Innehållsförteckning för 19-Jul-19 från Landbouweekblad

GROOT PRESTASIE Mnr. Jannie de Villiers, uitvoerende hoof van Graan SA, het die Universiteit van die Vrystaat se kanseliersmedalje ontvang vir sy bydrae tot die landbou, onder meer deur etlike leiersposisies wat hy beklee of voorheen beklee het, sy invloed op beleid en van die opleidings- en mentorskapsprogramme wat hy by Graan SA van stapel gestuur het. Hier is hy saam met sy dogter, Gerdie, en vrou, Retha, ná die seremonie. R6 MILJOEN STERK Kontantskenkings van méér as R6 miljoen is ontvang vir Namibië se Dare to Care-droogtehulpfonds wat boere in dié land bystaan. Dit bring die ideaal van R10 miljoen ál nader. Die geld word gebruik om veeboere met ’n subsidie van R50 per sak met die koop van veevoer by te staan. Sommige dele is al die afgelope…

KOMMANDORIT NA VROLIKHEID Altesame 130 perdeliefhebbers uit verskeie dele van Kaapland het onlangs deelgeneem aan die tweede, vrolike kommandorit wat deur die Suid-Kaapse Landbougenootskap gereël is. Ondanks koue en dreigende onweer was die rit van Robertson tot by McGregor en terug weer ’n volslae sukses. Die program het oor twee dae gestrek. Deelnemers het op dag een op Robertson se tentoonstellingsterrein saamgetrek, waar bekende perdemanne, soos mnr. David Human van Protem, Uys en Coenraad Swart van Swellendam en A.J. Gabler van Kaapstad, lesings en demonstrasies oor die rykuns en die algemene versorging van ryperde gehou het. Deelnemers was vol lof vir die puik reëlings van mnr. Bennie le Roux, ondervoorsitter van die genootskap, en mnre. Theuns du Toit van Rawsonville en A.T. Hansen van die roofdierproefplaas Vrolikheid, naby McGregor, wat…

SK ALIEGASONTWIKKELING het ’n reuseterugslag gekry met ’n beslissing van die appèlhof dat geen skaliegasontwikkeling mag plaasvind totdat nuwe regulasies geskep is nie. Só sê mnr. Janse Rabie, hoof van natuurlike hulpbronne by Agri SA. Die appèlhof het beslis dat die huidige regulasies oor skaliegasontwikkeling en -eksplorasie tersyde gestel moet word omdat die minister van minerale hulpbronne nie by magte is om hierdie regulasies uit te vaardig nie. Net die minister van omgewingsake is verantwoordelik vir die regulasies en die gepaardgaande prosedures. Die uitspraak van die appèlhof spruit voort uit twee teenstrydige hooggeregshofuitsprake waarvan die appèlle gesamentlik aangehoor is. Die een saak teen skaliegasontwikkeling is deur Afri-Forum en die aksiegroep Treasure the Karoo (TKAG) in die Noord-Gautengse hooggeregshof gebring, en die ander deur Agri Oos-Kaap in die Oos-Kaapse hooggeregshof. In…

DIE gemeenskap van Vaalharts, wat onlangs besluit het om self verantwoordelikheid vir sy beveiliging te aanvaar en daadwerklik iets aan misdaad in die gebied te doen, het danksy die stigting van die Vaalharts-gemeenskapsveiligheidseenheid reeds heelwat vordering gemaak. Mnr. Johan Stoltz, ’n bevelvoerder van dié eenheid, sê die stigting van die eenheid spruit uit ’n behoefte in die gemeenskap om Vaalharts ’n veiliger plek te maak. “Misdaad is oral ’n kwessie, nie net op plase nie. Dit vereis ’n omvattende strategie en beplanning om die talle kwessies aan te pak om gemeenskappe doeltreffend te beskerm teen geweldsmisdaad en burgerlike ongehoorsaamheid.” GEWELDSMISDADE Hy sê hoewel die diefstal van plaaswerktuie en die stroop van pekanneutbome in die gebied ’n groot kopseer is, is hul grootste bron van kommer plaasaanvalle en -moorde. “Ons het…

DIE sibbe Nico-Meyer en Lara le Roux is vanjaar kop aan kop oor die wenstreep in die Fauresmith 200-perde-uithourit in die Vrystaat, die hoogtepunt op die uithouritvereniging van Suid-Afrika (Erasa) se kalender. Altesaam 159 perde het vanjaar dié taai roete, wat oor drie dae en sowat 205 km strek, voltooi. Nico-Meyer en Lara, albei van die Tuinroete-klub, het ’n pas van gemiddeld 25,4 km/h op die perde Welbech Jamal en Koringkloof Fadjur gehandhaaf. Nico-Meyer was vir altesaam 8 uur, 6 minute en 36 sekondes in die saal – skaars elf sekondes vinniger as sy suster. Die twee het onderskeidelik die standaarden liggewigkategorie gewen. Tian Nieuwoudt (Schweizer-Reneke-klub) het die swaargewig-kategorie gewen op die perd Azmec Shareek. Jacques Muller (Lenniesdeel-klub) was die vinnigste junior ruiter op Idaho Jiddat, en Jonty Strydom (Willem…

