstropery toespits. Die lotte was skenkings van onder meer ’n groep Angorabokke, ’n olieskildery en ’n De Dam-wildvangnet. Volgens mnr. Neil Dodds, voorsitter van die Summit Wildlife-groep, is hulle tevrede met die veiling wat nou “goed gevestig is op die nasionale wildveilingkalender”. Die meeste van die kopers en verkopers was van die Oos-, Wes-en Noord-Kaap waar wildboerdery al hoe meer posvat vanweë die aangename klimaat en min voorkoms van ernstige siektes. Koedoes, springbokke, gemsbokke, njalas en buffels – almal gesogte…

Hulle was die onwaarskynlikste twee mense om vriende te wees. My oupa, die ou jintelman wat altyd ’n das gedra het, hetsy jy beeste op die plaas gaan kyk het of Queenstown toe is vir ’n besoek aan die tandarts. Sy onberispelike maniere was gegrond in sy geloof dat as jy nie iets goeds oor iemand kan sê nie, moet jy liewer stilbly. Toe die Chinese smous Danny en sy vrou in die vroeë 2000’s op ons Oos-Kaapse dorpie beland het, kon hulle skaars Engels praat. Deur dag en nag te werk en buitengewone klantediens kon hulle mettertyd hul klein onderneming opbou totdat Danny later ’n drankwinkel kon aanskaf. Dit was ’n goeie, maar gevaarlike sakebesluit daar in ons wêreld op die grens van die voormalige Transkei waar drankmisbruik dikwels…

SKENK ONBENUTTE GROND, VRA ADVOKAAT Groot grondeienaars, mynmaatskappye en boere behoort onbenutte grond vir grondhervorming aan die staat te skenk. Die Regering behoort ook restitusie en markwaarde te laat vaar en staatsgrond te herverdeel. Volgens adv. Tembeka Ngcukaitobi, skrywer van die boek The Land is Ours en lid van pres. Cyril Ramaphosa se nuwe grondadviespaneel, is dít dinge wat onmiddellik gedoen kan word om grondhervorming te bespoedig. Hy is bekommerd oor wat hy historiese ontkenning oor die verlede noem. Sommige van die kommentaar is vertaal. – Red. MARIETJIE MARAIS skryf: Daar’s miljoene hektaar (grond) in die staat se besit. Hoekom werk julle nie eers daarop nie? Nee, julle wil wit mense se plase hê. Hoekom? ROBERTA BOTHA skryf: Hou op net bakhand staan. Dit is ’n vrye mark. Koop jou…

SUID-AFRIKAANSE boere is nie op hul eie nie, al voel dit dalk so vir hulle, het mnr. Patrice Motsepe, uitvoerende voorsitter van African Rainbow Minerals, gesê. Hy het gesê swart én wit boere word deur moord en misdaad geraak, en baie van die beloftes wat politici en die Regering daaroor maak, “maak geen sin nie”. “Vir ons as Suid-Afrikaners het die waarheid en dit wat ons ervaar, ’n wesenlike invloed op ons siening en of ons vol moed is oor die toekoms.” Motsepe, ’n mynmagnaat wat onder die wêreld se rykste mense tel, het gesê hy is nie ten gunste van leë motiveringsboodskappe nie en die feite spreek vanself. Tog is hy optimisties oor die toekoms van die landbou- en voedselverwerkingsbedryf. Sy oupa en pa was boere, en hyself ook.…

SUID -AFRIK A ANSE wolboere kan nou ’n premie van 5% op hul wol verdien danksy ’n nuwe ooreenkoms tussen die telersgroep Konsortium-Merino, die internasionale vervaardiger van sportklere Decathlon en die wolmakelaar Segard Masurel. Dié drie maatskappye het ’n memorandum van verstandhouding onderteken dat Konsortium-boere se wol voortaan in Decathlon se sportklere gebruik sal word. Dit sal vooraf teen ’n 5%-premieprys gekontrakteer word, sê mnr. Lawrence Friskin, uitvoerende hoof van Segard Masural in Suid-Afrika. Decathlon bedryf byna 1 400 winkels in 42 lande. Die maatskappy het 82 000 personeellede en ’n jaarlikse omset van meer as €11 miljard (sowat R187 miljard). Decathlon se Quechua-reeks spesialiseer in stapklere en -toe-rusting. ’n Deel van die reeks is verskeie produkte wat stappers teen die vel dra. Die maatskappy glo wol is die beste…

Minstens drie jaar kan verloop voordat die land ’n bestel van onteiening sonder vergoeding gaan sien. Die onteieningsproses vind nie oornag plaas nie en een waarin geen vergoeding betaal word nie, kan jare duur om afgehandel te word, sê me. Annelize Crosby, hoof van grondsake by Agri SA. Die enigste wetsraamwerke wat tans in Suid-Afrika bestaan vir onteiening, is die Onteieningswet (Wet 63 van 1975) en artikel 25 van die Grondwet (sien K ASSIE hiernaas). Om ’n wetlike raamwerk vir onteiening sonder vergoeding op te stel, verg meer as om net die Grondwet te verander. Ander wetgewing en regulasies moet ook opgestel word om die meganismes vir onteiening sonder vergoeding te skep. Verder kan ál hierdie prosesse in die howe betwis word. DIE HUIDIGE PROSES Wanneer die staat besluit om…

