Innehållsförteckning för 26-Oct-18 från Landbouweekblad

DIE Suid-Afrikaanse Inkomstediens is besig om werk te maak van die Belastingombud se bevinding oor die terugbetalings van dieselrabatte en BTW, het mnr. Mark Kingon, waarnemende kommissaris van die Inkomstediens, verlede week gesê tydens die parlementêre bespreking van die organisasie se jaarverslag. Tot dusver is tien sake afgehandel, en ’n nuwe stelsel wat die probleme met die opskorting van terugbetalings sal beëindig, word tans in werking gestel. Verder sal die rekeninge vir die terugbetaling van BTW en diesel geskei word. “Ons kan nie flaters by die SAID bekostig nie,” het hy gesê. “Ons beweeg in die regte rigting, maar ons gaan onstuimige tye binne.” Daar was verskeie kwelpunte in die organisasie se finansiële verslae – merietebonusse is sonder die Minister van Finansies se goedkeuring betaal. Onreëlmatige uitgawes, wat met bonusse…

ARTIKELS & RUBRIEKE ■ Blink toekoms wag op sojabone in Suid-Afrika ■ Jongboer begin met 3 ha huurgrond en ’n studentekar ■ Groot, groter, organiese koolstof ■ Beste melkboer maak planne vir wins ■ Presisie-tegnieke vir wingerdboere ■ Meesterlike veeboere SPESIAAL ■ Plaagbeheer GESIN ■ Boerekos: Koel komkommer VEEBOER-FINALISTE Dis altyd ’n openbaring om saam met die beoordelaars van Voermol se Skaap- en Beesboer van die Jaar-kompetisie op ’n landwye toer te gaan. Lees waarom dié ses meesterveeboere die grense elk op sy manier verskuif. Mnr. Andrew Jordaan en seuns van Cradock gee al 30 jaar lank die pas aan met laparoskopie.…

HOE listeriose in Enterprise se aanleg beland het, en hoe die spesifieke stam van die bakterie, ST6, in Suid-Afrika aangekom het, bly ’n raaisel. Só sê dr. Mphane Molefe, direkteur van openbare gesondheid by die Departement van Landbou, Bosbou en Visserye. Die uitbreking het tot byna 200 sterftes gelei, asook die maande lange sluiting van twee verwerkingsaanlegte. Tiger Brands se fabriek in Polokwane is in Maart as die hoofbron van verlede jaar se listeriose-epidemie geïdentifiseer, en dié aanleg, asook die maatskappy se kouevleisfabriek in Germiston was maande lank gesluit. Die bestuurspan van die departement wat listeriose beheer, het alle geriewe wat eetgereed-verwerktevleisprodukte vervaardig, besoek. Hoewel die voorkoms van listeriose tot aanvaarbare vlakke – wat as normaal beskou word – gedaal het, word toetse steeds gereeld gedoen om te voorkom dat…

BOERE in die distrik Lephalale in Limpopo voer ’n toenemende stryd teen bendes misdadigers wat hulself deesdae met AK47-gewere bewapen. Die boere ry elke nag patrollie in skofte van ses uur, terwyl hulle bedags boer. Lede van die plaaslike veiligheidsforum met sy byna 500 lede gebruik radio’s om elke oggend en aand mekaar te kontak om seker te maak alles is wel. Hul radiobeheerkamer op die dorp, wat die boere self bedryf en op die been gebring het, werk 24 uur per dag. Mnr. Douw Pelser, voorsitter van die veiligheidsforum, sê polisiestatistieke toon die meeste plaasaanvalle is op swart plaasbewoners, dikwels wanneer die aanvallers weet werkers het kontantlone gekry of het slimfone, wat maklik teen R6 000 tot R7 000 gesmous kan word. Die gebied is ’n deurgang vir misdadigers…

’N NUWE finansieringskema vir ontluikende boere in die sagtevrugtebedryf is verlede week in die Paarl bekend gestel. Die Land Bank, die plaaslike sagtevrugtebedyf en die Tesourie se Jobs Fund het hande gevat om Hortfin, die eerste “gemengde finansieringskema” vir dié bedryf, bekend te stel. Pres. Cyril Ramaphosa het verlede maand in sy ekonomiese herstelplan na dié soort platform verwys waar die Land Bank saam met nog ’n instelling finansiering aan opkomende boere teen ’n laer rentekoers moontlik maak. Hortfin, wat gemik is op mense of ondernemings waarvan 51% in swart besit is, is spesifiek vir die sagtevrugtebedryf ingestel. Omdat dié uitvoersektor aan streng internasionale standaarde moet voldoen en produksiekoste dus relatief hoog is, vind swart entrepreneurs dit moeilik om hier ’n vastrapplek te kry, sê me. Najwah Allie Edries, hoof…

DIE Kaapse maatskappy Aerobotics het onlangs ’n nuwe tegnologie bekend gestel wat elke boom op ’n plaas tot op sub-millimetervlak kan ondersoek vir siektes, plae, voedingstekorte en ander probleme. Dié tegnologie, wat op die wynplaas Leopard’s Leap buite Franschhoek bekend gestel is, gebruik kunsmatige intelligensie, fotografie van hoë resolusie in verskillende ligspektrums en ’n databasis van siektes en plae om simptome van siektes, plae en voedingstekorte op vrugtebome te identifiseer. Die identifikasie geskied baie vroeër as wat dit met die blote oog gedoen kan word. Dit kan boere op die lang duur groot moeite en koste in plaagbestryding of onnodige kunsmistoediening bespaar. Anders as met die visuele ontleding van satellietbeelde (remote sensing), wat oor die afgelope paar jaar begin veld wen in gewasboerdery, is Aerobotics se diens geskoei op inligting…

’N GOEIE beesboer is ook ’n goeie gras- en veldboer, sê mnr. Llewellyn Angus, vleisbeesteler van Arlington in die Vrystaat. Angus, gewese voorsitter van die Simmentaler-Simbra-telersvereniging, het op Agri-Expo Livestock se vleisbeesdag buite Stellenbosch gesê goeie voervloei is die grondslag vir goeie produksie en reproduksie. “Om beeste op natuurlike weiding aan te hou, is die goedkoopste manier om vleis te produseer,” sê hy. Hy meen elke boer moet vir homself ’n vyf- of tienjaarplan uitwerk om sy ekonomiese volhoubaarheid te verseker. ’n Vleisbeesteler moet ook die regte voorkeure hê, sê hy. Dit is aspekte soos om sy beeste by goeie, erkende telers te koop, prestasietoetsing te doen, vir nie te veel eienskappe tegelyk te selekteer nie, al die beeste op die plaas presies dieselfde te behandel en elkeen se ware…

