Innehållsförteckning för 7/30/2020 från Landbouweekblad

IMASA EIS INGRYPING BY TSHWANE-MARK Die Instituut vir Markagente (Imasa) het die onderstaande brief aan mnr. Mpho Nawa, hoofadministrateur van die Stad Tshwane, gestuur om dringend by dié munisipaliteit se varsproduktemark in te gryp. Ons versoek ook ’n virtuele vergadering met hom so gou as moontlik. Geagte mnr. Nawa, Die Instituut vir Markagente (Imasa) se Tshwane-tak rig hierdie brief aan u as hoofadministrateur van die Stad Tshwane. Imasa is ’n artikel 21-vereniging en ’n organisasie sonder winsoogmerk waarvan lidmaatskap vrywillig is. Lede is markagentskappe en individuele markagente. Imasa verteenwoordig sy lede by verskillende organisasies, soos die raad vir landbouprodukte-agente (Apac), die departement van landbou, grondhervorming en landelike ontwikkeling, asook die georganiseerde landbou. Dit is die woordvoerder van markagente in Suid-Afrika. Die Tshwane-varsproduktemark is tans in die slegste toe-stand nóg. Hierdie…

MEEL van mielies wat onlangs gestroop is, bereik reeds behoeftiges in die Vrystaat. Dit is danksy ’n handevatprojek waarby die landbouwaardeketting en die NG Kerk in die provinsie vanjaar betrokke geraak het. Vrystaat Voedselhulp is ’n projek wat beoog om in die huidige boekjaar 1 000 ton witmieliemeel aan behoeftiges in die Vrystaat te verskaf, sê ds. Barnard Steyn, sameroeper van die projek en direkteur van die Vrystaatse sinodale kantoor vir bedieningsbegeleiding. Hy sê aan die begin van die inperking is die kerk oorval met versoeke om voedseltekorte aan te vul. “Om die heel basiese voedselnood te verlig, het ons besluit om pakkies witmieliemeel aan die behoeftigste mense te voorsien. So ’n insameling op groot skaal is ook vir die kerk ’n nuutjie, en ons het besef ons kan dit…

DIE swak wisselkoers en groter vraag weens paniekaankope het die grootste rol in die aanvanklike styging in pryse van noodsaaklike voedsel tydens die Covid-19-inperkingstyd gespeel, het die Mededingingskommissie bevind. Die kommissie het pryse gemonitor ná mediaberigte en klagtes oor beweerde ongegronde en buitengewone stygings in die pryse van noodsaaklike voedsel- en higiëneprodukte. Luidens die kommissie se eerste voedselprysverslag lyk dit asof daar nou ’n mate van bestendigheid in die wisselkoers en plaaslike varsproduktemarkte is, wat die grondslag vir prysverlagings in stroomopwaartse markte gelê het. Die kommissie is egter bekommerd oor sommige markeienskappe wat die inperking volgens hom in sommige voedselwaardekettings blootgelê het, wat tot groter prysinflasie kon bygedra het. So is daar ’n groot verskil tussen plaashekpryse en kleinhandelpryse, wat “ernstige vrae oor die verspreiding van risiko en wins in…

Daar is wêreldwyd kommer oor die beskikbaarheid en bekostigbaarheid van voedsel weens die ontwrigting van die Covid-19-pandemie, veral by laerinkomstelande wat afhanklik is van aanvullende voedselinvoer. Die Verenigde Nasies se Voedsel-en-landbou-organisasie (VLO) het pas ’n studiestuk bekend gestel met ’n ontleding van internasionale voedselmarkte ten opsigte van die beskikbare voedselvoorraad en die ontwrigting wat Covid-19 op markte en aanbodkettings het. Basiese graansoorte het op die oog af voldoende voorraad, maar heelwat ander bottelnekke. Daar is wel kommer oor die beskikbaarheid van proteïenbronne. Die produksie van en handel in vleis en suiwelprodukte neem wêreldwyd af. Hoewel daar relatief genoeg basiese voedselvoorraad in die wêreld is en dollarpryse die afgelope paar jaar laer geneig het, het die diep ekonomiese resessie wat weens die Covid-19-krisis ontstaan het, kwesbare lande en hul inwoners in…

