Innehållsförteckning för 15-Nov-19 från Landbouweekblad

DIT wek kommer as senior tesouriemense, wat nie juis bekend is dat hulle oordryf nie, openlik oor die Internasionale Monetêre Fonds (IMF) begin praat. Dit is nie omdat hulle te kenne gee Suid-Afrika loop die gevaar om hom binnekort tot ’n lening van die IMF te wend nie, maar eerder uit frustrasie en die aanvaarding dat niks anders sommige lede van die ANC-alliansie sal oorreed dit is noodsaaklik om ’n middeweg oor beleidskwessies te vind nie. Dit is ’n verleentheid dat die delging van rente die snelgroeiendste staatsuitgawe is, want dit beteken eenvoudig meer geld vir houers van staatseffekte en minder vir skole en hospitale. Gegewe dat daar geen realistiese verwagting is dat die kredietagentskap Moody’s Investment Services – die laaste agentskap wat Suid-Afrika nog nie tot rommelstatus afgegradeer het…

BO-KAROO-TRANE Hierdie skrywe is slegs ’n baie klein blykie van waardering deur Strydenburg se boere, ’n gemeenskap wie se wortels droog en dor is weens ’n uitmergelende droogte. ’n Paar jaar van voer, stof en finansiële verliese het die blomme weggeneem uit ons veld en harte. Ons het darem nog vogtigheid – nie net trane van smagting na reën en hulp nie, maar ook van dankbaarheid en waardering. Steeds bestaan die hoop, steeds staan ons vas in die geloof, anders verloor ons onsself as mens. ’n Stryd om oorlewing bring ons nader aan ons Skepper, aan mekaar en aan ons wonderlike weldoeners. Mense met omgee-harte, onbekende boere en instellings met mense waarin Sy genade en liefde floreer. Dit hou ons aan die gang, op die grond en naby Hom. Elke…

SKOTSE GEBAK IS SMULLEKKER Skotse disse, soos Dundeekoek, Skotse vrugtetert en kerriepasteitjies, is wêreldbekend. Landbouweekblad plaas ’n resep vir Skotse bros-brood: Die geheim van lekker brosbrood is die manier waarop dit geknie word. Plaas die deeg op ’n plank en knie dit met die hiel van die hand in ’n vinnige smeerbeweging weg van jou af. Doen dit vir etlike minute totdat die mengsel wit word met ’n greinerige tekstuur. Bestanddele: 1 1/4 k strooisuiker, 4 k meelblom, 1 pd. (0,45 kg) botter. Sif die suiker en meelblom drie keer saam. Plaas die botter in ’n mengbak en breek met die vingerpunte in klein stukkies. Werk die meelblom en suiker bietjies-bietjies in tot die mengsel soos mielieblom lyk en aanmekaar gedruk kan word. Gooi op ’n meelbestrooide plank uit en…

’N GROEP van sowat 100 wildtelers het einde Oktober in Pretoria byeengekom om telersgenootskappe te stig vir wildspesies wat ingevolge die Diereverbeteringswet (Wet 62 van 1998) tot landrasdiere verklaar is. In ’n verklaring sê die Game Ranchers’ Forum (GRF), ’n ongeafflilieerde inisiatief van dr. Gert Dry en dr. Peter Oberem, twee bekendes in die wildbedryf, dié stap is ’n eerste tot selfregulering in die wildbedryf. Die GRF, wat onafhanklik en sonder ’n spesifieke mandaat van die wildbedryf optree, het net sowat 170 uitgesoekte boere genooi om die gidsvergadering by te woon. “Dit sou onmoontlik wees om die meer as 3 000 wildboere vir so ’n vergadering byeen te kry, maar ons moet iewers begin,” sê Dry. Hy sê die nuwe telersgenootskappe onder die vaandel van die departement van landbou gaan…

TWEE derdes van ’n groep opkomende pluimveeboere van Noordwes, wat vroeër vanjaar danksy ’n projek van die Wêreldpluimveestigting in sakebestuur opgelei is, sê hul inkomste het sedertdien verbeter. Die werksessies vroeër vanjaar was deel van ’n groter projek waarin 240 opkomende pluimveeboere landwyd reeds opgelei is. Die werksessies is deur toekennings van Amerikaanse regeringsagentskappe gefinansier. Me. Annie Baptiste van die Johannesburgse onderneming Franchising Plus, wat die werksessies vir die Noordwes-boere aangebied het, sê in ’n verklaring die 25 kleinskaalse pluimveeboere van Noordwes is nou op die regte pad om kommersiële boere te word. Baie van hulle het voorheen sonder kontantreserwes vir hul volgende produksiesiklusse geleef, selfs al was van hul omset tot R70 000 per maand. Van die boere is gegradueerdes en sommiges het ’n boerdery-agtergrond, tog het hulle sakebestuursvaardighede…

Daar is ’n ou gesegde wat lui “daar is net twee sekerhede in die lewe – die dood en belasting”. Sedert 1 Maart 2016 word roerende boerderybates (boerderytoerusting, werktuie, gereedskap en lewende hawe) geag deel van inkomste te wees by ’n boer se afsterwe. Die roerende boerderybates word weens die bekendstelling van artikel 9HA van die Inkomstebelastingwet (Wet 58 van 1962) teen ’n marginale inkomstebelastingkoers van 18-45% belas by die boer se afsterwe.Vanweë die wysigingswet dra die meeste boere hul roerende boerderybates na ’n maatskappy oor om die inkomstebelasting op roerende boerderybates by die boer se afsterwe te vermy. Die aandelebelang in die maatskappy word gewoonlik deur die boer of familietrust besit. DIE BOER SE AANDELEBELANG As die boer die maatskappy-aandele wil besit, sal die aandele by afsterwe deel van…

