Innehållsförteckning för 01-Mar-19 från Landbouweekblad

VEEL groter krisisse as Eskom speel hulle daagliks uit in kleiner stede en distrikte reg oor Suid-Afrika, maar ons hoor eenvoudig nie daarvan nie. Groot dele van die Noord-, Oos- en Wes-Kaap ervaar steeds erge droogte, en hul krane droog op. Beaufort-Wes, Grahamstad, Kimberley, en dosyne kleiner dorpe beleef daagliks watertekorte. Die Departement van Water en Sanitasie hou vol dis nie sy verantwoordelikheid om noodwatervoorraad aan dorpe in krisis te voorsien nie. In Beaufort-Wes en Grahamstad ry Gift of the Givers water met trokke aan. Niemand in die Regering kan, of wil, help nie. Wat die toekoms betref, is die nasionale water-en-sanitasiemeesterplan, wat in Oktober gepubliseer is, somber leesstof. Daar is oral probleme – aan die voorsiening-, vraag- en omgewingskant. Suid-Afrika se waterverbruik is 237 liter per persoon per dag…

ARTIKELS & RUBRIEKE ■ Markwaarde móét uitgangspunt bly ■ Watter dieet is die beste vir die planeet? ■ BLUP onontbeerlik vir genetiese kuddeverbetering ■ Bring die beweiers in ■ Ultrahoëdrukbeweiding troef slangbos ■ Balkspuit is bladspringers se moses ■ Kies beste mieliekultivars vir jou streek SPESIAAL ■ Meganisasie GESIN ■ Bakkies Botha se bobaas-boerewors AKTUEEL Talle aktuele kwessies kom in dié uitgawe onder die soeklig. In die grootste droogtefokus nóg word raad gegee wat strek van voedingswenke vir diere wat stres ervaar, tot hoe om jou weiveld te rehabiliteer. Ons kyk ook na moontlike verligting vir graanboere wat onder druk is en pogings om die sekretarisvoël van uitwissing te red.…

Kom kyk vanaf 1 Maart na Landbouweekblad se eeufees-voorbladuitstalling by die US Woordfees in Stellenbosch. Ons vertel ’n eeu se stories van reg oor Suid-Afrika: Oom Daan Smith van De Rust se liefde vir “ordentlike, sterk twak”, diep Kalahari-boorgate, taai Merino’s van Barkly-Oos, ’n Bosveld-pionier wat berge versit om wild naby Dwaalboom te beskerm, Swakara-modefeeste in Windhoek, pomelo’s uit Swaziland, Harrismith se vrouelandboukollege, dassiejagters op Sutherland . . . Enigiets van werkende honde tot wegholbrande, die wol-boom, muilspanne, veteraantrekkers en boerekos word gedek. Kom kyk na ’n eeu se voorbladstories, geelblad-advertensies van toeka se tyd, rekordoeste, boerekultuur en tegnologiese deurbrake. Dié reisende uitstalling is van 1-10 Maart in die Adam Small-foyer (voorheen die HB Thom-teater) te sien, en gaan daarna na die Klein Karoo Nasionale Kunstefees, asook die Suidoosterfees. Toegang…

MNR. TITO MBOWENI het in sy begrotingsrede gesê groter klem sal in die komende boekjaar op belastinginvordering geplaas word. Verhogings in die aksynsbelasting vir alkohol en tabak sal volgens Mboweni ’n verhoging van R1 miljard in staatsinkomste meebring. Belasting op ’n blikkie bier verhoog met 12c tot R1,74, op ’n bottel wyn van 750 ml met 22c tot R3,15, en met 84c op ’n bottel vonkelwyn van 750 ml tot R10,16. Belasting op ’n bottel whiskey styg met R4,54 tot R65,84. Aksynsbelasting vir sorghumbier bly onveranderd. Mnr. Rico Basson, besturende direkteur van Vinpro, sê dié verhogings is in pas met inflasie en toon groter begrip vir die bedryf se probleme. “Die wyn- en brandewynbedryf is tevrede met die inflasionêre verhogings wat vir hierdie produkte aangekondig is. Hierdie verhogings stem ooreen…

W YDVERSPREIDE reën in die sentrale binneland en die Vrystaat het groot verligting gebring vir saaiboere en veeboere wat noustrop trek weens die droogte. Die Vrystaatse premier, me. Sisi Ntombela, is op ’n vergadering op Bultfontein deur belanghebbendes ingelig oor die omvang van die droogte en die benarde geldelike situasie van saaiboere in die omgewing. Ntombela het ná die vergadering gesê sy het ’n komitee in haar kantoor gestig met kundiges wat kan raad gee oor die beste manier om droogtehulp te verleen. Sy sal die benarde situasie met pres. Cyril Ramaphosa bespreek wanneer hy die provinsie einde Maart besoek. Sy het boere gevra om moed te hou, en gesê die provinsiale regering sal alles in sy vermoë doen om te help. Mnr. Herman Meiring, voorsitter van die distriksboere-unie van…

DIE geleentheid om munt te slaan uit die uitvoer van organiese produkte na markte in die Europese Unie (EU) is groot, maar Suid-Afrikaanse boere sal hul sokkies moet optrek en hul sake agtermekaar moet kry as hulle toegang daartoe wil verkry. Geleenthede wat dié mark bied, asook die vereistes om deel daarvan te word, is onlangs deur opkomende boere en ander belanghebbendes bespreek op ’n werksessie van die African Farmers’ Association (Afasa). Europese verbruikers se voorkeur vir organiese landbouprodukte wat op ’n volhoubare manier verbou word, is een van die grootste internasionale neigings in die varsproduktebedryf. Dit is ook tydens die werksessie gestel as die grootste dryfveer agter die hoë standaarde wat van vervaardigers verwag word wanneer hulle produkte na die EU wil uitvoer. STAAN SAAM Daar heers egter groot…

DIE Regering reken R10,5 miljard is genoeg om die oorblywende 1 732 restitusie-eise in die komende drie jaar af te handel. Die Departement van Landelike Ontwikkeling en Grondhervorming wil hom toespits op die herstel van grondregte, die versnelling van grondhervorming, die transformasie van grondbesit, die skep van werkgeleenthede en die verbetering van bedryfsvermoë. Die departement is ’n begroting van R10,9 miljard vir 2019-’20 toegestaan, waarvan R2,9 miljard vir grondhervorming begroot is, R3,6 miljard vir restitusie en R1,8 miljard vir landelike ontwikkeling. ‘Hy sal altesaam 31,9% van sy begroting bestee om die 1 732 eise af te handel.’ Oor die mediumtermyn-begrotingstydperk (wat oor drie jaar strek) is die departement se totale begroting R33 miljard. Dit beteken hy sal altesaam 31,9% (of R10,5 miljard) van sy begroting bestee om die 1 732…

