Innehållsförteckning för 17-May-19 från Landbouweekblad

DIE MOOISTE ROOIE ZEC 17-0010 Match, ’n rooi Angus, is vanjaar die topbul in die Elite-bulgroeitoetsklas in die Elite-beeskompetisie van Vleissentraal en SA Stamboek. Die bul behoort aan dr. Enslin Coetzee en sy skoonseun mnr. Issie Liebenberg van die ZEC-Angusstoetery by Bothaville. Van links is mnre. Anton Vos (uitvoerende hoof van Vleissentraal), Freddie Wasserfall en dr. Japie van der Westhuizen (albei van Stamboek), en mnre. Issie Liebenberg en Izak Koba (albei van die ZEC-Angusstoetery). Die naaswenner is die Limousin XRL 16-103 Normandy van mnr. Derick le Roux (Xourel-Limousins, Lichtenburg). In die derde plek is die Sussex NJB 17-0034 van mnr. Nico Bouwer van die Witkwas-Sussexstoetery naby Vryburg. WAG ’N BIETJIE Die afhandeling van stappe wat nodig is vir die beoogde transaksie waardeur die internasionale konsortium Milco Clover wil koop, duur…

AL is vyf jaar verby sedert sowat 50 varke en ander diere op Thandi Modise, voorsitter van die Nasionale Raad vir Provinsies, se gruwelplaas in Noordwes gevrek het en nog 162 honger en dors diere van kant gemaak moes word, bly Manie glo dat geregtigheid uiteindelik sal seëvier. In die jongste ontwikkeling is Bejani Chauke, raadgewer van pres. Cyril Ramaphosa, wat in daardie tyd Modise se raadgewer was, en ’n polisieman, kapt. Tebogo Mokolobate wat toe Modise se sekuriteitshoof was, deur die hof verplig om verklarings daaroor af te lê. Modise het destyds net haar skouers opgetrek en gesê Chauke was verantwoordelik vir die versorging van die diere. AfriForum se private vervolgingseenheid wat namens die Nasionale Dierebeskermingsvereniging Modise vir dieremishandeling vervolg, wil Chauke se weergawe van gebeure hoor. Hy het…

’N NUWE verkoelingsaanleg van Cape Fruit Coolers (CFC) in Milnerton naby Kaapstad bied ’n welkome oplossing vir uitvoerders wat kopkrap oor die toenemende druk op die Durban-hawe. Die perseel, wat 5 000 palette vrugte op ’n keer kan hou, is 25 km van die Kaapse hawe geleë, en toegerus met die nuutste tegnologie. Dis gebou om produkte met so veel as moontlik verskillende koue-steriliseringsvereistes op een slag doeltreffend te bestuur. Dié nuwe perseel het CFC se leweringsvermoë byna verdubbel; sy perseel in Killarney Gardens kan 6 000 palette hou. Mnr. Pieter du Toit, voorsitter van CFC en uitvoerende hoof van die Dutoit-groep, ’n aandeelhouer in CFC, sien ’n groeiende vraag na voldoende geriewe om aan verskillende lande en produkte se koue-steriliseringsvereistes te voldoen. “Of dit vir Indië, die Verre-Ooste of…

DIE Sernick-groep se plan om opkomende boere deel van sy waardeketting te maak, begin gestalte kry. Ses swart kommersiële beesboere wat deel is van die ontwikkelingsprogram van dié gediversifiseerde landboumaatskappy, het onlangs vennootskapskontrakte gesluit. Dit gee aan hulle aandele in ’n nuwe maatskappy, Sernick Wholesale. Die ses is deel van ’n groep van 50 boere wat spesiale tegniese opleiding ontvang om hul boerderye tot volwaardige kommersiële bedrywighede te ontwikkel. Mnr. Mojalefa Mashao, een van die ses beesboere, sê hy is dankbaar en geëerd om een van die vennote te word. “Ek glo dit bring my een stap nader daaraan om ’n volwaardige kommersiële boer te word. As ’n jong eerstegeslag-boer gee dit my broodnodige ondersteuning en die versekering dat ek in die regte rigting beweeg danksy Sernick se mentorskap.” GROOTHANDEL…

BOERE en akademici het die afgelope tyd gesê dit lyk asof dit later begin reën in die Noord-Kaap en die Vrystaat. Nou het mnr. Waarit Abra-hams, ’n nagraadse student by die Universiteit van Kaapstad se aksiegroep vir klimaatstelsels (CSAG), se navorsing só ’n neiging vir vier weerstasies in die Wes-Kaap bewys. Abrahams skryf in ’n blog op die CSAG se webwerf dat daar die afgelope 40 jaar ’n statisties betekenisvolle neiging is vir die winterreënseisoen om later te begin by weerstasies by Hopefield, Stellenbosch, Bokveldskloof en Vrugbaar ( KAART ). Hy het nie ’n betekenisvolle neiging vir veranderinge teen die einde van die seisoen waargeneem nie. “Die neiging vir die reëntyd om later te begin en tot ’n korter reëntyd aanleiding te gee, is net by die Stellenbosch-, Bokveldskloof- en…

Nagraadse Matie-studente het onlangs die geleentheid gekry om hul navorsingsvoorstelle aan verskeie belanghebbendes in die landboubedryf voor te lê om insae te kry in die graanbedryf se behoeftes. Dit was tydens die bedryfsdag van die Universiteit Stellenbosch se departement agronomie op die Welgevallen-proefplaas by Stellenbosch. Altesaam twaalf M.Sc.-projekvoorstelle is voorgelê. Volgens mnr. Gideon Schreuder, besturende direkteur van Equalizer in Kaapstad, was daar ’n klemverskuiwing in die universiteit se benadering tot nuwe projekte. “Hulle is gretig om belanghebbendes in die bedryf te betrek en ek dink dit is fantasties. Dis goed dat die akademie nader kom aan die bedryf. Wat hulle beproef en toets, raak meer relevant vanuit ’n produsente-oogpunt. Ons sal die studies dophou en sien uit na die resultate.” Mnr. Piet Brink, bestuurder van landboukundige dienste en navorsing by…