’n Langtermyn-saadkontrak met Amerikaanse saadkwekers sal Suid-Afrikaanse pekanneuten grondboonboere in die nuwe seisoen bevoordeel om met nuwe kultivars en plantmateriaal hul winsgewendheid te verseker. Die belange van Visser Pecans, Golden Peanut and Tree Nut SA en GPC Pecans SA is onlangs saamgesmelt. Mnr. Alfons Visser, uitvoerende hoof van die nuwe onderneming, SA Groundnut en SA Pecans, sê die samesmelting bied die geleentheid vir plaaslike produsente om ten volle voordeel te trek uit die beduidende belegging van die Amerikaanse verwerkers sewe jaar gelede in die Suid-Afrikaanse mark. Beter kultivars en werktuie kan danksy die samesmelting ingevoer word. Visser is steeds optimisties dat die verwagte groei in die grondboonbedryf oor die volgende paar jaar die 100 000 ton-produksiekerf kan bereik. “Ons is besig met die legkaart om weer na die produksiepatroon van…

Dis net ooie en lammers waar jy kyk as ’n mens by Langkloof-plase in die Langkloofvallei tussen Uniondale en Oudtshoorn aankom. Oral is werkers wat met rekordhouding en ander dagtake aan die voet van die Outeniquaberg besig is. Langkloof-plase het twee jaar gelede ontstaan toe mnre. Saag Jonker en Piet Schoeman besluit het om saam te werk en ’n groot deel van elkeen se boerdery in die Langkloof-vallei in een groot boerdery saam te voeg. (Sien ook “As twee volstruisreuse saamsmelt”, L BW , 23 Julie 2020.) Die Merinoboerdery met 6 000 ooie is ’n klein deel van ’n boerdery wat oor 21 000 ha strek en volstruise, Angoras, Dorpers en Bonsmaratipe vleisbeeste insluit. Schoeman het die afgelope twee dekades tot een van die voorste volstruisboere in Suid-Afrika gegroei. Jonker…

Hy glo nie daarin om goedsmoeds ’n jagpermit te kry om probleemdiere uit te roei of die naaste gifkan nader te trek om wingerdplae te bekamp nie. Mnr. Pieter Fouché, wat sedert 1995 wingerdboukundige op Madeba, die tuiste van Graham Beck Wines, op Robertson is, meen daar is altyd ’n manier om eerder sáám met die natuur te boer. Die plaas was een van die Wêreldnatuurlewefonds (WWF) se eerste bewaringskampioene, danksy sy omgewingsbewaringsprojekte, verantwoordelike produksiepraktyke, geïntegreerde omgewingsbestuurspraktyke en water-, energie- en klimaatsdoeltreffende optrede. Die filosofie is nie net gemik op groot projekte, soos die Rooiberg Breederivier Bewarea, wat hy saam met buurplase op die been gebring het, of die indrukwekkende sonkragstelsel by die kelder nie, maar syfer ook deur na kleiner, alledaagse plaaspraktyke. Met sowat 2 000 ha onder bewaring…

Selfs nog voordat die wêreld van die koronavirus gehoor het, het afslaers en individue begin om digitale tegnologie in te span tydens veilings – van sogenoemde WhatsApp-veilings tot volledige digitale platforms met ’n regstreekse uitsending van die veilingslokaal af. Die eerste groot struikelblok was die beperkinge wat weens die jongste uitbreking van beken-klouseer ingestel is. Planne moes beraam word om gesonde diere by gewillige kopers uit te kry sonder om noodwendig die normale roete deur die vendusiekraal te volg. Gevolglik het bestaande tegnologie skielik ’n groter aanhang begin kry en is verskeie mylpale behaal. Een hiervan is die Suid-Afrikaanse rekordprys wat tydens ’n Simbra-produksieveiling behaal is. Richter Simbras van mnr. Chris Richter op die plaas Leeukop naby Bloemfontein het dié prestasie behaal. Dit is die 15de produksieveiling vir dié teler,…

Later sit ek uit skone verveeldheid teen die grootpad en teikenskiet na alles en nog wat met die .303. Die goeie ou dae was natuurlik dikwels ook nie so goed nie. In ’n artikel sê Kate Jeffery, professor in sielkunde aan University College in Londen, dat ’n mens se geheue nie soos ’n video is wat alles wat gebeur presies opneem en dan weergee nie, maar eerder ’n konstruksie van gebeure. Ons herroep dus nie soseer gebeure nie, maar herbou dit uit fragmente wat ons onthou, en in die proses fabriseer ons dele daarvan. Daarom is die goeie ou dae dikwels meer rooskleurig as wat dit was. Ek belowe julle egter dat niks in dié storie gefabriseer is nie, sommige feite het dalk net met die jare effens dof geraak.…

