Innehållsförteckning för 21-Jun-19 från Landbouweekblad

Skaars twee jaar gelede het die wêreld ’n gesinchroniseerde ekonomiese oplewing geniet, maar dié momentum is ontspoor deur die handelspanning tussen Amerika en China. Nou groei kommer van ’n gesinchroniseerde agteruitgang namate die wêreld se twee supermoondhede klaarblyklik verhard in hul posisies. “(Wêreldmarkte) internaliseer ál meer die aanduidings dat die Withuis se stappe nie net deur die handelstekort met China gemotiveer word nie, maar ook deur langtermyn- strategiese mededinging tussen die twee supermoondhede,” sê mnre. Dave Mohr en Izak Odendaal, beleggingsbeplanners by Old Mutual Multi-Managers. Vrese bestaan dat dit die begin van ’n nuwe Koue Oorlog kan beteken, maar die uitgebreide handelsbande tussen die twee lande skep ’n mate van interafhanklikheid wat ’n algehele konflik kan voorkom. Tog is beduidende skade reeds aangerig. Wêreldhandel sal na verwagting met net meer…

ARTIKELS & RUBRIEKE ■ Blokketting: Só word jy bevoordeel ■ Vele inkomstebronne maak ligter sorge ■ Tegnologie in graan-verskansing: Môre is te laat ■ Bewaringsboerdery teenoor konvensioneel: Só lyk die syfers ■ Rooivleisman kweek pekanneute op nuwe manier SPESIAAL ■ Val-boeredag GESIN ■ Wat eet ons vanaand? KLEINVEEBESTUUR Die landbou-ekonoom en veevoedingkundige mnr. André Fourie gee grondige raad oor optimale wins en sê waarop boere moet konsentreer: teling, kuddesyfers, weiding, voeding en reproduksie. In ’n omvattende artikel gee hy ook die goue middeweg vir optimale wolproduksie en reproduksie.…

In die artikel “Innovering in eenvoud” (LBW, 7 Junie 2019, bl. 60) is die ontwerper van die vertikale kettingsaag-saagmeul wat vir die boerepatent-kompetisie op Nampo ingeskryf is, verkeerd geïdentifiseer. Die ontwerper is prof. JP Rossouw van die Noordwes-Universiteit, Potchefstroom. Hy kan by 082 775 9982 gebel word. Landbouweekblad korrigeer graag onjuisthede in artikels en nuusberigte. Stuur inligting oor regstellings aan Jan Bosman, Landbouweekblad, Posbus 1802, Kaapstad 8000; e-pos: jan.bosman@landbou.com; tel. 021 406 3183.…

DIE chemiese en kunsmismaatskappy Omnia Holdings se aandeelprys het tot sy laagste vlak in tien jaar gedaal nadat hy op 30 Mei in ’n Sensverklaring op die JSE-nuusdiens bekend gemaak het hy gaan weens sy skuldvlakke ’n regte-uitgifte van R2 miljard onderneem. Voorts is op 6 Junie aangekondig dat mnr. Rod Humphris, voorsitter van die direksie, bedank het. Humphris sou aanvanklik eers in September vanjaar uitgetree het. Omnia het vroeër, op 23 April, ook in ’n Sens-verklaring, gesê hy het weens die daling in sy verdienste ’n proses saam met sy skuldvoorsieners begin. Die doel daarvan was om sy bestaande skuld te herstruktureer om die groep se volhoubaarheid op lang termyn te verseker. Die daling in Omnia se verdienste is onder meer toegeskryf aan ongunstige marktoestande en stygende finansieringskoste. In…

TEEN 31 Mei was daar vanjaar altesaam 184 plaasaanvalle in Suid-Afrika, waarvan 20 plaasmoorde was, volgens statistieke van die burgerregte-organisasie AfriForum. Hoewel die meeste aanvalle en moorde in Gauteng (51 aanvalle), Noordwes (28 aanvalle) en Limpopo (27 aanvalle) voorgekom het, het die aantal aanvalle in die Wes-Kaap verdubbel van 8 tot 16. Mnr. Ian Cameron, AfriForum se hoof van gemeenskapsveiligheid, sê die organisasie se data toon dat plaasaanvallers in baie gevalle nie geld gebuit het nie, maar mense het baie seergekry. Hy sê daar is ’n neiging in Suid-Afrika dat moorde met messe of met skerp voorwerpe gepleeg word, maar die meeste plaasmoorde word met vuurwapens gepleeg. Volgens AfriForum se data was daar in 61 van die aanvalle geld betrokke, in 67 was daar nie geld betrokke nie en by…

Drie jong vroulike deelnemers het vanjaar geskiedenis gemaak deur aangewys te word as finaliste in Agri Gauteng se kompetisie vir Jongboer van die Jaar. Die vier finaliste is: ■ Me. Anita Brown van Greenway Farms, wat ’n wortelboerdery en versappingsaanleg bedryf; ■ Me. Lizemari de Klerk van Blanquard Brahmane, met ’n Brahmanstoetery, Pediskape en boerbokke; ■ Mnr. Brian Venema van Rosaly Boerdery naby Tarlton, wat met wortels, kropslaai, pampoene en mielies boer; en ■ Me. Theresa du Plessis van der Mescht van Shirita Boerdery op Grootfontein, wat boer met Brahmane, Simmentalers en mielies. Mnr. Thinus van Zijl, ondervoorsitter van Agri Gauteng, sê daar is vanjaar ’n verskeidenheid van eerstes vir die organisasie. “Benewens dat dit die eerste keer is wat Agri Gauteng soveel vroulike finaliste in die kompetisie het, is…

DIE vraag na rooivleis gaan in die volgende jaar wêreldwyd styg, en produsente moet gereed wees daarvoor, het mnr. Koos van der Ryst, nasionale voorsitter van die Rooivleisprodusente-organisasie (RPO), op die jaarvergadering van die Wes-Kaapse RPO op Laingsburg gesê. Beesvleisverbruik gaan na verwagting met 24% toeneem, en dié van skaapvleis met 11%. “Ons sit met ’n mislukte staat wat nie meer behoorlike dienste aan die landbou kan lewer nie. Bedryfsorganisasies soos die RPO sal dit dus op hulself moet neem om die nodige dienste te lewer.” Van der Ryst het gesê die Suid-Afrikaanse rooivleisprodusent se langtermyndoelwitte moet wees om markte te ontwikkel, uitvoer en produksie te verhoog, dieregesondheid te verbeter, werkloosheid en korrupsie te beveg en die ekonomie te help groei. “Die vraag na rooivleis bestaan en dit groei. Dit…