DIE kleinveebemarkingskema en die regering se planne om ’n soortgelyke maatreël in die speenkalfbedryf in te stel, is die grootste probleem vir die winsgewendheid van die Namibiese lewendehawebedryf in die nabye toekoms. Dít was mnr. Roelie Venter, uitvoerende bestuurder van die Namibiese Landbou-unie (NLU), se boodskap by die veeparade op die Windhoekse landbouskou. Hy sê daar is ’n dringende behoefte aan groei in die Namibiese lewendehawebedryf, wat R4,2 miljard tot die ekonomie bygedra het in 2017. Die beesbedryf het van 2014 tot 2017 gemiddeld 180 000 slagbeeste en 208 000 speenkalwers vir lewende uitvoer geproduseer. Hierdie getalle bly egter al sedert die 1990’s konstant. Venter sê die bedryf steun plaaslike waardetoevoeging, mits dit ekonomiese groei aanwakker, nuwe werkgeleenthede skep en vir almal in die waardeketting winsgewend is. As die koste…

DIE parlement se omstrede veiligheidspersoneel, die “withemde”, is verlede week ingeroep om seker te maak geen medialede is teenwoordig by die Spesiale Ondersoekeenheid, Valke en Nasionale Vervolgingsgesag se voorlegging oor bestaande en nuwe ondersoeke na ongerymdhede in die Departement van Water en Sanitasie nie. Al drie dié liggame het aanbeveel dat die vergadering agter geslote deure moet plaasvind omdat individue se name genoem sal word, en weens die sensitiewe aard van die inligting. Luidens die departement se jongste jaarverslag het sy opgehoopte, onreëlmatige uitgawes vir die jaar tot 31 Maart 2018 R6,1 miljard beloop. Dié uitgawes, wat reeds ondersoek word, strek van onreëlmatighede met tender-toekennings tot die aankoop van infrastruktuur. Pres. Cyril Ramaphosa het in September vanjaar ’n verdere proklamasie bekragtig wat die Spesiale Ondersoekeenheid toelaat om beweerde ernstige wanadministrasie…

Moenie die handelsoorlog tussen China en Amerika onderskat nie, asook die impak wat dit op Suid-Afrika se vervaardigingsektore, soos die staal- en motorbedryf en sekondêre landboubedrywe, kan hê nie. Dié lande se tegnologiese vooruitgang en hul vermoë om internasionale handelsooreenkomste tot eie voordeel te beinvloed, kan groot gevolge vir Suid-Afrika inhou, want dit kan indiensneming en demokratiese stelsels ’n knou toedien. As daar drie aspekte is wat Suid-Afrika se landboubedryf in stand moet hou en sonder ophou as ’n voorrangsaak moet beskou, is dit tegnologiese vooruitgang, voorkeurhandelstoegang en ’n hoogs geskoolde arbeidskorps. Die sitrusbedryf se suksesse is ’n toonbeeld van hoe een bedryf aanspreeklikheid aanvaar om sy bedryfsake suksesvol te bestuur. Met Suid-Afrika se swak ekonomiese groei is die landbousektor se bydrae onmisbaar, veral omdat die mynbou- en vervaardigingsektor deur…

Baie boere het lewenspolisse op hul eie lewe of op dié van hul gades uitgeneem, maar weet nie altyd wat die impak van benoemings van begunstigdes op die polisse is nie. In dié artikel word die belangrikste gevolge van die benoemings van begunstigdes op lewenspolisse uitgewys. VOORDELE Die tersaaklikste voordele van die benoeming van begunstigdes van polisse is: Die polisopbrengs betaal regstreeks aan die begunstigde. Die voordeel hiervan is die begunstigde hoef nie te wag dat die boedel eers afgehandel word nie en het dus toegang tot die polisopbrengs sodra dit uitbetaal het. Die polisopbrengs betaal buite die boedelberedderingsproses uit aan die begunstigde. Daar is dus ’n besparing op die eksekuteurstarief (’n maksimum toelaatbare tarief van 3,5% + BTW = 4,03% op die bruto waarde van die polis) omdat die…

Normale winterreën in die Swartland skep gunstige groeitoestande vir die Wes-Kaapse departement van landbou se opwindende nuwe langtermynwisselbouproef by Hopefield. Dr. Johann Strauss, wetenskaplike oor volhoubare stelsels by die direktoraat plantwetenskappe op Elsenburg, sê die proef spruit uit die gunstige evaluering wat die jare lange langtermynproef op die Langgewens-navorsingsplaas gekry het. “Die Langgewensproef se bydrae tot die bedryf is goed en daar was ’n versoek vir ’n soortgelyke proef in sandgrond. “Ons het toe begin soek na boere wat kans sien om betrokke te wees en het uiteindelik met mnr. Gideon Melck van Waterboerskraal in aanraking gekom. Die res is geskiedenis.” Die Wes-Kaapse departement van landbou en die Wintergraantrust finansier die proef. Die boerevereniging van Hopefield en die landboubesighede Kaap Agri en Overberg Agri is ook betrokke. Strauss sê hulle…

Brucellose is ’n hoogs aansteeklike siekte wat vinnig in ’n kudde versprei en groot finansiële gevolge het. Aangetaste diere bly lewenslange draers en dien as bron van besmetting vir die res van die trop. Brucellose is ’n beheerde siekte. Veeboere behoort minstens elke twee jaar hul ganse kudde vir die siekte te laat toets, beveel dr. Sophette Gers, veterinêre patoloog by Pathcare-laboratoriums, aan. Sy was een van die sprekers op die Landbounavorsingsraad (LNR) se vleisbeesboeredag wat einde September buite Franschhoek gehou is. “Enige diere wat positief toets, moet geslag word. Moenie toelaat dat hierdie diere in die nasionale kudde bly nie.” Hier is haar vyf stappe om brucellose te vermy en uit te wis indien jou kudde reeds besmet is. 1. Ent jou diere in. Volgens wet moet alle jong…

MNR. CHRISTIAAN DE JAGER WAT IS DIE BESTE BOERDERYBESLUIT WAT JY AL GENEEM HET? Om met die Chianina, ’n beesras waarvoor ek ’n passie het, te boer. WAT IS DIE BESTE RAAD WAT JY AL GEKRY HET? Diepte en ’n groot pens by ’n bees laat jou afval verkoop, wat ’n vaste prys het, maar lengte en ’n agterkwart laat jou bees in vleiswaarde tot sy reg kom. Jy leer niks van beesboerdery deur te praat nie; wel deur te kyk, te luister en te lees. As jy nie die goeie eienskappe in elke beesras kan raaksien nie, gaan jy ’n baie arm boer wees. WAT IS DIE GROOTSTE FOUT WAT JY IN JOU BOERDERY GEMAAK HET? Deur besluite te neem op grond van ondernemings wat deur amptenare van die…