2,1% Die jaarlikse verbruikersprysinflasie (VPI) het in Mei tot sy laagste vlak sedert 2004 gedaal, teen 2,1%. In September 2004 was die VPI 1,3%. Die koers was in Mei 0,6% laer as in April. Die grootste faktor in die daling was die brandstofprys, wat 12,2% laer was as in April, en 25,9% laer as in Mei 2019. Die pryse van kos en nie-alkoholiese drank was 0,3% hoër in Mei, en 4,4% hoër as die vorige jaar. Vleispryse het oor die jaar tot Mei met 5,5% gestyg, maar het van April tot Mei met 0,1% gedaal. – StatsSA R270 Die gemiddelde persoon in die armste helfte van Suid-Afrikaanse huishoudings het toegang tot net R270 per maand. Werkverliese van Februarie tot April in die armste 20% van huishoudings het 35% van die…

’n Lesersbrief in dié uitgawe (bl. 8) som die landbou se penarie baie goed op. In die brief smeek die senior markagent Julian van der Nat die Tshwane-stadsraad om asseblief net sy werk te doen. Die Tshwane-varsproduktemark, wat aan die munisipaliteit behoort, het dringende instandhouding nodig. Met ’n jaarlikse omset van R3 miljard is dit, naas Johannesburg, die grootste mark in Suid-Afrika. Die laaste poging tot behoorlike instandhouding was vier jaar gelede, en sedertdien het dinge lelik agteruitgegaan. Van der Nat sê die toestande is nou só haglik dat agente skaars hul werk kan doen, en dit plaas die mark se voortbestaan in die weegskaal. Die frustrasie is dat die meeste probleme maklik opgelos kan word. Dit sluit in onvoldoende higiëne op die markvloer, plaagbestryding wat ontbreek, en gebrekkige veiligheid…

VARS PRODUKTE: SA HANDELAARS ONTSTOKE OOR NAMIBIESE INVOERVERBOD Namibië se besluit om sy grense in Julie vir die meeste vars produkte te sluit, kan Namibiese verbruikers duur te staan kom. Volgens die Namibiese landboukundige raad se webwerf geld ’n algehele verbod vir die hele Julie op die invoer van uie, botterskorsies, tamaties, kool, pampoen, patats, skorsies, aartappels en beet. Soetrissies, Engelse komkommers, wortels en waatlemoen mag ingevoer word, maar is onderhewig aan kwotas of tariewe. Die raad sê die doel van die verbod is om plaaslike bemarkingsmeganismes toe te pas en om verbruikers te beskerm “teen produkte wat onder standaard kan wees en teen voedselsekerheidsrisiko’s”. GILLIAM SCHOOMBEE skryf: Die Suid-Afrikaanse mark buit ons Namibiërs al lankal uit. Goed so, ek’s bly vir die Namibiese boere. Jare lank al kom ons…

DIE twee koue fronte het min genade gehad vir die uiters droë Boesmanland. Me. Alida van Niekerk sê by hulle, sowat 40 km suid van Pofadder, het baie skape gevrek. “Dit was verskriklik koud. Minstens 30 skape het van die koue gevrek. My man is teen die grond.” Volgens Van Niekerk het sowat 2 mm reën geval wat deur ’n ysige wind opgevolg is. Sy hoor van goeie neerslae rondom Springbok, Loeriesfontein en in die Hantam-omgewing. Die Van Niekerks het vanjaar van 0 mm tot 35 mm gemeet en voer hul diere steeds daagliks. In die omgewing van Loeriesfontein en Niewoudtville is van 16 mm tot 22 mm reën aangeteken, sê me. Chrismari van der Westhuizen, maar by hulle, noord van Loeriesfontein, het slegs 4 mm geval. “Dit is steeds…

DIE Suid-Afrikaanse hoenderbedryf moet meer teenstortingstariewe kry om hom teen storting uit ander lande te beskerm, sê mnr. Francois Baird van die teenstortingsbeweging FairPlay. Volgens Baird, stigter van die organisasie, is daar tekens dat storting die afgelope 18 maande plaasgevind het. Die bedryf moet hom nou staal teen ’n verwagte vloedgolf invoer namate Covid-19-beperkings internasionaal opgehef word. “Voorsieningskettings is wêreldwyd ontwrig,” het Baird op ’n webinaar van FairPlay gesê. “In Amerika was daar tekorte aan hoendervleis – nie omdat minder hoendervleis geproduseer is nie, maar omdat minder versprei is. Daardie hoendervleis is iewers in koue-opbergingsgeriewe. Wat gaan gebeur as die voorsieningsketting na normaal terugkeer? In die verlede is oorskothoendervleis in Suid-Afrika gestort. Hoe weet ons dit? Want ondernemings is daaraan skuldig bevind.” Baird het verwys na die Ghanese hoenderbedryf wat…