1 NAMIBIË| ‘Katastrofiese’ mielie-oes wink Met die laat reën in Maart wat weggebly het, sal Namibiese mielieprodusente in omtrent ’n kwart van die plaaslike vraag, of nagenoeg 30 000 ton, kan voorsien. Dit is 27 000 ton minder as verlede jaar se oes van 57 000 ton, wat in 47% van die vraag kon voorsien. Mnr. Gernot Eggert, voorsitter van die Agronomic Producers Association, sê die verwoesting in droëlandgebiede soos die mieliedriehoek tussen Grootfontein, Tsumeb en Otavi, is die ergste wat hy in die afgelope dekade of meer gesien het. Hy twyfel of die oes selfs 30 000 ton gaan haal. “Dis ’n katastrofe,” het hy gesê. — New Era 2 MAROKKO | Aansporings - vir plaaslike koring Die Marokkaanse regering het maatreëls ingestel om meulenaars aan te…

Die prys vir aartappels van alle klasse is al bykans twee maande lank laer as R4/kg. Die prys vir ’n sak van 10 kg was op 5 Junie vol-gens Aartappels SA gemiddeld R31,62. As die prys gemiddeld minder as R40 op nasionale markte is, dan kry aartappelboere in die meeste produksiegebiede baie swaar. Teen dié prys raak dit moeilik om winsgewend te boer. Tans is die Oos-Vrystaat die streek wat die grootste volume lewer, maar boere van dié gebied het ’n moeilike seisoen agter die rug. Ongunstige weer het daartoe gelei dat die gehalte effens laer is as gewoonlik, maar dit is veral die gemiddelde grootte van die aartappels wat boere se inkomste afdwing. Volgens mnr. Gerhard Posthumus, uitvoerende hoof van Wes-grow, sou die huidige gemiddelde prys baie anders gelyk…

Die landbou se totale bruto produksiewaardehet R281 miljard be-loop in 2017-’18. Die landbou in die geheel se groei op ’n jaargrondslag het 4,7% beloop. Dit is die laagste syfer sedert 2009-’10, toe die bruto produksiewaarde 1,4% laer was as die voorafgaande jaar. In 2003-’04 was die jaarlikse toename in die bruto produksiewaarde slegs 0,9% ( SIEN TABEL 1 ). Sedert die vroeë 2000’s het die samestelling van die landbousektore ook verander. In die eerste vyf jaar vanaf 2001-’02 tot 2005-’06 het akkerbou gemiddeld 29% van die totale bruto produksiewaarde uitgemaak, gevolg deur tuinbou met 26% en lewende hawe met 44%. Die afgelope vyf jaar het die samestelling verander tot gemiddeld 24% vir akkerbou, 28% vir tuinbou en 48% vir lewende hawe. Die belangrikheid van die lewendehawesektor neem toe, terwyl akkerbou…

Me. Hélène Smit se praktiese raad is op die man af: ■ Erken dat dinge moeilik gaan en gaan sien iemand. Daar moet een persoon wees met wie jy vertroulik kan praat en wat jou nie gaan oordeel nie. Sit daardie persoon se nommer op jou foon. ■ Kry professionele hulp. Smit sê sy doen nie berading nie, maar kan mense verwys na mense wat kan help. “Beraders gaan nie oordeel nie, hulle gaan probeer om jou te help. Dit is beter om dit te doen as om niks te doen en by ’n punt te kom waar jy nie meer kan aangaan nie.” ■ Kommunikasie is noodsaaklik. “Vertel jou vrou, jou werkers en jou medeboere wat aangaan. Praat met professionele mense, jou pastoor, jou dokter of ’n berader, iemand…

D ie gesondheid van die grond op sy plaas lê elke boer na aan die hart. Daarom ontstaan die vraag wat gesonde grond behels. Daar word ook dikwels gevra of daar eenvoudige en praktiese maniere is om grondgesondheid te verbeter. Toe die Amerikaanse skrywer en bewaringskundige Louis Bromfield in 1948 die eienaar van die plaas Malabar in Ohio geword het, het hy die grond as “ ’n mengsel van sement en gruis met spore van suur” bestempel. Ongelukkig is die beskrywing dikwels ook van toepassing op grond in Suid-Afrika. Die volgende opmerkings van boere is tekens van ongesonde grond: ■ “Opbrengste is nie meer wat dit was nie.” ■ “Die grond is dood – daar is geen lewe nie.” ■ “Die grond is so hard soos klip . . .…

Die 2018-’19-pro-duksieseisoen het begin met die verwagting dat ’n baie laer beplante oppervlakte vir mielies in die somergraanproduserende gebiede kan realiseer. Die amptelike syfer wat die Oesskattingskomitee op 29 Januarie 2019 uitgereik het, is met verbasing en skok deur sommiges in die graanbedryf ontvang. Vrae is gevra oor hoe die komitee ’n syfer van 2,3 miljoen ha kan gee teenoor die markverwagting van sowat 2 miljoen ha – ’n verskil van 300 000 ha? Boere in die westelike dele van die land kon weens die hitte en droë toestande grotendeels eers ná die optimale planttyd, vroeg in Januarie, begin mielies plant. Die gevolg is dat hulle waarskynlik minder hektare sou kon beplant as wat beoog is. Boere in die oostelike produksiegebied kon wel hul beoogde hektare mielies beplant. Wydverspreide reën…