Vuisvoos verbruikers wat nie lamsvleis kan bekostig nie, is waarskynlik die rede waarom die prys vir stoorlammers onder druk is. Dr. Cobus Oberholster, BKB se hoofbestuurder vir vee, eiendomme en afslaers, sê hy is nie oor die veilingsneigings ten opsigte van grootvee bekommerd nie, aangesien goeie gemiddelde pryse steeds op bulveilings behaal word. Volgens Oberholster is noordelike produksietoestande effens beter, wat die prys van bulle vir die verkoper bevoordeel. Die verlangsaming in die mark vir die vleis van kleinvee kan toegeskryf word aan die verbruiker wat nie genoeg lamsvleis eet nie. Volgens Oberholster is die droogte in die weste van die Karoo intens, wat ’n ongunstige uitwerking op die aanbod van lammers het. Die kleiner aanbod moes die prys ondersteun, maar dit het nie gebeur nie. “Van die derde week…

PLAASINLIGTING LIGGING: Thabazimbi, Limpopo NAAM: Grootkuil en Sterkfontein EIENAARSKAP: Maatskappy (Ergon Boerdery, wat aan dr. Pieter en me. Elbie de Kock en mnr. Ben Foulds behoort) VERTAKKINGS: Afrikanerbeeste, saaiboerdery, wild, jag, Dorperskape en toerisme GRONDTIPE: Rooi leemgrond en turf VELDTIPE: Soet tot suur Bosveld GEMIDDELDE REËNVAL: 400-600 mm per jaar KORTOM ■ ’n Wetenskaplike benadering tot korrektiewe paring het tot ’n drastiese verbetering in die Afrikanerbeesras gelei. ■ Die voorsitter, dr. Pieter de Kock, aanvaar nie nee vir ’n antwoord nie, en het deurgedruk om die ras te verbeter. ■ Die Afrikaner weerstaan klimaatsverandering uitstekend, en sy vleisgehalte en sagtheidsgradering het geen gelyke nie. Die omkeer-aksie waarmee die Afrikanerbeestelersgenootskap dié ras omskep het in een waarmee rekening gehou kan word, veral in ’n tyd waar klimaatsverandering sy invloed genadeloos laat…

PLAASINLIGTING LIGGING: Prince Alfred Hamlet, Wes-Kaap KORTOM ■ Daniël Goosen het ’n bemagtigingsprojek met vier van sy getroue werknemers aangepak. ■ Die projek het geen finansiering van buite af nie, maar Kalos-boerdery het die aandele aan die werknemers geskenk. ■ Hy wou graag die werkers help om ’n nalatenskap vir hul kinders te bou. Wanneer jy ’n gesprek begin met boere wat kans sien om bemagtigingsprojekte aan te pak, begin ’n mens gewoonlik met een van die belangrike joernalistieke vrae: “Waarom?” Vir mnr. Daniël Goosen, eienaar van Kalos Farming naby Prince Alfred Hamlet, is die antwoord maklik: “Ek was agttien jaar oud toe my pa oorlede is en moes plaas toe kom. Ek is aan die diep kant ingegooi, maar van dag een af was dit my passie. Ek het…

Teleurstelling met onkruiddoders wat soms nie behoorlik werk en die teikenplante nie betyds en volledig doodmaak nie, het uiteenlopende verklarings. Mislukking is gelukkig in die meeste gevalle voorkombaar, mits goeie kennis bestaan en praktyke goed toegepas word. Wisselvallige onkruidbekamping met onkruiddoders het groot en deurlopende ekonomiese implikasies, want, anders as insekplae en plantsiektes waarvan die impak van teenwoordigheid afhang, is onkruid ’n deurlopende bedreiging weens saad in die grondsaadbank. Dit is as ’t ware die gewas se metgesel, produksiejaar ná produksiejaar. Hoe beskadig en maak onkruiddoders die teikenplante uiteindelik dood? ’n Planttoksiese (fitotoksiese) hoeveelheid van die onkruiddoder moet ná toediening daarvan deurdring tot by die onkruiddoder se plek van werking in die teikenplant. Ná-opkoms-onkruiddoders beland op die bogrondse dele (loof) van plante, van waar dit opgeneem en na die plek…

LIGGING Bloemfontein SIMBRA 1 Junior en grootkampioenbul, Smaldeel ICV17-8. Eienaar: Mnr. Christiaan Bouwer (083 269 5319), Smaldeel-stoetery, Bothaville. Hanteerder: Mnr. Pepe Moterefere. 2 Senior en grootkampioenkoei, CDH15-58. Eienaar: Cornelis Derksen-trust (082 415 0515), Corzel-stoetery, Viljoenskroon. Hanteerder: Mnr. Moses Mogorosi. 3 Junior en reserwegrootkampioenvers, Rotswand Grace LZ17-42. Eienaar: Mnr. Riaan van Zyl (083 384 1681), Rotswand-stoetery, Winburg. Hanteerder: Mnr. Micheal Kobeli. 4 Kampioenbulkalf, Rotswand Bantam LZ17-110. Eienaar: Mnr. Riaan van Zyl. HEREFORD 5 Junior en grootkampioenkoei, Puttergill Gabi PNP16-015. Eienaars: Mnre. Clive (083 320 6153), Bret en Grant Puttergill, Puttergill-stoetery, Thornhill. Hanteerder: Mnr. Francois Pieterson. 6 Junior en grootkampioenbul, Zuikerkop Loaded ZK16-126. Eienaar: Dr. Carl Scholtz (083 305 0668), Zuikerkop-stoetery, Clocolan. Hanteerder: Mnre. Pule Moshese en mnr. Willem Scholtz (regs). 7 Senior en reserwegrootkampioenkoei, Zuikerkop ZK16-10. Eienaar: Dr. Carl Scholtz. Hanteerder:…

