Innehållsförteckning för 12-Aug-16 från Landbouweekblad

Die Business Day breek ’n lansie vir die lot van kommersiële boere in ’n hoofartikel op 29 Julie. Die koerant sê dit is ’n jammerte dat dit die ergste droogte in dekades gekos het om die belangrikheid van die landbousektor vir Suid-Afrika se ekonome uit te wys. Ten spyte daarvan dat die landbou se bydrae tot die bruto binnelandse produk (BBP) tot sowat 2,5% gekrimp het, is die totale bydrae tot BBP nader aan 20%. Die koerant wys ook daarop dat die welstand van boere uiters belangrik is vir voedselsekerheid in Suid-Afrika en dat dit kommerwekkend is dat baie boere met die naderende somerplanttyd nie in ’n gesonde posisie blyk te wees nie. Volgens Business Day behoort almal baie bekommerd te wees as groot kommersiële boere die kans staan om…

ARTIKELS & RUBRIEKE ■ Syfers gee deurslag vir produsent van kampioenkarkas ■ Diversifikasie hou plaas 150 jaar in familie ■ Suid-Afrikaners ontwikkel 6 000 ha in woestyn ■ Beheer drukgang soos ’n jokkie GESIN ■ Boerekos: Alles-in-een-wenners SPESIAAL ■ Somergewasse, Wiele BEESTE DiéSussex-stoetvaar,Jumbo,behoortaanmnr.JannieMoolman vandieplaasRusoord,Middelburg(Oos-Kaap).Leesvolgendeweek waarommnr.GeoffOrpenvanAvoca,Barkly-Oos,dieSussexaseenvan diemeesaanpasbarebeesrasseindielandbeskou.Systoeteryisal44 jaaroud,maarhyvernuwesteedsopdieplaas.…

ZUMA EET BREKFIS MET BOERE IN BLOEM Sowat 100 boere en ander genooide gaste het ’n ontbyt in die Rosestad bygewoon waar pres. Jacob Zuma die genooide spreker was. FRED skryf: Ek was daar. Dit was net ’n verkiesingsveldtog vir die ANC. Oor die landbou is daar maar min gepraat. En, ja, ons het tot 9:45 gewag vir die 7:00-vergadering. PIET skryf: Ek kan nie glo ’n boer mors sy tyd om na politieke snert te luister nie. Nog erger is om hulle te glo of te vertrou. KOOS skryf: Is daar regtig nog 100 dom boere in die Vrystaat? BRAKANJAN skryf: Geen president wat sy sout werd is, sal laat kom nie. Ek sal loop as hy skaars 15 minute laat is. Laatkommers beledig die mense wat onnodig moet…

ALLE vars produkte gaan vanaf 17 November aan dieselfde streng regulasies en vereistes moet voldoen waaraan aartappels al jare lank blootgestel is, met die doel om die hele bedryf te verbeter. Alle groenteboere gaan onder meer aan streng etiketteringsen graderingsvereistes moet voldoen om hul produkte te verkoop. Boonop sal hulle self daarvoor moet opdok. Dit volg op die Departement van Landbou, Bosbou en Visserye se aanstelling van die maatskappy Prokon as inspekteur van alle vars produkte wat plaaslik verbou, verpak en verkoop word. Volgens mnr. Billy Makhafola, die hoof van landbouproduktestandaarde by die Departement van Landbou, maak hierdie stap die speelveld gelyk. “Die goeie nuus is dat dit sonder twyfel waarde tot die varsproduktebedryf gaan toevoeg en dus vir boere ’n beter inkomste sal beteken.” GRADERING “Die Wet op Landbouprodukstandaarde…

DIE 5%-afname in indiensneming in die landbousektor vir die tweede kwartaal vanjaar is glad nie ’n verrassing nie, aangesien die bedryf ’n El Niño-klimaatsverskynsel ervaar het wat die droogte verlede jaar en vanjaar veroorsaak het. Só sê mnr. Wandile Sihlobo, hoof van ekonomiese en landbou-inligting by die landbousakekamer Agbiz. Volgens die jongste kwartaallikse arbeidsopname van Statistieke SA, het die land se werkloosheidskoers ’n minimale daling vanaf 26,7% in die eerste kwartaal tot 26,6% in die tweede kwartaal getoon. Die arbeidsmag staan tans op 15,5 miljoen wat ’n kwartaallikse afname van 1%, oftewel 129 000, werksgeleenthede toon. Die kwartaallikse werkerafname was hoofsaaklik aangespoor deur werksverliese van 127 000, oftewel 3,5%, in die dienstesektor, 44 000, oftewel 5%, in die landbousektor, 39 000, oftewel 4,4%, in die vervoerbedryf en 24 000, oftewel…

TEN spyte van trekkerverkope wat bly daal, bly handelaars optimisties genoeg om nie aan hul voorraad-aankope van onderdele te verander nie. Mnr. Wynn Dedwith, voorsitter van die Suid-Afrikaanse Landboumasjinerie-assosiasie, skryf in die jongste nuusbrief dat die trekkerverkope van 385 eenhede in Junie byna 25% laer is as die 512 eenhede wat verlede Junie verkoop is. Trekkerverkope is vir die jaar tot dusver byna 11% laer as verkope vir die vorige jaar, terwyl stroperverkope vir die jaar tot dusver ongeveer 12% laer as verkope vir die ooreenstemmende vorige tydperk is. Ramings in die bedryf volstaan dat trekkerverkope vanjaar laer sal wees as verlede jaar, dalk met tot 20%. Dalende trekker- en stroperverkope is ook nie vanjaar eiesoortig aan Suid-Afrika nie, soos die Amerikaanse Association of Equipment Manufacturers (AEM) se mid-jaarverslag aandui.…

MET sake wat net nie vlot vir Suid-Afrikaanse hoenderboere wil verloop nie, kry die pluimveebedryf nou boonop ook wind van voor uit Namibië. Altesaam ses Suid-Afrikaanse partye se aansoek teen invoerbeperkings in Namibië het misluk ná die Namibiese hooggeregshof in Junie bevind het die aansoek is te laat ingedien. Die Suid-Afrikaanse pluimveevereniging (SAPV), Astral Foods, Supreme Chicken, Sovereign Foods, Afgri Poultry en Rainbow Farms het ’n aansoek teen die streng invoerbeperkings wat in April 2013 opgestel is, teen Namibië se minister van handel en nywerheid, die regering, die pluimveebedryf en die vleisraad ingedien. “Voor die kwotas ingestel is, het ons meer as 2 000 ton hoendervleis per maand na Namibië uitgevoer,” verduidelik mnr. Kevin Lovell, die uitvoerende hoof van die SAPV. “Namibië het in daardie stadium nie ’n eie braaihoenderbedryf…

