Innehållsförteckning för 12-Jul-19 från Landbouweekblad

Die ontsaglik hoë werkloosheidsyfer van amper 30% verbloem die feit dat al hoe meer mense inderwaarheid werk kry in Suid-Afrika, ofskoon die werksmark teen ’n stadiger koers groei as die aantal werksoekers. Data uit Statistieke Suid-Afrika se kwartaallikse arbeidsmagopname en kwartaallikse indiensnemingstatistiek toon dat werkskepping in die formele sektor buite die landbou met 0,8% toegeneem het sedert verlede jaar. Die formele ekonomie het teen einde Maart 76 000 meer mense in diens gehad as ’n jaar gelede. In die eerste kwartaal van vanjaar het die ekonomie 22 000 werkgeleenthede bygevoeg. Die handelsektor het die afgelope jaar 67 000 werkgeleenthede bygekry en met 3,1% gegroei. Dié sektor sluit in groot- en kleinhandel en die herstel van motors, persoonlike en huishoudelike goedere, asook die hotel- en restaurantbedryf. Werkgeleenthede in die sakesektor het…

ARTIKELS & RUBRIEKE ■ Termynmark té riskant vir die meeste koringboere ■ Die Karoo se windpompdokters ■ Vrystaatse Jongboer: Harde werk en kanse aangryp bring sukses ■ AfriBeef groei na die buiteland ■ Intelligente spilpunte pas gewasbestuur toe SPESIAAL ■ Sussex-bylae GESIN ■ Klein koekies vir grootmense WATERVOORSIENING Die dorre Karoo is geseënd met grondwater, waarsonder veeboerdery in hierdie streek onmoontlik sou wees. Windpompe bly die beste manier om dié kosbare bron te onttrek. Ontmoet die span “windpompdokters” van Carnarvon wat sorg dat die Karoo se lewensaar aanhou vloei.…

DIE Europese Unie (EU) het ’n gesprek met die Suider-Afrikaanse Doeane-unie (Sadu) aangevra oor Suid-Afrika se beskermingstarief van 35,3% op ingevoerde Europese hoenderstukke aan die been. Dit is luidens ’n aankondiging op die Europese kommissie se webwerf die eerste stap in ’n dispuutbeslegtigingsproses. “Die EU het op verskeie geleenthede ’n vriendskaplike oplossing vir die kwessie probeer vind, maar tevergeefs,” sê dié streek, met wie die Suider-Afrikaanse Ontwikkelingsgemeenskap in 2016 ’n ekonomiese vennootskapsooreenkoms (EVO) gesluit het. Die EU hoop die partye kan ’n wedersyds bevredigende oplossing in die toegelate 40 dae ná sy raadplegingsversoek op 14 Junie vind. Mnr. Donald MacKay, besturende direkteur van XA Trade Advisors, skryf in ’n blog dit is onwaarskynlik dat ’n vriendskaplike oplossing gevind sal word, waarna die EU na verwagting arbitrasie sal versoek. “Ons is…

SUID -AFRIK A het uiteindelik ’n registrasieproses vir geografiese indikators (GI’s). Dit is name wat nét vir produkte van die streek van oorsprong gebruik mag word, byvoorbeeld rooibostee, heuningbostee en Karoolam. Die beskerming van plaaslike GI’s moes tot onlangs staatmaak op ’n kombinasie van bedryfspesifieke wetgewing, internasionale erkenning en gemeenskaplike regsmiddels. Die webwerf Lexology berig dat regulasies afgekondig is ingevolge die Wet op Landbouprodukstandaarde (Wet 119 van 1990) om landbouprodukte te beskerm wat in Suid-Afrika verkoop sal word. Dié regulasies beskerm onder meer partye se intellektuele eiendomsreg tot GI’s, én beskerm verbruikers teen misleiding rondom produkte se oorsprong en gehalte. HOE WERK DIT? Die registrasieproses is elektronies, en die publiek kan beswaar aanteken wanneer aansoeke gepubliseer word. Die regulasies vereis onder meer dat die betrokke GI nie identies is aan…

DIE pot is nog so ’n bietjie aan die prut, maar dis maar baie stadig, sê mnr. Omri van Zyl, uitvoerende direkteur van Agri SA, oor die werksaamhede van die georganiseerde landbou binne die eenheidsforum vir landbou, Asuf. Dit was in reaksie op navrae oor ’n verklaring van die African Farmers’ Association (Afasa), wat onder meer sê hy is tevrede met die vordering wat binne Asuf gemaak word met ’n vyf- tot tienjaarsektorplan vir die landbou wat ook die rol van swart boere binne die landbouwaardeketting en ekonomie uitstippel. “Daar is aanvanklik gekyk na sulke planne en insette is gegee, maar daar is nog geen mandate nie – en niks is vasgemaak nie”, sê Van Zyl. “Ek het self nog nie die samevoeging van planne gesien nie. Ons sal dit…

SUID-AFRIKANERS sal van die gepolariseerde siening moet wegbeweeg dat die land se energie van óf steenkool óf herwinbare energiebronne moet kom. Debatte moet eerder konsentreer op die doeltreffendste manier om aan die land se kragvereistes te voldoen om die ekonomie te laat groei, deur die voorsiening van energie te balanseer met die land se verpligting om klimaatsverandering aan te pak. Só het mnr. Gwede Mantashe, minister van minerale hulpbronne en energie, tydens die debat oor die staatsrede in die parlement gesê. Hiermee het hy dit duidelik gemaak dat steenkool deel van die land se toekomstige energiebronne sal bly. Hy het gesê die geïntegreerde plan vir hulpbronne (IRP) sal die land se primêre energievereistes aandui met betrekking tot steenkool, kernkrag, gas, sonkrag, wind, hidrokrag en biomassa. Daar word reeds geruime tyd…

’n Verbetering in die opbrengs van aartappels op droëland en onder besproeiing sedert 2008 bied boere ’n beter kans op oorlewing ten opsigte van winsgewendheid – ten spyte van ’n sydelingse prysneiging in die reële prys op die land se varsproduktemarkte. Altesaam 7 638 339 sakkies aartappels van 10 kg is in Mei uit alle aartappelproduksiegebiede van die land op dié markte gelewer. Volgens Aartappels SA se markinligting is die meeste van dié lewering (75%) van puik gehalte (klas 1). Slegs sowat 16% van klas 2, 7% van klas 3 en slegs 0,1% het die laagste gradering behaal. Van die belangrikste redes vir die afgradering van aartappels op varsproduktemarkte was meganiese beskadiging (19%), skade weens motte (15%), aalwurms (13%) en ander insekte (7%). Vergroening, sandsplete, verbruining, silwer- en bruinskurf en…

