Innehållsförteckning för 2/7/2020 från Landbouweekblad

MOOISTE ROOI Die appelkultivar Flash Gala is die suksesvolste nuwe kultivar gemeet aan die aantal bome wat bestel is sedert die Suid-Afrikaanse plantverbeteringsorganisasie gestig is. Dié kultivar is ontwikkel deur mnr. Buks Nel (links), veteraankultivarkenner van Tru-Cape. Meer as 1 miljoen van dié bome, wat in die handel bekend staan as Bigbucks, is reeds geplant. Volgens Nel is die uitpakpersentasie van dié kultivar byna 90, wat feitlik ongehoord is. Die appel het ’n veel beter en voorspelbaarder rooi kleur as Royal Gala en sy klone. Boonop word al die Bigbucks-bome se appels op dieselfde tyd ryp, en kan die vrugte in een sarsie gepluk word. FOTO: VERSKAF SLENKDALKOORS DREIG Veeboere word aangeraai om alle beeste, skape en bokke in te ent teen slenkdalkooors, veral in gebiede wat onlangs reën gehad…

ESKOM se nuwe uitvoerende hoof, mnr. André de Ruyter, verwelkom planne van mynmaatskappye om hul eie krag te begin ontwikkel as ’n manier om druk van die elektrisiteitsnetwerk te haal. Volgens die WNNR het beurtkrag die Suid-Afrikaanse ekonomie verlede jaar R59 miljard tot R118 miljard gekos. Eskom het in die afgelope finansiële jaar sowat R30,3 miljard uit ’n totale inkomste van R193 miljard uit mynmaatskappye verdien. Sy inkomste sal verder weggekalwe word indien hy sy groot kliënte verloor. Tog meen De Ruyter dit is op kort termyn nodig dat nywerheidsgebruikers hul eie krag opwek, want dit gee Eskom toegang tot meer krag. Mnr. Herman Pretorius, woordvoerder van die energie-intensiewe gebruikersgroep van Suider-Afrika, sê die meeste van sy lede rig tans opwekkingsprojekte van meer as 10MW op, wat ministeriële goedkeuring nodig…

ARTIKELS & RUBRIEKE ■ Van garage-onderneming tot wêreldleier: ‘Ons wil tegnologie in boere se hande sit’ ■ Aangepaste Karoo-Angusse gedy op uiterste ekstensiewe veld ■ Die realiteit van liggingsdifferensiale vir sojabone ■ Olywe, sitrus stut beesboerdery SPESIAAL ■ Volhoubare boerdery, Wiele GESIN ■ Die beste gebak! GROOTVEE Om geharde, aangepaste Angusbeeste in een van die mees ekstensiewe dele van Suid-Afrika te teel, is nie maklik nie, maar mnr. Carl Möller van Carnarvon kry dit reg om in hierdie uiters droë gebied sukses te behaal. Hy sê diere uit dié omgewing kan op enige plek in Suider-Afrika aanpas.…

DIE PA EN SEUN WAT DIE KALAHARI WATER GEE Op min plekke is water so skaars soos in die Kalahari, en ’n permanente bron daarvan word deur menige boer as ’n wonderwerk beskou. Danksy ’n 1 475 km-lange pypleiding sorg mnre. Paul Loots sr. en Paul Loots jr., ’n pa en seun wat ’n lang verbintenis met die Kalahari-Oos-pypleiding het en van die begin af by die lê daarvan betrokke was, dat dié pypleiding water aan onder meer 500 boere verskaf. Lees die artikel “Die Kalahari se fonteinwater” in Landbouweekblad van 24 Januarie 2020. Marietjie Marais skryf: Wow, Suid-Afrika het die mees amazing boere in die hele wêreld! God gaan ons land red. ELMIEN HUISAMEN skryf: Wonderlik. Dit is omgee vir medeboere en mense. Water is kosbaar en ’n boer…

DIE Rooivleisbedr yfsforum (RBF) het besluit hy gaan nie betrokke raak by die hofsake van afslaers wat die staat wil dwing om die verbod op veeveilings vanweë ’n uitbreking van beken-klouseer op te hef nie. Dit was een van dié liggaam se besluite op 21 Januarie op ’n vergadering in Gauteng. Mnr. Koos van der Ryst, voorsitter van die forum en van die nasionale Rooivleisprodusente-organisasie (RPO), sê daar is ook besluit om eerder te probeer help om beleid te formuleer wat die departement van landbou in staat sal stel om die verbod op te hef. Hy sê daar is geen regeringsbeleid wat vereistes uitstippel waaraan die bedryf moet voldoen voordat produsente weer hul diere met veiligheid in veilingskrale kan verhandel nie. “Ons het dus begin om voorstelle vir sulke vereistes…

1 ZAMBIË | Droogte bring erge hongersnood Die nadraai van Zambië se swakste reënseisoen sedert 1981 is dat die mielieprys geskiedkundige hoogtepunte bereik en 44% van die westelike provinsie se bevolking in ’n krisisfase van voedseltekort is. Dit is volgens die hulporganisasie Keepers Zambia Foundation. Die organisasie waarsku dat families terugval op skadelike oorlewingstrategieë, soos om hul lewende hawe en bates te verkoop, kinderarbeid en migrasie, wat ook hul langtermynoorlewing sal benadeel. In sommige gebiede eet mense nou wilde vrugte, wat tot gesondheidsprobleme lei. Die organisasies sê daar is reuse-afhanklikheid van mielies weens die “aggressiewe promosie van verskeie mieliekultivars deur die saadmaatskappye en handelaars” wat gebeur het ten koste van gewasse wat weerstandiger is teen droogte, soos kassawe en manna. — Reliefweb 2 UGANDA | Kommer dat -…