Huldeblyk aan ’n pa (1) In ’n boek wat ek deesdae nie meer baie gebruik nie, kom ek onlangs af op ’n kaartjie wat blykbaar bedoel was as ’n huldeblyk van ’n kind aan ’n pa. Omdat ek dit mooi vind, het ek besluit om dit hier te deel. Miskien is daar iemand wat, net soos die uwe, begeer om ook so ’n pa te kan wees. Dit lui soos volg: “My pa. Daar is baie sterk manne, maar min kry dit reg om net genoeg sterkte met ewe veel teerheid te meng. Deur dit te doen, kry ons ’n man wat be-wonder kan word, ’n man wat ons kan respekteer en na opsien, maar ook ’n man wat sal luister en begryp. My hele lewe lank laat my pa…

1 200 Die wêreld se rysvelde het volgens die Amerikaanse omgewingsdrukgroep Environmental Defense Fund dieselfde aardverwarmingseffek as 1 200 steenkoolkragsentrales. Rysverskaffers begin nou ál meer rys aankoop van plase wat nie oorstroom word nie, aangesien dié praktyk metaangas in die atmosfeer vrystel. Volgens nuwe riglyne wat saam deur die Verenigde Nasies en die internasionale rysnavorsingsinstituut uitgereik is, word rys eerder natgelei en dan weer toegelaat om uit te droog. — Bloomberg 75 Sybokhaar Suid-Afrika (SSA) het al met 75 modehandelsmerke vergader om steun te werf vir die bedryf se nuwe Responsible Mohair Standard, ’n ouditstelsel om volhoubare produksiepraktyke te verseker. Verskeie groot handelsmerke steun reeds die stelsel. Me. Lindsay Humphreys, SSA se nuwe bestuurder, sê die bedryf kon verlede jaar se Peta-skandaal oorleef danksy die feit dat haar voorganger, mnr.…

‘Hier by ons het hulle nie eens ’n voertuig nie. Ook nie op Modimolle, Vaalwater of Lephalale nie. Hoe moet hulle hul werk doen?’ MNR. PIET PRINSLOO, beesboer van Mookgophong, oor die ondervoorsiening van die polisie se veediefstaleenhede. Bl. 15 ‘Die kasmier- en alpakkabedryf het ons genader om raad oor hoe om ’n Petaveldtog te hanteer, want ons bedryf kon daarin slaag om die krisis tot ’n mate in ons guns te draai.’ MNR. PIERRE VAN DER VYVER, hoofbestuurder van sybokhaar by OVK/CMW, oor die plaaslike sybokhaarbedryf se suksesvolle afweer van die diereregtegroep Peta se aanslag verlede jaar. Bl. 24 ‘Dit is nie ’n geval dat ons weens klimaatsverandering ’n totale aanpassing sal moet maak en dat die Noord-Kaap nie verder tot veeproduksie sal kan bydra nie.’ MNR. NICOL JANSEN,…

NÓG ’N PLAN IS TYDMORS Die berig “Inhaalwerk wag op nuwe landbou- en grondkomitee” (LBW, bl. 21, 31 Mei 2019) het betrekking. Die heel eerste vraag wat gevra moet word, is waarom die landbou weer ’n “langtermynsektorplan” (die landbou is ’n bedryf, nie ’n sektor nie) nodig het wat, soos in die verlede, net op die rak sal beland om stof te vergaar. Daar het presies niks gekom van die Strategiese Plan vir die Landbou wat in 2002 opgestel en amptelik deur oudpres. Thabo Mbeki onderteken is nie. Die Nasionale Ontwikkelingsplan wat in 2012 die lig gesien en ’n hele hoofstuk aan die landboubedryf afgestaan het, is tot vandag toe nie uitgevoer nie omdat daar ’n voorvereiste gestel is dat die plan slegs suksesvol kan wees as die ekonomie met…

PLAASAANVALLE ‘’N ERNSTIGE KRISIS’ Altesaam 184 plaasaanvalle het reeds vanjaar in Suid-Afrika plaasgevind, waarvan 20 plaasmoorde was, vol-gens statistieke wat die burgeregte-organisasie Afri-Forum in Centurion bekend gemaak het. Hoewel die meeste aanvalle en moorde in Gauteng (51 aanvalle), Noordwes (28 aanvalle) en Limpopo (27 aanvalle) voorgekom het, het die aantal aanvalle in die Wes-Kaap drasties verhoog. “Die 16 aanvalle van 1 Januarie tot 31 Mei daar is meer as dubbel die hoeveelheid aanvalle vergeleke met die ooreenstemmende tyd verlede jaar,” sê mnr. Ian Cameron, AfriForum se hoof van gemeenskapsveiligheid. Volgens Cameron toon AfriForum se data dat die plaasaanvallers in baie gevalle nie geld gebuit het nie, maar mense het baie seergekry. Hy sê hoewel mense en spesifiek instellings soos Kwanalu beweer dat plaasaanvalle net maatskaplikekonomies gemotiveerd is, is dit nie…

CORTEVA AGRISCIENCE, wat voorheen die landbou-afdeling van Dow-DuPont was, staan nou volwaardig op eie bene met sy notering op die New Yorkse aandelebeurs op Maandag 3 Junie. ’n Groot eer het me. Anna Phosa, ’n Suid-Afrikaanse boer, te beurt geval toe sy saam met die topbestuur van die maatskappy die openingsklok op dié aandelebeurs kon lui. Phosa, wat in 2004 met R1 000 en vier varke begin boer het, se varkboerdery, Dreamland Piggery, het tans meer as 20 mense in diens. Sy lewer varkvleis aan Suid-Afrikaanse kettingwinkelgroepe en verbou ook mielies vir voer. Dit was vir haar ’n grootse ervaring om as boer van Vanderbijlpark na Amerika te reis om die notering mee te maak. “Ek het nooit gedink ek sal eendag hier staan nie. Ek het baie trots gevoel…