E en van die belangrikste dokumente wat enigeen tydens sy of haar lewe sal opstel, is ’n testament. Dit is ’n regsdokument wat aan wetlike vereistes en formaliteite moet voldoen. Dit bepaal wat met jou besittings ná afsterwe gebeur, wie jou erfgename is en wie die eksekuteur moet wees. ’n Plaas is onroerende eiendom wat in Suid-Afrika geleë is en waarop bona fidaboerderybedrywighede beoefen word. ’n Plaas word voordeliger gewaardeer vir die doeleindes van boedelbelasting, skenkingsbelasting en, in sekere gevalle, kapitaalwinsbelasting as ander onroerende eiendom. Vir die doeleindes van boedelbelasting word ’n aftrekking van 30% van die billike markwaarde soos op datum van afsterwe van die plaas toegelaat indien die kommissaris oortuig is dat bona fida-boerderybedrywighede daarop beoefen word. Die Boedelbelastingwet bepaal dat wanneer eiendom weens die likwidasie van ’n…

Die forensiese rekenmeester en bekroonde vryskutjoernalis dr. Philip Theunissen het in ’n ontledende artikel in Landbouweekblad bevind dat daar geen regstreekse verwantskap is tussen plaasgrootte en produksiedoeltreffendheid, en dat geen empiriese inligting bestaan wat die 80:20-reël vir landbouproduksie onderskryf nie. (“Groter is nie altyd beter”, LBW, 3 Julie 2015.) Voorstanders van boerdery op nywerheidskaal beweer “groter is beter” as dit by kosproduksie kom. Die bron hiervan is dikwels maatskappye wat groot tegnologie voorstaan. Veral in Amerika is kleinskaalse plaastegnologie gebrandmerk as ondoeltreffend en dat die benutting van genetika, groot werktuie en rekenarisering net werkbaar is op groot plase. Al hoe meer stemme gaan egter op teen dié opvattings, en studies toon dat kleiner plase doeltreffender as groot plase op nywerheidsvlak is. Daar bestaan ook ’n plafon tot waar ’n groeiende…

Die gebruik van genetiese redigeringtegnologie om ’n virusweerstandige kassaweplant te skep kan ’n lelike nadraai inhou, volgens nuwe navorsing deur plantbioloë. Gedurende hul navorsing het pogings om die plante geneties te redigeer om virusse te bestry eerder die uitbroei van gemuteerde virusse tot gevolg gehad. Die navorsers is van die Universiteit van Alberta in Kanada, die Universiteit van Liege in België en die Switserse Federale Instituut van Tegnologie. Die gemuteerde virusse het in beheerde laboratoriumtoestande gepropageer. “Ons gevolgtrekking is dat dié tegnologie seleksiedruk op die virus uitoefen om vinniger te ontwikkel en van die middele voorsien om te ontwikkel. Dit het ontaard in ’n virusmutant wat weerstandig is teen ons ingrypings,” sê dr. Devang Mehta, postdoktorale genoot verbonde aan die Universiteit van Atlanta se departement biologiese wetenskappe. Die betrokke tegnologie…

PLAASINLIGTING LIGGING: Dwaalboom, Limpopo NAAM: Schoongezicht GROOTTE: 9 000 ha (verskillende eenhede in dieselfde omgewing) EIENAARSKAP: Alleeneienaar, buiten die Schoongezicht-natuurreservaat wat in vennootskap met bure besit word VERTAKKINGS: Wild, saaiboerdery en beeste GRONDTIPE: Rooi sandgrond VELDTIPE: Soet bosveld GEMIDDELDE REËNVAL: 450 mm per jaar KORTOM ■ Suid-Afrika se voorste wildboer meen ’n wildboer moet ’n besoeker ’n ware Afrika-ervaring kan bied. ■ Wildboere wat jagsafari’s wil aanbied, maar nie baie grond het nie, kan as een strategie vennootskappe met bure oorweeg. Jagters wil nie deur grensdrade en hekke aan bande gelê word nie. ■ Schoongezicht se bastergemsbokke is goed aangepas by die Bosveld en het goeie bosluisweerstand. Al is mnr. George Potgieter van Dwaalboom vandag bekend om sy uitstekende bastergemsbokke meen hy steeds sy jagonderneming het die volhoubaarheid van sy…

WATTER TEGNOLOGIE IS ONMISBAAR IN JOU BOERDERY? Selfone vir kommunikasie. WIE HET AL VIR JOU DIE BESTE RAAD OOR BOERDERY GEGEE EN WAT WAS DIÉ RAAD? Dr. Danie Nolte, my goeie vriend, het gesê ’n mens moenie in beeste belê wat uitskieters is nie. WAT IS DIE GROOTSTE FOUT WAT JY IN JOU BOERDERY GEMAAK HET? Om troppies veilingbeeste te koop pleks van enkele geselekteerdes. WAT IS JOU GROOTSTE PROBLEME IN DIE BOERDERY? Droogtes, arbeid en politiek.…

Die meganisme van aksie, of metode van werking (MvW), van ’n insekdoder bepaal hoe die insekdoder teen ’n insek of myt op molekulêre vlak werk. Om te weet wat die MvW is, is die sleutel tot die bestuur van insekweerstand. Op makrovlak word insekdoders primêr deur die kutikula (vel), deur die mond (soos in eet) of deur die lugopeninge as ’n gas ingeneem. Daarna moet die doder deur die insek se lyf verplaas word tot by die teikenplek waar dit op molekulêre vlak kan begin werk. By die teikenplek bind die insekdodermolekule met reseptormolekules. Sodra dít gebeur, vind die nadelige uitwerking van die insekdoder op die insek plaas, wat dan gewoonlik tot die insek se dood lei. Insekte het verskeie verdedigingsmeganismes wat die doder se uitwerking teenwerk en wat die…

STAALTOERUSTING HULPMIDDELS VIR VEE- EN WILDBOERE Cockscombview Steelworks in Uitenhage in die Oos-Kaap vervaardig ’n verskeidenheid staaltoerusting wat op plase gebruik kan word. Mnr. Wynne Vermaak, eienaar, ontwerp en sweis self dié toerusting vir vee- en wildboere. Staalprodukte word met spesiale verf behandel. Dit kan ook gegalvaniseer word indien die boer dit verkies. Die produkreeks sluit in voerders vir groot vierkantige en ronde bale, diprollers en kraalhekkies. Die maatskappy vervaardig ook stelsels vir lamhokkies, kruipvoerpanele, selfvoerders, kruipvoerbakke en waterbakke. Bakkietralies, staalhekke, heinings en stapelbeddens vir seisoenwerkers of skeerders op die plaas is ook beskikbaar. Toerusting word volgens boere se spesifikasies vervaardig. Die reeks is in die Oos-Kaap en aangrensende provinsies beskikbaar, en vervoer- en koerierdienste kan gereël word. PRYS: Op aanvraag. NAVRAE: Mnr. Wynne Vermaak, 082 876 6833, e-pos: wynnevermaak@gmail.com;…