PLAASINLIGTING LIGGING: Swellendam, Wes-Kaap NAAM: Kinko GROOTTE: 750ha EIENAARSKAP: Vennootskap met broers. VERTAKKINGS: Skape, beeste, bokke, graan GROND: Glenrosa VELDTIPE: Renosterveld REËNVAL: 350 mm/jaar KORTOM ■ Ramteelwaardes vorm die hoeksteen van hierdie boerdery en ramme word gekies om die gemiddelde ooi te verbeter. ■ Ramme behoort aangekoop te word, want elke produsent se omstandighede en behoeftes verskil. ■ Met die regte ramkeuse kan dit ’n inkomsteverskil van R100 tot R112 per lam méér beteken. Lammergroei is die kern van ’n skaapboer se inkomste, en teelwaardes as hulpmiddel om vir meer vleis te selekteer, is die spil waarom die Swellendamse boer mnr. Johan Swart se teelbeleid draai. Oor dié toegespitste manier om meer geld uit jou diere te maak, voel hy sterk. “Ek het tydens proewe gevind dat lammers op 120…

‘Voortdurende verbetering eerder as ’n grootknal-gebeurtenis.” Dit is mnr. Mark Harris (57) se beskrywing van hoe Langholm Farms daarin geslaag het om hul pynappelproduksie van 800 ton in 1988 tot die huidige 16 000 ton te verhoog. Deur die jare het Harris ’n aantal bepalende sakebesluite geneem waarvan, volgens hom, die belangrikste was om bereid te wees om vennootskappe aan te gaan. Die samevoeging van hulpbronne in ’n vennootskap, tesame met ’n klem op die verbetering van produksiedoeltreffendheid, het gesorg vir volgehoue groei ondanks die Oos-Kaapse bedryf se oorskakeling van inmaak tot versapping sedert 2008. Die sleutel tot doeltreffende produksie was die noukeurige beplanning van die gespreide vyf jaar lange groeisiklusse van pynappels van verskillende ouderdomme in ’n jaarlikse tien maande lange pluksiklus van Maart tot Desember. “Dis intensiewe beplanning…

WIELE NUWE BIELIEBAKKIE GETUIG VAN TAAIHEID Die Isuzu D-Max Arctic AT 35 is ’n splinternuwe vlagskipmodel in dié voertuigvervaardiger se reeks van D-Max-bakkies. Die D-Max Arctic AT 35 is gegrond op Isuzu se 300-reeks 4x4-dubbel-kajuit LX Auto. Elke verandering is ontwerp om die bakkie se taaiheid en funksionaliteit te verbeter. Die wielvellings dra by om ’n bykomende 180 mm aan die totale wydte van die voertuig te verleen, terwyl die grondvryhoogte 48 mm hoër is as met ’n standaard-D-Max-bakkie. Die Isuzu D-Max-reeks word ook aangebied met die volledige Isuzu Complete Carepakket, wat bestaan uit ’nbuffer-tot-buffer-waarborg van vyf jaar of 120 000 km en Isuzu Padbystand, ’n teenroeswaarborg van 5 jaar (onbeperkte kilometers) en ’n diensplan van vyf jaar of 90 000 km. Diensintervalle is elke 15 000 km of 12…

Die toenemende bedreiging van plaasveiligheid dwing boere in Suider-Afrika om heeltyd paraat te wees. Sekere provinsies en streke waar plase in die onlangse verlede nog as veilig en rustig beskou is, word nou aangeval deur gewapende roofbendes wat nie skroom om te skiet nie – en dit gaan waarskynlik net erger raak met die stygende politieke en ekonomiese druk wat die Suid-Afrikaanse samelewing tans ervaar. Boere moet gevolglik ál groter bedrae bestee om hul plase te beveilig met sekerheidsheinings, die nuutste tegnologie in kommunikasie, kameras, rekenaars, sensors en alarmstelsels, asook deelname aan plaaswagaktiwiteite. Vuurwapens bly natuurlik ’n integrale deel van plaas- en persoonlike veiligheid, en ’n goed gebalanseerde versameling wapens is ’n groot voordeel in enige selfverdedigingsituasie. Baie mense het grootgeword met vuurwapens in die plaashuis – gewoonlik ’n .22-ge-weer,…

Die gewasproewe van die Wes-Kaapse departement van landbou se direktoraat plantwetenskappe is aan dieselfde goeie en slegte weer onderworpe as boere se gesaaides, en op die drie Suid-Kaapse proefpersele was graanopbrengste in 2018 skaars 2 t/ha. By die Riversdal- en Napkypersele het dit in 2018 omtrent net so min as in 2017 gereën. Die Tygerhoek-navorsingsplaas het in 2018 meer reën gekry, maar dit was steeds laer as die langtermyngemiddelde. By die twee proefpersele in die Swartland, op die navorsingsplaas Langgewens en die plaas Waterboerskraal by Hopefield, het uitstekende toestande geheers. Ongelukkig het ongekende sterk wind tydens oestyd ’n vernietigende uitwerking op koring- en kanola-opbrengste gehad. Die hele denkproses agter bewaringslandbou is die belangrikheid van die gesamentlike toepassing van die drie beginsels, naamlik minimum versteuring van die grond, diverse wisselbou en…

Nampo groei elke jaar – nie net wat die hoeveelheid besoekers betref wat daagliks deur die hekke stap nie, maar ook die getal uitstallers. Nampopark gaan na verwagting behoorlik uit sy nate bars! Die Nampo-oesdag het begin met ’n handjie vol uitstallers en sowat 200 besoekers op ’n plaas net buite Bloemfontein. Vanjaar is daar sowat 775 uitstallers en meer as 80 000 besoekers word vir die week verwag. Graan SA streef daarna om Nampo as ’n handelsgeoriënteerde landbou- en handelstentoonstelling te behou, met ’n klem op die landbou. Indien jy nie op Nampo die toerusting, onderdele of gereedskap kry wat jy vir jou plaas nodig het nie, bestaan dit waarskynlik nie. Die uitstallers bied alles van plaasbakkies tot toerusting vir werkswinkels. Geskenke en luukshede is ook beskikbaar, maar die…