DIE appèlhof in Bloemfontein het ’n oorwinning vir Normandien Boerderye in die Wes-Kaapse hooggeregshof, wat verband hou met ’n eksplorasie-aansoek vir skaliegasontginning van Rhino Oil and Gas, tersyde gestel. Normandien, ’n lid van Kwanalu, het die geldigheid van die Petroleumagentskap van SA (Pasa) se aanvaarding van Rhino Oil and Gas se eksplorasie-aansoek bevraagteken. Die appèlhof het egter beslis dat Normandien Boerderye nie kon versoek dat die aanvaarding van die eksplorasie-aansoek vir hersiening tersyde gestel moet word nie, omdat die boerdery nie daardeur benadeel is nie. Die appèlhof was ook van mening dat Normandien sy aansoek voortydig gebring het en dat die tyd nog nie ryp was vir beregting oor die kwessie nie. Die eksplorasie-aansoek raak bykans 5 500 plase in KwaZulu-Natal oor ’n oppervlak van net minder as 2 miljoen…

DIE Wes-Kaapse departement van landbou beoog onmiddellike stappe om landelike veiligheid op te skerp ná die moord op mnr. Stefan Smit (62) van die plaas Louisenhof net buite Stellenbosch. Smit is die aand van 2 Junie deur vier rowers in sy huis aangeval en geskiet. Mnr. Jannie Strydom, uitvoerende hoof van Agri Wes-Kaap, sê die organisasie gaan weer ’n versoek tot pres. Cyril Ramaphosa rig om toe te sien dat die landelike veiligheidsplan toegepas word sodat die land se boere en plaaswerkers kan voortgaan om kos te produseer sonder dat hul lewens daagliks bedreig word. “Ramaphosa gaan hom ook dringend teen aanvalle op die landbousektor moet uitspreek om te wys dat hy die politieke wil het om dit aan te pak, en dat sy regering die vermoë het om die…

Mnr. Rian Maree van Rihugo Boerdery op Sulphur Springs naby Piet Retief, is aangewys as Mpumalanga Landbou se Jongboer van die Jaar vir 2019. Hy bedryf ’n gemengde boerdery, waar hy onder meer graangewasse onder spilpunt besproei, aartappels plant en spog-Brahmane teel. Hier is Rian met sy eerbewys saam met sy vrou, Jacoline, en regs van hulle die borge van die Jongboer-kompetisie en prysgeld, mnr. Stoffel Coetzer van Santam en me. Cindy Mulder van Toyota Suid-Afrika. FOTO: JASPER RAATS…

Die Responsible Mohair Standard (RMS) is ’n ouditstelsel wat met die samewerking van die internasionale organisasie Textile Exchange ontwikkel word. Dié organisasie, wat hom bearbei vir volhoubare tekstielwaardekettings, was ook betrokke by die ontwikkeling van die internasionaal erkende Responsible Wool Standard (RWS), wat reeds pryspremies op Suid-Afrikaanse wolveilings verdien. Behalwe vir natuurlikeveselbedrywe, is verskeie vooraanstaande, internasionale modehandelsname ook lede van Textile Exchange. Talle van dié handelsname het verlede jaar, ná die diereregtegroep Peta ’n veldtog teen bokhaar gevoer het op grond van videomateriaal van dieremishandeling op ’n Suid-Afrikaanse plaas, sterk standpunt ingeneem téén sybokhaar, maar is nou betrokke by die ontwikkeling van die RMS. Van der Vyver glo dié handelsmerke se betrokkenheid sal ’n gunstige invloed op die vraag na bokhaar hê.…

D ie jongste raming van die Oesskattingskomitee einde Mei toon dat vanjaar se someroeste heelwat kleiner as dié van verlede jaar gaan wees. Dit sal meebring dat Suid-Afrika in 2019-’20 ’n netto invoerder van somergraan, oliesaad en koring gaan wees. Terselfdertyd maak die weer en die handelsoorlog tussen Amerika en China amok op die Amerikaanse graanmarkte. Deelstate waar baie graan verbou word, het soveel reën gekry dat saaiboere nie geplant kry nie en die planttyd is besig om uit te loop. ’n El Niño-weerpatroon beteken juis ondernormale reënval in die Suid-Afrikaanse somersaaigebiede en bonormale reënval in Amerikaanse saaigebiede. Pryse op die internasionale mark het die laaste twee weke van Mei skerp gestyg (mielies en koring met bykans 20%), wat plaaslike pryse weens invoerpariteit en die swakker wisselkoers van die rand…

Plaaslike paprikaboere beleef tans die perfekte seisoen met die prys, vraag en weer wat goed saamspeel om die oes ’n stewige hupstoot te gee. Mnr. Wim Scholtz, ’n paprikaboer van Vryburg, sê pryse is vanjaar tot 7% beter, met die vraag op die plaaslike én die buitelandse mark uiters gesond. “Ons is vanjaar in ’n baie gunstige posisie omdat ons uitstekende paprika aan kopers kon verskaf.” Die klimaat het vanjaar mooi saamgespeel, sê Scholtz. “Ons het genoeg reën in planttyd (September en Oktober) gehad en daarna het ons ’n warm, droë seisoen gehad tot Februarie.” Vir graanboere klink dit soos ’n katastrofe, maar paprika gedy in toestande waar droë, warm weer siektedruk verminder. “Boonop beleef ons ’n warmer winter, wat beteken dat die groen peule wat op die plante is,…

Daar is reeds jare lank kommer oor die volhoubaarheid van die waterbronne in die Sandveld. Die landbou, spesifiek die aartappelbedryf, is volgens dr. Fienie Niederwieser, bestuurder van navorsing by Aartappels Suid-Afrika, al weens onkunde in die media van oorbenutting beskuldig. Omdat die volhoubaarheid van grondwaterbronne vir die aartappelbedryf in die Sandveld uiters belangrik is, is verskeie studies oor die bronne en benutting daarvan sedert 2005 in opdrag van Aartappels Suid-Afrika onderneem. Niederwieser skryf in die verslag Water en aartappelproduksie in die Sandveld, wat vroeër vanjaar gepubliseer is, dat onafhanklike studies en metings tot dusver toon dat die bron van die ondergrondse water, en dus die volhoubare hervulling daarvan, elders nagespeur moet word, en dat die aartappelbedryf nie die oorsaak van veranderinge in watergehalte is nie. Die bedryf het baie gegroei…