Internasionale graan- en oliesaadpryse het sedert middel Junie skerp gedaal vanweë baie gunstige weerstoestande en vooruitsigte in Amerika, wat nou in sy spitsproduksietyd is. Daarmee saam neig die rand steeds sterker, met die gevolg dat plaaslike graan- en oliesaadpryse ook binne ’n paar weke heelwat gedaal het. Baie markdeelnemers is onkant betrap, en kundiges meen die wêreldkommoditeitsmarkte en die geldmarkte gaan in ’n baie wisselvallige fase wees in die komende jaar of wat. Boerderye sal meer op prysrisikobestuur moet konsentreer, gegewe dat pryse en die wisselkoers amok maak. Vrugte-uitvoerders na Brittanje het in die afgelope weke ’n skerp daling in hul inkomste ervaar nadat die rand met bykans 25% teen die pond verstewig het. Dieselfde faktore geld graanboere, want ál Suid-Afrika se pryse is regstreeks gekoppel aan internasionale pryse en…

Ná agt jaar se navorsing oor die voordele en nadele van geenbewerking by katoen is ’n navorser van die Amerikaanse deelstaat Texas oortuig dat dit nie soseer net oor bewerkingspraktyke gaan nie, maar ook oor dekgewasse en wisselbou. Prof. Paul DeLaune, grondkundige van Texas se A&M-universiteit, sê hy het geenbewerking, strookbewerking en konvensionele bewerking vergelyk, asook ’n proef met katoen, opgevolg met ’n koring-aanplanting wat nie gestroop is nie. “Wat ons oor agt jaar gesien het, is dat ’n mens nie regtig die koolstofvlakke in die grond verander nie,” sê hy. “Maar ons behoort nie net na een ding op ’n slag te kyk nie. Hoewel die koolstofvlakke in die grond nie verander nie, het ons van die grond se fisieke eienskappe dramaties verander.” Paul verduidelik dat katoen nie veel…

LIGGING 1- Beaufort-Wes (Wes-Kaap), 2-Cradock(Oos-Kaap) 3-PortElizabeth (Oos-Kaap) KORTOM ■ Rooivleis- en wildboere ly jaarliks verliese van meer as R2 mijard weens roofdiere. ■ ’n Studie het bevind jag lei tot verhoogde teling van die rooijakkals. ■ Een van die beheermaatreëls is dat boere hulle op omheining moet toespits en veebestuur meer intensief moet toepas. Roofdiere, soos die rooijakkals en rooikat, kos Suid-Afrika jaarliks meer as R1,3 miljard weens veeverliese. Vir beesboere is dit meer as R380 miljoen. Wildboere lei ook groot skade weens die talle wildsbokke wat hulle jaarliks verloor. Altesaam beloop die regstreekse verliese meer as R2 miljard per jaar. Dít blyk uit omvattende opnames wat in die laaste dekade deur prof. HO de Waal en nagraadse kollegas van die departement vee-, wild- en weidingkunde aan die Universiteit van…

ANB Investments is een van die vernaamste verskaffers van sagtesitrus in SuidAfrika en sy belangrike uitvoermarkte. Dié maatskappy spits hom nie net op die produksie van sagtesitrus toe nie, maar ook op die hele waardeketting: Van die bestuur en besit van die intellektuele eiendomsregte vir kultivars, kwekerye, boerderye, verpakkingsaanlegte tot bemarking en handelsmerkbestuur. “Ons glo nie daaraan om die ketting af te dwing op mense nie, maar ons glo ons help om produsente ’n groot mededingende voordeel te gee. Hulle kan egter kies waar hulle betrokke wil raak,” verduidelik mnr. Marius du Plessis, uitvoerende hoof van ClemenGold, wat deel vorm van ANB Investments. ANB Investments se uitvoerende hoof, mnr. Abraham van Rooyen, het Du Roikwekery in 1989 gestig. Die Du Roilaboratorium het in 1994 daaruit gespruit, waarna Du Roi Multiplant…

DIEREGESONDHEID PIETER GRIMBEEK LONGONTSTEKING BY JONG VARKIES Ek het ’n probleem met my speenvarkies. Ons koop hulle op vier weke en dit gaan goed met hulle tot op ongeveer ses weke. Hulle slaap op fynerige saagsels. Die hokke word elke dag gewas vir kieme. Die hokke is warm en het rooi ligte. Hulle is pragtig vet en groei mooi, maar vrek dan skielik, sommer so een elke dag. Die simptome is oë wat ’n bietjie dik is, snotneusies en borsies wat raas, soos met ’n verkoue. Moet ons hulle inent wanneer hulle hier aankom? Daar is 20 varkies in ’n groep en die hokke is drie by vier meter. Hulle skuif elke week aan. Om ’n korrekte diagnose te maak, is dit belangrik dat ’n professionele lykskouing uitgevoer word. Dit…

PEET DU PLESSIS Mnr. Peet du Plessis bedryf saam met sy broer, Arno, die Middelposboerdery. Hulle woeker met ’n rits sagtevrugte, graan en beeste. Een van hul vertakkings is pere, wat hulle vir die uitvoer-, inmaak- en droogmark verbou. Peet vertel meer daarvan. Hoe lank boer jou familie al? Ek en Arno is die derde geslag op die plaas. My oupa Piet het in 1951 klein begin, waarna my pa, Toit, in die 1970’s oorgeneem het. Ek is al van 1999 af op die plaas. Ons verbou pere, perskes, nektariens, appelkose, pruime en pruimedante. Ons saai ook ’n bietjie koring en hawer en het rooi Angus-beeste. Ons het voorheen ook met skape geboer, maar dit vier jaar gelede weens veediefstal gestaak. Hoe diversifeer julle binne die peervertakking? Ons pak vars…

Groot dele van die Swartland beleef ’n baie moeilike boerderyjaar. Goeie reën ná die Paasnaweek en laat in April het boere hoop gegee vir ’n natter jaar as verlede jaar, dog ses droë, warm weke het gevolg. Boere sê die koring het baie ongelyk opgekom. Dit kom nou in die aar tussen Piketberg en Moorreesburg. Vir bloot ’n gemiddelde graanoes sal dit tot diep in Augustus en September goed moet reën. Middel Julie het mnr. Thys Grobbelaar van die plaas Koringkloof, Eendekuil, gesê nege boere in sy omgewing het toe nog min reën gekry. “Ons het 21,5 mm reën in April gehad. Die reën wat saak maak, was tot dusver 6,8 mm in Mei, 55,5 mm in Junie en 13 mm in Julie. Dis verskriklik min.” Hulle het vanjaar gesaai…