Cummins, ’n wêreldbekende kragleier en verskaffer van komplementêre sake-eenhede wat ’n wye reeks kragoplossings ontwerp, vervaardig en versprei, en dienste lewer, het onlangs ’n nuwe spogperseel in die Waterfall-sakegebied betrek. Die Power Hub is ’n gebou van 15 355 m2 wat Cummins Suider-Afrika se streekhoofkwartier, die Meester-herbouingsentrum, die Afrika-opleidingsentrum en Gauteng se bedryfskantoor en werkswinkels huisves. Dieverskuiwing vandie Kelvin-en Longmeadow-kantoor na die bekroonde Waterfall- logistieke gebied, plaas die maatskappy in die middel van Gauteng se mees dinamiese en strategies gevestigde sakesentrum. Die samevoeging van die verskillende ondernemings by die Power Hub bied ’n reeks tegnologies gevorderde wêreldklasprodukte wat alles onder een dak beskikbaar is. Dit sluit in gevorderde tegniese kundigheid van mynbou, kragstelsels, motor-en tegniese opleiding. Daarbenewens bied die geriewe ’n 2 610 kW-AVL-Dinamometer in ’n toetskamer waarin van Cummins…

Ctrack, ’n toonaangewende telematikaen opsporingsdiensverskaffer, het onlangs die Ctrack Iris bekend gestel. Iris bied hoëgehalte-videomontering wat op bestelling gemaak word, en is ideaal vir huurvoertuie, ligte afleweringsvoertuie, vlootvoertuie, swaar handelsvoertuie en busse. Danksy Iris kan vlooteienaars die aantal versekeringseise wat hulle indien, verminder, asook verseker dat die eise wat hulle wel indien, baie vinniger afgehandel en uitbetaal word. Iris kan ook gebruik word om brandstofverbruik te verminder en om voertuiginstandhouding te verbeter danksy beter bestuurspraktyke. Daarby kan dit help om diefstal van diesel en goedere tydens vervoer te beperk. Deur die aktiwiteite van voertuigbemannings te monitor, is dit moontlik om maatskappyprosesse en -prosedures te verbeter en toe te pas. Voorts kan dié nuwe video-oplossing van Ctrack, tesame met ’n opsporingtoestel, voertuigroetes optimaliseer, ladingfrekwensie vergroot en omkeertye vinniger maak. WAT BEHELS…

Met ’n geskiedenis van langer as 57 jaar in Suid-Afrika het UD Trucks in dié tyd ’n trotse nalatenskap opgebou deur kliënte van die regte vragmotor op die regte tyd te voorsien. “Ons het ’n meedoënlose passie om vragmotors te verskaf wat die wêreld vandag, en in die toekoms, gaan nodig hê. Hierdie passie is die maatskappy se dryfkrag agter 80 jaar se toonaangewende vernuwing wêreldwyd,” sê mnr. Gert Swanepoel, besturende direkteur van UD Trucks Suider-Afrika. “UD Trucks benut en gebruik wêreldwye tegnologie, kennis en hulpbronne om vragmotors en dienste te voorsien wat aan die snelveranderende behoeftes van vandag se vervoerbedryf voldoen. Vernuwingspogings wêreldwyd lê klem op outonome bestuur, elektriese mobiliteit en konnektiwiteit — die drie innovasiepilare waarop die toekoms van doeltreffende logistiek gaan rus.” VEILIG EN MAKLIK Die maatskappy…

Senwes se verbintenis met die breër landbouwaardeketting sedert 1909 is ’n lang verhaal wat met oorloë, droogtes, oorstromings en verskeie ekonomiese en politieke krisisse vervleg is. Mnr. Danie Minnaar, voorsitter van Senwes, is ’n boer in murg en been en die vierde geslag in sy familie wat op hul plaas naby Kroonstad in die Vrystaat grootgeword het. Hy het die graad B.Com. verwerf. Dit het hom goed te staan gekom as ’n Senwes-direksielid en later as voorsitter – ’n posisie waarin hy boere se harte én die sakekant van ’n landboumaatskappy moes verstaan. Minnaar is sedert 1999 by die maatskappy betrokke. “Ek was destyds maar 34 jaar oud. Ek het geglo dat ek kon bydra tot vernuwende denke in ’n tyd toe Senwes groot veranderinge ondergaan het.” Danksy twee dekades…

Senwes het in die afgelope dekade sy verantwoordbaarheid teenoor aandeelhouers en die groter gemeenskap uitgebou en ook sy rol in die landboubedryf aansienlik verstewig. Senwes Beperk en die houermaatskappy Senwesbel Beperk het op 20 Februarie 2017 op die gelisensieerde beurs ZARX genoteer. Mnr. Francois Strydom, uitvoerende hoof van Senwes, sê hy weeg waarde en wins teen mekaar op en dat Senwes nie net na die balansstaat kyk nie. “Dit bly belangrik om ’n gesonde besigheid te bedryf, want as jy self verdrink, kan jy niemand anders uit diep waters help nie. Finansiële gesondheid verseker ’n regverdige dividend vir aandeelhouers en maak dit moontlik om ons klante behoorlik te bedien. “Die instandhouding van ons infrastruktuur en beleggings in toerusting en geboue is belangrik. Danksy goeie wins kan ons belê in iets…

Alle belangegroepe wat met ’n gehalteonderneming in aanraking kom, vind baat daarby. Die verantwoordelikheid strek egter wyer as bloot die groei van waarde en die uitkeer van dividende aan aandeelhouers, sê mnr. Theo Vorster, uitvoerende hoof van Galileo Capital, oor Senwes en sy leierskorps. Hoekom doen Senwes ná 110 jaar steeds sake, ’n mylpaal wat min maatskappye haal? “Senwes besef wat sy kernbesigheid is en lê dáárop klem. Dit bly toegespits op die waardeketting wat rondom graan en die groter graanekonomie wentel.” Vorster sê Senwes belê ook oordeelkundig in vennootskappe met die beste beskikbare kundigheid, soos in sy logistieke besigheid of spesialis-meganisasie. “Senwes het sekerlik een van die beste bestuurspanne met mnre. Francois Strydom (uitvoerende hoof), Corné Kruger (hoof- finansiële beampte) en Danie Minnaar (voorsitter). Dié driemanskap – eintlik die…