Kritici sê dit is te min en te laat, maar die besluit van die monetêre beleidskomitee om die repokoers met 25 basispunte te verlaag is ’n welkome sein dat die Reserwebank erken die ekonomie is in ’n resessie. Die inflasiekoers is 3,6%, wat beduidend laer is as die middelpunt van 4,5% in die teikenband van 3-6% vir inflasie. Die repokoers daal tot 6,25% en die prima uitleenkoers van banke tot 9,75%. Die inflasieteikenband van 3-6% word in oorleg met die tesourie bepaal en daaraan word nie sommer getorring nie. Die huidige, baie lae inflasiekoers – die laagste in jare – is ’n weerspieëling van die swak saketoestande in die ekonomie. Ten spyte van hoë koste en prysstygings in geadministreerde pryse is sakeondernemings net nie in staat om prysverhogings deur te…

Een van die omvattendste verslae tot dusver oor die voorkoms van witvlieë en die virusse wat hierdie indringers aan tamatie-oeste in Suid-Afrika kan oordra, is bekend gemaak. Die bevindinge daarvan het in ’n artikel in die internasionale tydskrif Crop Protection verskyn. Die verslag was deel van die doktorale navorsingswerk van dr. Vaneson Joey Moodley (foto) van die Universiteit van KwaZulu-Natal. Sy studie is deur die Nasionale Navorsingstigting gefinansier. ’n Vorige verslag, wat in 2008 deur navorsers van die Universiteit van die Witwatersrand voltooi is, het hoofsaaklik op die tamatiekrulverdwergingsvirus (ook bekend as “tomato curly stunt virus” of ToCSV) klem gelê. Moodley het vanaf 2014 tot 2017 135 persele oral in Suid-Afrika besoek om tamatieplante in landerye en kweekhuise te ondersoek. Hy was op die uitkyk vir moontlike witvlieë, asook tekens…

Hommeltuie kan op verskeie terreine ingespan word om natuurbewaringsdoelwitte te bereik. Só het mnr. Dalton Gibbs, ’n streeksbestuurder van die Stad Kaapstad se departement van natuurbewaring, vertel op ’n hommeltuigkonferensie wat deur die Wes-Kaapse departement van landbou en die trust vir bedreigde natuurlewe (EWT) op Elsenburg aangebied is. Volgens Gibbs bestuur die Stad Kaapstad se departement van natuurbewaring sowat 450 bobbejane in die Skiereiland, en pro-beer dit deurlopend keer dat hulle nie binne bewoonde gebiede kom nie. Die taak word bemoeilik omdat bobbejane slim, opportunisties en nie bang vir mense is nie. Gibbs sê die gebruik van virtuele heinings werk goed. Dit bestaan uit ’n reeks weerbestande bokse wat met radiogolfontvangers in ’n virtuele lyn op strategiese plekke en op sekere intervalle in die veld geïnstalleer word. Halsbande is aan…

Verandering is die enigste feit waaroor ’n mens sekerheid het. Om daarby aan te pas, is ál raad vir oorlewing. Dr. Corrie Avenant, met sy een voet in die mediese wêreld en die ander in boerdery as eienaar van die ATKA-stoetery naby Williston, glo die droogte is die nuwe normaal en goeie reën sal net in uitskietjare in die Karoo uitsak. Daaglikse voer wat party boere tot R3 per skaap per dag uit die sak kan jaag, is weens die droogte ’n noodgedwonge uitgawe vir die meeste Karooboere. “Die enigste manier om in sulke omstandighede wins te maak, is om met iets te boer wat ons kan bekostig om te voer,” sê Avenant. “Die belangrikste aspek is dat waarmee ons ook al in die Karoo boer, ’n hoëwaardeproduk moet wees…

Om weiding regtig goed te kan bestuur, moet ’n boer die veld en omgewing deeglik ken. Slegs dan kan ingeligte besluite tydig geneem word om oorbeweiding te voorkom en die weiding vir so lank moontlik te benut. Dit tel in me. Caroline Bührmann se guns dat sy in die omgewing grootgeword het waar sy nou naby Nauchas in die Naukluftkompleks boer, wat neffens Namibië se bekende Naukluft-natuurreservaat geleë is. Goeie veldbestuur, lae veldbelading, wisselweiding, spaarkampe en genoeg grond om kampe lank te laat rus, is die faktore wat dit vir haar moontlik maak om droogtes te oorleef. Om die veld verder te beskerm, hou sy haar sebras almal op een deel van die plaas aan omdat dié diere baie swaar op weiding is. In die bykans kwarteeu wat sy heeltyds…

PLAASINLIGTING LIGGING: Klein-Brakrivier, Wes-Kaap NAAM: The Homestead GROOTTE: 718 ha GROND: Hoofsaaklik swart slikgrond REËNVAL: 500 mm in ’n normale jaar KORTOM ■ Die Robertsons boer al sedert 1869 op The Homestead naby Klein-Brakrivier. ■ Die omgewing en klimaat verleng die pluktyd van koejawels. ■ Die strewe is goeie gehalte en meer vrugte vir die sap- en vars mark. Die slim benutting van tegnologie en ’n langer produksietydperk vir koejawels maak dié voormalige stiefkind van die vrugtebedryf ’n logiese en winsgewende vertakking in die Suid-Kaap, wat nog grootliks ’n buffer teen die droogte kon bied. Terwyl ander boere koejawelbome by die hektaar uithaal, glo mnr. Billy Robertson van die plaas The Homestead by Klein-Brakrivier goeie bemarking kan die bordjies verhang. Dit kan verbruikers anders oortuig ná die drink van vrugtesap…