Dr. Craig Galloway het in 2017 sy doktorsgraad aan die Universiteit Stellenbosch verwerf met navorsing wat bewys dat melkboere hul impak op die omgewing kan verlaag sonder om winsgewendheid prys te gee. Aangesien daar min navorsing op plase is oor hoe moeilik dit is om volhoubare praktyke toe te pas, wat die voordele van die praktyke is en die stelsels wat aanvaar moet word om volhoubare boerderydoelwitte te bereik, het Galloway ’n persepsieopname op 65 plase in die Oos-Kaap gedoen. Hy het data op 43 plase versamel om hul omgewingsimpak wat betref hul koolstofspoor en doeltreffendheid van voedingstowwe soos stikstof te bepaal, en hul ekonomiese doeltreffendheid te ontleed. Dit het hom gehelp om vas te stel op watter plase die impak die laagste was en hoe die betrokke boere weiding…

DIEREGESONDHEID VERMINDER STRES BY VARKE Die bestanddele van Timac Agro se nuwe Calseapig+ (reg. nr. V30315, Wet 36 van 1947) verminder onder meer stres en kannibalisme by varke. Calseapig+ is deel van Timac Agro se Calsebloc® -reeks. Varke benodig ’n omgewingsverryker omdat hulle ’n natuurlike behoefte het om hul omgewing te ondersoek. Die Calseapig+-lekblokke voorsien in dié behoefte en help dus om kannibalisme te bekamp. Die lekblok bevat natuurlike plantekstrakte wat bekend is daarvoor dat dit stres en pyn verlig, eetlus bevorder en anti-inflammatoriese eienskappe besit. Calseapig+ bied verdere voedingswaarde in die vorm van vlugtige olies, minerale en antioksidante om die varke se immuniteit te versterk en prestasie te bevorder. Die produk bevat Calseagrit Biotech, ’n seewier-en-algesamestelling. Dit help met spysvertering en om suurpens te voorkom, en is ’n bron…

LANDBOU.COM REGSKENNER BUTCH VAN BLERK PLAAS NIE SOOS BESKRYF Ek het ’n klein plasie gekoop omdat ek met ’n boerdery wou begin. Die grond is deur die eienaar aan my voorgehou as diep en vrugbaar. Ek het my huiswerk oor dié soort boerdery gedoen en alle inligting ingewin wat ek kon. Kontrakte is geteken, maar ongelukkig het ek eers daarna grondtoetse deur ’n geakkrediteerde maatskappy laat doen. Die antwoord was dat die kundiges my nie eens sou aanraai om ’n lappie lusern aan te plant nie, wat nog te sê van die aanplantings wat ek graag wou doen, naamlik olywe en granate. Die koste om die grondgehalte van só ’n gehalte te kry dat ek kan aanplant, gaan groot wees. Dus is ek nou genoodsaak om ’n ander rigting in…

Terwyl ek met Hein Swart deur WhatsApp-video gesels, vries die beeld telkens, en moet ek weer bel. “Man, die krag gaan kort-kort af en dan werk die WiFi nie. As die krag nou weer afgaan, wag net ’n bietjie, dan bel ons weer.” Dit klink baie soos Suid-Afrika en sy beurtkragsituasie. Swart, wat al agt jaar lank in Ghana woon en werk, is die bestuurder vir ’n Ghanese kommersiële landboumaatskappy, KOP Farms. Dit behoort aan twee Ghanese sakemanne wat in Engeland studeer het. Hulle is nie eintlik boere nie, maar het geleenthede in die landbou raakgesien. Hulle boer hoofsaaklik met mielies, want dié Wes-Afrikaland moet feitlik alle mielies wat hy nodig het, invoer. KOP Farms se mielie-oes word aan twee maatskappye gelewer wat dit reg oor Ghana versprei. Die geelmielies…

VEEBOERE moet basiese riglyne oor die voer van vee gedurende die winter onthou, veral weens die droogte wat steeds sy houvas op dele van Suider-Afrika het, om veeverliese te voorkom. Die winter is tipies ’n tyd van ’n skaarste aan goeie veldweiding in die somerreëngebiede, maar die droogte vererger dit en boere is oral genoodsaak om bykomende voer te verskaf. Dis juis waar hulle in ’n slaggat kan trap. Dr. Faffa Malan, bestuurder van die Herkouerveterinêre Vereniging van Suid-Afrika (Ruvasa), bied in sy April-verslag oor siektes en toestande wat in Suid-Afrika voorkom, nuttige wenke vir vee- en wildboere aan. Luidens ’n verslag van prof. HO de Waal van die Universiteit van die Vrystaat is daar nie vooruitsigte dat weidingtoestande gedurende die winter sal verbeter nie. Boonop het die min en…

In altesame 47,6% van die distrikte in die Vrystaat het grondpryse in die 12 maande tot Maart vanjaar gedaal. Die ander distrikte toon gemengde prysneigings. Die ontleding van grondverkope in die tabel is vir grond van meer as 10 ha. In dié tyd is 581 ooreenkomste gesluit, wat altesame 265 166 ha teen R3,990 miljard behels het. Daarvan was 81 tussen mense van kleur – 13,9% van die totaal. Dié soort transaksies sluit in verhandelings tussen individue (63), staatsaankope vir landbougrond (9) en grond wat vir stedelike ontwikkeling verkry is (9). Dit het 52 871 ha (19,9%) teen R473 miljoen – 11,8% van die totale waarde – behels. Van die totaal was die meeste transaksies (144, of 25%) vir grond van 150 ha tot 300 ha. Statistieke vir ál die…

Suid-Afrikaanse boere moet moeite doen om die Afrikanerskaapras uit te bou, want dié skape het eienskappe wat veeboerdery kan vorentoe neem. Só sê mnr. Dries Wiese van die plaas Kasteel by Loxton en grootste teler van Afrikanerskape in die land. Hy het ’n Afrikaner-teeltrop van 250 ooie. Hy verkoop die rammetjies as koggelramme, veral aan intensiewe skaapboere van oor die hele land, en het al Afrikaner-koggelramme na Australië en Mauritius uitgevoer. Die rede vir die gewildheid van Afrikaners as koggelramme is dat dit die enigste skaapras ter wêreld is wat ’n feromoon afskei wat ooie laat superovuleer. Afrikaner-koggelramme kom nuttig te pas waar ander behandelings om ’n groot groep ooie in ’n kort tyd te laat lam, te duur geword het. Wiese sê dieselfde resultate kan met koggelramme verkry word…