DIE Nasionale Vergadering het die wetsontwerp op koolstofbelasting en ’n wysiging aan die Wet op die Nasionale Minimum Loon (Wet 9 van 2018) aanvaar. Die wetsontwerp op koolstofbelasting is verlede November deur mnr. Tito Mboweni, Minister van Finansies, bekend gestel. Dié wetgewing is geskoei op die beginsel dat die besoedelaar vir sy oormatige koolsuurgasvrystelling moet betaal. As die wetgewing onderteken word voordat die Parlement in reses gaan voor die verkiesing, sal die eerste siklus van toepassing van 1 June 2019 tot 31 Desember 2022 strek. Die primêre landbou is uitgesluit van die eerste siklus. Die tweede siklus, waarby die landbou en bosbou ingesluit sal word, sal van 2023 tot 2030 strek. MINIMUM LOON Intussen is ’n voorgestelde wysiging aan die wetgewing oor die nasionale minimum loon aanvaar. Die wysiging stel…

BEL ANGHEBBENDES kan tot 1 Maart kommentaar lewer op ’n versoek van die forums vir koring, sonneblomme en sojabone dat dit verpligtend moet word vir handelaars om tot agt weke vooraf hul voornemens vir in- en uitvoer bekend te maak. Terselfdertyd het die forums versoek dat die werklike in- en uitvoer van sojabone en sonneblomme ook weekliks aan die SA Graaninligtingsdiens (Sagis) deurgegee moet word, soos reeds die geval met koring en mielies is. Dit is sedert verlede Julie verpligtend om voornemens vir die in- en uitvoer van mielies agt weke vooraf aan te meld. Skriftelike kommentaar moet aan die Nasionale Landboubemarkingsraad gelewer word, wat ’n aanbeveling aan die Minister van Landbou, Bosbou en Visserye sal maak. Stuur kommentaar aan e-pos: lizettem@namc.co.za…

ROBOT TE wat skape skeer? Dít kan gouer gebeur as wat ons dink, sê die Australiese navorsings-en-ontwikkelingsorganisasie Australian Wool Innovation (AWI). Die AWI gaan in die volgende paar jaar nagenoeg R100 miljoen aan navorsing bestee om die skeer van wol meer vaartbelyn te maak en die tekort aan skaapskeerders die hoof te bied. Dié organisasie wil die proses om die wol van die skaap tot in ’n baal te kry, outomatiseer. Hoewel Australië se skaapkudde die afgelope 30 jaar meer as gehalveer het tot 73 miljoen, het die getal skaapskeerders ook drasties gedaal tot net 2 800. Die oplewing in die mynbedryf het groot getalle skaapskeerders weggelok, terwyl Nieu-Seelandse skeerders, wat tradisioneel die helfte van die Australiese skeerders uitgemaak het, weens salarisverhogings in Nieu-Seeland nou eerder tuisbly. “Dit is daarom…

Landbouweekblad het by die Al3 Boerdery, een van mnr. Max van Heerden van Dragonfruit SA se groot klante, gaan hoor hoe dit met hul aanplantings en die bemarking van hierdie betreklik nuwe gewas gaan. Volgens mnr. CT van der Merwe (regs) van die Al3 Boerdery is hulle baie opgewonde oor die draakvrug, veral die soet kultivars wat ’n suikerinhoud van 16 °Brix en hoër het (hoër as dié van appels en perskes). “Buiten die heerlike smaak, die feit dat dit makliker as ’n nartjie skil en seker die gesondste vrug is wat jy kan eet, is daar een baie groot voordeel waaroor niemand praat nie. “Dit verg ongelooflik min water. Die volume water per kilogram vrugte is byna die helfte van dié van sitrus of avokado’s. Ons het nog nie…

Yips & Yaps is die ideale bederf vir jou beste vriend wat soggens douvoordag saam met jou opstaan en saans die laaste draai gaan ry om seker te maak al die hekke is gesluit. Hou dus altyd ’n pakkie Yips & Yaps in die bakkie vir Wagter. Yips & Yaps bestaan uit ’n reeks van 19 produkte en is geskik vir alle honde danksy die hipo-allergeniese eienskappe sonder bygevoegde preserveermiddels. Die produkte is natuurlik en bevat geen bleikmiddels en chemikalieë nie. Die happies word net van volstruisvleis vervaardig in ‘n volstruisabattoir wat vir die uitvoermark geregistreer is. Alle bestanddele word dus van plase ontvang wat vir uitvoer geregistreer is en waar die beste dieresorgpraktyke gevolg word. Volstruisvleis bevat heelwat yster en min vet. Die produkte is egter net ’n happie…

SAALPERDE 1 Futurity kampioenvul, Trujo War Sweet Assignment. Eienaar: Mnr. Wim van Bergen (sel 082 809 7876), Wimco-stal, Douglas. Vertoner: Mnr. Patrick van den Heever. 2 Grootkampioen (enkeltuig), What About Spirit. Eienaar: Mnr. Baby Muller (sel 082 417 6055), Charlie Brown-stal, Hanover. Vertoner: Mnr. Charlie Brown. 3 Grootkampioen (parkperd), Valley’s Stormy Sky. Eienaar en vertoner: Mnr. Willie de Jager (sel 082 771 1511), Mountain Viewstal, Sunlands. 4 Grootkampioen (driegang), Valley’s Cloudy Sky. Eienaar en vertoner: Mnr. Phillip Tribshraeny (sel 082 847 7267), Mountain View-stal, Sunlands. 5 Grootkampioen (vyfgang), On Cloud Nine. Eienaar en vertoner: Me. Koekie de Villiers (sel 082 801 5019), Studcor-stal, Mortimer. 6 Monty Gadd- ope kampioen (vyfgang), Hell’s Angel. Eienaar en vertoner: Mnr. Jeromi Bouwer (sel 082 874 2096), Bouwer-stal, Jeffreysbaai. 7 Ope grootkampioen (driegangkinderryperd), Mama’s Choice.…