PLAAGBESTRYDING NUWE BIOLOGIESE BESTRYDING VAN VRUGTEVLIEË ’n Nuwe oplossing vir die doeltreffende en ekologiese bestryding van vrugtevlieë is nou beskikbaar. InteliGro se Cera­Trap is ’n lokaas-soort produk en bied ’n nuwe manier om die belangrikste vrugtevliegsoorte te bestry. Afgesien van die erkende vrugtevlieë bestry CeraTrap ook die Oosterse vrugtevlieg (Bactrocera dorsalis). Die produk is in Spanje ontwikkel en word reeds wêreldwyd met sukses gebruik. CeraTrap is reeds die afgelope vier jaar in Suid-Afrika getoets om die doeltreffendheid van die produk te bevestig. Die produk is tans geregistreer vir gebruik by sitrus, steenvrugte, sagtevrugte en tafeldruiwe. Die doeltreffendheid van CeraTrap teen vrugtevlieë is bewys. Dit is maklik om te gebruik en kan presies toegedien word omdat geen spuittoerusting benodig word nie. Die produk is omgewingsvriendelik en het geen nadelige uitwerking op…

Geroosterde murgbene met gepiekelde uiesalsa op groenslaai Murgbene ■ 20 murgbene ■ Sout en peper ■ 5 ml (1 t) vars tiemie Gepiekelde uiesalsa ■ 22 middelslag-rooiuie, fyngesny ■ 5 ml (1 t) sumak* ■ sout en peper ■ 70 ml pietersielie, fyngesny ■ 30 ml (2 e) suiker ■ 60 ml (4 e) appelasyn Om voor te sit ■ Wilderoket ■ 100 g witlof ■ Crostini Vir die murgbene: Voorverhit die oond tot 220 °C. Rooster die murgbene in die oond vir 20-25 minute. Geur na smaak met sout, peper en tiemie. Vir gepiekelde uiesalsa: Meng die ui, sumak, sout en peper asook pietersielie in ’n mengbak saam. Verhit die suiker en appelasyn in ’n pan tot die suiker opgelos is. Laat afkoel. Voeg die asynmengsel by die uiemengsel.…

DIE 19de aanbieding van die SA Kaasfees bied die perfekte langnaweek-wegbreek in 2020. Feesgangers kan uitsien na ’n eiesoortige ervaring van kaas en méér oor die Vryheidsdag-langnaweek van Saterdag 25 April tot Maandag 27 April op Sandringham buite Stellenbosch. Dié fees is as een van D i e Burger se lesers se top-3-feeste aangedui. Ontdek die grootste verskeidenheid plaaslike, internasionale en boetiekkase, verken die #Winefest, #Foodfest, #Beer-fest en #Ginoclock, en ontmoet die skeppers van die besondere nisprodukte in die kaasemporium en die Cape Made-mall. Die SA Kaasfees-program sluit proe-ervarings in die Standard Bank-proelokaal in, asook buitelugmusiekkonserte deur onder meer Spoegwolf, bedrywighede soos die Ladismith Kaaskerfkompetisie en die Laughing Cow Kiddies Corner. Die feestye is vanaf 10:00 tot 18:00 daagliks. Kaartjies kos R240 per per-soon per dag, met ’n doutrapper (early…

Mnr. Angelo Petersen is as direkteur by die sagtevrugtebedryfsliggaam Hortgro aangestel. Petersen het meer as 25 jaar ervaring as senior uitvoerende beampte, hoofbestuurder en leier in die private en openbare sektor. Hy speel reeds vir twee dekades ’n aktiewe rol in die transformasieproses van die vrugtebedryf en het talle suksesvolle grondhervormingsinisiatiewe vir maatskaplike ontwikkeling en openbare-private vennootskappe gekoördineer. Petersen is sedert 2013 die nie-uitvoerende voorsitter van die raad van toesig op die uitvoer van bederfbare produkte (PPECB). Hy was twintig jaar lank ’n senior uitvoerende bestuurder en direkteur van die internasionale vrugte- en logistieke maatskappy die Capespan-groep (CGL), waar hy senior posisies beklee het in strategie, menslike hulpbronne en bestuur. Hy dien ook in die direksies van ’n aantal Capespan-filiale en gesamentlike ondernemings. Voor hy by Capespan begin het, het…

GAUTENG CARLETONVILLE DEELKRAAL (142), 134 ha, aan A.K. en H. van der Merwe, van P.J. van Rhyn, R355 000. JACHTFONTEIN (344), 136 ha, aan Ukona Magoveni-familietrust, van T. Li, R550 000. RIETPOORT (518), 63 ha, aan Cipres-trust, van Somerplaas Eiendomsbeleggings Bpk., R9 500 000. REYDAL (165), 33 ha, aan Circa Agri (Edms.) Bpk., van Red Oak Farms, R18 000 000. PRETORIA STRYDFONTEIN (306), 25 ha, aan Mandla Chawane Ministries-trust, van Rondawelrus-landgoed, R2 800 000. VASTFONTEIN (271), 21 ha, aan Tip Treeby-familietrust, van E.J.A.T. en M.M. Lerm, R968 000. PLAAS (475), 23 ha, aan Eggbert Eggs (Edms.) Bpk., van Ukhebe Inv (Edms.) Bpk., R11 852 000. GROOTSPRUIT (455), 210 ha, aan Phetogo Farming Enterprise, van G&P Buitendag-trust, R5 000 000. JAKKALSDANS (243), 21 ha, aan R.R. en Z. Makombe, van Ulanca…