SÓ DOEN ’N MENS DIT Soos ’n klomp kinders wat met ’n handgranaat speel . . . Dís hoe Moeletsi Mbeki, broer van die oudpresident en sakevennoot van die Vrystaatse boer Johan Cronjé, die ANC-leiers beskryf. Eendag, waarsku hy, gaan een van hulle nog leer hoe om die pennetjie uit te trek. Dan is almal dood! Ace Magashule, sekretarisgeneraal van die ANC, het juis onlangs aan daardie pennetjie gepluk. Hy het voorgestel Suid-Afrika nasionaliseer die Reserwebank en druk net meer geld om die land uit die moeilikheid te kry! Op dieselfde dag is bekend gemaak die bruto binnelandse produk het in die eerste kwartaal met 3,2% gekrimp — die grootste ekonomiese afname in 10 jaar. Dié keer kon die landbou nie help nie. Met die droogte, laat someraanplantings, kragonderbrekings en…

As deel van Landbouweekblad se eeufeesvierings is ’n beperkte uitgawe van die gewilde bordspel Boereplaas uitgebring. Ses lesers is aangewys as wenners uit inskrywings waarin bydraers stories oor uitsonderlike boere en plase met ’n interessante geskiedenis kon stuur. Die volgende ses boere is aangewys as wenners: Roeks Griessel van Mogallywood (Maanhaarrand), Kobus Bekker van Skoorsteenmantel (Jamestown), Nico du Toit van Oplaas Geluk (Heidelberg, Gauteng), Willem de Klerk van Koufontein (naby Modimolle), Ben Malan van Rusthoek (Bothaville) en Gertjie Muller van Fonteinteintjie (Frankfort). Die tweede finalis (vir Mei) in LBW se Landini-trekkerkompetisie is Wendy Kirsten, Gemsbokkuil Boerdery, Darling.…

SYBOK VS. MERINO Angoras word in die veld bymekaargemaak op die plaas Kromrivier van mnr. Henfred Coetzer in die distrik Cradock. Dié boer weet presies wie vir hom die meeste per kop inbring — sy Angoras of sy Merino’s. Hy het ’n rekordboek wat hy van 1949 af hou en waarin hy die gegewens oor wol- en bokhaarskeersels in die fynste besonderhede aangeteken het en steeds getrou aanvul. Hy kan bewys dat die Angora, op plase wat vir bokhaarboerdery geskik is, nie vir die skaap hoef terug te staan nie. MOSSIE MAAR MAN Mnr. J.D. Craemer en sy seun van Vaalkop, naby Nylstroom (nou Modimolle), het lank kop gekrap oor ’n geskikte metode om tussen tamatierye meganiese skoffelwerk en bespuiting te doen. Toe hulle later dié minitrekkertjie (6 kW) raakloop,…

BUITEN die bankrot departement van water en sanitasie en talle agterstallige infrastruktuurprojekte wat me. Lindiwe Sisulu by haar omstrede voorganger, me. Nomvula Mokonyane, erf, is daar ook 135 hofsake hangende teen dié departement, wat met die departement van menslike nedersettings saamgesmelt word. Agri SA se omgewingskenners, mnre. Janse Rabie, hoof van natuurlike hulpbronne, en Gregory Smith, verantwoordelik vir watersake, waarsku in ’n verslag te midde van klimaatsverandering, toenemende besoedeling en verstedeliking, verkrummelende waterinfrastruktuur en ’n groter vraag na water, word Suid-Afrika se kosbaarste hulpbron bestuur deur ’n departement wat in ’n haglike toestand is. “’n Hooggeplaaste amptenaar van die ou departement het onlangs openlik erken al sou die departement skielik R30 miljard van die nasionale tesourie ontvang, sal hy nie in staat wees om die geld sinvol te bestee nie…

D IT kan ’n “baie gevaarlike winter” wees vir kleinveeboere wat hul vee voor die volgende produksieseisoen wil skeer. Só waarsku mnr. Johan van den Berg, weervoorspeller by Santam Landbou, na aanleiding van die eerste wintersneeu wat op 5 Junie in die Wes-Kaap geval het. “Dit is noodsaaklik om die gereelde aanpassings aan voorspellings dop te hou voor en gedurende die skeerproses. Veral van Julie tot middel September kan die weer groot risiko’s in dié opsig inhou.” Van den Berg sê die sneeu wat in dieselfde week die eerste keer sedert 2015 in Queensland, Australië, geval het, hou ’n verdere waarskuwing in van ’n koue winter wat kan voorlê. Die vyf seisoene waartydens Australië die swaarste sneeu aangeteken het, vergelyk vol-gens hom goed met hewige sneeuval in Suid-Afrika, volgens rekords…

DIE Suider Paarl Landbou Koöperasie in die Paarl gaan van 1 Julie deel uitmaak van die Koöperasiegroep. Die Koöperasie sê in ’n verklaring die eenparige besluit van die lede van die Suider Paarl Landbou Koöperasie om die vrywillige samesmelting te steun, kan toegeskryf word aan die gedeelde waardes van dié twee besighede. Die twee sal effektief op 1 Julie 2019 saamsmelt. Die Koöperasie sal al die bedrywe van die Suider Paarl Landbou Koöperasie bestuur, en sal steeds die unieke sakemodel van ’n koöperasie deel. Mnr. Derek Clift, voorsitter van die direksie van die Suider Paarl Landbou Koöperasie, sê in ’n verklaring die besluit is geneem tot voordeel van Wes-Kaapse boere, wat toegang sal kry tot ’n groter netwerk van produkte en dienste. ’n Sentrale stelsel vir bedinging en operasionele bestuur…