Ons dien ’n God van baie magtige wonderwerke. Ek dink aan die skeiding van die Rooisee, die Seun van God wat op die water geloop het en die Here wat aan ’n 100 jaar oue man en vrou ’n kind gee en aan die belofte voldoen dat hy die vader van baie nasies sal word. Ek praat egter ook van die God wat dag ná dag sogenaamde klein dingetjies laat gebeur. In Luk. 22:7-13 het die dag van die ongesuurde brood, waarop die paaslam geslag moes word, aangebreek. “Jesus stuur toe vir Petrus en Johannes vooruit met die op-drag: ‘Gaan berei die paasmaaltyd vir ons voor dat ons dit kan eet.’ Hulle vra Hom: ‘Waar wil U hê moet ons dit voorberei?’ Toe antwoord Hy hulle: ‘Kyk, net soos julle…

BOEREDAE 12 MAART: Overberg Agri se voorsaai-inligtingsdag by Rietpoel. Ruan Schutte, tel. 028 214 3826, e-pos: rschutte@overbergagri.co.za 13 MAART: Chrissiesmeer-studiegroep se boeredag, Bellevue. Tema: Dekgewasse. Anthony Rajchrt, sel 082 451 7084. 13 MAART: Swartlandse Kleingraanontwikkelingsgroep (Skog) se voorsaai-inligtingsdag, Langgewens-navorsingsplaas. E-pos: GertC@elsenburg.com 16 MAART: Onderstepoortboeredag. Lizemari de Klerk, tel. 072 380 0846, e-pos: lizemari.ter@gmail.com 10 APRIL: Plaasbesoek aan John Eustace, Voermol se Beesboer van die Jaar, Underberg, KwaZulu-Natal. C.T. du Plessis, sel 072 441 5663, e-pos: ctdup@vodamail.co.za; Mark Scott, sel 082 771 6659, e-pos: majscott@webafrica.org.za 11 APRIL: Marlo-kwekery se boeredag. Lena Strydom, tel. 015 285 5004, e-pos: kwekery@marlofarms.co.za, web: www.marlofarms.co.za 17 APRIL: Ficksburg-landbouvereniging. Presisieboerdery en proewe, boeredag. Hammonia. Theunis Pretorius, sel 083 451 0613. FEESTE, EKSPO’S 1-10 MAART: Landbouweekblad se Eeufees-voorbladuitstalling by die Woordfees. Adam Small-teater, Stellenbosch. E-pos: jacolette.kloppers@landbou.com 1-10…

72% Volgens me. Beverley Schäfer, die Wes-Kaapse minister van landbou, ekonomiese ontwikkeling en toerisme, het dié departement ’n sukseskoers van 72% behaal vir grondhervormingsprojekte wat van 2014 tot 2019 aangepak is. Die plase is meestal in die Kaapse Wynland en Weskus geleë en verskaf gemiddeld ses werkgeleenthede per plaas. Die sukseskoers het met 0,1% verbeter vergeleke met projekte wat van 2009 tot 2013 aangepak is, hoofsaaklik weens die droogte. Lees meer by bit.ly/2tlIzzb 2026 Amerika se soja-uitvoer gaan eers teen die 2026-’27-bemarkingsjaar herstel tot die vlakke wat pres. Donald Trump se handelsoorlog met China voorafgegaan het, volgens langtermynskattings deur die Amerikaanse departement van landbou. Die rede hiervoor is dat Suid-Amerikaanse mededingers tans hul markaandeel wêreldwyd vergroot. Die skattings word gegrond op die aanname dat China se tariewe, wat in reaksie…

‘ ’n Mens kon sien baie van hulle is bang vir nog ’n ‘wildborrel’.’ MNR. ANDRIES SCHUTTE van Platinum Beef, aanbieder van Limpopo se eerste Wagyuveiling by Castle de Wildt, oor kopers se gesindheid. Bl. 24 ‘Die uitvoerverbod kan ’n week duur, of so lank as ses maande, wat tot groot kontantvloeiprobleme vir die produsente kan lei.’ DR. COBUS OBERHOLSTER, hoofbestuurder van vee, eiendomme en afslaers by BKB, oor China se verbod op Suid-Afrikaanse wol weens die uitbreking van bek-enklouseer. Bl. 15 ‘ ’n Effense ligpunt is dat die dieselrabat verhoog word en dat ’n beleidsdokument vir die verbetering van die stelsel later vanjaar vir kommentaar gepubliseer kan word.’ DR. REQUIER WAIT, hoof van ekonomie en handel by Agri SA, oor die dieselrabat en die begroting. Bl. 14 ‘Die jaar…

WISSELVALLIGE reën het die afgelope twee weke oor groot dele van die Karoo, veral in die Oos-Kaap, voorgekom. Sommige plase het skade weens oorstromings aangeteken, terwyl boere op ander plase slegs die donderweer gehoor het van reën wat elders uitsak. In die distrik Willowmore, wat al sy vyfde droogtejaar beleef, het sommige plase verspoel, terwyl daar op ander plase feitlik geen druppel geval het nie. Volgens mnr. Martin Dorfling, voorsitter van die distrik se landbouvereniging, gaan nog goeie en aanhoudende neerslae nodig wees om die watertafel van die grondwaterbronne weer op nor-male hoogte te kry. “Ons grootste kommer is die vlak van die ondergrondse waterbronne en boorgate wat opdroog.” Stortbuie en hael het die eerste naweek van Februarie oor die suidoostelike en suidwestelike dele van Steytlerville geval. Die hael, op…

’N KOMITEE van die Nasionale Energiereguleerder (Nersa) sal hopelik vandeesweek (27 Februarie) ’n registrasieheffing vir sonkragplase goedkeur. Dit sal die weg baan vir boere met sonkragstelsels om by Nersa te registreer en só Eskom-krediete danksy sonkragopwekking te verdien. Landbouweekblad het in Januarie berig dat vier kliënte van Sonfin onder die eerste boere is wat sedert Desember Eskom-krediete begin kry het, maar dat Nersa se gesloer met die afhandeling van vereistes vir die registrasieproses, spesifiek die vasstelling van ’n registrasieheffing, keer dat nóg boere hierby baat kan vind. Sonfin installeer sonstelsels vir boere waarmee hulle krag wat hulle nie dadelik gebruik nie, op die Eskom-netwerk kan berg (dit staan bekend as banking). Mnr. Chris Schutte, direkteur van Sonfin, sê hulle het kliënte wat nét wag dat Nersa hul registrasiesertifikate uitreik sodat…