BLUP HÉT GENETIESE MERIETE Na aanleiding van die onlangse debat oor Blup in Landbouweekb l a d wil ek graag kommentaar lewer. Ek dink die probleem is dat mnr. Lionel de la Harpe nie vertroue het in die Blupmodel nie (“Het Blup nog bestaansreg?”, LBW, 8 Februarie 2019). Die model is oor jare ontwikkel en word steeds verbeter. Resultate daarvan word wêreldwyd met groot sukses toegepas. As dit nie vir iemand werk nie, was jou teelprogram dalk nie reg nie. Blupteelwaardes is maar net aanduidend van wat in jou kudde of ras gebeur. Dalk het De la Harpe ’n ander model wat beter antwoorde gee. Hy kan dit dan op een van die internasionale telingskongresse voorlê en dalk die gety omkeer. Na aanleiding van navorsers en Blupgebruikers wat verlede jaar…

BOERE moet die ongunstige impak van stygende brandstofkoste probeer teëwerk deur hul dieselaankope op Safex te verskans en hul werktuie se loopkoste so laag moontlik hou. Dié raad kom van mnr. Marthinus Loock, senior landbousakebestuurder by Standard Bank, wat ’n styging in produksiekoste weens brandstofkoste voorspel. “ ’n Groter internasionale vraag na olie, stygende oliepryse, ’n swak rand-dollarwisselkoers, stygings in belasting, ’n rabatstelsel wat ondoeltreffend toegepas word, en stygende kunsmispryse skep ’n ‘perfekte storm’ wat koste opjaag wat boere moet absorbeer te midde van lae winsgrense.” Loock sê die onderliggende kommoditeit vir die dieselverskansing is European Gasoil. Die verhandeling is in rand/liter en die Johannesburgse Effektebeurs doen die omskakeling in die geldeenheid en volumes. Die kontrak is in eenhede van 5 000 liter. Daaglikse marges word gegrond op die prysbeweging…

TERW Y L ál meer boere in die Noord-Kaap hul plaashek vir die laaste keer toemaak omdat hul boerdery gelikwideer word, ontbreek die politieke wil steeds om die provinsie tot ’n rampgebied te verklaar en die boere met broodnodige droogtehulp by te staan. Só sê mnr. Nicol Jansen, voorsitter van Agri SA se afdeling vir ekonomie en handel. Hy meen dit is nou belangriker as ooit tevore dat amptenare hul werk doen om te voorkom dat die droogte nóg slagoffers eis. Die Namakwa-distrik (wat die Karoo-Hoogland, Hantam en Kamiesberg insluit) en die ZF Mgcawu-distrik (wat die gebied rondom Olifantshoek insluit) is reeds tot rampgebiede verklaar. Dit maak dit tegnies moontlik vir die Noord-Kaapse departement van landbou en landelike ontwikkeling om die provinsie tot ’n rampgebied te verklaar. Dit sal boere…

STYWEPAP pas by boerewors en braaivleis. Dít was die vriendelike dog ferm opdrag wat in 1968 gegee is aan die vroue wat die kos vir die tweede Oesdag van die destydse Sampi (Suid-Afrikaanse Mielieprodusente-instituut) verskaf het. Dit is nie bekend wat die vroue die vorige jaar pleks van stywepap gemaak het nie. Wat wel bekend is, is dat die einste landbou-uitstalling, wat later as GraanSA se Nampo-oesdag bekend sou staan, die spreekwoordelike pap op die gemeenskap van die Vrystaatse dorp Bothaville laat reën. In die vier dae in Mei wanneer daar gemiddeld 75 000 besoekers op hul dorp toesak, skep hulle so al wat hulle kan. Vandeesweek, van 14 tot 17 Mei, sal daar weer flink sake gedoen word. “Die toestroming van besoekers begin eintlik al drie weke voor Nampo…

BOERE in die Langkloof en Gamtoosvallei gaan steeds gebuk onder beperkte produksie weens ’n gebrek aan goeie reën en waterkwotas wat tot 40% van die normale toewysing be-perk is. Dis die tweede jaar dat hulle met sulke lae kwotas oor die weg moet kom. Die Kougadam het teen druktyd op 46% gestaan. Die dam was aan die einde van die vorige besproeiingsjaar in Junie 2018 slegs 7% vol toe die nasionale departement van water en sanitasie die watertoewysing aan boere gemaak het. Dié perke sal eers weer opgehef word wanneer die gesamentlike vlakke van die damme in die Algoa-waterstelsel tot 65% styg. Die goeie reën wat vroeg in Mei in die Gamtoosvallei geval het – van 20 mm tot 35 mm – was gelykstaande aan ongeveer een besproeiing, maar het…

Bewaringsboerdery berus op drie beginsels, minimale grondversteuring, diversiteit deur wisselbou en die behoud van bedekking op die grond. Dr. Johann Strauss, senior wetenskaplike by die direktoraat plantwetenskappe van die Wes-Kaapse departement van landbou, sê die sukses van bewaringsboerdery word deur ’n holistiese stelselbenadering bepaal. “Deur net een of twee van die beginsels te gebruik, kan werk, maar ons moet besef dat daar ’n groter kans op sukses is as die volle stelsel in werking gestel word.” Strauss sê die meeste graanboere in die Wes-Kaap het reeds die beginsels van bewaringsboerdery omarm en pas dit uitstekend toe. “Daar is boere wat ’n maand of twee voor planttyd die oesreste op hul lande brand. Aprilmaand in die Swartland sien jaarliks ’n dynserigheid as gevolg van die rook in die lug.” Die algemeenste…