Die sand in die uurglasie wat help om ’n eier net reg te kook, is grof vergeleke met die sand op Waterboerskraal, skerts mnr. Gideon Melck van dié plaas by Hopefield. Dis egter nie ’n grap om winsgewend en volhoubaar in sand te boer nie. Dit kos harde werk, baie insette, lang ure en min wins. Die fyn sand stel groot eise om ’n wisselboustelsel te vind wat volhoubaar is, koste laag hou en dit moontlik maak om elke jaar van elke kamp iets te oes, of dit nou graan, lammers, kalwers, strooi of hooi is. Deesdae is dit te duur om grond by te koop. Boere word dus verplig om hul stelsels aan te pas sodat alle grond benut word. “Jy moet identifiseer wat by jou werk, dit tot…

LIGGING Brisbane, Queensland en Nieu-Suid-Wallis, Australië KORTOM ■ Suid-Afrikaanse katoenboere het by hul Australiese eweknieë gaan kers opsteek oor katoenboerdery “Doer Onder”. ■ Hulle is veral beïndruk deur die Australiërs se kultivars en hul meganisasie. ■ Hulle het ook kennis ingewin oor besproeiings- en bemarkingspraktyke. DAG 1 MNR. GRAHAM CLAPHAM, TOOWOOMBA Die toer het begin met ’n besoek aan die plaas van mnr. Graham Clapham, ’n gesiene boer in die Cecil Plains-gebied wes van Toowoomba in die staat Queensland. Hy boer op 1 900 ha, waarvan 1 580 ha besproei kan word. Volgens Clapham het hy amper altyd meer grond as water beskikbaar, maar hy besproei gemiddeld 730 ha elke jaar. Katoen is sy hoofgewas onder besproeiing aangesien dit die hoogste opbrengs per mega-liter (1 miljoen liter) water gee. Besproeiingsmielies…

Australiese boere laat nie toe dat swak bemesting ’n beperkende faktor vir hul oes sal wees nie. Hulle bemes deeglik en tydig. Stikstofvlakke van 200 kg/ha tot 300 kg/ ha is aansienlik hoër as waaraan Suid-Afrikaners gewoond is. Fosfaat- en kaliumvlakke is sowat 20 kg/ha tot 30 kg/ha. Sink is deurgaans as ’n belangrike deel van die bemestingsprogram genoem. Toedienings is nagenoeg 1,5 kg/ha tot 1,8 kg/ha. Daar is ’n wesenlike verskil in die toepassing van groeireguleerders tussen Suid-Afrikaanse en Australiese boere. Dit wil voorkom asof Suid-Afrikaners nog baie het om te leer oor die doeltreffende gebruik van PIX (die Landbounavorsingsraad doen navorsing). Die Weed Seeker-tegnologie vir die op-sporing van onkruide is reeds in Suid-Afrika beskikbaar, maar geniet nog nie die wye toepassing wat dit verdien nie. Mnre. Graham Clapham,…

BOSLUISBEKAMPING DIPMIDDEL VIR BEESTE, SKAPE EN BOKKE Afrivet versprei ’n nuwe reeks produkte vir die bekamping van inwendige en uitwendige parasiete. Die Eraditick-reeks teen uitwendige parasiete is onlangs bekend gestel. Daaronder tel Eraditick 125 (reg. nr. G3583, Wet 36 van 1947), ’n dipmiddel wat 12,5% amitras per volume as aktiewe bestanddeel bevat. Eraditick 125 is ’n emulsifiseerbare konsentraat wat bosluise vinnig laat afval. Dit is boonop renostervoëlvriendelik. By beeste bestry dit bosluise, luise en skurftemyte. Eraditick 125 help ook skape en bokke teen skaapbrandsiekte, jeukmyte, bokskurftemyte en bosluise. Van die ander produkte in die reeks is Eraditick 250 (G4047), wat 25% amitras bevat, Eraditick Cattle Pour-On (G4254), Eraditick Plus (G4351) vir beeste en Eraditick Grease (G3667). Eraditick 125 is in die handel of regstreeks vanaf Afrivet beskikbaar in verpakkings van…

Toe die regter aan die beskuldigde vra waarom hy die man so wreed vermoor het, het hy met veel meer moed as wysheid gesê: “Meneer, sien, ek was in daardie oomblik nie meer mooi myselwers nie. Ek was buite myselwers.” Die regter was nie tevrede nie en wou weet wat die verskil is tussen “in” en “buite myselwers”. Die saak het nou vir die beskuldigde ingewikkeld geraak, maar hy’t verduidelik: “Dis net soos met ’n motor. As die man agter die stuurwiel die verkeerde man is, loop dinge verkeerd. Dis wat met my gebeur het. Satan was agter die stuurwiel en toe was ek buite myselwers. “Eintlik was dit nie ek nie, maar Satan binne-in my.” In elkeen van ons se lewe kom daar tye wanneer ons nie self in…

Reënval kan in die komende paar weke nog ’n groot invloed hê op die hoeveelheid uie, sprietuie en wortelsaad wat vir die komende seisoen beskikbaar gaan wees. Hoewel groot dele van Suid-Afrika se belangrikste produksiestreke vir groentesaad in die Wes-, Suid- en Noord-Kaap goeie winterreën gehad het, is dit nog nie genoeg vir groentesaadprodusente om met ’n geruste hart te boer nie. “Water is maar altyd die faktor wat die verskil gaan maak in die produksie van groentesaad en ons sou nou, veral met die oog op ons aanplantings in Februarie en Maart volgende jaar van sprietuie vir saad, meer water in die verskillende damme in die Wes-, Suid-, en Noord-Kaap wou sien,” sê mnr. Tielman Cornelius, produksieraadgewer by Klein Karoo Saadproduksie. Dié maatskappy, een van die grootste onafhanklike saadprodusente…

In altesame 38,1% van die distrikte in die Vrystaat het grondpryse laer geneig in die 12 maande tot Augustus vanjaar. In een distrik is geen onlangse transaksies aangeteken nie. Die ontleding van grondverkope in die TABEL is vir grond van meer as 10 ha. In dié tyd is 616 ooreenkomste gesluit, wat altesame 254 402 ha teen R3,544 miljard beloop het. Daarvan was 82 transaksies van kleur – 13% van die totaal. Dié soort transaksies sluit in verhandelings tussen individue (66), staatsaankope vir landbougrond (6) en grond wat vir stedelike ontwikkeling verkry is (10). Dit het 28 418 ha (11,2%) teen R441 miljoen – 12,4% van die totale waarde – behels. Van die totaal was 46 transaksies vir grond van minder as 50 ha (8%), met die meeste transaksies (315…