Landbouweekblad Hart tot hart deur ds. Kobus van der Westhuyzen. Uitgewer: Lux Verbi. Prys: R250. Vir bykans 50 jaar gee ds. Kobus van der Westhuizen geestelike pitkos aan lesers in die gewilde Hart tot hart-rubriek in Landbouweekblad. Van sy eerste rubriek af volg hy die raad om in gewone taal vir gewone mense te skryf. Hy wend hom dikwels tot die natuur om God se woord te verklaar. Ds. Van der Westhuyzen het self die 366 stukkies uitgesoek wat in hierdie Bybeldagboek verskyn. Kom sit aan deur Rudi Swanepoel. Uitgewer: Lux Verbi. Prys: R195. Rudi Swanepoel is ’n predikant by NG Andrew Murray in Johannesburg. Hy het ’n passie vir kosmaak en gasvryheid en in hierdie boek ondersoek hy die kuns daarvan om vreugde te soek in die alledaagse. Hy…

$20 miljoen ’n Besending van 500 trekkers, 200 werktuie en 40 stropers van $20m. (R300m.) het onlangs in Durban geland vanwaar dit na Zimbabwe vervoer sou word. Die toerusting is deel van die eerste besending werktuie wat kragtens ’n ooreenkoms tussen John Deere en die Zimbabwe-regering gesluit is as deel van ’n projek om die landbou te meganiseer. Die ooreenkoms is beklink ná onderhandelinge tussen pres. Emmerson Mnangagwa en mnr. Mark von Pentz , wêreldwye voorsitter van die maatskappy. — Sunday Mail R34,8 miljard Suid-Afrika se uitvoer na Amerika, wat R34,8 miljard werd is, gaan onder hersiening geneem word deur die kantoor van die Amerikaanse handelsverteenwoordiger ná etlike Amerikaanse maatskappye gekla het oor ongunstige implikasies van Suid-Afrika se nuwe kopieregwetgewing op hul intellektuele eiendom. Dit sluit uitvoer onder die wet…

‘ ’n Titelakte is die geskikste middel in die oorgang van armoede tot middelklas.’ MNR. PERRY FELDMAN, bestuurder van Khaya Lam, ’n projek wat titelaktes vir huisbewoners borg. Bl. 26 ‘Verkoop ons ons produk reg aan die verbruiker?’ MNR. JACQUES JORDAAN, uitvoerende hoof van die Inmaakprodusentevereniging (IPV), oor die bemarking van ingemaakte groente en vrugte. Bl. 24 ‘Die reg om water te gebruik (is) bepalend van die waarde van plaasgrond.’ MNR. CASPER LÖTTER, namens die Doornkraalboerderytrust, oor die belangrikheid van waterregte in grondwaarde en ’n boerdery se kredietwaardigheid. Bl. 14 ‘Wees gereed om ’n plan B of plan C in werking te stel vir elke vertakking van jou boerdery.’ MNR. HERMAN DU PREEZ van die plaas Grysfontein, Lichtenburg, oor hoe hy finansiële beplanning benader. Bl. 21 ‘Die polisie voer nie…

Boere en landbou-organisasies hou met groot kommer die weerstoestande in die Wes-Vrystaat dop. Boere hier is onder finansiële druk wat vererger word deur opeenvolgende jare waarin dit laat gereën het en opbrengste geknou is. In die distrik Bultfontein, waar saaiboere sedert die droogte van die 2015-’16-pro-duksiejaar sukkel om weer op hul voete te kom, het die reën in 2018-’19 weer laat geval. Die grootste kommer is hoeveel boere in dié distrik produksiekrediet vir die komende produksiejaar sal kan bekom. Dit was reeds in 2018-’19 ’n knelpunt. ELIZE KUPKE skryf: Here, stuur asseblief mildelik reën waar dit so vreeslik droog is. Ons diere, plante en mense het dit so nodig. Amen. FREDERIK DIEDERICKS skryf: Die Here sal voorsien. Amen. GERDA VAN DEN BERG skryf: Here God, verhoor asseblief ons gebede en…

IS daar nog ’n toekoms vir voerkrale? Dit was een van die vrae op ’n paneelbespreking by die Aldamveeskool wat kenners van Amerika, Engeland, Australië, Namibië en Suid-Afrika ingesluit het. “Ons weet dat voerdoeltreffendheid ’n uiters belangrike monetêre faktor in die voer van diere is. “Ten spyte daarvan is voerkrale nie onder druk om speenkalwers te koop wat voer doeltreffender gebruik nie. Kan voerkrale dit in gedagte hou en produsente dalk beter vergoed vir diere wat meer voerdoeltreffend is?” Dit was die vraag van mnr. Christopher Sparks, voormalige Stoetteler van die Jaar op die paneelbespreking. Dr. Michiel Scholtz, senior navorser verbonde aan die Landbounavorsingsraad het geantwoord dat genomika ’n groeiende rol sal speel om diere te selekteer wat meer voerdoeltreffend sal wees, en waarvoor voerkrale moontlik ’n premie sal betaal…

DAAR is hernieude belangstelling in die saadmark vir oopbestuifde gewasse sedert koring- en garsboere drie jaar gelede en sojaboon- en hawerboere vanjaar begin het om tegnologieheffings te betaal. Mnr. Gert Heyns, uitvoerende hoof van die Suid-Afrikaanse kultivar- en tegnologie-agentskap (Sacta), het op die onlangse vergadering van die koringforum in Pretoria gewys op saadmaatskapye se nuwe belangstelling in Suid-Afrika sedert hulle vir hul tegnologie vergoed word. Die afgelope drie jaar is 32 nuwe sojaboonkultivars, 19 koringkultivars, 4 garskultivars en 3 hawerkultivars in Suid-Afrika bekend gestel. Sojaboonkultivars met vyf biotegnologie-eienskappe is in proewe aangeplant. Daar word verwag dat dit binne die volgende twee tot drie jaar plaaslik kommersieel beskikbaar sal wees. Heyns sê die heffing op koring, gars en hawer wat vir die seisoen ingevorder is, is R51,5 miljoen waarvan R10 miljoen…