132,5% Die Zambiese regering het die prys van ’n 50 kg-sak mielies met 132,5% verhoog. In ’n kennisgewing op 16 Januarie sê die voedselreserwe-agentskap die prys moet onmiddellik verhoog word. ’n Voedselkrisis staar Zambië in die gesig weens ’n reusedaling in die mielie-oes as gevolg van die droogte. Gesinne moet noodgedwonge minder keer per dag eet om te oorleef, wat tot grootskaalse wanvoeding lei. Meer as 2,4 miljoen mense word glo deur voedselonsekerheid geraak. — Zambian Watchdog, Reliefweb 9 kg Van die lusernbale wat verlede maand as droogtehulp deur die Oos-Kaapse departement van landelike ontwikkeling uitgedeel is, het slegs 9 kg geweeg. Mnr. Retief Odendaal, DA-lid van die Oos-Kaapse wetgewer, sê dié lusernbale het net 9 kg tot 16 kg geweeg, maar was veronderstel om 20 kg tot 25 kg…

‘Die probleem bly dat die uitvoerende gesag nie vertrou word nie.’ DR. PIET CROUCAMP, politieke ontleder, oor die ANCvoorstel dat ’n minister vergoeding by onteiening moet bepaal. Bl. 23 ‘Hulle is die aflaaiplek vir ons probleme en die katalisator om jou denkproses aan die gang te sit vir ’n ander oplossing.’ MNR. CP VAN DER MERWE, voorsitter van die Fraserburgboerevereniging, oor boervroue en die droogte. Bl. 17 ‘Hy sal risiko’s wat tot groot agterstallige en oninvorderbare skuld lei, moet verklein.’ PROF. JOHAN WILLEMSE, landbou-ekonoom, oor die Land Bank se kredietafgradering. Bl. 14 ‘Boere is selfs al bereid om die departement met die merkwerk te help.’ MNR. WILLEM VAN JAARSVELD, voorsitter van die Limpopo-dieregesondheidsforum, oor hoe die staat en boere saamwerk teen beken-klouseer. Bl. 15 ‘Die 5% markkommissie verdwyn eenvoudig in…

ME. CAROLINE BÜHRMANN boer naby Nauchas in die Naukluft-kompleks in Namibië met Swartkop-Persies en Afrikanerbeeste. Danksy uitstekende weidingsbestuur is daar steeds genoeg kos vir die diere te midde van ’n droogte wat al langer as ses jaar voortduur. Lees die artikel op bl. 48. VERTEL ONS VAN JOU GESIN. Ek het twee dogters. My man, Jan, het ’n seun en ’n dogter, HET JY NÁ SKOOL GESTUDEER? Ek het ’n BSc-graad in botanie en entomologie aan die Universiteit van KwaZulu-Natal verwerf, ’n onderwysdiploma (HED) aan die Rhodes-universiteit en ’n BEd aan die Universiteit van Namibië. HET JY TYD VIR ’N STOKPERDJIE? Ek werk in die tuin, doen naaldwerk, brei en hekel ’n bietjie en lees baie. WAAR HOU JULLE VAKANSIE? Ek het ’n vakansiehuis op Wlotskabaken, noord van Swakopmund, wat…

DIE LAND BANK gaan weens sy afgradering tot rommelstatus moeiliker, en duurder, geld by beleggers geleen kry. Die bank, wat 28% van Suid-Afrika se landbouskuld hou, is deur die graderingsagentskap Moody’s afgegradeer. Dr. John Purchase, uitvoerende hoof van die landbousakekamer Agbiz, sê indien die bank kapitaal kan bekom, “gaan dit waarskynlik duurder wees (dus teen hoër rentekoerse) en gaan die bank moeiliker in die baie mededingende banksektor meeding”. Volgens prof. Johan Willemse, landbou-ekonoom, sal die bank sy leningsboek baie beter moet bestuur. “Hy sal risiko’s wat tot groot agterstallige en oninvorderbare skuld lei, moet verklein.” Die bank se huidige kliënte sal na verwagting geen onmiddellike uitwerking ervaar nie. “Hoër rente sal stadig deurwerk. ’n Bank kan koerse gewoonlik nie dadelik eensydig verhoog nie. Dit is dikwels aan die prima rentekoers…

WEENS ondergemiddelde reënval vir vyf jaar agtereenvolgens het boerderye in die distrik Fraserburg in die Noord-Kaap groot skade gely, maar dié gemeenskap volhard met planne. Mnr. CP van der Merwe, voorsitter van die Fraserburg-boerevereniging, sê toestande het sedert 2017 vererger. Sedert April 2018 het slegs 40 mm reën op sy plaas geval, teenoor die gemiddelde van 175 mm reën per jaar. “In die westelike deel van die distrik is boere se ruvoer reeds sedert 2017 op. In die oostelike en suidelike deel is daar meer ruvoer beskikbaar, en daar het van die boere slegs energie-aanvullings nodig.” Die boerevereniging is doelgerig oor droogteverligting. Hy het onlangs ’n WhatsApp-groep gestig tussen sy bestuurslede en diegene wat droogteverligting bestuur. Mnr. Elmar le Roux, ’n boer van die omgewing wat reeds sedert 2017 droogtehulp…