’N DROOGTEKOMMISSIE kan tot stand gebring word om in beheer van die land se beleid oor droogte te wees. Die voorstel daarvoor is reeds aan mnr. Senzeni Zokwana, Minister van Landbou, Bosbou en Visserye, voorgelê. ’n Jaar gelede is ’n komitee van die Nasionale Landboubemarkingsraad belas met die taak om ’n droogteverslag saam te stel wat kwessies rondom die voortslepende droogte moes naspoor én met duidelike voorstelle vorendag moes kom vir ’n slim droogte- en bestuursplan vir landbourampe. HOLISTIES Die komitee sê lesse wat ten opsigte van internasionale rampe en rampbestuur geleer is, moet op ’n holistiese manier benader word, en die klem moet eerder op voorkoming en versagting wees as op reaksie en herstel. ’n Organisatoriese struktuur, dus ’n droogtekommissie, is nodig wat samewerking binne en tussen regeringsvlakke en…

1 ZIMBABWE| Wagte skiet makadamiadief dood Die groeiende oorlog tussen sekuriteitswagte wat makadamiaboorde oppas en onverskrokke gewapende rowers het sy eerste lewe geëis – mnr. Kozanai Musekeya, wat gewond is terwyl hy neute op ’n plaas in Chipinge gebuit het, is later in die hospitaal dood. ’n Sekuriteitswag, mnr. Alistar Kudzanai Nkomo (25), moet vandeesweek weer in die hof verskyn op aanklag van moord. Hy is vroeër op borgtog van R2 800 vrygelaat. Nkomo en ’n kollega was op 21 Januarie op patrollie in die boord toe die skietery uitgebreek het. Musekeya is op 23 Januarie in die Mutare-hospitaal geopereer om ’n koeël uit sy maag te verwyder, maar het op 25 Januarie beswyk. — The Zimbabwe Daily 2 ANGOLA | Nuwe data danksy landbousensus ’n Landbousensus wat met ’n…

OM Suid-Afrikaanse boere onder meer teen onteiening sonder vergoeding te beskerm, het ’n Britse maatskappy en ’n plaaslike regsfirma saamgespan om boere te help om buitelandse maatskappye te skep waardeur hul plase bestuur kan word. Die Britse bestuurskonsultant Forseti Consult en die Kaapse regsfirma Glenn Rooseboom steun vir hul projek op ’n bestaande ooreenkoms tussen Finland en Suid-Afrika oor wedersydse beleggingsbeskerming. Kortliks kom dit daarop neer dat ’n bestuursmaatskappy in Finland deur die Suid-Afrikaanse boer geskep word, asook ’n Finse bedryfsmaatskappy in Suid-Afrika wat die plaas oor ’n lang tydperk bruikhuur en bestuur. Die boer is dan die eienaar van albei maatskappye, en ál die aandele word in Finland gehou. Die boerdery verwissel nie van hande nie en gaan normaalweg voort. Me. Tamsyn Byrne, ’n verteenwoordiger van Forseti in Suid-Afrika,…

China se handelsurplus met Amerika beloop ’n rekordbedrag vanVSA$323,3 miljard. Verhoogde invoertariewe op Amerikaanse landbou-invoer, soos sojabone en katoen, dra daartoe by dat Chinese kopers Amerika vermy. Dié land wil die groot bilaterale handelstekort met China verminder. Pres. Donald Trump wil invoertariewe van 10-25% op produkinvoer uit China ter waarde van VSA$200 miljard hef indien ’n suksesvolle ooreenkoms nie op 1 Maart gereed is nie. Die onderhandelings kan nie net belangrike gevolge vir Amerikaanse produsente inhou nie, maar ook vir veral katoenprodusente in Suid-Afrika. Indien die onderhandelings nie suksesvol is nie, kan China hoër tariewe begin hef op die invoer van sojabone, mielies, katoen, sorghum en varkprodukte. Amerikaanse produsente kan nadelig hierdeur geraak word. Indien die onderhandelings suksesvol is, kan dit daartoe lei dat China groter hoeveelhede pluimveeprodukte uit Amerika…

IN Australië, die wêreld se grootste wolprodusent, sal produksie na verwagting dié seisoen tot sy laagste vlak in 21 jaar daal, naamlik 385 miljoen kg. In Nieu Seeland het produksie van 228,9 miljoen kg in 2001-’02 tot ’n geraamde 139,8 miljoen kg in 2017-’18 gedaal. Skaapgetalle daal reeds die afgelope tien jaar en staan tans op 27,3 miljoen – van 40,1 miljoen in 2006. Dit beteken dat Nieu-Seeland nou net 5,6 skape per kop het teenoor 22 skape per kop in 1982. Aanduidings is dat Suid-Afrika ook heelwat minder wol gaan produseer. Wolontvangste by makelaars se pakhuise tot 27 Januarie vanjaar was 30,9 miljoen kg, wat ’n daling van 12,4% is vergeleke met die ooreenstemmende tyd verlede seisoen. Totale produksie verlede seisoen het op 48,9 miljoen kg te staan gekom.…

In die 1960’s het ’n professor aan die Stanford-universiteit in Amerika ’n eksperiment met honderde kleuters van vier tot vyf jaar gedoen. Hy het ’n malvalekker voor elke kind neergesit, maar voordat hulle dit kon eet, eers ’n ooreenkoms met hulle aangegaan. Hy het aan elkeen verduidelik dat hy die vertrek gaan verlaat en as hy terugkom en die malvalekker is nie geëet nie, sal hy die kind met nog ’n malvalekker beloon. As die malvalekker wel geëet is, kry die kind nie ’n tweede een nie. Die kind se keuse was dus eenvoudig: Hy kon onmiddellik eenmalig bederf word, of hy kon twee keer bederf word as hy bereid was om te wag. Die reaksie was uiteenlopend. In sommige gevalle het die malvalekker in ’n kies verdwyn sodra die…

Veldgevoerde vleis, eiers van vrylopende hoenders, klipgemaalde meel . . . ’n handjie vol produsente bemark sulke spesiale produkte, maar hulle moet hul teikenmark goed ken en oppas. Me. Hester Vermeulen van die Buro vir Voedsel- en Landboubeleid (BFAP) is nie bewus van enige studies wat plaaslike verbruikers se bereidwilligheid toets om hul hand diep in die sak te steek vir sulke kosprodukte nie. “Dié produkte is op die rak beskikbaar en dit verkoop, dus is daar beslis mense wat dit verkies. Selfs sekere kettingwinkels het spesifieke nisreekse, maar dis nie deel van die hoofstroommark nie,” sê sy. Vermeulen reken 5-10% van Suid-Afrikaners kan sulke produkte bekostig én wil dit koop. “’n Mens moet in ag neem dat almal wat dit kan bekostig, nie noodwendig daarin sal belang stel nie.…