Koeigemak is ’n wye begrip wat vele moets en moenies insluit. Dit is ook nie net beperk tot intensiewe melkboerderye met koeihuise nie, hoewel die klem op koeigemak daar wel groot is. Koeie wat hoë vlakke van gemak ervaar, is goed versorg, rustig en toon min tekens van spanning. Hul melkproduksie-, melkgehalte- en reproduksievlakke is ook beter vergeleke met wanneer hulle onderwerp word aan hittestres, modderstres, geraas, hardhandige hantering en pyn weens beserings of siekte. Met Landbouweekblad se onlangse besoek aan die Limpopo-melkery buite Louis Trichardt het mnr. Joubert Fourie, direkteur van die melkery, klem gelê op die noodsaaklikheid van koeigemak. Die gewone norme en standaarde van genoeg kos en water van topgehalte, ’n gerieflike en skoon stal of kraal, min geraas en geen geweld teen koeie nie is vir…

DIE Nasionale Bemagtigingsfonds (NEF) gaan sy gewig agter die landbouverwerkingsektor ingooi om te help met die ontwikkeling van swart nyweraars. Dié agentskap van die Departement van Handel en Nywerheid het reeds die afgelope dekade R288 miljoen se lenings en ekwiteite aan 40 transaksies in die landbouverwerkingsektor toegestaan. Hoewel die NEF nie op die primêre landbou klem lê nie, kyk hy tog na geleenthede om die waarde van ander landbouverwerkingsbedrywe te ontsluit. Mnr. Eric Zwane, hoof van die landelike en gemeenskapsontwikkelingsfonds, sê R27 miljoen is in Berlin Beef, ’n voerkraal naby King William’s Town in die Oos-Kaap, belê. Die NEF het ’n aandeel van 25% namens die werkers en die opkomende boere beding. Die NEF het vanaf Augustus 2013 tot Julie 2014 altesame R8,5 miljoen bestee om die Dihoai-koöperasie in Welkom…

AARTAPPELPRYS NORMALISEER NADAT aartappels rekordhoë pryse in Maart en April behaal het, het dit in die herfs genormaliseer. Dit lyk asof dit nou die gewone neiging vir die winter volg. Die beste mediumaartappels (klas 1) het op 8 Maart R98,59 op Pretoria se varsproduktemark behaal. Sedert middel April het verkope begin toeneem nadat die uitwerking van die uiterste hitte en droogte iets van die verlede was. Pryse het intussen gedaal en sedert 25 April verhandel die beste mediumaartappels (klas 1) van R50R65 per 10 kg op Pretoria se mark. Op 6 Julie het die prys vir die eerste keer onder R50/10 kg gedaal toe 1,36 miljoen sakkies aangebied is. Verkope het sedertdien effens teruggesak, maar die nasionale gemiddelde prys (klas 1) was op 21 Julie steeds R49,16/10 kg. Volgens mnr.…

Wildpryse het die afgelope jaar redelik verlangsaam, sê mnr. Ernst Janovsky, hoof van Absa se landbousakeafdeling. “Veral dié van kleurvariante. Daar word verwag dat dié soort wild se pryse nog heelwat gaan daal.” Janovsly sê skaars wild, soos buffels, swartwitpense en bastergemsbokke, verhandel nog teen redelik goeie pryse, hoewel ’n mens ook daar’n afplatting sien. Boere kan teelmateriaal dus teen billike pryse koop, maar moet besin oor hoe hulle met hul wildboerderye vorentoe wil gaan. “As hulle vir lewende verkope wil teel, moet hulle aanvaar dat die prys oor die volgende jaar tot jaar en ’n half heelwat gaan daal. Vir diegene wat meer op jag wil klem lê, moet dit ’n voorrangsaak raak om kliënte te kry en hulle Suid Afrika toe te laat kom.” Vir albei opsies is…

AUGUSTUS BREDASDORP 20-21, Megapark-binnenshuise plesier, Ryperdskou. Mariska Marais, sel 072 535 8158. E-pos: megaeques traincentre@gmail.com. PRETORIA 24-28, Jakarandaskou. Pretoria. Beeste: Pinzgauer, PinZ2yl, Dexter, Simmentaler, Brahman, Afrikaner, Limousin, Braunvieh; perde: Arabier, Walliese Ponie, Miniatuurperd, Nooitgedachter, Fries, Appaloosa; pluimvee, sierduif; konyn, haas; Boerboel. Hester Ingamells, sel 082 691 3019, tel. 012 327 0371. SEPTEMBER MIDDELBURG 2-4, Hartland-landbouskou. Pienaardam, Middelburg. Karkaskompetisie, bulveiling, beesskou, perdespring en meer. Catrien, sel 079 882 5207. E-pos: accom3 @pienaardamresort.co.za. PARYS 17-26, Alfa-week (beeste) Brahman. Afridome-skouterrein, Parys. Caroll-Ann Mienie, sel 079 477 4416. Web: www.afridome.co.za. TULBAGH 28 September-1 Oktober, Fries-en Saalperd-streekskou; Walliese Ponie Africa Golden Cup. Elsa Rix, sel 023 230 0189. E-pos: tulbagh skou@telkomsa.net. UNIONDALE 30 September-1 Oktober, Uniondale (OP-Saalperd), Boerperd-klubskou, provinsiale budjieskou. P. Stemmet (voorsitter), tel. 044 752 1047. BREDASDORP 30 September-1 Oktober, Tip of Africa-uithourit, Megapark,…

Een van die uitdagings van ’n ekstensiewe stelsel is om die hoeveelheid beskikbare grond optimaal te bestuur. By Doornkloof Afrikaners word beeste geteel wat dié toets met gemak slaag. Christo en Kobus Snyman van die plaas Doornkloof by Bos-hof in die Vrystaat bedryf die Afrikanerstoetery Doornkloof. Hulle gebruik slegs rasegte Afrikaners uit verskillende, bewese teellyne in hul teelprogram. Die stoetery is sedert 2012 ’n betroubare verskaffer van topteelmateriaal aan Afrikanerstoeterye en kommersiële boere landwyd. Genetiese verbetering is een van die kostedoeltreffendste maniere om produktiwiteit te verhoog. Doornkloof Afrikaners streef daarna om ’n mediumraamdier te teel wat aangepas is vir Suid-Afrika en sy veldtoestande, wat funksioneel en vrugbaar is, met baie melk en goeie natuurlike bespiering. Navorsing oor die Afrikanerbeesras gedurende die afgelope 25 jaar dui op genetiese verbetering en dat…