IN die reeds plofbare atmosfeer waarin die wysiging van die Grondwet oor onteiening sonder vergoeding oorweeg word, het die ANC onlangs nóg vet op die vuur gegooi deur aan te dui dat hy die mag om nul vergoeding te bepaal, aan ’n minister wil gee. Dié besluit verskil van die wysigingswetsontwerp oor die Grondwet se eiendomsklousule, waarvan die kommentaarperiode op 31 Januarie gesluit het, en wat bepaal dat dié magte aan ’n hof oorgelaat word. Sommige kenners bestempel dié voorstel as ’n bewys dat die staat onder leiding van die ANC grond wil nasionaliseer. Ander meen om die besluit net aan die howe oor te laat, bring weer ander probleme. Dr. Pieter Groenewald, leier van die VF Plus, sê dit is onaanvaarbaar en ongrondwetlik dat vergoeding in gevalle van grondhervorming…

D IT ís moontlik om sonder staatsubsidies volhoubaar te boer. Nederlandse navorsers is gretig om saam met Suid-Afrikaners te werk om in hierdie verband herlewingslandboumetodes te ondersoek. Dít was van die gevolgtrekkings op ’n onlangse werksessie in Bloemfontein oor die rol van koolstof in die grond en koolstofneerlegging in bewaringslandbou. Die werkessie het gekonsentreer op die bydrae wat goeie weidingsbestuur kan lewer om landbougrond te laat verander van ’n bron van koolsuurgas tot ’n opbergplek daarvan. Drr. Saskia Keesstra en Henk Wösten, omgewingsnavorsers aan die Universiteit van Wageningen in Nederland, het aan dié sessie deelgeneem. Volgens Keesstra was Nederland in die verlede bekend om sy gemengde boerderystelsels waar dieremis as bemesting in landerye gebruik is. Deesdae het dié gebruik in onbruik verval weens spesialisasie, die optimale benutting van hulpbronne en…

INTERNASIONAAL: Die Chicagoprys het met met 1,1%, of $1,67/t (R24,16/t), tot $153,38/t (R2 219/t) teenoor die vorige week gestyg. Op ’n jaargrondslag is dit 2,5%, of $3,75/t (R54,24/t), hoër. Verwagte pryse: Maart – $152,20/t (R2 202/t), Mei – $154,32/t (R2 232/t), Julie – $156,29/t (R2 261/t), September – $155,58/t (R2 250/t). PLAASLIK: Die Safexprys van witmielies het met 7,8%, of R230/t, tot R3 180/t, teenoor die vorige week gestyg. Die prys van geelmielies het met 3,8%, of R106/t, tot R2 932/t gestyg. Op ’n jaargrondslag is witmielies 5,5%, of R165/t duurder, terwyl geelmielies 7,8%, of R212/t duurder is. Verwagte witmieliepryse: Mrt. – R3 040/t, Mei – R2 658/t, Jul. – R2 446/t, Sept. – R2 488/t. Verwagte geelmieliepryse: Mrt. – R2 934/t, Mei – R2 559/t, Jul. – R2 504/t,…

Die Amerikaanse mieliekoning mnr. David Hula het in 2019 nogmaals die rekordboeke herskryf toe hy sy vorige rekord met bykans 5 ton per hektaar verbeter het om ’n allemintige 38,679 t/ha te oes. Hula, ’n graanboer van die deelstaat Virginia, het die vierde keer die wêreldrekord vir mielie-opbrengs verbeter in die nasionale mieliekwekersvereniging se jaarlikse opbrengskompetisie, boonop op sandleemgrond. Dit is die vyfde keer sedert 2012 dat hy die eerste plek in dié stryd behaal. Hula het aan die landboupublikasie Successful Farming gesê daar is geen kortpad vir sy prestasie nie en dat dit baie aandag aan detail, nadenke en oplossings verg. Hy toets verskeie praktyke in proewe en leer voortdurend. “Dit wat werk, word op ander grond toegepas, en wanneer dit werk, word dit standaardpraktyk.” Hy roteer mielies, kleingrane…

WATTER TEGNOLOGIE IS ONMISBAAR IN JOU BOERDERY? Die internet en WhatsApp om op die hoogte te bly van nuwe ontwikkelinge, produkte en die weer en in kontak met die gemeenskap te wees. WAT IS DIE BESTE RAAD WAT JY AL GEKRY HET? Om altyd ’n doel in die lewe te hê: ’n projek, iets om na uit te sien en ’n mikpunt waarheen jy werk wat bevrediging en plesier sal verskaf. WAT IS DIE GROOTSTE BOERDERYFOUT WAT JY GEMAAK HET? Ek het probeer om die Persie met ander rasse te kruis. Ek moes die skape eerder suiwer gehou het. Verder moes ek vroeër kruiskalwers met die Sussexbulle begin teel het. My pa, Geoffrey Jackson, het al in die 1950’s sy Afrikanerkoeie met Sussexbulle gekruis. WIE WAS JOU MENTOR? My pa.…