Tussen Heidelberg, die Vaaldam en Vereeniging, op die plaas Panvlei, plant mnr. Freek Cronjé verskillende mieliebasters, soos PAN 3A-173, PAN 4A-111 en PAN 5A-182, van Pannar. Mnr. Tinus Janse van Rensburg, Pannar-verteenwoordiger in dié streek, het by Freek en sy broer, Omri, gaan inloer om te sien hoe dié mielies presteer. “PAN 4A-111 is een van ons topwitmieliekultivars en is ’n mediumvinnige groeier. Dit het ook uitstekend gevaar in nasionale proewe van die Landbounavorsingsraad. Dié mielie is taamlik meerkoppig as die klimaatstoestande reg is, andersins maak hy een groot kop. Jy sukkel nie met opkoms nie. Dié baster is een van ons groeikragtigste basters wat opkoms betref,” sê Janse van Rensburg. Freek stem saam. “Ek hou baie van PAN 4A-111 as konvensionele mielie in dié omgewing. Sy opbrengs is goed…

Die internasionale vrugte-en-groentemaatskappy SanLucar het in April die eerste skeepsvrag bloubessies na die Midde-Ooste verskeep deur gebruik te maak van beheerde-atmosfeertegnologie. Die bloubessies is tussen Spanje en die Midde-Ooste verskeep. Vrugte wat danksy dié stelsel, Carrier XtendFresh, verskeep word, bly langer vars, aangesien etileenproduksie verminder of stopgesit word danksy die regulering van die vlakke van koolsuurgas en suurstof in die skeepshouer. Etileen word tydens die rypwordingsproses deur vrugte vrygestel. Danksy die tegnologie word die natuurlike rypwordingsproses vertraag, wat beteken die raklewe van die vrugte word verleng, terwyl varsheid en gehalte behou word. “Die voordele is veral belangrik vir delikate produkte, soos bloubessies, en is noodsaaklik om topgehalte-vrugte te vervoer,” sê mnr. Christian Quintela, logistieke direkteur van SanLucar. Die maatskappy sal voortaan bloubessies na die Midde-Ooste verskeep danksy dié tegnologie. Quintela…

As jy die Karoo so bolangs bekyk, lyk dit meestal na ’n klipharde en uitgedroogte stuk aarde. Nie ’n aangename plek om te boer nie. Maar ons weet van Suid-Afrika se lekkerste skaapvleis kom hiervandaan. En daar is al gesê dat die Karoo die bes bewerkte halfwoestyn ter wêreld is. Want net onder die bossieveld is goeie en wonderlike water wat al vir jare en jare deur windpompe boontoe gebring word. Een van die bekendste windpompdokters is mnr. Leon Swanepoel. Jy sal hom op Carnarvon kry by sy Leon Swanepoel Windpomp & Algemene Hersteldienste. Die werkswinkel is sedert 1 Maart 1981 aan die gang. Hier hang honderde windpomponderdele aan die dakbalke. Stringe en stringe ratte is aan drade vasgemaak. Buite staan ’n klomp koppe en wag op Leon se “chirurgie”.…

Die bemarking van Afrikaner-beesvleis, AfriBeef, is die regte pad vir Afrikanerbeesboere om ’n pryspremie met hul eksklusiewe handelsmerkvleis te verdien, ondanks die uitvoerverbod van rooivleis weens die uitbreking van bek-enklouseer. Die potensiaal lê veral in die groot vraag in die buiteland na veldvleis wat sonder bymiddels geproduseer word. Die handelsmerk Original Afrikaner Beef (AfriBeef) is as topproduk by die departement van landbou, bosbou en visserye geregistreer. Daarom werk mnr. Johan Pienaar (INLAS), vleiskenner, eienaar van Lets Meat in Pretoria en bemarker van AfriBeef, die eksklusiewe produk wat saam met die Afrikaner-beesboere bemark word, hard agter die skerm om ’n deurbraak in markte in onder meer Amerika, Europa, China en die Midde-Ooste te maak. Hy het op ’n minisimposium van die Afrikaner-beestelersgenootskap van Suider-Afrika op Irene, Pretoria, gesê die regte pad…

SUIWERING SKONER DRINKWATER TUIS MET DIÉ FILTER Cleansui is die Japannese maatskappy Mitsubishi se watersuiweringsvleuel en vervaardig al meer as 30 jaar lank filterstelsels vir die Japannese huishoudelike en nywerheidsmark. Die maatskappy het deesdae ook ’n teenwoordigheid in Suid-Afrika en versprei verskeie suiweringsprodukte deur algemene handelaars, hardeware- en kombuiswarewinkels. Die CB013E kan sommer op die kombuiswasbak se kraan gemonteer word en tot 900 liter water suiwer voordat die fliter vervang moet word. Cleansui sê dié oulike filtertjie verwyder 99,99% van alle bakterieë uit drinkwater. Dit verwyder ook chloor en ander chemikalieë sonder om goeie minerale uit die water te haal. Die holveselmembraan verwyder deeltjies so klein as 0,1 mikron. Dus smaak selfs koffie en tee beter wanneer dit met dié gefilterde water gemaak word, sê Cleansui op sy webwerf. Die…