Twee dinge wat seker is, is die betaling van belasting, en die dood. Dit is dan ook nie verbasend nie dat dié twee sake baie nou aan mekaar verbonde is. Wanneer iemand sterf, is die kans baie groot dat dit die een of ander vorm van belastingaanspreeklikheid gaan ontketen. Dit is egter nie net die belasting nie, maar ook ander koste en uitgawes wat betaalbaar kan wees wat in ag geneem moet word. Baie kliënte se antwoord op die vraag of hul boedels genoeg likiditeit het om by afsterwe voorsiening te maak vir die betaling van boedelkoste, is dat hulle min of geen skuld het nie, of dat daar genoeg roerende bates of lewende hawe is om die skuld te delg. Kliënte moet egter besef waarvoor alles voorsiening gemaak moet…

VANIELJEPLAATKOEK ■ 4 ekstragroot eiers, teen kamertemperatuur ■ 310 ml suiker ■ 10 ml vanieljegeursel ■ 560 ml koekmeel ■ 12 ml bakpoeier ■ Knippie sout ■ 125 ml water ■ 125 ml warm melk ■ 45 ml olie Voorverhit die oond tot 180 °C. Smeer ’n standaard-plaatkoekpan of spuit met kleefwerende kossproei. Voer met bakpapier uit. Klits die eiers en suiker baie goed saam, vir ongeveer 10 minute, tot dik en liggeel. Voeg die vanieljegeursel by en klits weer goed. Sif die meel, bakpoeier en sout saam. Vou die eiermengsel halfpad by die meelmengsel in. Meng die water, melk en olie en voeg dit ook by. Hou aan invou tot ’n skuimerige, gladde beslag vorm. Giet die mengsel in die voorbereide pan, versprei egalig en bak vir ongeveer 25…

Dickon Elson boer in die Mkushilandbougebied, sowat 300 km noordoos van Lusaka. Meer as 100 Suid-Afrikaanse en Zimbabwiese boere het hulle die afgelope 15 jaar in dié kommersiële kern van Zambië se landboubedryf gevestig. Dickon is die afgelope ses jaar bedryfsbestuurder van CENA Farms (Central African Farming), ’n plaasblok van meer as 2 000 ha. Hy is ook een van meer as 2 000 boere wat destyds hul plase in Zimbabwe moes verlaat toe oudpres. Robert Mugabe besluit het wit boere is nie meer welkom in sy land nie. Twee voormalige Zimbabwiese boere, Mick Selby en Alex Holding, het CENA Farms in 2009 begin toe hulle hul boerderye saamgegooi het. Twee buitelandse maatskappy het groot belê om uitbreidings moontlik te maak. Hulle boer nou op 2 531 ha, alles onder…

’N VROU van Centurion het vanjaar besluit om haar verjaardag te gebruik om boere in die greep van die droogte by te staan. Haar vriende het verwag dat hulle oudergewoonte Bosveld toe sou gaan om me. Tanya Duvenhage se verjaardag te vier, maar sy het op ’n geskenk vir die Hopetownboere in die Noord-Kaap besluit. Soos talle Suid-Afrikaners het Duvenhage die afgelope tyd op sosiale media stories en foto’s gesien van die langdurige droogte wat die landboubedryf op sy knieë het. Dit het haar aangegryp en sy het besluit om ’n helpende hand uit te reik. “Ons gaan gereeld Bosveld toe om my verjaardag te vier. Vanjaar het ek besluit om eerder geld vir droogtehulp in te samel,” sê sy. “Ek is geseën met goeie mense om my. Toe hulle…

MEER GARS IN 2018 GEOES Die totale garsoes van bykans 400 000 ton in 2018 was aansienlik groter as die 2017-oes van 307 000 ton, sê mnr. Frikkie Lubbe, landboubestuurder vir Afrika by AB InBev. Altesaam 329 780 ton is in die droëlandgebiede in die Wes-Kaap geoes en 69 286 ton in die besproeiingsgebied. “Die oostelike gebiede van die Overberg het swaar getrek in die heersende droogte, maar die ander gebiede het uitstekend gevaar. In die Swart-land is besonder goeie opbrengste en gehalte behaal. Die besproeiingsgebiede het merkwaardige groei getoon met ’n gepaardgaande hoë opbrengs en gehalte.” Die groter oes is die gevolg van ’n sameloop van die goeie verspreiding van reën (al was dit so min), die regte produksiepraktyke en gars se kompensasievermoë in veranderende klimaat. In die besproeiingsgebiede…

Die landbou se vermoë om elektrisiteit deur middel van sonkrag op te wek, kan Suid-Afrika in die toekoms van beurtkrag verlos. Mnr. Nicol Jansen, voorsitter van Agri SA se afdeling vir ekonomie en handel, sê regulasies wat boere toelaat om elektrisiteit deur middel van sonkrag op te wek en in die nasionale netwerk terug te plaas, behoort eersdaags afgehandel te wees. “Daar is tans 400 aansoeke vir hernubare projekte vanuit die landbou, waarvan 56 reeds in verskillende fases van vordering is om elektrisiteit op te wek en in die nasionale netwerk terug te plaas. Indien ál hierdie projekte bymekaargetel word, sal daar 1 400 MW opgewek kan word, wat fase 1-beurtkrag sal kan keer,” vol-gens Jansen. Hy sê egter Eskom en die Nasionale Energiereguleerder (Nersa) sal gedwing moet word om…

Die volgende ontleding van grondverkope in Suid-Afrika is van transaksies in die Oos-Kaap vir die 12 maande tot verlede November vir grond van meer as 10 ha. In dié tyd is dalende grondpryse in 41,2% van die distrikte aangeteken vergeleke met 47,1% in die 12 maande tot verlede Oktober. Dit lyk dus asof die neiging van dalende pryse begin omkeer. Altesame 358 ooreenkomste is in dié tyd in 35 distrikte gesluit en 255 789 ha is teen R2,267 miljard verhandel. Daarvan was 18% transaksies van kleur. Dit behels 28 121 ha, oftewel 11% van die totaal, teen R271 miljoen. Twee van die transaksies was staatsaankope vir grond wat vir landboudoeleindes bekom is, en 57 tussen individue. Ses transaksies val buite die landbou. Uit die totaal was 99 (28%) van die…

Ons geld is op, en dit is nie ’n mooi prentjie nie. Suid-Afrika se inkomste staan op R1,5 biljoen, maar die land se uitgawes is R1,83 biljoen. Ons finansier die verskil met skuld. Die rente alleen beloop R1 miljard per dag! Dit laat ’n hol kol op die maag. Hoe grawe ’n mens jouself uit so ’n diep gat as miljarde rande verkwis en gesteel word deur almal van disfunksionele munisipaliteite tot uiters swak bestuurde staatbeheerde maatskappye? Suid-Afrika se gehawende middelklas, wat die land se belastinglas op sy skouers dra, kon kwalik meer gewurg word, maar tog het mnr. Tito Mboweni, Minister van Finansies, dit reggekry. Sy sluwe truuks was onder meer om belastingskale nie volgens inflasie aan te pas nie en om brandstofheffings te verhoog. Die staat speel ’n…