Die nuwe Naftaooreenkoms is vir Suid-Afrika ’n rigtingwyser oor pres. Donald Trump se benadering tot handelsooreenkomste, en vind plaas in ’n konteks waar ál meer kommer heers oor die doeltreffendheid van die Wêreldhandelsorganisasie (WHO) en die toekoms van multilaterale vryhandelooreenkomste. Só sê me. Trudi Hartzenberg, uitvoerende direkteur van die Suid-Afrikaanse Handelsregsentrum (Tralac), oor dié ooreenkoms waarin Kanada en Mexiko toegewings moes maak om hul vastrapplek in die winsgewende Amerikaanse mark te behou. Mnr. Christo van der Rheede, adjunk- uitvoerende direkteur van Agri SA, sê Suid-Afrika moet katvoet loop te midde van die nuwe benadering, waar Amerika nie net ekonomiese waarde nie, maar ook politieke voordeel uit sy handelsooreenkomste wil trek. “Suid-Afrika kan nie bekostig om Amerika as handelsvennoot te vervreem nie. Ons sal byvoorbeeld mooi moet dink oor die voordeel…

■ Die totale landbou-uitvoer beloop $353 miljoen. ■ Dit verteenwoordig 4,4% van die totale uitvoer na Amerika. ■ Die topdrie landbou-uitvoerprodukte wat vir Agoavoordele in aanmerking gekom het, was sitrus, neute en wyn, ter waarde van $158 miljoen. Januarie tot Junie 2018 ■ Die totale landbou-uitvoer is $132 miljoen, 6% hoër as verlede jaar. Dit is 3,2% van die totale uitvoer, maar die sitrusseisoen is nog nie afgehandel nie. ■ Landbou-uitvoer met Agoavoordele styg met 7% tot $77 miljoen. GSP-uitvoer styg met 14% tot $10 miljoen. ■ Uitvoer sonder voorkeurtoegang daal met 3,2% tot $38 miljoen.…

Daar is vyf redes waarom toeriste die vier plaasroetes (farm loops) buite Portland in Oregon besoek, sê me. Mary Stewart van die Oregon-staatsuniversiteit. Hoe meer plase daaraan voldoen, hoe gewilder sal die roetes wees. Regstreekse verkope. Die klem moet op gehalte wees. Vars produkte is onmisbaar in die aanbod omdat dit ’n daaglikse benodigheid in elke huis is. Opvoeding en die geleentheid vir oud en jonk om buite te wees. “Die opvoeding van volwassenes is net so belangrik as om vir kinders te wys waar voedsel vandaan kom. Mense wil graag weet wat regtig die stand van sake rakende die gebruik van chemikalieë is en hoe die seisoene produksie beïnvloed,” sê Stewart. Gasvryheid. In die Farmlandia-plaasroete is gasvryheid meestal op restaurante van toepassing, maar plaasverblyf is ook besig om te…

Die Horsch-geenbewerkingskoringplanter, vertoon deur Terra Till van Carletonville, het ’n werkbreedte van 9 m met 30 planteenhede. Die plantryspasiëring is 30 cm. Sy saadkas kan 7 000 liter hou. Sy werkspoed is 14 km/h tot 18 km/h. ’n Trekker van 220 kW is nodig. Ook die elektroniese saaduitmeetmeganisme werk vanaf die trekker se elektronika. ’n Mielieplanteenheid kan ook gekoppel word waarmee gewasse soos sonneblomme geplant kan word. PRYS: R2,242 miljoen. NAVRAE: Mnr. Hannes Saunders, sel 071 676 3362. Piket Implemente van Piketberg het sy nuwe, klein negetand-graanplanter vertoon. Sy voordeel is dat tot 350 mm diep op ongelyke grond geplant kan word sonder dat die plantdiepte, wat vooraf gestel word, wissel. Dit is ongeag of die plantwerk op en tussen kontoere op die land gedoen word. Die werkwydte is 2,7…

Die huidige eienaar het die keuse gemaak om die betrokke bul in sy kudde te behou. Sommige bulle het ’n groot impak op die vleisbeesbedryf. Daarom het die Lewendehawe Registrerende Federasie besluit om dié prestasiegetoetste bulle bekend te maak in Zoetis, Landbouweekblad en Breedplan se Beproefde Bul van die Jaar-kompetisie. Hoewel die kompetisie vanjaar eers vir die tweede keer aangebied word, is dit reeds baie gewild. Die organiseerders was nie seker of hulle eerder erkenning moet gee aan die teler van die bul of die huidige eienaar van die bul nie. Daar is egter besluit dat die bul se huidige eienaar die eerbewys sal ontvang, aangesien die oorspronklike telers van ouer bulle dikwels nie meer aktiewe telers in die bedryf is nie. Die huidige eienaar het immers ook die keuse…