DIE Kaapstadse stadsraad het grond in die nywerheidsgebied van Atlantis aan ’n belegger beskikbaar gestel vir die verbouing van dagga vir medisinale doeleindes. Die wettige kweek van dagga vir uitvoer na farmaseutiese maatskappye in die buiteland is nog in sy kleuterskoene in Suid-Afrika. ’n Noord-Kaapse boer het onlangs organiese sertifisering vir sy uitvoerproduk gekry. Volgens die Stad Kaapstad sal die eerste medisinale dagga-aanleg in die metro en in die Wes­Kaap opgerig word op grond wat die stadsraad daarvoor beskikbaar gestel het. Mnr. James Vos, lid van die stad se burgermeesterkomitee vir ekonomiese geleenthede en batebestuur, sê die besluit bied geleenthede om ekonomiese voordele, soos werkskepping, in dié jong bedryf te ontsluit. Die kapitaalbelegging van die individuele belegger gedurende die eerste oprigtingsfase beloop R638 miljoen. ’n Verdere R1,5 miljard sal tydens…

DIE Swartland gaan hierdie winter minder reën kry as in 2018, maar darem nie so min soos in 2017 nie. Die Overberg en Suid-Kaap gaan vanjaar beter vaar met meer reën. Die suide van die Swartland gaan beter reën kry as die noorde, maar dit lyk darem nie of die Swartland “daardie mini-droogtes” van drie tot vier weke van geen reën gaan kry nie, sê mnr. Giel Hugo, weervoorspeller van Bredasdorp. Die rede vir die voorspelling van minder reën vir die Swartland en die Weskus is dat die fronte wat reën bring aan die winterreëngebiede van die Wes- en Noord-Kaap, verder oos oor die land beweeg. Dit is as gevolg van ’n sterk hoogdrukstelsel oor die noordooste van die land, met ’n middelpunt wat oor die Oos-Vrystaat lê, wat die…

DIE bruto produksiewaarde van die Suid-Afrikaanse landboubedryf kan teen 2021 en 2022 alle verwagtinge oortref omdat dit op langer termyn ál beter sal gaan. Dít was mnr. Wessel Lemmer, senior landbou-ekonoom by Absa Landboubesigheid, se rooskleurige voorspelling tydens ’n oorsig van die plaaslike landbou-ekonomie op die jaarvergadering van die Wes-Kaapse Rooivleisprodusente-organisasie op Laingsburg. Lemmer het gesê die gemiddelde groei in die Suid-Afrikaanse rooivleis-produksiesektor is bogemiddeld. Dit word ondersteun deur rooivleisprodukte-uitvoer, asook dié van wolpryse en graan. “Die gemiddelde groei van die rooivleisbedryf die afgelope tien jaar was, tesame met sy ondersteunende sektore, 200% wat beesvleis betref, 146% vir skape en bokke, 148% vir varke en 205% vir wol. Ander lewendehaweprodukte het ’n gemiddelde groei van 155% getoon.” BEDRYF GROEI VINNIG Die rand word geraak deur feitlik enige groot internasionale gebeurtenis,…

HY het diep gedelf om ’n lied met trefkrag oor Landbouweekblad se 100ste bestaan te skryf, maar gelukkig boer hy self, vertel die sanger Adam Tas, wie se liedjie hieroor nou op Landbou.com gehoor kan word. “Ek het dadelik gedink aan my oupa en oupagrootjie, wat ook in verskillende fases van hul boerderye die tydskrif gebruik het soos wat ek hom gebruik. Ek wou daardie nostalgie vasvang, daardie gevoel van tradisie wat oor ’n eeu strek. “Landbouweekblad was altyd daar wanneer ons vir my oupa- en oumagrootjie op hul hoewe by Cullinan gaan kuier het. Onthou, in Landbouweekblad kan jy enigiets kry, van ’n trekker tot jou trouvrou.” Besoek bit.ly/2K2wp8B om na die liedjie te luister.…

M ei het gekom en gegaan en die verkiesing het sonder té veel chaos plaasgevind. Diegene wat gehoop het dit sou groei op die markte bewerkstellig, was taamlik teleurgestel. Terwyl talle mense gedink het die prys van maatskappye op die beurs kon nie verder val nie, was daar net ’n stroom van slegte nuus. Eskom en die SAA se uitvoerende hoofde het bedank, dié van Ou Mutual is afgedank en dié van Netcare moes ’n klomp van sy aandele verkoop om skuld te betaal. Gevolglik het die rand verswak en het die mark verder gedaal. Die kabinetsverkleining het ook nie die markte ondersteun nie. Dit is dus nie verbasend nie dat al hoe meer mense hul beleggings afkoop. Sommige mense het geen keuse nie. Ek het die afgelope maand ’n…

Avokadoboere en -navorsers wil hê mense moet ophou om die avokado’s in die supermark te druk en te beskadig wanneer hulle die rypheid daarvan wil toets. Om ’n avokado te druk, is die algemeenste metode om die rypheid van die vrug te toets. Navorsing toon dat omtrent almal – 97% per-sent van klante – avokado’s druk voor hulle dit koop. Die probleem is dat wanneer avokado’s gedruk word, dit versteekte bruin en gekneusde vleis onder die vel agterlaat wat tot teleurstelling vir die koper kan lei. Me. Jennie Franceschi, ’n avokado-verpakker, -bemarker en -uitvoerder van Bunbury in Wes-Australië se suidweste, sê die meeste skade word opgedoen terwyl die avokado’s op die supermarkrak is. “Altesame 90% van die kneusing wat plaasvind, gebeur in die kleinhandel. Wanneer kopers avokado’s kies, druk hulle…

Dié Horsch Maestro-laedrukpresisieplanter plant 24 rye saad met ’n spasiëring van 75 cm en dien ook kunsmis toe. Die saadkas het plek vir 2 ton saad en 6 ton korrelkunsmis. Dit word van Duitsland af ingevoer en verg ’n trekker van 250 kW. PRYS: R3,795 MILJOEN. NAVRAE: Mnr. Henry van Vuuren, 083 641 9151. Die Checchi & Magli Unitrium-saailingplanter is ’n tweeryplanter wat die meeste tipes saailinge kan hanteer. Dit is spesifiek ontwerp om nie voedingstofryke grond rondom die saailing te versteur tydens die plantproses nie. Tot 4 000 plantjies per uur kan geplant word. Die boer kan binne ’n uur of twee besproeiing op die nuwe plantjies plaas. Die rywydte en -spasiëring is verstelbaar. PRYS: R177 000. NAVRAE: Rovic Leers, 021 907 1700, 011 396 6200, 033 346 2727.…