Simmentalers, een van die wêreld se grootste dubbeldoelbeesrasse, het vanjaar weer goeie pryse op veilings in Suid-Afrika behaal. Die hoogste prys van R400 000 is vir ’n bul betaal. Die gemiddelde prys vir bulle was R47 549. Die hoogste pryse van R85 000, R100 000 en R240 000 is onderskeidelik vir ’n Simmentalerkoei, ’n dragtige koei en ’n koei met ’n kalf betaal. Die gemiddelde prys vir Simmentalerkoeie was tot dusver R29 446. Suid-Afrika, Namibië, Botswana en Zimbabwe het 224 Simmentalertelers met 28 636 Simmentalerbeeste. Altesame 181 telers is in Suid-Afrika, meestal in Noordwes, waar meer as ’n derde van die telers boer. Me. Erna de Swardt, finansiële bestuurder van die Simmentaleren Simbrabeestelersvereniging van Suider-Afrika, sê die ras is wyd aangepas, maar die meeste telers in Suid-Afrika boer ekstensief met…

BOEREDAE 1 NOVEMBER: RPO Limpopo se dieregesondheidsforum. Web: www.rpo.co.za 9 NOVEMBER: Suider-Afrikaanse Makadamiakwekersvereniging se makadamia-bedryfsdag. AGFO landbou- en bosbou-ekspo. Caster-bridge Lifestyle-sentrum, Witrivier, Mpumalanga. E-pos: info@samac.org.za, web: www.samac.org.za EKSPO’S EN ANDER 31 OKTOBER: Wetenskapdag, Wêreldpluimveewetenskap Internasionaal. Raad vir Wetenskaplike en Nywerheidsnavorsing se Internasionale Konferensiesentrum, Pretoria. E-pos: wpsasouthafrica@gmail.com . Web: www.wpsasouthafrica.com 3-4 NOVEMBER: Bonnievalefees, Bonnievale. Tel. 082 417 8597. 3-4 NOVEMBER: Afasa se jaarvergadering, Destiny-hotel en -konferensiesentrum, Kempton Park. Tel. 012 943 7290, e-pos: info@afasa.org.za, web: www.afasa.org.za 6-7 NOVEMBER: Grondhervormingsberaad, Komga-boerevereniging, Haga Haga, Oos-Kaap. Niel Taljaard, tel. 043 555 0337, e-pos: nieltal@mweb.co.za 7 NOVEMBER: Subtrop-bemarkingsimposium, Ingwenyama-konferensie-en-sportoord, Witrivier, Mpumalanga. Lizette de Wet, tel. 015 307 3676, e-pos: lizette@subtrop.co.za 8-10 NOVEMBER: AgriWorksekspo, Stellenbosch. Tel. 021 854 4700, e-pos: info@cadek.co.za 8-10 NOVEMBER: AGFO-landbou- en bosbou-ekspo. Caster-bridge Lifestyle-sentrum, Witrivier, Mpumalanga. Tel. 071 134 4197, e-pos: admin@agfo.co.za,…

3,1% Die Internasionale Monetêre Fonds verwag die ekonomiese groei in Afrika suid van die Sahara sal van 2,7% verlede jaar tot 3,1% vanjaar toeneem. Die groeiverwagting vir Suid-Afrika is 0,8%. Die verandering weerspieël binnelandse beleidsveranderinge en ondersteunende eksterne faktore, soos die volgehoue, eweredige groei in die wêreldekonomie, hoër produkpryse en buigbare eksterne finansieringstoestande. Op mediumtermyn word verwag die groei kan tot 4% versnel. – IMF $1 miljoen Twee bottels rooiwyn wat die Boergondiese produsent Domaine de la Romanée-Conti (DRC) aan die einde van 1945 gemaak het voor die wingerd uitgekap en vervang is, is op 12 Oktober vir net meer as $1 miljoen (meer as R14 miljoen) op ’n veiling van Sotheby’s in New York verkoop.Net 600 bottels is in daardie jaar gemaak. Drie ander bottels van DRC uit 1937…

‘Wil jy jou eie slagoffer wees of gaan jy die werklikhede erken?’ MNR. RYNO VAN DER MER-WE, voorsitter van die Namibiese Landbou-Unie (NLU), se aanmaning aan boere om deel te neem aan grondhervorming. Bl. 19 ‘ . . . anders gaan daar groot vervoerprobleme in die noorde wees.’ MNR. MITCHELL BROOKE, die SASKV se logistieke ontwikkelingsbestuurder, oor wat vir die bedryf wag indien Transnet nie dadelik in nuwe tegnologie vir sitrusvervoer belê nie. Bl. 14 ‘Ons moet vergeet waar dit vandaan gekom het, en eerder op die uitkyk daarvoor wees en seker maak daar is stelsels om dit op te spoor.’ DR. MPHANE MOLEFE, direkteur van openbare gesondheid by die Departement van Landbou, Bosbou en Visserye, oor die Wêreldgesondheidsorganisasie se raad in die nadraai van die listeriose-uitbreking. Bl. 15 ‘Dit…

HULLE STEL WOL BEKEND Die bevordering van wol, wat naas goud Suid-Afrika se belangrikste bron van inkomste is, is ’n omvattende taak waarby die kragte van baie mense betrek word. In ’n lang proses word die boer, die wetenskaplike, die tegnikus, die vervaardiger, die koper, die verkoper, die verbruiker en diegene wat die wol bevorder, betrek. Dit is vanselfsprekend dat baie aandag op alle aspekte van wol as kleedstof en modevesel toegespits word. Daarom het die Suid-Afrikaanse Wolraad ’n spesiale mode-afdeling in sy hoofkantoor in Pretoria waar ’n paar raakvat-vroue, onder meer me. Mary Hansen, mode-adviseur, kennis oor wol in die modewêreld landwyd versprei. Benewens die administrasie van groot modeskoue wat reg oor die land gehou word, ontvang hulle ook jaarliks van die modekantoor van die Internasionale Wolsekretariaat in Parys…

DIE nuwe heffings vir die makadamiabedryf is deur mnr. Senzeni Zokwana, Minister van Landbou, Bosbou en Visserye, in die Staatskoerant afgekondig. Die heffings sal die Makadamiakwekersvereniging (Samac) in staat stel om marktoegang vir plaaslike makadamianeute te ontwikkel en uit te brei, om transformasie in die bedryf te bewerkstellig, om mediese en ander navorsing oor die gesondheidsvoordele van makadamias te finansier, om beste praktyke vir verbouing en verwerking daar te stel en om die impak van diefstal op die bedryf te bepaal. Die eerste heffingstermyn strek van 14 November vanjaar tot 13 November 2022. In die eerste jaar is die heffing vasgestel op 50c/kg gedroogde, ongedopte neute. Daarna verhoog dit jaarliks tot 56c/kg,62c/kg en teen 2021 tot 68c/kg. Volgens die minister sal dié heffing nie werkgeleenthede of regverdige arbeidspraktyke in die…