VERLENG die moratorium op die hoogtebeperking van hoë kubusvraghouers vir 10 jaar en doen ’n deeglike studie oor hul veiligheid en die haalbaarheid van alternatiewe ontwerpe en die inwerkingstelling daarvan. Dít is die gevolgtrekking van ’n meestersgraadstudie wat me. Tiffany Adams, ’n Johannesburgse oplossingsontleder, onlangs aan die Universiteit Stellenbosch voltooi het. Die moratorium wat vervoermaatskappye toelaat om hoë kubusvraghouers bo-op op gewone sleepwaens te vervoer, het onlangs wéér verval, ná dit sedert 2011 tel-kens verleng is. Dit laat verskeie Suid-Afrikaanse bedrywe, veral die vrugtebedryf, sonder opsies om hul produkte te vervoer. Die Nasionale Padverkeerswet (Wet 93 van 1996) stel die maksimum wettige hoogtebeperking vir ’n abnormale vrag op voertuie sonder ’n permit op 4,3 m. ’n 2,9 m-hoë vraghouer wat op ’n 1,6 m-hoë platbak-sleepwa staan, is 4,5 m hoog…

MET sowat 70% van die avokado-seisoen agter die rug, lyk dit of Suid-Afrika nog op koers is om vanjaar 16 miljoen kartonhouers (4 kg elk) uit te voer, soos in Mei geskat is. Dit is ten spyte van ’n taai Europese mark sedert avokado’s uit Peru in Junie daar begin aanland het. Mnr. Derek Donkin, uitvoerende hoof van die oorkoepelende organisasie vir subtropiese gewasse, Subtrop, het onlangs in ’n verklaring gesê die Europese mark is tans oorstroom deur avokado’s. Hoewel minder vrugte van Peru nou weer na Europa verskeep word, sal dit nog ’n paar weke duur voordat die druk op die Europese mark verlig. “Daarna sal daar beter ruimte vir Suid-Afrikaanse uitvoerders wees.” Plaaslik maak vertragings in hawens as gevolg van storm-weer en Covid-19 avokadouitvoer moeilik. Donkin het gesê…

DIE regering se onverwagse opheffing van die nasionale rampdroogte op 16 Julie is met skok en striemende kritiek begroet. Mnr. Willem Symington, hoof van Agri SA se rampbestuurseenheid, beskou die stap as “op sigself ’n nasionale ramp”. “Jy kan jou kop net in ongeloof skud oor hierdie ondeurdagte en reaksionêre aankondigings deur die nasionale rampbestuursentrum,” sê Symington. “Die regering het die afgelope paar jaar geen daadwerklike poging aangewend om die langtermyn-impak van die langdurige droogte in droogtegeteisterde gebiede op kommersiële landbou te verlig nie.” Hy sê Agri SA se herhaalde pleidooie dat die regering die kommersiële landbousektor met ’n finansiële hulppakket moet bystaan, het op dowe ore geval. “Die gebrek aan bystand het ’n uiters ongunstige impak op die volhoubaarheid van die Land Bank gehad, asook ander finansiële instellings wat…

Die belangrikheid om verskillende, uiteenlopende bedrywe by ’n boerdery in te sluit en dit boonop met Merino’s te kombineer wat sélf twee inkomstebronne het, is tydens die afgelope tyd se lands- en boerderykrisisse beklemtoon. In die Langkloof-vallei tussen Uniondale en George is daar ’n hand vol boere wat verskeie dinge gemeen het: Hulle boer digby mekaar met geharde Merino’s, koop hul ramme by dieselfde voorste teler, mnr. Eddie Prinsloo van Heuningkrans-Merino’s by Smithfield, wat gehardheid en vrugbaarheid hoog aanslaan, en kombineer hul skaapboerderye met verskillende ander bedrywe om die risiko’s en inkomstebronne te versprei. Dié beleid het sy waarde die afgelope tyd te midde van die droogte, bek-en-klouseer, die Covid-19-pandemie en papperige ekonomie beklemtoon. Merino’s, beeste en vrugte. Mnr. Cavert Barkhuizen van Aorta-boerdery boer die afgelope 15 jaar op die…

A angeplante weidings is ’n belangrike bron van voer vir melk-, vleisbees- en skaapboerderye in Suid-Afrika. Vir optimale opbrengste vereis hierdie weidings gunstige grondtoestande en voldoende voedingstowwe. Grondsuurheid is ’n algemene probleem in die hoëreëngebiede in die sentrale, oostelike en suidelike dele van die land, en te dikwels beperk dit weidingsopbrengste sonder dat die boer eers daarvan bewus is. In vorige artikels in hierdie reeks is gekyk na die chemie van grondsuurheid en die regstelling daarvan, hoofsaaklik vir rygewasse (“Bestuur suur grond só by gewasse”, 4 Junie 2020 en “Só werk optimale gebruik kalk, gips teen suur grond”, 18 Junie 2020). Die fokus van hierdie artikel is die bestuur van grondsuurheid in aangeplante weidings. OORSAKE VAN GRONDSUURHEID Grond in die hoëreëngebiede van Suid-Afrika, en inderdaad reg oor die wêreld, is…