Nadat hy al voorheen die magiese 20 ton/ha oortref het, het mnr. George Barnard dit wéér dié seisoen behaal met Pannar se geelmieliebaster PAN 3R-724BR. Die aanplanting is bykans perfek onder besproeiing verbou en bestuur om die baster se opbrengspotensiaal te ontsluit. Barnard vergestalt die kaliber van Suid-Afrika se voortreflike kommersiële boere wat voedsel produseer en ’n groot bydrae lewer tot die ekonomie, samelewing en landelike gebiede. Hy boer naby Groblersdal in Limpopo met aartappels, mielies, saadmielies, suikermielies en klein, wit inmaakbone. Met die eerste oogopslag word ’n mens bewus van uitnemendheid. Hy is egter beskeie oor wat hy vermag. Sy plaas is ’n toonbeeld van sukses, waar alles noukeurig uitgevoer en bestuur word om die “plantfabriek” se volle produksiepotensiaal te ontsluit. Dit getuig van geesdrif en toewyding, belangrike eienskappe…

Behandel jou plaasdiere met behulp van Rau Easy Farming se immobiliseerder. Dit maak hulle rustiger as enige ander metode, het navorsing deur prof. Stephen Webb en sy kollegas van die McNeese-staatsuniversiteit in Lake Charles in die Amerikaanse deelstaat Louisiana getoon. Die toestel veroorsaak nie pyn, ongemak of spanning nie. Menige beesboer en veearts kan getuig dat dié immobiliseerder vinnig en maklik werk. Die boer hoef geen klampies voor of agter aan die dier te sit wat boonop op kritieke tye kan afglip nie. Rau Easy Farming se immobiliseerder werk met ’n staaf wat onder die stert ingedruk word. Met die draai van ’n knoppie stel die boer die immobiliseerder in werking en dan kan die dier maklik gebrandmerk, geknip of behandel word. Met die toestel kan die hanteerder selfs die…

AFGRI se eAccountsplatform is vier jaar gelede van stapel gestuur en groei steeds teen ’n vinnige pas. In Suid-Afrika is daar meer as 2 000 geregistreerde gebruikers wat van dié stelsel gebruik maak, met ’n gemiddeld van 8 300 intekeninge per maand. Dit is sowat 380 intekeninge per dag. Sedert die ontstaan van die platform is betalings van ’n volle R13 miljard reeds deur middel van eAccounts gemaak. Dit is ’n groeikoers van 45% nét in die afgelope jaar. eAccounts is die grensverskuiwende elektroniese rekeningbestuursoplossing wat UNIGRO- finansiële dienste aan AFGRI se kliënte bied. Dit is ’n belangrike differensieerder vir AFGRI, met ongeveer R430 miljoen se transaksies wat elke maand deur die platform vloei. Vanuit ’n graanhanteringsen opbergingsperspektief kan kliënte fakture en state sien en ontvang. Kliënte kan ook gedetailleerde…

Mahindra vergroot sy teenwoordigheid in Suid-Afrika met die bekendstelling van sy reeks taai en doeltreffende plaastoerusting, wat ’n volledige reeks trekkers, stropers en plaaswerktuie insluit. Dié aankondiging is vroeër vandeesmaand gemaak tydens ’n galabyeenkoms in Noordwes. “Mahindra is, gemeet aan verkoopsvolumes, die grootste vervaardiger van trekkers ter wêreld. Baie van ons modelle is ontwerp vir markte wat taai, doeltreffende en moeitelose plaastoerusting vereis. Ons aanvanklike marknavorsing toon dié kenmerke is in aanvraag in Suid-Afrika, en ons hoop ons produkte sal byval vind by boere,” het mnr. Rajesh Gupta, uitvoerende hoof van Mahindra Suid-Afrika, gesê. Met dié aankondiging verskaf Mahindra Suid-Afrika nou vier bepaalde produkreekse in die land. Die maatskappy is bekend om sy reeks bakkies en sportnutsvoertuie, met die Mahindra Bolero- en Pik Up-model wat goed deur boere ontvang is.…

Hernieubare energie het tydens beurtkrag in die eerste kwartaal van vanjaar gehelp om die druk op Suid-Afrika se kragstelsel te verlig, het die WNNR bevind. Veranderlike hernieubare energie (VHE) het ’n waardevolle bydrae gelewer en gehelp dat beurtkrag nie verder as fase 4 ingestel is nie, sê die organisasie in ’n verklaring. Suid-Afrika het begin vanjaar sy ergste tydperk van beurtkrag tot nog toe ervaar, met 769 GWh (1,3% van die stelselvraag) en 595 GWh wat in Maart uit die stelsel gehaal moes word. In die hele 2015 moes altesaam 1 325 GWh met beurtkrag uitgehaal word. Dr. Jarrad Wright, hoofngenieur by die WNNR, sê VHE het tydens beurtkrag in vanjaar se eerste kwartaal 357 GWh bygedra. “Dit wys dat daar werklike waarde daarin is om dié vermoë vir produksie…

VRYBURG / BONSMARA / R80 000 Bulle het ’n puik gemiddelde prys van R46 043 op die produksieveiling van die Bonsmara Genepoel-groep op Vryburg behaal. Die Bonsmarabul WAT17-127 van mnr. Frikkie Kruger (links) van Boshof is teen die hoogste prys van R80 000 aan mnr. Carey Lee (regs) van Vryburg verkoop. Koeie (3-in-1) is teen gemiddeld R19 000 verkoop en koeie met kalwers teen gemiddeld R16 833. Dragtige koeie het gemiddeld R14 333 behaal, dragtige verse gemiddeld R13 666 en nie-dragtige verse gemiddeld R8 750. Noordkaap Lewendehawe het die veiling aangebied en mnr. Theuns Visser was die afslaer. PRETORIA / MEATMASTER / R27 000 Die veiling van diere uit die Meatmasterstoetery Bushveld op Murrayhill, Pretoria, het goeie pryse opgelewer. Die duurste ram is teen R27 000 verkoop, terwyl vier ramme…