INTERRASKAMPIOENE 1 Opperste kampioenbees, ’n Limousin, DL 11-45 Devlan Geisha. Sy was ook die opperste kampioenkoei en die ras se senior en grootkampioenkoei. Eienaars: Mnr. John (083 454 3095) en me. Tracey Devonport, Devlan-stoetery, Johannesburg. Hanteerder: Mnr. Elrico Jacobs. 2 Reserwe opperste kampioenbees, ’n Limousin, DL 12-66 Devlan Hearsay. Hy was ook die opperste kampioenbul en die ras se senior en grootkampioenbul. Eienaars: Mnr. John en me. Tracey Devonport, Devlanstoetery, Johannesburg. Hanteerder: Mnr. Petrus Mofokeng. SIMMENTALERSTREEKKAMPIOENE 3 Junior en grootkampioenbul, NV 17-11 Nonels. Eienaar: Mnr. Ivan Veldsman (082 675 5078), Veldsim-stoetery, Orkney. Hanteerder: Mnr. Alaska Mothlo. 4 Senior en grootkampioenkoei en superkoei, NV 12-36 Von-Adel Bregna. Eienaar: Mnr. Nico Venter (079 354 0006), Von-Adelstoetery, Ventersdorp. Hanteerder: Mnr. Daniel Seokolo. 5 Reserwe junior en reserwegrootkampioenbul, E 17-44. Eienaar: Mnr. Erich Schulenburg…

Mnr. Uwe Sternagel boer op Ganeib Hunting Farm sowat 150 km suidoos van Windhoek in die Hardap-streek van Namibië. Sy ouers, mnr. Wolfgang en me. Helen Sternagel, het die plaas 26 jaar gelede gekoop en in ’n bees-enwildplaas omskep. Sy oom mnr. Thorsten Sternagel en ouma me. Rosi Sternagel is ook by die wildboerdery en plaas betrokke. Op Ganeib kombineer die Sternagels hul liefde vir beesboerdery, jag en toerisme. Wolfgang en Helen is albei beroepsjagters en bestuur die trofeejagafdeling en gasteplaas, terwyl Uwe en sy suster, me. Nadja Visagie, op die beeskuddes toegespits is. BEESBOERDERY Benewens sy kommersiële Sussex-kudde het Uwe laasjaar die Dominus Angus- en-Wagyu-stoetery geregistreer. Sy suster boer met ’n Brahman-en-Charolais-kruisras. Uwe is aan die ras bekend gestel deur sy bure, mnr. Werner en me. Renate Bader van…

Die Eversar Sussex-stoetery, geleë naby Petrus Steyn in die Oos-Vrystaat, is vanjaar 49 jaar oud en geniet steeds groot sukses met dié ras. “Ons teel bekostigbare diere, met uitsonderlike eienskappe uit die beste beskikbare teelmateriaal in die land. Ons bulle word geselekteer vir bespiering, gladde haarkleed en groeivermoeë. “Nadat hulle gespeen is, ondergaan alle bulle ’n fase D-toets op die veld,” sê mnr. Chris Nel, eienaar. “Ons doel is nie maksimum groei nie, maar slegs om swak groeiers uit te skakel.” Ná die fase D-toets bly die bulle op die veld met net ’n lek. Die bulle word dan weer op die veld, en nooit in ’n kraal nie, vir Eversar se jaarlikse produksieveiling in September afgerond. “Daarom is ons bulle gewoond aan stap en is fiks en maklik aanpasbaar.…

Sussex-bulle, met hul bewese groeisyfers, gee vir hulle in die algemeen swaarder speenkalwers wanneer hulle dié bulle met hul Nguni-koeie kruisteel, sê mnr. Herman van Eeden. Hy en sy vennoot, mnr. Willie Steyn, woon eintlik in Johannesburg, maar boer deeltyds op hul plaas Volmaan Beesboerdery in die Vredefortkoepel in die Vrystaat. “Ons is gelukkig om ’n uitstekende plaasbestuurder, Derek Bam, te hê wat heeltyds op die plaas woon en sy vinger op die pols hou,” sê Van Eeden. Die plaas is 1 500 ha groot, en die boerdery gaan oor vleis. “Die hoofvertakking is vleisbeeste, hoewel ons ook ’n klein gedeelte het wat op skape konsentreer.” Die kudde bestaan uit 300 Nguni-koeie. “Ons het sedert begin 2017 van rasegte Nguni’s af begin wegbeweeg en het drie verskillende Europese vleisrasbulle, waarvan…