GROENTE- en vrugteboere was in die algemeen dankbaar vir die koue en swaar reën wat in die Wes-Kaap voorgekom het in die laaste week van Oktober. Meer as 135 mm reën het van 25-28 Oktober in die Witzenberge by Ceres geval. Hierdie reën voed die Olifantsrivier en kan tot groot voordeel van die boere by Vredendal wees, sê mnr. Eric van Zyl, voorsitter van die Vredendal-landbouvereniging. “Dit het gemiddeld 10 mm hier by ons op Vredendal gereën, wat welkom is. Ons hoop dat daar genoeg water in die Olifantsrivier se opvangsgebied in die Witzenberge geval het. As die Clanwilliamdam se sluise vanweë die reën oopgemaak kan word en die rivier tot in die laergeleë wingerde kan opstoot, sal dit vir daardie boere baie werd wees ná ’n uitgerekte droogte.” MIN…

MUNISIPALE meentgrond hou reusepotensiaal vir welvaartskepping in indien dit vir die landbou en die bemagtiging van benadeelde gemeenskappe gebruik word. Dít was die boodskap van dr. Wallace Mgoqi, ’n voormalige hoof-grondeisekommissaris en waarnemende regter in die grondeisehof, op ’n grondkonferensie in die Paarl wat deur die Christelike dinkskrum Amos Agrimin aangebied is. Mgoqi het gesê hy is tans besig om die parlement in te lig oor die reusepotensiaal van meentgrond wat onder die rentmeesterskap van munisipaliteite is. “Ingevolge die ontwikkelingsverpligtinge wat die Grondwet hulle in artikel 153 oplê, moet munisipaliteite hul bates struktureer en bestuur om voorkeur te gee aan die basiese behoeftes van die gemeenskap en om die maatskaplike en ekonomiese ontwikkeling van die gemeenskap te bevorder.” MENTOR EN BEMAGTIG Met die regte ondersteuning en met sakeplanne en waterregte…

KORTOM ■ Die afgelope paar jaar is van die swakste reënvalsyfers in dekades in Suid-Afrika aangeteken. ■ Oorlaatskuld neem toe omdat die winsgewendheid van die landbou te laag is om die onbetaalde skuld te delg. ■ Met sy beleid van inmenging enersyds en gebrekkige dienslewering andersyds verhoog die staat die risiko van die landbou. Die geldsake van die landbou het aansienlik verswak in 2018-’19, luidens die jongste oorsig van die nasionale departement van landbou wat in Oktober gepubliseer is. Die netto inkomste van die landbou het met 12,3% gedaal, terwyl landbouskuld met bykans 10% gestyg het. Die departement raam die waarde van landboubates het met slegs 5% gestyg. Dit is ’n syfer wat bevraagteken kan word omdat grondpryse in baie streke laer is as dié van verlede jaar. Die waarde…

Die produksie van witlof is tans tot 20% hoër as verwag. Boonop is die mark daarvoor steeds aan die groei, het mnr. Steyn Marais, produksiebestuurder op Bronaar Plase (die enigste boerdery in Suid-Afrika waar witlof geproduseer word), aan Landbouweekblad gesê. “Ons het onlangs nuwe tegnologie ingevoer wat geen chemikalieë nodig het om water te steriliseer nie. Die masjien breek mikroskopiese borrels af tot nanoborrels en dan word osoongas in dié borrels opgelos. Dit word dan in die water van die hidroponikastelsel gebruik. Ons is dus nie meer afhanklik van duur chemikalieë om ons water te steriliseer nie en dit maak ons proses produktiewer en veiliger.” Marais het gesê hulle het pas nuwe plantmateriaal van Nederland af ingevoer. “Dit behoort ons produksie ’n verdere hupstoot te gee, aangesien dit vars plantmateriaal…

Boere beraam hul eie planne, maar is dankbaar as mense of organisasies voer skenk. Talle boere is egter heeltemal van geskenkte voer afhanklik om hul kuddes aan die gang te hou. Anders as regeringshulp vir droogte, wat veronderstel is om almal in ’n rampgebied te help, is voerskenkings die prerogatief van die skenker. As ’n mens die sosiale media dophou, lyk dit asof hulp na sekere gebiede stroom, terwyl ander gebiede nie juis iets kry nie. Gemeenskappe verskil ook in die manier waarop hulle hul lot aan die wêreld bekend maak en skouer aan die wiel sit om skenkings of goedkoper voer te bekom. Boere sal twee keer dink voor hulle oor skenkings kla, maar daar is kommer oor watter onkruid en indringerplante saam met die geskenkte voer op plase…

Dr. Ben Greyling, navorsingspanleier vir vleisbeesverbetering by die Landbounavorsingsraad, sê dr. Pieter de Kock, wenner van die Vleisbeesverbeteringskudde van die Jaar vir 2019 met sy Pronk Afrikaners, is passievol oor die oordrag van kennis aan die jonger geslag. Hy bied verskeie kursusse aan, mentor kleinboere en leerders, hou praatjies en spreek seminare oor die hele land toe. Verder is hy intens betrokke by die be-marking en promosie van die Afrikanerbeesras. Dit geld veral Afrikaner-produkte en handelsmerke, waaronder Afribeef, wat plaaslik verkoop word en ook vir die uitvoermark bestem is. De Kock tree as raadgewer vir telers van ander beesrasse op, soos die Afrisim, Ankole en Chianina. Hy het die afgelope paar jaar verskeie eerbewyse ontvang, artikels gepubliseer en opleidingskursusse aangebied wat op boere en leerders gemik is, en navorsingsprojekte oor…