Op 17 Julie vanjaar bied Ubique Afslaers ’n veiling aan van drie topwild- en weidingsplase van 4 080 ha in die distrik Lephalale, Limpopo. Dit sal op die plaas Rhenosterpan plaasvind. Die plase kan afsonderlik of gesamentlik gekoop word en het goeie infrastruktuur. Ubique Afslaers verkoop op 19 Julie ’n nywerheidsgebou op Klerksdorp, Noordwes, met oorhoofse krane, voertuie, vragmotors en meubels. Besoek www.ubique.co.za vir nog inligting oor die veilings en verkope. DIENSTE GELEWER Die maatskappy spesialiseer in ’n verskeidenheid veilings. In landelike gebiede veil hy plase en kleinhoewes op, asook plaastoerusting en werktuie, soos trekkers, stropers en planters. In dorpe en stede word residensiële, kommersiële en nywerheidseiendomme, asook voertuie, boutoerusting, meubels en ander los bates opgeveil. Ubique Afslaers tree ook as eiendomsagent op vir die bemarking van enige vaste eiendom,…

BOERE VERKEER ONDER WANINDRUK OOR HAARWURMS BAIE boere dink verkeerdelik haarwurms is nie ’n probleem by hul vee gedurende die winter nie, maar dit kan steeds groot skade veroorsaak, sê dr. Faffa Malan, bestuurder van die Herkouerveterinêre Vereniging van Suid-Afrika (Ruvasa). Haarwurminfeksies het gedurende Mei by kleinvee in al nege provinsies voorgekom, volgens sy Mei-verslag van siektes wat deur lede by hom aangemeld is. Deur die vyfpuntkontrolering (neus, oog se slymvlieskleur, kwakkeel, liggaamskondisietelling en diarree-evaluasiedagtelling) op ’n aantal diere met oorplaatjies toe te pas, kan die boer vasstel of daar inwendige parasiete by sy vee is. Dan kan hy besluit of al die vee ondersoek moet word en of net individuele diere of die hele kudde behandel moet word. Pasop vir lewerslakwurms as die vee na vleie of kampe met…

GAUTENG PRETORIA BOVENEIND GROENFONTEIN (126), 21 ha, aan Rawr Inv. (Edms.) Bpk., van H.M. Smit, R800 000. DE ONDERSTEPOORT (300), 40 ha, aan Nilostar Ten (Edms.) Bpk., van Cleveland Crushers, R625 000. JAKHALSFONTEIN (528), 29 ha, aan J.W. Fakude, van M.J.J. Coetzee, R1 270 000. JAKKALSDANS (243), 43 ha, aan die regering van die RSA, van P.B. Jansen van Rensburg, R2 350 000. KLIPEILAND (524), 262 ha, aan Opraap Melkery, van Lonella Beleggings (Edms.) Bpk., R11 500 000. LEEUWFONTEIN (299), 22 ha, aan Solar Spectrum (Edms.) Bpk., van Motor Pretpark, R5 850 000. LEEUWFONTEIN (299), 43 ha, aan die Stad van Tshwane-munisipaliteit, van Solar Spectrum (Edms.) Bpk., R24 500 000. ONSPOED (500), 21 ha, aan B.A. Sethole, van die Land Bank van SA, R550 000. PLAAS (475), 110 ha, aan…

VAN ROOY SKAAPRAS VAN UITNEMENDHEID Die afgelope jaar se veilingsneigings het getoon dat die Van Rooyskaapras hoogs mededingend geraak het en dat alle diere wat op veilings aangebied is, teen gemiddeld goeie pryse verhandel is. Mnr. Johan Stadler, voorsitter van die Van Rooy-skaaptelersvereniging, sê dieselfde neiging sal na verwagting op die nasionale Van Rooy-veiling op 7 Augustus by Upington ondervind word. “Die goeie eienskappe van die Van Rooy-ras bewys hulself al hoe meer. Sodoende druk die Van Rooy sy stempel behoorlik af – ’n prestasie wat glad nie geringgeskat kan word nie,” sê hy. Stadler skryf die toename in die vraag na Van Rooy-ramme en -ooie die afgelope paar jaar toe aan die gehardheid van dié ras. “Telers sukkel om tans in die vraag na ooie te voorsien. Van Rooy-ooie…

Mnr. Johann de Wet en sy vrou, Bertie, boer op Doornbult, die familieplaas waar die De Wet-familie al langer as 100 jaar woon en werk. Die Jocharl-stoetery het al talle kampioene opgelewer, en die bulle vorm die grondslag van baie Santa Gertrudis-stoeterye in Suider-Afrika. Die stoetery is ook die tuiste van die bul, Jocharl 91/75 Quisto. Dié bul is aangewys as die Santa-bul wat sedert 1990 die grootste invloed op die ras gehad het. Die kudde word op die veld bestuur en De Wets selekteer streng vir geharde, veldaangepaste diere. Hulle lê klem daarop om vrugbaarheid- en melkproduksie-eienskappe in die stoetery te vestig. Die Jocharl-stoetery spog met ’n goeie reputasie en oor die afgelope 39 jaar is goeie vordering gemaak om diere te teel wat gerat is om in Afrika…

Indruk Santa Gertrudis se naam is afgelei van die Santabul Hindrik van Bowman Santas. Dr. Hennie Nel het die stoetery in 1984 met dié bul begin. Hy het dié bul saam met drie koeie van mnr. Kiewiet Kotzenberg aangekoop. Nel boer saam met sy dogter, me. Louise Paterson, en hul plaasbestuurder, mnr. Jaco Britz, op drie plase tussen Bela-Bela (Warmbad) en Modimolle (Nylstroom) in Limpopo, naamlik Geluk, Grootvlei en T-plaas. Hy was ook in 1993 een van die stigterslede van die Noord-Santaklub. Dit verg goeie beplanning en puik bestuur om op drie plase te boer. Die kudde is in drie groepe verdeel wat op die verskillende plase wei. Elke plaas het ’n groep koeie, maar die speenkalwers en skoukudde word op Geluk gehuisves. Die veldgroeitoetse word ook op dié plaas…

Mnr. Marius Freeman het Nampo vyf agtereenvolgende jare besoek en al die beesjoernale ingesamel wat hy kon. Uit dié data het hy ’n grafiek saamgestel waarna vyf beesrasse vir hom uitgestaan het. Tydens sy sesde Nampo het hy deur die stalletjies geloop en dié vyf rasse se beeste aandagtig bestudeer. Toe hy by die Santa Gertrudis-stalletjie kom en die bul VV08-106 sien, het hy geweet sy keuse is gemaak! Dit het gelei tot die ontstaan van die Highland Gate Santa-stoetery in 2013 en die Hezekiah Santa-stoetery in 2014. Marius en sy seun, Juan, het onlangs besluit om die twee kuddes saam te voeg. So is die Jumardi Santa-stoetery gevorm. Juan het intussen die leisels by sy pa oorgeneem, maar die stoetery word steeds met dieselfde geesdrif en visie bestuur as…