Bobotie Hierdie ou staatmaker maak gereeld sy verskyning op ons etenstafel. Bobotie is ekonomies en vinnig om te maak. Pas die hoeveelheid kerrie aan na gelang van jou gesin se smaak. ■ 2 dik snye bruinbrood, korsies afgesny ■ 125 ml melk ■ 45 ml olie ■ 1 ui, fyngekap ■ 1 groot wortel, fyngerasper ■ 30 ml matige kerriepoeier ■ 1 kg bees- of wildsmaalvleis ■ 10 ml borrie ■ 30 ml appelkooskonfyt ■ 30 ml suurlemoensap ■ Sout en peper na smaak Bolaag ■ 180 ml melk of room ■ 3 eiers, geklits ■ Lourierblare Voorverhit die oond tot 180 °C. Week die brood in die melk. Verhit die olie in ’n kastrol en braai die ui, wortel en die helfte van die kerriepoeier daarin tot die ui…

In ’n vorige gesprek het ons ’n saak pro-beer uitmaak dat waarheid in sy suiwerste vorm ’n uitdrukking van God is. Juis daarom moet ons met groot respek die heiligheid van die waarheid beskerm. Sonder dit sal die goeie bedoeling van die regstaat inplof. Soos beloof, gesels ons vandag verder oor die moeilike vraag: Hoe bestuur ons die waarheid? Die waarheid is nie, soos mense dink, in beton gegiet en kan nie meganies toegepas word deur die druk van ’n knoppie nie. Die waarheid moet altyd funksioneer binne die omstandighede waarin dit plaasvind, en laasgenoemde – die omstandighede – kan verander net soos wat mense en hul motiewe en bedoelinge kan verander. Inderdaad is dit so dat die absolute waarheid in die almag van God veranker is, maar dit moet…

Die beperkings van die Covid-19-pandemie het die registrasie van transaksies in die Vrystaat minder as in ander provinsies geraak. In April en Mei is slegs 20 transaksies geregistreer, en verder het sake normaal verloop. In die 12 maande tot Junie is 557 ooreenkomste gesluit wat altesame 243 144 ha teen R2,937 miljard behels het. In altesame 39% van die distrikte in die Vrystaat het grondpryse in die 12 maande tot Junie vanjaar gedaal. In die 12 maande tot verlede Oktober het 59% van die distrikte se pryse gedaal. Tog blyk die droogte en die invloed van die ekonomiese klimaat duidelik in die pryse. Viljoenskroon se pryse het met 16,1% gestyg, terwyl pryse by Senekal met 12,5% gedaal het. Verkope ten opsigte van plase van 450-600 ha toon ’n stygende neiging…

TOEGANG tot bekostigbare krediet is belangrik vir boere se voorspoed en die veiligheid van die land se kosvoorsiening. Daarsonder sal boere en landboubesighede gedwing word om hul bedrywighede te verklein en daarmee saam werkskepping en kosproduksie te verminder, waarsku dr. Sifiso Ntombela, hoofekonoom van die Nasionale Landboubemarkingsraad. Oor die afgelope ses jaar het plaasskuld met nagenoeg R68 miljard gestyg tot R168,5 miljard in 2018. Dit verteenwoordig ’n reuserisiko vir stabiele kosproduksie en vereis ingryping om boere te help. Die gesamentlike aandeel van die Land Bank en koöperasies in die landboukredietmark het gedaal van 45% in 1990 tot 32% in 2010, en daal steeds. Die Land Bank se nuutste likiditeitskrisis dwing al hoe meer boere om by kommersiële banke aan te klop vir krediet. Kommersiële banke se aandeel in landboukredietverskaffing het…

ARTIKELS & RUBRIEKE ■ Veilings: ‘Die hoekkafee gaan herleef’ ■ Derek Mathews: Waar lê die angel in die liggingsdifferensiaal eintlik? ■ Noord-Kaap: Gerugte van reën . . . ■ Volstruislegende Saag Jonker dink nie aan uittree ■ Bestuur grondsuurheid in weidings ■ Tegnologie takel landbouprobleme ■ Pynappelopbrengs verdriedubbel GESIN ■ Boerekos: Gee geur met suurlemoen ■ Ou Rumely dreun weer in die Vrystaat GRAAN In ’n reguit rubriek oor die liggingsdifferensiaal skryf die voorsitter van Graan SA oor die stand van graanboerdery, wat ’n winsgewendheidskrisis ervaar. Die stelselmatige verswakking in winsgewendheid is tot nou toe deur boere gefinansier, maar boerderyreserwes is nou uitgeput. Dié situasie was nooit volhoubaar nie.…