39% Die aantal kalwers in melkkuddes in Ierland wat deur KI-vleisbulle verwek word, het in 2015 met 39% toegeneem. Weens die laer melkpryse en swakker inkomste in Brittanje is melkboere besig om hul opsies met plaasdiere te verbreed, aangesien vleiskalwers teen beter pryse as melkkalwers verkoop. Die gewildste bulle wat gebruik word, is Herefords en Aberdeen Angus. — agriland.ie R12,5 mjd. Volgens die Suid-Afrikaanse Inkomstediens het Suid-Afrika ’n handelsoorskot van R12,5 miljard in Junie behaal. Danksy die swak rand het Suid-Afrikaanse uitvoer sedert Januarie met 11% toegeneem. Suid-Afrika kon nou vir die tweede maand in ’n ry ’n positiewe handelsbalans handhaaf. Die oorskot is egter laer as die R18,4 miljard wat in Mei aangeteken is. — BLOOMBERG 1 uit5 Ongeveer een uit elke vyf klein besighede in Noordwes en dele…

‘Dit sal sinneloos wees om kleinboere met wet dood te druk.’ Mnr. Billy Makhafolo van die Departement van Landbou, oor ingrypende nuwe inspeksies van vars produkte wat ingestel word. Bl. 14 ‘Ek het 59% van my plaas opgegee om weg te kom van daai wildebeeste, want elke dier sou gevrek het.” Mnr. Piet Wolmarans, top-Simmentalerteler wat 94 diere aan snotsiekte verloor het. Bl. 15 ‘Ons mag probleme hê, maar ons is ’n grondwetlike demokrasie wat die toets van die tyd deurstaan het.’ Mnr. Nhlanhla Nene, voormalige Minister van Finansies. Bl. 18 ‘Ons haal asem.’ Mnr. Thys Grobbelaar van Eendekuil ná die onlangse goeie reëns in die Swartland. Bl. 22 ‘Daar waar die meeste heuning geskep word, kan jy die meeste bye verwag.’ Dr. Edwin Hertzog, bl. 20…

DIE Oesskattingskomitee van die Departement van Landbou, Bosbou en Visserye het Suid-Afrika se verwagte kommersiële mielie-oes op 7,262 miljoen ton gestel. Dit is 1,41% of 101 000 ton meer as die vorige skatting van 7,161 miljoen ton. Volgens die komitee se sewende produksieskatting is die oppervlakte onder mielies op 1,947 miljoen ha onveranderd gelaat, terwyl die verwagte opbrengs 3,73 t/ha is. Die produksieskatting van wit mielies is onveranderd gelaat op 3,097 miljoen ton, met ’n verwagte opbrengs van 3,05 t/ha. Vir geel mielies is die produksieskatting 4,165 miljoen ton, wat 2,49% of 101 000 ton meer is as die 4,064 miljoen ton van die vorige skatting. Die opbrengs van geel mielies is 4,47 t/ha. Sonneblomme se produksieskatting is onveranderd gelaat op 742 750 ton (oppervlakteskatting: 718 500 ha en verwagte…

ONDERSTEPOORT Biologiese Produkte (OBP) is reg vir die komende veeproduksietyd, sê mnr. Kenneth Malahlela, nasionale verkoopsbestuurder. Hy meen OBP het genoeg virale entstowwe vervaardig om in die komende seisoen te voorsien. OBP het boere verlede jaar met die hande in die hare gelaat nadat die maatskappy gesukkel het om entstowwe te voorsien. Dit was veral sekere entstowwe, soos dié vir driedaestywesiekte (B.Phemeral) en bloutong, wat nie geredelik beskikbaar was nie. Malahlela sê die voorsieningsprobleme is nou opgelos en OBP het die nodige entstowwe om aan kliënte te lewer. Hy meen die vraag na entstowwe sal styg met die lente en somer op hande, maar OBP staan reg. Van die belangrikste entstowwe wat beskikbaar is, sluit in dié vir bloutong (volle eenhede van A,B en C), slenkdalkoors se dooie en ongeaktiveerde…

DUISENDE regulasies van die Europese Unie wat ’n koste-implikasie vir Britse ondernemings inhou, is moontlik een van die belangrikste redes waarom die Britte tydens die Brexit-referendum gestem het om van die Europese Unie (EU) af weg te breek. Dr. Roelof Botha, raadgewende ekonoom vir PricewaterhouseCoopers, het op Agri Wes-Kaap se kongres op Goudini gesê as hy in die referendum moes stem op grond van die navorsing wat hy die afgelope tyd gedoen het, sou hy waarskynlik ook saam met die 52% Britte gestem het om die EU te verlaat. “Brussel (die de facto hoofstad van die EU) is absoluut regulasie-befoeterd. Brussel het die afgelope vier jaar sowat 3 500 regulasies deurgevoer wat ’n koste-invloed op ondernemings in Brittanje het.” Botha noem dit nou nie meer Brexit nie, maar deregulering. Hy…

1 ZAMBIË | Voorste boere byeen Twintig leierboere van nege belangrike landboulande het onlangs Zambië se landbou-potensiaal van nader bekyk as deel van Rabobank se Global Farmers Master Class. Die leierboere kom uit Amerika, Ierland, Brasilië, Kenia, Mosambiek, Chili, Nederland, Australië en Nieu-Seeland. “Daar is ongetwyfeld reusepotensiaal vir Zambië se landbou, maar daar is ingewikkelde kwessies wat hierdie boere moet hanteer,” sê me. Jane Nugent-O’Leary, ’n deelnemende melkboer van Nieu-Seeland. Die doel van die byeenkoms is om die wêreld se voorste boere byeen te bring om wêreldwye voedselsekerheid aan te spreek. 2 AFRIKA | Vee-beleid kom Die Gemeenskapsmark vir Oos- en Suider-Afrika (Comesa), Afrika se grootste handelsblok, het ’n vee-ontwikkelingsbeleid vir sy 19 lidlande voorgestel. Die beleid sal met die samewerking van die Verenigde Nasies se Voedsel en Landbou-organisasie en…