TURKSVY VERRAS AS VERTAKKING ’n Oupa se liefde vir tuinmaak, sy kleinseuns se waagmoed en ’n onverwagse gebruik vir iets wat op die meeste plase in Suid-Afrika groei, is daarvoor te danke dat mnre. Michel en WJ Kotzé, twee Vrystaatse neefs, munt kan slaan uit ’n gewas wat onderbenut is. Landbouweekblad het op hul plaas naby Jagersfontein in die Vrystaat gaan kuier om te sien waarom dié woestynvrug ’n volwaardige vertakking van jou boerdery kan wees. Lees die artikel in die uitgawe van 22 Februarie 2019. THEA ZAAYMAN skryf: Die lekkerste nagereg en vrugte. So bly as iemand daarna omsien. Dit is nogal skaars. Laat my aan my kinderjare dink. ANNELI VAN JAARSVELD skryf: Michael en WJ Kotze, julle is superslim! Stuur asseblief van die turksvye Boland se kant toe.…

DIE klem op die ontwikkeling van kleinboere en verbetering van infrastruktuur in mnr. Tito Mboweni se begrotingsrede is welkom, maar die groot vraag is of dit behoorlik uitgevoer kan word. Wat staatsuitgawes op die landbou betref, is R1,8 miljard toegewys vir die deurvoer van 262 voorkeurgrondhervormingsprojekte oor die volgende drie jaar. Altesaam R3,7 miljard is begroot om opkomende boere te ondersteun wat grond wil bekom om op te boer. Die Land Bank sal kleinboere ondersteun en vennootskappe met ander finansiële instellings bewerkstellig. Die bank beoog om R3 miljard in die volgende boekjaar beskikbaar te stel. Dr. Tinashe Kapuya, handelsekonoom, se reaksie hierop was om te wonder hoe dié geld bestee gaan word. Alles hang van die uitvoering af. Mnr. Paul Makube, landbou-ekonoom by FNB, het hom gelyk gegee. Mnr. Bennie…

GROOT hoeveelhede Amerikaanse tafeldruiwe wat weens die handelsoorlog tussen dié land en China heelwat later as gewoonlik bemark is, het sake vanjaar behoorlik vir plaaslike tafeldruif-uitvoerders beduiwel. Boonop het die meeste tafeldruifproduserende lande in die Suidelike Halfrond stewige oeste wat om internasionale rakruimte meeding. Die wisselkoers – wat tot onlangs onder R13 teenoor die dollar was – was ook nie gunstig vir uitvoerprodusente nie. Verskeie bronne het aan Landbouweekblad gesê dis een van die moeilikste jare tot dusver om tafeldruiwe uit te voer. Een boer het dit as ’n “treurige jaar” vir die bedryf beskryf. KALIFORNIË SE ‘POT’ Volgens mnr. Willem Bestbier, uitvoerende hoof van die Suid-Afrikaanse tafeldruifbedryf (Sati), het die Chinese mark vir Amerikaanse tafeldruiwe in Desember basies toegeklap weens die handelsoorlog tussen Amerika en China. Die Kaliforniese tafeldruifbedryf…

’N CHRISTELIKE grondberaad vir die landbou- en die mynbedryf word op 28 Februarie en 1 Maart in Johannesburg aangebied na aanleiding van Landbouweekblad se suksesvolle grondberaad op Bela-Bela verlede jaar. Die beraad word aangebied deur die organisasies New Nation Movement en Amos Agrimin, en vind plaas by die Every Nation Church in Rosebank, Johannesburg. “Dit word wyd aanvaar dat Landbouweekblad en Agri SA se grondberaad verlede Augustus in Limpopo ’n rigtinggewende geleentheid was, en dit het gelei tot soortgelyke geleenthede elders in die land. “Ons wil graag oplossingsgedrewe mense wat probleme wil aanpak, brugbouers en vredemakers uit die Christen-gemeenskap byeenbring,” sê mnr. Jan Oosthuizen, ’n lid van New Nation se landbou-dinksentrum en een van die organiseerders. Twee van die beweging se kernlede, mnre. Hennie Viljoen en Ben Alberts, het die…

DIE pas waarteen staatsgrond vir landbouproduksie en behuising uitgewys word, is aan die verbeter, sê mnr. Jeremy Cronin, Adjunkminister van Openbare Werke. Cronin se departement is deur die Departemente van Landelike Ontwikkeling en Grondhervorming en van Menslike Nedersettings gevra om ongebruikte staatsgrond beskikbaar te stel vir landbouproduksie en behuising. Die Regering het bykans 30 000 stukke grond wat meestal deur staatsdepartemente gebruik word, asook meer as 93 000 geboue geïdentifiseer. Pres. Cyril Ramaphosa het in sy staatsrede gesê dat staatsgrond vir herverdeling beskikbaar gestel sal word as deel van pogings om grondhervorming te versnel. Die grond daarvoor is reeds geïdentifiseer. Volgens mnr. Thulas Nxesi, Minister van Openbare Werke, is 3 659 eiendomme uitgewys wat vir boerdery aangewend kan word. Die Departemente van Landbou, Bosbou en Visserye en van Landelike Ontwikkeling…

MOONTLIKE salmonellabesmetting by ’n Brasiliaanse hoenderprodusent wys hoe belangrik dit is dat die Suid-Afrikaanse Regering ’n verbod op hoendervleis uit dié land moet plaas, sê die Fair-Play-teenstortingsbeweging. ’n Groot Brasiliaanse produsent moes op 13 Februarie meer as 450 ton hoendervleis weens moontlike salmonellabesmetting herroep. Salmonella kan dodelik wees vir kinders en bejaardes. FairPlay sê hoewel die hoeveelheid betreklik min is, is dit tekenend van die voortdurende voedselveiligheidsprobleme by Brasiliaanse hoenderaanlegte. Twee jaar gelede het die sogenoemde weak flesh-skandaal korrupsie en bedrog by groot bees- en hoenderprodusente ontbloot. Brasilië is die grootste bron van ingevoerde hoendervleis in Suid-Afrika, naamlik meer as 60% van die totaal verlede jaar. KRISIS ONNODIG “Ná die listeriosekrisis, wat tot 200 mense se dood gelei het, weet Suid-Afrika hoe vinnig voedselvergiftiging kan versprei. Ons het nie ’n…