Mnr. Pieter Hugo (71, foto), wynboer van die plaas Hugoskraal in die Slanghoekvallei en stigterslid van Vinpro, is op 11 Julie op Stellenbosch aan longfibrose oorlede. Hugo het groot spore in die wynbedryf getrap, maar sy hart het ook warm geklop vir die Karoo en hy het graag tyd op sy plaas Koedoeskop naby Leeu-Gamka deurgebring. “Van kleintyd af het ons geweet al is hy streng, kan ons met enigiets na hom toe gaan, ongeag wat ons vyf broers aangevang het. Dit is wat ons die meeste van hom gaan mis – die wete dat hy daar is en dat ons na hom toe kan gaan,” sê sy oudste seun, Pietman. Vier van Pieter se vyf seuns het saam met hom geboer. “Ons was nie die tipiese geval waar ’n…

DIE internasionale biologiese produktebedryf kan oor die volgende vyf jaar elke jaar met gemiddeld 16% groei. Die Suid-Afrikaanse mark vir dié produkte kan teen ’n soortgelyke tempo groei, maar die gebruik van biologiese produkte in ander Afrikalande suid van die Sahara kan oor die komende vyf jaar eksponensieel groei. Mnr. Mark Trimmer, voorsitter van DunhammTrimmer, ’n konsultantemaatskappy vir biologiese produkte, sê die bedryf kan teen 2022 ongeveer $11 miljard (R180 miljard) werd wees. Die biologiese stimulantbedryf was teen einde 2018 $2 miljard (R33 miljard) werd en die biologiese beheerbedryf sowat $4 miljard (R67 miljard). Trimmer was ’n spreker op die onlangse BioSolutions-aanlynkonferensie. “Tans is daar slegs ’n geringe gebruik van biologiese stimulante en biologiese beheerprodukte in Afrikalande suid van die Sahara, uitgesluit Suid-Afrika. Ons glo dat die verbruik van biologiese…

DIE resultate van die staat se landbousensus van 2017 wys dat die proses van konsolidasie wat in 1997 in die landbou begin het toe die sektor gedereguleer is, steeds aan die gang is. Me. Thoko Didiza, minister van landbou, landelike ontwikkeling en grondhervorming, het dié erkenning aan die parlement se portefeuljekomitee vir landbou, landelike ontwikkeling en grondhervorming gemaak. “Ons het vandag 40 122 kommersiële plase en sowat 6,5% van die plase word as grootskaalse boerderye geag. “Hulle is verantwoordelik vir meer as die helfte van die werkskepping in die landbou en twee derdes van die landbouinkomste.” Sy het gesê die konsentrasievlakke in die kommersiële boerdery brei uit, wat dit moeilik maak vir kleinskaalse produsente om betekenisvol in die landbouwaardeketting deel te neem. Die finale verslag rakende die boereregister sal volgens…

1 MOSAMBIEK| Doeane gryp tonne hoendervleis Die Mosambiekse doeane het op 10 Julie beslag gelê op 14 ton bevrore hoendervleis en hoenderprodukte en 5 000 kartonhouers met eiers (1 dosyn elk) by Ressano Garcia op die grens met Suid-Afrika. In die eerste weke van Julie het die Mosambiekse doeane 27,5 ton onwettige hoendervleis en hoenderprodukte by dié grenspos gekonfiskeer. Doeanebeamptes het sewe invoerders betrap wat hoendervleis die land probeer inbring het sonder die nodige dokumente, soos bewys van wettige verkryging, sertifikate van oorsprong en gesondheidsertifikate. Selfs sonder dié dokumente sou die invoer onwettig wees, want die Mosambiekse owerhede het die landsgrense vir hoendervleis gesluit ten einde plaaslike produsente te beskerm. – All Africa/Radio Mozambique 2 NIGERIË | Mielie-invoer en dollar-uitvoer opgeskort Die Nigeriese sentrale bank het op 13…

DIE inperking weens Covid-19 keer nie die bewaringslandbougemeenskap om vanjaar weer ’n konferensie te hou nie. Bewaringslandbou Wes-Kaap (BLWK) se jaarlikse Jack Humanbewaringslandbouweek vind van 4 Augustus op jou rekenaar plaas. Lesings sal vooraf opgeneem word. As jy ’n kaartjie op Quicket koop, het jy vir sewe dae toegang tot die lesings. Die lesings word in ses sessies verdeel en handel oor koolstof en stikstof, ’n praktiese bespreking oor stikstofbestuur, lesings oor kanolasiektes, grondbiologie, die finansiële implikasies van bewaringsboerdery, en dekgewasse in boorde en as weiding. Vanjaar se sprekers en hul onderwerpe is: ■ Mnr. Neil Ballard, Global Pasture Consultants, Wes-Australië: Hoekom (stikstof) koop as jy dit kan kweek? ■ Dr. Elmarie Kotze, Universiteit van die Vrystaat: Koolstof en die boer. ■ Mnre. Cobus Bester, CD du Toit, Roelie Steyn…