KALIUM word wêreldwyd die meeste (ongeveer 90%) in kunsmisprodukte gebruik en slegs 10% word vir veevoervervaardiging gebruik. Kaliumprodukte is tot ongeveer 12 lande beperk teenoor omtrent 40 lande wat fosfaathulpbronne het en 60 lande wat stikstof kan verskaf. Die markplek vir kalium is uniek en ’n interessante storie om te volg. Die tradisionele verskafferlande sluit Kanada, Rusland en Belarus in. Dié drie lande het die grootste kaliumreserwes. Die konsentrasie van kaliumverskaffing deur hierdie paar lande word vererger omdat die ontginning van kalium duurder is as dié van fosfaat en die vervaardiging van stikstof. Die meeste kaliumkunsmis is nie ’n saamgestelde kunsmis nie. Dit bevat meesal net kalium. Die voorsieningsketting vir kaliumkunsmis is dus meer geïntegreerd as dié van fosfaaten stikstofkunsmis. Kaliumkunsmis word dus meestal naby die bron klaar vervaardig. ’n…

jnorval@landbou.com PLAASINLIGTING LIGGING: Lindley, Vrystaat NAAM:Tygerkloof GROOTTE:252ha EIENAARSKAP:Eiebesit VERTAKKINGS:Dievoervanspeenvarkeinsiklusse van2000;130halanderyeenweiding GRONDTIPE:Sandleem VELDTIPE:Gemengdesuurveld GEMIDDELDEREËNVAL: 400-650 mmperjaar KORTOM ■ ’n Varkboer wat eers in die hotelbedryf gewerk het, is binne ’n dekade sonder staatshulp een van die grootste varkboere in Suid-Afrika. ■ Mnr. Eric Ntlaba steun swaar op mentors en kenners. Hy het ook van nature ’n skerp sakesin. ■ Uitbreidingsplanne sluit in die ontwikkeling van mielielanderye, die vestiging van ’n spesiale speenvarkeenheid en ’n afval-verwerkingsaanleg. Sy goeie aanvoeling vir die mark het daartoe gelei dat ’n deeltydse boer wat aanvanklik die afvalkos kon benut van die hotel waar hy gewerk het, kon vorder tot een van Suid-Afrika se grootste verskaffers van slagvarke. Mnr. Eric Ntlaba (34) van die plaas Tygerkloof naby Lindley maak tot 2 000 speenvarke op ’n slag groot.…

LIGGING Pietermaritzburg, Kwazulu-Natal SWART AUSTRALORP VENDA DONKER BRAHMA NATALSE VEGHOENDER ‘Dit is ’n duur stokperdjie en met voerkoste wat die hoogte in skiet, hou telers al hoe minder, maar beter gehalte voëls aan.’ – Tim Nixon INDIESE VEGHOENDER ‘Ons het ’n toename in die gehalte van voëls duidelik gesien.’ – Tim Nixon OU ENGELSE VEGHOENDER…

hoekom het so baie plaasname in Suid-Afrika geen storie nie? Was die lewe dan so oninteressant of bloot ’n gestoei om oorlewing? Ons sal nie weet nie, want ons was nie in die destydse boere se skoene nie – ’n tyd waarin mense na forte moes vlug en ’n tyd waarin broer teen broer baklei het en die woord joiner uitgespoeg is soos ’n vlieg wat per ongeluk in jou mond beland het. Landmeters het destyds hul hande vol gehad met die opmetings van nuwe plase, en oorsese landmeters het kom help. As ’n boer nie met ’n naam vorendag kon kom nie, het die landmeter sommer om hom gekyk en ’n toepaslike, maar verbeeldingslose naam neergepen. Dit verklaar die volksvreemde plaasname, soos The Monstry, Belmont, The Priory, Belvue, Templemore,…

DISSIPLINE EN MOTIVERING DS. KOBUS VAN DER WESTHUYZEN Wie op ’n suksespad wil loop, moet ’n paar goed in gedagte hou. Dié gedagtes kan nie in die lug bly hang nie, maar moet vorm aanneem in spesifieke dade. Twee van dié goed is dissipline en motivering. Albei is mooi gedagtes, maar nóg mooier wanneer dit gestalte kry in ’n daadwerklike leefstyl. Gedissiplineerdheid is daardie eienskap wat ’n mens motiveer om – dikwels teen wil en dank – te doen wat jy glo reg is. Jy vra nie of dit vir jou lekker is en of jy daarvan hou nie. Jy weet immers dit is die regte ding om te doen. As die wekker vroegoggend met skril klanke jou rus verstoor, gehoorsaam jy die reëls van die roetine, want jy weet…

Die Wes-Kaapse departement van landbou staan aan die voorpunt van uitgebreide navorsing in die Swartland. Dié navorsing lê hoofsaaklik klem op die graanstelsels in dié streek en behels alle bewaringslandboupraktyke. Die resultate van jare lange navorsing word as stukkies van ’n belangrike legkaart gesien wat eindelik ’n beter prentjie skets van wat volhoubare graanstelsels in die Swartland behels, sê me. Annelene Swanepoel, wetenskaplike bestuurder by die departement se direktoraat plantwetenskappe. WISSELBOUPROEWE Op Langgewens, die navorsingsplaas van die Wes-Kaapse departement van landbou by Moorreesburg, bestuur dr. Johan Labuschagne, ’n senior navorser, twee langtermynproewe met verskillende bewerkings in wis selboustelsels. Met die proewe is in 1976 en 2007 begin. Die 1976-proef vergelyk verskillende bewerkings in ’n stelsel waarin koring opgevolg word met kanola, koring en ’n dekgewas. Die 2007-proef bestudeer die invloed…

Elke versie is ’n aanwins vir jou melkkudde en verdien die beste moontlike sorg. Landbouweekblad het op ’n besoek aan Duitsland met me. Sibylle Möcklinghoff-Wicke gesels oor kalfsorg in daardie eerste paar weke van die kalf se lewe. Sibylle is ’n landboukundige en lei die melkinnovasiespan naby Frankfurt in Hesse. Dié span beywer hom vir ’n moderne melkbedryf en is deel van die Milch Hessen-vereniging. “In Duitsland het ons dikwels ’n vreemde kombinasie van ultramoderne tegnologie en verouderde tegnieke of idees oor melkkuddebestuur wat op een plaas voorkom,” sê sy. “Al is daar outomate wat boerdery makliker kan maak, is ’n betroubare, deeglike werknemer wat lief is vir jou diere, steeds onvervangbaar. Met ’n kalfgrootmaakprosedure lê ons klem op die basiese beginsels saam met moderne kennis. “Ons besoek plase gereeld…

BYE is ’n nasionale bate. As dit nie beskerm word nie, kan dit ’n dramatiese invloed op voedselsekerheid in die land en op die vasteland hê, sê mnr. Mike Miles, voorsitter van die SuidAfrikaanse Byebedryfsorganisasie (Sabio). Hy het op die 14de byekonferensie (Beecon) op Oudtshoorn gepraat. Van die temas op die konferensie was probleme met betrekking tot geskikte natuurlike voeding vir heuningbye en die groeiende behoeftes van die bestuiwingsbedryf. Een van die belangrikste uitvloeisels van die BeeCon was die totstandkoming van ’n bestuiwingsforum. “Die nuwe forum is geskep om die kommunikasiegaping tussen byeboere en ander boere te oorbrug,” sê mnr. Dirk Uys van Bayer (wat Beecon geborg het). “Die doel van die forum is om aandag te gee aan die bestuiwingsbehoeftes van die byeboere, boere en produksieverskaffers.” Uys en Miles…