T WEE Suid-Afrikaanse skeerders het in die wêreldkampioenskap in skaapskeer en wolhantering in Le Dorat, Frankryk, uitgeblink met twee tweede plekke en ’n derde plek in die kategorieë waarin hulle deelgeneem het. Mayenzeke Shweni, die verdedigende kampioen in handskeer, kon sy titel in die afdeling vir alle nasies, wat die wêreldeindronde voorafgaan, verdedig, maar moes die knie buig in die stryd om die wêreldkroon. Die Nieu-Seelander mnr. Allan Oldfield, wat derde ná Shweni en sy landgenoot Bonile Rabela in die afdeling vir alle nasies was, het in die eindronde die bordjies verhang en is as die nuwe wêreldkampioen in handskeer aangewys. Hy is gevolg deur die twee Suid-Afrikaners. Shweni en Rabela het ook die tweede plek vir spanne verower ná die Nieu-Seelanders Tony Dobbs en Oldfield. Benewens die twee handskeerders…

’N PLAASLIKE rooivleisbedryf waar elke belanghebbende ’n regverdige prys vir sy produk kan verwag, sal eers moontlik wees wanneer ’n sinvolle uitvoerbedryf gevestig is. Só meen die Rooivleisprodusente-organisasie (RPO) én die Suid-Afrikaanse voerkraalvereniging (Safa). Oor die kommerwekkende daling in speenkalfpryse van die afgelope maande, sê mnr. Koos van der Ryst, voorsitter van die RPO, die situasie “het ’n lang aanloop nadat die land in 2016 ’n ernstige droogte beleef het”. Die droogte het die nasionale koeikudde met tot 20% (oftewel 2 miljoen diere) laat daal, wat die aantal beskikbare speenkalwers erg laat daal het, ook in die daaropvolgende kuddebou-fase. Kontrakte vir kalwers moes egter steeds gevul word en die vraag na ’n skaarser kommoditeit het pryse verlede jaar die hoogte laat inskiet. “Primêre produsente het tot 90% van die slagprys…

1 AUSTRALIË| Wolseisoen eindig rampspoedig Die Australiese Eastern Market Indicator het tydens die laaste veiling van die 2018-’19-bemarkingsjaar met 51c (R5,04), of 16%, gedaal. Dit is die grootste maandelikse daling in 28 jaar. Die veiling het die EMI indikator op 1715c/kg (R169,75) te staan gebring. Oor alle kategorieë het pryse met sowat 4% gedaal vir wol tot by 19 mikron, en 3,5% vir growwer wol. Volgens mnr. Peter Morgan, uitvoerende direkteur van die Australiese Woluitvoerders en -verwerkers, ondermyn ekonomiese onsekerheid die wolmark histories. Handelspanning tussen Amerika en China, tesame met die droogte, weeg swaar op die bedryf. Mnr. Eamon Timms, wolbestuurder by Fox and Lillie Rural, sê die vraag is baie wisselvallig en hy sien geen oortuigende argumente vir ’n verbetering in komende maande nie. – The Weekly Times…

Die gevaarlike Varroa-myt, wat heuningbykolonies oorneem en laat ineenstort, word deur die heuningbye ook aan hommelbye oorgedra, het nuwe navorsing gewys. Hommelbye word by sekere gewasse as doeltreffender, aktiewer en geharder bestuiwers as heuningbye beskou, veral as die weer koeler raak. Die Universiteit van Exeter in Brittanje sê in ’n verklaring die Varroa-myt het aanvanklik net as ’n parasiet by Westerse heuningbye voorgekom, nadat dit teen die begin van die vorige eeu sy habitat vanaf die Asiatiese heuningby na die weste uitgebrei het. Sedertdien het dit egter weens byeboere se verskuiwing van besmette korwe die wêreld oor versprei en in ’n internasionale epidemie ontaard. Die virus dra die sogenoemde misvormdevlerk-virus na ’n hele korf oor. Varroa is ’n indringer, en die Exeter-wetenskaplikes het nou uitgevind die myt leef nie op…

’n visie vir die toekoms van boerdery. Dié keer beoog ons om drie aanvullende gewasse op 35 ha aan te plant,” sê mnr. Jonathan Gill, ’n navorser by die universiteit. “Ons kyk daarna om probleme met vlootbestuur, die logistiek rakende swermvoertuie, asook navigasie op te los met die plaas,” sê mnr. Martin Abell, ingenieur van Precision Decisions. “Ons glo steeds kleiner voertuie werk die beste, en ons gaan dus tot drie klein trekkers vir die projek gebruik. Dié keer beweeg ons weg van die perfekte hektaar na werklike situasies. Die lande sal onreëlmatig wees, met hindernisse soos ongelyke grond. Ons beheer die hantering van die voertuie en die databe’n Handvrye selfoongesprek is een ding, maar ’n handvrye boerdery? Dié verskynsel is nie ’n fantasie nie, maar die uitvloeisel van ’n…

PLAASINLIGTING GROOTTE: 4 200 ha saaigrond LIGGING: Arlington, Vrystaat EIENAARSKAP: Paucifloraboerdery VERTAKKINGS: Akkerbou (mielies en sonneblomme), vleisbeeste en staalwerkonderneming GRONDTIPE: Avalon en Clovelly VELDTIPE: Gemengde soetveld GEMIDDELDE REËNVAL: 650 mm per jaar Een van die helderste herinnerings uit mnr. Herman Janse van Rensburg (39) van Arlington se kinderdae is hoe sy pa, Dirk, hom soggens met hanekraai uit die bed gejaag het. “Hy het my aan my tone getrek en gesê ek moet nou opstaan, die werk wag.” Dit was nie altyd lekker nie, veral nie op koue wintersoggende wanneer hy moes gaan koeie melk nie. Maar vandag is dié Vrystaatse wenner van Toyota se nasionale Jongboer van die Jaar-kompetisie baie dankbaar vir die grondslag wat destyds gelê is. “Die groot ding wat my pa en ma ons drie kinders…