SUID -AFRIK A is nog nie uit die moeilikheid wat die uitbreking van bek-en-klouseer betref nie. Baie moet nog gedoen word voordat die land sy bek-en-klouseervrye status sal kan terugkry, sê dr. Pieter Vervoort, voorsitter van die nasionale dieregesondheidsforum. Hy meen die hele proses om die uitbreking van vroeër vanjaar hok te slaan, verloop tot dusver vlot, en hy hoop dit sal so aanhou. “Op die oomblik kan ek sê ons het die ding onder beheer.” Vee in die beheersone word nog daagliks geïnspekteer en ingeënt. Hierdie diere moet bestuur word vir drie maande nadat hulle ingeënt is. “Dit is nie ’n maklike proses nie. Ons moet verskeie faktore in ag neem in hierdie bestuursproses,” sê Vervoort. Die siektebeheergebied is aansienlik groter as die gebied waarin die uitbreking begin het.…

DIE eerste geveg teen ’n grondwetverandering wat onteiening sonder vergoeding moontlik maak, sal by die stembus geskied. Só sê mnr. Mark Oppenheimer, Johannesburgse advokaat en eiendomsregkenner, wat onlangs die regsroetes teen onteiening sonder vergoeding op ’n geleentheid van die Vryemarkstigting uiteengesit het. Hy wys daarop dat die partye wat in die Parlement teen ’n grondwetswysiging gestem het, die ACDP, IFP, VF+, Cope en DA was. Vir ’n wysiging aan die Grondwet is twee derdes van die stemme nodig. Altesaam 69,6% het vir die resolusie gestem. As die opposisiepartye net meer as 4% steun saam bykry, kan dit die meerderheid tot onder twee derdes afbring. Die volgende geveg sal in die Grondwethof wees, sodra die bewoording van die beoogde wet duidelik is. Oppenheimer glo die Grondwet bevat verskeie beskermingsmaatreëls waarmee enige…

HOEWEL wolpryse heelwat laer is as op die eerste paar veilings van die seisoen, is Cape Wools se Merino-aanwyser steeds aanmerklik hoër as op die ooreenstemmende tyd verlede seisoen. Die aanwyser het op die veiling van 13 Februarie op R218,76/kg (skoonwol) gesluit, wat 18,7% hoër is as op die ooreenstemmende veiling verlede jaar ( GRAFIEK 1 ). In Australië is pryse ook op gesonde vlakke ondanks die swakker wol wat tans aangebied word. Die aanwyser is 12,6% hoër as op die ooreenstemmende veiling verlede seisoen ( GRAFIEK 2 ). Die daling in wolproduksie wêreldwyd het tot flukse aankope plaaslik en in Australië aanleiding gegee, soos kopers en verwerkers meeding om soveel moontlik wol in die hande te kry. Afgesien van die afname in produksie was daar in Australië ook ’n…

KORTOM ■ Kleinboere kan moeilik in die vryemarkstelsel internasionaal meeding, en behaal eerder sukses met nisprodukte wat dikwels spesialiskennis verg. ■ Die vestiging van kleinboere as deel van grondhervorming in Suid-Afrika gaan nie noodwendig hope werkgeleenthede in die landboubedryf en nuwe welvaart skep nie. ■ Nuwe tegnologie en toerusting maak dit vir ’n boer moontlik om baie meer hektaar te bewerk of diere te hanteer, om sodoende sy produksiekoste laag te hou. Die verwagte verslag van die advieskomitee oor grondhervorming later vandeesmaand sal hopelik meer lig werp op die Regering se benadering tot grondhervorming. Afgesien van die bewese mislukking van vorige onteieningsprosesse in Suid-Afrika, bestaan vrese dat daar nie genoeg aandag gegee word aan die breë beleidsraamwerk en werklikhede waarbinne suksesvolle boerderye bedryf word nie. Die huidige Regeringsbeleid is daarop…

In ’n vorige rubriek (“Veeboere, neem beheer en finansier eie bedryf”, LBW, 10 November 2017) het ek gewaarsku dat die kans vir ’n bek-en-klouseeruitbreking baie groot is, én dat dit die rooivleisbedryf miljarde sal kos. Om die waarheid te sê, ons het geweet dit is nie ’n kwessie óf dit gaan uitbreek nie, maar wanneer. Diegene wat gereeld met die staat werk, soos drs. Faffa Malan en Pieter Vervoort, kon die skrif aan die muur sien. Van die staatsamptenare het in hul persoonlike hoedanigheid verskeie kere laat blyk dat hulle die rooivleisbedryf se hulp nodig het. Dit is byvoorbeeld baie moeilik om bek-en-klouseer in die kommunale gebiede langs die Krugerwildtuin te beheer sonder die bedryf se samewerking. Die probleem is veral hoe om die beweging van diere te monitor (naspeurbaarheid).…

Onortodoks. Dít is waarskynlik die beste manier om mnr. Max van Heerden van Dragonfruit SA se sakebenadering tot sy draakvrugkwekery te beskryf. Hy bemark sy plantmateriaal op snuffelgidsplatvorms, soos Gumtree en OLX, en verkoop dan plantmateriaal oor die wêreld heen sonder enige beperkende kontrakte wat verdere vermeerdering van sy draakvrugplante betref. En dit werk! Van sy klante is megaboerderye, soos die Al3 Boerdery in Limpopo wat vanjaar sy eerste kommersiële draakvrugte op varsproduktemarkte in Suid-Afrika gelewer het, en mnr. Louw de Wet van Robertson in die Wes-Kaap. Van Heerden verkoop ál sy kultivars onder die oorspronklike kultivarname. Dit staan kopers van sy plantmateriaal vry om hul plante self te bevorder soos hulle wil. Daar is ander kwekerye wat dieselfde kultivars onder handelsmerke geregistreer het, en wat kwekers met streng kontrakte…

Smarta se pomptegnologie is deur mnr. Pedri de Villiers vir Suid-Afrikaanse toestande ontwikkel en ontwerp. Danksy dié tegnologie kan boere pompstelsels vir boorgate en reservoirs van ’n afstand af beheer. Boere kan onder meer die toestel oor ’n afstand aan- en afskakel, die spanning, stroom en krag van die pomp meet, pompe outomaties skeduleer en die watervlak se vloei en druk monitor. Boere kan ook waarskuwings ontvang as daar probleme is en kan te alle tye die watervlak, -vloei en -druk monitor. Meer as een gebruiker kan op die stelsel aanmeld. Die stelsel stel ’n daaglikse verslag saam oor die werking van die pomp sodat boere deurdagte besluite kan neem. Danksy die verslae is dit makliker om onderhoud te beplan en om koste, soos elektrisiteitsverbruik, te be-perk. Met die afstandbeheer…