PLEKS daarvan dat boere en plaaswerkers as ’n strategiese bate vir die land ondersteun word, voel hulle dat daar niemand is wat na hul veiligheid omsien nie omdat die polisie se landelike veiligheidstrategie jaar na jaar misluk. Só skryf me. Dianne Kohler Barnard, die DA se skaduminister vir staatsveiligheid, in ’n ope brief aan pres. Cyril Ramaphosa. Sy sê in 2017 en 2018 was daar gesamentlik 136 moorde op plase. Dít terwyl die president in September 2018 in ’n onderhoud met die nuusdiens Bloomberg gesê het dat daar “nie moord op boere . . . wit boere in Suid-Afrika is nie”. In 2019 was daar 56 moorde en 419 aanvalle. Sy wys daarop dat hy homself in die onderhoud weerspreek het aangesien hy die vorige jaar in November in die…

Beesvleis verhandel tans teen gunstige pryse hoewel daar aanvanklik gedink is dat die inperkingsmaatreëls ’n ongunstige uitwerking daarop sou hê. Vanweë die kleiner aanbod omdat die meeste boere tans oes en nie tyd het om vee te bemark nie, asook ’n laer gemiddelde gewig per kop neig beesvleispryse tans opwaarts. Die pryse behoort tot Augustus te styg as seisoenale neigings in ag geen word. Beesvleispryse het aanvanklik aan die begin van die inperking gedaal, wat ook toegeskryf is aan die onsekerheid binne die bedryf. Vol-gens voorspellings deur Absa in Mei was die verwagting dat pryse konstant sou bly of selfs sou daal vanweë ’n swakker vraag. Volgens dr. Frikkie Maré, landbou-ekonoom aan die Universiteit van die Vrystaat, is beesvleispryse steeds bo verwagting goed ondanks die inperking en sukkelende ekonomie wat…

Baie boere het oor die jare groot veekuddes opgebou, dikwels in hul eie naam en wat op hul state vertoon word. Lewende hawe verdwyn egter soms wonderbaarlik wanneer ’n boedel ter sprake kom. Die Suid-Afrikaanse Inkomstediens het onlangs ’n outomatiese belastingaanslag bekend gestel wat letterlik beteken hy kry toegang tot jou bank en die meeste ander finansiële instellings waarmee jy sake doen. ’n Aanslag word op grond van hierdie inligting uitgereik. Indien jy dit nie bevraagteken nie, word dit as die finale aanslag beskou. Die relevansie hiervan tot boere en lewende hawe is dat ons nooit moet dink lewende hawe word nié opgetel nie. Voor 1 Maart 2016 is lewende hawe teen markwaarde ingebring as deel van ’n bona fide-boer se boedel. Kapitaalwinsbelasting is teen ’n effektiewe koers van 18%…

Danksy tegnologie is dit deesdae makliker om fyner bestuur in jou boerdery toe te pas en die situasie beter te ontleed. Met die beskikbaarheid van meer data maak tegnologie dit ook makliker om die ou hout in jou besigheid te identifiseer en uit te sny. ’n Versnelde aanvaarding van nuwe aanlyn platforms bring oplossings vir boere wat byvoorbeeld meer waarde uit duur werktuie wil put, of veilings wil hou. In hierdie afdeling kyk Landbouweekblad na maatskappye wat oplossinggedrewe tegnologie aan die landbou bied en gesels met boere en kundiges oor hoe hulle dié tegnologie inspan. MIKROBESTUUR Mnr. Zander Ernst van die familieplaas Allesbeste by Tzaneen in Limpopo sê hulle moes vanjaar skielik anders oor hul boerdery en manier van doen begin dink. Hy is deel van Allesbeste se bestuurspan wat…

Hoe het jul onderneming ontstaan? Rissies is my vrou, Hannelie, se stokperdjie. Sy versamel rissiesade en -plante van oral oor en ruil dit met ander rissieliefhebbers uit. Ons het tans saad van 93 verskillende kultivars, en plante van meer as 40 soorte. Daarby het ons blatjang, konfyt, souse en piekels begin maak wat ons op markte verkoop. Ons het ook gereelde klante wat regstreeks by ons koop. Waarom is julle so begeesterd oor rissies? As mense na rissies kyk, sien hulle net “brand”! Maar dis nie al wat rissies is nie. Dit bevat baie vitamien C en skei endorfiene af, soortgelyk aan dit wat lag en oefen aan die liggaam doen. Rissies is eintlik baie gesond en bied ’n klomp voordele. Vertel meer oor die kultivars. Ons het die warmste…