Mnr. Ben Foulds wat saam met sy skoonpa, dr. Pieter de Kock, die mede-eienaar van Pronk Afrikaners by Thabazimbi is, het oor die belangrikheid van bulseleksie gepraat. Hulle het ’n proef gedoen om vas te stel hoekom hul geslagte beeste soms van A1 tot AB2, die karkasgewig van 180 kg tot 300 kg en die uitslagsyfer van 45-55% gewissel het. Dit het ’n verskil in inkomste van tot R2 000 per bees beteken. Hulle het sewe bulle van tussen vyf en dertien jaar uit hul Afrikanerkudde geëvalueer. Die proefresultate het getoon hoe verskillend bulle teel: ■ Bul 1 se teelwaardes was 127 vir maternaal, 104 vir 12-maandegewig en 104 vir 18-maandegewig. ■ Bul 2: 102, 132, 129. ■ Bul 3: 97, 83, 86. ■ Bul 4: 102, 111, 110. ■…

JWL-landbou van Ermelo voer die Italiaanse ROC RT 870 in vir die maak van hooi van goeie gehalte. Dié werktuig kan lusern en ander gewasse sagkens hanteer en in die oplaaislag met die minste grond of stof hanteer om maksimum voedingswaarde te behou. Dit optimaliseer die produktiwiteit van ’n baler of kuilvoerkerwer, waarvan die loopkoste baie duur is. Die ROC kan onder meer die werk van drie rotorharke doen. Die reeks bestaan uit modelle van 3,8 m tot 12,2 m. Van links is mnre. Werner Nel (JWL) en Denis Ubaldi en me. Elenora Muccini (albei van ROC, Italië). PRYS: R1,7 MILJOEN (RT 870). NAVRAE: Mnr. Hennie van der Walt, JWL Standerton, 072 110 8225. Die Orbach DMT 3400 RC is ’n tolsnyer wat plaaslik onder lisensie van die Poolse vervaardiger…

Jacto se opwindendenuwetegnologie is ’n kombinasie van elektrostatiese druppellading en die bekende Jacto Vortex-kousbalklugvloeistelsel. Die Uniport 3030 EletroVortex bied uitstekende nuwe tegnologiese ontwikkelinge en voer die spuittoepassing tot nuwe hoogtes. Verhoogde opbrengs, produktiwiteit en gehalte is van die vele voordele wat dié nuwe tegnologie bied. Heelwat konvensionele spuitmetodes bereik dalk nie die plant se teikengebied doeltreffend genoeg nie. Wind, temperatuur, lugdruk en die gehalte van die spuittoepassing is van die algemene redes hiervoor. Onafhanklike proewe het getoon die nuwe EletroVortex-tegnologie kan die spuittoepassing met 5% en opbrengs met tot 10% verhoog, veral by sojaboon- en katoengewasse. Struikelblokke soos weerstandbiedende plante, nuwe plaagdoders, ’n deurlopende strewe na verhoogde produktiwiteit, verhoogde insetkoste en ’n klem op omgewingsbewaring lei daartoe dat spuittegnologie en die toepassing daarvan beter gehalte en doeltreffendheid tot gevolg moet…

KwaZulu-Natal se Brangusklub het 22 telers wat ’n beduidende invloed uitoefen op die teling van die meer as 40 000 geregistreerde beeste van dié ras in Suid-Afrika. Die klub het in 2017 sy eie klubhuis op die Royal-skouterrein ingerig. Klublede het vanjaar met geesdrif deelgeneem aan die skou se vetveeskou, karkaskompetisie en kompetisie vir verse van alle rasse. VETVEESKOU Verskeie telers het vóór die Royalskou osse na ’n sentrale voerkraal van die Trodds by Bergville gestuur vir afronding en is die dag voor hul deelname aan die vetveeskou op die terrein afgelaai. Ongewisselde diere het aan al die klasse deelgeneem. Die Brangus-osse het die kompetisie vir lewende diere oorheers. Mnr. Pip Mortlock van Swart-berg was die wenner in klas 1 (osse onder 400 kg). Die Brangus-inskrywings het die eerste vier…

Tegnologie verander teen ’n merkwaardige pas. Landboutegnologie, bekend as AgTech, is geen uitsondering nie en kry wêreldwyd momentum. Volgens die jongste AgriFood Tech-beleggingsverslag wat in Maart gepubliseer is, was 2018 ’n rekordjaar vir die bedryf. Dit het finansiering van $16,9 miljard (R239 miljard) ingesluit, wat oor 1 450 beleggings versprei was. Verlede jaar was daar groter transaksies, meer groei in gevorderde beleggings en meer uittreegeleenthede vir beleggers in AgTech. Naas die groot bedrae is die omvang van die tegnologie ook merkwaardig. IoT-tegnologie (the internet of things), satellieten hommeltuigbeelde, weerdata en historiese opbrengsdata is byna ou nuus vergeleke met sommige van die idees wat tans in werking gestel word. Om te verseker dat kliënte voordeel trek uit die nuutste tegnologieverwante oplossings, het AFGRI die afdeling AFGRI Technology Services (ATS) gestig om…