Uit die afdeling: WAT EET ONS VANAAND? Biltong-enfetakaaskoek Kors ■ 6 velle fillodeeg ■ 100 ml gesmelte botter Vulsel ■ 2 houers (230 g elk) geroomde maaskaas ■ 1 houer (200 g) biltonggeurroomkaas ■ 4 ekstragroot eiers ■ 180 ml karringmelk, jogurt of suurroom ■ 180 ml fyn biltong of biltongpoeier ■ 20 ml koekmeel ■ 250 ml gekrummelde fetakaas Om af te rond ■ 250 ml klam beesbiltongskaafsels ■ Roketblare en olyfolie Voorverhit die oond tot 180 °C en smeer ’n 20 cm-losboomkoekpan. Smeer elke vel fillodeeg met ’n dun lagie gesmelte botter en voer die tertbord met laag op laag fillodeeg uit. Laat die rante van die deeg oor die kant van die pan hang. Bak vir 10 minute en haal uit die oond. Verlaag die oondtemperatuur tot…

Hoe ‘leer’ jy jou palet? Om wyn blind te proe, is amusant, maar ook nogal laf, want niemand drink tog so hul wyn nie! Maar dis ’n goeie manier om die struktuur van ’n wyn te verstaan, en veral om sy ware gehalte te bepaal — sonder om deur ’n etiket beïnvloed te word. Watter neigings het jy die afgelope paar jaar in die wynbedryf opgemerk? Die belangrikste is die volgehoue verbetering in gehalte. Ons wyne raak elke jaar interessanter. Wat hou die toekoms vir die bedryf in? Ek hoop om ’n groter neiging tot organiese wingerdbou en wynbereiding te sien. Ons bedryf is nog agter in dié opsig. Watter algemene foute maak mense as dit by wyn kom? Hulle praat te veel daaroor! Dis soos om ’n spesiale sonsondergang…

Prof. Ferdi Meyer (links) van die Universiteit van Pretoria en direkteur van die Buro vir Voedsel- en Landboubeleid (BFAP) was die spreker op die Skog-boeredag. By hom is mnre. Gerhard Scholtemeijer (middel) van die Proteïennavorsingstigting (PNS) en Gert Conradie van die Wes-Kaapse departement van landbou en organiseerder van die dag. Mee. Florida Bigisana (links) en Kim van den Heever, albei van die Wes-Kaapse departement van landbou. Mnre. Franklin Smit (links) en Charles Smit (middel) het al die pad van Aurora af gekom, terwyl mnr. Andries van der Poll by Gouda boer. Mnre. Wouter Bester (links) en Andries Louw, boere van Durbanville. Mnr. André Louw (links) van die plaas Langvlei, Riebeek-Wes, en me. Karen Truter, ’n nagraadse student in agronomie aan die Universiteit Stellenbosch. Die manne wat al die pad van…

BOEREDAE 23 OKTOBER: RPO Limpopo se vee- en wilddiefstalvoorkomingsforum. Web: www.rpo.co.za 24 OKTOBER: Mango-studiegroepdag, Hoedspruit en omgewing, Hoedspruit-hengelklub. Web: www.rsa.co.za 25 OKTOBER: Lusern-inligtingsdag, aangebied deur Pendoringboerdery en die Nasionale Luserntrust. Brits. Christo, sel 076 526 2732. 1 NOVEMBER: RPO Limpopo se dieregesondheidsforum. Web: www.rpo.co.za EKSPO’S EN ANDER 24-26 OKTOBER: Regeringsvoorsieningskettings: Nuutste neigings en strategieë. Holiday Inn hotel, Pretoria. Web: www.agbiz.co.za 25-27 OKTOBER: Langkloof Bloeiselfees, Joubertina. Michelle Terblanche, tel. 083 788 3648, e-pos: hanulis15@yahoo.com 27-28 OKTOBER: Kelrn-bergfietsuitdaging (60 km). Barkly-Wes. Koos Badenhorst, e-pos: koos@kelrn.net, sel 083 451 1003. 28 OKTOBER: Groote Postmarkie, Darling. Tel. 022 451 2202, e-pos: info@iloveyzer.co.za 31 OKTOBER: Wetenskapdag, Wêreldpluimveewetenskap Internasionaal. Raad vir Wetenskaplike en Nywerheidsnavorsing se Internasionale konferensiesentrum, Pretoria. E-pos: wpsasouthafr ica@gmail.com. Web: www.wpsasouthafrica.com 3-4 NOVEMBER: Bonnievalefees, Bonnievale. Tel. 082 417 8597. 6-7 NOVEMBER: Grondhervormingsberaad, Komga-boerevereniging, Haga…