HOE VERSKIL JOU BOERDERYBENADERING VAN DIÉ VAN JOU VOORGESLAGTE? Ons moet meer by moderne tegnologie, meganisasie en arbeidsbesparing aanpas. Die mededinging is straf en bemarking speel ’n belangrike rol, teenoor ons voorouers wat geplant het wat nodig was en dit aan die plaaslike mark gelewer het. WAT IS DIE BELANGRIKSTE LES WAT JY GELEER HET? Daar is geen kortpad deur die lewe nie. WAT IS ONONTBEERLIKE TEGNOLOGIE OP DIE PLAAS? ’n Vrugtegradeerder, vurkhysers, goeie en klein trekkers en boordwaentjies, betroubare lang- en kortafstandvervoer, vogmeters in die boord en pneumatiese snoeiskêre.…

AVOKADOBOOM SUKKEL OM TE GROEI Ek het ’n geënte avokadoboom in Durban gekoop. Ek bly egter in Kimberley en besef dit is seker nie die regte plek vir avokado’s nie! Ek het die boom ’n jaar gelede uitgeplant. Die boom groei nie, maar vrek ook nie. Van die blare het egter al afgeval. Bome wat ek in die vorige seisoen vanaf pitte in potte geplant het, is seker al twee keer groter as dié een. Wat kan ek doen? Avokadobome word op onderstamme geënt wat vir die spesifieke grondtoestande geselekteer word. Die bome sal nie goed in Kimberley aard nie, want die grondtemperatuur in die winter is te laag en in die somer weer te hoog. Die onderstam van jou gekoopte boompie is vermoedelik vir suurder grond bedoel en die…

BENODIGDHEDE ■ Foto’s ■ Kleurlose blink hars (soos Pratley) ■ Skêr, potlood, vilt, magnete en gom ■ Handskoene en fyn skuurpapier ■ Lamineermasjien en -sakkies ■ Halssnoerbykomstighede ■ Plastiekglas en -lepel (weggooibaar) ■ Ronde magnete BEPLAN ■ Gebruik ’n potlood en trek jou foto volgens die grootte en vorm van ’n leë hangertjie of silikoonvorm af. ■ Knip die foto 2 mm kleiner uit sodat dit mooi binne-in die vorm pas. BESKERM JOU FOTO’S ■ Lamineer die uitgeknipte foto’s om te keer dat die foto’s verkleur of die ink vloei. ■ Jy kan ook prentjies gebruik wat jy uit tydskrifte knip, maar lamineer dit eers. MENG ■ Meng die hars volgens die aanwysings op die verpakking (gewoonlik is dit gelyke dele van die bestanddele). ■ Meng dit baie deeglik en…

Hier aan die begin van ’n nuwe jaar soek ons rigting om die regte besluite te neem. Ps. 119:105 stel dit duidelik: “U woord is die lamp wat my die weg wys, die lig op my pad.” Ons moet in hierdie dae mans en vroue wees wat die Woord van God volg. Ons het Goddelike raad nodig om die storms te trotseer waardeur ons in Suid-Afrika gaan. Eerstens moet ons méér tyd in gebed deurbring en deur geestelike oë kyk, nie deur vleeslike oë nie. Jesus het vir sy dissipels gesê om te kyk en te bid sodat hulle nie in die versoeking kom nie. Luk. 22:40 sê: “Toe Hy op die plek aankom, sê Hy vir hulle: ‘Bid dat julle nie in versoeking kom nie.’” Dan kan ons die…

DIE Wes-Kaap staan aan die vooraand van ’n nuwe brandtyd. Veral inwoners van die Tuinroete word aangemoedig om op te let na gevaartekens sodat daar nie ’n herhaling van die afgelope paar jaar se verwoestende brande in dié gebied is nie. Mnr. Cobus Meiring van die inisiatief vir grondeienaars in die Suid-Kaap (SCLI), sê die brande in Australië dien as bewys waarom Tuinroete-inwoners bedag moet wees. “Miljoene hektare kosbare landbou- en bewaringsgrond reg oor Australië het afgebrand, derduisende diere het doodgebrand en duisende huise is verwoes.” Brande het in 2017 en 2018 wydverspreide verwoesting in die Tuinroete veroorsaak. Mei-ring sê dit is drie jaar later steeds nie moontlik om die werklike skade van die Knysna-brande te bepaal nie. Hy sê benewens die skade aan grensdrade, besproeiingsnetwerke, kommunikasie-infrastruktuur, boorde en plantasies…

VREKTES onder vee vanweë besmetting met haarwurms neem toe. Talle gevalle is deur veeartse in verskeie provinsies aangemeld. Veral jong en dragtige diere is baie vatbaar vir haarwurms. Dr. Faffa Malan, bestuurder van die Herkouerveterinêre Vereniging van Suid-Afrika (Ruvasa), sê in sy Desemberverslag van siektes en toestande wat deur lede van die liggaam aangemeld is, skape met knoppieswurm is by Steynsburg in die Vrystaat aangemeld. Sy raad aan boere is om na tekens van besmetting op te let. “Ondersoek elke dier wat geslag word of gevrek het vir knoppies in die derms. Vir verdere raad moet hulle ’n veearts raadpleeg.” Daar was ook ernstige gevalle van maagwerking by lammers en kalwers in talle streke. In baie van die gevalle was Cryptosporidium en patogeniese stamme van Escherichia coli die sondaars. Daar…