Heuning-enokkerneutskonwiel (2017) ■ 500 ml koekmeel ■ 15 ml bakpoeier ■ 5 ml fyn kaneel ■ 3 ml sout ■ 3 ml suiker ■ 125 g koue botter ■ 1 eier ■ 160-250 ml melk ■ Skeut suurlemoensap of asyn ■ 50 ml heuning ■ 100 g okkerneute, liggies gerooster en fyngekap Voorverhit die oond tot 200 °C en voer ’n 22 cm-losboomkoekpan met bakpapier uit. Smeer of spuit liggies met kleefwerende kossproei. Sif die meel, bakpoeier, kaneel en sout saam. Voeg die suiker by en vryf die botter met jou vingerpunte by die mengsel in tot krummelrig. Klits die eier, melk en suurlemoensap of asyn saam en voeg dit bietjie vir bietjie by die meelmengsel. Sny die eiermengsel eerder met ’n mes in as om die deeg te roer…

SPEENKALWERS PUIK OMSETVAN R28,5M.OP AMALIA Een van die grootste slagveeveilings in die land, die Amalia-speenkalfveiling, het ’n allemintige omset van R28 644 450 opgelewer. Altesame 3 530 kalwers is teen gemiddeld R30,18/kg verkoop. Voerkrale van oor die hele land het verteenwoordigers gestuur om puik speenkalwers te koop. Mnr. Kobus Brecher van Pongola was die grootste koper en het 2 113 kalwers teen R17 473 000 gekoop. Die verkoper met die hoogste omset was mnr. Buks van Wyk van Wolmaransstad. Van die ander voerkrale en kopers wat die veiling bygewoon het, was mnre. Emile Bothma van Koodoolake Voerkrale, Hansie Viljoen, Simon Niemand van die SH Niemand & Seun-boerdery, Sparta Baby Beef, mnre. Flippie Blignaut, Co-bus Smit, Peter Carroll en Gert Wessels. Daar was ook ’n speenkalfkompetisie en die wengroep is deur…

Verskeie dele van Suid-Afrika gaan steeds gebuk onder erge droogtes. Met ’n swak ekonomie is dit belangrik dat elke geleentheid benut word. Om wins te maak, is van die uiterste belang vir oorlewing. Die geskiedenis wys al hoe meer beesboere gebruik Sussex-diere. Hulle wil die verskeie inherente ekonomies belangrike eienskappe van die ras benut. Dit lei tot meer geld in die bank met minder moeite. Die Sussex-beestelersgenootskap noem dit “rooi goud”. In uiterste toestande het die Sussex bewys hoe aanpasbaar hy is. Waar geen natuurlike weiding beskikbaar is nie en “boskos” aan diere verskaf word, oorleef hulle steeds. Ná die eerste reën sal hulle amper onherkenbaar verander, en ná ’n kort tydperk weer in goeie kondisie wees. Sommige boere wil egter vinniger wins maak en verkies dus afronding in die…

IN sy repliek op die debat ná die staatsrede het pres. Cyril Ramaphosa opnuut na die verslag van die raadgewende paneel oor grondhervorming en landbou verwys. Dié verslag is al waarskynlik in die kabinet se hande. Volgens Ramaphosa sal dit binnekort bekend gemaak word. Die verwagtinge is geskep en Manie hoop hierdie is nie ’n muis wat ’n olifant wil baar nie. Dit laat die hele land asem ophou om te hoor wat bekend gemaak gaan word. Die president het self by herhaling gesê hierdie verslag lê die grondslag vir “die afhandeling van ’n omvattende, verreikende en transformatiewe grondhervormingsprogram”. Manie wil die president vra om dit eerder gouer as later bekend te maak – veral omdat die verslag in al hoe meer hande be-land en die versoekinge sekerlik daar is…

DIE strooptyd vir veral witmielies in die Vrystaat se westelike saaigebied kan moontlik eers teen middel Julie aanbreek. Dr. Werner Rossouw, handelaar en direkteur van Silostrat, het kort voor druktyd aan Landbouweekblad gesê die meeste stropers staan nog in die skure en almal wag vir die mielies om af te droog. Hy verwag Silostrat sal tot ongeveer 20 Julie moet wag voordat hy droë mielies van sy kliënte in die sentrale en westelike dele van die Vrystaat ontvang. Vogtoetse wat einde Junie en begin Julie gedoen is, het aangedui dat mielies in ván die dele se voginhoud gewissel het van 25% tot 25% . “Wanneer die boere aan die stroop kom, kan hulle die proses vinnig voltooi,” sê Rossouw. LEWERING Volgens Silostrat se data het die weeklikse lewering van geelmielies…