Baron, die eerste stoetbul van die Valley Venture-stoetery, was ’n bul met baie goeie definisie van spier, maar steeds met lang sagte bespiering, met baie breedte op sy rug en agterkwart en ook ’n goeie skede. “Die bul het eenvormig geteel, en ons probeer steeds om vir dieselfde eienskappe te teel,” sê mnr. Willie de Jager. Hy sê Valley Venture het in 1995 vir die eerste keer deelgeneem aan die nasionale kampioenskap in Johannesburg. Tydens dié geleentheid is die Valley Venture-stoetery aangewys as die nuwe teler met die meeste punte, asook die teler wat algeheel die meeste punte gekry het. Trouens, Valley Venture het in ál die nasionale kampioenskappe vanaf 1995 die meeste punte verower. “Ons stoetkudde loop die hele jaar op natuurlike veld, en ons gee geen kruipvoeding vir…

$50 miljoen Volgens die nuutste navorsing oor landbouverwerking sal Afrika vanjaar $50 miljard (sowat R709 miljard) aan die invoer van kos bestee. Mnr. John Rocha, hoofdirekteur van Trade Invest Africa by die departement van handel en nywerheid, sê Afrika moet sy verwerkingsvermoë verbeter sodat dié geld eerder binne Afrika bestee word. Volgens AfriExim Bank kan handel tussen Afrikalande van 15% tot 38% styg indien hulpbronne van elders deur dié van Afrika vervang word. — Dept. van handel en nywerheid 2 000 ’n Studie van die omgewingsaktivistegroep Greenpeace en nóg ’n groep reken dat meer as 2 000 Suid-Afrikaners jaarliks vroeg sterf weens gesondheidsgevolge van die lugbesoedeling wat Eskom-kragsentrales veroorsaak. Eskom se navorsing sê dit is 320. Luidens ’n studie van die sentrum van omgewingsreg is dié syfer 650. Volgens kenners…

‘Dit is marteling, maar steeds weier jy om in die openbaar ’n uitspraak daarteen te doen.’ DR. PIETER GROENEWALD, leier van die VF Plus, oor pres. Cyril Ramaphosa se swye oor plaasmoorde. Bl. 22 ‘Groot klippe of bakstene word deur ruite van vragmotors gegooi as die booswigte vermoed buitelandse bestuurders is agter die stuur.’ Mnr. Jerry Maritz, uitvoerende hoof van graan by VKB Landbou, oor die vlaag aanvalle op vragmotors wat die waardeketting ernstig bedreig. Bl. 21 ‘Hier (is) ’n ware onderneming, met goeie vooruitsigte, bates en mense. Ons moet net ons besigheid konsolideer.’ MNR. ADRIAAN DE LANGE, uitvoerende hoof van die Omnia-groep, oor die groep se vooruitsigte ná ’n verlies van R414 miljoen die afgelope boekjaar. Bl. 18 ‘Ons kan nie aanhou om ’n worsmasjien te stop as daar…

Goeie plaaslike ondersteuning deur sy Massey Ferguson-handelaar, OVK, was die hoofrede waarom mnr. Quentin de Bruyn van die plaas Vastrap by Ladybrand drie jaar gelede na Massey Ferguson oorgeskakel het. Sedertdien het die werkverrigting van daardie eerste trekker, ’n hoëtegnologie-MF 8670 van 213 kW, hom nog twee Masseys laat koop. Quentin, een van Suid-Afrika se voorste Boranbeestelers, plant sowat 1 200 hektaar mielies, sonneblom en koring per jaar asook hawer en tef vir veevoer. Hy voel nie gebonde aan enige handelsmerk nie en kyk met die aankoop van trekkers na prys, gehalte en ondersteuning. Die reputasie van die vervaardiger is ook vir hom belangrik. “As jy kyk na Massey Ferguson se belegging in navorsing en ontwikkeling is dit duidelik dat hulle daar is vir die lang termyn,” sê hy. Die…

INSK RY WIN GS vir Suid-Afrika se nuutste skou, die BKB Afrika Lewendehawe-ekspo (ALE), sluit op 15 Junie. Die organiseerders wil hê dit moet die leemte vul wat gelaat is met die sluiting van die Randse Paasskou se vee-afdeling en die staking van die Pretoriaskou. Die ALE vind plaas van 28 Augustus tot 7 September by die Afridome op Parys. Nuwe stalle word gebou om minstens 1 200 beeste te kan huisves. Geen toegangsgeld gaan gevra word nie. Die Brahman- en Simbra-genootskappe gaan nasionale veilings hou. Die skou gaan in die toekoms uitgebrei word om ook kleinvee en ander diere in te sluit. Minstens 14 vleis- en dubbeldoelrasse stel belang om deel te neem. Elke telersgenootskap moet sy eie reëlings vir inskrywings en beoordeling tref en die ALE van die…

1 ZAMBIË| Dam op ys Die Zambiese regering het haalbaarheidstudies vir ’n dam in die Ndevu-ravyn in die 1 100 km lange Luangwarivier opgeskort en só bestaande planne vir dié dam laat vaar. Dié besluit kom na uitgebreide konsultasie met belanghebbendes. Die rivier is een van die langste vryvloeiende riviere in Suider-Afrika en omgewingsaktiviste sê die hidroëlektriese dam wat by Ndevu beoog is, sou die Luangwa gefragmenteer het en die gebied se natuurlewe, varswatervisbevolkings, landbou en toerisme – waarop die inwoners staatmaak vir ’n inkomste – bedreig. Sowat 200 000 mense het ’n petisie onderteken vir die rivier om regsbeskerming te geniet, wat sal help om dit te beskerm teen bedreigings soos damme, ontbossing en onvolhoubare landbou. — Wêreldnatuurlewefonds 2 GHANA | Kakaoboere vorder met grondregte Ingryping deur…

ONTEIENING sonder vergoeding sal benut word as een manier om grond in die land te herverdeel, het pres. Cyril Ramaphosa in sy repliek op die staatsrede gesê. Hy het die wetsontwerp vir die wysiging van die Grondwet en finalisering van die onteieningswetsontwerp as ván “die belangrikste take” van die nuwe parlement beskryf. Volgens Ramaphosa is onteiening ’n belangrike strategie vir die aanskaffing van grond. “Dit is belangrik, want dit stel ons in staat om grondhervorming op ’n proaktiewe en beplande manier te doen. Dit maak ons vry van ’n benadering wat afhanklik van markverkope is.” Hy het voorts gesê dat onteiening sonder vergoeding nie net “vat en gryp” sal wees nie. “Onteiening sonder vergoeding, in voorgeskrewe omstandighede, laat ons toe om dit te doen teen ’n koste wat redelik is…