Die geweegde gemiddelde varkvleisprys was begin verlede jaar op die hoogste vlak in die afgelope ses jaar. Gedurende die eerste nege weke van verlede jaar het die prys met sowat R3/kg gedaal weens verbruikersweerstand teen die hoë pryse. Die minister van gesondheid het op 4 Maart 2018 aangekondig die publiek moet alle verwerkte vleis en vleisprodukte vermy weens die uitbreking van listeriose. Die voedselmaatskappy Enterprise moes sy polonie, frankfurters en gerookte russiese worsies van die rakke onttrek. Die maatskappy het ook ál sy ander produkte van winkelrakke onttrek. Die Enterprise-abattoir en -verwerkingsaanlegte is gesluit, wat die slagvermoë met 5 000 tot 6 000 varke per week verminder het. Dit is 12% van die varke wat in Suid-Afrika geslag word. Dié varke het vanaf die verwerkte mark na die vars mark…

Hoe kan ’n vleisprodusent te werk gaan om sy produk aan gehalte te koppel en amptelik daarvolgens te merk? Om ’n gehaltemerk te registreer, moet die unieke eienskappe, prosedures en praktyke in ’n gedetailleerde protokol uiteengesit word. Die spesifieke parameters sluit in: ■ Dieregesondheid en -welstand. ■ Veeartsenykundige prosedures en medikasie. ■ Voer-, water- en grondgehalte. ■ Slag- en verwerkingsvereistes ■ Karkasspesifikasie. Samic-oudits word twee keer per jaar gedoen teen ’n beraamde koste van R1 400 (vir ’n plaas), R3 325 (vir ’n voerkraal), R2 640 (vir ’n abattoir) en ’n bykomende R6,50 per kilometer gereis (pryse is onderhewig aan verandering). ’n Boer kan ’n nuwe gehaltemerkprotokol ontwikkel en registreer, of deelneem aan ’n bestaande handelsmerk, soos GFASA of Karoolam. Die naspeurbaarheid van die vleisproduk is noodsaaklik. Dit beskerm die…

Sitruspons ’n Vitamien-inspuiting met skop! Sit dié verfrissende pons by die volgende partytjie voor. Jy kan dit natuurlik sonder alkohol ook maak; laat dan net die vodka uit. As jy bloedlemoene (lemoene met rooierige vleis) in die hande kan kry, gebruik dit – dit gee die mooiste kleur en lekker geur. ■ 125 ml vodka ■ 6 vars lemoene, uitgedruk ■ 6 vars clementines, uitgedruk ■ 1 suurlemoen, uitgedruk ■ 1 elk lemoen, clementine en suurlemoen of lemmetjie, in dun skyfies gesny ■ 1 liter suikervrye vonkellimonade (of ’n gaskoeldrank soos Sprite Zero) ■ 500 ml Dry Lemon (suurlemoenlimonade) ■ Ys en vars kruisementblare Meng die vodka, vars sitrussap en skyfies sitrusvrugte in ’n ponsbak. Voeg die twee soorte koeldrank en lekker baie ys en kruisementblare by net voor jou…

GAUTENG CARLETONVILLE DEELKRAAL (142), 627 ha, aan die regering van die RSA, van P.M., A.L. en W. Fourie, R8 000 000. KOEDOESFONTEIN (478), 34 ha, aan I.M. Mare, van Olifantrus, R1 900 000. KOEDOESFONTEIN (478), 34 ha, aan Algroco 6, van I.M. Mare, R2 160 000. PATRIOTSFONTEIN (558), 304 ha, aan J.H.J. Coetzee, van R.J.N. Brits, R4 800 000. SPRUITE (456), 193 ha, aan Broad Brush Inv., van Purple Plum Prop, R2 600 000. KWAZULU-NATAL HARDING TWEEFONTEIN (239), 33 ha, aan The Old Orchards, van Cheral Trading-trust, R7 500 000. HELPMEKAAR ELANDS KRAAL (3327), 33 ha, aan P Voigts Investments, van I.M. en W.T. Harms, R1 600 000. GELEGENFONTEIN (11671), 2 899 ha en GELEGENFONTEIN (1204), 201 ha, aan Madumelana-gemeenskapstrust, van Ayton Farm-trust, R26 315 000. LOUWSBURG PONGOLA (61), 175…

BOEREDAE 6 AUGUSTUS: NWKV-reproduksie-inligtingsdag, Albertinia. Tania Lusse, 028 212 3160; Jannie Fourie, 083 564 1105. 19 AUGUSTUS: Tafel- en-droogdruif-inligtingsdag, Bushfellows, Groblersdal. 021 889 6311/2,e-pos: sasev@sasev.org, web: www.sasev.org 3 JULIE: Val-boeredag. Toerusting en demonstrasies. Aangebied deur die Watervalboerevereniging. Buite Stander-ton. Hardus, 083 230 2721; Frederik, 072 160 4824; web: www.valboeredag.co.za 28 AUGUSTUS: Die Noord-Vrystaatse SAVM-klub se boeredag en veiling met die samewerking van die boerevereniging van die Rooi Skool, Kroon-Boma, Kroonstad. Neline Pienaar, 082 440 4492, e-pos: Bennieneline@eleo.co.za 30 AUGUSTUS: Werksessie saam met prof. Johan Willemse, Bloemfontein. Tema: Vooruitsigte vir die graan- en vleismark. 083 381 8011, e-pos: marlene@jomar.co.za 10 SEPTEMBER: Bewaringslandbou-boeredag, Holmdene naby Standerton. Plaaslike en internasionale kenners, geenbewerkingspraktyke in Argentinië, werktuie en tegnieke. Hendrik Jordaan, WhatsApp: +54 11 4307 6412, e-pos: consultancy@laurik.com.ar FEESTE, EKSPO’S 26-29 JUNIE: Landbouweekblad se Eeufees-voorbladuitstalling,…