Hul wens vir Kaja-boerdery is om volhoubaar te wees en vir ander ook werk te skep. Só gesels me. Koba Sass, een van die aandeelhouers in Jakkalsnek Farming wat 30% in Kaja-boerdery besit. “Ons wil nie platval nie, maar wins maak en ook ander help welvaart skep.” Mnr. Arrie Matthys, een van haar mede-aandeelhouers, sê die onderneming gaan nie vir hulle noodwendig die groot voordeel bring nie. “Dis vir ons gesinne; vir ons kleinkinders. As hulle eendag groot is, sal hulle sien ons het iets vir hulle nagelaat en hulle moet die ding vorentoe vat.” “Ja,” beaam nóg ’n medeaanheelhouer, mnr. Adriaan van Wyk, “ons het al gesien ons moet net moed hou en aangaan. Eendag sal ons nog die vrugte daarvan pluk.” Toe hulle die geleentheid kry om in…

Sjokoladesplinterkoekies met speserye ■ 150 g sagte botter ■ 250 ml sagte bruinsuiker ■ 1 ekstragroot eier ■ 5 ml vanieljegeursel ■ 180 ml sjokoladesplinters ■ 500 ml bruismeel ■ 5 ml fyn gemmer ■ 5 ml fyn kaneel ■ Ongeveer 30-45 ml melk (opsioneel) Verroom die botter en bruinsuiker goed saam. Voeg die eier by en klits goed. Voeg die vanieljegeursel en sjokoladesplinters by en klits weer deeglik. Sif die bruismeel, gemmer en kaneel oor die bottermengsel en meng goed tot ’n stywe deeg vorm. (As die mengsel effens droog lyk of krummelrig is, voeg 2-3 eetlepels melk by en meng verder.) Bedek die deeg en verkoel vir minstens 2 uur. Voorverhit die oond tot 150 °C en voer ’n paar bakplate met bakpapier uit. Knyp stukkies van die…

Ontvang hiermee ’n bietjie raad – verniet. “Moenie met die natuur baklei nie. Jy gaan elke keer verloor. Vir seker!” Die natuur is deel van God se Skepping en bedoel om ons as mense ten goede te wees. Ja, dit is wel so dat ’n deel van die natuur deur die sondeval aangetas is, maar dit verander nie die feit dat dit verseker nie God se bedoeling is om deur sekere natuurverskynsels vir ons ’n ondraaglike juk op die skouers wil plaas nie. God maak Homself bekend deur Sy Woord maar Hy openbaar Homself ook deur die natuur in Sy grootheid en almag; om Sy liefde en ordelikheid en op talle ander maniere te toon. Deur die natuur te skend deur ons onverantwoordelike praktyke, soos selfsug, hebsug en eiebelang, bedroef…

GAUTENG CARLETONVILLE ZWARTKRANS (172), 23 ha, aan J.E. Jordan en D.P. Oliver, van A.J. en W. Brits, R1 100 000. PRETORIA BRAKFONTEIN (559), 265 ha, aan Potgieter-landgoed, van A.C.M. Venter, R8 000 000. HARTEBEESTFONTEIN (123), 22 ha, aan C. Malan en K.J. Ritchie, van J.Z.M. Meyer, R430 000. HATHERLEY (331), 37 ha, aan Tambura69-trust,vanTshwane metropolitaanse munisipaliteit, R5286676. TIEGERPOORT (371), 30 ha, aan K.D. Koster en N.W. Koster, van E.J. Moulder, R1 850 000. KWAZULU-NATAL PIETERMARITZBURG OCKERTS KRAAL (1336), 24 ha, aan die regering van die RSA, van M.B.A.G. Amod en H. Mohamed, R1 113 000. THOMASVILLE (2120), 340 ha, aan die Fairfield-trust, van Kusana Park Farm, R11 286 000. PORT SHEPSTONE BROADVALE(12747), 283 ha, aan die Siva Naickerfamilietrust, van S. Naicker, R850 000. ST. LUCIA LOT H 104 (13365), 20…

Die Suid-Afrikaanse Boerboktelersvereniging het op sy jongste jaarvergadering besluit om DNS-toetse as deel van sy diereaantekeningsprogram oor die volgende drie jaar in te faseer. Mnr. Hennie Booysen, wat vir ’n tweede termyn van drie jaar as voorsitter herkies is, sê plaaslike kopers dring toenemend op geverifieerde stamboomdata aan wat deur DNS-data ondersteun word wanneer hulle diere aanskaf. Buitelandse kopers dring reeds daarop aan. “Op die jaarvergadering is besluit dat DNS-data voortaan met die ouerskapsdata van geregistreerde bokke moet ooreenstem. Dit is belangrik dat die stamboominligting van dié diere behoorlik aangeteken word,” sê hy. “Dit is ’n stap in die regte rigting, ’n besluit wat ons ras sal laat vorder.” Volgens Booysen verhandel vleisbokke teen stabiele, en selfs hoër pryse as vantevore ten spyte van die heersende ongunstige produksietoestande. Die hoogste…