I n baie dele van die land kry die landbou-uitvoerbedrywe stadig maar seker vastrapplek. Hulle groei ondanks die regering se swak ondersteuning. Groot boerderye en landboubesighede is toenemend besig om hulle daarop toe te spits om die uitvoermark te ontgin. Hulle doen hul eie navorsing en pas self nakomingstandaarde en inspeksies toe ten spyte van betreklik duur arbeid en elektrisiteit en kwessies met watervoorsiening. Daar is baie redes daarvoor. Al hoe meer besighede en boerderye spits hulle toe op produkte waarmee buitelandse valuta verdien kan word aangesien die binnelandse mark stadig groei weens grootskaalse armoede as gevolg van die ANC se gebrekkige ekonomiese beleid. Baie besighede se siening is dat hulle nie wil emigreer nie, maar dat daar geen rede is waarom hulle nie daarop kan konsentreer om met hul…

’n Moontlike daling in die prys van diesel is goeie nuus vir onder meer graanboere. Die Automobiel-Assosiasie verwag dat die prys van diesel en petrol in Julie met onderskeidelik sowat 68c/liter en 86c/liter kan daal. Dié voorspelde daling is gegrond op die data wat tot dusver vir Junie deur die Sentrale Energiefonds versamel is. Volgens die AA sou die daling selfs groter gewees het as dit nie was vir die rand se swak vertoning weens onder meer die uitsprake oor die Reserwebank die afgelope maand nie. Die rand het weens dié situasie met meer as 60c verswak teenoor die dollar, hoewel dit die afgelope paar dae weer versterk het. Internasionale oliepryse het gedurende Junie ook die swakste presteer vir die tweede kwartaal, met die prys wat vir ’n kort tyd…

M et reeds bestaande tegniese en ander vaardighede, wat deur opleiding verder uitgebou kan word, is werkers in die landbousektor waarskynlik die beste toegerus om suksesvol as nuwe boere tot die landboubedryf toe te tree. Met die nodige ondersteuning van kommersiële boere, landbou-ondernemings, die regering en die finansiële sektor kan dit ’n werklikheid word. In die 25 jaar sedert demokrasie staan plaaswerkers ook, wat die regering betref, sentraal tot grondhervorming. Baie is gedoen wat betref verblyfreg, minimum lone en afsetting van plase. Eiendomsreg en toegang tot die landbouwaardeketting vir hierdie groep gaan beslis voorop gestel word in die toekomstige grondhervormingstruktuur en -modelle onder die nuwe regering. Die vraag is nou: Waar is die stand van landbou-indiensneming, wat is die toekomstige opsies en wat is die gevolg vir die landbou? Die…

WAT WAS JOU BESTE BESLUIT NÓG? Nie my besluit nie, maar dié van my ouers. My pa en ma het besluit om poste as onderwysers op Thabazimbi te aanvaar sodat hulle hul seuns op die platteland in die Bosveld kon grootmaak. My pa het ons deel gemaak van sy liefde vir jag en die natuur, en dié passie in ons aangewakker. WIE WAS JOU MENTOR? Daar was verskillende mense wat my in verskillende stadiums van my lewe gementor het. Die eerste was my pa, Philip. As jong seun het mnre. Dawie Snyman en John Trollope, twee boere van die omgewing wat my onder die vlerk geneem het, ’n groot rol gespeel om my liefde vir die landbou aan te wakker. As jong man het ek ook die voorreg gehad om…

Bpk. as maatskappy geregistreer. Die veilings word deur bekwame prokureurs en eiendomsagente behartig. Ubique Afslaers is lid van die Suid-Afrikaanse vereniging van versekeraars en is geregistreer by die raad vir eiendomsagente. Ubique Afslaers bedien hoofsaaklik kliënte in Noordwes, die Noord-Kaap en die Vrystaat. Danksy die maatskappy se samewerkingsooreenkomste met ander afslaers en agente kan hy veilings oor die land heen aanbied. Hy bied hulp en bystand aan finansiële instellings wanneer notariële verbandbates afgerond moet word, asook wanneer dit verwyder en in veilige bewaring gehou moet word. NAVRAE: Web: www.ubique.co.za…

Hoenderbroodjies met avokadomayonnaise Streng gesproke is hierdie hemelse avokadosous nie ’n egte mayonnaise nie, dis eerder ’n emulsie. Maar dit word op dieselfde manier en met dieselfde basiese bestanddele gemaak as tuisgemaakte mayonnaise. Vandat ek dit die eerste keer gemaak het, het ek meestal ’n houer hiervan in my yskas, want dit pas by amper enigiets, van vis, hoender en hardgekookte eier tot oor sky-we gaargekookte aartappels. Avokadomayonnaise ■ 4 eiergele ■ Sap van 2 groot suurlemoene ■ Groot knypie sout ■ Groot knypie varsgemaalde swartpeper ■ 1 groot, ryp avokado, grof gesnipper ■ Hand vol vars koljanderblare ■ 3 ml kerriepoeier ■ 170 ml-230 ml sonneblomolie ■ 4 hoenderborsies ■ Sout en varsgemaalde swartpeper ■ Olyfolie, vir braai ■ 2 lang Franse brode ■ Sagte botter, vir smeer ■…

Verlede week het ons gesels oor gesprekke wanneer geloof en bygeloof paaie kruis. Dis nie altyd maklik om vas te stel waar die grense tussen die twee lê nie. Geloof wat nie gesuiwer word deur die Woord van God nie, kan maklik ’n stukkie bygeloof saamsleep. Andersom moet jy nie verbaas wees as jy stukkies geloof tussen die bygeloof ontdek nie. Dit is eenvoudig so dat God nie net deur Sy Woord praat nie, maar ook deur die natuur. Daar is talle voorbeelde waar die Here sê: Aanskou en weet dat Ek God is. Skriftuur en natuur kan mekaar komplementeer. Dit hoef nie in spanning met mekaar te leef nie. As die Woord van God meer op die gehoor ingestel is wanneer dit oor die wonder van die Skepping spreek,…

INVOER WISSELKOERS KAN PRODUKSIEKOSTE SKERP LAAT STYG DIE impak van ’n Suid-Afrikaanse rand wat nie naastenby presteer soos wat hy moet nie, word telkens in die koste van plaaslike produksie gevoel. Dit is ook die geval met die prys van aktiewe bestanddele vir die maak van onkruiddoders op Chinese markte wat in Amerikaanse dollarwaarde sywaarts en in sommige gevalle selfs gedaal het, sê mnr. Corné Louw, senior ekonoom by Graan SA. “Ongelukkig werk die som nie in boere se guns wanneer hierdie markskuiwe in randwaarde omgesit word nie, aangesien ’n swakker rand beteken dat produkte wat dalk internasionaal ’n prysdaling gesien het, weens ’n swakker wisselkoers, dieselfde of selfs meer as verlede jaar kos.” Intussen het die prys van ’n aantal insekdodermiddels boonop ook in dollarwaarde gestyg, wat plaaslike pryse…