TENSY mense in Suider-Afrika die bereidwilligheid ontwikkel om te deel – nie noodwendig grond nie, maar ook kennis, vaardighede en ervaring – kan hulle ’n onaangename verrassing te wagte wees. Mnr. Ryno van der Merwe, voorsitter van die Namibiese Landbou-unie (NLU), het op verlede week se Aldam-veeskool by Ventersburg gesê lede van sy organisasie het besluit om by grondhervorming betrokke te wees. “Ons leef en produseer in ’n dinamiese, veranderende omgewing. Ons skep egter soms ons eie sienings wat nie op feite gegrond is nie en let soms op aspekte waaraan ons niks kan doen nie.” Veranderinge veroorsaak onsekerhede. ’n Mens kan maklik só verlore raak in jou eie sienings dat dit lyk of daar geen hoop is nie. Sodoende verwoes mense hul drome. Die belangrikste veranderings is op maatskaplik-ekonomiese…

BELEGGINGS in die Suid-Afrikaanse landbou het sedert 2005 van R38 miljard tot R73 miljard gegroei, waarvan die meeste uit Europa en Amerika kom. Só het mnr. Reghardt Strauss van Standard Bank Agribesigheid op Agri-Expo Livestock se vleisbees-inligtingsdag gesê. Skuld het egter in 2015-’16 met 9% gegroei. Wat die situasie verder bemoeilik, is dat die markwaarde van grond hoër is as wat ’n boer met landbouproduksie daaruit kan verdien. Die grootste probleem vir die landbou wêreldwyd is dat meer voedsel in die volgende 50 jaar geproduseer sal moet word vir die groeiende wêreldbevolking as in die vorige 500 jaar tesame. Dit moet ook ekonomies en bekostigbaar gedoen kan word. ’n Plaaslike probleem waarby die landbou betrek word, is werkloosheid. Laer werkverskaffing in die landbou is moontlik weens presisieboerdery wat ál meer…

1 ZIMBABWE| Vrae oor mielieproduksie Mnr. Mthuli Ncube, Zimbabwiese minister van finansies, se opmerking teenoor Reuters vroeër vandeesmaand dat die land waarskynlik 1,9 miljoen ton mielies in die huidige seisoen sal produseer — 12% meer as die vorige seisoen — is waarskynlik heeltemal ooroptimisties. Só meen dr. Tinashe Kapuya, landbou- en tegniese adviseur by die Seriti-instituut in Sandton, en mnr. Wandile Sihlobo van Agbiz. In ’n normale seisoen en met goeie reënval sou dit moontlik gewees het, maar gegewe die verwagtinge van ’n El Niño later in die somer en die uitwerking wat die sukkelende Zimbabwiese ekonomie op die aankope van landbouproduksiemiddele, soos kunsmis, brandstof en chemikalieë kan hê, lyk dit onwaarskynlik. Die Internasionale Graanraad verwag dat die oes sowat 1,2 miljoen ton gaan wees – sowat 29% laer as…

’N SENIOR amptenaar van die Departement van Landbou, Bosbou en Visserye is deur ANC-LP’s oor die vingers getik oor haar standpunt dat boere kapitaalbesteding op infrastruktuur terughou weens beleidonsekerheid, veral rakende onteiening sonder vergoeding. Me. Ellen Matsei, direkteur vir ekonomiese ontleding en statistieke by die departement, het die landbousakekamer Agbiz se sakevertroue-indeks vir die derde kwartaal vanjaar in haar ontleding van die produktiwiteit van die landbousektor aan die Parlement se portefeuljekomitee vir landbou, bosbou en visserye voorgehou. Sy het gesê die departement het bewus geword van die gevoel dat beleidonsekerheid min ruimte bied aan boere om werk te skep. Die meeste boere koop nie toerusting aan nie, brei nie hul bedrywighede uit nie en bestee niks aan infrastruktuur nie, omdat onteiening sonder vergoeding ’n ernstige kwessie is wat nog in…

’N PRODUK sonder inligting is ’n produk sonder verbruikers, het mnr. Gerhard Schutte, hoofbeampte van die nasionale Rooivleisprodusente-organisasie (RPO), op die Aldam-veeskool naby Ventersburg in die Vrystaat gesê. Hy het gesê verbruikersopleiding is noodsaaklik omdat verbruikers alles wil weet van die produk wat hulle eet. Dit is in pas met die belangrikste neiging wat tans in Suid-Afrika gesien word, naamlik volle openbaarmaking. Verbruikersopvoeding moet objektiewe antwoorde op die volgende vrae gee: ■ Wat is die oorsprong van my kos? ■ Is my kos volhoubaar geproduseer? ■ Is daar enige kunsmatige bestanddele in my kos? ■ Hoe pas die kos in by huidige neigings, soos banting? ■ Pas die produk in by die manier waarop ons voorvaders geëet het en die manier wat die natuur bestem het? ■ Hoe is die…

’n Uitslagpersentasie van 61,56 van ’n graad C-Chianinakoei van mnr. Christiaan de Jager wys watter moontlikhede daar vir beesboere is om hul winsgrense te verhoog. ’n Uitslagpersentasie van 50 en 55 as die koei baie vet is en ’n ongewone liggaamsbou het, is ’n goeie riglyn vir die meeste beesrasse. Toe De Jager die 12-jarige Chianinakoei laat slag het, het dit bevestig wat hy lankal in die buiteland gehoor en self vermoed het: Daar is nog onontginde moontlikhede vir Suider-Afrika se boere om méér wins te maak en hul volhoubaarheid te verhoog. Die koei is by die Klipeiland-slagplaas op Bronkhorstspruit geslag en ’n bloktoets is by die Uitkyk-vleismark in Pretoria gedoen. Die toets is met die samewerking van BKB gedoen, wat die gewigte gemonitor het. De Jager meen dit maak…