MEER as die helfte van die bykans 1,4 miljoen mense wat in die distrik Vhembe in Limpopo woon, is werkloos en oorleef deur bestaansboerdery. Terwyl die meeste van hulle op laevlaktegnologie staatmaak, met beperkte insette oor die weg kom en hoofsaaklik op informele markte steun, is daar ’n groep boere wat hulself uit die versukkeldheid boer. Daar is reeds 24 van hierdie boere wat met GlobalGap-akkreditasie kan spog. Vanjaar het 30 Vhembe-boere die jaarlikse Subtrop-transformasiesimposium op eie koste bygewoon. Hul sukses kan grootliks toegeskryf word aan die toepassing van kennis wat hulle op gereelde studiegroepvergaderings oor hul onderskeie gewasse ontvang, sê me. Namadzavo Sikhipa van Limpopo se departement van landbou, grondsake en landelike ontwikkeling. PRIVATE SEKTOR Dit het alles begin toe die departement en die Landbounavorsingsraad (LNR) boere van 2008…

INTERNASIONAAL: Die Chicagoprys het met 4,9%, of $8,49/t (R119,72/t), tot $166,26/t teenoor die vorige week gedaal. Op ’n jaargrondslag is dit 23%, of $31,13/t (R438,96/t), hoër. Verwagte pryse: Julie – $171,41/t (R2 417/t), September – $172,91/t (R2 438/t), Desember – $174,09/t (R2 455/t), Maart ’20 – $176,53/t (R2 489/t). PLAASLIK: Die Safexprys van witmielies het met 0,6% teenoor die vorige week gestyg. Die prys van geelmielies het met 0,9%, of R27/t, teenoor die vorige week gedaal. Op ’n jaargrondslag is witmielies 46,4%, of R933/t, duurder, terwyl geelmielies 34,8%, of R731/t, duurder is. Verwagte witmieliepryse: Jul. – R2 955/t, Sept. – R2 992/t, Des. – R3 079/t, Mrt. ’20 – R3 095/t. Verwagte geelmieliepryse: Jul. – R2 844/t, Sept. – R2 888/t, Des. – R2 970/t, Mrt. ’20 – R2 974/t.…

Enkele graanboere is op die termynkontrakmark en die mark vir fisieke lewerings op die JSEtermynmark bedrywig. Slegs daardie boere wat ’n margerekening by die JSE het, kan aan transaksies op die termynmark deelneem. Die rede waarom so min boere aan die JSE-termynmark deelneem, is omdat dit groot kontantvloeigevolge vir hulle inhou. Indien ’n boer ’n termynkontrak wil koop of verkoop met die doel om sy graan se prys “vas te maak” (te verskans teen latere dalings), moet hy ’n aanvangsmarge betaal vir elke 50-ton-termynkontrak wat hy koop of verkoop. Daarmee saam loop hy die risiko dat ’n spesifieke kontrak se vasgemaakte prysvlak “uit die geld” kan beweeg en daar marge-inbetalings gemaak moet word. Dit het kontantvloeigevolge vir boere wat hulle gewoonlik nie in hul bestaande kredietgeriewe voor oestyd kan insluit…

Tot nou toe het ’n spilpunt basies net een taak gehad: om gewasse te besproei. Bygesê, nuwe elektroniese toepassings het darem al bygekom wat die boer in staat stel om sy spilpunt met sy selfoon aan- en af te skakel, maak nie saak waar in die wêreld hy hom bevind nie. Nou neem spilpunttegnologie ’n reusesprong die ruimte in sodat dit met behulp van kameras enige toestand kan eien wat die gewas strem, soos ’n siekte, plaag, onkruid en droë grond. Dit sal die boer in staat stel om betyds regstellende stappe te doen om skade te voorkom of beperk wat die oesopbrengs andersins sou skaad. Mnr. Josh Dixon, ondervoorsitter en hoofbestuurder van Valley Irrigation Internasionaal op Valley in die Amerikaanse deelstaat Nebraska, het op ’n inligtingsdag by Brits in…

Die Brangus-veilingsdatums vir die res van die jaar: ■ Makiti-veiling – Frankfort, 16 Julie. ■ KZN Brangus-klubveiling – Mooirivier, 19 Julie. ■ Bastion-veiling – Warden, 26 Julie. ■ Greensdale Brangus-produksieveiling – Winterton, 26 Julie. ■ Ermelo-bulveiling – Ermelo, 31 Julie. ■ Harmony Brangus-veiling – Bergville, 1 Augustus. ■ Nasionale Brangus-veiling – Lala Nathi, Harrismith, 8 Augustus. ■ Keeversfontein-veiling – Ladysmith, 15 Augustus. ■ Wes-Vrystaat-veldbulveiling – Boshoff, 5 September. ■ Hylton Green-veiling – Ladysmith, 5 September. ■ Oos-Vrystaat-klubveiling – Frankfort, 10 September. ■ Oos-Kaap Brangus-klubveiling – Tarkastad, 13 September. ■ Genelink-veiling – Bloemfontein, 19 September. ■ Malherbe Roberts-veiling – Hertzogville, 25 September. ■ Meyer Morgan-veiling – Adelaide, 27 September. ■ T+ Produksieveiling – Aliwal-Noord, 2 Oktober. ■ Le Roc-veiling – Tweespruit, 23 Oktober. ■ Rosestad-veiling – Bloemfontein, 8 November.…