Die volgende ontleding van grondverkope in Suid-Afrika is van transaksies in die Oos-Kaap vir die 12 maande tot April vanjaar vir grond van meer as 10 ha. Altesame 385 ooreenkomste is in dié tyd in 35 distrikte gesluit. In 17 distrikte is gunstige prysneigings waargeneem. Die grootste daling (-22,4%) was by Pearston, met die grootste styging by Humansdorp (20,6%). Distrikte waar dalende prysneigings waargeneem is, is veral in die ooste en suidooste van die provinsie. In dié tyd is 255 475 ha teen R2,214 miljard verhandel. Daarvan was 76 (20%) transaksies van kleur. Dit was 28 073 ha, oftewel 11% van die totaal. Twee van die transaksies was staatsaankope vir grond wat vir landboudoeleindes bekom is, en 70 tussen individue. Vier transaksies val buite die landbou. Uit die totaal was…

BOEREDAE 27 JULIE: Famacha-skaapdag, Rosendal-stadsaal, Vrystaat. Neville Raath, 081 020 4312, e-pos: nevofs@gmail.com 6 AUGUSTUS: NWKV-reproduksie-inligtingsdag, Albertinia. Tania Lusse, 028 212 3160; Jannie Fourie, 083 564 1105. 19 AUGUSTUS: Tafel- en-droogdruif-inligtingsdag, Bushfellows, Groblersdal. 021 889 6311/2,e-pos: sasev@sasev.org, web: www.sasev.org 28 AUGUSTUS: Die Noord-Vrystaatse SAVM-klub se boeredag en veiling met die samewerking van die boerevereniging van die Rooi Skool, Kroon-Boma, Kroonstad. Neline Pienaar, 082 440 4492, e-pos: Bennieneline@eleo.co.za 30 AUGUSTUS: Werksessie saam met prof. Johan Willemse, Bloemfontein. Tema: Vooruitsigte vir die graan- en vleismark. 083 381 8011, e-pos: marlene@jomar.co.za 10 SEPTEMBER: Bewaringslandbou-boeredag, Holmdene naby Standerton. Plaaslike en internasionale kenners, geenbewerkingspraktyke in Argentinië, werktuie en tegnieke. Hendrik Jordaan, WhatsApp: +54 11 4307 6412, e-pos: consultancy@laurik.com.ar FEESTE, EKSPO’S 9-10 AUGUSTUS: Wes-Kaapse Landbouveterane-ekspo, Villiersdorp. 073 391 8495, e-pos: sekr.wk@telkomsa.net 23-25 AUGUSTUS: Potch-ekspo, Trimpark, Potchefstroom.…

Die Van der Merwes was van vroeg af toegespits op funksionele doeltreffendheid, genetiese waarde en om aan seleksiewaardes te voldoen. Prestasieboerdery is die kern van hul stoetery. “Met bulle lê ons klem op ligter kalwers met geboorte, beter speengewigte, aanpasbaarheid, goeie voeromsetting en goeie daaglikse toename in die voerkraalopset. By ons koeie is produksie die belangrikste, maar moedereienskappe, speengewigte en melk speel ’n belangrike rol,” sê mnr. Kallie van der Merwe. Goeie rekordhouding en prestasietoetsing is noodsaaklik, en in die Hebzibah-kudde word doeltreffende bestuur toegepas. “Ons gebruik ’n spesifieke dekseisoen om die taak te vergemaklik, veral ten opsigte van die merk en weeg van dagoudkalwers en speengroepe. Ons meet onsself gereeld aan die toptelers van die ras om seker te maak ons kudde verbeter elke jaar. Ons wil die mark…

Die Santarific Santa Gertrudis-kudde van mnr. Desmond Robertson is in Augustus 2008 op die been gebring. Dié stoetery is tussen Brandfort en Verkeerdevlei in die Vrystaat geleë. Die boerdery se kudde bestaan uit ongeveer 400 geregistreerde Santa Gertrudisbeeste, wat hoofsaaklik op rooigras, aangeplante weiding en mieliereste aangehou word. Die Robertsons het ook ’n Dormerskaapkudde. Robertson streef na gehaltediere tesame met eienskappe soos groei, gesondheid en funksionele doeltreffendheid. Die Santarific-stoetkudde spog met verskeie wenners in die skouring, asook prestasiegetoetste diere. Robertson neem aan die Beesgenomikaprojek deel, en tien bulle word by die Glen-bultoetsstasie vir hul residuele voerinname getoets. Die voeromsettingsverhouding is vir Robertson ook ’n belangrike seleksiekriterium. VEILING Die stoetery was betrokke by agt jaarlikse produksieveilings tesame met ander Santa-telers, maar beoog om vanaf September aanstaande jaar sy eie bulen ramveiling…

Locklore is die oudste Santa Gertrudis-stoetery, asook een van die grootste Santa-kuddes in Suid-Afrika. Mnr. Apie en mev. Annie Lock se seun, mnr. Koos Lock, boer naby Schweizer-Reneke in Noordwes op Panfontein met ’n bekroonde Santa Gertrudis-kudde. Die hoofstoetery is Locklore Santa Gertrudis. Die boerdery word bestuur deur Koos, wat verantwoordelik is vir die hoofstoetery, mnr. Jozeph du Plessis, wat verantwoordelik is vir die JADUP-kudde, en mnr. Abri Lock wat die Red Rock Santa-kudde bestuur. Hulle boer ekstensief op veld met die beeste, en saam het dié drie stoeterye meer as 600 koeie. PRESTASIES Locklore Santa Gertrudis het oor die jare verskeie eerbewyse ontvang, waarvan die volgende die belangrikste is: ■ 1978: Eerste SA kampioenbul – Locklore Caesar. ■ 1980: Tweede SA kampioenbul – Gert. ■ 1985: Derde SA kampioenbul…

Mnr. Koos Louwrens en sy seuns, ManieenFrancois, boer op die plaas Leeupan naby LeandraenStandertonop die Hoëveld.Dieboerderybestaan uitdieSantaGertrudis-stoetery Sansa en kommersiële beeste, ’n SA Vleismerino-stoetery en ’n skaapvoerkraal. Hulle verbou ook mielies en sojabone. In die kudde se beginjare het die Santa Gertrudis-beeste oënskynlik moeilik aangepas en moes hulle goed versorg word. Só is ’n kalf vir 100 dae by die ma gehou en daarna net soggens en saans toegelaat om te drink, met aanvullende kruipvoeding wat gegee is. Die koeie het saans kopmeel gekry en was wel gou weer dragtig, maar weens dié metodes was die beeste nie gehard nie. DENKSKUIF Dit was tydens ’n besoek aan een van die grootste Santatelers in Australië dat Louwrens beesboerdery vanuit ’n ander hoek begin beskou het. Hy het aan die teler ’n…