In altesame 52% van die distrikte in die Vrystaat het grondpryse in die 12 maande tot verlede Desember vanjaar gedaal. Veral Jacobsdal, Wesselsbron, Winburg, Fauresmith, Frankfort, Lindley en Hoopstad loop erg deur, waarskynlik vanweë die droogte en swak ekonomie. By Bloemfontein het grondpryse met 20% gestyg, by Bultfontein met 13,7% en by Philippolis met 17,1%. In dié tyd is 616 ooreenkomste gesluit wat altesame 278 036 ha teen R3,620 miljard behels het. Die gemiddelde prys was R13 021/ha. Verkope ten opsigte van plaasgrootte toon ’n stygende neiging. Veral grond groter as 450 ha het ‘n toename van 14,3% teenoor die vorige jaar getoon. Verkope van plase van tot 300 ha het met tot 15,9% gedaal. Statistieke vir ál die provinsies is op Landbou.com beskikbaar, asook meer besonderhede, soos wie die transaksies…

’n Gesprek met goeie boere, die nuwe John Deere 8R 410-trekker wat vertoon word, en ’n nat, triestige dag. Wat meer wil ’n mens nou van ’n boeredag hê? AFGRI se Bethal-tak het onlangs sy jaarlikse boeredag op mnr. Dewalt te Water se plaas net buite die dorp aangebied en my gevra om ’n paneelbespreking met ’n paar bedrysfleiers en boere te lei. In die skuur op die werf waar die gesprek gevoer word, met geil mielielande op die agtergrond, word daar lekker gepraat oor dinge wat vir boere saakmaak, soos die nuwe neigings wat landboumasjinerie betref, hoe werktuie danksy elektrifisering meer outonoom van trekkers sal kan werk, en hoe kunsmatige intelligensie spuite nou slim genoeg maak om tussen onkruide te onderskei. Boere vertel van planttye wat al hoe korter…

Landbouweekblad en GWK het op 15 Januarie ’n droogtehersteldag op Brandvlei in die Noord-Kaap aangebied. Hier is van die terugvoer: MERNA OLIVIER, Kenhardt: Dit was wonderlik. Ons gaan met nuwe moed terug huis toe. ALETTA FÖLSCHER: Baie dankie aan Landbouweekblad. Die dag was spesiaal, opbouend, leersaam en ’n lekker kuiergeleentheid. ANONIEM: Baie dankie vir jul omgee, insette, ondersteuning, waardetoevoeging, geloof en liefde vir ons boere in die Noord-Kaap. Doen so voort met hierdie dae. Ons het dit so nodig. JO STEENKAMP: Ek sal baie hou van ’n aanbieding oor hoe ons ná die droogte moet vorentoe gaan. Hoe bestuur jy weiveld ten beste, hoe lank ná die reën moet jy aanhou voer, en hoe vinnig kan jy die skape weer op die regte getal kry? HENDRIK COMBRINK: Uitstekend. Dankie vir…

ORGANISEERDERS van talle landbouskoue wat in Februarie en Maart plaasvind, het teen druktyd kopgekrap oor hoe die verbod op die samekoms van diere vanweë die uitbreking van bek-en-klouseer hul bedrywighede gaan raak. Die huidige verbod beteken geen beeste en kleinvee kan op skoue vertoon word nie. Me. Elmari Prinsloo, bestuurder van die Bloemskou, sê dit hou ’n groot impak in vir skou-organiseerders én deelnemers. “’n Skou in geheel is ’n platform waar die stoetveebedryf homself bemark, hetsy dit die rasgenootskap of stoetteler self is. Dié geleentheid word nou van hulle ontneem, tesame met die bemarkingswaarde vir die wenners,” sê sy. Vir die boer hou dit regstreekse gevolge in wat betref die verkope van sy diere se saad of die diere self. “Ek dink nie daar word besef wat die impak…

MITS die jaar geen handelskokke oplewer nie, kan die wolbedryf vanjaar bestendiger wees ná ’n effens opwaartse neiging met die begin van die nuwe jaar se veilings. Die onbekende faktor bly egter die rand-wisselkoers. Só meen mnr. Deon Saayman, bestuurder van Cape Wools, ná die Suid-Afrikaanse wolmark met die eerste twee veilings van die jaar met onderskeidelik 4,3% en 0,5% gestyg het. Die Australiese mark, wat ’n week ná Suid-Afrika se eerste veiling geopen het, het met die eerste veiling egter met 3,3% gestyg. Saayman sê hy het ’n groter styging verwag weens bekommernis oor lewering ná die katastrofiese brande in Australië. Die mark het tydens die derde veiling weer effens teruggesak met 1,1% tot R175,44 per kilogram vir skoonwol, met die rand wat effens verstewig het. Suid-Afrika het egter…

Dis klein insekte van ongeveer 1-3 mm lank. Hul naam is verleen aan die fyn, wit, poeierige was wat hul lywe en dele van hul vlerke oortrek. Witvlieë het oor die jare vanaf tropiese streke na subtropiese en gematigde streke van die wêreld versprei. Uitbrekings kan ’n verwoestende effek hê op oeste in veral warmer klimaatstreke of op plase waarin in tonnels geboer word. Hulle rig skade aan plante aan wanneer hulle sap uit gasheerplante suig. Die heuningdou wat hulle afskei, moedig die groei van ’n soort swam aan wat plante se vermoë om optimaal te fotosinteer, belemmer. Uit die 1 500 spesies waarvan kundiges wêreldwyd weet, is dit net spesies wat tot die genusse Bemisia en Trialeurodes behoort wat virusse aan plante oordra. Dit veroorsaak swart kolle op blare…