Die Minneapolis-Moline UDLX, oftewel die Comfortractor, is ’n opspraakwekkende Moline en gesogte versamelaarsitem. Duisende boere het glo in 1938 dié “wondertrekker” se bekendstelling bygewoon. Met modderskerms, ’n digte kajuit, snelheidsmeter, sigaretaansteker, radio en dies meer kon dit ewe goed as motor diens gedoen het, het Minneapolis-Moline se bemarkers en ontwerpers gereken. Groot teleurstelling het egter gewag, want die Comfortractor kon glad nie die Amerikaners se harte verower nie. Die vervaardiger het nie marknavorsing gedoen nie. Die trekker kon met sy gesinchroniseerde ratkas met vyf ratte vorentoe 64 km/h haal, maar die trekker had geen vering nie. Teen ’n hoë spoed het die bestuurder en twee passasiers behoorlik in die beknopte kajuit rondgeskommel. Die toegeboude kajuit was alles goed en wel, maar as die boer in die winter met sy “motor”…

Ek koop onlangs ’n ou boek vir R35 wat oor medisinale plante handel en lees iets wat ek wraggies nie geweet het nie: Daardie groen baard wat so welig op ’n mieliekop sit, is ’n gesiene bestanddeel in plantmedisyne. Die skrywer, ene Maria Treben van Oostenryk, sê nie veel oor die mieliebaard nie, behalwe dat dit ’n “natuurlike, doeltreffende en vinnige manier is om van oortollige vet ontslae te raak”. Nou wil ek meer weet en kry op die internet sommer ’n hele paar nuwe gedagtes oor mieliebaard: Die Indiaanse stamme van Amerika en die Chinese gebruik mieliebaard al honderde jare as medisyne teen malaria, urienwegontsteking en prostaat- en hartprobleme. Een navorser noem dat mieliebaard flavonoïede antioksidante bevat en ’n uiters goeie anti-inflammatoriese werking het. Terug by Maria Treben en…

GAUTENG CARLETONVILLE CYFERFONTEIN (35), 373 ha, aan Bull Range Trading BK, van Kleopa-familietrust, R4 700000. NIGEL BOSCHKOP (426), 17 ha, aan A.Kapp,vanP.D.Ferreira, R600 000. WATERVAL(150),102ha, aan Cosmopolitan Projects Johannesburg (Edms.) Bpk., van Dankospace (Edms.) Bpk., R23 450 000. PRETORIA WITFONTEIN (521), 123 ha, aan M.J. Mostert, van H.B. Joubert en J. Joubert, R1 600 000. KWAZULU-NATAL Geen transaksies is tydens vlak, 5, 4 of 3 van die grendeltyd by aktekantore in KwaZulu-Natal geregistreer nie. LIMPOPO ALLDAYS ROZENTHAL (186), 1 366 ha, aan Brewside Game Farm (Edms.) Bpk., van A.M. Leask en A.C. Leask, R5 000 000. DENDRON SANDFORD DOWNS (1019), 13 ha, aan Erf 1721 Ceres (Edms.) Bpk., van Aldo Draghifamilietrust, R9 001 468. GROBLERSDAL BLAAUWBOSCHKUIL (20), 21 ha, aan Hanepoot Holdings (Edms.) Bpk., van J.S. Grib en J.J. Grib,…

Drakensberger SA het die nuwe era van veeverhandeling betree en rasegte Drakensberger-speenkalwers, -stoetvee en kommersiële diere op twee geleenthede aanlyn verhandel. ’n Uitstekende prys van R32,50/kg is vir ’n lot van 80 bulletjies behaal. Dié groep van mnr. Schalla van Schalkwyk van Derby in Noordwes het gemiddeld 245 kg geweeg. Dié speenkalwers is aan mnr. Burger Marais van die Kameeldrif-voerkraal verkoop. Ander telers wat speenkalwers aangebied het, was mnre. Petrus Taljaard van Ermelo, Rodney Neuman van Vrede, Johan Hattingh van Villiers en Henk Delport van Bothaville. Marais was die koper met die hoogste omset op die dag. Ander voerkrale wat deelgeneem het, was Beefcor, EAC, Karan Beef, Morgan Beef, Sparta, Mussel & Dow en Waltkon. Mnr. Willie Landman, voorsitter van die Drakensberger-beestelersgenootskap, het sy tevredenheid met die speenkalfveiling uitgespreek. “Dit…