Indiétydis704ooreenkomstein44distrikte gesluit.Dithet304799ha behelswatteenR3,221 miljardverkoopis. Indiétydis704ooreenkomstein44distrikte gesluit.Dithet304799ha behelswatteenR3,221 miljardverkoopis. Daarvanwas73transaksiesvankleur– 10%van dietotaal.Transaksiesvan kleurisdiétussenmense watniewitisnie,regeringsaankopeengrondwatvir munisipalegebiedebekom is.Indiéprosesis24956ha (8,2%vandietotaal)teen R360miljoen(11,2%van diewaarde)verhandel. Uitdietotaalwas56 transaksies(8%)virgrond vanminderas50hamet 50%virgrondvan300ha enmeer.Altesame19 distriktetoon‘ndalende prysneiging.Opmerklikuit dieinligtingisdatgrondpryseoosvanBloemfontein oorwegendlaeris. Dieinvloedvandiedroogteopgrondpryseindieprovinsiesalwaarskynlikeers teendietweedehelftevan diejaarindieprysneigings weerspieëlword. Statistieke vir ál die provinsies is op Landbou.com beskikbaar, asook meer besonderhede, soos wie die transaksies aangegaan het. Klik op Plaasverkope.…

DORPERS VEILINGSOMSET DAAL DIE DROOGTE en ongunstige landboutoestande het onder meer meegebring dat minder Dorpers in 2015-’16 onder die beskerming van die Dorperskaaptelersgenootskap van Suid-Afrika op veilings verkoop is. Sowat 4 415 Dorpers is op amptelike veilings aangebied en 3 833 is verkoop. Dit beteken ’n verkoopsyfer van 77% teenoor die vorige jaar se 88%. Die omset van alle veilings die afgelope jaar was sowat R23,6 miljoen teenoor die vorige jaar se sowat R30,6 miljoen – ’n daling van 23%. Mnr. Dries Wiese, voorsitter van die genootskap, sê die dalende neiging in die omset van amptelike veilings is ook in die geval van private en klubveilings weerspieël. Die genootskap se ledetal staan tans op 438 teenoor die vorige jaar se 483. Die genootskap se ledetal het die afgelope twee jaar…

MIENTJIE, MP, SKRYF: Manie, ek is ’n vriendelike vrou, plat op die aarde, wat die Here opnuut gevind het. Ek verlang ’n vriend wat ook die Here ken en wat meer as ’n vriendin soek. Ek is lief vir flieks, stap, mooi sonsopkomste en om na die sterre in die donker te kyk. Ek is ’n diereliefhebber en hou ook van die buitelewe. Ek is 28, onderwyseres, was nog nooit getroud nie, 1,62 m, het bruin oë en bruin hare. Ek verlang iemand wat hardwerkend is, met ’n goeie hart. PLATTELANDSE OU, MP: Hy is 69, pensioentrekker, wewenaar, 1,7 m, 63 kg, het blou oë en grys hare. Hou van braaivleis en lekker kuier en luister graag na country-musiek. Verlang vroue wat nie rook nie, 60 tot 68. BOERSEUN, VS:…

AANHOUER WEN Twee in ’n ry, en van die beste rugby wat enige Suid-Afrikaanse span in die laaste 20 jaar kon oplewer. Maar kan die Leeus die knoop in Wellington deurhak? Teen die tyd wat u dié rubriek lees, sal ons weet. Vir ons saaiboere lyk dit ook al hoe meer of dit twee in ’n ry gaan wees, maar in die teenoorgestelde rigting as vir die Leeus. Eers was dit die vernietigende droogte, en nou lyk dit al hoe meer of die reuse- Amerikaanse mielie- en sojaboonoes pryse in die komende produksiejaar erg kan knou. En dít ondanks beter weervooruitsigte vir die komende planttyd, wat baie gehoop het sou help om verlede jaar se erge produksie-agterstand gedeeltelik uit te wis. Die wêreldvoorraadvlak van koring bly ook groei en pryse…

MNR. GEORGE VILJOEN van die plaas Prairie by Stutterheim het eiehandig ’n vuurvegter gebou en meer as R30 000 daarmee bespaar. Dié praktiese boer het ook ’n waterkar en kalfdrukgang geprakseer. Lees die artikel op bl. 56. VERTEL ONS VAN JOU GESIN. Ek is met Christa getroud en ons het twee seuns. Jaco (21) is ’n trekkertegnikus en Hannes (19) ’n student in wildbestuur aan die Nelson Mandela Metropolitaanse Universiteit. WAT DOEN JY VIR ONTSPANNING? Ek hou van motorfiets ry. Ek en ’n groep vriende neem deel aan vyfdag-avontuurritte regoor Suid-Afrika. WATTER RUGBYSPAN ONDERSTEUN JY? Die Stormers, deur en deur. WAT IS DIE JONGSTE BOEK WAT JY GELEES HET? Judasbok van Wynand du Toit.…

MNR. Piet Wolmarans van Swartruggens het in die laaste twee maande nóg 40 diere van sy bekende stoetery, Kwantum Simmentalers, weens snotsiekte verloor. Landbouweekblad het vroeër vanjaar berig oor die kwaai verliese onder sy kudde (“Oorlog oor snotsiekte, LBW, 27 Mei). Die siekte is, soos met die vorige vrektes, deur laboratoriumtoetse op bloed- en weefselmonsters van elkeen van die beeste bevestig, sê prof. Moritz van Vuuren van die departement tropiese veterinêre siektes by die Universiteit van Pretoria se fakulteit veeartsenykunde. Altesaam 94 van Wolmarans se stoet-Simmentalers het weens snotsiekte gevrek sedert die eerste een van sy bure in 2006 blouwildebeeste op ’n buurplaas kom aflaai het. Een van die laaste koeie wat gevrek het, was Kwantum Meisie, die koei met die beste teelwaardes van alle Simmentalerkoeie in die land. Die…