Die ekonomie en bemarking van graan het die afgelope vyf jaar drasties verander. Die feit dat plantdatums ál later geskuif het en die wisselvalligheid in aanbod tussen seisoene het baie veranderings teweeggebring. In die verlede kon produsente ’n gedeelte van hul oes voor die seisoen of tydens planttyd bemark. Die afgelope paar seisoene was dit nie moontlik nie en kon produsente weens die produksierisiko nie verskans nie. In lande soos Amerika is dit wyd bekend dat produsente hul oeste reeds ver vooruit verskans – in party gevalle selfs tot twee jaar vooruit. Dit is weens verskeie redes, waaronder konstanter weerpatrone en opbrengste. Vir produsente beteken dit dat dit baie makliker is om ’n akkurater langtermyngemiddelde te bepaal. Tweedens het produsente toegang tot oesversekeringsubsidies, in sekere gevalle tot 60% van die…

COWBOY-LOGIKA“Water en grondwater moet hoog op elke boer se voorranglys wees.” ’N Ruk gelede het ek na ’n insetsel op die televisieprogram Carte Blanche gekyk oor klimaatsverandering en die uitwerking daarvan op die planeet, die vasteland Afrika en meer spesifiek Suider-Afrika en Suid-Afrika. Die program het my laat dink aan wat moet ek doen om myself voor te berei as die uitwerking werklik tasbaar raak. Dit wil lyk asof die seisoene aanskuif, dat die reënpatrone wispelturig verander, maar dit is nog nie heeltemal so duidelik as wat hulle dit in die TV-program beskryf het nie. ’n Paar dae later kom die nuus oor die uitbreking van bek-enklouseer en weer tref dit my oor boere se kwesbaarheid (die Engelse praat van vulnerability). Ewe skielik stop diegene in beheer alle handel in…

LIGGING Somerset-Oos, Oos-Kaap KAAPSE BOERPERDE 1 Siertuig, Indiana Hier’s Ek. Eienaar: Marais-familie (082 552 2309), Marais-stalle, Kookhuis. Vertoner: Me. Ezelle Marais. 2 Enkeltuig, Colchester Bold Princess. Eienaar en vertoner: Me. Colette Botha (083 327 7451), Colchester-stalle, Colchester. 3 Driegang, Indiana Hier’s Ek. Eienaar: Marais-familie, Maraisstalle, Kookhuis. Vertoner: Me. Ezelle Marais. 4 Vyfgang, Pampoen. Eienaar: Mnr. Tommy Ferreira (072 256 8611), Port Elizabeth. Vertoner: Mnr. Steven Ferreira. SAALPERDE 5 Kampioenparkperd, Valley’s Stormy Sky. Eienaar: Me. Tina de Jager (082 771 1511), Mountain View-stalle, Sunlands. Vertoner: Mnr. Willie de Jager. 6 Driegang-kinderryperd, Dream Catcher. Eienaar en vertoner: Me. Zanki Botha (064 900 5726), Kamdeboostalle, Pearston. 7 Driegang, Juhantha Seriously Passionate. Eienaar en vertoner: Mnr. Willie de Jager (082 771 1511), Mountain View-stalle, Sunlands. 8 Vyfgang, Cloud 9. Eienaar en vertoner: Me. Koekie…

LIGGING Paarl, Wes-Kaap Kondensmelk, Weetbix, winkelkoekies en Panado’s. Dít was die dinge in die Bokse vir Boervroue waaroor vroue in die droogtegeteisterde gebiede die blyste was. “Dit is sulke klein goedjies en ’n mens aanvaar dit as vanselfsprekend in jou kas, maar dit was waaroor die boervroue die dankbaarste was,” sê Juanita Loubser, takvoorsitter van Wellington VLV. Haar kombuis in die Paarl in die Boland is vandag stil en rustig, maar skaars ’n maand tevore was dit ’n miernes van mense, bokse, koeriers en bederfprodukte. As jy kom inloer het vir ’n koppie koffie of jou kind vir ’n speelafspraak kom aflaai het, moes jy eers ’n paar bokse pak of toedraai. Want Juanita was op ’n missie om saam met haar mede-VLV-lede soveel bokse moontlik, gevul met enigiets van…

BOEREDAE 15 FEBRUARIE: Kleinveebedryfinligtingsdag, Thabazimbi Wildlife Services, Thabazimbi-skouterrein. 083 581 7780, web: www.thaba zimbiwildlifeservices.co.za 3 MAART: NWKV se Vrystaat- roadshow, Senekal. Hannelie du Plessis 051 447 3023, web: www.nwga.co.za 7 MAART: Rouxville-boeredag. Werner Lombaard, 082 829 9565, web: www.rouxvilleboeredag.co.za 11 MAART: Agri-inligtingsdag, die Kooperasie en die landbouvereniging Glenconnor, Mayogi Boma, Uitenhage, om 7:30-15:00. Die sprekers sluit in Pierre Vercueil, Dawie Roodt, Theo de Jager en Norman Adami. Gratis bywoning sluit middagete in. E-pos: ecgma@telkom sa.net 26 AUGUSTUS: Boeredag, Noord-Vrystaatse SA Vleismerinoklub en die boerevereniging van die Rooi Skool, Kroon Boma, Kroonstad. Neline Pienaar, 082 440 4492, e-pos: bennieneline@eleo.co.za INLIGTINGSDAE, GRAAN SA 6 FEBRUARIE: Streek 28, NWKopleidingslokaal, Lichtenburg, om 10:00. 11 FEBRUARIE: Streek 12, Jonkersdam, Standerton, om 10:00 en die plaas Moedverloren om 15:00. 11 FEBRUARIE: Streek 21, boerevereniging Hoopstad-suid om 19:00.…