TOYOTA RAV4 2.5 VX 8AT AWD Toe die RAV4 in 1995 as 24-ja-rige “model” op die plaaslike mark verskyn, het dié astrante ryding die pas aangegee op teer-en grondpaaie. Met die toetrede van modelle soos die Tucson, CX-5, CR-V en Kuga het dit egter sy glans verloor . . . Tot nou. Met ’n herlewing by Toyota val dié nuweling weer gemaklik in die top-3 in sy segment. Die vorige model, die vierdegenerasie RAV4, was ’n toonbeeld van blinde lojaliteit – te lank, te maer en ’n harde voorkoms. Die plaasvervanger, die RAV4 Mk 5, slaan egter ’n uitklophou. Die voor- en agteras is verder van mekaar as voorheen, en die regaf neus en agterstewe is korter, wat hom gespierd eerder as lenig laat lyk. Hy’s ook breër as die…

Die plaas Bergland is geleë sowat 75 km suid van Keetmanshoop, op pad na Grünau in die Karasstreek. Mnr. Johan Esterhuyse boer hier saam met sy vrou, Susan. “Ek moes jare gelede al met die Sussex begin boer het. Die beeste vreet enigiets en sit goed gewig aan met ’n karige rantsoen. Selfs in die droogte wei hulle nog net in die berge en word nie gevoer nie,” sê Johan. Hy het Bergland in September 1986 gekoop toe hy weens droogte in daardie tyd ’n paar jaar in Suid-Afrika gewerk het. Terwyl hy in Heilbron in die Vrystaat veevoer bemark het, het hy ’n advertensie vir Bergland in Landbouweekblad gesien. Hy het dadelik na Namibië gereis om die plaas te koop. Deesdae boer hy en sy seun, Johan Hendrik, albei…

Vrugbaarheid het ’n genetiese grondslag. Sommige koeie is dus vrugbaarder as ander en seleksie vir koeivrugbaarheid, ondanks die laer oorerfbaarheid van sommige eienskappe, is dus moontlik. Die vrugbaarste koeie in ’n kudde sal byvoorbeeld elke jaar vroeg in die dektyd dragtig raak en elke jaar kalf. Daarteenoor sal minder vrugbare koeie, in dieselfde kudde in dieselfde omgewingstoestande as die vrugbare koeie, neig om eers later in die dektyd dragtig te raak. Só ’n koei is minder winsgewend as ’n hoogs vrugbare koei omdat daar ’n goeie kans is dat sy kan oorslaan. GOEIE REKORDS Sussextelers het reeds jare gelede die belangrikheid van seleksie vir vrugbaarheid besef en genetiese tendense toon dat konstante seleksie vir vrugbaarheid suksesvol toegepas is. Vrugbaarheidsrekords word al sedert 1973 vir Sussexkoeie op SA Stamboek se Logix-databasis…

Die Van Niekerk-broers se boerdery buite Ficksburg is tipies Oos-Vrystaat: Dis geleë tussen pragtige sandsteenberge en suurveld met reënval van gemiddeld 600 mm per jaar. Die drakrag van die veld is 3 ha per grootvee-eenheid (GVE). Op bewerkbare dele word mielies, koring en sonneblomme geplant. Die grond wat nie geskik is vir gewasverbouing nie, word gebruik vir die kommersiële Sussex-kudde. Johan is verantwoordelik vir die beesvertakking van die boerdery 12 km buite Ficksburg op die pad na Fouriesburg. Hy is ook die direkteur van die sentrum vir volhoubare landbou aan die Universiteit van die Vrystaat in Bloemfontein. Hy teel reeds 12 jaar lank met groot sukses kommersieel met die Sussex-ras. Ignatius, of Ig soos sy vriende hom ken, is verantwoordelik vir die saaiery en word bygestaan deur mnr. Ryno Koen,…

Mnr. Gilly Scheepers boer saam met sy vrou, René, en kinders, Harrison, JZ en Frieda, in die Oos-Vrystaat-streek, wat strek vanaf Paul Roux tot Bethlehem, Fouriesburg en Ficksburg. Hul boerdery het lêhoenders, ’n saaiery, wolskape, speenkalwers en vrugte. Die landgoed Bloukruin is ’n indrukwekkende onderneming. Alles is netjies op sy plek en getuig van sukses. Hul leuse is “Hou dinge so eenvoudig moontlik” en só word daar nie onnodig geld of tyd verspil nie. Sussexbeeste speel ’n belangrike rol in die onderneming ten einde die plase ten volle te benut. Daar is baie koppies, berge en dale in die Oos-Vrystaat en al die dele wat nie geskik is vir landerye nie, word deur die beeste bewei. Die plase het almal suurveldweiding, wat goed is tydens die somer, maar minder benutbaar…