DIE verhale van kommersiële boere wat nuwe toetreders in die landbou help, gee hom moed, sê mnr. Nhlanhla Nene, voormalige Minister van Finansies. Nene, wat self ook deeltyds boer, het in Midrand op die jaarlikse FarmBiz-konferensie oor agribesigheid in Afrika gesê hoewel Suid-Afrika nog nie veel gevorder het met die landboudoelwitte in die Nasionale Ontwikkelingsplan (NOP) nie, bemoedig sulke verhale hom. Sedert Nene in Desember verlede jaar deur pres. Jacob Zuma as minister ontslaan is, is ’n raadgewer vir Thebe Investment Corporation en nie-uitvoerende direkteur van die beleggingsmaatskappy Allan Gray. Vir Thebe, wat reeds sedert 1992 bestaan, kyk hy onder meer na beleggingsgeleenthede in voedselverwerking – vanaf die plaashek tot by markte. Hy het gesê Thebe ondersoek hoe nuwe markte vir onderbenutte gewasse ontgin kan word en hoe landelike ontwikkeling…

FINANSIERING vir nuwe toetreders tot die landboubedryf moet ’n groot voorrangsaak vir die georganiseerde landbou wees, meen dr. Edwin Hertzog, een van Suid-Afrika se bekendste sakeleiers. “Ek dink die landbou is werklik belangrik vir die opheffing van gemeenskappe en werkskepping in Suid-Afrika. Om ’n boerdery of ’n onderneming te begin, het jy kapitaal nodig, maar ons almal weet die wêreld staan op sy kop wat dit betref. Wanneer jy geld die nodigste het en wanneer die grootste probleme en risiko’s jou in die gesig staar, wil niemand vir jou geld leen nie. Maar as jy eendag suksesvol is, dan val almal oor hul voete om vir jou geld te leen,” het Hertzog, die stigter en nie-uitvoerende voorsitter van MediClinic Internasionaal en eienaar van ’n melkplaas in die Suid-Kaap, op Agri…

Ons het in Halali in die Etosha Nasionale Park in Nambië ’n wonderlike voorreg gehad. Drie jong leeus het ’n koedoe-koei teen die kamp se heining vasgedruk en gevang. Ons kon toe rustig deur die ogiesdraad staan en foto’s neem van hoe dié leeus die karkas verslind. Selfs toe die mense te veel raak, het hulle net die karkas sowat twee meter verder gesleep. Die gekraak van bene en die gegrom terwyl hulle hulself knuppeldik vreet, sal my lank bybly. Hierdie prentjie het my aan die dink gesit. ’n Klomp toeriste kon twee meter van drie leeus staan wat pas bewys het hoe kragtig hulle is. Al wat ons by ons gehad het, was kameras as ’n wapen en ogiesdraad as beskerming. Die ogiesdraad is jare gelede al opgerig en…

Jare lank al bestee mense geld en energie om van insekte ontslae te raak, maar eintlik is dié goggas ’n waardevolle voedselbron. Navorsing deur dr. Elsje Pieterse van die departement veekundige wetenskappe aan die Universiteit Stellenbosch wys dat verskeie insekte ’n waardevolle voedingsbron vir mense, diere, pluimvee en vis kan wees. “Insekte het nie net waarde vir die pluimveebedryf nie. Die produktiwiteit van ’n insekproduksie-eenheid is byna 20 000 keer hoër as dié van ’n sojaland. Insekte verwyder afval en voorkom die besmetting van grondwater deur voedingstowwe en patogene organismes. Dit duur net 3 dae tot 18 dae vir insekte om afval te verwyder,” sê sy. “Dis kostedoeltreffend en lewer ’n volhoubare, hoëwaardeproduk, sonder nadele en risiko’s wat ons tot dusver kon agterkom.” Sy sê ook insekte is hoogs smaaklik…

In ’n ontwikkelende land soos Suid-Afrika vra ons onsself tereg af of ons vleis moet produseer as ’n kommoditeit – ’n goedkoop proteïenbron vir die menigte – of liewer die produk wyer moet bemark. ’n Amerikaanse meestersgraadverhandeling met die titel “Should Beef Quality Grade be a Priority?” toon ondubbelsinnig dat die stappe om die gehalte van beesvleis te verbeter tans die dryfkrag vir Amerika se beesvleisbedryf is. Die sleutel is om beesvleispryse hoog te hou. Die Kanadese en Australiese bedryf het tot dieselfde gevolgtrekking gekom, naamlik dat ’n gehalteproduk en hoë pryse onlosmaaklik verbonde is. Geld dit ook vir Suid-Afrika? Plaaslik het ons ’n ekonomie wat min of glad nie groei nie en verbruikers wat onder druk is. Boonop leef ’n aansienlike persentasie van die bevolking net bo die armoedsgrens.…

MIELIES VINNIGE GEEL BASTER VIR OOSTELIKE STREKE PAN 4A-172, Pannar se nuwe, vinnige geel mieliebaster bied ’n uitstekende keuse vir boere in die oostelike produksiestreke, waaronder KwaZulu-Natal. PAN 4A-172 het in die afgelope twee jaar die beste gepresteer in Pannar se finale evaluasieproef van basters. Die baster bied goeie agronomiese balans en is by uitstek ’n enkelkoppige baster. Koppe word laag gedra en die staanvermoë van die plante is goed. In gebiede waar noordelike blaarskroei ondervind word, word ’n swamdoderspuitprogram aanbeveel. Hoewel die gemiddelde grootte van mieliekoppe merkbaar kleiner is met digter plantestande, was die opbrengs hoër (sien TABEL). Prys: Op aanvraag. Prys op aanvraag NAVRAE: Pannar, tel. 033 413 9500, webwerf: www.pannar.com. AFSKRIKMIDDEL LAAT BOEWE LES OPSÊ Hierdie afstandbeheerde outomatiese rubberkoeëlgeweer kan ’n goeie manier wees om onwelkome besoekers…

Eiervrug-en-groenboonslaai Ek het onlangs hierdie slaai vir ’n partytjie gemaak waar lam op die spit die hoofgereg was. Jy het nie veel meer as dit nodig as bykos by geroosterde lamsvleis of hoender nie. Die slaai is vullend, proteïenryk en ’n simfonie van teksture en geure. Sit dit teen kamertemperatuur voor. ■ 4 middelslag-eiervrugte, in dun skywe gesny ■ Fyn sout en olyfolie om oor te sprinkel ■ Vars gemaalde swartpeper ■ 15 ml fyn komyn ■ 250 g groenbone, puntjies afgesny ■ 4 groot hande vol botterslaai ■ 100 g roket ■ 2 ryp avokado’s, geskil en in wiggies gesny ■ 2 wiele fetakaas, grof gekrummel Slaaisous ■ 45 ml vars uitgedrukte suurlemoensap ■ 45 ml olyfolie ■ 3 ml aangemaakte mosterd ■ Groot knippie suiker Saadsprinkel ■ 10…