Senwes se geskiedenis oor die afgelope 100 jaar is ’n voorbeeld van die mens se vermoë om die gewone te oortref en teenspoed in geleentheid te omskep. Só is geskryf in die voorwoord van prof. Elize van Eeden se boek Tyd kweek wenners – ’n Eeu van landbou, wat in 2009 gepubliseer is ter viering van Senwes se eeufees. Die Centraal Westelijke Co-Operatieve Landbouw Vereniging, soos Senwes aanvanklik bekend was, is hoofsaaklik gestig met die oog op die ontvangs en verhandeling van graan. In Mei 1909 het 24 boere byeengekom om die moontlike stigting van ’n koöperasie in die voormalige Wes-Transvaal te bespreek. Die stigting is voorafgegaan deur ’n tydperk in die vroeë 1900’s toe die Suid-Afrikaanse landbou-omgewing, veral die graanbedryf, ná die Anglo-Boereoorlog ’n hupstoot nodig gehad het. Die…

De Centraal Westelijke Co-Operatieve Landbouw Vereniging is in 1909 gestig. Die maatskappy het graan ontvang op persele van die spoorwegadministrasie wat op stasiegrond geleë was. In 1911 het lede begin versoek dat ploeë bestel moet word, en in 1920 is die eerste mielieafmaakmasjien aangeskaf. 1930’S ■ Die Sentraal Westelike Koöperatiewe Maatskappy het sy produksielyn met grondbone, veevoer en eetbare olies uitgebrei en saadverwerkingsdienste begin lewer. Danksy ’n silo-bouprogram het Senwes die losmaathantering van graan verbeter. ’n Landboukundige en voorligtingsafdelingisbygevoeg,’ngrondboonsorteerfabriek is by Wesselsbron geopen, en ’n kunsmisaanleg op Viljoenskroon. 1940’S ■ Senwes het sy meule in die 1940’s ontwikkel en vulstasies en smidswinkels as nuwe afdelings toegevoeg. ■ Die nuwe hoofkantoor in Klerksdorp het in 1947 geopen, en grondboontjiebestuur het as ’n nuwe produksielyn begin. ■ Teen 1949 is handel gedryf…

Hinterland, ’n landboumaatskappy wat op tradisionele waardes geskoei is, se leuse is “Herontdek dít wat saak maak”. Dié kleinhandelonderneming dryf handel as Senwes Village en Afgri Town & Country, en bied verskeie hardeware- en geriefsprodukte aan die publiek, soos besproeiingstoerusting, selfdoenprodukte, dieregesondheidsprodukte, veevoer en brandstof. Die 59 kleinhandelafsetpunte onder die Hinterland-sambreel is teenwoordig in ses provinsies, naamlik Gauteng, KwaZulu-Natal, Mpumalanga, die Noord-Kaap, Noordwes en die Vrystaat. Hinterland het meer as 1 560 bedryfspersoneel en 20 landbousakebestuurders en -bemarkers in diens, asook 56 brandstofafsetpunte. Direkte brandstoflewering op plase word moontlik gemaak deur Hinterland se netwerk van verskaffers. BEDRYFSDIENSTE Boere kan al die bedryfsmiddele by Hinterland aanskaf, waaronder saad, kunsmis en landbouchemikalieë. Boere het ook toegang tot landboudienste en -oplossings. Finansieringspakkette met die samewerking van Hinterland se vennote, Senwes Credit en Unigro,…

Senwes Grainlink het ’n gevestigde infrastruktuur in die somer- sowel as wintergraanverbouingsgebiede. Verskeie dienste word aan produsente en graanafnemers gelewer, waaronder die vinnige en doeltreffende inname en versending van graan en voldoening aan voedselveiligheidstandaarde. ’n Verhoogde aptyt vir hoëwaarskynlikheidverhandeling (2015 tot 2016) het gelei tot die ontwikkeling van nuwe opsies vir die graanwaardeketting. Basislink, Senwes Grainlink se aanlyn verhandelingsplatform, het bykomende funksies vir produsente geskep waarmee hulle hul graan aan Senwes se graanverkrygers te koop kan bied. Danksy die Graintech-projek kan Senwes graan met ’n hoër as normale voginhoud inneem, sonder enige bykomende drogingskoste of verhoogde bedryfsrisiko’s. Kort hierna is AgriRewards, Senwes se lojaliteitskema, suksesvol tot voordeel van Senwes Grainlink se klante ingestel. Danksy AgriRewards kan Senwes se graanklante ’n bonus met hul oes verdien. Dié uitgesteldebonusskema bied aan al…

SPOEDVRATE. Die Grootpanstudiegroep het vanjaar vir die 15de keer sy stroperresies aangebied op die plaas van mnr. André du Preez, tussen Lichtenburg en Koster in Noordwes. Die John Deere S780 het die klas 8-resies gewen en die Claas 570 Tucano het in die klas 6-resies geseëvier. Benewens vir spoed is die stropers beoordeel op gruis onder sif, vreemde materiaal, vermorsing agter die stroper en koppe wat gelos of gemis is. Die ander deelnemers was Rostselmash, New Holland, Claas en Challenger. Volgens Du Preez was vanjaar se toestande baie moeilik weens warm, droë toestande vroeër die seisoen, gevolg deur swaar reën drie weke voor die kompetisie. Die opbrengs het gewissel van 14 t/ha tot 20 t/ha op die een land. Du Preez se seun, ook André, het die foto geneem.…

DIT is onwaarskynlik dat die Europese Kommissie se ondersoek op aandrang van die Spaanse sitrusbedryf na ’n moontlike beskermingsbevel teen Suid-Afrika en ander sitrusproduserende lande buite die Europese Unie (EU), sal lei tot ’n verbod op die uitvoer van Suid-Afrikaanse sitrus na lande in die EU. Mnr. Deon Joubert, die Suid-Afrikaanse Sitruskwekersvereniging (SASKV) se gesant vir markaangeleenthede in die EU, sê dié tipe ondersoek is ’n standaardprosedure, maar die huidige markomstandighede vir sitrus in die EU regverdig nie die inwerkingstelling van só ’n bevel nie. Luidens ’n berig op die Spaanse webwerf Valencia Plaza het mnr. Leopoldo Rubinacci, die kommissie se direkteur vir handelsbeskerming, aangedui dat die kommissie die beskermingsbevel teen die handelsooreenkoms tussen Europa en lande in Afrika ondersoek. Die Spaanse sitrusbedryf voer aan dat die invoer van Suid-Afrikaanse…