In Australië word katoen hoofsaaklik binnelands in die state Nieu-Suid-Wallis (NSW) en Queensland verbou. Die totale aangeplante oppervlakte wissel na gelang van die reën van 200 000 ha tot 600 000 ha. Sowat 80% tot 95% daarvan word besproei. Australië se gemiddelde opbrengs van katoen onder besproeiing is tans die hoogste van alle katoenproduserende lande en byna drie keer die wêreldgemiddelde. Die top-20% Australiese katoenboere behaal opbrengste van 12 tot 14 lintbale/ha onder besproeiing. Die plase en gebiede wat besoek is, vergelyk goed met die heersende toestande op die Springbokvlakte. Die swart turfgrond met ’n hoë klei-inhoud en waterhouvermoë is soortgelyk aan die grootste deel van die vlakte, met die uitsondering van fosfaatvlakke wat inherent hoog is in die Australiese turfgrond vergeleke met die uiters lae vlakke op die Springbokvlakte.…

HOOI VAN GOEIE GEHALTE Hoe maak ’n mens goeie hooi? Hooi van ’n goeie gehalte het dié kenmerke: ■ Dit moet ’n mooi, groen kleur hê. Geel of bruin hooi is ’n teken van ’n laer gehalte weens té laat sny, reën of muf. ■ Dit moet blaarryk wees met die minimum stingels. ■ Goeie hooi het nie noodwendig ’n kenmerkende reuk nie, maar ’n muwwe of suur reuk skrik diere af. Diere neem opmerklik minder hooi in as dit: ■ Hoofsaaklik uit stingels bestaan. ■ Vreemde geure of reuke het. ■ Vreemde materiaal bevat, soos onkruid, grond, klippe, baaltou of drade. Bepaal die gehalte deur chemiese ontledings. TABEL 1 toon die voedingswaarde van hooi van ’n goeie gehalte. Diere se inname verminder as grashooi se proteïeninhoud tot laer as…

Voor die skuif oorsee is hy opgelei om Amerikaanse Saalperde, Friesperde en Hackneyperde en -ponies in Suid-Afrika te beoordeel. In Nederland moes hy homself opnuut by die Koninklike Nederlandse Hippische Sportfederatie laat bekwaam en vandag beoordeel hy gereeld dié rasse en tuigsport-skoue reg oor Europa. Dit was veral moeilik om die Nederlandse woordeskat en sêdinge oor hoe ’n perd beweeg, te vereenselwig met die Afrikaans. “In Nederland moet ’n beoordelaar sy plasings verduidelik en die redes verskaf waarom hy een perd bo ’n ander plaas. Die verskille in terme moes dus geleer word. “Om mee te begin, in Afrikaans verwys ons eenvoudig na die nek van ’n perd, terwyl hulle in Nederlands onderskei tussen die ‘nek’ van ’n perd en die ‘hals’. As ons dink aan die woord halssnoer in…

Vanjaar se olyfolie-oes was sowat 10% groter as verlede jaar se oes, maar steeds kleiner as die oes van 2016. Me. Karien Bezuidenhout, bestuurder van SA Olive, sê olyfolieproduksie was sowat 1,5 miljoen liter. “Die gehalte van die olie is baie goed. Van die 93 olies wat vir die jaarlikse SA Olive-kompetisie ingeskryf is, het 81 medaljes ontvang.” Bezuidenhout sê die winterreën was te laat vir vanjaar se oes. Hulle glo dit gaan goed wees vir die 2019-oes. Sy sê die droogte van die afgelope paar jaar het weer die klem op droogtebestande kultivars geplaas. “Die bedryf kyk na ander opsies met die samewerking van die Landbounavorsingsraad, maar gaan nie binnekort nuwe kultivars beskikbaar stel nie.” Hoewel die meeste olie-olywe in ander ander wêrelddele meganies geoes word, word olywe plaaslik…

1 000 000 000 000. Oftewel R1 biljoen. Dít is hoeveel oudpres. Jacob Zuma se wanbestuur Suid-Afrika se ekonomie gekos het, volgens die Universiteit Stellenbosch. Dit is natuurlik buiten die miljarde rande wat binne die staatsdiens en staatsbeheerde maatskappye verdwyn het. Die enigste troos in hierdie patetiese petalje is dat R1 biljoen se belasting ook van Zuma se plunderbende weerhou is. Nou, ná die jare lange partytjie waartydens na hartelus gesteel is, moet die belastingbetaler egter die rekening betaal. Die land hang oor die afgrond. Staatskuld, soos by Eskom, is nou meer as die helfte van die nasionale inkomste. Graderingsagentskappe dreig met nog afgraderings indien dié skuld nie stabiliseer nie. Maar omdat die ekonomie nie aan die gang kom nie, sukkel ons om die skuld te betaal. Om sout in…

Het jy iets op die hart? Skryf gerus aan ons. Die wenbrief ontvang elke week R150 met die komplimente van BKB, asook ’n versamelaarswyn van Beyerskloof. Beyerskloof se Pinotage is ’n ikoniese Suid-Afrikaanse wyn. Die bonuswenbriefprys, ’n Magnumbottel van Beyerskloof se 2016-oes, is deur die eienaar en wynpionier mnr. Beyers Truter geteken. Die droë oesjaar van dié gewilde, klassieke Pinotage het gelei tot ’n goed gestruktureerde, gebalanseerde wyn. Sê jou sê in hoogstens 300 woorde. Stuur dit aan: Die Redakteur, Brieweblad, Landbouweekblad, Posbus 1802, Kaapstad 8000. Of faks dit na 021 406 2940 of gebruik e-pos: lbw@landbou.com. Verskaf jou naam en adres, al wil jy ’n skuilnaam gebruik. Vandeesweek se wenbrief is deur FRANS HUGO geskryf.…

’n Jong opkomende boer het op Agri SA se jaarkongres gepleit om hulp of raad oor hoe hy finansiering kan kry om sy boerdery uit te brei. Mnr. Ettienne van Wyk, veeboer van Marydale wat vroeër vanjaar ook ’n spreker op Landbouweekblad en Agri SA se grondberaad by Bela-Bela was, sê hy is “heeltemal benoud” omdat die grond waar hy boer, te klein is vir sy planne. “Ek sit in ’n tragedie. As daar iemand is wat my kan help, of kan sê waar ek moet gaan aanklop . . .” Hy het reeds goeie mentors in sy omgewing en ’n goeie rekenmeester “wat my ore draai as ek té haastig raak (om uit te brei)”. JACO NEL skryf: Daar is wit boere wat ook met dié probleem sit. Omdat…

DIE sensus van die kommersiële landbou het op 15 Oktober by ’n eierboerdery buite Bapsfontein in Gauteng begin. Mnr. Risenga Maluleke, statistikus-generaal, het die Janelda-boerdery van mnr. Jan Bas-son en sy vrou, Anelda, saam met veldwerkers en joernaliste besoek om die begin van die sensus bekend te stel. Van die inligting wat in die opname gevra word, is watter struktuur van eienaarskap gebruik word, hoe groot ’n plaas is en wat verbou word. “Ons stel nie belang in die name van die eienaars nie, maar in die struktuur,” het Maluleke gesê. Hoewel wetgewing bepaal dat ’n boer ’n boete of tronkstraf opgelê kan word as hy of sy weier om vrae te antwoord, het hy gesê Statistieke SA stel nie daarin belang om boere te laat vervolg nie. “Ons taak…