Oplaas Geluk Santa Gertrudis-stoetery is in 2010 gestig en is nog ’n nuweling in die bedryf. Dit is tussen hul mooi rooi Santas op die plaas naby Heidelberg in Gauteng waar mnr. Nico du Toit en sy vrou, Drinie, oplaas geluk gevind het en aan ’n spogkudde bou. Die kudde se ontstaan en die Du Toits se besluit om ’n beesboerdery te begin het egter nie sonder ’n steil leerkurwe gekom nie. “Ons kennis was beperk omdat ons nie uit ’n landbouagtergrond kom nie. Maar ons het daarna gesmag om sukses te behaal en het elke geleentheid om te leer met albei hande aangegryp. “Ons het ons ook gewend tot die behoeftes van die kommersiële boere en dit vergelyk met ons ras se standaarde. Uit ’n kombinasie daarvan is ons…

TEGNIEK My pa het dié benadering oor die jare vervolmaak — wanneer daar nuus op die plaasbakkie se radio was waarvan hy nie gehou het nie, het hy dit eenvoudig afgeskakel. Hy was so goed daarmee dat net ’n sekere woord hom na die radioknoppie kon laat rek. “Dit het al wondere vir my gedoen,” het hy sonder ’n sweempie humor opgemerk toe ek hom daaroor uitgevra het, en mettertyd het sy wysheid ál duideliker vir my geword. Deesdae is die voorvereiste vir ’n gesinsvakansie ’n plek sonder selfoonopvangs. ’n Mens betaal dié prys om te kan terugkeer na ’n plek waar die natuur, en nie mense nie, die pas aangee. Dit is hoe dit hoort. Met die Wildekus se steenbrasse en kolsterte wat net te ver is vir ’n…

van sy totale boerdery verseker het. Lees die artikel op bl. 44. VERTEL ONS VAN JOU GESIN Ek en my vrou, Genie, is die trotse ouers van ’n drieling, Rudolph, Hanru en Katrien. Hulle is drie jaar oud. HET JY ’N STOKPERDJIE? Ons is baie lief vir diepseehengel en geniet eintlik alle buitelugaktiwiteite, veral watersport. WAAR HOU JULLE VAKANSIE? By my ouers se vakansiehuis op Jongensfontein in die Suid-Kaap. My pa en ma woon daar sedert hul aftrede. VERTEL ONS VAN JUL GESIN. Ons het vier kinders — ’n seun en drie dogters. Schabort en Rika is ook veeartse, en Linda en Hettie is geoktrooieerde rekenmeesters. HET JY NÁ SKOOL GESTUDEER? Ja, as veearts aan die Universiteit van Pretoria. HET JY ’N STOKPERDJIE? Sport kyk en musiek luister. WAAR HOU…

DIE verlies wat die Suid-Afrikaanse landbou en gevolglik die land se ekonomie weens veediefstal lei, kan in die 2018-’19-boekjaar met R200 miljoen styg. Dié boekjaar se statistieke sal in September bekend gemaak word. Mnr. Willie Clack, voorsitter van die nasionale veediefstalvoorkomingsforum, sê die totale verlies weens veediefstal het in die 2017-’18-boekjaar op sowat R1,1 miljard te staan gekom. “Ons verwag dat die verlies vir die afgelope boekjaar tot R1,3 miljard kan styg.” Clack sê daar kan drie redes wees vir die styging in veediefstalstatistieke. Die eerste kan ’n werklike toename in dié misdaad wees, die tweede omdat boere veediefstal weens bewusmakingsveldtogte meer aanmeld as in die verlede en derdens ’n kombinasie van die eerste twee redes. “Ons hoop dat dit weens meer gereelde aanmelding van veediefstal is.” DROOGTE Volgens Clack…

PRES. CYRIL RAMAPHOSA se stilswye oor plaasmoorde in sy staatsrede het fel kritiek ontlok. Dr. Pieter Groenewald, leier van die VF Plus, wou weet hoekom dit vir Ramaphosa so moeilik is om hom teen plaasmoorde uit te spreek. “In Suid-Afrika het ons swart boere, Indiërboere, bruin boere en wit boere. Jy moet die boere bedank vir die kos wat jy vanoggend vir ontbyt gehad het.” Hy het Ramaphosa daarop gewys dat hy onmiddellik opgetree het toe moskees in KwaZulu-Natal en Malmesbury ongeveer hierdie tyd verlede jaar aangeval is. ’n Presidensiële komitee is aangewys om die kwessie te ondersoek. Groenewald het gesê ’n plaasmoord is nie net ’n moord op ’n individu nie, maar een teen ’n gemeenskap. “Dit is die vroue en kinders wat die prys betaal vir ’n plaasmoord.…

Hoëdrukbeweiding in kleiner kampies vir kort tydperke met lang rustydperke tussenin het in ’n Australiese studie op kommersiële boerderye ongeveer 19% beter blaarbedekking van meerjarige kruidagtige plantsoorte opgelewer as tradisionele wisselweidingpraktyke waar diere groter kampe oor langer tydperke bewei. Vir die studie is 12 kommersiële boerderye in dieselfde distrik in Nieu-Suid-Wallis, Australië, geïdentifiseer. Altesame 6 van die boere bewei hul grond tradisioneel en 6 gebruik ’n hoëdrukkorttermyn-rotasiestelsel – in albei gevalle langer as 7 jaar. Die klimaat van die streek is semi-vogtig met reën hoof-saaklik in die somer. Die winter word oorheers deur koel, droë lug en ryp kan voorkom. In die hoëdrukstelsel was daar ’n vermindering van 14% in die blaarbedekking van uitheemse, eenjarige gewasse en ’n aansienlik hoër lading plantreste het tot ’n beter organiese samestelling van die…

PLAASINLIGTING LIGGING: 1 Mookgopong en 2 Radium NAAM: Roodepoort (400 ha) en Rhenostervallei (1 232 ha) EIENAARSKAP: Private maatskappy VERTAKKINGS: Beefmaster-stoetery VELDTIPE: Soetveld GEMIDDELDE REËNVAL: 550 mm tot 700 mm KORTOM ■ Die bepaling van ouerskap deur DNS-toetse is noodsaaklik vir akkurate seleksie om genetiese vordering te maak. ■ Wanneer hy selekteer, gee dr. Hendrik Meyer eerste aandag aan teelwaardes voordat hy na voorkoms kyk, want genotipe is belangriker as fenotipe. ■ Voeding is die belangrikste faktor wat ’n rol in vrugbaarheid speel, wat weer van goeie voervloeibeplanning afhang. ie Rhenostervallei Beefmaster-stoetery van dr. Hendrik en me. Ronel Meyer het vanjaar die eerbewys as Vleissentraal en SA Stamboek se Vleisbeesstoetkudde van die Jaar ingepalm deur kuddes van verskeie ander telers en rasse na die wenpaal toe te klop. Die eerbewys…