Die Indiese vervaardiger Mahindra het onlangs sy buiging op die Suid-Afrikaanse trekkermark gemaak. Die maatskappy gaan aanvanklik twee trekkerreekse, ’n reeks werktuie en ’n stroperreeks bemark. Dit sluit in die Mahindra 6000-reeks trekkers, wat tussen 41 kW en 54 kW lewer, en die 7500-reeks, wat tussen 59 kW en 68 kW lewer. Mahindra gaan ook die bekende Sampo Rosenlew-stroperreeks uit Finland plaaslik bemark. Landbouweekblad berig in komende uitgawes meer oor die nuwe trekkerreekse. Hier is die 7590-, 7580- en 6065-modelle by die bekendstelling op Magaliesburg.…

1 CHINA | Varkpes tref hoendervleispryse Die prys van hoendervleis is aan die styg in China namate ál meer Chinese verbruikers eerder hoendervleis as varkvleis koop. Dit kom te midde van stygende varkvleispryse weens die volgehoue uitslag van varkkuddes om die verspreiding van Afrika-varkpes hok te slaan. China ervaar sedert 2016 tekorte aan hoendervleis, toe pluimvee-invoer uit Amerika en Frankryk stopgesit is weens uitbrekings van voëlgriep in daardie lande. Dié verbod het gelei tot ’n skerp daling in die invoer van teelhoenders. Sedertdien het die Chinese hoenderbevolking gedaal van 6 miljard voëls tot 4,16 miljard verlede jaar. Na verwagting sal dit vanjaar met ’n verdere 10% daal. Die nasionale gemiddelde groothandelprys van hoendervleis het sedert verlede Maart met meer as 68% gestyg, en was in Maart 27% hoër as…

’n Deense ingenieursmaatskappy het ’n selfstandige robotwerktuig ontwikkel wat allerhande take op ’n land kan verrig sonder ’n bestuurder. AgroIntelli se doelwit is om toerusting te ontwikkel wat boerdery meer volhoubaar maak. Sy Robotti het dieselfde werkvermoë as ’n klein trekker en kan met verskeie toerusting en werktuie toegerus word, soos ’n presisie- of geenbewerkingplanter of ’n skoffel. Dit het ’n driepunt-haak. Dit word bloot met die verlangde toerusting of werktuie toegerus, langs ’n land geplaas, en van daar kan dit vanaf jou rekenaartablet beheer word, of toegelaat word om die werk sonder bystand te doen. Die outomatiese werk kan altyd onderbreek word sodat na handbeheer oorgeskakel kan word. Dit word hidroulies met diesel aangedryf. Die werkwydte is 1,5 m tot 3 m. Boonop is dit maklik om te vervoer,…

Toyota se nuwe RAV4 ry vooruit met ’n dinamiese nuwe ontwerp. Dit word gekenmerk deur ’n sierrooster met ’n duidelike en hoekige buffer, ligdiode-kopligte, asook nuwe stertligte. Die resultaat is ’n voertuig wat ’n atletiese houding en ’n meer gebeitelde en praktiese benadering openbaar tot die progressiewe ontwerptaal wat aanvanklik in die Toyota CH-R bekend gestel is. Die baanbrekersbenadering strek reg deur die binneruim, met ’n ergonomiese, hoëgehalte-kajuit wat deur sagte raakoppervlakke gekenmerk word, waaronder die voorpaneel en deurpanele. Die skakelaars is nuut en behels duidelike, ingeboude skakelaars en gerieflike taktiese kontroles, soos die sagte draaiknop vir die klank- en lugversorgingstelsel. Die TNGA (Toyota New Global Architecture) word vir die eerste keer in ’n sportnutsvoertuig gebruik. In die RAV4 bied dit ’n soepel en aangename rit, asook ’n ruim kajuit…

FORD RANGER As jy jou net tot Ford, Toyota en Isuzu se bakkies beperk, het jy amper 100 modelvariante om van te kies. Van hulle dra 33 Ford se kenteken en verteenwoordig die nuwe Ranger-reeks. In heelwat opsigte is dit steeds 2011 se Ranger, want die afgelope agt jaar was daar nie groot veranderings nie – tot April, toe Ford sy splinternuwe enjin en outomatiese ratkas mark toe gebring het: ’n ware sensasie-kombinasie. Opspraakwekkend, ja, want die enjin se silinderinhoud is ’n skamele 1 996 cc en die ratkas het tien ratte vorentoe. Volkswagen het bewys ’n 2 liter-diesel het hope woema as jy twee turbo’s aan hom vasskroef. Dis presies wat Ford met sy nuwe enjin doen. Dieselfde nuwe enjin is wel ook met ’n enkelturbo beskikbaar. Nogtans ontwikkel…

Die eerste resepte wat in 1919 in Landbouweekblad gepubliseer is, is twee resepte vir sop: skaapneksoep en groentesoep. Hoewel die twee oorspronklike resepte baie basies is en die metode wat aangegee is effens verskil van hoe ons dit vandag sal doen, is dié twee gunsteling-boerekossoppe vandag nog gewild en in aanvraag in die wintermaande. Vullende dik stoofsels van droë-ertjies en -bone, rys of gort met groente en stukkies vleis of spek was immers al in Van Riebeeck se tyd die kos van die werkersklas. Na alle waarskynlikheid is stoofsels of bredies met water gerek sodat meer mense kon eet, en vandaar ons bekende dik kragsoppe. In die eerste Afrikaanse kookboek, Di Suid-Afrikaanse Kook-, Koek- en Resepteboek deur E.J. Dijkman, wat in 1891 verskyn het, word ’n hele hoofstuk aan sop…