WYDVERSPREIDE reën van 20 mm tot 100 mm, wat verlede naweek geval het, was in baie gevalle nie betyds om droëlandaanplantings van wintergraan in veral die Vrystaat deur te trek nie, aangesien permanente skade reeds voor die reën aan dié gewasse aangerig is. “Die reën is egter goeie nuus vir veral somergraanboere in die Oos-Vrystaat en Mpumalanga, waar die tweede deel van Oktober die beste planttyd vir somergrane is, veral vir mielies,” sê mnr. Johan van den Berg, klimatoloog by Santam Landbou. “Dié reën behoort voldoende te wees om in die volgende twee tot drie weke klaar te kan plant.” Die neerslae is baie welkom in die westelike dele van die somergraangebiede, aangesien dit genoeg behoort te wees vir talle boere om hul lande te kan bewerk vir aanplantings in…

Ondernemings wat aan die volgende kriteria voldoen, kom in aanmerking vir finansiering: ■ Hul bedrywighede moet verband hou met die sagtevrugte-waardeketting. ■ Dit moet volhoubare, heeltydse werkgeleenthede en seisoenswerk binne die eerste drie jaar skep. ■ Minstens 51% van die onderneming moet in swart beheer wees of binne drie jaar dié vereiste bereik. ■ Die onderneming moet ’n regspersoon (soos ’n maatskappy, trust of koöperasie) wees met die vermoë om die lening terug te betaal. ■ Daar moet ingestem word tot toepaslike steun ná die lening toegestaan is, byvoorbeeld mentorskap, gereelde monitering en evaluerings-oudits. NAVRAE: E-pos, info@hortfin.com of tel. 021 870 2900.…

Die onlangse werkberaad van die Regering het heelwat nuusdekking gekry. ’n Hele aantal inisiatiewe is aangekondig om in die volgende dekade of wat werk te skep met die doel om die huidige hoë vlakke van werkloosheid (omtrent een uit drie mense) te verlig. In die raamwerkooreenkoms wat die Regering binne die Nasionale Ekonomiese, Ontwikkelings- en Arbeidsraad (Nedlac) met die georganiseerde arbeid en werkgewersorganisasies bereik het, word daar groot gewag gemaak van die rol wat die landbou kan speel om werk te skep en werkloosheid te verlig. Daar is heelwat goeie voorstelle, maar die inwerkingstelling daarvan bly ’n kwessie, veral waar vennootskappe tussen die staat en die private sektor (wat nie juis in die verlede gewerk het nie) ter sprake is. Nogtans wil dit voorkom of daar heelwat geleenthede is vir…

Ondersteuning aan boere en landelike veiligheid het onlangs ’n stewige hupstoot van Bayer gekry. Mnr. Jesus Madrazo van Bayer het ’n skenking van R1 miljoen aan die Agri Securitas-trustfonds aangekondig op Agri SA se kongres. Dit was die derde jaar wat die maatskappye ’n skenking maak. “Ek sien uit daarna om saam met almal in die sektor te werk, om die landboutoekoms te help vorm en om van Suid-Afrika ’n voorbeeld vir die res van die wêreld te maak,” het Madrazo gesê.…

’n Reuse-kandelaar wat uit 300 koningskandelaarblomme bestaan, het menige besoeker aan die eerste Nampo Kaap op Bredasdorp bekoor. Me. Marjolijn Malan, organiseerder van die Overbergse inheemse flora-uitstalling in die BKB-saal op Nampo Kaap, sê dié reuse-koningskandelaar is die grootste in sy soort ter wêreld. “Dit is die meeste koningskandelaarblomme wat nóg ter wêreld in een uitstalling gebruik is.” Die bestuur van Nampo Kaap het Malan, wat onder meer ’n lid van die Wes-Kaap se blomme-vereniging is, genader om ’n unieke uitstalling van inheemse flora saam te stel. Mnr. Dirk Giliomee, ’n plaaslike boer, het haar met die uitstalling bygestaan. Sy het die droë koningskandelaarblomme, wat net van Februarie tot April blom, in die veld bymekaar gemaak. “Ek het besluit om reg om die kandelaar verskillende blommerangskikkings te maak van tonele…

■ Die twee beste Chianinabulle op die Italiaanse indekslys, twee onlangse skoukampioene en ál die beste vroulike diere of hul bloedverwante op die afgelope 12 jaar se ranglyste behoort aan die Suid-Afrikaanse boer mnr. Christiaan de Jager. ■ Die Chianina kruis maklik met ander vleisrasse en lewer speenkalwers wat ruim 80 kg meer as sommige rasegte rasse weeg. ■ Geen probleme word met geboorte ondervind nie. Die beeste is gehard en die puik pigment is ’n voordeel vir oorlewing in Afrika.…

Mnr. Christiaan de Jager het proewe vir swaarder speenkalwers gedoen deur Chianinabulle met Afrikaner-, Brahman-, Angus-, Pinzgauer-, Simmentaler-, Simbra-, Braunvieh-, Nguni-, Boran- en Bonsmarakoeie te kruis. Die jongste proefkruisings was met die Wagyu, wat uitstekende resultate ten opsigte van marmering en veral groei en karkassamestelling opgelewer het. Die kruisings lewer almal ’n speenkalf met ’n gladde haarkleed en goeie bespiering, groei, pigmentasie, temperament en skede. Die kalf bereik vinnig ’n bemarkbare gewig. Hy het ook ’n Simmentaler-Chianinakruisbul by die Landbounavorsingsraad (LNR) se Instituut vir Diereverbetering by Irene vir ’n fase C-toets ingeskryf. Die bul se gemiddelde daaglikse gewigstoename van 2 436 gram/dag en voeromsettingsverhouding van 3,88 was die beste in dié toetsgroep. Sy daaglikse voerinname van 9,48 kg was slegs 2,25% van sy liggaamsgewig. De Jager skryf ’n deel van…

Die stelsel wat mnr. Gideon Melck nou volg, is ’n groot verandering teenoor die ou stelsel. Hy sê ook dit gaan nie oor hoeveel grond jy beskikbaar het nie, maar oor of jy elke jaar ’n oes kan insamel, in watter vorm ook al. “Jy moet boer om te oes. ’n Oes kan enige vorm aanneem. Werk uit wat is die uitwerking van 50 ooitjies meer wat jy kan aanhou net omdat die stelsel verander het en jy hooi het om in die somer te voer. “Teen ’n lampersentasie van 130 beteken 50 ooitjies 65 meer lammers. Trek 20 ooie vir aanteel af. Dit gee jou 45 lammers teen R1 800 stuk en ’n totale ekstra inkomste van R81 000 — met lae risiko. “Hoe hoër die inkomste per hektaar…