HET SA EKONOMIE SY RASSIE GEVIND? Dit was darem lekker om weer die rugbywêreldbeker omhoog te hou. Vir ’n oomblik het Suid-Afrikaners van die land se probleme vergeet en weer hoop geskep dat ons wêreldklas kan wees indien ons ons beste mense inspan. Soos daardie Saterdagmiddag teen Engeland. Genadelose sagmaak voorlangs en 80 minute van rotsvaste verdediging wat die Britte radeloos gelaat het. En toe die reënboogtrio se skouspelagtige afronding — Handré Pollard se meedoënlose skopwerk, Makazole Mapimpi se suiwer briljansie en Cheslin Kolbe die towerkunstenaar. Net ’n goeie reënbui kon daarop verbeter! Maar so iets buitengewoons gebeur nie vanself nie, al het ’n mens ’n hele nasie bankvas agter jou. Ja, een helfte van die sukses was op die veld, maar die ander helfte het bo in die paviljoen…

DR. PIETER DE KOCK van Thabazimbi se Pronk-Afrikanerstoetery is as die Landbounavorsingsraad se Vleisbeesverbeteringskudde van die Jaar vir 2019 bekroon. De Kock, wat ook voorsitter van die Afrikaner-beestelersgenootskap is, vertel op bl. 40 hoe dié ras homself die afgelope paar jaar verbeter het. VERTEL ONS VAN JOU GESIN. My vrou, Elbie, is my beste maat en sielsgenoot, asook die administratiewe persoon vir ál die boerderyfasette. Ons het drie dogters wat almal verder gestudeer het (en saam met ons boer) en hul beroepe op Thabazimbi en in Pretoria geoefen: dr. Anell Groenewald (mediese praktisyn), dr. Berna Foulds (biokinetikus) en dr. Louise Dreyer (mediese praktisyn). Ons een skoonseun, Abraham Groenewald, behartig ons wildboerdery, nog ’n skoonseun, Ben Foulds, is ons saai- en medebeesboer, en die derde skoonseun, Ruan Dreyer, is verbonde aan…

MELKBOERE slag toenemend koeie weens die kosteknyptang waarin hulle hul bevind. “Die gemiddelde produsenteprys vir September is R4,30/liter. Dit is dieselfde vlak as die gemiddelde produsenteprys in 2014,” skryf mnr. Bertus van Heerden, hoofekonoom van die Melkprodusente-organisasie (MPO), in die September-uitgawe van die organisasie se Dairy Market Trends. “Melkkopers het sedert Junie vanjaar prysverlagings aangekondig, waarvan sommige in Julie in werking getree het en ander eers in Augustus of September.” Van Heerden skryf die MPO is bekommerd oor die melk-tot-voerprysverhouding. Hoër graanpryse en laer produsentepryse het die verhouding nóg laer as vroeër vanjaar laat daal, vanaf 1:30 tot 1:2. Dit sal na verwagting ’n nadelige uitwerking op produksie van onverwerkte melk hê. Op kort termyn sal die uitwerking beperk wees, maar op mediumtermyn ernstiger. KYK SÓ NA PRODUKSIEGROEI Ondanks die…

DIE landboumaatskappy Senwes het op sy onlangse toekomsfokusdag op Nampopark vyf sleutelaspekte van suksesvolle boerdery uitgesonder, en hulle gelyk gestel aan Afrika se vyf indrukwekkendste diere. “Dit gaan oor ’n ou wat vinnig dink en dinge beter kan doen. Deur te stagneer, boer jy eintlik agteruit,” het mnr. Jaco Minnaar, voorsitter van Graan SA, gesê. Vyf boere het op dié geleentheid gepraat oor hoe hulle vyf kernaspekte in hul boerdery inbou: strategie, mensehulpbronne, bestuursinligtingstelsels, vennootskappe en finansies. STRATEGIE NOODSAAKLIK Strategie begin by jou passie en visie vir jou boerdery, het mnr. Sakkie van Zyl, voorsitter van die Rooivleisprodusente-organisasie in Noordwes en boer van die plaas Rietfontein in die distrik Wolmaransstad, gesê. “Breek jou strategie af tot meet-bare doelwitte wat die bakens op jou padkaart word.” Sy familieboerdery volg ’n Josefsbeleid…

’N GIDSPROJEK is onlangs in Engcobo in die Oos-Kaap van stapel gestuur om kommunale boere deur die distrik se diptenk-netwerk toegang tot ’n veeverbeteringsprogram te gee wat hulle in staat sal stel om tot die kommersiële waardeketting toe te tree. Tans voldoen die boere se produksie- en dieregesondheidspraktyke nie aan kommersiële standaarde nie. Dr. Peter Oberem, uitvoerende hoof van die dieregesondheidsmaatskappy Afrivet, raam dat die projek, wat met die samewerking van Afrivet, die Oos-Kaapse departement van landelike ontwikkeling en grondhervorming, Onderstepoort Biologiese Produkte en die Engcobo-diptenkkomitee bedryf word, binne drie jaar sowat R30 miljoen uit veeverkope sal kan verdien. Volgens Oberem besit kommunale boere byna 50% van die nasionale ekstensiewe kudde, maar lewer slegs 10% van die land se vleis. Engcobo het 50 000 beeste, 450 000 skape en 25…

SUID -AFRIK A en Spanje, die wêreld se twee grootste sitrusuitvoerlande, het onlangs die Wêreld-sitrusorganisasie (WSO) gestig om die wêreldwye verbruik van sitrus te verhoog. Die organisasie moet ook ’n platform skep om gemeenskaplike kwessies te bespreek en innovering te bevorder. Boonop meen mnr. Justin Chadwick, uitvoerende hoof van die Sitruskwekersvereniging, die stigting van die organisasie is ’n gulde geleentheid vir die Suid-Afrikaanse bedryf om internasionaal verteenwoordig en bemark te word, en om sy stem te laat hoor ten opsigte van beleid wat die bedryf as geheel raak. Die WSO het reeds sewe lidlande – Suid-Afrika, Spanje, Argentinië, Chili, Italië, Marokko en Peru. Chadwick is optimisties dat Turkye, Egipte, Uruguay en Brasilië na verwagting komende Februarie ook by die organisasie aansluit op die eerste amptelike vergadering wat tydens die Fruit…