AARDVERWARMING EN ROOIVLEIS: WAT IS DIE FEITE? Wat sê die kenners oor aardverwarming en die rol wat rooivleis hierin speel? Baie van die syfers en statistieke wat in die internasionale stryd teen die rooivleisbedryf oor aardverwarming gebruik word, word verdraai of is bloot verkeerd, sê prof. Michiel Scholtz, spesialis-wetenskaplike van die Landbounavorsingsraad se Instituut vir Dierevoeding en -produksie op Irene. In ’n verslag van die Wêreld- Ekonomiese Forum word beweer 2,4% tot 5% van sterftes wat met diëte verband hou, kan voorkom word as mense ander vorme van proteïene, soos bone en ertjies, pleks van vleis benut. Daarby word gesê beesvleisproduksie is verantwoordelik vir ’n kwart van die kweekhuisgasvrystellings wat met voedsel verband hou, en dat die landbou vir 14% van die wêreld se skadelike gasse verantwoordelik is. Scholtz sê…

DIE Nederlandse maatskappy Beladon het onlangs die konsep van die wêreld se eerste drywende melkplaas bekend gestel. ’n Tekort aan landbougrond by Rotterdam en die geleentheid om nuwe tegnologie te ontwikkel was die hoofredes vir die ontwikkeling van dié plaas, het me. Minke van Wingerden, ’n vennoot in die maatskappy, aan Business Insider gesê. Die plaas sal 40 koeie kan huisves, wat sowat 800 liter melk per dag kan lewer. Van Wingerden sê ’n drywende plaas klink vreemd, maar dit kan nuwe geleenthede vir die landboubedryf skep en vars produkte meer geredelik in stedelike gebiede beskikbaar maak. Die plaas sal uit drie vlakke bestaan. Op die onderste vlak sal masjinerie vir die verwerking en verpakking van suiwelprodukte wees, op die tweede vlak sal die koeie deur robotte gemelk word, en…

BRANDRISSIES SORG VIR KREATIWITEIT Die mark vir brandrissies en brandrissieprodukte brei uit in Suid-Afrika. Daarby begin Suid-Afrikaanse verbruikers ook ál waagmoediger word om met die verskillende brandrissieprodukte, soos sous, pesto en selfs konfyt, te eksperimenteer, sê me. Muriel Wadeley, bestuurder van Fynbos Fine Foods. Dié onderneming boer sedert 1996 met ’n wye verskeidenheid brandrissies in die omgewing van Tierfontein in die Swartland. Hy droog, berook en preserveer brandrissies en vervaardig verskeie produkte vir die plaaslike en oorsese mark. Omdat die vraag so groot is, kontrakteer hy ook naburige plase om brandrissies vir hom te kweek. “Daar is nie ’n spesifieke kultivar wat voorrang geniet nie. Suid-Afrikaanse verbruikers sal tipies die sterkte van die brandgeur reguleer deur die hoeveelheid wat bygevoeg word, pleks daarvan om ’n brandrissie te kies waarvan die…

Die onderstaande oordragte van plaaseiendomme is deur aktekantore geregistreer (plaasnommer tussen hakies). GAUTENG NIGEL STERKFONTEIN (424), 21 ha, aan Superstar Life Holdings (Edms.) Bpk., van A.P. Goss en E. Goss, R2 900 000. PRETORIA BOEKENHOUTSKLOOF (284), 37 ha, aan Boekenhoutskloof (Edms.) Bpk., van G.A. Jordan en V.J. Jordan, R2 000 000. BOEKENHOUTSKLOOF (284), 37 ha, aan C.N. en P. Nthite, van Boekenhoutskloof 284 (Edms.) Bpk., R1 100 000. DOORNKRAAL (420), 32 ha, aanFastTurnTrading,van H.J. Mortimer, R1 700 000. KAMEELFONTEIN (297), 21 ha, aan Joubert-familietrust, van Adinda-trust, R950 000. KLEIN ZONDER HOUT (519), 22 ha, aan Mipi Landgoed, van Piri Konstruksie, R400 000. KLIPDRIFT (121), 22 ha, aan G.J. en R. Hugo, van M. Sutherland, R950 000. KLIPDRIFT (80), 21 ha, aan Virideset (Edms.) Bpk., van J.H. Joubert, R600 000. KLIPFONTEIN…

CRADOCK / MERINO R80 000 Die produksieveiling van die Jordaan-gesin van Cradock, Voermol se Skaapboer van die Jaar vir 2018, op die plaas Spekboomberg het puik pryse opgelewer. Die duurste Merinoram is teen R80 000 aan mnr. Jannie Kitshoff van Moorreesburg verkoop. By die ram is, van links, mnre. Chris Troskie, Andrew Jordaan sr., Allan Sinclair, afslaer, en Andrew Jordaan jr. Altesame 63 ramme is teen ’n puik prys van gemiddeld R14 310 verkoop. Dormer-kudderamme het gemiddeld R5 400 behaal. Die aanbod van 505 ooie is uitverkoop, en die pryse het gewissel van R2 650 vir nie-dragtige tweetandooie tot R1 550 vir slagooie. Vleissentraal het die veiling aangebied. GRAAFF-REINET / DOHNE-MERINO R29 000 Ondanks vrese dat die droogte koopkrag sal benadeel, was mnr. Jean de la Harpe baie tevrede met…

Pediramme en dragtige ooie het hoër toppryse op vanjaar se veiling deur die Bosvelder-studiegroep behaal as verlede jaar. Mnr. Fritz en Sarah Brand van Bela-Bela (hul Pedi-ooie is op die foto) was die verkopers van die top-Pediram én -ooi, sê me. Rudette Nel, voorsitter van die studiegroep, wat voorheen as die Limpopo-Pedi-en-Bosvelder-studiegroep bekend gestaan het. Etihad Investments het R9 200 vir die topram betaal (verlede jaar se topprys was R7 500) en mnr. C.P. Bezuidenhout het R6 800 vir die ooi betaal (verlede jaar se topprys was R4 100). Die veiling is by die Bela-Belakleinveesentrum aangebied. Pedi’s (ook bekend as Bapedi’s) en Bosvelders is in afsonderlike rondes opgeveil. Die gemiddelde prys vir Pedi-ooie was R3 973, vergeleke met 2018 se R3 020, terwyl ram-me se gemiddelde prys laer was, naamlik…