Die toerlede het deurgaans gepraat oor die goeie kultivars wat Australiese boere tot hul beskikking het teenoor die ouer kultivars in Suid-Afrika. Ná die besoek aan Cotton Seed Distributors is daar nuwe hoop dat die toppresteerders onder die Australiese kultivars, spesifiek Sicot74BRF, hul weg na Suid-Afrika sal vind. Tans het Suid-Afrika nog net die tweedegeslag stapelgeen-kultivars. Boere hoop om binnekort die volgende geslag te hê wat die drie verskillende gene in Bt-katoensaad sal saamvoeg. In stapelgeen-kultivar word die ou Roundup Ready-geen met dikamba- en glufosinaatverdraagsaamheid verbind. Dit is oorsee bekend as Bollgard II Extend Flex. Nóg ’n besprekingspunt onder toerlede was die verhouding tussen ’n boer en die pluismeule, en die berekening van die boer se vergoeding vir sy katoenoes. In Australië word katoen op ’n kontrakgrondslag gepluis. Die boer…

KORTOM ■ ’n Ou herboude planter word nuttig gebruik vir dekgewasse in ’n pekanneutboord. ■ Die werktuig bespaar minstens R70 000 vergeleke met die koste van ’n nuwe werktuig in die handel. Die sakeman en deeltydse boer mnr. Mynhardt de Bruin glo nie daarin om die wiel te herontwerp nie. Groot gewasboere nader hom gereeld om oplossings te kry vir saaiprobleme, en sy jongste aanpassing is ’n koringplanter uit die 1960’s wat teen R7 000 herbou is en gebruik word om dekgewasse in ’n pekanneutboord te plant. Gewasboere van die distrik Hoopstad druk gereeld op De Bruin se nommer. “Dis lekker as die groot ouens my om praktiese oplossings nader. Ek kikker eerder ou werktuie op en vra boere altyd uit oor watter ou werktuie op hul plaaswerwe beskikbaar is.”…

Hoenderslaai met papaja en makadamianeute Het jy ’n paar oorskietstukkies oondgeroosterde hoender of ’n paar hoendersosaties oor ná gisteraand se braai? Maak ’n smullekker hoenderslaai daarmee. Kombineer dit met krakerige groente, sagte, soet vrugte en ’n hand vol neute vir tekstuur. ■ Twee groot hande vol slaaiblare, gemeng met roket ■ 2 heel, geroosterde hoenderborsies, in stukkies gesny ■ 1 komkommer, in dun skyfies gesny ■ 1 klein papaja, geskil, pitte uitgeskep en in wiggies gesny ■ 60 g geroosterde, gesoute makadamianeute, grof gekap Jogur tslaaisous ■ 125 ml Griekse jogurt ■ 80 ml suurlemoensap ■ 3 ml dijonmosterd ■ 1 fyngekapte knoffelhuisie ■ Sout en swartpeper na smaak ■ Druppel heuning Rangskik die slaaiblare op twee borde en verdeel die geroosterde hoender en komkommer tussen die twee borde. Rangskik…

“SUID-AFRIKA is slegs één giftige sampioen weg van óf ’n goeie regering, óf van totale ineenstorting ná die 2019-verkiesing. Laat ons hoop pres. Cyril Ramaphosa het goeie dokters wat hom kan red van die giftige sampioen. Dit plaas die land op ’n naaldpunt.” Só het mnr. Christo van Rhee-de, adjunk- uitvoerende direkteur van Agri SA, op ’n tegniese inligtingsdag naby Robertson gesê. Die dag is deur die Inmaakvrugte-produsentevereniging en Droëvrugte Tegniese Dienste (DTD) aangebied. “Stel jou ’n land voor met mnr. David Mabuza as president, me. Nkosazana (Dlamini-)Zuma as adjunkpresident, mnr. Ace Magashule in Luthuli-huis en die premier van Noordwes as sy adjunk!” Tog moet boere nie toelaat dat hul emosies met hulle op loop gaan nie, want as Suid-Afrika sy boere verloor, plof die land in en dit kan…

Die getal Brahmane in Namibië het in die afgelope tien jaar verdubbel. Dit staan nou op 20 000 geregistreerde diere, terwyl die getal telers ná die droogte op sowat 120 gestabiliseer het. Mnr. Mecki Schneider, voorsitter van die Namibiese Brahmantelersgenootskap, het op die Windhoekskou gesê die ras se gewildheid as voorrangras vind ook gestalte in kruisings. Sowat 70% van alle slagbeeste en speenkalwers het Brahmangene in hulle. ’n Deel van die sukses kan aan die genootskap se beleid toegeskryf word dat alle Brahmane individueel gekeur en in die databasis opgeneem word nadat hulle op grond van 15 eienskappe geëvalueer is. Die genootskap volg ook ’n streng, geordende opleidingsbeleid met beoordelaars en keurders. Sowat 84% van die lede neem vrywillig aan prestasietoetsing deel en 92% het teelwaardes vir hul kuddes. Brahmantelers…

GAUTENG CARLETONVILLE ELANDSFONTEIN (146), 37 ha, aan Forte Technical & Engineering (Edms.) Bpk., van Forte Demolition Services (Edms.) Bpk., R1 000 000. NIGEL KLIPRIVIERSVAL (371), 43 ha, aan M.D. en V.S. Vosloo, van I. Berzen, R1 000 000. PRETORIA HARTEBEESTFONTEIN (123), 21 ha, aan Bruce Graeme Mclachlan-trust, van H.C. le Roux, R1 800 000. ZACHSEDAM (632), 52 ha, aan Denau Prop Inv., van P.J.M. en S.V. van den Heever, R1 600 000. KWAZULU-NATAL BALLITO SPROWSTON (17669), 379 ha, aan Qwabe Nkanini-gemeenskapseiendomsvereniging, van E.M. en N.F. Mabaso, R1 457 800. PIETERMARITZBURG BOULDER HILL B (18056), 196 ha, aan Honey Badgerfamilietrust, van A.P.A. Smith, R2 812 500. ESSENHYRST (13589), 20 ha, aan M.A. Wood, van G.J. Klopper, R2 050 000. LIMPOPO GROBLERSDAL SPRINGBOKVLAKTE (41), 21 ha, aan M.H.L. en N.M. Kau, van…