Tipies Brittanje!” sê mnr. Stewart Dorrington, voorsitter van Custodians of Professional Hunting and Conservation South Africa (CPHC SA), die Suid-Afrikaanse liggaam vir beroepsjagters, oor die Britse regering se planne om die invoer van jagtrofeë, soos dierevelle en -koppe, te verbied. “Hulle neem besluite oor ander lande se natuurerfenis sonder om ’n enkele gesprek te voer met die lande waar die wild voorkom wat hulle kwansuis wil bewaar.” Koningin Elizabeth II het onlangs bevestig die Britse regering het planne om die invoer van jagtrofeë te verbied nadat mnr. Boris Johnson, die Britse premier, in ’n parlementêre toespraak gesê het dié “dié barbaarse praktyk” moet tot ’n einde kom. Dorrington sê dit is arrogant van Britse politici om hul morele waardes en vooroordeel op ander nasies te probeer afdwing sonder ’n begrip…

Prof. Klaus Kellner van die Noordwes­Universiteit, een van Suid-Afrika se voorste navorsers oor verwoestyning, sê hul monitering wys verwoestyning is besig om toe te neem omdat dit warmer en droër word as gevolg van klimaatsverandering. “Onthou, verwoestyning is net ’n erge graad van veldagteruitgang. Eers verswak die veld, met ander woorde die plantbedekking en hoeveelheid plante, veral smaaklike plante, word minder. Indien die veld dan nie herstel nie en meer agteruitgaan, sal verwoestyning oor langer tydperke plaasvind, dus nóg minder plante en nóg minder bedekking.” Kellner sê dit is waarom boere moet voorsorg tref vir droë jare deur hul veld goed te bestuur. “Ons doen rehabilitasie waardeur ons probeer om die veld wat agteruitgegaan het met verskillende metodes te ‘versterk’. Boere moet byvoorbeeld nie ál die takke van indringerbome en…

DR. PIETER DE KOCK WAT IS ONMISBAAR IN JOU BOERDERY? Goeie toesig en beheer oor die hele boerdery, onder meer oor Afribeef, prestasietoetsing, kennis oor en toepassing van navorsingsresultate, dragtigheidsondersoeke en ’n wetenskaplik gefundeerde siektebestrydingsprogram. WAT IS DIE BESTE RAAD WAT JY OOR DIE JARE GEKRY HET? Werk hard, glo in jou produk en moenie sommer tou opgooi en nee vir ’n antwoord aanvaar nie. WAT IS DIE GROOTSTE FOUT WAT JY IN JOU BOERDERY GEMAAK HET? Deur die boerdery té lank as ’n stokperdjie te bedryf. Ek moes vroeër my liefde vir God se skepping en Afrikanerbeeste met die wetenskap ondersteun het. WIE WAS JOU MENTOR? Nie regtig ’n bepaalde persoon nie. Ek het kennis opgedoen deur baie te lees, studies van wetenskaplikes na te volg en myself as…

Om meer te wete te kom oor onderstokke of vir hulp met die regte onderstokkeuse, gaan loer gerus by die gratis webwerf www.grapevinerootstock. com. Jy moet ’n paar eenvoudige vrae beantwoord: Hoe lyk jou grond? Wat is jou grond se pH? Watter groeikrag streef jy na? Hoeveel water het jy? Dan gee die webtuiste vir jou onderstokopsies wat in jou toestande behoort te werk. Klik dan op die onderstok wat jy oorweeg vir ’n klomp inligting oor hoe die onderstok in verskillende toestande vaar en watter kultivars goed daarmee ent. Dit verskaf ook ’n skakel na ál die navorsing wat reeds wêreldwyd oor die onderstok gedoen is.…

D ie hoogs doeltreffende wateroplosbare konsentraat-onkruiddoder Sendero™ 336 SL (reg.nr. L10569, Wet 36 van 1947), wat houtagtige bosen boomsoorte, soos prosopis, suksesvol bestry, is onlangs in Suid-Afrika bekend gestel. Proewe toon dat prosopis, oftewel muskietboom of suidwesdoring, vir die eerste keer werklik suksesvol daarmee doodgemaak kan word. Dié indringerplant is besig om teen ’n onrusbare tempo in veral die Noord-Kaap te versprei, asook in groot dele van die Oos- en Wes-Kaap, die Vrystaat en Noordwes. In 2007 het die Landbounavorsingsraad (LNR) reeds geraam sowat 1,8 miljoen hektaar is deur prosopis ingeneem, en teen 2012 was dit reeds 2,3 miljoen hektaar. Sowat 55% van die besmettings kom in die Noord-Kaap voor. Daar word beraam dat prosopis-indringing jaarliks ’n skrikwekkende 192 miljoen m3 water – of die ekwivalent van 1 100 mm…

VERKOOP VAN VERSKILLENDE DELE VAN PLAAS My familielid besit ’n plaas en het ’n afskrif van ’n kaart gedateer 1995.05.05 van die tegniese dienste-afdeling van die departement van landbou. Daarop is die plaasnaam en die totale aantal hektaar van die plaas, asook ander inligting, op die stempelgedeelte van die kaart ingeskryf. Volgens sy bronne was daar oorspronklik drie gedeeltes met aparte kaart-en-transportaktes. In 2009 was daar ’n kooptransaksie van een van hierdie gedeeltes van die plaas, wat volgens inligting suksesvol was en by die aktekantoor op die nuwe eienaar se naam geregistreer is. Kan hierdie drie dele afsonderlik verkoop word? Die antwoord op u vraag sal vasgestel kan word uit die inhoud van die eiendomme se titelaktes, of kaart en transport. Die minister van landelike ontwikkeling kan voorwaardes oplê vir…