DIE toekoms van bestuiwende insekte is gesetel in die robuuste teelenjin van “wilde” of trekswermheuningbye, meen mnr. Dave Pepler, bekende ekoloog. Hy het op Beecon, die jaarlikse konferensie van die SA Byebedryfsorganisasie (Sabio), op Oudtshoorn gesê gebiede behoort opsygesit te word waar bestuiwende insekte vryelik kan aanteel. “Wilde bye is by die omgewing en klimaat aangepas en kan tot ’n gesonde genepoel bydra.” Pepler en prof. Robin Crewe van die Universiteit van Pretoria is dit eens dat die oes van trekswermbye, naas swermverdeling, bestuur moet word. Crewe het voorgestel dat ál nege biome in die land ondersoek moet word om die getalle en gesondheid van wildebybevolkings vas te stel. Probleme met betrekking tot die voortbestaan van heuningbye is ook op Beecon bespreek. KOS VIR BYE ’n Tekort aan natuurlike kos…

LIGGING Goudini,Wes-Kaap…

DAAR was vanjaar ’n aansienlike styging in Suid-Afrikaanse granaatproduksie, danksy jong boorde wat in drag gekom het. Volgens mnr. Dappies Smit, bestuurder van Droëvrugte Tegniese Dienste, het produksie vanjaar met 18%gestyg. Daar word verwag dat granaatlewering binne die volgende vyf jaar sal verdubbel, met nuwe boorde wat veral in die Wes-Kaap aangeplant sal word. “Granate bied ’n goeie alternatief vir kernen steenvrugte ten opsigte van risikoverspreiding en opbrengs op beleggings. Boonop gebruik dit dieselfde infrastruktuur.” Suid-Afrika se oes word hoofsaaklik vir oorsese markte geoormerk, met 50% van granate wat vir vars verkope na die Europese Unie, Brittanje en die Midde-Ooste uitgevoer word. Ongeveer 35%van die oes word verwerk, waarvan die grootste deel uitgevoer word en ’n baie klein deel vir die plaaslike mark bemark word. Smit sê egter daar is…

GAUTENG DERDEPOORT WELGEVONDEN (28) 317 ha, aan Ocla Familie-trust, van J C L R-trust, R3 681 098. NIGEL KLIPPOORTJE (112) 48 ha, aan Rand Leases Prop (Edms.) Bpk., van Rand Leases Prop (Edms.) Bpk., R12 500 000. GROOTPAN (591) 293 ha en VOGELSTRUISFONTEIN (593) 771 ha, aan Breco Farms, van Anthony Lawrence-trust, R16 719 120. SALTPETERKRANZ (351) 37 ha, aan ha D Groups Transport & Plant Hire (Edms.) Bpk., van J.J. Venter, R1 100 000. KWAZULU-NATAL BALLITO KENNA (15403) 199 ha, aan Nodunga Communal Property Association, van F.G. Msane en M.B. Msane, R4 765 000. HELPMEKAAR FREESTONE (7289) 57 ha; FREIBURG (4985) 86 ha; FREIBURG (4985) 124 ha; KLIP RIVER NATIVE LOCATION (4665) 776 ha en TARKA (7641) 49 ha, aan Masibumbane-gemeenskapstrust, van E.K.H. Muller, R581 008. LADYSMITH BLUE BANK…

KONGRESSE 24 AUGUSTUS: Israeli Agriseminaar. Umhlanga. Voorafbespreking noodsaaklik. Charmaine Hirshowitz. E-pos: Charmaine. Hirshowitz@israeltrade.gov.il. 30-31 AUGUSTUS: Agri Limpopo-kongres: Gala-aand, jongboer-wenner, algemene jaarvergadering, damesprogram. Weesgerus-vakansieoord. E-pos: admin@agrilimpopo.co.za. 7 SEPTEMBER: TLUSA, algemene jaarkongres.Tema:Kommersiële landbou–diesleuteltotstabiliteit. WNNR-konferensiesentrum,Pretoria. LynneKaiser,tel.0128048031. E-pos:media@tlu.co.za KURSUSSE 12 AUGUSTUS: Stoetteling. Kroonstad. Peter Milton, sel 083 630 8868. 15 AUGUSTUS: Hittewaarneming, kunsmatige inseminasie, dragtigheidsondersoek. Kroonstad. Peter Milton, sel 083 630 8868. 16–19 AUGUSTUS: Inleidende kursus in vleisbeesbestuur. LNR, Irene. Annetjie Loubser, tel. 012 672 9153. E-pos: aloubser@arc.agric.za. 22–24 AUG: Kunsmatige inseminasie, beeste. Krugersdorp. Di Rothman, sel 082 772 1208. Web: www.rltsafrica.com. 25 AUGUSTUS: Ooi/lam. Oos-Londen. Peter Milton, sel 083 630 8868. 26 AUGUSTUS: Lees en vertolk bulkatologus. Oos-Londen. Peter Milton, Sel 083 630 8868 5-8 SEPTEMBER: Dorperkursus. TheVale,Beaufort-Wes. Bespreekteen15Augustus.Riaan leRoux,sel0603838866,083 5037839.E-pos:kranskop@hantamco.za. 5–9 SEPTEMBER: Inleidende kursus in kleinveebestuur. LNR, Irene. Annetjie Loubser, tel. 012…

PROGRAM Woensdag 24 Augustus Beoordeling van haltermak diere; inligtingstoere vir telers, opkomende boere en belangstellendes; ossewaritte en sweepklapkompetisie. Donderdag 25 Augustus LNR-Afrikanerbeessimposium met sprekers van Amerika en Brasilië; inligtingstoere en ossewaritte; glansdinee en oorhandiging van eerbewyse. Vrydag 26 Augustus 09:00-11:00: Besigtiging van beeste; LNR-kuddeeerbewyse. 11:00-13:00: LNR se fase C-bulkompetisie; 14:00: Nasionale veiling. Saterdag 27 Augustus Ossewaritte; sweepklapkompetisie; besigtiging van beeste en uitstallings; ontruiming van vleisbeeste. NAVRAE: Afrikanerbeestelersgenootskap, me. Lauren Tissier, tel. 051 447 7405; dr. Pieter de Kock, voorsitter van die genootskap, sel 082 809 7496; webwerf: www.afrikanerbees.com; e-pos: info@afrikanerbees.com. Die tema “Afrikanerwêreld: uit Afrika vir Afrika” is gekies vir ’n ekspo van 24 tot 27 Augustus as deel van die Jakarandaskou in Pretoria. Dit is die eerste keer in die geskiedenis van die Afrikanerbeestelersgenootskap dat só ’n ekspo gehou…