Ek besit grond van 86 ha en 21 ha, en het transportaktes vir albei. My broer woon en boer reeds 13 jaar op die 21 ha. Ek het aan hom ’n brief gestuur om hom te verwittig dat ek die wettige eienaar is, met ’n transportakte vir die 21 ha om dit te staaf. Ek het nooit huur vir die stuk grond gevra nie. Nadat my broer die brief ontvang het, het ek ’n prokureursbrief van hom ontvang wat my uitnooi om die betrokke stuk plaasgrond aan my broer oor te dra. Volgens my broer het ons pa ’n huurkontrak met hom gehad. Daarvolgens meen hy ons pa was nie bewus waar die 21 ha grond geleë was nie. My broer besit die grond langs die 21 ha, wat 58…

Keevy Auctions (Edms.) Bpk. is nie net ’n goeie afslaer nie, maar ook suksesvolle onderhandelaar met die verkoop van landbou-eiendom. Keevy Auctions bedien hoofsaaklik die Oos-Kaap en aangrensende gebiede uit sy kantoor in Port Elizabeth. Mnr. John Keevy het die maatskappy in 2001 gestig. Saam met hom vorm mnre. Etienne Keevy en Gerard Bekker, ervare agente wat aan die Eiendomsraad se vereistes voldoen, en me. Lin-de Connacher ’n professionele span wat eiendomstransaksies met gemak afhandel. Hoewel plaasverkope die grootste deel van die maatskappy se transaksies uitmaak, het algemene veilings nie agterweë gebly nie en is uitverkopings ook suksesvol aangebied. Keevy Auctions bied ook stedelike eiendom te koop aan. Gevolglik is dié maatskappy se dienste as afslaer en agent gereeld in aanvraag. John en Etienne is albei geregistreerde taksateurs en is…

die sous dik en geëmulsifiseer is. Proe vir smaak en pas die geurmiddels aan indien nodig. Bedek lugdig en bêre in die yskas. (Lewer ongeveer 300 ml mayonnaise.) Kap die hoenderborsies effens platter tussen twee stukke kleefplastiek. Geur die borsies met sout en peper en braai dit in olyfolie in ’n pan tot goudbruin en gaar. Laat effens afkoel. Skeur of sny die hoenderborsies in hapgrootte stukkies. Voeg ’n paar groot lepels van die avokadomayonnaise by en meng liggies sodat die hoender goed bedek is daarmee. Sny die Franse brode oop en smeer met sagte botter. Pak van die spinasieblare (of roket of blaarslaai) teen die gesmeerde kante van die brood en vul verder met die avokadomayo-hoender. Sny die brode in porsies en sprinkel die geroosterde neute en sade oor…

Die gemeenskap van Swellendam, een van Suid-Afrika se op en wakkerste dorpe, het saamgewerk om ’n winterskool tot stand te bring en besoekers gedurende die andersins stil wintermaande na hul dorp en distrik te lok. Die Swellendam-winterskool is die geesteskind van mnr. John Paisley, ’n inwoner van Swellendam. Hy sê die mooi geskiedkundige dorp huisves soveel talentvolle kunstenaars, musikante, skeppende skrywers, makers en avonturiers dat dit hoog tyd is dat ander aan hul talente blootgestel word. “Die inisiatief beteken dat die hele dorp van Mei tot Augustus ’n skool word, maar dis die soort skool waaroor jy as kind net kon droom. Dis ’n skool vir mense wat nooit wil ophou om te leer nie, wat nuwe ervarings geniet en daarvan hou om vriende te maak en nuwe plekke te…

Atlantic Fertiliser, ’n kunsmismaatskappy van Philadelphia naby Kaapstad, het die eerste twee werksessies oor herlewingslandbou vir vrugte- en groenteboere op 20 en 21 Mei in die Koue-Bokkeveld by Op-Die-Berg en Citrusdal gehou. ONS ONDERSTEUN HERLEWINGSLANDBOU Konktak ons span: Pieter: 082 843 4531 / Alwyn: 072 574 6923 / Johann: 083 259 7211 info@atlanticfertilisers.co.za/www.atlanticfertilisers.co.za…

Mnr. Bertus Krüger (foto) is sedert 1 Julie die nuwe hoofbeampte van Raddix, die versekeringsafdeling van Suidwes Landbou. Hy was sedert 1994 ’n senior landboukundige en later ’n besproeiingspesialis in die Wes­Kaap. Sedert 2002 was hy in die versekeringswese as senior landbou-onderskrywer en later in bestuursposisies by verskeie versekeringsmaatskappye betrokke. Volgens dr. Herman van Schalkwyk, groephoof van Suidwes Landbou, is Krüger se kennis van versekeringsplatforms en sy betrokkenheid by sake-ontwikkeling ’n groot voordeel vir die maatskappy.…

Die nasionale vleisbeesaantekening-en-verbeteringskema van die Landbounavorsingsraad (LNR) speel al bykans 60 jaar lank ’n sentrale rol in die genetiese verbetering van die nasionale kudde in Suid-Afrika. Die hoofdoel van dié skema is om die winsgewendheid en volhoubaarheid van vleisbeesproduksie te verbeter en sodoende by te dra tot voedselsekerheid, werkskepping en opvoeding in Suid-Afrika. Mnr. Desmond Robertson se bul SS17 0009 (Santarific Santas), wat in 2017 by die Glen-bultoetssentrum getoets is, is as die Santa Gertrudis-wenner aangewys in die LNR se nasionale spesiale prestasietoetsklas 2018. Die wenner in die LNR se nasionale beste elitekoeiklas (Santa Gertrudis) was mnr. Pip Hobson se koei SP05 0095. Dié 13-ja-rige koei het op 24 maande haar eerste kalf gelewer. Sy het intussen elf kalwers gehad, met ’n tussenkalfperiode van 361 dae. Sy het ook uitstekende…

Die Hebzibah-stoetery het die volgende prestasies op sy kerfstok: 2012 – Molatek-voerkraalkompetisie: Die dier met die beste voeromsetting (4,65), die dier met die beste voermarge en die dier met die beste totale voerkraalmarge. 2016 – LNR Nasionale Platinumbul-eerbewys. 2018 – Landbouweekblad/ Breedplan-koeigroep van die jaar (Santa Gertrudis). ■ 2018 – Die Hebzibah-kudde ontvang ’n Breedplan Completeness of Performance-eerbewys van 4,5 sterre vir die volledigheid waarvolgens hul data aangeteken is. ■ Drie jaar agtereenvolgens aangewys as die Santa Gertrudis-kudde (100-200 diere) met die beste tussenkalfperiode.…