Die Kanna-skaapvervoerband neem skape vanuit ’n drukgang na ’n V-vormige werkplatvorm waar die skaap liggies vasgeklem en omgekantel word om gedoseer te word. As die proses klaar is, word die skaap uitgestoot en beland weer netjies op sy pote. Die werkruimte is 3 m lank, en die spoed van die vervoerband is aanpasbaar. Dit word aangedryf deur twee elektriese motortjies van 1,1 kW elk. ’n Verhewe staanplek vir die operateur wat die diere doseer, is aan die een kant gemonteer. PRYS: R97 750. NAVRAE: Kanna Industries, Worcester; mnr. Willa Nolte, 072 333 1051. Dié roteerbare drukraam vergemaklik die vloei van skape in ’n drukgang. Dié besonderse raam het ’n hek wat met ’n balansgewig 1 m hoog opgetrek kan word sodat die skape onderdeur kan hardloop. Die opgetrekte hek word…

Soetkoekies Dit is lekker om ’n flatervrye soetkoekieresep te hê wat jy vir jou kinders kan aanmaak en hulle dan toelaat om die koekies self uit te druk, te bak en te versier – ure se pret in die kombuis. Dié resep maak ’n lekker sagte deeg waarvan die afvalstukke weer saam met die res geknie en uitgerol kan word. ■ 180 ml sagte botter of margarien ■ 250 ml witsuiker ■ 2 ekstragroot eiers ■ 5 ml vanieljegeursel ■ 625 ml koekmeel ■ 5 ml bakpoeier ■ 2 ml sout Verroom die botter en suiker goed tot lig en donsig. Voeg die eiers een vir een by en klits goed ná elke byvoeging. Klits die vanieljegeursel by. Sif die meel, bakpoeier en sout oor en meng tot ’n sagte…

LIGGING Windhoek Die NLU se hoogste eerbewys, die Agrister, is deur mnr. Ryno van der Merwe (links), uittredende voorsitter van die NLU, aan mnr. Jan Visagie en sy vrou, Ria, oorhandig. Visagie boer sedert 1968 op plaas Benoud en is lid van die boerevereniging Onder-Nossob. Hy het 46 jaar lank ononderbroke posisies in boereverenigings, die destydse Suidwes-Afrika se landbou-unie (nou NLU) en Karakoel-produsentevereniging beklee, is in 1975 as meester-bewaringsboer van Mariental aangewys en was ’n waardeerder by die Land Bank. Eerbewyse is aan lede en personeel van die Namibiese Landbou-unie (NLU) oorhandig. Van links is mnre. Karel Jordaan van Agra wat van die pryse geborg het, Stefan Saayman van Kanaal 7, Mediahuis van die Jaar, me. Sonia Eberhardt (Landbouvrou van die Jaar) van die boerevereniging Grunau, mnr. Francois Jones van…

Die volgende ontleding van grondverkope in Suid-Afrika is van transaksies vir grond van meer as 10 ha in Gauteng, KwaZulu-Natal en Limpopo van September 2018 tot Augustus vanjaar. Grondpryse by Jozini het heelwat gestyg (21,1%), terwyl pryse by Carletonville gedaal het (-8,5%). In Gauteng was daar 475 transaksies, wat 64 828 ha teen R5,313 miljard behels het. Sowat 63% van die transaksies was vir grond van minder as 50 ha. By Pretoria het die pryse met meer as 6% gedaal. In amper 40% van die distrikte in KwaZulu-Natal het pryse gedaal. By Ballito het pryse met amper 14% gestyg en by Utrecht met 9,2%. Altesaam 354 transaksies in 13 distrikte in dié provinsie het grond van 100 524 ha teen R2,429 miljard behels. Sowat 38% van die transaksies was vir…

BOEREDAE 26 NOVEMBER: Die NAHF se Noord-Kaapse dieregesondheidsforum, Kimberley. Dirk Krapohl, e-pos: admin@nahf.co.za, 053 832 9595. 18 JANUARIE 2020: Hooglandstudiegroep se jongbuldag (Simbra en Simmentaler), Ashtonvale, Bethlehem. E-pos: r2ksimbra@gmail.com 23 JANUARIE 2020: Vinproinligtingsdag, Kaapstadse Internasionale Konvensiesentrum. Wanda Augustyn, 021 276 0458, e-pos: wanda@wineland.co.za, web: www.vinpro.co.za KONFERENSIES 19-20 NOVEMBER: Konferensie vir hommeltuiggebruikers, Elsenburg. Tema: Volhoubare grondbestuur en biodiversiteitbewaring. E-pos: drone2019. conference@undp.org, web: www.droneusers.co.za 19-20 NOVEMBER: African Agri Investment Indaba. Kaapstadse Internasionale Konvensiesentrum. Lauren Hansen, e-pos: lauren.hansen@agricouncil.org, 021 700 4300. 24-26 NOVEMBER: Cannabisinnovasiekonferensie, V&A Waterfront, Kaapstad. Gabrielle Levy, e-pos: gabrielle@israel-cannabis. com, web: www.canna-tech.co/ capetown/ 24-26 NOVEMBER: 4.0 Industriële Revolusie Agri Techkonferensie, Lanzerac-hotel, Stellenbosch. 011 886 0941, e-pos: sifiso@empiretraining.co.za 25-26 NOVEMBER: Internasionale konferensie oor biologiese en landbouwetenskappe. Aviator- hotel, OR Tambolughawe. E-pos: info@iser.co, web: http://iser.co/Conference2019/ SouthAfrica/3/ICABS/ 28 NOVEMBER: Hortgro se Langkloof-seminaar en boordbesoek,…