Die Springbok- en Stormersvoorspeler Frans Malherbebederf die plaaswerkers van die plaas Kruidfontein by Murraysburg jaarliks met van sy truie en klere wat hy nie meer gebruik nie. “Die werkers waardeer dit baie en is al groot ondersteuners van Frans. Hulle is nou al redelik uitge-kit met Springbok- en Stormersklere,” verduidelik Michiel Herholdt, mede-eienaar van Kruidfontein. Volgens mnr. Piet Blom, een van die plaaswerkers wat al ’n paar kledingstukke in sy versameling het, is hy baie bly daaroor. “En ek wil net graag vir Frans sterkte toewens vir die Wêreldbeker-rugbytoernooi later vanjaar,” voeg hy by. Volgens Herholdt het Malherbe die klere uit sy eie aan die werkers begin uitdeel. ‘Die werkers is al groot ondersteuners van Frans.’ “Dit is natuurlik ’n g reat gebaar van sy kant af en die plaaswerkers…

Senwes is ’n landboumaatskappy wat met uitstekende winste in ’n sukkelende ekonomie spog. Gevolglik verwag ’n mens dat die maatskappy se uitvoerende hoof die aandeleprys of omset eerste sou stel. Maar volgens mnr. Francois Strydom word leierskap en sukses in die landbousakesektor nie net in die omvang en groei van die onderneming weerspieël nie. Die Senwes-groep se uitvoerende hoof praat graag oor sy visie vir ’n beter toekoms vir alle Suid-Afrikaners, maar hy is ook realisties oor die verskil wat hy en Senwes kan meebring. Strydom en Senwes se hele personeelkorps is bekend daarvoor dat hulle moue oprol en aan die werk spring. Die maatskappy se lang lys projekte op die platteland, opheffings- en opleidingsprogramme, en personeel se vrywilligerswerk geskied dikwels op die agtergrond. Dit word egter nooit as onbelangrik…

Senwes het ontstaan vanweë die behoefte aan samewerking om graanhantering en saadverwerking op ’n groot skaal lewensvatbaar te maak in die voormalige Wes-Transvaal. Sedertdien het Senwes gegroei tot ’n volwaardige landboumaatskappy met ’n teenwoordigheid in agt provinsies. In 1931, sowat 22 jaar ná die maatskappy se stigting, het Senwes se graanontvangste vir die eerste keer meer as een miljoen sakke beloop. Daarna is die produksielyn uitgebrei met grondbone, veevoer en eetbare olies, en het die maatskappy ook saadverwerkingsdienste aan die koöperasie se lede begin lewer. Die bestuur van lede se belange en die hantering van produklewering is vanaf 1960 met die koms van metrisering en rekenaartegnologie stelselmatig vergemaklik. Dekades later is Senwes steeds verbind tot die produktiewe benutting van tegnologie. ’n Volgende groot sprong vir Senwes was die silobouprogram wat…

Senwes se 100ste bestaansjaar is in 2009 gevier met ’n rekordomset en -winssyfer as deel van hierdie landboumaatskappy se winsgewendste jaar nóg. Só kan Senwes terugploeg in die verskeie gemeenskappe waar hy sake doen. Die gesonde finansiële status van Senwes het egter nie sonder haakplekke gekom nie. Die noodsaaklikheid van dissipline in die besigheid het ook die afgelope dekade vrugte afgewerp. Die maatskappy het sedert 1909 verskeie probleme die hoof gebied. Daar was die vrye markte van die pioniersjare, monopolistiese praktyke deur graankopers, die Depressie van die 1930’s, twee wêreldoorloë, ’n lang tydvak van gereguleerde landbou met sy eenkanaal-bemarkingstelsel, en die hedendaagse vrye mark vanaf die middel 1990’s. Gerat vir die volgende 100 jaar spits Senwes hom daarop toe om ’n landboumaatskappy te wees waarop sy lede en aandeelhouers trots…

Die Senwes-maatskappyegroep berus op insetverskaffing, finansiële en tegniese dienste, asook marktoegang. Die maatskappy dryf handel in Noordwes, die Vrystaat, Gauteng, Mpumalanga, Kwa-Zulu-Natal, die Oos-Kaap, Noord-Kaap en Wes-Kaap. Die groep het ’n geïntegreerde sakemodel wat sy kerndoelstelling bevorder, naamlik om ’n betekenisvolle bydrae tot voedselsekerheid in Suid-Afrika te lewer. Notering op die ZARX-beurs het in 2017 plaasgevind na aanleiding van die bepalings van die Wet op Finansiële Markte. Dit het die maatskappye verplig om die aandeelhandel na die gelisensieerde beursomgewing te migreer. Dit is maklik om ’n deeltjie van die landboukragreus te besit. Volg dié stappe: ■ Senwes se aandele is vrylik verhandelbaar. Indien Senwesof Senwesbel-aandele egter as sekuriteit vir krediet by Senwes gegee is, word vooraftoestemming van Senwes vereis voordat die aandele verhandel kan word. ■ Senwesbel-aandele is nie vrylik…

Die Jongboer-Toekomsfokusdag was aanvanklik dus daarop toegespits om ’n platform te skep vir jong boere waarop hulle idees kan uitruil en inligting bekom wat hulle in hul boerdery kan help. Die doel was om landbou-inligting oor te dra oor relevante sake wat jong boere se lewens en boerderypraktyke beïnvloed. Hierdie jaarlikse geleentheid was baie suksesvol. Dit het aan die boer die geleentheid gebied om terug te staan en perspektief te kry op sy situasie en strategiese oplossings vir sy boerdery te vind. Die volgende temas is al bespreek: ■ Die huidige en toekomstige politieke scenario’s in Suid-Afrika. ■ Oorlewing in die moeilike tye waarin boere hulle bevind. ■ Die belangrikheid van die georganiseerde landbou. ■ Neigings wat in die toekoms ’n regstreekse invloed op jong boere gaan hê, soos die…